| [1] प्रणइंदविति षडृचस्य सूक्तस्यांगिरसोयास्यः पवमानसोमो गायत्री | (पवमान पारायण तृतीयोध्यायः){अष्टक:7, अध्याय:1}{मंडल:9, सूक्त:44}{अनुवाक:2, सूक्त:20} |
| प्रण॑इन्दोम॒हेतन॑ऊ॒र्मिंनबिभ्र॑दर्षसि |{आङ्गिरसो यास्यः | पवमानः सोमः | गायत्री} अ॒भिदे॒वाँ,अ॒यास्यः॒(स्वाहा᳚) || 1 || वर्ग:1 प्र¦नः॒¦इ॒न्दो॒ इति॑¦म॒हे¦तने᳚¦ऊ॒र्मिम्¦न¦बिभ्र॑त्¦अ॒र्ष॒सि॒ | अ॒भि¦दे॒वान्¦अ॒यास्यः॑ || |
| म॒तीजु॒ष्टोधि॒याहि॒तःसोमो᳚हिन्वेपरा॒वति॑ |{आङ्गिरसो यास्यः | पवमानः सोमः | गायत्री} विप्र॑स्य॒धार॑याक॒विः(स्वाहा᳚) || 2 || म॒ती¦जु॒ष्टः¦धि॒या¦हि॒तः¦सोमः॑¦हि॒न्वे॒¦प॒रा॒ऽवति॑ | विप्र॑स्य¦धार॑या¦क॒विः || |
| अ॒यंदे॒वेषु॒जागृ॑विःसु॒तए᳚तिप॒वित्र॒आ |{आङ्गिरसो यास्यः | पवमानः सोमः | गायत्री} सोमो᳚याति॒विच॑र्षणिः॒(स्वाहा᳚) || 3 || अ॒यम्¦दे॒वेषु॑¦जागृ॑विः¦सु॒तः¦ए॒ति॒¦प॒वित्रे᳚¦आ | सोमः॑¦या॒ति॒¦विऽच॑र्षणिः || |
| सनः॑पवस्ववाज॒युश्च॑क्रा॒णश्चारु॑मध्व॒रम् |{आङ्गिरसो यास्यः | पवमानः सोमः | गायत्री} ब॒र्हिष्माँ॒,आवि॑वासति॒(स्वाहा᳚) || 4 || सः¦नः॒¦प॒व॒स्व॒¦वा॒ज॒ऽयुः¦च॒क्रा॒णः¦चारु᳚म्¦अ॒ध्व॒रम् | ब॒र्हिष्मा᳚न्¦आ¦वि॒वा॒स॒ति॒ || |
| सनो॒भगा᳚यवा॒यवे॒विप्र॑वीरःस॒दावृ॑धः |{आङ्गिरसो यास्यः | पवमानः सोमः | गायत्री} सोमो᳚दे॒वेष्वाय॑म॒त्(स्वाहा᳚) || 5 || सः¦नः॒¦भगा᳚य¦वा॒यवे᳚¦विप्र॑ऽवीरः¦स॒दाऽवृ॑धः | सोमः॑¦दे॒वेषु॑¦आ¦य॒म॒त् || |
| सनो᳚,अ॒द्यवसु॑त्तयेक्रतु॒विद्गा᳚तु॒वित्त॑मः |{आङ्गिरसो यास्यः | पवमानः सोमः | गायत्री} वाजं᳚जेषि॒श्रवो᳚बृ॒हत्(स्वाहा᳚) || 6 || सः¦नः॒¦अ॒द्य¦वसु॑त्तये¦क्र॒तु॒ऽवित्¦गा॒तु॒वित्ऽत॑मः | वाज᳚म्¦जे॒षि॒¦श्रवः॑¦बृ॒हत् || |
| [2] स पवस्वेति षडृचस्य सूक्तस्यांगिरसोयास्यः पवमानसोमो गायत्री |{अष्टक:7, अध्याय:1}{मंडल:9, सूक्त:45}{अनुवाक:2, सूक्त:21} |
| सप॑वस्व॒मदा᳚य॒कंनृ॒चक्षा᳚दे॒ववी᳚तये |{आङ्गिरसो यास्यः | पवमानः सोमः | गायत्री} इन्द॒विन्द्रा᳚यपी॒तये॒(स्वाहा᳚) || 1 || वर्ग:2 सः¦प॒व॒स्व॒¦मदा᳚य¦कम्¦नृ॒ऽचक्षाः᳚¦दे॒वऽवी᳚तये | इन्दो॒ इति॑¦इन्द्रा᳚य¦पी॒तये᳚ || |
| सनो᳚,अर्षा॒भिदू॒त्य१॑(अं॒)त्वमिन्द्रा᳚यतोशसे |{आङ्गिरसो यास्यः | पवमानः सोमः | गायत्री} दे॒वान्त्सखि॑भ्य॒आवर॒म्(स्वाहा᳚) || 2 || सः¦नः॒¦अ॒र्ष॒¦अ॒भि¦दू॒त्य᳚म्¦त्वम्¦इन्द्रा᳚य¦तो॒श॒से॒ | दे॒वान्¦सखि॑ऽभ्यः¦आ¦वर᳚म् || |
| उ॒तत्वाम॑रु॒णंव॒यंगोभि॑रञ्ज्मो॒मदा᳚य॒कम् |{आङ्गिरसो यास्यः | पवमानः सोमः | गायत्री} विनो᳚रा॒येदुरो᳚वृधि॒(स्वाहा᳚) || 3 || उ॒त¦त्वाम्¦अ॒रु॒णम्¦व॒यम्¦गोभिः॑¦अं॒ज्मः॒¦मदा᳚य¦कम् | वि¦नः॒¦रा॒ये¦दुरः॑¦वृ॒धि॒ || |
| अत्यू᳚प॒वित्र॑मक्रमीद्वा॒जीधुरं॒नयाम॑नि |{आङ्गिरसो यास्यः | पवमानः सोमः | गायत्री} इन्दु॑र्दे॒वेषु॑पत्यते॒(स्वाहा᳚) || 4 || अति॑¦ऊँ॒ इति॑¦प॒वित्र᳚म्¦अ॒क्र॒मी॒त्¦वा॒जी¦धुर᳚म्¦न¦याम॑नि | इन्दुः॑¦दे॒वेषु॑¦प॒त्य॒ते॒ || |
| समी॒सखा᳚यो,अस्वर॒न्वने॒क्रीळ᳚न्त॒मत्य॑विम् |{आङ्गिरसो यास्यः | पवमानः सोमः | गायत्री} इन्दुं᳚ना॒वा,अ॑नूषत॒(स्वाहा᳚) || 5 || सम्¦ई॒मिति॑¦सखा᳚यः¦अ॒स्व॒र॒न्¦वने᳚¦क्रीळ᳚न्तम्¦अति॑।आविम् | इन्दु᳚म्¦ना॒वाः¦अ॒नू॒ष॒त॒ || |
| तया᳚पवस्व॒धार॑या॒यया᳚पी॒तोवि॒चक्ष॑से |{आङ्गिरसो यास्यः | पवमानः सोमः | गायत्री} इन्दो᳚स्तो॒त्रेसु॒वीर्य॒म्(स्वाहा᳚) || 6 || तया᳚¦प॒व॒स्व॒¦धार॑या¦यया᳚¦पी॒तः¦वि॒ऽचक्ष॑से | इन्दो॒ इति॑¦स्तो॒त्रे¦सु॒ऽवीर्य᳚म् || |
| [3] असृग्रनिति षडृचस्य सूक्तस्यांगिरसोयास्यः पवमानसोमो गायत्री |{अष्टक:7, अध्याय:1}{मंडल:9, सूक्त:46}{अनुवाक:2, सूक्त:22} |
| असृ॑ग्रन्दे॒ववी᳚त॒येऽत्या᳚सः॒कृत्व्या᳚,इव |{आङ्गिरसो यास्यः | पवमानः सोमः | गायत्री} क्षर᳚न्तःपर्वता॒वृधः॒(स्वाहा᳚) || 1 || वर्ग:3 असृ॑ग्रन्¦दे॒वऽवी᳚तये¦अत्या᳚सः¦कृत्व्याः᳚ऽइव | क्षर᳚न्तः¦प॒र्व॒त॒ऽवृधः॑ || |
| परि॑ष्कृतास॒इन्द॑वो॒योषे᳚व॒पित्र्या᳚वती |{आङ्गिरसो यास्यः | पवमानः सोमः | गायत्री} वा॒युंसोमा᳚,असृक्षत॒(स्वाहा᳚) || 2 || परि॑ऽकृतासः¦इन्द॑वः¦योषा᳚ऽइव¦पित्र्य॑ऽवती | वा॒युम्¦सोमाः᳚¦अ॒सृ॒क्ष॒त॒ || |
| ए॒तेसोमा᳚स॒इन्द॑वः॒प्रय॑स्वन्तश्च॒मूसु॒ताः |{आङ्गिरसो यास्यः | पवमानः सोमः | गायत्री} इन्द्रं᳚वर्धन्ति॒कर्म॑भिः॒(स्वाहा᳚) || 3 || ए॒ते¦सोमा᳚सः¦इन्द॑वः¦प्रय॑स्वन्तः¦च॒मू इति॑¦सु॒ताः | इन्द्र᳚म्¦व॒र्ध॒न्ति॒¦कर्म॑ऽभिः || |
| आधा᳚वतासुहस्त्यःशु॒क्रागृ॑भ्णीतम॒न्थिना᳚ |{आङ्गिरसो यास्यः | पवमानः सोमः | गायत्री} गोभिः॑श्रीणीतमत्स॒रम्(स्वाहा᳚) || 4 || आ¦धा॒व॒त॒¦सु॒ऽह॒स्त्यः॒¦शु॒क्रा¦गृ॒भ्णी॒त॒¦म॒न्थिना᳚ | गोभिः॑¦श्री॒णी॒त॒¦म॒त्स॒रम् || |
| सप॑वस्वधनंजयप्रय॒न्ताराध॑सोम॒हः |{आङ्गिरसो यास्यः | पवमानः सोमः | गायत्री} अ॒स्मभ्यं᳚सोमगातु॒वित्(स्वाहा᳚) || 5 || सः¦प॒व॒स्व॒¦ध॒न॒म्ऽज॒य॒¦प्र॒ऽय॒न्ता¦राध॑सः¦म॒हः | अ॒स्मभ्य᳚म्¦सो॒म॒¦गा॒तु॒ऽवित् || |
| ए॒तंमृ॑जन्ति॒मर्ज्यं॒पव॑मानं॒दश॒क्षिपः॑ |{आङ्गिरसो यास्यः | पवमानः सोमः | गायत्री} इन्द्रा᳚यमत्स॒रंमद॒म्(स्वाहा᳚) || 6 || ए॒तम्¦मृ॒ज॒न्ति॒¦मर्ज्य᳚म्¦पव॑मानम्¦दश॑¦क्षिपः॑ | इन्द्रा᳚य¦म॒त्स॒रम्¦मद᳚म् || |
| [4] अयासोमइति पञ्चर्चस्य सूक्तस्य भार्गवःकविः पवमानसोमो गायत्री{अष्टक:7, अध्याय:1}{मंडल:9, सूक्त:47}{अनुवाक:2, सूक्त:23} |
| अ॒यासोमः॑सुकृ॒त्यया᳚म॒हश्चि॑द॒भ्य॑वर्धत |{भार्गवः कविः | पवमानः सोमः | गायत्री} म॒न्दा॒नउद्वृ॑षायते॒(स्वाहा᳚) || 1 || वर्ग:4 अ॒या¦सोमः॑¦सु॒ऽकृ॒त्यया᳚¦म॒हः¦चि॒त्¦अ॒भि¦अ॒व॒र्ध॒त॒ | म॒न्दा॒नः¦उत्¦वृ॒ष॒ऽय॒ते॒ || |
| कृ॒तानीद॑स्य॒कर्त्वा॒चेत᳚न्तेदस्यु॒तर्ह॑णा |{भार्गवः कविः | पवमानः सोमः | गायत्री} ऋ॒णाच॑धृ॒ष्णुश्च॑यते॒(स्वाहा᳚) || 2 || कृ॒तानि॑¦इत्¦अ॒स्य॒¦कर्त्वा᳚¦चेत᳚न्ते¦द॒स्यु॒ऽतर्ह॑णा | ऋ॒णा¦च॒¦धृ॒ष्णुः¦च॒य॒ते॒ || |
| आत्सोम॑इन्द्रि॒योरसो॒वज्रः॑सहस्र॒साभु॑वत् |{भार्गवः कविः | पवमानः सोमः | गायत्री} उ॒क्थंयद॑स्य॒जाय॑ते॒(स्वाहा᳚) || 3 || आत्¦सोमः॑¦इ॒न्द्रि॒यः¦रसः॑¦वज्रः॑¦स॒ह॒स्र॒ऽसाः¦भु॒व॒त् | उ॒क्थम्¦यत्¦अ॒स्य॒¦जाय॑ते || |
| स्व॒यंक॒विर्वि॑ध॒र्तरि॒विप्रा᳚य॒रत्न॑मिच्छति |{भार्गवः कविः | पवमानः सोमः | गायत्री} यदी᳚मर्मृ॒ज्यते॒धियः॒(स्वाहा᳚) || 4 || स्व॒यम्¦क॒विः¦वि॒ऽध॒र्तरि॑¦विप्रा᳚य¦रत्न᳚म्¦इ॒च्छ॒ति॒ | यदि॑¦म॒र्मृ॒ज्यते᳚¦धियः॑ || |
| सि॒षा॒सतू᳚रयी॒णांवाजे॒ष्वर्व॑तामिव |{भार्गवः कविः | पवमानः सोमः | गायत्री} भरे᳚षुजि॒ग्युषा᳚मसि॒(स्वाहा᳚) || 5 || सि॒सा॒सतुः॑¦र॒यी॒णाम्¦वाजे᳚षु¦अर्व॑ताम्ऽइव | भरे᳚षु¦जि॒ग्युषा᳚म्¦अ॒सि॒ || |
| [5] तंत्वेति पञ्चर्चस्य सूक्तस्य भार्गवःकविः पवमानसोमो गायत्री |{अष्टक:7, अध्याय:1}{मंडल:9, सूक्त:48}{अनुवाक:2, सूक्त:24} |
| तंत्वा᳚नृ॒म्णानि॒बिभ्र॑तंस॒धस्थे᳚षुम॒होदि॒वः |{भार्गवः कविः | पवमानः सोमः | गायत्री} चारुं᳚सुकृ॒त्यये᳚महे॒(स्वाहा᳚) || 1 || वर्ग:5 तम्¦त्वा॒¦नृ॒म्णानि॑¦विभ्र॑तम्¦स॒धऽस्थे᳚षु¦म॒हः¦दि॒वः | चारु᳚म्¦सु॒ऽकृ॒त्यया᳚¦ई॒म॒हे॒ || |
