| [1] यइंद्रेति त्रयस्त्रिंशदृचस्य सूक्तस्य काण्वः पर्वत इंद्र उष्णिक् |{अष्टक:6, अध्याय:1}{मंडल:8, सूक्त:12}{अनुवाक:2, सूक्त:7} |
| यइ᳚न्द्रसोम॒पात॑मो॒मदः॑शविष्ठ॒चेत॑ति | येना॒हंसि॒न्य१॑(अ॒)त्रिणं॒तमी᳚महे || 1 || वर्ग:1 यः¦इ॒न्द्र॒¦सो॒म॒ऽपात॑मः¦मदः॑¦श॒वि॒ष्ठ॒¦चेत॑ति | येन॑¦हंसि॑¦नि¦अ॒त्रिण᳚म्¦तम्¦ई॒म॒हे॒ || |
| येना॒दश॑ग्व॒मध्रि॑गुंवे॒पय᳚न्तं॒स्व᳚र्णरम् | येना᳚समु॒द्रमावि॑था॒तमी᳚महे || 2 || येन॑¦दश॑ऽग्वम्¦अध्रि॑ऽगुम्¦वे॒पय᳚न्तम्¦स्वः॑ऽनरम् | येन॑¦स॒मु॒द्रम्¦आवि॑थ¦तम्¦ई॒म॒हे॒ || |
| येन॒सिन्धुं᳚म॒हीर॒पोरथाँ᳚,इवप्रचो॒दयः॑ | पन्था᳚मृ॒तस्य॒यात॑वे॒तमी᳚महे || 3 || येन॑¦सिन्धु᳚म्¦म॒हीः¦अ॒पः¦रथा᳚न्ऽइव¦प्र॒ऽचो॒दयः॑ | पन्था᳚म्¦ऋ॒तस्य॑¦यात॑वे¦तम्¦ई॒म॒हे॒ || |
| इ॒मंस्तोम॑म॒भिष्ट॑येघृ॒तंनपू॒तम॑द्रिवः | येना॒नुस॒द्यओज॑साव॒वक्षि॑थ || 4 || इ॒मम्¦स्तोम᳚म्¦अ॒भिष्ट॑ये¦घृ॒तम्¦न¦पू॒तम्¦अ॒द्रि॒ऽवः॒ | येन॑¦नु¦स॒द्यः¦ओज॑सा¦व॒वक्षि॑थ || |
| इ॒मंजु॑षस्वगिर्वणःसमु॒द्रइ॑वपिन्वते | इन्द्र॒विश्वा᳚भिरू॒तिभि᳚र्व॒वक्षि॑थ || 5 || इ॒मम्¦जु॒ष॒स्व॒¦गि॒र्व॒णः॒¦स॒मु॒द्रःऽइ᳚व¦पि॒न्व॒ते॒ | इन्द्र॑¦विश्वा᳚भिः¦ऊ॒तिऽभिः॑¦व॒वक्षि॑थ || |
| योनो᳚दे॒वःप॑रा॒वतः॑सखित्व॒नाय॑माम॒हे | दि॒वोनवृ॒ष्टिंप्र॒थय᳚न्व॒वक्षि॑थ || 6 || वर्ग:2 यः¦नः॒¦दे॒वः¦प॒रा॒ऽवतः॑¦स॒खि॒ऽत्व॒नाय॑¦म॒म॒हे | दि॒वः¦न¦वृ॒ष्टिम्¦प्र॒थय॑न्¦व॒वक्षि॑थ || |
| व॒व॒क्षुर॑स्यके॒तवो᳚,उ॒तवज्रो॒गभ॑स्त्योः | यत्सूर्यो॒नरोद॑सी॒,अव॑र्धयत् || 7 || व॒व॒क्षुः¦अ॒स्य॒¦के॒तवः॑¦उ॒त¦वज्रः॑¦गभ॑स्त्योः | यत्¦सूर्यः॑¦न¦रोद॑सी॒ इति॑¦अव॑र्धयत् || |
| यदि॑प्रवृद्धसत्पतेस॒हस्रं᳚महि॒षाँ,अघः॑ | आदित्त॑इन्द्रि॒यंमहि॒प्रवा᳚वृधे || 8 || यदि॑¦प्र॒ऽवृ॒द्ध॒¦स॒त्ऽप॒ते॒¦स॒हस्र᳚म्¦म॒हि॒षान्¦अघः॑ | आत्¦इत्¦ते॒¦इ॒न्द्रि॒यम्¦महि॑¦प्र¦व॒वृ॒धे॒ || |
| इन्द्रः॒सूर्य॑स्यर॒श्मिभि॒र्न्य॑र्शसा॒नमो᳚षति | अ॒ग्निर्वने᳚वसास॒हिःप्रवा᳚वृधे || 9 || इन्द्रः॑¦सूर्य॑स्य¦र॒श्मिऽभिः॑¦नि¦अ॒र्श॒सा॒नम्¦ओ॒ष॒ति॒ | अ॒ग्निः¦वना᳚ऽइव¦स॒स॒हिः¦प्र¦व॒वृ॒धे॒ || |
| इ॒यंत॑ऋ॒त्विया᳚वतीधी॒तिरे᳚ति॒नवी᳚यसी | स॒प॒र्यन्ती᳚पुरुप्रि॒यामिमी᳚त॒इत् || 10 || इ॒यम्¦ते॒¦ऋ॒त्विय॑ऽवती¦धी॒तिः¦ए॒ति॒¦नवी᳚यसी | स॒प॒र्यन्ती᳚¦पु॒रु॒ऽप्रि॒या¦मिमी᳚ते¦इत् || |
| गर्भो᳚य॒ज्ञस्य॑देव॒युःक्रतुं᳚पुनीतआनु॒षक् | स्तोमै॒रिन्द्र॑स्यवावृधे॒मिमी᳚त॒इत् || 11 || वर्ग:3 गर्भः॑¦य॒ज्ञस्य॑¦दे॒व॒ऽयुः¦क्रतु᳚म्¦पु॒नी॒ते॒¦आ॒नु॒षक् | स्तोमैः᳚¦इन्द्र॑स्य¦व॒वृ॒धे॒¦मिमी᳚ते¦इत् || |
| स॒निर्मि॒त्रस्य॑पप्रथ॒इन्द्रः॒सोम॑स्यपी॒तये᳚ | प्राची॒वाशी᳚वसुन्व॒तेमिमी᳚त॒इत् || 12 || स॒निः¦मि॒त्रस्य॑¦प॒प्र॒थे॒¦इन्द्रः॑¦सोम॑स्य¦पी॒तये᳚ | प्राची᳚¦वाशी᳚ऽइव¦सु॒न्व॒ते¦मिमी᳚ते¦इत् || |
| यंविप्रा᳚,उ॒क्थवा᳚हसोऽभिप्रम॒न्दुरा॒यवः॑ | घृ॒तंनपि॑प्यआ॒सन्यृ॒तस्य॒यत् || 13 || यम्¦विप्राः᳚¦उ॒क्थऽवा᳚हसः¦अ॒भि॒ऽप्र॒म॒न्दुः¦आ॒यवः॑ | घृ॒तम्¦न¦पि॒प्ये॒¦आ॒सनि॑¦ऋ॒तस्य॑¦यत् || |
| उ॒तस्व॒राजे॒,अदि॑तिः॒स्तोम॒मिन्द्रा᳚यजीजनत् | पु॒रु॒प्र॒श॒स्तमू॒तय॑ऋ॒तस्य॒यत् || 14 || उ॒त¦स्व॒ऽराजे᳚¦अदि॑तिः¦स्तोम᳚म्¦इन्द्रा᳚य¦जी॒ज॒न॒त् | पु॒रु॒ऽप्र॒श॒स्तम्¦ऊ॒तये᳚¦ऋ॒तस्य॑¦यत् || |
| अ॒भिवह्न॑यऊ॒तयेऽनू᳚षत॒प्रश॑स्तये | नदे᳚व॒विव्र॑ता॒हरी᳚ऋ॒तस्य॒यत् || 15 || अ॒भि¦वह्न॑यः¦ऊ॒तये᳚¦अनू᳚षत¦प्रऽश॑स्तये | न¦दे॒व॒¦विऽव्र॑ता¦हरी॒ इति॑¦ऋ॒तस्य॑¦यत् || |
| यत्सोम॑मिन्द्र॒विष्ण॑वि॒यद्वा᳚घत्रि॒तआ॒प्त्ये | यद्वा᳚म॒रुत्सु॒मन्द॑से॒समिन्दु॑भिः || 16 || वर्ग:4 यत्¦सोम᳚म्¦इ॒न्द्र॒¦विष्ण॑वि¦यत्¦वा॒¦घ॒¦त्रि॒ते¦आ॒प्त्ये | यत्¦वा॒¦म॒रुत्ऽसु॑¦मन्द॑से¦सम्¦इन्दु॑ऽभिः || |
| यद्वा᳚शक्रपरा॒वति॑समु॒द्रे,अधि॒मन्द॑से | अ॒स्माक॒मित्सु॒तेर॑णा॒समिन्दु॑भिः || 17 || यत्¦वा॒¦श॒क्र॒¦प॒रा॒ऽवति॑¦स॒मु॒द्रे¦अधि॑¦मन्द॑से | अ॒स्माक᳚म्¦इत्¦सु॒ते¦र॒ण॒¦सम्¦इन्दु॑ऽभिः || |
| यद्वासि॑सुन्व॒तोवृ॒धोयज॑मानस्यसत्पते | उ॒क्थेवा॒यस्य॒रण्य॑सि॒समिन्दु॑भिः || 18 || यत्¦वा॒¦असि॑¦सु॒न्व॒तः¦वृ॒धः¦यज॑मानस्य¦स॒त्ऽप॒ते॒ | उ॒क्थे¦वा॒¦यस्य॑¦रण्य॑सि¦सम्¦इन्दु॑ऽभिः || |
| दे॒वंदे᳚वं॒वोऽव॑स॒इन्द्र॑मिन्द्रंगृणी॒षणि॑ | अधा᳚य॒ज्ञाय॑तु॒र्वणे॒व्या᳚नशुः || 19 || दे॒वम्ऽदे᳚वम्¦वः॒¦अव॑से¦इन्द्र᳚म्ऽइन्द्रम्¦गृ॒णी॒षणि॑ | अध॑¦य॒ज्ञाय॑¦तु॒र्वणे᳚¦वि¦आ॒न॒शुः॒ || |
| य॒ज्ञेभि᳚र्य॒ज्ञवा᳚हसं॒सोमे᳚भिःसोम॒पात॑मम् | होत्रा᳚भि॒रिन्द्रं᳚वावृधु॒र्व्या᳚नशुः || 20 || य॒ज्ञेभिः॑¦य॒ज्ञऽवा᳚हसम्¦सोमे᳚भिः¦सो॒म॒ऽपात॑मम् | होत्रा᳚भिः¦इन्द्र᳚म्¦व॒वृ॒धुः॒¦वि¦आ॒न॒शुः॒ || |
| म॒हीर॑स्य॒प्रणी᳚तयःपू॒र्वीरु॒तप्रश॑स्तयः | विश्वा॒वसू᳚निदा॒शुषे॒व्या᳚नशुः || 21 || वर्ग:5 म॒हीः¦अ॒स्य॒¦प्रऽनी᳚तयः¦पू॒र्वीः¦उ॒त¦प्रऽश॑स्तयः | विश्वा᳚¦वसू᳚नि¦दा॒शुषे᳚¦वि¦आ॒न॒शुः॒ || |
| इन्द्रं᳚वृ॒त्राय॒हन्त॑वेदे॒वासो᳚दधिरेपु॒रः | इन्द्रं॒वाणी᳚रनूषता॒समोज॑से || 22 || इन्द्र᳚म्¦वृ॒त्राय॑¦हन्त॑वे¦दे॒वासः॑¦द॒धि॒रे॒¦पु॒रः | इन्द्र᳚म्¦वाणीः᳚¦अ॒नू॒ष॒त॒¦सम्¦ओज॑से || |
| म॒हान्तं᳚महि॒नाव॒यंस्तोमे᳚भिर्हवन॒श्रुत᳚म् | अ॒र्कैर॒भिप्रणो᳚नुमः॒समोज॑से || 23 || म॒हान्त᳚म्¦म॒हि॒ना¦व॒यम्¦स्तोमे᳚भिः¦ह॒व॒न॒ऽश्रुत᳚म् | अ॒र्कैः¦अ॒भि¦प्र¦नो॒नु॒मः॒¦सम्¦ओज॑से || |
| नयंवि॑वि॒क्तोरोद॑सी॒नान्तरि॑क्षाणिव॒ज्रिण᳚म् | अमा॒दिद॑स्यतित्विषे॒समोज॑सः || 24 || न¦यम्¦वि॒वि॒क्तः¦रोद॑सी॒ इति॑¦न¦अ॒न्तरि॑क्षाणि¦व॒ज्रिण᳚म् | अमा᳚त्¦इत्¦अ॒स्य॒¦ति॒त्वि॒षे॒¦सम्¦ओज॑सः || |
| यदि᳚न्द्रपृत॒नाज्ये᳚दे॒वास्त्वा᳚दधि॒रेपु॒रः | आदित्ते᳚हर्य॒ताहरी᳚ववक्षतुः || 25 || यत्¦इ॒न्द्र॒¦पृ॒त॒नाज्ये᳚¦दे॒वाः¦त्वा॒¦द॒धि॒रे¦पु॒रः | आत्¦इत्¦ते॒¦ह॒र्य॒ता¦हरी॒ इति॑¦व॒व॒क्ष॒तुः॒ || |
| य॒दावृ॒त्रंन॑दी॒वृतं॒शव॑सावज्रि॒न्नव॑धीः | आदित्ते᳚हर्य॒ताहरी᳚ववक्षतुः || 26 || वर्ग:6 य॒दा¦वृ॒त्रम्¦न॒दी॒ऽवृत᳚म्¦शव॑सा¦व॒ज्रि॒न्¦अव॑धीः | आत्¦इत्¦ते॒¦ह॒र्य॒ता¦हरी॒ इति॑¦व॒व॒क्ष॒तुः॒ || |
| य॒दाते॒विष्णु॒रोज॑सा॒त्रीणि॑प॒दावि॑चक्र॒मे | आदित्ते᳚हर्य॒ताहरी᳚ववक्षतुः || 27 || य॒दा¦ते॒¦विष्णुः॑¦ओज॑सा¦त्रीणि॑¦प॒दा¦वि॒ऽच॒क्र॒मे | आत्¦इत्¦ते॒¦ह॒र्य॒ता¦हरी॒ इति॑¦व॒व॒क्ष॒तुः॒ || |
| य॒दाते᳚हर्य॒ताहरी᳚वावृ॒धाते᳚दि॒वेदि॑वे | आदित्ते॒विश्वा॒भुव॑नानियेमिरे || 28 || य॒दा¦ते॒¦ह॒र्य॒ता¦हरी॒ इति॑¦व॒वृ॒धाते॒ इति॑¦दि॒वेऽदि॑वे | आत्¦इत्¦ते॒¦विश्वा᳚¦भुव॑नानि¦ये॒मि॒रे॒ || |
| य॒दाते॒मारु॑ती॒र्विश॒स्तुभ्य॑मिन्द्रनियेमि॒रे | आदित्ते॒विश्वा॒भुव॑नानियेमिरे || 29 || य॒दा¦ते॒¦मारु॑तीः¦विशः॑¦तुभ्य᳚म्¦इ॒न्द्र॒¦नि॒ऽये॒मि॒रे | आत्¦इत्¦ते॒¦विश्वा᳚¦भुव॑नानि¦ये॒मि॒रे॒ || |
| य॒दासूर्य॑म॒मुंदि॒विशु॒क्रंज्योति॒रधा᳚रयः | आदित्ते॒विश्वा॒भुव॑नानियेमिरे || 30 || य॒दा¦सूर्य᳚म्¦अ॒मुम्¦दि॒वि¦शु॒क्रम्¦ज्योतिः॑¦अधा᳚रयः | आत्¦इत्¦ते॒¦विश्वा᳚¦भुव॑नानि¦ये॒मि॒रे॒ || |
| इ॒मांत॑इन्द्रसुष्टु॒तिंविप्र॑इयर्तिधी॒तिभिः॑ | जा॒मिंप॒देव॒पिप्र॑तीं॒प्राध्व॒रे || 31 || इ॒माम्¦ते॒¦इ॒न्द्र॒¦सु॒ऽस्तु॒तिम्¦विप्रः॑¦इ॒य॒र्ति॒¦धी॒तिऽभिः॑ | जा॒मिम्¦प॒दाऽइ᳚व¦पिप्र॑तीम्¦प्र¦अ॒ध्व॒रे || |
| यद॑स्य॒धाम॑निप्रि॒येस॑मीची॒नासो॒,अस्व॑रन् | नाभा᳚य॒ज्ञस्य॑दो॒हना॒प्राध्व॒रे || 32 || यत्¦अ॒स्य॒¦धाम॑नि¦प्रि॒ये¦स॒म्ऽई॒ची॒नासः॑¦अस्व॑रन् | नाभा᳚¦य॒ज्ञस्य॑¦दो॒हना᳚¦प्र¦अ॒ध्व॒रे || |
| सु॒वीर्यं॒स्वश्व्यं᳚सु॒गव्य॑मिन्द्रदद्धिनः | होते᳚वपू॒र्वचि॑त्तये॒प्राध्व॒रे || 33 || सु॒ऽवीर्य᳚म्¦सु॒।आश्व्य᳚म्¦सु॒ऽगव्य᳚म्¦इ॒न्द्र॒¦द॒द्धि॒¦नः॒ | होता᳚ऽइव¦पू॒र्वऽचि॑त्तये¦प्र¦अ॒ध्व॒रे || |
| [2] इंद्रः सुतेष्विति त्रयस्त्रिंशदृचस्य सूक्तस्य काण्वोनारदइंद्रउष्णिक् |{अष्टक:6, अध्याय:1}{मंडल:8, सूक्त:13}{अनुवाक:3, सूक्त:1} |
| इन्द्रः॑सु॒तेषु॒सोमे᳚षु॒क्रतुं᳚पुनीतउ॒क्थ्य᳚म् | वि॒देवृ॒धस्य॒दक्ष॑सोम॒हान्हिषः || 1 || वर्ग:7 इन्द्रः॑¦सु॒तेषु॑¦सोमे᳚षु¦क्रतु᳚म्¦पु॒नी॒ते॒¦उ॒क्थ्य᳚म् | वि॒दे¦वृ॒धस्य॑¦दक्ष॑सः¦म॒हान्¦हि¦सः || |
| सप्र॑थ॒मेव्यो᳚मनिदे॒वानां॒सद॑नेवृ॒धः | सु॒पा॒रःसु॒श्रव॑स्तमः॒सम॑प्सु॒जित् || 2 || सः¦प्र॒थ॒मे¦विऽओ᳚मनि¦दे॒वाना᳚म्¦सद॑ने¦वृ॒धः | सु॒ऽपा॒रः¦सु॒श्रवः॑ऽतमः¦सम्¦अ॒प्सु॒ऽजित् || |
| तम॑ह्वे॒वाज॑सातय॒इन्द्रं॒भरा᳚यशु॒ष्मिण᳚म् | भवा᳚नःसु॒म्ने,अन्त॑मः॒सखा᳚वृ॒धे || 3 || तम्¦अ॒ह्वे॒¦वाज॑ऽसातये¦इन्द्र᳚म्¦भरा᳚य¦शु॒ष्मिण᳚म् | भव॑¦नः॒¦सु॒म्ने¦अन्त॑मः¦सखा᳚¦वृ॒धे || |
| इ॒यंत॑इन्द्रगिर्वणोरा॒तिः,क्ष॑रतिसुन्व॒तः | म॒न्दा॒नो,अ॒स्यब॒र्हिषो॒विरा᳚जसि || 4 || इ॒यम्¦ते॒¦इ॒न्द्र॒¦गि॒र्व॒णः॒¦रा॒तिः¦क्ष॒र॒ति॒¦सु॒न्व॒तः | म॒न्दा॒नः¦अ॒स्य¦ब॒र्हिषः॑¦वि¦रा॒ज॒सि॒ || |
| नू॒नंतदि᳚न्द्रदद्धिनो॒यत्त्वा᳚सु॒न्वन्त॒ईम॑हे | र॒यिंन॑श्चि॒त्रमाभ॑रास्व॒र्विद᳚म् || 5 || नू॒नम्¦तत्¦इ॒न्द्र॒¦द॒द्धि॒¦नः॒¦यत्¦त्वा॒¦सु॒न्वन्तः॑¦ईम॑हे | र॒यिम्¦नः॒¦चि॒त्रम्¦आ¦भ॒र॒¦स्वः॒ऽविद᳚म् || |
| स्तो॒तायत्ते॒विच॑र्षणिरतिप्रश॒र्धय॒द्गिरः॑ | व॒या,इ॒वानु॑रोहतेजु॒षन्त॒यत् || 6 || वर्ग:8 स्तो॒ता¦यत्¦ते॒¦विऽच॑र्षणिः¦अ॒ति॒ऽप्र॒श॒र्धय॑त्¦गिरः॑ | व॒याःऽइ᳚व¦अनु॑¦रो॒ह॒ते॒¦जु॒षन्त॑¦यत् || |
| प्र॒त्न॒वज्ज॑नया॒गिरः॑शृणु॒धीज॑रि॒तुर्हव᳚म् | मदे᳚मदेववक्षिथासु॒कृत्व॑ने || 7 || प्र॒त्न॒ऽवत्¦ज॒न॒य॒¦गिरः॑¦शृ॒णु॒धि¦ज॒रि॒तुः¦हव᳚म् | मदे᳚ऽमदे¦व॒व॒क्षि॒थ॒¦सु॒ऽकृत्व॑ने || |
| क्रीळ᳚न्त्यस्यसू॒नृता॒,आपो॒नप्र॒वता᳚य॒तीः | अ॒याधि॒यायउ॒च्यते॒पति॑र्दि॒वः || 8 || क्रीळ᳚न्ति¦अ॒स्य॒¦सू॒नृताः᳚¦आपः॑¦न¦प्र॒ऽवता᳚¦य॒तीः | अ॒या¦धि॒या¦यः¦उ॒च्यते᳚¦पतिः॑¦दि॒वः || |
| उ॒तोपति॒र्यउ॒च्यते᳚कृष्टी॒नामेक॒इद्व॒शी | न॒मो॒वृ॒धैर॑व॒स्युभिः॑सु॒तेर॑ण || 9 || उ॒तो इति॑¦पतिः॑¦यः¦उ॒च्यते᳚¦कृ॒ष्टी॒नाम्¦एकः॑¦इत्¦व॒शी | न॒मः॒ऽवृ॒धैः¦अ॒व॒स्युऽभिः॑¦सु॒ते¦र॒ण॒ || |
| स्तु॒हिश्रु॒तंवि॑प॒श्चितं॒हरी॒यस्य॑प्रस॒क्षिणा᳚ | गन्ता᳚रादा॒शुषो᳚गृ॒हंन॑म॒स्विनः॑ || 10 || स्तु॒हि¦श्रु॒तम्¦वि॒पः॒ऽचित᳚म्¦हरी॒ इति॑¦यस्य॑¦प्र॒ऽस॒क्षिणा᳚ | गन्ता᳚रा¦दा॒शुषः॑¦गृ॒हम्¦न॒म॒स्विनः॑ || |
| तू॒तु॒जा॒नोम॑हेम॒तेऽश्वे᳚भिःप्रुषि॒तप्सु॑भिः | आया᳚हिय॒ज्ञमा॒शुभिः॒शमिद्धिते᳚ || 11 || वर्ग:9 तू॒तु॒जा॒नः¦म॒हे॒ऽम॒ते॒¦अश्वे᳚भिः¦प्रु॒षि॒तप्सु॑ऽभिः | आ¦या॒हि॒¦य॒ज्ञम्¦आ॒शुऽभिः॑¦शम्¦इत्¦हि¦ते॒ || |
| इन्द्र॑शविष्ठसत्पतेर॒यिंगृ॒णत्सु॑धारय | श्रवः॑सू॒रिभ्यो᳚,अ॒मृतं᳚वसुत्व॒नम् || 12 || इन्द्र॑¦श॒वि॒ष्ठ॒¦स॒त्ऽप॒ते॒¦र॒यिम्¦गृ॒णत्ऽसु॑¦धा॒र॒य॒ | श्रवः॑¦सू॒रिऽभ्यः॑¦अ॒मृत᳚म्¦व॒सु॒ऽत्व॒नम् || |
| हवे᳚त्वा॒सूर॒उदि॑ते॒हवे᳚म॒ध्यंदि॑नेदि॒वः | जु॒षा॒णइ᳚न्द्र॒सप्ति॑भिर्न॒आग॑हि || 13 || हवे᳚¦त्वा॒¦सूरे᳚¦उत्ऽइ᳚ते¦हवे᳚¦म॒ध्यंदि॑ने¦दि॒वः | जु॒षा॒णः¦इ॒न्द्र॒¦सप्ति॑ऽभिः¦नः॒¦आ¦ग॒हि॒ || |
| आतूग॑हि॒प्रतुद्र॑व॒मत्स्वा᳚सु॒तस्य॒गोम॑तः | तन्तुं᳚तनुष्वपू॒र्व्यंयथा᳚वि॒दे || 14 || आ¦तु¦ग॒हि॒¦प्र¦तु¦द्र॒व॒¦मत्स्व॑¦सु॒तस्य॑¦गोऽम॑तः | तन्तु᳚म्¦त॒नु॒ष्व॒¦पू॒र्व्यम्¦यथा᳚¦वि॒दे || |
| यच्छ॒क्रासि॑परा॒वति॒यद᳚र्वा॒वति॑वृत्रहन् | यद्वा᳚समु॒द्रे,अन्ध॑सोऽवि॒तेद॑सि || 15 || यत्¦श॒क्र॒¦असि॑¦प॒रा॒ऽवति॑¦यत्¦अ॒र्वा॒ऽवति॑¦वृ॒त्र॒ऽह॒न् | यत्¦वा॒¦स॒मु॒द्रे¦अन्ध॑सः¦अ॒वि॒ता¦इत्¦अ॒सि॒ || |
| इन्द्रं᳚वर्धन्तुनो॒गिर॒इन्द्रं᳚सु॒तास॒इन्द॑वः | इन्द्रे᳚ह॒विष्म॑ती॒र्विशो᳚,अराणिषुः || 16 || वर्ग:10 इन्द्र᳚म्¦व॒र्ध॒न्तु॒¦नः॒¦गिरः॑¦इन्द्र᳚म्¦सु॒तासः॑¦इन्द॑वः | इन्द्रे᳚¦ह॒विष्म॑तीः¦विशः॑¦अ॒रा॒णि॒षुः॒ || |
| तमिद्विप्रा᳚,अव॒स्यवः॑प्र॒वत्व॑तीभिरू॒तिभिः॑ | इन्द्रं᳚क्षो॒णीर॑वर्धयन्व॒या,इ॑व || 17 || तम्¦इत्¦विप्राः᳚¦अ॒व॒स्यवः॑¦प्र॒वत्व॑तीभिः¦ऊ॒तिऽभिः॑ | इन्द्र᳚म्¦क्षो॒णीः¦अ॒व॒र्ध॒य॒न्¦व॒याःऽइ᳚व || |
| त्रिक॑द्रुकेषु॒चेत॑नंदे॒वासो᳚य॒ज्ञम॑त्नत | तमिद्व॑र्धन्तुनो॒गिरः॑स॒दावृ॑धम् || 18 || त्रिऽक॑द्रुकेषु¦चेत॑नम्¦दे॒वासः॑¦य॒ज्ञम्¦अ॒त्न॒त॒ | तम्¦इत्¦व॒र्ध॒न्तु॒¦नः॒¦गिरः॑¦स॒दाऽवृ॑धम् || |
| स्तो॒तायत्ते॒,अनु᳚व्रतउ॒क्थान्यृ॑तु॒थाद॒धे | शुचिः॑पाव॒कउ॑च्यते॒सो,अद्भु॑तः || 19 || स्तो॒ता¦यत्¦ते॒¦अनु॑ऽव्रतः¦उ॒क्थानि॑¦ऋ॒तु॒ऽथा¦द॒धे | शुचिः॑¦पा॒व॒कः¦उ॒च्य॒ते॒¦सः¦अद्भु॑तः || |
| तदिद्रु॒द्रस्य॑चेततिय॒ह्वंप्र॒त्नेषु॒धाम॑सु | मनो॒यत्रा॒वितद्द॒धुर्विचे᳚तसः || 20 || तत्¦इत्¦रु॒द्रस्य॑¦चे॒त॒ति॒¦य॒ह्वम्¦प्र॒त्नेषु॑¦धाम॑ऽसु | मनः॑¦यत्र॑¦वि¦तत्¦द॒धुः¦विऽचे᳚तसः || |
| यदि॑मेस॒ख्यमा॒वर॑इ॒मस्य॑पा॒ह्यन्ध॑सः | येन॒विश्वा॒,अति॒द्विषो॒,अता᳚रिम || 21 || वर्ग:11 यदि॑¦मे॒¦स॒ख्यम्¦आ॒ऽवरः॑¦इ॒मस्य॑¦पा॒हि॒¦अन्ध॑सः | येन॑¦विश्वाः᳚¦अति॑¦द्विषः॑¦अता᳚रिम || |
| क॒दात॑इन्द्रगिर्वणःस्तो॒ताभ॑वाति॒शंत॑मः | क॒दानो॒गव्ये॒,अश्व्ये॒वसौ᳚दधः || 22 || क॒दा¦ते॒¦इ॒न्द्र॒¦गि॒र्व॒णः॒¦स्तो॒ता¦भ॒वा॒ति॒¦शम्ऽत॑मः | क॒दा¦नः॒¦गव्ये᳚¦अश्व्ये᳚¦वसौ᳚¦द॒धः॒ || |
| उ॒तते॒सुष्टु॑ता॒हरी॒वृष॑णावहतो॒रथ᳚म् | अ॒जु॒र्यस्य॑म॒दिन्त॑मं॒यमीम॑हे || 23 || उ॒त¦ते॒¦सुऽस्तु॑ता¦हरी॒ इति॑¦वृष॑णा¦व॒ह॒तः॒¦रथ᳚म् | अ॒जु॒र्यस्य॑¦म॒दिन्ऽत॑मम्¦यम्¦ईम॑हे || |
| तमी᳚महेपुरुष्टु॒तंय॒ह्वंप्र॒त्नाभि॑रू॒तिभिः॑ | निब॒र्हिषि॑प्रि॒येस॑द॒दध॑द्वि॒ता || 24 || तम्¦ई॒म॒हे॒¦पु॒रु॒ऽस्तु॒तम्¦य॒ह्वम्¦प्र॒त्नाभिः॑¦ऊ॒तिऽभिः॑ | नि¦ब॒र्हिषि॑¦प्रि॒ये¦स॒द॒त्¦अध॑¦द्वि॒ता || |
| वर्ध॑स्वा॒सुपु॑रुष्टुत॒ऋषि॑ष्टुताभिरू॒तिभिः॑ | धु॒क्षस्व॑पि॒प्युषी॒मिष॒मवा᳚चनः || 25 || वर्ध॑स्व¦सु¦पु॒रु॒ऽस्तु॒त॒¦ऋषि॑ऽस्तुताभिः¦ऊ॒तिऽभिः॑ | धु॒क्षस्व॑¦पि॒प्युषी᳚म्¦इष᳚म्¦अव॑¦च॒¦नः॒ || |
| इन्द्र॒त्वम॑वि॒तेद॑सी॒त्थास्तु॑व॒तो,अ॑द्रिवः | ऋ॒तादि॑यर्मिते॒धियं᳚मनो॒युज᳚म् || 26 || वर्ग:12 इन्द्र॑¦त्वम्¦अ॒वि॒ता¦इत्¦अ॒सि॒¦इ॒त्था¦स्तु॒व॒तः¦अ॒द्रि॒ऽवः॒ | ऋ॒तात्¦इ॒य॒र्मि॒¦ते॒¦धिय᳚म्¦म॒नः॒ऽयुज᳚म् || |
| इ॒हत्यास॑ध॒माद्या᳚युजा॒नःसोम॑पीतये | हरी᳚,इन्द्रप्र॒तद्व॑सू,अ॒भिस्व॑र || 27 || इ॒ह¦त्या¦स॒ध॒ऽमाद्या᳚¦यु॒जा॒नः¦सोम॑ऽपीतये | हरी॒ इति॑¦इ॒न्द्र॒¦प्र॒तद्व॑सू॒ इति॑ प्र॒तत्ऽव॑सू¦अ॒भि¦स्व॒र॒ || |
| अ॒भिस्व॑रन्तु॒येतव॑रु॒द्रासः॑सक्षत॒श्रिय᳚म् | उ॒तोम॒रुत्व॑ती॒र्विशो᳚,अ॒भिप्रयः॑ || 28 || अ॒भि¦स्व॒र॒न्तु॒¦ये¦तव॑¦रु॒द्रासः॑¦स॒क्ष॒त॒¦श्रिय᳚म् | उ॒तो इति॑¦म॒रुत्व॑तीः¦विशः॑¦अ॒भि¦प्रयः॑ || |
| इ॒मा,अ॑स्य॒प्रतू᳚र्तयःप॒दंजु॑षन्त॒यद्दि॒वि | नाभा᳚य॒ज्ञस्य॒संद॑धु॒र्यथा᳚वि॒दे || 29 || इ॒माः¦अ॒स्य॒¦प्रऽतू᳚र्तयः¦प॒दम्¦जु॒ष॒न्त॒¦यत्¦दि॒वि | नाभा᳚¦य॒ज्ञस्य॑¦सम्¦द॒धुः॒¦यथा᳚¦वि॒दे || |
| अ॒यंदी॒र्घाय॒चक्ष॑से॒प्राचि॑प्रय॒त्य॑ध्व॒रे | मिमी᳚तेय॒ज्ञमा᳚नु॒षग्वि॒चक्ष्य॑ || 30 || अ॒यम्¦दी॒र्घाय॑¦चक्ष॑से¦प्राचि॑¦प्र॒ऽय॒ति¦अ॒ध्व॒रे | मिमी᳚ते¦य॒ज्ञम्¦आ॒नु॒षक्¦वि॒ऽचक्ष्य॑ || |
| वृषा॒यमि᳚न्द्रते॒रथ॑उ॒तोते॒वृष॑णा॒हरी᳚ | वृषा॒त्वंश॑तक्रतो॒वृषा॒हवः॑ || 31 || वर्ग:13 वृषा᳚¦अ॒यम्¦इ॒न्द्र॒¦ते॒¦रथः॑¦उ॒तो इति॑¦ते॒¦वृष॑णा¦हरी॒ इति॑ | वृषा᳚¦त्वम्¦श॒त॒क्र॒तो॒ इति॑ शतऽक्रतो¦वृषा᳚¦हवः॑ || |
| वृषा॒ग्रावा॒वृषा॒मदो॒वृषा॒सोमो᳚,अ॒यंसु॒तः | वृषा᳚य॒ज्ञोयमिन्व॑सि॒वृषा॒हवः॑ || 32 || वृषा᳚¦ग्रावा᳚¦वृषा᳚¦मदः॑¦वृषा᳚¦सोमः॑¦अ॒यम्¦सु॒तः | वृषा᳚¦य॒ज्ञः¦यम्¦इन्व॑सि¦वृषा᳚¦हवः॑ || |
| वृषा᳚त्वा॒वृष॑णंहुवे॒वज्रि᳚ञ्चि॒त्राभि॑रू॒तिभिः॑ | वा॒वन्थ॒हिप्रति॑ष्टुतिं॒वृषा॒हवः॑ || 33 || वृषा᳚¦त्वा॒¦वृष॑णम्¦हु॒वे॒¦वज्रि॑न्¦चि॒त्राभिः॑¦ऊ॒तिऽभिः॑ | व॒वन्थ॑¦हि¦प्रति॑ऽस्तुतिम्¦वृषा᳚¦हवः॑ || |
| [3] यदिंद्राहमिति पंचदशर्चस्य सूक्तस्य काण्वायनौगोषूक्त्यश्वसूक्तिनाविंद्रो गायत्री |{अष्टक:6, अध्याय:1}{मंडल:8, सूक्त:14}{अनुवाक:3, सूक्त:2} |
| यदि᳚न्द्रा॒हंयथा॒त्वमीशी᳚य॒वस्व॒एक॒इत् | स्तो॒तामे॒गोष॑खास्यात् || 1 || वर्ग:14 यत्¦इ॒न्द्र॒¦अ॒हम्¦यथा᳚¦त्वम्¦ईशी᳚य¦वस्वः॑¦एकः॑¦इत् | स्तो॒ता¦मे॒¦गोऽस॑खा¦स्या॒त् || |
| शिक्षे᳚यमस्मै॒दित्से᳚यं॒शची᳚पतेमनी॒षिणे᳚ | यद॒हंगोप॑तिः॒स्याम् || 2 || शिक्षे᳚यम्¦अ॒स्मै॒¦दित्से᳚यम्¦शची᳚ऽपते¦म॒नी॒षिणे᳚ | यत्¦अ॒हम्¦गोऽप॑तिः¦स्या॒म् || |
| धे॒नुष्ट॑इन्द्रसू॒नृता॒यज॑मानायसुन्व॒ते | गामश्वं᳚पि॒प्युषी᳚दुहे || 3 || धे॒नुः¦ते॒¦इ॒न्द्र॒¦सू॒नृता᳚¦यज॑मानाय¦सु॒न्व॒ते | गाम्¦अश्व᳚म्¦पि॒प्युषी᳚¦दु॒हे॒ || |
| नते᳚व॒र्तास्ति॒राध॑स॒इन्द्र॑दे॒वोनमर्त्यः॑ | यद्दित्स॑सिस्तु॒तोम॒घम् || 4 || न¦ते॒¦व॒र्ता¦अ॒स्ति॒¦राध॑सः¦इन्द्र॑¦दे॒वः¦न¦मर्त्यः॑ | यत्¦दित्स॑सि¦स्तु॒तः¦म॒घम् || |
| य॒ज्ञइन्द्र॑मवर्धय॒द्यद्भूमिं॒व्यव॑र्तयत् | च॒क्रा॒णओ᳚प॒शंदि॒वि || 5 || य॒ज्ञः¦इन्द्र᳚म्¦अ॒व॒र्ध॒य॒त्¦यत्¦भूमि᳚म्¦वि¦अव॑र्तयत् | च॒क्रा॒णः¦ओ॒प॒शम्¦दि॒वि || |
| वा॒वृ॒धा॒नस्य॑तेव॒यंविश्वा॒धना᳚निजि॒ग्युषः॑ | ऊ॒तिमि॒न्द्रावृ॑णीमहे || 6 || वर्ग:15 वा॒वृ॒धा॒नस्य॑¦ते॒¦व॒यम्¦विश्वा᳚¦धना᳚नि¦जि॒ग्युषः॑ | ऊ॒तिम्¦इ॒न्द्र॒¦आ¦वृ॒णी॒म॒हे॒ || |
| व्य१॑(अ॒)न्तरि॑क्षमतिर॒न्मदे॒सोम॑स्यरोच॒ना | इन्द्रो॒यदभि॑नद्व॒लम् || 7 || वि¦अ॒न्तरि॑क्षम्¦अ॒ति॒र॒त्¦मदे᳚¦सोम॑स्य¦रो॒च॒ना | इन्द्रः॑¦यत्¦अभि॑नत्¦व॒लम् || |
| उद्गा,आ᳚ज॒दङ्गि॑रोभ्यआ॒विष्कृ॒ण्वन्गुहा᳚स॒तीः | अ॒र्वाञ्चं᳚नुनुदेव॒लम् || 8 || उत्¦गाः¦आ॒ज॒त्¦अङ्गि॑रःऽभ्यः¦आ॒विः¦कृ॒ण्वन्¦गुहा᳚¦स॒तीः | अ॒र्वांच᳚म्¦नु॒नु॒दे॒¦व॒लम् || |
| इन्द्रे᳚णरोच॒नादि॒वोदृ॒ळ्हानि॑दृंहि॒तानि॑च | स्थि॒राणि॒नप॑रा॒णुदे᳚ || 9 || इन्द्रे᳚ण¦रो॒च॒ना¦दि॒वः¦दृ॒ळ्हानि॑¦दृं॒हि॒तानि॑¦च॒ | स्थि॒राणि॑¦न¦प॒रा॒ऽनुदे᳚ || |
| अ॒पामू॒र्मिर्मद᳚न्निव॒स्तोम॑इन्द्राजिरायते | विते॒मदा᳚,अराजिषुः || 10 || अ॒पाम्¦ऊ॒र्मिः¦मद॑न्ऽइव¦स्तोमः॑¦इ॒न्द्र॒¦अ॒जि॒र॒ऽय॒ते॒ | वि¦ते॒¦मदाः᳚¦अ॒रा॒जि॒षुः॒ || |
| त्वंहिस्तो᳚म॒वर्ध॑न॒इन्द्रास्यु॑क्थ॒वर्ध॑नः | स्तो॒तॄ॒णामु॒तभ॑द्र॒कृत् || 11 || वर्ग:16 त्वम्¦हि¦स्तो॒म॒ऽवर्ध॑नः¦इन्द्र॑¦असि॑¦उ॒क्थ॒ऽवर्ध॑नः | स्तो॒तॄ॒णाम्¦उ॒त¦भ॒द्र॒ऽकृत् || |
| इन्द्र॒मित्के॒शिना॒हरी᳚सोम॒पेया᳚यवक्षतः | उप॑य॒ज्ञंसु॒राध॑सम् || 12 || इन्द्र᳚म्¦इत्¦के॒शिना᳚¦हरी॒ इति॑¦सो॒म॒ऽपेया᳚य¦व॒क्ष॒तः॒ | उप॑¦य॒ज्ञम्¦सु॒ऽराध॑सम् || |
| अ॒पांफेने᳚न॒नमु॑चेः॒शिर॑इ॒न्द्रोद॑वर्तयः | विश्वा॒यदज॑यः॒स्पृधः॑ || 13 || अ॒पाम्¦फेने᳚न¦नमु॑चेः¦शिरः॑¦इ॒न्द्र॒¦उत्¦अ॒व॒र्त॒य्चः॒ | विश्वाः᳚¦यत्¦अज॑यः¦स्पृधः॑ || |
| मा॒याभि॑रु॒त्सिसृ॑प्सत॒इन्द्र॒द्यामा॒रुरु॑क्षतः | अव॒दस्यूँ᳚रधूनुथाः || 14 || मा॒याभिः॑¦उ॒त्ऽसिसृ॑प्सतः¦इन्द्र॑¦द्याम्¦आ॒ऽरुरु॑क्षतः | अव॑¦दस्यू᳚न्¦अ॒धू॒नु॒थाः॒ || |
| अ॒सु॒न्वामि᳚न्द्रसं॒सदं॒विषू᳚चीं॒व्य॑नाशयः | सो॒म॒पा,उत्त॑रो॒भव॑न् || 15 || अ॒सु॒न्वाम्¦इ॒न्द्र॒¦स॒म्ऽसद᳚म्¦विषू᳚चीम्¦वि¦अ॒ना॒श॒यः॒ | सो॒म॒ऽपाः¦उत्ऽत॑रः¦भव॑न् || |
| [4] तम्वभीति त्रयोदशर्चस्य सूक्तस्य काण्वायनौ काण्वायनौगोषूक्त्यश्वसूक्तिनाविंद्रउष्णिक् |{अष्टक:6, अध्याय:1}{मंडल:8, सूक्त:15}{अनुवाक:3, सूक्त:3} |
| तम्व॒भिप्रगा᳚यतपुरुहू॒तंपु॑रुष्टु॒तम् | इन्द्रं᳚गी॒र्भिस्त॑वि॒षमावि॑वासत || 1 || वर्ग:17 तम्¦ऊँ॒ इति॑¦अ॒भि¦प्र¦गा॒य॒त॒¦पु॒रु॒ऽहू॒तम्¦पु॒रु॒ऽस्तु॒तम् | इन्द्र᳚म्¦गीः॒ऽभिः¦त॒वि॒षम्¦आ¦वि॒वा॒स॒त॒ || |
| यस्य॑द्वि॒बर्ह॑सोबृ॒हत्सहो᳚दा॒धार॒रोद॑सी | गि॒रीँरज्राँ᳚,अ॒पःस्व᳚र्वृषत्व॒ना || 2 || यस्य॑¦द्वि॒ऽबर्ह॑सः¦बृ॒हत्¦सहः॑¦दा॒धार॑¦रोद॑सी॒ इति॑ | गि॒रीन्¦अज्रा᳚न्¦अ॒पः¦स्वः॑¦वृ॒ष॒ऽत्व॒ना || |
| सरा᳚जसिपुरुष्टुतँ॒,एको᳚वृ॒त्राणि॑जिघ्नसे | इन्द्र॒जैत्रा᳚श्रव॒स्या᳚च॒यन्त॑वे || 3 || सः¦रा॒ज॒सि॒¦पु॒रु॒ऽस्तु॒त॒¦एकः॑¦वृ॒त्राणि॑¦जि॒घ्न॒से॒ | इन्द्र॑¦जैत्रा᳚¦श्र॒व॒स्या᳚¦च॒¦यन्त॑वे || |
| तंते॒मदं᳚गृणीमसि॒वृष॑णंपृ॒त्सुसा᳚स॒हिम् | उ॒लो॒क॒कृ॒त्नुम॑द्रिवोहरि॒श्रिय᳚म् || 4 || तम्¦ते॒¦मद᳚म्¦गृ॒णी॒म॒सि॒¦वृष॑णम्¦पृ॒त्ऽसु¦स॒स॒हिम् | ऊँ॒ इति॑¦लो॒क॒ऽकृ॒त्नुम्¦अ॒द्रि॒ऽवः॒¦ह॒रि॒ऽश्रिय᳚म् || |
| येन॒ज्योतीं᳚ष्या॒यवे॒मन॑वेचवि॒वेदि॑थ | म॒न्दा॒नो,अ॒स्यब॒र्हिषो॒विरा᳚जसि || 5 || येन॑¦ज्योतीं᳚षि¦आ॒यवे᳚¦मन॑वे¦च॒¦वि॒वेदि॑थ | म॒न्दा॒नः¦अ॒स्य¦ब॒र्हिषः॑¦वि¦रा॒ज॒सि॒ || |
| तद॒द्याचि॑त्तउ॒क्थिनोऽनु॑ष्टुवन्तिपू॒र्वथा᳚ | वृष॑पत्नीर॒पोज॑यादि॒वेदि॑वे || 6 || वर्ग:18 तत्¦अ॒द्य¦चि॒त्¦ते॒¦उ॒क्थिनः॑¦अनु॑¦स्तु॒व॒न्ति॒¦पू॒र्वऽथा᳚ | वृष॑ऽपत्नीः¦अ॒पः¦ज॒य॒¦दि॒वेऽदि॑वे || |
| तव॒त्यदि᳚न्द्रि॒यंबृ॒हत्तव॒शुष्म॑मु॒तक्रतु᳚म् | वज्रं᳚शिशातिधि॒षणा॒वरे᳚ण्यम् || 7 || तव॑¦त्यत्¦इ॒न्द्रि॒यम्¦बृ॒हत्¦तव॑¦शुष्म᳚म्¦उ॒त¦क्रतु᳚म् | वज्र᳚म्¦शि॒शा॒ति॒¦धि॒षणा᳚¦वरे᳚ण्यम् || |
| तव॒द्यौरि᳚न्द्र॒पौंस्यं᳚पृथि॒वीव॑र्धति॒श्रवः॑ | त्वामापः॒पर्व॑तासश्चहिन्विरे || 8 || तव॑¦द्यौः¦इ॒न्द्र॒¦पौंस्य᳚म्¦पृ॒थि॒वी¦व॒र्ध॒ति॒¦श्रवः॑ | त्वाम्¦आपः॑¦पर्व॑तासः¦च॒¦हि॒न्वि॒रे॒ || |
| त्वांविष्णु॑र्बृ॒हन्क्षयो᳚मि॒त्रोगृ॑णाति॒वरु॑णः | त्वांशर्धो᳚मद॒त्यनु॒मारु॑तम् || 9 || त्वाम्¦विष्णुः॑¦बृ॒हन्¦क्षयः॑¦मि॒त्रः¦गृ॒णा॒ति॒¦वरु॑णः | त्वाम्¦शर्धः॑¦म॒द॒ति॒¦अनु॑¦मारु॑तम् || |
| त्वंवृषा॒जना᳚नां॒मंहि॑ष्ठइन्द्रजज्ञिषे | स॒त्राविश्वा᳚स्वप॒त्यानि॑दधिषे || 10 || त्वम्¦वृषा᳚¦जना᳚नाम्¦मंहि॑ष्ठः¦इ॒न्द्र॒¦ज॒ज्ञि॒षे॒ | स॒त्रा¦विश्वा᳚¦सु॒।आ॒प॒त्यानि॑¦द॒धि॒षे॒ || |
| स॒त्रात्वंपु॑रुष्टुतँ॒,एको᳚वृ॒त्राणि॑तोशसे | नान्यइन्द्रा॒त्कर॑णं॒भूय॑इन्वति || 11 || वर्ग:19 स॒त्रा¦त्वम्¦पु॒रु॒ऽस्तु॒त॒¦एकः॑¦वृ॒त्राणि॑¦तो॒श॒से॒ | न¦अ॒न्यः¦इन्द्रा᳚त्¦कर॑णम्¦भूयः॑¦इ॒न्व॒ति॒ || |
| यदि᳚न्द्रमन्म॒शस्त्वा॒नाना॒हव᳚न्तऊ॒तये᳚ | अ॒स्माके᳚भि॒र्नृभि॒रत्रा॒स्व॑र्जय || 12 || यत्¦इ॒न्द्र॒¦म॒न्म॒ऽशः¦त्वा॒¦नाना᳚¦हव᳚न्ते¦ऊ॒तये᳚ | अ॒स्माके᳚भिः¦नृऽभिः॑¦अत्र॑¦स्वः॑¦ज॒य॒ || |
| अरं॒क्षया᳚यनोम॒हेविश्वा᳚रू॒पाण्या᳚वि॒शन् | इन्द्रं॒जैत्रा᳚यहर्षया॒शची॒पति᳚म् || 13 || अर॒म्¦क्षया᳚य¦नः॒¦म॒हे¦विश्वा᳚¦रू॒पाणि॑¦आ॒ऽवि॒शन् | इन्द्र᳚म्¦जैत्रा᳚य¦ह॒र्ष॒य॒¦शची॒३॒॑ऽपति᳚म् || |
| [5] प्रसम्राजमिति द्वादशर्चस्य सूक्तस्य काण्वइरिंबिठिरिंद्रोगायत्री |{अष्टक:6, अध्याय:1}{मंडल:8, सूक्त:16}{अनुवाक:3, सूक्त:4} |
| प्रस॒म्राजं᳚चर्षणी॒नामिन्द्रं᳚स्तोता॒नव्यं᳚गी॒र्भिः | नरं᳚नृ॒षाहं॒मंहि॑ष्ठम् || 1 || वर्ग:20 प्र¦स॒म्ऽराज᳚म्¦च॒र्ष॒णी॒नाम्¦इन्द्र᳚म्¦स्तो॒ता॒¦नव्य᳚म्¦गीः॒ऽभिः | नर᳚म्¦नृ॒ऽसह᳚म्¦मंहि॑ष्ठम् || |
| यस्मि᳚न्नु॒क्थानि॒रण्य᳚न्ति॒विश्वा᳚निचश्रव॒स्या᳚ | अ॒पामवो॒नस॑मु॒द्रे || 2 || यस्मि॑न्¦उ॒क्थानि॑¦रण्य᳚न्ति¦विश्वा᳚नि¦च॒¦श्र॒व॒स्या᳚ | अ॒पाम्¦अवः॑¦न¦स॒मु॒द्रे || |
| तंसु॑ष्टु॒त्यावि॑वासेज्येष्ठ॒राजं॒भरे᳚कृ॒त्नुम् | म॒होवा॒जिनं᳚स॒निभ्यः॑ || 3 || तम्¦सु॒ऽस्तु॒त्या¦आ¦वि॒वा॒से॒¦ज्ये॒ष्ठ॒ऽराज᳚म्¦भरे᳚¦कृ॒त्नुम् | म॒हः¦वा॒जिन᳚म्¦स॒निऽभ्यः॑ || |
| यस्यानू᳚नागभी॒रामदा᳚,उ॒रव॒स्तरु॑त्राः | ह॒र्षु॒मन्तः॒शूर॑सातौ || 4 || यस्य॑¦अनू᳚नाः¦ग॒भी॒राः¦मदाः᳚¦उ॒रवः॑¦तरु॑त्राः | ह॒र्षु॒ऽमन्तः॑¦शूर॑ऽसातौ || |
| तमिद्धने᳚षुहि॒तेष्व॑धिवा॒काय॑हवन्ते | येषा॒मिन्द्र॒स्तेज॑यन्ति || 5 || तम्¦इत्¦धने᳚षु¦हि॒तेषु॑¦अ॒धि॒ऽवा॒काय॑¦ह॒व॒न्ते॒ | येषा᳚म्¦इन्द्रः॑¦ते॒¦ज॒य॒न्ति॒ || |
| तमिच्च्यौ॒त्नैरार्य᳚न्ति॒तंकृ॒तेभि॑श्चर्ष॒णयः॑ | ए॒षइन्द्रो᳚वरिव॒स्कृत् || 6 || तम्¦इत्¦च्यौ॒त्नैः¦आर्य᳚न्ति¦तम्¦कृ॒तेभिः॑¦च॒र्ष॒णयः॑ | ए॒षः¦इन्द्रः॑¦व॒रि॒वः॒ऽकृत् || |
| इन्द्रो᳚ब्र॒ह्मेन्द्र॒ऋषि॒रिन्द्रः॑पु॒रूपु॑रुहू॒तः | म॒हान्म॒हीभिः॒शची᳚भिः || 7 || वर्ग:21 इन्द्रः॑¦ब्र॒ह्मा¦इन्द्रः॑¦ऋषिः॑¦इन्द्रः॑¦पु॒रु¦पु॒रु॒ऽहू॒तः | म॒हान्¦म॒हीभिः॑¦शची᳚भिः || |
| सस्तोम्यः॒सहव्यः॑स॒त्यःसत्वा᳚तुविकू॒र्मिः | एक॑श्चि॒त्सन्न॒भिभू᳚तिः || 8 || सः¦स्तोम्यः॑¦सः¦हव्यः॑¦स॒त्यः¦सत्वा᳚¦तु॒वि॒ऽकू॒र्मिः | एकः॑¦चि॒त्¦सन्¦अ॒भिऽभू᳚तिः || |
| तम॒र्केभि॒स्तंसाम॑भि॒स्तंगा᳚य॒त्रैश्च॑र्ष॒णयः॑ | इन्द्रं᳚वर्धन्तिक्षि॒तयः॑ || 9 || तम्¦अ॒र्केभिः॑¦तम्¦साम॑ऽभिः¦तम्¦गा॒य॒त्रैः¦च॒र्ष॒णयः॑ | इन्द्र᳚म्¦व॒र्ध॒न्ति॒¦क्षि॒तयः॑ || |
| प्र॒णे॒तारं॒वस्यो॒,अच्छा॒कर्ता᳚रं॒ज्योतिः॑स॒मत्सु॑ | सा॒स॒ह्वांसं᳚यु॒धामित्रा॑न् || 10 || प्र॒ऽने॒तार᳚म्¦वस्यः॑¦अच्छ॑¦कर्ता᳚रम्¦ज्योतिः॑¦स॒मत्ऽसु॑ | स॒स॒ह्वांस᳚म्¦यु॒धा¦अ॒मित्रा॑न् || |
| सनः॒पप्रिः॑पारयातिस्व॒स्तिना॒वापु॑रुहू॒तः | इन्द्रो॒विश्वा॒,अति॒द्विषः॑ || 11 || सः¦नः॒¦पप्रिः॑¦पा॒र॒या॒ति॒¦स्व॒स्ति¦ना॒वा¦पु॒रु॒ऽहू॒तः | इन्द्रः॑¦विश्वाः᳚¦अति॑¦द्विषः॑ || |
| सत्वंन॑इन्द्र॒वाजे᳚भिर्दश॒स्याच॑गातु॒याच॑ | अच्छा᳚चनःसु॒म्नंने᳚षि || 12 || सः¦त्वम्¦नः॒¦इ॒न्द्र॒¦वाजे᳚भिः¦द॒श॒स्य¦च॒¦गा॒तु॒ऽय¦च॒ | अच्छ॑¦च॒¦नः॒¦सु॒म्नम्¦ने॒षि॒ || |
| [6] आयाहीति पंचदशर्चस्य सूक्तस्य काण्वइरिंबिठिरिंद्रोगायत्री अंत्येद्वेबृहतीसतोबृहत्यौ | त्वास्तोष्पतइत्यस्यावास्तोष्पतिर्देवतेतिशौनकः | (उपांत्यायाअर्धर्चेदेवोवास्तोष्पतिः स्तुतइति हितद्वाक्यम्) |{अष्टक:6, अध्याय:1}{मंडल:8, सूक्त:17}{अनुवाक:3, सूक्त:5} |
| आया᳚हिसुषु॒माहित॒इन्द्र॒सोमं॒पिबा᳚,इ॒मम् | एदंब॒र्हिःस॑दो॒मम॑ || 1 || वर्ग:22 आ¦या॒हि॒¦सु॒सु॒म¦हि¦ते॒¦इन्द्र॑¦सोम᳚म्¦पिब॑¦इ॒मम् | आ¦इ॒दम्¦ब॒र्हिः¦स॒दः॒¦मम॑ || |
| आत्वा᳚ब्रह्म॒युजा॒हरी॒वह॑तामिन्द्रके॒शिना᳚ | उप॒ब्रह्मा᳚णिनःशृणु || 2 || आ¦त्वा॒¦ब्र॒ह्म॒ऽयुजा᳚¦हरी॒ इति॑¦वह॑ताम्¦इ॒न्द्र॒¦के॒शिना᳚ | उप॑¦ब्रह्मा᳚णि¦नः॒¦शृ॒णु॒ || |
| ब्र॒ह्माण॑स्त्वाव॒यंयु॒जासो᳚म॒पामि᳚न्द्रसो॒मिनः॑ | सु॒ताव᳚न्तोहवामहे || 3 || ब्र॒ह्माणः॑¦त्वा॒¦व॒यम्¦यु॒जा¦सो॒म॒ऽपाम्¦इ॒न्द्र॒¦सो॒मिनः॑ | सु॒तऽव᳚न्तः¦ह॒वा॒म॒हे॒ || |
| आनो᳚याहिसु॒ताव॑तो॒ऽस्माकं᳚सुष्टु॒तीरुप॑ | पिबा॒सुशि॑प्रि॒न्नन्ध॑सः || 4 || आ¦नः॒¦या॒हि॒¦सु॒तऽव॑तः¦अ॒स्माक᳚म्¦सु॒ऽस्तु॒तीः¦उप॑ | पिब॑¦सु¦शि॒प्रि॒न्¦अन्ध॑सः || |
| आते᳚सिञ्चामिकु॒क्ष्योरनु॒गात्रा॒विधा᳚वतु | गृ॒भा॒यजि॒ह्वया॒मधु॑ || 5 || आ¦ते॒¦सिं॒चा॒मि॒¦कु॒क्ष्योः¦अनु॑¦गात्रा᳚¦वि¦धा॒व॒तु॒ | गृ॒भा॒य¦जि॒ह्वया᳚¦मधु॑ || |
| स्वा॒दुष्टे᳚,अस्तुसं॒सुदे॒मधु॑मान्त॒न्वे॒३॑(ए॒)तव॑ | सोमः॒शम॑स्तुतेहृ॒दे || 6 || वर्ग:23 स्वा॒दुः¦ते॒¦अ॒स्तु॒¦स॒म्ऽसुदे᳚¦मधु॑ऽमान्¦त॒न्वे᳚¦तव॑ | सोमः॑¦शम्¦अ॒स्तु॒¦ते॒¦हृ॒दे || |
| अ॒यमु॑त्वाविचर्षणे॒जनी᳚रिवा॒भिसंवृ॑तः | प्रसोम॑इन्द्रसर्पतु || 7 || अ॒यम्¦ऊँ॒ इति॑¦त्वा॒¦वि॒ऽच॒र्ष॒णे॒¦जनीः᳚ऽइव¦अ॒भि¦सम्ऽवृ॑तः | प्र¦सोमः॑¦इ॒न्द्र॒¦स॒र्प॒तु॒ || |
| तु॒वि॒ग्रीवो᳚व॒पोद॑रःसुबा॒हुरन्ध॑सो॒मदे᳚ | इन्द्रो᳚वृ॒त्राणि॑जिघ्नते || 8 || तु॒वि॒ऽग्रीवः॑¦व॒पा।औ᳚दरः¦सु॒ऽबा॒हुः¦अन्ध॑सः¦मदे᳚ | इन्द्रः॑¦वृ॒त्राणि॑¦जि॒घ्न॒ते॒ || |
| इन्द्र॒प्रेहि॑पु॒रस्त्वंविश्व॒स्येशा᳚न॒ओज॑सा | वृ॒त्राणि॑वृत्रहञ्जहि || 9 || इन्द्र॑¦प्र¦इ॒हि॒¦पु॒रः¦त्वम्¦विश्व॑स्य¦ईशा᳚नः¦ओज॑सा | वृ॒त्राणि॑¦वृ॒त्र॒ऽह॒न्¦ज॒हि॒ || |
| दी॒र्घस्ते᳚,अस्त्वङ्कु॒शोयेना॒वसु॑प्र॒यच्छ॑सि | यज॑मानायसुन्व॒ते || 10 || दी॒र्घः¦ते॒¦अ॒स्तु॒¦अ॒ङ्कु॒शः¦येन॑¦वसु॑¦प्र॒ऽयच्छ॑सि | यज॑मानाय¦सु॒न्व॒ते || |
| अ॒यंत॑इन्द्र॒सोमो॒निपू᳚तो॒,अधि॑ब॒र्हिषि॑ | एही᳚म॒स्यद्रवा॒पिब॑ || 11 || वर्ग:24 अ॒यम्¦ते॒¦इ॒न्द्र॒¦सोमः॑¦निऽपू᳚तः¦अधि॑¦ब॒र्हिषि॑ | आ¦इ॒हि॒¦ई॒म्¦अ॒स्य¦द्रव॑¦पिब॑ || |
| शाचि॑गो॒शाचि॑पूजना॒यंरणा᳚यतेसु॒तः | आख॑ण्डल॒प्रहू᳚यसे || 12 || शाचि॑गो॒ इति॒ शाचि॑ऽगो¦शाचि॑ऽपूजन¦अ॒यम्¦रणा᳚य¦ते॒¦सु॒तः | आख॑ण्डल¦प्र¦हू॒य॒से॒ || |
| यस्ते᳚शृङ्गवृषोनपा॒त्प्रण॑पात्कुण्ड॒पाय्यः॑ | न्य॑स्मिन्दध्र॒आमनः॑ || 13 || यः¦ते॒¦शृ॒ङ्ग॒ऽवृ॒षः॒¦न॒पा॒त्¦प्रन॑पा॒दिति॒ प्रऽन॑पात्¦कु॒ण्ड॒ऽपाय्यः॑ | नि¦अ॒स्मि॒न्¦द॒ध्रे॒¦आ¦मनः॑ || |
| वास्तो᳚ष्पतेध्रु॒वास्थूणांस॑त्रंसो॒म्याना᳚म् | द्र॒प्सोभे॒त्तापु॒रांशश्व॑तीना॒मिन्द्रो॒मुनी᳚नां॒सखा᳚ || 14 || वास्तोः᳚¦प॒ते॒¦ध्रु॒वा¦स्थूणा᳚¦अंस॑त्रम्¦सो॒म्याना᳚म् | |
| पृदा᳚कुसानुर्यज॒तोग॒वेष॑ण॒एकः॒सन्न॒भिभूय॑सः | भूर्णि॒मश्वं᳚नयत्तु॒जापु॒रोगृ॒भेन्द्रं॒सोम॑स्यपी॒तये᳚ || 15 || पृदा᳚कुऽसानुः¦य॒ज॒तः¦गो॒ऽएष॑णः¦एकः॑¦सन्¦अ॒भि¦भूय॑सः | |
| [7] इदंहेति द्वाविंशत्यृचस्य सूक्तस्य काण्वइरिंबिठिरादित्याः चतुर्थषष्ठीसप्तमीनामदितिः अष्टम्याअश्विनौ नवम्याअग्निसूर्यानिला उष्णिक् |{अष्टक:6, अध्याय:1}{मंडल:8, सूक्त:18}{अनुवाक:3, सूक्त:6} |
| इ॒दंह॑नू॒नमे᳚षांसु॒म्नंभि॑क्षेत॒मर्त्यः॑ | आ॒दि॒त्याना॒मपू᳚र्व्यं॒सवी᳚मनि || 1 || वर्ग:25 इ॒दम्¦ह॒¦नू॒नम्¦ए॒षा॒म्¦सु॒म्नम्¦भि॒क्षे॒त॒¦मर्त्यः॑ | आ॒दि॒त्याना᳚म्¦अपू᳚र्व्यम्¦सवी᳚मनि || |
| अ॒न॒र्वाणो॒ह्ये᳚षां॒पन्था᳚,आदि॒त्याना᳚म् | अद॑ब्धाः॒सन्ति॑पा॒यवः॑सुगे॒वृधः॑ || 2 || अ॒न॒र्वाणः॑¦हि¦ए॒षा॒म्¦पन्था᳚¦आ॒दि॒त्याना᳚म् | अद॑ब्धाः¦सन्ति॑¦पा॒यवः॑¦सु॒गे॒ऽवृधः॑ || |
| तत्सुनः॑सवि॒ताभगो॒वरु॑णोमि॒त्रो,अ᳚र्य॒मा | शर्म॑यच्छन्तुस॒प्रथो॒यदीम॑हे || 3 || तत्¦सु¦नः॒¦स॒वि॒ता¦भगः॑¦वरु॑णः¦मि॒त्रः¦अ॒र्य॒मा | शर्म॑¦य॒च्छ॒न्तु॒¦स॒ऽप्रथः॑¦यत्¦ईम॑हे || |
| दे॒वेभि॑र्देव्यदि॒तेऽरि॑ष्टभर्म॒न्नाग॑हि | स्मत्सू॒रिभिः॑पुरुप्रियेसु॒शर्म॑भिः || 4 || दे॒वेभिः॑¦दे॒वि॒¦अ॒दि॒ते॒¦अरि॑ष्टऽभर्मन्¦आ¦ग॒हि॒ | स्मत्¦सू॒रिऽभिः॑¦पु॒रु॒ऽप्रि॒ये॒¦सु॒शर्म॑ऽभिः || |
| तेहिपु॒त्रासो॒,अदि॑तेर्वि॒दुर्द्वेषां᳚सि॒योत॑वे | अं॒होश्चि॑दुरु॒चक्र॑योऽने॒हसः॑ || 5 || ते¦हि¦पु॒त्रासः॑¦अदि॑तेः¦वि॒दुः¦द्वेषां᳚सि¦योत॑वे | अं॒होः¦चि॒त्¦उ॒रु॒ऽचक्र॑यः¦अ॒ने॒हसः॑ || |
| अदि॑तिर्नो॒दिवा᳚प॒शुमदि॑ति॒र्नक्त॒मद्व॑याः | अदि॑तिःपा॒त्वंह॑सःस॒दावृ॑धा || 6 || वर्ग:26 अदि॑तिः¦नः॒¦दिवा᳚¦प॒शुम्¦अदि॑तिः¦नक्त᳚म्¦अद्व॑याः | अदि॑तिः¦पा॒तु॒¦अंह॑सः¦स॒दाऽवृ॑धा || |
| उ॒तस्यानो॒दिवा᳚म॒तिरदि॑तिरू॒त्याग॑मत् | साशंता᳚ति॒मय॑स्कर॒दप॒स्रिधः॑ || 7 || उ॒त¦स्या¦नः॒¦दिवा᳚¦म॒तिः¦अदि॑तिः¦ऊ॒त्या¦आ¦ग॒म॒त् | सा¦शम्ऽता᳚ति¦मयः॑¦क॒र॒त्¦अप॑¦स्रिधः॑ || |
| उ॒तत्यादैव्या᳚भि॒षजा॒शंनः॑करतो,अ॒श्विना᳚ | यु॒यु॒याता᳚मि॒तोरपो॒,अप॒स्रिधः॑ || 8 || उ॒त¦त्या¦दैव्या᳚¦भि॒षजा᳚¦शम्¦नः॒¦क॒र॒तः॒¦अ॒श्विना᳚ | यु॒यु॒याता᳚म्¦इ॒तः¦रपः॑¦अप॑¦स्रिधः॑ || |
| शम॒ग्निर॒ग्निभिः॑कर॒¦च्छंन॑स्तपतु॒सूर्यः॑ | शंवातो᳚वात्वर॒पा,अप॒स्रिधः॑ || 9 || शम्¦अ॒ग्निः¦अ॒ग्निऽभिः॑¦क॒र॒त्¦शम्¦नः॒¦त॒प॒तु॒¦सूर्यः॑ | शम्¦वातः॑¦वा॒तु॒¦अ॒र॒पाः¦अप॑¦स्रिधः॑ || |
| अपामी᳚वा॒मप॒स्रिध॒मप॑सेधतदुर्म॒तिम् | आदि॑त्यासोयु॒योत॑नानो॒,अंह॑सः || 10 || अप॑¦अमी᳚वाम्¦अप॑¦स्रिध᳚म्¦अप॑¦से॒ध॒त॒¦दुः॒ऽम॒तिम् | आदि॑त्यासः¦यु॒योत॑न¦नः॒¦अंह॑सः || |
| यु॒योता॒शरु॑म॒स्मदाँ,आदि॑त्यासउ॒ताम॑तिम् | ऋध॒ग्द्वेषः॑कृणुतविश्ववेदसः || 11 || वर्ग:27 यु॒योत॑¦शरु᳚म्¦अ॒स्मत्¦आ¦आदि॑त्यासः¦उ॒त¦अम॑तिम् | ऋध॑क्¦द्वेषः॑¦कृ॒णु॒त॒¦वि॒श्व॒ऽवे॒द॒सः॒ || |
| तत्सुनः॒शर्म॑यच्छ॒तादि॑त्या॒यन्मुमो᳚चति | एन॑स्वन्तंचि॒देन॑सःसुदानवः || 12 || तत्¦सु¦नः॒¦शर्म॑¦य॒च्छ॒त॒¦आदि॑त्याः¦यत्¦मुमो᳚चति | एन॑स्वन्तम्¦चि॒त्¦एन॑सः¦सु॒ऽदा॒न॒वः॒ || |
| योनः॒कश्चि॒द्रिरि॑क्षतिरक्ष॒स्त्वेन॒मर्त्यः॑ | स्वैःषएवै᳚रिरिषीष्ट॒युर्जनः॑ || 13 || यः¦नः॒¦कः¦चि॒त्¦रिरि॑क्षति¦र॒क्षः॒ऽत्वेन॑¦मर्त्यः॑ | स्वैः¦सः¦एवैः᳚¦रि॒रि॒षी॒ष्ट॒¦युः¦जनः॑ || |
| समित्तम॒घम॑श्नवद्दुः॒शंसं॒मर्त्यं᳚रि॒पुम् | यो,अ॑स्म॒त्रादु॒र्हणा᳚वाँ॒,उप॑द्व॒युः || 14 || सम्¦इत्¦तम्¦अ॒घम्¦अ॒श्न॒व॒त्¦दुः॒ऽशंस᳚म्¦मर्त्य᳚म्¦रि॒पुम् | यः¦अ॒स्म॒ऽत्रा¦दुः॒ऽहना᳚वान्¦उप॑¦द्व॒युः || |
| पा॒क॒त्रास्थ॑नदेवाहृ॒त्सुजा᳚नीथ॒मर्त्य᳚म् | उप॑द्व॒युंचाद्व॑युंचवसवः || 15 || पा॒क॒ऽत्रा¦स्थ॒न॒¦दे॒वाः॒¦हृ॒त्ऽसु¦जा॒नी॒थ॒¦मर्त्य᳚म् | उप॑¦द्व॒युम्¦च॒¦अद्व॑युम्¦च॒¦व॒स॒वः॒ || |
| आशर्म॒पर्व॑ताना॒मोतापांवृ॑णीमहे | द्यावा᳚क्षामा॒रे,अ॒स्मद्रप॑स्कृतम् || 16 || वर्ग:28 आ¦शर्म॑¦पर्व॑तानाम्¦आ¦उ॒त¦अ॒पाम्¦वृ॒णी॒म॒हे॒ | द्यावा᳚क्षामा¦आ॒रे¦अ॒स्मत्¦रपः॑¦कृ॒त॒म् || |
| तेनो᳚भ॒द्रेण॒शर्म॑णायु॒ष्माकं᳚ना॒वाव॑सवः | अति॒विश्वा᳚निदुरि॒तापि॑पर्तन || 17 || ते¦नः॒¦भ॒द्रेण॑¦शर्म॑णा¦यु॒ष्माक᳚म्¦ना॒वा¦व॒स॒वः॒ | अति॑¦विश्वा᳚नि¦दुः॒ऽइ॒ता¦पि॒प॒र्त॒न॒ || |
| तु॒चेतना᳚य॒तत्सुनो॒द्राघी᳚य॒आयु॑र्जी॒वसे᳚ | आदि॑त्यासःसुमहसःकृ॒णोत॑न || 18 || तु॒चे¦तना᳚य¦तत्¦सु¦नः॒¦द्राघी᳚यः¦आयुः॑¦जी॒वसे᳚ | आदि॑त्यासः¦सु॒ऽम॒ह॒सः॒¦कृ॒णोत॑न || |
| य॒ज्ञोही॒ळोवो॒,अन्त॑र॒आदि॑त्या॒,अस्ति॑मृ॒ळत॑ | यु॒ष्मे,इद्वो॒,अपि॑ष्मसिसजा॒त्ये᳚ || 19 || य॒ज्ञः¦ही॒ळः¦वः॒¦अन्त॑रः¦आदि॑त्याः¦अस्ति॑¦मृ॒ळत॑ | यु॒ष्मे इति॑¦इत्¦वः॒¦अपि॑¦स्म॒सि॒¦स॒ऽजा॒त्ये᳚ || |
| बृ॒हद्वरू᳚थंम॒रुतां᳚दे॒वंत्रा॒तार॑म॒श्विना᳚ | मि॒त्रमी᳚महे॒वरु॑णंस्व॒स्तये᳚ || 20 || बृ॒हत्¦वरू᳚थम्¦म॒रुता᳚म्¦दे॒वम्¦त्रा॒तर᳚म्¦अ॒श्विना᳚ | मि॒त्रम्¦ई॒म॒हे॒¦वरु॑णम्¦स्व॒स्तये᳚ || |
| अ॒ने॒होमि॑त्रार्यमन्नृ॒वद्व॑रुण॒शंस्य᳚म् | त्रि॒वरू᳚थंमरुतोयन्तनश्छ॒र्दिः || 21 || अ॒ने॒हः¦मि॒त्र॒¦अ॒र्य॒म॒न्¦नृ॒ऽवत्¦व॒रु॒ण॒¦शंस्य᳚म् | त्रि॒ऽवरू᳚थम्¦म॒रु॒तः॒¦य॒न्त॒¦नः॒¦छ॒र्दिः || |
| येचि॒द्धिमृ॒त्युब᳚न्धव॒आदि॑त्या॒मन॑वः॒स्मसि॑ | प्रसून॒आयु॑र्जी॒वसे᳚तिरेतन || 22 || ये¦चि॒त्¦हि¦मृ॒त्युऽब᳚न्धवः¦आदि॑त्याः¦मन॑वः¦स्मसि॑ | प्र¦सु¦नः॒¦आयुः॑¦जी॒वसे᳚¦ति॒रे॒त॒न॒ || |
| [8] तंगूर्धयेति सप्तत्रिंशदृचस्य सूक्तस्य काण्वः सोभरिरग्निः चतुस्त्रिंशीपंचत्रिंश्योरादित्या अंत्ययोर्द्वयोस्त्रसदस्युः प्रथमादिपंचविंश्यंताअयुजःककुभः द्वितीयादिषड्विश्यंतायुजः सतोबृहत्यः पितुर्नेतिसप्तविंशीद्विपदा अष्टाविंशीत्रिंशीद्वात्रिंशीषट्त्रिंश्यः ककुभः एकोनत्रिंश्येकत्रिंशीत्रयस्त्रिंशीपंचत्रिंश्यः सतोबृहत्यः चतुस्त्रिंश्युष्णिक् सप्तत्रिंशीपंक्तिः |{अष्टक:6, अध्याय:1}{मंडल:8, सूक्त:19}{अनुवाक:3, सूक्त:7} |
| तंगू᳚र्धया॒स्व᳚र्णरंदे॒वासो᳚दे॒वम॑र॒तिंद॑धन्विरे | दे॒व॒त्राह॒व्यमोहि॑रे || 1 || वर्ग:29 तम्¦गू॒र्ध॒य॒¦स्वः॑ऽनरम्¦दे॒वासः॑¦दे॒वम्¦अ॒र॒तिम्¦द॒ध॒न्वि॒रे॒ | दे॒व॒ऽत्रा¦ह॒व्यम्¦आ¦ऊ॒हि॒रे॒ || |
| विभू᳚तरातिंविप्रचि॒त्रशो᳚चिषम॒ग्निमी᳚ळिष्वय॒न्तुर᳚म् | अ॒स्यमेध॑स्यसो॒म्यस्य॑सोभरे॒प्रेम॑ध्व॒राय॒पूर्व्य᳚म् || 2 || विभू᳚तऽरातिम्¦वि॒प्र॒¦चि॒त्रऽशो᳚चिषम्¦अ॒ग्निम्¦ई॒ळि॒ष्व॒¦य॒न्तुर᳚म् | |
| यजि॑ष्ठंत्वाववृमहेदे॒वंदे᳚व॒त्राहोता᳚र॒मम॑र्त्यम् | अ॒स्यय॒ज्ञस्य॑सु॒क्रतु᳚म् || 3 || यजि॑ष्ठम्¦त्वा॒¦व॒वृ॒म॒हे॒¦दे॒वम्¦दे॒व॒ऽत्रा¦होता᳚रम्¦अम॑र्त्यम् | अ॒स्य¦य॒ज्ञस्य॑¦सु॒ऽक्रतु᳚म् || |
| ऊ॒र्जोनपा᳚तंसु॒भगं᳚सु॒दीदि॑तिम॒ग्निंश्रेष्ठ॑शोचिषम् | सनो᳚मि॒त्रस्य॒वरु॑णस्य॒सो,अ॒पामासु॒म्नंय॑क्षतेदि॒वि || 4 || ऊ॒र्जः¦नपा᳚तम्¦सु॒ऽभग᳚म्¦सु॒ऽदीदि॑तिम्¦अ॒ग्निम्¦श्रेष्ठ॑ऽशोचिषम् | |
| यःस॒मिधा॒यआहु॑ती॒योवेदे᳚नद॒दाश॒मर्तो᳚,अ॒ग्नये᳚ | योनम॑सास्वध्व॒रः || 5 || यः¦स॒म्ऽइधा᳚¦यः¦आऽहु॑ती¦यः¦वेदे᳚न¦द॒दाश॑¦मर्तः॑¦अ॒ग्नये᳚ | यः¦नम॑सा¦सु॒।आ॒ध्व॒रः || |
| तस्येदर्व᳚न्तोरंहयन्तआ॒शव॒स्तस्य॑द्यु॒म्नित॑मं॒यशः॑ | नतमंहो᳚दे॒वकृ॑तं॒कुत॑श्च॒ननमर्त्य॑कृतंनशत् || 6 || वर्ग:30 तस्य॑¦इत्¦अर्व᳚न्तः¦रं॒ह॒य॒न्ते॒¦आ॒शवः॑¦तस्य॑¦द्यु॒म्निऽत॑मम्¦यशः॑ | |
| स्व॒ग्नयो᳚वो,अ॒ग्निभिः॒स्याम॑सूनोसहसऊर्जांपते | सु॒वीर॒स्त्वम॑स्म॒युः || 7 || सु॒।आ॒ग्नयः॑¦वः॒¦अ॒ग्निऽभिः॑¦स्याम॑¦सू॒नो॒ इति॑¦स॒ह॒सः॒¦ऊ॒र्जा॒म्¦प॒ते॒ | सु॒ऽवीरः॑¦त्वम्¦अ॒स्म॒ऽयुः || |
| प्र॒शंस॑मानो॒,अति॑थि॒र्नमि॒त्रियो॒ऽग्नीरथो॒नवेद्यः॑ | त्वेक्षेमा᳚सो॒,अपि॑सन्तिसा॒धव॒स्त्वंराजा᳚रयी॒णाम् || 8 || प्र॒ऽशंस॑मानः¦अति॑थिः¦न¦मि॒त्रियः॑¦अ॒ग्निः¦रथः॑¦न¦वेद्यः॑ | |
| सो,अ॒द्धादा॒श्व॑ध्व॒रोऽग्ने॒मर्तः॑सुभग॒सप्र॒शंस्यः॑ | सधी॒भिर॑स्तु॒सनि॑ता || 9 || सः¦अ॒द्धा¦दा॒शु।आ॑ध्वरः¦अग्ने᳚¦मर्तः॑¦सु॒ऽभ॒ग॒¦सः¦प्र॒ऽशंस्यः॑ | सः¦धी॒भिः¦अ॒स्तु॒¦सनि॑ता || |
| यस्य॒त्वमू॒र्ध्वो,अ॑ध्व॒राय॒तिष्ठ॑सिक्ष॒यद्वी᳚रः॒ससा᳚धते | सो,अर्व॑द्भिः॒सनि॑ता॒सवि॑प॒न्युभिः॒सशूरैः॒सनि॑ताकृ॒तम् || 10 || यस्य॑¦त्वम्¦ऊ॒र्ध्वः¦अ॒ध्व॒राय॑¦तिष्ठ॑सि¦क्ष॒यत्ऽवी᳚रः¦सः¦सा॒ध॒ते॒ | |
| यस्या॒ग्निर्वपु॑र्गृ॒हेस्तोमं॒चनो॒दधी᳚तवि॒श्ववा᳚र्यः | ह॒व्यावा॒वेवि॑ष॒द्विषः॑ || 11 || वर्ग:31 यस्य॑¦अ॒ग्निः¦वपुः॑¦गृ॒हे¦स्तोम᳚म्¦चनः॑¦दधी᳚त¦वि॒श्वऽवा᳚र्यः | ह॒व्या¦वा॒¦वेवि॑षत्¦विषः॑ || |
| विप्र॑स्यवास्तुव॒तःस॑हसोयहोम॒क्षूत॑मस्यरा॒तिषु॑ | अ॒वोदे᳚वमु॒परि॑मर्त्यंकृधि॒वसो᳚विवि॒दुषो॒वचः॑ || 12 || विप्र॑स्य¦वा॒¦स्तु॒व॒तः¦स॒ह॒सः॒¦य॒हो॒ इति॑¦म॒क्षुऽत॑मस्य¦रा॒तिषु॑ | |
| यो,अ॒ग्निंह॒व्यदा᳚तिभि॒र्नमो᳚भिर्वासु॒दक्ष॑मा॒विवा᳚सति | गि॒रावा᳚जि॒रशो᳚चिषम् || 13 || यः¦अ॒ग्निम्¦ह॒व्यदा᳚तिऽभिः¦नमः॑ऽभिः¦वा॒¦सु॒ऽदक्ष᳚म्¦आ॒ऽविवा᳚सति | गि॒रा¦वा॒¦अ॒जि॒रऽशो᳚चिषम् || |
| स॒मिधा॒योनिशि॑ती॒दाश॒ददि॑तिं॒धाम॑भिरस्य॒मर्त्यः॑ | विश्वेत्सधी॒भिःसु॒भगो॒जनाँ॒,अति॑द्यु॒म्नैरु॒द्नइ॑वतारिषत् || 14 || स॒म्ऽइधा᳚¦यः¦निऽशि॑ती¦दाश॑त्¦अदि॑तिम्¦धाम॑ऽभिः¦अ॒स्य॒¦मर्त्यः॑ | |
| तद॑ग्नेद्यु॒म्नमाभ॑र॒यत्सा॒सह॒त्सद॑ने॒कंचि॑द॒त्रिण᳚म् | म॒न्युंजन॑स्यदू॒ढ्यः॑ || 15 || तत्¦अ॒ग्ने॒¦द्यु॒म्नम्¦आ¦भ॒र॒¦यत्¦स॒सह॑त्¦सद॑ने¦कम्¦चि॒त्¦अ॒त्रिण᳚म् | म॒न्युम्¦जन॑स्य¦दुः॒ऽध्यः॑ || |
| येन॒चष्टे॒वरु॑णोमि॒त्रो,अ᳚र्य॒मायेन॒नास॑त्या॒भगः॑ | व॒यंतत्ते॒शव॑सागातु॒वित्त॑मा॒,इन्द्र॑त्वोताविधेमहि || 16 || वर्ग:32 येन॑¦चष्टे᳚¦वरु॑णः¦मि॒त्रः¦अ॒र्य॒मा¦येन॑¦नास॑त्या¦भगः॑ | |
| तेघेद॑ग्नेस्वा॒ध्यो॒३॑(ओ॒)येत्वा᳚विप्रनिदधि॒रेनृ॒चक्ष॑सम् | विप्रा᳚सोदेवसु॒क्रतु᳚म् || 17 || ते¦घ॒¦इत्¦अ॒ग्ने॒¦सु॒ऽआ॒ध्यः॑¦ये¦त्वा॒¦वि॒प्र॒¦नि॒ऽद॒धि॒रे¦नृ॒ऽचक्ष॑सम् | विप्रा᳚सः¦दे॒व॒¦सु॒ऽक्रतु᳚म् || |
| तइद्वेदिं᳚सुभग॒तआहु॑तिं॒तेसोतुं᳚चक्रिरेदि॒वि | तइद्वाजे᳚भिर्जिग्युर्म॒हद्धनं॒येत्वेकामं᳚न्येरि॒रे || 18 || ते¦इत्¦वेदि᳚म्¦सु॒ऽभ॒ग॒¦ते¦आऽहु॑तिम्¦ते¦सोतु᳚म्¦च॒क्रि॒रे॒¦दि॒वि | |
| भ॒द्रोनो᳚,अ॒ग्निराहु॑तोभ॒द्रारा॒तिःसु॑भगभ॒द्रो,अ॑ध्व॒रः | भ॒द्रा,उ॒तप्रश॑स्तयः || 19 || भ॒द्रः¦नः॒¦अ॒ग्निः¦आऽहु॑तः¦भ॒द्रा¦रा॒तिः¦सु॒ऽभ॒ग॒¦भ॒द्रः¦अ॒ध्व॒रः | भ॒द्राः¦उ॒त¦प्रऽश॑स्तयः || |
| भ॒द्रंमनः॑कृणुष्ववृत्र॒तूर्ये॒येना᳚स॒मत्सु॑सा॒सहः॑ | अव॑स्थि॒रात॑नुहि॒भूरि॒शर्ध॑तांव॒नेमा᳚ते,अ॒भिष्टि॑भिः || 20 || भ॒द्रम्¦मनः॑¦कृ॒णु॒ष्व॒¦वृ॒त्र॒ऽतूर्ये᳚¦येन॑¦स॒मत्ऽसु॑¦स॒सहः॑ | |
| ईळे᳚गि॒रामनु᳚र्हितं॒यंदे॒वादू॒तम॑र॒तिंन्ये᳚रि॒रे | यजि॑ष्ठंहव्य॒वाह॑नम् || 21 || वर्ग:33 ईळे᳚¦गि॒रा¦मनुः॑ऽहितम्¦यम्¦दे॒वाः¦दू॒तम्¦अ॒र॒तिम्¦नि॒ऽए॒रि॒रे | यजि॑ष्ठम्¦ह॒व्य॒ऽवाह॑नम् || |
| ति॒ग्मज᳚म्भाय॒तरु॑णाय॒राज॑ते॒प्रयो᳚गायस्य॒ग्नये᳚ | यःपिं॒शते᳚सू॒नृता᳚भिःसु॒वीर्य॑म॒ग्निर्घृ॒तेभि॒राहु॑तः || 22 || ति॒ग्मऽज᳚म्भाय¦तरु॑णाय¦राज॑ते¦प्रयः॑¦गा॒य॒सि॒¦अ॒ग्नये᳚ | |
| यदी᳚घृ॒तेभि॒राहु॑तो॒वाशी᳚म॒ग्निर्भर॑त॒उच्चाव॑च | असु॑रइवनि॒र्णिज᳚म् || 23 || यदि॑¦घृ॒तेभिः॑¦आऽहु॑तः¦वाशी᳚म्¦अ॒ग्निः¦भर॑ते¦उत्¦च॒¦अव॑¦च॒ | असु॑रःऽइव¦निः॒ऽनिज᳚म् || |
| योह॒व्यान्यैर॑यता॒मनु᳚र्हितोदे॒वआ॒सासु॑ग॒न्धिना᳚ | विवा᳚सते॒वार्या᳚णिस्वध्व॒रोहोता᳚दे॒वो,अम॑र्त्यः || 24 || यः¦ह॒व्यानि॑¦ऐर॑यत¦मनुः॑ऽहितः¦दे॒वः¦आ॒सा¦सु॒ऽग॒न्धिना᳚ | |
| यद॑ग्ने॒मर्त्य॒स्त्वंस्याम॒हंमि॑त्रमहो॒,अम॑र्त्यः | सह॑सःसूनवाहुत || 25 || यत्¦अ॒ग्ने॒¦मर्त्यः॑¦त्वम्¦स्याम्¦अ॒हम्¦मि॒त्र॒ऽम॒हः॒¦अम॑र्त्यः | सह॑सः¦सू॒नो॒ इति॑¦आ॒ऽहु॒त॒ || |
| नत्वा᳚रासीया॒भिश॑स्तयेवसो॒नपा᳚प॒त्वाय॑सन्त्य | नमे᳚स्तो॒ताम॑ती॒वानदुर्हि॑तः॒स्याद॑ग्ने॒नपा॒पया᳚ || 26 || वर्ग:34 न¦त्वा॒¦रा॒सी॒य॒¦अ॒भिऽश॑स्तये¦व॒सो॒ इति॑¦न¦पा॒प॒ऽत्वाय॑¦स॒न्त्य॒ | |
| पि॒तुर्नपु॒त्रःसुभृ॑तोदुरो॒णआदे॒वाँ,ए᳚तु॒प्रणो᳚ह॒विः || 27 || पि॒तुः¦न¦पु॒त्रः¦सुऽभृ॑तः¦दु॒रो॒णे¦आ¦दे॒वान्¦ए॒तु॒¦प्र¦नः॒¦ह॒विः || |
| तवा॒हम॑ग्नऊ॒तिभि॒र्नेदि॑ष्ठाभिःसचेय॒जोष॒माव॑सो | सदा᳚दे॒वस्य॒मर्त्यः॑ || 28 || तव॑¦अ॒हम्¦अ॒ग्ने॒¦ऊ॒तिऽभिः॑¦नेदि॑ष्ठाभिः¦स॒चे॒य॒¦जोष᳚म्¦आ¦व॒सो॒ इति॑ | सदा᳚¦दे॒वस्य॑¦मर्त्यः॑ || |
| तव॒क्रत्वा᳚सनेयं॒तव॑रा॒तिभि॒रग्ने॒तव॒प्रश॑स्तिभिः | त्वामिदा᳚हुः॒प्रम॑तिंवसो॒ममाग्ने॒हर्ष॑स्व॒दात॑वे || 29 || तव॑¦क्रत्वा᳚¦स॒ने॒य॒म्¦तव॑¦रा॒तिऽभिः॑¦अग्ने᳚¦तव॑¦प्रश॑स्तिऽभिः | |
| प्रसो,अ॑ग्ने॒तवो॒तिभिः॑सु॒वीरा᳚भिस्तिरते॒वाज॑भर्मभिः | यस्य॒त्वंस॒ख्यमा॒वरः॑ || 30 || प्र¦सः¦अ॒ग्ने॒¦तव॑¦ऊ॒तिऽभिः॑¦सु॒ऽवीरा᳚भिः¦ति॒र॒ते॒¦वाज॑भर्मऽभिः | यस्य॑¦त्वम्¦स॒ख्यम्¦आ॒ऽवरः॑ || |
| तव॑द्र॒प्सोनील॑वान्वा॒शऋ॒त्विय॒इन्धा᳚नःसिष्ण॒वाद॑दे | त्वंम॑ही॒नामु॒षसा᳚मसिप्रि॒यः,क्ष॒पोवस्तु॑षुराजसि || 31 || वर्ग:35 तव॑¦द्र॒प्सः¦नील॑ऽवान्¦वा॒शः¦ऋ॒त्वियः॑¦इन्धा᳚नः¦सि॒ष्णो॒ इति॑¦आ¦द॒दे॒ | |
| तमाग᳚न्म॒सोभ॑रयःस॒हस्र॑मुष्कंस्वभि॒ष्टिमव॑से | स॒म्राजं॒त्रास॑दस्यवम् || 32 || तम्¦आ¦अ॒ग॒न्म॒¦सोभ॑रयः¦स॒हस्र॑ऽमुष्कम्¦सु॒।आ॒भि॒ष्टिम्¦अव॑से | स॒म्ऽराज᳚म्¦त्रास॑दस्यवम् || |
| यस्य॑ते,अग्ने,अ॒न्ये,अ॒ग्नय॑उप॒क्षितो᳚व॒या,इ॑व | विपो॒नद्यु॒म्नानियु॑वे॒जना᳚नां॒तव॑क्ष॒त्राणि॑व॒र्धय॑न् || 33 || यस्य॑¦ते॒¦अ॒ग्ने॒¦अ॒न्ये¦अ॒ग्नयः॑¦उ॒प॒ऽक्षितः॑¦व॒याःऽइ᳚व | |
| यमा᳚दित्यासो,अद्रुहःपा॒रंनय॑थ॒मर्त्य᳚म् | म॒घोनां॒विश्वे᳚षांसुदानवः || 34 || यम्¦आ॒दि॒त्या॒सः॒¦अ॒द्रु॒हः॒¦पा॒रम्¦नय॑थ¦मर्त्य᳚म् | म॒घोना᳚म्¦विश्वे᳚षाम्¦सु॒ऽदा॒न॒वः॒ || |
| यू॒यंरा᳚जानः॒कंचि॑च्चर्षणीसहः॒,क्षय᳚न्तं॒मानु॑षाँ॒,अनु॑ | व॒यंतेवो॒वरु॑ण॒मित्रार्य॑म॒न्त्स्यामेदृ॒तस्य॑र॒थ्यः॑ || 35 || यू॒यम्¦रा॒जा॒नः॒¦कम्¦चि॒त्¦च॒र्ष॒णि॒ऽस॒हः॒¦क्षय᳚न्तम्¦मानु॑षान्¦अनु॑ | |
| अदा᳚न्मेपौरुकु॒त्स्यःप᳚ञ्चा॒शतं᳚त्र॒सद॑स्युर्व॒धूना᳚म् | मंहि॑ष्ठो,अ॒र्यःसत्प॑तिः || 36 || अदा᳚त्¦मे॒¦पौ॒रु॒ऽकु॒त्स्यः¦पं॒चा॒शत᳚म्¦त्र॒सद॑स्युः¦व॒धूना᳚म् | मंहि॑ष्ठः¦अ॒र्यः¦सत्ऽप॑तिः || |
| उ॒तमे᳚प्र॒यियो᳚र्व॒यियोः᳚सु॒वास्त्वा॒,अधि॒तुग्व॑नि | ति॒सॄ॒णांस॑प्तती॒नांश्या॒वःप्र॑णे॒ताभु॑व॒द्वसु॒र्दिया᳚नां॒पतिः॑ || 37 || उ॒त¦मे॒¦प्र॒यियोः᳚¦व॒यियोः᳚¦सु॒ऽवास्त्वाः᳚¦अधि॑¦तुग्व॑नि | |
| [9] आगंतेति षड्विंशत्यृचस्य सूक्तस्य काण्वः सोभरिर्मरुतः अयुजः ककुभो युजःसतोबृहत्यः |{अष्टक:6, अध्याय:1}{मंडल:8, सूक्त:20}{अनुवाक:3, सूक्त:8} |
| आग᳚न्ता॒मारि॑षण्यत॒प्रस्था᳚वानो॒माप॑स्थातासमन्यवः | स्थि॒राचि᳚न्नमयिष्णवः || 1 || वर्ग:36 आ¦ग॒न्त॒¦मा¦रि॒ष॒ण्य॒त॒¦प्रऽस्था᳚वानः¦मा¦अप॑¦स्था॒त॒¦स॒ऽम॒न्य॒वः॒ | स्थि॒रा¦चि॒त्¦न॒म॒यि॒ष्ण॒वः॒ || |
| वी॒ळु॒प॒विभि᳚र्मरुतऋभुक्षण॒आरु॑द्रासःसुदी॒तिभिः॑ | इ॒षानो᳚,अ॒द्याग॑तापुरुस्पृहोय॒ज्ञमासो᳚भरी॒यवः॑ || 2 || वी॒ळु॒प॒विऽभिः॑¦म॒रु॒तः॒¦ऋ॒भु॒क्ष॒णः॒¦आ¦रु॒द्रा॒सः॒¦सु॒दी॒तिऽभिः॑ | |
| वि॒द्माहिरु॒द्रिया᳚णां॒शुष्म॑मु॒ग्रंम॒रुतां॒शिमी᳚वताम् | विष्णो᳚रे॒षस्य॑मी॒ळ्हुषा᳚म् || 3 || वि॒द्म¦हि¦रु॒द्रिया᳚णाम्¦शुष्म᳚म्¦उ॒ग्रम्¦म॒रुता᳚म्¦शिमी᳚ऽवताम् | विष्णोः᳚¦ए॒षस्य॑¦मी॒ळ्हुषा᳚म् || |
| विद्वी॒पानि॒पाप॑त॒न्तिष्ठ॑द्दु॒च्छुनो॒भेयु॑जन्त॒रोद॑सी | प्रधन्वा᳚न्यैरतशुभ्रखादयो॒यदेज॑थस्वभानवः || 4 || वि¦द्वी॒पानि॑¦पाप॑तन्¦तिष्ठ॑त्¦दु॒च्छुना᳚¦उ॒भे इति॑¦यु॒ज॒न्त॒¦रोद॑सी॒ इति॑ | |
| अच्यु॑ताचिद्वो॒,अज्म॒न्नानान॑दति॒पर्व॑तासो॒वन॒स्पतिः॑ | भूमि॒र्यामे᳚षुरेजते || 5 || अच्यु॑ता¦चि॒त्¦वः॒¦अज्म॑न्¦आ¦नान॑दति¦पर्व॑तासः¦वन॒स्पतिः॑ | भूमिः॑¦यामे᳚षु¦रे॒ज॒ते॒ || |
| अमा᳚यवोमरुतो॒यात॑वे॒द्यौर्जिही᳚त॒उत्त॑राबृ॒हत् | यत्रा॒नरो॒देदि॑शतेत॒नूष्वात्वक्षां᳚सिबा॒ह्वो᳚जसः || 6 || वर्ग:37 अमा᳚य¦वः॒¦म॒रु॒तः॒¦यात॑वे¦द्यौः¦जिही᳚ते¦उत्ऽत॑रा¦बृ॒हत् | |
| स्व॒धामनु॒श्रियं॒नरो॒महि॑त्वे॒षा,अम॑वन्तो॒वृष॑प्सवः | वह᳚न्ते॒,अह्रु॑तप्सवः || 7 || स्व॒धाम्¦अनु॑¦श्रिय᳚म्¦नरः॑¦महि॑¦त्वे॒षाः¦अम॑ऽवन्तः¦वृष॑ऽप्सवः | वह᳚न्ते¦अह्रु॑तऽप्सवः || |
| गोभि᳚र्वा॒णो,अ॑ज्यते॒सोभ॑रीणां॒रथे॒कोशे᳚हिर॒ण्यये᳚ | गोब᳚न्धवःसुजा॒तास॑इ॒षेभु॒जेम॒हान्तो᳚नः॒स्पर॑से॒नु || 8 || गोभिः॑¦वा॒णः¦अ॒ज्य॒ते॒¦सोभ॑रीणाम्¦रथे᳚¦कोशे᳚¦हि॒र॒ण्यये᳚ | |
| प्रति॑वोवृषदञ्जयो॒वृष्णे॒शर्धा᳚य॒मारु॑तायभरध्वम् | ह॒व्यावृष॑प्रयाव्णे || 9 || प्रति॑¦वः॒¦वृ॒ष॒त्।आं॒ज॒यः॒¦वृष्णे᳚¦शर्धा᳚य¦मारु॑ताय¦भ॒र॒ध्व॒म् | ह॒व्या¦वृष॑ऽप्रयाव्ने || |
| वृ॒ष॒ण॒श्वेन॑मरुतो॒वृष॑प्सुना॒रथे᳚न॒वृष॑नाभिना | आश्ये॒नासो॒नप॒क्षिणो॒वृथा᳚नरोह॒व्यानो᳚वी॒तये᳚गत || 10 || वृ॒ष॒ण॒श्वेन॑¦म॒रु॒तः॒¦वृष॑ऽप्सुना¦रथे᳚न¦वृष॑ऽनाभिना | |
| स॒मा॒नम॒ञ्ज्ये᳚षां॒विभ्रा᳚जन्तेरु॒क्मासो॒,अधि॑बा॒हुषु॑ | दवि॑द्युतत्यृ॒ष्टयः॑ || 11 || वर्ग:38 स॒मा॒नम्¦अं॒जि¦ए॒षा॒म्¦वि¦भ्रा॒ज॒न्ते॒¦रु॒क्मासः॑¦अधि॑¦बा॒हुषु॑ | दवि॑द्युतति¦ऋ॒ष्टयः॑ || |
| तउ॒ग्रासो॒वृष॑णउ॒ग्रबा᳚हवो॒नकि॑ष्ट॒नूषु॑येतिरे | स्थि॒राधन्वा॒न्यायु॑धा॒रथे᳚षु॒वोऽनी᳚के॒ष्वधि॒श्रियः॑ || 12 || ते¦उ॒ग्रासः॑¦वृष॑णः¦उ॒ग्रऽबा᳚हवः¦नकिः॑¦त॒नूषु॑¦ये॒ति॒रे॒ | |
| येषा॒मर्णो॒नस॒प्रथो॒नाम॑त्वे॒षंशश्व॑ता॒मेक॒मिद्भु॒जे | वयो॒नपित्र्यं॒सहः॑ || 13 || येषा᳚म्¦अर्णः॑¦न¦स॒ऽप्रथः॑¦नाम॑¦त्वे॒षम्¦शश्व॑ताम्¦एक᳚म्¦इत्¦भु॒जे | वयः॑¦न¦पित्र्य᳚म्¦सहः॑ || |
| तान्व᳚न्दस्वम॒रुत॒स्ताँ,उप॑स्तुहि॒तेषां॒हिधुनी᳚नाम् | अ॒राणां॒नच॑र॒मस्तदे᳚षांदा॒नाम॒ह्नातदे᳚षाम् || 14 || तान्¦व॒न्द॒स्व॒¦म॒रुतः॑¦तान्¦उप॑¦स्तु॒हि॒¦तेषा᳚म्¦हि¦धुनी᳚नाम् | |
| सु॒भगः॒सव॑ऊ॒तिष्वास॒पूर्वा᳚सुमरुतो॒व्यु॑ष्टिषु | योवा᳚नू॒नमु॒तास॑ति || 15 || सु॒ऽभगः॑¦सः¦वः॒¦ऊ॒तिषु॑¦आस॑¦पूर्वा᳚सु¦म॒रु॒तः॒¦वि।औ᳚ष्टिषु | यः¦वा॒¦नू॒नम्¦उ॒त¦अस॑ति || |
| यस्य॑वायू॒यंप्रति॑वा॒जिनो᳚नर॒आह॒व्यावी॒तये᳚ग॒थ | अ॒भिषद्यु॒म्नैरु॒तवाज॑सातिभिःसु॒म्नावो᳚धूतयोनशत् || 16 || वर्ग:39 यस्य॑¦वा॒¦यू॒यम्¦प्रति॑¦वा॒जिनः॑¦न॒रः॒¦आ¦ह॒व्या¦वी॒तये᳚¦ग॒थ | |
| यथा᳚रु॒द्रस्य॑सू॒नवो᳚दि॒वोवश॒न्त्यसु॑रस्यवे॒धसः॑ | युवा᳚न॒स्तथेद॑सत् || 17 || यथा᳚¦रु॒द्रस्य॑¦सू॒नवः॑¦दि॒वः¦वश᳚न्ति¦असु॑रस्य¦वे॒धसः॑ | युवा᳚नः¦तथा᳚¦इत्¦अ॒स॒त् || |
| येचार्ह᳚न्तिम॒रुतः॑सु॒दान॑वः॒स्मन्मी॒ळ्हुष॒श्चर᳚न्ति॒ये | अत॑श्चि॒दान॒उप॒वस्य॑साहृ॒दायुवा᳚न॒आव॑वृध्वम् || 18 || ये¦च॒¦अर्ह᳚न्ति¦म॒रुतः॑¦सु॒ऽदान॑वः¦स्मत्¦मी॒ळ्हुषः॑¦चर᳚न्ति¦ये | |
| यून॑ऊ॒षुनवि॑ष्ठया॒वृष्णः॑पाव॒काँ,अ॒भिसो᳚भरेगि॒रा | गाय॒गा,इ॑व॒चर्कृ॑षत् || 19 || यूनः॑¦ऊँ॒ इति॑¦सु¦नवि॑ष्ठया¦वृष्णः॑¦पा॒व॒कान्¦अ॒भि¦सो॒भ॒रे॒¦गि॒रा | गाय॑¦गाःऽइ᳚व¦चर्कृ॑षत् || |
| सा॒हायेसन्ति॑मुष्टि॒हेव॒हव्यो॒विश्वा᳚सुपृ॒त्सुहोतृ॑षु | वृष्ण॑श्च॒न्द्रान्नसु॒श्रव॑स्तमान्गि॒रावन्द॑स्वम॒रुतो॒,अह॑ || 20 || स॒हाः¦ये¦सन्ति॑¦मु॒ष्टि॒हाऽइ᳚व¦हव्यः॑¦विश्वा᳚सु¦पृ॒त्ऽसु¦होतृ॑षु | |
| गाव॑श्चिद्घासमन्यवःसजा॒त्ये᳚नमरुतः॒सब᳚न्धवः | रि॒ह॒तेक॒कुभो᳚मि॒थः || 21 || वर्ग:40 गावः॑¦चि॒त्¦घ॒¦स॒ऽम॒न्य॒वः॒¦स॒ऽजा॒त्ये᳚न¦म॒रु॒तः॒¦सऽब᳚न्धवः | रि॒ह॒ते¦क॒कुभः॑¦मि॒थः || |
| मर्त॑श्चिद्वोनृतवोरुक्मवक्षस॒उप॑भ्रातृ॒त्वमाय॑ति | अधि॑नोगातमरुतः॒सदा॒हिव॑आपि॒त्वमस्ति॒निध्रु॑वि || 22 || मर्तः॑¦चि॒त्¦वः॒¦नृ॒त॒वः॒¦रु॒क्म॒ऽव॒क्ष॒सः॒¦उप॑¦भ्रा॒तृ॒ऽत्वम्¦आ¦अ॒य॒ति॒ | |
| मरु॑तो॒मारु॑तस्यन॒आभे᳚ष॒जस्य॑वहतासुदानवः | यू॒यंस॑खायःसप्तयः || 23 || मरु॑तः¦मारु॑तस्य¦नः॒¦आ¦भे॒ष॒जस्य॑¦व॒ह॒त॒¦सु॒ऽदा॒न॒वः॒ | यू॒यम्¦स॒खा॒यः॒¦स॒प्त॒यः॒ || |
| याभिः॒सिन्धु॒मव॑थ॒याभि॒स्तूर्व॑थ॒याभि॑र्दश॒स्यथा॒क्रिवि᳚म् | मयो᳚नोभूतो॒तिभि᳚र्मयोभुवःशि॒वाभि॑रसचद्विषः || 24 || याभिः॑¦सिन्धु᳚म्¦अव॑थ¦याभिः॑¦तूर्व॑थ¦याभिः॑¦द॒श॒स्यथ॑¦क्रिवि᳚म् | |
| यत्सिन्धौ॒यदसि॑क्न्यां॒यत्स॑मु॒द्रेषु॑मरुतःसुबर्हिषः | यत्पर्व॑तेषुभेष॒जम् || 25 || यत्¦सिन्धौ᳚¦यत्¦असि॑क्न्याम्¦यत्¦स॒मु॒द्रेषु॑¦म॒रु॒तः॒¦सु॒ऽब॒र्हि॒षः॒ | यत्¦पर्व॑तेषु¦भे॒ष॒जम् || |
| विश्वं॒पश्य᳚न्तोबिभृथात॒नूष्वातेना᳚नो॒,अधि॑वोचत | क्ष॒मारपो᳚मरुत॒आतु॑रस्यन॒इष्क॑र्ता॒विह्रु॑तं॒पुनः॑ || 26 || विश्व᳚म्¦पश्य᳚न्तः¦वि॒भृ॒थ॒¦त॒नूषु॑¦आ¦तेन॑¦नः॒¦अधि॑¦वो॒च॒त॒ | |
| [10] वयमुत्वेत्यष्टादशर्चस्य सूक्तस्य काण्वः सोभरिरिंद्रोंत्ययोर्द्वयोश्चित्रः अयुजःककुभोयुजःसतोबृहृत्यः |{अष्टक:6, अध्याय:2}{मंडल:8, सूक्त:21}{अनुवाक:4, सूक्त:1} |
| व॒यमु॒त्वाम॑पूर्व्यस्थू॒रंनकच्चि॒द्भर᳚न्तोऽव॒स्यवः॑ | वाजे᳚चि॒त्रंह॑वामहे || 1 || वर्ग:1 व॒यम्¦ऊँ॒ इति॑¦त्वाम्¦अ॒पू॒र्व्य॒¦स्थू॒रम्¦न¦कत्¦चि॒त्¦भर᳚न्तः¦अ॒व॒स्यवः॑ | वाजे᳚¦चि॒त्रम्¦ह॒वा॒म॒हे॒ || |
| उप॑त्वा॒कर्म᳚न्नू॒तये॒सनो॒युवो॒ग्रश्च॑क्राम॒योधृ॒षत् | त्वामिद्ध्य॑वि॒तारं᳚ववृ॒महे॒सखा᳚यइन्द्रसान॒सिम् || 2 || उप॑¦त्वा॒¦कर्म॑न्¦ऊ॒तये᳚¦सः¦नः॒¦युवा᳚¦उ॒ग्रः¦च॒क्रा॒म॒¦यः¦धृ॒षत् | |
| आया᳚ही॒मइन्द॒वोऽश्व॑पते॒गोप॑त॒उर्व॑रापते | सोमं᳚सोमपतेपिब || 3 || आ¦या॒हि॒¦इ॒मे¦इन्द॑वः¦अश्व॑ऽपते¦गोऽप॑ते¦उर्व॑राऽपते | सोम᳚म्¦सो॒म॒ऽप॒ते॒¦पि॒ब॒ || |
| व॒यंहित्वा॒बन्धु॑मन्तमब॒न्धवो॒विप्रा᳚सइन्द्रयेमि॒म | याते॒धामा᳚निवृषभ॒तेभि॒राग॑हि॒विश्वे᳚भिः॒सोम॑पीतये || 4 || व॒यम्¦हि¦त्वा॒¦बन्धु॑ऽमन्तम्¦अ॒ब॒न्धवः॑¦विप्रा᳚सः¦इ॒न्द्र॒¦ये॒मि॒म | |
| सीद᳚न्तस्ते॒वयो᳚यथा॒गोश्री᳚ते॒मधौ᳚मदि॒रेवि॒वक्ष॑णे | अ॒भित्वामि᳚न्द्रनोनुमः || 5 || सीद᳚न्तः¦ते॒¦वयः॑¦य॒था॒¦गोऽश्री᳚ते¦मधौ᳚¦म॒दि॒रे¦वि॒वक्ष॑णे | अ॒भि¦त्वाम्¦इ॒न्द्र॒¦नो॒नु॒मः॒ || |
| अच्छा᳚चत्वै॒नानम॑सा॒वदा᳚मसि॒किंमुहु॑श्चि॒द्विदी᳚धयः | सन्ति॒कामा᳚सोहरिवोद॒दिष्ट्वंस्मोव॒यंसन्ति॑नो॒धियः॑ || 6 || वर्ग:2 अच्छ॑¦च॒¦त्वा॒¦ए॒ना¦नम॑सा¦वदा᳚मसि¦किम्¦मुहुः॑¦चि॒त्¦वि¦दी॒ध॒यः॒ | |