| संवृ॑क्तधृष्णुमु॒क्थ्यं᳚म॒हाम॑हिव्रतं॒मद᳚म् |{भार्गवः कविः | पवमानः सोमः | गायत्री} श॒तंपुरो᳚रुरु॒क्षणि॒म्(स्वाहा᳚) || 2 || संवृ॑क्तऽधृष्णुम्¦उ॒क्थ्य᳚म्¦म॒हाऽम॑हिव्रतम्¦मद᳚म् | श॒तम्¦पुरः॑¦रु॒रु॒क्षणि᳚म् || |
| अत॑स्त्वार॒यिम॒भिराजा᳚नंसुक्रतोदि॒वः |{भार्गवः कविः | पवमानः सोमः | गायत्री} सु॒प॒र्णो,अ᳚व्य॒थिर्भ॑र॒त्(स्वाहा᳚) || 3 || अतः॑¦त्वा॒¦र॒यिम्¦अ॒भि¦राजा᳚नम्¦सु॒क्र॒तो॒ इति॑ सुऽक्रतो¦दि॒वः | सु॒ऽप॒र्णः¦अ॒व्य॒थिः¦भ॒र॒त् || |
| विश्व॑स्मा॒,इत्स्व॑र्दृ॒शेसाधा᳚रणंरज॒स्तुर᳚म् |{भार्गवः कविः | पवमानः सोमः | गायत्री} गो॒पामृ॒तस्य॒विर्भ॑र॒त्(स्वाहा᳚) || 4 || विश्व॑स्मै¦इत्¦स्वः॑¦दृ॒शे¦साधा᳚रणम्¦र॒जः॒ऽतुर᳚म् | गो॒पाम्¦ऋ॒तस्य॑¦विः¦भ॒र॒त् || |
| अधा᳚हिन्वा॒नइ᳚न्द्रि॒यंज्यायो᳚महि॒त्वमा᳚नशे |{भार्गवः कविः | पवमानः सोमः | गायत्री} अ॒भि॒ष्टि॒कृद्विच॑र्षणिः॒(स्वाहा᳚) || 5 || अध॑¦हि॒न्वा॒नः¦इ॒न्द्रि॒यम्¦ज्यायः॑¦म॒हि॒ऽत्वम्¦आ॒न॒शे॒ | अ॒भि॒ष्टि॒ऽकृत्¦विऽच॑र्षणिः || |
| [6] पवस्वेति पञ्चर्चस्य सूक्तस्य भार्गवःकविः पवमानसोमो गायत्री |{अष्टक:7, अध्याय:1}{मंडल:9, सूक्त:49}{अनुवाक:2, सूक्त:25} |
| पव॑स्ववृ॒ष्टिमासुनो॒ऽपामू॒र्मिंदि॒वस्परि॑ |{भार्गवः कविः | पवमानः सोमः | गायत्री} अ॒य॒क्ष्माबृ॑ह॒तीरिषः॒(स्वाहा᳚) || 1 || वर्ग:6 पव॑स्व¦वृ॒ष्टिम्¦आ¦सु¦नः॒¦अ॒पाम्¦ऊ॒र्मिम्¦दि॒वः¦परि॑ | अ॒य॒क्ष्माः¦बृ॒ह॒तीः¦इषः॑ || |
| तया᳚पवस्व॒धार॑या॒यया॒गाव॑इ॒हागम॑न् |{भार्गवः कविः | पवमानः सोमः | गायत्री} जन्या᳚स॒उप॑नोगृ॒हम्(स्वाहा᳚) || 2 || तया᳚¦प॒व॒स्व॒¦धार॑या¦यया᳚¦गावः॑¦इ॒ह¦आ॒ऽगम॑न् | जन्या᳚सः¦उप॑¦नः॒¦गृ॒हम् || |
| घृ॒तंप॑वस्व॒धार॑याय॒ज्ञेषु॑देव॒वीत॑मः |{भार्गवः कविः | पवमानः सोमः | गायत्री} अ॒स्मभ्यं᳚वृ॒ष्टिमाप॑व॒(स्वाहा᳚) || 3 || घृ॒तम्¦प॒व॒स्व॒¦धार॑या¦य॒ज्ञेषु॑¦दे॒व॒ऽवीत॑मः | अ॒स्मभ्य᳚म्¦वृ॒ष्टिम्¦आ¦प॒व॒ || |
| सन॑ऊ॒र्जेव्य१॑(अ॒)व्ययं᳚प॒वित्रं᳚धाव॒धार॑या |{भार्गवः कविः | पवमानः सोमः | गायत्री} दे॒वासः॑शृ॒णव॒न्हिक॒म्(स्वाहा᳚) || 4 || सः¦नः॒¦ऊ॒र्जे¦वि¦अ॒व्यय᳚म्¦प॒वित्र᳚म्¦धा॒व॒¦धार॑या | दे॒वासः॑¦शृ॒णव॑न्¦हि¦क॒म् || |
| पव॑मानो,असिष्यद॒द्रक्षां᳚स्यप॒जङ्घ॑नत् |{भार्गवः कविः | पवमानः सोमः | गायत्री} प्र॒त्न॒वद्रो॒चय॒न्रुचः॒(स्वाहा᳚) || 5 || पव॑मानः¦अ॒सि॒स्य॒द॒त्¦रक्षां᳚सि¦अ॒प॒ऽजङ्घ॑नत् | प्र॒त्न॒ऽवत्¦रो॒चय॑न्¦रुचः॑ || |
| [7] उत्तेशुष्मासइति पञ्चर्चस्य सूक्तस्यांगिरस उचथ्यः पवमान सोमोगायत्री |{अष्टक:7, अध्याय:1}{मंडल:9, सूक्त:50}{अनुवाक:2, सूक्त:26} |
| उत्ते॒शुष्मा᳚सईरते॒सिन्धो᳚रू॒र्मेरि॑वस्व॒नः |{आङ्गिरसोउचथ्यः | पवमानः सोमः | गायत्री} वा॒णस्य॑चोदयाप॒विम्(स्वाहा᳚) || 1 || वर्ग:7 उत्¦ते॒¦शुष्मा᳚सः¦ई॒र॒ते॒¦सिन्धोः᳚¦ऊ॒र्मेःऽइ᳚व¦स्व॒नः | वा॒णस्य॑¦चो॒द॒य॒¦प॒विम् || |
| प्र॒स॒वेत॒उदी᳚रतेति॒स्रोवाचो᳚मख॒स्युवः॑ |{आङ्गिरसोउचथ्यः | पवमानः सोमः | गायत्री} यदव्य॒एषि॒सान॑वि॒(स्वाहा᳚) || 2 || प्र॒ऽस॒वे¦ते॒¦उत्¦ई॒र॒ते॒¦ति॒स्रः¦वाचः॑¦म॒ख॒स्युवः॑ | यत्¦अव्ये᳚¦एषि॑¦सान॑वि || |
| अव्यो॒वारे॒परि॑प्रि॒यंहरिं᳚हिन्व॒न्त्यद्रि॑भिः |{आङ्गिरसोउचथ्यः | पवमानः सोमः | गायत्री} पव॑मानंमधु॒श्चुत॒म्(स्वाहा᳚) || 3 || अव्यः॑¦वारे᳚¦परि॑¦प्रि॒यम्¦हरि᳚म्¦हि॒न्व॒न्ति॒¦अद्रि॑ऽभिः | पव॑मानम्¦म॒धु॒ऽश्चुत᳚म् || |
| आप॑वस्वमदिन्तमप॒वित्रं॒धार॑याकवे |{आङ्गिरसोउचथ्यः | पवमानः सोमः | गायत्री} अ॒र्कस्य॒योनि॑मा॒सद॒म्(स्वाहा᳚) || 4 || आ¦प॒व॒स्व॒¦म॒दि॒न्ऽत॒म॒¦प॒वित्र᳚म्¦धार॑या¦क॒वे॒ | अ॒र्कस्य॑¦योनि᳚म्¦आ॒ऽसद᳚म् || |
| सप॑वस्वमदिन्तम॒गोभि॑रञ्जा॒नो,अ॒क्तुभिः॑ |{आङ्गिरसोउचथ्यः | पवमानः सोमः | गायत्री} इन्द॒विन्द्रा᳚यपी॒तये॒(स्वाहा᳚) || 5 || सः¦प॒व॒स्व॒¦म॒दि॒न्ऽत॒म॒¦गोभिः॑¦अं॒जा॒नः¦अ॒क्तुऽभिः॑ | इन्दो॒ इति॑¦इन्द्रा᳚य¦पी॒तये᳚ || |
| [8] अध्वर्यविति पञ्चर्चस्य सूक्तस्यांगिरस उचथ्यः पवमान सोमोगायत्री |{अष्टक:7, अध्याय:1}{मंडल:9, सूक्त:51}{अनुवाक:2, सूक्त:27} |
| अध्व᳚र्यो॒,अद्रि॑भिःसु॒तंसोमं᳚प॒वित्र॒आसृ॑ज |{आङ्गिरसोउचथ्यः | पवमानः सोमः | गायत्री} पु॒नी॒हीन्द्रा᳚य॒पात॑वे॒(स्वाहा᳚) || 1 || वर्ग:8 अध्व᳚र्यो॒ इति॑¦अद्रि॑ऽभिः¦सु॒तम्¦सोम᳚म्¦प॒वित्रे᳚¦आ¦सृ॒ज॒ | पु॒नी॒हि¦इन्द्रा᳚य¦पात॑वे || |
| दि॒वःपी॒यूष॑मुत्त॒मंसोम॒मिन्द्रा᳚यव॒ज्रिणे᳚ |{आङ्गिरसोउचथ्यः | पवमानः सोमः | गायत्री} सु॒नोता॒मधु॑मत्तम॒म्(स्वाहा᳚) || 2 || दि॒वः¦पी॒यूष᳚म्¦उ॒त्ऽत॒मम्¦सोम᳚म्¦इन्द्रा᳚य¦व॒ज्रिणे᳚ | सु॒नोत॑¦मधु॑मत्ऽतमम् || |
| तव॒त्यइ᳚न्दो॒,अन्ध॑सोदे॒वामधो॒र्व्य॑श्नते |{आङ्गिरसोउचथ्यः | पवमानः सोमः | गायत्री} पव॑मानस्यम॒रुतः॒(स्वाहा᳚) || 3 || तव॑¦त्ये¦इ॒न्दो॒ इति॑¦अन्ध॑सः¦दे॒वाः¦मधोः᳚¦वि¦अ॒श्न॒ते॒ | पव॑मानस्य¦म॒रुतः॑ || |
| त्वंहिसो᳚मव॒र्धय᳚न्त्सु॒तोमदा᳚य॒भूर्ण॑ये |{आङ्गिरसोउचथ्यः | पवमानः सोमः | गायत्री} वृष᳚न्त्स्तो॒तार॑मू॒तये॒(स्वाहा᳚) || 4 || त्वम्¦हि¦सो॒म॒¦व॒र्धय॑न्¦सु॒तः¦मदा᳚य¦भूर्ण॑ये | वृष॑न्¦स्तो॒तार᳚म्¦ऊ॒तये᳚ || |
| अ॒भ्य॑र्षविचक्षणप॒वित्रं॒धार॑यासु॒तः |{आङ्गिरसोउचथ्यः | पवमानः सोमः | गायत्री} अ॒भिवाज॑मु॒तश्रवः॒(स्वाहा᳚) || 5 || अ॒भि¦अ॒र्ष॒¦वि॒ऽच॒क्ष॒ण॒¦प॒वित्र᳚म्¦धार॑या¦सु॒तः | अ॒भि¦वाज᳚म्¦उ॒त¦श्रवः॑ || |
| [9] परिद्युक्षइति पञ्चर्चस्य सूक्तस्यांगिरस उचथ्यः पवमान सोमोगायत्री |{अष्टक:7, अध्याय:1}{मंडल:9, सूक्त:52}{अनुवाक:2, सूक्त:28} |
| परि॑द्यु॒क्षःस॒नद्र॑यि॒र्भर॒द्वाजं᳚नो॒,अन्ध॑सा |{आङ्गिरसोउचथ्यः | पवमानः सोमः | गायत्री} सु॒वा॒नो,अ॑र्षप॒वित्र॒आ(स्वाहा᳚) || 1 || वर्ग:9 परि॑¦द्यु॒क्षः¦स॒नत्ऽर॑यिः¦भर॑त्¦वाज᳚म्¦नः॒¦अन्ध॑सा | सु॒वा॒नः¦अ॒र्ष॒¦प॒वित्रे᳚¦आ || |
| तव॑प्र॒त्नेभि॒रध्व॑भि॒रव्यो॒वारे॒परि॑प्रि॒यः |{आङ्गिरसोउचथ्यः | पवमानः सोमः | गायत्री} स॒हस्र॑धारोया॒त्तना॒(स्वाहा᳚) || 2 || तव॑¦प्र॒त्नेभिः॑¦अध्व॑ऽभिः¦अव्यः॑¦वारे᳚¦परि॑¦प्रि॒यः | स॒हस्र॑ऽधारः¦या॒त्¦तना᳚ || |
| च॒रुर्नयस्तमी᳚ङ्ख॒येन्दो॒नदान॑मीङ्खय |{आङ्गिरसोउचथ्यः | पवमानः सोमः | गायत्री} व॒धैर्व॑धस्नवीङ्खय॒(स्वाहा᳚) || 3 || च॒रुः¦न¦यः¦तम्¦ई॒ङ्ख॒य॒¦इन्दो॒ इति॑¦न¦दान᳚म्¦ई॒ङ्ख॒य॒ | व॒धैः¦व॒ध॒स्नो॒ इति॑ वधऽस्नो¦ई॒ङ्ख॒य॒ || |
| निशुष्म॑मिन्दवेषां॒पुरु॑हूत॒जना᳚नाम् |{आङ्गिरसोउचथ्यः | पवमानः सोमः | गायत्री} यो,अ॒स्माँ,आ॒दिदे᳚शति॒(स्वाहा᳚) || 4 || नि¦शुष्म᳚म्¦इ॒न्दो॒ इति॑¦एषा᳚म्¦पुरु॑ऽहूत¦जना᳚नाम् | यः¦अ॒स्मान्¦आ॒ऽदिदे᳚शति || |
| श॒तंन॑इन्दऊ॒तिभिः॑स॒हस्रं᳚वा॒शुची᳚नाम् |{आङ्गिरसोउचथ्यः | पवमानः सोमः | गायत्री} पव॑स्वमंह॒यद्र॑यिः॒(स्वाहा᳚) || 5 || श॒तम्¦नः॒¦इ॒न्दो॒ इति॑¦ऊ॒तिऽभिः॑¦स॒हस्र᳚म्¦वा॒¦शुची᳚णाम् | पव॑स्व¦मं॒ह॒यत्ऽर॑यिः || |
| [10] उत्तेशुष्मासइति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:53}{अनुवाक:2, सूक्त:29} |
| उत्ते॒शुष्मा᳚सो,अस्थू॒रक्षो᳚भि॒न्दन्तो᳚,अद्रिवः |{काश्यपोवत्सारः | पवमानः सोमः | गायत्री} नु॒दस्व॒याःप॑रि॒स्पृधः॒(स्वाहा᳚) || 1 || वर्ग:10 उत्¦ते॒¦शुष्मा᳚सः¦अ॒स्थुः॒¦रक्षः॑¦भि॒न्दन्तः॑¦अ॒द्रि॒ऽवः॒ | नु॒दस्व॑¦याः¦प॒रि॒ऽस्पृधः॑ || |
| अ॒यानि॑ज॒घ्निरोज॑सारथसं॒गेधने᳚हि॒ते |{काश्यपोवत्सारः | पवमानः सोमः | गायत्री} स्तवा॒,अबि॑भ्युषाहृ॒दा(स्वाहा᳚) || 2 || अ॒या¦नि॒ऽज॒घ्निः¦ओज॑सा¦र॒थ॒ऽस॒ङ्गे¦धने᳚¦हि॒ते | स्तवै᳚¦अबि॑भ्युषा¦हृ॒दा || |
| अस्य᳚व्र॒तानि॒नाधृषे॒पव॑मानस्यदू॒ढ्या᳚ |{काश्यपोवत्सारः | पवमानः सोमः | गायत्री} रु॒जयस्त्वा᳚पृत॒न्यति॒(स्वाहा᳚) || 3 || अस्य॑¦व्र॒तानि॑¦न¦आ॒ऽधृषे᳚¦पव॑मानस्य¦दुः॒ऽध्या᳚ | रु॒ज¦यः¦त्वा॒¦पृ॒त॒न्यति॑ || |
| तंहि᳚न्वन्तिमद॒च्युतं॒हरिं᳚न॒दीषु॑वा॒जिन᳚म् |{काश्यपोवत्सारः | पवमानः सोमः | गायत्री} इन्दु॒मिन्द्रा᳚यमत्स॒रम्(स्वाहा᳚) || 4 || तम्¦हि॒न्व॒न्ति॒¦म॒द॒ऽच्युत᳚म्¦हरि᳚म्¦न॒दीषु॑¦वा॒जिन᳚म् | इन्दु᳚म्¦इन्द्रा᳚य¦म॒त्स॒रम् || |
| [11] अस्यप्रत्नामिति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:54}{अनुवाक:2, सूक्त:30} |
| अ॒स्यप्र॒त्नामनु॒द्युतं᳚शु॒क्रंदु॑दुह्रे॒,अह्र॑यः |{काश्यपोवत्सारः | पवमानः सोमः | गायत्री} पयः॑सहस्र॒सामृषि॒म्(स्वाहा᳚) || 1 || वर्ग:11 अ॒स्य¦प्र॒त्नाम्¦अनु॑¦द्युत᳚म्¦शु॒क्रम्¦दु॒दु॒ह्रे॒¦अह्र॑यः | पयः॑¦स॒ह॒स्र॒ऽसाम्¦ऋषि᳚म् || |
| अ॒यंसूर्य॑इवोप॒दृग॒यंसरां᳚सिधावति |{काश्यपोवत्सारः | पवमानः सोमः | गायत्री} स॒प्तप्र॒वत॒आदिव॒म्(स्वाहा᳚) || 2 || अ॒यम्¦सूर्यः॑ऽइव¦उ॒प॒ऽदृक्¦अ॒यम्¦सरां᳚सि¦धा॒व॒ति॒ | स॒प्त¦प्र॒ऽवतः॑¦आ¦दिव᳚म् || |
| अ॒यंविश्वा᳚नितिष्ठतिपुना॒नोभुव॑नो॒परि॑ |{काश्यपोवत्सारः | पवमानः सोमः | गायत्री} सोमो᳚दे॒वोनसूर्यः॒(स्वाहा᳚) || 3 || अ॒यम्¦विश्वा᳚नि¦ति॒ष्ठ॒ति॒¦पु॒ना॒नः¦भुव॑ना¦उ॒परि॑ | सोमः॑¦दे॒वः¦न¦सूर्यः॑ || |
| परि॑णोदे॒ववी᳚तये॒वाजाँ᳚,अर्षसि॒गोम॑तः |{काश्यपोवत्सारः | पवमानः सोमः | गायत्री} पु॒ना॒नइ᳚न्दविन्द्र॒युः(स्वाहा᳚) || 4 || परि॑¦नः॒¦दे॒वऽवी᳚तये¦वाजा᳚न्¦अ॒र्ष॒सि॒¦गोऽम॑तः | पु॒ना॒नः¦इ॒न्दो॒ इति॑¦इ॒न्द्र॒ऽयुः || |
| [12] यवंयवमिति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:55}{अनुवाक:2, सूक्त:31} |
| यवं᳚यवंनो॒,अन्ध॑सापु॒ष्टम्पु॑ष्टं॒परि॑स्रव |{काश्यपोवत्सारः | पवमानः सोमः | गायत्री} सोम॒विश्वा᳚च॒सौभ॑गा॒(स्वाहा᳚) || 1 || वर्ग:12 यव᳚म्ऽयवम्¦नः॒¦अन्ध॑सा¦पु॒ष्टम्ऽपु॑ष्टम्¦परि॑¦स्र॒व॒ | सोम॑¦विश्वा᳚¦च॒¦सौभ॑गा || |
| इन्दो॒यथा॒तव॒स्तवो॒यथा᳚तेजा॒तमन्ध॑सः |{काश्यपोवत्सारः | पवमानः सोमः | गायत्री} निब॒र्हिषि॑प्रि॒येस॑दः॒(स्वाहा᳚) || 2 || इन्दो॒ इति॑¦यथा᳚¦तव॑¦स्तवः॑¦यथा᳚¦ते॒¦जा॒तम्¦अन्ध॑सः | नि¦ब॒र्हिषि॑¦प्रि॒ये¦स॒दः॒ || |
| उ॒तनो᳚गो॒विद॑श्व॒वित्पव॑स्वसो॒मान्ध॑सा |{काश्यपोवत्सारः | पवमानः सोमः | गायत्री} म॒क्षूत॑मेभि॒रह॑भिः॒(स्वाहा᳚) || 3 || उ॒त¦नः॒¦गो॒ऽवित्¦अ॒श्व॒ऽवित्¦पव॑स्व¦सो॒म॒¦अन्ध॑सा | म॒क्षुऽत॑मेभिः¦अह॑ऽभिः || |
| योजि॒नाति॒नजीय॑ते॒हन्ति॒शत्रु॑म॒भीत्य॑ |{काश्यपोवत्सारः | पवमानः सोमः | गायत्री} सप॑वस्वसहस्रजि॒त्(स्वाहा᳚) || 4 || यः¦जि॒नाति॑¦न¦जीय॑ते¦हन्ति॑¦शत्रु᳚म्¦अ॒भि॒ऽइत्य॑ | सः¦प॒व॒स्व॒¦स॒ह॒स्र॒ऽजि॒त् || |
| [13] परिसोमइति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:56}{अनुवाक:2, सूक्त:32} |
| परि॒सोम॑ऋ॒तंबृ॒हदा॒शुःप॒वित्रे᳚,अर्षति |{काश्यपोवत्सारः | पवमानः सोमः | गायत्री} वि॒घ्नन्रक्षां᳚सिदेव॒युः(स्वाहा᳚) || 1 || वर्ग:13 परि॑¦सोमः॑¦ऋ॒तम्¦बृ॒हत्¦आ॒शुः¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| यत्सोमो॒वाज॒मर्ष॑तिश॒तंधारा᳚,अप॒स्युवः॑ |{काश्यपोवत्सारः | पवमानः सोमः | गायत्री} इन्द्र॑स्यस॒ख्यमा᳚वि॒शन्(स्वाहा᳚) || 2 || यत्¦सोमः॑¦वाज᳚म्¦अर्ष॑ति¦श॒तम्¦धाराः᳚¦अ॒प॒स्युवः॑ | इन्द्र॑स्य¦स॒ख्यम्¦आ॒ऽवि॒शन् || |
| अ॒भित्वा॒योष॑णो॒दश॑जा॒रंनक॒न्या᳚नूषत |{काश्यपोवत्सारः | पवमानः सोमः | गायत्री} मृ॒ज्यसे᳚सोमसा॒तये॒(स्वाहा᳚) || 3 || अ॒भि¦त्वा॒¦योष॑णः¦दश॑¦जा॒रम्¦न¦क॒न्या᳚¦अ॒नू॒ष॒त॒ | मृ॒ज्यसे᳚¦सो॒म॒¦सा॒तये᳚ || |
| त्वमिन्द्रा᳚य॒विष्ण॑वेस्वा॒दुरि᳚न्दो॒परि॑स्रव |{काश्यपोवत्सारः | पवमानः सोमः | गायत्री} नॄन्त्स्तो॒तॄन्पा॒ह्यंह॑सः॒(स्वाहा᳚) || 4 || त्वम्¦इन्द्रा᳚य¦विष्ण॑वे¦स्वा॒दुः¦इ॒न्दो॒ इति॑¦परि॑¦स्र॒व॒ | नॄन्¦स्तो॒तॄन्¦पा॒हि॒¦अंह॑सः || |
| [14] प्रतेधाराइति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:57}{अनुवाक:2, सूक्त:33} |
| प्रते॒धारा᳚,अस॒श्चतो᳚दि॒वोनय᳚न्तिवृ॒ष्टयः॑ |{काश्यपोवत्सारः | पवमानः सोमः | गायत्री} अच्छा॒वाजं᳚सह॒स्रिण॒म्(स्वाहा᳚) || 1 || वर्ग:14 प्र¦ते॒¦धाराः᳚¦अ॒स॒श्चतः॑¦दि॒वः¦न¦य॒न्ति॒¦वृ॒ष्टयः॑ | अच्छ॑¦वाज᳚म्¦स॒ह॒स्रिण᳚म् || |
| अ॒भिप्रि॒याणि॒काव्या॒विश्वा॒चक्षा᳚णो,अर्षति |{काश्यपोवत्सारः | पवमानः सोमः | गायत्री} हरि॑स्तुञ्जा॒नआयु॑धा॒(स्वाहा᳚) || 2 || अ॒भि¦प्रि॒याणि॑¦काव्या᳚¦विश्वा᳚¦चक्षा᳚णः¦अ॒र्ष॒ति॒ | हरिः॑¦तुं॒जा॒नः¦आयु॑धा || |
| सम᳚र्मृजा॒नआ॒युभि॒रिभो॒राजे᳚वसुव्र॒तः |{काश्यपोवत्सारः | पवमानः सोमः | गायत्री} श्ये॒नोनवंसु॑षीदति॒(स्वाहा᳚) || 3 || सः¦म॒र्मृजा॒नः¦आ॒युऽभिः॑¦इभः॑¦राजा᳚ऽइव¦सु॒ऽव्र॒तः | श्ये॒नः¦न¦वंसु॑¦सी॒द॒ति॒ || |
| सनो॒विश्वा᳚दि॒वोवसू॒तोपृ॑थि॒व्या,अधि॑ |{काश्यपोवत्सारः | पवमानः सोमः | गायत्री} पु॒ना॒नइ᳚न्द॒वाभ॑र॒(स्वाहा᳚) || 4 || सः¦नः॒¦विश्वा᳚¦दि॒वः¦वसु॑¦उ॒तो इति॑¦पृ॒थि॒व्याः¦अधि॑ | पु॒नानः॑¦इ॒न्दो॒ इति॑¦आ¦भ॒र॒ || |
| [15] तरत्समंदीति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:58}{अनुवाक:2, सूक्त:34} |
| तर॒त्सम॒न्दीधा᳚वति॒धारा᳚सु॒तस्यान्ध॑सः |{काश्यपोवत्सारः | पवमानः सोमः | गायत्री} तर॒त्सम॒न्दीधा᳚वति॒(स्वाहा᳚) || 1 || वर्ग:15 तर॑त्¦सः¦म॒न्दी¦धा॒व॒ति॒¦धारा᳚¦सु॒तस्य॑¦अन्ध॑सः | तर॑त्¦सः¦म॒न्दी¦धा॒व॒ति॒ || |
| उ॒स्रावे᳚द॒वसू᳚नां॒मर्त॑स्यदे॒व्यव॑सः |{काश्यपोवत्सारः | पवमानः सोमः | गायत्री} तर॒त्सम॒न्दीधा᳚वति॒(स्वाहा᳚) || 2 || उ॒स्रा¦वे॒द॒¦वसू᳚नाम्¦मर्त॑स्य¦दे॒वी¦अव॑सः | तर॑त्¦सः¦म॒न्दी¦धा॒व॒ति॒ || |
| ध्व॒स्रयोः᳚पुरु॒षन्त्यो॒रास॒हस्रा᳚णिदद्महे |{काश्यपोवत्सारः | पवमानः सोमः | गायत्री} तर॒त्सम॒न्दीधा᳚वति॒(स्वाहा᳚) || 3 || ध्व॒स्रयोः᳚¦पु॒रु॒ऽसन्त्योः᳚¦आ¦स॒हस्रा᳚णि¦द॒द्म॒हे॒ | तर॑त्¦सः¦म॒न्दी¦धा॒व॒ति॒ || |
| आययो᳚स्त्रिं॒शतं॒तना᳚स॒हस्रा᳚णिच॒दद्म॑हे |{काश्यपोवत्सारः | पवमानः सोमः | गायत्री} तर॒त्सम॒न्दीधा᳚वति॒(स्वाहा᳚) || 4 || आ¦ययोः᳚¦त्रिं॒शत᳚म्¦तना᳚¦स॒हस्रा᳚णि¦च॒¦दद्म॑हे | तर॑त्¦सः¦म॒न्दी¦धा॒व॒ति॒ || |