| नूत्ना॒,इदि᳚न्द्रतेव॒यमू॒ती,अ॑भूमन॒हिनूते᳚,अद्रिवः | वि॒द्मापु॒रापरी᳚णसः || 7 || नूत्नाः᳚¦इत्¦इ॒न्द्र॒¦ते॒¦व॒यम्¦ऊ॒ती¦अ॒भू॒म॒¦न॒हि¦नु¦ते॒¦अ॒द्रि॒ऽवः॒ | वि॒द्म¦पु॒रा¦परी᳚णसः || |
| वि॒द्मास॑खि॒त्वमु॒तशू᳚रभो॒ज्य१॑(अ॒)माते॒ताव॑ज्रिन्नीमहे | उ॒तोस॑मस्मि॒न्नाशि॑शीहिनोवसो॒वाजे᳚सुशिप्र॒गोम॑ति || 8 || वि॒द्म¦स॒खि॒ऽत्वम्¦उ॒त¦शू॒र॒¦भो॒ज्य᳚म्¦आ¦ते॒¦ता¦व॒ज्रि॒न्¦ई॒म॒हे॒ | |
| योन॑इ॒दमि॑दंपु॒राप्रवस्य॑आनि॒नाय॒तमु॑वःस्तुषे | सखा᳚य॒इन्द्र॑मू॒तये᳚ || 9 || यः¦नः॒¦इ॒दम्ऽइ᳚दम्¦पु॒रा¦प्र¦वस्यः॑¦आ॒ऽनि॒नाय॑¦तम्¦ऊँ॒ इति॑¦वः॒¦स्तु॒षे॒ | सखा᳚यः¦इन्द्र᳚म्¦ऊ॒तये᳚ || |
| हर्य॑श्वं॒सत्प॑तिंचर्षणी॒सहं॒सहिष्मा॒यो,अम᳚न्दत | आतुनः॒सव॑यति॒गव्य॒मश्व्यं᳚स्तो॒तृभ्यो᳚म॒घवा᳚श॒तम् || 10 || हरि॑।आश्वम्¦सत्ऽप॑तिम्¦च॒र्ष॒णि॒ऽसह᳚म्¦सः¦हि¦स्म॒¦यः¦अम᳚न्दत | |
| त्वया᳚हस्विद्यु॒जाव॒यंप्रति॑श्व॒सन्तं᳚वृषभब्रुवीमहि | सं॒स्थेजन॑स्य॒गोम॑तः || 11 || वर्ग:3 त्वया᳚¦ह॒¦स्वि॒त्¦यु॒जा¦व॒यम्¦प्रति॑¦श्व॒सन्त᳚म्¦वृ॒ष॒भ॒¦ब्रु॒वी॒म॒हि॒ | स॒म्ऽस्थे¦जन॑स्य¦गोऽम॑तः || |
| जये᳚मका॒रेपु॑रुहूतका॒रिणो॒ऽभिति॑ष्ठेमदू॒ढ्यः॑ | नृभि᳚र्वृ॒त्रंह॒न्याम॑शूशु॒याम॒चावे᳚रिन्द्र॒प्रणो॒धियः॑ || 12 || जये᳚म¦का॒रे¦पु॒रु॒ऽहू॒त॒¦का॒रिणः॑¦अ॒भि¦ति॒ष्ठे॒म॒¦दुः॒ऽध्यः॑ | |
| अ॒भ्रा॒तृ॒व्यो,अ॒नात्वमना᳚पिरिन्द्रज॒नुषा᳚स॒नाद॑सि | यु॒धेदा᳚पि॒त्वमि॑च्छसे || 13 || अ॒भ्रा॒तृ॒व्यः¦अ॒ना¦त्वम्¦अना᳚पिः¦इ॒न्द्र॒¦ज॒नुषा᳚¦स॒नात्¦अ॒सि॒ | यु॒धा¦इत्¦आ॒पि॒ऽत्वम्¦इ॒च्छ॒से॒ || |
| नकी᳚रे॒वन्तं᳚स॒ख्याय॑विन्दसे॒पीय᳚न्तितेसुरा॒श्वः॑ | य॒दाकृ॒णोषि॑नद॒नुंसमू᳚ह॒स्यादित्पि॒तेव॑हूयसे || 14 || नकिः॑¦रे॒वन्त᳚म्¦स॒ख्याय॑¦वि॒न्द॒से॒¦पीय᳚न्ति¦ते॒¦सु॒रा॒श्वः॑ | |
| माते᳚,अमा॒जुरो᳚यथामू॒रास॑इन्द्रस॒ख्येत्वाव॑तः | निष॑दाम॒सचा᳚सु॒ते || 15 || मा¦ते॒¦अ॒मा॒ऽजुरः॑¦य॒था॒¦मू॒रासः॑¦इ॒न्द्र॒¦स॒ख्ये¦त्वाऽव॑तः | नि¦स॒दा॒म॒¦सचा᳚¦सु॒ते || |
| माते᳚गोदत्र॒निर॑राम॒राध॑स॒इन्द्र॒माते᳚गृहामहि | दृ॒ळ्हाचि॑द॒र्यःप्रमृ॑शा॒भ्याभ॑र॒नते᳚दा॒मान॑आ॒दभे᳚ || 16 || वर्ग:4 मा¦ते॒¦गो॒ऽद॒त्र॒¦निः¦अ॒रा॒म॒¦राध॑सः¦इन्द्र॑¦मा¦ते॒¦गृ॒हा॒म॒हि॒ | |
| इन्द्रो᳚वा॒घेदिय᳚न्म॒घंसर॑स्वतीवासु॒भगा᳚द॒दिर्वसु॑ | त्वंवा᳚चित्रदा॒शुषे᳚ || 17 || इन्द्रः॑¦वा॒¦घ॒¦इत्¦इय॑त्¦म॒घम्¦सर॑स्वती¦वा॒¦सु॒ऽभगा᳚¦द॒दिः¦वसु॑ | त्वम्¦वा॒¦चि॒त्र॒¦दा॒शुषे᳚ || |
| चित्र॒इद्राजा᳚राज॒का,इद᳚न्य॒केय॒केसर॑स्वती॒मनु॑ | प॒र्जन्य॑इवत॒तन॒द्धिवृ॒ष्ट्यास॒हस्र॑म॒युता॒दद॑त् || 18 || चित्रः॑¦इत्¦राजा᳚¦रा॒ज॒काः¦इत्¦अ॒न्य॒के¦य॒के¦सर॑स्वतीम्¦अनु॑ | |
| [11] ओत्यमह्वइत्यष्टादशर्चस्य सूक्तस्य काण्वः सोभरिरश्विनौ प्रथमातृतीयापंचमीसप्तमीबृहत्यः द्वितीयाचतुर्थीषष्ठयः सतोबृहत्यः अष्टम्यनुष्टुप् नवमीत्रयोदशीपंचदशी सप्तदृश्यः ककुभः दशमीचतुर्दशीषोडश्यष्टादश्यः सतोबृहत्यः एकादशीद्वादश्यौ ककुम्मध्येज्योतिषी |{अष्टक:6, अध्याय:2}{मंडल:8, सूक्त:22}{अनुवाक:4, सूक्त:2} |
| ओत्यम॑ह्व॒आरथ॑म॒द्यादंसि॑ष्ठमू॒तये᳚ | यम॑श्विनासुहवारुद्रवर्तनी॒,आसू॒र्यायै᳚त॒स्थथुः॑ || 1 || वर्ग:5 ओ इति॑¦त्यम्¦अ॒ह्वे॒¦आ¦रथ᳚म्¦अ॒द्य¦दंसि॑ष्ठम्¦ऊ॒तये᳚ | |
| पू॒र्वा॒युषं᳚सु॒हवं᳚पुरु॒स्पृहं᳚भु॒ज्युंवाजे᳚षु॒पूर्व्य᳚म् | स॒च॒नाव᳚न्तंसुम॒तिभिः॑सोभरे॒विद्वे᳚षसमने॒हस᳚म् || 2 || पू॒र्व॒ऽआ॒पुष᳚म्¦सु॒ऽहव᳚म्¦पु॒रु॒ऽस्पृह᳚म्¦भु॒ज्युम्¦वाजे᳚षु¦पूर्व्य᳚म् | |
| इ॒हत्यापु॑रु॒भूत॑मादे॒वानमो᳚भिर॒श्विना᳚ | अ॒र्वा॒ची॒नास्वव॑सेकरामहे॒गन्ता᳚रादा॒शुषो᳚गृ॒हम् || 3 || इ॒ह¦त्या¦पु॒रु॒ऽभूत॑मा¦दे॒वा¦नमः॑ऽभिः¦अ॒श्विना᳚ | |
| यु॒वोरथ॑स्य॒परि॑च॒क्रमी᳚यतई॒र्मान्यद्वा᳚मिषण्यति | अ॒स्माँ,अच्छा᳚सुम॒तिर्वां᳚शुभस्पती॒,आधे॒नुरि॑वधावतु || 4 || यु॒वोः¦रथ॑स्य¦परि॑¦च॒क्रम्¦ई॒य॒ते॒¦ई॒र्मा¦अ॒न्यत्¦वा॒म्¦इ॒ष॒ण्य॒ति॒ | |
| रथो॒योवां᳚त्रिवन्धु॒रोहिर᳚ण्याभीशुरश्विना | परि॒द्यावा᳚पृथि॒वीभूष॑तिश्रु॒तस्तेन॑नास॒त्याग॑तम् || 5 || रथः॑¦यः¦वा॒म्¦त्रि॒ऽव॒न्धु॒रः¦हिर᳚ण्य।आभीशुः¦अ॒श्वि॒ना॒ | |
| द॒श॒स्यन्ता॒मन॑वेपू॒र्व्यंदि॒वियवं॒वृके᳚णकर्षथः | तावा᳚म॒द्यसु॑म॒तिभिः॑शुभस्पती॒,अश्वि॑ना॒प्रस्तु॑वीमहि || 6 || वर्ग:6 द॒श॒स्यन्ता᳚¦मन॑वे¦पू॒र्व्यम्¦दि॒वि¦यव᳚म्¦वृके᳚ण¦क॒र्ष॒थः॒ | |
| उप॑नोवाजिनीवसूया॒तमृ॒तस्य॑प॒थिभिः॑ | येभि॑स्तृ॒क्षिंवृ॑षणात्रासदस्य॒वंम॒हेक्ष॒त्राय॒जिन्व॑थः || 7 || उप॑¦नः॒¦वा॒जि॒नी॒व॒सू॒ इति॑ वाजिनीऽवसू¦या॒तम्¦ऋ॒तस्य॑¦प॒थिऽभिः॑ | |
| अ॒यंवा॒मद्रि॑भिःसु॒तःसोमो᳚नरावृषण्वसू | आया᳚तं॒सोम॑पीतये॒पिब॑तंदा॒शुषो᳚गृ॒हे || 8 || अ॒यम्¦वा॒म्¦अद्रि॑ऽभिः¦सु॒तः¦सोमः॑¦न॒रा॒¦वृ॒ष॒ण्व॒सू॒ इति॑ वृषण्ऽवसू | आ¦या॒त॒म्¦सोम॑ऽपीतये¦पिब॑तम्¦दा॒शुषः॑¦गृ॒हे || |
| आहिरु॒हत॑मश्विना॒रथे॒कोशे᳚हिर॒ण्यये᳚वृषण्वसू | यु॒ञ्जाथां॒पीव॑री॒रिषः॑ || 9 || आ¦हि¦रु॒हत᳚म्¦अ॒श्वि॒ना॒¦रथे᳚¦कोशे᳚¦हि॒र॒ण्यये᳚¦वृ॒ष॒ण्व॒सू॒ इति॑ वृषण्ऽवसू | युं॒जाथा᳚म्¦पीव॑रीः¦इषः॑ || |
| याभिः॑प॒क्थमव॑थो॒याभि॒रध्रि॑गुं॒याभि॑र्ब॒भ्रुंविजो᳚षसम् | ताभि᳚र्नोम॒क्षूतूय॑मश्वि॒नाग॑तंभिष॒ज्यतं॒यदातु॑रम् || 10 || याभिः॑¦प॒क्थम्¦अव॑थः¦याभिः॑¦अध्रि॑ऽगुम्¦याभिः॑¦ब॒भ्रुम्¦विऽजो᳚षसम् | |
| यदध्रि॑गावो॒,अध्रि॑गू,इ॒दाचि॒दह्नो᳚,अ॒श्विना॒हवा᳚महे | व॒यंगी॒र्भिर्वि॑प॒न्यवः॑ || 11 || वर्ग:7 यत्¦अध्रि॑ऽगावः¦अध्रि॑गू॒ इत्यध्रि॑ऽगू¦इ॒दा¦चि॒त्¦अह्नः॑¦अ॒श्विना᳚¦हवा᳚महे | व॒यम्¦गीः॒ऽभिः¦वि॒प॒न्यवः॑ || |
| ताभि॒राया᳚तंवृष॒णोप॑मे॒हवं᳚वि॒श्वप्सुं᳚वि॒श्ववा᳚र्यम् | इ॒षामंहि॑ष्ठापुरु॒भूत॑मानरा॒याभिः॒क्रिविं᳚वावृ॒धुस्ताभि॒राग॑तम् || 12 || ताभिः॑¦आ¦या॒त॒म्¦वृ॒ष॒णा॒¦उप॑¦मे॒¦हव᳚म्¦वि॒श्वऽप्सु᳚म्¦वि॒श्वऽवा᳚र्यम् | |
| तावि॒दाचि॒दहा᳚नां॒ताव॒श्विना॒वन्द॑मान॒उप॑ब्रुवे | ता,उ॒नमो᳚भिरीमहे || 13 || तौ¦इ॒दा¦चि॒त्¦अहा᳚नाम्¦तौ¦अ॒श्विना᳚¦वन्द॑मानः¦उप॑¦ब्रु॒वे॒ | तौ¦ऊँ॒ इति॑¦नमः॑ऽभिः¦ई॒म॒हे॒ || |
| ताविद्दो॒षाता,उ॒षसि॑शु॒भस्पती॒तायाम᳚न्रु॒द्रव॑र्तनी | मानो॒मर्ता᳚यरि॒पवे᳚वाजिनीवसूप॒रोरु॑द्रा॒वति॑ख्यतम् || 14 || तौ¦इत्¦दो॒षा¦तौ¦उ॒षसि॑¦शु॒भः¦पती॒ इति॑¦ता¦याम॑न्¦रु॒द्रव॑र्तनी॒ इति॑ रु॒द्रऽव॑र्तनी | |
| आसुग्म्या᳚य॒सुग्म्यं᳚प्रा॒तारथे᳚ना॒श्विना᳚वास॒क्षणी᳚ | हु॒वेपि॒तेव॒सोभ॑री || 15 || आ¦सुग्म्या᳚य¦सुग्म्य᳚म्¦प्रा॒तरिति॑¦रथे᳚न¦अ॒श्विना᳚¦वा॒¦स॒क्षणी॒ इति॑ | हु॒वे¦पि॒ताऽइ᳚व¦सोभ॑री || |
| मनो᳚जवसावृषणामदच्युतामक्षुंग॒माभि॑रू॒तिभिः॑ | आ॒रात्ता᳚च्चिद्भूतम॒स्मे,अव॑सेपू॒र्वीभिः॑पुरुभोजसा || 16 || वर्ग:8 मनः॑ऽजवसा¦वृ॒ष॒णा॒¦म॒द॒ऽच्यु॒ता॒¦म॒क्षु॒म्ऽग॒माभिः॑¦ऊ॒तिऽभिः॑ | |
| आनो॒,अश्वा᳚वदश्विनाव॒र्तिर्या᳚सिष्टंमधुपातमानरा | गोम॑द्दस्रा॒हिर᳚ण्यवत् || 17 || आ¦नः॒¦अश्व॑ऽवत्¦अ॒श्वि॒ना॒¦व॒र्तिः¦या॒सि॒ष्ट॒म्¦म॒धु॒ऽपा॒त॒मा॒¦न॒रा॒ | गोऽम॑त्¦द॒स्रा॒¦हिर᳚ण्यऽवत् || |
| सु॒प्रा॒व॒र्गंसु॒वीर्यं᳚सु॒ष्ठुवार्य॒मना᳚धृष्टंरक्ष॒स्विना᳚ | अ॒स्मिन्नावा᳚मा॒याने᳚वाजिनीवसू॒विश्वा᳚वा॒मानि॑धीमहि || 18 || सु॒ऽप्रा॒व॒र्गम्¦सु॒ऽवीर्य᳚म्¦सु॒ष्ठु¦वार्य᳚म्¦अना᳚धृष्टम्¦र॒क्ष॒स्विना᳚ | |
| [12] ईळिष्वेति त्रिंशदृचस्य सूक्तस्य वैयश्वोविश्वमनाअग्निरुष्णिक् |{अष्टक:6, अध्याय:2}{मंडल:8, सूक्त:23}{अनुवाक:4, सूक्त:3} |
| ईळि॑ष्वा॒हिप्र॑ती॒व्य१॑(अं॒)यज॑स्वजा॒तवे᳚दसम् | च॒रि॒ष्णुधू᳚म॒मगृ॑भीतशोचिषम् || 1 || वर्ग:9 ईळि॑ष्व¦हि¦प्र॒ती॒व्य᳚म्¦यज॑स्व¦जा॒तऽवे᳚दसम् | च॒रि॒ष्णुऽधू᳚मम्¦अगृ॑भीतऽशोचिषम् || |
| दा॒मानं᳚विश्वचर्षणे॒ऽग्निंवि॑श्वमनोगि॒रा | उ॒तस्तु॑षे॒विष्प॑र्धसो॒रथा᳚नाम् || 2 || दा॒मान᳚म्¦वि॒श्व॒ऽच॒र्ष॒णे॒¦अ॒ग्निम्¦वि॒श्व॒ऽम॒नः॒¦गि॒रा | उ॒त¦स्तु॒षे॒¦विऽस्प॑र्धसः¦रथा᳚नाम् || |
| येषा᳚माबा॒धऋ॒ग्मिय॑इ॒षःपृ॒क्षश्च॑नि॒ग्रभे᳚ | उ॒प॒विदा॒वह्नि᳚र्विन्दते॒वसु॑ || 3 || येषा᳚म्¦आ॒ऽबा॒धः¦ऋ॒ग्मियः॑¦इ॒षः¦पृ॒क्षः¦च॒¦नि॒ऽग्रभे᳚ | उ॒प॒ऽविदा᳚¦वह्निः॑¦वि॒न्द॒ते॒¦वसु॑ || |
| उद॑स्यशो॒चिर॑स्थाद्दीदि॒युषो॒व्य१॑(अ॒)जर᳚म् | तपु॑र्जम्भस्यसु॒द्युतो᳚गण॒श्रियः॑ || 4 || उत्¦अ॒स्य॒¦शो॒चिः¦अ॒स्था॒त्¦दी॒दि॒युषः॑¦वि¦अ॒जर᳚म् | तपुः॑ऽजम्भस्य¦सु॒ऽद्युतः॑¦ग॒ण॒ऽश्रियः॑ || |
| उदु॑तिष्ठस्वध्वर॒स्तवा᳚नोदे॒व्याकृ॒पा | अ॒भि॒ख्याभा॒साबृ॑ह॒ताशु॑शु॒क्वनिः॑ || 5 || उत्¦ऊँ॒ इति॑¦ति॒ष्ठ॒¦सु॒।आ॒ध्व॒र॒¦स्तवा᳚नः¦दे॒व्या¦कृ॒पा | अ॒भि॒ऽख्या¦भा॒सा¦बृ॒ह॒ता¦शु॒शु॒क्वनिः॑ || |
| अग्ने᳚या॒हिसु॑श॒स्तिभि᳚र्ह॒व्याजुह्वा᳚नआनु॒षक् | यथा᳚दू॒तोब॒भूथ॑हव्य॒वाह॑नः || 6 || वर्ग:10 अग्ने᳚¦या॒हि¦सु॒श॒स्तिऽभिः॑¦ह॒व्या¦जुह्वा᳚नः¦आ॒नु॒षक् | यथा᳚¦दू॒तः¦ब॒भूथ॑¦ह॒व्य॒ऽवाह॑नः || |
| अ॒ग्निंवः॑पू॒र्व्यंहु॑वे॒होता᳚रंचर्षणी॒नाम् | तम॒यावा॒चागृ॑णे॒तमु॑वःस्तुषे || 7 || अ॒ग्निम्¦वः॒¦पू॒र्व्यम्¦हु॒वे॒¦होता᳚रम्¦च॒र्ष॒णी॒नाम् | तम्¦अ॒या¦वा॒चा¦गृ॒णे॒¦तम्¦ऊँ॒ इति॑¦वः॒¦स्तु॒षे॒ || |
| य॒ज्ञेभि॒रद्भु॑तक्रतुं॒यंकृ॒पासू॒दय᳚न्त॒इत् | मि॒त्रंनजने॒सुधि॑तमृ॒ताव॑नि || 8 || य॒ज्ञेभिः॑¦अद्भु॑तऽक्रतुम्¦यम्¦कृ॒पा¦सू॒दय᳚न्ते¦इत् | मि॒त्रम्¦न¦जने᳚¦सुऽधि॑तम्¦ऋ॒तऽव॑नि || |
| ऋ॒तावा᳚नमृतायवोय॒ज्ञस्य॒साध॑नंगि॒रा | उपो᳚,एनंजुजुषु॒र्नम॑सस्प॒दे || 9 || ऋ॒तऽवा᳚नम्¦ऋ॒त॒ऽय॒वः॒¦य॒ज्ञस्य॑¦साध॑नम्¦गि॒रा | उपो॒ इति॑¦ए॒न॒म्¦जु॒जु॒षुः॒¦नम॑सः¦प॒दे || |
| अच्छा᳚नो॒,अङ्गि॑रस्तमंय॒ज्ञासो᳚यन्तुसं॒यतः॑ | होता॒यो,अस्ति॑वि॒क्ष्वाय॒शस्त॑मः || 10 || अच्छ॑¦नः॒¦अङ्गि॑रःऽतमम्¦य॒ज्ञासः॑¦य॒न्तु॒¦स॒म्ऽयतः॑ | होता᳚¦यः¦अस्ति॑¦वि॒क्षु¦आ¦य॒शःऽत॑मः || |
| अग्ने॒तव॒त्ये,अ॑ज॒रेन्धा᳚नासोबृ॒हद्भाः | अश्वा᳚,इव॒वृष॑णस्तविषी॒यवः॑ || 11 || वर्ग:11 अग्ने᳚¦तव॑¦त्ये¦अ॒ज॒र॒¦इन्धा᳚नासः¦बृ॒हत्¦भाः | अश्वाः᳚ऽइव¦वृष॑णः¦त॒वि॒षी॒ऽयवः॑ || |
| सत्वंन॑ऊर्जांपतेर॒यिंरा᳚स्वसु॒वीर्य᳚म् | प्राव॑नस्तो॒केतन॑येस॒मत्स्वा || 12 || सः¦त्वम्¦नः॒¦ऊ॒र्जा॒म्¦प॒ते॒¦र॒यिम्¦रा॒स्व॒¦सु॒ऽवीर्य᳚म् | प्र¦अ॒व॒¦नः॒¦तो॒के¦तन॑ये¦स॒मत्ऽसु॑¦आ || |
| यद्वा,उ॑वि॒श्पतिः॑शि॒तःसुप्री᳚तो॒मनु॑षोवि॒शि | विश्वेद॒ग्निःप्रति॒रक्षां᳚सिसेधति || 13 || यत्¦वै¦ऊँ॒ इति॑¦वि॒श्पतिः॑¦शि॒तः¦सुऽप्री᳚तः¦मनु॑षः¦वि॒शि | विश्वा᳚¦इत्¦अ॒ग्निः¦प्रति॑¦रक्षां᳚सि¦से॒ध॒ति॒ || |
| श्रु॒ष्ट्य॑ग्ने॒नव॑स्यमे॒स्तोम॑स्यवीरविश्पते | निमा॒यिन॒स्तपु॑षार॒क्षसो᳚दह || 14 || श्रु॒ष्टी¦अ॒ग्ने॒¦नव॑स्य¦मे॒¦स्तोम॑स्य¦वी॒र॒¦वि॒श्प॒ते॒ | नि¦मा॒यिनः॑¦तपु॑षा¦र॒क्षसः॑¦द॒ह॒ || |
| नतस्य॑मा॒यया᳚च॒नरि॒पुरी᳚शीत॒मर्त्यः॑ | यो,अ॒ग्नये᳚द॒दाश॑ह॒व्यदा᳚तिभिः || 15 || न¦तस्य॑¦मा॒यया᳚¦च॒न¦रि॒पुः¦ई॒शी॒त॒¦मर्त्यः॑ | यः¦अ॒ग्नये᳚¦द॒दाश॑¦ह॒व्यदा᳚तिऽभिः || |
| व्य॑श्वस्त्वावसु॒विद॑मुक्ष॒ण्युर॑प्रीणा॒दृषिः॑ | म॒होरा॒येतमु॑त्वा॒समि॑धीमहि || 16 || वर्ग:12 वि।आ॑श्वः¦त्वा॒¦व॒सु॒ऽविद᳚म्¦उ॒क्ष॒ण्युः¦अ॒प्री॒णा॒त्¦ऋषिः॑ | म॒हः¦रा॒ये¦तम्¦ऊँ॒ इति॑¦त्वा॒¦सम्¦इ॒धी॒म॒हि॒ || |
| उ॒शना᳚का॒व्यस्त्वा॒निहोता᳚रमसादयत् | आ॒य॒जिंत्वा॒मन॑वेजा॒तवे᳚दसम् || 17 || उ॒शना᳚¦का॒व्यः¦त्वा॒¦नि¦होता᳚रम्¦अ॒सा॒द॒य॒त् | आ॒ऽय॒जिम्¦त्वा॒¦मन॑वे¦जा॒तऽवे᳚दसम् || |
| विश्वे॒हित्वा᳚स॒जोष॑सोदे॒वासो᳚दू॒तमक्र॑त | श्रु॒ष्टीदे᳚वप्रथ॒मोय॒ज्ञियो᳚भुवः || 18 || विश्वे᳚¦हि¦त्वा॒¦स॒ऽजोष॑सः¦दे॒वासः॑¦दू॒तम्¦अक्र॑त | श्रु॒ष्टी¦दे॒व॒¦प्र॒थ॒मः¦य॒ज्ञियः॑¦भु॒वः॒ || |
| इ॒मंघा᳚वी॒रो,अ॒मृतं᳚दू॒तंकृ᳚ण्वीत॒मर्त्यः॑ | पा॒व॒कंकृ॒ष्णव॑र्तनिं॒विहा᳚यसम् || 19 || इ॒मम्¦घ॒¦वी॒रः¦अ॒मृत᳚म्¦दू॒तम्¦कृ॒ण्वी॒त॒¦मर्त्यः॑ | पा॒व॒कम्¦कृ॒ष्णऽव॑र्तनिम्¦विऽहा᳚यसम् || |
| तंहु॑वेमय॒तस्रु॑चःसु॒भासं᳚शु॒क्रशो᳚चिषम् | वि॒शाम॒ग्निम॒जरं᳚प्र॒त्नमीड्य᳚म् || 20 || तम्¦हु॒वे॒म॒¦य॒तऽस्रु॑चः¦सु॒ऽभास᳚म्¦शु॒क्रऽशो᳚चिषम् | वि॒शाम्¦अ॒ग्निम्¦अ॒जर᳚म्¦प्र॒त्नम्¦ईड्य᳚म् || |
| यो,अ॑स्मैह॒व्यदा᳚तिभि॒राहु॑तिं॒मर्तोऽवि॑धत् | भूरि॒पोषं॒सध॑त्तेवी॒रव॒द्यशः॑ || 21 || वर्ग:13 यः¦अ॒स्मै॒¦ह॒व्यदा᳚तिऽभिः¦आऽहु॑तिम्¦मर्तः॑¦अवि॑धत् | भूरि॑¦पोष᳚म्¦सः¦ध॒त्ते॒¦वी॒रऽव॑त्¦यशः॑ || |
| प्र॒थ॒मंजा॒तवे᳚दसम॒ग्निंय॒ज्ञेषु॑पू॒र्व्यम् | प्रति॒स्रुगे᳚ति॒नम॑साह॒विष्म॑ती || 22 || प्र॒थ॒मम्¦जा॒तऽवे᳚दसम्¦अ॒ग्निम्¦य॒ज्ञेषु॑¦पू॒र्व्यम् | प्रति॑¦स्रुक्¦ए॒ति॒¦नम॑सा¦ह॒विष्म॑ती || |
| आभि᳚र्विधेमा॒ग्नये॒ज्येष्ठा᳚भिर्व्यश्व॒वत् | मंहि॑ष्ठाभिर्म॒तिभिः॑शु॒क्रशो᳚चिषे || 23 || आभिः॑¦वि॒धे॒म॒¦अ॒ग्नये᳚¦ज्येष्ठा᳚भिः¦व्य॒श्व॒ऽवत् | मंहि॑ष्ठाभिः¦म॒तिऽभिः॑¦शु॒क्रऽशो᳚चिषे || |
| नू॒नम॑र्च॒विहा᳚यसे॒स्तोमे᳚भिःस्थूरयूप॒वत् | ऋषे᳚वैयश्व॒दम्या᳚या॒ग्नये᳚ || 24 || नू॒नम्¦अ॒र्च॒¦विऽहा᳚यसे¦स्तोमे᳚भिः¦स्थू॒र॒यू॒प॒ऽवत् | ऋषे᳚¦वै॒य॒श्व॒¦दम्या᳚य¦अ॒ग्नये᳚ || |
| अति॑थिं॒मानु॑षाणांसू॒नुंवन॒स्पती᳚नाम् | विप्रा᳚,अ॒ग्निमव॑सेप्र॒त्नमी᳚ळते || 25 || अति॑थिम्¦मानु॑षाणाम्¦सू॒नुम्¦वन॒स्पती᳚नाम् | विप्राः᳚¦अ॒ग्निम्¦अव॑से¦प्र॒त्नम्¦ई॒ळ॒ते॒ || |
| म॒होविश्वाँ᳚,अ॒भिष॒तो॒३॑(ओ॒)ऽभिह॒व्यानि॒मानु॑षा | अग्ने॒निष॑त्सि॒नम॒साधि॑ब॒र्हिषि॑ || 26 || वर्ग:14 म॒हः¦विश्वा᳚न्¦अ॒भि¦स॒तः¦अ॒भि¦ह॒व्यानि॑¦मानु॑षा | अग्ने᳚¦नि¦स॒त्सि॒¦नम॑सा¦अधि॑¦ब॒र्हिषि॑ || |
| वंस्वा᳚नो॒वार्या᳚पु॒रुवंस्व॑रा॒यःपु॑रु॒स्पृहः॑ | सु॒वीर्य॑स्यप्र॒जाव॑तो॒यश॑स्वतः || 27 || वंस्व॑¦नः॒¦वार्या᳚¦पु॒रु¦वंस्व॑¦रा॒यः¦पु॒रु॒ऽस्पृहः॑ | सु॒ऽवीर्य॑स्य¦प्र॒जाऽव॑तः¦यश॑स्वतः || |
| त्वंव॑रोसु॒षाम्णेऽग्ने॒जना᳚यचोदय | सदा᳚वसोरा॒तिंय॑विष्ठ॒शश्व॑ते || 28 || त्वम्¦व॒रो॒ इति॑¦सु॒ऽसाम्ने᳚¦अग्ने᳚¦जना᳚य¦चो॒द॒य॒ | सदा᳚¦व॒सो॒ इति॑¦रा॒तिम्¦य॒वि॒ष्ठ॒¦शश्व॑ते || |
| त्वंहिसु॑प्र॒तूरसि॒त्वंनो॒गोम॑ती॒रिषः॑ | म॒होरा॒यःसा॒तिम॑ग्ने॒,अपा᳚वृधि || 29 || त्वम्¦हि¦सु॒ऽप्र॒तूः¦असि॑¦त्वम्¦नः॒¦गोऽम॑तीः¦इषः॑ | म॒हः¦रा॒यः¦सा॒तिम्¦अ॒ग्ने॒¦अप॑¦वृ॒धि॒ || |
| अग्ने॒त्वंय॒शा,अ॒स्यामि॒त्रावरु॑णावह | ऋ॒तावा᳚नास॒म्राजा᳚पू॒तद॑क्षसा || 30 || अग्ने᳚¦त्वम्¦य॒शाः¦अ॒सि॒¦आ¦मि॒त्रावरु॑णा¦व॒ह॒ | ऋ॒तऽवा᳚ना¦स॒म्ऽराजा᳚¦पू॒तऽद॑क्षसा || |
| [13] सखायइति त्रिंशदृचस्य सूक्तस्य वैयश्वो विश्वमनाइंद्रोंत्यतृचस्य वरुरुष्णिगंत्यानुष्टुप् (वरुः सौषाम्णोयंराजा) |{अष्टक:6, अध्याय:2}{मंडल:8, सूक्त:24}{अनुवाक:4, सूक्त:4} |
| सखा᳚य॒आशि॑षामहि॒ब्रह्मेन्द्रा᳚यव॒ज्रिणे᳚ | स्तु॒षऊ॒षुवो॒नृत॑मायधृ॒ष्णवे᳚ || 1 || वर्ग:15 सखा᳚यः¦आ¦शि॒षा॒म॒हि॒¦ब्रह्म॑¦इन्द्रा᳚य¦व॒ज्रिणे᳚ | स्तु॒षे¦ऊँ॒ इति॑¦सु¦वः॒¦नृऽत॑माय¦धृ॒ष्णवे᳚ || |
| शव॑सा॒ह्यसि॑श्रु॒तोवृ॑त्र॒हत्ये᳚नवृत्र॒हा | म॒घैर्म॒घोनो॒,अति॑शूरदाशसि || 2 || शव॑सा¦हि¦असि॑¦श्रु॒तः¦वृ॒त्र॒ऽहत्ये᳚न¦वृ॒त्र॒ऽहा | म॒घैः¦म॒घोनः॑¦अति॑¦शू॒र॒¦दा॒श॒सि॒ || |
| सनः॒स्तवा᳚न॒आभ॑रर॒यिंचि॒त्रश्र॑वस्तमम् | नि॒रे॒केचि॒द्योह॑रिवो॒वसु॑र्द॒दिः || 3 || सः¦नः॒¦स्तवा᳚नः¦आ¦भ॒र॒¦र॒यिम्¦चि॒त्रश्र॑वःऽतमम् | नि॒रे॒के¦चि॒त्¦यः¦ह॒रि॒ऽवः॒¦वसुः॑¦द॒दिः || |
| आनि॑रे॒कमु॒तप्रि॒यमिन्द्र॒दर्षि॒जना᳚नाम् | धृ॒ष॒ताधृ॑ष्णो॒स्तव॑मान॒आभ॑र || 4 || आ¦नि॒रे॒कम्¦उ॒त¦प्रि॒यम्¦इन्द्र॑¦दर्षि॑¦जना᳚नाम् | धृ॒ष॒ता¦धृ॒ष्णो॒ इति॑¦स्तव॑मानः¦आ¦भ॒र॒ || |
| नते᳚स॒व्यंनदक्षि॑णं॒हस्तं᳚वरन्तआ॒मुरः॑ | नप॑रि॒बाधो᳚हरिवो॒गवि॑ष्टिषु || 5 || न¦ते॒¦स॒व्यम्¦न¦दक्षि॑णम्¦हस्त᳚म्¦व॒र॒न्ते॒¦आ॒ऽमुरः॑ | न¦प॒रि॒ऽबाधः॑¦ह॒रि॒ऽवः॒¦गोऽइ᳚ष्टिषु || |
| आत्वा॒गोभि॑रिवव्र॒जंगी॒र्भिरृ॑णोम्यद्रिवः | आस्मा॒कामं᳚जरि॒तुरामनः॑पृण || 6 || वर्ग:16 आ¦त्वा॒¦गोभिः॑ऽइव¦व्र॒जम्¦गीः॒ऽभिः¦ऋ॒णो॒मि॒¦अ॒द्रि॒ऽवः॒ | आ¦स्म॒¦काम᳚म्¦ज॒रि॒तुः¦आ¦मनः॑¦पृ॒ण॒ || |
| विश्वा᳚निवि॒श्वम॑नसोधि॒यानो᳚वृत्रहन्तम | उग्र॑प्रणेत॒रधि॒षूव॑सोगहि || 7 || विश्वा᳚नि¦वि॒श्वऽम॑नसः¦धि॒या¦नः॒¦वृ॒त्र॒ह॒न्ऽत॒म॒ | उग्र॑¦प्र॒ने॒त॒रिति॑ प्रऽनेतः¦अधि॑¦सु¦व॒सो॒ इति॑¦ग॒हि॒ || |
| व॒यंते᳚,अ॒स्यवृ॑त्रहन्वि॒द्याम॑शूर॒नव्य॑सः | वसोः᳚स्पा॒र्हस्य॑पुरुहूत॒राध॑सः || 8 || व॒यम्¦ते॒¦अ॒स्य¦वृ॒त्र॒ऽह॒न्¦वि॒द्याम॑¦शू॒र॒¦नव्य॑सः | वसोः᳚¦स्पा॒र्हस्य॑¦पु॒रु॒ऽहू॒त॒¦राध॑सः || |
| इन्द्र॒यथा॒ह्यस्ति॒तेऽप॑रीतंनृतो॒शवः॑ | अमृ॑क्तारा॒तिःपु॑रुहूतदा॒शुषे᳚ || 9 || इन्द्र॑¦यथा᳚¦हि¦अस्ति॑¦ते॒¦अप॑रिऽइतम्¦नृ॒तो॒ इति॑¦शवः॑ | अमृ॑क्ता¦रा॒तिः¦पु॒रु॒ऽहू॒त॒¦दा॒शुषे᳚ || |
| आवृ॑षस्वमहामहम॒हेनृ॑तम॒राध॑से | दृ॒ळ्हश्चि॑द्दृह्यमघवन्म॒घत्त॑ये || 10 || आ¦वृ॒ष॒स्व॒¦म॒हा॒ऽम॒ह॒¦म॒हे¦नृ॒ऽत॒म॒¦राध॑से | दृ॒ळ्हः¦चि॒त्¦दृ॒ह्य॒¦म॒घ॒ऽव॒न्¦म॒घत्त॑ये || |
| नू,अ॒न्यत्रा᳚चिदद्रिव॒स्त्वन्नो᳚जग्मुरा॒शसः॑ | मघ॑वञ्छ॒ग्धितव॒तन्न॑ऊ॒तिभिः॑ || 11 || वर्ग:17 नु¦अ॒न्यत्र॑¦चि॒त्¦अ॒द्रि॒ऽवः॒¦त्वत्¦नः॒¦ज॒ग्मुः॒¦आ॒ऽशसः॑ | मघ॑ऽवन्¦श॒ग्धि¦तव॑¦तत्¦नः॒¦ऊ॒तिऽभिः॑ || |
| न॒ह्य१॑(अ॒)ङ्गनृ॑तो॒त्वद॒न्यंवि॒न्दामि॒राध॑से | रा॒येद्यु॒म्नाय॒शव॑सेचगिर्वणः || 12 || न॒हि¦अ॒ङ्ग¦नृ॒तो॒ इति॑¦त्वत्¦अ॒न्यम्¦वि॒न्दामि॑¦राध॑से | रा॒ये¦द्यु॒म्नाय॑¦शव॑से¦च॒¦गि॒र्व॒णः॒ || |
| एन्दु॒मिन्द्रा᳚यसिञ्चत॒पिबा᳚तिसो॒म्यंमधु॑ | प्रराध॑साचोदयातेमहित्व॒ना || 13 || आ¦इन्दु᳚म्¦इन्द्रा᳚य¦सिं॒च॒त॒¦पिबा᳚ति¦सो॒म्यम्¦मधु॑ | प्र¦राध॑सा¦चो॒द॒या॒ते॒¦म॒हि॒ऽत्व॒ना || |
| उपो॒हरी᳚णां॒पतिं॒दक्षं᳚पृ॒ञ्चन्त॑मब्रवम् | नू॒नंश्रु॑धिस्तुव॒तो,अ॒श्व्यस्य॑ || 14 || उपो॒ इति॑¦हरी᳚णाम्¦पति᳚म्¦दक्ष᳚म्¦पृं॒चन्त᳚म्¦अ॒ब्र॒व॒म् | नू॒नम्¦श्रु॒धि॒¦स्तु॒व॒तः¦अ॒श्व्यस्य॑ || |
| न॒ह्य१॑(अ॒)ङ्गपु॒राच॒नज॒ज्ञेवी॒रत॑र॒स्त्वत् | नकी᳚रा॒यानैवथा॒नभ॒न्दना᳚ || 15 || न॒हि¦अ॒ङ्ग¦पु॒रा¦च॒न¦ज॒ज्ञे¦वी॒रऽत॑रः¦त्वत् | नकिः॑¦रा॒या¦न¦ए॒वऽथा᳚¦न¦भ॒न्दना᳚ || |
| एदु॒मध्वो᳚म॒दिन्त॑रंसि॒ञ्चवा᳚ध्वर्यो॒,अन्ध॑सः | ए॒वाहिवी॒रःस्तव॑तेस॒दावृ॑धः || 16 || वर्ग:18 आ¦इत्¦ऊँ॒ इति॑¦मध्वः॑¦म॒दिन्ऽत॑रम्¦सिं॒च¦वा॒¦अ॒ध्व॒र्यो॒ इति॑¦अन्ध॑सः | ए॒व¦हि¦वी॒रः¦स्तव॑ते¦स॒दाऽवृ॑धः || |
| इन्द्र॑स्थातर्हरीणां॒नकि॑ष्टेपू॒र्व्यस्तु॑तिम् | उदा᳚नंश॒शव॑सा॒नभ॒न्दना᳚ || 17 || इन्द्र॑¦स्था॒तः॒¦ह॒री॒णा॒म्¦नकिः॑¦ते॒¦पू॒र्व्यऽस्तु॑तिम् | उत्¦आ॒नं॒श॒¦शव॑सा¦न¦भ॒न्दना᳚ || |
| तंवो॒वाजा᳚नां॒पति॒महू᳚महिश्रव॒स्यवः॑ | अप्रा᳚युभिर्य॒ज्ञेभि᳚र्वावृ॒धेन्य᳚म् || 18 || तम्¦वः॒¦वाजा᳚नाम्¦पति᳚म्¦अहू᳚महि¦श्र॒व॒स्यवः॑ | अप्रा᳚युऽभिः¦य॒ज्ञेभिः॑¦व॒वृ॒धेन्य᳚म् || |
| एतो॒न्विन्द्रं॒स्तवा᳚म॒सखा᳚यः॒स्तोम्यं॒नर᳚म् | कृ॒ष्टीर्योविश्वा᳚,अ॒भ्यस्त्येक॒इत् || 19 || एतो॒ इति॑¦नु¦इन्द्र᳚म्¦स्तवा᳚म¦सखा᳚यः¦स्तोम्य᳚म्¦नर᳚म् | कृ॒ष्टीः¦यः¦विश्वाः᳚¦अ॒भि¦अस्ति॑¦एकः॑¦इत् || |
| अगो᳚रुधायग॒विषे᳚द्यु॒क्षाय॒दस्म्यं॒वचः॑ | घृ॒तात्स्वादी᳚यो॒मधु॑नश्चवोचत || 20 || अगो᳚ऽरुधाय¦गो॒ऽइषे᳚¦द्यु॒क्षाय॑¦दस्म्य᳚म्¦वचः॑ | घृ॒तात्¦स्वादी᳚यः¦मधु॑नः¦च॒¦वो॒च॒त॒ || |
| यस्यामि॑तानिवी॒र्या॒३॑(आ॒)नराधः॒पर्ये᳚तवे | ज्योति॒र्नविश्व॑म॒भ्यस्ति॒दक्षि॑णा || 21 || वर्ग:19 यस्य॑¦अमि॑तानि¦वी॒र्या᳚¦न¦राधः॑¦परि॑ऽएतवे | ज्योतिः॑¦न¦विश्व᳚म्¦अ॒भि¦अस्ति॑¦दक्षि॑णा || |
| स्तु॒हीन्द्रं᳚व्यश्व॒वदनू᳚र्मिंवा॒जिनं॒यम᳚म् | अ॒र्योगयं॒मंह॑मानं॒विदा॒शुषे᳚ || 22 || स्तु॒हि¦इन्द्र᳚म्¦व्य॒श्व॒ऽवत्¦अनू᳚र्मिम्¦वा॒जिन᳚म्¦यम᳚म् | अ॒र्यः¦गय᳚म्¦मंह॑मानम्¦वि¦दा॒शुषे᳚ || |
| ए॒वानू॒नमुप॑स्तुहि॒वैय॑श्वदश॒मंनव᳚म् | सुवि॑द्वांसंच॒र्कृत्यं᳚च॒रणी᳚नाम् || 23 || ए॒व¦नू॒नम्¦उप॑¦स्तु॒हि॒¦वैय॑श्व¦द॒श॒मम्¦नव᳚म् | सुऽवि॑द्वांसम्¦च॒र्कृत्य᳚म्¦च॒रणी᳚नाम् || |
| वेत्था॒हिनिरृ॑तीनां॒वज्र॑हस्तपरि॒वृज᳚म् | अह॑रहःशु॒न्ध्युःप॑रि॒पदा᳚मिव || 24 || वेत्थ॑¦हि¦निःऽऋ॑तीनाम्¦वज्र॑ऽहस्त¦प॒रि॒ऽवृज᳚म् | अहः॑।आहः¦शु॒न्ध्युः¦प॒रि॒पदा᳚म्ऽइव || |
| तदि॒न्द्राव॒आभ॑र॒येना᳚दंसिष्ठ॒कृत्व॑ने | द्वि॒ताकुत्सा᳚यशिश्नथो॒निचो᳚दय || 25 || तत्¦इ॒न्द्र॒¦अवः॑¦आ¦भ॒र॒¦येन॑¦दं॒सि॒ष्ठ॒¦कृत्व॑ने | द्वि॒ता¦कुत्सा᳚य¦शि॒श्न॒थः॒¦नि¦चो॒द॒य॒ || |
| तमु॑त्वानू॒नमी᳚महे॒नव्यं᳚दंसिष्ठ॒सन्य॑से | सत्वंनो॒विश्वा᳚,अ॒भिमा᳚तीःस॒क्षणिः॑ || 26 || वर्ग:20 तम्¦ऊँ॒ इति॑¦त्वा॒¦नू॒नम्¦ई॒म॒हे॒¦नव्य᳚म्¦दं॒सि॒ष्ठ॒¦सन्य॑से | सः¦त्वम्¦नः॒¦विश्वाः᳚¦अ॒भिऽमा᳚तीः¦स॒क्षणिः॑ || |
| यऋक्षा॒दंह॑सोमु॒चद्योवार्या᳚त्स॒प्तसिन्धु॑षु | वध॑र्दा॒सस्य॑तुविनृम्णनीनमः || 27 || यः¦ऋक्षा᳚त्¦अंह॑सः¦मु॒चत्¦यः¦वा॒¦आर्या᳚त्¦स॒प्त¦सिन्धु॑षु | वधः॑¦दा॒सस्य॑¦तु॒वि॒ऽनृ॒म्ण॒¦नी॒न॒मः॒ || |
| यथा᳚वरोसु॒षाम्णे᳚स॒निभ्य॒आव॑होर॒यिम् | व्य॑श्वेभ्यःसुभगेवाजिनीवति || 28 || यथा᳚¦व॒रो॒ इति॑¦सु॒ऽसाम्ने᳚¦स॒निऽभ्यः॑¦आ¦अव॑हः¦र॒यिम् | वि।आ॑श्वेभ्यः¦सु॒ऽभ॒गे॒¦वा॒जि॒नी॒ऽव॒ति॒ || |
| आना॒र्यस्य॒दक्षि॑णा॒व्य॑श्वाँ,एतुसो॒मिनः॑ | स्थू॒रंच॒राधः॑श॒तव॑त्स॒हस्र॑वत् || 29 || आ¦ना॒र्यस्य॑¦दक्षि॑णा¦वि।आ॑श्वान्¦ए॒तु॒¦सो॒मिनः॑ | स्थू॒रम्¦च॒¦राधः॑¦श॒तऽव॑त्¦स॒हस्र॑ऽवत् || |
| यत्त्वा᳚पृ॒च्छादी᳚जा॒नःकु॑ह॒याकु॑हयाकृते | ए॒षो,अप॑श्रितोव॒लोगो᳚म॒तीमव॑तिष्ठति || 30 || यत्¦त्वा॒¦पृ॒च्छात्¦ई॒जा॒नः¦कु॒ह॒या¦कु॒ह॒या॒ऽकृ॒ते॒ | ए॒षः¦अप॑ऽश्रितः¦व॒लः¦गो॒ऽम॒तीम्¦अव॑¦ति॒ष्ठ॒ति॒ || |
| [14] तावांविश्वस्येति चतुर्विंशत्यृचस्य सूक्तस्य वैयश्वोविश्वमना मित्रावरुणौ दशम्यादितिसृणां विश्वेदेवाउष्णिक् उपांत्योष्णिग्गर्भा |{अष्टक:6, अध्याय:2}{मंडल:8, सूक्त:25}{अनुवाक:4, सूक्त:5} |
| तावां॒विश्व॑स्यगो॒पादे॒वादे॒वेषु॑य॒ज्ञिया᳚ | ऋ॒तावा᳚नायजसेपू॒तद॑क्षसा || 1 || वर्ग:21 ता¦वा॒म्¦विश्व॑स्य¦गो॒पा¦दे॒वा¦दे॒वेषु॑¦य॒ज्ञिया᳚ | ऋ॒तऽवा᳚ना¦य॒ज॒से॒¦पू॒तऽद॑क्षसा || |
| मि॒त्रातना॒नर॒थ्या॒३॑(आ॒)वरु॑णो॒यश्च॑सु॒क्रतुः॑ | स॒नात्सु॑जा॒तातन॑याधृ॒तव्र॑ता || 2 || मि॒त्रा¦तना᳚¦न¦र॒थ्या᳚¦वरु॑णः¦यः¦च॒¦सु॒ऽक्रतुः॑ | स॒नात्¦सु॒ऽजा॒ता¦तन॑या¦धृ॒तऽव्र॑ता || |
| तामा॒तावि॒श्ववे᳚दसासु॒र्या᳚य॒प्रम॑हसा | म॒हीज॑जा॒नादि॑तिरृ॒ताव॑री || 3 || ता¦मा॒ता¦वि॒श्वऽवे᳚दसा¦अ॒सु॒र्या᳚य¦प्रऽम॑हसा | म॒ही¦ज॒जा॒न॒¦अदि॑तिः¦ऋ॒तऽव॑री || |
| म॒हान्ता᳚मि॒त्रावरु॑णास॒म्राजा᳚दे॒वावसु॑रा | ऋ॒तावा᳚नावृ॒तमाघो᳚षतोबृ॒हत् || 4 || म॒हान्ता᳚¦मि॒त्रावरु॑णा¦स॒म्ऽराजा᳚¦दे॒वौ¦असु॑रा | ऋ॒तऽवा᳚नौ¦ऋ॒तम्¦आ¦घो॒ष॒तः॒¦बृ॒हत् || |
| नपा᳚ता॒शव॑सोम॒हःसू॒नूदक्ष॑स्यसु॒क्रतू᳚ | सृ॒प्रदा᳚नू,इ॒षोवास्त्वधि॑क्षितः || 5 || नपा᳚ता¦शव॑सः¦म॒हः¦सू॒नू इति॑¦दक्ष॑स्य¦सु॒क्रतू॒ इति॑ सु॒ऽक्रतू᳚ | सृ॒प्रदा᳚नू॒ इति॑ सृ॒प्रऽदा᳚नू¦इ॒षः¦वास्तु॑¦अधि॑¦क्षि॒तः॒ || |
| संयादानू᳚निये॒मथु॑र्दि॒व्याःपार्थि॑वी॒रिषः॑ | नभ॑स्वती॒रावां᳚चरन्तुवृ॒ष्टयः॑ || 6 || वर्ग:22 सम्¦या¦दानू᳚नि¦ये॒मथुः॑¦दि॒व्याः¦पार्थि॑वीः¦इषः॑ | नभ॑स्वतीः¦आ¦वा॒म्¦च॒र॒न्तु॒¦वृ॒ष्टयः॑ || |
| अधि॒याबृ॑ह॒तोदि॒वो॒३॑(ओ॒)ऽभियू॒थेव॒पश्य॑तः | ऋ॒तावा᳚नास॒म्राजा॒नम॑सेहि॒ता || 7 || अधि॑¦या¦बृ॒ह॒तः¦दि॒वः¦अ॒भि¦यू॒थाऽइ᳚व¦पश्य॑तः | ऋ॒तऽवा᳚ना¦स॒म्ऽराजा᳚¦नम॑से¦हि॒ता || |
| ऋ॒तावा᳚ना॒निषे᳚दतुः॒साम्रा᳚ज्यायसु॒क्रतू᳚ | धृ॒तव्र॑ताक्ष॒त्रिया᳚क्ष॒त्रमा᳚शतुः || 8 || ऋ॒तऽवा᳚ना¦नि¦से॒द॒तुः॒¦साम्ऽरा᳚ज्याय¦सु॒क्रतू॒ इति॑ सु॒ऽक्रतू᳚ | धृ॒तऽव्र॑ता¦क्ष॒त्रिया᳚¦क्ष॒त्रम्¦आ॒श॒तुः॒ || |
| अ॒क्ष्णश्चि॑द्गातु॒वित्त॑रानुल्ब॒णेन॒चक्ष॑सा | निचि᳚न्मि॒षन्ता᳚निचि॒रानिचि॑क्यतुः || 9 || अ॒क्ष्णः¦चि॒त्¦गा॒तु॒वित्ऽत॑रा¦अ॒नु॒ल्ब॒णेन॑¦चक्ष॑सा | नि¦चि॒त्¦मि॒षन्ता᳚¦नि॒ऽचि॒रा¦नि¦चि॒क्य॒तुः॒ || |
| उ॒तनो᳚दे॒व्यदि॑तिरुरु॒ष्यतां॒नास॑त्या | उ॒रु॒ष्यन्तु॑म॒रुतो᳚वृ॒द्धश॑वसः || 10 || उ॒त¦नः॒¦दे॒वी¦अदि॑तिः¦उ॒रु॒ष्यता᳚म्¦नास॑त्या | उ॒रु॒ष्यन्तु॑¦म॒रुतः॑¦वृ॒द्धऽश॑वसः || |
| तेनो᳚ना॒वमु॑रुष्यत॒दिवा॒नक्तं᳚सुदानवः | अरि॑ष्यन्तो॒निपा॒युभिः॑सचेमहि || 11 || वर्ग:23 ते¦नः॒¦ना॒वम्¦उ॒रु॒ष्य॒त॒¦दिवा᳚¦नक्त᳚म्¦सु॒ऽदा॒न॒वः॒ | अरि॑ष्यन्तः¦नि¦पा॒युऽभिः॑¦स॒चे॒म॒हि॒ || |
| अघ्न॑ते॒विष्ण॑वेव॒यमरि॑ष्यन्तःसु॒दान॑वे | श्रु॒धिस्व॑यावन्त्सिन्धोपू॒र्वचि॑त्तये || 12 || अघ्न॑ते¦विष्ण॑वे¦व॒यम्¦अरि॑ष्यन्तः¦सु॒ऽदान॑वे | श्रु॒धि¦स्व॒ऽया॒व॒न्¦सि॒न्धो॒ इति॑¦पू॒र्वऽचि॑त्तये || |
| तद्वार्यं᳚वृणीमहे॒वरि॑ष्ठंगोप॒यत्य᳚म् | मि॒त्रोयत्पान्ति॒वरु॑णो॒यद᳚र्य॒मा || 13 || तत्¦वार्य᳚म्¦वृ॒णी॒म॒हे॒¦वरि॑ष्ठम्¦गो॒प॒यत्य᳚म् | मि॒त्रः¦यत्¦पान्ति॑¦वरु॑णः¦यत्¦अ॒र्य॒मा || |
| उ॒तनः॒सिन्धु॑र॒पांतन्म॒रुत॒स्तद॒श्विना᳚ | इन्द्रो॒विष्णु᳚र्मी॒ढ्वांसः॑स॒जोष॑सः || 14 || उ॒त¦नः॒¦सिन्धुः॑¦अ॒पाम्¦तत्¦म॒रुतः॑¦तत्¦अ॒श्विना᳚ | इन्द्रः॑¦विष्णुः॑¦मी॒ढ्वांसः॑¦स॒ऽजोष॑सः || |
| तेहिष्मा᳚व॒नुषो॒नरो॒ऽभिमा᳚तिं॒कय॑स्यचित् | ति॒ग्मंनक्षोदः॑प्रति॒घ्नन्ति॒भूर्ण॑यः || 15 || ते¦हि¦स्म॒¦व॒नुषः॑¦नरः॑¦अ॒भिऽमा᳚तिम्¦कय॑स्य¦चि॒त् | ति॒ग्मम्¦न¦क्षोदः॑¦प्र॒ति॒ऽघ्नन्ति॑¦भूर्ण॑यः || |
| अ॒यमेक॑इ॒त्थापु॒रूरुच॑ष्टे॒विवि॒श्पतिः॑ | तस्य᳚व्र॒तान्यनु॑वश्चरामसि || 16 || वर्ग:24 अ॒यम्¦एकः॑¦इ॒त्था¦पु॒रु¦उ॒रु¦च॒ष्टे॒¦वि¦वि॒श्पतिः॑ | तस्य॑¦व्र॒तानि॑¦अनु॑¦वः॒¦च॒रा॒म॒सि॒ || |
| अनु॒पूर्वा᳚ण्यो॒क्या᳚साम्रा॒ज्यस्य॑सश्चिम | मि॒त्रस्य᳚व्र॒तावरु॑णस्यदीर्घ॒श्रुत् || 17 || अनु॑¦पूर्वा᳚णि¦ओ॒क्या᳚¦सा॒म्ऽरा॒ज्यस्य॑¦स॒श्चि॒म॒ | मि॒त्रस्य॑¦व्र॒ता¦वरु॑णस्य¦दी॒र्घ॒ऽश्रुत् || |
| परि॒योर॒श्मिना᳚दि॒वोऽन्ता᳚न्म॒मेपृ॑थि॒व्याः | उ॒भे,आप॑प्रौ॒रोद॑सीमहि॒त्वा || 18 || परि॑¦यः¦र॒श्मिना᳚¦दि॒वः¦अन्ता᳚न्¦म॒मे¦पृ॒थि॒व्याः | उ॒भे इति॑¦आ¦प॒प्रौ॒¦रोद॑सी॒ इति॑¦म॒हि॒ऽत्वा || |
| उदु॒ष्यश॑र॒णेदि॒वोज्योति॑रयंस्त॒सूर्यः॑ | अ॒ग्निर्नशु॒क्रःस॑मिधा॒नआहु॑तः || 19 || उत्¦ऊँ॒ इति॑¦स्यः¦श॒र॒णे¦दि॒वः¦ज्योतिः॑¦अ॒यं॒स्त॒¦सूर्यः॑ | अ॒ग्निः¦न¦शु॒क्रः¦स॒म्ऽइ॒धा॒नः¦आऽहु॑तः || |
| वचो᳚दी॒र्घप्र॑सद्म॒नीशे॒वाज॑स्य॒गोम॑तः | ईशे॒हिपि॒त्वो᳚ऽवि॒षस्य॑दा॒वने᳚ || 20 || वचः॑¦दी॒र्घऽप्र॑सद्मनि¦ईशे᳚¦वाज॑स्य¦गोऽम॑तः | ईशे᳚¦हि¦पि॒त्वः¦अ॒वि॒षस्य॑¦दा॒वने᳚ || |
| तत्सूर्यं॒रोद॑सी,उ॒भेदो॒षावस्तो॒रुप॑ब्रुवे | भो॒जेष्व॒स्माँ,अ॒भ्युच्च॑रा॒सदा᳚ || 21 || वर्ग:25 तत्¦सूर्य᳚म्¦रोद॑सी॒ इति॑¦उ॒भे इति॑¦दो॒षा¦वस्तोः᳚¦उप॑¦ब्रु॒वे॒ | भो॒जेषु॑¦अ॒स्मान्¦अ॒भि¦उत्¦च॒र॒¦सदा᳚ || |
| ऋ॒ज्रमु॑क्ष॒ण्याय॑नेरज॒तंहर॑याणे | रथं᳚यु॒क्तम॑सनामसु॒षाम॑णि || 22 || ऋ॒ज्रम्¦उ॒क्ष॒ण्याय॑ने¦र॒ज॒तम्¦हर॑याणे | रथ᳚म्¦यु॒क्तम्¦अ॒स॒ना॒म॒¦सु॒ऽसाम॑नि || |
| तामे॒,अश्व्या᳚नां॒हरी᳚णांनि॒तोश॑ना | उ॒तोनुकृत्व्या᳚नांनृ॒वाह॑सा || 23 || ता¦मे॒¦अश्व्या᳚नाम्¦हरी᳚णाम्¦नि॒ऽतोश॑ना | उ॒तो इति॑¦नु¦कृत्व्या᳚नाम्¦नृ॒ऽवाह॑सा || |
| स्मद॑भीशू॒कशा᳚वन्ता॒विप्रा॒नवि॑ष्ठयाम॒ती | म॒होवा॒जिना॒वर्व᳚न्ता॒सचा᳚सनम् || 24 || स्मद॑भीशू॒ इति॒ स्मत्।आ॑भीशू¦कशा᳚ऽवन्ता¦विप्रा᳚¦नवि॑ष्ठया¦म॒ती | म॒हः¦वा॒जिनौ᳚¦अर्व᳚न्ता¦सचा᳚¦अ॒स॒न॒म् || |
| [15] युवोरुष्विति पंचविंशत्यृचस्य सूक्तस्यांगिरसोव्यश्वोश्विनावंत्यषण्णां वायुरुष्णिक् वाहिष्ठोवामित्यादिचतस्रो गायत्र्यः विंश्येकविंश्यंत्याअनुष्टुभः (व्यश्वोवेति सर्वानुक्रमोक्ता वपिशौनके नव्यश्वस्यैवमुख्यत्वद्योतनादुत्रव्यश्वेमुख्यत्वमादृतंतेनपाक्षिकोविश्वमनाः) |{अष्टक:6, अध्याय:2}{मंडल:8, सूक्त:26}{अनुवाक:4, सूक्त:6} |
| यु॒वोरु॒षूरथं᳚हुवेस॒धस्तु॑त्यायसू॒रिषु॑ | अतू᳚र्तदक्षावृषणावृषण्वसू || 1 || वर्ग:26 यु॒वोः¦ऊँ॒ इति॑¦सु¦रथ᳚म्¦हु॒वे॒¦स॒धऽस्तु॑त्याय¦सू॒रिषु॑ | अतू᳚र्तऽदक्षा¦वृ॒ष॒णा॒¦वृ॒ष॒ण्व॒सू॒ इति॑ वृषण्ऽवसू || |
| यु॒वंव॑रोसु॒षाम्णे᳚म॒हेतने᳚नासत्या | अवो᳚भिर्याथोवृषणावृषण्वसू || 2 || यु॒वम्¦व॒रो॒ इति॑¦सु॒ऽसाम्ने᳚¦म॒हे¦तने᳚¦ना॒स॒त्या॒ | अवः॑ऽभिः¦या॒थः॒¦वृ॒ष॒णा॒¦वृ॒ष॒ण्व॒सू॒ इति॑ वृषण्ऽवसू || |
| तावा᳚म॒द्यह॑वामहेह॒व्येभि᳚र्वाजिनीवसू | पू॒र्वीरि॒षइ॒षय᳚न्ता॒वति॑क्ष॒पः || 3 || ता¦वा॒म्¦अ॒द्य¦ह॒वा॒म॒हे॒¦ह॒व्येभिः॑¦वा॒जि॒नी॒व॒सू॒ इति॑ वाजिनीऽवसू | पू॒र्वीः¦इ॒षः¦इ॒षय᳚न्तौ¦अति॑¦क्ष॒पः || |
| आवां॒वाहि॑ष्ठो,अश्विना॒रथो᳚यातुश्रु॒तोन॑रा | उप॒स्तोमा᳚न्तु॒रस्य॑दर्शथःश्रि॒ये || 4 || आ¦वा॒म्¦वाहि॑ष्ठः¦अ॒श्वि॒ना॒¦रथः॑¦या॒तु॒¦श्रु॒तः¦न॒रा॒ | उप॑¦स्तोमा᳚न्¦तु॒रस्य॑¦द॒र्श॒थः॒¦श्रि॒ये || |
| जु॒हु॒रा॒णाचि॑दश्वि॒नाम᳚न्येथांवृषण्वसू | यु॒वंहिरु॑द्रा॒पर्ष॑थो॒,अति॒द्विषः॑ || 5 || जु॒हु॒रा॒णा¦चि॒त्¦अ॒श्वि॒ना॒¦आ¦म॒न्ये॒था॒म्¦वृ॒ष॒ण्व॒सू॒ इति॑ वृषण्ऽवसू | यु॒वम्¦हि¦रु॒द्रा॒¦पर्ष॑थः¦अति॑¦द्विषः॑ || |
| द॒स्राहिविश्व॑मानु॒षङ्म॒क्षूभिः॑परि॒दीय॑थः | धि॒यं॒जि॒न्वामधु॑वर्णाशु॒भस्पती᳚ || 6 || वर्ग:27 द॒स्रा¦हि¦विश्व᳚म्¦आ॒नु॒षक्¦म॒क्षुऽभिः॑¦प॒रि॒ऽदीय॑थः | धि॒य॒म्ऽजि॒न्वा¦मधु॑ऽवर्णा¦शु॒भः¦पती॒ इति॑ || |
| उप॑नोयातमश्विनारा॒यावि॑श्व॒पुषा᳚स॒ह | म॒घवा᳚नासु॒वीरा॒वन॑पच्युता || 7 || उप॑¦नः॒¦या॒त॒म्¦अ॒श्वि॒ना॒¦रा॒या¦वि॒श्व॒ऽपुषा᳚¦स॒ह | म॒घऽवा᳚ना¦सु॒ऽवीरौ᳚¦अन॑पऽच्युता || |
| आमे᳚,अ॒स्यप्र॑ती॒व्य१॑(अ॒)मिन्द्र॑नासत्यागतम् | दे॒वादे॒वेभि॑र॒द्यस॒चन॑स्तमा || 8 || आ¦मे॒¦अ॒स्य¦प्र॒ती॒व्य᳚म्¦इन्द्र॑नासत्या¦ग॒त॒म् | दे॒वा¦दे॒वेभिः॑¦अ॒द्य¦स॒चनः॑ऽतमा || |
| व॒यंहिवां॒हवा᳚महउक्ष॒ण्यन्तो᳚व्यश्व॒वत् | सु॒म॒तिभि॒रुप॑विप्रावि॒हाग॑तम् || 9 || व॒यम्¦हि¦वा॒म्¦हवा᳚महे¦उ॒क्ष॒ण्यन्तः॑¦व्य॒श्व॒ऽवत् | सु॒म॒तिऽभिः॑¦उप॑¦वि॒प्रौ॒¦इ॒ह¦आ¦ग॒त॒म् || |
| अ॒श्विना॒स्वृ॑षेस्तुहिकु॒वित्ते॒श्रव॑तो॒हव᳚म् | नेदी᳚यसःकूळयातःप॒णीँरु॒त || 10 || अ॒श्विना᳚¦सु¦ऋ॒षे॒¦स्तु॒हि॒¦कु॒वित्¦ते॒¦श्रव॑तः¦हव᳚म् | नेदी᳚यसः¦कू॒ळ॒या॒तः॒¦प॒णीन्¦उ॒त || |
| वै॒य॒श्वस्य॑श्रुतंनरो॒तोमे᳚,अ॒स्यवे᳚दथः | स॒जोष॑सा॒वरु॑णोमि॒त्रो,अ᳚र्य॒मा || 11 || वर्ग:28 वै॒य॒श्वस्य॑¦श्रु॒त॒म्¦न॒रा॒¦उ॒तो इति॑¦मे॒¦अ॒स्य¦वे॒द॒थः॒ | स॒ऽजोष॑सा¦वरु॑णः¦मि॒त्रः¦अ॒र्य॒मा || |
| यु॒वाद॑त्तस्यधिष्ण्यायु॒वानी᳚तस्यसू॒रिभिः॑ | अह॑रहर्वृषण॒मह्यं᳚शिक्षतम् || 12 || यु॒वाऽद॑त्तस्य¦धि॒ष्ण्या॒¦यु॒वाऽनी᳚तस्य¦सू॒रिऽभिः॑ | अहः॑।आहः¦वृ॒ष॒णा॒¦मह्य᳚म्¦शि॒क्ष॒त॒म् || |
| योवां᳚य॒ज्ञेभि॒रावृ॒तोऽधि॑वस्त्राव॒धूरि॑व | स॒प॒र्यन्ता᳚शु॒भेच॑क्राते,अ॒श्विना᳚ || 13 || यः¦वा॒म्¦य॒ज्ञेभिः॑¦आऽवृ॑तः¦अधि॑ऽवस्त्रा¦व॒धूःऽइ᳚व | स॒प॒र्यन्ता᳚¦शु॒भे¦च॒क्रा॒ते॒ इति॑¦अ॒श्विना᳚ || |
| योवा᳚मुरु॒व्यच॑स्तमं॒चिके᳚ततिनृ॒पाय्य᳚म् | व॒र्तिर॑श्विना॒परि॑यातमस्म॒यू || 14 || यः¦वा॒म्¦उ॒रु॒व्यचः॑ऽतमम्¦चिके᳚तति¦नृ॒ऽपाय्य᳚म् | व॒र्तिः¦अ॒श्वि॒ना॒¦परि॑¦या॒त॒म्¦अ॒स्म॒यू इत्य॑स्म॒ऽयू || |
| अ॒स्मभ्यं॒सुवृ॑षण्वसूया॒तंव॒र्तिर्नृ॒पाय्य᳚म् | वि॒षु॒द्रुहे᳚वय॒ज्ञमू᳚हथुर्गि॒रा || 15 || अ॒स्मभ्य᳚म्¦सु¦वृ॒ष॒ण्व॒सू॒ इति॑ वृषण्ऽवसू¦या॒तम्¦व॒र्तिः¦नृ॒ऽपाय्य᳚म् | वि॒षु॒द्रुहा᳚ऽइव¦य॒ज्ञम्¦ऊ॒ह॒थुः॒¦गि॒रा || |
| वाहि॑ष्ठोवां॒हवा᳚नां॒स्तोमो᳚दू॒तोहु॑वन्नरा | यु॒वाभ्यां᳚भूत्वश्विना || 16 || वर्ग:29 वाहि॑ष्ठः¦वा॒म्¦हवा᳚नाम्¦स्तोमः॑¦दू॒तः¦हु॒व॒त्¦न॒रा॒ | यु॒वाभ्या᳚म्¦भू॒तु॒¦अ॒श्वि॒ना॒ || |
| यद॒दोदि॒वो,अ᳚र्ण॒वइ॒षोवा॒मद॑थोगृ॒हे | श्रु॒तमिन्मे᳚,अमर्त्या || 17 || यत्¦अ॒दः¦दि॒वः¦अ॒र्ण॒वे¦इ॒षः¦वा॒¦मद॑थः¦गृ॒हे | श्रु॒तम्¦इत्¦मे॒¦अ॒म॒र्त्या॒ || |
| उ॒तस्याश्वे᳚त॒याव॑री॒वाहि॑ष्ठावांन॒दीना᳚म् | सिन्धु॒र्हिर᳚ण्यवर्तनिः || 18 || उ॒त¦स्या¦श्वे॒त॒ऽयाव॑री¦वाहि॑ष्ठा¦वा॒म्¦न॒दीना᳚म् | सिन्धुः॑¦हिर᳚ण्यऽवर्तनिः || |
| स्मदे॒तया᳚सुकी॒र्त्याश्वि॑नाश्वे॒तया᳚धि॒या | वहे᳚थेशुभ्रयावाना || 19 || स्मत्¦ए॒तया᳚¦सु॒ऽकी॒र्त्या¦अश्वि॑ना¦श्वे॒तया᳚¦धि॒या | वहे᳚थे॒ इति॑¦शु॒भ्र॒ऽया॒वा॒ना॒ || |
| यु॒क्ष्वाहित्वंर॑था॒सहा᳚यु॒वस्व॒पोष्या᳚वसो | आन्नो᳚वायो॒मधु॑पिबा॒स्माकं॒सव॒नाग॑हि || 20 || यु॒क्ष्व¦हि¦त्वम्¦र॒थ॒ऽसहा᳚¦यु॒वस्व॑¦पोष्या᳚¦व॒सो॒ इति॑ | आत्¦नः॒¦वा॒यो॒ इति॑¦मधु॑¦पि॒ब॒¦अ॒स्माक᳚म्¦सव॑ना¦आ¦ग॒हि॒ || |
| तव॑वायवृतस्पते॒त्वष्टु॑र्जामातरद्भुत | अवां॒स्यावृ॑णीमहे || 21 || वर्ग:30 तव॑¦वा॒यो॒ इति॑¦ऋ॒तः॒प॒ते॒¦त्वष्टुः॑¦जा॒मा॒तः॒¦अ॒द्भु॒त॒ | अवां᳚सि¦आ¦वृ॒णी॒म॒हे॒ || |
| त्वष्टु॒र्जामा᳚तरंव॒यमीशा᳚नंरा॒यई᳚महे | सु॒ताव᳚न्तोवा॒युंद्यु॒म्नाजना᳚सः || 22 || त्वष्टुः॑¦जामा᳚तरम्¦व॒यम्¦ईशा᳚नम्¦रा॒यः¦ई॒म॒हे॒ | सु॒तऽव᳚न्तः¦वा॒युम्¦द्यु॒म्ना¦जना᳚सः || |
| वायो᳚या॒हिशि॒वादि॒वोवह॑स्वा॒सुस्वश्व्य᳚म् | वह॑स्वम॒हःपृ॑थु॒पक्ष॑सा॒रथे᳚ || 23 || वायो॒ इति॑¦या॒हि¦शि॒व॒¦आ¦दि॒वः¦वह॑स्व¦सु¦सु॒।आश्व्य᳚म् | वह॑स्व¦म॒हः¦पृ॒थु॒ऽपक्ष॑सा¦रथे᳚ || |
| त्वांहिसु॒प्सर॑स्तमंनृ॒षद॑नेषुहू॒महे᳚ | ग्रावा᳚णं॒नाश्व॑पृष्ठंमं॒हना᳚ || 24 || त्वाम्¦हि¦सु॒प्सरः॑ऽतमम्¦नृ॒ऽसद॑नेषु¦हू॒महे᳚ | ग्रावा᳚णम्¦न¦अश्व॑ऽपृष्ठम्¦मं॒हना᳚ || |
| सत्वंनो᳚देव॒मन॑सा॒वायो᳚मन्दा॒नो,अ॑ग्रि॒यः | कृ॒धिवाजाँ᳚,अ॒पोधियः॑ || 25 || सः¦त्वम्¦नः॒¦दे॒व॒¦मन॑सा¦वायो॒ इति॑¦म॒न्दा॒नः¦अ॒ग्रि॒यः | कृ॒धि¦वाजा᳚न्¦अ॒पः¦धियः॑ || |
| [16] अग्निरुक्थइति द्वाविंशत्यृचस्य सूक्तस्य वैवस्वतोमनुर्विश्वेदेवाः अयुजोबृहत्योयुजः सतोबृहत्यः | (अग्निरुक्थइत्यादिवैश्वदेवेषुचतुः सूक्तेषु आद्ययोरंत्येचसर्वेविश्वेदेवाएवनात्रभेदः) |{अष्टक:6, अध्याय:2}{मंडल:8, सूक्त:27}{अनुवाक:4, सूक्त:7} |
| अ॒ग्निरु॒क्थेपु॒रोहि॑तो॒ग्रावा᳚णोब॒र्हिर॑ध्व॒रे | ऋ॒चाया᳚मिम॒रुतो॒ब्रह्म॑ण॒स्पतिं᳚दे॒वाँ,अवो॒वरे᳚ण्यम् || 1 || वर्ग:31 अ॒ग्निः¦उ॒क्थे¦पु॒रःऽहि॑तः¦ग्रावा᳚णः¦ब॒र्हिः¦अ॒ध्व॒रे | |
| आप॒शुंगा᳚सिपृथि॒वींवन॒स्पती᳚नु॒षासा॒नक्त॒मोष॑धीः | विश्वे᳚चनोवसवोविश्ववेदसोधी॒नांभू᳚तप्रावि॒तारः॑ || 2 || आ¦प॒शुम्¦गा॒सि॒¦पृ॒थि॒वीम्¦वन॒स्पती᳚न्¦उ॒षसा᳚¦नक्त᳚म्¦ओष॑धीः | |
| प्रसून॑एत्वध्व॒रो॒३॑(ओ॒)ऽग्नादे॒वेषु॑पू॒र्व्यः | आ॒दि॒त्येषु॒प्रवरु॑णेधृ॒तव्र॑तेम॒रुत्सु॑वि॒श्वभा᳚नुषु || 3 || प्र¦सु¦नः॒¦ए॒तु॒¦अ॒ध्व॒रः¦अ॒ग्ना¦दे॒वेषु॑¦पू॒र्व्यः | |
| विश्वे॒हिष्मा॒मन॑वेवि॒श्ववे᳚दसो॒भुव᳚न्वृ॒धेरि॒शाद॑सः | अरि॑ष्टेभिःपा॒युभि᳚र्विश्ववेदसो॒यन्ता᳚नोऽवृ॒कंछ॒र्दिः || 4 || विश्वे᳚¦हि¦स्म॒¦मन॑वे¦वि॒श्वऽवे᳚दसः¦भुव॑न्¦वृ॒धे¦रि॒शाद॑सः | |
| आनो᳚,अ॒द्यसम॑नसो॒गन्ता॒विश्वे᳚स॒जोष॑सः | ऋ॒चागि॒रामरु॑तो॒देव्यदि॑ते॒सद॑ने॒पस्त्ये᳚महि || 5 || आ¦नः॒¦अ॒द्य¦सऽम॑नसः¦गन्त॑¦विश्वे᳚¦स॒ऽजोष॑सः | |
| अ॒भिप्रि॒याम॑रुतो॒यावो॒,अश्व्या᳚ह॒व्यामि॑त्रप्रया॒थन॑ | आब॒र्हिरिन्द्रो॒वरु॑णस्तु॒रानर॑आदि॒त्यासः॑सदन्तुनः || 6 || वर्ग:32 अ॒भि¦प्रि॒या¦म॒रु॒तः॒¦या¦वः॒¦अश्व्या᳚¦ह॒व्या¦मि॒त्र॒¦प्र॒ऽया॒थन॑ | |
| व॒यंवो᳚वृ॒क्तब᳚र्हिषोहि॒तप्र॑यसआनु॒षक् | सु॒तसो᳚मासोवरुणहवामहेमनु॒ष्वदि॒द्धाग्न॑यः || 7 || व॒यम्¦वः॒¦वृ॒क्तऽब॑र्हिषः¦हि॒तऽप्र॑यसः¦आ॒नु॒षक् | |
| आप्रया᳚त॒मरु॑तो॒विष्णो॒,अश्वि॑ना॒पूष॒न्माकी᳚नयाधि॒या | इन्द्र॒आया᳚तुप्रथ॒मःस॑नि॒ष्युभि॒र्वृषा॒योवृ॑त्र॒हागृ॒णे || 8 || आ¦प्र¦या॒त॒¦मरु॑तः¦विष्णो॒ इति॑¦अश्वि॑ना¦पूष॑न्¦माकी᳚नया¦धि॒या | |
| विनो᳚देवासो,अद्रु॒होऽच्छि॑द्रं॒शर्म॑यच्छत | नयद्दू॒राद्व॑सवो॒नूचि॒दन्ति॑तो॒वरू᳚थमाद॒धर्ष॑ति || 9 || वि¦नः॒¦दे॒वा॒सः॒¦अ॒द्रु॒हः॒¦अच्छि॑द्रम्¦शर्म॑¦य॒च्छ॒त॒ | |
| अस्ति॒हिवः॑सजा॒त्यं᳚रिशादसो॒देवा᳚सो॒,अस्त्याप्य᳚म् | प्रणः॒पूर्व॑स्मैसुवि॒ताय॑वोचतम॒क्षूसु॒म्नाय॒नव्य॑से || 10 || अस्ति॑¦हि¦वः॒¦स॒ऽजा॒त्य᳚म्¦रि॒शा॒द॒सः॒¦देवा᳚सः¦अस्ति॑¦आप्य᳚म् | |
| इ॒दाहिव॒उप॑स्तुतिमि॒दावा॒मस्य॑भ॒क्तये᳚ | उप॑वोविश्ववेदसोनम॒स्युराँ,असृ॒क्ष्यन्या᳚मिव || 11 || वर्ग:33 इ॒दा¦हि¦वः॒¦उप॑ऽस्तुतिम्¦इ॒दा¦वा॒मस्य॑¦भ॒क्तये᳚ | |
| उदु॒ष्यवः॑सवि॒तासु॑प्रणीत॒योऽस्था᳚दू॒र्ध्वोवरे᳚ण्यः | निद्वि॒पाद॒श्चतु॑ष्पादो,अ॒र्थिनोऽवि॑श्रन्पतयि॒ष्णवः॑ || 12 || उत्¦ऊँ॒ इति॑¦स्यः¦वः॒¦स॒वि॒ता¦सु॒ऽप्र॒नी॒त॒यः¦अस्था᳚त्¦ऊ॒र्ध्वः¦वरे᳚ण्यः | |
| दे॒वंदे᳚वं॒वोऽव॑सेदे॒वंदे᳚वम॒भिष्ट॑ये | दे॒वंदे᳚वंहुवेम॒वाज॑सातयेगृ॒णन्तो᳚दे॒व्याधि॒या || 13 || दे॒वम्ऽदे᳚वम्¦वः॒¦अव॑से¦दे॒वम्ऽदे᳚वम्¦अ॒भिष्ट॑ये | |
| दे॒वासो॒हिष्मा॒मन॑वे॒सम᳚न्यवो॒विश्वे᳚सा॒कंसरा᳚तयः | तेनो᳚,अ॒द्यते,अ॑प॒रंतु॒चेतुनो॒भव᳚न्तुवरिवो॒विदः॑ || 14 || दे॒वासः॑¦हि¦स्म॒¦मन॑वे¦सऽम᳚न्यवः¦विश्वे᳚¦सा॒कम्¦सऽरा᳚तयः | |
| प्रवः॑शंसाम्यद्रुहःसं॒स्थउप॑स्तुतीनाम् | नतंधू॒र्तिर्व॑रुणमित्र॒मर्त्यं॒योवो॒धाम॒भ्योऽवि॑धत् || 15 || प्र¦वः॒¦शं॒सा॒मि॒¦अ॒द्रु॒हः॒¦स॒म्ऽस्थे¦उप॑ऽस्तुतीनाम् | |
| प्रसक्षयं᳚तिरते॒विम॒हीरिषो॒योवो॒वरा᳚य॒दाश॑ति | प्रप्र॒जाभि॑र्जायते॒धर्म॑ण॒स्पर्यरि॑ष्टः॒सर्व॑एधते || 16 || प्र¦सः¦क्षय᳚म्¦ति॒र॒ते॒¦वि¦म॒हीः¦इषः॑¦यः¦वः॒¦वरा᳚य¦दाश॑ति | |
| ऋ॒तेसवि᳚न्दतेयु॒धःसु॒गेभि᳚र्या॒त्यध्व॑नः | अ॒र्य॒मामि॒त्रोवरु॑णः॒सरा᳚तयो॒यंत्राय᳚न्तेस॒जोष॑सः || 17 || वर्ग:34 ऋ॒ते¦सः¦वि॒न्द॒ते॒¦यु॒धः¦सु॒ऽगेभिः॑¦या॒ति॒¦अध्व॑नः | |
| अज्रे᳚चिदस्मैकृणुथा॒न्यञ्च॑नंदु॒र्गेचि॒दासु॑सर॒णम् | ए॒षाचि॑दस्माद॒शनिः॑प॒रोनुसास्रे᳚धन्ती॒विन॑श्यतु || 18 || अज्रे᳚¦चि॒त्¦अ॒स्मै॒¦कृ॒णु॒थ॒¦नि॒।आंच॑नम्¦दुः॒ऽगे¦चि॒त्¦आ¦सु॒ऽस॒र॒णम् | |
| यद॒द्यसूर्य॑उद्य॒तिप्रिय॑क्षत्रा,ऋ॒तंद॒ध | यन्नि॒म्रुचि॑प्र॒बुधि॑विश्ववेदसो॒यद्वा᳚म॒ध्यंदि॑नेदि॒वः || 19 || यत्¦अ॒द्य¦सूर्ये᳚¦उ॒त्ऽय॒ति¦प्रिय॑ऽक्षत्राः¦ऋ॒तम्¦द॒ध | |
| यद्वा᳚भिपि॒त्वे,अ॑सुरा,ऋ॒तंय॒तेछ॒र्दिर्ये॒मविदा॒शुषे᳚ | व॒यंतद्वो᳚वसवोविश्ववेदस॒उप॑स्थेयाम॒मध्य॒आ || 20 || यत्¦वा॒¦अ॒भि॒ऽपि॒त्वे¦अ॒सु॒राः॒¦ऋ॒तम्¦य॒ते¦छ॒र्दिः¦ये॒म¦वि¦दा॒शुषे᳚ | |
| यद॒द्यसूर॒उदि॑ते॒यन्म॒ध्यंदि॑नआ॒तुचि॑ | वा॒मंध॒त्थमन॑वेविश्ववेदसो॒जुह्वा᳚नाय॒प्रचे᳚तसे || 21 || यत्¦अ॒द्य¦सूरे᳚¦उत्ऽइ᳚ते¦यत्¦म॒ध्यंदि॑ने¦आ॒ऽतुचि॑ | |
| व॒यंतद्वः॑सम्राज॒आवृ॑णीमहेपु॒त्रोनब॑हु॒पाय्य᳚म् | अ॒श्याम॒तदा᳚दित्या॒जुह्व॑तोह॒विर्येन॒वस्यो॒ऽनशा᳚महै || 22 || व॒यम्¦तत्¦वः॒¦स॒म्ऽरा॒जः॒¦आ¦वृ॒णी॒म॒हे॒¦पु॒त्रः¦न¦ब॒हु॒ऽपाय्य᳚म् | |
| [17] येत्रिंशतीति पंचर्चस्य सूक्तस्य वैवस्वतोमनुर्विश्वेदेवागायत्री चतुर्थीपुरउष्णिक् |{अष्टक:6, अध्याय:2}{मंडल:8, सूक्त:28}{अनुवाक:4, सूक्त:8} |
| येत्रिं॒शति॒त्रय॑स्प॒रोदे॒वासो᳚ब॒र्हिरास॑दन् | वि॒दन्नह॑द्वि॒तास॑नन् || 1 || वर्ग:35 ये¦त्रिं॒शति॑¦त्रयः॑¦प॒रः¦दे॒वासः॑¦ब॒र्हिः¦आ¦अस॑दन् | वि॒दन्¦अह॑¦द्वि॒ता¦अ॒स॒न॒न् || |
| वरु॑णोमि॒त्रो,अ᳚र्य॒मास्मद्रा᳚तिषाचो,अ॒ग्नयः॑ | पत्नी᳚वन्तो॒वष॑ट्कृताः || 2 || वरु॑णः¦मि॒त्रः¦अ॒र्य॒मा¦स्मद्रा᳚तिऽसाचः¦अ॒ग्नयः॑ | पत्नी᳚ऽवन्तः¦वष॑ट्ऽकृटाः || |
| तेनो᳚गो॒पा,अ॑पा॒च्यास्तउद॒क्तइ॒त्थान्य॑क् | पु॒रस्ता॒त्सर्व॑यावि॒शा || 3 || ते¦नः॒¦गो॒पाः¦अ॒पा॒च्याः¦ते¦उद॑क्¦ते¦इ॒त्था¦न्य॑क् | पु॒रस्ता᳚त्¦सर्व॑या¦वि॒शा || |
| यथा॒वश᳚न्तिदे॒वास्तथेद॑स॒त्तदे᳚षां॒नकि॒रामि॑नत् | अरा᳚वाच॒नमर्त्यः॑ || 4 || यथा᳚¦वश᳚न्ति¦दे॒वाः¦तथा᳚¦इत्¦अ॒स॒त्¦तत्¦ए॒षा॒म्¦नकिः॑¦आ¦मि॒न॒त् | अरा᳚वा¦च॒न¦मर्त्यः॑ || |
| स॒प्ता॒नांस॒प्तऋ॒ष्टयः॑स॒प्तद्यु॒म्नान्ये᳚षाम् | स॒प्तो,अधि॒श्रियो᳚धिरे || 5 || स॒प्ता॒नाम्¦स॒प्त¦ऋ॒ष्टयः॑¦स॒प्त¦द्यु॒म्नानि॑¦ए॒षा॒म् | स॒प्तो इति॑¦अधि॑¦श्रियः॑¦धि॒रे॒ || |
| [18] बभ्रुरेकइति दशर्चस्य सूक्तस्य वैवस्वतो मनुर्विश्वेदेवाद्विपदा विराट् | (भेदपक्षे - सोमः १ अग्निः १ त्वष्टा १ इंद्रः १ रुद्रः १ पूषा १ विष्णुः १ अश्विनौ १ मित्रावरुणौ १ अश्विनौ १ एवंदश । अस्मिन्मारीचः कश्यपर्षिः पाक्षिकः) |{अष्टक:6, अध्याय:2}{मंडल:8, सूक्त:29}{अनुवाक:4, सूक्त:9} |
| ब॒भ्रुरेको॒विषु॑णःसू॒नरो॒युवा॒ञ्ज्य᳚ङ्क्तेहिर॒ण्यय᳚म् || 1 || वर्ग:36 ब॒भ्रुः¦एकः॑¦विषु॑णः¦सू॒नरः॑¦युवा᳚¦अं॒जि¦अ॒ङ्क्ते॒¦हि॒र॒ण्यय᳚म् || |
| योनि॒मेक॒आस॑साद॒द्योत॑नो॒ऽन्तर्दे॒वेषु॒मेधि॑रः || 2 || योनि᳚म्¦एकः॑¦आ¦स॒सा॒द॒¦द्योत॑नः¦अ॒न्तः¦दे॒वेषु॑¦मेधि॑रः || |
| वाशी॒मेको᳚बिभर्ति॒हस्त॑आय॒सीम॒न्तर्दे॒वेषु॒निध्रु॑विः || 3 || वाशी᳚म्¦एकः॑¦बि॒भ॒र्ति॒¦हस्ते᳚¦आ॒य॒सीम्¦अ॒न्तः¦दे॒वेषु॑¦निऽध्रु॑विः || |
| वज्र॒मेको᳚बिभर्ति॒हस्त॒आहि॑तं॒तेन॑वृ॒त्राणि॑जिघ्नते || 4 || वज्र᳚म्¦एकः॑¦बि॒भ॒र्ति॒¦हस्ते᳚¦आऽहि॑तम्¦तेन॑¦वृ॒त्राणि॑¦जि॒घ्न॒ते॒ || |
| ति॒ग्ममेको᳚बिभर्ति॒हस्त॒आयु॑धं॒शुचि॑रु॒ग्रोजला᳚षभेषजः || 5 || ति॒ग्मम्¦एकः॑¦बि॒भ॒र्ति॒¦हस्ते᳚¦आयु॑धम्¦शुचिः॑¦उ॒ग्रः¦जला᳚षऽभेषजः || |
| प॒थएकः॑पीपाय॒तस्क॑रोयथाँ,ए॒षवे᳚दनिधी॒नाम् || 6 || प॒थः¦एकः॑¦पी॒पा॒य॒¦तस्क॑रः¦य॒था॒¦ए॒षः¦वे॒द॒¦नि॒ऽधी॒नाम् || |
| त्रीण्येक॑उरुगा॒योविच॑क्रमे॒यत्र॑दे॒वासो॒मद᳚न्ति || 7 || त्रीणि॑¦एकः॑¦उ॒रु॒ऽगा॒यः¦वि¦च॒क्र॒मे॒¦यत्र॑¦दे॒वासः॑¦मद᳚न्ति || |
| विभि॒र्द्वाच॑रत॒एक॑यास॒हप्रप्र॑वा॒सेव॑वसतः || 8 || विऽभिः॑¦द्वा¦च॒र॒तः॒¦एक॑या¦स॒ह¦प्र¦प्र॒वा॒साऽइ᳚व¦व॒स॒तः॒ || |
| सदो॒द्वाच॑क्राते,उप॒मादि॒विस॒म्राजा᳚स॒र्पिरा᳚सुती || 9 || सदः॑¦द्वा¦च॒क्रा॒ते॒ इति॑¦उ॒प॒ऽमा¦दि॒वि¦स॒म्ऽराजा᳚¦स॒र्पिरा᳚सुती॒ इति॑ स॒र्पिःऽआ᳚सुती || |
| अर्च᳚न्त॒एके॒महि॒साम॑मन्वत॒तेन॒सूर्य॑मरोचयन् || 10 || अर्च᳚न्तः¦एके᳚¦महि॑¦साम॑¦म॒न्व॒त॒¦तेन॑¦सूर्य᳚म्¦अ॒रो॒च॒य॒न् || |
| [19] नहिवैति चतुरृचस्य सूक्तस्य वैवस्वतोमनुर्विश्वेदेवागायत्री पुरउष्णिग्बृहत्यनुष्टुभः |{अष्टक:6, अध्याय:2}{मंडल:8, सूक्त:30}{अनुवाक:4, सूक्त:10} |
| न॒हिवो॒,अस्त्य॑र्भ॒कोदेवा᳚सो॒नकु॑मार॒कः | विश्वे᳚स॒तोम॑हान्त॒इत् || 1 || वर्ग:37 न॒हि¦वः॒¦अस्ति॑¦अ॒र्भ॒कः¦देवा᳚सः¦न¦कु॒मा॒र॒कः | विश्वे᳚¦स॒तःऽम॑हान्तः¦इत् || |
| इति॑स्तु॒तासो᳚,असथारिशादसो॒येस्थत्रय॑श्चत्रिं॒शच्च॑ | मनो᳚र्देवायज्ञियासः || 2 || इति॑¦स्तु॒तासः॑¦अ॒स॒थ॒¦रि॒शा॒द॒सः॒¦ये¦स्थ¦त्रयः॑¦च॒¦त्रिं॒शत्¦च॒ | मनोः᳚¦दे॒वाः॒¦य॒ज्ञि॒या॒सः॒ || |
| तेन॑स्त्राध्वं॒ते᳚ऽवत॒तउ॑नो॒,अधि॑वोचत | मानः॑प॒थःपित्र्या᳚न्मान॒वादधि॑दू॒रंनै᳚ष्टपरा॒वतः॑ || 3 || ते¦नः॒¦त्रा॒ध्व॒म्¦ते॒¦अ॒व॒त॒¦ते¦ऊँ॒ इति॑¦नः॒¦अधि॑¦वो॒च॒त॒ | |
| येदे᳚वासइ॒हस्थन॒विश्वे᳚वैश्वान॒रा,उ॒त | अ॒स्मभ्यं॒शर्म॑स॒प्रथो॒गवेऽश्वा᳚ययच्छत || 4 || ये¦दे॒वा॒सः॒¦इ॒ह¦स्थन॑¦विश्वे᳚¦वै॒श्वा॒न॒राः¦उ॒त | अ॒स्मभ्य᳚म्¦शर्म॑¦स॒ऽप्रथः॑¦गवे᳚¦अश्वा᳚य¦य॒च्छ॒त॒ || |
| [20] योयजातीत्यष्टादशर्चस्य सूक्तस्य वैवस्वतोमनुः यज्ञोदेवतातृतीयादिद्वयोर्यजमानः पंचम्यादीनांदंपती दशम्यादिनवानांदंपत्याशिषोगायत्री नवमीचतुर्दश्यावनुष्टुभौ दशमीपादनिचृदंत्याश्चतस्रः पंक्त्यः (प्रथमयोर्द्वयोरिंद्रो देवतेति केचित् दशम्या यजमानपत्न्याशीः ततोद्वयोः पूषा ततएकस्यामित्रार्यमवरुणाः ततएकस्याअग्निः अंत्यचतस्रणां यजमानइति शौनकाद्यभिप्रायेणकेचिदाहुः) |{अष्टक:6, अध्याय:2}{मंडल:8, सूक्त:31}{अनुवाक:5, सूक्त:1} |
| योयजा᳚ति॒यजा᳚त॒इत्सु॒नव॑च्च॒पचा᳚तिच | ब्र॒ह्मेदिन्द्र॑स्यचाकनत् || 1 || वर्ग:38 यः¦यजा᳚ति¦यजा᳚ते¦इत्¦सु॒नव॑त्¦च॒¦पचा᳚ति¦च॒ | ब्र॒ह्मा¦इत्¦इन्द्र॑स्य¦चा॒क॒न॒त् || |
| पु॒रो॒ळाशं॒यो,अ॑स्मै॒सोमं॒रर॑तआ॒शिर᳚म् | पादित्तंश॒क्रो,अंह॑सः || 2 || पु॒रो॒ळाश᳚म्¦यः¦अ॒स्मै॒¦सोम᳚म्¦रर॑ते¦आ॒ऽशिर᳚म् | पात्¦इत्¦तम्¦श॒क्रः¦अंह॑सः || |
| तस्य॑द्यु॒माँ,अ॑स॒द्रथो᳚दे॒वजू᳚तः॒सशू᳚शुवत् | विश्वा᳚व॒न्वन्न॑मि॒त्रिया᳚ || 3 || तस्य॑¦द्यु॒ऽमान्¦अ॒स॒त्¦रथः॑¦दे॒वऽजू᳚तः¦सः¦शू॒शु॒व॒त् | विश्वा᳚¦व॒न्वन्¦अ॒मि॒त्रिया᳚ || |
| अस्य॑प्र॒जाव॑तीगृ॒हेऽस॑श्चन्तीदि॒वेदि॑वे | इळा᳚धेनु॒मती᳚दुहे || 4 || अस्य॑¦प्र॒जाऽव॑ती¦गृ॒हे¦अस॑श्चन्ती¦दि॒वेऽदि॑वे | इळा᳚¦धे॒नु॒ऽमती᳚¦दु॒हे॒ || |
| यादम्प॑ती॒सम॑नसासुनु॒तआच॒धाव॑तः | देवा᳚सो॒नित्य॑या॒शिरा᳚ || 5 || या¦दंप॑ती॒ इति॒ दम्ऽप॑ती¦सऽम॑नसा¦सु॒नु॒तः¦आ¦च॒¦धाव॑तः | देवा᳚सः¦नित्य॑या¦आ॒ऽशिरा᳚ || |
| प्रति॑प्राश॒व्याँ᳚,इतःस॒म्यञ्चा᳚ब॒र्हिरा᳚शाते | नतावाजे᳚षुवायतः || 6 || वर्ग:39 प्रति॑¦प्रा॒श॒व्या᳚न्¦इ॒तः॒¦स॒म्यंचा᳚¦ब॒र्हिः¦आ॒शा॒ते॒ इति॑ | न¦ता¦वाजे᳚षु¦वा॒य॒तः॒ || |
| नदे॒वाना॒मपि॑ह्नुतःसुम॒तिंनजु॑गुक्षतः | श्रवो᳚बृ॒हद्वि॑वासतः || 7 || न¦दे॒वाना᳚म्¦अपि॑¦ह्नु॒तः¦सु॒ऽम॒तिम्¦न¦जु॒घु॒क्ष॒तः॒ | श्रवः॑¦बृ॒हत्¦वि॒वा॒स॒तः॒ || |
| पु॒त्रिणा॒ताकु॑मा॒रिणा॒विश्व॒मायु॒र्व्य॑श्नुतः | उ॒भाहिर᳚ण्यपेशसा || 8 || पु॒त्रिणा᳚¦ता¦कु॒मा॒रिणा᳚¦विश्व᳚म्¦आयुः॑¦वि¦अ॒श्नु॒तः॒ | उ॒भा¦हिर᳚ण्यऽपेशसा || |
| वी॒तिहो᳚त्राकृ॒तद्व॑सूदश॒स्यन्ता॒मृता᳚य॒कम् | समूधो᳚रोम॒शंह॑तोदे॒वेषु॑कृणुतो॒दुवः॑ || 9 || वी॒तिऽहो᳚त्रा¦कृ॒तद्व॑सू॒ इति॑ कृ॒तत्ऽव॑सू¦द॒श॒स्यन्ता᳚¦अ॒मृता᳚य¦कम् | सम्¦ऊधः॑¦रो॒म॒शम्¦ह॒तः॒¦दे॒वेषु॑¦कृ॒णु॒तः॒¦दुवः॑ || |
| आशर्म॒पर्व॑तानांवृणी॒महे᳚न॒दीना᳚म् | आविष्णोः᳚सचा॒भुवः॑ || 10 || आ¦शर्म॑¦पर्व॑तानाम्¦वृ॒णी॒महे᳚¦न॒दीना᳚म् | आ¦विष्णोः᳚¦स॒चा॒ऽभुवः॑ || |
| ऐतु॑पू॒षार॒यिर्भगः॑स्व॒स्तिस᳚र्व॒धात॑मः | उ॒रुरध्वा᳚स्व॒स्तये᳚ || 11 || वर्ग:40 आ¦ए॒तु॒¦पू॒षा¦र॒यिः¦भगः॑¦स्व॒स्ति¦स॒र्व॒ऽधात॑मः | उ॒रुः¦अध्वा᳚¦स्व॒स्तये᳚ || |
| अ॒रम॑तिरन॒र्वणो॒विश्वो᳚दे॒वस्य॒मन॑सा | आ॒दि॒त्याना᳚मने॒हइत् || 12 || अ॒रम॑तिः¦अ॒न॒र्वणः॑¦विश्वः॑¦दे॒वस्य॑¦मन॑सा | आ॒दि॒त्याना᳚म्¦अ॒ने॒हः¦इत् || |
| यथा᳚नोमि॒त्रो,अ᳚र्य॒मावरु॑णः॒सन्ति॑गो॒पाः | सु॒गा,ऋ॒तस्य॒पन्थाः᳚ || 13 || यथा᳚¦नः॒¦मि॒त्रः¦अ॒र्य॒मा¦वरु॑णः¦सन्ति॑¦गो॒पाः | सु॒ऽगाः¦ऋ॒तस्य॑¦पन्थाः᳚ || |
| अ॒ग्निंवः॑पू॒र्व्यंगि॒रादे॒वमी᳚ळे॒वसू᳚नाम् | स॒प॒र्यन्तः॑पुरुप्रि॒यंमि॒त्रंनक्षे᳚त्र॒साध॑सम् || 14 || अ॒ग्निम्¦वः॒¦पू॒र्व्यम्¦गि॒रा¦दे॒वम्¦ई॒ळे॒¦वसू᳚नाम् | स॒प॒र्यन्तः॑¦पु॒रु॒ऽप्रि॒यम्¦मि॒त्रम्¦न¦क्षे॒त्र॒ऽसाध॑सम् || |
| म॒क्षूदे॒वव॑तो॒रथः॒शूरो᳚वापृ॒त्सुकासु॑चित् | दे॒वानां॒यइन्मनो॒यज॑मान॒इय॑क्षत्य॒भीदय॑ज्वनोभुवत् || 15 || म॒क्षु¦दे॒वऽव॑तः¦रथः॑¦शूरः॑¦वा॒¦पृ॒त्ऽसु¦कासु॑¦चि॒त् | |
| नय॑जमानरिष्यसि॒नसु᳚न्वान॒नदे᳚वयो | दे॒वानां॒यइन्मनो॒यज॑मान॒इय॑क्षत्य॒भीदय॑ज्वनोभुवत् || 16 || न¦य॒ज॒मा॒न॒¦रि॒ष्य॒सि॒¦न¦सु॒न्वा॒न॒¦न¦दे॒व॒यो॒ इति॑ देवऽयो | |
| नकि॒ष्टंकर्म॑णानश॒न्नप्रयो᳚ष॒न्नयो᳚षति | दे॒वानां॒यइन्मनो॒यज॑मान॒इय॑क्षत्य॒भीदय॑ज्वनोभुवत् || 17 || नकिः॑¦तम्¦कर्म॑णा¦न॒श॒त्¦न¦प्र¦यो॒ष॒त्¦न¦यो॒ष॒ति॒ | |
| अस॒दत्र॑सु॒वीर्य॑मु॒तत्यदा॒श्वश्व्य᳚म् | दे॒वानां॒यइन्मनो॒यज॑मान॒इय॑क्षत्य॒भीदय॑ज्वनोभुवत् || 18 || अस॑त्¦अत्र॑¦सु॒ऽवीर्य᳚म्¦उ॒त¦त्यत्¦आ॒शु॒।आश्व्य᳚म् | |
| [21] प्रकृतानीति त्रिंशदृचस्य सूक्तस्य काण्वोमेधातिथिरिंद्रोगायत्री |{अष्टक:6, अध्याय:3}{मंडल:8, सूक्त:32}{अनुवाक:5, सूक्त:2} |
| प्रकृ॒तान्यृ॑जी॒षिणः॒कण्वा॒,इन्द्र॑स्य॒गाथ॑या | मदे॒सोम॑स्यवोचत || 1 || वर्ग:1 प्र¦कृ॒तानि॑¦ऋ॒जी॒षिणः॑¦कण्वाः᳚¦इन्द्र॑स्य¦गाथ॑या | मदे᳚¦सोम॑स्य¦वो॒च॒त॒ || |
| यःसृबि᳚न्द॒मन॑र्शनिं॒पिप्रुं᳚दा॒सम॑ही॒शुव᳚म् | वधी᳚दु॒ग्रोरि॒णन्न॒पः || 2 || यः¦सृबि᳚न्दम्¦अन॑र्शनिम्¦पिप्रु᳚म्¦दा॒सम्¦अ॒ही॒शुव᳚म् | वधी᳚त्¦उ॒ग्रः¦रि॒णन्¦अ॒पः || |
| न्यर्बु॑दस्यवि॒ष्टपं᳚व॒र्ष्माणं᳚बृह॒तस्ति॑र | कृ॒षेतदि᳚न्द्र॒पौंस्य᳚म् || 3 || नि¦अर्बु॑दस्य¦वि॒ष्टप᳚म्¦व॒र्ष्माण᳚म्¦बृ॒ह॒तः¦ति॒र॒ | कृ॒षे¦तत्¦इ॒न्द्र॒¦पौंस्य᳚म् || |
| प्रति॑श्रु॒ताय॑वोधृ॒षत्तूर्णा᳚शं॒नगि॒रेरधि॑ | हु॒वेसु॑शि॒प्रमू॒तये᳚ || 4 || प्रति॑¦श्रु॒ताय॑¦वः॒¦धृ॒षत्¦तूर्णा᳚शम्¦न¦गि॒रेः¦अधि॑ | हु॒वे¦सु॒ऽशि॒प्रम्¦ऊ॒तये᳚ || |
| सगोरश्व॑स्य॒विव्र॒जंम᳚न्दा॒नःसो॒म्येभ्यः॑ | पुरं॒नशू᳚रदर्षसि || 5 || सः¦गोः¦अश्व॑स्य¦वि¦व्र॒जम्¦म॒न्दा॒नः¦सो॒म्येभ्यः॑ | पुर᳚म्¦न¦शू॒र॒¦द॒र्ष॒सि॒ || |
| यदि॑मेरा॒रणः॑सु॒तउ॒क्थेवा॒दध॑से॒चनः॑ | आ॒रादुप॑स्व॒धाग॑हि || 6 || वर्ग:2 यदि॑¦मे॒¦र॒रणः॑¦सु॒ते¦उ॒क्थे¦वा॒¦दध॑से¦चनः॑ | आ॒रात्¦उप॑¦स्व॒धा¦आ¦ग॒हि॒ || |
| व॒यंघा᳚ते॒,अपि॑ष्मसिस्तो॒तार॑इन्द्रगिर्वणः | त्वंनो᳚जिन्वसोमपाः || 7 || व॒यम्¦घ॒¦ते॒¦अपि॑¦स्म॒सि॒¦स्तो॒तारः॑¦इ॒न्द्र॒¦गि॒र्व॒णः॒ | त्वम्¦नः॒¦जि॒न्व॒¦सो॒म॒ऽपाः॒ || |
| उ॒तनः॑पि॒तुमाभ॑रसंररा॒णो,अवि॑क्षितम् | मघ॑व॒न्भूरि॑ते॒वसु॑ || 8 || उ॒त¦नः॒¦पि॒तुम्¦आ¦भ॒र॒¦स॒म्ऽर॒रा॒णः¦अवि॑ऽक्षितम् | मघ॑ऽवन्¦भूरि॑¦ते॒¦वसु॑ || |
| उ॒तनो॒गोम॑तस्कृधि॒हिर᳚ण्यवतो,अ॒श्विनः॑ | इळा᳚भिः॒संर॑भेमहि || 9 || उ॒त¦नः॒¦गोऽम॑तः¦कृ॒धि॒¦हिर᳚ण्यऽवतः¦अ॒श्विनः॑ | इळा᳚भिः¦सम्¦र॒भे॒म॒हि॒ || |
| बृ॒बदु॑क्थंहवामहेसृ॒प्रक॑रस्नमू॒तये᳚ | साधु॑कृ॒ण्वन्त॒मव॑से || 10 || बृ॒बत्।औ᳚क्थम्¦ह॒वा॒म॒हे॒¦सृ॒प्रऽक॑रस्नम्¦ऊ॒तये᳚ | साधु॑¦कृ॒ण्वन्त᳚म्¦अव॑से || |
| यःसं॒स्थेचि॑च्छ॒तक्र॑तु॒रादीं᳚कृ॒णोति॑वृत्र॒हा | ज॒रि॒तृभ्यः॑पुरू॒वसुः॑ || 11 || वर्ग:3 यः¦स॒म्ऽस्थे¦चि॒त्¦श॒तऽक्र॑तुः¦आत्¦ई॒म्¦कृ॒णोति॑¦वृ॒त्र॒ऽहा | ज॒रि॒तृऽभ्यः॑¦पु॒रु॒ऽवसुः॑ || |
| सनः॑श॒क्रश्चि॒दाश॑क॒द्दान॑वाँ,अन्तराभ॒रः | इन्द्रो॒विश्वा᳚भिरू॒तिभिः॑ || 12 || सः¦नः॒¦श॒क्रः¦चि॒त्¦आ¦श॒क॒त्¦दान॑ऽवान्¦अ॒न्त॒र॒ऽआ॒भ॒रः | इन्द्रः॑¦विश्वा᳚भिः¦ऊ॒तिऽभिः॑ || |
| योरा॒यो॒३॑(ओ॒)ऽवनि᳚र्म॒हान्त्सु॑पा॒रःसु᳚न्व॒तःसखा᳚ | तमिन्द्र॑म॒भिगा᳚यत || 13 || यः¦रा॒यः¦अ॒वनिः॑¦म॒हान्¦सु॒ऽपा॒रः¦सु॒न्व॒तः¦सखा᳚ | तम्¦इन्द्र᳚म्¦अ॒भि¦गा॒य॒त॒ || |
| आ॒य॒न्तारं॒महि॑स्थि॒रंपृत॑नासुश्रवो॒जित᳚म् | भूरे॒रीशा᳚न॒मोज॑सा || 14 || आ॒ऽय॒न्तार᳚म्¦महि॑¦स्थि॒रम्¦पृत॑नासु¦श्र॒वः॒ऽजित᳚म् | भूरेः᳚¦ईशा᳚नम्¦ओज॑सा || |
| नकि॑रस्य॒शची᳚नांनिय॒न्तासू॒नृता᳚नाम् | नकि᳚र्व॒क्तानदा॒दिति॑ || 15 || नकिः॑¦अ॒स्य॒¦शची᳚नाम्¦नि॒ऽय॒न्ता¦सू॒नृता᳚नाम् | नकिः॑¦व॒क्ता¦न¦दा॒त्¦इति॑ || |
| ननू॒नंब्र॒ह्मणा᳚मृ॒णंप्रा᳚शू॒नाम॑स्तिसुन्व॒ताम् | नसोमो᳚,अप्र॒ताप॑पे || 16 || वर्ग:4 न¦नू॒नम्¦ब्र॒ह्मणा᳚म्¦ऋ॒णम्¦प्रा॒शू॒नाम्¦अ॒स्ति॒¦सु॒न्व॒ताम् | न¦सोमः॑¦अ॒प्र॒ता¦प॒पे॒ || |
| पन्य॒इदुप॑गायत॒पन्य॑उ॒क्थानि॑शंसत | ब्रह्मा᳚कृणोत॒पन्य॒इत् || 17 || पन्ये᳚¦इत्¦उप॑¦गा॒य॒त॒¦पन्ये᳚¦उ॒क्थानि॑¦शं॒स॒त॒ | ब्रह्म॑¦कृ॒णो॒त॒¦पन्ये᳚¦इत् || |