| [16] पवस्वेति चतुरृचस्य सूक्तस्य काश्यपोवत्सारः पवमानसोमोगायत्री |{अष्टक:7, अध्याय:1}{मंडल:9, सूक्त:59}{अनुवाक:2, सूक्त:35} |
| पव॑स्वगो॒जिद॑श्व॒जिद्वि॑श्व॒जित्सो᳚मरण्य॒जित् |{काश्यपोवत्सारः | पवमानः सोमः | गायत्री} प्र॒जाव॒द्रत्न॒माभ॑र॒(स्वाहा᳚) || 1 || वर्ग:16 पव॑स्व¦गो॒ऽजित्¦अ॒श्व॒ऽजित्¦वि॒श्व॒ऽजित्¦सो॒म॒¦र॒ण्य॒ऽजित् | प्र॒जाऽव॑त्¦रत्न᳚म्¦आ¦भ॒र॒ || |
| पव॑स्वा॒द्भ्यो,अदा᳚भ्यः॒पव॒स्वौष॑धीभ्यः |{काश्यपोवत्सारः | पवमानः सोमः | गायत्री} पव॑स्वधि॒षणा᳚भ्यः॒(स्वाहा᳚) || 2 || पव॑स्व¦अ॒त्ऽभ्यः¦अदा᳚भ्यः¦पव॑स्व¦ओष॑धीभ्यः | पव॑स्व¦धि॒षणा᳚भ्यः || |
| त्वंसो᳚म॒पव॑मानो॒विश्वा᳚निदुरि॒तात॑र |{काश्यपोवत्सारः | पवमानः सोमः | गायत्री} क॒विःसी᳚द॒निब॒र्हिषि॒(स्वाहा᳚) || 3 || त्वम्¦सो॒म॒¦पव॑मानः¦विश्वा᳚नि¦दुः॒ऽइ॒ता¦त॒र॒ | क॒विः¦सी॒द॒¦नि¦ब॒र्हिषि॑ || |
| पव॑मान॒स्व᳚र्विदो॒जाय॑मानोऽभवोम॒हान् |{काश्यपोवत्सारः | पवमानः सोमः | गायत्री} इन्दो॒विश्वाँ᳚,अ॒भीद॑सि॒(स्वाहा᳚) || 4 || पव॑मान¦स्वः॑¦वि॒दः॒¦जाय॑मानः¦अ॒भ॒वः॒¦म॒हान् | इन्दो॒ इति॑¦विश्वा᳚न्¦अ॒भि¦इत्¦अ॒सि॒ || |
| [17] प्रगायत्रेणेति चतुरृचस्य सूक्तस्य काश्यपोवत्सारः पवमान सोमोगायत्री तृतीयापुरउष्णिक्{अष्टक:7, अध्याय:1}{मंडल:9, सूक्त:60}{अनुवाक:2, सूक्त:36} |
| प्रगा᳚य॒त्रेण॑गायत॒पव॑मानं॒विच॑र्षणिम् |{काश्यपोवत्सारः | पवमानः सोमः | गायत्री} इन्दुं᳚स॒हस्र॑चक्षस॒म्(स्वाहा᳚) || 1 || वर्ग:17 प्र¦गा॒य॒त्रेण॑¦गा॒य॒त॒¦पव॑मानम्¦विऽच॑र्षणिम् | इन्दु᳚म्¦स॒हस्र॑ऽचक्षसम् || |
| तंत्वा᳚स॒हस्र॑चक्षस॒मथो᳚स॒हस्र॑भर्णसम् |{काश्यपोवत्सारः | पवमानः सोमः | गायत्री} अति॒वार॑मपाविषुः॒(स्वाहा᳚) || 2 || त्वम्¦त्वा॒¦स॒हस्र॑ऽचक्षसम्¦अथो॒ इति॑¦स॒हस्र॑ऽभर्णसम् | अति॑¦वार᳚म्¦अ॒पा॒वि॒षुः॒ || |
| अति॒वारा॒न्पव॑मानो,असिष्यदत्क॒लशाँ᳚,अ॒भिधा᳚वति |{काश्यपोवत्सारः | पवमानः सोमः | पुरउष्णिक्} इन्द्र॑स्य॒हार्द्या᳚वि॒शन्(स्वाहा᳚) || 3 || अति॑¦वारा᳚न्¦पव॑मानः¦अ॒सि॒स्य॒द॒त्¦क॒लशा᳚न्¦अ॒भि¦धा॒व॒ति॒ | इन्द्र॑स्य¦हार्दि॑¦आ॒ऽवि॒शन् || |
| इन्द्र॑स्यसोम॒राध॑से॒शंप॑वस्वविचर्षणे |{काश्यपोवत्सारः | पवमानः सोमः | गायत्री} प्र॒जाव॒द्रेत॒आभ॑र॒(स्वाहा᳚) || 4 || इन्द्र॑स्य¦सो॒म॒¦राध॑से¦शम्¦प॒व॒स्व॒¦वि॒ऽच॒र्ष॒णे॒ | प्र॒जाऽव॑त्¦रेतः॑¦आ¦भ॒र॒ || |
| [18] अयावीतीति त्रिंशदृचस्य सूक्तस्यांगिरसोऽमहीयुः पवमान सोमो गायत्री |{अष्टक:7, अध्याय:1}{मंडल:9, सूक्त:61}{अनुवाक:3, सूक्त:1} |
| अ॒यावी॒तीपरि॑स्रव॒यस्त॑इन्दो॒मदे॒ष्वा |{आत्रेयो वस्युः | पवमानः सोमः | गायत्री} अ॒वाह᳚न्नव॒तीर्नव॒(स्वाहा᳚) || 1 || वर्ग:18 अ॒या¦वी॒ती¦परि॑¦स्र॒व॒¦यः¦ते॒¦इ॒न्दो॒ इति॑¦मदे᳚षु¦आ | अ॒व॒।आह॑न्¦न॒व॒तीः¦नव॑ || |
| पुरः॑स॒द्यइ॒त्थाधि॑ये॒दिवो᳚दासाय॒शम्ब॑रम् |{आत्रेयो वस्युः | पवमानः सोमः | गायत्री} अध॒त्यंतु॒र्वशं॒यदु॒म्(स्वाहा᳚) || 2 || पुरः॑¦स॒द्यः¦इ॒त्थाऽधि॑ये¦दिवः॑ऽदासाय¦शम्ब॑रम् | अध॑¦त्यम्¦तु॒र्वश᳚म्¦यदु᳚म् || |
| परि॑णो॒,अश्व॑मश्व॒विद्गोम॑दिन्दो॒हिर᳚ण्यवत् |{आत्रेयो वस्युः | पवमानः सोमः | गायत्री} क्षरा᳚सह॒स्रिणी॒रिषः॒(स्वाहा᳚) || 3 || परि॑¦नः॒¦अश्व᳚म्¦अ॒श्व॒ऽवित्¦गोऽम॑त्¦इ॒न्दो॒ इति॑¦हिर᳚ण्यऽवत् | क्षर॑¦स॒ह॒स्रिणीः᳚¦इषः॑ || |
| पव॑मानस्यतेव॒यंप॒वित्र॑मभ्युन्द॒तः |{आत्रेयो वस्युः | पवमानः सोमः | गायत्री} स॒खि॒त्वमावृ॑णीमहे॒(स्वाहा᳚) || 4 || पव॑मानस्य¦ते॒¦व॒यम्¦प॒वित्र᳚म्¦अ॒भि॒।औ॒न्द॒तः | स॒खि॒ऽत्वम्¦आ¦वृ॒णी॒म॒हे॒ || |
| येते᳚प॒वित्र॑मू॒र्मयो᳚ऽभि॒क्षर᳚न्ति॒धार॑या |{आत्रेयो वस्युः | पवमानः सोमः | गायत्री} तेभि᳚र्नःसोममृळय॒(स्वाहा᳚) || 5 || ये¦ते॒¦प॒वित्र᳚म्¦ऊ॒र्मयः॑¦अ॒भि॒ऽक्षर᳚न्ति¦धार॑या | तेभिः॑¦नः॒¦सो॒म॒¦मृ॒ळ॒य॒ || |
| सनः॑पुना॒नआभ॑रर॒यिंवी॒रव॑ती॒मिष᳚म् |{आत्रेयो वस्युः | पवमानः सोमः | गायत्री} ईशा᳚नःसोमवि॒श्वतः॒(स्वाहा᳚) || 6 || वर्ग:19 सः¦नः॒¦पु॒ना॒नः¦आ¦भ॒र॒¦र॒यिम्¦वी॒रऽव॑तीम्¦इष᳚म् | ईशा᳚नः¦सो॒म॒¦वि॒श्वतः॑ || |
| ए॒तमु॒त्यंदश॒क्षिपो᳚मृ॒जन्ति॒सिन्धु॑मातरम् |{आत्रेयो वस्युः | पवमानः सोमः | गायत्री} समा᳚दि॒त्येभि॑रख्यत॒(स्वाहा᳚) || 7 || ए॒तम्¦ऊँ॒ इति॑¦त्यम्¦दश॑¦क्षिपः॑¦मृ॒जन्ति॑¦सिन्धु॑ऽमातरम् | सम्¦आ॒दि॒त्येभिः॑¦अ॒ख्य॒त॒ || |
| समिन्द्रे᳚णो॒तवा॒युना᳚सु॒तए᳚तिप॒वित्र॒आ |{आत्रेयो वस्युः | पवमानः सोमः | गायत्री} संसूर्य॑स्यर॒श्मिभिः॒(स्वाहा᳚) || 8 || सम्¦इन्द्रे᳚ण¦उ॒त¦वा॒युना᳚¦सु॒तः¦ए॒ति॒¦प॒वित्रे᳚¦आ | सम्¦सूर्य॑स्य¦र॒श्मिऽभिः॑ || |
| सनो॒भगा᳚यवा॒यवे᳚पू॒ष्णेप॑वस्व॒मधु॑मान् |{आत्रेयो वस्युः | पवमानः सोमः | गायत्री} चारु᳚र्मि॒त्रेवरु॑णेच॒(स्वाहा᳚) || 9 || सः¦नः॒¦भगा᳚य¦वा॒यवे᳚¦पू॒ष्णे¦प॒व॒स्व॒¦मधु॑ऽमान् | चारुः॑¦मि॒त्रे¦वरु॑णे¦च॒ || |
| उ॒च्चाते᳚जा॒तमन्ध॑सोदि॒विषद्भूम्याद॑दे |{आत्रेयो वस्युः | पवमानः सोमः | गायत्री} उ॒ग्रंशर्म॒महि॒श्रवः॒(स्वाहा᳚) || 10 || उ॒च्चा¦ते॒¦जा॒तम्¦अन्ध॑सः¦दि॒वि¦सत्¦भूमिः॑¦आ¦द॒दे॒ | उ॒ग्रम्¦शर्म॑¦महि॑¦श्रवः॑ || |
| ए॒नाविश्वा᳚न्य॒र्यआद्यु॒म्नानि॒मानु॑षाणाम् |{आत्रेयो वस्युः | पवमानः सोमः | गायत्री} सिषा᳚सन्तोवनामहे॒(स्वाहा᳚) || 11 || वर्ग:20 ए॒ना¦विश्वा᳚नि¦अ॒र्यः¦आ¦द्यु॒म्नानि॑¦मानु॑षाणाम् | सिसा᳚सन्तः¦व॒ना॒म॒हे॒ || |
| सन॒इन्द्रा᳚य॒यज्य॑वे॒वरु॑णायम॒रुद्भ्यः॑ |{आत्रेयो वस्युः | पवमानः सोमः | गायत्री} व॒रि॒वो॒वित्परि॑स्रव॒(स्वाहा᳚) || 12 || सः¦नः॒¦इन्द्रा᳚य¦यज्य॑वे¦वरु॑णाय¦म॒रुत्ऽभ्यः॑ | व॒रि॒वः॒ऽवित्¦परि॑¦स्र॒व॒ || |
| उपो॒षुजा॒तम॒प्तुरं॒गोभि॑र्भ॒ङ्गंपरि॑ष्कृतम् |{आत्रेयो वस्युः | पवमानः सोमः | गायत्री} इन्दुं᳚दे॒वा,अ॑यासिषुः॒(स्वाहा᳚) || 13 || उपो॒ इति॑¦सु¦जा॒तम्¦अ॒प्ऽतुर᳚म्¦गोभिः॑¦भ॒ङ्गम्¦परि॑ऽकृतम् | इन्दु᳚म्¦दे॒वाः¦अ॒या॒सि॒षुः॒ || |
| तमिद्व॑र्धन्तुनो॒गिरो᳚व॒त्संसं॒शिश्व॑रीरिव |{आत्रेयो वस्युः | पवमानः सोमः | गायत्री} यइन्द्र॑स्यहृदं॒सनिः॒(स्वाहा᳚) || 14 || तम्¦इत्¦व॒र्ध॒न्तु॒¦नः॒¦गिरः॑¦व॒त्सम्¦सं॒शिश्व॑रीःऽइव | यः¦इन्द्र॑स्य¦हृ॒द॒म्ऽसनिः॑ || |
| अर्षा᳚णःसोम॒शंगवे᳚धु॒क्षस्व॑पि॒प्युषी॒मिष᳚म् |{आत्रेयो वस्युः | पवमानः सोमः | गायत्री} वर्धा᳚समु॒द्रमु॒क्थ्य॑१(अं॒)(स्वाहा᳚) || 15 || अर्ष॑¦नः॒¦सो॒म॒¦शम्¦गवे᳚¦धु॒क्षस्व॑¦पि॒प्युषी᳚म्¦इष᳚म् | वर्ध॑¦स॒मु॒द्रम्¦उ॒क्थ्य᳚म् || |
| पव॑मानो,अजीजनद्दि॒वश्चि॒त्रंनत᳚न्य॒तुम् |{आत्रेयो वस्युः | पवमानः सोमः | गायत्री} ज्योति᳚र्वैश्वान॒रंबृ॒हत्(स्वाहा᳚) || 16 || वर्ग:21 पव॑मानः¦अ॒जी॒ज॒न॒त्¦दि॒वः¦चि॒त्रम्¦न¦त॒न्य॒तुम् | ज्योतिः॑¦वै॒श्वा॒न॒रम्¦बृ॒हत् || |
| पव॑मानस्यते॒रसो॒मदो᳚राजन्नदुच्छु॒नः |{आत्रेयो वस्युः | पवमानः सोमः | गायत्री} विवार॒मव्य॑मर्षति॒(स्वाहा᳚) || 17 || पव॑मानस्य¦ते॒¦रसः॑¦मदः॑¦रा॒ज॒न्¦अ॒दु॒च्छु॒नः | वि¦वार᳚म्¦अव्य᳚म्¦अ॒र्ष॒ति॒ || |
| पव॑मान॒रस॒स्तव॒दक्षो॒विरा᳚जतिद्यु॒मान् |{आत्रेयो वस्युः | पवमानः सोमः | गायत्री} ज्योति॒र्विश्वं॒स्व॑र्दृ॒शे(स्वाहा᳚) || 18 || पव॑मान¦रसः॑¦तव॑¦दक्षः॑¦वि¦रा॒ज॒ति॒¦द्यु॒ऽमान् | ज्योतिः॑¦विश्व᳚म्¦स्वः॑¦दृ॒शे || |
| यस्ते॒मदो॒वरे᳚ण्य॒स्तेना᳚पव॒स्वान्ध॑सा |{आत्रेयो वस्युः | पवमानः सोमः | गायत्री} दे॒वा॒वीर॑घशंस॒हा(स्वाहा᳚) || 19 || यः¦ते॒¦मदः॑¦वरे᳚ण्यः¦तेन॑¦प॒व॒स्व॒¦अन्ध॑सा | दे॒व॒।आ॒वीः¦अ॒घ॒शं॒स॒ऽहा || |
| जघ्नि᳚र्वृ॒त्रम॑मि॒त्रियं॒सस्नि॒र्वाजं᳚दि॒वेदि॑वे |{आत्रेयो वस्युः | पवमानः सोमः | गायत्री} गो॒षा,उ॑अश्व॒सा,अ॑सि॒(स्वाहा᳚) || 20 || जघ्निः॑¦वृ॒त्रम्¦अ॒मि॒त्रिय᳚म्¦सस्निः॑¦वाज᳚म्¦दि॒वेऽदि॑वे | गो॒ऽसाः¦ऊँ॒ इति॑¦अ॒श्व॒ऽसाः¦अ॒सि॒ || |
| सम्मि॑श्लो,अरु॒षोभ॑वसूप॒स्थाभि॒र्नधे॒नुभिः॑ |{आत्रेयो वस्युः | पवमानः सोमः | गायत्री} सीद᳚ञ्छ्ये॒नोनयोनि॒मा(स्वाहा᳚) || 21 || वर्ग:22 सम्ऽमि॑श्लः¦अ॒रु॒षः¦भ॒व॒¦सु॒।औ॒प॒स्थाभिः॑¦न¦धे॒नुऽभिः॑ | सीद॑न्¦श्ये॒नः¦न¦योनि᳚म्¦आ || |
| सप॑वस्व॒यआवि॒थेन्द्रं᳚वृ॒त्राय॒हन्त॑वे |{आत्रेयो वस्युः | पवमानः सोमः | गायत्री} व॒व्रि॒वांसं᳚म॒हीर॒पः(स्वाहा᳚) || 22 || सः¦प॒व॒स्व॒¦यः¦आवि॑थ¦इन्द्र᳚म्¦वृ॒त्राय॑¦हन्त॑वे | व॒व्रि॒ऽवांस᳚म्¦म॒हीः¦अ॒पः || |
| सु॒वीरा᳚सोव॒यंधना॒जये᳚मसोममीढ्वः |{आत्रेयो वस्युः | पवमानः सोमः | गायत्री} पु॒ना॒नोव॑र्धनो॒गिरः॒(स्वाहा᳚) || 23 || सु॒ऽवीरा᳚सः¦व॒यम्¦धना᳚¦जये᳚म¦सो॒म॒¦मी॒ढ्वः॒ | पु॒ना॒नः¦व॒र्ध॒¦नः॒¦गिरः॑ || |
| त्वोता᳚स॒स्तवाव॑सा॒स्याम॑व॒न्वन्त॑आ॒मुरः॑ |{आत्रेयो वस्युः | पवमानः सोमः | गायत्री} सोम᳚व्र॒तेषु॑जागृहि॒(स्वाहा᳚) || 24 || त्वाऽऊ᳚तासः¦तव॑¦अव॑सा¦स्याम॑¦व॒न्वन्तः॑¦आ॒ऽमुरः॑ | सोम॑¦व्र॒तेषु॑¦जा॒गृ॒हि॒ || |
| अ॒प॒घ्नन्प॑वते॒मृधोऽप॒सोमो॒,अरा᳚व्णः |{आत्रेयो वस्युः | पवमानः सोमः | गायत्री} गच्छ॒न्निन्द्र॑स्यनिष्कृ॒तम्(स्वाहा᳚) || 25 || अ॒प॒ऽघ्नन्¦प॒व॒ते॒¦मृधः॑¦अप॑¦सोमः॑¦अरा᳚व्णः | गच्छ॑न्¦इन्द्र॑स्य¦निः॒ऽकृ॒तम् || |
| म॒होनो᳚रा॒यआभ॑र॒पव॑मानज॒हीमृधः॑ |{आत्रेयो वस्युः | पवमानः सोमः | गायत्री} रास्वे᳚न्दोवी॒रव॒द्यशः॒(स्वाहा᳚) || 26 || वर्ग:23 म॒हः¦नः॒¦रा॒यः¦आ¦भ॒र॒¦पव॑मान¦ज॒हि¦मृधः॑ | रास्व॑¦इ॒न्दो॒ इति॑¦वी॒रऽव॑त्¦यशः॑ || |
| नत्वा᳚श॒तंच॒नह्रुतो॒राधो॒दित्स᳚न्त॒मामि॑नन् |{आत्रेयो वस्युः | पवमानः सोमः | गायत्री} यत्पु॑ना॒नोम॑ख॒स्यसे॒(स्वाहा᳚) || 27 || न¦त्वा॒¦श॒तम्¦च॒न¦हुतः॑¦राधः॑¦दित्स᳚न्तम्¦आ¦मि॒न॒न् | यत्¦पु॒ना॒नः¦म॒ख॒स्यसे᳚ || |
| पव॑स्वेन्दो॒वृषा᳚सु॒तःकृ॒धीनो᳚य॒शसो॒जने᳚ |{आत्रेयो वस्युः | पवमानः सोमः | गायत्री} विश्वा॒,अप॒द्विषो᳚जहि॒(स्वाहा᳚) || 28 || पव॑स्व¦इ॒न्दो॒ इति॑¦वृषा᳚¦सु॒तः¦कृ॒धि¦नः॒¦य॒शसः॑¦जने᳚ | विश्वाः᳚¦अप॑¦द्विषः॑¦ज॒हि॒ || |
| अस्य॑तेस॒ख्येव॒यंतवे᳚न्दोद्यु॒म्नउ॑त्त॒मे |{आत्रेयो वस्युः | पवमानः सोमः | गायत्री} सा॒स॒ह्याम॑पृतन्य॒तः(स्वाहा᳚) || 29 || अस्य॑¦ते॒¦स॒ख्ये¦व॒यम्¦तव॑¦इ॒न्दो॒ इति॑¦द्यु॒म्ने¦उ॒त्ऽत॒मे | स॒स॒ह्याम॑¦पृ॒त॒न्य॒तः || |
| याते᳚भी॒मान्यायु॑धाति॒ग्मानि॒सन्ति॒धूर्व॑णे |{आत्रेयो वस्युः | पवमानः सोमः | गायत्री} रक्षा᳚समस्यनोनि॒दः(स्वाहा᳚) || 30 || या¦ते॒¦भी॒मानि॑¦आयु॑धा¦ति॒ग्मानि॑¦सन्ति॑¦धूर्व॑णे | रक्ष॑¦स॒म॒स्य॒¦नः॒¦नि॒दः || |
| [19] एतेअसृग्रमिति त्रिंशदृचस्य सूक्तस्य भार्गवोजमदग्निः पवमानसोमो गायत्री |{अष्टक:7, अध्याय:1}{मंडल:9, सूक्त:62}{अनुवाक:3, सूक्त:2} |
| ए॒ते,अ॑सृग्र॒मिन्द॑वस्ति॒रःप॒वित्र॑मा॒शवः॑ |{भार्गवोजमदग्निः | पवमानः सोमः | गायत्री} विश्वा᳚न्य॒भिसौभ॑गा॒(स्वाहा᳚) || 1 || वर्ग:24 ए॒ते¦अ॒सृ॒ग्र॒म्¦इन्द॑वः¦ति॒रः¦प॒वित्र᳚म्¦आ॒शवः॑ | विश्वा᳚नि¦अ॒भि¦सौभ॑गा || |
| वि॒घ्नन्तो᳚दुरि॒तापु॒रुसु॒गातो॒काय॑वा॒जिनः॑ |{भार्गवोजमदग्निः | पवमानः सोमः | गायत्री} तना᳚कृ॒ण्वन्तो॒,अर्व॑ते॒(स्वाहा᳚) || 2 || वि॒ऽघ्नन्तः॑¦दुः॒ऽइ॒ता¦पु॒रु¦सु॒ऽगा¦तो॒काय॑¦वा॒जिनः॑ | तना᳚¦कृ॒ण्वन्तः॑¦अर्व॑ते || |
| कृ॒ण्वन्तो॒वरि॑वो॒गवे॒ऽभ्य॑र्षन्तिसुष्टु॒तिम् |{भार्गवोजमदग्निः | पवमानः सोमः | गायत्री} इळा᳚म॒स्मभ्यं᳚सं॒यत॒म्(स्वाहा᳚) || 3 || कृ॒ण्वन्तः॑¦वरि॑वः¦गवे᳚¦अ॒भि¦अ॒र्ष॒न्ति॒¦सु॒ऽस्तु॒तिम् | इळा᳚म्¦अ॒स्मभ्य᳚म्¦स॒म्ऽयत᳚म् || |
| असा᳚व्यं॒शुर्मदा᳚या॒ऽप्सुदक्षो᳚गिरि॒ष्ठाः |{भार्गवोजमदग्निः | पवमानः सोमः | गायत्री} श्ये॒नोनयोनि॒मास॑द॒त्(स्वाहा᳚) || 4 || असा᳚वि¦अं॒शुः¦मदा᳚य¦अ॒प्ऽसु¦दक्षः॑¦गि॒रि॒ऽस्थाः | श्ये॒नः¦न¦योनि᳚म्¦आ¦अ॒स॒द॒त् || |
| शु॒भ्रमन्धो᳚दे॒ववा᳚तम॒प्सुधू॒तोनृभिः॑सु॒तः |{भार्गवोजमदग्निः | पवमानः सोमः | गायत्री} स्वद᳚न्ति॒गावः॒पयो᳚भिः॒(स्वाहा᳚) || 5 || शु॒भ्रम्¦अन्धः॑¦दे॒वऽवा᳚तम्¦अ॒प्ऽसु¦धू॒तः¦नृऽभिः॑¦सु॒तः | स्वद᳚न्ति¦गावः॑¦पयः॑ऽभिः || |
| आदी॒मश्वं॒नहेता॒रोऽशू᳚शुभन्न॒मृता᳚य |{भार्गवोजमदग्निः | पवमानः सोमः | गायत्री} मध्वो॒रसं᳚सध॒मादे॒(स्वाहा᳚) || 6 || वर्ग:25 आत्¦ई॒म्¦अश्व᳚म्¦न¦हेता᳚रः¦अशू᳚शुभन्¦अ॒मृता᳚य | मध्वः॑¦रस᳚म्¦स॒ध॒ऽमादे᳚ || |
| यास्ते॒धारा᳚मधु॒श्चुतोऽसृ॑ग्रमिन्दऊ॒तये᳚ |{भार्गवोजमदग्निः | पवमानः सोमः | गायत्री} ताभिः॑प॒वित्र॒मास॑दः॒(स्वाहा᳚) || 7 || याः¦ते॒¦धाराः᳚¦म॒धु॒ऽश्चुतः॑¦असृ॑ग्रम्¦इ॒न्दो॒ इति॑¦ऊ॒तये᳚ | ताभिः॑¦प॒वित्र᳚म्¦आ¦अ॒स॒दः॒ || |
| सो,अ॒र्षेन्द्रा᳚यपी॒तये᳚ति॒रोरोमा᳚ण्य॒व्यया᳚ |{भार्गवोजमदग्निः | पवमानः सोमः | गायत्री} सीद॒न्योना॒वने॒ष्वा(स्वाहा᳚) || 8 || सः¦अ॒र्ष॒¦इन्द्रा᳚य¦पी॒तये᳚¦ति॒रः¦रोमा᳚णि¦अ॒व्यया᳚ | सीद॑न्¦योना᳚¦वने᳚षु¦आ || |
| त्वमि᳚न्दो॒परि॑स्रव॒स्वादि॑ष्ठो॒,अङ्गि॑रोभ्यः |{भार्गवोजमदग्निः | पवमानः सोमः | गायत्री} व॒रि॒वो॒विद्घृ॒तंपयः॒(स्वाहा᳚) || 9 || त्वम्¦इ॒न्दो॒ इति॑¦परि॑¦स्र॒व॒¦स्वादि॑ष्ठः¦अङ्गि॑रःऽभ्यः | व॒रि॒वः॒ऽवित्¦घृ॒तम्¦पयः॑ || |
| अ॒यंविच॑र्षणिर्हि॒तःपव॑मानः॒सचे᳚तति |{भार्गवोजमदग्निः | पवमानः सोमः | गायत्री} हि॒न्वा॒नआप्यं᳚बृ॒हत्(स्वाहा᳚) || 10 || अ॒यम्¦विऽच॑र्षणिः¦हि॒तः¦पव॑मानः¦सः¦चे॒त॒ति॒ | हि॒न्वा॒नः¦आप्य᳚म्¦बृ॒हत् || |
| ए॒षवृषा॒वृष᳚व्रतः॒पव॑मानो,अशस्ति॒हा |{भार्गवोजमदग्निः | पवमानः सोमः | गायत्री} कर॒द्वसू᳚निदा॒शुषे॒(स्वाहा᳚) || 11 || वर्ग:26 ए॒षः¦वृषा᳚¦वृष॑ऽव्रतः¦पव॑मानः¦अ॒श॒स्ति॒ऽहा | कर॑त्¦वसू᳚नि¦दा॒शुषे᳚ || |
| आप॑वस्वसह॒स्रिणं᳚र॒यिंगोम᳚न्तम॒श्विन᳚म् |{भार्गवोजमदग्निः | पवमानः सोमः | गायत्री} पु॒रु॒श्च॒न्द्रंपु॑रु॒स्पृह॒म्(स्वाहा᳚) || 12 || आ¦प॒व॒स्व॒¦स॒ह॒स्रिण᳚म्¦र॒यिम्¦गोऽम᳚न्तम्¦अ॒श्विन᳚म् | पु॒रु॒ऽच॒न्द्रम्¦पु॒रु॒ऽस्पृह᳚म् || |
| ए॒षस्यपरि॑षिच्यतेमर्मृ॒ज्यमा᳚नआ॒युभिः॑ |{भार्गवोजमदग्निः | पवमानः सोमः | गायत्री} उ॒रु॒गा॒यःक॒विक्र॑तुः॒(स्वाहा᳚) || 13 || ए॒षः¦स्यः¦परि॑¦सि॒च्य॒ते॒¦म॒र्मृ॒ज्यमा᳚नः¦आ॒युऽभिः॑ | उ॒रु॒ऽगा॒यः¦क॒विऽक्र॑तुः || |