| पन्य॒आद॑र्दिरच्छ॒तास॒हस्रा᳚वा॒ज्यवृ॑तः | इन्द्रो॒योयज्व॑नोवृ॒धः || 18 || पन्यः॑¦आ¦द॒र्दि॒र॒त्¦श॒ता¦स॒हस्रा᳚¦वा॒जी¦अवृ॑तः | इन्द्रः॑¦यः¦यज्व॑नः¦वृ॒धः || |
| विषूच॑रस्व॒धा,अनु॑कृष्टी॒नामन्वा॒हुवः॑ | इन्द्र॒पिब॑सु॒ताना᳚म् || 19 || वि¦सु¦च॒र॒¦स्व॒धाः¦अनु॑¦कृ॒ष्टी॒नाम्¦अनु॑¦आ॒ऽहुवः॑ | इन्द्र॑¦पिब॑¦सु॒ताना᳚म् || |
| पिब॒स्वधै᳚नवानामु॒तयस्तुग्र्ये॒सचा᳚ | उ॒तायमि᳚न्द्र॒यस्तव॑ || 20 || पिब॑¦स्वऽधै᳚नवानाम्¦उ॒त¦यः¦तुग्र्ये᳚¦सचा᳚ | उ॒त¦अ॒यम्¦इ॒न्द्र॒¦यः¦तव॑ || |
| अती᳚हिमन्युषा॒विणं᳚सुषु॒वांस॑मु॒पार॑णे | इ॒मंरा॒तंसु॒तंपि॑ब || 21 || वर्ग:5 अति॑¦इ॒हि॒¦म॒न्यु॒ऽसा॒विन᳚म्¦सु॒सु॒ऽवांस᳚म्¦उ॒प॒।आर॑णे | इ॒मम्¦रा॒तम्¦सु॒तम्¦पि॒ब॒ || |
| इ॒हिति॒स्रःप॑रा॒वत॑इ॒हिपञ्च॒जनाँ॒,अति॑ | धेना᳚,इन्द्राव॒चाक॑शत् || 22 || इ॒हि¦ति॒स्रः¦प॒रा॒ऽवतः॑¦इ॒हि¦पंच॑¦जना᳚न्¦अति॑ | धेनाः᳚¦इ॒न्द्र॒¦अ॒व॒ऽचाक॑शत् || |
| सूर्यो᳚र॒श्मिंयथा᳚सृ॒जात्वा᳚यच्छन्तुमे॒गिरः॑ | नि॒म्नमापो॒नस॒ध्र्य॑क् || 23 || सूर्यः॑¦र॒श्मिम्¦यथा᳚¦सृ॒ज॒¦आ¦त्वा॒¦य॒च्छ॒न्तु॒¦मे॒¦गिरः॑ | नि॒म्नम्¦आपः॑¦न¦स॒ध्र्य॑क् || |
| अध्व᳚र्य॒वातुहिषि॒ञ्चसोमं᳚वी॒राय॑शि॒प्रिणे᳚ | भरा᳚सु॒तस्य॑पी॒तये᳚ || 24 || अध्व᳚र्यो॒ इति॑¦आ¦तु¦हि¦सिं॒च¦सोम᳚म्¦वी॒राय॑¦शि॒प्रिणे᳚ | भर॑¦सु॒तस्य॑¦पी॒तये᳚ || |
| यउ॒द्नःफ॑लि॒गंभि॒नन्न्य१॑(अ॒)क्सिन्धूँ᳚र॒वासृ॑जत् | योगोषु॑प॒क्वंधा॒रय॑त् || 25 || यः¦उ॒द्नः¦फ॒लि॒ऽगम्¦भि॒नत्¦न्य॑क्¦सिन्धू᳚न्¦अ॒व॒।आसृ॑जत् | यः¦गोषु॑¦प॒क्वम्¦धा॒रय॑त् || |
| अह᳚न्वृ॒त्रमृची᳚षमऔर्णवा॒भम॑ही॒शुव᳚म् | हि॒मेना᳚विध्य॒दर्बु॑दम् || 26 || वर्ग:6 अह॑न्¦वृ॒त्रम्¦ऋची᳚षमः¦औ॒र्ण॒ऽवा॒भम्¦अ॒ही॒शुव᳚म् | हि॒मेन॑¦अ॒वि॒ध्य॒त्¦अर्बु॑दम् || |
| प्रव॑उ॒ग्राय॑नि॒ष्टुरेऽषा᳚ळ्हायप्रस॒क्षिणे᳚ | दे॒वत्तं॒ब्रह्म॑गायत || 27 || प्र¦वः॒¦उ॒ग्राय॑¦निः॒ऽतुरे᳚¦अषा᳚ळ्हाय¦प्र॒ऽस॒क्षिणे᳚ | दे॒वत्त᳚म्¦ब्रह्म॑¦गा॒य॒त॒ || |
| योविश्वा᳚न्य॒भिव्र॒तासोम॑स्य॒मदे॒,अन्ध॑सः | इन्द्रो᳚दे॒वेषु॒चेत॑ति || 28 || यः¦विश्वा᳚नि¦अ॒भि¦व्र॒ता¦सोम॑स्य¦मदे᳚¦अन्ध॑सः | इन्द्रः॑¦दे॒वेषु॑¦चेत॑ति || |
| इ॒हत्यास॑ध॒माद्या॒हरी॒हिर᳚ण्यकेश्या | वो॒ळ्हाम॒भिप्रयो᳚हि॒तम् || 29 || इ॒ह¦त्या¦स॒ध॒ऽमाद्या᳚¦हरी॒ इति॑¦हिर᳚ण्यऽकेश्या | वो॒ळ्हाम्¦अ॒भि¦प्रयः॑¦हि॒तम् || |
| अ॒र्वाञ्चं᳚त्वापुरुष्टुतप्रि॒यमे᳚धस्तुता॒हरी᳚ | सो॒म॒पेया᳚यवक्षतः || 30 || अ॒र्वांच᳚म्¦त्वा॒¦पु॒रु॒ऽस्तु॒त॒¦प्रि॒यमे᳚धऽस्तुता¦हरी॒ इति॑ | सो॒म॒ऽपेया᳚य¦व॒क्ष॒तः॒ || |
| [22] वयंघेत्येकोनविंशत्यृचस्य सूक्तस्य काण्वोमेध्यातिथिरिंद्रो बृहती षोडश्याद्यास्तिस्रो गायत्र्योन्त्यानुष्टुप् |{अष्टक:6, अध्याय:3}{मंडल:8, सूक्त:33}{अनुवाक:5, सूक्त:3} |
| व॒यंघ॑त्वासु॒ताव᳚न्त॒आपो॒नवृ॒क्तब᳚र्हिषः | प॒वित्र॑स्यप्र॒स्रव॑णेषुवृत्रह॒न्परि॑स्तो॒तार॑आसते || 1 || वर्ग:7 व॒यम्¦घ॒¦त्वा॒¦सु॒तऽव᳚न्तः¦आपः॑¦न¦वृ॒क्तऽब॑र्हिषः | |
| स्वर᳚न्तित्वासु॒तेनरो॒वसो᳚निरे॒कउ॒क्थिनः॑ | क॒दासु॒तंतृ॑षा॒णओक॒आग॑म॒इन्द्र॑स्व॒ब्दीव॒वंस॑गः || 2 || स्वर᳚न्ति¦त्वा॒¦सु॒ते¦नरः॑¦वसो॒ इति॑¦नि॒रे॒के¦उ॒क्थिनः॑ | |
| कण्वे᳚भिर्धृष्ण॒वाधृ॒षद्वाजं᳚दर्षिसह॒स्रिण᳚म् | पि॒शङ्ग॑रूपंमघवन्विचर्षणेम॒क्षूगोम᳚न्तमीमहे || 3 || कण्वे᳚भिः¦धृ॒ष्णो॒ इति॑¦आ¦धृ॒षत्¦वाज᳚म्¦द॒र्षि॒¦स॒ह॒स्रिण᳚म् | |
| पा॒हिगायान्ध॑सो॒मद॒इन्द्रा᳚यमेध्यातिथे | यःसम्मि॑श्लो॒हर्यो॒र्यःसु॒तेसचा᳚व॒ज्रीरथो᳚हिर॒ण्ययः॑ || 4 || पा॒हि¦गाय॑¦अन्ध॑सः¦मदे᳚¦इन्द्रा᳚य¦मे॒ध्य॒।आ॒ति॒थे॒ | |
| यःसु॑ष॒व्यःसु॒दक्षि॑णइ॒नोयःसु॒क्रतु॑र्गृ॒णे | यआ᳚क॒रःस॒हस्रा॒यःश॒ताम॑घ॒इन्द्रो॒यःपू॒र्भिदा᳚रि॒तः || 5 || यः¦सु॒ऽस॒व्यः¦सु॒ऽदक्षि॑णः¦इ॒नः¦यः¦सु॒ऽक्रतुः॑¦गृ॒णे | |
| योधृ॑षि॒तोयोऽवृ॑तो॒यो,अस्ति॒श्मश्रु॑षुश्रि॒तः | विभू᳚तद्युम्न॒श्च्यव॑नःपुरुष्टु॒तःक्रत्वा॒गौरि॑वशाकि॒नः || 6 || वर्ग:8 यः¦धृ॒षि॒तः¦यः¦अवृ॑तः¦यः¦अस्ति॑¦श्मश्रु॑षु¦श्रि॒तः | |
| कईं᳚वेदसु॒तेसचा॒पिब᳚न्तं॒कद्वयो᳚दधे | अ॒यंयःपुरो᳚विभि॒नत्त्योज॑सामन्दा॒नःशि॒प्र्यन्ध॑सः || 7 || कः¦ई॒म्¦वे॒द॒¦सु॒ते¦सचा᳚¦पिब᳚न्तम्¦कत्¦वयः॑¦द॒धे॒ | |
| दा॒नामृ॒गोनवा᳚र॒णःपु॑रु॒त्राच॒रथं᳚दधे | नकि॑ष्ट्वा॒निय॑म॒दासु॒तेग॑मोम॒हाँश्च॑र॒स्योज॑सा || 8 || दा॒ना¦मृ॒गः¦न¦वा॒र॒णः¦पु॒रु॒ऽत्रा¦च॒रथ᳚म्¦द॒धे॒ | |
| यउ॒ग्रःसन्ननि॑ष्टृतःस्थि॒रोरणा᳚य॒संस्कृ॑तः | यदि॑स्तो॒तुर्म॒घवा᳚शृ॒णव॒द्धवं॒नेन्द्रो᳚योष॒त्याग॑मत् || 9 || यः¦उ॒ग्रः¦सन्¦अनिः॑ऽस्तृतः¦स्थि॒रः¦रणा᳚य¦संस्कृ॑तः | |
| स॒त्यमि॒त्थावृषेद॑सि॒वृष॑जूति॒र्नोऽवृ॑तः | वृषा॒ह्यु॑ग्रशृण्वि॒षेप॑रा॒वति॒वृषो᳚,अर्वा॒वति॑श्रु॒तः || 10 || स॒त्यम्¦इ॒त्था¦वृषा᳚¦इत्¦अ॒सि॒¦वृष॑ऽजूतिः¦नः॒¦अवृ॑तः | |
| वृष॑णस्ते,अ॒भीश॑वो॒वृषा॒कशा᳚हिर॒ण्ययी᳚ | वृषा॒रथो᳚मघव॒न्वृष॑णा॒हरी॒वृषा॒त्वंश॑तक्रतो || 11 || वर्ग:9 वृष॑णः¦ते॒¦अ॒भीश॑वः¦वृषा᳚¦कशा᳚¦हि॒र॒ण्ययी᳚ | |
| वृषा॒सोता᳚सुनोतुते॒वृष᳚न्नृजीपि॒न्नाभ॑र | वृषा᳚दधन्वे॒वृष॑णंन॒दीष्वातुभ्यं᳚स्थातर्हरीणाम् || 12 || वृषा᳚¦सोता᳚¦सु॒नो॒तु॒¦ते॒¦वृष॑न्¦ऋ॒जी॒पि॒न्¦आ¦भ॒र॒ | |
| एन्द्र॑याहिपी॒तये॒मधु॑शविष्ठसो॒म्यम् | नायमच्छा᳚म॒घवा᳚शृ॒णव॒द्गिरो॒ब्रह्मो॒क्थाच॑सु॒क्रतुः॑ || 13 || आ¦इ॒न्द्र॒¦या॒हि॒¦पी॒तये᳚¦मधु॑¦श॒वि॒ष्ठ॒¦सो॒म्यम् | |
| वह᳚न्तुत्वारथे॒ष्ठामाहर॑योरथ॒युजः॑ | ति॒रश्चि॑द॒र्यंसव॑नानिवृत्रहन्न॒न्येषां॒याश॑तक्रतो || 14 || वह᳚न्तु¦त्वा॒¦र॒थे॒ऽस्थाम्¦आ¦हर॑यः¦र॒थ॒ऽयुजः॑ | |
| अ॒स्माक॑म॒द्यान्त॑मं॒स्तोमं᳚धिष्वमहामह | अ॒स्माकं᳚ते॒सव॑नासन्तु॒शंत॑मा॒मदा᳚यद्युक्षसोमपाः || 15 || अ॒स्माक᳚म्¦अ॒द्य¦अन्त॑मम्¦स्तोम᳚म्¦धि॒ष्व॒¦म॒हा॒ऽम॒ह॒ | |
| न॒हिषस्तव॒नोमम॑शा॒स्त्रे,अ॒न्यस्य॒रण्य॑ति | यो,अ॒स्मान्वी॒रआन॑यत् || 16 || वर्ग:10 न॒हि¦सः¦तव॑¦नो इति॑¦मम॑¦शा॒स्त्रे¦अ॒न्यस्य॑¦रण्य॑ति | यः¦अ॒स्मान्¦वी॒रः¦आ¦अन॑यत् || |
| इन्द्र॑श्चिद्घा॒तद॑ब्रवीत्स्त्रि॒या,अ॑शा॒स्यंमनः॑ | उ॒तो,अह॒क्रतुं᳚र॒घुम् || 17 || इन्द्रः॑¦चि॒त्¦घ॒¦तत्¦अ॒ब्र॒वी॒त्¦स्त्रि॒याः¦अ॒शा॒स्यम्¦मनः॑ | उ॒तो इति॑¦अह॑¦क्रतु᳚म्¦र॒घुम् || |
| सप्ती᳚चिद्घामद॒च्युता᳚मिथु॒नाव॑हतो॒रथ᳚म् | ए॒वेद्धूर्वृष्ण॒उत्त॑रा || 18 || सप्ती॒ इति॑¦चि॒त्¦घ॒¦म॒द॒ऽच्युता᳚¦मि॒थु॒ना¦व॒ह॒तः॒¦रथ᳚म् | ए॒व¦इत्¦धूः¦वृष्णः॑¦उत्ऽत॑रा || |
| अ॒धःप॑श्यस्व॒मोपरि॑संत॒रांपा᳚द॒कौह॑र | माते᳚कशप्ल॒कौदृ॑श॒न्त्स्त्रीहिब्र॒ह्माब॒भूवि॑थ || 19 || अ॒धः¦प॒श्य॒स्व॒¦मा¦उ॒परि॑¦स॒म्ऽत॒राम्¦पा॒द॒कौ¦ह॒र॒ | मा¦ते॒¦क॒श॒ऽप्ल॒कौ¦दृ॒श॒न्¦स्त्री¦हि¦ब्र॒ह्मा¦ब॒भूवि॑थ || |
| [23] एंद्रयाहीत्यष्टादशर्चस्य सूक्तस्य काण्वोनीपातिथिरिंद्रः आयदिंद्रइत्यादितिसृणामांगिरसाः सहस्रवसुरोचिषऋषयइंद्रोऽनुष्टुबन्त्यास्तिस्रोगायत्र्यः |{अष्टक:6, अध्याय:3}{मंडल:8, सूक्त:34}{अनुवाक:5, सूक्त:4} |
| एन्द्र॑याहि॒हरि॑भि॒रुप॒कण्व॑स्यसुष्टु॒तिम् | दि॒वो,अ॒मुष्य॒शास॑तो॒दिवं᳚य॒यदि॑वावसो || 1 || वर्ग:11 आ¦इ॒न्द्र॒¦या॒हि॒¦हरि॑ऽभिः¦उप॑¦कण्व॑स्य¦सु॒ऽस्तु॒तिम् | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आत्वा॒ग्रावा॒वद᳚न्नि॒हसो॒मीघोषे᳚णयच्छतु | दि॒वो,अ॒मुष्य॒शास॑तो॒दिवं᳚य॒यदि॑वावसो || 2 || आ¦त्वा॒¦ग्रावा᳚¦वद॑न्¦इ॒ह¦सो॒मी¦घोषे᳚ण¦य॒च्छ॒तु॒ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| अत्रा॒विने॒मिरे᳚षा॒मुरां॒नधू᳚नुते॒वृकः॑ | दि॒वो,अ॒मुष्य॒शास॑तो॒दिवं᳚य॒यदि॑वावसो || 3 || अत्र॑¦वि¦ने॒मिः¦ए॒षा॒म्¦उरा᳚म्¦न¦धू॒नु॒ते॒¦वृकः॑ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आत्वा॒कण्वा᳚,इ॒हाव॑से॒हव᳚न्ते॒वाज॑सातये | दि॒वो,अ॒मुष्य॒शास॑तो॒दिवं᳚य॒यदि॑वावसो || 4 || आ¦त्वा॒¦कण्वाः᳚¦इ॒ह¦अव॑से¦हव᳚न्ते¦वाज॑ऽसातये | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| दधा᳚मितेसु॒तानां॒वृष्णे॒नपू᳚र्व॒पाय्य᳚म् | दि॒वो,अ॒मुष्य॒शास॑तो॒दिवं᳚य॒यदि॑वावसो || 5 || दधा᳚मि¦ते॒¦सु॒ताना᳚म्¦वृष्णे᳚¦न¦पू॒र्व॒ऽपाय्य᳚म् | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| स्मत्पु॑रंधिर्न॒आग॑हिवि॒श्वतो᳚धीर्नऊ॒तये᳚ | दि॒वो,अ॒मुष्य॒शास॑तो॒दिवं᳚य॒यदि॑वावसो || 6 || वर्ग:12 स्मत्ऽपु॑रन्धिः¦नः॒¦आ¦ग॒हि॒¦वि॒श्वतः॑ऽधीः¦नः॒¦ऊ॒तये᳚ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आनो᳚याहिमहेमते॒सह॑स्रोते॒शता᳚मघ | दि॒वो,अ॒मुष्य॒शास॑तो॒दिवं᳚य॒यदि॑वावसो || 7 || आ¦नः॒¦या॒हि॒¦म॒हे॒ऽम॒ते॒¦सह॑स्रऽऊते¦शत॑ऽमघ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आत्वा॒होता॒मनु᳚र्हितोदेव॒त्राव॑क्ष॒दीड्यः॑ | दि॒वो,अ॒मुष्य॒शास॑तो॒दिवं᳚य॒यदि॑वावसो || 8 || आ¦त्वा॒¦होता᳚¦मनुः॑ऽहितः¦दे॒व॒ऽत्रा¦व॒क्ष॒त्¦ईड्यः॑ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आत्वा᳚मद॒च्युता॒हरी᳚श्ये॒नंप॒क्षेव॑वक्षतः | दि॒वो,अ॒मुष्य॒शास॑तो॒दिवं᳚य॒यदि॑वावसो || 9 || आ¦त्वा॒¦म॒द॒ऽच्युता᳚¦हरी॒ इति॑¦श्ये॒नम्¦प॒क्षाऽइ᳚व¦व॒क्ष॒तः॒ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आया᳚ह्य॒र्यआपरि॒स्वाहा॒सोम॑स्यपी॒तये᳚ | दि॒वो,अ॒मुष्य॒शास॑तो॒दिवं᳚य॒यदि॑वावसो || 10 || आ¦या॒हि॒¦अ॒र्यः¦आ¦परि॑¦स्वाहा᳚¦सोम॑स्य¦पी॒तये᳚ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आनो᳚या॒ह्युप॑श्रुत्यु॒क्थेषु॑रणया,इ॒ह | दि॒वो,अ॒मुष्य॒शास॑तो॒दिवं᳚य॒यदि॑वावसो || 11 || वर्ग:13 आ¦नः॒¦या॒हि॒¦उप॑ऽश्रुति¦उ॒क्थेषु॑¦र॒ण॒य॒¦इ॒ह | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| सरू᳚पै॒रासुनो᳚गहि॒सम्भृ॑तैः॒सम्भृ॑ताश्वः | दि॒वो,अ॒मुष्य॒शास॑तो॒दिवं᳚य॒यदि॑वावसो || 12 || सऽरू᳚पैः¦आ¦सु¦नः॒¦ग॒हि॒¦सम्ऽभृ॑तैः¦संभृ॑त।आश्वः | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आया᳚हि॒पर्व॑तेभ्यःसमु॒द्रस्याधि॑वि॒ष्टपः॑ | दि॒वो,अ॒मुष्य॒शास॑तो॒दिवं᳚य॒यदि॑वावसो || 13 || आ¦या॒हि॒¦पर्व॑तेभ्यः¦स॒मु॒द्रस्य॑¦अधि॑¦वि॒ष्टपः॑ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आनो॒गव्या॒न्यश्व्या᳚स॒हस्रा᳚शूरदर्दृहि | दि॒वो,अ॒मुष्य॒शास॑तो॒दिवं᳚य॒यदि॑वावसो || 14 || आ¦नः॒¦गव्या᳚नि¦अश्व्या᳚¦स॒हस्रा᳚¦शू॒र॒¦द॒र्दृ॒हि॒ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आनः॑सहस्र॒शोभ॑रा॒युता᳚निश॒तानि॑च | दि॒वो,अ॒मुष्य॒शास॑तो॒दिवं᳚य॒यदि॑वावसो || 15 || आ¦नः॒¦स॒ह॒स्र॒ऽशः¦भ॒र॒¦अ॒युता᳚नि¦श॒तानि॑¦च॒ | दि॒वः¦अ॒मुष्य॑¦शास॑तः¦दिव᳚म्¦य॒य¦दि॒वा॒व॒सो॒ इति॑ दिवाऽवसो || |
| आयदिन्द्र॑श्च॒दद्व॑हेस॒हस्रं॒वसु॑रोचिषः | ओजि॑ष्ठ॒मश्व्यं᳚प॒शुम् || 16 || आ¦यत्¦इन्द्रः॑¦च॒¦दद्व॑हे॒ इति॑¦स॒हस्र᳚म्¦वसु॑ऽरोचिषः | ओजि॑ष्ठम्¦अश्व्य᳚म्¦प॒शुम् || |
| यऋ॒ज्रावात॑रंहसोऽरु॒षासो᳚रघु॒ष्यदः॑ | भ्राज᳚न्ते॒सूर्या᳚,इव || 17 || ये¦ऋ॒ज्राः¦वात॑ऽरंहसः¦अ॒रु॒षासः॑¦र॒घु॒ऽस्यदः॑ | भ्राज᳚न्ते¦सूर्याः᳚ऽइव || |
| पारा᳚वतस्यरा॒तिषु॑द्र॒वच्च॑क्रेष्वा॒शुषु॑ | तिष्ठं॒वन॑स्य॒मध्य॒आ || 18 || पारा᳚वतस्य¦रा॒तिषु॑¦द्र॒वत्ऽच॑क्रेषु¦आ॒शुषु॑ | तिष्ठ᳚म्¦वन॑स्य¦मध्ये᳚¦आ || |
| [24] अग्निर्नेन्द्रेणेति चतुर्विंशत्यृचस्य सूक्तस्यात्रेयः श्यावाश्वोश्विनावुपरिष्टाज्ज्योतिरंत्यास्तिस्रः क्रमेणपंक्तिमहाबृहतीपंक्तयः |{अष्टक:6, अध्याय:3}{मंडल:8, सूक्त:35}{अनुवाक:5, सूक्त:5} |
| अ॒ग्निनेन्द्रे᳚ण॒वरु॑णेन॒विष्णु॑नादि॒त्यैरु॒द्रैर्वसु॑भिःसचा॒भुवा᳚ | स॒जोष॑सा,उ॒षसा॒सूर्ये᳚णच॒सोमं᳚पिबतमश्विना || 1 || वर्ग:14 अ॒ग्निना᳚¦इन्द्रे᳚ण¦वरु॑णेन¦विष्णु॑ना¦आ॒दि॒त्यैः¦रु॒द्रैः¦वसु॑ऽभिः¦स॒चा॒ऽभुवा᳚ | |
| विश्वा᳚भिर्धी॒भिर्भुव॑नेनवाजिनादि॒वापृ॑थि॒व्याद्रि॑भिःसचा॒भुवा᳚ | स॒जोष॑सा,उ॒षसा॒सूर्ये᳚णच॒सोमं᳚पिबतमश्विना || 2 || विश्वा᳚भिः¦धी॒भिः¦भुव॑नेन¦वा॒जि॒ना॒¦दि॒वा¦पृ॒थि॒व्या¦अद्रि॑ऽभिः¦स॒चा॒ऽभुवा᳚ | |
| विश्वै᳚र्दे॒वैस्त्रि॒भिरे᳚काद॒शैरि॒हाद्भिर्म॒रुद्भि॒र्भृगु॑भिःसचा॒भुवा᳚ | स॒जोष॑सा,उ॒षसा॒सूर्ये᳚णच॒सोमं᳚पिबतमश्विना || 3 || विश्वैः᳚¦दे॒वैः¦त्रि॒ऽभिः¦ए॒का॒द॒शैः¦इ॒ह¦अ॒त्ऽभिः¦म॒रुत्ऽभिः॑¦भृगु॑ऽभिः¦स॒चा॒ऽभुवा᳚ | |
| जु॒षेथां᳚य॒ज्ञंबोध॑तं॒हव॑स्यमे॒विश्वे॒हदे᳚वौ॒सव॒नाव॑गच्छतम् | स॒जोष॑सा,उ॒षसा॒सूर्ये᳚ण॒चेषं᳚नोवोळ्हमश्विना || 4 || जु॒षेथा᳚म्¦य॒ज्ञम्¦बोध॑तम्¦हव॑स्य¦मे॒¦विश्वा᳚¦इ॒ह¦दे॒वौ॒¦सव॑ना¦अव॑¦ग॒च्छ॒त॒म् | |
| स्तोमं᳚जुषेथांयुव॒शेव॑क॒न्यनां॒विश्वे॒हदे᳚वौ॒सव॒नाव॑गच्छतम् | स॒जोष॑सा,उ॒षसा॒सूर्ये᳚ण॒चेषं᳚नोवोळ्हमश्विना || 5 || स्तोम᳚म्¦जु॒षे॒था॒म्¦यु॒व॒शाऽइ᳚व¦क॒न्यना᳚म्¦विश्वा᳚¦इ॒ह¦दे॒वौ॒¦सव॑ना¦अव॑¦ग॒च्छ॒त॒म् | |
| गिरो᳚जुषेथामध्व॒रंजु॑षेथां॒विश्वे॒हदे᳚वौ॒सव॒नाव॑गच्छतम् | स॒जोष॑सा,उ॒षसा॒सूर्ये᳚ण॒चेषं᳚नोवोळ्हमश्विना || 6 || गिरः॑¦जु॒षे॒था॒म्¦अ॒ध्व॒रम्¦जु॒षे॒था॒म्¦विश्वा᳚¦इ॒ह¦दे॒वौ॒¦सव॑ना¦अव॑¦ग॒च्छ॒त॒म् | |
| हा॒रि॒द्र॒वेव॑पतथो॒वनेदुप॒सोमं᳚सु॒तंम॑हि॒षेवाव॑गच्छथः | स॒जोष॑सा,उ॒षसा॒सूर्ये᳚णच॒त्रिर्व॒र्तिर्या᳚तमश्विना || 7 || वर्ग:15 हा॒रि॒द्र॒वाऽइ᳚व¦प॒त॒थः॒¦वना᳚¦इत्¦उप॑¦सोम᳚म्¦सु॒तम्¦म॒हि॒षाऽइ᳚व¦अव॑¦ग॒च्छ॒थः॒ | |
| हं॒सावि॑वपतथो,अध्व॒गावि॑व॒सोमं᳚सु॒तंम॑हि॒षेवाव॑गच्छथः | स॒जोष॑सा,उ॒षसा॒सूर्ये᳚णच॒त्रिर्व॒र्तिर्या᳚तमश्विना || 8 || हं॒सौऽइ᳚व¦प॒त॒थः॒¦अ॒ध्व॒गौऽइ᳚व¦सोम᳚म्¦सु॒तम्¦म॒हि॒षाऽइ᳚व¦अव॑¦ग॒च्छ॒थः॒ | |
| श्ये॒नावि॑वपतथोह॒व्यदा᳚तये॒सोमं᳚सु॒तंम॑हि॒षेवाव॑गच्छथः | स॒जोष॑सा,उ॒षसा॒सूर्ये᳚णच॒त्रिर्व॒र्तिर्या᳚तमश्विना || 9 || श्ये॒नौऽइ᳚व¦प॒त॒थः॒¦ह॒व्यऽदा᳚तये¦सोम᳚म्¦सु॒तम्¦म॒हि॒षाऽइ᳚व¦अव॑¦ग॒च्छ॒थः॒ | |
| पिब॑तंचतृप्णु॒तंचाच॑गच्छतंप्र॒जांच॑ध॒त्तंद्रवि॑णंचधत्तम् | स॒जोष॑सा,उ॒षसा॒सूर्ये᳚ण॒चोर्जं᳚नोधत्तमश्विना || 10 || पिब॑तम्¦च॒¦तृ॒प्णु॒तम्¦च॒¦आ¦च॒¦ग॒च्छ॒त॒म्¦प्र॒ऽजाम्¦च॒¦ध॒त्तम्¦द्रवि॑णम्¦च॒¦ध॒त्त॒म् | |
| जय॑तंच॒प्रस्तु॑तंच॒प्रचा᳚वतंप्र॒जांच॑ध॒त्तंद्रवि॑णंचधत्तम् | स॒जोष॑सा,उ॒षसा॒सूर्ये᳚ण॒चोर्जं᳚नोधत्तमश्विना || 11 || जय॑तम्¦च॒¦प्र¦स्तु॒त॒म्¦च॒¦प्र¦च॒¦अ॒व॒त॒म्¦प्र॒ऽजाम्¦च॒¦ध॒त्तम्¦द्रवि॑णम्¦च॒¦ध॒त्त॒म् | |
| ह॒तंच॒शत्रू॒न्यत॑तंचमि॒त्रिणः॑प्र॒जांच॑ध॒त्तंद्रवि॑णंचधत्तम् | स॒जोष॑सा,उ॒षसा॒सूर्ये᳚ण॒चोर्जं᳚नोधत्तमश्विना || 12 || ह॒तम्¦च॒¦शत्रू᳚न्¦यत॑तम्¦च॒¦मि॒त्रिणः॑¦प्र॒ऽजाम्¦च॒¦ध॒त्तम्¦द्रवि॑णम्¦च॒¦ध॒त्त॒म् | |
| मि॒त्रावरु॑णवन्ता,उ॒तधर्म॑वन्ताम॒रुत्व᳚न्ताजरि॒तुर्ग॑च्छथो॒हव᳚म् | स॒जोष॑सा,उ॒षसा॒सूर्ये᳚णचादि॒त्यैर्या᳚तमश्विना || 13 || वर्ग:16 मि॒त्रावरु॑णऽवन्तौ¦उ॒त¦धर्म॑ऽवन्ता¦म॒रुत्व᳚न्ता¦ज॒रि॒तुः¦ग॒च्छ॒थः॒¦हव᳚म् | |
| अङ्गि॑रस्वन्ता,उ॒तविष्णु॑वन्ताम॒रुत्व᳚न्ताजरि॒तुर्ग॑च्छथो॒हव᳚म् | स॒जोष॑सा,उ॒षसा॒सूर्ये᳚णचादि॒त्यैर्या᳚तमश्विना || 14 || अङ्गि॑रस्वन्तौ¦उ॒त¦विष्णु॑ऽवन्ता¦म॒रुत्व᳚न्ता¦ज॒रि॒तुः¦ग॒च्छ॒थः॒¦हव᳚म् | |
| ऋ॒भु॒मन्ता᳚वृषणा॒वाज॑वन्ताम॒रुत्व᳚न्ताजरि॒तुर्ग॑च्छथो॒हव᳚म् | स॒जोष॑सा,उ॒षसा॒सूर्ये᳚णचादि॒त्यैर्या᳚तमश्विना || 15 || ऋ॒भु॒ऽमन्ता᳚¦वृ॒ष॒णा॒¦वाज॑ऽवन्ता¦म॒रुत्व᳚न्ता¦ज॒रि॒तुः¦ग॒च्छ॒थः॒¦हव᳚म् | |
| ब्रह्म॑जिन्वतमु॒तजि᳚न्वतं॒धियो᳚ह॒तंरक्षां᳚सि॒सेध॑त॒ममी᳚वाः | स॒जोष॑सा,उ॒षसा॒सूर्ये᳚णच॒सोमं᳚सुन्व॒तो,अ॑श्विना || 16 || ब्रह्म॑¦जि॒न्व॒त॒म्¦उ॒त¦जि॒न्व॒त॒म्¦धियः॑¦ह॒तम्¦रक्षां᳚सि¦सेध॑तम्¦अमी᳚वाः | |
| क्ष॒त्रंजि᳚न्वतमु॒तजि᳚न्वतं॒नॄन्ह॒तंरक्षां᳚सि॒सेध॑त॒ममी᳚वाः | स॒जोष॑सा,उ॒षसा॒सूर्ये᳚णच॒सोमं᳚सुन्व॒तो,अ॑श्विना || 17 || क्ष॒त्रम्¦जि॒न्व॒त॒म्¦उ॒त¦जि॒न्व॒त॒म्¦नॄन्¦ह॒तम्¦रक्षां᳚सि¦सेध॑तम्¦अमी᳚वाः | |
| धे॒नूर्जि᳚न्वतमु॒तजि᳚न्वतं॒विशो᳚ह॒तंरक्षां᳚सि॒सेध॑त॒ममी᳚वाः | स॒जोष॑सा,उ॒षसा॒सूर्ये᳚णच॒सोमं᳚सुन्व॒तो,अ॑श्विना || 18 || धे॒नूः¦जि॒न्व॒त॒म्¦उ॒त¦जि॒न्व॒त॒म्¦विशः॑¦ह॒तम्¦रक्षां᳚सि¦सेध॑तम्¦अमी᳚वाः | |
| अत्रे᳚रिवशृणुतंपू॒र्व्यस्तु॑तिंश्या॒वाश्व॑स्यसुन्व॒तोम॑दच्युता | स॒जोष॑सा,उ॒षसा॒सूर्ये᳚ण॒चाश्वि॑नाति॒रो,अ᳚ह्न्यम् || 19 || वर्ग:17 अत्रेः᳚ऽइव¦शृ॒णु॒त॒म्¦पू॒र्व्यऽस्तु॑तिम्¦श्या॒व।आ॑श्वस्य¦सु॒न्व॒तः¦म॒द॒ऽच्यु॒ता॒ | |
| सर्गाँ᳚,इवसृजतंसुष्टु॒तीरुप॑श्या॒वाश्व॑स्यसुन्व॒तोम॑दच्युता | स॒जोष॑सा,उ॒षसा॒सूर्ये᳚ण॒चाश्वि॑नाति॒रो,अ᳚ह्न्यम् || 20 || सर्गा᳚न्ऽइव¦सृ॒ज॒त॒म्¦सु॒ऽस्तु॒तीः¦उप॑¦श्या॒व।आ॑श्वस्य¦सु॒न्व॒तः¦म॒द॒ऽच्यु॒ता॒ | |
| र॒श्मीँरि॑वयच्छतमध्व॒राँ,उप॑श्या॒वाश्व॑स्यसुन्व॒तोम॑दच्युता | स॒जोष॑सा,उ॒षसा॒सूर्ये᳚ण॒चाश्वि॑नाति॒रो,अ᳚ह्न्यम् || 21 || र॒श्मीन्ऽइ᳚व¦य॒च्छ॒त॒म्¦अ॒ध्व॒रान्¦उप॑¦श्या॒व।आ॑श्वस्य¦सु॒न्व॒तः¦म॒द॒ऽच्यु॒ता॒ | |
| अ॒र्वाग्रथं॒निय॑च्छतं॒पिब॑तंसो॒म्यंमधु॑ | आया᳚तमश्वि॒नाग॑तमव॒स्युर्वा᳚म॒हंहु॑वेध॒त्तंरत्ना᳚निदा॒शुषे᳚ || 22 || अ॒र्वाक्¦रथ᳚म्¦नि¦य॒च्छ॒त॒म्¦पिब॑तम्¦सो॒म्यम्¦मधु॑ | |
| न॒मो॒वा॒केप्रस्थि॑ते,अध्व॒रेन॑रावि॒वक्ष॑णस्यपी॒तये᳚ | आया᳚तमश्वि॒नाग॑तमव॒स्युर्वा᳚म॒हंहु॑वेध॒त्तंरत्ना᳚निदा॒शुषे᳚ || 23 || न॒मः॒ऽवा॒के¦प्रऽस्थि॑ते¦अ॒ध्व॒रे¦न॒रा॒¦वि॒वक्ष॑णस्य¦पी॒तये᳚ | |
| स्वाहा᳚कृतस्यतृम्पतंसु॒तस्य॑देवा॒वन्ध॑सः | आया᳚तमश्वि॒नाग॑तमव॒स्युर्वा᳚म॒हंहु॑वेध॒त्तंरत्ना᳚निदा॒शुषे᳚ || 24 || स्वाहा᳚ऽकृतस्य¦तृ॒म्प॒त॒म्¦सु॒तस्य॑¦दे॒वौ॒¦अन्ध॑सः | |
| [25] अवितासीति सप्तर्चस्य सूक्तस्यात्रेयः श्यावाश्वइंद्रः शक्वर्यंत्या महापंक्तिः |{अष्टक:6, अध्याय:3}{मंडल:8, सूक्त:36}{अनुवाक:5, सूक्त:6} |
| अ॒वि॒तासि॑सुन्व॒तोवृ॒क्तब᳚र्हिषः॒पिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 1 || वर्ग:18 अ॒वि॒ता¦अ॒सि॒¦सु॒न्व॒तः¦वृ॒क्तऽब॑र्हिषः¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| प्राव॑स्तो॒तारं᳚मघव॒न्नव॒त्वांपिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 2 || प्र¦अ॒व॒¦स्तो॒तार᳚म्¦म॒घ॒ऽव॒न्¦अव॑¦त्वाम्¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| ऊ॒र्जादे॒वाँ,अव॒स्योज॑सा॒त्वांपिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 3 || ऊ॒र्जा¦दे॒वान्¦अव॑सि¦ओज॑सा¦त्वाम्¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| ज॒नि॒तादि॒वोज॑नि॒तापृ॑थि॒व्याःपिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 4 || ज॒नि॒ता¦दि॒वः¦ज॒नि॒ता¦पृ॒थि॒व्याः¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| ज॒नि॒ताश्वा᳚नांजनि॒तागवा᳚मसि॒पिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 5 || ज॒नि॒ता¦अश्वा᳚नाम्¦ज॒नि॒ता¦गवा᳚म्¦अ॒सि॒¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| अत्री᳚णां॒स्तोम॑मद्रिवोम॒हस्कृ॑धि॒पिबा॒सोमं॒मदा᳚य॒कंश॑तक्रतो | यंते᳚भा॒गमधा᳚रय॒न्विश्वाः᳚सेहा॒नःपृत॑ना,उ॒रुज्रयः॒सम॑प्सु॒जिन्म॒रुत्वाँ᳚,इन्द्रसत्पते || 6 || अत्री᳚णाम्¦स्तोम᳚म्¦अ॒द्रि॒ऽवः॒¦म॒हः¦कृ॒धि॒¦पिब॑¦सोम᳚म्¦मदा᳚य¦कम्¦श॒त॒क्र॒तो॒ इति॑ शतऽक्रतो | |
| श्या॒वाश्व॑स्यसुन्व॒तस्तथा᳚शृणु॒यथाशृ॑णो॒रत्रेः॒कर्मा᳚णिकृण्व॒तः | प्रत्र॒सद॑स्युमाविथ॒त्वमेक॒इन्नृ॒षाह्य॒इन्द्र॒ब्रह्मा᳚णिव॒र्धय॑न् || 7 || श्या॒व।आ॑श्वस्य¦सु॒न्व॒तः¦तथा᳚¦शृ॒णु॒¦यथा᳚¦अशृ॑णोः¦अत्रेः᳚¦कर्मा᳚णि¦कृ॒ण्व॒तः | |
| [26] प्रेदमिति सप्तर्चस्य सूक्तस्यात्रेयः श्यावाश्वइंद्रोमहापंक्तिराद्यातिजगती |{अष्टक:6, अध्याय:3}{मंडल:8, सूक्त:37}{अनुवाक:5, सूक्त:7} |
| प्रेदंब्रह्म॑वृत्र॒तूर्ये᳚ष्वाविथ॒प्रसु᳚न्व॒तःश॑चीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 1 || वर्ग:19 प्र¦इ॒दम्¦ब्रह्म॑¦वृ॒त्र॒ऽतूर्ये᳚षु¦आ॒वि॒थ॒¦प्र¦सु॒न्व॒तः¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| से॒हा॒नउ॑ग्र॒पृत॑ना,अ॒भिद्रुहः॑शचीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 2 || से॒हा॒नः¦उ॒ग्र॒¦पृत॑नाः¦अ॒भि¦द्रुहः॑¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| ए॒क॒राळ॒स्यभुव॑नस्यराजसिशचीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 3 || ए॒क॒ऽराट्¦अ॒स्य¦भुव॑नस्य¦रा॒ज॒सि॒¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| स॒स्थावा᳚नायवयसि॒त्वमेक॒इच्छ॑चीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 4 || स॒ऽस्थावा᳚ना¦य॒व॒य॒सि॒¦त्वम्¦एकः॑¦इत्¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| क्षेम॑स्यचप्र॒युज॑श्च॒त्वमी᳚शिषेशचीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 5 || क्षेम॑स्य¦च॒¦प्र॒ऽयुजः॑¦च॒¦त्वम्¦ई॒शि॒षे॒¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| क्ष॒त्राय॑त्व॒मव॑सि॒नत्व॑माविथशचीपत॒इन्द्र॒विश्वा᳚भिरू॒तिभिः॑ | माध्यं᳚दिनस्य॒सव॑नस्यवृत्रहन्ननेद्य॒पिबा॒सोम॑स्यवज्रिवः || 6 || क्ष॒त्राय॑¦त्व॒म्¦अव॑सि¦न¦त्व॒म्¦आ॒वि॒थ॒¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| श्या॒वाश्व॑स्य॒रेभ॑त॒स्तथा᳚शृणु॒यथाशृ॑णो॒रत्रेः॒कर्मा᳚णिकृण्व॒तः | प्रत्र॒सद॑स्युमाविथ॒त्वमेक॒इन्नृ॒षाह्य॒इन्द्र॑क्ष॒त्राणि॑व॒र्धय॑न् || 7 || श्या॒व।आ॑श्वस्य¦रेभ॑तः¦तथा᳚¦शृ॒णु॒¦यथा᳚¦अशृ॑णोः¦अत्रेः᳚¦कर्मा᳚णि¦कृ॒ण्व॒तः | |
| [27] यज्ञस्येति दशर्चस्य सूक्तस्यात्रेयः श्यावाश्वइंद्राग्नीगायत्री |{अष्टक:6, अध्याय:3}{मंडल:8, सूक्त:38}{अनुवाक:5, सूक्त:8} |
| य॒ज्ञस्य॒हिस्थऋ॒त्विजा॒सस्नी॒वाजे᳚षु॒कर्म॑सु | इन्द्रा᳚ग्नी॒तस्य॑बोधतम् || 1 || वर्ग:20 य॒ज्ञस्य॑¦हि¦स्थः¦ऋ॒त्विजा᳚¦सस्नी॒ इति॑¦वाजे᳚षु¦कर्म॑ऽसु | इन्द्रा᳚ग्नी॒ इति॑¦तस्य॑¦बो॒ध॒त॒म् || |
| तो॒शासा᳚रथ॒यावा᳚नावृत्र॒हणाप॑राजिता | इन्द्रा᳚ग्नी॒तस्य॑बोधतम् || 2 || तो॒षासा᳚¦र॒थ॒ऽयावा᳚ना¦वृ॒त्र॒ऽहना᳚¦अप॑राऽजिता | इन्द्रा᳚ग्नी॒ इति॑¦तस्य॑¦बो॒ध॒त॒म् || |
| इ॒दंवां᳚मदि॒रंमध्वधु॑क्ष॒न्नद्रि॑भि॒र्नरः॑ | इन्द्रा᳚ग्नी॒तस्य॑बोधतम् || 3 || इ॒दम्¦वा॒म्¦म॒दि॒रम्¦मधु॑¦अधु॑क्षन्¦अद्रि॑ऽभिः¦नरः॑ | इन्द्रा᳚ग्नी॒ इति॑¦तस्य॑¦बो॒ध॒त॒म् || |
| जु॒षेथां᳚य॒ज्ञमि॒ष्टये᳚सु॒तंसोमं᳚सधस्तुती | इन्द्रा᳚ग्नी॒,आग॑तंनरा || 4 || जु॒षेथा᳚म्¦य॒ज्ञम्¦इ॒ष्टये᳚¦सु॒तम्¦सोम᳚म्¦स॒ध॒स्तु॒ती॒ इति॑ सधऽस्तुती | इन्द्रा᳚ग्नी॒ इति॑¦आ¦ग॒त॒म्¦न॒रा॒ || |
| इ॒माजु॑षेथां॒सव॑ना॒येभि᳚र्ह॒व्यान्यू॒हथुः॑ | इन्द्रा᳚ग्नी॒,आग॑तंनरा || 5 || इ॒मा¦जु॒षे॒था॒म्¦सव॑ना¦येभिः॑¦ह॒व्यानि॑¦ऊ॒हथुः॑ | इन्द्रा᳚ग्नी॒ इति॑¦आ¦ग॒त॒म्¦न॒रा॒ || |
| इ॒मांगा᳚य॒त्रव॑र्तनिंजु॒षेथां᳚सुष्टु॒तिंमम॑ | इन्द्रा᳚ग्नी॒,आग॑तंनरा || 6 || इ॒माम्¦गा॒य॒त्रऽव॑र्तनिम्¦जु॒षेथा᳚म्¦सु॒ऽस्तु॒तिम्¦मम॑ | इन्द्रा᳚ग्नी॒ इति॑¦आ¦ग॒त॒म्¦न॒रा॒ || |
| प्रा॒त॒र्याव॑भि॒राग॑तंदे॒वेभि॑र्जेन्यावसू | इन्द्रा᳚ग्नी॒सोम॑पीतये || 7 || वर्ग:21 प्रा॒त॒र्याव॑ऽभिः¦आ¦ग॒त॒म्¦दे॒वेभिः॑¦जे॒न्या॒व॒सू॒ इति॑ | इन्द्रा᳚ग्नी॒ इति॑¦सोम॑ऽपीतये || |
| श्या॒वाश्व॑स्यसुन्व॒तोऽत्री᳚णांशृणुतं॒हव᳚म् | इन्द्रा᳚ग्नी॒सोम॑पीतये || 8 || श्या॒व।आ॑श्वस्य¦सु॒न्व॒तः¦अत्री᳚णाम्¦शृ॒णु॒त॒म्¦हव᳚म् | इन्द्रा᳚ग्नी॒ इति॑¦सोम॑ऽपीतये || |
| ए॒वावा᳚मह्वऊ॒तये॒यथाहु॑वन्त॒मेधि॑राः | इन्द्रा᳚ग्नी॒सोम॑पीतये || 9 || ए॒व¦वा॒म्¦अ॒ह्वे॒¦ऊ॒तये᳚¦यथा᳚¦अहु॑वन्त¦मेधि॑राः | इन्द्रा᳚ग्नी॒ इति॑¦सोम॑ऽपीतये || |
| आहंसर॑स्वतीवतोरिन्द्रा॒ग्न्योरवो᳚वृणे | याभ्यां᳚गाय॒त्रमृ॒च्यते᳚ || 10 || आ¦अ॒हम्¦सर॑स्वतीऽवतोः¦इ॒न्द्रा॒ग्न्योः¦अवः॑¦वृ॒णे॒ | याभ्या᳚म्¦गा॒य॒त्रम्¦ऋ॒च्यते᳚ || |
| [28] अग्निमिति दशर्चस्य सूक्तस्य काण्वो नाभाकोग्निर्महापंक्तिः |{अष्टक:6, अध्याय:3}{मंडल:8, सूक्त:39}{अनुवाक:5, सूक्त:9} |
| अ॒ग्निम॑स्तोष्यृ॒ग्मिय॑म॒ग्निमी॒ळाय॒जध्यै᳚ | अ॒ग्निर्दे॒वाँ,अ॑नक्तुनउ॒भेहिवि॒दथे᳚क॒विर॒न्तश्चर॑तिदू॒त्य१॑(अं॒)नभ᳚न्तामन्य॒केस॑मे || 1 || वर्ग:22 अ॒ग्निम्¦अ॒स्तो॒षि॒¦ऋ॒ग्मिय᳚म्¦अ॒ग्निम्¦ई॒ळा¦य॒जध्यै᳚ | |
| न्य॑ग्ने॒नव्य॑सा॒वच॑स्त॒नूषु॒शंस॑मेषाम् | न्यरा᳚ती॒ररा᳚व्णां॒विश्वा᳚,अ॒र्यो,अरा᳚तीरि॒तोयु॑च्छन्त्वा॒मुरो॒नभ᳚न्तामन्य॒केस॑मे || 2 || नि¦अ॒ग्ने॒¦नव्य॑सा¦वचः॑¦त॒नूषु॑¦शंस᳚म्¦ए॒षा॒म् | |
| अग्ने॒मन्मा᳚नि॒तुभ्यं॒कंघृ॒तंनजु॑ह्वआ॒सनि॑ | सदे॒वेषु॒प्रचि॑किद्धि॒त्वंह्यसि॑पू॒र्व्यःशि॒वोदू॒तोवि॒वस्व॑तो॒नभ᳚न्तामन्य॒केस॑मे || 3 || अग्ने᳚¦मन्मा᳚नि¦तुभ्य᳚म्¦कम्¦घृ॒तम्¦न¦जु॒ह्वे॒¦आ॒सनि॑ | |
| तत्त॑द॒ग्निर्वयो᳚दधे॒यथा᳚यथाकृप॒ण्यति॑ | ऊ॒र्जाहु॑ति॒र्वसू᳚नां॒शंच॒योश्च॒मयो᳚दधे॒विश्व॑स्यैदे॒वहू᳚त्यै॒नभ᳚न्तामन्य॒केस॑मे || 4 || तत्ऽत॑त्¦अ॒ग्निः¦वयः॑¦द॒धे॒¦यथा᳚ऽयथा¦कृ॒प॒ण्यति॑ | |
| सचि॑केत॒सही᳚यसा॒ग्निश्चि॒त्रेण॒कर्म॑णा | सहोता॒शश्व॑तीनां॒दक्षि॑णाभिर॒भीवृ॑तइ॒नोति॑चप्रती॒व्य१॑(अं॒)नभ᳚न्तामन्य॒केस॑मे || 5 || सः¦चि॒के॒त॒¦सही᳚यसा¦अ॒ग्निः¦चि॒त्रेण॑¦कर्म॑णा | |
| अ॒ग्निर्जा॒तादे॒वाना᳚म॒ग्निर्वे᳚द॒मर्ता᳚नामपी॒च्य᳚म् | अ॒ग्निःसद्र॑विणो॒दा,अ॒ग्निर्द्वारा॒व्यू᳚र्णुते॒स्वा᳚हुतो॒नवी᳚यसा॒नभ᳚न्तामन्य॒केस॑मे || 6 || वर्ग:23 अ॒ग्निः¦जा॒ता¦दे॒वाना᳚म्¦अ॒ग्निः¦वे॒द॒¦मर्ता᳚नाम्¦अ॒पी॒च्य᳚म् | |
| अ॒ग्निर्दे॒वेषु॒संव॑सुः॒सवि॒क्षुय॒ज्ञिया॒स्वा | समु॒दाकाव्या᳚पु॒रुविश्वं॒भूमे᳚वपुष्यतिदे॒वोदे॒वेषु॑य॒ज्ञियो॒नभ᳚न्तामन्य॒केस॑मे || 7 || अ॒ग्निः¦दे॒वेषु॑¦सम्ऽव॑सुः¦सः¦वि॒क्षु¦य॒ज्ञिया᳚सु¦आ | |
| यो,अ॒ग्निःस॒प्तमा᳚नुषःश्रि॒तोविश्वे᳚षु॒सिन्धु॑षु | तमाग᳚न्मत्रिप॒स्त्यंम᳚न्धा॒तुर्द॑स्यु॒हन्त॑मम॒ग्निंय॒ज्ञेषु॑पू॒र्व्यंनभ᳚न्तामन्य॒केस॑मे || 8 || यः¦अ॒ग्निः¦स॒प्तऽमा᳚नुषः¦श्रि॒तः¦विश्वे᳚षु¦सिन्धु॑षु | |
| अ॒ग्निस्त्रीणि॑त्रि॒धातू॒न्याक्षे᳚तिवि॒दथा᳚क॒विः | सत्रीँरे᳚काद॒शाँ,इ॒हयक्ष॑च्चपि॒प्रय॑च्चनो॒विप्रो᳚दू॒तःपरि॑ष्कृतो॒नभ᳚न्तामन्य॒केस॑मे || 9 || अ॒ग्निः¦त्रीणि॑¦त्रि॒ऽधातू᳚नि¦आ¦क्षे॒ति॒¦वि॒दथा᳚¦क॒विः | |
| त्वंनो᳚,अग्नआ॒युषु॒त्वंदे॒वेषु॑पूर्व्य॒वस्व॒एक॑इरज्यसि | त्वामापः॑परि॒स्रुतः॒परि॑यन्ति॒स्वसे᳚तवो॒नभ᳚न्तामन्य॒केस॑मे || 10 || त्वम्¦नः॒¦अ॒ग्ने॒¦आ॒युषु॑¦त्वम्¦दे॒वेषु॑¦पू॒र्व्य॒¦वस्वः॑¦एकः॑¦इ॒र॒ज्य॒सि॒ | |
| [29] इंद्राग्नीइति द्वादशर्चस्य सूक्तस्य काण्वोनाभाक इंद्राग्नी महापंक्तिर्द्वितीयाशक्वर्यंत्यात्रिष्टुप् |{अष्टक:6, अध्याय:3}{मंडल:8, सूक्त:40}{अनुवाक:5, सूक्त:10} |
| इन्द्रा᳚ग्नीयु॒वंसुनः॒सह᳚न्ता॒दास॑थोर॒यिम् | येन॑दृ॒ळ्हास॒मत्स्वावी॒ळुचि॑त्साहिषी॒मह्य॒ग्निर्वने᳚व॒वात॒इन्नभ᳚न्तामन्य॒केस॑मे || 1 || वर्ग:24 इन्द्रा᳚ग्नी॒ इति॑¦यु॒वम्¦सु¦नः॒¦सह᳚न्ता¦दास॑थः¦र॒यिम् | |
| न॒हिवां᳚व॒व्रया᳚म॒हेऽथेन्द्र॒मिद्य॑जामहे॒शवि॑ष्ठंनृ॒णांनर᳚म् | सनः॑क॒दाचि॒दर्व॑ता॒गम॒दावाज॑सातये॒गम॒दामे॒धसा᳚तये॒नभ᳚न्तामन्य॒केस॑मे || 2 || न॒हि¦वा॒म्¦व॒व्रया᳚महे¦अथ॑¦इन्द्र᳚म्¦इत्¦य॒जा॒म॒हे॒¦शवि॑ष्ठम्¦नृ॒णाम्¦नर᳚म् | |
| ताहिमध्यं॒भरा᳚णामिन्द्रा॒ग्नी,अ॑धिक्षि॒तः | ता,उ॑कवित्व॒नाक॒वीपृ॒च्छ्यमा᳚नासखीय॒तेसंधी॒तम॑श्नुतंनरा॒नभ᳚न्तामन्य॒केस॑मे || 3 || ता¦हि¦मध्य᳚म्¦भरा᳚णाम्¦इ॒न्द्रा॒ग्नी इति॑¦अ॒धि॒ऽक्षि॒तः | |
| अ॒भ्य॑र्चनभाक॒वदि᳚न्द्रा॒ग्नीय॒जसा᳚गि॒रा | ययो॒र्विश्व॑मि॒दंजग॑दि॒यंद्यौःपृ॑थि॒वीम॒ह्यु१॑(उ॒)पस्थे᳚बिभृ॒तोवसु॒नभ᳚न्तामन्य॒केस॑मे || 4 || अ॒भि¦अ॒र्च॒¦न॒भा॒क॒ऽवत्¦इ॒न्द्रा॒ग्नी इति॑¦य॒जसा᳚¦गि॒रा | |
| प्रब्रह्मा᳚णिनभाक॒वदि᳚न्द्रा॒ग्निभ्या᳚मिरज्यत | यास॒प्तबु॑ध्नमर्ण॒वंजि॒ह्मबा᳚रमपोर्णु॒तइन्द्र॒ईशा᳚न॒ओज॑सा॒नभ᳚न्तामन्य॒केस॑मे || 5 || प्र¦ब्रह्मा᳚णि¦न॒भा॒क॒ऽवत्¦इ॒न्द्रा॒ग्निऽभ्या᳚म्¦इ॒र॒ज्य॒त॒ | |
| अपि॑वृश्चपुराण॒वद्व्र॒तते᳚रिवगुष्पि॒तमोजो᳚दा॒सस्य॑दम्भय | व॒यंतद॑स्य॒सम्भृ॑तं॒वस्विन्द्रे᳚ण॒विभ॑जेमहि॒नभ᳚न्तामन्य॒केस॑मे || 6 || अपि॑¦वृ॒श्च॒¦पु॒रा॒ण॒ऽवत्¦व्र॒ततेः᳚ऽइव¦गु॒ष्पि॒तम्¦ओजः॑¦दा॒सस्य॑¦द॒म्भ॒य॒ | |
| यदि᳚न्द्रा॒ग्नीजना᳚,इ॒मेवि॒ह्वय᳚न्ते॒तना᳚गि॒रा | अ॒स्माके᳚भि॒र्नृभि᳚र्व॒यंसा᳚स॒ह्याम॑पृतन्य॒तोव॑नु॒याम॑वनुष्य॒तोनभ᳚न्तामन्य॒केस॑मे || 7 || वर्ग:25 यत्¦इ॒न्द्रा॒ग्नी इति॑¦जनाः᳚¦इ॒मे¦वि॒ऽह्वय᳚न्ते¦तना᳚¦गि॒रा | |
| यानुश्वे॒ताव॒वोदि॒वउ॒च्चरा᳚त॒उप॒द्युभिः॑ | इ॒न्द्रा॒ग्न्योरनु᳚व्र॒तमुहा᳚नायन्ति॒सिन्ध॑वो॒यान्त्सीं᳚ब॒न्धादमु᳚ञ्चतां॒नभ᳚न्तामन्य॒केस॑मे || 8 || या¦नु¦श्वे॒तौ¦अ॒वः¦दि॒वः¦उ॒त्ऽचरा᳚तः¦उप॑¦द्युऽभिः॑ | |
| पू॒र्वीष्ट॑इ॒न्द्रोप॑मातयःपू॒र्वीरु॒तप्रश॑स्तयः॒सूनो᳚हि॒न्वस्य॑हरिवः | वस्वो᳚वी॒रस्या॒पृचो॒यानुसाध᳚न्तनो॒धियो॒नभ᳚न्तामन्य॒केस॑मे || 9 || पू॒र्वीः¦ते॒¦इ॒न्द्र॒¦उप॑ऽमातयः¦पू॒र्वीः¦उ॒त¦प्रऽश॑स्तयः¦सूनो॒ इति॑¦हि॒न्वस्य॑¦ह॒रि॒ऽवः॒ | |
| तंशि॑शीतासुवृ॒क्तिभि॑स्त्वे॒षंसत्वा᳚नमृ॒ग्मिय᳚म् | उ॒तोनुचि॒द्यओज॑सा॒शुष्ण॑स्या॒ण्डानि॒भेद॑ति॒जेष॒त्स्व᳚र्वतीर॒पोनभ᳚न्तामन्य॒केस॑मे || 10 || तम्¦शि॒शी॒त॒¦सु॒वृ॒क्तिऽभिः॑¦त्वे॒षम्¦सत्वा᳚नम्¦ऋ॒ग्मिय᳚म् | |
| तंशि॑शीतास्वध्व॒रंस॒त्यंसत्वा᳚नमृ॒त्विय᳚म् | उ॒तोनुचि॒द्यओह॑तआ॒ण्डाशुष्ण॑स्य॒भेद॒त्यजैः॒स्व᳚र्वतीर॒पोनभ᳚न्तामन्य॒केस॑मे || 11 || तम्¦शि॒शी॒त॒¦सु॒।आ॒ध्व॒रम्¦स॒त्यम्¦सत्वा᳚नम्¦ऋ॒त्विय᳚म् | |
| ए॒वेन्द्रा॒ग्निभ्यां᳚पितृ॒वन्नवी᳚योमन्धातृ॒वद᳚ङ्गिर॒स्वद॑वाचि | त्रि॒धातु॑ना॒शर्म॑णापातम॒स्मान्व॒यंस्या᳚म॒पत॑योरयी॒णाम् || 12 || ए॒व¦इ॒न्द्रा॒ग्निऽभ्या᳚म्¦पि॒तृ॒ऽवत्¦नवी᳚यः¦म॒न्धा॒तृ॒ऽवत्¦अ॒ङ्गि॒र॒स्वत्¦अ॒वा॒चि॒ | |
| [30] अस्माऊष्विति दशर्चस्य सूक्तस्य काण्वोनाभाकोवरुणोमहापंक्तिः |{अष्टक:6, अध्याय:3}{मंडल:8, सूक्त:41}{अनुवाक:5, सूक्त:11} |
| अ॒स्मा,ऊ॒षुप्रभू᳚तये॒वरु॑णायम॒रुद्भ्योऽर्चा᳚वि॒दुष्ट॑रेभ्यः | योधी॒तामानु॑षाणांप॒श्वोगा,इ॑व॒रक्ष॑ति॒नभ᳚न्तामन्य॒केस॑मे || 1 || वर्ग:26 अ॒स्मै¦ऊँ॒ इति॑¦सु¦प्रऽभू᳚तये¦वरु॑णाय¦म॒रुत्ऽभ्यः॑¦अर्च॑¦वि॒दुःऽत॑रेभ्यः | |
| तमू॒षुस॑म॒नागि॒रापि॑तॄ॒णांच॒मन्म॑भिः | ना॒भा॒कस्य॒प्रश॑स्तिभि॒र्यःसिन्धू᳚ना॒मुपो᳚द॒येस॒प्तस्व॑सा॒सम॑ध्य॒मोनभ᳚न्तामन्य॒केस॑मे || 2 || तम्¦ऊँ॒ इति॑¦सु¦स॒म॒ना¦गि॒रा¦पि॒तॄ॒णाम्¦च॒¦मन्म॑ऽभिः | |
| सक्षपः॒परि॑षस्वजे॒न्यु१॑(उ॒)स्रोमा॒यया᳚दधे॒सविश्वं॒परि॑दर्श॒तः | तस्य॒वेनी॒रनु᳚व्र॒तमु॒षस्ति॒स्रो,अ॑वर्धय॒न्नभ᳚न्तामन्य॒केस॑मे || 3 || सः¦क्षपः॑¦परि॑¦स॒स्व॒जे॒¦नि¦उ॒स्रः¦मा॒यया᳚¦द॒धे॒¦सः¦विश्व᳚म्¦परि॑¦द॒र्श॒तः | |
| यःक॒कुभो᳚निधार॒यःपृ॑थि॒व्यामधि॑दर्श॒तः | समाता᳚पू॒र्व्यंप॒दंतद्वरु॑णस्य॒सप्त्यं॒सहिगो॒पा,इ॒वेर्यो॒नभ᳚न्तामन्य॒केस॑मे || 4 || यः¦क॒कुभः॑¦नि॒ऽधा॒र॒यः¦पृ॒थि॒व्याम्¦अधि॑¦द॒र्श॒तः | |
| योध॒र्ताभुव॑नानां॒यउ॒स्राणा᳚मपी॒च्या॒३॑(आ॒)वेद॒नामा᳚नि॒गुह्या᳚ | सक॒विःकाव्या᳚पु॒रुरू॒पंद्यौरि॑वपुष्यति॒नभ᳚न्तामन्य॒केस॑मे || 5 || यः¦ध॒र्ता¦भुव॑नानाम्¦यः¦उ॒स्राणा᳚म्¦अ॒पी॒च्या᳚¦वेद॑¦नामा᳚नि¦गुह्या᳚ | |
| यस्मि॒न्विश्वा᳚नि॒काव्या᳚च॒क्रेनाभि॑रिवश्रि॒ता | त्रि॒तंजू॒तीस॑पर्यतव्र॒जेगावो॒नसं॒युजे᳚यु॒जे,अश्वाँ᳚,अयुक्षत॒नभ᳚न्तामन्य॒केस॑मे || 6 || वर्ग:27 यस्मि॑न्¦विश्वा᳚नि¦काव्या᳚¦च॒क्रे¦नाभिः॑ऽइव¦श्रि॒ता | |
| यआ॒स्वत्क॑आ॒शये॒विश्वा᳚जा॒तान्ये᳚षाम् | परि॒धामा᳚नि॒मर्मृ॑श॒द्वरु॑णस्यपु॒रोगये॒विश्वे᳚दे॒वा,अनु᳚व्र॒तंनभ᳚न्तामन्य॒केस॑मे || 7 || यः¦आ॒सु॒¦अत्कः॑¦आ॒ऽशये᳚¦विश्वा᳚¦जा॒तानि॑¦ए॒षा॒म् | |
| सस॑मु॒द्रो,अ॑पी॒च्य॑स्तु॒रोद्यामि॑वरोहति॒नियदा᳚सु॒यजु॑र्द॒धे | समा॒या,अ॒र्चिना᳚प॒दास्तृ॑णा॒न्नाक॒मारु॑ह॒न्नभ᳚न्तामन्य॒केस॑मे || 8 || सः¦स॒मु॒द्रः¦अ॒पी॒च्यः॑¦तु॒रः¦द्याम्ऽइ᳚व¦रो॒ह॒ति॒¦नि¦यत्¦आ॒सु॒¦यजुः॑¦द॒धे | |
| यस्य॑श्वे॒तावि॑चक्ष॒णाति॒स्रोभूमी᳚रधिक्षि॒तः | त्रिरुत्त॑राणिप॒प्रतु॒र्वरु॑णस्यध्रु॒वंसदः॒सस॑प्ता॒नामि॑रज्यति॒नभ᳚न्तामन्य॒केस॑मे || 9 || यस्य॑¦श्वे॒ता¦वि॒ऽच॒क्ष॒णा¦ति॒स्रः¦भूमीः᳚¦अ॒धि॒ऽक्षि॒तः | |
| यःश्वे॒ताँ,अधि॑निर्णिजश्च॒क्रेकृ॒ष्णाँ,अनु᳚व्र॒ता | सधाम॑पू॒र्व्यंम॑मे॒यःस्क॒म्भेन॒विरोद॑सी,अ॒जोनद्यामधा᳚रय॒न्नभ᳚न्तामन्य॒केस॑मे || 10 || यः¦श्वे॒तान्¦अधि॑ऽनिर्निजः¦च॒क्रे¦कृ॒ष्णान्¦अनु॑¦व्र॒ता | |
| [31] अस्तभ्नादिति षडृचस्य सूक्तस्य काण्वोनाभाकऋषिरंत्यानांतिसृणामात्रेयार्चनानाऋषिराद्यानांतिसृणां वरुणोंत्यानांतिसृणामश्विनौ आद्यास्तिस्रस्त्रिष्टुभोंत्यास्तिस्रोनुष्टुभः |{अष्टक:6, अध्याय:3}{मंडल:8, सूक्त:42}{अनुवाक:5, सूक्त:12} |
| अस्त॑भ्ना॒द्द्यामसु॑रोवि॒श्ववे᳚दा॒,अमि॑मीतवरि॒माणं᳚पृथि॒व्याः | आसी᳚द॒द्विश्वा॒भुव॑नानिस॒म्राड्विश्वेत्तानि॒वरु॑णस्यव्र॒तानि॑ || 1 || वर्ग:28 अस्त॑भ्नात्¦द्याम्¦असु॑रः¦वि॒श्वऽवे᳚दाः¦अमि॑मीत¦व॒रि॒माण᳚म्¦पृ॒थि॒व्याः | |
| ए॒वाव᳚न्दस्व॒वरु॑णंबृ॒हन्तं᳚नम॒स्याधीर॑म॒मृत॑स्यगो॒पाम् | सनः॒शर्म॑त्रि॒वरू᳚थं॒वियं᳚सत्पा॒तंनो᳚द्यावापृथिवी,उ॒पस्थे᳚ || 2 || ए॒व¦व॒न्द॒स्व॒¦वरु॑णम्¦बृ॒हन्त᳚म्¦न॒म॒स्य¦धीर᳚म्¦अ॒मृत॑स्य¦गो॒पाम् | |
| इ॒मांधियं॒शिक्ष॑माणस्यदेव॒क्रतुं॒दक्षं᳚वरुण॒संशि॑शाधि | ययाति॒विश्वा᳚दुरि॒तातरे᳚मसु॒तर्मा᳚ण॒मधि॒नावं᳚रुहेम || 3 || इ॒माम्¦धिय᳚म्¦शिक्ष॑माणस्य¦दे॒व॒¦क्रतु᳚म्¦दक्ष᳚म्¦व॒रु॒ण॒¦सम्¦शि॒शा॒धि॒ | |
| आवां॒ग्रावा᳚णो,अश्विनाधी॒भिर्विप्रा᳚,अचुच्यवुः | नास॑त्या॒सोम॑पीतये॒नभ᳚न्तामन्य॒केस॑मे || 4 || आ¦वा॒म्¦ग्रावा᳚णः¦अ॒श्वि॒ना॒¦धी॒भिः¦विप्राः᳚¦अ॒चु॒च्य॒वुः॒ | नास॑त्या¦सोम॑ऽपीतये¦नभ᳚न्ताम्¦अ॒न्य॒के¦स॒मे॒ || |
| यथा᳚वा॒मत्रि॑रश्विनागी॒र्भिर्विप्रो॒,अजो᳚हवीत् | नास॑त्या॒सोम॑पीतये॒नभ᳚न्तामन्य॒केस॑मे || 5 || यथा᳚¦वा॒म्¦अत्रिः॑¦अ॒श्वि॒ना॒¦गीः॒ऽभिः¦विप्रः॑¦अजो᳚हवीत् | नास॑त्या¦सोम॑ऽपीतये¦नभ᳚न्ताम्¦अ॒न्य॒के¦स॒मे॒ || |
| ए॒वावा᳚मह्वऊ॒तये॒यथाहु॑वन्त॒मेधि॑राः | नास॑त्या॒सोम॑पीतये॒नभ᳚न्तामन्य॒केस॑मे || 6 || ए॒व¦वा॒म्¦अ॒ह्वे॒¦ऊ॒तये᳚¦यथा᳚¦अहु॑वन्त¦मेधि॑राः | नास॑त्या¦सोम॑ऽपीतये¦नभ᳚न्ताम्¦अ॒न्य॒के¦स॒मे॒ || |
| [32] इमेविप्रस्येति त्रयस्त्रिंशदृचस्य सूक्तस्यांगिरसोविरूपोग्निर्गायत्री |{अष्टक:6, अध्याय:3}{मंडल:8, सूक्त:43}{अनुवाक:6, सूक्त:1} |
| इ॒मेविप्र॑स्यवे॒धसो॒ऽग्नेरस्तृ॑तयज्वनः | गिरः॒स्तोमा᳚सईरते || 1 || वर्ग:29 इ॒मे¦विप्र॑स्य¦वे॒धसः॑¦अ॒ग्नेः¦अस्तृ॑तऽयज्वनः | गिरः॑¦स्तोमा᳚सः¦ई॒र॒ते॒ || |
| अस्मै᳚तेप्रति॒हर्य॑ते॒जात॑वेदो॒विच॑र्षणे | अग्ने॒जना᳚मिसुष्टु॒तिम् || 2 || अस्मै᳚¦ते॒¦प्र॒ति॒ऽहर्य॑ते¦जात॑ऽवेदः¦विऽच॑र्षणे | अग्ने᳚¦जना᳚मि¦सु॒ऽस्तु॒तिम् || |
| आ॒रो॒का,इ॑व॒घेदह॑ति॒ग्मा,अ॑ग्ने॒तव॒त्विषः॑ | द॒द्भिर्वना᳚निबप्सति || 3 || आ॒रो॒काःऽइ᳚व¦घ॒¦इत्¦अह॑¦ति॒ग्माः¦अ॒ग्ने॒¦तव॑¦त्विषः॑ | द॒त्ऽभिः¦वना᳚नि¦ब॒प्स॒ति॒ || |
| हर॑योधू॒मके᳚तवो॒वात॑जूता॒,उप॒द्यवि॑ | यत᳚न्ते॒वृथ॑ग॒ग्नयः॑ || 4 || हर॑यः¦धू॒मऽके᳚तवः¦वात॑ऽजूताः¦उप॑¦द्यवि॑ | यत᳚न्ते¦वृथ॑क्¦अ॒ग्नयः॑ || |
| ए॒तेत्येवृथ॑ग॒ग्नय॑इ॒द्धासः॒सम॑दृक्षत | उ॒षसा᳚मिवके॒तवः॑ || 5 || ए॒ते¦त्ये¦वृथ॑क्¦अ॒ग्नयः॑¦इ॒द्धासः॑¦सम्¦अ॒दृ॒क्ष॒त॒ | उ॒षसा᳚म्ऽइव¦के॒तवः॑ || |
| कृ॒ष्णारजां᳚सिपत्सु॒तःप्र॒याणे᳚जा॒तवे᳚दसः | अ॒ग्निर्यद्रोध॑ति॒क्षमि॑ || 6 || वर्ग:30 कृ॒ष्णा¦रजां᳚सि¦प॒त्सु॒तः¦प्र॒ऽयाणे᳚¦जा॒तऽवे᳚दसः | अ॒ग्निः¦यत्¦रोध॑ति¦क्षमि॑ || |
| धा॒सिंकृ᳚ण्वा॒नओष॑धी॒र्बप्स॑द॒ग्निर्नवा᳚यति | पुन॒र्यन्तरु॑णी॒रपि॑ || 7 || धा॒सिम्¦कृ॒ण्वा॒नः¦ओष॑धीः¦बप्स॑त्¦अ॒ग्निः¦न¦वा॒य॒ति॒ | पुनः॑¦यन्¦तरु॑णीः¦अपि॑ || |
| जि॒ह्वाभि॒रह॒नन्न॑मद॒र्चिषा᳚जञ्जणा॒भव॑न् | अ॒ग्निर्वने᳚षुरोचते || 8 || जि॒ह्वाभिः॑¦अह॑¦नन्न॑मत्¦अ॒र्चिषा᳚¦जं॒ज॒णा॒ऽभव॑न् | अ॒ग्निः¦वने᳚षु¦रो॒च॒ते॒ || |
| अ॒प्स्व॑ग्ने॒सधि॒ष्टव॒सौष॑धी॒रनु॑रुध्यसे | गर्भे॒सञ्जा᳚यसे॒पुनः॑ || 9 || अ॒प्ऽसु¦अ॒ग्ने॒¦सधिः॑¦तव॑¦सः¦ओष॑धीः¦अनु॑¦रु॒ध्य॒से॒ | गर्भे᳚¦सन्¦जा॒य॒से॒¦पुन॒रिति॑ || |
| उद॑ग्ने॒तव॒तद्घृ॒ताद॒र्चीरो᳚चत॒आहु॑तम् | निंसा᳚नंजु॒ह्वो॒३॑(ओ॒)मुखे᳚ || 10 || उत्¦अ॒ग्ने॒¦तव॑¦तत्¦घृ॒तात्¦अ॒र्चिः¦रो॒च॒ते॒¦आऽहु॑तम् | निंसा᳚नम्¦जु॒ह्वः॑¦मुखे᳚ || |
| उ॒क्षान्ना᳚यव॒शान्ना᳚य॒सोम॑पृष्ठायवे॒धसे᳚ | स्तोमै᳚र्विधेमा॒ग्नये᳚ || 11 || वर्ग:31 उ॒क्ष।आ᳚न्नाय¦व॒शा।आ᳚न्नाय¦सोम॑ऽपृष्ठाय¦वे॒धसे᳚ | स्तोमैः᳚¦वि॒धे॒म॒¦अ॒ग्नये᳚ || |
| उ॒तत्वा॒नम॑साव॒यंहोत॒र्वरे᳚ण्यक्रतो | अग्ने᳚स॒मिद्भि॑रीमहे || 12 || उ॒त¦त्वा॒¦नम॑सा¦व॒यम्¦होतः॑¦वरे᳚ण्यक्रतो॒ इति॒ वरे᳚ण्यऽक्रतो | अग्ने᳚¦स॒मित्ऽभिः॑¦ई॒म॒हे॒ || |
| उ॒तत्वा᳚भृगु॒वच्छु॑चेमनु॒ष्वद॑ग्नआहुत | अ॒ङ्गि॒र॒स्वद्ध॑वामहे || 13 || उ॒त¦त्वा॒¦भृ॒गु॒ऽवत्¦शु॒चे॒¦म॒नु॒ष्वत्¦अ॒ग्ने॒¦आ॒ऽहु॒त॒ | अ॒ङ्गि॒र॒स्वत्¦ह॒वा॒म॒हे॒ || |
| त्वंह्य॑ग्ने,अ॒ग्निना॒विप्रो॒विप्रे᳚ण॒सन्त्स॒ता | सखा॒सख्या᳚समि॒ध्यसे᳚ || 14 || त्वम्¦हि¦अ॒ग्ने॒¦अ॒ग्निना᳚¦विप्रः॑¦विप्रे᳚ण¦सन्¦स॒ता | सखा᳚¦सख्या᳚¦स॒म्ऽइ॒ध्यसे᳚ || |
| सत्वंविप्रा᳚यदा॒शुषे᳚र॒यिंदे᳚हिसह॒स्रिण᳚म् | अग्ने᳚वी॒रव॑ती॒मिष᳚म् || 15 || सः¦त्वम्¦विप्रा᳚य¦दा॒शुषे᳚¦र॒यिम्¦दे॒हि॒¦स॒ह॒स्रिण᳚म् | अग्ने᳚¦वी॒रऽव॑तीम्¦इष᳚म् || |
| अग्ने॒भ्रातः॒सह॑स्कृत॒रोहि॑दश्व॒शुचि᳚व्रत | इ॒मंस्तोमं᳚जुषस्वमे || 16 || वर्ग:32 अग्ने᳚¦भ्रा॒त॒रिति॑¦सहः॑ऽकृत¦रोहि॑त्।आश्व¦शुचि॑ऽव्रत | इ॒मम्¦स्तोम᳚म्¦जु॒ष॒स्व॒¦मे॒ || |
| उ॒तत्वा᳚ग्ने॒मम॒स्तुतो᳚वा॒श्राय॑प्रति॒हर्य॑ते | गो॒ष्ठंगाव॑इवाशत || 17 || उ॒त¦त्वा॒¦अ॒ग्ने॒¦मम॑¦स्तुतः॑¦वा॒श्राय॑¦प्र॒ति॒ऽहर्य॑ते | गो॒ऽस्थम्¦गावः॑ऽइव¦आ॒श॒त॒ || |
| तुभ्यं॒ता,अ᳚ङ्गिरस्तम॒विश्वाः᳚सुक्षि॒तयः॒पृथ॑क् | अग्ने॒कामा᳚ययेमिरे || 18 || तुभ्य᳚म्¦ताः¦अ॒ङ्गि॒रः॒ऽत॒म॒¦विश्वाः᳚¦सु॒ऽक्षि॒तयः॑¦पृथ॑क् | अग्ने᳚¦कामा᳚य¦ये॒मि॒रे॒ || |
| अ॒ग्निंधी॒भिर्म॑नी॒षिणो॒मेधि॑रासोविप॒श्चितः॑ | अ॒द्म॒सद्या᳚यहिन्विरे || 19 || अ॒ग्निम्¦धी॒भिः¦म॒नी॒षिणः॑¦मेधि॑रासः¦वि॒पः॒ऽचितः॑ | अ॒द्म॒ऽसद्या᳚य¦हि॒न्वि॒रे॒ || |
| तंत्वामज्मे᳚षुवा॒जिनं᳚तन्वा॒ना,अ॑ग्ने,अध्व॒रम् | वह्निं॒होता᳚रमीळते || 20 || तम्¦त्वाम्¦अज्मे᳚षु¦वा॒जिन᳚म्¦त॒न्वा॒नाः¦अ॒ग्ने॒¦अ॒ध्व॒रम् | वह्नि᳚म्¦होता᳚रम्¦ई॒ळ॒ते॒ || |
| पु॒रु॒त्राहिस॒दृङ्ङसि॒विशो॒विश्वा॒,अनु॑प्र॒भुः | स॒मत्सु॑त्वाहवामहे || 21 || वर्ग:33 पु॒रु॒ऽत्रा¦हि¦स॒ऽदृङ्¦असि॑¦विशः॑¦विश्वाः᳚¦अनु॑¦प्र॒ऽभुः | स॒मत्ऽसु॑¦त्वा॒¦ह॒वा॒म॒हे॒ || |
| तमी᳚ळिष्व॒यआहु॑तो॒ऽग्निर्वि॒भ्राज॑तेघृ॒तैः | इ॒मंनः॑शृणव॒द्धव᳚म् || 22 || तम्¦ई॒ळि॒ष्व॒¦यः¦आऽहु॑तः¦अ॒ग्निः¦वि॒ऽभ्राज॑ते¦घृ॒तैः | इ॒मम्¦नः॒¦शृ॒ण॒व॒त्¦हव᳚म् || |
| तंत्वा᳚व॒यंह॑वामहेशृ॒ण्वन्तं᳚जा॒तवे᳚दसम् | अग्ने॒घ्नन्त॒मप॒द्विषः॑ || 23 || तम्¦त्वा॒¦व॒यम्¦ह॒वा॒म॒हे॒¦शृ॒ण्वन्त᳚म्¦जा॒तऽवे᳚दसम् | अग्ने᳚¦घ्नन्त᳚म्¦अप॑¦द्विषः॑ || |
| वि॒शांराजा᳚न॒मद्भु॑त॒मध्य॑क्षं॒धर्म॑णामि॒मम् | अ॒ग्निमी᳚ळे॒सउ॑श्रवत् || 24 || वि॒शाम्¦राजा᳚नम्¦अद्भु॑तम्¦अधि॑।आक्षम्¦धर्म॑णाम्¦इ॒मम् | अ॒ग्निम्¦ई॒ळे॒¦सः¦ऊँ॒ इति॑¦श्र॒व॒त् || |
| अ॒ग्निंवि॒श्वायु॑वेपसं॒मर्यं॒नवा॒जिनं᳚हि॒तम् | सप्तिं॒नवा᳚जयामसि || 25 || अ॒ग्निम्¦वि॒श्वायु॑ऽवेपसम्¦मर्य᳚म्¦न¦वा॒जिन᳚म्¦हि॒तम् | सप्ति᳚म्¦न¦वा॒ज॒या॒म॒सि॒ || |
| घ्नन्मृ॒ध्राण्यप॒द्विषो॒दह॒न्रक्षां᳚सिवि॒श्वहा᳚ | अग्ने᳚ति॒ग्मेन॑दीदिहि || 26 || वर्ग:34 घ्नन्¦मृ॒ध्राणि॑¦अप॑¦द्विषः॑¦दह॑न्¦रक्षां᳚सि¦वि॒श्वहा᳚ | अग्ने᳚¦ति॒ग्मेन॑¦दी॒दि॒हि॒ || |
| यंत्वा॒जना᳚सइन्ध॒तेम॑नु॒ष्वद᳚ङ्गिरस्तम | अग्ने॒सबो᳚धिमे॒वचः॑ || 27 || यम्¦त्वा॒¦जना᳚सः¦इ॒न्ध॒ते¦म॒नु॒ष्वत्¦अ॒ङ्गि॒रः॒ऽत॒म॒ | अग्ने᳚¦सः¦बो॒धि॒¦मे॒¦वचः॑ || |
| यद॑ग्नेदिवि॒जा,अस्य॑प्सु॒जावा᳚सहस्कृत | तंत्वा᳚गी॒र्भिर्ह॑वामहे || 28 || यत्¦अ॒ग्ने॒¦दि॒वि॒ऽजाः¦असि॑¦अ॒प्सु॒ऽजाः¦वा॒¦स॒हः॒ऽकृ॒त॒ | तम्¦त्वा॒¦गीः॒ऽभिः¦ह॒वा॒म॒हे॒ || |
| तुभ्यं॒घेत्तेजना᳚,इ॒मेविश्वाः᳚सुक्षि॒तयः॒पृथ॑क् | धा॒सिंहि᳚न्व॒न्त्यत्त॑वे || 29 || तुभ्य᳚म्¦घ॒¦इत्¦ते¦जनाः᳚¦इ॒मे¦विश्वाः᳚¦सु॒ऽक्षि॒तयः॑¦पृथ॑क् | धा॒सिम्¦हि॒न्व॒न्ति॒¦अत्त॑वे || |
| तेघेद॑ग्नेस्वा॒ध्योऽहा॒विश्वा᳚नृ॒चक्ष॑सः | तर᳚न्तःस्यामदु॒र्गहा᳚ || 30 || ते¦घ॒¦इत्¦अ॒ग्ने॒¦सु॒ऽआ॒ध्यः¦अहा᳚¦विश्वा᳚¦नृ॒ऽचक्ष॑सः | तर᳚न्तः¦स्या॒म॒¦दुः॒ऽगहा᳚ || |
| अ॒ग्निंम॒न्द्रंपु॑रुप्रि॒यंशी॒रंपा᳚व॒कशो᳚चिषम् | हृ॒द्भिर्म॒न्द्रेभि॑रीमहे || 31 || वर्ग:35 अ॒ग्निम्¦म॒न्द्रम्¦पु॒रु॒ऽप्रि॒यम्¦शी॒रम्¦पा॒व॒कऽशो᳚चिषम् | हृ॒त्ऽभिः¦म॒न्द्रेभिः॑¦ई॒म॒हे॒ || |
| सत्वम॑ग्नेवि॒भाव॑सुःसृ॒जन्त्सूर्यो॒नर॒श्मिभिः॑ | शर्ध॒न्तमां᳚सिजिघ्नसे || 32 || सः¦त्वम्¦अ॒ग्ने॒¦वि॒भाऽव॑सुः¦सृ॒जन्¦सूर्यः॑¦न¦र॒श्मिऽभिः॑ | शर्ध॑न्¦तमां᳚सि¦जि॒घ्न॒से॒ || |
| तत्ते᳚सहस्वईमहेदा॒त्रंयन्नोप॒दस्य॑ति | त्वद॑ग्ने॒वार्यं॒वसु॑ || 33 || तत्¦ते॒¦स॒ह॒स्वः॒¦ई॒म॒हे॒¦दा॒त्रम्¦यत्¦न¦उ॒प॒ऽदस्य॑ति | त्वत्¦अ॒ग्ने॒¦वार्य᳚म्¦वसु॑ || |
| [33] समिधाग्निमिति त्रिंशदृचस्य सूक्तस्यांगिरसो विरूपोग्निर्गायत्री |{अष्टक:6, अध्याय:3}{मंडल:8, सूक्त:44}{अनुवाक:6, सूक्त:2} |
| स॒मिधा॒ग्निंदु॑वस्यतघृ॒तैर्बो᳚धय॒ताति॑थिम् | आस्मि॑न्ह॒व्याजु॑होतन || 1 || वर्ग:36 स॒म्ऽइधा᳚¦अ॒ग्निम्¦दु॒व॒स्य॒त॒¦घृ॒तैः¦बो॒ध॒य॒त॒¦अति॑थिम् | आ¦अ॒स्मि॒न्¦ह॒व्या¦जु॒हो॒त॒न॒ || |
| अग्ने॒स्तोमं᳚जुषस्वमे॒वर्ध॑स्वा॒नेन॒मन्म॑ना | प्रति॑सू॒क्तानि॑हर्यनः || 2 || अग्ने᳚¦स्तोम᳚म्¦जु॒ष॒स्व॒¦मे॒¦वर्ध॑स्व¦अ॒नेन॑¦मन्म॑ना | प्रति॑¦सु॒।औ॒क्तानि॑¦ह॒र्य॒¦नः॒ || |
| अ॒ग्निंदू॒तंपु॒रोद॑धेहव्य॒वाह॒मुप॑ब्रुवे | दे॒वाँ,आसा᳚दयादि॒ह || 3 || अ॒ग्निम्¦दू॒तम्¦पु॒रः¦द॒धे॒¦ह॒व्य॒ऽवाह᳚म्¦उप॑¦ब्रु॒वे॒ | दे॒वान्¦आ¦सा॒द॒या॒त्¦इ॒ह || |
| उत्ते᳚बृ॒हन्तो᳚,अ॒र्चयः॑समिधा॒नस्य॑दीदिवः | अग्ने᳚शु॒क्रास॑ईरते || 4 || उत्¦ते॒¦बृ॒हन्तः॑¦अ॒र्चयः॑¦स॒म्ऽइ॒धा॒नस्य॑¦दी॒दि॒ऽवः॒ | अग्ने᳚¦शु॒क्रासः॑¦ई॒र॒ते॒ || |
| उप॑त्वाजु॒ह्वो॒३॑(ओ॒)मम॑घृ॒ताची᳚र्यन्तुहर्यत | अग्ने᳚ह॒व्याजु॑षस्वनः || 5 || उप॑¦त्वा॒¦जु॒ह्वः॑¦मम॑¦घृ॒ताचीः᳚¦य॒न्तु॒¦ह॒र्य॒त॒ | अग्ने᳚¦ह॒व्या¦जु॒ष॒स्व॒¦नः॒ || |
| म॒न्द्रंहोता᳚रमृ॒त्विजं᳚चि॒त्रभा᳚नुंवि॒भाव॑सुम् | अ॒ग्निमी᳚ळे॒सउ॑श्रवत् || 6 || वर्ग:37 म॒न्द्रम्¦होता᳚रम्¦ऋ॒त्विज᳚म्¦चि॒त्रऽभा᳚नुम्¦वि॒भाऽव॑सुम् | अ॒ग्निम्¦ई॒ळे॒¦सः¦ऊँ॒ इति॑¦श्र॒व॒त् || |
| प्र॒त्नंहोता᳚र॒मीड्यं॒जुष्ट॑म॒ग्निंक॒विक्र॑तुम् | अ॒ध्व॒राणा᳚मभि॒श्रिय᳚म् || 7 || प्र॒त्नम्¦होता᳚रम्¦ईड्य᳚म्¦जुष्ट᳚म्¦अ॒ग्निम्¦क॒विऽक्र॑तुम् | अ॒ध्व॒राणा᳚म्¦अ॒भि॒ऽश्रिय᳚म् || |
| जु॒षा॒णो,अ᳚ङ्गिरस्तमे॒माह॒व्यान्या᳚नु॒षक् | अग्ने᳚य॒ज्ञंन॑यऋतु॒था || 8 || जु॒षा॒णः¦अ॒ङ्गि॒रः॒ऽत॒म॒¦इ॒मा¦ह॒व्यानि॑¦आ॒नु॒षक् | अग्ने᳚¦य॒ज्ञम्¦न॒य॒¦ऋ॒तु॒ऽथा || |
| स॒मि॒धा॒नउ॑सन्त्य॒शुक्र॑शोचइ॒हाव॑ह | चि॒कि॒त्वान्दैव्यं॒जन᳚म् || 9 || स॒म्ऽइ॒धा॒नः¦ऊँ॒ इति॑¦स॒न्त्य॒¦शुक्र॑ऽशोचे¦इ॒ह¦आ¦व॒ह॒ | चि॒कि॒त्वान्¦दैव्य᳚म्¦जन᳚म् || |
| विप्रं॒होता᳚रम॒द्रुहं᳚धू॒मके᳚तुंवि॒भाव॑सुम् | य॒ज्ञानां᳚के॒तुमी᳚महे || 10 || विप्र᳚म्¦होता᳚रम्¦अ॒द्रुह᳚म्¦धू॒मऽके᳚तुम्¦वि॒भाऽव॑सुम् | य॒ज्ञाना᳚म्¦के॒तुम्¦ई॒म॒हे॒ || |
| अग्ने॒निपा᳚हिन॒स्त्वंप्रति॑ष्मदेव॒रीष॑तः | भि॒न्धिद्वेषः॑सहस्कृत || 11 || वर्ग:38 अग्ने᳚¦नि¦पा॒हि॒¦नः॒¦त्वम्¦प्रति॑¦स्म॒¦दे॒व॒¦रिष॑तः | भि॒न्धि¦द्वेषः॑¦स॒हः॒ऽकृ॒त॒ || |
| अ॒ग्निःप्र॒त्नेन॒मन्म॑ना॒शुम्भा᳚नस्त॒न्व१॑(अं॒)स्वाम् | क॒विर्विप्रे᳚णवावृधे || 12 || अ॒ग्निः¦प्र॒त्नेन॑¦मन्म॑ना¦शुम्भा᳚नः¦त॒न्व᳚म्¦स्वाम् | क॒विः¦विप्रे᳚ण¦व॒वृ॒धे॒ || |
| ऊ॒र्जोनपा᳚त॒माहु॑वे॒ऽग्निंपा᳚व॒कशो᳚चिषम् | अ॒स्मिन्य॒ज्ञेस्व॑ध्व॒रे || 13 || ऊ॒र्जः¦नपा᳚तम्¦आ¦हु॒वे॒¦अ॒ग्निम्¦पा॒व॒कऽशो᳚चिषम् | अ॒स्मिन्¦य॒ज्ञे¦सु॒।आ॒ध्व॒रे || |
| सनो᳚मित्रमह॒स्त्वमग्ने᳚शु॒क्रेण॑शो॒चिषा᳚ | दे॒वैरास॑त्सिब॒र्हिषि॑ || 14 || सः¦नः॒¦मि॒त्र॒ऽम॒हः॒¦त्वम्¦अग्ने᳚¦शु॒क्रेण॑¦शो॒चिषा᳚ | दे॒वैः¦आ¦स॒त्सि॒¦ब॒र्हिषि॑ || |
| यो,अ॒ग्निंत॒न्वो॒३॑(ओ॒)दमे᳚दे॒वंमर्तः॑सप॒र्यति॑ | तस्मा॒,इद्दी᳚दय॒द्वसु॑ || 15 || यः¦अ॒ग्निम्¦त॒न्वः॑¦दमे᳚¦दे॒वम्¦मर्तः॑¦स॒प॒र्यति॑ | तस्मै᳚¦इत्¦दी॒द॒य॒त्¦वसु॑ || |
| अ॒ग्निर्मू॒र्धादि॒वः¦क॒कुत्पतिः॑पृथि॒व्या,अ॒यम् | अ॒पांरेतां᳚सिजिन्वति || 16 || वर्ग:39 अ॒ग्निः¦मू॒र्धा¦दि॒वः¦क॒कुत्¦पतिः॑¦पृ॒थि॒व्याः¦अ॒यम् | अ॒पाम्¦रेतां᳚सि¦जि॒न्व॒ति॒ || |
| उद॑ग्ने॒शुच॑य॒स्तव॑शु॒क्राभ्राज᳚न्तईरते | तव॒ज्योतीं᳚ष्य॒र्चयः॑ || 17 || उत्¦अ॒ग्ने॒¦शुच॑यः¦तव॑¦शु॒क्राः¦भ्राज᳚न्तः¦ई॒र॒ते॒ | तव॑¦ज्योतीं᳚षि¦अ॒र्चयः॑ || |
| ईशि॑षे॒वार्य॑स्य॒हिदा॒त्रस्या᳚ग्ने॒स्व॑र्पतिः | स्तो॒तास्यां॒तव॒शर्म॑णि || 18 || ईशि॑षे¦वार्य॑स्य¦हि¦दा॒त्रस्य॑¦अ॒ग्ने॒¦स्वः॑ऽपतिः | स्तो॒ता¦स्या॒म्¦तव॑¦शर्म॑णि || |
| त्वाम॑ग्नेमनी॒षिण॒स्त्वांहि᳚न्वन्ति॒चित्ति॑भिः | त्वांव॑र्धन्तुनो॒गिरः॑ || 19 || त्वाम्¦अ॒ग्ने॒¦म॒नी॒षिणः॑¦त्वाम्¦हि॒न्व॒न्ति॒¦चित्ति॑ऽभिः | त्वाम्¦व॒र्ध॒न्तु॒¦नः॒¦गिरः॑ || |
| अद॑ब्धस्यस्व॒धाव॑तोदू॒तस्य॒रेभ॑तः॒सदा᳚ | अ॒ग्नेःस॒ख्यंवृ॑णीमहे || 20 || अद॑ब्धस्य¦स्व॒धाऽव॑तः¦दू॒तस्य॑¦रेभ॑तः¦सदा᳚ | अ॒ग्नेः¦स॒ख्यम्¦वृ॒णी॒म॒हे॒ || |
| अ॒ग्निःशुचि᳚व्रततमः॒शुचि॒र्विप्रः॒शुचिः॑क॒विः | शुची᳚रोचत॒आहु॑तः || 21 || वर्ग:40 अ॒ग्निः¦शुचि᳚व्रतऽतमः¦शुचिः॑¦विप्रः॑¦शुचिः॑¦क॒विः | शुचिः॑¦रो॒च॒ते॒¦आऽहु॑तः || |
| उ॒तत्वा᳚धी॒तयो॒मम॒गिरो᳚वर्धन्तुवि॒श्वहा᳚ | अग्ने᳚स॒ख्यस्य॑बोधिनः || 22 || उ॒त¦त्वा॒¦धी॒तयः॑¦मम॑¦गिरः॑¦वृ॒ध॒न्तु॒¦वि॒स्वहा᳚ | अग्ने᳚¦स॒ख्यस्य॑¦बो॒धि॒¦नः॒ || |
| यद॑ग्ने॒स्याम॒हंत्वंत्वंवा᳚घा॒स्या,अ॒हम् | स्युष्टे᳚स॒त्या,इ॒हाशिषः॑ || 23 || यत्¦अ॒ग्ने॒¦स्या॒म्¦अ॒हम्¦त्वम्¦त्वम्¦वा॒¦घ॒¦स्याः¦अ॒हम् | स्युः¦ते॒¦स॒त्याः¦इ॒ह¦आ॒ऽशिषः॑ || |
| वसु॒र्वसु॑पति॒र्हिक॒मस्य॑ग्नेवि॒भाव॑सुः | स्याम॑तेसुम॒तावपि॑ || 24 || वसुः॑¦वसु॑ऽपतिः¦हि¦क॒म्¦असि॑¦अ॒ग्ने॒¦वि॒भाऽव॑सुः | स्याम॑¦ते॒¦सु॒ऽम॒तौ¦अपि॑ || |
| अग्ने᳚धृ॒तव्र॑तायतेसमु॒द्राये᳚व॒सिन्ध॑वः | गिरो᳚वा॒श्रास॑ईरते || 25 || अग्ने᳚¦धृ॒तऽव्र॑ताय¦ते॒¦स॒मु॒द्राय॑ऽइव¦सिन्ध॑वः | गिरः॑¦वा॒श्रासः॑¦ई॒र॒ते॒ || |
| युवा᳚नंवि॒श्पतिं᳚क॒विंवि॒श्वादं᳚पुरु॒वेप॑सम् | अ॒ग्निंशु᳚म्भामि॒मन्म॑भिः || 26 || वर्ग:41 युवा᳚नम्¦वि॒श्पति᳚म्¦क॒विम्¦वि॒श्व॒।आद᳚म्¦पु॒रु॒ऽवेप॑सम् | अ॒ग्निम्¦शु॒म्भा॒मि॒¦मन्म॑ऽभिः || |
| य॒ज्ञानां᳚र॒थ्ये᳚व॒यंति॒ग्मज᳚म्भायवी॒ळवे᳚ | स्तोमै᳚रिषेमा॒ग्नये᳚ || 27 || य॒ज्ञाना᳚म्¦र॒थ्ये᳚¦व॒यम्¦ति॒ग्मऽज᳚म्भाय¦वी॒ळवे᳚ | स्तोमैः᳚¦इ॒षे॒म॒¦अ॒ग्नये᳚ || |
| अ॒यम॑ग्ने॒त्वे,अपि॑जरि॒ताभू᳚तुसन्त्य | तस्मै᳚पावकमृळय || 28 || अ॒यम्¦अ॒ग्ने॒¦त्वे इति॑¦अपि॑¦ज॒रि॒ता¦भू॒तु॒¦स॒न्त्य॒ | तस्मै᳚¦पा॒व॒क॒¦मृ॒ळ॒य॒ || |
| धीरो॒ह्यस्य॑द्म॒सद्विप्रो॒नजागृ॑विः॒सदा᳚ | अग्ने᳚दी॒दय॑सि॒द्यवि॑ || 29 || धीरः॑¦हि¦असि॑¦अ॒द्म॒ऽसत्¦विप्रः॑¦न¦जागृ॑विः¦सदा᳚ | अग्ने᳚¦दी॒दय॑सि¦द्यवि॑ || |
| पु॒राग्ने᳚दुरि॒तेभ्यः॑पु॒रामृ॒ध्रेभ्यः॑कवे | प्रण॒आयु᳚र्वसोतिर || 30 || पु॒रा¦अ॒ग्ने॒¦दुः॒ऽइ॒तेभ्यः॑¦पु॒रा¦मृ॒ध्रेभ्यः॑¦क॒वे॒ | प्र¦नः॒¦आयुः॑¦व॒सो॒ इति॑¦ति॒र॒ || |
| [34] आघायइति द्विचत्वारिंशदृचस्य सूक्तस्य काण्वस्त्रिशोकइंद्र आद्याया अग्नींद्रागायत्री |{अष्टक:6, अध्याय:3}{मंडल:8, सूक्त:45}{अनुवाक:6, सूक्त:3} |
| आघा॒ये,अ॒ग्निमि᳚न्ध॒तेस्तृ॒णन्ति॑ब॒र्हिरा᳚नु॒षक् | येषा॒मिन्द्रो॒युवा॒सखा᳚ || 1 || वर्ग:42 आ¦घ॒¦ये¦अ॒ग्निम्¦इ॒न्ध॒ते¦स्तृ॒णन्ति॑¦ब॒र्हिः¦आ॒नु॒ष॒क् | येषा᳚म्¦इन्द्रः॑¦युवा᳚¦सखा᳚ || |
| बृ॒हन्निदि॒ध्मए᳚षां॒भूरि॑श॒स्तंपृ॒थुःस्वरुः॑ | येषा॒मिन्द्रो॒युवा॒सखा᳚ || 2 || बृ॒हन्¦इत्¦इ॒ध्मः¦ए॒षा॒म्¦भूरि॑¦श॒स्तम्¦पृ॒थुः¦स्वरुः॑ | येषा᳚म्¦इन्द्रः॑¦युवा᳚¦सखा᳚ || |
| अयु॑द्ध॒इद्यु॒धावृतं॒शूर॒आज॑ति॒सत्व॑भिः | येषा॒मिन्द्रो॒युवा॒सखा᳚ || 3 || अयु॑द्धः¦इत्¦यु॒धा¦वृत᳚म्¦शूरः॑¦आ¦अ॒ज॒ति॒¦सत्व॑ऽभिः | येषा᳚म्¦इन्द्रः॑¦युवा᳚¦सखा᳚ || |
| आबु॒न्दंवृ॑त्र॒हाद॑देजा॒तःपृ॑च्छ॒द्विमा॒तर᳚म् | कउ॒ग्राःकेह॑शृण्विरे || 4 || आ¦बु॒न्दम्¦वृ॒त्र॒ऽहा¦द॒दे॒¦जा॒तः¦पृ॒च्छ॒त्¦वि¦मा॒तर᳚म् | के¦उ॒ग्राः¦के¦ह॒¦शृ॒ण्वि॒रे॒ || |
| प्रति॑त्वाशव॒सीव॑दद्गि॒रावप्सो॒नयो᳚धिषत् | यस्ते᳚शत्रु॒त्वमा᳚च॒के || 5 || प्रति॑¦त्वा॒¦श॒व॒सी¦व॒द॒त्¦गि॒रौ¦अप्सः॑¦न¦यो॒धि॒ष॒त् | यः¦ते॒¦श॒त्रु॒ऽत्वम्¦आ॒ऽच॒के || |
| उ॒तत्वंम॑घवञ्छृणु॒यस्ते॒वष्टि॑व॒वक्षि॒तत् | यद्वी॒ळया᳚सिवी॒ळुतत् || 6 || वर्ग:43 उ॒त¦त्वम्¦म॒घ॒ऽव॒न्¦शृ॒णु॒¦यः¦ते॒¦वष्टि॑¦व॒वक्षि॑¦तत् | यत्¦वी॒ळया᳚सि¦वी॒ळु¦तत् || |
| यदा॒जिंयात्या᳚जि॒कृदिन्द्रः॑स्वश्व॒युरुप॑ | र॒थीत॑मोर॒थीना᳚म् || 7 || यत्¦आ॒जिम्¦याति॑¦आ॒जि॒ऽकृत्¦इन्द्रः॑¦स्व॒श्व॒ऽयुः¦उप॑ | र॒थिऽत॑मः¦र॒थीना᳚म् || |
| विषुविश्वा᳚,अभि॒युजो॒वज्रि॒न्विष्व॒ग्यथा᳚वृह | भवा᳚नःसु॒श्रव॑स्तमः || 8 || वि¦सु¦विश्वाः᳚¦अ॒भि॒ऽयुजः॑¦वज्रि॑न्¦विष्व॑क्¦यथा᳚¦वृ॒ह॒ | भव॑¦नः॒¦सु॒श्रवः॑ऽतमः || |
| अ॒स्माकं॒सुरथं᳚पु॒रइन्द्रः॑कृणोतुसा॒तये᳚ | नयंधूर्व᳚न्तिधू॒र्तयः॑ || 9 || अ॒स्माक᳚म्¦सु¦रथ᳚म्¦पु॒रः¦इन्द्रः॑¦कृ॒णो॒तु॒¦सा॒तये᳚ | न¦यम्¦धूर्व᳚न्ति¦धू॒र्तयः॑ || |
| वृ॒ज्याम॑ते॒परि॒द्विषोऽरं᳚तेशक्रदा॒वने᳚ | ग॒मेमेदि᳚न्द्र॒गोम॑तः || 10 || वृ॒ज्याम॑¦ते॒¦परि॑¦द्विषः॑¦अर᳚म्¦ते॒¦श॒क्र॒¦दा॒वने᳚ | ग॒मेम॑¦इत्¦इ॒न्द्र॒¦गोऽम॑तः || |
| शनै᳚श्चि॒द्यन्तो᳚,अद्रि॒वोऽश्वा᳚वन्तःशत॒ग्विनः॑ | वि॒वक्ष॑णा,अने॒हसः॑ || 11 || वर्ग:44 शनैः᳚¦चि॒त्¦यन्तः॑¦अ॒द्रि॒ऽवः॒¦अश्व॑ऽवन्तः¦श॒त॒ऽग्विनः॑ | वि॒वक्ष॑णाः¦अ॒ने॒हसः॑ || |
| ऊ॒र्ध्वाहिते᳚दि॒वेदि॑वेस॒हस्रा᳚सू॒नृता᳚श॒ता | ज॒रि॒तृभ्यो᳚वि॒मंह॑ते || 12 || ऊ॒र्ध्वा¦हि¦ते॒¦दि॒वेऽदि॑वे¦स॒हस्रा᳚¦सू॒नृता᳚¦श॒ता | ज॒रि॒तृऽभ्यः॑¦वि॒ऽमंह॑ते || |
| वि॒द्माहित्वा᳚धनंज॒यमिन्द्र॑दृ॒ळ्हाचि॑दारु॒जम् | आ॒दा॒रिणं॒यथा॒गय᳚म् || 13 || वि॒द्म¦हि¦त्वा॒¦ध॒न॒म्ऽज॒यम्¦इन्द्र॑¦दृ॒ळ्हा¦चि॒त्¦आ॒ऽरु॒जम् | आ॒दा॒रिण᳚म्¦यथा᳚¦गय᳚म् || |