| स॒हस्रो᳚तिःश॒ताम॑घोवि॒मानो॒रज॑सःक॒विः |{भार्गवोजमदग्निः | पवमानः सोमः | गायत्री} इन्द्रा᳚यपवते॒मदः॒(स्वाहा᳚) || 14 || स॒हस्र॑ऽऊतिः¦श॒तऽम॑घः¦वि॒ऽमानः॑¦रज॑सः¦क॒विः | इन्द्रा᳚य¦प॒व॒ते॒¦मदः॑ || |
| गि॒राजा॒तइ॒हस्तु॒तइन्दु॒रिन्द्रा᳚यधीयते |{भार्गवोजमदग्निः | पवमानः सोमः | गायत्री} विर्योना᳚वस॒तावि॑व॒(स्वाहा᳚) || 15 || गि॒रा¦जा॒तः¦इ॒ह¦स्तु॒तः¦इन्दुः॑¦इन्द्रा᳚य¦धी॒य॒ते॒ | विः¦योना᳚¦व॒स॒तौऽइ᳚व || |
| पव॑मानःसु॒तोनृभिः॒सोमो॒वाज॑मिवासरत् |{भार्गवोजमदग्निः | पवमानः सोमः | गायत्री} च॒मूषु॒शक्म॑ना॒सद॒म्(स्वाहा᳚) || 16 || वर्ग:27 पव॑मानः¦सु॒तः¦नृऽभिः॑¦सोमः॑¦वाज᳚म्ऽइव¦अ॒स॒रत् | च॒मूषु॑¦शक्म॑ना¦आ॒ऽसद᳚म् || |
| तंत्रि॑पृ॒ष्ठेत्रि॑वन्धु॒रेरथे᳚युञ्जन्ति॒यात॑वे |{भार्गवोजमदग्निः | पवमानः सोमः | गायत्री} ऋषी᳚णांस॒प्तधी॒तिभिः॒(स्वाहा᳚) || 17 || तम्¦त्रि॒ऽपृ॒ष्ठे¦त्रि॒ऽब॒न्धु॒रे¦रथे᳚¦युं॒ज॒न्ति॒¦यात॑वे | ऋषी᳚णाम्¦स॒प्त¦धी॒तिऽभिः॑ || |
| तंसो᳚तारोधन॒स्पृत॑मा॒शुंवाजा᳚य॒यात॑वे |{भार्गवोजमदग्निः | पवमानः सोमः | गायत्री} हरिं᳚हिनोतवा॒जिन॒म्(स्वाहा᳚) || 18 || तम्¦सो॒ता॒रः॒¦ध॒न॒ऽस्पृत᳚म्¦आ॒शुम्¦वाजा᳚य¦यात॑वे | हरि᳚म्¦हि॒नो॒त॒¦वा॒जिन᳚म् || |
| आ॒वि॒शन्क॒लशं᳚सु॒तोविश्वा॒,अर्ष᳚न्न॒भिश्रियः॑ |{भार्गवोजमदग्निः | पवमानः सोमः | गायत्री} शूरो॒नगोषु॑तिष्ठति॒(स्वाहा᳚) || 19 || आ॒ऽवि॒शन्¦क॒लश᳚म्¦सु॒तः¦विश्वाः᳚¦अर्ष॑न्¦अ॒भि¦श्रियः॑ | शूरः॑¦न¦गोषु॑¦ति॒ष्ठ॒ति॒ || |
| आत॑इन्दो॒मदा᳚य॒कंपयो᳚दुहन्त्या॒यवः॑ |{भार्गवोजमदग्निः | पवमानः सोमः | गायत्री} दे॒वादे॒वेभ्यो॒मधु॒(स्वाहा᳚) || 20 || आ¦ते॒¦इ॒न्दो॒ इति॑¦मदा᳚य¦कम्¦पयः॑¦दु॒ह॒न्ति॒¦आ॒यवः॑ | दे॒वाः¦दे॒वेभ्यः॑¦मधु॑ || |
| आनः॒सोमं᳚प॒वित्र॒आसृ॒जता॒मधु॑मत्तमम् |{भार्गवोजमदग्निः | पवमानः सोमः | गायत्री} दे॒वेभ्यो᳚देव॒श्रुत्त॑म॒म्(स्वाहा᳚) || 21 || वर्ग:28 आ¦नः॒¦सोम᳚म्¦प॒वित्रे᳚¦आ¦सृ॒जत॑¦मधु॑मत्ऽतमम् | दे॒वेभ्यः॑¦दे॒व॒श्रुत्ऽत॑मम् || |
| ए॒तेसोमा᳚,असृक्षतगृणा॒नाःश्रव॑सेम॒हे |{भार्गवोजमदग्निः | पवमानः सोमः | गायत्री} म॒दिन्त॑मस्य॒धार॑या॒(स्वाहा᳚) || 22 || ए॒ते¦सोमाः᳚¦अ॒सृ॒क्ष॒त॒¦गृ॒णा॒नाः¦श्रव॑से¦म॒हे | म॒दिन्ऽत॑मस्य¦धार॑या || |
| अ॒भिगव्या᳚निवी॒तये᳚नृ॒म्णापु॑ना॒नो,अ॑र्षसि |{भार्गवोजमदग्निः | पवमानः सोमः | गायत्री} स॒नद्वा᳚जः॒परि॑स्रव॒(स्वाहा᳚) || 23 || अ॒भि¦गव्या᳚नि¦वी॒तये᳚¦नृ॒म्णा¦पु॒ना॒नः¦अ॒र्ष॒सि॒ | स॒नत्ऽवा᳚जः¦परि॑¦स्र॒व॒ || |
| उ॒तनो॒गोम॑ती॒रिषो॒विश्वा᳚,अर्षपरि॒ष्टुभः॑ |{भार्गवोजमदग्निः | पवमानः सोमः | गायत्री} गृ॒णा॒नोज॒मद॑ग्निना॒(स्वाहा᳚) || 24 || उ॒त¦नः॒¦गोऽम॑तीः¦इषः॑¦विश्वाः᳚¦अ॒र्ष॒¦प॒रि॒ऽस्तुभः॑ | गृ॒णा॒नः¦ज॒मत्।आ॑ग्निना || |
| पव॑स्ववा॒चो,अ॑ग्रि॒यःसोम॑चि॒त्राभि॑रू॒तिभिः॑ |{भार्गवोजमदग्निः | पवमानः सोमः | गायत्री} अ॒भिविश्वा᳚नि॒काव्या॒(स्वाहा᳚) || 25 || पव॑स्व¦वा॒चः¦अ॒ग्रि॒यः¦सोम॑¦चि॒त्राभिः॑¦ऊ॒तिऽभिः॑ | अ॒भि¦विश्वा᳚नि¦काव्या᳚ || |
| त्वंस॑मु॒द्रिया᳚,अ॒पो᳚ऽग्रि॒योवाच॑ई॒रय॑न् |{भार्गवोजमदग्निः | पवमानः सोमः | गायत्री} पव॑स्वविश्वमेजय॒(स्वाहा᳚) || 26 || वर्ग:29 त्वम्¦स॒मु॒द्रियाः᳚¦अ॒पः¦अ॒ग्रि॒यः¦वाचः॑¦ई॒रय॑न् | पव॑स्व¦वि॒श्व॒म्ऽए॒ज॒य॒ || |
| तुभ्ये॒माभुव॑नाकवेमहि॒म्नेसो᳚मतस्थिरे |{भार्गवोजमदग्निः | पवमानः सोमः | गायत्री} तुभ्य॑मर्षन्ति॒सिन्ध॑वः॒(स्वाहा᳚) || 27 || तुभ्य॑¦इ॒मा¦भुव॑ना¦क॒वे॒¦म॒हि॒म्ने¦सो॒म॒¦त॒स्थि॒रे॒ | तुभ्य᳚म्¦अ॒र्ष॒न्ति॒¦सिन्ध॑वः || |
| प्रते᳚दि॒वोनवृ॒ष्टयो॒धारा᳚यन्त्यस॒श्चतः॑ |{भार्गवोजमदग्निः | पवमानः सोमः | गायत्री} अ॒भिशु॒क्रामु॑प॒स्तिर॒म्(स्वाहा᳚) || 28 || प्र¦ते॒¦दि॒वः¦न¦वृ॒ष्टयः॑¦धाराः᳚¦य॒न्ति॒¦अ॒स॒श्चतः॑ | अ॒भि¦शु॒क्राम्¦उ॒प॒ऽस्तिर᳚म् || |
| इन्द्रा॒येन्दुं᳚पुनीतनो॒ग्रंदक्षा᳚य॒साध॑नम् |{भार्गवोजमदग्निः | पवमानः सोमः | गायत्री} ई॒शा॒नंवी॒तिरा᳚धस॒म्(स्वाहा᳚) || 29 || इन्द्रा᳚य¦इन्दु᳚म्¦पु॒नी॒त॒न॒¦उ॒ग्रम्¦दक्षा᳚य¦साध॑नम् | ई॒शा॒नम्¦वी॒तिऽरा᳚धसम् || |
| पव॑मानऋ॒तःक॒विःसोमः॑प॒वित्र॒मास॑दत् |{भार्गवोजमदग्निः | पवमानः सोमः | गायत्री} दध॑त्स्तो॒त्रेसु॒वीर्य॒म्(स्वाहा᳚) || 30 || पव॑मानः¦ऋ॒तः¦क॒विः¦सोमः॑¦प॒वित्र᳚म्¦आ¦अ॒स॒द॒त् | दध॑त्¦स्तो॒त्रे¦सु॒ऽवीर्य᳚म् || |
| [20] आपवस्वेति त्रिंशदृचस्य सूक्तस्य काश्यपोनिध्रुविः पवमान सोमो गायत्री |{अष्टक:7, अध्याय:1}{मंडल:9, सूक्त:63}{अनुवाक:3, सूक्त:3} |
| आप॑वस्वसह॒स्रिणं᳚र॒यिंसो᳚मसु॒वीर्य᳚म् |{काश्यपोनिध्रुविः | पवमानः सोमः | गायत्री} अ॒स्मेश्रवां᳚सिधारय॒(स्वाहा᳚) || 1 || वर्ग:30 आ¦प॒व॒स्व॒¦स॒ह॒स्रिण᳚म्¦र॒यिम्¦सो॒म॒¦सु॒ऽवीर्य᳚म् | अ॒स्मे इति॑¦श्रवां᳚सि¦धा॒र॒य॒ || |
| इष॒मूर्जं᳚चपिन्वस॒इन्द्रा᳚यमत्स॒रिन्त॑मः |{काश्यपोनिध्रुविः | पवमानः सोमः | गायत्री} च॒मूष्वानिषी᳚दसि॒(स्वाहा᳚) || 2 || इष᳚म्¦ऊर्ज᳚म्¦च॒¦पि॒न्व॒से॒¦इन्द्रा᳚य¦म॒त्स॒रिन्ऽत॑मः | च॒मूषु॑¦आ¦नि¦सी॒द॒सि॒ || |
| सु॒तइन्द्रा᳚य॒विष्ण॑वे॒सोमः॑क॒लशे᳚,अक्षरत् |{काश्यपोनिध्रुविः | पवमानः सोमः | गायत्री} मधु॑माँ,अस्तुवा॒यवे॒(स्वाहा᳚) || 3 || सु॒तः¦इन्द्रा᳚य¦विष्ण॑वे¦सोमः॑¦क॒लशे᳚¦अ॒क्ष॒र॒त् | मधु॑ऽमान्¦अ॒स्तु॒¦वा॒यवे᳚ || |
| ए॒ते,अ॑सृग्रमा॒शवोऽति॒ह्वरां᳚सिब॒भ्रवः॑ |{काश्यपोनिध्रुविः | पवमानः सोमः | गायत्री} सोमा᳚ऋ॒तस्य॒धार॑या॒(स्वाहा᳚) || 4 || ए॒ते¦अ॒सृ॒ग्र॒म्¦आ॒शवः॑¦अति॑¦ह्वरां᳚सि¦ब॒भ्रवः॑ | सोमाः᳚¦ऋ॒तस्य॑¦धार॑या || |
| इन्द्रं॒वर्ध᳚न्तो,अ॒प्तुरः॑कृ॒ण्वन्तो॒विश्व॒मार्य᳚म् |{काश्यपोनिध्रुविः | पवमानः सोमः | गायत्री} अ॒प॒घ्नन्तो॒,अरा᳚व्णः॒(स्वाहा᳚) || 5 || इन्द्र᳚म्¦वर्ध᳚न्तः¦अ॒प्ऽतुरः॑¦कृ॒ण्वन्तः॑¦विश्व᳚म्¦आर्य᳚म् | अ॒प॒ऽघ्नन्तः॑¦अरा᳚व्णः || |
| सु॒ता,अनु॒स्वमारजो॒ऽभ्य॑र्षन्तिब॒भ्रवः॑ |{काश्यपोनिध्रुविः | पवमानः सोमः | गायत्री} इन्द्रं॒गच्छ᳚न्त॒इन्द॑वः॒(स्वाहा᳚) || 6 || वर्ग:31 सु॒ताः¦अनु॑¦स्वम्¦आ¦रजः॑¦अ॒भि¦अ॒र्ष॒न्ति॒¦ब॒भ्रवः॑ | इन्द्र᳚म्¦गच्छ᳚न्तः¦इन्द॑वः || |
| अ॒याप॑वस्व॒धार॑या॒यया॒सूर्य॒मरो᳚चयः |{काश्यपोनिध्रुविः | पवमानः सोमः | गायत्री} हि॒न्वा॒नोमानु॑षीर॒पः(स्वाहा᳚) || 7 || अ॒या¦प॒व॒स्व॒¦धार॑या¦यया᳚¦सूर्य᳚म्¦अरो᳚चयः | हि॒न्वा॒नः¦मानु॑षीः¦अ॒पः || |
| अयु॑क्त॒सूर॒एत॑शं॒पव॑मानोम॒नावधि॑ |{काश्यपोनिध्रुविः | पवमानः सोमः | गायत्री} अ॒न्तरि॑क्षेण॒यात॑वे॒(स्वाहा᳚) || 8 || अयु॑क्त¦सूरः॑¦एत॑शम्¦पव॑मानः¦म॒नौ¦अधि॑ | अ॒न्तरि॑क्षेण¦यात॑वे || |
| उ॒तत्याह॒रितो॒दश॒सूरो᳚,अयुक्त॒यात॑वे |{काश्यपोनिध्रुविः | पवमानः सोमः | गायत्री} इन्दु॒रिन्द्र॒इति॑ब्रु॒वन्(स्वाहा᳚) || 9 || उ॒त¦त्याः¦ह॒रितः॑¦दश॑¦सूरः॑¦अ॒यु॒क्त॒¦यात॑वे | इन्दुः॑¦इन्द्रः॑¦इति॑¦ब्रु॒वन् || |
| परी॒तोवा॒यवे᳚सु॒तंगिर॒इन्द्रा᳚यमत्स॒रम् |{काश्यपोनिध्रुविः | पवमानः सोमः | गायत्री} अव्यो॒वारे᳚षुसिञ्चत॒(स्वाहा᳚) || 10 || परि॑¦इ॒तः¦वा॒यवे᳚¦सु॒तम्¦गिरः॑¦इन्द्रा᳚य¦म॒त्स॒रम् | अव्यः॑¦वारे᳚षु¦सिं॒च॒त॒ || |
| पव॑मानवि॒दार॒यिम॒स्मभ्यं᳚सोमदु॒ष्टर᳚म् |{काश्यपोनिध्रुविः | पवमानः सोमः | गायत्री} योदू॒णाशो᳚वनुष्य॒ता(स्वाहा᳚) || 11 || वर्ग:32 पव॑मान¦वि॒दाः¦र॒यिम्¦अ॒स्मभ्य᳚म्¦सो॒म॒¦दु॒स्तर᳚म् | यः¦दुः॒ऽनशः॑¦व॒नु॒ष्य॒ता || |
| अ॒भ्य॑र्षसह॒स्रिणं᳚र॒यिंगोम᳚न्तम॒श्विन᳚म् |{काश्यपोनिध्रुविः | पवमानः सोमः | गायत्री} अ॒भिवाज॑मु॒तश्रवः॒(स्वाहा᳚) || 12 || अ॒भि¦अ॒र्ष॒¦स॒ह॒स्रिण᳚म्¦र॒यिम्¦गोऽम᳚न्तम्¦अ॒श्विन᳚म् | अ॒भि¦वाज᳚म्¦उ॒त¦श्रवः॑ || |
| सोमो᳚दे॒वोनसूर्योऽद्रि॑भिःपवतेसु॒तः |{काश्यपोनिध्रुविः | पवमानः सोमः | गायत्री} दधा᳚नःक॒लशे॒रस॒म्(स्वाहा᳚) || 13 || सोमः॑¦दे॒वः¦न¦सूर्यः॑¦अद्रि॑ऽभिः¦प॒व॒ते॒¦सु॒तः | दधा᳚नः¦क॒लशे᳚¦रस᳚म् || |
| ए॒तेधामा॒न्यार्या᳚शु॒क्रा,ऋ॒तस्य॒धार॑या |{काश्यपोनिध्रुविः | पवमानः सोमः | गायत्री} वाजं॒गोम᳚न्तमक्षर॒न्(स्वाहा᳚) || 14 || ए॒ते¦धामा᳚नि¦आर्या᳚¦शु॒क्राः¦ऋ॒तस्य॑¦धार॑या | वाज᳚म्¦गोऽम᳚न्तम्¦अ॒क्ष॒र॒न् || |
| सु॒ता,इन्द्रा᳚यव॒ज्रिणे॒सोमा᳚सो॒दध्या᳚शिरः |{काश्यपोनिध्रुविः | पवमानः सोमः | गायत्री} प॒वित्र॒मत्य॑क्षर॒न्(स्वाहा᳚) || 15 || सु॒ताः¦इन्द्रा᳚य¦व॒ज्रिणे᳚¦सोमा᳚सः¦दधि॑ऽआशिरः | प॒वित्र᳚म्¦अति॑¦अ॒क्ष॒र॒न् || |
| प्रसो᳚म॒मधु॑मत्तमोरा॒ये,अ॑र्षप॒वित्र॒आ |{काश्यपोनिध्रुविः | पवमानः सोमः | गायत्री} मदो॒योदे᳚व॒वीत॑मः॒(स्वाहा᳚) || 16 || वर्ग:33 प्र¦सो॒म॒¦मधु॑मत्ऽतमः¦रा॒ये¦अ॒र्ष॒¦प॒वित्रे᳚¦आ | मदः॑¦यः¦दे॒व॒ऽवीत॑मः || |
| तमी᳚मृजन्त्या॒यवो॒हरिं᳚न॒दीषु॑वा॒जिन᳚म् |{काश्यपोनिध्रुविः | पवमानः सोमः | गायत्री} इन्दु॒मिन्द्रा᳚यमत्स॒रम्(स्वाहा᳚) || 17 || तम्¦ई॒मिति॑¦मृ॒ज॒न्ति॒¦आ॒यवः॑¦हरि᳚म्¦न॒दीषु॑¦वा॒जिन᳚म् | इन्दु᳚म्¦इन्द्रा᳚य¦म॒त्स॒रम् || |
| आप॑वस्व॒हिर᳚ण्यव॒दश्वा᳚वत्सोमवी॒रव॑त् |{काश्यपोनिध्रुविः | पवमानः सोमः | गायत्री} वाजं॒गोम᳚न्त॒माभ॑र॒(स्वाहा᳚) || 18 || आ¦प॒व॒स्व॒¦हिर᳚ण्यऽवत्¦अश्व॑ऽवत्¦सो॒म॒¦वी॒रऽव॑त् | वाज᳚म्¦गोऽम᳚न्तम्¦आ¦भ॒र॒ || |
| परि॒वाजे॒नवा᳚ज॒युमव्यो॒वारे᳚षुसिञ्चत |{काश्यपोनिध्रुविः | पवमानः सोमः | गायत्री} इन्द्रा᳚य॒मधु॑मत्तम॒म्(स्वाहा᳚) || 19 || परि॑¦वाजे᳚¦न¦वा॒ज॒ऽयुम्¦अव्यः॑¦वारे᳚षु¦सिं॒च॒त॒ | इन्द्रा᳚य¦मधु॑मत्ऽतमम् || |
| क॒विंमृ॑जन्ति॒मर्ज्यं᳚धी॒भिर्विप्रा᳚,अव॒स्यवः॑ |{काश्यपोनिध्रुविः | पवमानः सोमः | गायत्री} वृषा॒कनि॑क्रदर्षति॒(स्वाहा᳚) || 20 || क॒विम्¦मृ॒ज॒न्ति॒¦मर्ज्य᳚म्¦धी॒भिः¦विप्राः᳚¦अ॒व॒स्यवः॑ | वृषा᳚¦कनि॑क्रत्¦अ॒र्ष॒ति॒ || |
| वृष॑णंधी॒भिर॒प्तुरं॒सोम॑मृ॒तस्य॒धार॑या |{काश्यपोनिध्रुविः | पवमानः सोमः | गायत्री} म॒तीविप्राः॒सम॑स्वर॒न्(स्वाहा᳚) || 21 || वर्ग:34 वृष॑णम्¦धी॒भिः¦अ॒प्ऽतुर᳚म्¦सोम᳚म्¦ऋ॒तस्य॑¦धार॑या | म॒ती¦विप्राः᳚¦सम्¦अ॒स्व॒र॒न् || |
| पव॑स्वदेवायु॒षगिन्द्रं᳚गच्छतुते॒मदः॑ |{काश्यपोनिध्रुविः | पवमानः सोमः | गायत्री} वा॒युमारो᳚ह॒धर्म॑णा॒(स्वाहा᳚) || 22 || पव॑स्व¦दे॒व॒¦आ॒यु॒षक्¦इन्द्र᳚म्¦ग॒च्छ॒तु॒¦ते॒¦मदः॑ | वा॒युम्¦आ¦रो॒ह॒¦धर्म॑णा || |
| पव॑मान॒नितो᳚शसेर॒यिंसो᳚मश्र॒वाय्य᳚म् |{काश्यपोनिध्रुविः | पवमानः सोमः | गायत्री} प्रि॒यःस॑मु॒द्रमावि॑श॒(स्वाहा᳚) || 23 || पव॑मान¦नि¦तो॒श॒से॒¦र॒यिम्¦सो॒म॒¦श्र॒वाय्य᳚म् | प्रि॒यः¦स॒मु॒द्रम्¦आ¦वि॒श॒ || |
| अ॒प॒घ्नन्प॑वसे॒मृधः॑क्रतु॒वित्सो᳚ममत्स॒रः |{काश्यपोनिध्रुविः | पवमानः सोमः | गायत्री} नु॒दस्वादे᳚वयुं॒जन॒म्(स्वाहा᳚) || 24 || अ॒प॒ऽघ्नन्¦प॒व॒से॒¦मृधः॑¦क्र॒तु॒ऽवित्¦सो॒म॒¦म॒त्स॒रः | नु॒दस्व॑¦अदे᳚वऽयुम्¦जन᳚म् || |
| पव॑माना,असृक्षत॒सोमाः᳚शु॒क्रास॒इन्द॑वः |{काश्यपोनिध्रुविः | पवमानः सोमः | गायत्री} अ॒भिविश्वा᳚नि॒काव्या॒(स्वाहा᳚) || 25 || पव॑मानाः¦अ॒सृ॒क्ष॒त॒¦सोमाः᳚¦शु॒क्रासः॑¦इन्द॑वः | अ॒भि¦विश्वा᳚नि¦काव्या᳚ || |
| पव॑मानासआ॒शवः॑शु॒भ्रा,अ॑सृग्र॒मिन्द॑वः |{काश्यपोनिध्रुविः | पवमानः सोमः | गायत्री} घ्नन्तो॒विश्वा॒,अप॒द्विषः॒(स्वाहा᳚) || 26 || वर्ग:35 पव॑मानासः¦आ॒शवः॑¦शु॒भ्राः¦अ॒सृ॒ग्र॒म्¦इन्द॑वः | घ्नन्तः॑¦विश्वाः᳚¦अप॑¦द्विषः॑ || |
| पव॑मानादि॒वस्पर्य॒न्तरि॑क्षादसृक्षत |{काश्यपोनिध्रुविः | पवमानः सोमः | गायत्री} पृ॒थि॒व्या,अधि॒सान॑वि॒(स्वाहा᳚) || 27 || पव॑मानाः¦दि॒वः¦परि॑¦अ॒न्तरि॑क्षात्¦अ॒सृ॒क्ष॒त॒ | पृ॒थि॒व्याः¦अधि॑¦सान॑वि || |
| पु॒ना॒नःसो᳚म॒धार॒येन्दो॒विश्वा॒,अप॒स्रिधः॑ |{काश्यपोनिध्रुविः | पवमानः सोमः | गायत्री} ज॒हिरक्षां᳚सिसुक्रतो॒(स्वाहा᳚) || 28 || पु॒ना॒नः¦सो॒म॒¦धार॑या¦इन्दो॒ इति॑¦विश्वाः᳚¦अप॑¦स्रिधः॑ | ज॒हि¦रक्षां᳚सि¦सु॒क्र॒तो॒ इति॑ सुऽक्रतो || |
| अ॒प॒घ्नन्त्सो᳚मर॒क्षसो॒ऽभ्य॑र्ष॒कनि॑क्रदत् |{काश्यपोनिध्रुविः | पवमानः सोमः | गायत्री} द्यु॒मन्तं॒शुष्म॑मुत्त॒मम्(स्वाहा᳚) || 29 || अ॒प॒ऽघ्नन्¦सो॒म॒¦र॒क्षसः॑¦अ॒भि¦अ॒र्ष॒¦कनि॑क्रदत् | द्यु॒ऽमन्त᳚म्¦शुष्म᳚म्¦उ॒त्ऽत॒मम् || |
| अ॒स्मेवसू᳚निधारय॒सोम॑दि॒व्यानि॒पार्थि॑वा |{काश्यपोनिध्रुविः | पवमानः सोमः | गायत्री} इन्दो॒विश्वा᳚नि॒वार्या॒(स्वाहा᳚) || 30 || अ॒स्मे इति॑¦वसू᳚नि¦धा॒र॒य॒¦सोम॑¦दि॒व्यानि॑¦पार्थि॑वा | इन्दो॒ इति॑¦विश्वा᳚नि¦वार्या᳚ || |
| [21] वृषासोमेति त्रिंशदृचस्यसूक्तस्य मारीचः कश्यपः पवमानसोमोगायत्री |{अष्टक:7, अध्याय:1}{मंडल:9, सूक्त:64}{अनुवाक:3, सूक्त:4} |
| वृषा᳚सोमद्यु॒माँ,अ॑सि॒वृषा᳚देव॒वृष᳚व्रतः |{मारीचः कश्यपः | पवमानः सोमः | गायत्री} वृषा॒धर्मा᳚णिदधिषे॒(स्वाहा᳚) || 1 || वर्ग:36 वृषा᳚¦सो॒म॒¦द्यु॒ऽमान्¦अ॒सि॒¦वृषा᳚¦दे॒व॒¦वृष॑ऽव्रतः | वृषा᳚¦धर्मा᳚णि¦द॒धि॒षे॒ || |
| वृष्ण॑स्ते॒वृष्ण्यं॒शवो॒वृषा॒वनं॒वृषा॒मदः॑ |{मारीचः कश्यपः | पवमानः सोमः | गायत्री} स॒त्यंवृ॑ष॒न्वृषेद॑सि॒(स्वाहा᳚) || 2 || वृष्णः॑¦ते॒¦वृष्ण्य᳚म्¦शवः॑¦वृषा᳚¦वन᳚म्¦वृषा᳚¦मदः॑ | स॒त्यम्¦वृ॒ष॒न्¦वृषा᳚¦इत्¦अ॒सि॒ || |
| अश्वो॒नच॑क्रदो॒वृषा॒संगा,इ᳚न्दो॒समर्व॑तः |{मारीचः कश्यपः | पवमानः सोमः | गायत्री} विनो᳚रा॒येदुरो᳚वृधि॒(स्वाहा᳚) || 3 || अश्वः॑¦न¦च॒क्र॒दः॒¦वृषा᳚¦सम्¦गाः¦इ॒न्दो॒ इति॑¦सम्¦अर्व॑तः | वि¦नः॒¦रा॒ये¦दुरः॑¦वृ॒धि॒ || |
| असृ॑क्षत॒प्रवा॒जिनो᳚ग॒व्यासोमा᳚सो,अश्व॒या |{मारीचः कश्यपः | पवमानः सोमः | गायत्री} शु॒क्रासो᳚वीर॒याशवः॒(स्वाहा᳚) || 4 || असृ॑क्षत¦प्र¦वा॒जिनः॑¦ग॒व्या¦सोमा᳚सः¦अ॒श्व॒ऽया | शु॒क्रासः॑¦वी॒र॒ऽया¦आ॒शवः॑ || |
| शु॒म्भमा᳚ना,ऋता॒युभि᳚र्मृ॒ज्यमा᳚ना॒गभ॑स्त्योः |{मारीचः कश्यपः | पवमानः सोमः | गायत्री} पव᳚न्ते॒वारे᳚,अ॒व्यये॒(स्वाहा᳚) || 5 || शु॒म्भमा᳚नाः¦ऋ॒त॒युऽभिः॑¦मृ॒ज्यमा᳚नाः¦गभ॑स्त्योः | पव᳚न्ते¦वारे᳚¦अ॒व्यये᳚ || |
| तेविश्वा᳚दा॒शुषे॒वसु॒सोमा᳚दि॒व्यानि॒पार्थि॑वा |{मारीचः कश्यपः | पवमानः सोमः | गायत्री} पव᳚न्ता॒मान्तरि॑क्ष्या॒(स्वाहा᳚) || 6 || वर्ग:37 ते¦विश्वा᳚¦दा॒शुषे᳚¦वसु॑¦सोमाः᳚¦दि॒व्यानि॑¦पार्थि॑वा | पव᳚न्ताम्¦आ¦अ॒न्तरि॑क्ष्या || |