| क॒कु॒हंचि॑त्त्वाकवे॒मन्द᳚न्तुधृष्ण॒विन्द॑वः | आत्वा᳚प॒णिंयदीम॑हे || 14 || क॒कु॒हम्¦चि॒त्¦त्वा॒¦क॒वे॒¦मन्द᳚न्तु¦धृ॒ष्णो॒ इति॑¦इन्द॑वः | आ¦त्वा॒¦प॒णिम्¦यत्¦ईम॑हे || |
| यस्ते᳚रे॒वाँ,अदा᳚शुरिःप्रम॒मर्ष॑म॒घत्त॑ये | तस्य॑नो॒वेद॒आभ॑र || 15 || यः¦ते॒¦रे॒वान्¦अदा᳚शुरिः¦प्र॒ऽम॒मर्ष॑¦म॒घत्त॑ये | तस्य॑¦नः॒¦वेदः॑¦आ¦भ॒र॒ || |
| इ॒मउ॑त्वा॒विच॑क्षते॒सखा᳚यइन्द्रसो॒मिनः॑ | पु॒ष्टाव᳚न्तो॒यथा᳚प॒शुम् || 16 || वर्ग:45 इ॒मे¦ऊँ॒ इति॑¦त्वा॒¦वि¦च॒क्ष॒ते॒¦सखा᳚यः¦इ॒न्द्र॒¦सो॒मिनः॑ | पु॒ष्टऽव᳚न्तः¦यथा᳚¦प॒शुम् || |
| उ॒तत्वाब॑धिरंव॒यंश्रुत्क᳚र्णं॒सन्त॑मू॒तये᳚ | दू॒रादि॒हह॑वामहे || 17 || उ॒त¦त्वा॒¦अब॑धिरम्¦व॒यम्¦श्रुत्ऽक᳚र्णम्¦सन्त᳚म्¦ऊ॒तये᳚ | दू॒रात्¦इ॒ह¦ह॒वा॒म॒हे॒ || |
| यच्छु॑श्रू॒या,इ॒मंहवं᳚दु॒र्मर्षं᳚चक्रिया,उ॒त | भवे᳚रा॒पिर्नो॒,अन्त॑मः || 18 || यत्¦शु॒श्रू॒याः¦इ॒मम्¦हव᳚म्¦दुः॒ऽमर्ष᳚म्¦च॒क्रि॒याः॒¦उ॒त | भवेः᳚¦आ॒पिः¦नः॒¦अन्त॑मः || |
| यच्चि॒द्धिते॒,अपि॒व्यथि॑र्जग॒न्वांसो॒,अम᳚न्महि | गो॒दा,इदि᳚न्द्रबोधिनः || 19 || यत्¦चि॒त्¦हि¦ते॒¦अपि॑¦व्यथिः॑¦ज॒ग॒न्वांसः॑¦अम᳚न्महि | गो॒ऽदाः¦इत्¦इ॒न्द्र॒¦बो॒धि॒¦नः॒ || |
| आत्वा᳚र॒म्भंनजिव्र॑योरर॒भ्माश॑वसस्पते | उ॒श्मसि॑त्वास॒धस्थ॒आ || 20 || आ¦त्वा॒¦र॒म्भम्¦न¦जिव्र॑यः¦र॒र॒भ्म¦श॒व॒सः॒¦प॒ते॒ | उ॒श्मसि॑¦त्वा॒¦स॒धऽस्थे᳚¦आ || |
| स्तो॒त्रमिन्द्रा᳚यगायतपुरुनृ॒म्णाय॒सत्व॑ने | नकि॒र्यंवृ᳚ण्व॒तेयु॒धि || 21 || वर्ग:46 स्तो॒त्रम्¦इन्द्रा᳚य¦गा॒य॒त॒¦पु॒रु॒ऽनृ॒म्णाय॑¦सत्व॑ने | नकिः॑¦यम्¦वृ॒ण्व॒ते¦यु॒धि || |
| अ॒भित्वा᳚वृषभासु॒तेसु॒तंसृ॑जामिपी॒तये᳚ | तृ॒म्पाव्य॑श्नुही॒मद᳚म् || 22 || अ॒भि¦त्वा॒¦वृ॒ष॒भ॒¦सु॒ते¦सु॒तम्¦सृ॒जा॒मि॒¦पी॒तये᳚ | तृ॒म्प¦वि¦अ॒श्नु॒हि॒¦मद᳚म् || |
| मात्वा᳚मू॒रा,अ॑वि॒ष्यवो॒मोप॒हस्वा᳚न॒आद॑भन् | माकीं᳚ब्रह्म॒द्विषो᳚वनः || 23 || मा¦त्वा॒¦मू॒राः¦अ॒वि॒ष्यवः॑¦मा¦उ॒प॒ऽहस्वा᳚नः¦आ¦द॒भ॒न् | माकी᳚म्¦ब्र॒ह्म॒ऽद्विषः॑¦व॒नः॒ || |
| इ॒हत्वा॒गोप॑रीणसाम॒हेम᳚न्दन्तु॒राध॑से | सरो᳚गौ॒रोयथा᳚पिब || 24 || इ॒ह¦त्वा॒¦गोऽप॑रीणसा¦म॒हे¦म॒न्द॒न्तु॒¦राध॑से | सरः॑¦गौ॒रः¦यथा᳚¦पि॒ब॒ || |
| यावृ॑त्र॒हाप॑रा॒वति॒सना॒नवा᳚चचुच्यु॒वे | तासं॒सत्सु॒प्रवो᳚चत || 25 || या¦वृ॒त्र॒ऽहा¦प॒रा॒ऽवति॑¦सना᳚¦नवा᳚¦च॒¦चु॒च्यु॒वे | ता¦सं॒सत्ऽसु॑¦प्र¦वो॒च॒त॒ || |
| अपि॑बत्क॒द्रुवः॑सु॒तमिन्द्रः॑स॒हस्र॑बाह्वे | अत्रा᳚देदिष्ट॒पौंस्य᳚म् || 26 || वर्ग:47 अपि॑बत्¦क॒द्रुवः॑¦सु॒तम्¦इन्द्रः॑¦स॒हस्र॑ऽबाह्वे | अत्र॑¦अ॒दे॒दि॒ष्ट॒¦पौंस्य᳚म् || |
| स॒त्यंतत्तु॒र्वशे॒यदौ॒विदा᳚नो,अह्नवा॒य्यम् | व्या᳚नट्तु॒र्वणे॒शमि॑ || 27 || स॒त्यम्¦तत्¦तु॒र्वशे᳚¦यदौ᳚¦विदा᳚नः¦अ॒ह्न॒वा॒य्यम् | वि¦आ॒न॒ट्¦तु॒र्वणे᳚¦शमि॑ || |
| त॒रणिं᳚वो॒जना᳚नांत्र॒दंवाज॑स्य॒गोम॑तः | स॒मा॒नमु॒प्रशं᳚सिषम् || 28 || त॒रणि᳚म्¦वः॒¦जना᳚नाम्¦त्र॒दम्¦वाज॑स्य¦गोऽम॑तः | स॒मा॒नम्¦ऊँ॒ इति॑¦प्र¦शं॒सि॒ष॒म् || |
| ऋ॒भु॒क्षणं॒नवर्त॑वउ॒क्थेषु॑तुग्र्या॒वृध᳚म् | इन्द्रं॒सोमे॒सचा᳚सु॒ते || 29 || ऋ॒भु॒क्षण᳚म्¦न¦वर्त॑वे¦उ॒क्थेषु॑¦तु॒ग्र्य॒ऽवृध᳚म् | इन्द्र᳚म्¦सोमे᳚¦सचा᳚¦सु॒ते || |
| यःकृ॒न्तदिद्वियो॒न्यंत्रि॒शोका᳚यगि॒रिंपृ॒थुम् | गोभ्यो᳚गा॒तुंनिरे᳚तवे || 30 || यः¦कृ॒न्तत्¦इत्¦वि¦यो॒न्यम्¦त्रि॒ऽशोका᳚य¦गि॒रिम्¦पृ॒थुम् | गोऽभ्यः॑¦गा॒तुम्¦निःऽए᳚तवे || |
| यद्द॑धि॒षेम॑न॒स्यसि॑मन्दा॒नःप्रेदिय॑क्षसि | मातत्क॑रिन्द्रमृ॒ळय॑ || 31 || वर्ग:48 यत्¦द॒धि॒षे¦म॒न॒स्यसि॑¦म॒न्दा॒नः¦प्र¦इत्¦इय॑क्षसि | मा¦तत्¦कः॒¦इ॒न्द्र॒¦मृ॒ळय॑ || |
| द॒भ्रंचि॒द्धित्वाव॑तःकृ॒तंशृ॒ण्वे,अधि॒क्षमि॑ | जिगा᳚त्विन्द्रते॒मनः॑ || 32 || द॒भ्रम्¦चि॒त्¦हि¦त्वाऽव॑तः¦कृ॒तम्¦शृ॒ण्वे¦अधि॑¦क्षमि॑ | जिगा᳚तु¦इ॒न्द्र॒¦ते॒¦मनः॑ || |
| तवेदु॒ताःसु॑की॒र्तयोऽस᳚न्नु॒तप्रश॑स्तयः | यदि᳚न्द्रमृ॒ळया᳚सिनः || 33 || तव॑¦इत्¦ऊँ॒ इति॑¦ताः¦सु॒ऽकी॒र्तयः॑¦अस॑न्¦उ॒त¦प्रऽश॑स्तयः | यत्¦इ॒न्द्र॒¦मृ॒ळया᳚सि¦नः॒ || |
| मान॒एक॑स्मि॒न्नाग॑सि॒माद्वयो᳚रु॒तत्रि॒षु | वधी॒र्माशू᳚र॒भूरि॑षु || 34 || मा¦नः॒¦एक॑स्मिन्¦आग॑सि¦मा¦द्वयोः᳚¦उ॒त¦त्रि॒षु | वधीः᳚¦मा¦शू॒र॒¦भूरि॑षु || |
| बि॒भया॒हित्वाव॑तउ॒ग्राद॑भिप्रभ॒ङ्गिणः॑ | द॒स्माद॒हमृ॑ती॒षहः॑ || 35 || बि॒भय॑¦हि¦त्वाऽव॑तः¦उ॒ग्रात्¦अ॒भि॒ऽप्र॒भ॒ङ्गिनः॑ | द॒स्मात्¦अ॒हम्¦ऋ॒ति॒ऽसहः॑ || |
| मासख्युः॒शून॒मावि॑दे॒मापु॒त्रस्य॑प्रभूवसो | आ॒वृत्व॑द्भूतुते॒मनः॑ || 36 || वर्ग:49 मा¦सख्युः॑¦शून᳚म्¦आ¦वि॒दे॒¦मा¦पु॒त्रस्य॑¦प्र॒भु॒व॒सो॒ इति॑ प्रभुऽवसो | आ॒ऽवृत्व॑त्¦भू॒तु॒¦ते॒¦मनः॑ || |
| कोनुम᳚र्या॒,अमि॑थितः॒सखा॒सखा᳚यमब्रवीत् | ज॒हाको,अ॒स्मदी᳚षते || 37 || कः¦नु¦म॒र्याः॒¦अमि॑थितः¦सखा᳚¦सखा᳚यम्¦अ॒ब्र॒वी॒त् | ज॒हा¦कः¦अ॒स्मत्¦ई॒ष॒ते॒ || |
| ए॒वारे᳚वृषभासु॒तेऽसि᳚न्व॒न्भूर्या᳚वयः | श्व॒घ्नीव॑नि॒वता॒चर॑न् || 38 || ए॒वारे᳚¦वृ॒ष॒भ॒¦सु॒ते¦असि᳚न्वन्¦भूरि॑¦आ॒व॒यः॒ | श्व॒घ्नीऽइ᳚व¦नि॒ऽवता᳚¦चर॑न् || |
| आत॑ए॒ताव॑चो॒युजा॒हरी᳚गृभ्णेसु॒मद्र॑था | यदीं᳚ब्र॒ह्मभ्य॒इद्ददः॑ || 39 || आ¦ते॒¦ए॒ता¦व॒चः॒ऽयुजा᳚¦हरी॒ इति॑¦गृ॒भ्णे॒¦स॒मत्ऽर॑था | यत्¦ई॒म्¦ब्र॒ह्मऽभ्यः॑¦इत्¦ददः॑ || |
| भि॒न्धिविश्वा॒,अप॒द्विषः॒परि॒बाधो᳚ज॒हीमृधः॑ | वसु॑स्पा॒र्हंतदाभ॑र || 40 || भि॒न्धि¦विश्वाः᳚¦अप॑¦द्विषः॑¦परि॑¦बाधः॑¦ज॒हि¦मृधः॑ | वसु॑¦स्पा॒र्हम्¦तत्¦आ¦भ॒र॒ || |
| यद्वी॒ळावि᳚न्द्र॒यत्स्थि॒रेयत्पर्शा᳚ने॒परा᳚भृतम् | वसु॑स्पा॒र्हंतदाभ॑र || 41 || यत्¦वी॒ळौ¦इ॒न्द्र॒¦यत्¦स्थि॒रे¦यत्¦पर्शा᳚ने¦परा᳚ऽभृतम् | वसु॑¦स्पा॒र्हम्¦तत्¦आ¦भ॒र॒ || |
| यस्य॑तेवि॒श्वमा᳚नुषो॒भूरे᳚र्द॒त्तस्य॒वेद॑ति | वसु॑स्पा॒र्हंतदाभ॑र || 42 || यस्य॑¦ते॒¦वि॒श्वऽमा᳚नुषः¦भूरेः᳚¦द॒त्तस्य॑¦वेद॑ति | वसु॑¦स्पा॒र्हम्¦तत्¦आ¦भ॒र॒ || |
| [35] त्वावतइति त्रयस्त्रिंशदृचस्य सूक्तस्याश्व्योवशऋषिः पृथुश्रवादेवता आद्यानांविंशत्यृचामिंद्रोदेवता आनोवायवित्यादिचतसृणां शतंदासइत्यस्याश्चवायुर्देवता आद्यापादनिचृत् द्वितीयादितिस्रोगायत्र्यः पंचम्याद्याः क्रमेण ककुब्गायत्री बृहत्यनुष्टुप् सतोबृहती गायत्री बृहती विपरीतद्विपदागायत्री बृहती पिपीलिकमध्य ककुम्न्यं कुशिरा विराड्जगत्युपरिष्टाद्बृहतबृहती विषमपदाबृहती पंक्तिसंस्तारपंक्ति गायत्री पंक्ति बृहती सतोबृहती बृहती सतोबृहती गायत्री द्विपदविराड् उष्णिक् पंक्ति गायत्र्यः | (पृथुश्रवाः कानीतोराजातस्यदानस्तुतिः) |{अष्टक:6, अध्याय:4}{मंडल:8, सूक्त:46}{अनुवाक:6, सूक्त:4} |
| त्वाव॑तःपुरूवसोव॒यमि᳚न्द्रप्रणेतः | स्मसि॑स्थातर्हरीणाम् || 1 || वर्ग:1 त्वाऽव॑तः¦पु॒रु॒व॒सो॒ इति॑ पुरुऽवसो¦व॒यम्¦इ॒न्द्र॒¦प्र॒ने॒त॒रिति॑ प्रऽनेतः | स्मसि॑¦स्था॒तः॒¦ह॒री॒णा॒म् || |
| त्वांहिस॒त्यम॑द्रिवोवि॒द्मदा॒तार॑मि॒षाम् | वि॒द्मदा॒तारं᳚रयी॒णाम् || 2 || त्वाम्¦हि¦स॒त्यम्¦अ॒द्रि॒ऽवः॒¦वि॒द्म¦दा॒तार᳚म्¦इ॒षाम् | वि॒द्म¦दा॒तार᳚म्¦र॒यी॒णाम् || |
| आयस्य॑तेमहि॒मानं॒शत॑मूते॒शत॑क्रतो | गी॒र्भिर्गृ॒णन्ति॑का॒रवः॑ || 3 || आ¦यस्य॑¦ते॒¦म॒हि॒मान᳚म्¦शत᳚म्ऽऊते¦शत॑क्रतो॒ इति॒ शत॑ऽक्रतो | गीः॒ऽभिः¦गृ॒णन्ति॑¦का॒रवः॑ || |
| सु॒नी॒थोघा॒समर्त्यो॒यंम॒रुतो॒यम᳚र्य॒मा | मि॒त्रःपान्त्य॒द्रुहः॑ || 4 || सु॒ऽनी॒थः¦घ॒¦सः¦मर्त्यः॑¦यम्¦म॒रुतः॑¦यम्¦अ॒र्य॒मा | मि॒त्रः¦पान्ति॑¦अ॒द्रुहः॑ || |
| दधा᳚नो॒गोम॒दश्व॑वत्सु॒वीर्य॑मादि॒त्यजू᳚तएधते | सदा᳚रा॒यापु॑रु॒स्पृहा᳚ || 5 || दधा᳚नः¦गोऽम॑त्¦अश्व॑ऽवत्¦सु॒ऽवीर्य᳚म्¦आ॒दि॒त्यऽजू᳚तः¦ए॒ध॒ते॒ | सदा᳚¦रा॒या¦पु॒रु॒ऽस्पृहा᳚ || |
| तमिन्द्रं॒दान॑मीमहेशवसा॒नमभी᳚र्वम् | ईशा᳚नंरा॒यई᳚महे || 6 || वर्ग:2 तम्¦इन्द्र᳚म्¦दान᳚म्¦ई॒म॒हे¦श॒व॒सा॒नम्¦अभी᳚र्वम् | ईशा᳚नम्¦रा॒यः¦ई॒म॒हे॒ || |
| तस्मि॒न्हिसन्त्यू॒तयो॒विश्वा॒,अभी᳚रवः॒सचा᳚ | तमाव॑हन्तु॒सप्त॑यःपुरू॒वसुं॒मदा᳚य॒हर॑यःसु॒तम् || 7 || तस्मि॑न्¦हि¦सन्ति॑¦ऊ॒तयः॑¦विश्वाः᳚¦अभी᳚रवः¦सचा᳚ | |
| यस्ते॒मदो॒वरे᳚ण्यो॒यइ᳚न्द्रवृत्र॒हन्त॑मः | यआ᳚द॒दिःस्व१॑(अ॒)र्नृभि॒र्यःपृत॑नासुदु॒ष्टरः॑ || 8 || यः¦ते॒¦मदः॑¦वरे᳚ण्यः¦यः¦इ॒न्द्र॒¦वृ॒त्र॒हन्ऽत॑मः | यः¦आ॒ऽद॒दिः¦स्वः॑¦नृऽभिः॑¦यः¦पृत॑नासु¦दु॒स्तरः॑ || |
| योदु॒ष्टरो᳚विश्ववारश्र॒वाय्यो॒वाजे॒ष्वस्ति॑तरु॒ता | सनः॑शविष्ठ॒सव॒नाव॑सोगहिग॒मेम॒गोम॑तिव्र॒जे || 9 || यः¦दु॒स्तरः॑¦वि॒श्व॒ऽवा॒र॒¦श्र॒वाय्यः॑¦वाजे᳚षु¦अस्ति॑¦त॒रु॒ता | |
| ग॒व्योषुणो॒यथा᳚पु॒राश्व॒योतर॑थ॒या | व॒रि॒व॒स्यम॑हामह || 10 || ग॒व्यो इति॑¦सु¦नः॒¦यथा᳚¦पु॒रा¦अ॒श्व॒ऽया¦उ॒त¦र॒थ॒ऽया | व॒रि॒व॒स्य¦म॒हा॒ऽम॒ह॒ || |
| न॒हिते᳚शूर॒राध॒सोऽन्तं᳚वि॒न्दामि॑स॒त्रा | द॒श॒स्यानो᳚मघव॒न्नूचि॑दद्रिवो॒धियो॒वाजे᳚भिराविथ || 11 || वर्ग:3 न॒हि¦ते॒¦शू॒र॒¦राध॑सः¦अन्त᳚म्¦वि॒न्दामि॑¦स॒त्रा | |
| यऋ॒ष्वःश्रा᳚व॒यत्स॑खा॒विश्वेत्सवे᳚द॒जनि॑मापुरुष्टु॒तः | तंविश्वे॒मानु॑षायु॒गेन्द्रं᳚हवन्तेतवि॒षंय॒तस्रु॑चः || 12 || यः¦ऋ॒ष्वः¦श्र॒व॒यत्ऽस॑खा¦विश्वा᳚¦इत्¦सः¦वे॒द॒¦जनि॑म¦पु॒रु॒ऽस्तु॒तः | |
| सनो॒वाजे᳚ष्ववि॒तापु॑रू॒वसुः॑पुरःस्था॒ताम॒घवा᳚वृत्र॒हाभु॑वत् || 13 || |
| अ॒भिवो᳚वी॒रमन्ध॑सो॒मदे᳚षुगायगि॒राम॒हाविचे᳚तसम् | इन्द्रं॒नाम॒श्रुत्यं᳚शा॒किनं॒वचो॒यथा᳚ || 14 || अ॒भि¦वः॒¦वी॒रम्¦अन्ध॑सः¦मदे᳚षु¦गा॒य॒¦गि॒रा¦म॒हा¦विऽचे᳚तसम् | |
| द॒दीरेक्ण॑स्त॒न्वे᳚द॒दिर्वसु॑द॒दिर्वाजे᳚षुपुरुहूतवा॒जिन᳚म् | नू॒नमथ॑ || 15 || द॒दिः¦रेक्णः॑¦त॒न्वे᳚¦द॒दिः¦वसु॑¦द॒दिः¦वाजे᳚षु¦पु॒रु॒ऽहू॒त॒¦वा॒जिन᳚म् | नू॒नम्¦अथ॑ || |
| विश्वे᳚षामिर॒ज्यन्तं॒वसू᳚नांसास॒ह्वांसं᳚चिद॒स्यवर्प॑सः | कृ॒प॒य॒तोनू॒नमत्यथ॑ || 16 || वर्ग:4 विश्वे᳚षाम्¦इ॒र॒ज्यन्त᳚म्¦वसू᳚नाम्¦स॒स॒ह्वांस᳚म्¦चि॒त्¦अ॒स्य¦वर्प॑सः | कृ॒प॒ऽय॒तः¦नू॒नम्¦अति॑¦अथ॑ || |
| म॒हःसुवो॒,अर॑मिषे॒स्तवा᳚महेमी॒ळ्हुषे᳚,अरंग॒माय॒जग्म॑ये | य॒ज्ञेभि॑र्गी॒र्भिर्वि॒श्वम॑नुषांम॒रुता᳚मियक्षसि॒गाये᳚त्वा॒नम॑सागि॒रा || 17 || म॒हः¦सु¦वः॒¦अर᳚म्¦इ॒षे॒¦स्तवा᳚महे¦मी॒ळ्हुषे᳚¦अ॒र॒म्ऽग॒माय॑¦जग्म॑ये | |
| येपा॒तय᳚न्ते॒,अज्म॑भिर्गिरी॒णांस्नुभि॑रेषाम् | य॒ज्ञंम॑हि॒ष्वणी᳚नांसु॒म्नंतु॑वि॒ष्वणी᳚नां॒प्राध्व॒रे || 18 || ये¦पा॒तय᳚न्ते¦अज्म॑ऽभिः¦गि॒री॒णाम्¦स्नुऽभिः॑¦ए॒षा॒म् | |
| प्र॒भ॒ङ्गंदु᳚र्मती॒नामिन्द्र॑शवि॒ष्ठाभ॑र | र॒यिम॒स्मभ्यं॒युज्यं᳚चोदयन्मते॒ज्येष्ठं᳚चोदयन्मते || 19 || प्र॒ऽभ॒ङ्गम्¦दुः॒ऽम॒ती॒नाम्¦इन्द्र॑¦श॒वि॒ष्ठ॒¦आ¦भ॒र॒ | |
| सनि॑तः॒सुस॑नित॒रुग्र॒चित्र॒चेति॑ष्ठ॒सूनृ॑त | प्रा॒सहा᳚सम्रा॒ट्सहु॑रिं॒सह᳚न्तंभु॒ज्युंवाजे᳚षु॒पूर्व्य᳚म् || 20 || सनि॑त॒रिति॑¦सुऽस॑नितः¦उग्र॑¦चित्र॑¦चेति॑ष्ठ¦सूनृ॑त | |
| आसए᳚तु॒यईव॒दाँ,अदे᳚वःपू॒र्तमा᳚द॒दे | यथा᳚चि॒द्वशो᳚,अ॒श्व्यःपृ॑थु॒श्रव॑सिकानी॒ते॒३॑(ए॒)ऽस्याव्युष्या᳚द॒दे || 21 || वर्ग:5 आ¦सः¦ए॒तु॒¦यः¦ईव॑त्¦आ¦अदे᳚वः¦पू॒र्तम्¦आ॒ऽद॒दे | |
| ष॒ष्टिंस॒हस्राश्व्य॑स्या॒युता᳚सन॒मुष्ट्रा᳚नांविंश॒तिंश॒ता | दश॒श्यावी᳚नांश॒तादश॒त्र्य॑रुषीणां॒दश॒गवां᳚स॒हस्रा᳚ || 22 || ष॒ष्टिम्¦स॒हस्रा᳚¦अश्व्य॑स्य¦अ॒युता᳚¦अ॒स॒न॒म्¦उष्ट्रा᳚नाम्¦विं॒श॒तिम्¦श॒ता | |
| दश॑श्या॒वा,ऋ॒धद्र॑योवी॒तवा᳚रासआ॒शवः॑ | म॒थ्राने॒मिंनिवा᳚वृतुः || 23 || दश॑¦श्या॒वाः¦ऋ॒धत्ऽर॑यः¦वी॒तऽवा᳚रासः¦आ॒शवः॑ | |
| दाना᳚सःपृथु॒श्रव॑सःकानी॒तस्य॑सु॒राध॑सः | रथं᳚हिर॒ण्ययं॒दद॒न्मंहि॑ष्ठःसू॒रिर॑भू॒द्वर्षि॑ष्ठमकृत॒श्रवः॑ || 24 || दाना᳚सः¦पृ॒थु॒ऽश्रव॑सः¦का॒नी॒तस्य॑¦सु॒ऽराध॑सः | |
| आनो᳚वायोम॒हेतने᳚या॒हिम॒खाय॒पाज॑से | व॒यंहिते᳚चकृ॒माभूरि॑दा॒वने᳚स॒द्यश्चि॒न्महि॑दा॒वने᳚ || 25 || आ¦नः॒¦वा॒यो॒ इति॑¦म॒हे¦तने᳚¦या॒हि¦म॒खाय॑¦पाज॑से | |
| यो,अश्वे᳚भि॒र्वह॑ते॒वस्त॑उ॒स्रास्त्रिःस॒प्तस॑प्तती॒नाम् | ए॒भिःसोमे᳚भिःसोम॒सुद्भिः॑सोमपादा॒नाय॑शुक्रपूतपाः || 26 || वर्ग:6 यः¦अश्वे᳚भिः¦वह॑ते¦वस्ते᳚¦उ॒स्राः¦त्रिः¦स॒प्त¦स॒प्त॒ती॒नाम् | |
| योम॑इ॒मंचि॑दु॒त्मनाम᳚न्दच्चि॒त्रंदा॒वने᳚ | अ॒र॒ट्वे,अक्षे॒नहु॑षेसु॒कृत्व॑निसु॒कृत्त॑रायसु॒क्रतुः॑ || 27 || यः¦मे॒¦इ॒मम्¦चि॒त्¦ऊँ॒ इति॑¦त्मना᳚¦अम᳚न्दत्¦चि॒त्रम्¦दा॒वने᳚ | |
| उ॒च॒थ्ये॒३॑(ए॒)वपु॑षि॒यःस्व॒राळु॒तवा᳚योघृत॒स्नाः | अश्वे᳚षितं॒रजे᳚षितं॒शुने᳚षितं॒प्राज्म॒तदि॒दंनुतत् || 28 || उ॒च॒थ्ये᳚¦वपु॑षि¦यः¦स्व॒ऽराट्¦उ॒त¦वा॒यो॒ इति॑¦घृ॒त॒ऽस्नाः | |
| अध॑प्रि॒यमि॑षि॒राय॑ष॒ष्टिंस॒हस्रा᳚सनम् | अश्वा᳚ना॒मिन्नवृष्णा᳚म् || 29 || अध॑¦प्रि॒यम्¦इ॒षि॒राय॑¦ष॒ष्टिम्¦स॒हस्रा᳚¦अ॒स॒न॒म् | अश्वा᳚नाम्¦इत्¦न¦वृष्णा᳚म् || |
| गावो॒नयू॒थमुप॑यन्ति॒वध्र॑य॒उप॒माय᳚न्ति॒वध्र॑यः || 30 || गावः॑¦न¦यू॒थम्¦उप॑¦य॒न्ति॒¦वध्र॑यः¦उप॑¦मा॒¦आ¦य॒न्ति॒¦वध्र॑यः || |
| अध॒यच्चार॑थेग॒णेश॒तमुष्ट्राँ॒,अचि॑क्रदत् | अध॒श्वित्ने᳚षुविंश॒तिंश॒ता || 31 || अध॑¦यत्¦चार॑थे¦ग॒णे¦श॒तम्¦उष्ट्रा᳚न्¦अचि॑क्रदत् | |
| श॒तंदा॒सेब॑ल्बू॒थेविप्र॒स्तरु॑क्ष॒आद॑दे | तेते᳚वायवि॒मेजना॒मद॒न्तीन्द्र॑गोपा॒मद᳚न्तिदे॒वगो᳚पाः || 32 || श॒तम्¦दा॒से¦ब॒ल्बू॒थे¦विप्रः॑¦तरु॑क्षे¦आ¦द॒दे॒ | |
| अध॒स्यायोष॑णाम॒हीप्र॑ती॒चीवश॑म॒श्व्यम् | अधि॑रुक्मा॒विनी᳚यते || 33 || अध॑¦स्या¦योष॑णा¦म॒ही¦प्र॒ती॒ची¦वश᳚म्¦अ॒श्व्यम् | अधि॑ऽरुक्मा¦वि¦नी॒य॒ते॒ || |
| [36] महिवइत्यष्टादशर्चस्य सूक्तस्याप्त्यस्त्रित आदित्या अंत्यपंचानामादित्योषसो महापंक्तिः | (अंत्याः पंचदु:स्वप्नघ्न्यः) |{अष्टक:6, अध्याय:4}{मंडल:8, सूक्त:47}{अनुवाक:6, सूक्त:5} |
| महि॑वोमह॒तामवो॒वरु॑ण॒मित्र॑दा॒शुषे᳚ | यमा᳚दित्या,अ॒भिद्रु॒होरक्ष॑था॒नेम॒घंन॑शदने॒हसो᳚वऊ॒तयः॑सुऊ॒तयो᳚वऊ॒तयः॑ || 1 || वर्ग:7 महि॑¦वः॒¦म॒ह॒ताम्¦अवः॑¦वरु॑ण¦मित्र॑¦दा॒शुषे᳚ | |
| वि॒दादे᳚वा,अ॒घाना॒मादि॑त्यासो,अ॒पाकृ॑तिम् | प॒क्षावयो॒यथो॒परि॒व्य१॑(अ॒)स्मेशर्म॑यच्छताने॒हसो᳚वऊ॒तयः॑सुऊ॒तयो᳚वऊ॒तयः॑ || 2 || वि॒द¦दे॒वाः॒¦अ॒घाना᳚म्¦आदि॑त्यासः¦अ॒प॒ऽआकृ॑तिम् | |
| व्य१॑(अ॒)स्मे,अधि॒शर्म॒तत्प॒क्षावयो॒नय᳚न्तन | विश्वा᳚निविश्ववेदसोवरू॒थ्या᳚मनामहेऽने॒हसो᳚वऊ॒तयः॑सुऊ॒तयो᳚वऊ॒तयः॑ || 3 || वि¦अ॒स्मे इति॑¦अधि॑¦शर्म॑¦तत्¦प॒क्षा¦वयः॑¦न¦य॒न्त॒न॒ | |
| यस्मा॒,अरा᳚सत॒क्षयं᳚जी॒वातुं᳚च॒प्रचे᳚तसः | मनो॒र्विश्व॑स्य॒घेदि॒मआ᳚दि॒त्यारा॒यई᳚शतेऽने॒हसो᳚वऊ॒तयः॑सुऊ॒तयो᳚वऊ॒तयः॑ || 4 || यस्मै᳚¦अरा᳚सत¦क्षय᳚म्¦जी॒वातु᳚म्¦च॒¦प्रऽचे᳚तसः | |
| परि॑णोवृणजन्न॒घादु॒र्गाणि॑र॒थ्यो᳚यथा | स्यामेदिन्द्र॑स्य॒शर्म᳚ण्यादि॒त्याना᳚मु॒ताव॑स्यने॒हसो᳚वऊ॒तयः॑सुऊ॒तयो᳚वऊ॒तयः॑ || 5 || परि॑¦नः॒¦वृ॒ण॒ज॒न्¦अ॒घा¦दुः॒ऽगानि॑¦र॒थ्यः॑¦य॒था॒ | |
| प॒रि॒ह्वृ॒तेद॒नाजनो᳚यु॒ष्माद॑त्तस्यवायति | देवा॒,अद॑भ्रमाशवो॒यमा᳚दित्या॒,अहे᳚तनाने॒हसो᳚वऊ॒तयः॑सुऊ॒तयो᳚वऊ॒तयः॑ || 6 || वर्ग:8 प॒रि॒ऽह्वृ॒ता¦इत्¦अ॒ना¦जनः॑¦यु॒ष्माऽद॑त्तस्य¦वा॒य॒ति॒ | |
| नतंति॒ग्मंच॒नत्यजो॒नद्रा᳚सद॒भितंगु॒रु | यस्मा᳚,उ॒शर्म॑स॒प्रथ॒आदि॑त्यासो॒,अरा᳚ध्वमने॒हसो᳚वऊ॒तयः॑सुऊ॒तयो᳚वऊ॒तयः॑ || 7 || न¦तम्¦ति॒ग्मम्¦च॒न¦त्यजः॑¦न¦द्रा॒स॒त्¦अ॒भि¦तम्¦गु॒रु | |
| यु॒ष्मेदे᳚वा॒,अपि॑ष्मसि॒युध्य᳚न्तइव॒वर्म॑सु | यू॒यंम॒होन॒एन॑सोयू॒यमर्भा᳚दुरुष्यताने॒हसो᳚वऊ॒तयः॑सुऊ॒तयो᳚वऊ॒तयः॑ || 8 || यु॒ष्मे इति॑¦दे॒वाः॒¦अपि॑¦स्म॒सि॒¦युध्य᳚न्तःऽइव¦वर्म॑ऽसु | |
| अदि॑तिर्नउरुष्य॒त्वदि॑तिः॒शर्म॑यच्छतु | मा॒तामि॒त्रस्य॑रे॒वतो᳚ऽर्य॒म्णोवरु॑णस्यचाने॒हसो᳚वऊ॒तयः॑सुऊ॒तयो᳚वऊ॒तयः॑ || 9 || अदि॑तिः¦नः॒¦उ॒रु॒ष्य॒तु॒¦अदि॑तिः¦शर्म॑¦य॒च्छ॒तु॒ | |
| यद्दे᳚वाः॒शर्म॑शर॒णंयद्भ॒द्रंयद॑नातु॒रम् | त्रि॒धातु॒यद्व॑रू॒थ्य१॑(अं॒)तद॒स्मासु॒विय᳚न्तनाने॒हसो᳚वऊ॒तयः॑सुऊ॒तयो᳚वऊ॒तयः॑ || 10 || यत्¦दे॒वाः॒¦शर्म॑¦श॒र॒णम्¦यत्¦भ॒द्रम्¦यत्¦अ॒ना॒तु॒रम् | |
| आदि॑त्या॒,अव॒हिख्यताधि॒कूला᳚दिव॒स्पशः॑ | सु॒ती॒र्थमर्व॑तोय॒थानु॑नोनेषथासु॒गम॑ने॒हसो᳚वऊ॒तयः॑सुऊ॒तयो᳚वऊ॒तयः॑ || 11 || वर्ग:9 आदि॑त्याः¦अव॑¦हि¦ख्यत॑¦अधि॑¦कूला᳚त्ऽइव¦स्पशः॑ | |
| नेहभ॒द्रंर॑क्ष॒स्विने॒नाव॒यैनोप॒या,उ॒त | गवे᳚चभ॒द्रंधे॒नवे᳚वी॒राय॑चश्रवस्य॒ते᳚ऽने॒हसो᳚वऊ॒तयः॑सुऊ॒तयो᳚वऊ॒तयः॑ || 12 || न¦इ॒ह¦भ॒द्रम्¦र॒क्ष॒स्विने᳚¦न¦अ॒व॒ऽयै¦न¦उ॒प॒ऽयै¦उ॒त | |
| यदा॒विर्यद॑पी॒च्य१॑(अं॒)देवा᳚सो॒,अस्ति॑दुष्कृ॒तम् | त्रि॒तेतद्विश्व॑मा॒प्त्यआ॒रे,अ॒स्मद्द॑धातनाने॒हसो᳚वऊ॒तयः॑सुऊ॒तयो᳚वऊ॒तयः॑ || 13 || यत्¦आ॒विः¦यत्¦अ॒पी॒च्य᳚म्¦देवा᳚सः¦अस्ति॑¦दुः॒ऽकृ॒तम् | |
| यच्च॒गोषु॑दु॒ष्ष्वप्न्यं॒यच्चा॒स्मेदु॑हितर्दिवः | त्रि॒ताय॒तद्वि॑भावर्या॒प्त्याय॒परा᳚वहाने॒हसो᳚वऊ॒तयः॑सुऊ॒तयो᳚वऊ॒तयः॑ || 14 || यत्¦च॒¦गोषु॑¦दुः॒ऽस्वप्न्य᳚म्¦यत्¦च॒¦अ॒स्मे इति॑¦दु॒हि॒तः॒¦दि॒वः॒ | |
| नि॒ष्कंवा᳚घाकृ॒णव॑ते॒स्रजं᳚वादुहितर्दिवः | त्रि॒तेदु॒ष्ष्वप्न्यं॒सर्व॑मा॒प्त्येपरि॑दद्मस्यने॒हसो᳚वऊ॒तयः॑सुऊ॒तयो᳚वऊ॒तयः॑ || 15 || नि॒ष्कम्¦वा॒¦घ॒¦कृ॒णव॑ते¦स्रज᳚म्¦वा॒¦दु॒हि॒तः॒¦दि॒वः॒ | |
| तद᳚न्नाय॒तद॑पसे॒तंभा॒गमु॑पसे॒दुषे᳚ | त्रि॒ताय॑चद्वि॒ताय॒चोषो᳚दु॒ष्ष्वप्न्यं᳚वहाने॒हसो᳚वऊ॒तयः॑सुऊ॒तयो᳚वऊ॒तयः॑ || 16 || वर्ग:10 तत्।आ᳚न्नाय¦तत्।आ॑पसे¦तम्¦भा॒गम्¦उ॒प॒ऽसे॒दुषे᳚ | |
| यथा᳚क॒लांयथा᳚श॒फंयथ॑ऋ॒णंसं॒नया᳚मसि | ए॒वादु॒ष्ष्वप्न्यं॒सर्व॑मा॒प्त्येसंन॑यामस्यने॒हसो᳚वऊ॒तयः॑सुऊ॒तयो᳚वऊ॒तयः॑ || 17 || यथा᳚¦क॒लाम्¦यथा᳚¦श॒फम्¦यथा᳚¦ऋ॒णम्¦स॒म्ऽनया᳚मसि | |
| अजै᳚ष्मा॒द्यास॑नाम॒चाभू॒माना᳚गसोव॒यम् | उषो॒यस्मा᳚द्दु॒ष्ष्वप्न्या॒दभै॒ष्माप॒तदु॑च्छत्वने॒हसो᳚वऊ॒तयः॑सुऊ॒तयो᳚वऊ॒तयः॑ || 18 || अजै᳚ष्म¦अ॒द्य¦अस॑नाम¦च॒¦अभू᳚म¦अना᳚गसः¦व॒यम् | |
| [37] स्वादोरिति पंचदशर्चस्य सूक्तस्य काण्वः प्रगाथः सोमस्त्रिष्टुप् पंचमी जगती |{अष्टक:6, अध्याय:4}{मंडल:8, सूक्त:48}{अनुवाक:6, सूक्त:6} |
| स्वा॒दोर॑भक्षि॒वय॑सःसुमे॒धाःस्वा॒ध्यो᳚वरिवो॒वित्त॑रस्य | विश्वे॒यंदे॒वा,उ॒तमर्त्या᳚सो॒मधु॑ब्रु॒वन्तो᳚,अ॒भिसं॒चर᳚न्ति || 1 || वर्ग:11 स्वा॒दोः¦अ॒भ॒क्षि॒¦वय॑सः¦सु॒ऽमे॒धाः¦सु॒ऽआ॒ध्यः॑¦व॒रि॒वो॒वित्ऽत॑रस्य | |
| अ॒न्तश्च॒प्रागा॒,अदि॑तिर्भवास्यवया॒ताहर॑सो॒दैव्य॑स्य | इन्द॒विन्द्र॑स्यस॒ख्यंजु॑षा॒णःश्रौष्टी᳚व॒धुर॒मनु॑रा॒यऋ॑ध्याः || 2 || अ॒न्तरिति॑¦च॒¦प्र¦अगाः᳚¦अदि॑तिः¦भ॒वा॒सि॒¦अ॒व॒ऽया॒ता¦हर॑सः¦दैव्य॑स्य | |
| अपा᳚म॒सोम॑म॒मृता᳚,अभू॒माग᳚न्म॒ज्योति॒रवि॑दामदे॒वान् | किंनू॒नम॒स्मान्कृ॑णव॒दरा᳚तिः॒किमु॑धू॒र्तिर॑मृत॒मर्त्य॑स्य || 3 || अपा᳚म¦सोम᳚म्¦अ॒मृताः᳚¦अ॒भू॒म॒¦अग᳚न्म¦ज्योतिः॑¦अवि॑दाम¦दे॒वान् | |
| शंनो᳚भवहृ॒दआपी॒तइ᳚न्दोपि॒तेव॑सोमसू॒नवे᳚सु॒शेवः॑ | सखे᳚व॒सख्य॑उरुशंस॒धीरः॒प्रण॒आयु॑र्जी॒वसे᳚सोमतारीः || 4 || शम्¦नः॒¦भ॒व॒¦हृ॒दे¦आ¦पी॒तः¦इ॒न्दो॒ इति॑¦पि॒ताऽइ᳚व¦सो॒म॒¦सू॒नवे᳚¦सु॒ऽशेवः॑ | |
| इ॒मेमा᳚पी॒ताय॒शस॑उरु॒ष्यवो॒रथं॒नगावः॒सम॑नाह॒पर्व॑सु | तेमा᳚रक्षन्तुवि॒स्रस॑श्च॒रित्रा᳚दु॒तमा॒स्रामा᳚द्यवय॒न्त्विन्द॑वः || 5 || इ॒मे¦मा॒¦पी॒ताः¦य॒शसः॑¦उ॒रु॒ष्यवः॑¦रथ᳚म्¦न¦गावः॑¦सम्¦अ॒ना॒ह॒¦पर्व॑ऽसु | |
| अ॒ग्निंनमा᳚मथि॒तंसंदि॑दीपः॒प्रच॑क्षयकृणु॒हिवस्य॑सोनः | अथा॒हिते॒मद॒आसो᳚म॒मन्ये᳚रे॒वाँ,इ॑व॒प्रच॑रापु॒ष्टिमच्छ॑ || 6 || वर्ग:12 अ॒ग्निम्¦न¦मा॒¦म॒थि॒तम्¦सम्¦दि॒दी॒पः॒¦प्र¦च॒क्ष॒य॒¦कृ॒णु॒हि¦वस्य॑सः¦नः॒ | |
| इ॒षि॒रेण॑ते॒मन॑सासु॒तस्य॑भक्षी॒महि॒पित्र्य॑स्येवरा॒यः | सोम॑राज॒न्प्रण॒आयूं᳚षितारी॒रहा᳚नीव॒सूर्यो᳚वास॒राणि॑ || 7 || इ॒षि॒रेण॑¦ते॒¦मन॑सा¦सु॒तस्य॑¦भ॒क्षी॒महि॑¦पित्र्य॑स्यऽइव¦रा॒यः | |
| सोम॑राजन्मृ॒ळया᳚नःस्व॒स्तितव॑स्मसिव्र॒त्या॒३॑(आ॒)स्तस्य॑विद्धि | अल॑र्ति॒दक्ष॑उ॒तम॒न्युरि᳚न्दो॒मानो᳚,अ॒र्यो,अ॑नुका॒मंपरा᳚दाः || 8 || सोम॑¦रा॒ज॒न्¦मृ॒ळय॑¦नः॒¦स्व॒स्ति¦तव॑¦स्म॒सि॒¦व्र॒त्याः᳚¦तस्य॑¦वि॒द्धि॒ | |
| त्वंहिन॑स्त॒न्वः॑सोमगो॒पागात्रे᳚गात्रेनिष॒सत्था᳚नृ॒चक्षाः᳚ | यत्ते᳚व॒यंप्र॑मि॒नाम᳚व्र॒तानि॒सनो᳚मृळसुष॒खादे᳚व॒वस्यः॑ || 9 || त्वम्¦हि¦नः॒¦त॒न्वः॑¦सो॒म॒¦गो॒पाः¦गात्रे᳚ऽगात्रे¦नि॒ऽस॒सत्थ॑¦नृ॒ऽचक्षाः᳚ | |
| ऋ॒दू॒दरे᳚ण॒सख्या᳚सचेय॒योमा॒नरिष्ये᳚द्धर्यश्वपी॒तः | अ॒यंयःसोमो॒न्यधा᳚य्य॒स्मेतस्मा॒,इन्द्रं᳚प्र॒तिर॑मे॒म्यायुः॑ || 10 || ऋ॒दू॒दरे᳚ण¦सख्या᳚¦स॒चे॒य॒¦यः¦मा॒¦न¦रिष्ये᳚त्¦ह॒रि॒।आ॒श्व॒¦पी॒तः | |
| अप॒त्या,अ॑स्थु॒रनि॑रा॒,अमी᳚वा॒निर॑त्रस॒न्तमि॑षीची॒रभै᳚षुः | आसोमो᳚,अ॒स्माँ,अ॑रुह॒द्विहा᳚या॒,अग᳚न्म॒यत्र॑प्रति॒रन्त॒आयुः॑ || 11 || वर्ग:13 अप॑¦त्याः¦अ॒स्थुः॒¦अनि॑राः¦अमी᳚वाः¦निः¦अ॒त्र॒स॒न्¦तमि॑षीचीः¦अभै᳚षुः | |
| योन॒इन्दुः॑पितरोहृ॒त्सुपी॒तोऽम॑र्त्यो॒मर्त्याँ᳚,आवि॒वेश॑ | तस्मै॒सोमा᳚यह॒विषा᳚विधेममृळी॒के,अ॑स्यसुम॒तौस्या᳚म || 12 || यः¦नः॒¦इन्दुः॑¦पि॒त॒रः॒¦हृ॒त्ऽसु¦पी॒तः¦अम॑र्त्यः¦मर्त्या᳚न्¦आ॒ऽवि॒वेश॑ | |
| त्वंसो᳚मपि॒तृभिः॑संविदा॒नोऽनु॒द्यावा᳚पृथि॒वी,आत॑तन्थ | तस्मै᳚तइन्दोह॒विषा᳚विधेमव॒यंस्या᳚म॒पत॑योरयी॒णाम् || 13 || त्वम्¦सो॒म॒¦पि॒तृऽभिः॑¦स॒म्ऽवि॒दा॒नः¦अनु॑¦द्यावा᳚पृथि॒वी इति॑¦आ¦त॒त॒न्थ॒ | |
| त्राता᳚रोदेवा॒,अधि॑वोचतानो॒मानो᳚नि॒द्रा,ई᳚शत॒मोतजल्पिः॑ | व॒यंसोम॑स्यवि॒श्वह॑प्रि॒यासः॑सु॒वीरा᳚सोवि॒दथ॒माव॑देम || 14 || त्राता᳚रः¦दे॒वाः॒¦अधि॑¦वो॒च॒त॒¦नः॒¦मा¦नः॒¦नि॒ऽद्रा¦ई॒श॒त॒¦मा¦उ॒त¦जल्पिः॑ | |
| त्वंनः॑सोमवि॒श्वतो᳚वयो॒धास्त्वंस्व॒र्विदावि॑शानृ॒चक्षाः᳚ | त्वंन॑इन्दऊ॒तिभिः॑स॒जोषाः᳚पा॒हिप॒श्चाता᳚दु॒तवा᳚पु॒रस्ता᳚त् || 15 || त्वम्¦नः॒¦सो॒म॒¦वि॒श्वतः॑¦व॒यः॒ऽधाः¦त्वम्¦स्वः॒ऽवित्¦आ¦वि॒श॒¦नृ॒ऽचक्षाः᳚ | |
| [38] अभिप्रेति दशर्चस्य सूक्तस्य काण्वःप्रस्कण्व इंद्रः अयुजोबृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:49}{अनुवाक:6, सूक्त:7} |
| अ॒भिप्रवः॑सु॒राध॑स॒मिन्द्र॑मर्च॒यथा᳚वि॒दे | योज॑रि॒तृभ्यो᳚म॒घवा᳚पुरू॒वसुः॑स॒हस्रे᳚णेव॒शिक्ष॑ति || 1 || वर्ग:14 अ॒भि¦प्र¦वः॒¦सु॒ऽराध॑सम्¦इन्द्र᳚म्¦अ॒र्च॒¦यथा᳚¦वि॒दे | |
| श॒तानी᳚केव॒प्रजि॑गातिधृष्णु॒याहन्ति॑वृ॒त्राणि॑दा॒शुषे᳚ | गि॒रेरि॑व॒प्ररसा᳚,अस्यपिन्विरे॒दत्रा᳚णिपुरु॒भोज॑सः || 2 || श॒तानी᳚काऽइव¦प्र¦जि॒गा॒ति॒¦धृ॒ष्णु॒ऽया¦हन्ति॑¦वृ॒त्राणि॑¦दा॒शुषे᳚ | |
| आत्वा᳚सु॒तास॒इन्द॑वो॒मदा॒यइ᳚न्द्रगिर्वणः | आपो॒नव॑ज्रि॒न्नन्वो॒क्य१॑(अं॒)सरः॑पृ॒णन्ति॑शूर॒राध॑से || 3 || आ¦त्वा॒¦सु॒तासः॑¦इन्द॑वः¦मदाः᳚¦ये¦इ॒न्द्र॒¦गि॒र्व॒णः॒ | |
| अ॒ने॒हसं᳚प्र॒तर॑णंवि॒वक्ष॑णं॒मध्वः॒स्वादि॑ष्ठमींपिब | आयथा᳚मन्दसा॒नःकि॒रासि॑नः॒प्रक्षु॒द्रेव॒त्मना᳚धृ॒षत् || 4 || अ॒ने॒हस᳚म्¦प्र॒ऽतर॑णम्¦वि॒वक्ष॑णम्¦मध्वः॑¦स्वादि॑ष्ठम्¦ई॒म्¦पि॒ब॒ | |
| आनः॒स्तोम॒मुप॑द्र॒वद्धि॑या॒नो,अश्वो॒नसोतृ॑भिः | यंते᳚स्वधावन्त्स्व॒दय᳚न्तिधे॒नव॒इन्द्र॒कण्वे᳚षुरा॒तयः॑ || 5 || आ¦नः॒¦स्तोम᳚म्¦उप॑¦द्र॒वत्¦हि॒या॒नः¦अश्वः॑¦न¦सोतृ॑ऽभिः | |
| उ॒ग्रंनवी॒रंनम॒सोप॑सेदिम॒विभू᳚ति॒मक्षि॑तावसुम् | उ॒द्रीव॑वज्रिन्नव॒तोनसि᳚ञ्च॒तेक्षर᳚न्तीन्द्रधी॒तयः॑ || 6 || वर्ग:15 उ॒ग्रम्¦न¦वी॒रम्¦नम॑सा¦उप॑¦से॒दि॒म॒¦विऽभू᳚तिम्¦अक्षि॑तऽवसुम् | |
| यद्ध॑नू॒नंयद्वा᳚य॒ज्ञेयद्वा᳚पृथि॒व्यामधि॑ | अतो᳚नोय॒ज्ञमा॒शुभि᳚र्महेमतउ॒ग्रउ॒ग्रेभि॒राग॑हि || 7 || यत्¦ह॒¦नू॒नम्¦यत्¦वा॒¦य॒ज्ञे¦यत्¦वा॒¦पृ॒थि॒व्याम्¦अधि॑ | |
| अ॒जि॒रासो॒हर॑यो॒येत॑आ॒शवो॒वाता᳚,इवप्रस॒क्षिणः॑ | येभि॒रप॑त्यं॒मनु॑षःप॒रीय॑से॒येभि॒र्विश्वं॒स्व॑र्दृ॒शे || 8 || अ॒जि॒रासः॑¦हर॑यः¦ये¦ते॒¦आ॒शवः॑¦वाताः᳚ऽइव¦प्र॒ऽस॒क्षिणः॑ | |
| ए॒ताव॑तस्तईमह॒इन्द्र॑सु॒म्नस्य॒गोम॑तः | यथा॒प्रावो᳚मघव॒न्मेध्या᳚तिथिं॒यथा॒नीपा᳚तिथिं॒धने᳚ || 9 || ए॒ताव॑तः¦ते॒¦ई॒म॒हे॒¦इन्द्र॑¦सु॒म्नस्य॑¦गोऽम॑तः | |
| यथा॒कण्वे᳚मघवन्त्र॒सद॑स्यवि॒यथा᳚प॒क्थेदश᳚व्रजे | यथा॒गोश᳚र्ये॒,अस॑नोरृ॒जिश्व॒नीन्द्र॒गोम॒द्धिर᳚ण्यवत् || 10 || यथा᳚¦कण्वे᳚¦म॒घ॒ऽव॒न्¦त्र॒सद॑स्यवि¦यथा᳚¦प॒क्थे¦दश॑ऽव्रजे | |
| [39] प्रसुश्रुतमिति दशर्चस्य सूक्तस्य पुष्टिगुरिंद्रः अयुजो बृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:50}{अनुवाक:6, सूक्त:8} |
| प्रसुश्रु॒तंसु॒राध॑स॒मर्चा᳚श॒क्रम॒भिष्ट॑ये | यःसु᳚न्व॒तेस्तु॑व॒तेकाम्यं॒वसु॑स॒हस्रे᳚णेव॒मंह॑ते || 1 || वर्ग:16 प्र¦सु¦श्रु॒तम्¦सु॒ऽराध॑सम्¦अर्च॑¦श॒क्रम्¦अ॒भिष्ट॑ये | |
| श॒तानी᳚काहे॒तयो᳚,अस्यदु॒ष्टरा॒,इन्द्र॑स्यस॒मिषो᳚म॒हीः | गि॒रिर्नभु॒ज्माम॒घव॑त्सुपिन्वते॒यदीं᳚सु॒ता,अम᳚न्दिषुः || 2 || श॒त।आ॑नीकाः¦हे॒तयः॑¦अ॒स्य॒¦दु॒स्तराः᳚¦इन्द्र॑स्य¦स॒म्ऽइषः॑¦म॒हीः | |
| यदीं᳚सु॒तास॒इन्द॑वो॒ऽभिप्रि॒यमम᳚न्दिषुः | आपो॒नधा᳚यि॒सव॑नंम॒आव॑सो॒दुघा᳚,इ॒वोप॑दा॒शुषे᳚ || 3 || यत्¦ई॒म्¦सु॒तासः॑¦इन्द॑वः¦अ॒भि¦प्रि॒यम्¦अम᳚न्दिषुः | |
| अ॒ने॒हसं᳚वो॒हव॑मानमू॒तये॒मध्वः॑,क्षरन्तिधी॒तयः॑ | आत्वा᳚वसो॒हव॑मानास॒इन्द॑व॒उप॑स्तो॒त्रेषु॑दधिरे || 4 || अ॒ने॒हस᳚म्¦वः॒¦हव॑मानम्¦ऊ॒तये᳚¦मध्वः॑¦क्ष॒र॒न्ति॒¦धी॒तयः॑ | |
| आनः॒सोमे᳚स्वध्व॒रइ॑या॒नो,अत्यो॒नतो᳚शते | यंते᳚स्वदाव॒न्त्स्वद᳚न्तिगू॒र्तयः॑पौ॒रेछ᳚न्दयसे॒हव᳚म् || 5 || आ¦नः॒¦सोमे᳚¦सु॒।आ॒ध्व॒रे¦इ॒या॒नः¦अत्यः॑¦न¦तो॒श॒ते॒ | |
| प्रवी॒रमु॒ग्रंविवि॑चिंधन॒स्पृतं॒विभू᳚तिं॒राध॑सोम॒हः | उ॒द्रीव॑वज्रिन्नव॒तोव॑सुत्व॒नासदा᳚पीपेथदा॒शुषे᳚ || 6 || वर्ग:17 प्र¦वी॒रम्¦उ॒ग्रम्¦विवि॑चिम्¦ध॒न॒ऽस्पृत᳚म्¦विऽभू᳚तिम्¦राध॑सः¦म॒हः | |
| यद्ध॑नू॒नंप॑रा॒वति॒यद्वा᳚पृथि॒व्यांदि॒वि | यु॒जा॒नइ᳚न्द्र॒हरि॑भिर्महेमतऋ॒ष्वऋ॒ष्वेभि॒राग॑हि || 7 || यत्¦ह॒¦नू॒नम्¦प॒रा॒ऽवति॑¦यत्¦वा॒¦पृ॒थि॒व्याम्¦दि॒वि | |
| र॒थि॒रासो॒हर॑यो॒येते᳚,अ॒स्रिध॒ओजो॒वात॑स्य॒पिप्र॑ति | येभि॒र्निदस्युं॒मनु॑षोनि॒घोष॑यो॒येभिः॒स्वः॑प॒रीय॑से || 8 || र॒थि॒रासः॑¦हर॑यः¦ये¦ते॒¦अ॒स्रिधः॑¦ओजः॑¦वात॑स्य¦पिप्र॑ति | |
| ए॒ताव॑तस्तेवसोवि॒द्याम॑शूर॒नव्य॑सः | यथा॒प्राव॒एत॑शं॒कृत्व्ये॒धने॒यथा॒वशं॒दश᳚व्रजे || 9 || ए॒ताव॑तः¦ते॒¦व॒सो॒ इति॑¦वि॒द्याम॑¦शू॒र॒¦नव्य॑सः | |
| यथा॒कण्वे᳚मघव॒न्मेधे᳚,अध्व॒रेदी॒र्घनी᳚थे॒दमू᳚नसि | यथा॒गोश᳚र्ये॒,असि॑षासो,अद्रिवो॒मयि॑गो॒त्रंह॑रि॒श्रिय᳚म् || 10 || यथा᳚¦कण्वे᳚¦म॒घ॒ऽव॒न्¦मेधे᳚¦अ॒ध्व॒रे¦दी॒र्घऽनी᳚थे¦दमू᳚नसि | |
| [40] यथामनाविति दशर्चस्य सूक्तस्य श्रुष्टिगुरिंद्रः अयुजोबृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:51}{अनुवाक:6, सूक्त:9} |
| यथा॒मनौ॒सांव॑रणौ॒सोम॑मि॒न्द्रापि॑बःसु॒तम् | नीपा᳚तिथौमघव॒न्मेध्या᳚तिथौ॒पुष्टि॑गौ॒श्रुष्टि॑गौ॒सचा᳚ || 1 || वर्ग:18 यथा᳚¦मनौ᳚¦साम्ऽव॑रणौ¦सोम᳚म्¦इ॒न्द्र॒¦अपि॑बः¦सु॒तम् | |
| पा॒र्ष॒द्वा॒णःप्रस्क᳚ण्वं॒सम॑सादय॒च्छया᳚नं॒जिव्रि॒मुद्धि॑तम् | स॒हस्रा᳚ण्यसिषास॒द्गवा॒मृषि॒स्त्वोतो॒दस्य॑वे॒वृकः॑ || 2 || पा॒र्ष॒द्वा॒णः¦प्रस्क᳚ण्वम्¦सम्¦अ॒सा॒द॒य॒त्¦शया᳚नम्¦जिव्रि᳚म्¦उद्धि॑तम् | |
| यउ॒क्थेभि॒र्नवि॒न्धते᳚चि॒किद्यऋ॑षि॒चोद॑नः | इन्द्रं॒तमच्छा᳚वद॒नव्य॑स्याम॒त्यरि॑ष्यन्तं॒नभोज॑से || 3 || यः¦उ॒क्थेभिः॑¦न¦वि॒न्धते᳚¦चि॒कित्¦यः¦ऋ॒षि॒ऽचोद॑नः | |
| यस्मा᳚,अ॒र्कंस॒प्तशी᳚र्षाणमानृ॒चुस्त्रि॒धातु॑मुत्त॒मेप॒दे | सत्वि१॑(इ॒)माविश्वा॒भुव॑नानिचिक्रद॒दादिज्ज॑निष्ट॒पौंस्य᳚म् || 4 || यस्मै᳚¦अ॒र्कम्¦स॒प्तऽशी᳚र्षाणम्¦आ॒नृ॒चुः¦त्रि॒ऽधातु᳚म्¦उ॒त्ऽत॒मे¦प॒दे | |
| योनो᳚दा॒तावसू᳚ना॒मिन्द्रं॒तंहू᳚महेव॒यम् | वि॒द्माह्य॑स्यसुम॒तिंनवी᳚यसींग॒मेम॒गोम॑तिव्र॒जे || 5 || यः¦नः॒¦दा॒ता¦वसू᳚नाम्¦इन्द्र᳚म्¦तम्¦हू॒म॒हे॒¦व॒यम् | |
| यस्मै॒त्वंव॑सोदा॒नाय॒शिक्ष॑सि॒सरा॒यस्पोष॑मश्नुते | तंत्वा᳚व॒यंम॑घवन्निन्द्रगिर्वणःसु॒ताव᳚न्तोहवामहे || 6 || वर्ग:19 यस्मै᳚¦त्वम्¦व॒सो॒ इति॑¦दा॒नाय॑¦शिक्ष॑सि¦सः¦रा॒यः¦पोष᳚म्¦अ॒श्नु॒ते॒ | |
| क॒दाच॒नस्त॒रीर॑सि॒नेन्द्र॑सश्चसिदा॒शुषे᳚ | उपो॒पेन्नुम॑घव॒न्भूय॒इन्नुते॒दानं᳚दे॒वस्य॑पृच्यते || 7 || क॒दा¦च॒न¦स्त॒रीः¦अ॒सि॒¦न¦इ॒न्द्र॒¦स॒श्च॒सि॒¦दा॒शुषे᳚ | |
| प्रयोन॑न॒क्षे,अ॒भ्योज॑सा॒क्रिविं᳚व॒धैःशुष्णं᳚निघो॒षय॑न् | य॒देदस्त᳚म्भीत्प्र॒थय᳚न्न॒मूंदिव॒मादिज्ज॑निष्ट॒पार्थि॑वः || 8 || प्र¦यः¦न॒न॒क्षे¦अ॒भि¦ओज॑सा¦क्रिवि᳚म्¦व॒धैः¦शुष्ण᳚म्¦नि॒ऽघो॒षय॑न् | |
| यस्या॒यंविश्व॒आर्यो॒दासः॑शेवधि॒पा,अ॒रिः | ति॒रश्चि॑द॒र्येरुश॑मे॒परी᳚रवि॒तुभ्येत्सो,अ॑ज्यतेर॒यिः || 9 || यस्य॑¦अ॒यम्¦विश्वः॑¦आर्यः॑¦दासः॑¦शे॒व॒धि॒ऽपाः¦अ॒रिः | |
| तु॒र॒ण्यवो॒मधु॑मन्तंघृत॒श्चुतं॒विप्रा᳚सो,अ॒र्कमा᳚नृचुः | अ॒स्मेर॒यिःप॑प्रथे॒वृष्ण्यं॒शवो॒ऽस्मेसु॑वा॒नास॒इन्द॑वः || 10 || तु॒र॒ण्यवः॑¦मधु॑ऽमन्तम्¦घृ॒त॒ऽश्चुत᳚म्¦विप्रा᳚सः¦अ॒र्कम्¦आ॒नृ॒चुः॒ | |
| [41] यथामनाविति दशर्चस्य सूक्तस्यायुरिंद्रः अयुजोबृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:52}{अनुवाक:6, सूक्त:10} |
| यथा॒मनौ॒विव॑स्वति॒सोमं᳚श॒क्रापि॑बःसु॒तम् | यथा᳚त्रि॒तेछन्द॑इन्द्र॒जुजो᳚षस्या॒यौमा᳚दयसे॒सचा᳚ || 1 || वर्ग:20 यथा᳚¦मनौ᳚¦विव॑स्वति¦सोम᳚म्¦श॒क्र॒¦अपि॑बः¦सु॒तम् | |
| पृष॑ध्रे॒मेध्ये᳚मात॒रिश्व॒नीन्द्र॑सुवा॒ने,अम᳚न्दथाः | यथा॒सोमं॒दश॑शिप्रे॒दशो᳚ण्ये॒स्यूम॑रश्मा॒वृजू᳚नसि || 2 || पृष॑ध्रे¦मेध्ये᳚¦मा॒त॒रिश्व॑नि¦इन्द्र॑¦सु॒वा॒ने¦अम᳚न्दथाः | |
| यउ॒क्थाकेव॑लाद॒धेयःसोमं᳚धृषि॒तापि॑बत् | यस्मै॒विष्णु॒स्त्रीणि॑प॒दावि॑चक्र॒मउप॑मि॒त्रस्य॒धर्म॑भिः || 3 || यः¦उ॒क्था¦केव॑ला¦द॒धे¦यः¦सोम᳚म्¦धृ॒षि॒ता¦अपि॑बत् | |
| यस्य॒त्वमि᳚न्द्र॒स्तोमे᳚षुचा॒कनो॒वाजे᳚वाजिञ्छतक्रतो | तंत्वा᳚व॒यंसु॒दुघा᳚मिवगो॒दुहो᳚जुहू॒मसि॑श्रव॒स्यवः॑ || 4 || यस्य॑¦त्वम्¦इ॒न्द्र॒¦स्तोमे᳚षु¦चा॒कनः॑¦वाजे᳚¦वा॒जि॒न्¦श॒त॒क्र॒तो॒ इति॑ शतऽक्रतो | |
| योनो᳚दा॒तासनः॑पि॒ताम॒हाँ,उ॒ग्रई᳚शान॒कृत् | अया᳚मन्नु॒ग्रोम॒घवा᳚पुरू॒वसु॒र्गोरश्व॑स्य॒प्रदा᳚तुनः || 5 || यः¦नः॒¦दा॒ता¦सः¦नः॒¦पि॒ता¦म॒हान्¦उ॒ग्रः¦ई॒शा॒न॒ऽकृत् | |
| यस्मै॒त्वंव॑सोदा॒नाय॒मंह॑से॒सरा॒यस्पोष॑मिन्वति | व॒सू॒यवो॒वसु॑पतिंश॒तक्र॑तुं॒स्तोमै॒रिन्द्रं᳚हवामहे || 6 || वर्ग:21 यस्मै᳚¦त्वम्¦व॒सो॒ इति॑¦दा॒नाय॑¦मंह॑से¦सः¦रा॒यः¦पोष᳚म्¦इ॒न्व॒ति॒ | |
| क॒दाच॒नप्रयु॑च्छस्यु॒भेनिपा᳚सि॒जन्म॑नी | तुरी᳚यादित्य॒हव॑नंतइन्द्रि॒यमात॑स्थाव॒मृतं᳚दि॒वि || 7 || क॒दा¦च॒न¦प्र¦यु॒च्छ॒सि॒¦उ॒भे इति॑¦नि¦पा॒सि॒¦जन्म॑नी॒ इति॑ | |
| यस्मै॒त्वंम॑घवन्निन्द्रगिर्वणः॒शिक्षो॒शिक्ष॑सिदा॒शुषे᳚ | अ॒स्माकं॒गिर॑उ॒तसु॑ष्टु॒तिंव॑सोकण्व॒वच्छृ॑णुधी॒हव᳚म् || 8 || यस्मै᳚¦त्वम्¦म॒घ॒ऽव॒न्¦इ॒न्द्र॒¦गि॒र्व॒णः॒¦शिक्षो॒ इति॑¦शिक्ष॑सि¦दा॒शुषे᳚ | |
| अस्ता᳚वि॒मन्म॑पू॒र्व्यंब्रह्मेन्द्रा᳚यवोचत | पू॒र्वीरृ॒तस्य॑बृह॒तीर॑नूषतस्तो॒तुर्मे॒धा,अ॑सृक्षत || 9 || अस्ता᳚वि¦मन्म॑¦पू॒र्व्यम्¦ब्रह्म॑¦इन्द्रा᳚य¦वो॒च॒त॒ | |
| समिन्द्रो॒रायो᳚बृह॒तीर॑धूनुत॒संक्षो॒णीसमु॒सूर्य᳚म् | संशु॒क्रासः॒शुच॑यः॒संगवा᳚शिरः॒सोमा॒,इन्द्र॑ममन्दिषुः || 10 || सम्¦इन्द्रः॑¦रायः॑¦बृ॒ह॒तीः¦अ॒धू॒नु॒त॒¦सम्¦क्षो॒णी इति॑¦सम्¦ऊँ॒ इति॑¦सूर्य᳚म् | |
| [42] उपमंत्वेत्यष्टर्चस्य सूक्तस्य मेध्य इंद्रः अयुजो बृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:53}{अनुवाक:6, सूक्त:11} |
| उ॒प॒मंत्वा᳚म॒घोनां॒ज्येष्ठं᳚चवृष॒भाणा᳚म् | पू॒र्भित्त॑मंमघवन्निन्द्रगो॒विद॒मीशा᳚नंरा॒यई᳚महे || 1 || वर्ग:22 उ॒प॒ऽमम्¦त्वा॒¦म॒घोना᳚म्¦ज्येष्ठ᳚म्¦च॒¦वृ॒ष॒भाणा᳚म् | |
| यआ॒युंकुत्स॑मतिथि॒ग्वमर्द॑योवावृधा॒नोदि॒वेदि॑वे | तंत्वा᳚व॒यंहर्य॑श्वंश॒तक्र॑तुंवाज॒यन्तो᳚हवामहे || 2 || यः¦आ॒युम्¦कुत्स᳚म्¦अ॒ति॒थि॒ऽग्वम्¦अर्द॑यः¦व॒वृ॒धा॒नः¦दि॒वेऽदि॑वे | |
| आनो॒विश्वे᳚षां॒रसं॒मध्वः॑सिञ्च॒न्त्वद्र॑यः | येप॑रा॒वति॑सुन्वि॒रेजने॒ष्वाये,अ᳚र्वा॒वतीन्द॑वः || 3 || आ¦नः॒¦विश्वे᳚षाम्¦रस᳚म्¦मध्वः॑¦सिं॒च॒न्तु॒¦अद्र॑यः | |
| विश्वा॒द्वेषां᳚सिज॒हिचाव॒चाकृ॑धि॒विश्वे᳚सन्व॒न्त्वावसु॑ | शीष्टे᳚षुचित्तेमदि॒रासो᳚,अं॒शवो॒यत्रा॒सोम॑स्यतृ॒म्पसि॑ || 4 || विश्वा᳚¦द्वेषां᳚सि¦ज॒हि¦च॒¦अव॑¦च॒¦आ¦कृ॒धि॒¦विश्वे᳚¦स॒न्व॒न्तु॒¦आ¦वसु॑ | |
| इन्द्र॒नेदी᳚य॒एदि॑हिमि॒तमे᳚धाभिरू॒तिभिः॑ | आशं᳚तम॒शंत॑माभिर॒भिष्टि॑भि॒रास्वा᳚पेस्वा॒पिभिः॑ || 5 || वर्ग:23 इन्द्र॑¦नेदी᳚यः¦आ¦इत्¦इ॒हि॒¦मि॒तऽमे᳚धाभिः¦ऊ॒तिऽभिः॑ | |
| आ॒जि॒तुरं॒सत्प॑तिंवि॒श्वच॑र्षणिंकृ॒धिप्र॒जास्वाभ॑गम् | प्रसूति॑रा॒शची᳚भि॒र्येत॑उ॒क्थिनः॒क्रतुं᳚पुन॒तआ᳚नु॒षक् || 6 || आ॒जि॒ऽतुर᳚म्¦सत्ऽप॑तिम्¦वि॒श्वऽच॑र्षणिम्¦कृ॒धि¦प्र॒ऽजासु॑¦आऽभ॑गम् | |
| यस्ते॒साधि॒ष्ठोऽव॑से॒तेस्या᳚म॒भरे᳚षुते | व॒यंहोत्रा᳚भिरु॒तदे॒वहू᳚तिभिःसस॒वांसो᳚मनामहे || 7 || यः¦ते॒¦साधि॑ष्ठः¦अव॑से¦ते¦स्या॒म॒¦भरे᳚षु¦ते॒ | |
| अ॒हंहिते᳚हरिवो॒ब्रह्म॑वाज॒युरा॒जिंयामि॒सदो॒तिभिः॑ | त्वामिदे॒वतममे॒सम॑श्व॒युर्ग॒व्युरग्रे᳚मथी॒नाम् || 8 || अ॒हम्¦हि¦ते॒¦ह॒रि॒ऽवः॒¦ब्रह्म॑¦वा॒ज॒ऽयुः¦आ॒जिम्¦यामि॑¦सदा᳚¦ऊ॒तिऽभिः॑ | |
| [43] एतत्तइत्यष्टर्चस्य सूक्तस्य मातरिश्वानइंद्रस्तृतीयाचतुर्थ्योर्विश्वेदेवाः अयुजोबृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:54}{अनुवाक:6, सूक्त:12} |
| ए॒तत्त॑इन्द्रवी॒र्यं᳚गी॒र्भिर्गृ॒णन्ति॑का॒रवः॑ | तेस्तोभ᳚न्त॒ऊर्ज॑मावन्घृत॒श्चुतं᳚पौ॒रासो᳚नक्षन्धी॒तिभिः॑ || 1 || वर्ग:24 ए॒तत्¦ते॒¦इ॒न्द्र॒¦वी॒र्य᳚म्¦गीः॒ऽभिः¦गृ॒णन्ति॑¦का॒रवः॑ | |
| नक्ष᳚न्त॒इन्द्र॒मव॑सेसुकृ॒त्यया॒येषां᳚सु॒तेषु॒मन्द॑से | यथा᳚संव॒र्ते,अम॑दो॒यथा᳚कृ॒शए॒वास्मे,इ᳚न्द्रमत्स्व || 2 || नक्ष᳚न्ते¦इन्द्र᳚म्¦अव॑से¦सु॒ऽकृ॒त्यया᳚¦येषा᳚म्¦सु॒तेषु॑¦मन्द॑से | |
| आनो॒विश्वे᳚स॒जोष॑सो॒देवा᳚सो॒गन्त॒नोप॑नः | वस॑वोरु॒द्रा,अव॑सेन॒आग॑मञ्छृ॒ण्वन्तु॑म॒रुतो॒हव᳚म् || 3 || आ¦नः॒¦विश्वे᳚¦स॒ऽजोष॑सः¦देवा᳚सः¦गन्त॑न¦उप॑¦नः॒ | |
| पू॒षाविष्णु॒र्हव॑नंमे॒सर॑स्व॒त्यव᳚न्तुस॒प्तसिन्ध॑वः | आपो॒वातः॒पर्व॑तासो॒वन॒स्पतिः॑शृ॒णोतु॑पृथि॒वीहव᳚म् || 4 || पू॒षा¦विष्णुः॑¦हव॑नम्¦मे॒¦सर॑स्वती¦अव᳚न्तु¦स॒प्त¦सिन्ध॑वः | |
| यदि᳚न्द्र॒राधो॒,अस्ति॑ते॒माघो᳚नंमघवत्तम | तेन॑नोबोधिसध॒माद्यो᳚वृ॒धेभगो᳚दा॒नाय॑वृत्रहन् || 5 || वर्ग:25 यत्¦इ॒न्द्र॒¦राधः॑¦अस्ति॑¦ते॒¦माघो᳚नम्¦म॒घ॒व॒त्ऽत॒म॒ | |
| आजि॑पतेनृपते॒त्वमिद्धिनो॒वाज॒आव॑क्षिसुक्रतो | वी॒तीहोत्रा᳚भिरु॒तदे॒ववी᳚तिभिःसस॒वांसो॒विशृ᳚ण्विरे || 6 || आजि॑ऽपते¦नृ॒ऽप॒ते॒¦त्वम्¦इत्¦हि¦नः॒¦वाजे᳚¦आ¦व॒क्षि॒¦सु॒क्र॒तो॒ इति॑ सुऽक्रतो | |
| सन्ति॒ह्य१॑(अ॒)र्यआ॒शिष॒इन्द्र॒आयु॒र्जना᳚नाम् | अ॒स्मान्न॑क्षस्वमघव॒न्नुपाव॑सेधु॒क्षस्व॑पि॒प्युषी॒मिष᳚म् || 7 || सन्ति॑¦हि¦अ॒र्ये¦आ॒ऽशिषः॑¦इन्द्रे᳚¦आयुः॑¦जना᳚नाम् | |
| व॒यंत॑इन्द्र॒स्तोमे᳚भिर्विधेम॒त्वम॒स्माकं᳚शतक्रतो | महि॑स्थू॒रंश॑श॒यंराधो॒,अह्र॑यं॒प्रस्क᳚ण्वाय॒नितो᳚शय || 8 || व॒यम्¦ते॒¦इ॒न्द्र॒¦स्तोमे᳚भिः¦वि॒धे॒म॒¦त्वम्¦अ॒स्माक᳚म्¦श॒त॒क्र॒तो॒ इति॑ शतऽक्रतो | |
| [44] भूरीदिति पंचर्चस्य सूक्तस्य कृशइंद्रोगायत्री तृतीयापंचम्यावनुष्टुभौ |{अष्टक:6, अध्याय:4}{मंडल:8, सूक्त:55}{अनुवाक:6, सूक्त:13} |
| भूरीदिन्द्र॑स्यवी॒र्य१॑(अं॒)व्यख्य॑म॒भ्याय॑ति | राध॑स्तेदस्यवेवृक || 1 || वर्ग:26 भूरि॑¦इत्¦इन्द्र॑स्य¦वी॒र्य᳚म्¦वि¦अख्य᳚म्¦अ॒भि¦आ¦अ॒य॒ति॒ | राधः॑¦ते॒¦द॒स्य॒वे॒¦वृ॒क॒ || |
| श॒तंश्वे॒तास॑उ॒क्षणो᳚दि॒वितारो॒नरो᳚चन्ते | म॒ह्नादिवं॒नत॑स्तभुः || 2 || श॒तम्¦श्वे॒तासः॑¦उ॒क्षणः॑¦दि॒वि¦तारः॑¦न¦रो॒च॒न्ते॒ | म॒ह्ना¦दिव᳚म्¦न¦त॒स्त॒भुः॒ || |
| श॒तंवे॒णूञ्छ॒तंशुनः॑श॒तंचर्मा᳚णिम्ला॒तानि॑ | श॒तंमे᳚बल्बजस्तु॒का,अरु॑षीणां॒चतुः॑शतम् || 3 || श॒तम्¦वे॒णून्¦श॒तम्¦शुनः॑¦श॒तम्¦चर्मा᳚णि¦म्ला॒तानि॑ | श॒तम्¦मे॒¦ब॒ल्ब॒ज॒ऽस्तु॒काः¦अरु॑षीणाम्¦चतुः॑ऽशतम् || |
| सु॒दे॒वाःस्थ॑काण्वायना॒वयो᳚वयोविच॒रन्तः॑ | अश्वा᳚सो॒नच᳚ङ्क्रमत || 4 || सु॒ऽदे॒वाः¦स्थ॒¦का॒ण्वा॒य॒नाः॒¦वयः॑ऽवयः¦वि॒ऽच॒रन्तः॑ | अश्वा᳚सः¦न¦च॒ङ्क्र॒म॒त॒ || |
| आदित्सा॒प्तस्य॑चर्किर॒न्नानू᳚नस्य॒महि॒श्रवः॑ | श्यावी᳚रतिध्व॒सन्प॒थश्चक्षु॑षाच॒नसं॒नशे᳚ || 5 || आत्¦इत्¦सा॒प्तस्य॑¦च॒र्कि॒र॒न्¦न¦अनू᳚नस्य¦महि॑¦श्रवः॑ | श्यावीः᳚¦अ॒ति॒ऽध्व॒सन्¦प॒थः¦चक्षु॑षा¦च॒न¦स॒म्ऽनशे᳚ || |
| [45] प्रतितइति पंचर्चस्य सूक्तस्य पृषध्रइंद्रोंत्याया अग्निसूर्यौगायत्र्यंत्यापंक्तिः |{अष्टक:6, अध्याय:4}{मंडल:8, सूक्त:56}{अनुवाक:6, सूक्त:14} |
| प्रति॑तेदस्यवेवृक॒राधो᳚,अद॒र्श्यह्र॑यम् | द्यौर्नप्र॑थि॒नाशवः॑ || 1 || वर्ग:27 प्रति॑¦ते॒¦द॒स्य॒वे॒¦वृ॒क॒¦राधः॑¦अ॒द॒र्शि॒¦अह्र॑यम् | द्यौः¦न¦प्र॒थि॒ना¦शवः॑ || |
| दश॒मह्यं᳚पौतक्र॒तःस॒हस्रा॒दस्य॑वे॒वृकः॑ | नित्या᳚द्रा॒यो,अ॑मंहत || 2 || दश॑¦मह्य᳚म्¦पौ॒त॒ऽक्र॒तः¦स॒हस्रा᳚¦दस्य॑वे¦वृकः॑ | नित्या᳚त्¦रा॒यः¦अ॒मं॒ह॒त॒ || |
| श॒तंमे᳚गर्द॒भानां᳚श॒तमूर्णा᳚वतीनाम् | श॒तंदा॒साँ,अति॒स्रजः॑ || 3 || श॒तम्¦मे॒¦ग॒र्द॒भाना᳚म्¦श॒तम्¦ऊर्णा᳚ऽवतीनाम् | श॒तम्¦दा॒सान्¦अति॑¦स्रजः॑ || |
| तत्रो॒,अपि॒प्राणी᳚यतपू॒तक्र॑तायै॒व्य॑क्ता | अश्वा᳚ना॒मिन्नयू॒थ्या᳚म् || 4 || तत्रो॒ इति॑¦अपि॑¦प्र¦अ॒नी॒य॒त॒¦पू॒तऽक्र॑तायै¦वि।आ॑क्ता | अश्वा᳚नाम्¦इत्¦न¦यू॒थ्या᳚म् || |
| अचे᳚त्य॒ग्निश्चि॑कि॒तुर्ह᳚व्य॒वाट्ससु॒मद्र॑थः | अ॒ग्निःशु॒क्रेण॑शो॒चिषा᳚बृ॒हत्सूरो᳚,अरोचतदि॒विसूर्यो᳚,अरोचत || 5 || अचे᳚ति¦अ॒ग्निः¦चि॒कि॒तुः¦ह॒व्य॒ऽवाट्¦सः¦सु॒मत्ऽर॑थः | |
| [46] युवंदेवेति चतुरृचस्य सूक्तस्य मेध्योश्विनौत्रिष्टुप् |{अष्टक:6, अध्याय:4}{मंडल:8, सूक्त:57}{अनुवाक:6, सूक्त:15} |
| यु॒वंदे᳚वा॒क्रतु॑नापू॒र्व्येण॑यु॒क्तारथे᳚नतवि॒षंय॑जत्रा | आग॑च्छतंनासत्या॒शची᳚भिरि॒दंतृ॒तीयं॒सव॑नंपिबाथः || 1 || वर्ग:28 यु॒वम्¦दे॒वा॒¦क्रतु॑ना¦पू॒र्व्येण॑¦यु॒क्ता¦रथे᳚न¦त॒वि॒षम्¦य॒ज॒त्रा॒ | |
| यु॒वांदे॒वास्त्रय॑एकाद॒शासः॑स॒त्याःस॒त्यस्य॑ददृशेपु॒रस्ता᳚त् | अ॒स्माकं᳚य॒ज्ञंसव॑नंजुषा॒णापा॒तंसोम॑मश्विना॒दीद्य॑ग्नी || 2 || यु॒वाम्¦दे॒वाः¦त्रयः॑¦ए॒का॒द॒शासः॑¦स॒त्याः¦स॒त्यस्य॑¦द॒दृ॒शे॒¦पु॒रस्ता᳚त् | |
| प॒नाय्यं॒तद॑श्विनाकृ॒तंवां᳚वृष॒भोदि॒वोरज॑सःपृथि॒व्याः | स॒हस्रं॒शंसा᳚,उ॒तयेगवि॑ष्टौ॒सर्वाँ॒,इत्ताँ,उप॑याता॒पिब॑ध्यै || 3 || प॒नाय्य᳚म्¦तत्¦अ॒श्वि॒ना॒¦कृ॒तम्¦वा॒म्¦वृ॒ष॒भः¦दि॒वः¦रज॑सः¦पृ॒थि॒व्याः | |
| अ॒यंवां᳚भा॒गोनिहि॑तोयजत्रे॒मागिरो᳚नास॒त्योप॑यातम् | पिब॑तं॒सोमं॒मधु॑मन्तम॒स्मेप्रदा॒श्वांस॑मवतं॒शची᳚भिः || 4 || अ॒यम्¦वा॒म्¦भा॒गः¦निऽहि॑तः¦य॒ज॒त्रा॒¦इ॒माः¦गिरः॑¦ना॒स॒त्या॒¦उप॑¦या॒त॒म् | |
| [47] यमृत्विजइति तृचस्य सूक्तस्य मेध्योविश्वेदेवास्त्रिष्टुप् (आद्यायाऋत्विजोदेवतावा) |{अष्टक:6, अध्याय:4}{मंडल:8, सूक्त:58}{अनुवाक:6, सूक्त:16} |
| यमृ॒त्विजो᳚बहु॒धाक॒ल्पय᳚न्तः॒सचे᳚तसोय॒ज्ञमि॒मंवह᳚न्ति | यो,अ॑नूचा॒नोब्रा᳚ह्म॒णोयु॒क्तआ᳚सी॒त्कास्वि॒त्तत्र॒यज॑मानस्यसं॒वित् || 1 || वर्ग:29 यम्¦ऋ॒त्विजः॑¦ब॒हु॒धा¦क॒ल्पय᳚न्तः¦सऽचे᳚तसः¦य॒ज्ञम्¦इ॒मम्¦वह᳚न्ति | |
| एक॑ए॒वाग्निर्ब॑हु॒धासमि॑द्ध॒एकः॒सूर्यो॒विश्व॒मनु॒प्रभू᳚तः | एकै॒वोषाःसर्व॑मि॒दंविभा॒त्येकं॒वा,इ॒दंविब॑भूव॒सर्व᳚म् || 2 || एकः॑¦ए॒व¦अ॒ग्निः¦ब॒हु॒धा¦सम्ऽइ᳚द्धः¦एकः॑¦सूर्यः॑¦विश्व᳚म्¦अनु॑¦प्रऽभू᳚तः | |
| ज्योति॑ष्मन्तंकेतु॒मन्तं᳚त्रिच॒क्रंसु॒खंरथं᳚सु॒षदं॒भूरि॑वारम् | चि॒त्राम॑घा॒यस्य॒योगे᳚ऽधिजज्ञे॒तंवां᳚हु॒वे,अति॑रिक्तं॒पिब॑ध्यै || 3 || ज्योति॑ष्मन्तम्¦के॒तु॒ऽमन्त᳚म्¦त्रि॒ऽच॒क्रम्¦सु॒ऽखम्¦रथ᳚म्¦सु॒ऽसद᳚म्¦भूरि॑ऽवारम् | |
| [48] इमानिवामिति सप्तर्चस्य सूक्तस्य सुपर्णइंद्रावरुणौजगती |{अष्टक:6, अध्याय:4}{मंडल:8, सूक्त:59}{अनुवाक:6, सूक्त:17} |
| इ॒मानि॑वांभाग॒धेया᳚निसिस्रत॒इन्द्रा᳚वरुणा॒प्रम॒हेसु॒तेषु॑वाम् | य॒ज्ञेय॑ज्ञेह॒सव॑नाभुर॒ण्यथो॒यत्सु᳚न्व॒तेयज॑मानाय॒शिक्ष॑थः || 1 || वर्ग:30 इ॒मानि॑¦वा॒म्¦भा॒ग॒ऽधेया᳚नि¦सि॒स्र॒ते॒¦इन्द्रा᳚वरुणा¦प्र¦म॒हे¦सु॒तेषु॑¦वा॒म् | |
| नि॒ष्षिध्व॑री॒रोष॑धी॒राप॑आस्ता॒मिन्द्रा᳚वरुणामहि॒मान॒माश॑त | यासिस्र॑तू॒रज॑सःपा॒रे,अध्व॑नो॒ययोः॒शत्रु॒र्नकि॒रादे᳚व॒ओह॑ते || 2 || निः॒ऽसिध्व॑रीः¦ओष॑धीः¦आपः॑¦आ॒स्ता॒म्¦इन्द्रा᳚वरुणा¦म॒हि॒मान᳚म्¦आ॒श॒त॒ | |
| स॒त्यंतदि᳚न्द्रावरुणाकृ॒शस्य॑वां॒मध्व॑ऊ॒र्मिंदु॑हतेस॒प्तवाणीः᳚ | ताभि॑र्दा॒श्वांस॑मवतंशुभस्पती॒योवा॒मद॑ब्धो,अ॒भिपाति॒चित्ति॑भिः || 3 || स॒त्यम्¦तत्¦इ॒न्द्रा॒व॒रु॒णा॒¦कृ॒शस्य॑¦वा॒म्¦मध्वः॑¦ऊ॒र्मिम्¦दु॒ह॒ते॒¦स॒प्त¦वाणीः᳚ | |
| घृ॒त॒प्रुषः॒सौम्या᳚जी॒रदा᳚नवःस॒प्तस्वसा᳚रः॒सद॑नऋ॒तस्य॑ | याह॑वामिन्द्रावरुणाघृत॒श्चुत॒स्ताभि॑र्धत्तं॒यज॑मानायशिक्षतम् || 4 || घृ॒त॒ऽप्रुषः॑¦सौम्याः᳚¦जी॒रऽदा᳚नवः¦स॒प्त¦स्वसा᳚रः¦सद॑ने¦ऋ॒तस्य॑ | |
| अवो᳚चाममह॒तेसौभ॑गायस॒त्यंत्वे॒षाभ्यां᳚महि॒मान॑मिन्द्रि॒यम् | अ॒स्मान्त्स्वि᳚न्द्रावरुणाघृत॒श्चुत॒स्त्रिभिः॑सा॒प्तेभि॑रवतंशुभस्पती || 5 || वर्ग:31 अवो᳚चाम¦म॒ह॒ते¦सौभ॑गाय¦स॒त्यम्¦त्वे॒षाभ्या᳚म्¦म॒हि॒मान᳚म्¦इ॒न्द्रि॒यम् | |
| इन्द्रा᳚वरुणा॒यदृ॒षिभ्यो᳚मनी॒षांवा॒चोम॒तिंश्रु॒तम॑दत्त॒मग्रे᳚ | यानि॒स्थाना᳚न्यसृजन्त॒धीरा᳚य॒ज्ञंत᳚न्वा॒नास्तप॑सा॒भ्य॑पश्यम् || 6 || इन्द्रा᳚वरुणा¦यत्¦ऋ॒षिऽभ्यः॑¦म॒नी॒षाम्¦वा॒चः¦म॒तिम्¦श्रु॒तम्¦अ॒द॒त्त॒म्¦अग्रे᳚ | |
| इन्द्रा᳚वरुणासौमन॒समदृ॑प्तंरा॒यस्पोषं॒यज॑मानेषुधत्तम् | प्र॒जांपु॒ष्टिंभू᳚तिम॒स्मासु॑धत्तंदीर्घायु॒त्वाय॒प्रति॑रतंन॒आयुः॑ || 7 || इन्द्रा᳚वरुणा¦सौ॒म॒न॒सम्¦अदृ॑प्तम्¦रा॒यः¦पोष᳚म्¦यज॑मानेषु¦ध॒त्त॒म् | |
| [49] अग्नआयाहीति विंशत्यृचस्य सूक्तस्य प्रागाथोभर्गोग्निः अयुजोबृहत्योयुजःसतोबृहत्यः |{अष्टक:6, अध्याय:4}{मंडल:8, सूक्त:60}{अनुवाक:7, सूक्त:1} |
| अग्न॒आया᳚ह्य॒ग्निभि॒र्होता᳚रंत्वावृणीमहे | आत्वाम॑नक्तु॒प्रय॑ताह॒विष्म॑ती॒यजि॑ष्ठंब॒र्हिरा॒सदे᳚ || 1 || वर्ग:32 अग्ने᳚¦आ¦या॒हि॒¦अ॒ग्निऽभिः॑¦होता᳚रम्¦त्वा॒¦वृ॒णी॒म॒हे॒ | |
| अच्छा॒हित्वा᳚सहसःसूनो,अङ्गिरः॒स्रुच॒श्चर᳚न्त्यध्व॒रे | ऊ॒र्जोनपा᳚तंघृ॒तके᳚शमीमहे॒ऽग्निंय॒ज्ञेषु॑पू॒र्व्यम् || 2 || अच्छ॑¦हि¦त्वा॒¦स॒ह॒सः॒¦सू॒नो॒ इति॑¦अ॒ङ्गि॒रः॒¦स्रुचः॑¦चर᳚न्ति¦अ॒ध्व॒रे | |
| अग्ने᳚क॒विर्वे॒धा,अ॑सि॒होता᳚पावक॒यक्ष्यः॑ | म॒न्द्रोयजि॑ष्ठो,अध्व॒रेष्वीड्यो॒विप्रे᳚भिःशुक्र॒मन्म॑भिः || 3 || अग्ने᳚¦क॒विः¦वे॒धाः¦अ॒सि॒¦होता᳚¦पा॒व॒क॒¦यक्ष्यः॑ | |
| अद्रो᳚घ॒माव॑होश॒तोय॑विष्ठ्यदे॒वाँ,अ॑जस्रवी॒तये᳚ | अ॒भिप्रयां᳚सि॒सुधि॒ताव॑सोगहि॒मन्द॑स्वधी॒तिभि᳚र्हि॒तः || 4 || अद्रो᳚घम्¦आ¦व॒ह॒¦उ॒श॒तः¦य॒वि॒ष्ठ्य॒¦दे॒वान्¦अ॒ज॒स्र॒¦वी॒तये᳚ | |
| त्वमित्स॒प्रथा᳚,अ॒स्यग्ने᳚त्रातरृ॒तस्क॒विः | त्वांविप्रा᳚सःसमिधानदीदिव॒आवि॑वासन्तिवे॒धसः॑ || 5 || त्वम्¦इत्¦स॒ऽप्रथाः᳚¦अ॒सि॒¦अग्ने᳚¦त्रा॒तः॒¦ऋ॒तः¦क॒विः | |
| शोचा᳚शोचिष्ठदीदि॒हिवि॒शेमयो॒रास्व॑स्तो॒त्रेम॒हाँ,अ॑सि | दे॒वानां॒शर्म॒न्मम॑सन्तुसू॒रयः॑शत्रू॒षाहः॑स्व॒ग्नयः॑ || 6 || वर्ग:33 शोच॑¦शो॒चि॒ष्ठ॒¦दी॒दि॒हि¦वि॒शे¦मयः॑¦रास्व॑¦स्तो॒त्रे¦म॒हान्¦अ॒सि॒ | |
| यथा᳚चिद्वृ॒द्धम॑त॒समग्ने᳚सं॒जूर्व॑सि॒क्षमि॑ | ए॒वाद॑हमित्रमहो॒यो,अ॑स्म॒ध्रुग्दु॒र्मन्मा॒कश्च॒वेन॑ति || 7 || यथा᳚¦चि॒त्¦वृ॒द्धम्¦अ॒त॒सम्¦अग्ने᳚¦स॒म्ऽजूर्व॑सि¦क्षमि॑ | |
| मानो॒मर्ता᳚यरि॒पवे᳚रक्ष॒स्विने॒माघशं᳚सायरीरधः | अस्रे᳚धद्भिस्त॒रणि॑भिर्यविष्ठ्यशि॒वेभिः॑पाहिपा॒युभिः॑ || 8 || मा¦नः॒¦मर्ता᳚य¦रि॒पवे᳚¦र॒क्ष॒स्विने᳚¦मा¦अ॒घऽशं᳚साय¦री॒र॒धः॒ | |
| पा॒हिनो᳚,अग्न॒एक॑यापा॒ह्यु१॑(उ॒)तद्वि॒तीय॑या | पा॒हिगी॒र्भिस्ति॒सृभि॑रूर्जांपतेपा॒हिच॑त॒सृभि᳚र्वसो || 9 || पा॒हि¦नः॒¦अ॒ग्ने॒¦एक॑या¦पा॒हि¦उ॒त¦द्वि॒तीय॑या | |
| पा॒हिविश्व॑स्माद्र॒क्षसो॒,अरा᳚व्णः॒प्रस्म॒वाजे᳚षुनोऽव | त्वामिद्धिनेदि॑ष्ठंदे॒वता᳚तयआ॒पिंनक्षा᳚महेवृ॒धे || 10 || पा॒हि¦विश्व॑स्मात्¦र॒क्षसः॑¦अरा᳚व्णः¦प्र¦स्म॒¦वाजे᳚षु¦नः॒¦अ॒व॒ | |
| आनो᳚,अग्नेवयो॒वृधं᳚र॒यिंपा᳚वक॒शंस्य᳚म् | रास्वा᳚चनउपमातेपुरु॒स्पृहं॒सुनी᳚ती॒स्वय॑शस्तरम् || 11 || वर्ग:34 आ¦नः॒¦अ॒ग्ने॒¦व॒यः॒ऽवृध᳚म्¦र॒यिम्¦पा॒व॒क॒¦शंस्य᳚म् | |
| येन॒वंसा᳚म॒पृत॑नासु॒शर्ध॑त॒स्तर᳚न्तो,अ॒र्यआ॒दिशः॑ | सत्वंनो᳚वर्ध॒प्रय॑साशचीवसो॒जिन्वा॒धियो᳚वसु॒विदः॑ || 12 || येन॑¦वंसा᳚म¦पृत॑नासु¦शर्ध॑तः¦तर᳚न्तः¦अ॒र्यः¦आ॒ऽदिशः॑ | |
| शिशा᳚नोवृष॒भोय॑था॒ग्निःशृङ्गे॒दवि॑ध्वत् | ति॒ग्मा,अ॑स्य॒हन॑वो॒नप्र॑ति॒धृषे᳚सु॒जम्भः॒सह॑सोय॒हुः || 13 || शिशा᳚नः¦वृ॒ष॒भः¦य॒था॒¦अ॒ग्निः¦शृङ्गे॒ इति॑¦दवि॑ध्वत् | |
| न॒हिते᳚,अग्नेवृषभप्रति॒धृषे॒जम्भा᳚सो॒यद्वि॒तिष्ठ॑से | सत्वंनो᳚होतः॒सुहु॑तंह॒विष्कृ॑धि॒वंस्वा᳚नो॒वार्या᳚पु॒रु || 14 || न॒हि¦ते॒¦अ॒ग्ने॒¦वृ॒ष॒भ॒¦प्र॒ति॒ऽधृषे᳚¦जम्भा᳚सः¦यत्¦वि॒ऽतिष्ठ॑से | |
| शेषे॒वने᳚षुमा॒त्रोःसंत्वा॒मर्ता᳚सइन्धते | अत᳚न्द्रोह॒व्याव॑हसिहवि॒ष्कृत॒आदिद्दे॒वेषु॑राजसि || 15 || शेषे᳚¦वने᳚षु¦मा॒त्रोः¦सम्¦त्वा॒¦मर्ता᳚सः¦इ॒न्ध॒ते॒ | |
| स॒प्तहोता᳚र॒स्तमिदी᳚ळते॒त्वाग्ने᳚सु॒त्यज॒मह्र॑यम् | भि॒नत्स्यद्रिं॒तप॑सा॒विशो॒चिषा॒प्राग्ने᳚तिष्ठ॒जनाँ॒,अति॑ || 16 || वर्ग:35 स॒प्त¦होता᳚रः¦तम्¦इत्¦ई॒ळ॒ते॒¦त्वा॒¦अग्ने᳚¦सु॒ऽत्यज᳚म्¦अह्र॑यम् | |
| अ॒ग्निम॑ग्निंवो॒,अध्रि॑गुंहु॒वेम॑वृ॒क्तब᳚र्हिषः | अ॒ग्निंहि॒तप्र॑यसःशश्व॒तीष्वाहोता᳚रंचर्षणी॒नाम् || 17 || अ॒ग्निम्।आ॑ग्निम्¦वः॒¦अध्रि॑ऽगुम्¦हु॒वेम॑¦वृ॒क्तऽब॑र्हिषः | |
| केते᳚न॒शर्म᳚न्त्सचतेसुषा॒मण्यग्ने॒तुभ्यं᳚चिकि॒त्वना᳚ | इ॒ष॒ण्यया᳚नःपुरु॒रूप॒माभ॑र॒वाजं॒नेदि॑ष्ठमू॒तये᳚ || 18 || केते᳚न¦शर्म॑न्¦स॒च॒ते॒¦सु॒ऽसा॒मनि॑¦अग्ने᳚¦तुभ्य᳚म्¦चि॒कि॒त्वना᳚ | |
| अग्ने॒जरि॑तर्वि॒श्पति॑स्तेपा॒नोदे᳚वर॒क्षसः॑ | अप्रो᳚षिवान्गृ॒हप॑तिर्म॒हाँ,अ॑सिदि॒वस्पा॒युर्दु॑रोण॒युः || 19 || अग्ने᳚¦जरि॑तः¦वि॒श्पतिः॑¦ते॒पा॒नः¦दे॒व॒¦र॒क्षसः॑ | |
| मानो॒रक्ष॒आवे᳚शीदाघृणीवसो॒माया॒तुर्या᳚तु॒माव॑ताम् | प॒रो॒ग॒व्यू॒त्यनि॑रा॒मप॒क्षुध॒मग्ने॒सेध॑रक्ष॒स्विनः॑ || 20 || मा¦नः॒¦रक्षः॑¦आ¦वे॒शी॒त्¦आ॒घृ॒णि॒व॒सो॒ इत्या᳚घृणिऽवसो¦मा¦या॒तुः¦या॒तु॒ऽमाव॑ताम् | |
| [50] उभयमित्यष्टादशर्चस्य सूक्तस्य प्रागाथोभर्गइंद्रः अयुजो बृहत्योयुजः सतोबृहत्यः |{अष्टक:6, अध्याय:4}{मंडल:8, सूक्त:61}{अनुवाक:7, सूक्त:2} |
| उ॒भयं᳚शृ॒णव॑च्चन॒इन्द्रो᳚,अ॒र्वागि॒दंवचः॑ | स॒त्राच्या᳚म॒घवा॒सोम॑पीतयेधि॒याशवि॑ष्ठ॒आग॑मत् || 1 || वर्ग:36 उ॒भय᳚म्¦शृ॒णव॑त्¦च॒¦नः॒¦इन्द्रः॑¦अ॒र्वाक्¦इ॒दम्¦वचः॑ | |
| तंहिस्व॒राजं᳚वृष॒भंतमोज॑सेधि॒षणे᳚निष्टत॒क्षतुः॑ | उ॒तोप॒मानां᳚प्रथ॒मोनिषी᳚दसि॒सोम॑कामं॒हिते॒मनः॑ || 2 || तम्¦हि¦स्व॒ऽराज᳚म्¦वृ॒ष॒भम्¦तम्¦ओज॑से¦धि॒षणे॒ इति॑¦निः॒ऽत॒त॒क्षतुः॑ | |
| आवृ॑षस्वपुरूवसोसु॒तस्ये॒न्द्रान्ध॑सः | वि॒द्माहित्वा᳚हरिवःपृ॒त्सुसा᳚स॒हिमधृ॑ष्टंचिद्दधृ॒ष्वणि᳚म् || 3 || आ¦वृ॒ष॒स्व॒¦पु॒रु॒व॒सो॒ इति॑ पुरुऽवसो¦सु॒तस्य॑¦इ॒न्द्र॒¦अन्ध॑सः | |
| अप्रा᳚मिसत्यमघव॒न्तथेद॑स॒दिन्द्र॒क्रत्वा॒यथा॒वशः॑ | स॒नेम॒वाजं॒तव॑शिप्रि॒न्नव॑साम॒क्षूचि॒द्यन्तो᳚,अद्रिवः || 4 || अप्रा᳚मिऽसत्य¦म॒घ॒ऽव॒न्¦तथा᳚¦इत्¦अ॒स॒त्¦इन्द्र॑¦क्रत्वा᳚¦यथा᳚¦वशः॑ | |
| श॒ग्ध्यू॒३॑(ऊ॒)षुश॑चीपत॒इन्द्र॒विश्वा᳚भिरू॒तिभिः॑ | भगं॒नहित्वा᳚य॒शसं᳚वसु॒विद॒मनु॑शूर॒चरा᳚मसि || 5 || श॒ग्धि¦ऊँ॒ इति॑¦सु¦श॒ची॒ऽप॒ते॒¦इन्द्र॑¦विश्वा᳚भिः¦ऊ॒तिऽभिः॑ | |
| पौ॒रो,अश्व॑स्यपुरु॒कृद्गवा᳚म॒स्युत्सो᳚देवहिर॒ण्ययः॑ | नकि॒र्हिदानं᳚परि॒मर्धि॑ष॒त्त्वेयद्य॒द्यामि॒तदाभ॑र || 6 || वर्ग:37 पौ॒रः¦अश्व॑स्य¦पु॒रु॒ऽकृत्¦गवा᳚म्¦अ॒सि॒¦उत्सः॑¦दे॒व॒¦हि॒र॒ण्ययः॑ | |
| त्वंह्येहि॒चेर॑वेवि॒दाभगं॒वसु॑त्तये | उद्वा᳚वृषस्वमघव॒न्गवि॑ष्टय॒उदि॒न्द्राश्व॑मिष्टये || 7 || त्वम्¦हि¦आ¦इ॒हि॒¦चेर॑वे¦वि॒दाः¦भग᳚म्¦वसु॑त्तये | |
| त्वंपु॒रूस॒हस्रा᳚णिश॒तानि॑चयू॒थादा॒नाय॑मंहसे | आपु॑रंद॒रंच॑कृम॒विप्र॑वचस॒इन्द्रं॒गाय॒न्तोऽव॑से || 8 || त्वम्¦पु॒रु¦स॒हस्रा᳚णि¦श॒तानि॑¦च॒¦यू॒था¦दा॒नाय॑¦मं॒ह॒से॒ | |
| अ॒वि॒प्रोवा॒यदवि॑ध॒द्विप्रो᳚वेन्द्रते॒वचः॑ | सप्रम॑मन्दत्त्वा॒याश॑तक्रतो॒प्राचा᳚मन्यो॒,अहं᳚सन || 9 || अ॒वि॒प्रः¦वा॒¦यत्¦अवि॑धत्¦विप्रः॑¦वा॒¦इ॒न्द्र॒¦ते॒¦वचः॑ | |
| उ॒ग्रबा᳚हुर्म्रक्ष॒कृत्वा᳚पुरंद॒रोयदि॑मेशृ॒णव॒द्धव᳚म् | व॒सू॒यवो॒वसु॑पतिंश॒तक्र॑तुं॒स्तोमै॒रिन्द्रं᳚हवामहे || 10 || उ॒ग्रऽबा᳚हुः¦म्र॒क्ष॒ऽकृत्वा᳚¦पु॒र॒म्ऽद॒रः¦यदि॑¦मे॒¦शृ॒णव॑त्¦हव᳚म् | |
| नपा॒पासो᳚मनामहे॒नारा᳚यासो॒नजळ्ह॑वः | यदिन्न्विन्द्रं॒वृष॑णं॒सचा᳚सु॒तेसखा᳚यंकृ॒णवा᳚महै || 11 || वर्ग:38 न¦पा॒पासः॑¦म॒ना॒म॒हे॒¦न¦अरा᳚यासः¦न¦जळ्ह॑वः | |
| उ॒ग्रंयु॑युज्म॒पृत॑नासुसास॒हिमृ॒णका᳚ति॒मदा᳚भ्यम् | वेदा᳚भृ॒मंचि॒त्सनि॑तार॒थीत॑मोवा॒जिनं॒यमिदू॒नश॑त् || 12 || उ॒ग्रम्¦यु॒यु॒ज्म॒¦पृत॑नासु¦स॒स॒हिम्¦ऋ॒णऽका᳚तिम्¦अदा᳚भ्यम् | |
| यत॑इन्द्र॒भया᳚महे॒¦ततो᳚नो॒,अभ॑यंकृधि | मघ॑वञ्छ॒ग्धितव॒तन्न॑ऊ॒तिभि॒¦र्विद्विषो॒विमृधो᳚जहि || 13 || यतः॑¦इ॒न्द्र॒¦भया᳚महे¦ततः॑¦नः॒¦अभ॑यम्¦कृ॒धि॒ | |
| त्वंहिरा᳚धस्पते॒राध॑सोम॒हः,क्षय॒स्यासि॑विध॒तः | तंत्वा᳚व॒यंम॑घवन्निन्द्रगिर्वणःसु॒ताव᳚न्तोहवामहे || 14 || त्वम्¦हि¦रा॒धः॒ऽप॒ते॒¦राध॑सः¦म॒हः¦क्षय॑स्य¦असि॑¦वि॒ध॒तः | |
| इन्द्रः॒स्पळु॒तवृ॑त्र॒हाप॑र॒स्पानो॒वरे᳚ण्यः | सनो᳚रक्षिषच्चर॒मंसम॑ध्य॒मंसप॒श्चात्पा᳚तुनःपु॒रः || 15 || इन्द्रः॑¦स्पट्¦उ॒त¦वृ॒त्र॒ऽहा¦प॒रः॒ऽपाः¦नः॒¦वरे᳚ण्यः | |
| त्वंनः॑प॒श्चाद॑ध॒रादु॑त्त॒रात्पु॒रइन्द्र॒निपा᳚हिवि॒श्वतः॑ | आ॒रे,अ॒स्मत्कृ॑णुहि॒दैव्यं᳚भ॒यमा॒रेहे॒तीरदे᳚वीः || 16 || वर्ग:39 त्वम्¦नः॒¦प॒श्चात्¦अ॒ध॒रात्¦उ॒त्त॒रात्¦पु॒रः¦इन्द्र॑¦नि¦पा॒हि॒¦वि॒श्वतः॑ | |
| अ॒द्याद्या॒श्वःश्व॒इन्द्र॒त्रास्व॑प॒रेच॑नः | विश्वा᳚चनोजरि॒तॄन्त्स॑त्पते॒,अहा॒दिवा॒नक्तं᳚चरक्षिषः || 17 || अ॒द्य।आ॑द्य¦श्वःऽश्वः॑¦इन्द्र॑स्¦त्रास्व॑¦प॒रे¦च॒¦नः॒ | |
| प्र॒भ॒ङ्गीशूरो᳚म॒घवा᳚तु॒वीम॑घः॒सम्मि॑श्लोवि॒र्या᳚य॒कम् | उ॒भाते᳚बा॒हूवृष॑णाशतक्रतो॒नियावज्रं᳚मिमि॒क्षतुः॑ || 18 || प्र॒ऽभ॒ङ्गी¦शूरः॑¦म॒घऽवा᳚¦तु॒विऽम॑घः¦सम्ऽमि॑श्लः¦वी॒र्या᳚य¦कम् | |
| [51] प्रोअस्माइति द्वादशर्चस्य सूक्तस्य काण्वःप्रगाथइंद्रः पंक्तिः सप्तम्याद्यास्तिस्रो बृहत्यः |{अष्टक:6, अध्याय:4}{मंडल:8, सूक्त:62}{अनुवाक:7, सूक्त:3} |
| प्रो,अ॑स्मा॒,उप॑स्तुतिं॒भर॑ता॒यज्जुजो᳚षति | उ॒क्थैरिन्द्र॑स्य॒माहि॑नं॒वयो᳚वर्धन्तिसो॒मिनो᳚भ॒द्रा,इन्द्र॑स्यरा॒तयः॑ || 1 || वर्ग:40 प्रो इति॑¦अ॒स्मै॒¦उप॑ऽस्तुतिम्¦भर॑त¦यत्¦जुजो᳚षति | |
| अ॒यु॒जो,अस॑मो॒नृभि॒रेकः॑कृ॒ष्टीर॒यास्यः॑ | पू॒र्वीरति॒प्रवा᳚वृधे॒विश्वा᳚जा॒तान्योज॑साभ॒द्रा,इन्द्र॑स्यरा॒तयः॑ || 2 || अ॒यु॒जः¦अस॑मः¦नृऽभिः॑¦एकः॑¦कृ॒ष्टीः¦अ॒यास्यः॑ | |
| अहि॑तेनचि॒दर्व॑ताजी॒रदा᳚नुःसिषासति | प्र॒वाच्य॑मिन्द्र॒तत्तव॑वी॒र्या᳚णिकरिष्य॒तोभ॒द्रा,इन्द्र॑स्यरा॒तयः॑ || 3 || अहि॑तेन¦चि॒त्¦अर्व॑ता¦जी॒रऽदा᳚नुः¦सि॒सा॒स॒ति॒ | |
| आया᳚हिकृ॒णवा᳚मत॒इन्द्र॒ब्रह्मा᳚णि॒वर्ध॑ना | येभिः॑शविष्ठचा॒कनो᳚भ॒द्रमि॒हश्र॑वस्य॒तेभ॒द्रा,इन्द्र॑स्यरा॒तयः॑ || 4 || आ¦या॒हि॒¦कृ॒णवा᳚म¦ते॒¦इन्द्र॑¦ब्रह्मा᳚णि¦वर्ध॑ना | |
| धृ॒ष॒तश्चि॑द्धृ॒षन्मनः॑कृ॒णोषी᳚न्द्र॒यत्त्वम् | ती॒व्रैःसोमैः᳚सपर्य॒तोनमो᳚भिःप्रति॒भूष॑तोभ॒द्रा,इन्द्र॑स्यरा॒तयः॑ || 5 || धृ॒ष॒तः¦चि॒त्¦धृ॒षत्¦मनः॑¦कृ॒णोषि॑¦इ॒न्द्र॒¦यत्¦त्वम् | |
| अव॑चष्ट॒ऋची᳚षमोऽव॒ताँ,इ॑व॒मानु॑षः | जु॒ष्ट्वीदक्ष॑स्यसो॒मिनः॒सखा᳚यंकृणुते॒युजं᳚भ॒द्रा,इन्द्र॑स्यरा॒तयः॑ || 6 || अव॑¦च॒ष्टे॒¦ऋची᳚षमः¦अ॒व॒तान्ऽइ᳚व¦मानु॑षः | |
| विश्वे᳚तइन्द्रवी॒र्यं᳚दे॒वा,अनु॒क्रतुं᳚ददुः | भुवो॒विश्व॑स्य॒गोप॑तिःपुरुष्टुतभ॒द्रा,इन्द्र॑स्यरा॒तयः॑ || 7 || वर्ग:41 विश्वे᳚¦ते॒¦इ॒न्द्र॒¦वी॒र्य᳚म्¦दे॒वाः¦अनु॑¦क्रतु᳚म्¦द॒दुः॒ | |
| गृ॒णेतदि᳚न्द्रते॒शव॑उप॒मंदे॒वता᳚तये | यद्धंसि॑वृ॒त्रमोज॑साशचीपतेभ॒द्रा,इन्द्र॑स्यरा॒तयः॑ || 8 || गृ॒णे¦तत्¦इ॒न्द्र॒¦ते॒¦शवः॑¦उ॒प॒ऽमम्¦दे॒वऽता᳚तये | |
| सम॑नेववपुष्य॒तःकृ॒णव॒न्मानु॑षायु॒गा | वि॒देतदिन्द्र॒श्चेत॑न॒मध॑श्रु॒तोभ॒द्रा,इन्द्र॑स्यरा॒तयः॑ || 9 || सम॑नाऽइव¦व॒पु॒ष्य॒तः¦कृ॒णव॑त्¦मानु॑षा¦यु॒गा | |
| उज्जा॒तमि᳚न्द्रते॒शव॒उत्त्वामुत्तव॒क्रतु᳚म् | भूरि॑गो॒भूरि॑वावृधु॒र्मघ॑व॒न्तव॒शर्म॑णिभ॒द्रा,इन्द्र॑स्यरा॒तयः॑ || 10 || उत्¦जा॒तम्¦इ॒न्द्र॒¦ते॒¦शवः॑¦उत्¦त्वाम्¦उत्¦तव॑¦क्रतु᳚म् | |
| अ॒हंच॒त्वंच॑वृत्रह॒न्त्संयु॑ज्यावस॒निभ्य॒आ | अ॒रा॒ती॒वाचि॑दद्रि॒वोऽनु॑नौशूरमंसतेभ॒द्रा,इन्द्र॑स्यरा॒तयः॑ || 11 || अ॒हम्¦च॒¦त्वम्¦च॒¦वृ॒त्र॒ऽह॒न्¦सम्¦यु॒ज्या॒व॒¦स॒निऽभ्यः॑¦आ | |
| स॒त्यमिद्वा,उ॒तंव॒यमिन्द्रं᳚स्तवाम॒नानृ॑तम् | म॒हाँ,असु᳚न्वतोव॒धोभूरि॒ज्योतीं᳚षिसुन्व॒तोभ॒द्रा,इन्द्र॑स्यरा॒तयः॑ || 12 || स॒त्यम्¦इत्¦वै¦ऊँ॒ इति॑¦तम्¦व॒यम्¦इन्द्र᳚म्¦स्त॒वा॒म॒¦न¦अनृ॑तम् | |
| [52] सपूर्व्यइति द्वादशर्चस्य सूक्तस्य काण्वः प्रगाथइंद्रोत्यायादेवागायत्री आद्या चतुर्थीपंचमीसप्तम्योनुष्टुभः अंत्यात्रिष्टुप् |{अष्टक:6, अध्याय:4}{मंडल:8, सूक्त:63}{अनुवाक:7, सूक्त:4} |
| सपू॒र्व्योम॒हानां᳚वे॒नःक्रतु॑भिरानजे | यस्य॒द्वारा॒मनु॑ष्पि॒तादे॒वेषु॒धिय॑आन॒जे || 1 || वर्ग:42 सः¦पू॒र्व्यः¦म॒हाना᳚म्¦वे॒नः¦क्रतु॑ऽभिः¦आ॒न॒जे॒ | यस्य॑¦द्वारा᳚¦मनुः॑¦पि॒ता¦दे॒वेषु॑¦धियः॑¦आ॒न॒जे || |
| दि॒वोमानं॒नोत्स॑द॒न्त्सोम॑पृष्ठासो॒,अद्र॑यः | उ॒क्थाब्रह्म॑च॒शंस्या᳚ || 2 || दि॒वः¦मान᳚म्¦न¦उत्¦स॒द॒न्¦सोम॑ऽपृष्ठासः¦अद्र॑यः | उ॒क्था¦ब्रह्म॑¦च॒¦शंस्या᳚ || |
| सवि॒द्वाँ,अङ्गि॑रोभ्य॒इन्द्रो॒गा,अ॑वृणो॒दप॑ | स्तु॒षेतद॑स्य॒पौंस्य᳚म् || 3 || सः¦वि॒द्वान्¦अङ्गि॑रःऽभ्यः¦इन्द्रः॑¦गाः¦अ॒वृ॒णो॒त्¦अप॑ | स्तु॒षे¦तत्¦अ॒स्य॒¦पौंस्य᳚म् || |
| सप्र॒त्नथा᳚कविवृ॒धइन्द्रो᳚वा॒कस्य॑व॒क्षणिः॑ | शि॒वो,अ॒र्कस्य॒होम᳚न्यस्म॒त्राग॒न्त्वव॑से || 4 || सः¦प्र॒त्नऽथा᳚¦क॒वि॒ऽवृ॒धः¦इन्द्रः॑¦वा॒कस्य॑¦व॒क्षणिः॑ | शि॒वः¦अ॒र्कस्य॑¦होम॑नि¦अ॒स्म॒ऽत्रा¦ग॒न्तु॒¦अव॑से || |
| आदू॒नुते॒,अनु॒क्रतुं॒स्वाहा॒वर॑स्य॒यज्य॑वः | श्वा॒त्रम॒र्का,अ॑नूष॒तेन्द्र॑गो॒त्रस्य॑दा॒वने᳚ || 5 || आत्¦ऊँ॒ इति॑¦नु¦ते॒¦अनु॑¦क्रतु᳚म्¦स्वाहा᳚¦वर॑स्य¦यज्य॑वः | श्वा॒त्रम्¦अ॒र्काः¦अ॒नू॒ष॒त॒¦इन्द्र॑¦गो॒त्रस्य॑¦दा॒वने᳚ || |
| इन्द्रे॒विश्वा᳚निवी॒र्या᳚कृ॒तानि॒कर्त्वा᳚निच | यम॒र्का,अ॑ध्व॒रंवि॒दुः || 6 || इन्द्रे᳚¦विश्वा᳚नि¦वी॒र्या᳚¦कृ॒तानि॑¦कर्त्वा᳚नि¦च॒ | यम्¦अ॒र्काः¦अ॒ध्व॒रम्¦वि॒दुः || |
| यत्पाञ्च॑जन्ययावि॒शेन्द्रे॒घोषा॒,असृ॑क्षत | अस्तृ॑णाद्ब॒र्हणा᳚वि॒पो॒३॑(ओ॒)ऽर्योमान॑स्य॒सक्षयः॑ || 7 || वर्ग:43 यत्¦पांच॑ऽजन्यया¦वि॒शा¦इन्द्रे᳚¦घोषाः᳚¦असृ॑क्षत | अस्तृ॑णात्¦ब॒र्हणा᳚¦वि॒पः¦अ॒र्यः¦मान॑स्य¦सः¦क्षयः॑ || |
| इ॒यमु॑ते॒,अनु॑ष्टुतिश्चकृ॒षेतानि॒पौंस्या᳚ | प्राव॑श्च॒क्रस्य॑वर्त॒निम् || 8 || इ॒यम्¦ऊँ॒ इति॑¦ते॒¦अनु॑ऽस्तुतिः¦च॒कृ॒षे¦तानि॑¦पौंस्या᳚ | प्र¦आ॒वः॒¦च॒क्रस्य॑¦व॒र्त॒निम् || |
| अ॒स्यवृष्णो॒व्योद॑नउ॒रुक्र॑मिष्टजी॒वसे᳚ | यवं॒नप॒श्वआद॑दे || 9 || अ॒स्य¦वृष्णः॑¦वि॒ऽओद॑ने¦उ॒रु¦क्र॒मि॒ष्ट॒¦जी॒वसे᳚ | यव᳚म्¦न¦प॒श्वः¦आ¦द॒दे॒ || |
| तद्दधा᳚ना,अव॒स्यवो᳚यु॒ष्माभि॒र्दक्ष॑पितरः | स्याम॑म॒रुत्व॑तोवृ॒धे || 10 || तत्¦दधा᳚नाः¦अ॒व॒स्यवः॑¦यु॒ष्माभिः॑¦दक्ष॑ऽपितरः | स्याम॑¦म॒रुत्व॑तः¦वृ॒धे || |
| बळृ॒त्विया᳚य॒धाम्न॒ऋक्व॑भिःशूरनोनुमः | जेषा᳚मेन्द्र॒त्वया᳚यु॒जा || 11 || बट्¦ऋ॒त्विया᳚य¦धाम्ने᳚¦ऋक्व॑ऽभिः¦शू॒र॒¦नो॒नु॒मः॒ | जेषा᳚म¦इ॒न्द्र॒¦त्वया᳚¦यु॒जा || |
| अ॒स्मेरु॒द्रामे॒हना॒पर्व॑तासो¦वृत्र॒हत्ये॒भर॑हूतौस॒जोषाः᳚ | यःशंस॑तेस्तुव॒तेधायि॑प॒ज्र¦इन्द्र॑ज्येष्ठा,अ॒स्माँ,अ॑वन्तुदे॒वाः || 12 || अ॒स्मे इति॑¦रु॒द्राः¦मे॒हना᳚¦पर्व॑तासः¦वृ॒त्र॒ऽहत्ये᳚¦भर॑ऽहूतौ¦स॒ऽजोषाः᳚ | |
| [53] उत्त्वामंदत्विति द्वादशर्चस्य सूक्तस्य काण्वःप्रगाथइंद्रोगायत्री |{अष्टक:6, अध्याय:4}{मंडल:8, सूक्त:64}{अनुवाक:7, सूक्त:5} |
| उत्त्वा᳚मन्दन्तु॒स्तोमाः᳚कृणु॒ष्वराधो᳚,अद्रिवः | अव॑ब्रह्म॒द्विषो᳚जहि || 1 || वर्ग:44 उत्¦त्वा॒¦म॒न्द॒न्तु॒¦स्तोमाः᳚¦कृ॒णु॒ष्व¦राधः॑¦अ॒द्रि॒ऽवः॒ | अव॑¦ब्र॒ह्म॒ऽद्विषः॑¦ज॒हि॒ || |
| प॒दाप॒णीँर॑रा॒धसो॒निबा᳚धस्वम॒हाँ,अ॑सि | न॒हित्वा॒कश्च॒नप्रति॑ || 2 || प॒दा¦प॒णीन्¦अ॒रा॒धसः॑¦नि¦बा॒ध॒स्व॒¦म॒हान्¦अ॒सि॒ | न॒हि¦त्वा॒¦कः¦च॒न¦प्रति॑ || |
| त्वमी᳚शिषेसु॒ताना॒मिन्द्र॒त्वमसु॑तानाम् | त्वंराजा॒जना᳚नाम् || 3 || त्वम्¦ई॒शि॒षे॒¦सु॒ताना᳚म्¦इ॒न्द्र॒¦त्वम्¦असु॑तानाम् | त्वम्¦राजा᳚¦जना᳚नाम् || |
| एहि॒प्रेहि॒क्षयो᳚दि॒व्या॒३॑(आ॒)घोष᳚ञ्चर्षणी॒नाम् | ओभेपृ॑णासि॒रोद॑सी || 4 || आ¦इ॒हि॒¦प्र¦इ॒हि॒¦क्षयः॑¦दि॒वि¦आ॒ऽघोष॑न्¦च॒र्ष॒णी॒णाम् | आ¦उ॒भे इति॑¦पृ॒णा॒सि॒¦रोद॑सी॒ इति॑ || |
| त्यंचि॒त्पर्व॑तंगि॒रिंश॒तव᳚न्तंसह॒स्रिण᳚म् | विस्तो॒तृभ्यो᳚रुरोजिथ || 5 || त्यम्¦चि॒त्¦पर्व॑तम्¦गि॒रिम्¦श॒तऽव᳚न्तम्¦स॒ह॒स्रिण᳚म् | वि¦स्तो॒तृऽभ्यः॑¦रु॒रो॒जि॒थ॒ || |
| व॒यमु॑त्वा॒दिवा᳚सु॒तेव॒यंनक्तं᳚हवामहे | अ॒स्माकं॒काम॒मापृ॑ण || 6 || व॒यम्¦ऊँ॒ इति॑¦त्वा॒¦दिवा᳚¦सु॒ते¦व॒यम्¦नक्त᳚म्¦ह॒वा॒म॒हे॒ | अ॒स्माक᳚म्¦काम᳚म्¦आ¦पृ॒ण॒ || |
| क्व१॑(अ॒)स्यवृ॑ष॒भोयुवा᳚तुवि॒ग्रीवो॒,अना᳚नतः | ब्र॒ह्माकस्तंस॑पर्यति || 7 || वर्ग:45 क्व॑¦स्यः¦वृ॒ष॒भः¦युवा᳚¦तु॒वि॒ऽग्रीवः॑¦अना᳚नतः | ब्र॒ह्मा¦कः¦तम्¦स॒प॒र्य॒ति॒ || |
| कस्य॑स्वि॒त्सव॑नं॒वृषा᳚जुजु॒ष्वाँ,अव॑गच्छति | इन्द्रं॒कउ॑स्वि॒दाच॑के || 8 || कस्य॑¦स्वि॒त्¦सव॑नम्¦वृषा᳚¦जु॒जु॒ष्वान्¦अव॑¦ग॒च्छ॒ति॒ | इन्द्र᳚म्¦कः¦ऊँ॒ इति॑¦स्वि॒त्¦आ¦च॒के॒ || |
| कंते᳚दा॒ना,अ॑सक्षत॒वृत्र॑ह॒न्कंसु॒वीर्या᳚ | उ॒क्थेकउ॑स्वि॒दन्त॑मः || 9 || कम्¦ते॒¦दा॒नाः¦अ॒स॒क्ष॒त॒¦वृत्र॑ऽहन्¦कम्¦सु॒ऽवीर्या᳚ | उ॒क्थे¦कः¦ऊँ॒ इति॑¦स्वि॒त्¦अन्त॑मः || |
| अ॒यंते॒मानु॑षे॒जने॒सोमः॑पू॒रुषु॑सूयते | तस्येहि॒प्रद्र॑वा॒पिब॑ || 10 || अ॒यम्¦ते॒¦मानु॑षे¦जने᳚¦सोमः॑¦पू॒रुषु॑¦सू॒य॒ते॒ | तस्य॑¦आ¦इ॒हि॒¦प्र¦द्र॒व॒¦पिब॑ || |
| अ॒यंते᳚शर्य॒णाव॑तिसु॒षोमा᳚या॒मधि॑प्रि॒यः | आ॒र्जी॒कीये᳚म॒दिन्त॑मः || 11 || अ॒यम्¦ते॒¦श॒र्य॒णाऽव॑ति¦सु॒ऽसोमा᳚याम्¦अधि॑¦प्रि॒यः | आ॒र्जी॒कीये᳚¦म॒दिन्ऽत॑मः || |
| तम॒द्यराध॑सेम॒हेचारुं॒मदा᳚य॒घृष्व॑ये | एही᳚मिन्द्र॒द्रवा॒पिब॑ || 12 || तम्¦अ॒द्य¦राध॑से¦म॒हे¦चारु᳚म्¦मदा᳚य¦घृष्व॑ये | आ¦इ॒हि॒¦ई॒म्¦इ॒न्द्र॒¦द्रव॑¦पिब॑ || |
| [54] यदिंद्रेति द्वादशर्चस्य सूक्तस्य काण्वःप्रगाथइंद्रोगायत्री |{अष्टक:6, अध्याय:4}{मंडल:8, सूक्त:65}{अनुवाक:7, सूक्त:6} |
| यदि᳚न्द्र॒प्रागपा॒गुद॒ङ्न्य॑ग्वाहू॒यसे॒नृभिः॑ | आया᳚हि॒तूय॑मा॒शुभिः॑ || 1 || वर्ग:46 यत्¦इ॒न्द्र॒¦प्राक्¦अपा᳚क्¦उद॑क्¦न्य॑क्¦वा॒¦हू॒यसे᳚¦नृऽभिः॑ | आ¦या॒हि॒¦तूय᳚म्¦आ॒शुऽभिः॑ || |
| यद्वा᳚प्र॒स्रव॑णेदि॒वोमा॒दया᳚से॒स्व᳚र्णरे | यद्वा᳚समु॒द्रे,अन्ध॑सः || 2 || यत्¦वा॒¦प्र॒ऽस्रव॑णे¦दि॒वः¦मा॒दया᳚से¦स्वः॑ऽनरे | यत्¦वा॒¦स॒मु॒द्रे¦अन्ध॑सः || |
| आत्वा᳚गी॒र्भिर्म॒हामु॒रुंहु॒वेगामि॑व॒भोज॑से | इन्द्र॒सोम॑स्यपी॒तये᳚ || 3 || आ¦त्वा॒¦गीः॒ऽभिः¦म॒हाम्¦उ॒रुम्¦हु॒वे¦गाम्ऽइ᳚व¦भोज॑से | इन्द्र॑¦सोम॑स्य¦पी॒तये᳚ || |
| आत॑इन्द्रमहि॒मानं॒हर॑योदेवते॒महः॑ | रथे᳚वहन्तु॒बिभ्र॑तः || 4 || आ¦ते॒¦इ॒न्द्र॒¦म॒हि॒मान᳚म्¦हर॑यः¦दे॒व॒¦ते॒¦महः॑ | रथे᳚¦व॒ह॒न्तु॒¦बिभ्र॑तः || |
| इन्द्र॑गृणी॒षउ॑स्तु॒षेम॒हाँ,उ॒ग्रई᳚शान॒कृत् | एहि॑नःसु॒तंपिब॑ || 5 || इन्द्र॑¦गृ॒णी॒षे¦ऊँ॒ इति॑¦स्तु॒षे¦म॒हान्¦उ॒ग्रः¦ई॒शा॒न॒ऽकृत् | आ¦इ॒हि॒¦नः॒¦सु॒तम्¦पिब॑ || |
| सु॒ताव᳚न्तस्त्वाव॒यंप्रय॑स्वन्तोहवामहे | इ॒दंनो᳚ब॒र्हिरा॒सदे᳚ || 6 || सु॒तऽव᳚न्तः¦त्वा॒¦व॒यम्¦प्रय॑स्वन्तः¦ह॒वा॒म॒हे॒ | इ॒दम्¦नः॒¦ब॒र्हिः¦आ॒ऽसदे᳚ || |
| यच्चि॒द्धिशश्व॑ता॒मसीन्द्र॒साधा᳚रण॒स्त्वम् | तंत्वा᳚व॒यंह॑वामहे || 7 || वर्ग:47 यत्¦चि॒त्¦हि¦शश्व॑ताम्¦असि॑¦इन्द्र॑¦साधा᳚रणः¦त्वम् | तम्¦त्वा॒¦व॒यम्¦ह॒वा॒म॒हे॒ || |
| इ॒दंते᳚सो॒म्यंमध्वधु॑क्ष॒न्नद्रि॑भि॒र्नरः॑ | जु॒षा॒णइ᳚न्द्र॒तत्पि॑ब || 8 || इ॒दम्¦ते॒¦सो॒म्यम्¦मधु॑¦अधु॑क्षन्¦अद्रि॑ऽभिः¦नरः॑ | जु॒षा॒णः¦इ॒न्द्र॒¦तत्¦पि॒ब॒ || |
| विश्वाँ᳚,अ॒र्योवि॑प॒श्चितोऽति॑ख्य॒स्तूय॒माग॑हि | अ॒स्मेधे᳚हि॒श्रवो᳚बृ॒हत् || 9 || विश्वा᳚न्¦अ॒र्यः¦वि॒पः॒ऽचितः॑¦अति॑¦ख्यः॒¦तूय᳚म्¦आ¦ग॒हि॒ | अ॒स्मे इति॑¦धे॒हि॒¦श्रवः॑¦बृ॒हत् || |
| दा॒तामे॒पृष॑तीनां॒राजा᳚हिरण्य॒वीना᳚म् | मादे᳚वाम॒घवा᳚रिषत् || 10 || दा॒ता¦मे॒¦पृष॑तीनाम्¦राजा᳚¦हि॒र॒ण्य॒ऽवीना᳚म् | मा¦दे॒वाः॒¦म॒घऽवा᳚¦रि॒ष॒त् || |
| स॒हस्रे॒पृष॑तीना॒मधि॑श्च॒न्द्रंबृ॒हत्पृ॒थु | शु॒क्रंहिर᳚ण्य॒माद॑दे || 11 || स॒हस्रे᳚¦पृष॑तीनाम्¦अधि॑¦च॒न्द्रम्¦बृ॒हत्¦पृ॒थु | शु॒क्रम्¦हिर᳚ण्यम्¦आ¦द॒दे॒ || |
| नपा᳚तोदु॒र्गह॑स्यमेस॒हस्रे᳚णसु॒राध॑सः | श्रवो᳚दे॒वेष्व॑क्रत || 12 || नपा᳚तः¦दुः॒ऽगह॑स्य¦मे॒¦स॒हस्रे᳚ण¦सु॒ऽराध॑सः | श्रवः॑¦दे॒वेषु॑¦अ॒क्र॒त॒ || |
| [55] तरोभिरिति पंचदशर्चस्य सूक्तस्य प्रागाथः कलिरिंद्रः प्रथमादित्रयोदश्यंताअयुजोवृहत्यः द्वितीयादियुजःसतोबृहत्योंत्यानुष्टुप् |{अष्टक:6, अध्याय:4}{मंडल:8, सूक्त:66}{अनुवाक:7, सूक्त:7} |
| तरो᳚भिर्वोवि॒दद्व॑सु॒मिन्द्रं᳚स॒बाध॑ऊ॒तये᳚ | बृ॒हद्गाय᳚न्तःसु॒तसो᳚मे,अध्व॒रेहु॒वेभरं॒नका॒रिण᳚म् || 1 || वर्ग:48 तरः॑ऽभिः¦वः॒¦वि॒दत्ऽव॑सुम्¦इन्द्र᳚म्¦स॒ऽबाधः॑¦ऊ॒तये᳚ | |
| नयंदु॒ध्रावर᳚न्ते॒नस्थि॒रामुरो॒मदे᳚सुशि॒प्रमन्ध॑सः | यआ॒दृत्या᳚शशमा॒नाय॑सुन्व॒तेदाता᳚जरि॒त्रउ॒क्थ्य᳚म् || 2 || न¦यम्¦दु॒ध्राः¦वर᳚न्ते¦न¦स्थि॒राः¦मुरः॑¦मदे᳚¦सु॒ऽशि॒प्रम्¦अन्ध॑सः | |
| यःश॒क्रोमृ॒क्षो,अश्व्यो॒योवा॒कीजो᳚हिर॒ण्ययः॑ | सऊ॒र्वस्य॑रेजय॒त्यपा᳚वृति॒मिन्द्रो॒गव्य॑स्यवृत्र॒हा || 3 || यः¦श॒क्रः¦मृ॒क्षः¦अश्व्यः॑¦यः¦वा॒¦कीजः॑¦हि॒र॒ण्ययः॑ | |
| निखा᳚तंचि॒द्यःपु॑रुसम्भृ॒तंवसूदिद्वप॑तिदा॒शुषे᳚ | व॒ज्रीसु॑शि॒प्रोहर्य॑श्व॒इत्क॑र॒दिन्द्रः॒क्रत्वा॒यथा॒वश॑त् || 4 || निऽखा᳚तम्¦चि॒त्¦यः¦पु॒रु॒ऽसं॒भृ॒तम्¦वसु॑¦उत्¦इत्¦वप॑ति¦दा॒शुषे᳚ | |
| यद्वा॒वन्थ॑पुरुष्टुतपु॒राचि॑च्छूरनृ॒णाम् | व॒यंतत्त॑इन्द्र॒संभ॑रामसिय॒ज्ञमु॒क्थंतु॒रंवचः॑ || 5 || यत्¦व॒वन्थ॑¦पु॒रु॒ऽस्तु॒त॒¦पु॒रा¦चि॒त्¦शू॒र॒¦नृ॒णाम् | |
| सचा॒सोमे᳚षुपुरुहूतवज्रिवो॒मदा᳚यद्युक्षसोमपाः | त्वमिद्धिब्र᳚ह्म॒कृते॒काम्यं॒वसु॒देष्ठः॑सुन्व॒तेभुवः॑ || 6 || वर्ग:49 सचा᳚¦सोमे᳚षु¦पु॒रु॒ऽहू॒त॒¦व॒ज्रि॒ऽवः॒¦मदा᳚य¦द्यु॒क्ष॒¦सो॒म॒ऽपाः॒ | |
| व॒यमे᳚नमि॒दाह्योऽपी᳚पेमे॒हव॒ज्रिण᳚म् | तस्मा᳚,उअ॒द्यस॑म॒नासु॒तंभ॒रानू॒नंभू᳚षतश्रु॒ते || 7 || व॒यम्¦ए॒न॒म्¦इ॒दा¦ह्यः¦अपी᳚पेम¦इ॒ह¦व॒ज्रिण᳚म् | |
| वृक॑श्चिदस्यवार॒णउ॑रा॒मथि॒राव॒युने᳚षुभूषति | सेमंनः॒स्तोमं᳚जुजुषा॒णआग॒हीन्द्र॒प्रचि॒त्रया᳚धि॒या || 8 || वृकः॑¦चि॒त्¦अ॒स्य॒¦वा॒र॒णः¦उ॒रा॒ऽमथिः॑¦आ¦व॒युने᳚षु¦भू॒ष॒ति॒ | |
| कदू॒न्व१॑(अ॒)स्याकृ॑त॒मिन्द्र॑स्यास्ति॒पौंस्य᳚म् | केनो॒नुकं॒श्रोम॑तेन॒नशु॑श्रुवेज॒नुषः॒परि॑वृत्र॒हा || 9 || कत्¦ऊँ॒ इति॑¦नु¦अ॒स्य॒¦अकृ॑तम्¦इन्द्र॑स्य¦अ॒स्ति॒¦पौंस्य᳚म् | |
| कदू᳚म॒हीरधृ॑ष्टा,अस्य॒तवि॑षीः॒कदु॑वृत्र॒घ्नो,अस्तृ॑तम् | इन्द्रो॒विश्वा᳚न्बेक॒नाटाँ᳚,अह॒र्दृश॑उ॒तक्रत्वा᳚प॒णीँर॒भि || 10 || कत्¦ऊँ॒ इति॑¦म॒हीः¦अधृ॑ष्टाः¦अ॒स्य॒¦तवि॑षीः¦कत्¦ऊँ॒ इति॑¦वृ॒त्र॒ऽघ्नः¦अस्तृ॑तम् | |
| व॒यंघा᳚ते॒,अपू॒र्व्येन्द्र॒ब्रह्मा᳚णिवृत्रहन् | पु॒रू॒तमा᳚सःपुरुहूतवज्रिवोभृ॒तिंनप्रभ॑रामसि || 11 || वर्ग:50 व॒यम्¦घ॒¦ते॒¦अपू᳚र्व्या¦इन्द्र॑¦ब्रह्मा᳚णि¦वृ॒त्र॒ऽह॒न् | |
| पू॒र्वीश्चि॒द्धित्वेतु॑विकूर्मिन्ना॒शसो॒हव᳚न्तइन्द्रो॒तयः॑ | ति॒रश्चि॑द॒र्यःसव॒नाव॑सोगहि॒शवि॑ष्ठश्रु॒धिमे॒हव᳚म् || 12 || पू॒र्वीः¦चि॒त्¦हि¦त्वे इति॑¦तु॒वि॒ऽकू॒र्मि॒न्¦आ॒ऽशसः॑¦हव᳚न्ते¦इ॒न्द्र॒¦ऊ॒तयः॑ | |
| व॒यंघा᳚ते॒त्वे,इद्विन्द्र॒विप्रा॒,अपि॑ष्मसि | न॒हित्वद॒न्यःपु॑रुहूत॒कश्च॒नमघ॑व॒न्नस्ति॑मर्डि॒ता || 13 || व॒यम्¦घ॒¦ते॒¦त्वे इति॑¦इत्¦ऊँ॒ इति॑¦इन्द्र॑¦विप्राः᳚¦अपि॑¦स्म॒सि॒ | |
| त्वंनो᳚,अ॒स्या,अम॑तेरु॒तक्षु॒धो॒३॑(ओ॒)ऽभिश॑स्ते॒रव॑स्पृधि | त्वंन॑ऊ॒तीतव॑चि॒त्रया᳚धि॒याशिक्षा᳚शचिष्ठगातु॒वित् || 14 || त्वम्¦नः॒¦अ॒स्याः¦अम॑तेः¦उ॒त¦क्षु॒धः¦अ॒भिऽश॑स्तेः¦अव॑¦स्पृ॒धि॒ | |
| सोम॒इद्वः॑सु॒तो,अ॑स्तु॒कल॑यो॒माबि॑भीतन | अपेदे॒षध्व॒स्माय॑तिस्व॒यंघै॒षो,अपा᳚यति || 15 || सोमः॑¦इत्¦वः॒¦सु॒तः¦अ॒स्तु॒¦कल॑यः¦मा¦बि॒भी॒त॒न॒ | अप॑¦इत्¦ए॒षः¦ध्व॒स्मा¦अ॒य॒ति॒¦स्व॒यम्¦घ॒¦ए॒षः¦अप॑¦अ॒य॒ति॒ || |
| [56] त्यान्न्वित्येकविंशत्यृचस्य सूक्तस्य सांमदोमत्स्य आदित्या दशम्यादितिसृणामदितिर्गायत्री (मैत्रावरुणिर्मान्यो बहवोवामत्स्या जालनद्धाऋष) |{अष्टक:6, अध्याय:4}{मंडल:8, सूक्त:67}{अनुवाक:7, सूक्त:8} |
| त्यान्नुक्ष॒त्रियाँ॒,अव॑आदि॒त्यान्या᳚चिषामहे | सु॒मृ॒ळी॒काँ,अ॒भिष्ट॑ये || 1 || वर्ग:51 त्यान्¦नु¦क्ष॒त्रिया᳚न्¦अवः॑¦आ॒दि॒त्यान्¦या॒चि॒षा॒म॒हे॒ | सु॒ऽमृ॒ळी॒कान्¦अ॒भिष्ट॑ये || |
| मि॒त्रोनो॒,अत्यं᳚ह॒तिंवरु॑णःपर्षदर्य॒मा | आ॒दि॒त्यासो॒यथा᳚वि॒दुः || 2 || मि॒त्रः¦नः॒¦अति॑¦अं॒ह॒तिम्¦वरु॑णः¦प॒र्ष॒त्¦अ॒र्य॒मा | आ॒दि॒त्यासः॑¦यथा᳚¦वि॒दुः || |
| तेषां॒हिचि॒त्रमु॒क्थ्य१॑(अं॒)वरू᳚थ॒मस्ति॑दा॒शुषे᳚ | आ॒दि॒त्याना᳚मरं॒कृते᳚ || 3 || तेषा᳚म्¦हि¦चि॒त्रम्¦उ॒क्थ्य᳚म्¦वरू᳚थम्¦अस्ति॑¦दा॒शुषे᳚ | आ॒दि॒त्याना᳚म्¦अ॒र॒म्ऽकृते᳚ || |
| महि॑वोमह॒तामवो॒वरु॑ण॒मित्रार्य॑मन् | अवां॒स्यावृ॑णीमहे || 4 || महि॑¦वः॒¦म॒ह॒ताम्¦अवः॑¦वरु॑ण¦मित्र॑¦अर्य॑मन् | अवां᳚सि¦आ¦वृ॒णी॒म॒हे॒ || |
| जी॒वान्नो᳚,अ॒भिधे᳚त॒नादि॑त्यासःपु॒राहथा᳚त् | कद्ध॑स्थहवनश्रुतः || 5 || जी॒वान्¦नः॒¦अ॒भि¦धे॒त॒न॒¦आदि॑त्यासः¦पु॒रा¦हथा᳚त् | कत्¦ह॒¦स्थ॒¦ह॒व॒न॒ऽश्रु॒तः॒ || |
| यद्वः॑श्रा॒न्ताय॑सुन्व॒तेवरू᳚थ॒मस्ति॒यच्छ॒र्दिः | तेना᳚नो॒,अधि॑वोचत || 6 || वर्ग:52 यत्¦वः॒¦श्रा॒न्ताय॑¦सु॒न्व॒ते¦वरू᳚थम्¦अस्ति॑¦यत्¦छ॒र्दिः | तेन॑¦नः॒¦अधि॑¦वो॒च॒त॒ || |
| अस्ति॑देवा,अं॒होरु॒र्वस्ति॒रत्न॒मना᳚गसः | आदि॑त्या॒,अद्भु॑तैनसः || 7 || अस्ति॑¦दे॒वाः॒¦अं॒होः¦उ॒रु¦अस्ति॑¦रत्न᳚म्¦अना᳚गसः | आदि॑त्याः¦अद्भु॑तऽएनसः || |
| मानः॒सेतुः॑सिषेद॒यंम॒हेवृ॑णक्तुन॒स्परि॑ | इन्द्र॒इद्धिश्रु॒तोव॒शी || 8 || मा¦नः॒¦सेतुः॑¦सि॒से॒त्¦अ॒यम्¦म॒हे¦वृ॒ण॒क्तु॒¦नः॒¦परि॑ | इन्द्रः॑¦इत्¦हि¦श्रु॒तः¦व॒शी || |
| मानो᳚मृ॒चारि॑पू॒णांवृ॑जि॒नाना᳚मविष्यवः | देवा᳚,अ॒भिप्रमृ॑क्षत || 9 || मा¦नः॒¦मृ॒चा¦रि॒पू॒णाम्¦वृ॒जि॒नाना᳚म्¦अ॒वि॒ष्य॒वः॒ | देवाः᳚¦अ॒भि¦प्र¦मृ॒क्ष॒त॒ || |
| उ॒तत्वाम॑दितेमह्य॒हंदे॒व्युप॑ब्रुवे | सु॒मृ॒ळी॒काम॒भिष्ट॑ये || 10 || उ॒त¦त्वाम्¦अ॒दि॒ते॒¦म॒हि॒¦अ॒हम्¦दे॒वि॒¦उप॑¦ब्रु॒वे॒ | सु॒ऽमृ॒ळी॒काम्¦अ॒भिष्ट॑ये || |
| पर्षि॑दी॒नेग॑भी॒रआँ,उग्र॑पुत्रे॒जिघां᳚सतः | माकि॑स्तो॒कस्य॑नोरिषत् || 11 || वर्ग:53 पर्षि॑¦दी॒ने¦ग॒भी॒रे¦आ¦उग्र॑ऽपुत्रे¦जिघां᳚सतः | माकिः॑¦तो॒कस्य॑¦नः॒¦रि॒ष॒त् || |
| अ॒ने॒होन॑उरुव्रज॒उरू᳚चि॒विप्रस॑र्तवे | कृ॒धितो॒काय॑जी॒वसे᳚ || 12 || अ॒ने॒हः¦नः॒¦उ॒रु॒ऽव्र॒जे॒¦उरू᳚चि¦वि¦प्रऽस॑र्तवे | कृ॒धि¦तो॒काय॑¦जी॒वसे᳚ || |
| येमू॒र्धानः॑,क्षिती॒नामद॑ब्धासः॒स्वय॑शसः | व्र॒तारक्ष᳚न्ते,अ॒द्रुहः॑ || 13 || ये¦मू॒र्धानः॑¦क्षि॒ती॒नाम्¦अद॑ब्धासः¦स्वऽय॑शसः | व्र॒ता¦रक्ष᳚न्ते¦अ॒द्रुहः॑ || |
| तेन॑आ॒स्नोवृका᳚णा॒मादि॑त्यासोमु॒मोच॑त | स्ते॒नंब॒द्धमि॑वादिते || 14 || ते¦नः॒¦आ॒स्नः¦वृका᳚णाम्¦आदि॑त्यासः¦मु॒मोच॑त | स्ते॒नम्¦ब॒द्धम्ऽइ᳚व¦अ॒दि॒ते॒ || |
| अपो॒षुण॑इ॒यंशरु॒रादि॑त्या॒,अप॑दुर्म॒तिः | अ॒स्मदे॒त्वज॑घ्नुषी || 15 || अपो॒ इति॑¦सु¦नः॒¦इ॒यम्¦शरुः॑¦आदि॑त्याः¦अप॑¦दुः॒ऽम॒तिः | अ॒स्मत्¦ए॒तु॒¦अज॑घ्नुषी || |
| शश्व॒द्धिवः॑सुदानव॒आदि॑त्या,ऊ॒तिभि᳚र्व॒यम् | पु॒रानू॒नंबु॑भु॒ज्महे᳚ || 16 || वर्ग:54 शश्व॑त्¦हि¦वः॒¦सु॒ऽदा॒न॒वः॒¦आदि॑त्याः¦ऊ॒तिऽभिः॑¦व॒यम् | पु॒रा¦नू॒नम्¦बु॒भु॒ज्महे᳚ || |
| शश्व᳚न्तं॒हिप्र॑चेतसःप्रति॒यन्तं᳚चि॒देन॑सः | देवाः᳚कृणु॒थजी॒वसे᳚ || 17 || शश्व᳚न्तम्¦हि¦प्र॒ऽचे॒त॒सः॒¦प्र॒ति॒ऽयन्त᳚म्¦चि॒त्¦एन॑सः | देवाः᳚¦कृ॒णु॒थ¦जी॒वसे᳚ || |
| तत्सुनो॒नव्यं॒सन्य॑स॒आदि॑त्या॒यन्मुमो᳚चति | ब॒न्धाद्ब॒द्धमि॑वादिते || 18 || तत्¦सु¦नः॒¦नव्य᳚म्¦सन्य॑से¦आदि॑त्याः¦यत्¦मुमो᳚चति | ब॒न्धात्¦ब॒द्धम्ऽइ᳚व¦अ॒दि॒ते॒ || |
| नास्माक॑मस्ति॒तत्तर॒आदि॑त्यासो,अति॒ष्कदे᳚ | यू॒यम॒स्मभ्यं᳚मृळत || 19 || न¦अ॒स्माक᳚म्¦अ॒स्ति॒¦तत्¦तरः॑¦आदि॑त्यासः¦अ॒ति॒ऽस्कदे᳚ | यू॒यम्¦अ॒स्मभ्य᳚म्¦मृ॒ळ॒त॒ || |
| मानो᳚हे॒तिर्वि॒वस्व॑त॒आदि॑त्याःकृ॒त्रिमा॒शरुः॑ | पु॒रानुज॒रसो᳚वधीत् || 20 || मा¦नः॒¦हे॒तिः¦वि॒वस्व॑तः¦आदि॑त्याः¦कृ॒त्रिमा᳚¦शरुः॑ | पु॒रा¦नु¦ज॒रसः॑¦व॒धी॒त् || |
| विषुद्वेषो॒व्यं᳚ह॒तिमादि॑त्यासो॒विसंहि॑तम् | विष्व॒ग्विवृ॑हता॒रपः॑ || 21 || वि¦सु¦द्वेषः॑¦वि¦अं॒ह॒तिम्¦आदि॑त्यासः¦वि¦सम्ऽहि॑तम् | विष्व॑क्¦वि¦वृ॒ह॒त॒¦रपः॑ || |
| [57] आत्वेत्येकोनविंशत्यृचस्य सूक्तस्यांगिरसः प्रियमेधइंद्रश्चतुर्दश्यादिषण्णामृक्षाश्वमेधौगायत्री आद्याचतुर्थी सप्तमीदम्योनुष्टुभः |{अष्टक:6, अध्याय:5}{मंडल:8, सूक्त:68}{अनुवाक:7, सूक्त:9} |
| आत्वा॒रथं॒यथो॒तये᳚सु॒म्नाय॑वर्तयामसि | तु॒वि॒कू॒र्मिमृ॑ती॒षह॒मिन्द्र॒शवि॑ष्ठ॒सत्प॑ते || 1 || वर्ग:1 आ¦त्वा॒¦रथ᳚म्¦यथा᳚¦ऊ॒तये᳚¦सु॒म्नाय॑¦व॒र्त॒या॒म॒सि॒ | तु॒वि॒ऽकू॒र्मिम्¦ऋ॒ति॒ऽसह᳚म्¦इन्द्र॑¦शवि॑ष्ठ¦सत्ऽप॑ते || |
| तुवि॑शुष्म॒तुवि॑क्रतो॒शची᳚वो॒विश्व॑यामते | आप॑प्राथमहित्व॒ना || 2 || तुवि॑ऽशुष्म¦तुवि॑क्रतो॒ इति॒ तुवि॑ऽक्रतो¦शची᳚ऽवः¦विश्व॑या¦म॒ते॒ | आ¦प॒प्रा॒थ॒¦म॒हि॒ऽत्व॒ना || |
| यस्य॑तेमहि॒नाम॒हःपरि॑ज्मा॒यन्त॑मी॒यतुः॑ | हस्ता॒वज्रं᳚हिर॒ण्यय᳚म् || 3 || यस्य॑¦ते॒¦म॒हि॒ना¦म॒हः¦परि॑¦ज्मा॒यन्त᳚म्¦ई॒यतुः॑ | हस्ता᳚¦वज्र᳚म्¦हि॒र॒ण्यय᳚म् || |
| वि॒श्वान॑रस्यव॒स्पति॒मना᳚नतस्य॒शव॑सः | एवै᳚श्चचर्षणी॒नामू॒तीहु॑वे॒रथा᳚नाम् || 4 || वि॒श्वान॑रस्य¦वः॒¦पति᳚म्¦अना᳚नतस्य¦शव॑सः | एवैः᳚¦च॒¦च॒र्ष॒णी॒नाम्¦ऊ॒ती¦हु॒वे॒¦रथा᳚नाम् || |
| अ॒भिष्ट॑येस॒दावृ॑धं॒स्व᳚र्मीळ्हेषु॒यंनरः॑ | नाना॒हव᳚न्तऊ॒तये᳚ || 5 || अ॒भिष्ट॑ये¦स॒दाऽवृ॑धम्¦स्वः॑ऽमीळ्हेषु¦यम्¦नरः॑ | नाना᳚¦हव᳚न्ते¦ऊ॒तये᳚ || |
| प॒रोमा᳚त्र॒मृची᳚षम॒मिन्द्र॑मु॒ग्रंसु॒राध॑सम् | ईशा᳚नंचि॒द्वसू᳚नाम् || 6 || वर्ग:2 प॒रःऽमा᳚त्रम्¦ऋची᳚षमम्¦इन्द्र᳚म्¦उ॒ग्रम्¦सु॒ऽराध॑सम् | ईशा᳚नम्¦चि॒त्¦वसू᳚नाम् || |
| तंत॒मिद्राध॑सेम॒हइन्द्रं᳚चोदामिपी॒तये᳚ | यःपू॒र्व्यामनु॑ष्टुति॒मीशे᳚कृष्टी॒नांनृ॒तुः || 7 || तम्ऽत᳚म्¦इत्¦राध॑से¦म॒हे¦इन्द्र᳚म्¦चो॒दा॒मि॒¦पी॒तये᳚ | यः¦पू॒र्व्याम्¦अनु॑ऽस्तुतिम्¦ईशे᳚¦कृ॒ष्टी॒नाम्¦नृ॒तुः || |
| नयस्य॑तेशवसानस॒ख्यमा॒नंश॒मर्त्यः॑ | नकिः॒शवां᳚सितेनशत् || 8 || न¦यस्य॑¦ते॒¦श॒व॒सा॒न॒¦स॒ख्यम्¦आ॒नंश॑¦मर्त्यः॑ | नकिः॑¦शवां᳚सि¦ते॒¦न॒श॒त् || |
| त्वोता᳚स॒स्त्वायु॒जाप्सुसूर्ये᳚म॒हद्धन᳚म् | जये᳚मपृ॒त्सुव॑ज्रिवः || 9 || त्वाऽऊ᳚तासः¦त्वा¦यु॒जा¦अ॒प्ऽसु¦सूर्ये᳚¦म॒हत्¦धन᳚म् | जये᳚म¦पृ॒त्ऽसु¦व॒ज्रि॒ऽवः॒ || |
| तंत्वा᳚य॒ज्ञेभि॑रीमहे॒तंगी॒र्भिर्गि᳚र्वणस्तम | इन्द्र॒यथा᳚चि॒दावि॑थ॒वाजे᳚षुपुरु॒माय्य᳚म् || 10 || तम्¦त्वा॒¦य॒ज्ञेभिः॑¦ई॒म॒हे॒¦तम्¦गीः॒ऽभिः¦गि॒र्व॒णः॒ऽत॒म॒ | इन्द्र॑¦यथा᳚¦चि॒त्¦आवि॑थ¦वाजे᳚षु¦पु॒रु॒ऽमाय्य᳚म् || |
| यस्य॑तेस्वा॒दुस॒ख्यंस्वा॒द्वीप्रणी᳚तिरद्रिवः | य॒ज्ञोवि॑तन्त॒साय्यः॑ || 11 || वर्ग:3 यस्य॑¦ते॒¦स्वा॒दु¦स॒ख्यम्¦स्वा॒द्वी¦प्रऽनी᳚तिः¦अ॒द्रि॒ऽवः॒ | य॒ज्ञः¦वि॒त॒न्त॒साय्यः॑ || |
| उ॒रुण॑स्त॒न्वे॒३॑(ए॒)तन॑उ॒रुक्षया᳚यनस्कृधि | उ॒रुणो᳚यन्धिजी॒वसे᳚ || 12 || उ॒रु¦नः॒¦त॒न्वे᳚¦तने᳚¦उ॒रु¦क्षया᳚य¦नः॒¦कृ॒धि॒ | उ॒रु¦नः॒¦य॒न्धि॒¦जी॒वसे᳚ || |
| उ॒रुंनृभ्य॑उ॒रुंगव॑उ॒रुंरथा᳚य॒पन्था᳚म् | दे॒ववी᳚तिंमनामहे || 13 || उ॒रुम्¦नृऽभ्यः॑¦उ॒रुम्¦गवे᳚¦उ॒रुम्¦रथा᳚य¦पन्था᳚म् | दे॒वऽवी᳚तिम्¦म॒ना॒म॒हे॒ || |
| उप॑मा॒षड्द्वाद्वा॒नरः॒सोम॑स्य॒हर्ष्या᳚ | तिष्ठ᳚न्तिस्वादुरा॒तयः॑ || 14 || उप॑¦मा॒¦षट्¦द्वाऽद्वा᳚¦नरः॑¦सोम॑स्य¦हर्ष्या᳚ | तिष्ठ᳚न्ति¦स्वा॒दु॒ऽरा॒तयः॑ || |
| ऋ॒ज्रावि᳚न्द्रो॒तआद॑दे॒हरी॒ऋक्ष॑स्यसू॒नवि॑ | आ॒श्व॒मे॒धस्य॒रोहि॑ता || 15 || ऋ॒ज्रौ¦इ॒न्द्रो॒ते¦आ¦द॒दे॒¦हरी॒ इति॑¦ऋक्ष॑स्य¦सू॒नवि॑ | आ॒श्व॒ऽमे॒धस्य॑¦रोहि॑ता || |
| सु॒रथाँ᳚,आतिथि॒ग्वेस्व॑भी॒शूँरा॒र्क्षे | आ॒श्व॒मे॒धेसु॒पेश॑सः || 16 || वर्ग:4 सु॒ऽरथा᳚न्¦आ॒ति॒थि॒ऽग्वे¦सु॒।आ॒भी॒शून्¦आ॒र्क्षे | आ॒श्व॒ऽमे॒धे¦सु॒ऽपेश॑सः || |
| षळश्वाँ᳚,आतिथि॒ग्वइ᳚न्द्रो॒तेव॒धूम॑तः | सचा᳚पू॒तक्र॑तौसनम् || 17 || षट्¦अश्वा᳚न्¦आ॒ति॒थि॒ऽग्वे¦इ॒न्द्रो॒ते¦व॒धूऽम॑तः | सचा᳚¦पू॒तऽक्र॑तौ¦स॒न॒म् || |
| ऐषु॑चेत॒द्वृष᳚ण्वत्य॒न्तरृ॒ज्रेष्वरु॑षी | स्व॒भी॒शुःकशा᳚वती || 18 || आ¦एषु॑¦चे॒त॒त्¦वृष॑ण्ऽवती¦अ॒न्तः¦ऋ॒ज्रेषु॑¦अरु॑षी | सु॒।आ॒भी॒शुः¦कशा᳚ऽवती || |
| नयु॒ष्मेवा᳚जबन्धवोनिनि॒त्सुश्च॒नमर्त्यः॑ | अ॒व॒द्यमधि॑दीधरत् || 19 || न¦यु॒ष्मे इति॑¦वा॒ज॒ऽब॒न्ध॒वः॒¦नि॒नि॒त्सुः¦च॒न¦मर्त्यः॑ | अ॒व॒द्यम्¦अधि॑¦दी॒ध॒र॒त् || |
| [58] प्रप्रवइत्यष्टादशर्चस्य सूक्तस्यांगिरसः प्रियमेधइंद्रः अपादिंद्रइत्यस्यविश्वेदेववरुणादेवताः सुदेवइत्यस्यवरुणोनुष्टुप् द्वितीयोष्णिक् चतुर्थ्याद्यास्तिस्रोगायत्र्यः एकादशीषोळश्यौपंक्ती अंत्येद्वेबृहत्यौ |{अष्टक:6, अध्याय:5}{मंडल:8, सूक्त:69}{अनुवाक:7, सूक्त:10} |
| प्रप्र॑वस्त्रि॒ष्टुभ॒मिषं᳚म॒न्दद्वी᳚रा॒येन्द॑वे | धि॒यावो᳚मे॒धसा᳚तये॒पुरं॒ध्यावि॑वासति || 1 || वर्ग:5 प्रऽप्र॑¦वः॒¦त्रि॒ऽस्तुभ᳚म्¦इष᳚म्¦म॒न्दत्ऽवी᳚राय¦इन्द॑वे | धि॒या¦वः॒¦मे॒धऽसा᳚तये¦पु॒र॒म्ऽध्या¦आ¦वि॒वा॒स॒ति॒ || |
| न॒दंव॒ओद॑तीनांन॒दंयोयु॑वतीनाम् | पतिं᳚वो॒,अघ्न्या᳚नांधेनू॒नामि॑षुध्यसि || 2 || न॒दम्¦वः॒¦ओद॑तीनाम्¦न॒दम्¦योयु॑वतीनाम् | पति᳚म्¦वः॒¦अघ्न्या᳚नाम्¦धे॒नू॒नाम्¦इ॒षु॒ध्य॒सि॒ || |
| ता,अ॑स्य॒सूद॑दोहसः॒सोमं᳚श्रीणन्ति॒पृश्न॑यः | जन्म᳚न्दे॒वानां॒विश॑स्त्रि॒ष्वारो᳚च॒नेदि॒वः || 3 || ताः¦अ॒स्य॒¦सूद॑ऽदोहसः¦सोम᳚म्¦श्री॒ण॒न्ति॒¦पृश्न॑यः | जन्म॑न्¦दे॒वाना᳚म्¦विशः॑¦त्रि॒षु¦आ¦रो॒च॒ने¦दि॒वः || |
| अ॒भिप्रगोप॑तिंगि॒रेन्द्र॑मर्च॒यथा᳚वि॒दे | सू॒नुंस॒त्यस्य॒सत्प॑तिम् || 4 || अ॒भि¦प्र¦गोऽप॑तिम्¦गि॒रा¦इन्द्र᳚म्¦अ॒र्च॒¦यथा᳚¦वि॒दे | सू॒नुम्¦स॒त्यस्य॑¦सत्ऽप॑तिम् || |
| आहर॑यःससृज्रि॒रेऽरु॑षी॒रधि॑ब॒र्हिषि॑ | यत्रा॒भिसं॒नवा᳚महे || 5 || आ¦हर॑यः¦स॒सृ॒ज्रि॒रे॒¦अरु॑षीः¦अधि॑¦ब॒र्हिषि॑ | यत्र॑¦अ॒भि¦स॒म्ऽनवा᳚महे || |
| इन्द्रा᳚य॒गाव॑आ॒शिरं᳚दुदु॒ह्रेव॒ज्रिणे॒मधु॑ | यत्सी᳚मुपह्व॒रेवि॒दत् || 6 || वर्ग:6 इन्द्रा᳚य¦गावः॑¦आ॒ऽशिर᳚म्¦दु॒दु॒ह्रे¦व॒ज्रिणे᳚¦मधु॑ | यत्¦सी॒म्¦उ॒प॒ऽह्व॒रे¦वि॒दत् || |
| उद्यद्ब्र॒ध्नस्य॑वि॒ष्टपं᳚गृ॒हमिन्द्र॑श्च॒गन्व॑हि | मध्वः॑पी॒त्वास॑चेवहि॒त्रिःस॒प्तसख्युः॑प॒दे || 7 || उत्¦यत्¦ब्र॒ध्नस्य॑¦वि॒ष्टप᳚म्¦गृ॒हम्¦इन्द्रः॑¦च॒¦गन्व॑हि | मध्वः॑¦पी॒त्वा¦स॒चे॒व॒हि॒¦त्रिः¦स॒प्त¦सख्युः॑¦प॒दे || |
| अर्च॑त॒प्रार्च॑त॒¦प्रिय॑मेधासो॒,अर्च॑त | अर्च᳚न्तुपुत्र॒का,उ॒त¦पुरं॒नधृ॒ष्ण्व॑र्चत || 8 || अर्च॑त¦प्र¦अ॒र्च॒त॒¦प्रिय॑ऽमेधासः¦अर्च॑त | अर्च᳚न्तु¦पु॒त्र॒काः¦उ॒त¦पुर᳚म्¦न¦धृ॒ष्णु¦अ॒र्च॒त॒ || |
| अव॑स्वराति॒गर्ग॑रोगो॒धापरि॑सनिष्वणत् | पिङ्गा॒परि॑चनिष्कद॒दिन्द्रा᳚य॒ब्रह्मोद्य॑तम् || 9 || अव॑¦स्व॒रा॒ति॒¦गर्ग॑रः¦गो॒धा¦परि॑¦स॒नि॒स्व॒न॒त् | पिङ्गा᳚¦परि॑¦च॒नि॒स्क॒द॒त्¦इन्द्रा᳚य¦ब्रह्म॑¦उत्ऽय॑तम् || |
| आयत्पत᳚न्त्ये॒न्यः॑सु॒दुघा॒,अन॑पस्फुरः | अ॒प॒स्फुरं᳚गृभायत॒सोम॒मिन्द्रा᳚य॒पात॑वे || 10 || आ¦यत्¦पत᳚न्ति¦ए॒न्यः॑¦सु॒ऽदुघाः᳚¦अन॑पऽस्फुरः | अ॒प॒ऽस्फुर᳚म्¦गृ॒भा॒य॒त॒¦सोम᳚म्¦इन्द्रा᳚य¦पात॑वे || |
| अपा॒दिन्द्रो॒,अपा᳚द॒ग्निर्विश्वे᳚दे॒वा,अ॑मत्सत | वरु॑ण॒इदि॒हक्ष॑य॒त्तमापो᳚,अ॒भ्य॑नूषतव॒त्संसं॒शिश्व॑रीरिव || 11 || वर्ग:7 अपा᳚त्¦इन्द्रः॑¦अपा᳚त्¦अ॒ग्निः¦विश्वे᳚¦दे॒वाः¦अ॒म॒त्स॒त॒ | |
| सु॒दे॒वो,अ॑सिवरुण॒यस्य॑तेस॒प्तसिन्ध॑वः | अ॒नु॒क्षर᳚न्तिका॒कुदं᳚सू॒र्म्यं᳚सुषि॒रामि॑व || 12 || सु॒ऽदे॒वः¦अ॒सि॒¦व॒रु॒ण॒¦यस्य॑¦ते॒¦स॒प्त¦सिन्ध॑वः | अ॒नु॒ऽक्षर᳚न्ति¦का॒कुद᳚म्¦सू॒र्म्य᳚म्¦सु॒षि॒राम्ऽइ᳚व || |
| योव्यतीँ॒रफा᳚णय॒त्सुयु॑क्ताँ॒,उप॑दा॒शुषे᳚ | त॒क्वोने॒तातदिद्वपु॑रुप॒मायो,अमु॑च्यत || 13 || यः¦व्यती᳚न्¦अफा᳚णयत्¦सुऽयु॑क्तान्¦उप॑¦दा॒शुषे᳚ | त॒क्वः¦ने॒ता¦तत्¦इत्¦वपुः॑¦उ॒प॒ऽमा¦यः¦अमु॑च्यत || |
| अतीदु॑श॒क्रओ᳚हत॒इन्द्रो॒विश्वा॒,अति॒द्विषः॑ | भि॒नत्क॒नीन॑ओद॒नंप॒च्यमा᳚नंप॒रोगि॒रा || 14 || अति॑¦इत्¦ऊँ॒ इति॑¦श॒क्रः¦ओ॒ह॒ते॒¦इन्द्रः॑¦विश्वाः᳚¦अति॑¦द्विषः॑ | भि॒नत्¦क॒नीनः॑¦ओ॒द॒नम्¦प॒च्यमा᳚नम्¦प॒रः¦गि॒रा || |
| अ॒र्भ॒कोनकु॑मार॒कोऽधि॑तिष्ठ॒न्नवं॒रथ᳚म् | सप॑क्षन्महि॒षंमृ॒गंपि॒त्रेमा॒त्रेवि॑भु॒क्रतु᳚म् || 15 || अ॒र्भ॒कः¦न¦कु॒मा॒र॒कः¦अधि॑¦ति॒ष्ठ॒त्¦नव᳚म्¦रथ᳚म् | सः¦प॒क्ष॒त्¦म॒हि॒षम्¦मृ॒गम्¦पि॒त्रे¦मा॒त्रे¦वि॒भु॒ऽक्रतु᳚म् || |
| आतूसु॑शिप्रदम्पते॒रथं᳚तिष्ठाहिर॒ण्यय᳚म् | अध॑द्यु॒क्षंस॑चेवहिस॒हस्र॑पादमरु॒षंस्व॑स्ति॒गाम॑ने॒हस᳚म् || 16 || आ¦तु¦सु॒ऽशि॒प्र॒¦द॒म्ऽप॒ते॒¦रथ᳚म्¦ति॒ष्ठ॒¦हि॒र॒ण्यय᳚म् | |
| तंघे᳚मि॒त्थान॑म॒स्विन॒उप॑स्व॒राज॑मासते | अर्थं᳚चिदस्य॒सुधि॑तं॒यदेत॑वआव॒र्तय᳚न्तिदा॒वने᳚ || 17 || तम्¦घ॒¦ई॒म्¦इ॒त्था¦न॒म॒स्विनः॑¦उप॑¦स्व॒ऽराज᳚म्¦आ॒स॒ते॒ | |
| अनु॑प्र॒त्नस्यौक॑सःप्रि॒यमे᳚धासएषाम् | पूर्वा॒मनु॒प्रय॑तिंवृ॒क्तब᳚र्हिषोहि॒तप्र॑यसआशत || 18 || अनु॑¦प्र॒त्नस्य॑¦ओक॑सः¦प्रि॒यऽमे᳚धासः¦ए॒षा॒म् | |
| [59] योराजेति पंचदशर्चस्य सूक्तस्यांगिरसः पुरुहन्मेंद्रो बृहती द्वितीयाचतुर्थीषष्ट्यः सतोबृहत्यः त्रयोदश्युष्णिक् चतुर्दश्यनुष्टुबंत्या पुरउष्णिक् |{अष्टक:6, अध्याय:5}{मंडल:8, सूक्त:70}{अनुवाक:8, सूक्त:1} |
| योराजा᳚चर्षणी॒नांयाता॒रथे᳚भि॒रध्रि॑गुः | विश्वा᳚सांतरु॒तापृत॑नानां॒ज्येष्ठो॒योवृ॑त्र॒हागृ॒णे || 1 || वर्ग:8 यः¦राजा᳚¦च॒र्ष॒णी॒नाम्¦याता᳚¦रथे᳚भिः¦अध्रि॑ऽगुः | |
| इन्द्रं॒तंशु᳚म्भपुरुहन्म॒न्नव॑से॒यस्य॑द्वि॒तावि॑ध॒र्तरि॑ | हस्ता᳚य॒वज्रः॒प्रति॑धायिदर्श॒तोम॒होदि॒वेनसूर्यः॑ || 2 || इन्द्र᳚म्¦तम्¦शु॒म्भ॒¦पु॒रु॒ऽह॒न्म॒न्¦अव॑से¦यस्य॑¦द्वि॒ता¦वि॒ऽध॒र्तरि॑ | |
| नकि॒ष्टंकर्म॑णानश॒द्यश्च॒कार॑स॒दावृ॑धम् | इन्द्रं॒नय॒ज्ञैर्वि॒श्वगू᳚र्त॒मृभ्व॑स॒मधृ॑ष्टंधृ॒ष्ण्वो᳚जसम् || 3 || नकिः॑¦तम्¦कर्म॑णा¦न॒श॒त्¦यः¦च॒कार॑¦स॒दाऽवृ॑धम् | |
| अषा᳚ळ्हमु॒ग्रंपृत॑नासुसास॒हिंयस्मि᳚न्म॒हीरु॑रु॒ज्रयः॑ | संधे॒नवो॒जाय॑माने,अनोनवु॒र्द्यावः॒,क्षामो᳚,अनोनवुः || 4 || अषा᳚ळ्हम्¦उ॒ग्रम्¦पृत॑नासु¦स॒स॒हिम्¦यस्मि॑न्¦म॒हीः¦उ॒रु॒ऽज्रयः॑ | |
| यद्द्याव॑इन्द्रतेश॒तंश॒तंभूमी᳚रु॒तस्युः | नत्वा᳚वज्रिन्त्स॒हस्रं॒सूर्या॒,अनु॒नजा॒तम॑ष्ट॒रोद॑सी || 5 || यत्¦द्यावः॑¦इ॒न्द्र॒¦ते॒¦श॒तम्¦श॒तम्¦भूमीः᳚¦उ॒त¦स्युरिति॒ स्युः | |
| आप॑प्राथमहि॒नावृष्ण्या᳚वृष॒न्विश्वा᳚शविष्ठ॒शव॑सा | अ॒स्माँ,अ॑वमघव॒न्गोम॑तिव्र॒जेवज्रि᳚ञ्चि॒त्राभि॑रू॒तिभिः॑ || 6 || वर्ग:9 आ¦प॒प्रा॒थ॒¦म॒हि॒ना¦वृष्ण्या᳚¦वृ॒ष॒न्¦विश्वा᳚¦श॒वि॒ष्ठ॒¦शव॑सा | |
| नसी॒मदे᳚वआप॒दिषं᳚दीर्घायो॒मर्त्यः॑ | एत॑ग्वाचि॒द्यएत॑शायु॒योज॑ते॒हरी॒,इन्द्रो᳚यु॒योज॑ते || 7 || न¦सी॒म्¦अदे᳚वः¦आ॒प॒त्¦इष᳚म्¦दी॒र्घा॒यो॒ इति॑ दीर्घऽआयो¦मर्त्यः॑ | |
| तंवो᳚म॒होम॒हाय्य॒मिन्द्रं᳚दा॒नाय॑स॒क्षणि᳚म् | योगा॒धेषु॒यआर॑णेषु॒हव्यो॒वाजे॒ष्वस्ति॒हव्यः॑ || 8 || तम्¦वः॒¦म॒हः¦म॒हाय्य᳚म्¦इन्द्र᳚म्¦दा॒नाय॑¦स॒क्षणि᳚म् | |
| उदू॒षुणो᳚वसोम॒हेमृ॒शस्व॑शूर॒राध॑से | उदू॒षुम॒ह्यैम॑घवन्म॒घत्त॑य॒उदि᳚न्द्र॒श्रव॑सेम॒हे || 9 || उत्¦ऊँ॒ इति॑¦सु¦नः॒¦व॒सो॒ इति॑¦म॒हे¦मृ॒शस्व॑¦शू॒र॒¦राध॑से | |
| त्वंन॑इन्द्रऋत॒युस्त्वा॒निदो॒नितृ᳚म्पसि | मध्ये᳚वसिष्वतुविनृम्णो॒र्वोर्निदा॒संशि॑श्नथो॒हथैः᳚ || 10 || त्वम्¦नः॒¦इ॒न्द्र॒¦ऋ॒त॒ऽयुः¦त्वा॒ऽनिदः॑¦नि¦तृ॒म्प॒सि॒ | |
| अ॒न्यव्र॑त॒ममा᳚नुष॒मय॑ज्वान॒मदे᳚वयुम् | अव॒स्वःसखा᳚दुधुवीत॒पर्व॑तःसु॒घ्नाय॒दस्युं॒पर्व॑तः || 11 || वर्ग:10 अ॒न्यऽव्र॑तम्¦अमा᳚नुषम्¦अय॑ज्वानम्¦अदे᳚वऽयुम् | |
| त्वंन॑इन्द्रासां॒हस्ते᳚शविष्ठदा॒वने᳚ | धा॒नानां॒नसंगृ॑भायास्म॒युर्द्विःसंगृ॑भायास्म॒युः || 12 || त्वम्¦नः॒¦इ॒न्द्र॒¦आ॒सा॒म्¦हस्ते᳚¦श॒वि॒ष्ठ॒¦दा॒वने᳚ | |
| सखा᳚यः॒क्रतु॑मिच्छतक॒थारा᳚धामश॒रस्य॑ | उप॑स्तुतिंभो॒जःसू॒रिर्यो,अह्र॑यः || 13 || सखा᳚यः¦क्रतु᳚म्¦इ॒च्छ॒त॒¦क॒था¦रा॒धा॒म॒¦श॒रस्य॑ | उप॑ऽस्तुतिम्¦भो॒जः¦सू॒रिः¦यः¦अह्र॑यः || |
| भूरि॑भिःसमह॒ऋषि॑भिर्ब॒र्हिष्म॑द्भिःस्तविष्यसे | यदि॒त्थमेक॑मेक॒मिच्छर॑व॒त्सान्प॑रा॒ददः॑ || 14 || भूरि॑ऽभिः¦स॒म॒ह॒¦ऋषि॑ऽभिः¦ब॒र्हिष्म॑त्ऽभिः¦स्त॒वि॒ष्य॒से॒ | यत्¦इ॒त्थम्¦एक᳚म्ऽएकम्¦इत्¦शर॑¦व॒त्सान्¦प॒रा॒ऽददः॑ || |
| क॒र्ण॒गृह्या᳚म॒घवा᳚शौरदे॒व्योव॒त्संन॑स्त्रि॒भ्यआन॑यत् | अ॒जांसू॒रिर्नधात॑वे || 15 || क॒र्ण॒ऽगृह्य॑¦म॒घऽवा᳚¦शौ॒र॒ऽदे॒व्यः¦व॒त्सम्¦नः॒¦त्रि॒ऽभ्यः¦आ¦अ॒न॒य॒त् | अ॒जाम्¦सू॒रिः¦न¦धात॑वे || |
| [60] त्वंनोअग्नइति पंचदशर्चस्य सूक्तस्य सुदीतिपुरुमीळ्हावाग्निर्गायत्री दशमीद्वादशीचतुर्दश्योबृहत्यः एकादशीत्रयोदशीपंचदश्यः सतोबृहत्यः | (अत्रसुदीतिपुरुमीळ्हयोरन्यतरोवाऋषिः) |{अष्टक:6, अध्याय:5}{मंडल:8, सूक्त:71}{अनुवाक:8, सूक्त:2} |
| त्वंनो᳚,अग्ने॒महो᳚भिःपा॒हिविश्व॑स्या॒,अरा᳚तेः | उ॒तद्वि॒षोमर्त्य॑स्य || 1 || वर्ग:11 त्वम्¦नः॒¦अ॒ग्ने॒¦महः॑ऽभिः¦पा॒हि¦विश्व॑स्याः¦अरा᳚तेः | उ॒त¦द्वि॒षः¦मर्त्य॑स्य || |
| न॒हिम॒न्युःपौरु॑षेय॒ईशे॒हिवः॑प्रियजात | त्वमिद॑सि॒क्षपा᳚वान् || 2 || न॒हि¦म॒न्युः¦पौरु॑षेयः¦ईशे᳚¦हि¦वः॒¦प्रि॒य॒ऽजा॒त॒ | त्वम्¦इत्¦अ॒सि॒¦क्षपा᳚ऽवान् || |
| सनो॒विश्वे᳚भिर्दे॒वेभि॒रूर्जो᳚नपा॒द्भद्र॑शोचे | र॒यिंदे᳚हिवि॒श्ववा᳚रम् || 3 || सः¦नः॒¦विश्वे᳚भिः¦दे॒वेभिः॑¦ऊर्जः॑¦नपा᳚त्¦भद्र॑ऽशोचे | र॒यिम्¦दे॒हि॒¦वि॒श्वऽवा᳚रम् || |
| नतम॑ग्ने॒,अरा᳚तयो॒मर्तं᳚युवन्तरा॒यः | यंत्राय॑सेदा॒श्वांस᳚म् || 4 || न¦तम्¦अ॒ग्ने॒¦अरा᳚तयः¦मर्त᳚म्¦यु॒व॒न्त॒¦रा॒यः | यम्¦त्राय॑से¦दा॒श्वांस᳚म् || |
| यंत्वंवि॑प्रमे॒धसा᳚ता॒वग्ने᳚हि॒नोषि॒धना᳚य | सतवो॒तीगोषु॒गन्ता᳚ || 5 || यम्¦त्वम्¦वि॒प्र॒¦मे॒धऽसा᳚तौ¦अग्ने᳚¦हि॒नोषि॑¦धना᳚य | सः¦तव॑¦ऊ॒ती¦गोषु॑¦गन्ता᳚ || |
| त्वंर॒यिंपु॑रु॒वीर॒मग्ने᳚दा॒शुषे॒मर्ता᳚य | प्रणो᳚नय॒वस्यो॒,अच्छ॑ || 6 || वर्ग:12 त्वम्¦र॒यिम्¦पु॒रु॒ऽवीर᳚म्¦अग्ने᳚¦दा॒शुषे᳚¦मर्ता᳚य | प्र¦नः॒¦न॒य॒¦वस्यः॑¦अच्छ॑ || |
| उ॒रु॒ष्याणो॒मापरा᳚दा,अघाय॒तेजा᳚तवेदः | दु॒रा॒ध्ये॒३॑(ए॒)मर्ता᳚य || 7 || उ॒रु॒ष्य¦नः॒¦मा¦परा᳚¦दाः॒¦अ॒घ॒ऽय॒ते¦जा॒त॒ऽवे॒दः॒ | दुः॒ऽआ॒ध्ये᳚¦मर्ता᳚य || |
| अग्ने॒माकि॑ष्टेदे॒वस्य॑रा॒तिमदे᳚वोयुयोत | त्वमी᳚शिषे॒वसू᳚नाम् || 8 || अग्ने᳚¦माकिः॑¦ते॒¦दे॒वस्य॑¦रा॒तिम्¦अदे᳚वः¦यु॒यो॒त॒ | त्वम्¦ई॒शि॒षे॒¦वसू᳚नाम् || |
| सनो॒वस्व॒उप॑मा॒स्यूर्जो᳚नपा॒न्माहि॑नस्य | सखे᳚वसोजरि॒तृभ्यः॑ || 9 || सः¦नः॒¦वस्वः॑¦उप॑¦मा॒सि॒¦ऊर्जः॑¦नपा᳚त्¦माहि॑नस्य | सखे᳚¦व॒सो॒ इति॑¦ज॒रि॒तृऽभ्यः॑ || |
| अच्छा᳚नःशी॒रशो᳚चिषं॒गिरो᳚यन्तुदर्श॒तम् | अच्छा᳚य॒ज्ञासो॒नम॑सापुरू॒वसुं᳚पुरुप्रश॒स्तमू॒तये᳚ || 10 || अच्छ॑¦नः॒¦शी॒रऽशो᳚चिषम्¦गिरः॑¦य॒न्तु॒¦द॒र्श॒तम् | |
| अ॒ग्निंसू॒नुंसह॑सोजा॒तवे᳚दसंदा॒नाय॒वार्या᳚णाम् | द्वि॒तायोभूद॒मृतो॒मर्त्ये॒ष्वाहोता᳚म॒न्द्रत॑मोवि॒शि || 11 || वर्ग:13 अ॒ग्निम्¦सू॒नुम्¦सह॑सः¦जा॒तऽवे᳚दसम्¦दा॒नाय॑¦वार्या᳚णाम् | |
| अ॒ग्निंवो᳚देवय॒ज्यया॒ग्निंप्र॑य॒त्य॑ध्व॒रे | अ॒ग्निंधी॒षुप्र॑थ॒मम॒ग्निमर्व॑त्य॒ग्निंक्षैत्रा᳚य॒साध॑से || 12 || अ॒ग्निम्¦वः॒¦दे॒व॒ऽय॒ज्यया᳚¦अ॒ग्निम्¦प्र॒ऽय॒ति¦अ॒ध्व॒रे | |
| अ॒ग्निरि॒षांस॒ख्येद॑दातुन॒ईशे॒योवार्या᳚णाम् | अ॒ग्निंतो॒केतन॑ये॒शश्व॑दीमहे॒वसुं॒सन्तं᳚तनू॒पाम् || 13 || अ॒ग्निः¦इ॒षाम्¦स॒ख्ये¦द॒दा॒तु॒¦नः॒¦ईशे᳚¦यः¦वार्या᳚णाम् | |
| अ॒ग्निमी᳚ळि॒ष्वाव॑से॒गाथा᳚भिःशी॒रशो᳚चिषम् | अ॒ग्निंरा॒येपु॑रुमीळ्हश्रु॒तंनरो॒ऽग्निंसु॑दी॒तये᳚छ॒र्दिः || 14 || अ॒ग्निम्¦ई॒ळि॒ष्व॒¦अव॑से¦गाथा᳚भिः¦शी॒रऽशो᳚चिषम् | |
| अ॒ग्निंद्वेषो॒योत॒वैनो᳚गृणीमस्य॒ग्निंशंयोश्च॒दात॑वे | विश्वा᳚सुवि॒क्ष्व॑वि॒तेव॒हव्यो॒भुव॒द्वस्तु᳚रृषू॒णाम् || 15 || अ॒ग्निम्¦द्वेषः॑¦योत॒वै¦नः॒¦गृ॒णी॒म॒सि॒¦अ॒ग्निम्¦शम्¦योः¦च॒¦दात॑वे | |
| [61] हरिरित्यष्टादशर्चस्य सूक्तस्य प्रागाथोहर्यतोग्निर्गायत्री | (हविषांस्तुतिर्वादेवता){अष्टक:6, अध्याय:5}{मंडल:8, सूक्त:72}{अनुवाक:8, सूक्त:3} |
| ह॒विष्कृ॑णुध्व॒माग॑मदध्व॒र्युर्व॑नते॒पुनः॑ | वि॒द्वाँ,अ॑स्यप्र॒शास॑नम् || 1 || वर्ग:14 ह॒विः¦कृ॒णु॒ध्व॒म्¦आ¦ग॒म॒त्¦अ॒ध्व॒र्युः¦व॒न॒ते॒¦पुन॒रिति॑ | वि॒द्वान्¦अ॒स्य॒¦प्र॒ऽशास॑नम् || |
| निति॒ग्मम॒भ्य१॑(अं॒)शुंसीद॒द्धोता᳚म॒नावधि॑ | जु॒षा॒णो,अ॑स्यस॒ख्यम् || 2 || नि¦ति॒ग्मम्¦अ॒भि¦अं॒शुम्¦सीद॑त्¦होता᳚¦म॒नौ¦अधि॑ | जु॒षा॒णः¦अ॒स्य॒¦स॒ख्यम् || |
| अ॒न्तरि॑च्छन्ति॒तंजने᳚रु॒द्रंप॒रोम॑नी॒षया᳚ | गृ॒भ्णन्ति॑जि॒ह्वया᳚स॒सम् || 3 || अ॒न्तः¦इ॒च्छ॒न्ति॒¦तम्¦जने᳚¦रु॒द्रम्¦प॒रः¦म॒नी॒षया᳚ | गृ॒भ्णन्ति॑¦जि॒ह्वया᳚¦स॒सम् || |
| जा॒म्य॑तीतपे॒धनु᳚र्वयो॒धा,अ॑रुह॒द्वन᳚म् | दृ॒षदं᳚जि॒ह्वयाव॑धीत् || 4 || जा॒मि¦अ॒ती॒त॒पे॒¦धनुः॑¦व॒यः॒ऽधाः¦अ॒रु॒ह॒त्¦वन᳚म् | दृ॒षद᳚म्¦जि॒ह्वया᳚¦आ¦अ॒व॒धी॒त् || |
| चर᳚न्व॒त्सोरुश᳚न्नि॒हनि॑दा॒तारं॒नवि᳚न्दते | वेति॒स्तोत॑वअ॒म्ब्य᳚म् || 5 || चर॑न्¦व॒त्सः¦रुश॑न्¦इ॒ह¦नि॒ऽदा॒तार᳚म्¦न¦वि॒न्द॒ते॒ | वेति॑¦स्तोत॑वे¦अ॒म्ब्य᳚म् || |
| उ॒तोन्व॑स्य॒यन्म॒हदश्वा᳚व॒द्योज॑नंबृ॒हद् | दा॒मारथ॑स्य॒ददृ॑शे || 6 || वर्ग:15 उ॒तो इति॑¦नु¦अ॒स्य॒¦यत्¦म॒हत्¦अश्व॑ऽवत्¦योज॑नम्¦बृ॒हत् | दा॒मा¦रथ॑स्य¦ददृ॑शे || |
| दु॒हन्ति॑स॒प्तैका॒मुप॒द्वापञ्च॑सृजतः | ती॒र्थेसिन्धो॒रधि॑स्व॒रे || 7 || दु॒हन्ति॑¦स॒प्त¦एका᳚म्¦उप॑¦द्वा¦पंच॑¦सृ॒ज॒तः॒ | ती॒र्थे¦सिन्धोः᳚¦अधि॑¦स्व॒रे || |
| आद॒शभि᳚र्वि॒वस्व॑त॒इन्द्रः॒कोश॑मचुच्यवीत् | खेद॑यात्रि॒वृता᳚दि॒वः || 8 || आ¦द॒शऽभिः॑¦वि॒वस्व॑तः¦इन्द्रः॑¦कोश᳚म्¦अ॒चु॒च्य॒वी॒त् | खेद॑या¦त्रि॒ऽवृता᳚¦दि॒वः || |
| परि॑त्रि॒धातु॑रध्व॒रंजू॒र्णिरे᳚ति॒नवी᳚यसी | मध्वा॒होता᳚रो,अञ्जते || 9 || परि॑¦त्रि॒ऽधातुः॑¦अ॒ध्व॒रम्¦जू॒र्णिः¦ए॒ति॒¦नवी᳚यसी | मध्वा᳚¦होता᳚रः¦अं॒ज॒ते॒ || |
| सि॒ञ्चन्ति॒नम॑साव॒तमु॒च्चाच॑क्रं॒परि॑ज्मानम् | नी॒चीन॑बार॒मक्षि॑तम् || 10 || सिं॒चन्ति॑¦नम॑सा¦अ॒व॒तम्¦उ॒च्चाऽच॑क्रम्¦परि॑ऽज्मानम् | नी॒चीन॑ऽबारम्¦अक्षि॑तम् || |
| अ॒भ्यार॒मिदद्र॑यो॒निषि॑क्तं॒पुष्क॑रे॒मधु॑ | अ॒व॒तस्य॑वि॒सर्ज॑ने || 11 || वर्ग:16 अ॒भि॒ऽआर᳚म्¦इत्¦अद्र॑यः¦निऽसि॑क्तम्¦पुष्क॑रे¦मधु॑ | अ॒व॒तस्य॑¦वि॒ऽसर्ज॑ने || |
| गाव॒उपा᳚वताव॒तंम॒हीय॒ज्ञस्य॑र॒प्सुदा᳚ | उ॒भाकर्णा᳚हिर॒ण्यया᳚ || 12 || गावः॑¦उप॑¦अ॒व॒त॒¦अ॒व॒तम्¦म॒ही इति॑¦य॒ज्ञस्य॑¦र॒प्सुदा᳚ | उ॒भा¦कर्णा᳚¦हि॒र॒ण्यया᳚ || |
| आसु॒तेसि᳚ञ्चत॒श्रियं॒रोद॑स्योरभि॒श्रिय᳚म् | र॒साद॑धीतवृष॒भम् || 13 || आ¦सु॒ते¦सिं॒च॒त॒¦श्रिय᳚म्¦रोद॑स्योः¦अ॒भि॒ऽश्रिय᳚म् | र॒सा¦द॒धी॒त॒¦वृ॒ष॒भम् || |
| तेजा᳚नत॒स्वमो॒क्य१॑(अं॒)संव॒त्सासो॒नमा॒तृभिः॑ | मि॒थोन॑सन्तजा॒मिभिः॑ || 14 || ते¦जा॒न॒त॒¦स्वम्¦ओ॒क्य᳚म्¦सम्¦व॒त्सासः॑¦न¦मा॒तृऽभिः॑ | मि॒थः¦न॒स॒न्त॒¦जा॒मिऽभिः॑ || |
| उप॒स्रक्वे᳚षु॒बप्स॑तःकृण्व॒तेध॒रुणं᳚दि॒वि | इन्द्रे᳚,अ॒ग्नानमः॒स्वः॑ || 15 || उप॑¦स्रक्वे᳚षु¦बप्स॑तः¦कृ॒ण्व॒ते¦ध॒रुण᳚म्¦दि॒वि | इन्द्रे᳚¦अ॒ग्ना¦नमः॑¦स्व१॒॑रिति॒ स्वः॑ || |
| अधु॑क्षत्पि॒प्युषी॒मिष॒मूर्जं᳚स॒प्तप॑दीम॒रिः | सूर्य॑स्यस॒प्तर॒श्मिभिः॑ || 16 || वर्ग:17 अधु॑क्षत्¦पि॒प्युषी᳚म्¦इष᳚म्¦ऊर्ज᳚म्¦स॒प्तऽप॑दीम्¦अ॒रिः | सूर्य॑स्य¦स॒प्त¦र॒श्मिऽभिः॑ || |
| सोम॑स्यमित्रावरु॒णोदि॑ता॒सूर॒आद॑दे | तदातु॑रस्यभेष॒जम् || 17 || सोम॑स्य¦मि॒त्रा॒व॒रु॒णा॒¦उत्ऽइ᳚ता¦सूरे᳚¦आ¦द॒दे॒ | तत्¦आतु॑रस्य¦भे॒ष॒जम् || |
| उ॒तोन्व॑स्य॒यत्प॒दंह᳚र्य॒तस्य॑निधा॒न्य᳚म् | परि॒द्यांजि॒ह्वया᳚तनत् || 18 || उ॒तो इति॑¦नु¦अ॒स्य॒¦यत्¦प॒दम्¦ह॒र्य॒तस्य॑¦नि॒ऽधा॒न्य᳚म् | परि॑¦द्याम्¦जि॒ह्वया᳚¦अ॒त॒न॒त् || |
| [62] उदीराथामित्यष्टादशर्चस्य सूक्तस्यात्रेयोगोपवनोश्विनौगायत्री | ( सप्तवध्निर्वाऋषिः){अष्टक:6, अध्याय:5}{मंडल:8, सूक्त:73}{अनुवाक:8, सूक्त:4} |
| उदी᳚राथामृताय॒तेयु॒ञ्जाथा᳚मश्विना॒रथ᳚म् | अन्ति॒षद्भू᳚तुवा॒मवः॑ || 1 || वर्ग:18 उत्¦ई॒रा॒था॒म्¦ऋ॒त॒ऽय॒ते¦युं॒जाथा᳚म्¦अ॒श्वि॒ना॒¦रथ᳚म् | अन्ति॑¦सत्¦भू॒तु॒¦वा॒म्¦अवः॑ || |
| नि॒मिष॑श्चि॒ज्जवी᳚यसा॒रथे॒नाया᳚तमश्विना | अन्ति॒षद्भू᳚तुवा॒मवः॑ || 2 || नि॒ऽमिषः॑¦चि॒त्¦जवी᳚यसा¦रथे᳚न¦आ¦या॒त॒म्¦अ॒श्वि॒ना॒ | अन्ति॑¦सत्¦भू॒तु॒¦वा॒म्¦अवः॑ || |
| उप॑स्तृणीत॒मत्र॑येहि॒मेन॑घ॒र्मम॑श्विना | अन्ति॒षद्भू᳚तुवा॒मवः॑ || 3 || उप॑¦स्तृ॒णी॒त॒म्¦अत्र॑ये¦हि॒मेन॑¦घ॒र्मम्¦अ॒श्वि॒ना॒ | अन्ति॑¦सत्¦भू॒तु॒¦वा॒म्¦अवः॑ || |
| कुह॑स्थः॒कुह॑जग्मथुः॒कुह॑श्ये॒नेव॑पेतथुः | अन्ति॒षद्भू᳚तुवा॒मवः॑ || 4 || कुह॑¦स्थः॒¦कुह॑¦ज॒ग्म॒थुः॒¦कुह॑¦श्ये॒नाऽइ᳚व¦पे॒त॒थुः॒ | अन्ति॑¦सत्¦भू॒तु॒¦वा॒म्¦अवः॑ || |
| यद॒द्यकर्हि॒कर्हि॑चिच्छुश्रू॒यात॑मि॒मंहव᳚म् | अन्ति॒षद्भू᳚तुवा॒मवः॑ || 5 || यत्¦अ॒द्य¦कर्हि॑¦कर्हि॑¦चि॒त्¦शु॒श्रू॒यात᳚म्¦इ॒मम्¦हव᳚म् | अन्ति॑¦सत्¦भू॒तु॒¦वा॒म्¦अवः॑ || |
| अ॒श्विना᳚याम॒हूत॑मा॒नेदि॑ष्ठंया॒म्याप्य᳚म् | अन्ति॒षद्भू᳚तुवा॒मवः॑ || 6 || वर्ग:19 अ॒श्विना᳚¦या॒म॒ऽहूत॑मा¦नेदि॑ष्ठम्¦या॒मि॒¦आप्य᳚म् | अन्ति॑¦सत्¦भू॒तु॒¦वा॒म्¦अवः॑ || |
| अव᳚न्त॒मत्र॑येगृ॒हंकृ॑णु॒तंयु॒वम॑श्विना | अन्ति॒षद्भू᳚तुवा॒मवः॑ || 7 || अव᳚न्तम्¦अत्र॑ये¦गृ॒हम्¦कृ॒णु॒तम्¦यु॒वम्¦अ॒श्वि॒ना॒ | अन्ति॑¦सत्¦भू॒तु॒¦वा॒म्¦अवः॑ || |
| वरे᳚थे,अ॒ग्निमा॒तपो॒वद॑तेव॒ल्ग्वत्र॑ये | अन्ति॒षद्भू᳚तुवा॒मवः॑ || 8 || वरे᳚थे॒ इति॑¦अ॒ग्निम्¦आ॒ऽतपः॑¦वद॑ते¦व॒ल्गु¦अत्र॑ये | अन्ति॑¦सत्¦भू॒तु॒¦वा॒म्¦अवः॑ || |
| प्रस॒प्तव॑ध्रिरा॒शसा॒धारा᳚म॒ग्नेर॑शायत | अन्ति॒षद्भू᳚तुवा॒मवः॑ || 9 || प्र¦स॒प्तऽव॑ध्रिः¦आ॒ऽशसा᳚¦धारा᳚म्¦अ॒ग्नेः¦अ॒शा॒य॒त॒ | अन्ति॑¦सत्¦भू॒तु॒¦वा॒म्¦अवः॑ || |
| इ॒हाग॑तंवृषण्वसूशृणु॒तंम॑इ॒मंहव᳚म् | अन्ति॒षद्भू᳚तुवा॒मवः॑ || 10 || इ॒ह¦आ¦ग॒त॒म्¦वृ॒ष॒ण्व॒सू॒ इति॑ वृषण्ऽवसू¦शृ॒णु॒तम्¦मे॒¦इ॒मम्¦हव᳚म् | अन्ति॑¦सत्¦भू॒तु॒¦वा॒म्¦अवः॑ || |
| किमि॒दंवां᳚पुराण॒वज्जर॑तोरिवशस्यते | अन्ति॒षद्भू᳚तुवा॒मवः॑ || 11 || वर्ग:20 किम्¦इ॒दम्¦वा॒म्¦पु॒रा॒ण॒ऽवत्¦जर॑तोःऽइव¦श॒स्य॒ते॒ | अन्ति॑¦सत्¦भू॒तु॒¦वा॒म्¦अवः॑ || |
| स॒मा॒नंवां᳚सजा॒त्यं᳚समा॒नोबन्धु॑रश्विना | अन्ति॒षद्भू᳚तुवा॒मवः॑ || 12 || स॒मा॒नम्¦वा॒म्¦स॒ऽजा॒त्य᳚म्¦स॒मा॒नः¦बन्धुः॑¦अ॒श्वि॒ना॒ | अन्ति॑¦सत्¦भू॒तु॒¦वा॒म्¦अवः॑ || |
| योवां॒रजां᳚स्यश्विना॒रथो᳚वि॒याति॒रोद॑सी | अन्ति॒षद्भू᳚तुवा॒मवः॑ || 13 || यः¦वा॒म्¦रजां᳚सि¦अ॒श्वि॒ना॒¦रथः॑¦वि॒ऽयाति॑¦रोद॑सी॒ इति॑ | अन्ति॑¦सत्¦भू॒तु॒¦वा॒म्¦अवः॑ || |
| आनो॒गव्ये᳚भि॒रश्व्यैः᳚स॒हस्रै॒रुप॑गच्छतम् | अन्ति॒षद्भू᳚तुवा॒मवः॑ || 14 || आ¦नः॒¦गव्ये᳚भिः¦अश्व्यैः᳚¦स॒हस्रैः᳚¦उप॑¦ग॒च्छ॒त॒म् | अन्ति॑¦सत्¦भू॒तु॒¦वा॒म्¦अवः॑ || |
| मानो॒गव्ये᳚भि॒रश्व्यैः᳚स॒हस्रे᳚भि॒रति॑ख्यतम् | अन्ति॒षद्भू᳚तुवा॒मवः॑ || 15 || मा¦नः॒¦गव्ये᳚भिः¦अश्व्यैः᳚¦स॒हस्रे᳚भिः¦अति॑¦ख्य॒त॒म् | अन्ति॑¦सत्¦भू॒तु॒¦वा॒म्¦अवः॑ || |
| अ॒रु॒णप्सु॑रु॒षा,अ॑भू॒दक॒र्ज्योति᳚रृ॒ताव॑री | अन्ति॒षद्भू᳚तुवा॒मवः॑ || 16 || अ॒रु॒णऽप्सुः॑¦उ॒षाः¦अ॒भू॒त्¦अकः॑¦ज्योतिः॑¦ऋ॒तऽव॑री | अन्ति॑¦सत्¦भू॒तु॒¦वा॒म्¦अवः॑ || |
| अ॒श्विना॒सुवि॒चाक॑शद्वृ॒क्षंप॑रशु॒माँ,इ॑व | अन्ति॒षद्भू᳚तुवा॒मवः॑ || 17 || अ॒श्विना᳚¦सु¦वि॒ऽचाक॑शत्¦वृ॒क्षम्¦प॒र॒शु॒मान्ऽइ᳚व | अन्ति॑¦सत्¦भू॒तु॒¦वा॒म्¦अवः॑ || |
| पुरं॒नधृ॑ष्ण॒वारु॑जकृ॒ष्णया᳚बाधि॒तोवि॒शा | अन्ति॒षद्भू᳚तुवा॒मवः॑ || 18 || पुर᳚म्¦न¦धृ॒ष्णो॒ इति॑¦आ¦रु॒ज॒¦कृ॒ष्णया᳚¦बा॒धि॒तः¦वि॒शा | अन्ति॑¦सत्¦भू॒तु॒¦वा॒म्¦अवः॑ || |
| [63] विशोविशइति पंचदशर्चस्य सूक्तस्यात्रेयोगोपवनोग्निरंत्यतिसृणां श्रुतर्वागायत्री आद्याचतुर्थीसप्तमीदशम्यस्त्रयोदश्यादितिस्रश्चानुष्टुभः |{अष्टक:6, अध्याय:5}{मंडल:8, सूक्त:74}{अनुवाक:8, सूक्त:5} |
| वि॒शोवि॑शोवो॒,अति॑थिंवाज॒यन्तः॑पुरुप्रि॒यम् | अ॒ग्निंवो॒दुर्यं॒वचः॑स्तु॒षेशू॒षस्य॒मन्म॑भिः || 1 || वर्ग:21 वि॒शःऽवि॑शः¦वः॒¦अति॑थिम्¦वा॒ज॒ऽयन्तः॑¦पु॒रु॒ऽप्रि॒यम् | अ॒ग्निम्¦वः॒¦दुर्य᳚म्¦वचः॑¦स्तु॒षे¦शू॒षस्य॑¦मन्म॑ऽभिः || |
| यंजना᳚सोह॒विष्म᳚न्तोमि॒त्रंनस॒र्पिरा᳚सुतिम् | प्र॒शंस᳚न्ति॒प्रश॑स्तिभिः || 2 || यम्¦जना᳚सः¦ह॒विष्म᳚न्तः¦मि॒त्रम्¦न¦स॒र्पिःऽआ᳚सुतिम् | प्र॒ऽशंस᳚न्ति¦प्रश॑स्तिऽभिः || |
| पन्यां᳚संजा॒तवे᳚दसं॒योदे॒वता॒त्युद्य॑ता | ह॒व्यान्यैर॑यद्दि॒वि || 3 || पन्यां᳚सम्¦जा॒तऽवे᳚दसम्¦यः¦दे॒वऽता᳚ति¦उत्ऽय॑ता | ह॒व्यानि॑¦ऐर॑यत्¦दि॒वि || |
| आग᳚न्मवृत्र॒हन्त॑मं॒ज्येष्ठ॑म॒ग्निमान॑वम् | यस्य॑श्रु॒तर्वा᳚बृ॒हन्ना॒र्क्षो,अनी᳚क॒एध॑ते || 4 || आ¦अ॒ग॒न्म॒¦वृ॒त्र॒हन्ऽत॑मम्¦ज्येष्ठ᳚म्¦अ॒ग्निम्¦आन॑वम् | यस्य॑¦श्रु॒तर्वा᳚¦बृ॒हन्¦आ॒र्क्षः¦अनी᳚के¦एध॑ते || |
| अ॒मृतं᳚जा॒तवे᳚दसंति॒रस्तमां᳚सिदर्श॒तम् | घृ॒ताह॑वन॒मीड्य᳚म् || 5 || अ॒मृत᳚म्¦जा॒तऽवे᳚दसम्¦ति॒रः¦तमां᳚सि¦द॒र्श॒तम् | घृ॒तऽआ᳚हवनम्¦ईड्य᳚म् || |
| स॒बाधो॒यंजना᳚,इ॒मे॒३॑(ए॒)ऽग्निंह॒व्येभि॒रीळ॑ते | जुह्वा᳚नासोय॒तस्रु॑चः || 6 || वर्ग:22 स॒ऽबाधः॑¦यम्¦जनाः᳚¦इ॒मे¦अ॒ग्निम्¦ह॒व्येभिः॑¦ईळ॑ते | जुह्वा᳚नासः¦य॒तऽस्रु॑चः || |
| इ॒यंते॒नव्य॑सीम॒तिरग्ने॒,अधा᳚य्य॒स्मदा | मन्द्र॒सुजा᳚त॒सुक्र॒तोऽमू᳚र॒दस्माति॑थे || 7 || इ॒यम्¦ते॒¦नव्य॑सी¦म॒तिः¦अग्ने᳚¦अधा᳚यि¦अ॒स्मत्¦आ | मन्द्र॑¦सुऽजा᳚त¦सुक्र॑तो॒ इति॒ सुऽक्र॑तो¦अमू᳚र¦दस्म॑¦अति॑थे || |
| साते᳚,अग्ने॒शंत॑मा॒चनि॑ष्ठाभवतुप्रि॒या | तया᳚वर्धस्व॒सुष्टु॑तः || 8 || सा¦ते॒¦अ॒ग्ने॒¦शम्ऽत॑मा¦चनि॑ष्ठा¦भ॒व॒तु॒¦प्रि॒या | तया᳚¦व॒र्ध॒स्व॒¦सुऽस्तु॑तः || |
| साद्यु॒म्नैर्द्यु॒म्निनी᳚बृ॒हदुपो᳚प॒श्रव॑सि॒श्रवः॑ | दधी᳚तवृत्र॒तूर्ये᳚ || 9 || सा¦द्यु॒म्नैः¦द्यु॒म्निनी᳚¦बृ॒हत्¦उप॑।औप¦श्रव॑सि¦श्रवः॑ | दधी᳚त¦वृ॒त्र॒ऽतूर्ये᳚ || |
| अश्व॒मिद्गांर॑थ॒प्रांत्वे॒षमिन्द्रं॒नसत्प॑तिम् | यस्य॒श्रवां᳚सि॒तूर्व॑थ॒पन्य᳚म्पन्यंचकृ॒ष्टयः॑ || 10 || अश्व᳚म्¦इत्¦गाम्¦र॒थ॒ऽप्राम्¦त्वे॒षम्¦इन्द्र᳚म्¦न¦सत्ऽप॑तिम् | यस्य॑¦श्रवां᳚सि¦तूर्व॑थ¦पन्य᳚म्ऽपन्यम्¦च॒¦कृ॒ष्टयः॑ || |
| यंत्वा᳚गो॒पव॑नोगि॒राचनि॑ष्ठदग्ने,अङ्गिरः | सपा᳚वकश्रुधी॒हव᳚म् || 11 || वर्ग:23 यम्¦त्वा॒¦गो॒पव॑नः¦गि॒रा¦चनि॑ष्ठत्¦अ॒ग्ने॒¦अ॒ङ्गि॒रः॒ | सः¦पा॒व॒क॒¦श्रु॒धि॒¦हव᳚म् || |
| यंत्वा॒जना᳚स॒ईळ॑तेस॒बाधो॒वाज॑सातये | सबो᳚धिवृत्र॒तूर्ये᳚ || 12 || यम्¦त्वा॒¦जना᳚सः¦ईळ॑ते¦स॒ऽबाधः॑¦वाज॑ऽसातये | सः¦बो॒धि॒¦वृ॒त्र॒ऽतूर्ये᳚ || |
| अ॒हंहु॑वा॒नआ॒र्क्षेश्रु॒तर्व॑णिमद॒च्युति॑ | शर्धां᳚सीवस्तुका॒विनां᳚मृ॒क्षाशी॒र्षाच॑तु॒र्णाम् || 13 || अ॒हम्¦हु॒वा॒नः¦आ॒र्क्षे¦श्रु॒तर्व॑णि¦म॒द॒ऽच्युति॑ | शर्धां᳚सिऽइव¦स्तु॒का॒ऽविना᳚म्¦मृ॒क्षा¦शी॒र्षा¦च॒तु॒र्णाम् || |
| मांच॒त्वार॑आ॒शवः॒शवि॑ष्ठस्यद्रवि॒त्नवः॑ | सु॒रथा᳚सो,अ॒भिप्रयो॒वक्ष॒न्वयो॒नतुग्र्य᳚म् || 14 || माम्¦च॒त्वारः॑¦आ॒शवः॑¦शवि॑ष्ठस्य¦द्र॒वि॒त्नवः॑ | सु॒ऽरथा᳚सः¦अ॒भि¦प्रयः॑¦वक्ष॑न्¦वयः॑¦न¦तुग्र्य᳚म् || |
| स॒त्यमित्त्वा᳚महेनदि॒परु॒ष्ण्यव॑देदिशम् | नेमा᳚पो,अश्व॒दात॑रः॒शवि॑ष्ठादस्ति॒मर्त्यः॑ || 15 || स॒त्यम्¦इत्¦त्वा॒¦म॒हे॒ऽन॒दि॒¦परु॑ष्णि¦अव॑¦दे॒दि॒श॒म् | न¦ई॒म्¦आ॒पः॒¦अ॒श्व॒ऽदात॑रः¦शवि॑ष्ठात्¦अ॒स्ति॒¦मर्त्यः॑ || |
| [64] युक्ष्वाहीति षोळशर्चस्य सूक्तस्यांगिरसो विरूपोग्निर्गायत्री |{अष्टक:6, अध्याय:5}{मंडल:8, सूक्त:75}{अनुवाक:8, सूक्त:6} |
| यु॒क्ष्वाहिदे᳚व॒हूत॑माँ॒,अश्वाँ᳚,अग्नेर॒थीरि॑व | निहोता᳚पू॒र्व्यःस॑दः || 1 || वर्ग:24 यु॒क्ष्व¦हि¦दे॒व॒ऽहूत॑मान्¦अश्वा᳚न्¦अ॒ग्ने॒¦र॒थीःऽइ᳚व | नि¦होता᳚¦पू॒र्व्यः¦स॒दः॒ || |
| उ॒तनो᳚देवदे॒वाँ,अच्छा᳚वोचोवि॒दुष्ट॑रः | श्रद्विश्वा॒वार्या᳚कृधि || 2 || उ॒त¦नः॒¦दे॒व॒¦दे॒वान्¦अच्छ॑¦वो॒चः॒¦वि॒दुःऽत॑रः | श्रत्¦विश्वा᳚¦वार्या᳚¦कृ॒धि॒ || |
| त्वंह॒यद्य॑विष्ठ्य॒सह॑सःसूनवाहुत | ऋ॒तावा᳚य॒ज्ञियो॒भुवः॑ || 3 || त्वम्¦ह॒¦यत्¦य॒वि॒ष्ठ्य॒¦सह॑सः¦सू॒नो॒ इति॑¦आ॒ऽहु॒त॒ | ऋ॒तऽवा᳚¦य॒ज्ञियः॑¦भुवः॑ || |
| अ॒यम॒ग्निःस॑ह॒स्रिणो॒वाज॑स्यश॒तिन॒स्पतिः॑ | मू॒र्धाक॒वीर॑यी॒णाम् || 4 || अ॒यम्¦अ॒ग्निः¦स॒ह॒स्रिणः॑¦वाज॑स्य¦श॒तिनः॑¦पतिः॑ | मू॒र्धा¦क॒विः¦र॒यी॒णाम् || |
| तंने॒मिमृ॒भवो᳚य॒थान॑मस्व॒सहू᳚तिभिः | नेदी᳚योय॒ज्ञम᳚ङ्गिरः || 5 || तम्¦ने॒मिम्¦ऋ॒भवः॑¦य॒था॒¦आ¦न॒म॒स्व॒¦सहू᳚तिऽभिः | नेदी᳚यः¦य॒ज्ञम्¦अ॒ङ्गि॒रः॒ || |
| तस्मै᳚नू॒नम॒भिद्य॑वेवा॒चावि॑रूप॒नित्य॑या | वृष्णे᳚चोदस्वसुष्टु॒तिम् || 6 || वर्ग:25 तस्मै᳚¦नू॒नम्¦अ॒भिऽद्य॑वे¦वा॒चा¦वि॒ऽरू॒प॒¦नित्य॑या | वृष्णे᳚¦चो॒द॒स्व॒¦सु॒ऽस्तु॒तिम् || |
| कमु॑ष्विदस्य॒सेन॑या॒ग्नेरपा᳚कचक्षसः | प॒णिंगोषु॑स्तरामहे || 7 || कम्¦ऊँ॒ इति॑¦स्वि॒त्¦अ॒स्य॒¦सेन॑या¦अ॒ग्नेः¦अपा᳚कऽचक्षसः | प॒णिम्¦गोषु॑¦स्त॒रा॒म॒हे॒ || |
| मानो᳚दे॒वानां॒विशः॑प्रस्ना॒तीरि॑वो॒स्राः | कृ॒शंनहा᳚सु॒रघ्न्याः᳚ || 8 || मा¦नः॒¦दे॒वाना᳚म्¦विशः॑¦प्र॒स्ना॒तीःऽइ᳚व¦उ॒स्राः | कृ॒शम्¦न¦हा॒सुः॒¦अघ्न्याः᳚ || |
| मानः॑समस्यदू॒ढ्य१॑(अः॒)परि॑द्वेषसो,अंह॒तिः | ऊ॒र्मिर्ननाव॒माव॑धीत् || 9 || मा¦नः॒¦स॒म॒स्य॒¦दुः॒ऽध्यः॑¦परि॑ऽद्वेषसः¦अं॒ह॒तिः | ऊ॒र्मिः¦न¦नाव᳚म्¦आ¦व॒धी॒त् || |
| नम॑स्ते,अग्न॒ओज॑सेगृ॒णन्ति॑देवकृ॒ष्टयः॑ | अमै᳚र॒मित्र॑मर्दय || 10 || नमः॑¦ते॒¦अ॒ग्ने॒¦ओज॑से¦गृ॒णन्ति॑¦दे॒व॒¦कृ॒ष्टयः॑ | अमैः᳚¦अ॒मित्र᳚म्¦अ॒र्द॒य॒ || |
| कु॒वित्सुनो॒गवि॑ष्ट॒येऽग्ने᳚सं॒वेषि॑षोर॒यिम् | उरु॑कृदु॒रुण॑स्कृधि || 11 || वर्ग:26 कु॒वित्¦सु¦नः॒¦गोऽइ᳚ष्टये¦अग्ने᳚¦स॒म्ऽवेषि॑षः¦र॒यिम् | उरु॑ऽकृत्¦उ॒रु¦नः॒¦कृ॒धि॒ || |
| मानो᳚,अ॒स्मिन्म॑हाध॒नेपरा᳚वर्ग्भार॒भृद्य॑था | सं॒वर्गं॒संर॒यिंज॑य || 12 || मा¦नः॒¦अ॒स्मिन्¦म॒हा॒ऽध॒ने¦परा᳚¦वर्क्¦भा॒र॒ऽभृत्¦य॒था॒ | स॒म्ऽवर्ग᳚म्¦सम्¦र॒यिम्¦ज॒य॒ || |
| अ॒न्यम॒स्मद्भि॒या,इ॒यमग्ने॒सिष॑क्तुदु॒च्छुना᳚ | वर्धा᳚नो॒,अम॑व॒च्छवः॑ || 13 || अ॒न्यम्¦अ॒स्मत्¦भि॒यै¦इ॒यम्¦अग्ने᳚¦सिस॑क्तु¦दु॒च्छुना᳚ | वर्ध॑¦नः॒¦अम॑ऽवत्¦शवः॑ || |
| यस्याजु॑षन्नम॒स्विनः॒शमी॒मदु᳚र्मखस्यवा | तंघेद॒ग्निर्वृ॒धाव॑ति || 14 || यस्य॑¦अजु॑षत्¦न॒म॒स्विनः॑¦शमी᳚म्¦अदुः॑ऽमखस्य¦वा॒ | तम्¦घ॒¦इत्¦अ॒ग्निः¦वृ॒धा¦अ॒व॒ति॒ || |
| पर॑स्या॒,अधि॑सं॒वतोऽव॑राँ,अ॒भ्यात॑र | यत्रा॒हमस्मि॒ताँ,अ॑व || 15 || पर॑स्याः¦अधि॑¦स॒म्ऽवतः॑¦अव॑रान्¦अ॒भि¦आ¦त॒र॒ | यत्र॑¦अ॒हम्¦अस्मि॑¦तान्¦अ॒व॒ || |
| वि॒द्माहिते᳚पु॒राव॒यमग्ने᳚पि॒तुर्यथाव॑सः | अधा᳚तेसु॒म्नमी᳚महे || 16 || वि॒द्म¦हि¦ते॒¦पु॒रा¦व॒यम्¦अग्ने᳚¦पि॒तुः¦यथा᳚¦अव॑सः | अध॑¦ते॒¦सु॒म्नम्¦ई॒म॒हे॒ || |
| [65] इमंन्विति द्वादशर्चस्य सूक्तस्य काण्वः कुरुसुतिरिंद्रोगायत्री |{अष्टक:6, अध्याय:5}{मंडल:8, सूक्त:76}{अनुवाक:8, सूक्त:7} |
| इ॒मंनुमा॒यिनं᳚हुव॒इन्द्र॒मीशा᳚न॒मोज॑सा | म॒रुत्व᳚न्तं॒नवृ॒ञ्जसे᳚ || 1 || वर्ग:27 इ॒मम्¦नु¦मा॒यिन᳚म्¦हु॒वे॒¦इन्द्र᳚म्¦ईशा᳚नम्¦ओज॑सा | म॒रुत्व᳚न्तम्¦न¦वृं॒जसे᳚ || |
| अ॒यमिन्द्रो᳚म॒रुत्स॑खा॒विवृ॒त्रस्या᳚भिन॒च्छिरः॑ | वज्रे᳚णश॒तप᳚र्वणा || 2 || अ॒यम्¦इन्द्रः॑¦म॒रुत्ऽस॑खा¦वि¦वृ॒त्रस्य॑¦अ॒भि॒न॒त्¦शिरः॑ | वज्रे᳚ण¦श॒तऽप᳚र्वणा || |
| वा॒वृ॒धा॒नोम॒रुत्स॒खेन्द्रो॒विवृ॒त्रमै᳚रयत् | सृ॒जन्त्स॑मु॒द्रिया᳚,अ॒पः || 3 || व॒वृ॒धा॒नः¦म॒रुत्ऽस॑खा¦इन्द्रः॑¦वि¦वृ॒त्रम्¦ऐ॒र॒य॒त् | सृ॒जन्¦स॒मु॒द्रियाः᳚¦अ॒पः || |
| अ॒यंह॒येन॒वा,इ॒दंस्व᳚र्म॒रुत्व॑ताजि॒तम् | इन्द्रे᳚ण॒सोम॑पीतये || 4 || अ॒यम्¦ह॒¦येन॑¦वै¦इ॒दम्¦स्वः॑¦म॒रुत्व॑ता¦जि॒तम् | इन्द्रे᳚ण¦सोम॑ऽपीतये || |
| म॒रुत्व᳚न्तमृजी॒षिण॒मोज॑स्वन्तंविर॒प्शिन᳚म् | इन्द्रं᳚गी॒र्भिर्ह॑वामहे || 5 || म॒रुत्व᳚न्तम्¦ऋ॒जी॒षिण᳚म्¦ओज॑स्वन्तम्¦वि॒ऽर॒प्शिन᳚म् | इन्द्र᳚म्¦गीः॒ऽभिः¦ह॒वा॒म॒हे॒ || |
| इन्द्रं᳚प्र॒त्नेन॒मन्म॑नाम॒रुत्व᳚न्तंहवामहे | अ॒स्यसोम॑स्यपी॒तये᳚ || 6 || इन्द्र᳚म्¦प्र॒त्नेन॑¦मन्म॑ना¦म॒रुत्व᳚न्तम्¦ह॒वा॒म॒हे॒ | अ॒स्य¦सोम॑स्य¦पी॒तये᳚ || |
| म॒रुत्वाँ᳚,इन्द्रमीढ्वः॒पिबा॒सोमं᳚शतक्रतो | अ॒स्मिन्य॒ज्ञेपु॑रुष्टुत || 7 || वर्ग:28 म॒रुत्वा᳚न्¦इ॒न्द्र॒¦मी॒ढ्वः॒¦पिब॑¦सोम᳚म्¦श॒त॒क्र॒तो॒ इति॑ शतऽक्रतो | अ॒स्मिन्¦य॒ज्ञे¦पु॒रु॒ऽस्तु॒त॒ || |
| तुभ्येदि᳚न्द्रम॒रुत्व॑तेसु॒ताःसोमा᳚सो,अद्रिवः | हृ॒दाहू᳚यन्तउ॒क्थिनः॑ || 8 || तुभ्य॑¦इत्¦इ॒न्द्र॒¦म॒रुत्व॑ते¦सु॒ताः¦सोमा᳚सः¦अ॒द्रि॒ऽवः॒ | हृ॒दा¦हू॒य॒न्ते॒¦उ॒क्थिनः॑ || |
| पिबेदि᳚न्द्रम॒रुत्स॑खासु॒तंसोमं॒दिवि॑ष्टिषु | वज्रं॒शिशा᳚न॒ओज॑सा || 9 || पिब॑¦इत्¦इ॒न्द्र॒¦म॒रुत्ऽस॑खा¦सु॒तम्¦सोम᳚म्¦दिवि॑ष्टिषु | वज्र᳚म्¦शिशा᳚नः¦ओज॑सा || |
| उ॒त्तिष्ठ॒न्नोज॑सास॒हपी॒त्वीशिप्रे᳚,अवेपयः | सोम॑मिन्द्रच॒मूसु॒तम् || 10 || उ॒त्ऽतिष्ठ॑न्¦ओज॑सा¦स॒ह¦पी॒त्वी¦शिप्रे॒ इति॑¦अ॒वे॒प॒यः॒ | सोम᳚म्¦इ॒न्द्र॒¦च॒मू इति॑¦सु॒तम् || |
| अनु॑त्वा॒रोद॑सी,उ॒भेक्रक्ष॑माणमकृपेताम् | इन्द्र॒यद्द॑स्यु॒हाभ॑वः || 11 || अनु॑¦त्वा॒¦रोद॑सी॒ इति॑¦उ॒भे इति॑¦क्रक्ष॑माणम्¦अ॒कृ॒पे॒ता॒म् | इन्द्र॑¦यत्¦द॒स्यु॒ऽहा¦अभ॑वः || |
| वाच॑म॒ष्टाप॑दीम॒हंनव॑स्रक्तिमृत॒स्पृश᳚म् | इन्द्रा॒त्परि॑त॒न्वं᳚ममे || 12 || वाच᳚म्¦अ॒ष्टाऽप॑दीम्¦अ॒हम्¦नव॑ऽस्रक्तिम्¦ऋ॒त॒ऽस्पृश᳚म् | इन्द्रा᳚त्¦परि॑¦त॒न्व᳚म्¦म॒मे॒ || |
| [66] जज्ञानइत्येकादशर्चस्य सूक्तस्य काण्वः कुरुसुतिरिंद्रोगायत्री अंत्येद्वेबृहती सतोबृहत्यौ |{अष्टक:6, अध्याय:5}{मंडल:8, सूक्त:77}{अनुवाक:8, सूक्त:8} |
| ज॒ज्ञा॒नोनुश॒तक्र॑तु॒र्विपृ॑च्छ॒दिति॑मा॒तर᳚म् | कउ॒ग्राःकेह॑शृण्विरे || 1 || वर्ग:29 ज॒ज्ञा॒नः¦नु¦श॒तऽक्र॑तुः¦वि¦पृ॒च्छ॒त्¦इति॑¦मा॒तर᳚म् | के¦उ॒ग्राः¦के¦ह॒¦शृ॒ण्वि॒रे॒ || |
| आदीं᳚शव॒स्य॑ब्रवीदौर्णवा॒भम॑ही॒शुव᳚म् | तेपु॑त्रसन्तुनि॒ष्टुरः॑ || 2 || आत्¦ई॒म्¦श॒व॒सी¦अ॒ब्र॒वी॒त्¦औ॒र्ण॒ऽवा॒भम्¦अ॒ही॒शुव᳚म् | ते¦पु॒त्र॒¦स॒न्तु॒¦निः॒ऽतुरः॑ || |
| समित्तान्वृ॑त्र॒हाखि॑द॒त्खे,अ॒राँ,इ॑व॒खेद॑या | प्रवृ॑द्धोदस्यु॒हाभ॑वत् || 3 || सम्¦इत्¦तान्¦वृ॒त्र॒ऽहा¦अ॒खि॒द॒त्¦खे¦अ॒रान्ऽइ᳚व¦खेद॑या | प्रऽवृ॑द्धः¦द॒स्यु॒ऽहा¦अ॒भ॒व॒त् || |
| एक॑याप्रति॒धापि॑बत्सा॒कंसरां᳚सित्रिं॒शत᳚म् | इन्द्रः॒सोम॑स्यकाणु॒का || 4 || एक॑या¦प्र॒ति॒ऽधा¦अ॒पि॒ब॒त्¦सा॒कम्¦सरां᳚सि¦त्रिं॒शत᳚म् | इन्द्रः॑¦सोम॑स्य¦का॒णु॒का || |
| अ॒भिग᳚न्ध॒र्वम॑तृणदबु॒ध्नेषु॒रज॒स्स्वा | इन्द्रो᳚ब्र॒ह्मभ्य॒इद्वृ॒धे || 5 || अ॒भि¦ग॒न्ध॒र्वम्¦अ॒तृ॒ण॒त्¦अ॒बु॒ध्नेषु॑¦रजः॑ऽसु¦आ | इन्द्रः॑¦ब्र॒ह्मऽभ्यः॑¦इत्¦वृ॒धे || |
| निरा᳚विध्यद्गि॒रिभ्य॒आधा॒रय॑त्प॒क्वमो᳚द॒नम् | इन्द्रो᳚बु॒न्दंस्वा᳚ततम् || 6 || वर्ग:30 निः¦अ॒वि॒ध्य॒त्¦गि॒रिऽभ्यः॑¦आ¦धा॒रय॑त्¦प॒क्वम्¦ओ॒द॒नम् | इन्द्रः॑¦बु॒न्दम्¦सुऽआ᳚ततम् || |
| श॒तब्र॑ध्न॒इषु॒स्तव॑स॒हस्र॑पर्ण॒एक॒इत् | यमि᳚न्द्रचकृ॒षेयुज᳚म् || 7 || श॒तऽब्र॑ध्नः¦इषुः॑¦तव॑¦स॒हस्र॑ऽपर्णः¦एकः॑¦इत् | यम्¦इ॒न्द्र॒¦च॒कृ॒षे¦युज᳚म् || |
| तेन॑स्तो॒तृभ्य॒आभ॑र॒नृभ्यो॒नारि॑भ्यो॒,अत्त॑वे | स॒द्योजा॒तऋ॑भुष्ठिर || 8 || तेन॑¦स्तो॒तृऽभ्यः॑¦आ¦भ॒र॒¦नृऽभ्यः॑¦नारि॑ऽभ्यः¦अत्त॑वे | स॒द्यः¦जा॒तः¦ऋ॒भु॒ऽस्थि॒र॒ || |
| ए॒ताच्यौ॒त्नानि॑तेकृ॒तावर्षि॑ष्ठानि॒परी᳚णसा | हृ॒दावी॒ड्व॑धारयः || 9 || ए॒ता¦च्यौ॒त्नानि॑¦ते॒¦कृ॒ता¦वर्षि॑ष्ठानि¦परी᳚णसा | हृ॒दा¦वी॒ळु¦अ॒धा॒र॒यः॒ || |
| विश्वेत्ताविष्णु॒राभ॑रदुरुक्र॒मस्त्वेषि॑तः | श॒तंम॑हि॒षान्क्षी᳚रपा॒कमो᳚द॒नंव॑रा॒हमिन्द्र॑एमु॒षम् || 10 || विश्वा᳚¦इत्¦ता¦विष्णुः॑¦आ¦अ॒भ॒र॒त्¦उ॒रु॒ऽक्र॒मः¦त्वाऽइ᳚षितः | |
| तु॒वि॒क्षंते॒सुकृ॑तंसू॒मयं॒धनुः॑सा॒धुर्बु॒न्दोहि॑र॒ण्ययः॑ | उ॒भाते᳚बा॒हूरण्या॒सुसं᳚स्कृतऋदू॒पेचि॑दृदू॒वृधा᳚ || 11 || तु॒वि॒ऽक्षम्¦ते॒¦सुऽकृ॑तम्¦सु॒ऽमय᳚म्¦धनुः॑¦सा॒धुः¦बु॒न्दः¦हि॒र॒ण्ययः॑ | |
| [67] पुरोळाशमिति दशर्चस्य सूक्तस्य काण्वःकुरुसुतिरिंद्रोगायत्र्यंत्या बृहती |{अष्टक:6, अध्याय:5}{मंडल:8, सूक्त:78}{अनुवाक:8, सूक्त:9} |
| पु॒रो॒ळाशं᳚नो॒,अन्ध॑स॒इन्द्र॑स॒हस्र॒माभ॑र | श॒ताच॑शूर॒गोना᳚म् || 1 || वर्ग:31 पु॒रो॒ळाश᳚म्¦नः॒¦अन्ध॑सः¦इन्द्र॑¦स॒हस्र᳚म्¦आ¦भ॒र॒ | श॒ता¦च॒¦शू॒र॒¦गोना᳚म् || |
| आनो᳚भर॒व्यञ्ज॑नं॒गामश्व॑म॒भ्यञ्ज॑नम् | सचा᳚म॒नाहि॑र॒ण्यया᳚ || 2 || आ¦नः॒¦भ॒र॒¦वि॒।आंज॑नम्¦गाम्¦अश्व᳚म्¦अ॒भि॒।आंज॑नम् | सचा᳚¦म॒ना¦हि॒र॒ण्यया᳚ || |
| उ॒तनः॑कर्ण॒शोभ॑नापु॒रूणि॑धृष्ण॒वाभ॑र | त्वंहिशृ᳚ण्वि॒षेव॑सो || 3 || उ॒त¦नः॒¦क॒र्ण॒ऽशोभ॑ना¦पु॒रूणि॑¦धृ॒ष्णो॒ इति॑¦आ¦भ॒र॒ | त्वम्¦हि¦शृ॒ण्वि॒षे¦व॒सो॒ इति॑ || |
| नकीं᳚वृधी॒कइ᳚न्द्रते॒नसु॒षानसु॒दा,उ॒त | नान्यस्त्वच्छू᳚रवा॒घतः॑ || 4 || नकी᳚म्¦वृ॒धी॒कः¦इ॒न्द्र॒¦ते॒¦न¦सु॒ऽसाः¦न¦सु॒ऽदाः¦उ॒त | न¦अ॒न्यः¦त्वत्¦शू॒र॒¦वा॒घतः॑ || |
| नकी॒मिन्द्रो॒निक॑र्तवे॒नश॒क्रःपरि॑शक्तवे | विश्वं᳚शृणोति॒पश्य॑ति || 5 || नकी᳚म्¦इन्द्रः॑¦निऽक॑र्तवे¦न¦श॒क्रः¦परि॑ऽशक्तवे | विश्व᳚म्¦शृ॒णो॒ति॒¦पश्य॑ति || |
| सम॒न्युंमर्त्या᳚ना॒मद॑ब्धो॒निचि॑कीषते | पु॒रानि॒दश्चि॑कीषते || 6 || वर्ग:32 सः¦म॒न्युम्¦मर्त्या᳚नाम्¦अद॑ब्धः¦नि¦चि॒की॒ष॒ते॒ | पु॒रा¦नि॒दः¦चि॒की॒ष॒ते॒ || |
| क्रत्व॒इत्पू॒र्णमु॒दरं᳚तु॒रस्या᳚स्तिविध॒तः | वृ॒त्र॒घ्नःसो᳚म॒पाव्नः॑ || 7 || क्रत्वः॑¦इत्¦पू॒र्णम्¦उ॒दर᳚म्¦तु॒रस्य॑¦अ॒स्ति॒¦वि॒ध॒तः | वृ॒त्र॒ऽघ्नः¦सो॒म॒ऽपाव्नः॑ || |
| त्वेवसू᳚नि॒संग॑ता॒विश्वा᳚चसोम॒सौभ॑गा | सु॒दात्वप॑रिह्वृता || 8 || त्वे इति॑¦वसू᳚नि¦सम्ऽग॑ता¦विश्वा᳚¦च॒¦सो॒म॒¦सौभ॑गा | सु॒ऽदातु॑¦अप॑रिऽह्वृता || |
| त्वामिद्य॑व॒युर्मम॒कामो᳚ग॒व्युर्हि॑रण्य॒युः | त्वाम॑श्व॒युरेष॑ते || 9 || त्वाम्¦इत्¦य॒व॒ऽयुः¦मम॑¦कामः॑¦ग॒व्युः¦हि॒र॒ण्य॒ऽयुः | त्वाम्¦अ॒श्व॒ऽयुः¦आ¦ई॒ष॒ते॒ || |
| तवेदि᳚न्द्रा॒हमा॒शसा॒हस्ते॒दात्रं᳚च॒नाद॑दे | दि॒नस्य॑वामघव॒न्त्सम्भृ॑तस्यवापू॒र्धियव॑स्यका॒शिना᳚ || 10 || तव॑¦इत्¦इ॒न्द्र॒¦अ॒हम्¦आ॒ऽशसा᳚¦हस्ते᳚¦दात्र᳚म्¦च॒न¦आ¦द॒दे॒ | |
| [68] अयंकृत्नुरिति नवर्चस्य सूक्तस्य कृत्नुर्भार्गवः सोमोगायत्र्यंत्यानुष्टुप् |{अष्टक:6, अध्याय:5}{मंडल:8, सूक्त:79}{अनुवाक:8, सूक्त:10} |
| अ॒यंकृ॒त्नुरगृ॑भीतोविश्व॒जिदु॒द्भिदित्सोमः॑ | ऋषि॒र्विप्रः॒काव्ये᳚न || 1 || वर्ग:33 अ॒यम्¦कृ॒त्नुः¦अगृ॑भीतः¦वि॒श्व॒ऽजित्¦उ॒त्ऽभित्¦इत्¦सोमः॑ | ऋषिः॑¦विप्रः॑¦काव्ये᳚न || |
| अ॒भ्यू᳚र्णोति॒यन्न॒ग्नंभि॒षक्ति॒विश्वं॒यत्तु॒रम् | प्रेम॒न्धःख्य॒न्निःश्रो॒णोभू᳚त् || 2 || अ॒भि¦ऊ॒र्णो॒ति॒¦यत्¦न॒ग्नम्¦भि॒षक्ति॑¦विश्व᳚म्¦यत्¦तु॒रम् | प्र¦ई॒म्¦अ॒न्धः¦ख्य॒त्¦निः¦श्रो॒णः¦भू॒त् || |
| त्वंसो᳚मतनू॒कृद्भ्यो॒द्वेषो᳚भ्यो॒ऽन्यकृ॑तेभ्यः | उ॒रुय॒न्तासि॒वरू᳚थम् || 3 || त्वम्¦सो॒म॒¦त॒नू॒कृत्ऽभ्यः॑¦द्वेषः॑ऽभ्यः¦अ॒न्यऽकृ॑तेभ्यः | उ॒रु¦य॒न्ता¦अ॒सि॒¦वरू᳚थम् || |
| त्वंचि॒त्तीतव॒दक्षै᳚र्दि॒वआपृ॑थि॒व्या,ऋ॑जीषिन् | यावी᳚र॒घस्य॑चि॒द्द्वेषः॑ || 4 || त्वम्¦चि॒त्ती¦तव॑¦दक्षैः᳚¦दि॒वः¦आ¦पृ॒थि॒व्याः¦ऋ॒जी॒षि॒न् | यावीः᳚¦अ॒घस्य॑¦चि॒त्¦द्वेषः॑ || |
| अ॒र्थिनो॒यन्ति॒चेदर्थं॒गच्छा॒निद्द॒दुषो᳚रा॒तिम् | व॒वृ॒ज्युस्तृष्य॑तः॒काम᳚म् || 5 || अ॒र्थिनः॑¦यन्ति॑¦च॒¦इत्¦अर्थ᳚म्¦गच्छा᳚न्¦इत्¦द॒दुषः॑¦रा॒तिम् | व॒वृ॒ज्युः¦तृष्य॑तः¦काम᳚म् || |
| वि॒दद्यत्पू॒र्व्यंन॒ष्टमुदी᳚मृता॒युमी᳚रयत् | प्रेमायु॑स्तारी॒दती᳚र्णम् || 6 || वर्ग:34 वि॒दत्¦यत्¦पू॒र्व्यम्¦न॒ष्टम्¦उत्¦ई॒म्¦ऋ॒त॒ऽयुम्¦ई॒र॒य॒त् | प्र¦ई॒म्¦आयुः॑¦ता॒री॒त्¦अती᳚र्णम् || |
| सु॒शेवो᳚नोमृळ॒याकु॒रदृ॑प्तक्रतुरवा॒तः | भवा᳚नःसोम॒शंहृ॒दे || 7 || सु॒ऽशेवः॑¦नः॒¦मृ॒ळ॒याकुः॑¦अदृ॑प्तऽक्रतुः¦अ॒वा॒तः | भव॑¦नः॒¦सो॒म॒¦शम्¦हृ॒दे || |
| मानः॑सोम॒संवी᳚विजो॒माविबी᳚भिषथाराजन् | मानो॒हार्दि॑त्वि॒षाव॑धीः || 8 || मा¦नः॒¦सो॒म॒¦सम्¦वी॒वि॒जः॒¦मा¦वि¦बी॒भि॒ष॒थाः॒¦रा॒ज॒न् | मा¦नः॒¦हार्दि॑¦त्वि॒षा¦व॒धीः॒ || |
| अव॒यत्स्वेस॒धस्थे᳚दे॒वानां᳚दुर्म॒तीरीक्षे᳚ | राज॒न्नप॒द्विषः॑सेध॒मीढ्वो॒,अप॒स्रिधः॑सेध || 9 || अव॑¦यत्¦स्वे¦स॒धऽस्थे᳚¦दे॒वाना᳚म्¦दुः॒ऽम॒तीः¦ईक्षे᳚ | राज॑न्¦अप॑¦द्विषः॑¦से॒ध॒¦मीढ्वः॑¦अप॑¦स्रिधः॑¦से॒ध॒ || |
| [69] नह्यान्यमिति दशर्चस्य सूक्तस्य नौधस एकद्यूरिंद्रोंत्यायादेवागायत्र्यंत्यात्रिष्टुप् |{अष्टक:6, अध्याय:5}{मंडल:8, सूक्त:80}{अनुवाक:8, सूक्त:11} |
| न॒ह्य१॑(अ॒)न्यंब॒ळाक॑रंमर्डि॒तारं᳚शतक्रतो | त्वंन॑इन्द्रमृळय || 1 || वर्ग:35 न॒हि¦अ॒न्यम्¦ब॒ळा¦अक॑रम्¦म॒र्डि॒तार᳚म्¦श॒त॒क्र॒तो॒ इति॑ शतऽक्रतो | त्वम्¦नः॒¦इ॒न्द्र॒¦मृ॒ळ॒य॒ || |
| योनः॒शश्व॑त्पु॒रावि॒थामृ॑ध्रो॒वाज॑सातये | सत्वंन॑इन्द्रमृळय || 2 || यः¦नः॒¦शश्व॑त्¦पु॒रा¦आवि॑थ¦अमृ॑ध्रः¦वाज॑ऽसातये | सः¦त्वम्¦नः॒¦इ॒न्द्र॒¦मृ॒ळ॒य॒ || |
| किम॒ङ्गर॑ध्र॒चोद॑नःसुन्वा॒नस्या᳚वि॒तेद॑सि | कु॒वित्स्वि᳚न्द्रणः॒शकः॑ || 3 || किम्¦अ॒ङ्ग¦र॒ध्र॒ऽचोद॑नः¦सु॒न्वा॒नस्य॑¦अ॒वि॒ता¦इत्¦अ॒सि॒ | कु॒वित्¦सु¦इ॒न्द्र॒¦नः॒¦शकः॑ || |
| इन्द्र॒प्रणो॒रथ॑मवप॒श्चाच्चि॒त्सन्त॑मद्रिवः | पु॒रस्ता᳚देनंमेकृधि || 4 || इन्द्र॑¦प्र¦नः॒¦रथ᳚म्¦अ॒व॒¦प॒श्चात्¦चि॒त्¦सन्त᳚म्¦अ॒द्रि॒ऽवः॒ | पु॒रस्ता᳚त्¦ए॒न॒म्¦मे॒¦कृ॒धि॒ || |
| हन्तो॒नुकिमा᳚ससेप्रथ॒मंनो॒रथं᳚कृधि | उ॒प॒मंवा᳚ज॒युश्रवः॑ || 5 || हन्तो॒ इति॑¦नु¦किम्¦आ॒स॒से॒¦प्र॒थ॒मम्¦नः॒¦रथ᳚म्¦कृ॒धि॒ | उ॒प॒ऽमम्¦वा॒ज॒ऽयु¦श्रवः॑ || |
| अवा᳚नोवाज॒युंरथं᳚सु॒करं᳚ते॒किमित्परि॑ | अ॒स्मान्त्सुजि॒ग्युष॑स्कृधि || 6 || वर्ग:36 अव॑¦नः॒¦वा॒ज॒ऽयुम्¦रथ᳚म्¦सु॒ऽकर᳚म्¦ते॒¦किम्¦इत्¦परि॑ | अ॒स्मान्¦सु¦जि॒ग्युषः॑¦कृ॒धि॒ || |
| इन्द्र॒दृह्य॑स्व॒पूर॑सिभ॒द्रात॑एतिनिष्कृ॒तम् | इ॒यंधीरृ॒त्विया᳚वती || 7 || इन्द्र॑¦दृह्य॑स्व¦पूः¦अ॒सि॒¦भ॒द्रा¦ते॒¦ए॒ति॒¦निः॒ऽकृ॒तम् | इ॒यम्¦धीः¦ऋ॒त्विय॑ऽवती || |
| मासी᳚मव॒द्यआभा᳚गु॒र्वीकाष्ठा᳚हि॒तंधन᳚म् | अ॒पावृ॑क्ता,अर॒त्नयः॑ || 8 || मा¦सी॒म्¦अ॒व॒द्ये¦आ¦भा॒क्¦उ॒र्वी¦काष्ठा᳚¦हि॒तम्¦धन᳚म् | अ॒प॒ऽआवृ॑क्ताः¦अ॒र॒त्नयः॑ || |
| तु॒रीयं॒नाम॑य॒ज्ञियं᳚य॒दाकर॒स्तदु॑श्मसि | आदित्पति᳚र्नओहसे || 9 || तु॒रीय᳚म्¦नाम॑¦य॒ज्ञिय᳚म्¦य॒दा¦करः॑¦तत्¦उ॒श्म॒सि॒ | आत्¦इत्¦पतिः॑¦नः॒¦ओ॒ह॒से॒ || |
| अवी᳚वृधद्वो,अमृता॒,अम᳚न्दीदेक॒द्यूर्दे᳚वा,उ॒तयाश्च॑देवीः | तस्मा᳚,उ॒राधः॑कृणुतप्रश॒स्तंप्रा॒तर्म॒क्षूधि॒याव॑सुर्जगम्यात् || 10 || अवी᳚वृधत्¦वः॒¦अ॒मृ॒ताः॒¦अम᳚न्दीत्¦ए॒क॒ऽद्यूः¦दे॒वाः॒¦उ॒त¦याः¦च॒¦दे॒वीः॒ | |
| [70] आतूनइति नवर्चस्य सूक्तस्य काण्वः कुसीदींद्रो गायत्री |{अष्टक:6, अध्याय:5}{मंडल:8, सूक्त:81}{अनुवाक:9, सूक्त:1} |
| आतून॑इन्द्रक्षु॒मन्तं᳚¦चि॒त्रंग्रा॒भंसंगृ॑भाय | म॒हा॒ह॒स्तीदक्षि॑णेन || 1 || वर्ग:37 आ¦तु¦नः॒¦इ॒न्द्र॒¦क्षु॒ऽमन्त᳚म्¦चि॒त्रम्¦ग्रा॒भम्¦सम्¦गृ॒भा॒य॒ | म॒हा॒ऽह॒स्ती¦दक्षि॑णेन || |
| वि॒द्माहित्वा᳚तुविकू॒र्मिं¦तु॒विदे᳚ष्णंतु॒वीम॑घम् | तु॒वि॒मा॒त्रमवो᳚भिः || 2 || वि॒द्म¦हि¦त्वा॒¦तु॒वि॒ऽकू॒र्मिम्¦तु॒विऽदे᳚ष्णम्¦तु॒वीऽम॑घम् | तु॒वि॒ऽमा॒त्रम्¦अवः॑ऽभिः || |
| न॒हित्वा᳚शूरदे॒वा¦नमर्ता᳚सो॒दित्स᳚न्तम् | भी॒मंनगांवा॒रय᳚न्ते || 3 || न॒हि¦त्वा॒¦शू॒र॒¦दे॒वाः¦न¦मर्ता᳚सः¦दित्स᳚न्तम् | भी॒मम्¦न¦गाम्¦वा॒रय᳚न्ते || |
| एतो॒न्विन्द्रं॒स्तवा॒मे¦शा᳚नं॒वस्वः॑स्व॒राज᳚म् | नराध॑सामर्धिषन्नः || 4 || आ¦इ॒त॒¦ऊँ॒ इति॑¦नु¦इन्द्र᳚म्¦स्तवा᳚म¦ईशा᳚नम्¦वस्वः॑¦स्व॒ऽराज᳚म् | न¦राध॑सा¦म॒र्धि॒ष॒त्¦नः॒ || |
| प्रस्तो᳚ष॒दुप॑गासिष॒¦च्छ्रव॒त्साम॑गी॒यमा᳚नम् | अ॒भिराध॑साजुगुरत् || 5 || प्र¦स्तो॒ष॒त्¦उप॑¦गा॒सि॒ष॒त्¦श्रव॑त्¦साम॑¦गी॒यमा᳚नम् | अ॒भि¦राध॑सा¦जु॒गु॒र॒त् || |
| आनो᳚भर॒दक्षि॑णेना॒¦भिस॒व्येन॒प्रमृ॑श | इन्द्र॒मानो॒वसो॒र्निर्भा᳚क् || 6 || वर्ग:38 आ¦नः॒¦भ॒र॒¦दक्षि॑णेन¦अ॒भि¦स॒व्येन॑¦प्र¦मृ॒श॒ | इन्द्र॑¦मा¦नः॒¦वसोः᳚¦निः¦भा॒क् || |
| उप॑क्रम॒स्वाभ॑र¦धृष॒ताधृ॑ष्णो॒जना᳚नाम् | अदा᳚शूष्टरस्य॒वेदः॑ || 7 || उप॑¦क्र॒म॒स्व॒¦आ¦भ॒र॒¦धृ॒ष॒ता¦धृ॒ष्णो॒ इति॑¦जना᳚नाम् | अदा᳚शूःऽतरस्य¦वेदः॑ || |
| इन्द्र॒यउ॒नुते॒,अस्ति॒¦वाजो॒विप्रे᳚भिः॒सनि॑त्वः | अ॒स्माभिः॒सुतंस॑नुहि || 8 || इन्द्र॑¦यः¦ऊँ॒ इति॑¦नु¦ते॒¦अस्ति॑¦वाजः॑¦विप्रे᳚भिः¦सनि॑त्वः | अ॒स्माभिः॑¦सु¦तम्¦स॒नु॒हि॒ || |
| स॒द्यो॒जुव॑स्ते॒वाजा᳚,¦अ॒स्मभ्यं᳚वि॒श्वश्च᳚न्द्राः | वशै᳚श्चम॒क्षूज॑रन्ते || 9 || स॒द्यः॒ऽजुवः॑¦ते॒¦वाजाः᳚¦अ॒स्मभ्य᳚म्¦वि॒श्वऽच᳚न्द्राः | वशैः᳚¦च॒¦म॒क्षु¦ज॒र॒न्ते॒ || |
| [71] आप्रद्रवइति नवर्चस्य सूक्तस्य काण्वः कुसीदींद्रो गायत्री |{अष्टक:6, अध्याय:6}{मंडल:8, सूक्त:82}{अनुवाक:9, सूक्त:2} |
| आप्रद्र॑वपरा॒वतो᳚ऽर्वा॒वत॑श्चवृत्रहन् | मध्वः॒प्रति॒प्रभ᳚र्मणि || 1 || वर्ग:1 आ¦प्र¦द्र॒व॒¦प॒रा॒ऽवतः॑¦अ॒र्वा॒ऽवतः॑¦च॒¦वृ॒त्र॒ऽह॒न् | मध्वः॑¦प्रति॑¦प्रऽभ᳚र्मणि || |
| ती॒व्राःसोमा᳚स॒आग॑हिसु॒तासो᳚मादयि॒ष्णवः॑ | पिबा᳚द॒धृग्यथो᳚चि॒षे || 2 || ती॒व्राः¦सोमा᳚सः¦आ¦ग॒हि॒¦सु॒तासः॑¦मा॒द॒यि॒ष्णवः॑ | पिब॑¦द॒धृक्¦यथा᳚¦ओ॒चि॒षे || |
| इ॒षाम᳚न्द॒स्वादु॒तेऽरं॒वरा᳚यम॒न्यवे᳚ | भुव॑त्तइन्द्र॒शंहृ॒दे || 3 || इ॒षा¦म॒न्द॒स्व॒¦आत्¦ऊँ॒ इति॑¦ते॒¦अर᳚म्¦वरा᳚य¦म॒न्यवे᳚ | भुव॑त्¦ते॒¦इ॒न्द्र॒¦शम्¦हृ॒दे || |
| आत्व॑शत्र॒वाग॑हि॒न्यु१॑(उ॒)क्थानि॑चहूयसे | उ॒प॒मेरो᳚च॒नेदि॒वः || 4 || आ¦तु¦अ॒श॒त्रो॒ इति॑¦आ¦ग॒हि॒¦नि¦उ॒क्थानि॑¦च॒¦हू॒य॒से॒ | उ॒प॒ऽमे¦रो॒च॒ने¦दि॒वः || |
| तुभ्या॒यमद्रि॑भिःसु॒तोगोभिः॑श्री॒तोमदा᳚य॒कम् | प्रसोम॑इन्द्रहूयते || 5 || तुभ्य॑¦अ॒यम्¦अद्रि॑ऽभिः¦सु॒तः¦गोभिः॑¦श्री॒तः¦मदा᳚य¦कम् | प्र¦सोमः॑¦इ॒न्द्र॒¦हू॒य॒ते॒ || |
| इन्द्र॑श्रु॒धिसुमे॒हव॑म॒स्मेसु॒तस्य॒गोम॑तः | विपी॒तिंतृ॒प्तिम॑श्नुहि || 6 || वर्ग:2 इन्द्र॑¦श्रु॒धि¦सु¦मे॒¦हव᳚म्¦अ॒स्मे इति॑¦सु॒तस्य॑¦गोऽम॑तः | वि¦पी॒तिम्¦तृ॒प्तिम्¦अ॒श्नु॒हि॒ || |
| यइ᳚न्द्रचम॒सेष्वासोम॑श्च॒मूषु॑तेसु॒तः | पिबेद॑स्य॒त्वमी᳚शिषे || 7 || यः¦इ॒न्द्र॒¦च॒म॒सेषु॑¦आ¦सोमः॑¦च॒मूषु॑¦ते॒¦सु॒तः | पिब॑¦इत्¦अ॒स्य॒¦त्वम्¦ई॒शि॒षे॒ || |
| यो,अ॒प्सुच॒न्द्रमा᳚,इव॒सोम॑श्च॒मूषु॒ददृ॑शे | पिबेद॑स्य॒त्वमी᳚शिषे || 8 || यः¦अ॒प्ऽसु¦च॒न्द्रमाः᳚ऽइव¦सोमः॑¦च॒मूषु॑¦ददृ॑शे | पिब॑¦इत्¦अ॒स्य॒¦त्वम्¦ई॒शि॒षे॒ || |
| यंते᳚श्ये॒नःप॒दाभ॑रत्ति॒रोरजां॒स्यस्पृ॑तम् | पिबेद॑स्य॒त्वमी᳚शिषे || 9 || यम्¦ते॒¦श्ये॒नः¦प॒दा¦आ¦अभ॑रत्¦ति॒रः¦रजां᳚सि¦अस्पृ॑तम् | पिब॑¦इत्¦अ॒स्य॒¦त्वम्¦ई॒शि॒षे॒ || |
| [72] देवानामिति नवर्चस्य सूक्तस्य काण्वः कुसीदीविश्वेदेवा गायत्री | (भेदपक्षे - विश्वेदेवाः ३ अर्यमवरुणौ १ विश्वेदेवाः ५ एवं ९) |{अष्टक:6, अध्याय:6}{मंडल:8, सूक्त:83}{अनुवाक:9, सूक्त:3} |
| दे॒वाना॒मिदवो᳚म॒हत्तदावृ॑णीमहेव॒यम् | वृष्णा᳚म॒स्मभ्य॑मू॒तये᳚ || 1 || वर्ग:3 दे॒वाना᳚म्¦इत्¦अवः॑¦म॒हत्¦तत्¦आ¦वृ॒णी॒म॒हे॒¦व॒यम् | वृष्णा᳚म्¦अ॒स्मभ्य᳚म्¦ऊ॒तये᳚ || |
| तेनः॑सन्तु॒युजः॒सदा॒वरु॑णोमि॒त्रो,अ᳚र्य॒मा | वृ॒धास॑श्च॒प्रचे᳚तसः || 2 || ते¦नः॒¦स॒न्तु॒¦युजः॑¦सदा᳚¦वरु॑णः¦मि॒त्रः¦अ॒र्य॒मा | वृ॒धासः॑¦च॒¦प्रऽचे᳚तसः || |
| अति॑नोविष्पि॒तापु॒रुनौ॒भिर॒पोनप॑र्षथ | यू॒यमृ॒तस्य॑रथ्यः || 3 || अति॑¦नः॒¦वि॒ष्पि॒ता¦पु॒रु¦नौ॒भिः¦अ॒पः¦न¦प॒र्ष॒थ॒ | यू॒यम्¦ऋ॒तस्य॑¦र॒थ्यः॒ || |
| वा॒मंनो᳚,अस्त्वर्यमन्वा॒मंव॑रुण॒शंस्य᳚म् | वा॒मंह्या᳚वृणी॒महे᳚ || 4 || वा॒मम्¦नः॒¦अ॒स्तु॒¦अ॒र्य॒म॒न्¦वा॒मम्¦व॒रु॒ण॒¦शंस्य᳚म् | वा॒मम्¦हि¦आ॒ऽवृ॒णी॒महे᳚ || |
| वा॒मस्य॒हिप्र॑चेतस॒ईशा᳚नाशोरिशादसः | नेमा᳚दित्या,अ॒घस्य॒यत् || 5 || वा॒मस्य॑¦हि¦प्र॒ऽचे॒त॒सः॒¦ईशा᳚नासः¦रि॒शा॒द॒सः॒ | न¦ई॒म्¦आ॒दि॒त्याः॒¦अ॒घस्य॑¦यत् || |
| व॒यमिद्वः॑सुदानवः,क्षि॒यन्तो॒यान्तो॒,अध्व॒न्ना | देवा᳚वृ॒धाय॑हूमहे || 6 || वर्ग:4 व॒यम्¦इत्¦वः॒¦सु॒ऽदा॒न॒वः॒¦क्षि॒यन्तः॑¦यान्तः॑¦अध्व॑न्¦आ | देवाः᳚¦वृ॒धाय॑¦हू॒म॒हे॒ || |
| अधि॑नइन्द्रैषां॒विष्णो᳚सजा॒त्या᳚नाम् | इ॒तामरु॑तो॒,अश्वि॑ना || 7 || अधि॑¦नः॒¦इ॒न्द्र॒¦ए॒षा॒म्¦विष्णो॒ इति॑¦स॒ऽजा॒त्या᳚नाम् | इ॒त¦मरु॑तः¦अश्वि॑ना || |
| प्रभ्रा᳚तृ॒त्वंसु॑दान॒वोऽध॑द्वि॒तास॑मा॒न्या | मा॒तुर्गर्भे᳚भरामहे || 8 || प्र¦भ्रा॒तृ॒ऽत्वम्¦सु॒ऽदा॒न॒वः॒¦अध॑¦द्वि॒ता¦स॒मा॒न्या | मा॒तुः¦गर्भे᳚¦भ॒रा॒म॒हे॒ || |
| यू॒यंहिष्ठासु॑दानव॒इन्द्र॑ज्येष्ठा,अ॒भिद्य॑वः | अधा᳚चिद्वउ॒तब्रु॑वे || 9 || यू॒यम्¦हि¦स्थ¦सु॒ऽदा॒न॒वः॒¦इन्द्र॑ऽज्येष्ठाः¦अ॒भिऽद्य॑वः | अध॑¦चि॒त्¦वः॒¦उ॒त¦ब्रु॒वे॒ || |
| [73] प्रेष्ठंवइति नवर्चस्य सूक्तस्य काव्य उशनाअग्निर्गायत्री |{अष्टक:6, अध्याय:6}{मंडल:8, सूक्त:84}{अनुवाक:9, सूक्त:4} |
| प्रेष्ठं᳚वो॒,अति॑थिंस्तु॒षेमि॒त्रमि॑वप्रि॒यम् | अ॒ग्निंरथं॒नवेद्य᳚म् || 1 || वर्ग:5 प्रेष्ठ᳚म्¦वः॒¦अति॑थिम्¦स्तु॒षे¦मि॒त्रम्ऽइ᳚व¦प्रि॒यम् | अ॒ग्निम्¦रथ᳚म्¦न¦वेद्य᳚म् || |
| क॒विमि॑व॒प्रचे᳚तसं॒यंदे॒वासो॒,अध॑द्वि॒ता | निमर्त्ये᳚ष्वाद॒धुः || 2 || क॒विम्ऽइ᳚व¦प्रऽचे᳚तसम्¦यम्¦दे॒वासः॑¦अध॑¦द्वि॒ता | नि¦मर्त्ये᳚षु¦आ॒ऽद॒धुः || |
| त्वंय॑विष्ठदा॒शुषो॒नॄँःपा᳚हिशृणु॒धीगिरः॑ | रक्षा᳚तो॒कमु॒तत्मना᳚ || 3 || त्वम्¦य॒वि॒ष्ठ॒¦दा॒शुषः॑¦नॄन्¦पा॒हि॒¦शृ॒णु॒धि¦गिरः॑ | रक्ष॑¦तो॒कम्¦उ॒त¦त्मना᳚ || |
| कया᳚ते,अग्ने,अङ्गिर॒ऊर्जो᳚नपा॒दुप॑स्तुतिम् | वरा᳚यदेवम॒न्यवे᳚ || 4 || कया᳚¦ते॒¦अ॒ग्ने॒¦अ॒ङ्गि॒रः॒¦ऊर्जः॑¦नपा᳚त्¦उप॑ऽस्तुतिम् | वरा᳚य¦दे॒व॒¦म॒न्यवे᳚ || |
| दाशे᳚म॒कस्य॒मन॑साय॒ज्ञस्य॑सहसोयहो | कदु॑वोचइ॒दंनमः॑ || 5 || दाशे᳚म¦कस्य॑¦मन॑सा¦य॒ज्ञस्य॑¦स॒ह॒सः॒¦य॒हो॒ इति॑ | कत्¦ऊँ॒ इति॑¦वो॒चे॒¦इ॒दम्¦नमः॑ || |
| अधा॒त्वंहिन॒स्करो॒विश्वा᳚,अ॒स्मभ्यं᳚सुक्षि॒तीः | वाज॑द्रविणसो॒गिरः॑ || 6 || वर्ग:6 अध॑¦त्वम्¦हि¦नः॒¦करः॑¦विश्वाः᳚¦अ॒स्मभ्य᳚म्¦सु॒ऽक्षि॒तीः | वाज॑ऽद्रविणसः¦गिरः॑ || |
| कस्य॑नू॒नंपरी᳚णसो॒धियो᳚जिन्वसिदम्पते | गोषा᳚ता॒यस्य॑ते॒गिरः॑ || 7 || कस्य॑¦नू॒नम्¦परी᳚णसः¦धियः॑¦जि॒न्व॒सि॒¦द॒म्ऽप॒ते॒ | गोऽसा᳚ता¦यस्य॑¦ते॒¦गिरः॑ || |
| तंम॑र्जयन्तसु॒क्रतुं᳚पुरो॒यावा᳚नमा॒जिषु॑ | स्वेषु॒क्षये᳚षुवा॒जिन᳚म् || 8 || तम्¦म॒र्ज॒य॒न्त॒¦सु॒ऽक्रतु᳚म्¦पु॒रः॒ऽयावा᳚नम्¦आ॒जिषु॑ | स्वेषु॑¦क्षये᳚षु¦वा॒जिन᳚म् || |
| क्षेति॒क्षेमे᳚भिःसा॒धुभि॒र्नकि॒र्यंघ्नन्ति॒हन्ति॒यः | अग्ने᳚सु॒वीर॑एधते || 9 || क्षेति॑¦क्षेमे᳚भिः¦सा॒धुऽभिः॑¦नकिः॑¦यम्¦घ्नन्ति॑¦हन्ति॑¦यः | अग्ने᳚¦सु॒ऽवीरः॑¦ए॒ध॒ते॒ || |
| [74] आमेहवमिति नवर्चस्य सूक्तस्यांगिरसः कृष्णोश्विनौ गायत्री |{अष्टक:6, अध्याय:6}{मंडल:8, सूक्त:85}{अनुवाक:9, सूक्त:5} |
| आमे॒हवं᳚नास॒त्याश्वि॑ना॒गच्छ॑तंयु॒वम् | मध्वः॒सोम॑स्यपी॒तये᳚ || 1 || वर्ग:7 आ¦मे॒¦हव᳚म्¦ना॒स॒त्या॒¦अश्वि॑ना¦गच्छ॑तम्¦यु॒वम् | मध्वः॑¦सोम॑स्य¦पी॒तये᳚ || |
| इ॒मंमे॒स्तोम॑मश्विने॒मंमे᳚शृणुतं॒हव᳚म् | मध्वः॒सोम॑स्यपी॒तये᳚ || 2 || इ॒मम्¦मे॒¦स्तोम᳚म्¦अ॒श्वि॒ना॒¦इ॒मम्¦मे॒¦शृ॒णु॒त॒म्¦हव᳚म् | मध्वः॑¦सोम॑स्य¦पी॒तये᳚ || |
| अ॒यंवां॒कृष्णो᳚,अश्विना॒हव॑तेवाजिनीवसू | मध्वः॒सोम॑स्यपी॒तये᳚ || 3 || अ॒यम्¦वा॒म्¦कृष्णः॑¦अ॒श्वि॒ना॒¦हव॑ते¦वा॒जि॒नी॒व॒सू॒ इति॑ वाजिनीऽवसू | मध्वः॑¦सोम॑स्य¦पी॒तये᳚ || |
| शृ॒णु॒तंज॑रि॒तुर्हवं॒कृष्ण॑स्यस्तुव॒तोन॑रा | मध्वः॒सोम॑स्यपी॒तये᳚ || 4 || शृ॒णु॒तम्¦ज॒रि॒तुः¦हव᳚म्¦कृष्ण॑स्य¦स्तु॒व॒तः¦न॒रा॒ | मध्वः॑¦सोम॑स्य¦पी॒तये᳚ || |
| छ॒र्दिर्य᳚न्त॒मदा᳚भ्यं॒विप्रा᳚यस्तुव॒तेन॑रा | मध्वः॒सोम॑स्यपी॒तये᳚ || 5 || छ॒र्दिः¦य॒न्त॒म्¦अदा᳚भ्यम्¦विप्रा᳚य¦स्तु॒व॒ते¦न॒रा॒ | मध्वः॑¦सोम॑स्य¦पी॒तये᳚ || |
| गच्छ॑तंदा॒शुषो᳚गृ॒हमि॒त्थास्तु॑व॒तो,अ॑श्विना | मध्वः॒सोम॑स्यपी॒तये᳚ || 6 || वर्ग:8 गच्छ॑तम्¦दा॒शुषः॑¦गृ॒हम्¦इ॒त्था¦स्तु॒व॒तः¦अ॒श्वि॒ना॒ | मध्वः॑¦सोम॑स्य¦पी॒तये᳚ || |
| यु॒ञ्जाथां॒रास॑भं॒रथे᳚वी॒ड्व᳚ङ्गेवृषण्वसू | मध्वः॒सोम॑स्यपी॒तये᳚ || 7 || युं॒जाथा᳚म्¦रास॑भम्¦रथे᳚¦वी॒ळु।आ᳚ङ्गे¦वृ॒ष॒ण्व॒सू॒ इति॑ वृषण्ऽवसू | मध्वः॑¦सोम॑स्य¦पी॒तये᳚ || |
| त्रि॒व॒न्धु॒रेण॑त्रि॒वृता॒रथे॒नाया᳚तमश्विना | मध्वः॒सोम॑स्यपी॒तये᳚ || 8 || त्रि॒ऽव॒न्धु॒रेण॑¦त्रि॒ऽवृता᳚¦रथे᳚न¦आ¦या॒त॒म्¦अ॒श्वि॒ना॒ | मध्वः॑¦सोम॑स्य¦पी॒तये᳚ || |
| नूमे॒गिरो᳚नास॒त्याश्वि॑ना॒प्राव॑तंयु॒वम् | मध्वः॒सोम॑स्यपी॒तये᳚ || 9 || नु¦मे॒¦गिरः॑¦ना॒स॒त्या॒¦अश्वि॑ना¦प्र¦अ॒व॒त॒म्¦यु॒वम् | मध्वः॑¦सोम॑स्य¦पी॒तये᳚ || |
| [75] उभाहीति पंचर्चस्य सूक्तस्यांगिरसः कृष्णोश्विनौजगती | (अत्रकाणिर्विश्वकऋषिः पाक्षिकः){अष्टक:6, अध्याय:6}{मंडल:8, सूक्त:86}{अनुवाक:9, सूक्त:6} |
| उ॒भाहिद॒स्राभि॒षजा᳚मयो॒भुवो॒भादक्ष॑स्य॒वच॑सोबभू॒वथुः॑ | तावां॒विश्व॑कोहवतेतनूकृ॒थेमानो॒वियौ᳚ष्टंस॒ख्यामु॒मोच॑तम् || 1 || वर्ग:9 उ॒भा¦हि¦द॒स्रा¦भि॒षजा᳚¦म॒यः॒ऽभुवा᳚¦उ॒भा¦दक्ष॑स्य¦वच॑सः¦ब॒भू॒वथुः॑ | |
| क॒थानू॒नंवां॒विम॑ना॒,उप॑स्तवद्यु॒वंधियं᳚ददथु॒र्वस्य॑इष्टये | तावां॒विश्व॑कोहवतेतनूकृ॒थेमानो॒वियौ᳚ष्टंस॒ख्यामु॒मोच॑तम् || 2 || क॒था¦नू॒नम्¦वा॒म्¦विऽम॑नाः¦उप॑¦स्त॒व॒त्¦यु॒वम्¦धिय᳚म्¦द॒द॒थुः॒¦वस्यः॑ऽइष्टये | |
| यु॒वंहिष्मा᳚पुरुभुजे॒ममे᳚ध॒तुंवि॑ष्णा॒प्वे᳚द॒दथु॒र्वस्य॑इष्टये | तावां॒विश्व॑कोहवतेतनूकृ॒थेमानो॒वियौ᳚ष्टंस॒ख्यामु॒मोच॑तम् || 3 || यु॒वम्¦हि¦स्म॒¦पु॒रु॒ऽभु॒जा॒¦इ॒मम्¦ए॒ध॒तुम्¦वि॒ष्णा॒प्वे᳚¦द॒दथुः॑¦वस्यः॑ऽइष्टये | |
| उ॒तत्यंवी॒रंध॑न॒सामृ॑जी॒षिणं᳚दू॒रेचि॒त्सन्त॒मव॑सेहवामहे | यस्य॒स्वादि॑ष्ठासुम॒तिःपि॒तुर्य॑था॒मानो॒वियौ᳚ष्टंस॒ख्यामु॒मोच॑तम् || 4 || उ॒त¦त्यम्¦वी॒रम्¦ध॒न॒ऽसाम्¦ऋ॒जी॒षिण᳚म्¦दू॒रे¦चि॒त्¦सन्त᳚म्¦अव॑से¦ह॒वा॒म॒हे॒ | |
| ऋ॒तेन॑दे॒वःस॑वि॒ताश॑मायतऋ॒तस्य॒शृङ्ग॑मुर्वि॒याविप॑प्रथे | ऋ॒तंसा᳚साह॒महि॑चित्पृतन्य॒तोमानो॒वियौ᳚ष्टंस॒ख्यामु॒मोच॑तम् || 5 || ऋ॒तेन॑¦दे॒वः¦स॒वि॒ता¦श॒म्ऽआ॒य॒ते॒¦ऋ॒तस्य॑¦शृङ्ग᳚म्¦उ॒र्वि॒या¦वि¦प॒प्र॒थे॒ | |
| [76] द्युम्नीवामिति षडृचस्य सूक्तस्यांगिरसः कृष्णोश्विनौअयुजोबृहत्योयुजः सतोबृहत्यः | ( अत्रवासिष्ठोद्युम्नीकआंगिरसः प्रियमेधश्चेत्युभावृषीवैकल्पिकौ) |{अष्टक:6, अध्याय:6}{मंडल:8, सूक्त:87}{अनुवाक:9, सूक्त:7} |
| द्यु॒म्नीवां॒स्तोमो᳚,अश्विना॒क्रिवि॒र्नसेक॒आग॑तम् | मध्वः॑सु॒तस्य॒सदि॒विप्रि॒योन॑रापा॒तंगौ॒रावि॒वेरि॑णे || 1 || वर्ग:10 द्यु॒म्नी¦वा॒म्¦स्तोमः॑¦अ॒श्वि॒ना॒¦क्रिविः॑¦न¦सेके᳚¦आ¦ग॒त॒म् | |
| पिब॑तंघ॒र्मंमधु॑मन्तमश्वि॒नाब॒र्हिःसी᳚दतंनरा | ताम᳚न्दसा॒नामनु॑षोदुरो॒णआनिपा᳚तं॒वेद॑सा॒वयः॑ || 2 || पिब॑तम्¦घ॒र्मम्¦मधु॑ऽमन्तम्¦अ॒श्वि॒ना॒¦आ¦ब॒र्हिः¦सी॒द॒त॒म्¦न॒रा॒ | |
| आवां॒विश्वा᳚भिरू॒तिभिः॑प्रि॒यमे᳚धा,अहूषत | ताव॒र्तिर्या᳚त॒मुप॑वृ॒क्तब᳚र्हिषो॒जुष्टं᳚य॒ज्ञंदिवि॑ष्टिषु || 3 || आ¦वा॒म्¦विश्वा᳚भिः¦ऊ॒तिऽभिः॑¦प्रि॒यऽमे᳚धाः¦अ॒हू॒ष॒त॒ | |
| पिब॑तं॒सोमं॒मधु॑मन्तमश्वि॒नाब॒र्हिःसी᳚दतंसु॒मत् | तावा᳚वृधा॒ना,उप॑सुष्टु॒तिंदि॒वोग॒न्तंगौ॒रावि॒वेरि॑णम् || 4 || पिब॑तम्¦सोम᳚म्¦मधु॑ऽमन्तम्¦अ॒श्वि॒ना॒¦आ¦ब॒र्हिः¦सी॒द॒त॒म्¦सु॒ऽमत् | |
| आनू॒नंया᳚तमश्वि॒नाश्वे᳚भिःप्रुषि॒तप्सु॑भिः | दस्रा॒हिर᳚ण्यवर्तनीशुभस्पतीपा॒तंसोम॑मृतावृधा || 5 || आ¦नू॒नम्¦या॒त॒म्¦अ॒श्वि॒ना॒¦अश्वे᳚भिः¦प्रु॒षि॒तप्सु॑ऽभिः | |
| व॒यंहिवां॒हवा᳚महेविप॒न्यवो॒विप्रा᳚सो॒वाज॑सातये | ताव॒ल्गूद॒स्रापु॑रु॒दंस॑साधि॒याश्वि॑नाश्रु॒ष्ट्याग॑तम् || 6 || व॒यम्¦हि¦वा॒म्¦हवा᳚महे¦वि॒प॒न्यवः॑¦विप्रा᳚सः¦वाज॑ऽसातये | |
| [77] तंवोदस्ममिति षडृचस्य सूक्तस्य गौतमोनोधाइंद्रः अयुजोबृहत्योयुजःसतोबृहत्यः |{अष्टक:6, अध्याय:6}{मंडल:8, सूक्त:88}{अनुवाक:9, सूक्त:8} |
| तंवो᳚द॒स्ममृ॑ती॒षहं॒वसो᳚र्मन्दा॒नमन्ध॑सः | अ॒भिव॒त्संनस्वस॑रेषुधे॒नव॒इन्द्रं᳚गी॒र्भिर्न॑वामहे || 1 || वर्ग:11 तम्¦वः॒¦द॒स्मम्¦ऋ॒ति॒ऽसह᳚म्¦वसोः᳚¦म॒न्दा॒नम्¦अन्ध॑सः | |
| द्यु॒क्षंसु॒दानुं॒तवि॑षीभि॒रावृ॑तंगि॒रिंनपु॑रु॒भोज॑सम् | क्षु॒मन्तं॒वाजं᳚श॒तिनं᳚सह॒स्रिणं᳚म॒क्षूगोम᳚न्तमीमहे || 2 || द्यु॒क्षम्¦सु॒ऽदानु᳚म्¦तवि॑षीभिः¦आऽवृ॑तम्¦गि॒रिम्¦न¦पु॒रु॒ऽभोज॑सम् | |
| नत्वा᳚बृ॒हन्तो॒,अद्र॑यो॒वर᳚न्तइन्द्रवी॒ळवः॑ | यद्दित्स॑सिस्तुव॒तेमाव॑ते॒वसु॒नकि॒ष्टदामि॑नातिते || 3 || न¦त्वा॒¦बृ॒हन्तः॑¦अद्र॑यः¦वर᳚न्ते¦इ॒न्द्र॒¦वी॒ळवः॑ | |
| योद्धा᳚सि॒क्रत्वा॒शव॑सो॒तदं॒सना॒विश्वा᳚जा॒ताभिम॒ज्मना᳚ | आत्वा॒यम॒र्कऊ॒तये᳚ववर्तति॒यंगोत॑मा॒,अजी᳚जनन् || 4 || योद्धा᳚¦अ॒सि॒¦क्रत्वा᳚¦शव॑सा¦उ॒त¦दं॒सना᳚¦विश्वा᳚¦जा॒ता¦अ॒भि¦म॒ज्मना᳚ | |
| प्रहिरि॑रि॒क्षओज॑सादि॒वो,अन्ते᳚भ्य॒स्परि॑ | नत्वा᳚विव्याच॒रज॑इन्द्र॒पार्थि॑व॒मनु॑स्व॒धांव॑वक्षिथ || 5 || प्र¦हि¦रि॒रि॒क्षे¦ओज॑सा¦दि॒वः¦अन्ते᳚भ्यः¦परि॑ | |
| नकिः॒परि॑ष्टिर्मघवन्म॒घस्य॑ते॒यद्दा॒शुषे᳚दश॒स्यसि॑ | अ॒स्माकं᳚बोध्यु॒चथ॑स्यचोदि॒तामंहि॑ष्ठो॒वाज॑सातये || 6 || नकिः॑¦परि॑ष्टिः¦म॒घ॒ऽव॒न्¦म॒घस्य॑¦ते॒¦यत्¦दा॒शुषे᳚¦द॒श॒स्यसि॑ | |
| [78] बृहदिंद्रायेति सप्तर्चस्य सूक्तस्यांगिरसौ नृमेधपुरुमेधाविंद्रो बृहती द्वितीयाचतुर्थ्यौसतोबृहत्यौ पंचमीषष्ठ्यावनुष्टुभौ |{अष्टक:6, अध्याय:6}{मंडल:8, सूक्त:89}{अनुवाक:9, सूक्त:9} |
| बृ॒हदिन्द्रा᳚यगायत॒मरु॑तोवृत्र॒हन्त॑मम् | येन॒ज्योति॒रज॑नयन्नृता॒वृधो᳚दे॒वंदे॒वाय॒जागृ॑वि || 1 || वर्ग:12 बृ॒हत्¦इन्द्रा᳚य¦गा॒य॒त॒¦मरु॑तः¦वृ॒त्र॒हम्ऽत॑मम् | |
| अपा᳚धमद॒भिश॑स्तीरशस्ति॒हाथेन्द्रो᳚द्यु॒म्न्याभ॑वत् | दे॒वास्त॑इन्द्रस॒ख्याय॑येमिरे॒बृह॑द्भानो॒मरु॑द्गण || 2 || अप॑¦अ॒ध॒म॒त्¦अ॒भिऽश॑स्तीः¦अ॒श॒स्ति॒ऽहा¦अथ॑¦इन्द्रः॑¦द्यु॒म्नी¦आ¦अ॒भ॒व॒त् | |
| प्रव॒इन्द्रा᳚यबृह॒तेमरु॑तो॒ब्रह्मा᳚र्चत | वृ॒त्रंह॑नतिवृत्र॒हाश॒तक्र॑तु॒र्वज्रे᳚णश॒तप᳚र्वणा || 3 || प्र¦वः॒¦इन्द्रा᳚य¦बृ॒ह॒ते¦मरु॑तः¦ब्रह्म॑¦अ॒र्च॒त॒ | |
| अ॒भिप्रभ॑रधृष॒ताधृ॑षन्मनः॒श्रव॑श्चित्ते,असद्बृ॒हत् | अर्ष॒न्त्वापो॒जव॑सा॒विमा॒तरो॒हनो᳚वृ॒त्रंजया॒स्वः॑ || 4 || अ॒भि¦प्र¦भ॒र॒¦धृ॒ष॒ता¦धृ॒ष॒त्ऽम॒नः॒¦श्रवः॑¦चि॒त्¦ते॒¦अ॒स॒त्¦बृ॒हत् | |
| यज्जाय॑था,अपूर्व्य॒मघ॑वन्वृत्र॒हत्या᳚य | तत्पृ॑थि॒वीम॑प्रथय॒स्तद॑स्तभ्ना,उ॒तद्याम् || 5 || यत्¦जाय॑थाः¦अ॒पू॒र्व्य॒¦मघ॑ऽवन्¦वृ॒त्र॒ऽहत्या᳚य | तत्¦पृ॒थि॒वीम्¦अ॒प्र॒थ॒यः॒¦तत्¦अ॒स्त॒भ्नाः॒¦उ॒त¦द्याम् || |
| तत्ते᳚य॒ज्ञो,अ॑जायत॒तद॒र्कउ॒तहस्कृ॑तिः | तद्विश्व॑मभि॒भूर॑सि॒यज्जा॒तंयच्च॒जन्त्व᳚म् || 6 || तत्¦ते॒¦य॒ज्ञः¦अ॒जा॒य॒त॒¦तत्¦अ॒र्कः¦उ॒त¦हस्कृ॑तिः | तत्¦विश्व᳚म्¦अ॒भि॒ऽभूः¦अ॒सि॒¦यत्¦जा॒तम्¦यत्¦च॒¦जन्त्व᳚म् || |
| आ॒मासु॑प॒क्वमैर॑य॒आसूर्यं᳚रोहयोदि॒वि | घ॒र्मंनसाम᳚न्तपतासुवृ॒क्तिभि॒र्जुष्टं॒गिर्व॑णसेबृ॒हत् || 7 || आ॒मासु॑¦प॒क्वम्¦ऐर॑यः¦आ¦सूर्य᳚म्¦रो॒ह॒यः॒¦दि॒वि | |
| [79] आनोविश्वास्थिति षडृचस्य सूक्तस्यांगिरसौ नृमेधपुरुमेधाविंद्रः अयुजोबृहत्योयुजःसतोबृहत्यः |{अष्टक:6, अध्याय:6}{मंडल:8, सूक्त:90}{अनुवाक:9, सूक्त:10} |
| आनो॒विश्वा᳚सु॒हव्य॒इन्द्रः॑स॒मत्सु॑भूषतु | उप॒ब्रह्मा᳚णि॒सव॑नानिवृत्र॒हाप॑रम॒ज्या,ऋची᳚षमः || 1 || वर्ग:13 आ¦नः॒¦विश्वा᳚सु¦हव्यः॑¦इन्द्रः॑¦स॒मत्ऽसु॑¦भू॒ष॒तु॒ | |
| त्वंदा॒ताप्र॑थ॒मोराध॑साम॒स्यसि॑स॒त्यई᳚शान॒कृत् | तु॒वि॒द्यु॒म्नस्य॒युज्यावृ॑णीमहेपु॒त्रस्य॒शव॑सोम॒हः || 2 || त्वम्¦दा॒ता¦प्र॒थ॒मः¦राध॑साम्¦अ॒सि॒¦असि॑¦स॒त्यः¦ई॒शा॒न॒ऽकृत् | |
| ब्रह्मा᳚तइन्द्रगिर्वणःक्रि॒यन्ते॒,अन॑तिद्भुता | इ॒माजु॑षस्वहर्यश्व॒योज॒नेन्द्र॒याते॒,अम᳚न्महि || 3 || ब्रह्म॑¦ते॒¦इ॒न्द्र॒¦गि॒र्व॒णः॒¦क्रि॒यन्ते᳚¦अन॑तिद्भुता | |
| त्वंहिस॒त्योम॑घव॒न्नना᳚नतोवृ॒त्राभूरि॑न्यृ॒ञ्जसे᳚ | सत्वंश॑विष्ठवज्रहस्तदा॒शुषे॒ऽर्वाञ्चं᳚र॒यिमाकृ॑धि || 4 || त्वम्¦हि¦स॒त्यः¦म॒घ॒ऽव॒न्¦अना᳚नतः¦वृ॒त्रा¦भूरि॑¦नि॒ऽऋं॒जसे᳚ | |
| त्वमि᳚न्द्रय॒शा,अ॑स्यृजी॒षीश॑वसस्पते | त्वंवृ॒त्राणि॑हंस्यप्र॒तीन्येक॒इदनु॑त्ताचर्षणी॒धृता᳚ || 5 || त्वम्¦इ॒न्द्र॒¦य॒शाः¦अ॒सि॒¦ऋ॒जी॒षी¦श॒व॒सः॒¦प॒ते॒ | |
| तमु॑त्वानू॒नम॑सुर॒प्रचे᳚तसं॒राधो᳚भा॒गमि॑वेमहे | म॒हीव॒कृत्तिः॑शर॒णात॑इन्द्र॒प्रते᳚सु॒म्नानो᳚,अश्नवन् || 6 || तम्¦ऊँ॒ इति॑¦त्वा॒¦नू॒नम्¦अ॒सु॒र॒¦प्रऽचे᳚तसम्¦राधः॑¦भा॒गम्ऽइ᳚व¦ई॒म॒हे॒ | |
| [80] कन्यावारिति सप्तर्चस्य सूक्तस्यात्रेय्यपालेंद्रोनुष्टुबाद्येद्वेपंक्ती |{अष्टक:6, अध्याय:6}{मंडल:8, सूक्त:91}{अनुवाक:9, सूक्त:11} |
| क॒न्या॒३॑(आ॒)वार॑वाय॒तीसोम॒मपि॑स्रु॒तावि॑दत् | अस्तं॒भर᳚न्त्यब्रवी॒दिन्द्रा᳚यसुनवैत्वाश॒क्राय॑सुनवैत्वा || 1 || वर्ग:14 क॒न्या᳚¦वाः¦अ॒व॒ऽय॒ती¦सोम᳚म्¦अपि॑¦स्रु॒ता¦अ॒वि॒द॒त् | |
| अ॒सौयएषि॑वीर॒कोगृ॒हंगृ॑हंवि॒चाक॑शद् | इ॒मंजम्भ॑सुतंपिबधा॒नाव᳚न्तंकर॒म्भिण॑मपू॒पव᳚न्तमु॒क्थिन᳚म् || 2 || अ॒सौ¦यः¦एषि॑¦वी॒र॒कः¦गृ॒हम्ऽगृ॑हम्¦वि॒ऽचाक॑शत् | |
| आच॒नत्वा᳚चिकित्सा॒मोऽधि॑च॒नत्वा॒नेम॑सि | शनै᳚रिवशन॒कैरि॒वेन्द्रा᳚येन्दो॒परि॑स्रव || 3 || आ¦च॒न¦त्वा॒¦चि॒कि॒त्सा॒मः॒¦अधि॑¦च॒न¦त्वा॒¦न¦इ॒म॒सि॒ | शनैः᳚ऽइव¦श॒न॒कैःऽइ᳚व¦इन्द्रा᳚य¦इ॒न्दो॒ इति॑¦परि॑¦स्र॒व॒ || |
| कु॒विच्छक॑त्कु॒वित्कर॑त्कु॒विन्नो॒वस्य॑स॒स्कर॑त् | कु॒वित्प॑ति॒द्विषो᳚य॒तीरिन्द्रे᳚णसं॒गमा᳚महै || 4 || कु॒वित्¦शक॑त्¦कु॒वित्¦कर॑त्¦कु॒वित्¦नः॒¦वस्य॑सः¦कर॑त् | कु॒वित्¦प॒ति॒ऽद्विषः॑¦य॒तीः¦इन्द्रे᳚ण¦स॒म्ऽगमा᳚महै || |
| इ॒मानि॒त्रीणि॑वि॒ष्टपा॒तानी᳚न्द्र॒विरो᳚हय | शिर॑स्त॒तस्यो॒र्वरा॒मादि॒दंम॒उपो॒दरे᳚ || 5 || इ॒मानि॑¦त्रीणि॑¦वि॒ष्टपा᳚¦तानि॑¦इ॒न्द्र॒¦वि¦रो॒ह॒य॒ | शिरः॑¦त॒तस्य॑¦उ॒र्वरा᳚म्¦आत्¦इ॒दम्¦मे॒¦उप॑¦उ॒दरे᳚ || |
| अ॒सौच॒यान॑उ॒र्वरादि॒मांत॒न्व१॑(अं॒)मम॑ | अथो᳚त॒तस्य॒यच्छिरः॒सर्वा॒तारो᳚म॒शाकृ॑धि || 6 || अ॒सौ¦च॒¦या¦नः॒¦उ॒र्वरा᳚¦आत्¦इ॒माम्¦त॒न्व᳚म्¦मम॑ | अथो॒ इति॑¦त॒तस्य॑¦यत्¦शिरः॑¦सर्वा᳚¦ता¦रो॒म॒शा¦कृ॒धि॒ || |
| खेरथ॑स्य॒खेऽन॑सः॒खेयु॒गस्य॑शतक्रतो | अ॒पा॒लामि᳚न्द्र॒त्रिष्पू॒त्व्यकृ॑णोः॒सूर्य॑त्वचम् || 7 || खे¦रथ॑स्य¦खे¦अन॑सः¦खे¦यु॒गस्य॑¦श॒त॒क्र॒तो॒ इति॑ शतऽक्रतो | अ॒पा॒लाम्¦इ॒न्द्र॒¦त्रिः¦पू॒त्वी¦अकृ॑णोः¦सूर्य॑ऽत्वचम् || |
| [81] पांतमिति त्रयस्त्रिंशदृचस्य सूक्तस्यांगिरसः श्रुतकक्ष इंद्रोगायत्र्याद्यानुष्टुप् (सुकक्षोवाऋषिः ) |{अष्टक:6, अध्याय:6}{मंडल:8, सूक्त:92}{अनुवाक:9, सूक्त:12} |
| पान्त॒मावो॒,अन्ध॑स॒इन्द्र॑म॒भिप्रगा᳚यत | वि॒श्वा॒साहं᳚श॒तक्र॑तुं॒मंहि॑ष्ठंचर्षणी॒नाम् || 1 || वर्ग:15 पान्त᳚म्¦आ¦वः॒¦अन्ध॑सः¦इन्द्र᳚म्¦अ॒भि¦प्र¦गा॒य॒त॒ | वि॒श्व॒ऽसह᳚म्¦श॒तऽक्र॑तुम्¦मंहि॑ष्ठम्¦च॒र्ष॒णी॒नाम् || |
| पु॒रु॒हू॒तंपु॑रुष्टु॒तंगा᳚था॒न्य१॑(अं॒)सन॑श्रुतम् | इन्द्र॒इति॑ब्रवीतन || 2 || पु॒रु॒ऽहू॒तम्¦पु॒रु॒ऽस्तु॒तम्¦गा॒था॒न्य᳚म्¦सन॑ऽश्रुतम् | इन्द्रः॑¦इति॑¦ब्र॒वी॒त॒न॒ || |
| इन्द्र॒इन्नो᳚म॒हानां᳚दा॒तावाजा᳚नांनृ॒तुः | म॒हाँ,अ॑भि॒ज्ञ्वाय॑मत् || 3 || इन्द्रः॑¦इत्¦नः॒¦म॒हाना᳚म्¦दा॒ता¦वाजा᳚नाम्¦नृ॒तुः | म॒हान्¦अ॒भि॒ऽज्ञु¦आ¦य॒म॒त् || |
| अपा᳚दुशि॒प्र्यन्ध॑सःसु॒दक्ष॑स्यप्रहो॒षिणः॑ | इन्दो॒रिन्द्रो॒यवा᳚शिरः || 4 || अपा᳚त्¦ऊँ॒ इति॑¦शि॒प्री¦अन्ध॑सः¦सु॒ऽदक्ष॑स्य¦प्र॒ऽहो॒षिणः॑ | इन्दोः᳚¦इन्द्रः॑¦यव॑ऽआशिरः || |
| तम्व॒भिप्रार्च॒तेन्द्रं॒सोम॑स्यपी॒तये᳚ | तदिद्ध्य॑स्य॒वर्ध॑नम् || 5 || तम्¦ऊँ॒ इति॑¦अ॒भि¦प्र¦अ॒र्च॒त॒¦इन्द्र᳚म्¦सोम॑स्य¦पी॒तये᳚ | तत्¦इत्¦हि¦अ॒स्य॒¦वर्ध॑नम् || |
| अ॒स्यपी॒त्वामदा᳚नांदे॒वोदे॒वस्यौज॑सा | विश्वा॒भिभुव॑नाभुवत् || 6 || वर्ग:16 अ॒स्य¦पी॒त्वा¦मदा᳚नाम्¦दे॒वः¦दे॒वस्य॑¦ओज॑सा | विश्वा᳚¦अ॒भि¦भुव॑ना¦भु॒व॒त् || |
| त्यमु॑वःसत्रा॒साहं॒विश्वा᳚सुगी॒र्ष्वाय॑तम् | आच्या᳚वयस्यू॒तये᳚ || 7 || त्यम्¦ऊँ॒ इति॑¦वः॒¦स॒त्रा॒ऽसह᳚म्¦विश्वा᳚सु¦गी॒र्षु¦आऽय॑तम् | आ¦च्य॒व॒य॒सि॒¦ऊ॒तये᳚ || |
| यु॒ध्मंसन्त॑मन॒र्वाणं᳚सोम॒पामन॑पच्युतम् | नर॑मवा॒र्यक्र॑तुम् || 8 || यु॒ध्मम्¦सन्त᳚म्¦अ॒न॒र्वाण᳚म्¦सो॒म॒ऽपाम्¦अन॑पऽच्युतम् | नर᳚म्¦अ॒वा॒र्यऽक्र॑तुम् || |
| शिक्षा᳚णइन्द्ररा॒यआपु॒रुवि॒द्वाँ,ऋ॑चीषम | अवा᳚नः॒पार्ये॒धने᳚ || 9 || शिक्ष॑¦नः॒¦इ॒न्द्र॒¦रा॒यः¦आ¦पु॒रु¦वि॒द्वान्¦ऋ॒ची॒ष॒म॒ | अव॑¦नः॒¦पार्ये᳚¦धने᳚ || |
| अत॑श्चिदिन्द्रण॒उपाया᳚हिश॒तवा᳚जया | इ॒षास॒हस्र॑वाजया || 10 || अतः॑¦चि॒त्¦इ॒न्द्र॒¦नः॒¦उप॑¦आ¦या॒हि॒¦श॒तऽवा᳚जया | इ॒षा¦स॒हस्र॑ऽवाजया || |
| अया᳚म॒धीव॑तो॒धियोऽर्व॑द्भिःशक्रगोदरे | जये᳚मपृ॒त्सुव॑ज्रिवः || 11 || वर्ग:17 अया᳚म¦धीऽव॑तः¦धियः॑¦अर्व॑त्ऽभिः¦श॒क्र॒¦गो॒ऽद॒रे॒ | जये᳚म¦पृ॒त्ऽसु¦व॒ज्रि॒ऽवः॒ || |
| व॒यमु॑त्वाशतक्रतो॒गावो॒नयव॑से॒ष्वा | उ॒क्थेषु॑रणयामसि || 12 || व॒यम्¦ऊँ॒ इति॑¦त्वा॒¦श॒त॒क्र॒तो॒ इति॑ शतऽक्रतो¦गावः॑¦न¦यव॑सेषु¦आ | उ॒क्थेषु॑¦र॒ण॒या॒म॒सि॒ || |
| विश्वा॒हिम॑र्त्यत्व॒नानु॑का॒माश॑तक्रतो | अग᳚न्मवज्रिन्ना॒शसः॑ || 13 || विश्वा᳚¦हि¦म॒र्त्य॒ऽत्व॒ना¦अ॒नु॒ऽका॒मा¦श॒त॒क्र॒तो॒ इति॑ शतऽक्रतो | अग᳚न्म¦व॒ज्रि॒न्¦आ॒ऽशसः॑ || |
| त्वेसुपु॑त्रशव॒सोऽवृ॑त्र॒न्काम॑कातयः | नत्वामि॒न्द्राति॑रिच्यते || 14 || त्वे इति॑¦सु¦पु॒त्र॒¦श॒व॒सः॒¦अवृ॑त्रन्¦काम॑ऽकातयः | न¦त्वाम्¦इ॒न्द्र॒¦अति॑¦रि॒च्य॒ते॒ || |
| सनो᳚वृष॒न्त्सनि॑ष्ठया॒संघो॒रया᳚द्रवि॒त्न्वा | धि॒यावि॑ड्ढि॒पुरं᳚ध्या || 15 || सः¦नः॒¦वृ॒ष॒न्¦सनि॑ष्ठया¦सम्¦घो॒रया᳚¦द्र॒वि॒त्न्वा | धि॒या¦अ॒वि॒ड्ढि॒¦पुर᳚म्ऽध्या || |
| यस्ते᳚नू॒नंश॑तक्रत॒विन्द्र॑द्यु॒म्नित॑मो॒मदः॑ | तेन॑नू॒नंमदे᳚मदेः || 16 || वर्ग:18 यः¦ते॒¦नू॒नम्¦श॒त॒क्र॒तो॒ इति॑ शतऽक्रतो¦इन्द्र॑¦द्यु॒म्निऽत॑मः¦मदः॑ | तेन॑¦नू॒नम्¦मदे᳚¦म॒दे॒रिति॑ मदेः || |
| यस्ते᳚चि॒त्रश्र॑वस्तमो॒यइ᳚न्द्रवृत्र॒हन्त॑मः | यओ᳚जो॒दात॑मो॒मदः॑ || 17 || यः¦ते॒¦चि॒त्रश्र॑वःऽतमः¦यः¦इ॒न्द्र॒¦वृ॒त्र॒हन्ऽत॑मः | यः¦ओ॒जः॒ऽदात॑मः¦मदः॑ || |
| वि॒द्माहियस्ते᳚,अद्रिव॒स्त्वाद॑त्तःसत्यसोमपाः | विश्वा᳚सुदस्मकृ॒ष्टिषु॑ || 18 || वि॒द्म¦हि¦यः¦ते॒¦अ॒द्रि॒ऽवः॒¦त्वाऽद॑त्तः¦स॒त्य॒¦सो॒म॒ऽपाः॒ | विश्वा᳚सु¦द॒स्म॒¦कृ॒ष्टिषु॑ || |
| इन्द्रा᳚य॒मद्व॑नेसु॒तंपरि॑ष्टोभन्तुनो॒गिरः॑ | अ॒र्कम॑र्चन्तुका॒रवः॑ || 19 || इन्द्रा᳚य¦मद्व॑ने¦सु॒तम्¦परि॑¦स्तो॒भ॒न्तु॒¦नः॒¦गिरः॑ | अ॒र्कम्¦अ॒र्च॒न्तु॒¦का॒रवः॑ || |
| यस्मि॒न्विश्वा॒,अधि॒श्रियो॒रण᳚न्तिस॒प्तसं॒सदः॑ | इन्द्रं᳚सु॒तेह॑वामहे || 20 || यस्मि॑न्¦विश्वाः᳚¦अधि॑¦श्रियः॑¦रण᳚न्ति¦स॒प्त¦स॒म्ऽसदः॑ | इन्द्र᳚म्¦सु॒ते¦ह॒वा॒म॒हे॒ || |
| त्रिक॑द्रुकेषु॒चेत॑नंदे॒वासो᳚य॒ज्ञम॑त्नत | तमिद्व॑र्धन्तुनो॒गिरः॑ || 21 || वर्ग:19 त्रिऽक॑द्रुकेषु¦चेत॑नम्¦दे॒वासः॑¦य॒ज्ञम्¦अ॒त्न॒त॒ | तम्¦इत्¦व॒र्ध॒न्तु॒¦नः॒¦गिरः॑ || |
| आत्वा᳚विश॒न्त्विन्द॑वःसमु॒द्रमि॑व॒सिन्ध॑वः | नत्वामि॒न्द्राति॑रिच्यते || 22 || आ¦त्वा॒¦वि॒श॒न्तु॒¦इन्द॑वः¦स॒मु॒द्रम्ऽइ᳚व¦सिन्ध॑वः | न¦त्वाम्¦इ॒न्द्र॒¦अति॑¦रि॒च्य॒ते॒ || |
| वि॒व्यक्थ॑महि॒नावृ॑षन्भ॒क्षंसोम॑स्यजागृवे | यइ᳚न्द्रज॒ठरे᳚षुते || 23 || वि॒व्यक्थ॑¦म॒हि॒ना¦वृ॒ष॒न्¦भ॒क्षम्¦सोम॑स्य¦जा॒गृ॒वे॒ | यः¦इ॒न्द्र॒¦ज॒ठरे᳚षु¦ते॒ || |
| अरं᳚तइन्द्रकु॒क्षये॒सोमो᳚भवतुवृत्रहन् | अरं॒धाम॑भ्य॒इन्द॑वः || 24 || अर᳚म्¦ते॒¦इ॒न्द्र॒¦कु॒क्षये᳚¦सोमः॑¦भ॒व॒तु॒¦वृ॒त्र॒ऽह॒न् | अर᳚म्¦धाम॑ऽभ्यः¦इन्द॑वः || |
| अर॒मश्वा᳚यगायतिश्रु॒तक॑क्षो॒,अरं॒गवे᳚ | अर॒मिन्द्र॑स्य॒धाम्ने᳚ || 25 || अर᳚म्¦अश्वा᳚य¦गा॒य॒ति॒¦श्रु॒तऽक॑क्षः¦अर᳚म्¦गवे᳚ | अर᳚म्¦इन्द्र॑स्य¦धाम्ने᳚ || |
| अरं॒हिष्म॑सु॒तेषु॑णः॒सोमे᳚ष्विन्द्र॒भूष॑सि | अरं᳚तेशक्रदा॒वने᳚ || 26 || अर᳚म्¦हि¦स्म॒¦सु॒तेषु॑¦नः॒¦सोमे᳚षु¦इ॒न्द्र॒¦भूष॑सि | अर᳚म्¦ते॒¦श॒क्र॒¦दा॒वने᳚ || |
| प॒रा॒कात्ता᳚च्चिदद्रिव॒स्त्वांन॑क्षन्तनो॒गिरः॑ | अरं᳚गमामतेव॒यम् || 27 || वर्ग:20 प॒रा॒कात्ता᳚त्¦चि॒त्¦अ॒द्रि॒ऽवः॒¦त्वाम्¦न॒क्ष॒न्त॒¦नः॒¦गिरः॑ | अर᳚म्¦ग॒मा॒म॒¦ते॒¦व॒यम् || |
| ए॒वाह्यसि॑वीर॒युरे॒वाशूर॑उ॒तस्थि॒रः | ए॒वाते॒राध्यं॒मनः॑ || 28 || ए॒व¦हि¦असि॑¦वी॒र॒ऽयुः¦ए॒व¦शूरः॑¦उ॒त¦स्थि॒रः | ए॒व¦ते॒¦राध्य᳚म्¦मनः॑ || |
| ए॒वारा॒तिस्तु॑वीमघ॒विश्वे᳚भिर्धायिधा॒तृभिः॑ | अधा᳚चिदिन्द्रमे॒सचा᳚ || 29 || ए॒व¦रा॒तिः¦तु॒वि॒ऽम॒घ॒¦विश्वे᳚भिः¦धा॒यि॒¦धा॒तृऽभिः॑ | अध॑¦चि॒त्¦इ॒न्द्र॒¦मे॒¦सचा᳚ || |
| मोषुब्र॒ह्मेव॑तन्द्र॒युर्भुवो᳚वाजानांपते | मत्स्वा᳚सु॒तस्य॒गोम॑तः || 30 || मो इति॑¦सु¦ब्र॒ह्माऽइ᳚व¦त॒न्द्र॒युः¦भुवः॑¦वा॒जा॒ना॒म्¦प॒ते॒ | मत्स्व॑¦सु॒तस्य॑¦गोऽम॑तः || |
| मान॑इन्द्रा॒भ्या॒३॑(आ॒)दिशः॒सूरो᳚,अ॒क्तुष्वाय॑मन् | त्वायु॒जाव॑नेम॒तत् || 31 || मा¦नः॒¦इ॒न्द्र॒¦अ॒भि¦आ॒ऽदिशः॑¦सूरः॑¦अ॒क्तुषु॑¦आ¦य॒म॒न् | त्वा¦यु॒जा¦व॒ने॒म॒¦तत् || |
| त्वयेदि᳚न्द्रयु॒जाव॒यंप्रति॑ब्रुवीमहि॒स्पृधः॑ | त्वम॒स्माकं॒तव॑स्मसि || 32 || त्वया᳚¦इत्¦इ॒न्द्र॒¦यु॒जा¦व॒यम्¦प्रति॑¦ब्रु॒वी॒म॒हि॒¦स्पृधः॑ | त्वम्¦अ॒स्माक᳚म्¦तव॑¦स्म॒सि॒ || |
| त्वामिद्धित्वा॒यवो᳚ऽनु॒नोनु॑वत॒श्चरा॑न् | सखा᳚यइन्द्रका॒रवः॑ || 33 || त्वाम्¦इत्¦हि¦त्वा॒ऽयवः॑¦अ॒नु॒ऽनोनु॑वतः¦चरा॑न् | सखा᳚यः¦इ॒न्द्र॒¦का॒रवः॑ || |
| [82] उद्घेदभीति चतुस्त्रिंशदृचस्य सूक्तस्यांगिरसः सुकक्ष इंद्रोंत्याया इंद्रर्भवो गायत्री |{अष्टक:6, अध्याय:6}{मंडल:8, सूक्त:93}{अनुवाक:9, सूक्त:13} |
| उद्घेद॒भिश्रु॒ताम॑घं¦वृष॒भंनर्या᳚पसम् | अस्ता᳚रमेषिसूर्य || 1 || वर्ग:21 उत्¦घ॒¦इत्¦अ॒भि¦श्रु॒तऽम॑घम्¦वृ॒ष॒भम्¦नर्य॑।आपसम् | अस्ता᳚रम्¦ए॒षि॒¦सू॒र्य॒ || |
| नव॒योन॑व॒तिंपुरो᳚बि॒भेद॑बा॒ह्वो᳚जसा | अहिं᳚चवृत्र॒हाव॑धीत् || 2 || नव॑¦यः¦न॒व॒तिम्¦पुरः॑¦बि॒भेद॑¦बा॒हुऽओ᳚जसा | अहि᳚म्¦च॒¦वृ॒त्र॒ऽहा¦अ॒व॒धी॒त् || |
| सन॒इन्द्रः॑शि॒वःसखाश्वा᳚व॒द्गोम॒द्यव॑मत् | उ॒रुधा᳚रेवदोहते || 3 || सः¦नः॒¦इन्द्रः॑¦शि॒वः¦सखा᳚¦अश्व॑ऽवत्¦गोऽम॑त्¦यव॑ऽमत् | उ॒रुधा᳚राऽइव¦दो॒ह॒ते॒ || |
| यद॒द्यकच्च॑वृत्रह¦न्नु॒दगा᳚,अ॒भिसू᳚र्य | सर्वं॒तदि᳚न्द्रते॒वशे᳚ || 4 || यत्¦अ॒द्य¦कत्¦च॒¦वृ॒त्र॒ऽह॒न्¦उ॒त्।आगाः᳚¦अ॒भि¦सू॒र्य॒ | सर्व᳚म्¦तत्¦इ॒न्द्र॒¦ते॒¦वशे᳚ || |
| यद्वा᳚प्रवृद्धसत्पते॒नम॑रा॒,इति॒मन्य॑से | उ॒तोतत्स॒त्यमित्तव॑ || 5 || यत्¦वा॒¦प्र॒ऽवृ॒द्ध॒¦स॒त्ऽप॒ते॒¦न¦म॒रै॒¦इति॑¦मन्य॑से | उ॒तो इति॑¦तत्¦स॒त्यम्¦इत्¦तव॑ || |
| येसोमा᳚सःपरा॒वति॒ये,अ᳚र्वा॒वति॑सुन्वि॒रे | सर्वाँ॒स्ताँ,इ᳚न्द्रगच्छसि || 6 || वर्ग:22 ये¦सोमा᳚सः¦प॒रा॒ऽवति॑¦ये¦अ॒र्वा॒ऽवति॑¦सु॒न्वि॒रे | सर्वा᳚न्¦तान्¦इ॒न्द्र॒¦ग॒च्छ॒सि॒ || |
| तमिन्द्रं᳚वाजयामसिम॒हेवृ॒त्राय॒हन्त॑वे | सवृषा᳚वृष॒भोभु॑वत् || 7 || तम्¦इन्द्र᳚म्¦वा॒ज॒या॒म॒सि॒¦म॒हे¦वृ॒त्राय॑¦हन्त॑वे | सः¦वृषा᳚¦वृ॒ष॒भः¦भु॒व॒त् || |
| इन्द्रः॒सदाम॑नेकृ॒तओजि॑ष्ठः॒समदे᳚हि॒तः | द्यु॒म्नीश्लो॒कीससो॒म्यः || 8 || इन्द्रः॑¦सः¦दाम॑ने¦कृ॒तः¦ओजि॑ष्ठः¦सः¦मदे᳚¦हि॒तः | द्यु॒म्नी¦श्लो॒की¦सः¦सो॒म्यः || |
| गि॒रावज्रो॒नसम्भृ॑तः॒सब॑लो॒,अन॑पच्युतः | व॒व॒क्षऋ॒ष्वो,अस्तृ॑तः || 9 || गि॒रा¦वज्रः॑¦न¦सम्ऽभृ॑तः¦सऽब॑लः¦अन॑पऽच्युतः | व॒व॒क्षे¦ऋ॒ष्वः¦अस्तृ॑तः || |
| दु॒र्गेचि᳚न्नःसु॒गंकृ॑धिगृणा॒नइ᳚न्द्रगिर्वणः | त्वंच॑मघव॒न्वशः॑ || 10 || दुः॒ऽगे¦चि॒त्¦नः॒¦सु॒ऽगम्¦कृ॒धि॒¦गृ॒णा॒नः¦इ॒न्द्र॒¦गि॒र्व॒णः॒ | त्वम्¦च॒¦म॒घ॒ऽव॒न्¦वशः॑ || |
| यस्य॑ते॒नूचि॑दा॒दिशं॒नमि॒नन्ति॑स्व॒राज्य᳚म् | नदे॒वोनाध्रि॑गु॒र्जनः॑ || 11 || वर्ग:23 यस्य॑¦ते॒¦नु¦चि॒त्¦आ॒ऽदिश᳚म्¦न¦मि॒नन्ति॑¦स्व॒ऽराज्य᳚म् | न¦दे॒वः¦न¦अध्रि॑ऽगुः¦जनः॑ || |
| अधा᳚ते॒,अप्र॑तिष्कुतंदे॒वीशुष्मं᳚सपर्यतः | उ॒भेसु॑शिप्र॒रोद॑सी || 12 || अध॑¦ते॒¦अप्र॑तिऽस्कुतम्¦दे॒वी इति॑¦शुष्म᳚म्¦स॒प॒र्य॒तः॒ | उ॒भे इति॑¦सु॒ऽशि॒प्र॒¦रोद॑सी॒ इति॑ || |
| त्वमे॒तद॑धारयःकृ॒ष्णासु॒रोहि॑णीषुच | परु॑ष्णीषु॒रुश॒त्पयः॑ || 13 || त्वम्¦ए॒तत्¦अ॒धा॒र॒यः॒¦कृ॒ष्णासु॑¦रोहि॑णीषु¦च॒ | परु॑ष्णीषु¦रुश॑त्¦पयः॑ || |
| वियदहे॒रध॑त्वि॒षोविश्वे᳚दे॒वासो॒,अक्र॑मुः | वि॒दन्मृ॒गस्य॒ताँ,अमः॑ || 14 || वि¦यत्¦अहेः᳚¦अध॑¦त्वि॒षः¦विश्वे᳚¦दे॒वासः॑¦अक्र॑मुः | वि॒दत्¦मृ॒गस्य॑¦तान्¦अमः॑ || |
| आदु॑मेनिव॒रोभु॑वद्वृत्र॒हादि॑ष्ट॒पौंस्य᳚म् | अजा᳚तशत्रु॒रस्तृ॑तः || 15 || आत्¦ऊँ॒ इति॑¦मे॒¦नि॒ऽव॒रः¦भु॒व॒त्¦वृ॒त्र॒ऽहा¦अ॒दि॒ष्ट॒¦पौंस्य᳚म् | अजा᳚तऽशत्रुः¦अस्तृ॑तः || |
| श्रु॒तंवो᳚वृत्र॒हन्त॑मं॒प्रशर्धं᳚चर्षणी॒नाम् | आशु॑षे॒राध॑सेम॒हे || 16 || वर्ग:24 श्रु॒तम्¦वः॒¦वृ॒त्र॒हन्ऽत॑मम्¦प्र¦शर्ध᳚म्¦च॒र्ष॒णी॒नाम् | आ¦शु॒षे॒¦राध॑से¦म॒हे || |
| अ॒याधि॒याच॑गव्य॒यापुरु॑णाम॒न्पुरु॑ष्टुत | यत्सोमे᳚सोम॒आभ॑वः || 17 || अ॒या¦धि॒या¦च॒¦ग॒व्य॒ऽया¦पुरु॑ऽनामन्¦पुरु॑ऽस्तुत | यत्¦सोमे᳚ऽसोमे¦आ¦अभ॑वः || |
| बो॒धिन्म॑ना॒,इद॑स्तुनोवृत्र॒हाभूर्या᳚सुतिः | शृ॒णोतु॑श॒क्रआ॒शिष᳚म् || 18 || बो॒धित्ऽम॑नाः¦इत्¦अ॒स्तु॒¦नः॒¦वृ॒त्र॒ऽहा¦भूरि॑ऽआसुतिः | शृ॒णोतु॑¦शु॒क्रः¦आ॒ऽशिष᳚म् || |
| कया॒त्वंन॑ऊ॒त्याभिप्रम᳚न्दसेवृषन् | कया᳚स्तो॒तृभ्य॒आभ॑र || 19 || कया᳚¦त्वम्¦नः॒¦ऊ॒त्या¦अ॒भि¦प्र¦म॒न्द॒से॒¦वृ॒ष॒न् | कया᳚¦स्तो॒तृऽभ्यः॑¦आ¦भ॒र॒ || |
| कस्य॒वृषा᳚सु॒तेसचा᳚नि॒युत्वा᳚न्वृष॒भोर॑णत् | वृ॒त्र॒हासोम॑पीतये || 20 || कस्य॑¦वृषा᳚¦सु॒ते¦सचा᳚¦नि॒युत्वा᳚न्¦वृ॒ष॒भः¦र॒ण॒त् | वृ॒त्र॒ऽहा¦सोम॑ऽपीतये || |
| अ॒भीषुण॒स्त्वंर॒यिंम᳚न्दसा॒नःस॑ह॒स्रिण᳚म् | प्र॒य॒न्ताबो᳚धिदा॒शुषे᳚ || 21 || वर्ग:25 अ॒भि¦सु¦नः॒¦त्वम्¦र॒यिम्¦म॒न्द॒सा॒नः¦स॒ह॒स्रिण᳚म् | प्र॒ऽय॒न्ता¦बो॒धि॒¦दा॒शुषे᳚ || |
| पत्नी᳚वन्तःसु॒ता,इ॒मउ॒शन्तो᳚यन्तिवी॒तये᳚ | अ॒पांजग्मि᳚र्निचुम्पु॒णः || 22 || पत्नी᳚ऽवन्तः¦सु॒ताः¦इ॒मे¦उ॒शन्तः॑¦य॒न्ति॒¦वी॒तये᳚ | अ॒पाम्¦जग्मिः॑¦नि॒ऽचु॒म्पु॒णः || |
| इ॒ष्टाहोत्रा᳚,असृक्ष॒तेन्द्रं᳚वृ॒धासो᳚,अध्व॒रे | अच्छा᳚वभृ॒थमोज॑सा || 23 || इ॒ष्टाः¦होत्राः᳚¦अ॒सृ॒क्ष॒त॒¦इन्द्र᳚म्¦वृ॒धासः॑¦अ॒ध्व॒रे | अच्छ॑¦अ॒व॒ऽभृ॒थम्¦ओज॑सा || |
| इ॒हत्यास॑ध॒माद्या॒हरी॒हिर᳚ण्यकेश्या | वो॒ळ्हाम॒भिप्रयो᳚हि॒तम् || 24 || इ॒ह¦त्या¦स॒ध॒ऽमाद्या᳚¦हरी॒ इति॑¦हिर᳚ण्यऽकेश्या | वो॒ळ्हाम्¦अ॒भि¦प्रयः॑¦हि॒तम् || |
| तुभ्यं॒सोमाः᳚सु॒ता,इ॒मेस्ती॒र्णंब॒र्हिर्वि॑भावसो | स्तो॒तृभ्य॒इन्द्र॒माव॑ह || 25 || तुभ्य᳚म्¦सोमाः᳚¦सु॒ताः¦इ॒मे¦स्ती॒र्णम्¦ब॒र्हिः¦वि॒भा॒व॒सो॒ इति॑ विभाऽवसो | स्तो॒तृऽभ्यः॑¦इन्द्र᳚म्¦आ¦व॒ह॒ || |
| आते॒दक्षं॒विरो᳚च॒नादध॒द्रत्ना॒विदा॒शुषे᳚ | स्तो॒तृभ्य॒इन्द्र॑मर्चत || 26 || वर्ग:26 आ¦ते॒¦दक्ष᳚म्¦वि¦रो॒च॒ना¦द॒ध॒त्¦रत्ना᳚¦वि¦दा॒शुषे᳚ | स्तो॒तृऽभ्यः॑¦इन्द्र᳚म्¦अ॒र्च॒त॒ || |
| आते᳚दधामीन्द्रि॒यमु॒क्थाविश्वा᳚शतक्रतो | स्तो॒तृभ्य॑इन्द्रमृळय || 27 || आ¦ते॒¦द॒धा॒मि॒¦इ॒न्द्रि॒यम्¦उ॒क्था¦विश्वा᳚¦श॒त॒क्र॒तो॒ इति॑ शतऽक्रतो | स्तो॒तृऽभ्यः॑¦इ॒न्द्र॒¦मृ॒ळ॒य॒ || |
| भ॒द्रम्भ॑द्रंन॒आभ॒रेष॒मूर्जं᳚शतक्रतो | यदि᳚न्द्रमृ॒ळया᳚सिनः || 28 || भ॒द्रम्ऽभ॑द्रम्¦नः॒¦आ¦भ॒र॒¦इष᳚म्¦ऊर्ज᳚म्¦श॒त॒क्र॒तो॒ इति॑ शतऽक्रतो | यत्¦इ॒न्द्र॒¦मृ॒ळया᳚सि¦नः॒ || |
| सनो॒विश्वा॒न्याभ॑रसुवि॒तानि॑शतक्रतो | यदि᳚न्द्रमृ॒ळया᳚सिनः || 29 || सः¦नः॒¦विश्वा᳚नि¦आ¦भ॒र॒¦सु॒वि॒तानि॑¦श॒त॒क्र॒तो॒ इति॑ शतऽक्रतो | यत्¦इ॒न्द्र॒¦मृ॒ळया᳚सि¦नः॒ || |
| त्वामिद्वृ॑त्रहन्तमसु॒ताव᳚न्तोहवामहे | यदि᳚न्द्रमृ॒ळया᳚सिनः || 30 || त्वाम्¦इत्¦वृ॒त्र॒ह॒न्ऽत॒म॒¦सु॒तऽव᳚न्तः¦ह॒वा॒म॒हे॒ | यत्¦इ॒न्द्र॒¦मृ॒ळया᳚सि¦नः॒ || |
| उप॑नो॒हरि॑भिःसु॒तंया॒हिम॑दानांपते | उप॑नो॒हरि॑भिःसु॒तम् || 31 || वर्ग:27 उप॑¦नः॒¦हरि॑ऽभिः¦सु॒तम्¦या॒हि¦म॒दा॒ना॒म्¦प॒ते॒ | उप॑¦नः॒¦हरि॑ऽभिः¦सु॒तम् || |
| द्वि॒तायोवृ॑त्र॒हन्त॑मोवि॒दइन्द्रः॑श॒तक्र॑तुः | उप॑नो॒हरि॑भिःसु॒तम् || 32 || द्वि॒ता¦यः¦वृ॒त्र॒हन्ऽत॑मः¦वि॒दे¦इन्द्रः॑¦श॒तऽक्र॑तुः | उप॑¦नः॒¦हरि॑ऽभिः¦सु॒तम् || |
| त्वंहिवृ॑त्रहन्नेषांपा॒तासोमा᳚ना॒मसि॑ | उप॑नो॒हरि॑भिःसु॒तम् || 33 || त्वम्¦हि¦वृ॒त्र॒ऽह॒न्¦ए॒षा॒म्¦पा॒ता¦सोमा᳚नाम्¦असि॑ | उप॑¦नः॒¦हरि॑ऽभिः¦सु॒तम् || |
| इन्द्र॑इ॒षेद॑दातुनऋभु॒क्षण॑मृ॒भुंर॒यिम् | वा॒जीद॑दातुवा॒जिन᳚म् || 34 || इन्द्रः॑¦इ॒षे¦द॒दा॒तु॒¦नः॒¦ऋ॒भु॒क्षण᳚म्¦ऋ॒भुम्¦र॒यिम् | वा॒जी¦द॒दा॒तु॒¦वा॒जिन᳚म् || |
| [83] गौर्धयतीति द्वादशर्चस्य सूक्तस्यांगिरसोबिंदुर्मरुतोगायत्री (पूतदक्षोवाऋषिः) |{अष्टक:6, अध्याय:6}{मंडल:8, सूक्त:94}{अनुवाक:10, सूक्त:1} |
| गौर्ध॑यतिम॒रुतां᳚श्रव॒स्युर्मा॒ताम॒घोना᳚म् | यु॒क्तावह्नी॒रथा᳚नाम् || 1 || वर्ग:28 गौः¦ध॒य॒ति॒¦म॒रुता᳚म्¦श्र॒व॒स्युः¦मा॒ता¦म॒घोना᳚म् | यु॒क्ता¦वह्निः॑¦रथा᳚नाम् || |
| यस्या᳚दे॒वा,उ॒पस्थे᳚व्र॒ताविश्वे᳚धा॒रय᳚न्ते | सूर्या॒मासा᳚दृ॒शेकम् || 2 || यस्याः᳚¦दे॒वाः¦उ॒पऽस्थे᳚¦व्र॒ता¦विश्वे᳚¦धा॒रय᳚न्ते | सूर्या॒मासा᳚¦दृ॒शे¦कम् || |
| तत्सुनो॒विश्वे᳚,अ॒र्यआसदा᳚गृणन्तिका॒रवः॑ | म॒रुतः॒सोम॑पीतये || 3 || तत्¦सु¦नः॒¦विश्वे᳚¦अ॒र्यः¦आ¦सदा᳚¦गृ॒ण॒न्ति॒¦का॒रवः॑ | म॒रुतः॑¦सोम॑ऽपीतये || |
| अस्ति॒सोमो᳚,अ॒यंसु॒तःपिब᳚न्त्यस्यम॒रुतः॑ | उ॒तस्व॒राजो᳚,अ॒श्विना᳚ || 4 || अस्ति॑¦सोमः॑¦अ॒यम्¦सु॒तः¦पिब᳚न्ति¦अ॒स्य॒¦म॒रुतः॑ | उ॒त¦स्व॒ऽराजः॑¦अ॒श्विना᳚ || |
| पिब᳚न्तिमि॒त्रो,अ᳚र्य॒मातना᳚पू॒तस्य॒वरु॑णः | त्रि॒ष॒ध॒स्थस्य॒जाव॑तः || 5 || पिब᳚न्ति¦मि॒त्रः¦अ॒र्य॒मा¦तना᳚¦पू॒तस्य॑¦वरु॑णः | त्रि॒ऽस॒ध॒स्थस्य॑¦जाऽव॑तः || |
| उ॒तोन्व॑स्य॒जोष॒माँ,इन्द्रः॑सु॒तस्य॒गोम॑तः | प्रा॒तर्होते᳚वमत्सति || 6 || उ॒तो इति॑¦नु¦अ॒स्य॒¦जोष᳚म्¦आ¦इन्द्रः॑¦सु॒तस्य॑¦गोऽम॑तः | प्रा॒तः¦होता᳚ऽइव¦म॒त्स॒ति॒ || |
| कद॑त्विषन्तसू॒रय॑स्ति॒रआप॑इव॒स्रिधः॑ | अर्ष᳚न्तिपू॒तद॑क्षसः || 7 || वर्ग:29 कत्¦अ॒त्वि॒ष॒न्त॒¦सू॒रयः॑¦ति॒रः¦आपः॑ऽइव¦स्रिधः॑ | अर्ष᳚न्ति¦पू॒तऽद॑क्षसः || |
| कद्वो᳚,अ॒द्यम॒हानां᳚दे॒वाना॒मवो᳚वृणे | त्मना᳚चद॒स्मव॑र्चसाम् || 8 || कत्¦वः॒¦अ॒द्य¦म॒हाना᳚म्¦दे॒वाना᳚म्¦अवः॑¦वृ॒णे॒ | त्मना᳚¦च॒¦द॒स्मऽव॑र्चसाम् || |
| आयेविश्वा॒पार्थि॑वानिप॒प्रथ᳚न्रोच॒नादि॒वः | म॒रुतः॒सोम॑पीतये || 9 || आ¦ये¦विश्वा᳚¦पार्थि॑वानि¦प॒प्रथ॑न्¦रो॒च॒ना¦दि॒वः | म॒रुतः॑¦सोम॑ऽपीतये || |
| त्यान्नुपू॒तद॑क्षसोदि॒वोवो᳚मरुतोहुवे | अ॒स्यसोम॑स्यपी॒तये᳚ || 10 || त्यान्¦नु¦पू॒तऽद॑क्षसः¦दि॒वः¦वः॒¦म॒रु॒तः॒¦हु॒वे॒ | अ॒स्य¦सोम॑स्य¦पी॒तये᳚ || |
| त्यान्नुयेविरोद॑सीतस्त॒भुर्म॒रुतो᳚हुवे | अ॒स्यसोम॑स्यपी॒तये᳚ || 11 || त्यान्¦नु¦ये¦वि¦रोद॑सी॒ इति॑¦त॒स्त॒भुः¦म॒रुतः॑¦हु॒वे॒ | अ॒स्य¦सोम॑स्य¦पी॒तये᳚ || |
| त्यंनुमारु॑तंग॒णंगि॑रि॒ष्ठांवृष॑णंहुवे | अ॒स्यसोम॑स्यपी॒तये᳚ || 12 || त्यम्¦नु¦मारु॑तम्¦ग॒णम्¦गि॒रि॒ऽस्थाम्¦वृष॑णम्¦हु॒वे॒ | अ॒स्य¦सोम॑स्य¦पी॒तये᳚ || |
| [84] आत्वागिरइति नवर्चस्य सूक्तस्याङ्गिरसस्तिरश्चीरिंद्रोनुष्टुप् |{अष्टक:6, अध्याय:6}{मंडल:8, सूक्त:95}{अनुवाक:10, सूक्त:2} |
| आत्वा॒गिरो᳚र॒थीरि॒वास्थुः॑सु॒तेषु॑गिर्वणः | अ॒भित्वा॒सम॑नूष॒तेन्द्र॑व॒त्संनमा॒तरः॑ || 1 || वर्ग:30 आ¦त्वा॒¦गिरः॑¦र॒थीःऽइ᳚व¦अस्थुः॑¦सु॒तेषु॑¦गि॒र्व॒णः॒ | अ॒भि¦त्वा॒¦सम्¦अ॒नू॒ष॒त॒¦इन्द्र॑¦व॒त्सम्¦न¦मा॒तरः॑ || |
| आत्वा᳚शु॒क्रा,अ॑चुच्यवुःसु॒तास॑इन्द्रगिर्वणः | पिबा॒त्व१॑(अ॒)स्यान्ध॑स॒इन्द्र॒विश्वा᳚सुतेहि॒तम् || 2 || आ¦त्वा॒¦शु॒क्राः¦अ॒चु॒च्य॒वुः॒¦सु॒तासः॑¦इ॒न्द्र॒¦गि॒र्व॒णः॒ | पिब॑¦तु¦अ॒स्य¦अन्ध॑सः¦इन्द्र॑¦विश्वा᳚सु¦ते॒¦हि॒तम् || |
| पिबा॒सोमं॒मदा᳚य॒कमिन्द्र॑श्ये॒नाभृ॑तंसु॒तम् | त्वंहिशश्व॑तीनां॒पती॒राजा᳚वि॒शामसि॑ || 3 || पिब॑¦सोम᳚म्¦मदा᳚य¦कम्¦इन्द्र॑¦श्ये॒नऽआ᳚भृतम्¦सु॒तम् | त्वम्¦हि¦शश्व॑तीनाम्¦पतिः॑¦राजा᳚¦वि॒शाम्¦असि॑ || |
| श्रु॒धीहवं᳚तिर॒श्च्या,इन्द्र॒यस्त्वा᳚सप॒र्यति॑ | सु॒वीर्य॑स्य॒गोम॑तोरा॒यस्पू᳚र्धिम॒हाँ,अ॑सि || 4 || श्रु॒धि¦हव᳚म्¦ति॒र॒श्च्याः¦इन्द्र॑¦यः¦त्वा॒¦स॒प॒र्यति॑ | सु॒ऽवीर्य॑स्य¦गोऽम॑तः¦रा॒यः¦पू॒र्धि॒¦म॒हान्¦अ॒सि॒ || |
| इन्द्र॒यस्ते॒नवी᳚यसीं॒गिरं᳚म॒न्द्रामजी᳚जनत् | चि॒कि॒त्विन्म॑नसं॒धियं᳚प्र॒त्नामृ॒तस्य॑पि॒प्युषी᳚म् || 5 || इन्द्र॑¦यः¦ते॒¦नवी᳚यसीम्¦गिर᳚म्¦म॒न्द्राम्¦अजी᳚जनत् | चि॒कि॒त्वित्ऽम॑नसम्¦धिय᳚म्¦प्र॒त्नाम्¦ऋ॒तस्य॑¦पि॒प्युषी᳚म् || |
| तमु॑ष्टवाम॒यंगिर॒इन्द्र॑मु॒क्थानि॑वावृ॒धुः | पु॒रूण्य॑स्य॒पौंस्या॒सिषा᳚सन्तोवनामहे || 6 || वर्ग:31 तम्¦ऊँ॒ इति॑¦स्त॒वा॒म॒¦यम्¦गिरः॑¦इन्द्र᳚म्¦उ॒क्थानि॑¦व॒वृ॒धुः | पु॒रूणि॑¦अ॒स्य॒¦पौंस्या᳚¦सिसा᳚सन्तः¦व॒ना॒म॒हे॒ || |
| एतो॒न्विन्द्रं॒स्तवा᳚मशु॒द्धंशु॒द्धेन॒साम्ना᳚ | शु॒द्धैरु॒क्थैर्वा᳚वृ॒ध्वांसं᳚शु॒द्धआ॒शीर्वा᳚न्ममत्तु || 7 || एतो॒ इति॑¦नु¦इन्द्र᳚म्¦स्तवा᳚म¦शु॒द्धम्¦शु॒द्धेन॑¦साम्ना᳚ | शु॒द्धैः¦उ॒क्थैः¦व॒वृ॒ध्वांस᳚म्¦शु॒द्धः¦आ॒शीःऽवा᳚न्¦म॒म॒त्तु॒ || |
| इन्द्र॑शु॒द्धोन॒आग॑हिशु॒द्धःशु॒द्धाभि॑रू॒तिभिः॑ | शु॒द्धोर॒यिंनिधा᳚रयशु॒द्धोम॑मद्धिसो॒म्यः || 8 || इन्द्र॑¦शु॒द्धः¦नः॒¦आ¦ग॒हि॒¦शु॒द्धः¦शु॒द्धाभिः॑¦ऊ॒तिऽभिः॑ | शु॒द्धः¦र॒यिम्¦नि¦धा॒र॒य॒¦शु॒द्धः¦म॒म॒द्धि॒¦सो॒म्यः || |
| इन्द्र॑शु॒द्धोहिनो᳚र॒यिंशु॒द्धोरत्ना᳚निदा॒शुषे᳚ | शु॒द्धोवृ॒त्राणि॑जिघ्नसेशु॒द्धोवाजं᳚सिषाससि || 9 || इन्द्र॑¦शु॒द्धः¦हि¦नः॒¦र॒यिम्¦शु॒द्धः¦रत्ना᳚नि¦दा॒शुषे᳚ | शु॒द्धः¦वृ॒त्राणि॑¦जि॒घ्न॒से॒¦शु॒द्धः¦वाज᳚म्¦सि॒सा॒स॒सि॒ || |
| [85] अस्माइत्येकविंशत्यृचस्य सूक्तस्याङ्गिरसस्तिरश्चीरिंद्रश्चतुर्दश्याइंद्रामरुतः पंचदश्याइंद्राबृहस्पतीत्रिष्टुप् चतुर्थीविराट् (द्युतानोवाऋषिः) |{अष्टक:6, अध्याय:6}{मंडल:8, सूक्त:96}{अनुवाक:10, सूक्त:3} |
| अ॒स्मा,उ॒षास॒आति॑रन्त॒याम॒मिन्द्रा᳚य॒नक्त॒मूर्म्याः᳚सु॒वाचः॑ | अ॒स्मा,आपो᳚मा॒तरः॑स॒प्तत॑स्थु॒र्नृभ्य॒स्तरा᳚य॒सिन्ध॑वःसुपा॒राः || 1 || वर्ग:32 अ॒स्मै¦उ॒षसः॑¦आ¦अ॒ति॒र॒न्त॒¦याम᳚म्¦इन्द्रा᳚य¦नक्त᳚म्¦ऊर्म्याः᳚¦सु॒ऽवाचः॑ | |
| अति॑विद्धाविथु॒रेणा᳚चि॒दस्त्रा॒त्रिःस॒प्तसानु॒संहि॑तागिरी॒णाम् | नतद्दे॒वोनमर्त्य॑स्तुतुर्या॒द्यानि॒प्रवृ॑द्धोवृष॒भश्च॒कार॑ || 2 || अति॑ऽविद्धा¦वि॒थु॒रेण॑¦चि॒त्¦अस्रा᳚¦त्रिः¦स॒प्त¦सानु॑¦सम्ऽहि॑ता¦गि॒री॒णाम् | |
| इन्द्र॑स्य॒वज्र॑आय॒सोनिमि॑श्ल॒इन्द्र॑स्यबा॒ह्वोर्भूयि॑ष्ठ॒मोजः॑ | शी॒र्षन्निन्द्र॑स्य॒क्रत॑वोनिरे॒कआ॒सन्नेष᳚न्त॒श्रुत्या᳚,उपा॒के || 3 || इन्द्र॑स्य¦वज्रः॑¦आ॒य॒सः¦निऽमि॑श्लः¦इन्द्र॑स्य¦बा॒ह्वोः¦भूयि॑ष्ठम्¦ओजः॑ | |
| मन्ये᳚त्वाय॒ज्ञियं᳚य॒ज्ञिया᳚नां॒मन्ये᳚त्वा॒च्यव॑न॒मच्यु॑तानाम् | मन्ये᳚त्वा॒सत्व॑नामिन्द्रके॒तुंमन्ये᳚त्वावृष॒भंच॑र्षणी॒नाम् || 4 || मन्ये᳚¦त्वा॒¦य॒ज्ञिय᳚म्¦य॒ज्ञिया᳚नाम्¦मन्ये᳚¦त्वा॒¦च्यव॑नम्¦अच्यु॑तानाम् | मन्ये᳚¦त्वा॒¦सत्व॑नाम्¦इ॒न्द्र॒¦के॒तुम्¦मन्ये᳚¦त्वा॒¦वृ॒ष॒भम्¦च॒र्ष॒णी॒नाम् || |
| आयद्वज्रं᳚बा॒ह्वोरि᳚न्द्र॒धत्से᳚मद॒च्युत॒मह॑ये॒हन्त॒वा,उ॑ | प्रपर्व॑ता॒,अन॑वन्त॒प्रगावः॒प्रब्र॒ह्माणो᳚,अभि॒नक्ष᳚न्त॒इन्द्र᳚म् || 5 || आ¦यत्¦वज्र᳚म्¦बा॒ह्वोः¦इ॒न्द्र॒¦धत्से᳚¦म॒द॒ऽच्युत᳚म्¦अह॑ये¦हन्त॒वै¦ऊँ॒ इति॑ | |
| तमु॑ष्टवाम॒यइ॒माज॒जान॒विश्वा᳚जा॒तान्यव॑राण्यस्मात् | इन्द्रे᳚णमि॒त्रंदि॑धिषेमगी॒र्भिरुपो॒नमो᳚भिर्वृष॒भंवि॑शेम || 6 || वर्ग:33 तम्¦ऊँ॒ इति॑¦स्त॒वा॒म॒¦यः¦इ॒मा¦ज॒जान॑¦विश्वा᳚¦जा॒तानि॑¦अव॑राणि¦अ॒स्मा॒त् | |
| वृ॒त्रस्य॑त्वाश्व॒सथा॒दीष॑माणा॒विश्वे᳚दे॒वा,अ॑जहु॒र्येसखा᳚यः | म॒रुद्भि॑रिन्द्रस॒ख्यंते᳚,अ॒स्त्वथे॒माविश्वाः॒पृत॑नाजयासि || 7 || वृ॒त्रस्य॑¦त्वा॒¦श्व॒सथा᳚त्¦ईष॑माणाः¦विश्वे᳚¦दे॒वाः¦अ॒ज॒हुः॒¦ये¦सखा᳚यः | |
| त्रिःष॒ष्टिस्त्वा᳚म॒रुतो᳚वावृधा॒ना,उ॒स्रा,इ॑वरा॒शयो᳚य॒ज्ञिया᳚सः | उप॒त्वेमः॑कृ॒धिनो᳚भाग॒धेयं॒शुष्मं᳚तए॒नाह॒विषा᳚विधेम || 8 || त्रिः¦ष॒ष्टिः¦त्वा॒¦म॒रुतः॑¦व॒वृ॒धा॒नाः¦उ॒स्राःऽइ᳚व¦रा॒शयः॑¦य॒ज्ञिया᳚सः | |
| ति॒ग्ममायु॑धंम॒रुता॒मनी᳚कं॒कस्त॑इन्द्र॒प्रति॒वज्रं᳚दधर्ष | अ॒ना॒यु॒धासो॒,असु॑रा,अदे॒वाश्च॒क्रेण॒ताँ,अप॑वपऋजीषिन् || 9 || ति॒ग्मम्¦आयु॑धम्¦म॒रुता᳚म्¦अनी᳚कम्¦कः¦ते॒¦इ॒न्द्र॒¦प्रति॑¦वज्र᳚म्¦द॒ध॒र्ष॒ | |
| म॒हउ॒ग्राय॑त॒वसे᳚सुवृ॒क्तिंप्रेर॑यशि॒वत॑मायप॒श्वः | गिर्वा᳚हसे॒गिर॒इन्द्रा᳚यपू॒र्वीर्धे॒हित॒न्वे᳚कु॒विद॒ङ्गवेद॑त् || 10 || म॒हे¦उ॒ग्राय॑¦त॒वसे᳚¦सु॒ऽवृ॒क्तिम्¦प्र¦ई॒र॒य॒¦शि॒वऽत॑माय¦प॒श्वः | |
| उ॒क्थवा᳚हसेवि॒भ्वे᳚मनी॒षांद्रुणा॒नपा॒रमी᳚रयान॒दीना᳚म् | निस्पृ॑शधि॒यात॒न्वि॑श्रु॒तस्य॒जुष्ट॑तरस्यकु॒विद॒ङ्गवेद॑त् || 11 || वर्ग:34 उ॒क्थऽवा᳚हसे¦वि॒ऽभ्वे᳚¦म॒नी॒षाम्¦द्रुणा᳚¦न¦पा॒रम्¦ई॒र॒य॒¦न॒दीना᳚म् | |
| तद्वि॑विड्ढि॒यत्त॒इन्द्रो॒जुजो᳚षत्स्तु॒हिसु॑ष्टु॒तिंनम॒सावि॑वास | उप॑भूषजरित॒र्मारु॑वण्यःश्रा॒वया॒वाचं᳚कु॒विद॒ङ्गवेद॑त् || 12 || तत्¦वि॒वि॒ड्ढि॒¦यत्¦ते॒¦इन्द्रः॑¦जुजो᳚षत्¦स्तु॒हि¦सु॒ऽस्तु॒तिम्¦नम॑सा¦आ¦वि॒वा॒स॒ | |
| अव॑द्र॒प्सो,अं᳚शु॒मती᳚मतिष्ठदिया॒नःकृ॒ष्णोद॒शभिः॑स॒हस्रैः᳚ | आव॒त्तमिन्द्रः॒शच्या॒धम᳚न्त॒मप॒स्नेहि॑तीर्नृ॒मणा᳚,अधत्त || 13 || अव॑¦द्र॒प्सः¦अं॒शु॒ऽमती᳚म्¦अ॒ति॒ष्ठ॒त्¦इ॒या॒नः¦कृ॒ष्णः¦द॒शऽभिः॑¦स॒हस्रैः᳚ | |
| द्र॒प्सम॑पश्यं॒विषु॑णे॒चर᳚न्तमुपह्व॒रेन॒द्यो᳚,अंशु॒मत्याः᳚ | नभो॒नकृ॒ष्णम॑वतस्थि॒वांस॒मिष्या᳚मिवोवृषणो॒युध्य॑ता॒जौ || 14 || द्र॒प्सम्¦अ॒प॒श्य॒म्¦विषु॑णे¦चर᳚न्तम्¦उ॒प॒ऽह्व॒रे¦न॒द्यः॑¦अं॒शु॒ऽमत्याः᳚ | |
| अध॑द्र॒प्सो,अं᳚शु॒मत्या᳚,उ॒पस्थेऽधा᳚रयत्त॒न्वं᳚तित्विषा॒णः | विशो॒,अदे᳚वीर॒भ्या॒३॑(आ॒)चर᳚न्ती॒र्बृह॒स्पति॑नायु॒जेन्द्रः॑ससाहे || 15 || अध॑¦द्र॒प्सः¦अं॒शु॒ऽमत्याः᳚¦उ॒पऽस्थे᳚¦अधा᳚रयत्¦त॒न्व᳚म्¦ति॒त्वि॒षा॒णः | |
| त्वंह॒त्यत्स॒प्तभ्यो॒जाय॑मानोऽश॒त्रुभ्यो᳚,अभवः॒शत्रु॑रिन्द्र | गू॒ळ्हेद्यावा᳚पृथि॒वी,अन्व॑विन्दोविभु॒मद्भ्यो॒भुव॑नेभ्यो॒रणं᳚धाः || 16 || वर्ग:35 त्वम्¦ह॒¦त्यत्¦स॒प्तऽभ्यः॑¦जाय॑मानः¦अ॒श॒त्रुऽभ्यः॑¦अ॒भ॒वः॒¦शत्रुः॑¦इ॒न्द्र॒ | |
| त्वंह॒त्यद॑प्रतिमा॒नमोजो॒वज्रे᳚णवज्रिन्धृषि॒तोज॑घन्थ | त्वंशुष्ण॒स्यावा᳚तिरो॒वध॑त्रै॒स्त्वंगा,इ᳚न्द्र॒शच्येद॑विन्दः || 17 || त्वम्¦ह॒¦त्यत्¦अ॒प्र॒ति॒ऽमा॒नम्¦ओजः॑¦वज्रे᳚ण¦व॒ज्रि॒न्¦धृ॒षि॒तः¦ज॒घ॒न्थ॒ | |
| त्वंह॒त्यद्वृ॑षभचर्षणी॒नांघ॒नोवृ॒त्राणां᳚तवि॒षोब॑भूथ | त्वंसिन्धूँ᳚रसृजस्तस्तभा॒नान्त्वम॒पो,अ॑जयोदा॒सप॑त्नीः || 18 || त्वम्¦ह॒¦त्यत्¦वृ॒ष॒भ॒¦च॒र्ष॒णी॒नाम्¦घ॒नः¦वृ॒त्राणा᳚म्¦त॒वि॒षः¦ब॒भू॒थ॒ | |
| ससु॒क्रतू॒रणि॑ता॒यःसु॒तेष्वनु॑त्तमन्यु॒र्यो,अहे᳚वरे॒वान् | यएक॒इन्नर्यपां᳚सि॒कर्ता॒सवृ॑त्र॒हाप्रतीद॒न्यमा᳚हुः || 19 || सः¦सु॒ऽक्रतुः॑¦रणि॑ता¦यः¦सु॒तेषु॑¦अनु॑त्तऽमन्युः¦यः¦अहा᳚ऽइव¦रे॒वान् | |
| सवृ॑त्र॒हेन्द्र॑श्चर्षणी॒धृत्तंसु॑ष्टु॒त्याहव्यं᳚हुवेम | सप्रा᳚वि॒ताम॒घवा᳚नोऽधिव॒क्तासवाज॑स्यश्रव॒स्य॑स्यदा॒ता || 20 || सः¦वृ॒त्र॒ऽहा¦इन्द्रः॑¦च॒र्ष॒णि॒ऽधृत्¦तम्¦सु॒ऽस्तु॒त्या¦हव्य᳚म्¦हु॒वे॒म॒ | |
| सवृ॑त्र॒हेन्द्र॑ऋभु॒क्षाःस॒द्योज॑ज्ञा॒नोहव्यो᳚बभूव | कृ॒ण्वन्नपां᳚सि॒नर्या᳚पु॒रूणि॒सोमो॒नपी॒तोहव्यः॒सखि॑भ्यः || 21 || सः¦वृ॒त्र॒ऽहा¦इन्द्रः॑¦ऋ॒भु॒क्षाः¦स॒द्यः¦ज॒ज्ञा॒नः¦हव्यः॑¦ब॒भू॒व॒ | |
| [86] याइंद्रेति पंचदशर्चस्य सूक्तस्य काश्यपोरेभइंद्रो बृहती दशम्याद्याः क्रमेणातिजगत्युपरिष्टाद्बृहत्योजगतीत्रिष्टुप्जगत्यः |{अष्टक:6, अध्याय:6}{मंडल:8, सूक्त:97}{अनुवाक:10, सूक्त:4} |
| या,इ᳚न्द्र॒भुज॒आभ॑रः॒स्व᳚र्वाँ॒,असु॑रेभ्यः | स्तो॒तार॒मिन्म॑घवन्नस्यवर्धय॒येच॒त्वेवृ॒क्तब᳚र्हिषः || 1 || वर्ग:36 याः¦इ॒न्द्र॒¦भुजः॑¦आ¦अभ॑रः¦स्वः॑ऽवान्¦असु॑रेभ्यः | |
| यमि᳚न्द्रदधि॒षेत्वमश्वं॒गांभा॒गमव्य॑यम् | यज॑मानेसुन्व॒तिदक्षि॑णावति॒तस्मि॒न्तंधे᳚हि॒माप॒णौ || 2 || यम्¦इ॒न्द्र॒¦द॒धि॒षे¦त्वम्¦अश्व᳚म्¦गाम्¦भा॒गम्¦अव्य॑यम् | |
| यइ᳚न्द्र॒सस्त्य᳚व्र॒तो᳚ऽनु॒ष्वाप॒मदे᳚वयुः | स्वैःषएवै᳚र्मुमुर॒त्पोष्यं᳚र॒यिंस॑नु॒तर्धे᳚हि॒तंततः॑ || 3 || यः¦इ॒न्द्र॒¦सस्ति॑¦अ॒व्र॒तः¦अ॒नु॒ऽस्वाप᳚म्¦अदे᳚वऽयुः | |
| यच्छ॒क्रासि॑परा॒वति॒यद᳚र्वा॒वति॑वृत्रहन् | अत॑स्त्वागी॒र्भिर्द्यु॒गदि᳚न्द्रके॒शिभिः॑सु॒तावाँ॒,आवि॑वासति || 4 || यत्¦श॒क्र॒¦असि॑¦प॒रा॒ऽवति॑¦यत्¦अ॒र्वा॒ऽवति॑¦वृ॒त्र॒ऽह॒न् | |
| यद्वासि॑रोच॒नेदि॒वःस॑मु॒द्रस्याधि॑वि॒ष्टपि॑ | यत्पार्थि॑वे॒सद॑नेवृत्रहन्तम॒यद॒न्तरि॑क्ष॒आग॑हि || 5 || यत्¦वा॒¦असि॑¦रो॒च॒ने¦दि॒वः¦स॒मु॒द्रस्य॑¦अधि॑¦वि॒ष्टपि॑ | |
| सनः॒सोमे᳚षुसोमपाःसु॒तेषु॑शवसस्पते | मा॒दय॑स्व॒राध॑सासू॒नृता᳚व॒तेन्द्र॑रा॒यापरी᳚णसा || 6 || वर्ग:37 सः¦नः॒¦सोमे᳚षु¦सो॒म॒ऽपाः॒¦सु॒तेषु॑¦श॒व॒सः॒¦प॒ते॒ | |
| मान॑इन्द्र॒परा᳚वृण॒ग्भवा᳚नःसध॒माद्यः॑ | त्वंन॑ऊ॒तीत्वमिन्न॒आप्यं॒मान॑इन्द्र॒परा᳚वृणक् || 7 || मा¦नः॒¦इ॒न्द्र॒¦परा᳚¦वृ॒ण॒क्¦भव॑¦नः॒¦स॒ध॒ऽमाद्यः॑ | त्वम्¦नः॒¦ऊ॒ती¦त्वम्¦इत्¦नः॒¦आप्य᳚म्¦मा¦नः॒¦इ॒न्द्र॒¦परा᳚¦वृ॒ण॒क् || |
| अ॒स्मे,इ᳚न्द्र॒सचा᳚सु॒तेनिष॑दापी॒तये॒मधु॑ | कृ॒धीज॑रि॒त्रेम॑घव॒न्नवो᳚म॒हद॒स्मे,इ᳚न्द्र॒सचा᳚सु॒ते || 8 || अ॒स्मे इति॑¦इ॒न्द्र॒¦सचा᳚¦सु॒ते¦नि¦स॒द॒¦पी॒तये᳚¦मधु॑ | |
| नत्वा᳚दे॒वास॑आशत॒नमर्त्या᳚सो,अद्रिवः | विश्वा᳚जा॒तानि॒शव॑साभि॒भूर॑सि॒नत्वा᳚दे॒वास॑आशत || 9 || न¦त्वा॒¦दे॒वासः॑¦आ॒श॒त॒¦न¦मर्त्या᳚सः¦अ॒द्रि॒ऽवः॒ | |
| विश्वाः॒पृत॑ना,अभि॒भूत॑रं॒नरं᳚स॒जूस्त॑तक्षु॒रिन्द्रं᳚जज॒नुश्च॑रा॒जसे᳚ | क्रत्वा॒वरि॑ष्ठं॒वर॑आ॒मुरि॑मु॒तोग्रमोजि॑ष्ठंत॒वसं᳚तर॒स्विन᳚म् || 10 || विश्वाः᳚¦पृत॑नाः¦अ॒भि॒ऽभूत॑रम्¦नर᳚म्¦स॒ऽजूः¦त॒त॒क्षुः॒¦इन्द्र᳚म्¦ज॒ज॒नुः¦च॒¦रा॒जसे᳚ | |
| समीं᳚रे॒भासो᳚,अस्वर॒न्निन्द्रं॒सोम॑स्यपी॒तये᳚ | स्व॑र्पतिं॒यदीं᳚वृ॒धेधृ॒तव्र॑तो॒ह्योज॑सा॒समू॒तिभिः॑ || 11 || वर्ग:38 सम्¦ई॒म्¦रे॒भासः॑¦अ॒स्व॒र॒न्¦इन्द्र᳚म्¦सोम॑स्य¦पी॒तये᳚ | |
| ने॒मिंन॑मन्ति॒चक्ष॑सामे॒षंविप्रा᳚,अभि॒स्वरा᳚ | सु॒दी॒तयो᳚वो,अ॒द्रुहोऽपि॒कर्णे᳚तर॒स्विनः॒समृक्व॑भिः || 12 || ने॒मिम्¦न॒म॒न्ति॒¦चक्ष॑सा¦मे॒षम्¦विप्राः᳚¦अ॒भि॒ऽस्वरा᳚ | |
| तमिन्द्रं᳚जोहवीमिम॒घवा᳚नमु॒ग्रंस॒त्रादधा᳚न॒मप्र॑तिष्कुतं॒शवां᳚सि | मंहि॑ष्ठोगी॒र्भिराच॑य॒ज्ञियो᳚व॒वर्त॑द्रा॒येनो॒विश्वा᳚सु॒पथा᳚कृणोतुव॒ज्री || 13 || तम्¦इन्द्र᳚म्¦जो॒ह॒वी॒मि॒¦म॒घऽवा᳚नम्¦उ॒ग्रम्¦स॒त्रा¦दधा᳚नम्¦अप्र॑तिऽस्कुतम्¦शवां᳚सि | |
| त्वंपुर॑इन्द्रचि॒किदे᳚ना॒व्योज॑साशविष्ठशक्रनाश॒यध्यै᳚ | त्वद्विश्वा᳚नि॒भुव॑नानिवज्रि॒न्द्यावा᳚रेजेतेपृथि॒वीच॑भी॒षा || 14 || त्वम्¦पुरः॑¦इ॒न्द्र॒¦चि॒कित्¦ए॒नाः॒¦वि¦ओज॑सा¦श॒वि॒ष्ठ॒¦श॒क्र॒¦ना॒श॒यध्यै᳚ | |
| तन्म॑ऋ॒तमि᳚न्द्रशूरचित्रपात्व॒पोनव॑ज्रिन्दुरि॒ताति॑पर्षि॒भूरि॑ | क॒दान॑इन्द्ररा॒यआद॑शस्येर्वि॒श्वप्स्न्य॑स्यस्पृह॒याय्य॑स्यराजन् || 15 || तत्¦मा॒¦ऋ॒तम्¦इ॒न्द्र॒¦शू॒र॒¦चि॒त्र॒¦पा॒तु॒¦अ॒पः¦न¦व॒ज्रि॒न्¦दुः॒ऽइ॒ता¦अति॑¦प॒र्षि॒¦भूरि॑ | |
| [87] इंद्रायसामेति द्वादशर्चस्यसूक्तस्यांगिरसोनृमेधइंद्र उष्णिक् सप्तमीदशम्येकादश्यः ककुभो नवम्यंत्येपुरउष्णिहौ |{अष्टक:6, अध्याय:7}{मंडल:8, सूक्त:98}{अनुवाक:10, सूक्त:5} |
| इन्द्रा᳚य॒साम॑गायत॒विप्रा᳚यबृह॒तेबृ॒हत् | ध॒र्म॒कृते᳚विप॒श्चिते᳚पन॒स्यवे᳚ || 1 || वर्ग:1 इन्द्रा᳚य¦साम॑¦गा॒य॒त॒¦विप्रा᳚य¦बृ॒ह॒ते¦बृ॒हत् | ध॒र्म॒ऽकृते᳚¦वि॒पः॒ऽचिते᳚¦प॒न॒स्यवे᳚ || |
| त्वमि᳚न्द्राभि॒भूर॑सि॒त्वंसूर्य॑मरोचयः | वि॒श्वक᳚र्मावि॒श्वदे᳚वोम॒हाँ,अ॑सि || 2 || त्वम्¦इ॒न्द्र॒¦अ॒भि॒ऽभूः¦अ॒सि॒¦त्वम्¦सूर्य᳚म्¦अ॒रो॒च॒यः॒ | वि॒श्वऽक᳚र्मा¦वि॒श्वऽदे᳚वः¦म॒हान्¦अ॒सि॒ || |
| वि॒भ्राज॒ञ्ज्योति॑षा॒स्व१॑(अ॒)रग॑च्छोरोच॒नंदि॒वः | दे॒वास्त॑इन्द्रस॒ख्याय॑येमिरे || 3 || वि॒ऽभ्राज॑न्¦ज्योति॑षा¦स्वः॑¦अग॑च्छः¦रो॒च॒नम्¦दि॒वः | |
| एन्द्र॑नोगधिप्रि॒यःस॑त्रा॒जिदगो᳚ह्यः | गि॒रिर्नवि॒श्वत॑स्पृ॒थुःपति॑र्दि॒वः || 4 || आ¦इ॒न्द्र॒¦नः॒¦ग॒धि॒¦प्रि॒यः¦स॒त्रा॒ऽजित्¦अगो᳚ह्यः | गि॒रिः¦न¦वि॒श्वतः॑¦पृ॒थुः¦पतिः॑¦दि॒वः || |
| अ॒भिहिस॑त्यसोमपा,उ॒भेब॒भूथ॒रोद॑सी | इन्द्रासि॑सुन्व॒तोवृ॒धःपति॑र्दि॒वः || 5 || अ॒भि¦हि¦स॒त्य॒¦सो॒म॒ऽपाः॒¦उ॒भे इति॑¦ब॒भूथ॑¦रोद॑सी॒ इति॑ | इन्द्र॑¦असि॑¦सु॒न्व॒तः¦वृ॒धः¦पतिः॑¦दि॒वः || |
| त्वंहिशश्व॑तीना॒मिन्द्र॑द॒र्तापु॒रामसि॑ | ह॒न्तादस्यो॒र्मनो᳚र्वृ॒धःपति॑र्दि॒वः || 6 || त्वम्¦हि¦शश्व॑तीनाम्¦इन्द्र॑¦द॒र्ता¦पु॒राम्¦असि॑ | ह॒न्ता¦दस्योः᳚¦मनोः᳚¦वृ॒धः¦पतिः॑¦दि॒वः || |
| अधा॒ही᳚न्द्रगिर्वण॒उप॑त्वा॒कामा᳚न्म॒हःस॑सृ॒ज्महे᳚ | उ॒देव॒यन्त॑उ॒दभिः॑ || 7 || वर्ग:2 अध॑¦हि¦इ॒न्द्र॒¦गि॒र्व॒णः॒¦उप॑¦त्वा॒¦कामा᳚न्¦म॒हः¦स॒सृ॒ज्महे᳚ | उ॒दाऽइ᳚व¦यन्तः॑¦उ॒दऽभिः॑ || |
| वार्णत्वा᳚य॒व्याभि॒र्वर्ध᳚न्तिशूर॒ब्रह्मा᳚णि | वा॒वृ॒ध्वांसं᳚चिदद्रिवोदि॒वेदि॑वे || 8 || वाः¦न¦त्वा॒¦य॒व्याभिः॑¦वर्ध᳚न्ति¦शू॒र॒¦ब्रह्मा᳚णि | |
| यु॒ञ्जन्ति॒हरी᳚,इषि॒रस्य॒गाथ॑यो॒रौरथ॑उ॒रुयु॑गे | इ॒न्द्र॒वाहा᳚वचो॒युजा᳚ || 9 || युं॒जन्ति॑¦हरी॒ इति॑¦इ॒षि॒रस्य॑¦गाथ॑या¦उ॒रौ¦रथे᳚¦उ॒रुऽयु॑गे | इ॒न्द्र॒ऽवाहा᳚¦व॒चः॒ऽयुजा᳚ || |
| त्वंन॑इ॒न्द्राभ॑रँ॒,ओजो᳚नृ॒म्णंश॑तक्रतोविचर्षणे | आवी॒रंपृ॑तना॒षह᳚म् || 10 || त्वम्¦नः॒¦इ॒न्द्र॒¦आ¦भ॒र॒¦ओजः॑¦नृ॒म्णम्¦श॒त॒क्र॒तो॒ इति॑ शतऽक्रतो¦वि॒ऽच॒र्ष॒णे॒ | आ¦वी॒रम्¦पृ॒त॒ना॒ऽसह᳚म् || |
| त्वंहिनः॑पि॒ताव॑सो॒त्वंमा॒ताश॑तक्रतोब॒भूवि॑थ | अधा᳚तेसु॒म्नमी᳚महे || 11 || त्वम्¦हि¦नः॒¦पि॒ता¦व॒सो॒ इति॑¦त्वम्¦मा॒ता¦श॒त॒क्र॒तो॒ इति॑ शतऽक्रतो¦ब॒भूवि॑थ | अध॑¦ते॒¦सु॒म्नम्¦ई॒म॒हे॒ || |
| त्वांशु॑ष्मिन्पुरुहूतवाज॒यन्त॒मुप॑ब्रुवेशतक्रतो | सनो᳚रास्वसु॒वीर्य᳚म् || 12 || त्वाम्¦शु॒ष्मि॒न्¦पु॒रु॒ऽहू॒त॒¦वा॒ज॒ऽयन्त᳚म्¦उप॑¦ब्रु॒वे॒¦श॒त॒क्र॒तो॒ इति॑ शतऽक्रतो | |
| [88] त्वामिदेत्यष्टर्चस्य सूक्तस्यांगिरसोनृमेधइंद्रः अयुजोबृहत्योयुजः सतोबृहत्यः |{अष्टक:6, अध्याय:7}{मंडल:8, सूक्त:99}{अनुवाक:10, सूक्त:6} |
| त्वामि॒दाह्योनरोऽपी᳚प्यन्वज्रि॒न्भूर्ण॑यः | सइ᳚न्द्र॒स्तोम॑वाहसामि॒हश्रु॒ध्युप॒स्वस॑र॒माग॑हि || 1 || वर्ग:3 त्वाम्¦इ॒दा¦ह्यः¦नरः॑¦अपी᳚प्यन्¦व॒ज्रि॒न्¦भूर्ण॑यः | |
| मत्स्वा᳚सुशिप्रहरिव॒स्तदी᳚महे॒त्वे,आभू᳚षन्तिवे॒धसः॑ | तव॒श्रवां᳚स्युप॒मान्यु॒क्थ्या᳚सु॒तेष्वि᳚न्द्रगिर्वणः || 2 || मत्स्व॑¦सु॒ऽशि॒प्र॒¦ह॒रि॒ऽवः॒¦तत्¦ई॒म॒हे॒¦त्वे इति॑¦आ¦भू॒ष॒न्ति॒¦वे॒धसः॑ | |
| श्राय᳚न्तइव॒सूर्यं॒विश्वेदिन्द्र॑स्यभक्षत | वसू᳚निजा॒तेजन॑मान॒ओज॑सा॒प्रति॑भा॒गंनदी᳚धिम || 3 || श्राय᳚न्तःऽइव¦सूर्य᳚म्¦विश्वा᳚¦इत्¦इन्द्र॑स्य¦भ॒क्ष॒त॒ | |
| अन॑र्शरातिंवसु॒दामुप॑स्तुहिभ॒द्रा,इन्द्र॑स्यरा॒तयः॑ | सो,अ॑स्य॒कामं᳚विध॒तोनरो᳚षति॒मनो᳚दा॒नाय॑चो॒दय॑न् || 4 || अन॑र्शऽरातिम्¦व॒सु॒ऽदाम्¦उप॑¦स्तु॒हि॒¦भ॒द्राः¦इन्द्र॑स्य¦रा॒तयः॑ | |
| त्वमि᳚न्द्र॒प्रतू᳚र्तिष्व॒भिविश्वा᳚,असि॒स्पृधः॑ | अ॒श॒स्ति॒हाज॑नि॒तावि॑श्व॒तूर॑सि॒त्वंतू᳚र्यतरुष्य॒तः || 5 || त्वम्¦इ॒न्द्र॒¦प्रऽतू᳚र्तिषु¦अ॒भि¦विश्वाः᳚¦अ॒सि॒¦स्पृधः॑ | |
| अनु॑ते॒शुष्मं᳚तु॒रय᳚न्तमीयतुः,क्षो॒णीशिशुं॒नमा॒तरा᳚ | विश्वा᳚स्ते॒स्पृधः॑श्नथयन्तम॒न्यवे᳚वृ॒त्रंयदि᳚न्द्र॒तूर्व॑सि || 6 || अनु॑¦ते॒¦शुष्म᳚म्¦तु॒रय᳚न्तम्¦ई॒य॒तुः॒¦क्षो॒णी इति॑¦शिशु᳚म्¦न¦मा॒तरा᳚ | |
| इ॒तऊ॒तीवो᳚,अ॒जरं᳚प्रहे॒तार॒मप्र॑हितम् | आ॒शुंजेता᳚रं॒हेता᳚रंर॒थीत॑म॒मतू᳚र्तंतुग्र्या॒वृध᳚म् || 7 || इ॒तः¦ऊ॒ती¦वः॒¦अ॒जर᳚म्¦प्र॒ऽहे॒तार᳚म्¦अप्र॑ऽहितम् | |
| इ॒ष्क॒र्तार॒मनि॑ष्कृतं॒सह॑स्कृतंश॒तमू᳚तिंश॒तक्र॑तुम् | स॒मा॒नमिन्द्र॒मव॑सेहवामहे॒वस॑वानंवसू॒जुव᳚म् || 8 || इ॒ष्क॒र्तार᳚म्¦अनिः॑ऽकृतम्¦सहः॑ऽकृतम्¦श॒तम्ऽऊ᳚तिम्¦श॒तऽक्र॑तुम् | |
| [89] अयंतइति द्वादशर्चस्य सूक्तस्य भार्गवोनेमऋषिः अयंतइतिद्वयोरिंद्रऋषिः इंद्रोदेवतामनोजवाइत्यस्याः सुपर्णोदेवता समुद्रेइत्यस्यावज्रं यद्वाग्वदंती तिद्वयोर्वाग्देवतात्रिष्टुप् षष्ठीजगती सप्तम्याद्यास्तिस्रोनुष्टुभः |{अष्टक:6, अध्याय:7}{मंडल:8, सूक्त:100}{अनुवाक:10, सूक्त:7} |
| अ॒यंत॑एमित॒न्वा᳚पु॒रस्ता॒द्विश्वे᳚दे॒वा,अ॒भिमा᳚यन्तिप॒श्चात् | य॒दामह्यं॒दीध॑रोभा॒गमि॒न्द्रादिन्मया᳚कृणवोवी॒र्या᳚णि || 1 || वर्ग:4 अ॒यम्¦ते॒¦ए॒मि॒¦त॒न्वा᳚¦पु॒रस्ता᳚त्¦विश्वे᳚¦दे॒वाः¦अ॒भि¦मा॒¦य॒न्ति॒¦प॒श्चात् | |
| दधा᳚मिते॒मधु॑नोभ॒क्षमग्रे᳚हि॒तस्ते᳚भा॒गःसु॒तो,अ॑स्तु॒सोमः॑ | अस॑श्च॒त्वंद॑क्षिण॒तःसखा॒मेऽधा᳚वृ॒त्राणि॑जङ्घनाव॒भूरि॑ || 2 || दधा᳚मि¦ते॒¦मधु॑नः¦भ॒क्षम्¦अग्रे᳚¦हि॒तः¦ते॒¦भा॒गः¦सु॒तः¦अ॒स्तु॒¦सोमः॑ | |
| प्रसुस्तोमं᳚भरतवाज॒यन्त॒इन्द्रा᳚यस॒त्यंयदि॑स॒त्यमस्ति॑ | नेन्द्रो᳚,अ॒स्तीति॒नेम॑उत्वआह॒कईं᳚ददर्श॒कम॒भिष्ट॑वाम || 3 || प्र¦सु¦स्तोम᳚म्¦भ॒र॒त॒¦वा॒ज॒ऽयन्तः॑¦इन्द्रा᳚य¦स॒त्यम्¦यदि॑¦स॒त्यम्¦अस्ति॑ | |
| अ॒यम॑स्मिजरितः॒पश्य॑मे॒हविश्वा᳚जा॒तान्य॒भ्य॑स्मिम॒ह्ना | ऋ॒तस्य॑माप्र॒दिशो᳚वर्धयन्त्यादर्दि॒रोभुव॑नादर्दरीमि || 4 || अ॒यम्¦अ॒स्मि॒¦ज॒रि॒त॒रिति॑¦पश्य॑¦मा॒¦इ॒ह¦विश्वा᳚¦जा॒तानि॑¦अ॒भि¦अ॒स्मि॒¦म॒ह्ना | |
| आयन्मा᳚वे॒ना,अरु॑हन्नृ॒तस्यँ॒,एक॒मासी᳚नंहर्य॒तस्य॑पृ॒ष्ठे | मन॑श्चिन्मेहृ॒दआप्रत्य॑वोच॒दचि॑क्रद॒ञ्छिशु॑मन्तः॒सखा᳚यः || 5 || आ¦यत्¦मा॒¦वे॒नाः¦अरु॑हन्¦ऋ॒तस्य॑¦एक᳚म्¦आसी᳚नम्¦ह॒र्य॒तस्य॑¦पृ॒ष्ठे | |
| विश्वेत्ताते॒सव॑नेषुप्र॒वाच्या॒याच॒कर्थ॑मघवन्निन्द्रसुन्व॒ते | पारा᳚वतं॒यत्पु॑रुसम्भृ॒तंवस्व॒पावृ॑णोःशर॒भाय॒ऋषि॑बन्धवे || 6 || विश्वा᳚¦इत्¦ता¦ते॒¦सव॑नेषु¦प्र॒ऽवाच्या᳚¦या¦च॒कर्थ॑¦म॒घ॒ऽव॒न्¦इ॒न्द्र॒¦सु॒न्व॒ते | |
| प्रनू॒नंधा᳚वता॒पृथ॒ङ्नेहयोवो॒,अवा᳚वरीत् | निषीं᳚वृ॒त्रस्य॒मर्म॑णि॒वज्र॒मिन्द्रो᳚,अपीपतत् || 7 || वर्ग:5 प्र¦नू॒नम्¦धा॒व॒त॒¦पृथ॑क्¦न¦इ॒ह¦यः¦वः॒¦अवा᳚वरीत् | नि¦सी॒म्¦वृ॒त्रस्य॑¦मर्म॑णि¦वज्र᳚म्¦इन्द्रः॑¦अ॒पी॒प॒त॒त् || |
| मनो᳚जवा॒,अय॑मानआय॒सीम॑तर॒त्पुर᳚म् | दिवं᳚सुप॒र्णोग॒त्वाय॒सोमं᳚व॒ज्रिण॒आभ॑रत् || 8 || मनः॑ऽजवाः¦अय॑मानः¦आ॒य॒सीम्¦अ॒त॒र॒त्¦पुर᳚म् | दिव᳚म्¦सु॒ऽप॒र्णः¦ग॒त्वाय॑¦सोम᳚म्¦व॒ज्रिणे᳚¦आ¦अ॒भ॒र॒त् || |
| स॒मु॒द्रे,अ॒न्तःश॑यतउ॒द्नावज्रो᳚,अ॒भीवृ॑तः | भर᳚न्त्यस्मैसं॒यतः॑पु॒रःप्र॑स्रवणाब॒लिम् || 9 || स॒मु॒द्रे¦अ॒न्तरिति॑¦श॒य॒ते॒¦उ॒द्ना¦वज्रः॑¦अ॒भिऽवृ॑तः | भर᳚न्ति¦अ॒स्मै॒¦स॒म्ऽयतः॑¦पु॒रःऽप्र॑स्रवणाः¦ब॒लिम् || |
| यद्वाग्वद᳚न्त्यविचेत॒नानि॒राष्ट्री᳚दे॒वानां᳚निष॒साद॑म॒न्द्रा | चत॑स्र॒ऊर्जं᳚दुदुहे॒पयां᳚सि॒क्व॑स्विदस्याःपर॒मंज॑गाम || 10 || यत्¦वाक्¦वद᳚न्ती¦अ॒वि॒ऽचे॒त॒नानि॑¦राष्ट्री᳚¦दे॒वाना᳚म्¦नि॒ऽस॒साद॑¦म॒न्द्रा | |
| दे॒वींवाच॑मजनयन्तदे॒वास्तांवि॒श्वरू᳚पाःप॒शवो᳚वदन्ति | सानो᳚म॒न्द्रेष॒मूर्जं॒दुहा᳚नाधे॒नुर्वाग॒स्मानुप॒सुष्टु॒तैतु॑ || 11 || दे॒वीम्¦वाच᳚म्¦अ॒ज॒न॒य॒न्त॒¦दे॒वाः¦ताम्¦वि॒श्वऽरू᳚पाः¦प॒शवः॑¦व॒द॒न्ति॒ | |
| सखे᳚विष्णोवित॒रंविक्र॑मस्व॒द्यौर्दे॒हिलो॒कंवज्रा᳚यवि॒ष्कभे᳚ | हना᳚ववृ॒त्रंरि॒णचा᳚व॒सिन्धू॒निन्द्र॑स्ययन्तुप्रस॒वेविसृ॑ष्टाः || 12 || सखे᳚¦वि॒ष्णो॒ इति॑¦वि॒ऽत॒रम्¦वि¦क्र॒म॒स्व॒¦द्यौः¦दे॒हि¦लो॒कम्¦वज्रा᳚य¦वि॒ऽस्कभे᳚ | |
| [90] ऋधगित्थेति षोळशर्चस्य सूक्तस्य भार्गवोजमदग्निरृषिर्मित्रावरुणौदेवते पंचम्यामित्रावरुणादित्यादेवताः षष्ठ्या आदित्याः सप्तम्यष्टम्योरश्विनौ नवमीदशम्योर्वायुरेकादशीद्वादश्योः सूर्यस्त्रयोदश्या उषाश्चतुर्दश्याः पवमानस्ततोद्वयोर्गौर्बृहती द्वितीयाचतुर्थी षष्ठ्यष्ठम्यः सतोबृहत्यः तृतीयागायत्र्यंत्यास्तिस्रत्रिष्टुभः{अष्टक:6, अध्याय:7}{मंडल:8, सूक्त:101}{अनुवाक:10, सूक्त:8} |
| ऋध॑गि॒त्थासमर्त्यः॑शश॒मेदे॒वता᳚तये | योनू॒नंमि॒त्रावरु॑णाव॒भिष्ट॑यआच॒क्रेह॒व्यदा᳚तये || 1 || वर्ग:6 ऋध॑क्¦इ॒त्था¦सः¦मर्त्यः॑¦श॒श॒मे¦दे॒वऽता᳚तये | |
| वर्षि॑ष्ठक्षत्रा,उरु॒चक्ष॑सा॒नरा॒राजा᳚नादीर्घ॒श्रुत्त॑मा | ताबा॒हुता॒नदं॒सना᳚रथर्यतःसा॒कंसूर्य॑स्यर॒श्मिभिः॑ || 2 || वर्षि॑ष्ठऽक्षत्रौ¦उ॒रु॒ऽचक्ष॑सा¦नरा᳚¦राजा᳚ना¦दी॒र्घ॒श्रुत्ऽत॑मा | |
| प्रयोवां᳚मित्रावरुणाजि॒रोदू॒तो,अद्र॑वत् | अयः॑शीर्षा॒मदे᳚रघुः || 3 || प्र¦यः¦वा॒म्¦मि॒त्रा॒व॒रु॒णा॒¦अ॒जि॒रः¦दू॒तः¦अद्र॑वत् | अयः॑ऽशीर्षा¦मदे᳚ऽरघुः || |
| नयःस॒म्पृच्छे॒नपुन॒र्हवी᳚तवे॒नसं᳚वा॒दाय॒रम॑ते | तस्मा᳚न्नो,अ॒द्यसमृ॑तेरुरुष्यतंबा॒हुभ्यां᳚नउरुष्यतम् || 4 || न¦यः¦स॒म्ऽपृच्छे᳚¦न¦पुनः॑¦हवी᳚तवे¦न¦स॒म्ऽवा॒दाय॑¦रम॑ते | |
| प्रमि॒त्राय॒प्रार्य॒म्णेस॑च॒थ्य॑मृतावसो | व॒रू॒थ्य१॑(अं॒)वरु॑णे॒छन्द्यं॒वचः॑स्तो॒त्रंराज॑सुगायत || 5 || प्र¦मि॒त्राय॑¦प्र¦अ॒र्य॒म्णे¦स॒च॒थ्य᳚म्¦ऋ॒त॒व॒सो॒ इत्यृ॑तऽवसो | |
| तेहि᳚न्विरे,अरु॒णंजेन्यं॒वस्वेकं᳚पु॒त्रंति॑सॄ॒णाम् | तेधामा᳚न्य॒मृता॒मर्त्या᳚ना॒मद॑ब्धा,अ॒भिच॑क्षते || 6 || वर्ग:7 ते¦हि॒न्वि॒रे॒¦अ॒रु॒णम्¦जेन्य᳚म्¦वसु॑¦एक᳚म्¦पु॒त्रम्¦ति॒सॄ॒णाम् | |
| आमे॒वचां॒स्युद्य॑ताद्यु॒मत्त॑मानि॒कर्त्वा᳚ | उ॒भाया᳚तंनासत्यास॒जोष॑सा॒प्रति॑ह॒व्यानि॑वी॒तये᳚ || 7 || आ¦मे॒¦वचां᳚सि¦उत्ऽय॑ता¦द्यु॒मत्ऽत॑मानि¦कर्त्वा᳚ | |
| रा॒तिंयद्वा᳚मर॒क्षसं॒हवा᳚महेयु॒वाभ्यां᳚वाजिनीवसू | प्राचीं॒होत्रां᳚प्रति॒रन्ता᳚वितंनरागृणा॒नाज॒मद॑ग्निना || 8 || रा॒तिम्¦यत्¦वा॒म्¦अ॒र॒क्षस᳚म्¦हवा᳚महे¦यु॒वाभ्या᳚म्¦वा॒जि॒नी॒व॒सू॒ इति॑ वाजिनीऽवसू | |
| आनो᳚य॒ज्ञंदि॑वि॒स्पृशं॒वायो᳚या॒हिसु॒मन्म॑भिः | अ॒न्तःप॒वित्र॑उ॒परि॑श्रीणा॒नो॒३॑(ओ॒)ऽयंशु॒क्रो,अ॑यामिते || 9 || आ¦नः॒¦य॒ज्ञम्¦दि॒वि॒ऽस्पृश᳚म्¦वायो॒ इति॑¦या॒हि¦सु॒मन्म॑ऽभिः | |
| वेत्य॑ध्व॒र्युःप॒थिभी॒रजि॑ष्ठैः॒प्रति॑ह॒व्यानि॑वी॒तये᳚ | अधा᳚नियुत्वउ॒भय॑स्यनःपिब॒शुचिं॒सोमं॒गवा᳚शिरम् || 10 || वेति॑¦अ॒ध्व॒र्युः¦प॒थिऽभिः॑¦रजि॑ष्ठैः¦प्रति॑¦ह॒व्यानि॑¦वी॒तये᳚ | |
| बण्म॒हाँ,अ॑सिसूर्य॒¦बळा᳚दित्यम॒हाँ,अ॑सि | म॒हस्ते᳚स॒तोम॑हि॒माप॑नस्यते॒¦ऽद्धादे᳚वम॒हाँ,अ॑सि || 11 || वर्ग:8 बट्¦म॒हान्¦अ॒सि॒¦सू॒र्य॒¦बट्¦आ॒दि॒त्य॒¦म॒हान्¦अ॒सि॒ | |
| बट्सू᳚र्य॒श्रव॑साम॒हाँ,अ॑सि¦स॒त्रादे᳚वम॒हाँ,अ॑सि | म॒ह्नादे॒वाना᳚मसु॒र्यः॑¦पु॒रोहि॑तोवि॒भुज्योति॒रदा᳚भ्यम् || 12 || बट्¦सू॒र्य॒¦श्रव॑सा¦म॒हान्¦अ॒सि॒¦स॒त्रा¦दे॒व॒¦म॒हान्¦अ॒सि॒ | |
| इ॒यंयानीच्य॒र्किणी᳚रू॒पारोहि᳚ण्याकृ॒ता | चि॒त्रेव॒प्रत्य॑दर्श्याय॒त्य१॑(अ॒)न्तर्द॒शसु॑बा॒हुषु॑ || 13 || इ॒यम्¦या¦नीची᳚¦अ॒र्किणी᳚¦रू॒पा¦रोहि᳚ण्या¦कृ॒ता | |
| प्र॒जाह॑ति॒स्रो,अ॒त्याय॑मीयु॒र्न्य१॑(अ॒)न्या,अ॒र्कम॒भितो᳚विविश्रे | बृ॒हद्ध॑तस्थौ॒भुव॑नेष्व॒न्तःपव॑मानोह॒रित॒आवि॑वेश || 14 || प्र॒ऽजाः¦ह॒¦ति॒स्रः¦अ॒ति॒ऽआय᳚म्¦ई॒युः॒¦नि¦अ॒न्याः¦अ॒र्कम्¦अ॒भितः॑¦वि॒वि॒श्रे॒ | |
| मा॒तारु॒द्राणां᳚दुहि॒तावसू᳚नां॒स्वसा᳚दि॒त्याना᳚म॒मृत॑स्य॒नाभिः॑ | प्रनुवो᳚चंचिकि॒तुषे॒जना᳚य॒मागामना᳚गा॒मदि॑तिंवधिष्ट || 15 || मा॒ता¦रु॒द्राणा᳚म्¦दु॒हि॒ता¦वसू᳚नाम्¦स्वसा᳚¦आ॒दि॒त्याना᳚म्¦अ॒मृत॑स्य¦नाभिः॑ | |
| व॒चो॒विदं॒वाच॑मुदी॒रय᳚न्तीं॒विश्वा᳚भिर्धी॒भिरु॑प॒तिष्ठ॑मानाम् | दे॒वींदे॒वेभ्यः॒पर्ये॒युषीं॒गामामा᳚वृक्त॒मर्त्यो᳚द॒भ्रचे᳚ताः || 16 || व॒चः॒ऽविद᳚म्¦वाच᳚म्¦उ॒त्ऽई॒रय᳚न्तीम्¦विश्वा᳚भिः¦धी॒भिः¦उ॒प॒ऽतिष्ठ॑मानाम् | |
| [91] त्वमग्नइति द्वाविंशत्यृचस्य सूक्तस्य भार्गवःप्रयोगोग्निर्गायत्री | (अस्मिन्सूक्तेएतऋषयोविकल्प्यंते - बार्हस्पत्योग्निः पावकः यद्वासहसः पुत्रौगृहपतियविष्ठौ अनयोरन्यतरोवा ) |{अष्टक:6, अध्याय:7}{मंडल:8, सूक्त:102}{अनुवाक:10, सूक्त:9} |
| त्वम॑ग्नेबृ॒हद्वयो॒दधा᳚सिदेवदा॒शुषे᳚ | क॒विर्गृ॒हप॑ति॒र्युवा᳚ || 1 || वर्ग:9 त्वम्¦अ॒ग्ने॒¦बृ॒हत्¦वयः॑¦दधा᳚सि¦दे॒व॒¦दा॒शुषे᳚ | क॒विः¦गृ॒हऽप॑तिः¦युवा᳚ || |
| सन॒ईळा᳚नयास॒हदे॒वाँ,अ॑ग्नेदुव॒स्युवा᳚ | चि॒किद्वि॑भान॒वाव॑ह || 2 || सः¦नः॒¦ईळा᳚नया¦स॒ह¦दे॒वान्¦अ॒ग्ने॒¦दु॒व॒स्युवा᳚ | चि॒कित्¦वि॒भा॒नो॒ इति॑ विऽभानो¦आ¦व॒ह॒ || |
| त्वया᳚हस्विद्यु॒जाव॒यंचोदि॑ष्ठेनयविष्ठ्य | अ॒भिष्मो॒वाज॑सातये || 3 || त्वया᳚¦ह॒¦स्वि॒त्¦यु॒जा¦व॒यम्¦चोदि॑ष्ठेन¦य॒वि॒ष्ठ्य॒ | अ॒भि¦स्मः॒¦वाज॑ऽसातये || |
| औ॒र्व॒भृ॒गु॒वच्छुचि॑मप्नवान॒वदाहु॑वे | अ॒ग्निंस॑मु॒द्रवा᳚ससम् || 4 || औ॒र्व॒भृ॒गु॒ऽवत्¦शुचि᳚म्¦अ॒प्न॒वा॒न॒ऽवत्¦आ¦हु॒वे॒ | अ॒ग्निम्¦स॒मु॒द्रऽवा᳚ससम् || |
| हु॒वेवात॑स्वनंक॒विंप॒र्जन्य॑क्रन्द्यं॒सहः॑ | अ॒ग्निंस॑मु॒द्रवा᳚ससम् || 5 || हु॒वे¦वात॑ऽस्वनम्¦क॒विम्¦प॒र्जन्य॑ऽक्रन्द्यम्¦सहः॑ | अ॒ग्निम्¦स॒मु॒द्रऽवा᳚ससम् || |
| आस॒वंस॑वि॒तुर्य॑था॒भग॑स्येवभु॒जिंहु॑वे | अ॒ग्निंस॑मु॒द्रवा᳚ससम् || 6 || वर्ग:10 आ¦स॒वम्¦स॒वि॒तुः¦य॒था॒¦भग॑स्यऽइव¦भु॒जिम्¦हु॒वे॒ | अ॒ग्निम्¦स॒मु॒द्रऽवा᳚ससम् || |
| अ॒ग्निंवो᳚वृ॒धन्त॑मध्व॒राणां᳚पुरू॒तम᳚म् | अच्छा॒नप्त्रे॒सह॑स्वते || 7 || अ॒ग्निम्¦वः॒¦वृ॒धन्त᳚म्¦अ॒ध्व॒राणा᳚म्¦पु॒रु॒ऽतम᳚म् | अच्छ॑¦नप्त्रे᳚¦सह॑स्वते || |
| अ॒यंयथा᳚नआ॒भुव॒त्त्वष्टा᳚रू॒पेव॒तक्ष्या᳚ | अ॒स्यक्रत्वा॒यश॑स्वतः || 8 || अ॒यम्¦यथा᳚¦नः॒¦आ॒ऽभुव॑त्¦त्वष्टा᳚¦रू॒पाऽइ᳚व¦तक्ष्या᳚ | अ॒स्य¦क्रत्वा᳚¦यश॑स्वतः || |
| अ॒यंविश्वा᳚,अ॒भिश्रियो॒ऽग्निर्दे॒वेषु॑पत्यते | आवाजै॒रुप॑नोगमत् || 9 || अ॒यम्¦विश्वाः᳚¦अ॒भि¦श्रियः॑¦अ॒ग्निः¦दे॒वेषु॑¦प॒त्य॒ते॒ | आ¦वाजैः᳚¦उप॑¦नः॒¦ग॒म॒त् || |
| विश्वे᳚षामि॒हस्तु॑हि॒होतॄ᳚णांय॒शस्त॑मम् | अ॒ग्निंय॒ज्ञेषु॑पू॒र्व्यम् || 10 || विश्वे᳚षाम्¦इ॒ह¦स्तु॒हि॒¦होतॄ᳚णाम्¦य॒शःऽत॑मम् | अ॒ग्निम्¦य॒ज्ञेषु॑¦पू॒र्व्यम् || |
| शी॒रंपा᳚व॒कशो᳚चिषं॒ज्येष्ठो॒योदमे॒ष्वा | दी॒दाय॑दीर्घ॒श्रुत्त॑मः || 11 || वर्ग:11 शी॒रम्¦पा॒व॒कऽशो᳚चिषम्¦ज्येष्ठः॑¦यः¦दमे᳚षु¦आ | दी॒दाय॑¦दी॒र्घ॒श्रुत्ऽत॑मः || |
| तमर्व᳚न्तं॒नसा᳚न॒सिंगृ॑णी॒हिवि॑प्रशु॒ष्मिण᳚म् | मि॒त्रंनया᳚त॒यज्ज॑नम् || 12 || तम्¦अर्व᳚न्तम्¦न¦सा॒न॒सिम्¦गृ॒णी॒हि¦वि॒प्र॒¦शु॒ष्मिण᳚म् | मि॒त्रम्¦न¦या॒त॒यत्ऽज॑नम् || |
| उप॑त्वाजा॒मयो॒गिरो॒देदि॑शतीर्हवि॒ष्कृतः॑ | वा॒योरनी᳚के,अस्थिरन् || 13 || उप॑¦त्वा॒¦जा॒मयः॑¦गिरः॑¦देदि॑शतीः¦ह॒विः॒ऽकृतः॑ | वा॒योः¦अनी᳚के¦अ॒स्थि॒र॒न् || |
| यस्य॑त्रि॒धात्ववृ॑तंब॒र्हिस्त॒स्थावसं᳚दिनम् | आप॑श्चि॒न्निद॑धाप॒दम् || 14 || यस्य॑¦त्रि॒ऽधातु॑¦अवृ॑तम्¦ब॒र्हिः¦त॒स्थौ¦अस᳚म्ऽदिनम् | आपः॑¦चि॒त्¦नि¦द॒ध॒¦प॒दम् || |
| प॒दंदे॒वस्य॑मी॒ळ्हुषोऽना᳚धृष्टाभिरू॒तिभिः॑ | भ॒द्रासूर्य॑इवोप॒दृक् || 15 || प॒दम्¦दे॒वस्य॑¦मी॒ळ्हुषः॑¦अना᳚धृष्टाभिः¦ऊ॒तिऽभिः॑ | भ॒द्रा¦सूर्यः॑ऽइव¦उ॒प॒ऽदृक् || |
| अग्ने᳚घृ॒तस्य॑धी॒तिभि॑स्तेपा॒नोदे᳚वशो॒चिषा᳚ | आदे॒वान्व॑क्षि॒यक्षि॑च || 16 || वर्ग:12 अग्ने᳚¦घृ॒तस्य॑¦धी॒तिऽभिः॑¦ते॒पा॒नः¦दे॒व॒¦शो॒चिषा᳚ | आ¦दे॒वान्¦व॒क्षि॒¦यक्षि॑¦च॒ || |
| तंत्वा᳚जनन्तमा॒तरः॑क॒विंदे॒वासो᳚,अङ्गिरः | ह॒व्य॒वाह॒मम॑र्त्यम् || 17 || तम्¦त्वा॒¦अ॒ज॒न॒न्त॒¦मा॒तरः॑¦क॒विम्¦दे॒वासः॑¦अ॒ङ्गि॒रः॒ | ह॒व्य॒ऽवाह᳚म्¦अम॑र्त्यम् || |
| प्रचे᳚तसंत्वाक॒वेऽग्ने᳚दू॒तंवरे᳚ण्यम् | ह॒व्य॒वाहं॒निषे᳚दिरे || 18 || प्रऽचे᳚तसम्¦त्वा॒¦क॒वे॒¦अग्ने᳚¦दू॒तम्¦वरे᳚ण्यम् | ह॒व्य॒ऽवाह᳚म्¦नि¦से॒दि॒रे॒ || |
| न॒हिमे॒,अस्त्यघ्न्या॒नस्वधि॑ति॒र्वन᳚न्वति | अथै᳚ता॒दृग्भ॑रामिते || 19 || न॒हि¦मे॒¦अस्ति॑¦अघ्न्या᳚¦न¦स्वऽधि॑तिः¦वन॑न्ऽवति | अथ॑¦ए॒ता॒दृक्¦भ॒रा॒मि॒¦ते॒ || |
| यद॑ग्ने॒कानि॒कानि॑चि॒दाते॒दारू᳚णिद॒ध्मसि॑ | ताजु॑षस्वयविष्ठ्य || 20 || यत्¦अ॒ग्ने॒¦कानि॑¦कानि॑¦चि॒त्¦आ¦ते॒¦दारू᳚णि¦द॒ध्मसि॑ | ता¦जु॒ष॒स्व॒¦य॒वि॒ष्ठ्य॒ || |
| यदत्त्यु॑प॒जिह्वि॑का॒यद्व॒म्रो,अ॑ति॒सर्प॑ति | सर्वं॒तद॑स्तुतेघृ॒तम् || 21 || यत्¦अत्ति॑¦उ॒प॒ऽजिह्वि॑का¦यत्¦व॒म्रः¦अ॒ति॒ऽसर्प॑ति | सर्व᳚म्¦तत्¦अ॒स्तु॒¦ते॒¦घृ॒तम् || |
| अ॒ग्निमिन्धा᳚नो॒मन॑सा॒धियं᳚सचेत॒मर्त्यः॑ | अ॒ग्निमी᳚धेवि॒वस्व॑भिः || 22 || अ॒ग्निम्¦इन्धा᳚नः¦मन॑सा¦धिय᳚म्¦स॒चे॒त॒¦मर्त्यः॑ | अ॒ग्निम्¦ई॒धे॒¦वि॒वस्व॑ऽभिः || |
| [92] अदर्शीति चतुर्दशर्चस्य सूक्तस्य काण्वः सोभरिरग्निरंत्याया अग्नामरुतोबृहती पंचमीविराड्रूपा सप्तम्याद्ययुजःसतोबृहत्योऽष्टम्यादियुजः क्रमेणककुब्हसीयसीककुबनुष्टुभः |{अष्टक:6, अध्याय:7}{मंडल:8, सूक्त:103}{अनुवाक:10, सूक्त:10} |
| अद॑र्शिगातु॒वित्त॑मो॒यस्मि᳚न्व्र॒तान्या᳚द॒धुः | उपो॒षुजा॒तमार्य॑स्य॒वर्ध॑नम॒ग्निंन॑क्षन्तनो॒गिरः॑ || 1 || वर्ग:13 अद॑र्शि¦गा॒तु॒वित्ऽत॑मः¦यस्मि॑न्¦व्र॒तानि॑¦आ॒ऽद॒धुः | |
| प्रदैवो᳚दासो,अ॒ग्निर्दे॒वाँ,अच्छा॒नम॒ज्मना᳚ | अनु॑मा॒तरं᳚पृथि॒वींविवा᳚वृतेत॒स्थौनाक॑स्य॒सान॑वि || 2 || प्र¦दैवः॑ऽदासः¦अ॒ग्निः¦दे॒वान्¦अच्छ॑¦न¦म॒ज्मना᳚ | |
| यस्मा॒द्रेज᳚न्तकृ॒ष्टय॑श्च॒र्कृत्या᳚निकृण्व॒तः | स॒ह॒स्र॒सांमे॒धसा᳚ताविव॒त्मना॒ग्निंधी॒भिःस॑पर्यत || 3 || यस्मा᳚त्¦रेज᳚न्त¦कृ॒ष्टयः॑¦च॒र्कृत्या᳚नि¦कृ॒ण्व॒तः | |
| प्रयंरा॒येनिनी᳚षसि॒मर्तो॒यस्ते᳚वसो॒दाश॑त् | सवी॒रंध॑त्ते,अग्नउक्थशं॒सिनं॒त्मना᳚सहस्रपो॒षिण᳚म् || 4 || प्र¦यम्¦रा॒ये¦निनी᳚षसि¦मर्तः॑¦यः¦ते॒¦व॒सो॒ इति॑¦दाश॑त् | |
| सदृ॒ळ्हेचि॑द॒भितृ॑णत्ति॒वाज॒मर्व॑ता॒सध॑त्ते॒,अक्षि॑ति॒श्रवः॑ | त्वेदे᳚व॒त्रासदा᳚पुरूवसो॒विश्वा᳚वा॒मानि॑धीमहि || 5 || सः¦दृ॒ळ्हे¦चि॒त्¦अ॒भि¦तृ॒ण॒त्ति॒¦वाज᳚म्¦अर्व॑ता¦सः¦ध॒त्ते॒¦अक्षि॑ति¦श्रवः॑ | |
| योविश्वा॒दय॑ते॒वसु॒होता᳚म॒न्द्रोजना᳚नाम् | मधो॒र्नपात्रा᳚प्रथ॒मान्य॑स्मै॒प्रस्तोमा᳚यन्त्य॒ग्नये᳚ || 6 || वर्ग:14 यः¦विश्वा᳚¦दय॑ते¦वसु॑¦होता᳚¦म॒न्द्रः¦जना᳚नाम् | |
| अश्वं॒नगी॒र्भीर॒थ्यं᳚सु॒दान॑वोमर्मृ॒ज्यन्ते᳚देव॒यवः॑ | उ॒भेतो॒केतन॑येदस्मविश्पते॒पर्षि॒राधो᳚म॒घोना᳚म् || 7 || अश्व᳚म्¦न¦गीः॒ऽभिः¦र॒थ्य᳚म्¦सु॒ऽदान॑वः¦म॒र्मृ॒ज्यन्ते᳚¦दे॒व॒ऽयवः॑ | |
| प्रमंहि॑ष्ठायगायतऋ॒ताव्ने᳚बृह॒तेशु॒क्रशो᳚चिषे | उप॑स्तुतासो,अ॒ग्नये᳚ || 8 || प्र¦मंहि॑ष्ठाय¦गा॒य॒त॒¦ऋ॒तऽव्ने᳚¦बृ॒ह॒ते¦शु॒क्रऽशो᳚चिषे | उप॑ऽस्तुतासः¦अ॒ग्नये᳚ || |
| आवं᳚सतेम॒घवा᳚वी॒रव॒द्यशः॒समि॑द्धोद्यु॒म्न्याहु॑तः | कु॒विन्नो᳚,अस्यसुम॒तिर्नवी᳚य॒स्यच्छा॒वाजे᳚भिरा॒गम॑त् || 9 || आ¦वं॒स॒ते॒¦म॒घऽवा᳚¦वी॒रऽव॑त्¦यशः॑¦सम्ऽइ᳚द्धः¦द्यु॒म्नी¦आऽहु॑तः | |
| प्रेष्ठ॑मुप्रि॒याणां᳚स्तु॒ह्या᳚सा॒वाति॑थिम् | अ॒ग्निंरथा᳚नां॒यम᳚म् || 10 || प्रेष्ठ᳚म्¦ऊँ॒ इति॑¦प्रि॒याणा᳚म्¦स्तु॒हि¦आ॒ऽसा॒व॒¦अति॑थिम् | अ॒ग्निम्¦रथा᳚नाम्¦यम᳚म् || |
| उदि॑ता॒योनिदि॑ता॒वेदि॑ता॒वस्वाय॒ज्ञियो᳚व॒वर्त॑ति | दु॒ष्टरा॒यस्य॑प्रव॒णेनोर्मयो᳚धि॒यावाजं॒सिषा᳚सतः || 11 || वर्ग:15 उत्ऽइ᳚ता¦यः¦निऽदि॑ता¦वेदि॑ता¦वसु॑¦आ¦य॒ज्ञियः॑¦व॒वर्त॑ति | |
| मानो᳚हृणीता॒मति॑थि॒र्वसु॑र॒ग्निःपु॑रुप्रश॒स्तए॒षः | यःसु॒होता᳚स्वध्व॒रः || 12 || मा¦नः॒¦हृ॒णी॒ता॒म्¦अति॑थिः¦वसुः॑¦अ॒ग्निः¦पु॒रु॒ऽप्र॒श॒स्तः¦ए॒षः | यः¦सु॒ऽहोता᳚¦सु॒।आ॒ध्व॒रः || |
| मोतेरि॑ष॒न्ये,अच्छो᳚क्तिभिर्व॒सोऽग्ने॒केभि॑श्चि॒देवैः᳚ | की॒रिश्चि॒द्धित्वामीट्टे᳚दू॒त्या᳚यरा॒तह᳚व्यःस्वध्व॒रः || 13 || मो इति॑¦ते¦रि॒ष॒न्¦ये¦अच्छो᳚क्तिऽभिः¦व॒सो॒ इति॑¦अग्ने᳚¦केभिः॑¦चि॒त्¦एवैः᳚ | |
| आग्ने᳚याहिम॒रुत्स॑खारु॒द्रेभिः॒सोम॑पीतये | सोभ᳚र्या॒,उप॑सुष्टु॒तिंमा॒दय॑स्व॒स्व᳚र्णरे || 14 || आ¦अ॒ग्ने॒¦या॒हि॒¦म॒रुत्ऽस॑खा¦रु॒द्रेभिः॑¦सोम॑ऽपीतये | सोभ᳚र्याः¦उप॑¦सु॒ऽस्तु॒तिम्¦मा॒दय॑स्व¦स्वः॑ऽनरे || |
| [93] स्वादिष्ठयेति दशर्चस्य सूक्तस्य वैश्वामित्रोमधुच्छंदाः पवमान सोमो गायत्री | (पवमान पारायण प्रथमोध्यायः){अष्टक:6, अध्याय:7}{मंडल:9, सूक्त:1}{अनुवाक:1, सूक्त:1} |
| स्वादि॑ष्ठया॒मदि॑ष्ठया॒¦पव॑स्वसोम॒धार॑या | इन्द्रा᳚य॒पात॑वेसु॒तः || 1 || वर्ग:16 स्वादि॑ष्ठया¦मदि॑ष्ठया¦पव॑स्व¦सो॒म॒¦धार॑या | इन्द्रा᳚य¦पात॑वे¦सु॒तः || |
| र॒क्षो॒हावि॒श्वच॑र्षणि¦र॒भियोनि॒मयो᳚हतम् | द्रुणा᳚स॒धस्थ॒मास॑दत् || 2 || र॒क्षः॒ऽहा¦वि॒श्वऽच॑र्षणिः¦अ॒भि¦योनि᳚म्¦अयः॑ऽहतम् | द्रुणा᳚¦स॒धऽस्थ᳚म्¦आ¦अ॒स॒द॒त् || |
| व॒रि॒वो॒धात॑मोभव॒¦मंहि॑ष्ठोवृत्र॒हन्त॑मः | पर्षि॒राधो᳚म॒घोना᳚म् || 3 || व॒रि॒वः॒ऽधात॑मः¦भ॒व॒¦मंहि॑ष्ठः¦वृ॒त्र॒हन्ऽत॑मः | पर्षि॑¦राधः॑¦म॒घोना᳚म् || |
| अ॒भ्य॑र्षम॒हानां᳚¦दे॒वानां᳚वी॒तिमन्ध॑सा | अ॒भिवाज॑मु॒तश्रवः॑ || 4 || अ॒भि¦अ॒र्ष॒¦म॒हाना᳚म्¦दे॒वाना᳚म्¦वी॒तिम्¦अन्ध॑सा | अ॒भि¦वाज᳚म्¦उ॒त¦श्रवः॑ || |
| त्वामच्छा᳚चरामसि॒¦तदिदर्थं᳚दि॒वेदि॑वे | इन्दो॒त्वेन॑आ॒शसः॑ || 5 || त्वाम्¦अच्छ॑¦च॒रा॒म॒सि॒¦तत्¦इत्¦अर्थ᳚म्¦दि॒वेऽदि॑वे | इन्दो॒ इति॑¦त्वे इति॑¦नः॒¦आ॒ऽशसः॑ || |
| पु॒नाति॑तेपरि॒स्रुतं॒¦सोमं॒सूर्य॑स्यदुहि॒ता | वारे᳚ण॒शश्व॑ता॒तना᳚ || 6 || वर्ग:17 पु॒नाति॑¦ते॒¦प॒रि॒ऽस्रुत᳚म्¦सोम᳚म्¦सूर्य॑स्य¦दु॒हि॒ता | वारे᳚ण¦शश्व॑ता¦तना᳚ || |
| तमी॒मण्वीः᳚सम॒र्यआ¦गृ॒भ्णन्ति॒योष॑णो॒दश॑ | स्वसा᳚रः॒पार्ये᳚दि॒वि || 7 || तम्¦ई॒म्¦अण्वीः᳚¦स॒ऽम॒र्ये¦आ¦गृ॒भ्णन्ति॑¦योष॑णः¦दश॑ | स्वसा᳚रः¦पार्ये᳚¦दि॒वि || |
| तमीं᳚हिन्वन्त्य॒ग्रुवो॒¦धम᳚न्तिबाकु॒रंदृति᳚म् | त्रि॒धातु॑वार॒णंमधु॑ || 8 || तम्¦ई॒म्¦हि॒न्व॒न्ति॒¦अ॒ग्रुवः॑¦धम᳚न्ति¦बा॒कु॒रम्¦दृति᳚म् | त्रि॒ऽधातु॑¦वा॒र॒णम्¦मधु॑ || |
| अ॒भी॒३॑(ई॒)ममघ्न्या᳚,उ॒त¦श्री॒णन्ति॑धे॒नवः॒शिशु᳚म् | सोम॒मिन्द्रा᳚य॒पात॑वे || 9 || अ॒भि¦इ॒मम्¦अघ्न्याः᳚¦उ॒त¦श्री॒णन्ति॑¦धे॒नवः॑¦शिशु᳚म् | सोम᳚म्¦इन्द्रा᳚य¦पात॑वे || |
| अ॒स्येदिन्द्रो॒मदे॒ष्वा¦विश्वा᳚वृ॒त्राणि॑जिघ्नते | शूरो᳚म॒घाच॑मंहते || 10 || अ॒स्य¦इत्¦इन्द्रः॑¦मदे᳚षु¦आ¦विश्वा᳚¦वृ॒त्राणि॑¦जि॒घ्न॒ते॒ | शूरः॑¦म॒घा¦च॒¦मं॒ह॒ते॒ || |
| [94] पवस्वेति दशर्चस्य सूक्तस्य काण्वोमेधातिथिः पवमानसोमोगायत्री |{अष्टक:6, अध्याय:7}{मंडल:9, सूक्त:2}{अनुवाक:1, सूक्त:2} |
| पव॑स्वदेव॒वीरति॑¦प॒वित्रं᳚सोम॒रंह्या᳚ | इन्द्र॑मिन्दो॒वृषावि॑श || 1 || वर्ग:18 पव॑स्व¦दे॒व॒ऽवीः¦अति॑¦प॒वित्र᳚म्¦सो॒म॒¦रंह्या᳚ | इन्द्र᳚म्¦इ॒न्दो॒ इति॑¦वृषा᳚¦आ¦वि॒श॒ || |
| आव॑च्यस्व॒महि॒प्सरो॒¦वृषे᳚न्दोद्यु॒म्नव॑त्तमः | आयोनिं᳚धर्ण॒सिःस॑दः || 2 || आ¦व॒च्य॒स्व॒¦महि॑¦प्सरः॑¦वृषा᳚¦इ॒न्दो॒ इति॑¦द्यु॒म्नव॑त्ऽतमः | आ¦योनि᳚म्¦ध॒र्ण॒सिः¦स॒दः॒ || |
| अधु॑क्षतप्रि॒यंमधु॒¦धारा᳚सु॒तस्य॑वे॒धसः॑ | अ॒पोव॑सिष्टसु॒क्रतुः॑ || 3 || अधु॑क्षत¦प्रि॒यम्¦मधु॑¦धारा᳚¦सु॒तस्य॑¦वे॒धसः॑ | अ॒पः¦व॒सि॒ष्ट॒¦सु॒ऽक्रतुः॑ || |
| म॒हान्तं᳚त्वाम॒हीर¦न्वापो᳚,अर्षन्ति॒सिन्ध॑वः | यद्गोभि᳚र्वासयि॒ष्यसे᳚ || 4 || म॒हान्त᳚म्¦त्वा॒¦म॒हीः¦अनु॑¦आपः॑¦अ॒र्ष॒न्ति॒¦सिन्ध॑वः | यत्¦गोभिः॑¦वा॒स॒यि॒ष्यसे᳚ || |
| स॒मु॒द्रो,अ॒प्सुमा᳚मृजे¦विष्ट॒म्भोध॒रुणो᳚दि॒वः | सोमः॑प॒वित्रे᳚,अस्म॒युः || 5 || स॒मु॒द्रः¦अ॒प्ऽसु¦म॒मृ॒जे॒¦वि॒ष्ट॒म्भः¦ध॒रुणः॑¦दि॒वः | सोमः॑¦प॒वित्रे᳚¦अ॒स्म॒ऽयुः || |
| अचि॑क्रद॒द्वृषा॒हरि᳚¦र्म॒हान्मि॒त्रोनद॑र्श॒तः | संसूर्ये᳚णरोचते || 6 || वर्ग:19 अचि॑क्रदत्¦वृषा᳚¦हरिः॑¦म॒हान्¦मि॒त्रः¦न¦द॒र्श॒तः | सम्¦सूर्ये᳚ण¦रो॒च॒ते॒ || |
| गिर॑स्तइन्द॒ओज॑सा¦मर्मृ॒ज्यन्ते᳚,अप॒स्युवः॑ | याभि॒र्मदा᳚य॒शुम्भ॑से || 7 || गिरः॑¦ते॒¦इ॒न्दो॒ इति॑¦ओज॑सा¦म॒र्मृ॒ज्यन्ते᳚¦अ॒प॒स्युवः॑ | याभिः॑¦मदा᳚य¦शुम्भ॑से || |
| तंत्वा॒मदा᳚य॒घृष्व॑य¦उलोककृ॒त्नुमी᳚महे | तव॒प्रश॑स्तयोम॒हीः || 8 || तम्¦त्वा॒¦मदा᳚य¦घृष्व॑ये¦ऊँ॒ इति॑¦लो॒क॒ऽकृ॒त्नुम्¦ई॒म॒हे॒ | तव॑¦प्रऽश॑स्तयः¦म॒हीः || |
| अ॒स्मभ्य॑मिन्दविन्द्र॒यु¦र्मध्वः॑पवस्व॒धार॑या | प॒र्जन्यो᳚वृष्टि॒माँ,इ॑व || 9 || अ॒स्मभ्य᳚म्¦इ॒न्दो॒ इति॑¦इ॒न्द्र॒ऽयुः¦मध्वः॑¦प॒व॒स्व॒¦धार॑या | प॒र्जन्यः॑¦वृ॒ष्टि॒मान्ऽइ᳚व || |
| गो॒षा,इ᳚न्दोनृ॒षा,अ॑स्य¦श्व॒सावा᳚ज॒सा,उ॒त | आ॒त्माय॒ज्ञस्य॑पू॒र्व्यः || 10 || गो॒ऽसाः¦इ॒न्दो॒ इति॑¦नृ॒ऽसाः¦अ॒सि॒¦अ॒श्व॒ऽसाः¦वा॒ज॒ऽसाः¦उ॒त | आ॒त्मा¦य॒ज्ञस्य॑¦पू॒र्व्यः || |
| [95] एषदेव इति दशर्चस्य सूक्तस्याजीगर्तिः शुनःशेपः सकृत्रिमोवैश्वामित्रोदेवरातः पवमान सोमो गायत्री ।{अष्टक:6, अध्याय:7}{मंडल:9, सूक्त:3}{अनुवाक:1, सूक्त:3} |
| ए॒षदे॒वो,अम॑र्त्यः¦पर्ण॒वीरि॑वदीयति | अ॒भिद्रोणा᳚न्या॒सद᳚म् || 1 || वर्ग:20 ए॒षः¦दे॒वः¦अम॑र्त्यः¦प॒र्ण॒वीःऽइ᳚व¦दी॒य॒ति॒ | अ॒भि¦द्रोणा᳚नि¦आ॒ऽसद᳚म् || |
| ए॒षदे॒वोवि॒पाकृ॒तो¦ऽति॒ह्वरां᳚सिधावति | पव॑मानो॒,अदा᳚भ्यः || 2 || ए॒षः¦दे॒वः¦वि॒पा¦कृ॒तः¦अति॑¦ह्वरां᳚सि¦धा॒व॒ति॒ | पव॑मानः¦अदा᳚भ्यः || |
| ए॒षदे॒वोवि॑प॒न्युभिः॒¦पव॑मानऋता॒युभिः॑ | हरि॒र्वाजा᳚यमृज्यते || 3 || ए॒षः¦दे॒वः¦वि॒प॒न्युऽभिः॑¦पव॑मानः¦ऋ॒त॒युऽभिः॑ | हरिः॑¦वाजा᳚य¦मृ॒ज्य॒ते॒ || |
| ए॒षविश्वा᳚नि॒वार्या॒¦शूरो॒यन्नि॑व॒सत्व॑भिः | पव॑मानःसिषासति || 4 || ए॒षः¦विश्वा᳚नि¦वार्या᳚¦शूरः॑¦यन्ऽइ᳚व¦सत्व॑ऽभिः | पव॑मानः¦सि॒सा॒स॒ति॒ || |
| ए॒षदे॒वोर॑थर्यति॒¦पव॑मानोदशस्यति | आ॒विष्कृ॑णोतिवग्व॒नुम् || 5 || ए॒षः¦दे॒वः¦र॒थ॒र्य॒ति॒¦पव॑मानः¦द॒श॒स्य॒ति॒ | आ॒विः¦कृ॒णो॒ति॒¦व॒ग्व॒नुम् || |
| ए॒षविप्रै᳚र॒भिष्टु॑तो॒¦ऽपोदे॒वोविगा᳚हते | दध॒द्रत्ना᳚निदा॒शुषे᳚ || 6 || वर्ग:21 ए॒षः¦विप्रैः᳚¦अ॒भिऽस्तु॑तः¦अ॒पः¦दे॒वः¦वि¦गा॒ह॒ते॒ | दध॑त्¦रत्ना᳚नि¦दा॒शुषे᳚ || |
| ए॒षदिवं॒विधा᳚वति¦ति॒रोरजां᳚सि॒धार॑या | पव॑मानः॒कनि॑क्रदत् || 7 || ए॒षः¦दिव᳚म्¦वि¦धा॒व॒ति॒¦ति॒रः¦रजां᳚सि¦धार॑या | पव॑मानः¦कनि॑क्रदत् || |
| ए॒षदिवं॒व्यास॑रत्¦ति॒रोरजां॒स्यस्पृ॑तः | पव॑मानःस्वध्व॒रः || 8 || ए॒षः¦दिव᳚म्¦वि¦आ¦अ॒स॒र॒त्¦ति॒रः¦रजां᳚सि¦अस्पृ॑तः | पव॑मानः¦सु॒।आ॒ध्व॒रः || |
| ए॒षप्र॒त्नेन॒जन्म॑ना¦दे॒वोदे॒वेभ्यः॑सु॒तः | हरिः॑प॒वित्रे᳚,अर्षति || 9 || ए॒षः¦प्र॒त्नेन॑¦जन्म॑ना¦दे॒वः¦दे॒वेभ्यः॑¦सु॒तः | हरिः॑¦प॒वित्रे᳚¦अ॒र्ष॒ति॒ || |
| ए॒षउ॒स्यपु॑रुव्र॒तो¦ज॑ज्ञा॒नोज॒नय॒न्निषः॑ | धार॑यापवतेसु॒तः || 10 || ए॒षः¦ऊँ॒ इति॑¦स्यः¦पु॒रु॒ऽव्र॒तः¦ज॒ज्ञा॒नः¦ज॒नय॑न्¦इषः॑ | धार॑या¦प॒व॒ते॒¦सु॒तः || |
| [96] सनाचेति दशर्चस्य सूक्तस्याङ्गिरसो हिरण्यस्तूपः पवमानसोमो गायत्री{अष्टक:6, अध्याय:7}{मंडल:9, सूक्त:4}{अनुवाक:1, सूक्त:4} |
| सना᳚चसोम॒जेषि॑च॒¦पव॑मान॒महि॒श्रवः॑ | अथा᳚नो॒वस्य॑सस्कृधि || 1 || वर्ग:22 सन॑¦च॒¦सो॒म॒¦जेषि॑¦च॒¦पव॑मान¦महि॑¦श्रवः॑ | अथ॑¦नः॒¦वस्य॑सः¦कृ॒धि॒ || |
| सना॒ज्योतिः॒सना॒स्व१॑(अ॒)¦र्विश्वा᳚चसोम॒सौभ॑गा | अथा᳚नो॒वस्य॑सस्कृधि || 2 || सन॑¦ज्योतिः॑¦सन॑¦स्वः॑¦विश्वा᳚¦च॒¦सो॒म॒¦सौभ॑गा | अथ॑¦नः॒¦वस्य॑सः¦कृ॒धि॒ || |
| सना॒दक्ष॑मु॒तक्रतु॒¦मप॑सोम॒मृधो᳚जहि | अथा᳚नो॒वस्य॑सस्कृधि || 3 || सना᳚¦दक्ष᳚म्¦उ॒त¦क्रतु᳚म्¦अप॑¦सो॒म॒¦मृधः॑¦ज॒हि॒ | अथ॑¦नः॒¦वस्य॑सः¦कृ॒धि॒ || |
| पवी᳚तारःपुनी॒तन॒¦सोम॒मिन्द्रा᳚य॒पात॑वे | अथा᳚नो॒वस्य॑सस्कृधि || 4 || पवि॑तारः¦पु॒नी॒तन॑¦सोम᳚म्¦इन्द्रा᳚य¦पात॑वे | अथ॑¦नः॒¦वस्य॑सः¦कृ॒धि॒ || |
| त्वंसूर्ये᳚न॒आभ॑ज॒¦तव॒क्रत्वा॒तवो॒तिभिः॑ | अथा᳚नो॒वस्य॑सस्कृधि || 5 || त्वम्¦सूर्ये᳚¦नः॒¦आ¦भ॒ज॒¦तव॑¦क्रत्वा᳚¦तव॑¦ऊ॒तिऽभिः॑ | अथ॑¦नः॒¦वस्य॑सः¦कृ॒धि॒ || |
| तव॒क्रत्वा॒तवो॒तिभि॒¦र्ज्योक्प॑श्येम॒सूर्य᳚म् | अथा᳚नो॒वस्य॑सस्कृधि || 6 || वर्ग:23 तव॑¦क्रत्वा᳚¦तव॑¦ऊ॒तिऽभिः॑¦ज्योक्¦प॒श्ये॒म॒¦सूर्य᳚म् | अथ॑¦नः॒¦वस्य॑सः¦कृ॒धि॒ || |
| अ॒भ्य॑र्षस्वायुध॒¦सोम॑द्वि॒बर्ह॑संर॒यिम् | अथा᳚नो॒वस्य॑सस्कृधि || 7 || अ॒भि¦अ॒र्ष॒¦सु॒ऽआ॒यु॒ध॒¦सोम॑¦द्वि॒ऽबर्ह॑सम्¦र॒यिम् | अथ॑¦नः॒¦वस्य॑सः¦कृ॒धि॒ || |
| अ॒भ्य१॑(अ॒)र्षान॑पच्युतो¦र॒यिंस॒मत्सु॑सास॒हिः | अथा᳚नो॒वस्य॑सस्कृधि || 8 || अ॒भि¦अ॒र्ष॒¦अन॑पऽच्युतः¦र॒यिम्¦स॒मत्ऽसु॑¦स॒स॒हिः | अथ॑¦नः॒¦वस्य॑सः¦कृ॒धि॒ || |
| त्वांय॒ज्ञैर॑वीवृध॒न्¦पव॑मान॒विध᳚र्मणि | अथा᳚नो॒वस्य॑सस्कृधि || 9 || त्वाम्¦य॒ज्ञैः¦अ॒वी॒वृ॒ध॒न्¦पव॑मान¦विऽध᳚र्मणि | अथ॑¦नः॒¦वस्य॑सः¦कृ॒धि॒ || |
| र॒यिंन॑श्चि॒त्रम॒श्विन॒¦मिन्दो᳚वि॒श्वायु॒माभ॑र | अथा᳚नो॒वस्य॑सस्कृधि || 10 || र॒यिम्¦नः॒¦चि॒त्रम्¦अ॒श्विन᳚म्¦इन्दो॒ इति॑¦वि॒श्वऽआ᳚युम्¦आ¦भ॒र॒ | अथ॑¦नः॒¦वस्य॑सः¦कृ॒धि॒ || |
| [97] समिद्धइत्येकादशर्चस्य सूक्तस्य काश्यपोसितः क्रमेणेध्मस्तनूनपादिळोबर्हिर्देवीर्द्वार उषासानक्ता दैव्यौहोतारौ तिस्रोदेव्यः सरस्वतीळाभारत्यस्त्वष्टा वनस्पतिः स्वाहाकृतयोगायत्री अंत्याश्चतस्रोनुष्टुभः | ( इतआरभ्यविंशतिसूक्तेषुकाश्यपोदेवलोऽसितेन सहविकल्पते ) |{अष्टक:6, अध्याय:7}{मंडल:9, सूक्त:5}{अनुवाक:1, सूक्त:5} |
| समि॑द्धोवि॒श्वत॒स्पतिः॒¦पव॑मानो॒विरा᳚जति | प्री॒णन्वृषा॒कनि॑क्रदत् || 1 || वर्ग:24 सम्ऽइ᳚द्धः¦वि॒श्वतः॑¦पतिः॑¦पव॑मानः¦वि¦रा॒ज॒ति॒ | प्री॒णन्¦वृषा᳚¦कनि॑क्रदत् || |
| तनू॒नपा॒त्पव॑मानः॒¦शृङ्गे॒शिशा᳚नो,अर्षति | अ॒न्तरि॑क्षेण॒रार॑जत् || 2 || तनू॒३॒॑ऽनपा᳚त्¦पव॑मानः¦शृङ्गे॒ इति॑¦शिशा᳚नः¦अ॒र्ष॒ति॒ | अ॒न्तरि॑क्षेण¦रार॑जत् || |
| ई॒ळेन्यः॒पव॑मानो¦र॒यिर्विरा᳚जतिद्यु॒मान् | मधो॒र्धारा᳚भि॒रोज॑सा || 3 || ई॒ळेन्यः॑¦पव॑मानः¦र॒यिः¦वि¦रा॒ज॒ति॒¦द्यु॒ऽमान् | मधोः᳚¦धारा᳚भिः¦ओज॑सा || |
| ब॒र्हिःप्रा॒चीन॒मोज॑सा॒¦पव॑मानःस्तृ॒णन्हरिः॑ | दे॒वेषु॑दे॒वई᳚यते || 4 || ब॒र्हिः¦प्रा॒चीन᳚म्¦ओज॑सा¦पव॑मानः¦स्तृ॒णन्¦हरिः॑ | दे॒वेषु॑¦दे॒वः¦ई॒य॒ते॒ || |
| उदातै᳚र्जिहतेबृ॒हद्¦द्वारो᳚दे॒वीर्हि॑र॒ण्ययीः᳚ | पव॑मानेन॒सुष्टु॑ताः || 5 || उत्¦आतैः᳚¦जि॒ह॒ते॒¦बृ॒हत्¦द्वारः॑¦दे॒वीः¦हि॒र॒ण्ययीः᳚ | पव॑मानेन¦सुऽस्तु॑ताः || |
| सु॒शि॒ल्पेबृ॑ह॒तीम॒ही¦पव॑मानोवृषण्यति | नक्तो॒षासा॒नद॑र्श॒ते || 6 || वर्ग:25 सु॒शि॒ल्पे इति॑ सु॒ऽशि॒ल्पे¦बृ॒ह॒ती इति॑¦म॒ही इति॑¦पव॑मानः¦वृ॒ष॒ण्य॒ति॒ | नक्तो॒षसा᳚¦न¦द॒र्श॒ते इति॑ || |
| उ॒भादे॒वानृ॒चक्ष॑सा॒¦होता᳚रा॒दैव्या᳚हुवे | पव॑मान॒इन्द्रो॒वृषा᳚ || 7 || उ॒भा¦दे॒वा¦नृ॒ऽचक्ष॑सा¦होता᳚रा¦दैव्या᳚¦हु॒वे॒ | पव॑मानः¦इन्द्रः॑¦वृषा᳚ || |
| भार॑ती॒पव॑मानस्य॒¦सर॑स्व॒तीळा᳚म॒ही | इ॒मंनो᳚य॒ज्ञमाग॑मन्¦ति॒स्रोदे॒वीःसु॒पेश॑सः || 8 || भार॑ती¦पव॑मानस्य¦सर॑स्वती¦इळा᳚¦म॒ही | इ॒मम्¦नः॒¦य॒ज्ञम्¦आ¦ग॒म॒न्¦ति॒स्रः¦दे॒वीः¦सु॒ऽपेश॑सः || |
| त्वष्टा᳚रमग्र॒जांगो॒पां¦पु॑रो॒यावा᳚न॒माहु॑वे | इन्दु॒रिन्द्रो॒वृषा॒हरिः॒¦पव॑मानःप्र॒जाप॑तिः || 9 || त्वष्टा᳚रम्¦अ॒ग्र॒ऽजाम्¦गो॒पाम्¦पु॒रः॒ऽयावा᳚नम्¦आ¦हु॒वे॒ | इन्दुः॑¦इन्द्रः॑¦वृषा᳚¦हरिः॑¦पव॑मानः¦प्र॒जाऽप॑तिः || |
| वन॒स्पतिं᳚पवमान॒¦मध्वा॒सम᳚ङ्ग्धि॒धार॑या | स॒हस्र॑वल्शं॒हरि॑तं॒¦भ्राज॑मानंहिर॒ण्यय᳚म् || 10 || वन॒स्पति᳚म्¦प॒व॒मा॒न॒¦मध्वा᳚¦सम्¦अ॒ङ्ग्धि॒¦धार॑या | स॒हस्र॑ऽवल्शम्¦हरि॑तम्¦भ्राज॑मानम्¦हि॒र॒ण्यय᳚म् || |
| विश्वे᳚देवाः॒स्वाहा᳚कृतिं॒¦पव॑मान॒स्याग॑त | वा॒युर्बृह॒स्पतिः॒सूर्यो॒¦ऽग्निरिन्द्रः॑स॒जोष॑सः || 11 || विश्वे᳚¦दे॒वाः॒¦स्वाहा᳚ऽकृतिम्¦पव॑मानस्य¦आ¦ग॒त॒ | वा॒युः¦बृह॒स्पतिः॑¦सूर्यः॑¦अ॒ग्निः¦इन्द्रः॑¦स॒ऽजोष॑सः || |
| [98] मंद्रयेति नवर्चस्य सूक्तस्य काश्यपोसितः पवमानसोमो गायत्री {अष्टक:6, अध्याय:7}{मंडल:9, सूक्त:6}{अनुवाक:1, सूक्त:6} |
| म॒न्द्रया᳚सोम॒धार॑या॒¦वृषा᳚पवस्वदेव॒युः | अव्यो॒वारे᳚ष्वस्म॒युः || 1 || वर्ग:26 म॒न्द्रया᳚¦सो॒म॒¦धार॑या¦वृषा᳚¦प॒व॒स्व॒¦दे॒व॒ऽयुः | अव्यः॑¦वारे᳚षु¦अ॒स्म॒ऽयुः || |
| अ॒भित्यंमद्यं॒मद॒¦मिन्द॒विन्द्र॒इति॑क्षर | अ॒भिवा॒जिनो॒,अर्व॑तः || 2 || अ॒भि¦त्यम्¦मद्य᳚म्¦मद᳚म्¦इन्दो॒ इति॑¦इन्द्रः॑¦इति॑¦क्ष॒र॒ | अ॒भि¦वा॒जिनः॑¦अर्व॑तः || |
| अ॒भित्यंपू॒र्व्यंमदं᳚¦सुवा॒नो,अ॑र्षप॒वित्र॒आ | अ॒भिवाज॑मु॒तश्रवः॑ || 3 || अ॒भि¦त्यम्¦पू॒र्व्यम्¦मद᳚म्¦सु॒वा॒नः¦अ॒र्ष॒¦प॒वित्रे᳚¦आ | अ॒भि¦वाज᳚म्¦उ॒त¦श्रवः॑ || |
| अनु॑द्र॒प्सास॒इन्द॑व॒¦आपो॒नप्र॒वता᳚सरन् | पु॒ना॒ना,इन्द्र॑माशत || 4 || अनु॑¦द्र॒प्सासः॑¦इन्द॑वः¦आपः॑¦न¦प्र॒ऽवता᳚¦अ॒स॒र॒न् | पु॒ना॒नाः¦इन्द्र᳚म्¦आ॒श॒त॒ || |
| यमत्य॑मिववा॒जिनं᳚¦मृ॒जन्ति॒योष॑णो॒दश॑ | वने॒क्रीळ᳚न्त॒मत्य॑विम् || 5 || यम्¦अत्य᳚म्ऽइव¦वा॒जिन᳚म्¦मृ॒जन्ति॑¦योष॑णः¦दश॑ | वने᳚¦क्रीळ᳚न्तम्¦अति॑।आविम् || |
| तंगोभि॒र्वृष॑णं॒रसं॒¦मदा᳚यदे॒ववी᳚तये | सु॒तंभरा᳚य॒संसृ॑ज || 6 || वर्ग:27 तम्¦गोभिः॑¦वृष॑णम्¦रस᳚म्¦मदा᳚य¦दे॒वऽवी᳚तये | सु॒तम्¦भरा᳚य¦सम्¦सृ॒ज॒ || |
| दे॒वोदे॒वाय॒धार॒ये¦न्द्रा᳚यपवतेसु॒तः | पयो॒यद॑स्यपी॒पय॑त् || 7 || दे॒वः¦दे॒वाय॑¦धार॑या¦इन्द्रा᳚य¦प॒व॒ते॒¦सु॒तः | पयः॑¦यत्¦अ॒स्य॒¦पी॒पय॑त् || |
| आ॒त्माय॒ज्ञस्य॒रंह्या᳚¦सुष्वा॒णःप॑वतेसु॒तः | प्र॒त्नंनिपा᳚ति॒काव्य᳚म् || 8 || आ॒त्मा¦य॒ज्ञस्य॑¦रंह्या᳚¦सु॒स्वा॒णः¦प॒व॒ते॒¦सु॒तः | प्र॒त्नम्¦नि¦पा॒ति॒¦काव्य᳚म् || |
| ए॒वापु॑ना॒नइ᳚न्द्र॒यु¦र्मदं᳚मदिष्ठवी॒तये᳚ | गुहा᳚चिद्दधिषे॒गिरः॑ || 9 || ए॒व¦पु॒ना॒नः¦इ॒न्द्र॒ऽयुः¦मद᳚म्¦म॒दि॒ष्ठ॒¦वी॒तये᳚ | गुहा᳚¦चि॒त्¦द॒धि॒षे॒¦गिरः॑ || |
| [99] असृग्रमिति नवर्चस्य सूक्तस्य काश्यपोऽसितः पवमान सोमो गायत्री |{अष्टक:6, अध्याय:7}{मंडल:9, सूक्त:7}{अनुवाक:1, सूक्त:7} |
| असृ॑ग्र॒मिन्द॑वःप॒था¦धर्म᳚न्नृ॒तस्य॑सु॒श्रियः॑ | वि॒दा॒ना,अ॑स्य॒योज॑नम् || 1 || वर्ग:28 असृ॑ग्रम्¦इन्द॑वः¦प॒था¦धर्म॑न्¦ऋ॒तस्य॑¦सु॒ऽश्रियः॑ | वि॒दा॒नाः¦अ॒स्य॒¦योज॑नम् || |
| प्रधारा॒मध्वो᳚,अग्रि॒यो¦म॒हीर॒पोविगा᳚हते | ह॒विर्ह॒विष्षु॒वन्द्यः॑ || 2 || प्र¦धारा᳚¦मध्वः॑¦अ॒ग्रि॒यः¦म॒हीः¦अ॒पः¦वि¦गा॒ह॒ते॒ | ह॒विः¦ह॒विष्षु॑¦वन्द्यः॑ || |
| प्रयु॒जोवा॒चो,अ॑ग्रि॒यो¦वृषाव॑चक्रद॒द्वने᳚ | सद्मा॒भिस॒त्यो,अ॑ध्व॒रः || 3 || प्र¦यु॒जः¦वा॒चः¦अ॒ग्रि॒यः¦वृषा᳚¦अव॑¦च॒क्र॒द॒त्¦वने᳚ | सद्म॑¦अ॒भि¦स॒त्यः¦अ॒ध्व॒रः || |
| परि॒यत्काव्या᳚क॒वि¦र्नृ॒म्णावसा᳚नो॒,अर्ष॑ति | स्व᳚र्वा॒जीसि॑षासति || 4 || परि॑¦यत्¦काव्या᳚¦क॒विः¦नृ॒म्णा¦वसा᳚नः¦अर्ष॑ति | स्वः॑¦वा॒जी¦सि॒सा॒स॒ति॒ || |
| पव॑मानो,अ॒भिस्पृधो॒¦विशो॒राजे᳚वसीदति | यदी᳚मृ॒ण्वन्ति॑वे॒धसः॑ || 5 || पव॑मानः¦अ॒भि¦स्पृधः॑¦विशः॑¦राजा᳚ऽइव¦सी॒द॒ति॒ | यत्¦ई॒म्¦ऋ॒ण्वन्ति॑¦वे॒धसः॑ || |
| अव्यो॒वारे॒परि॑प्रि॒यो¦हरि॒र्वने᳚षुसीदति | रे॒भोव॑नुष्यतेम॒ती || 6 || वर्ग:29 अव्यः॑¦वारे᳚¦परि॑¦प्रि॒यः¦हरिः॑¦वने᳚षु¦सी॒द॒ति॒ | रे॒भः¦व॒नु॒ष्य॒ते॒¦म॒ती || |
| सवा॒युमिन्द्र॑म॒श्विना᳚¦सा॒कंमदे᳚नगच्छति | रणा॒यो,अ॑स्य॒धर्म॑भिः || 7 || सः¦वा॒युम्¦इन्द्र᳚म्¦अ॒श्विना᳚¦सा॒कम्¦मदे᳚न¦ग॒च्छ॒ति॒ | रण॑¦यः¦अ॒स्य॒¦धर्म॑ऽभिः || |
| आमि॒त्रावरु॑णा॒भगं॒¦मध्वः॑पवन्तऊ॒र्मयः॑ | वि॒दा॒ना,अ॑स्य॒शक्म॑भिः || 8 || आ¦मि॒त्रावरु॑णा¦भग᳚म्¦मध्वः॑¦प॒व॒न्ते॒¦ऊ॒र्मयः॑ | वि॒दा॒नाः¦अ॒स्य॒¦शक्म॑ऽभिः || |
| अ॒स्मभ्यं᳚रोदसीर॒यिं¦मध्वो॒वाज॑स्यसा॒तये᳚ | श्रवो॒वसू᳚नि॒संजि॑तम् || 9 || अ॒स्मभ्य᳚म्¦रो॒द॒सी॒ इति॑¦र॒यिम्¦मध्वः॑¦वाज॑स्य¦सा॒तये᳚ | श्रवः॑¦वसू᳚नि¦सम्¦जि॒त॒म् || |
| [100] एतेसोमा इति नवर्चस्य सूक्तस्य काश्यपोसितः पवमानसोमो गायत्री |{अष्टक:6, अध्याय:7}{मंडल:9, सूक्त:8}{अनुवाक:1, सूक्त:8} |
| ए॒तेसोमा᳚,अ॒भिप्रि॒य¦मिन्द्र॑स्य॒काम॑मक्षरन् | वर्ध᳚न्तो,अस्यवी॒र्य᳚म् || 1 || वर्ग:30 ए॒ते¦सोमाः᳚¦अ॒भि¦प्रि॒यम्¦इन्द्र॑स्य¦काम᳚म्¦अ॒क्ष॒र॒न् | वर्ध᳚न्तः¦अ॒स्य॒¦वी॒र्य᳚म् || |
| पु॒ना॒नास॑श्चमू॒षदो॒¦गच्छ᳚न्तोवा॒युम॒श्विना᳚ | तेनो᳚धान्तुसु॒वीर्य᳚म् || 2 || पु॒ना॒नासः॑¦च॒मू॒ऽसदः॑¦गच्छ᳚न्तः¦वा॒युम्¦अ॒श्विना᳚ | ते¦नः॒¦धा॒न्तु॒¦सु॒ऽवीर्य᳚म् || |
| इन्द्र॑स्यसोम॒राध॑से¦पुना॒नोहार्दि॑चोदय | ऋ॒तस्य॒योनि॑मा॒सद᳚म् || 3 || इन्द्र॑स्य¦सो॒म॒¦राध॑से¦पु॒ना॒नः¦हार्दि॑¦चो॒द॒य॒ | ऋ॒तस्य॑¦योनि᳚म्¦आ॒ऽसद᳚म् || |
| मृ॒जन्ति॑त्वा॒दश॒क्षिपो᳚¦हि॒न्वन्ति॑स॒प्तधी॒तयः॑ | अनु॒विप्रा᳚,अमादिषुः || 4 || मृ॒जन्ति॑¦त्वा॒¦दश॑¦क्षिपः॑¦हि॒न्वन्ति॑¦स॒प्त¦धी॒तयः॑ | अनु॑¦विप्राः᳚¦अ॒मा॒दि॒षुः॒ || |
| दे॒वेभ्य॑स्त्वा॒मदा᳚य॒कं¦सृ॑जा॒नमति॑मे॒ष्यः॑ | संगोभि᳚र्वासयामसि || 5 || दे॒वेभ्यः॑¦त्वा॒¦मदा᳚य¦कम्¦सृ॒जा॒नम्¦अति॑¦मे॒ष्यः॑ | सम्¦गोभिः॑¦वा॒स॒या॒म॒सि॒ || |
| पु॒ना॒नःक॒लशे॒ष्वा¦वस्त्रा᳚ण्यरु॒षोहरिः॑ | परि॒गव्या᳚न्यव्यत || 6 || वर्ग:31 पु॒ना॒नः¦क॒लशे᳚षु¦आ¦वस्त्रा᳚णि¦अ॒रु॒षः¦हरिः॑ | परि॑¦गव्या᳚नि¦अ॒व्य॒त॒ || |
| म॒घोन॒आप॑वस्वनो¦ज॒हिविश्वा॒,अप॒द्विषः॑ | इन्दो॒सखा᳚य॒मावि॑श || 7 || म॒घोनः॑¦आ¦प॒व॒स्व॒¦नः॒¦ज॒हि¦विश्वाः᳚¦अप॑¦द्विषः॑ | इन्दो॒ इति॑¦सखा᳚यम्¦आ¦वि॒श॒ || |
| वृ॒ष्टिंदि॒वःपरि॑स्रव¦द्यु॒म्नंपृ॑थि॒व्या,अधि॑ | सहो᳚नःसोमपृ॒त्सुधाः᳚ || 8 || वृ॒ष्टिम्¦दि॒वः¦परि॑¦स्र॒व॒¦द्यु॒म्नम्¦पृ॒थि॒व्याः¦अधि॑ | सहः॑¦नः॒¦सो॒म॒¦पृ॒त्ऽसु¦धाः॒ || |
| नृ॒चक्ष॑संत्वाव॒य¦मिन्द्र॑पीतंस्व॒र्विद᳚म् | भ॒क्षी॒महि॑प्र॒जामिष᳚म् || 9 || नृ॒ऽचक्ष॑सम्¦त्वा॒¦व॒यम्¦इन्द्र॑ऽपीतम्¦स्वः॒ऽविद᳚म् | भ॒क्षी॒महि॑¦प्र॒ऽजाम्¦इष᳚म् || |
| [101] परिप्रियेति नवर्चस्य सूक्तस्य काश्यपोसितः पवमानसोमो गायत्री {अष्टक:6, अध्याय:7}{मंडल:9, सूक्त:9}{अनुवाक:1, सूक्त:9} |
| परि॑प्रि॒यादि॒वःक॒वि¦र्वयां᳚सिन॒प्त्यो᳚र्हि॒तः | सु॒वा॒नोया᳚तिक॒विक्र॑तुः || 1 || वर्ग:32 परि॑¦प्रि॒या¦दि॒वः¦क॒विः¦वयां᳚सि¦न॒प्त्योः᳚¦हि॒तः | सु॒वा॒नः¦या॒ति॒¦क॒विऽक्र॑तुः || |
| प्रप्र॒क्षया᳚य॒पन्य॑से॒¦जना᳚य॒जुष्टो᳚,अ॒द्रुहे᳚ | वी॒त्य॑र्ष॒चनि॑ष्ठया || 2 || प्रऽप्र॑¦क्षया᳚य¦पन्य॑से¦जना᳚य¦जुष्टः॑¦अ॒द्रुहे᳚ | वी॒ती¦अ॒र्ष॒¦चनि॑ष्ठया || |
| ससू॒नुर्मा॒तरा॒शुचि॑¦र्जा॒तोजा॒ते,अ॑रोचयत् | म॒हान्म॒ही,ऋ॑ता॒वृधा᳚ || 3 || सः¦सू॒नुः¦मा॒तरा᳚¦शुचिः॑¦जा॒तः¦जा॒ते इति॑¦अ॒रो॒च॒य॒त् | म॒हान्¦म॒ही इति॑¦ऋ॒त॒ऽवृधा᳚ || |
| सस॒प्तधी॒तिभि᳚र्हि॒तो¦न॒द्यो᳚,अजिन्वद॒द्रुहः॑ | या,एक॒मक्षि॑वावृ॒धुः || 4 || सः¦स॒प्त¦धी॒तिऽभिः॑¦हि॒तः¦न॒द्यः॑¦अ॒जि॒न्व॒त्¦अ॒द्रुहः॑ | याः¦एक᳚म्¦अक्षि॑¦व॒वृ॒धुः || |
| ता,अ॒भिसन्त॒मस्तृ॑तं¦म॒हेयुवा᳚न॒माद॑धुः | इन्दु॑मिन्द्र॒तव᳚व्र॒ते || 5 || ताः¦अ॒भि¦सन्त᳚म्¦अस्तृ॑तम्¦म॒हे¦युवा᳚नम्¦आ¦द॒धुः॒ | इन्दु᳚म्¦इ॒न्द्र॒¦तव॑¦व्र॒ते || |
| अ॒भिवह्नि॒रम॑र्त्यः¦स॒प्तप॑श्यति॒वाव॑हिः | क्रिवि॑र्दे॒वीर॑तर्पयत् || 6 || वर्ग:33 अ॒भि¦वह्निः॑¦अम॑र्त्यः¦स॒प्त¦प॒श्य॒ति॒¦वाव॑हिः | क्रिविः॑¦दे॒वीः¦अ॒त॒र्प॒य॒त् || |
| अवा॒कल्पे᳚षुनःपुम॒¦स्तमां᳚सिसोम॒योध्या᳚ | तानि॑पुनानजङ्घनः || 7 || अव॑¦कल्पे᳚षु¦नः॒¦पु॒मः॒¦तमां᳚सि¦सो॒म॒¦योध्या᳚ | तानि॑¦पु॒ना॒न॒¦ज॒ङ्घ॒नः॒ || |
| नूनव्य॑से॒नवी᳚यसे¦सू॒क्ताय॑साधयाप॒थः | प्र॒त्न॒वद्रो᳚चया॒रुचः॑ || 8 || नु¦नव्य॑से¦नवी᳚यसे¦सु॒।औ॒क्ताय॑¦सा॒ध॒य॒¦प॒थः | प्र॒त्न॒ऽवत्¦रो॒च॒य॒¦रुचः॑ || |
| पव॑मान॒महि॒श्रवो॒¦गामश्वं᳚रासिवी॒रव॑त् | सना᳚मे॒धांसना॒स्वः॑ || 9 || पव॑मान¦महि॑¦श्रवः॑¦गाम्¦अश्व᳚म्¦रा॒सि॒¦वी॒रऽव॑त् | सन॑¦मे॒धाम्¦सना᳚¦स्व१॒॑रिति॒ स्वः॑ || |
| [102] प्रस्वानास इति नवर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:7}{मंडल:9, सूक्त:10}{अनुवाक:1, सूक्त:10} |
| प्रस्वा॒नासो॒रथा᳚,इ॒वा¦र्व᳚न्तो॒नश्र॑व॒स्यवः॑ | सोमा᳚सोरा॒ये,अ॑क्रमुः || 1 || वर्ग:34 प्र¦स्वा॒नासः॑¦रथाः᳚ऽइव¦अर्व᳚न्तः¦न¦श्र॒व॒स्यवः॑ | सोमा᳚सः¦रा॒ये¦अ॒क्र॒मुः॒ || |
| हि॒न्वा॒नासो॒रथा᳚,इव¦दधन्वि॒रेगभ॑स्त्योः | भरा᳚सःका॒रिणा᳚मिव || 2 || हि॒न्वा॒नासः॑¦रथाः᳚ऽइव¦द॒ध॒न्वि॒रे¦गभ॑स्त्योः | भरा᳚सः¦का॒रिणा᳚म्ऽइव || |
| राजा᳚नो॒नप्रश॑स्तिभिः॒¦सोमा᳚सो॒गोभि॑रञ्जते | य॒ज्ञोनस॒प्तधा॒तृभिः॑ || 3 || राजा᳚नः¦न¦प्रश॑स्तिऽभिः¦सोमा᳚सः¦गोभिः॑¦अं॒ज॒ते॒ | य॒ज्ञः¦न¦स॒प्त¦धा॒तृऽभिः॑ || |
| परि॑सुवा॒नास॒इन्द॑वो॒¦मदा᳚यब॒र्हणा᳚गि॒रा | सु॒ता,अ॑र्षन्ति॒धार॑या || 4 || परि॑¦सु॒वा॒नासः॑¦इन्द॑वः¦मदा᳚य¦ब॒र्हणा᳚¦गि॒रा | सु॒ताः¦अ॒र्ष॒न्ति॒¦धार॑या || |
| आ॒पा॒नासो᳚वि॒वस्व॑तो॒¦जन᳚न्तउ॒षसो॒भग᳚म् | सूरा॒,अण्वं॒वित᳚न्वते || 5 || आ॒पा॒नासः॑¦वि॒वस्व॑तः¦जन᳚न्तः¦उ॒षसः॑¦भग᳚म् | सूराः᳚¦अण्व᳚म्¦वि¦त॒न्व॒ते॒ || |
| अप॒द्वारा᳚मती॒नां¦प्र॒त्ना,ऋ᳚ण्वन्तिका॒रवः॑ | वृष्णो॒हर॑सआ॒यवः॑ || 6 || वर्ग:35 अप॑¦द्वारा᳚¦म॒ती॒नाम्¦प्र॒त्नाः¦ऋ॒ण्व॒न्ति॒¦का॒रवः॑ | वृष्णः॑¦हर॑से¦आ॒यवः॑ || |
| स॒मी॒ची॒नास॑आसते॒¦होता᳚रःस॒प्तजा᳚मयः | प॒दमेक॑स्य॒पिप्र॑तः || 7 || स॒म्ऽई॒ची॒नासः॑¦आ॒स॒ते॒¦होता᳚रः¦स॒प्तऽजा᳚मयः | प॒दम्¦एक॑स्य¦पिप्र॑तः || |
| नाभा॒नाभिं᳚न॒आद॑दे॒¦चक्षु॑श्चि॒त्सूर्ये॒सचा᳚ | क॒वेरप॑त्य॒मादु॑हे || 8 || नाभा᳚¦नाभि᳚म्¦नः॒¦आ¦द॒दे॒¦चक्षुः॑¦चि॒त्¦सूर्ये᳚¦सचा᳚ | क॒वेः¦अप॑त्यम्¦आ¦दु॒हे॒ || |
| अ॒भिप्रि॒यादि॒वस्प॒द¦म॑ध्व॒र्युभि॒र्गुहा᳚हि॒तम् | सूरः॑पश्यति॒चक्ष॑सा || 9 || अ॒भि¦प्रि॒या¦दि॒वः¦प॒दम्¦अ॒ध्व॒र्युऽभिः॑¦गुहा᳚¦हि॒तम् | सूरः॑¦प॒श्य॒ति॒¦चक्ष॑सा || |
| [103] उपास्माइति नवर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:7}{मंडल:9, सूक्त:11}{अनुवाक:1, सूक्त:11} |
| उपा᳚स्मैगायतानरः॒¦पव॑माना॒येन्द॑वे | अ॒भिदे॒वाँ,इय॑क्षते || 1 || वर्ग:36 उप॑¦अ॒स्मै॒¦गा॒य॒त॒¦न॒रः॒¦पव॑मानाय¦इन्द॑वे | अ॒भि¦दे॒वान्¦इय॑क्षते || |
| अ॒भिते॒मधु॑ना॒पयो¦ऽथ᳚र्वाणो,अशिश्रयुः | दे॒वंदे॒वाय॑देव॒यु || 2 || अ॒भि¦ते॒¦मधु॑ना¦पयः॑¦अथ᳚र्वाणः¦अ॒शि॒श्र॒युः॒ | दे॒वम्¦दे॒वाय॑¦दे॒व॒ऽयु || |
| सनः॑पवस्व॒शंगवे॒¦शंजना᳚य॒शमर्व॑ते | शंरा᳚ज॒न्नोष॑धीभ्यः || 3 || सः¦नः॒¦प॒व॒स्व॒¦शम्¦गवे᳚¦शम्¦जना᳚य¦शम्¦अर्व॑ते | शम्¦रा॒ज॒न्¦ओष॑धीभ्यः || |
| ब॒भ्रवे॒नुस्वत॑वसे¦ऽरु॒णाय॑दिवि॒स्पृशे᳚ | सोमा᳚यगा॒थम॑र्चत || 4 || ब॒भ्रवे᳚¦नु¦स्वऽत॑वसे¦अ॒रु॒णाय॑¦दि॒वि॒ऽस्पृशे᳚ | सोमा᳚य¦गा॒थम्¦अ॒र्च॒त॒ || |
| हस्त॑च्युतेभि॒रद्रि॑भिः¦सु॒तंसोमं᳚पुनीतन | मधा॒वाधा᳚वता॒मधु॑ || 5 || हस्त॑ऽच्युतेभिः¦अद्रि॑ऽभिः¦सु॒तम्¦सोम᳚म्¦पु॒नी॒त॒न॒ | मधौ᳚¦आ¦धा॒व॒त॒¦मधु॑ || |
| नम॒सेदुप॑सीदत¦द॒ध्नेद॒भिश्री᳚णीतन | इन्दु॒मिन्द्रे᳚दधातन || 6 || वर्ग:37 नम॑सा¦इत्¦उप॑¦सी॒द॒त॒¦द॒ध्ना¦इत्¦अ॒भि¦श्री॒णी॒त॒न॒ | इन्दु᳚म्¦इन्द्रे᳚¦द॒धा॒त॒न॒ || |
| अ॒मि॒त्र॒हाविच॑र्षणिः॒¦पव॑स्वसोम॒शंगवे᳚ | दे॒वेभ्यो᳚,अनुकाम॒कृत् || 7 || अ॒मि॒त्र॒ऽहा¦विऽच॑र्षणिः¦पव॑स्व¦सो॒म॒¦शम्¦गवे᳚ | दे॒वेभ्यः॑¦अ॒नु॒का॒म॒ऽकृत् || |
| इन्द्रा᳚यसोम॒पात॑वे॒¦मदा᳚य॒परि॑षिच्यसे | म॒न॒श्चिन्मन॑स॒स्पतिः॑ || 8 || इन्द्रा᳚य¦सो॒म॒¦पात॑वे¦मदा᳚य¦परि॑¦सि॒च्य॒से॒ | म॒नः॒ऽचित्¦मन॑सः¦पतिः॑ || |
| पव॑मानसु॒वीर्यं᳚¦र॒यिंसो᳚मरिरीहिनः | इन्द॒विन्द्रे᳚णनोयु॒जा || 9 || पव॑मान¦सु॒ऽवीर्य᳚म्¦र॒यिम्¦सो॒म॒¦रि॒री॒हि॒¦नः॒ | इन्दो॒ इति॑¦इन्द्रे᳚ण¦नः॒¦यु॒जा || |
| [104] सोमाअसृग्रमिति नवर्चस्य सूक्तस्य काश्यपोसितःपवमान सोमो गायत्री |{अष्टक:6, अध्याय:7}{मंडल:9, सूक्त:12}{अनुवाक:1, सूक्त:12} |
| सोमा᳚,असृग्र॒मिन्द॑वः¦सु॒ता,ऋ॒तस्य॒साद॑ने | इन्द्रा᳚य॒मधु॑मत्तमाः || 1 || वर्ग:38 सोमाः᳚¦अ॒सृ॒ग्र॒म्¦इन्द॑वः¦सु॒ताः¦ऋ॒तस्य॑¦सद॑ने | इन्द्रा᳚य¦मधु॑मत्ऽतमाः || |
| अ॒भिविप्रा᳚,अनूषत॒¦गावो᳚व॒त्संनमा॒तरः॑ | इन्द्रं॒सोम॑स्यपी॒तये᳚ || 2 || अ॒भि¦विप्राः᳚¦अ॒नू॒ष॒त॒¦गावः॑¦व॒त्सम्¦न¦मा॒तरः॑ | इन्द्र᳚म्¦सोम॑स्य¦पी॒तये᳚ || |
| म॒द॒च्युत्क्षे᳚ति॒साद॑ने॒¦सिन्धो᳚रू॒र्मावि॑प॒श्चित् | सोमो᳚गौ॒री,अधि॑श्रि॒तः || 3 || म॒द॒ऽच्युत्¦क्षे॒ति॒¦सद॑ने¦सिन्धोः᳚¦ऊ॒र्मा¦वि॒पः॒ऽचित् | सोमः॑¦गौ॒री इति॑¦अधि॑¦श्रि॒तः || |
| दि॒वोनाभा᳚विचक्ष॒णो¦ऽव्यो॒वारे᳚महीयते | सोमो॒यःसु॒क्रतुः॑क॒विः || 4 || दि॒वः¦नाभा᳚¦वि॒ऽच॒क्ष॒णः¦अव्यः॑¦वारे᳚¦म॒ही॒य॒ते॒ | सोमः॑¦यः¦सु॒ऽक्रतुः॑¦क॒विः || |
| यःसोमः॑क॒लशे॒ष्वाँ¦अ॒न्तःप॒वित्र॒आहि॑तः | तमिन्दुः॒परि॑षस्वजे || 5 || यः¦सोमः॑¦क॒लशे᳚षु¦आ¦अ॒न्तरिति॑¦प॒वित्रे᳚¦आऽहि॑तः | तम्¦इन्दुः॑¦परि॑¦स॒स्व॒जे॒ || |
| प्रवाच॒मिन्दु॑रिष्यति¦समु॒द्रस्याधि॑वि॒ष्टपि॑ | जिन्व॒न्कोशं᳚मधु॒श्चुत᳚म् || 6 || वर्ग:39 प्र¦वाच᳚म्¦इन्दुः॑¦इ॒ष्य॒ति॒¦स॒मु॒द्रस्य॑¦अधि॑¦वि॒ष्टपि॑ | जिन्व॑न्¦कोश᳚म्¦म॒धु॒ऽश्चुत᳚म् || |
| नित्य॑स्तोत्रो॒वन॒स्पति॑¦र्धी॒नाम॒न्तःस॑ब॒र्दुघः॑ | हि॒न्वा॒नोमानु॑षायु॒गा || 7 || नित्य॑ऽस्तोत्रः¦वन॒स्पतिः॑¦धी॒नाम्¦अ॒न्तरिति॑¦स॒बः॒ऽदुघः॑ | हि॒न्वा॒नः¦मानु॑षा¦यु॒गा || |
| अ॒भिप्रि॒यादि॒वस्प॒दा¦सोमो᳚हिन्वा॒नो,अ॑र्षति | विप्र॑स्य॒धार॑याक॒विः || 8 || अ॒भि¦प्रि॒या¦दि॒वः¦प॒दा¦सोमः॑¦हि॒न्वा॒नः¦अ॒र्ष॒ति॒ | विप्र॑स्य¦धार॑या¦क॒विः || |
| आप॑वमानधारयर॒यिं¦स॒हस्र॑वर्चसम् | अ॒स्मे,इ᳚न्दोस्वा॒भुव᳚म् || 9 || आ¦प॒व॒मा॒न॒¦धा॒र॒य॒¦र॒यिम्¦स॒हस्र॑ऽवर्चसम् | अ॒स्मे इति॑¦इ॒न्दो॒ इति॑¦सु॒ऽआ॒भुव᳚म् || |
| [105] सोमः पुनानइति नवर्चस्य सूक्तस्य काश्यपोऽसितः पवमान सोमो गायत्री | (पवमान पारायण द्वितीयोध्यायः){अष्टक:6, अध्याय:8}{मंडल:9, सूक्त:13}{अनुवाक:1, सूक्त:13} |
| सोमः॑पुना॒नो,अ॑र्षति¦स॒हस्र॑धारो॒,अत्य॑विः | वा॒योरिन्द्र॑स्यनिष्कृ॒तम् || 1 || वर्ग:1 सोमः॑¦पु॒ना॒नः¦अ॒र्ष॒ति॒¦स॒हस्र॑ऽधारः¦अति॑।आविः | वा॒योः¦इन्द्र॑स्य¦निः॒ऽकृ॒तम् || |
| पव॑मानमवस्यवो॒¦विप्र॑म॒भिप्रगा᳚यत | सु॒ष्वा॒णंदे॒ववी᳚तये || 2 || पव॑मानम्¦अ॒व॒स्य॒वः॒¦विप्र᳚म्¦अ॒भि¦प्र¦गा॒य॒त॒ | सु॒स्वा॒णम्¦दे॒वऽवी᳚तये || |
| पव᳚न्ते॒वाज॑सातये॒¦सोमाः᳚स॒हस्र॑पाजसः | गृ॒णा॒नादे॒ववी᳚तये || 3 || पव᳚न्ते¦वाज॑ऽसातये¦सोमाः᳚¦स॒हस्र॑ऽपाजसः | गृ॒णा॒नाः¦दे॒वऽवी᳚तये || |
| उ॒तनो॒वाज॑सातये॒¦पव॑स्वबृह॒तीरिषः॑ | द्यु॒मदि᳚न्दोसु॒वीर्य᳚म् || 4 || उ॒त¦नः॒¦वाज॑ऽसातये¦पव॑स्व¦बृ॒ह॒तीः¦इषः॑ | द्यु॒ऽमत्¦इ॒न्दो॒ इति॑¦सु॒ऽवीर्य᳚म् || |
| तेनः॑सह॒स्रिणं᳚र॒यिं¦पव᳚न्ता॒मासु॒वीर्य᳚म् | सु॒वा॒नादे॒वास॒इन्द॑वः || 5 || ते¦नः॒¦स॒ह॒स्रिण᳚म्¦र॒यिम्¦पव᳚न्ताम्¦आ¦सु॒ऽवीर्य᳚म् | सु॒वा॒नाः¦दे॒वासः॑¦इन्द॑वः || |
| अत्या᳚हिया॒नानहे॒तृभि॒¦रसृ॑ग्रं॒वाज॑सातये | विवार॒मव्य॑मा॒शवः॑ || 6 || वर्ग:2 अत्याः᳚¦हि॒या॒नाः¦न¦हे॒तृऽभिः॑¦असृ॑ग्रम्¦वाज॑ऽसातये | वि¦वार᳚म्¦अव्य᳚म्¦आ॒शवः॑ || |
| वा॒श्रा,अ॑र्ष॒न्तीन्द॑वो॒¦ऽभिव॒त्संनधे॒नवः॑ | द॒ध॒न्वि॒रेगभ॑स्त्योः || 7 || वा॒श्राः¦अ॒र्ष॒न्ति॒¦इन्द॑वः¦अ॒भि¦व॒त्सम्¦न¦धे॒नवः॑ | द॒ध॒न्वि॒रे¦गभ॑स्त्योः || |
| जुष्ट॒इन्द्रा᳚यमत्स॒रः¦पव॑मान॒कनि॑क्रदत् | विश्वा॒,अप॒द्विषो᳚जहि || 8 || जुष्टः॑¦इन्द्रा᳚य¦म॒त्स॒रः¦पव॑मान¦कनि॑क्रदत् | विश्वाः᳚¦अप॑¦द्विषः॑¦ज॒हि॒ || |
| अ॒प॒घ्नन्तो॒,अरा᳚व्णः॒¦पव॑मानाःस्व॒र्दृशः॑ | योना᳚वृ॒तस्य॑सीदत || 9 || अ॒प॒ऽघ्नन्तः॑¦अरा᳚व्णः¦पव॑मानाः¦स्वः॒ऽदृशः॑ | योनौ᳚¦ऋ॒तस्य॑¦सी॒द॒त॒ || |
| [106] परिप्रेत्यष्टर्चस्य सूक्तस्य काश्यपोसितः पवमानसोमो गायत्री |{अष्टक:6, अध्याय:8}{मंडल:9, सूक्त:14}{अनुवाक:1, सूक्त:14} |
| परि॒प्रासि॑ष्यदत्क॒विः¦सिन्धो᳚रू॒र्मावधि॑श्रि॒तः | का॒रंबिभ्र॑त्पुरु॒स्पृह᳚म् || 1 || वर्ग:3 परि॑¦प्र¦अ॒सि॒स्य॒द॒त्¦क॒विः¦सिन्धोः᳚¦ऊ॒र्मौ¦अधि॑¦श्रि॒तः | का॒रम्¦बिभ्र॑त्¦पु॒रु॒ऽस्पृह᳚म् || |
| गि॒रायदी॒सब᳚न्धवः॒¦पञ्च॒व्राता᳚,अप॒स्यवः॑ | प॒रि॒ष्कृ॒ण्वन्ति॑धर्ण॒सिम् || 2 || गि॒रा¦यदि॑¦सऽब᳚न्धवः¦पंच॑¦व्राताः᳚¦अ॒प॒स्यवः॑ | प॒रि॒ऽकृ॒ण्वन्ति॑¦ध॒र्ण॒सिम् || |
| आद॑स्यशु॒ष्मिणो॒रसे॒¦विश्वे᳚दे॒वा,अ॑मत्सत | यदी॒गोभि᳚र्वसा॒यते᳚ || 3 || आत्¦अ॒स्य॒¦शु॒ष्मिणः॑¦रसे᳚¦विश्वे᳚¦दे॒वाः¦अ॒म॒त्स॒त॒ | यदि॑¦गोभिः॑¦व॒सा॒यते᳚ || |
| नि॒रि॒णा॒नोविधा᳚वति॒¦जह॒च्छर्या᳚णि॒तान्वा᳚ | अत्रा॒संजि॑घ्रतेयु॒जा || 4 || नि॒ऽरि॒णा॒नः¦वि¦धा॒व॒ति॒¦जह॑त्¦शर्या᳚णि¦तान्वा᳚ | अत्र॑¦सम्¦जि॒घ्न॒ते॒¦यु॒जा || |
| न॒प्तीभि॒र्योवि॒वस्व॑तः¦शु॒भ्रोनमा᳚मृ॒जेयुवा᳚ | गाःकृ᳚ण्वा॒नोननि॒र्णिज᳚म् || 5 || न॒प्तीभिः॑¦यः¦वि॒वस्व॑तः¦शु॒भ्रः¦न¦म॒मृ॒जे¦युवा᳚ | गाः¦कृ॒ण्वा॒नः¦न¦निः॒ऽनिज᳚म् || |
| अति॑श्रि॒तीति॑र॒श्चता᳚¦ग॒व्याजि॑गा॒त्यण्व्या᳚ | व॒ग्नुमि॑यर्ति॒यंवि॒दे || 6 || वर्ग:4 अति॑¦श्रि॒ती¦ति॒र॒श्चता᳚¦ग॒व्या¦जि॒गा॒ति॒¦अण्व्या᳚ | व॒ग्नुम्¦इ॒य॒र्ति॒¦यम्¦वि॒दे || |
| अ॒भिक्षिपः॒सम॑ग्मत¦म॒र्जय᳚न्तीरि॒षस्पति᳚म् | पृ॒ष्ठागृ॑भ्णतवा॒जिनः॑ || 7 || अ॒भि¦क्षिपः॑¦सम्¦अ॒ग्म॒त॒¦म॒र्जय᳚न्तीः¦इ॒षः¦पति᳚म् | पृ॒ष्ठा¦गृ॒भ्ण॒त॒¦वा॒जिनः॑ || |
| परि॑दि॒व्यानि॒मर्मृ॑श॒द्¦विश्वा᳚निसोम॒पार्थि॑वा | वसू᳚नियाह्यस्म॒युः || 8 || परि॑¦दि॒व्यानि॑¦मर्मृ॑शत्¦विश्वा᳚नि¦सो॒म॒¦पार्थि॑वा | वसू᳚नि¦या॒हि॒¦अ॒स्म॒ऽयुः || |
| [107] एषधियेत्यष्टर्चस्य सूक्तस्य काश्यपोसितः पवमानसोमोगायत्री |{अष्टक:6, अध्याय:8}{मंडल:9, सूक्त:15}{अनुवाक:1, सूक्त:15} |
| ए॒षधि॒याया॒त्यण्व्या॒¦शूरो॒रथे᳚भिरा॒शुभिः॑ | गच्छ॒न्निन्द्र॑स्यनिष्कृ॒तम् || 1 || वर्ग:5 ए॒षः¦धि॒या¦या॒ति॒¦अण्व्या᳚¦शूरः॑¦रथे᳚भिः¦आ॒शुऽभिः॑ | गच्छ॑न्¦इन्द्र॑स्य¦निः॒ऽकृ॒तम् || |
| ए॒षपु॒रूधि॑यायते¦बृह॒तेदे॒वता᳚तये | यत्रा॒मृता᳚स॒आस॑ते || 2 || ए॒षः¦पु॒रु¦धि॒या॒ऽय॒ते॒¦बृ॒ह॒ते¦दे॒वऽता᳚तये | यत्र॑¦अ॒मृता᳚सः¦आस॑ते || |
| ए॒षहि॒तोविनी᳚यते॒¦ऽन्तःशु॒भ्राव॑ताप॒था | यदी᳚तु॒ञ्जन्ति॒भूर्ण॑यः || 3 || ए॒षः¦हि॒तः¦वि¦नी॒य॒ते॒¦अ॒न्तरिति॑¦शु॒भ्रऽव॑ता¦प॒था | यदि॑¦तुं॒जन्ति॑¦भूर्ण॑यः || |
| ए॒षशृङ्गा᳚णि॒दोधु॑व॒¦च्छिशी᳚तेयू॒थ्यो॒३॑(ओ॒)वृषा᳚ | नृ॒म्णादधा᳚न॒ओज॑सा || 4 || ए॒षः¦शृङ्गा᳚णि¦दोधु॑वत्¦शिशी᳚ते¦यू॒थ्यः॑¦वृषा᳚ | नृ॒म्णा¦दधा᳚नः¦ओज॑सा || |
| ए॒षरु॒क्मिभि॑रीयते¦वा॒जीशु॒भ्रेभि॑रं॒शुभिः॑ | पतिः॒सिन्धू᳚नां॒भव॑न् || 5 || ए॒षः¦रु॒क्मिऽभिः॑¦ई॒य॒ते॒¦वा॒जी¦शु॒भ्रेभिः॑¦अं॒शुऽभिः॑ | पतिः॑¦सिन्धू᳚नाम्¦भव॑न् || |
| ए॒षवसू᳚निपिब्द॒ना¦परु॑षाययि॒वाँ,अति॑ | अव॒शादे᳚षुगच्छति || 6 || ए॒षः¦वसू᳚नि¦पि॒ब्द॒ना¦परु॑षा¦य॒यि॒ऽवान्¦अति॑ | अव॑¦शादे᳚षु¦ग॒च्छ॒ति॒ || |
| ए॒तंमृ॑जन्ति॒मर्ज्य॒¦मुप॒द्रोणे᳚ष्वा॒यवः॑ | प्र॒च॒क्रा॒णंम॒हीरिषः॑ || 7 || ए॒तम्¦मृ॒ज॒न्ति॒¦मर्ज्य᳚म्¦उप॑¦द्रोणे᳚षु¦आ॒यवः॑ | प्र॒ऽच॒क्रा॒णम्¦म॒हीः¦इषः॑ || |
| ए॒तमु॒त्यंदश॒क्षिपो᳚¦मृ॒जन्ति॑स॒प्तधी॒तयः॑ | स्वा॒यु॒धंम॒दिन्त॑मम् || 8 || ए॒तम्¦ऊँ॒ इति॑¦त्यम्¦दश॑¦क्षिपः॑¦मृ॒जन्ति॑¦स॒प्त¦धी॒तयः॑ | सु॒ऽआ॒यु॒धम्¦म॒दिन्ऽत॑मम् || |
| [108] प्रतेसोतारइत्यष्टर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:16}{अनुवाक:1, सूक्त:16} |
| प्रते᳚सो॒तार॑ओ॒ण्यो॒३॑(ओ॒)¦रसं॒मदा᳚य॒घृष्व॑ये | सर्गो॒नत॒क्त्येत॑शः || 1 || वर्ग:6 प्र¦ते॒¦सो॒तारः॑¦ओ॒ण्योः᳚¦रस᳚म्¦मदा᳚य¦घृष्व॑ये | सर्गः॑¦न¦त॒क्ति॒¦एत॑शः || |
| क्रत्वा॒दक्ष॑स्यर॒थ्य॑¦म॒पोवसा᳚न॒मन्ध॑सा | गो॒षामण्वे᳚षुसश्चिम || 2 || क्रत्वा᳚¦दक्ष॑स्य¦र॒थ्य᳚म्¦अ॒पः¦वसा᳚नम्¦अन्ध॑सा | गो॒ऽसाम्¦अण्वे᳚षु¦स॒श्चि॒म॒ || |
| अन॑प्तम॒प्सुदु॒ष्टरं॒¦सोमं᳚प॒वित्र॒आसृ॑ज | पु॒नी॒हीन्द्रा᳚य॒पात॑वे || 3 || अन॑प्तम्¦अ॒प्ऽसु¦दु॒स्तर᳚म्¦सोम᳚म्¦प॒वित्रे᳚¦आ¦सृ॒ज॒ | पु॒नी॒हि¦इन्द्रा᳚य¦पात॑वे || |
| प्रपु॑ना॒नस्य॒चेत॑सा॒¦सोमः॑प॒वित्रे᳚,अर्षति | क्रत्वा᳚स॒धस्थ॒मास॑दत् || 4 || प्र¦पु॒ना॒नस्य॑¦चेत॑सा¦सोमः॑¦प॒वित्रे᳚¦अ॒र्ष॒ति॒ | क्रत्वा᳚¦स॒धऽस्थ᳚म्¦आ¦अ॒स॒द॒त् || |
| प्रत्वा॒नमो᳚भि॒रिन्द॑व॒¦इन्द्र॒सोमा᳚,असृक्षत | म॒हेभरा᳚यका॒रिणः॑ || 5 || प्र¦त्वा॒¦नमः॑ऽभिः¦इन्द॑वः¦इन्द्र॑¦सोमाः᳚¦अ॒सृ॒क्ष॒त॒ | म॒हे¦भरा᳚य¦का॒रिणः॑ || |
| पु॒ना॒नोरू॒पे,अ॒व्यये॒¦विश्वा॒,अर्ष᳚न्न॒भिश्रियः॑ | शूरो॒नगोषु॑तिष्ठति || 6 || पु॒ना॒नः¦रू॒पे¦अ॒व्यव्ये᳚¦विश्वाः᳚¦अर्ष॑न्¦अ॒भि¦श्रियः॑ | शूरः॑¦न¦गोषु॑¦ति॒ष्ठ॒ति॒ || |
| दि॒वोनसानु॑पि॒प्युषी॒¦धारा᳚सु॒तस्य॑वे॒धसः॑ | वृथा᳚प॒वित्रे᳚,अर्षति || 7 || दि॒वः¦न¦सानु॑¦पि॒प्युषी᳚¦धारा᳚¦सु॒तस्य॑¦वे॒धसः॑ | वृथा᳚¦प॒वित्रे᳚¦अ॒र्ष॒ति॒ || |
| त्वंसो᳚मविप॒श्चितं॒¦तना᳚पुना॒नआ॒युषु॑ | अव्यो॒वारं॒विधा᳚वसि || 8 || त्वम्¦सो॒म॒¦वि॒पः॒ऽचित᳚म्¦तना᳚¦पु॒ना॒नः¦आ॒युषु॑ | अव्यः॑¦वार᳚म्¦वि¦धा॒व॒सि॒ || |
| [109] प्रनिम्नेनेवेत्य ष्टर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:17}{अनुवाक:1, सूक्त:17} |
| प्रनि॒म्नेने᳚व॒सिन्ध॑वो॒¦घ्नन्तो᳚वृ॒त्राणि॒भूर्ण॑यः | सोमा᳚,असृग्रमा॒शवः॑ || 1 || वर्ग:7 प्र¦नि॒मेन॑ऽइव¦सिन्ध॑वः¦घ्नन्तः॑¦वृ॒त्राणि॑¦भूर्ण॑यः | सोमाः᳚¦अ॒सृ॒ग्र॒म्¦आ॒शवः॑ || |
| अ॒भिसु॑वा॒नास॒इन्द॑वो¦वृ॒ष्टयः॑पृथि॒वीमि॑व | इन्द्रं॒सोमा᳚सो,अक्षरन् || 2 || अ॒भि¦सु॒वा॒नासः॑¦इन्द॑वः¦वृ॒ष्टयः॑¦पृ॒थि॒वीम्ऽइ᳚व | इन्द्र᳚म्¦सोमा᳚सः¦अ॒क्ष॒र॒न् || |
| अत्यू᳚र्मिर्मत्स॒रोमदः॒¦सोमः॑प॒वित्रे᳚,अर्षति | वि॒घ्नन्रक्षां᳚सिदेव॒युः || 3 || अति॑ऽऊर्मिः¦म॒त्स॒रः¦मदः॑¦सोमः॑¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| आक॒लशे᳚षुधावति¦प॒वित्रे॒परि॑षिच्यते | उ॒क्थैर्य॒ज्ञेषु॑वर्धते || 4 || आ¦क॒लशे᳚षु¦धा॒व॒ति॒¦प॒वित्रे᳚¦परि॑¦सि॒च्य॒ते॒ | उ॒क्थैः¦य॒ज्ञेषु॑¦व॒र्ध॒ते॒ || |
| अति॒त्रीसो᳚मरोच॒ना¦रोह॒न्नभ्रा᳚जसे॒दिव᳚म् | इ॒ष्णन्त्सूर्यं॒नचो᳚दयः || 5 || अति॑¦त्री¦सो॒म॒¦रो॒च॒ना¦रोह॑न्¦न¦भ्रा॒ज॒से॒¦दिव᳚म् | इ॒ष्णन्¦सूर्य᳚म्¦न¦चो॒द॒यः॒ || |
| अ॒भिविप्रा᳚,अनूषत¦मू॒र्धन्य॒ज्ञस्य॑का॒रवः॑ | दधा᳚ना॒श्चक्ष॑सिप्रि॒यम् || 6 || अ॒भि¦विप्राः᳚¦अ॒नू॒ष॒त॒¦मू॒र्धन्¦य॒ज्ञस्य॑¦का॒रवः॑ | दधा᳚नाः¦चक्ष॑सि¦प्रि॒यम् || |
| तमु॑त्वावा॒जिनं॒नरो᳚¦धी॒भिर्विप्रा᳚,अव॒स्यवः॑ | मृ॒जन्ति॑दे॒वता᳚तये || 7 || तम्¦ऊँ॒ इति॑¦त्वा॒¦वा॒जिन᳚म्¦नरः॑¦धी॒भिः¦विप्राः᳚¦अ॒व॒स्यवः॑ | मृ॒जन्ति॑¦दे॒वऽता᳚तये || |
| मधो॒र्धारा॒मनु॑क्षर¦ती॒व्रःस॒धस्थ॒मास॑दः | चारु᳚रृ॒ताय॑पी॒तये᳚ || 8 || मधोः᳚¦धारा᳚म्¦अनु॑¦क्ष॒र॒¦ती॒व्रः¦स॒धऽस्थ᳚म्¦आ¦अ॒स॒दः॒ | चारुः॑¦ऋ॒ताय॑¦पी॒तये᳚ || |
| [110] परिसुवानइति सप्तर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:18}{अनुवाक:1, सूक्त:18} |
| परि॑सुवा॒नोगि॑रि॒ष्ठाः¦प॒वित्रे॒सोमो᳚,अक्षाः | मदे᳚षुसर्व॒धा,अ॑सि || 1 || वर्ग:8 परि॑¦सु॒वा॒नः¦गि॒रि॒ऽस्थाः¦प॒वित्रे᳚¦सोमः॑¦अ॒क्षा॒रिति॑ | मदे᳚षु¦स॒र्व॒ऽधाः¦अ॒सि॒ || |
| त्वंविप्र॒स्त्वंक॒वि¦र्मधु॒प्रजा॒तमन्ध॑सः | मदे᳚षुसर्व॒धा,अ॑सि || 2 || त्वम्¦विप्रः॑¦त्वम्¦क॒विः¦मधु॑¦प्र¦जा॒तम्¦अन्ध॑सः | मदे᳚षु¦स॒र्व॒ऽधाः¦अ॒सि॒ || |
| तव॒विश्वे᳚स॒जोष॑सो¦दे॒वासः॑पी॒तिमा᳚शत | मदे᳚षुसर्व॒धा,अ॑सि || 3 || तव॑¦विश्वे᳚¦स॒ऽजोष॑सः¦दे॒वासः॑¦पी॒तिम्¦आ॒श॒त॒ | मदे᳚षु¦स॒र्व॒ऽधाः¦अ॒सि॒ || |
| आयोविश्वा᳚नि॒वार्या॒¦वसू᳚नि॒हस्त॑योर्द॒धे | मदे᳚षुसर्व॒धा,अ॑सि || 4 || आ¦यः¦विश्वा᳚नि¦वार्या᳚¦वसू᳚नि¦हस्त॑योः¦द॒धे | मदे᳚षु¦स॒र्व॒ऽधाः¦अ॒सि॒ || |
| यइ॒मेरोद॑सीम॒ही¦संमा॒तरे᳚व॒दोह॑ते | मदे᳚षुसर्व॒धा,अ॑सि || 5 || यः¦इ॒मे इति॑¦रोद॑सी॒ इति॑¦म॒ही इति॑¦सम्¦मा॒तरा᳚ऽइव¦दोह॑ते | मदे᳚षु¦स॒र्व॒ऽधाः¦अ॒सि॒ || |
| परि॒योरोद॑सी,उ॒भे¦स॒द्योवाजे᳚भि॒रर्ष॑ति | मदे᳚षुसर्व॒धा,अ॑सि || 6 || परि॑¦यः¦रोद॑सी॒ इति॑¦उ॒भे इति॑¦स॒द्यः¦वाजे᳚भिः¦अर्ष॑ति | मदे᳚षु¦स॒र्व॒ऽधाः¦अ॒सि॒ || |
| सशु॒ष्मीक॒लशे॒ष्वा¦पु॑ना॒नो,अ॑चिक्रदत् | मदे᳚षुसर्व॒धा,अ॑सि || 7 || सः¦शु॒ष्मी¦क॒लशे᳚षु¦आ¦पु॒ना॒नः¦अ॒चि॒क्र॒द॒त् | मदे᳚षु¦स॒र्व॒ऽधाः¦अ॒सि॒ || |
| [111] यत्सोमेति सप्तर्चस्य सूक्तस्य काश्यपोसितःपवमा नसोमो गायत्री |{अष्टक:6, अध्याय:8}{मंडल:9, सूक्त:19}{अनुवाक:1, सूक्त:19} |
| यत्सो᳚मचि॒त्रमु॒क्थ्यं᳚¦दि॒व्यंपार्थि॑वं॒वसु॑ | तन्नः॑पुना॒नआभ॑र || 1 || वर्ग:9 यत्¦सो॒म॒¦चि॒त्रम्¦उ॒क्थ्य᳚म्¦दि॒व्यम्¦पार्थि॑वम्¦वसु॑ | तत्¦नः॒¦पु॒ना॒नः¦आ¦भ॒र॒ || |
| यु॒वंहिस्थःस्व॑र्पती॒,¦इन्द्र॑श्चसोम॒गोप॑ती | ई॒शा॒नापि॑प्यतं॒धियः॑ || 2 || यु॒वम्¦हि¦स्थः¦स्व॑र्पती॒ इति॒ स्वः॑ऽपती¦इन्द्रः॑¦च॒¦सो॒म॒¦गोप॑ती॒ इति॒ गोऽप॑ती | ई॒शा॒ना¦पि॒प्य॒त॒म्¦धियः॑ || |
| वृषा᳚पुना॒नआ॒युषु॑¦स्त॒नय॒न्नधि॑ब॒र्हिषि॑ | हरिः॒सन्योनि॒मास॑दत् || 3 || वृषा᳚¦पु॒ना॒नः¦आ॒युषु॑¦स्त॒नय॑न्¦अधि॑¦ब॒र्हिषि॑ | हरिः॑¦सन्¦योनि᳚म्¦आ¦अ॒स॒द॒त् || |
| अवा᳚वशन्तधी॒तयो᳚¦वृष॒भस्याधि॒रेत॑सि | सू॒नोर्व॒त्सस्य॑मा॒तरः॑ || 4 || अवा᳚वशन्त¦धी॒तयः॑¦वृ॒ष॒भस्य॑¦अधि॑¦रेत॑सि | सू॒नोः¦व॒त्सस्य॑¦मा॒तरः॑ || |
| कु॒विद्वृ॑ष॒ण्यन्ती᳚भ्यः¦पुना॒नोगर्भ॑मा॒दध॑त् | याःशु॒क्रंदु॑ह॒तेपयः॑ || 5 || कु॒वित्¦वृ॒ष॒ण्यन्ती᳚भ्यः¦पु॒ना॒नः¦गर्भ᳚म्¦आ॒ऽदध॑त् | याः¦शु॒क्रम्¦दु॒ह॒ते¦पयः॑ || |
| उप॑शिक्षापत॒स्थुषो᳚¦भि॒यस॒माधे᳚हि॒शत्रु॑षु | पव॑मानवि॒दार॒यिम् || 6 || उप॑¦शि॒क्ष॒¦अ॒प॒ऽत॒स्थुषः॑¦भि॒यस᳚म्¦आ¦धे॒हि॒¦शत्रु॑षु | पव॑मान¦वि॒दाः¦र॒यिम् || |
| निशत्रोः᳚सोम॒वृष्ण्यं॒¦निशुष्मं॒निवय॑स्तिर | दू॒रेवा᳚स॒तो,अन्ति॑वा || 7 || नि¦शत्रोः᳚¦सो॒म॒¦वृष्ण्य᳚म्¦नि¦शुष्म᳚म्¦नि¦वयः॑¦ति॒र॒ | दू॒रे¦वा॒¦स॒तः¦अन्ति॑¦वा॒ || |
| [112] प्रकविरिति सप्तर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:20}{अनुवाक:1, सूक्त:20} |
| प्रक॒विर्दे॒ववी᳚त॒ये¦ऽव्यो॒वारे᳚भिरर्षति | सा॒ह्वान्विश्वा᳚,अ॒भिस्पृधः॑ || 1 || वर्ग:10 प्र¦क॒विः¦दे॒वऽवी᳚तये¦अव्यः॑¦वारे᳚भिः¦अ॒र्ष॒ति॒ | स॒ह्वान्¦विश्वाः᳚¦अ॒भि¦स्पृधः॑ || |
| सहिष्मा᳚जरि॒तृभ्य॒आ¦वाजं॒गोम᳚न्त॒मिन्व॑ति | पव॑मानःसह॒स्रिण᳚म् || 2 || सः¦हि¦स्म॒¦ज॒रि॒तृऽभ्यः॑¦आ¦वाज᳚म्¦गोऽम᳚न्तम्¦इन्व॑ति | पव॑मानः¦स॒ह॒स्रिण᳚म् || |
| परि॒विश्वा᳚नि॒चेत॑सा¦मृ॒शसे॒पव॑सेम॒ती | सनः॑सोम॒श्रवो᳚विदः || 3 || परि॑¦विश्वा᳚नि¦चेत॑सा¦मृ॒शसे᳚¦पव॑से¦म॒ती | सः¦नः॒¦सो॒म॒¦श्रवः॑¦वि॒दः॒ || |
| अ॒भ्य॑र्षबृ॒हद्यशो᳚¦म॒घव॑द्भ्योध्रु॒वंर॒यिम् | इषं᳚स्तो॒तृभ्य॒आभ॑र || 4 || अ॒भि¦अ॒र्ष॒¦बृ॒हत्¦यशः॑¦म॒घव॑त्ऽभ्यः¦ध्रु॒वम्¦र॒यिम् | इष᳚म्¦स्तो॒तृऽभ्यः॑¦आ¦भ॒र॒ || |
| त्वंराजे᳚वसुव्र॒तो¦गिरः॑सो॒मावि॑वेशिथ | पु॒ना॒नोव᳚ह्ने,अद्भुत || 5 || त्वम्¦राजा᳚ऽइव¦सु॒ऽव्र॒तः¦गिरः॑¦सो॒म॒¦आ¦वि॒वे॒शि॒थ॒ | पु॒ना॒नः¦व॒ह्ने॒¦अ॒द्भु॒त॒ || |
| सवह्नि॑र॒प्सुदु॒ष्टरो᳚¦मृ॒ज्यमा᳚नो॒गभ॑स्त्योः | सोम॑श्च॒मूषु॑सीदति || 6 || सः¦वह्निः॑¦अ॒प्ऽसु¦दु॒स्तरः॑¦मृ॒ज्यमा᳚नः¦गभ॑स्त्योः | सोमः॑¦च॒मूषु॑¦सी॒द॒ति॒ || |
| क्री॒ळुर्म॒खोनमं᳚ह॒युः¦प॒वित्रं᳚सोमगच्छसि | दध॑त्स्तो॒त्रेसु॒वीर्य᳚म् || 7 || क्री॒ळुः¦म॒खः¦न¦मं॒ह॒युः¦प॒वित्र᳚म्¦सो॒म॒¦ग॒च्छ॒सि॒ | दध॑त्¦स्तो॒त्रे¦सु॒ऽवीर्य᳚म् || |
| [113] एतेधावंतीति सप्तर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:21}{अनुवाक:1, सूक्त:21} |
| ए॒तेधा᳚व॒न्तीन्द॑वः॒¦सोमा॒,इन्द्रा᳚य॒घृष्व॑यः | म॒त्स॒रासः॑स्व॒र्विदः॑ || 1 || वर्ग:11 ए॒ते¦धा॒व॒न्ति॒¦इन्द॑वः¦सोमाः᳚¦इन्द्रा᳚य¦घृष्व॑यः | म॒त्स॒रासः॑¦स्वः॒ऽविदः॑ || |
| प्र॒वृ॒ण्वन्तो᳚,अभि॒युजः॒¦सुष्व॑येवरिवो॒विदः॑ | स्व॒यंस्तो॒त्रेव॑य॒स्कृतः॑ || 2 || प्र॒ऽवृ॒ण्वन्तः॑¦अ॒भि॒ऽयुजः॑¦सुस्व॑ये¦व॒रि॒वः॒ऽविदः॑ | स्व॒यम्¦स्तो॒त्रे¦व॒यः॒ऽकृतः॑ || |
| वृथा॒क्रीळ᳚न्त॒इन्द॑वः¦स॒धस्थ॑म॒भ्येक॒मित् | सिन्धो᳚रू॒र्माव्य॑क्षरन् || 3 || वृथा᳚¦क्रीळ᳚न्तः¦इन्द॑वः¦स॒धऽस्थ᳚म्¦अ॒भि¦एक᳚म्¦इत् | सिन्धोः᳚¦ऊ॒र्मा¦वि¦अ॒क्ष॒र॒न् || |
| ए॒तेविश्वा᳚नि॒वार्या॒¦पव॑मानासआशत | हि॒तानसप्त॑यो॒रथे᳚ || 4 || ए॒ते¦विश्वा᳚नि¦वार्या᳚¦पव॑मानासः¦आ॒श॒त॒ | हि॒ताः¦न¦सप्त॑यः¦रथे᳚ || |
| आस्मि᳚न्पि॒शङ्ग॑मिन्दवो॒¦दधा᳚तावे॒नमा॒दिशे᳚ | यो,अ॒स्मभ्य॒मरा᳚वा || 5 || आ¦अ॒स्मि॒न्¦पि॒शङ्ग᳚म्¦इ॒न्द॒वः॒¦दधा᳚त¦वे॒नम्¦आ॒ऽदिशे᳚ | यः¦अ॒स्मभ्य᳚म्¦अरा᳚वा || |
| ऋ॒भुर्नरथ्यं॒नवं॒¦दधा᳚ता॒केत॑मा॒दिशे᳚ | शु॒क्राःप॑वध्व॒मर्ण॑सा || 6 || ऋ॒भुः¦न¦रथ्य᳚म्¦नव᳚म्¦दधा᳚त¦केत᳚म्¦आ॒ऽदिशे᳚ | शु॒क्राः¦प॒व॒ध्व॒म्¦अर्ण॑सा || |
| ए॒तउ॒त्ये,अ॑वीवश॒न्¦काष्ठां᳚वा॒जिनो᳚,अक्रत | स॒तःप्रासा᳚विषुर्म॒तिम् || 7 || ए॒ते¦ऊँ॒ इति॑¦त्ये¦अ॒वी॒व॒श॒न्¦काष्ठा᳚म्¦वा॒जिनः॑¦अ॒क्र॒त॒ | स॒तः¦प्र¦अ॒सा॒वि॒षुः॒¦म॒तिम् || |
| [114] एतेसोमासइति सप्तर्चस्य सूक्तस्य काश्यपोसितःपवमानसोमोगायत्री |{अष्टक:6, अध्याय:8}{मंडल:9, सूक्त:22}{अनुवाक:1, सूक्त:22} |
| ए॒तेसोमा᳚सआ॒शवो॒¦रथा᳚,इव॒प्रवा॒जिनः॑ | सर्गाः᳚सृ॒ष्टा,अ॑हेषत || 1 || वर्ग:12 ए॒ते¦सोमा᳚सः¦आ॒शवः॑¦रथाः᳚ऽइव¦प्र¦वा॒जिनः॑ | सर्गाः᳚¦सृ॒ष्टाः¦अ॒हे॒ष॒त॒ || |
| ए॒तेवाता᳚,इवो॒रवः॑¦प॒र्जन्य॑स्येववृ॒ष्टयः॑ | अ॒ग्नेरि॑वभ्र॒मावृथा᳚ || 2 || ए॒ते¦वाताः᳚ऽइव¦उ॒रवः॑¦प॒र्जन्य॑स्यऽइव¦वृ॒ष्टयः॑ | अ॒ग्नेःऽइ᳚व¦भ्र॒माः¦वृथा᳚ || |
| ए॒तेपू॒तावि॑प॒श्चितः॒¦सोमा᳚सो॒दध्या᳚शिरः | वि॒पाव्या᳚नशु॒र्धियः॑ || 3 || ए॒ते¦पू॒ताः¦वि॒पः॒ऽचितः॑¦सोमा᳚सः¦दधि॑ऽआशिरः | वि॒पा¦वि¦आ॒न॒शुः॒¦धियः॑ || |
| ए॒तेमृ॒ष्टा,अम॑र्त्याः¦ससृ॒वांसो॒नश॑श्रमुः | इय॑क्षन्तःप॒थोरजः॑ || 4 || ए॒ते¦मृ॒ष्टाः¦अम॑र्त्याः¦स॒सृ॒ऽवांसः॑¦न¦श॒श्र॒मुः॒ | इय॑क्षन्तः¦प॒थः¦रजः॑ || |
| ए॒तेपृ॒ष्ठानि॒रोद॑सो¦र्विप्र॒यन्तो॒व्या᳚नशुः | उ॒तेदमु॑त्त॒मंरजः॑ || 5 || ए॒ते¦पृ॒ष्ठानि॑¦रोद॑सोः¦वि॒ऽप्र॒यन्तः॑¦वि¦आ॒न॒शुः॒ | उ॒त¦इ॒दम्¦उ॒त्ऽत॒मम्¦रजः॑ || |
| तन्तुं᳚तन्वा॒नमु॑त्त॒म¦मनु॑प्र॒वत॑आशत | उ॒तेदमु॑त्त॒माय्य᳚म् || 6 || तन्तु᳚म्¦त॒न्वा॒नम्¦उ॒त्ऽत॒मम्¦अनु॑¦प्र॒ऽवतः॑¦आ॒श॒त॒ | उ॒त¦इ॒दम्¦उ॒त्त॒माय्य᳚म् || |
| त्वंसो᳚मप॒णिभ्य॒आ¦वसु॒गव्या᳚निधारयः | त॒तंतन्तु॑मचिक्रदः || 7 || त्वम्¦सो॒म॒¦प॒णिऽभ्यः॑¦आ¦वसु॑¦गव्या᳚नि¦धा॒र॒यः॒ | त॒तम्¦तन्तु᳚म्¦अ॒चि॒क्र॒दः॒ || |
| [115] सोमा असृग्रमिति सप्तर्चस्य सूक्तस्य काश्यपोसितः पवमान सोमोगायत्री |{अष्टक:6, अध्याय:8}{मंडल:9, सूक्त:23}{अनुवाक:1, सूक्त:23} |
| सोमा᳚,असृग्रमा॒शवो॒¦मधो॒र्मद॑स्य॒धार॑या | अ॒भिविश्वा᳚नि॒काव्या᳚ || 1 || वर्ग:13 सोमाः᳚¦अ॒सृ॒ग्र॒म्¦आ॒शवः॑¦मधोः᳚¦मद॑स्य¦धार॑या | अ॒भि¦विश्वा᳚नि¦काव्या᳚ || |
| अनु॑प्र॒त्नास॑आ॒यवः॑¦प॒दंनवी᳚यो,अक्रमुः | रु॒चेज॑नन्त॒सूर्य᳚म् || 2 || अनु॑¦प्र॒त्नासः॑¦आ॒यवः॑¦प॒दम्¦नवी᳚यः¦अ॒क्र॒मुः॒ | रु॒चे¦ज॒न॒न्त॒¦सूर्य᳚म् || |
| आप॑वमाननोभरा॒¦र्यो,अदा᳚शुषो॒गय᳚म् | कृ॒धिप्र॒जाव॑ती॒रिषः॑ || 3 || आ¦प॒व॒मा॒न॒¦नः॒¦भ॒र॒¦अ॒र्यः¦अदा᳚शुषः¦गय᳚म् | कृ॒धि¦प्र॒जाऽव॑तीः¦इषः॑ || |
| अ॒भिसोमा᳚सआ॒यवः॒¦पव᳚न्ते॒मद्यं॒मद᳚म् | अ॒भिकोशं᳚मधु॒श्चुत᳚म् || 4 || अ॒भि¦सोमा᳚सः¦आ॒यवः॑¦पव᳚न्ते¦मद्य᳚म्¦मद᳚म् | अ॒भि¦कोश᳚म्¦म॒धु॒ऽश्चुत᳚म् || |
| सोमो᳚,अर्षतिधर्ण॒सि¦र्दधा᳚नइन्द्रि॒यंरस᳚म् | सु॒वीरो᳚,अभिशस्ति॒पाः || 5 || सोमः॑¦अ॒र्ष॒ति॒¦ध॒र्ण॒सिः¦दधा᳚नः¦इ॒न्द्रि॒यम्¦रस᳚म् | सु॒ऽवीरः॑¦अ॒भि॒श॒स्ति॒ऽपाः || |
| इन्द्रा᳚यसोमपवसे¦दे॒वेभ्यः॑सध॒माद्यः॑ | इन्दो॒वाजं᳚सिषाससि || 6 || इन्द्रा᳚य¦सो॒म॒¦प॒व॒से॒¦दे॒वेभ्यः॑¦स॒ध॒ऽमाद्यः॑ | इन्दो॒ इति॑¦वाज᳚म्¦सि॒सा॒स॒सि॒ || |
| अ॒स्यपी॒त्वामदा᳚ना॒¦मिन्द्रो᳚वृ॒त्राण्य॑प्र॒ति | ज॒घान॑ज॒घन॑च्च॒नु || 7 || अ॒स्य¦पी॒त्वा¦मदा᳚नाम्¦इन्द्रः॑¦वृ॒त्राणि॑¦अ॒प्र॒ति | ज॒घान॑¦ज॒घन॑त्¦च॒¦नु || |
| [116] प्रसोमासइति सप्तर्चस्य सूक्तस्य काश्यपोसितः पवमान सोमो गायत्री |{अष्टक:6, अध्याय:8}{मंडल:9, सूक्त:24}{अनुवाक:1, सूक्त:24} |
| प्रसोमा᳚सो,अधन्विषुः॒¦पव॑मानास॒इन्द॑वः | श्री॒णा॒ना,अ॒प्सुमृ᳚ञ्जत || 1 || वर्ग:14 प्र¦सोमा᳚सः¦अ॒ध॒न्वि॒षुः॒¦पव॑मानासः¦इन्द॑वः | श्री॒णा॒नाः¦अ॒प्ऽसु¦मृं॒ज॒त॒ || |
| अ॒भिगावो᳚,अधन्विषु॒¦रापो॒नप्र॒वता᳚य॒तीः | पु॒ना॒ना,इन्द्र॑माशत || 2 || अ॒भि¦गावः॑¦अ॒ध॒न्वि॒षुः॒¦आपः॑¦न¦प्र॒ऽवता᳚¦य॒तीः | पु॒ना॒नाः¦इन्द्र᳚म्¦आ॒श॒त॒ || |
| प्रप॑वमानधन्वसि॒¦सोमेन्द्रा᳚य॒पात॑वे | नृभि᳚र्य॒तोविनी᳚यसे || 3 || प्र¦प॒व॒मा॒न॒¦ध॒न्व॒सि॒¦सोम॑¦इन्द्रा᳚य¦पात॑वे | नृऽभिः॑¦य॒तः¦वि¦नी॒य॒से॒ || |
| त्वंसो᳚मनृ॒माद॑नः॒¦पव॑स्वचर्षणी॒सहे᳚ | सस्नि॒र्यो,अ॑नु॒माद्यः॑ || 4 || त्वम्¦सो॒म॒¦नृ॒ऽमाद॑नः¦पव॑स्व¦च॒र्ष॒णि॒ऽसहे᳚ | सस्निः॑¦यः¦अ॒नु॒ऽमाद्यः॑ || |
| इन्दो॒यदद्रि॑भिःसु॒तः¦प॒वित्रं᳚परि॒धाव॑सि | अर॒मिन्द्र॑स्य॒धाम्ने᳚ || 5 || इन्दो॒ इति॑¦यत्¦अद्रि॑ऽभिः¦सु॒तः¦प॒वित्र᳚म्¦प॒रि॒ऽधाव॑सि | अर᳚म्¦इन्द्र॑स्य¦धाम्ने᳚ || |
| पव॑स्ववृत्रहन्तमो॒¦क्थेभि॑रनु॒माद्यः॑ | शुचिः॑पाव॒को,अद्भु॑तः || 6 || पव॑स्व¦वृ॒त्र॒ह॒न्ऽत॒म॒¦उ॒क्थेभिः॑¦अ॒नु॒ऽमाद्यः॑ | शुचिः॑¦पा॒व॒कः¦अद्भु॑तः || |
| शुचिः॑पाव॒कउ॑च्यते॒¦सोमः॑सु॒तस्य॒मध्वः॑ | दे॒वा॒वीर॑घशंस॒हा || 7 || शुचिः॑¦पा॒व॒कः¦उ॒च्य॒ते॒¦सोमः॑¦सु॒तस्य॑¦मध्वः॑ | दे॒व॒।आ॒वीः¦अ॒घ॒शं॒स॒ऽहा || |
| [117] पवस्वेति षडृचस्य सूक्तस्यागस्त्योदृळ्हच्युतः पवमान सोमोगायत्री |{अष्टक:6, अध्याय:8}{मंडल:9, सूक्त:25}{अनुवाक:2, सूक्त:1} |
| पव॑स्वदक्ष॒साध॑नो¦दे॒वेभ्यः॑पी॒तये᳚हरे | म॒रुद्भ्यो᳚वा॒यवे॒मदः॑ || 1 || वर्ग:15 पव॑स्व¦द॒क्ष॒ऽसाध॑नः¦दे॒वेभ्यः॑¦पी॒तये᳚¦ह॒रे॒ | म॒रुत्ऽभ्यः॑¦वा॒यवे᳚¦मदः॑ || |
| पव॑मानधि॒याहि॒तो॒३॑(ओ॒)¦ऽभियोनिं॒कनि॑क्रदत् | धर्म॑णावा॒युमावि॑श || 2 || पव॑मान¦धि॒या¦हि॒तः¦अ॒भि¦योनि᳚म्¦कनि॑क्रदत् | धर्म॑णा¦वा॒युम्¦आ¦वि॒श॒ || |
| संदे॒वैःशो᳚भते॒वृषा᳚¦क॒विर्योना॒वधि॑प्रि॒यः | वृ॒त्र॒हादे᳚व॒वीत॑मः || 3 || सम्¦दे॒वैः¦शो॒भ॒ते॒¦वृषा᳚¦क॒विः¦योनौ᳚¦अधि॑¦प्रि॒यः | वृ॒त्र॒ऽहा¦दे॒व॒ऽवीत॑मः || |
| विश्वा᳚रू॒पाण्या᳚वि॒शन्¦पु॑ना॒नोया᳚तिहर्य॒तः | यत्रा॒मृता᳚स॒आस॑ते || 4 || विश्वा᳚¦रू॒पाणि॑¦आ॒ऽवि॒शन्¦पु॒ना॒नः¦या॒ति॒¦ह॒र्य॒तः | यत्र॑¦अ॒मृता᳚सः¦आस॑ते || |
| अ॒रु॒षोज॒नय॒न्गिरः॒¦सोमः॑पवतआयु॒षक् | इन्द्रं॒गच्छ᳚न्क॒विक्र॑तुः || 5 || अ॒रु॒षः¦ज॒नय॑न्¦गिरः॑¦सोमः॑¦प॒व॒ते॒¦आ॒यु॒षक् | इन्द्र᳚म्¦गच्छ॑न्¦क॒विऽक्र॑तुः || |
| आप॑वस्वमदिन्तम¦प॒वित्रं॒धार॑याकवे | अ॒र्कस्य॒योनि॑मा॒सद᳚म् || 6 || आ¦प॒व॒स्व॒¦म॒दि॒न्ऽत॒म॒¦प॒वित्र᳚म्¦धार॑या¦क॒वे॒ | अ॒र्कस्य॑¦योनि᳚म्¦आ॒ऽसद᳚म् || |
| [118] तममृक्षंतेति षडृचस्य सूक्तस्य दार्डच्युतइध्मवाहः पवमान सोमोगायत्री |{अष्टक:6, अध्याय:8}{मंडल:9, सूक्त:26}{अनुवाक:2, सूक्त:2} |
| तम॑मृक्षन्तवा॒जिन॑¦मु॒पस्थे॒,अदि॑ते॒रधि॑ | विप्रा᳚सो॒,अण्व्या᳚धि॒या || 1 || वर्ग:16 तम्¦अ॒मृ॒क्ष॒न्त॒¦वा॒जिन᳚म्¦उ॒पऽस्थे᳚¦अदि॑तेः¦अधि॑ | विप्रा᳚सः¦अण्व्या᳚¦धि॒या || |
| तंगावो᳚,अ॒भ्य॑नूषत¦स॒हस्र॑धार॒मक्षि॑तम् | इन्दुं᳚ध॒र्तार॒मादि॒वः || 2 || तम्¦गावः॑¦अ॒भि¦अ॒नू॒ष॒त॒¦स॒हस्र॑ऽधारम्¦अक्षि॑तम् | इन्दु᳚म्¦ध॒र्तार᳚म्¦आ¦दि॒वः || |
| तंवे॒धांमे॒धया᳚ह्य॒न्¦पव॑मान॒मधि॒द्यवि॑ | ध॒र्ण॒सिंभूरि॑धायसम् || 3 || तम्¦वे॒धाम्¦मे॒धया᳚¦अ॒ह्य॒न्¦पव॑मानम्¦अधि॑¦द्यवि॑ | ध॒र्ण॒सिम्¦भूरि॑ऽधायसम् || |
| तम॑ह्यन्भु॒रिजो᳚र्धि॒या¦सं॒वसा᳚नंवि॒वस्व॑तः | पतिं᳚वा॒चो,अदा᳚भ्यम् || 4 || तम्¦अ॒ह्य॒न्¦भु॒रिजोः᳚¦धि॒या¦स॒म्ऽवसा᳚नम्¦वि॒वस्व॑तः | पति᳚म्¦वा॒चः¦अदा᳚भ्यम् || |
| तंसाना॒वधि॑जा॒मयो॒¦हरिं᳚हिन्व॒न्त्यद्रि॑भिः | ह॒र्य॒तंभूरि॑चक्षसम् || 5 || तम्¦सानौ᳚¦अधि॑¦जा॒मयः॑¦हरि᳚म्¦हि॒न्व॒न्ति॒¦अद्रि॑ऽभिः | ह॒र्य॒तम्¦भूरि॑ऽचक्षसम् || |
| तंत्वा᳚हिन्वन्तिवे॒धसः॒¦पव॑मानगिरा॒वृध᳚म् | इन्द॒विन्द्रा᳚यमत्स॒रम् || 6 || तम्¦त्वा॒¦हि॒न्व॒न्ति॒¦वे॒धसः॑¦पव॑मान¦गि॒रा॒ऽवृध᳚म् | इन्दो॒ इति॑¦इन्द्रा᳚य¦म॒त्स॒रम् || |
| [119] एषकविरिति षडृचस्य सूक्तस्यांगिरसो नृमेधः पवमान सोमो गायत्री |{अष्टक:6, अध्याय:8}{मंडल:9, सूक्त:27}{अनुवाक:2, सूक्त:3} |
| ए॒षक॒विर॒भिष्टु॑तः¦प॒वित्रे॒,अधि॑तोशते | पु॒ना॒नोघ्नन्नप॒स्रिधः॑ || 1 || वर्ग:17 ए॒षः¦क॒विः¦अ॒भिऽस्तु॑तः¦प॒वित्रे᳚¦अधि॑¦तो॒श॒ते॒ | पु॒ना॒नः¦घ्नन्¦अप॑¦स्रिधः॑ || |
| ए॒षइन्द्रा᳚यवा॒यवे᳚¦स्व॒र्जित्परि॑षिच्यते | प॒वित्रे᳚दक्ष॒साध॑नः || 2 || ए॒षः¦इन्द्रा᳚य¦वा॒यवे᳚¦स्वः॒ऽजित्¦परि॑¦सि॒च्य॒ते॒ | प॒वित्रे᳚¦द॒क्ष॒ऽसाध॑नः || |
| ए॒षनृभि॒र्विनी᳚यते¦दि॒वोमू॒र्धावृषा᳚सु॒तः | सोमो॒वने᳚षुविश्व॒वित् || 3 || ए॒षः¦नृऽभिः॑¦वि¦नी॒य॒ते॒¦दि॒वः¦मू॒र्धा¦वृषा᳚¦सु॒तः | सोमः॑¦वने᳚षु¦वि॒श्व॒ऽवित् || |
| ए॒षग॒व्युर॑चिक्रद॒त्¦पव॑मानोहिरण्य॒युः | इन्दुः॑सत्रा॒जिदस्तृ॑तः || 4 || ए॒षः¦ग॒व्युः¦अ॒चि॒क्र॒द॒त्¦पव॑मानः¦हि॒र॒ण्य॒ऽयुः | इन्दुः॑¦स॒त्रा॒ऽजित्¦अस्तृ॑तः || |
| ए॒षसूर्ये᳚णहासते॒¦पव॑मानो॒,अधि॒द्यवि॑ | प॒वित्रे᳚मत्स॒रोमदः॑ || 5 || ए॒षः¦सूर्ये᳚ण¦हा॒स॒ते॒¦पव॑मानः¦अधि॑¦द्यवि॑ | प॒वित्रे᳚¦म॒त्स॒रः¦मदः॑ || |
| ए॒षशु॒ष्म्य॑सिष्यद¦द॒न्तरि॑क्षे॒वृषा॒हरिः॑ | पु॒ना॒नइन्दु॒रिन्द्र॒मा || 6 || ए॒षः¦शु॒ष्मी¦अ॒सि॒स्य॒द॒त्¦अ॒न्तरि॑क्षे¦वृषा᳚¦हरिः॑ | पु॒ना॒नः¦इन्दुः॑¦इन्द्र᳚म्¦आ || |
| [120] एषवाजीति षडृचस्य सूक्तस्यांगिरसः प्रियमेधः पवमानसोमो गायत्री |{अष्टक:6, अध्याय:8}{मंडल:9, सूक्त:28}{अनुवाक:2, सूक्त:4} |
| ए॒षवा॒जीहि॒तोनृभि᳚¦र्विश्व॒विन्मन॑स॒स्पतिः॑ | अव्यो॒वारं॒विधा᳚वति || 1 || वर्ग:18 ए॒षः¦वा॒जी¦हि॒तः¦नृऽभिः॑¦वि॒श्व॒ऽवित्¦मन॑सः¦पतिः॑ | अव्यः॑¦वार᳚म्¦वि¦धा॒व॒ति॒ || |
| ए॒षप॒वित्रे᳚,अक्षर॒त्¦सोमो᳚दे॒वेभ्यः॑सु॒तः | विश्वा॒धामा᳚न्यावि॒शन् || 2 || ए॒षः¦प॒वित्रे᳚¦अ॒क्ष॒र॒त्¦सोमः॑¦दे॒वेभ्यः॑¦सु॒तः | विश्वा᳚¦धामा᳚नि¦आ॒ऽवि॒शन् || |
| ए॒षदे॒वःशु॑भाय॒ते¦ऽधि॒योना॒वम॑र्त्यः | वृ॒त्र॒हादे᳚व॒वीत॑मः || 3 || ए॒षः¦दे॒वः¦शु॒भा॒य॒ते॒¦अधि॑¦योनौ᳚¦अम॑र्त्यः | वृ॒त्र॒ऽहा¦दे॒व॒ऽवीत॑मः || |
| ए॒षवृषा॒कनि॑क्रदद्¦द॒शभि॑र्जा॒मिभि᳚र्य॒तः | अ॒भिद्रोणा᳚निधावति || 4 || ए॒षः¦वृषा᳚¦कनि॑क्रदत्¦द॒शऽभिः॑¦जा॒मिऽभिः॑¦य॒तः | अ॒भि¦द्रोणा᳚नि¦धा॒व॒ति॒ || |
| ए॒षसूर्य॑मरोचय॒त्¦पव॑मानो॒विच॑र्षणिः | विश्वा॒धामा᳚निविश्व॒वित् || 5 || ए॒षः¦सूर्य᳚म्¦अ॒रो॒च॒य॒त्¦पव॑मानः¦विऽच॑र्षणिः | विश्वा᳚¦धामा᳚नि¦वि॒श्व॒ऽवित् || |
| ए॒षशु॒ष्म्यदा᳚भ्यः॒¦सोमः॑पुना॒नो,अ॑र्षति | दे॒वा॒वीर॑घशंस॒हा || 6 || ए॒षः¦शु॒ष्मी¦अदा᳚भ्यः¦सोमः॑¦पु॒ना॒नः¦अ॒र्ष॒ति॒ | दे॒व॒।आ॒वीः¦अ॒घ॒शं॒स॒ऽहा || |
| [121] प्रास्यधाराइति षडृचस्य सूक्तस्यांगिरसोनृमेधः पवमान सोमो गायत्री{अष्टक:6, अध्याय:8}{मंडल:9, सूक्त:29}{अनुवाक:2, सूक्त:5} |
| प्रास्य॒धारा᳚,अक्षर॒न्¦वृष्णः॑सु॒तस्यौज॑सा | दे॒वाँ,अनु॑प्र॒भूष॑तः || 1 || वर्ग:19 प्र¦अ॒स्य॒¦धाराः᳚¦अ॒क्ष॒र॒न्¦वृष्णः॑¦सु॒तस्य॑¦ओज॑सा | दे॒वान्¦अनु॑¦प्र॒ऽभूष॑तः || |
| सप्तिं᳚मृजन्तिवे॒धसो᳚¦गृ॒णन्तः॑का॒रवो᳚गि॒रा | ज्योति॑र्जज्ञा॒नमु॒क्थ्य᳚म् || 2 || सप्ति᳚म्¦मृ॒ज॒न्ति॒¦वे॒धसः॑¦गृ॒णन्तः॑¦का॒रवः॑¦गि॒रा | ज्योतिः॑¦ज॒ज्ञा॒नम्¦उ॒क्थ्य᳚म् || |
| सु॒षहा᳚सोम॒तानि॑ते¦पुना॒नाय॑प्रभूवसो | वर्धा᳚समु॒द्रमु॒क्थ्य᳚म् || 3 || सु॒ऽसहा᳚¦सो॒म॒¦तानि॑¦ते॒¦पु॒ना॒नाय॑¦प्र॒भु॒व॒सो॒ इति॑ प्रभुऽवसो | वर्ध॑¦स॒मु॒द्रम्¦उ॒क्थ्य᳚म् || |
| विश्वा॒वसू᳚निसं॒जय॒न्¦पव॑स्वसोम॒धार॑या | इ॒नुद्वेषां᳚सिस॒ध्र्य॑क् || 4 || विश्वा᳚¦वसू᳚नि¦स॒म्ऽजय॑न्¦पव॑स्व¦सो॒म॒¦धार॑या | इ॒नु¦द्वेषां᳚सि¦स॒ध्र्य॑क् || |
| रक्षा॒सुनो॒,अर॑रुषः¦स्व॒नात्स॑मस्य॒कस्य॑चित् | नि॒दोयत्र॑मुमु॒च्महे᳚ || 5 || रक्ष॑¦सु¦नः॒¦अर॑रुषः¦स्व॒नात्¦स॒मस्य॑¦कस्य॑¦चि॒त् | नि॒दः¦यत्र॑¦मु॒मु॒च्महे᳚ || |
| एन्दो॒पार्थि॑वंर॒यिं¦दि॒व्यंप॑वस्व॒धार॑या | द्यु॒मन्तं॒शुष्म॒माभ॑र || 6 || आ¦इ॒न्दो॒ इति॑¦पार्थि॑वम्¦र॒यिम्¦दि॒व्यम्¦प॒व॒स्व॒¦धार॑या | द्यु॒ऽमन्त᳚म्¦शुष्म᳚म्¦आ¦भ॒र॒ || |
| [122] प्रधाराइति षडृचस्य सूक्तस्यांगिरसो बिंदुः पवमानसोमोगायत्री |{अष्टक:6, अध्याय:8}{मंडल:9, सूक्त:30}{अनुवाक:2, सूक्त:6} |
| प्रधारा᳚,अस्यशु॒ष्मिणो॒¦वृथा᳚प॒वित्रे᳚,अक्षरन् | पु॒ना॒नोवाच॑मिष्यति || 1 || वर्ग:20 प्र¦धाराः᳚¦अ॒स्य॒¦शु॒ष्मिणः॑¦वृथा᳚¦प॒वित्रे᳚¦अ॒क्ष॒र॒न् | पु॒ना॒नः¦वाच᳚म्¦इ॒ष्य॒ति॒ || |
| इन्दु᳚र्हिया॒नःसो॒तृभि᳚¦र्मृ॒ज्यमा᳚नः॒कनि॑क्रदत् | इय॑र्तिव॒ग्नुमि᳚न्द्रि॒यम् || 2 || इन्दुः॑¦हि॒या॒नः¦सो॒तृऽभिः॑¦मृ॒ज्यमा᳚नः¦कनि॑क्रदत् | इय॑र्ति¦व॒ग्नुम्¦इ॒न्द्रि॒यम् || |
| आनः॒शुष्मं᳚नृ॒षाह्यं᳚¦वी॒रव᳚न्तंपुरु॒स्पृह᳚म् | पव॑स्वसोम॒धार॑या || 3 || आ¦नः॒¦शुष्म᳚म्¦नृ॒ऽसह्य᳚म्¦वी॒रऽव᳚न्तम्¦पु॒रु॒ऽस्पृह᳚म् | पव॑स्व¦सो॒म॒¦धार॑या || |
| प्रसोमो॒,अति॒धार॑या॒¦पव॑मानो,असिष्यदत् | अ॒भिद्रोणा᳚न्या॒सद᳚म् || 4 || प्र¦सोमः॑¦अति॑¦धार॑या¦पव॑मानः¦अ॒सि॒स्य॒द॒त् | अ॒भि¦द्रोणा᳚नि¦आ॒ऽसद᳚म् || |
| अ॒प्सुत्वा॒मधु॑मत्तमं॒¦हरिं᳚हिन्व॒न्त्यद्रि॑भिः | इन्द॒विन्द्रा᳚यपी॒तये᳚ || 5 || अ॒प्ऽसु¦त्वा॒¦मधु॑मत्ऽतमम्¦हरि᳚म्¦हि॒न्व॒न्ति॒¦अद्रि॑ऽभिः | इन्दो॒ इति॑¦इन्द्रा᳚य¦पी॒तये᳚ || |
| सु॒नोता॒मधु॑मत्तमं॒¦सोम॒मिन्द्रा᳚यव॒ज्रिणे᳚ | चारुं॒शर्धा᳚यमत्स॒रम् || 6 || सु॒नोत॑¦मधु॑मत्ऽतमम्¦सोम᳚म्¦इन्द्रा᳚य¦व॒ज्रिणे᳚ | चारु᳚म्¦शर्धा᳚य¦म॒त्स॒रम् || |
| [123] प्रसोमासइति षडृचस्य सूक्तस्य राहूगणोगोतमःपवमान सोमोगायत्री |{अष्टक:6, अध्याय:8}{मंडल:9, सूक्त:31}{अनुवाक:2, सूक्त:7} |
| प्रसोमा᳚सःस्वा॒ध्य१॑(अः॒)¦पव॑मानासो,अक्रमुः | र॒यिंकृ᳚ण्वन्ति॒चेत॑नम् || 1 || वर्ग:21 प्र¦सोमा᳚सः¦सु॒ऽआ॒ध्यः॑¦पव॑मानासः¦अ॒क्र॒मुः॒ | र॒यिम्¦कृ॒ण्व॒न्ति॒¦चेत॑नम् || |
| दि॒वस्पृ॑थि॒व्या,अधि॒¦भवे᳚न्दोद्युम्न॒वर्ध॑नः | भवा॒वाजा᳚नां॒पतिः॑ || 2 || दि॒वः¦पृ॒थि॒व्याः¦अधि॑¦भव॑¦इ॒न्दो॒ इति॑¦द्यु॒म्न॒ऽवर्ध॑नः | भव॑¦वाजा᳚नाम्¦पतिः॑ || |
| तुभ्यं॒वाता᳚,अभि॒प्रिय॒¦स्तुभ्य॑मर्षन्ति॒सिन्ध॑वः | सोम॒वर्ध᳚न्तिते॒महः॑ || 3 || तुभ्य᳚म्¦वाताः᳚¦अ॒भि॒ऽप्रियः॑¦तुभ्य᳚म्¦अ॒र्ष॒न्ति॒¦सिन्ध॑वः | सोम॑¦वर्ध᳚न्ति¦ते॒¦महः॑ || |
| आप्या᳚यस्व॒समे᳚तुते¦वि॒श्वतः॑सोम॒वृष्ण्य᳚म् | भवा॒वाज॑स्यसंग॒थे || 4 || आ¦प्या॒य॒स्व॒¦सम्¦ए॒तु॒¦ते॒¦वि॒श्वतः॑¦सो॒म॒¦वृष्ण्य᳚म् | भव॑¦वाज॑स्य¦स॒म्ऽग॒थे || |
| तुभ्यं॒गावो᳚घृ॒तंपयो॒¦बभ्रो᳚दुदु॒ह्रे,अक्षि॑तम् | वर्षि॑ष्ठे॒,अधि॒सान॑वि || 5 || तुभ्य᳚म्¦गावः॑¦घृ॒तम्¦पयः॑¦बभ्रो॒ इति॑¦दु॒दु॒ह्रे¦अक्षि॑तम् | वर्षि॑ष्ठे¦अधि॑¦सान॑वि || |
| स्वा॒यु॒धस्य॑तेस॒तो¦भुव॑नस्यपतेव॒यम् | इन्दो᳚सखि॒त्वमु॑श्मसि || 6 || सु॒ऽआ॒यु॒धस्य॑¦ते॒¦स॒तः¦भुव॑नस्य¦प॒ते॒¦व॒यम् | इन्दो॒ इति॑¦स॒खि॒ऽत्वम्¦उ॒श्म॒सि॒ || |
| [124] प्रसोमासइति षडृचस्य सूक्तस्यात्रेयः श्यावाश्वः पवमान सोमो गायत्री {अष्टक:6, अध्याय:8}{मंडल:9, सूक्त:32}{अनुवाक:2, सूक्त:8} |
| प्रसोमा᳚सोमद॒च्युतः॒¦श्रव॑सेनोम॒घोनः॑ | सु॒तावि॒दथे᳚,अक्रमुः || 1 || वर्ग:22 प्र¦सोमा᳚सः¦म॒द॒ऽच्युतः॑¦श्रव॑से¦नः॒¦म॒घोनः॑ | सु॒ताः¦वि॒दथे᳚¦अ॒क्र॒मुः॒ || |
| आदीं᳚त्रि॒तस्य॒योष॑णो॒¦हरिं᳚हिन्व॒न्त्यद्रि॑भिः | इन्दु॒मिन्द्रा᳚यपी॒तये᳚ || 2 || आत्¦ई॒म्¦त्रि॒तस्य॑¦योष॑णः¦हरि᳚म्¦हि॒न्व॒न्ति॒¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| आदीं᳚हं॒सोयथा᳚ग॒णं¦विश्व॑स्यावीवशन्म॒तिम् | अत्यो॒नगोभि॑रज्यते || 3 || आत्¦ई॒म्¦हं॒सः¦यथा᳚¦ग॒णम्¦विश्व॑स्य¦अ॒वी॒व॒श॒त्¦म॒तिम् | अत्यः॑¦न¦गोभिः॑¦अ॒ज्य॒ते॒ || |
| उ॒भेसो᳚माव॒चाक॑शन्¦मृ॒गोनत॒क्तो,अ॑र्षसि | सीद᳚न्नृ॒तस्य॒योनि॒मा || 4 || उ॒भे इति॑¦सो॒म॒¦अ॒व॒ऽचाक॑शत्¦मृ॒गः¦न¦त॒क्तः¦अ॒र्ष॒सि॒ | सीद॑न्¦ऋ॒तस्य॑¦योनि᳚म्¦आ || |
| अ॒भिगावो᳚,अनूषत॒¦योषा᳚जा॒रमि॑वप्रि॒यम् | अग᳚न्ना॒जिंयथा᳚हि॒तम् || 5 || अ॒भि¦गावः॑¦अ॒नू॒ष॒त॒¦योषा᳚¦जा॒रम्ऽइ᳚व¦प्रि॒यम् | अग॑न्¦आ॒जिम्¦यथा᳚¦हि॒तम् || |
| अ॒स्मेधे᳚हिद्यु॒मद्यशो᳚¦म॒घव॑द्भ्यश्च॒मह्यं᳚च | स॒निंमे॒धामु॒तश्रवः॑ || 6 || अ॒स्मे इति॑¦धे॒हि॒¦द्यु॒ऽमत्¦यशः॑¦म॒घव॑त्ऽभ्यः¦च॒¦मह्य᳚म्¦च॒ | स॒निम्¦मे॒धाम्¦उ॒त¦श्रवः॑ || |
| [125] प्रसोमासइति षडृचस्य सूक्तस्याप्त्यस्त्रितः पवमान सोमोगायत्री |{अष्टक:6, अध्याय:8}{मंडल:9, सूक्त:33}{अनुवाक:2, सूक्त:9} |
| प्रसोमा᳚सोविप॒श्चितो॒¦ऽपांनय᳚न्त्यू॒र्मयः॑ | वना᳚निमहि॒षा,इ॑व || 1 || वर्ग:23 प्र¦सोमा᳚सः¦वि॒पः॒ऽचितः॑¦अ॒पाम्¦न¦य॒न्ति॒¦ऊ॒र्मयः॑ | वना᳚नि¦म॒हि॒षाःऽइ᳚व || |
| अ॒भिद्रोणा᳚निब॒भ्रवः॑¦शु॒क्रा,ऋ॒तस्य॒धार॑या | वाजं॒गोम᳚न्तमक्षरन् || 2 || अ॒भि¦द्रोणा᳚नि¦ब॒भ्रवः॑¦शु॒क्राः¦ऋ॒तस्य॑¦धार॑या | वाज᳚म्¦गोऽम᳚न्तम्¦अ॒क्ष॒र॒न् || |
| सु॒ता,इन्द्रा᳚यवा॒यवे॒¦वरु॑णायम॒रुद्भ्यः॑ | सोमा᳚,अर्षन्ति॒विष्ण॑वे || 3 || सु॒ताः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमाः᳚¦अ॒र्ष॒न्ति॒¦विष्ण॑वे || |
| ति॒स्रोवाच॒उदी᳚रते॒¦गावो᳚मिमन्तिधे॒नवः॑ | हरि॑रेति॒कनि॑क्रदत् || 4 || ति॒स्रः¦वाचः॑¦उत्¦ई॒र॒ते॒¦गावः॑¦मि॒म॒न्ति॒¦धे॒नवः॑ | हरिः॑¦ए॒ति॒¦कनि॑क्रदत् || |
| अ॒भिब्रह्मी᳚रनूषत¦य॒ह्वीरृ॒तस्य॑मा॒तरः॑ | म॒र्मृ॒ज्यन्ते᳚दि॒वःशिशु᳚म् || 5 || अ॒भि¦ब्रह्मीः᳚¦अ॒नू॒ष॒त॒¦य॒ह्वीः¦ऋ॒तस्य॑¦मा॒तरः॑ | म॒र्मृ॒ज्यन्ते᳚¦दि॒वः¦शिशु᳚म् || |
| रा॒यःस॑मु॒द्राँश्च॒तुरो॒¦ऽस्मभ्यं᳚सोमवि॒श्वतः॑ | आप॑वस्वसह॒स्रिणः॑ || 6 || रा॒यः¦स॒मु॒द्रान्¦च॒तुरः॑¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिणः॑ || |
| [126] प्रसुवानइति षडृचस्य सूक्तस्याप्त्यस्त्रितः पवमान सोमोगायत्री |{अष्टक:6, अध्याय:8}{मंडल:9, सूक्त:34}{अनुवाक:2, सूक्त:10} |
| प्रसु॑वा॒नोधार॑या॒तनेन्¦दु᳚र्हिन्वा॒नो,अ॑र्षति | रु॒जद्दृ॒ळ्हाव्योज॑सा || 1 || वर्ग:24 प्र¦सु॒वा॒नः¦धार॑या¦तना᳚¦इन्दुः॑¦हि॒न्वा॒नः¦अ॒र्ष॒ति॒ | रु॒जत्¦दृ॒ळ्हा¦वि¦ओज॑सा || |
| सु॒तइन्द्रा᳚यवा॒यवे॒¦वरु॑णायम॒रुद्भ्यः॑ | सोमो᳚,अर्षति॒विष्ण॑वे || 2 || सु॒तः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमः॑¦अ॒र्ष॒ति॒¦विष्ण॑वे || |
| वृषा᳚णं॒वृष॑भिर्य॒तं¦सु॒न्वन्ति॒सोम॒मद्रि॑भिः | दु॒हन्ति॒शक्म॑ना॒पयः॑ || 3 || वृषा᳚णम्¦वृष॑ऽभिः¦य॒तम्¦सु॒न्वन्ति॑¦सोम᳚म्¦अद्रि॑ऽभिः | दु॒हन्ति॑¦शक्म॑ना¦पयः॑ || |
| भुव॑त्त्रि॒तस्य॒मर्ज्यो॒¦भुव॒दिन्द्रा᳚यमत्स॒रः | संरू॒पैर॑ज्यते॒¦हरिः॑ || 4 || भुव॑त्¦त्रि॒तस्य॑¦मर्ज्यः॑¦भुव॑त्¦इन्द्रा᳚य¦म॒त्स॒रः | सम्¦रू॒पैः¦अ॒ज्य॒ते॒¦हरिः॑ || |
| अ॒भीमृ॒तस्य॑वि॒ष्टपं᳚¦दुह॒तेपृश्नि॑मातरः | चारु॑प्रि॒यत॑मंह॒विः || 5 || अ॒भि¦ई॒म्¦ऋ॒तस्य॑¦वि॒ष्टप᳚म्¦दु॒ह॒ते¦पृश्नि॑ऽमातरः | चारु॑¦प्रि॒यऽत॑मम्¦ह॒विः || |
| समे᳚न॒मह्रु॑ता,इ॒मा¦गिरो᳚,अर्षन्तिस॒स्रुतः॑ | धे॒नूर्वा॒श्रो,अ॑वीवशत् || 6 || सम्¦ए॒न॒म्¦अह्रु॑ताः¦इ॒माः¦गिरः॑¦अ॒र्ष॒न्ति॒¦स॒ऽस्रुतः॑ | धे॒नूः¦वा॒श्रः¦अ॒वी॒व॒श॒त् || |
| [127] आनःपवस्वेति षडृचस्य सूक्तस्यांगिरसःप्रभूवसुः पवमानसोमोगायत्री | {अष्टक:6, अध्याय:8}{मंडल:9, सूक्त:35}{अनुवाक:2, सूक्त:11} |
| आनः॑पवस्व॒धार॑या॒¦पव॑मानर॒यिंपृ॒थुम् | यया॒ज्योति᳚र्वि॒दासि॑नः || 1 || वर्ग:25 आ¦नः॒¦प॒व॒स्व॒¦धार॑या¦पव॑मान¦र॒यिम्¦पृ॒थुम् | यया᳚¦ज्योतिः॑¦वि॒दासि॑¦नः॒ || |
| इन्दो᳚समुद्रमीङ्खय॒¦पव॑स्वविश्वमेजय | रा॒योध॒र्तान॒ओज॑सा || 2 || इन्दो॒ इति॑¦स॒मु॒द्र॒म्ऽई॒ङ्ख॒य॒¦पव॑स्व¦वि॒श्व॒म्ऽए॒ज॒य॒ | रा॒यः¦ध॒र्ता¦नः॒¦ओज॑सा || |
| त्वया᳚वी॒रेण॑वीरवो॒¦ऽभिष्या᳚मपृतन्य॒तः | क्षरा᳚णो,अ॒भिवार्य᳚म् || 3 || त्वया᳚¦वी॒रेण॑¦वी॒र॒ऽवः॒¦अ॒भि¦स्या॒म॒¦पृ॒त॒न्य॒तः | क्षर॑¦नः॒¦अ॒भि¦वार्य᳚म् || |
| प्रवाज॒मिन्दु॑रिष्यति॒¦सिषा᳚सन्वाज॒सा,ऋषिः॑ | व्र॒तावि॑दा॒नआयु॑धा || 4 || प्र¦वाज᳚म्¦इन्दुः॑¦इ॒ष्य॒ति॒¦सिसा᳚सन्¦वा॒ज॒ऽसाः¦ऋषिः॑ | व्र॒ता¦वि॒दा॒नः¦आयु॑धा || |
| तंगी॒र्भिर्वा᳚चमीङ्ख॒यं¦पु॑ना॒नंवा᳚सयामसि | सोमं॒जन॑स्य॒गोप॑तिम् || 5 || तम्¦गीः॒ऽभिः¦वा॒च॒म्ऽई॒ङ्ख॒यम्¦पु॒ना॒नम्¦वा॒स॒या॒म॒सि॒ | सोम᳚म्¦जन॑स्य¦गोऽप॑तिम् || |
| विश्वो॒यस्य᳚व्र॒तेजनो᳚¦दा॒धार॒धर्म॑ण॒स्पतेः᳚ | पु॒ना॒नस्य॑प्र॒भूव॑सोः || 6 || विश्वः॑¦यस्य॑¦व्र॒ते¦जनः॑¦दा॒धार॑¦धर्म॑णः¦पतेः᳚ | पु॒ना॒नस्य॑¦प्र॒भुऽव॑सोः || |
| [128] असर्जीति षडृचस्य सूक्तस्यांगिरसः प्रभूवसुः पवमानसोमोगायत्री |{अष्टक:6, अध्याय:8}{मंडल:9, सूक्त:36}{अनुवाक:2, सूक्त:12} |
| अस॑र्जि॒रथ्यो᳚यथा¦प॒वित्रे᳚च॒म्वोः᳚सु॒तः | कार्ष्म᳚न्वा॒जीन्य॑क्रमीत् || 1 || वर्ग:26 अस॑र्जि¦रथ्यः॑¦य॒था॒¦प॒वित्रे᳚¦च॒म्वोः᳚¦सु॒तः | कार्ष्म॑न्¦वा॒जी¦नि¦अ॒क्र॒मी॒त् || |
| सवह्निः॑सोम॒जागृ॑विः॒¦पव॑स्वदेव॒वीरति॑ | अ॒भिकोशं᳚मधु॒श्चुत᳚म् || 2 || सः¦वह्निः॑¦सो॒म॒¦जागृ॑विः¦पव॑स्व¦दे॒व॒ऽवीः¦अति॑ | अ॒भि¦कोश᳚म्¦म॒धु॒ऽश्चुत᳚म् || |
| सनो॒ज्योतीं᳚षिपूर्व्य॒¦पव॑मान॒विरो᳚चय | क्रत्वे॒दक्षा᳚यनोहिनु || 3 || सः¦नः॒¦ज्योतीं᳚षि¦पू॒र्व्य॒¦पव॑मान¦वि¦रो॒च॒य॒ | क्रत्वे᳚¦दक्षा᳚य¦नः॒¦हि॒नु॒ || |
| शु॒म्भमा᳚नऋता॒युभि᳚¦र्मृ॒ज्यमा᳚नो॒गभ॑स्त्योः | पव॑ते॒वारे᳚,अ॒व्यये᳚ || 4 || शु॒म्भमा᳚नः¦ऋ॒त॒युऽभिः॑¦मृ॒ज्यमा᳚नः¦गभ॑स्त्योः | पव॑ते¦वारे᳚¦अ॒व्यये᳚ || |
| सविश्वा᳚दा॒शुषे॒वसु॒¦सोमो᳚दि॒व्यानि॒पार्थि॑वा | पव॑ता॒मान्तरि॑क्ष्या || 5 || सः¦विश्वा᳚¦दा॒शुषे᳚¦वसु॑¦सोमः॑¦दि॒व्यानि॑¦पार्थि॑वा | पव॑ताम्¦आ¦अ॒न्तरि॑क्ष्या || |
| आदि॒वस्पृ॒ष्ठम॑श्व॒यु¦र्ग᳚व्य॒युःसो᳚मरोहसि | वी॒र॒युःश॑वसस्पते || 6 || आ¦दि॒वः¦पृ॒ष्ठम्¦अ॒श्व॒ऽयुः¦ग॒व्य॒ऽयुः¦सो॒म॒¦रो॒ह॒सि॒ | वी॒र॒ऽयुः¦श॒व॒सः॒¦प॒ते॒ || |
| [129] ससुतइति षडृचस्यसूक्तस्यांगिरसोरहूगणः पवमान सोमो गायत्री |{अष्टक:6, अध्याय:8}{मंडल:9, सूक्त:37}{अनुवाक:2, सूक्त:13} |
| ससु॒तःपी॒तये॒वृषा॒¦सोमः॑प॒वित्रे᳚,अर्षति | वि॒घ्नन्रक्षां᳚सिदेव॒युः || 1 || वर्ग:27 सः¦सु॒तः¦पी॒तये᳚¦वृषा᳚¦सोमः॑¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| सप॒वित्रे᳚विचक्ष॒णो¦हरि॑रर्षतिधर्ण॒सिः | अ॒भियोनिं॒कनि॑क्रदत् || 2 || सः¦प॒वित्रे᳚¦वि॒ऽच॒क्ष॒णः¦हरिः॑¦अ॒र्ष॒ति॒¦ध॒र्ण॒सिः | अ॒भि¦योनि᳚म्¦कनि॑क्रदत् || |
| सवा॒जीरो᳚च॒नादि॒वः¦पव॑मानो॒विधा᳚वति | र॒क्षो॒हावार॑म॒व्यय᳚म् || 3 || सः¦वा॒जी¦रो॒च॒ना¦दि॒वः¦पव॑मानः¦वि¦धा॒व॒ति॒ | र॒क्षः॒ऽहा¦वार᳚म्¦अ॒व्यय᳚म् || |
| सत्रि॒तस्याधि॒सान॑वि॒¦पव॑मानो,अरोचयत् | जा॒मिभिः॒सूर्यं᳚स॒ह || 4 || सः¦त्रि॒तस्य॑¦अधि॑¦सान॑वि¦पव॑मानः¦अ॒रो॒च॒य॒त् | जा॒मिऽभिः॑¦सूर्य᳚म्¦स॒ह || |
| सवृ॑त्र॒हावृषा᳚सु॒तो¦व॑रिवो॒विददा᳚भ्यः | सोमो॒वाज॑मिवासरत् || 5 || सः¦वृ॒त्र॒ऽहा¦वृषा᳚¦सु॒तः¦व॒रि॒वः॒ऽवित्¦अदा᳚भ्यः | सोमः॑¦वाज᳚म्ऽइव¦अ॒स॒र॒त् || |
| सदे॒वःक॒विने᳚षि॒तो॒३॑(ओ॒)¦ऽभिद्रोणा᳚निधावति | इन्दु॒रिन्द्रा᳚यमं॒हना᳚ || 6 || सः¦दे॒वः¦क॒विना᳚¦इ॒षि॒तः¦अ॒भि¦द्रोणा᳚नि¦धा॒व॒ति॒ | इन्दुः॑¦इन्द्रा᳚य¦मं॒हना᳚ || |
| [130] एषउस्यइति षडृचस्य सूक्तस्यांगिरसोरहूगणः पवमान सोमोगायत्री |{अष्टक:6, अध्याय:8}{मंडल:9, सूक्त:38}{अनुवाक:2, सूक्त:14} |
| ए॒षउ॒स्यवृषा॒रथो¦ऽव्यो॒वारे᳚भिरर्षति | गच्छ॒न्वाजं᳚सह॒स्रिण᳚म् || 1 || वर्ग:28 ए॒षः¦ऊँ॒ इति॑¦स्यः¦वृषा᳚¦रथः॑¦अव्यः॑¦वारे᳚भिः¦अ॒र्ष॒ति॒ | गच्छ॑न्¦वाज᳚म्¦स॒ह॒स्रिण᳚म् || |
| ए॒तंत्रि॒तस्य॒योष॑णो॒¦हरिं᳚हिन्व॒न्त्यद्रि॑भिः | इन्दु॒मिन्द्रा᳚यपी॒तये᳚ || 2 || ए॒तम्¦त्रि॒तस्य॑¦योष॑णः¦हरि᳚म्¦हि॒न्व॒न्ति॒¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| ए॒तंत्यंह॒रितो॒दश॑¦मर्मृ॒ज्यन्ते᳚,अप॒स्युवः॑ | याभि॒र्मदा᳚य॒शुम्भ॑ते || 3 || ए॒तम्¦त्यम्¦ह॒रितः॑¦दश॑¦म॒र्मृ॒ज्यन्ते᳚¦अ॒प॒स्युवः॑ | याभिः॑¦मदा᳚य¦शुम्भ॑ते || |
| ए॒षस्यमानु॑षी॒ष्वा¦श्ये॒नोनवि॒क्षुसी᳚दति | गच्छ᳚ञ्जा॒रोनयो॒षित᳚म् || 4 || ए॒षः¦स्यः¦मानु॑षीषु¦आ¦श्ये॒नः¦न¦वि॒क्षु¦सी॒द॒ति॒ | गच्छ॑न्¦जा॒रः¦न¦यो॒षित᳚म् || |
| ए॒षस्यमद्यो॒रसो¦ऽव॑चष्टेदि॒वःशिशुः॑ | यइन्दु॒र्वार॒मावि॑शत् || 5 || ए॒षः¦स्यः¦मद्यः॑¦रसः॑¦अव॑¦च॒ष्टे॒¦दि॒वः¦शिशुः॑ | यः¦इन्दुः॑¦वार᳚म्¦आ¦अवि॑शत् || |
| ए॒षस्यपी॒तये᳚सु॒तो¦हरि॑रर्षतिधर्ण॒सिः | क्रन्द॒न्योनि॑म॒भिप्रि॒यम् || 6 || ए॒षः¦स्यः¦पी॒तये᳚¦सु॒तः¦हरिः॑¦अ॒र्ष॒ति॒¦ध॒र्ण॒सिः | क्रन्द॑न्¦योनि᳚म्¦अ॒भि¦प्रि॒यम् || |
| [131] आशुरर्षेति षडृचस्य सूक्तस्यांगिरसो बृहन्मतिः पवमानसोमोगायत्री |{अष्टक:6, अध्याय:8}{मंडल:9, सूक्त:39}{अनुवाक:2, सूक्त:15} |
| आ॒शुर॑र्षबृहन्मते॒¦परि॑प्रि॒येण॒धाम्ना᳚ | यत्र॑दे॒वा,इति॒ब्रव॑न् || 1 || वर्ग:29 आ॒शुः¦अ॒र्ष॒¦बृ॒ह॒त्ऽम॒ते॒¦परि॑¦प्रि॒येण॑¦धाम्ना᳚ | यत्र॑¦दे॒वाः¦इति॑¦ब्रव॑न् || |
| प॒रि॒ष्कृ॒ण्वन्ननि॑ष्कृतं॒¦जना᳚यया॒तय॒न्निषः॑ | वृ॒ष्टिंदि॒वःपरि॑स्रव || 2 || प॒रि॒ऽकृ॒ण्वन्¦अनिः॑ऽकृतम्¦जना᳚य¦या॒तय॑न्¦इषः॑ | वृ॒ष्टिम्¦दि॒वः¦परि॑¦स्र॒व॒ || |
| सु॒तए᳚तिप॒वित्र॒आ¦त्विषिं॒दधा᳚न॒ओज॑सा | वि॒चक्षा᳚णोविरो॒चय॑न् || 3 || सु॒तः¦ए॒ति॒¦प॒वित्रे᳚¦आ¦त्विषि᳚म्¦दधा᳚नः¦ओज॑सा | वि॒ऽचक्षा᳚णः¦वि॒ऽरो॒चय॑न् || |
| अ॒यंसयोदि॒वस्परि॑¦रघु॒यामा᳚प॒वित्र॒आ | सिन्धो᳚रू॒र्माव्यक्ष॑रत् || 4 || अ॒यम्¦सः¦यः¦दि॒वः¦परि॑¦र॒घु॒ऽयामा᳚¦प॒वित्रे᳚¦आ | सिन्धोः᳚¦ऊ॒र्मा¦वि¦अक्ष॑रत् || |
| आ॒विवा᳚सन्परा॒वतो॒,¦अथो᳚,अर्वा॒वतः॑सु॒तः | इन्द्रा᳚यसिच्यते॒मधु॑ || 5 || आ॒ऽविवा᳚सन्¦प॒रा॒ऽवतः॑¦अथो॒ इति॑¦अ॒र्वा॒ऽवतः॑¦सु॒तः | इन्द्रा᳚य¦सि॒च्य॒ते॒¦मधु॑ || |
| स॒मी॒ची॒ना,अ॑नूषत॒¦हरिं᳚हिन्व॒न्त्यद्रि॑भिः | योना᳚वृ॒तस्य॑सीदत || 6 || स॒म्ऽई॒ची॒नाः¦अ॒नू॒ष॒त॒¦हरि᳚म्¦हि॒न्व॒न्ति॒¦अद्रि॑ऽभिः | योनौ᳚¦ऋ॒तस्य॑¦सी॒द॒त॒ || |
| [132] पुनानइति षडृचस्य सूक्तस्यांगिरसो बृहन्मतिः पवमानसोमोगायत्री |{अष्टक:6, अध्याय:8}{मंडल:9, सूक्त:40}{अनुवाक:2, सूक्त:16} |
| पु॒ना॒नो,अ॑क्रमीद॒भि¦विश्वा॒मृधो॒विच॑र्षणिः | शु॒म्भन्ति॒विप्रं᳚धी॒तिभिः॑ || 1 || वर्ग:30 पु॒ना॒नः¦अ॒क्र॒मी॒त्¦अ॒भि¦विश्वाः᳚¦मृधः॑¦विऽच॑र्षणिः | शु॒म्भन्ति॑¦विप्र᳚म्¦धी॒तिऽभिः॑ || |
| आयोनि॑मरु॒णोरु॑ह॒द्¦गम॒दिन्द्रं॒वृषा᳚सु॒तः | ध्रु॒वेसद॑सिसीदति || 2 || आ¦योनि᳚म्¦अ॒रु॒णः¦रु॒ह॒त्¦गम॑त्¦इन्द्र᳚म्¦वृषा᳚¦सु॒तः | ध्रु॒वे¦सद॑सि¦सी॒द॒ति॒ || |
| नूनो᳚र॒यिंम॒हामि᳚न्दो॒¦ऽस्मभ्यं᳚सोमवि॒श्वतः॑ | आप॑वस्वसह॒स्रिण᳚म् || 3 || नु¦नः॒¦र॒यिम्¦म॒हाम्¦इ॒न्दो॒ इति॑¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिण᳚म् || |
| विश्वा᳚सोमपवमान¦द्यु॒म्नानी᳚न्द॒वाभ॑र | वि॒दाःस॑ह॒स्रिणी॒रिषः॑ || 4 || विश्वा᳚¦सो॒म॒¦प॒व॒मा॒न॒¦द्यु॒म्नानि॑¦इ॒न्दो॒ इति॑¦आ¦भ॒र॒ | वि॒दाः¦स॒ह॒स्रिणीः᳚¦इषः॑ || |
| सनः॑पुना॒नआभ॑र¦र॒यिंस्तो॒त्रेसु॒वीर्य᳚म् | ज॒रि॒तुर्व॑र्धया॒गिरः॑ || 5 || सः¦नः॒¦पु॒ना॒नः¦आ¦भ॒र॒¦र॒यिम्¦स्तो॒त्रे¦सु॒ऽवीर्य᳚म् | ज॒रि॒तुः¦व॒र्ध॒य॒¦गिरः॑ || |
| पु॒ना॒नइ᳚न्द॒वाभ॑र॒¦सोम॑द्वि॒बर्ह॑संर॒यिम् | वृष᳚न्निन्दोनउ॒क्थ्य᳚म् || 6 || पु॒ना॒नः¦इ॒न्दो॒ इति॑¦आ¦भ॒र॒¦सोम॑¦द्वि॒ऽबर्ह॑सम्¦र॒यिम् | वृष॑न्¦इ॒न्दो॒ इति॑¦नः॒¦उ॒क्थ्य᳚म् || |
| [133] प्रयेगावइतिषडृचस्य सूक्तस्यकाण्वोमेध्यातिथिः पवमानसोमो गायत्री |{अष्टक:6, अध्याय:8}{मंडल:9, सूक्त:41}{अनुवाक:2, सूक्त:17} |
| प्रयेगावो॒नभूर्ण॑य¦स्त्वे॒षा,अ॒यासो॒,अक्र॑मुः | घ्नन्तः॑कृ॒ष्णामप॒त्वच᳚म् || 1 || वर्ग:31 प्र¦ये¦गावः॑¦न¦भूर्ण॑यः¦त्वे॒षाः¦अ॒यासः॑¦अक्र॑मुः | घ्नन्तः॑¦कृ॒ष्णाम्¦अप॑¦त्वच᳚म् || |
| सु॒वि॒तस्य॑मनाम॒हे¦ऽति॒सेतुं᳚दुरा॒व्य᳚म् | सा॒ह्वांसो॒दस्यु॑मव्र॒तम् || 2 || सु॒वि॒तस्य॑¦म॒ना॒म॒हे॒¦अति॑¦सेतु᳚म्¦दुः॒ऽआ॒व्य᳚म् | स॒ह्वांसः॑¦दस्यु᳚म्¦अ॒व्र॒तम् || |
| शृ॒ण्वेवृ॒ष्टेरि॑वस्व॒नः¦पव॑मानस्यशु॒ष्मिणः॑ | चर᳚न्तिवि॒द्युतो᳚दि॒वि || 3 || शृ॒ण्वे¦वृ॒ष्टेःऽइ᳚व¦स्व॒नः¦पव॑मानस्य¦शु॒ष्मिणः॑ | चर᳚न्ति¦वि॒ऽद्युतः॑¦दि॒वि || |
| आप॑वस्वम॒हीमिषं॒¦गोम॑दिन्दो॒हिर᳚ण्यवत् | अश्वा᳚व॒द्वाज॑वत्सु॒तः || 4 || आ¦प॒व॒स्व॒¦म॒हीम्¦इष᳚म्¦गोऽम॑त्¦इ॒न्दो॒ इति॑¦हिर᳚ण्यऽवत् | अश्व॑ऽवत्¦वाज॑ऽवत्¦सु॒तः || |
| सप॑वस्वविचर्षण॒¦आम॒हीरोद॑सीपृण | उ॒षाःसूर्यो॒नर॒श्मिभिः॑ || 5 || सः¦प॒व॒स्व॒¦वि॒ऽच॒र्ष॒णे॒¦आ¦मा॒ही इति॑¦रोद॑सी॒ इति॑¦पृ॒ण॒ | उ॒षाः¦सूर्यः॑¦न¦र॒श्मिऽभिः॑ || |
| परि॑णःशर्म॒यन्त्या॒¦धार॑यासोमवि॒श्वतः॑ | सरा᳚र॒सेव॑वि॒ष्टप᳚म् || 6 || परि॑¦नः॒¦श॒र्म॒ऽयन्त्या᳚¦धार॑या¦सो॒म॒¦वि॒श्वतः॑ | सर॑¦र॒साऽइ᳚व¦वि॒ष्टप᳚म् || |
| [134] जनयन्नितिषडृचस्य सूक्तस्यकाण्वोमेध्यातिथिः पवमानसोमो गायत्री |{अष्टक:6, अध्याय:8}{मंडल:9, सूक्त:42}{अनुवाक:2, सूक्त:18} |
| ज॒नय᳚न्रोच॒नादि॒वो¦ज॒नय᳚न्न॒प्सुसूर्य᳚म् | वसा᳚नो॒गा,अ॒पोहरिः॑ || 1 || वर्ग:32 ज॒नय॑न्¦रो॒च॒ना¦दि॒वः¦ज॒नय॑न्¦अ॒प्ऽसु¦सूर्य᳚म् | वसा᳚नः¦गाः¦अ॒पः¦हरिः॑ || |
| ए॒षप्र॒त्नेन॒मन्म॑ना¦दे॒वोदे॒वेभ्य॒स्परि॑ | धार॑यापवतेसु॒तः || 2 || ए॒षः¦प्र॒त्नेन॑¦मन्म॑ना¦दे॒वः¦दे॒वेभ्यः॑¦परि॑ | धार॑या¦प॒व॒ते॒¦सु॒तः || |
| वा॒वृ॒धा॒नाय॒तूर्व॑ये॒¦पव᳚न्ते॒वाज॑सातये | सोमाः᳚स॒हस्र॑पाजसः || 3 || व॒वृ॒धा॒नाय॑¦तूर्व॑ये¦पव᳚न्ते¦वाज॑ऽसातये | सोमाः᳚¦स॒हस्र॑ऽपाजसः || |
| दु॒हा॒नःप्र॒त्नमित्पयः॑¦प॒वित्रे॒परि॑षिच्यते | क्रन्द᳚न्दे॒वाँ,अ॑जीजनत् || 4 || दु॒हा॒नः¦प्र॒त्नम्¦इत्¦पयः॑¦प॒वित्रे᳚¦परि॑¦सि॒च्य॒ते॒ | क्रन्द॑न्¦दे॒वान्¦अ॒जी॒ज॒न॒त् || |
| अ॒भिविश्वा᳚नि॒वार्या॒¦भिदे॒वाँ,ऋ॑ता॒वृधः॑ | सोमः॑पुना॒नो,अ॑र्षति || 5 || अ॒भि¦विश्वा᳚नि¦वार्या᳚¦अ॒भि¦दे॒वान्¦ऋ॒त॒ऽवृधः॑ | सोमः॑¦पु॒ना॒नः¦अ॒र्ष॒ति॒ || |
| गोम᳚न्नःसोमवी॒रव॒¦दश्वा᳚व॒द्वाज॑वत्सु॒तः | पव॑स्वबृह॒तीरिषः॑ || 6 || गोऽम॑त्¦नः॒¦सो॒म॒¦वी॒रऽव॑त्¦अश्व॑ऽवत्¦वाज॑ऽवत्¦सु॒तः | पव॑स्व¦बृ॒ह॒तीः¦इषः॑ || |
| [135] योअत्यइवेतिषडृचस्य सूक्तस्यकाण्वोमेध्यातिथिः पवमानसोमो गायत्री |{अष्टक:6, अध्याय:8}{मंडल:9, सूक्त:43}{अनुवाक:2, सूक्त:19} |
| यो,अत्य॑इवमृ॒ज्यते॒¦गोभि॒र्मदा᳚यहर्य॒तः | तंगी॒र्भिर्वा᳚सयामसि || 1 || वर्ग:33 यः¦अत्यः॑ऽइव¦मृ॒ज्यते᳚¦गोभिः॑¦मदा᳚य¦ह॒र्य॒तः | तम्¦गीः॒ऽभिः¦वा॒स॒या॒म॒सि॒ || |
| तंनो॒विश्वा᳚,अव॒स्युवो॒¦गिरः॑शुम्भन्तिपू॒र्वथा᳚ | इन्दु॒मिन्द्रा᳚यपी॒तये᳚ || 2 || तम्¦नः॒¦विश्वाः᳚¦अ॒व॒स्युवः॑¦गिरः॑¦शु॒म्भ॒न्ति॒¦पू॒र्वऽथा᳚ | इन्दु᳚म्¦इन्द्रा᳚य¦पी॒तये᳚ || |
| पु॒ना॒नोया᳚तिहर्य॒तः¦सोमो᳚गी॒र्भिःपरि॑ष्कृतः | विप्र॑स्य॒मेध्या᳚तिथेः || 3 || पु॒ना॒नः¦या॒ति॒¦ह॒र्य॒तः¦सोमः॑¦गीः॒ऽभिः¦परि॑ऽकृतः | विप्र॑स्य¦मेध्य॑।आतिथेः || |
| पव॑मानवि॒दार॒यि¦म॒स्मभ्यं᳚सोमसु॒श्रिय᳚म् | इन्दो᳚स॒हस्र॑वर्चसम् || 4 || पव॑मान¦वि॒दाः¦र॒यिम्¦अ॒स्मभ्य᳚म्¦सो॒म॒¦सु॒ऽश्रिय᳚म् | इन्दो॒ इति॑¦स॒हस्र॑ऽवर्चसम् || |
| इन्दु॒रत्यो॒नवा᳚ज॒सृत्¦कनि॑क्रन्तिप॒वित्र॒आ | यदक्षा॒रति॑देव॒युः || 5 || इन्दुः॑¦अत्यः॑¦न¦वा॒ज॒ऽसृत्¦कनि॑क्रन्ति¦प॒वित्रे᳚¦आ | यत्¦अक्षाः᳚¦अति॑¦दे॒व॒ऽयुः || |
| पव॑स्व॒वाज॑सातये॒¦विप्र॑स्यगृण॒तोवृ॒धे | सोम॒रास्व॑सु॒वीर्य᳚म् || 6 || पव॑स्व¦वाज॑ऽसातये¦विप्र॑स्य¦गृ॒ण॒तः¦वृ॒धे | सोम॑¦रास्व॑¦सु॒ऽवीर्य᳚म् || |