| पव॑मानस्यविश्ववि॒त्प्रते॒सर्गा᳚,असृक्षत |{मारीचः कश्यपः | पवमानः सोमः | गायत्री} सूर्य॑स्येव॒नर॒श्मयः॒(स्वाहा᳚) || 7 || पव॑मानस्य¦वि॒श्व॒ऽवि॒त्¦प्र¦ते॒¦सर्गाः᳚¦अ॒सृ॒क्ष॒त॒ | सूर्य॑स्यऽइव¦न¦र॒श्मयः॑ || |
| के॒तुंकृ॒ण्वन्दि॒वस्परि॒विश्वा᳚रू॒पाभ्य॑र्षसि |{मारीचः कश्यपः | पवमानः सोमः | गायत्री} स॒मु॒द्रःसो᳚मपिन्वसे॒(स्वाहा᳚) || 8 || के॒तुम्¦कृ॒ण्वन्¦दि॒वः¦परि॑¦विश्वा᳚¦रू॒पा¦अ॒भि¦अ॒र्ष॒सि॒ | स॒मु॒द्रः¦सो॒म॒¦पि॒न्व॒से॒ || |
| हि॒न्वा॒नोवाच॑मिष्यसि॒पव॑मान॒विध᳚र्मणि |{मारीचः कश्यपः | पवमानः सोमः | गायत्री} अक्रा᳚न्दे॒वोनसूर्यः॒(स्वाहा᳚) || 9 || हि॒न्वा॒नः¦वाच᳚म्¦इ॒ष्य॒सि॒¦पव॑मान¦विऽध᳚र्मणि | अक्रा᳚न्¦दे॒वः¦न¦सूर्यः॑ || |
| इन्दुः॑पविष्ट॒चेत॑नःप्रि॒यःक॑वी॒नांम॒ती |{मारीचः कश्यपः | पवमानः सोमः | गायत्री} सृ॒जदश्वं᳚र॒थीरि॑व॒(स्वाहा᳚) || 10 || इन्दुः॑¦प॒वि॒ष्ट॒¦चेत॑नः¦प्रि॒यः¦क॒वी॒नाम्¦म॒ती | सृ॒जत्¦अश्व᳚म्¦र॒थीःऽइ᳚व || |
| ऊ॒र्मिर्यस्ते᳚प॒वित्र॒आदे᳚वा॒वीःप॒र्यक्ष॑रत् |{मारीचः कश्यपः | पवमानः सोमः | गायत्री} सीद᳚न्नृ॒तस्य॒योनि॒मा(स्वाहा᳚) || 11 || वर्ग:38 ऊ॒र्मिः¦यः¦ते॒¦प॒वित्रे᳚¦आ¦द॒व॒।आ॒वीः¦प॒रि॒।आक्ष॑रत् | सीद॑न्¦ऋ॒तस्य॑¦योनि᳚म्¦आ || |
| सनो᳚,अर्षप॒वित्र॒आमदो॒योदे᳚व॒वीत॑मः |{मारीचः कश्यपः | पवमानः सोमः | गायत्री} इन्द॒विन्द्रा᳚यपी॒तये॒(स्वाहा᳚) || 12 || सः¦नः॒¦अ॒र्ष॒¦प॒वित्रे᳚¦आ¦मदः॑¦यः¦दे॒व॒ऽवीत॑मः | इन्दो॒ इति॑¦इन्द्रा᳚य¦पी॒तये᳚ || |
| इ॒षेप॑वस्व॒धार॑यामृ॒ज्यमा᳚नोमनी॒षिभिः॑ |{मारीचः कश्यपः | पवमानः सोमः | गायत्री} इन्दो᳚रु॒चाभिगा,इ॑हि॒(स्वाहा᳚) || 13 || इ॒षे¦प॒व॒स्व॒¦धार॑या¦मृ॒ज्यमा᳚नः¦म॒नी॒षिऽभिः॑ | इन्दो॒ इति॑¦रु॒चा¦अ॒भि¦गाः¦इ॒हि॒ || |
| पु॒ना॒नोवरि॑वस्कृ॒ध्यूर्जं॒जना᳚यगिर्वणः |{मारीचः कश्यपः | पवमानः सोमः | गायत्री} हरे᳚सृजा॒नआ॒शिर॒म्(स्वाहा᳚) || 14 || पु॒ना॒नः¦वरि॑वः¦कृ॒धि॒¦ऊर्ज᳚म्¦जना᳚य¦गि॒र्व॒णः॒ | हरे᳚¦सृ॒जा॒नः¦आ॒ऽशिर᳚म् || |
| पु॒ना॒नोदे॒ववी᳚तय॒इन्द्र॑स्ययाहिनिष्कृ॒तम् |{मारीचः कश्यपः | पवमानः सोमः | गायत्री} द्यु॒ता॒नोवा॒जिभि᳚र्य॒तः(स्वाहा᳚) || 15 || पु॒ना॒नः¦दे॒वऽवी᳚तये¦इन्द्र॑स्य¦या॒हि॒¦निः॒ऽकृ॒तम् | द्यु॒ता॒नः¦वा॒जिऽभिः॑¦य॒तः || |
| प्रहि᳚न्वा॒नास॒इन्द॒वोऽच्छा᳚समु॒द्रमा॒शवः॑ |{मारीचः कश्यपः | पवमानः सोमः | गायत्री} धि॒याजू॒ता,अ॑सृक्षत॒(स्वाहा᳚) || 16 || वर्ग:39 प्र¦हि॒न्वा॒नासः॑¦इन्द॑वः¦अच्छ॑¦स॒मु॒द्रम्¦आ॒शवः॑ | धि॒या¦जू॒ताः¦अ॒सृ॒क्ष॒त॒ || |
| म॒र्मृ॒जा॒नास॑आ॒यवो॒वृथा᳚समु॒द्रमिन्द॑वः |{मारीचः कश्यपः | पवमानः सोमः | गायत्री} अग्म᳚न्नृ॒तस्य॒योनि॒मा(स्वाहा᳚) || 17 || म॒र्मृ॒जा॒नासः॑¦आ॒यवः॑¦वृथा᳚¦स॒मु॒द्रम्¦इन्द॑वः | अग्म॑न्¦ऋ॒तस्य॑¦योनि᳚म्¦आ || |
| परि॑णोयाह्यस्म॒युर्विश्वा॒वसू॒न्योज॑सा |{मारीचः कश्यपः | पवमानः सोमः | गायत्री} पा॒हिनः॒शर्म॑वी॒रव॒॑त्(स्वाहा᳚) || 18 || परि॑¦नः॒¦या॒हि॒¦अ॒स्म॒ऽयुः¦विश्वा᳚¦वसू᳚नि¦ओज॑सा | पा॒हि¦नः॒¦शर्म॑¦वी॒रऽव॑त् || |
| मिमा᳚ति॒वह्नि॒रेत॑शःप॒दंयु॑जा॒नऋक्व॑भिः |{मारीचः कश्यपः | पवमानः सोमः | गायत्री} प्रयत्स॑मु॒द्रआहि॑तः॒(स्वाहा᳚) || 19 || मिमा᳚ति¦वह्निः॑¦एत॑शः¦प॒दम्¦यु॒जा॒नः¦ऋक्व॑ऽभिः | प्र¦यत्¦स॒मु॒द्रे¦आऽहि॑तः || |
| आयद्योनिं᳚हिर॒ण्यय॑मा॒शुरृ॒तस्य॒सीद॑ति |{मारीचः कश्यपः | पवमानः सोमः | गायत्री} जहा॒त्यप्र॑चेतसः॒(स्वाहा᳚) || 20 || आ¦यत्¦योनि᳚म्¦हि॒र॒ण्यय᳚म्¦आ॒शुः¦ऋ॒तस्य॑¦सीद॑ति | जहा᳚ति¦अप्र॑ऽचेतसः || |
| अ॒भिवे॒ना,अ॑नूष॒तेय॑क्षन्ति॒प्रचे᳚तसः |{मारीचः कश्यपः | पवमानः सोमः | गायत्री} मज्ज॒न्त्यवि॑चेतसः॒(स्वाहा᳚) || 21 || वर्ग:40 अ॒भि¦वे॒नाः¦अ॒नू॒ष॒त॒¦इय॑क्षन्ति¦प्रऽचे᳚तसः | मज्ज᳚न्ति¦अवि॑ऽचेतसः || |
| इन्द्रा᳚येन्दोम॒रुत्व॑ते॒पव॑स्व॒मधु॑मत्तमः |{मारीचः कश्यपः | पवमानः सोमः | गायत्री} ऋ॒तस्य॒योनि॑मा॒सद॒म्(स्वाहा᳚) || 22 || इन्द्रा᳚य¦इ॒न्दो॒ इति॑¦म॒रुत्व॑ते¦पव॑स्व¦मधु॑मत्ऽतमः | ऋ॒तस्य॑¦योनि᳚म्¦आ॒ऽसद᳚म् || |
| तंत्वा॒विप्रा᳚वचो॒विदः॒परि॑ष्कृण्वन्तिवे॒धसः॑ |{मारीचः कश्यपः | पवमानः सोमः | गायत्री} संत्वा᳚मृजन्त्या॒यवः॒(स्वाहा᳚) || 23 || तम्¦त्वा॒¦विप्राः᳚¦व॒चः॒ऽविदः॑¦परि॑¦कृ॒ण्व॒न्ति॒¦वे॒धसः॑ | सम्¦त्वा॒¦मृ॒ज॒न्ति॒¦आ॒यवः॑ || |
| रसं᳚तेमि॒त्रो,अ᳚र्य॒मापिब᳚न्ति॒वरु॑णःकवे |{मारीचः कश्यपः | पवमानः सोमः | गायत्री} पव॑मानस्यम॒रुतः॒(स्वाहा᳚) || 24 || रस᳚म्¦ते॒¦मि॒त्रः¦अ॒र्य॒मा¦पिब᳚न्ति¦वरु॑णः¦क॒वे॒ | पव॑मानस्य¦म॒रुतः॑ || |
| त्वंसो᳚मविप॒श्चितं᳚पुना॒नोवाच॑मिष्यसि |{मारीचः कश्यपः | पवमानः सोमः | गायत्री} इन्दो᳚स॒हस्र॑भर्णस॒म्(स्वाहा᳚) || 25 || त्वम्¦सो॒म॒¦वि॒पः॒ऽचित᳚म्¦पु॒ना॒नः¦वाच᳚म्¦इ॒ष्य॒सि॒ | इन्दो॒ इति॑¦स॒हस्र॑ऽभर्णसम् || |
| उ॒तोस॒हस्र॑भर्णसं॒वाचं᳚सोममख॒स्युव᳚म् |{मारीचः कश्यपः | पवमानः सोमः | गायत्री} पु॒ना॒नइ᳚न्द॒वाभ॑र॒(स्वाहा᳚) || 26 || वर्ग:41 उ॒तो इति॑¦स॒हस्र॑ऽभर्णसम्¦वाच᳚म्¦सो॒म॒¦म॒ख॒स्युव᳚म् | पु॒ना॒नः¦इ॒न्दो॒ इति॑¦आ¦भ॒र॒ || |
| पु॒ना॒नइ᳚न्दवेषां॒पुरु॑हूत॒जना᳚नाम् |{मारीचः कश्यपः | पवमानः सोमः | गायत्री} प्रि॒यःस॑मु॒द्रमावि॑श॒(स्वाहा᳚) || 27 || पु॒ना॒नः¦इ॒न्दो॒ इति॑¦ए॒षा॒म्¦पुरु॑ऽहूत¦जना᳚नाम् | प्रि॒यः¦स॒मु॒द्रम्¦आ¦वि॒श॒ || |
| दवि॑द्युतत्यारु॒चाप॑रि॒ष्टोभ᳚न्त्याकृ॒पा |{मारीचः कश्यपः | पवमानः सोमः | गायत्री} सोमाः᳚शु॒क्रागवा᳚शिरः॒(स्वाहा᳚) || 28 || दवि॑द्युतत्या¦रु॒चा¦प॒रि॒ऽस्तोभ᳚न्त्या¦कृ॒पा | सोमाः᳚¦शु॒क्राः¦गोऽआ᳚शिरः || |
| हि॒न्वा॒नोहे॒तृभि᳚र्य॒तआवाजं᳚वा॒ज्य॑क्रमीत् |{मारीचः कश्यपः | पवमानः सोमः | गायत्री} सीद᳚न्तोव॒नुषो᳚यथा॒(स्वाहा᳚) || 29 || हि॒न्वा॒नः¦हे॒तृऽभिः॑¦य॒तः¦आ¦वाज᳚म्¦वा॒जी¦अ॒क्र॒मी॒त् | सीद᳚न्तः¦व॒नुषः॑¦य॒था॒ || |
| ऋ॒धक्सो᳚मस्व॒स्तये᳚संजग्मा॒नोदि॒वःक॒विः |{मारीचः कश्यपः | पवमानः सोमः | गायत्री} पव॑स्व॒सूर्यो᳚दृ॒शे(स्वाहा᳚) || 30 || ऋ॒धक्¦सो॒म॒¦स्व॒स्तये᳚¦स॒म्ऽज॒ग्मा॒नः¦दि॒वः¦क॒विः | पव॑स्व¦सूर्यः॑¦दृ॒शे || |
| [22] हिन्वन्तीति त्रिंशदृचस्य सूक्तस्य वारुणिर्भृगुः पवमानसोमोगायत्री | (अत्रभार्गवोजमदग्निः पाक्षिकः) (पवमान पारायण चतुर्थोध्यायः){अष्टक:7, अध्याय:2}{मंडल:9, सूक्त:65}{अनुवाक:3, सूक्त:5} |
| हि॒न्वन्ति॒सूर॒मुस्र॑यः॒स्वसा᳚रोजा॒मय॒स्पति᳚म् |{वारुणिर्भृगुः | पवमानः सोमः | गायत्री} म॒हामिन्दुं᳚मही॒युवः॒(स्वाहा᳚) || 1 || वर्ग:1 हि॒न्वन्ति॑¦सूर᳚म्¦उस्र॑यः¦स्वसा᳚रः¦जा॒मयः॑¦पति᳚म् | म॒हाम्¦इन्दु᳚म्¦म॒ही॒युवः॑ || |
| पव॑मानरु॒चारु॑चादे॒वोदे॒वेभ्य॒स्परि॑ |{वारुणिर्भृगुः | पवमानः सोमः | गायत्री} विश्वा॒वसू॒न्यावि॑श॒(स्वाहा᳚) || 2 || पव॑मान¦रु॒चाऽरु॑चा¦दे॒वः¦दे॒वेभ्यः॑¦परि॑ | विश्वा᳚¦वसू᳚नि¦आ¦वि॒श॒ || |
| आप॑वमानसुष्टु॒तिंवृ॒ष्टिंदे॒वेभ्यो॒दुवः॑ |{वारुणिर्भृगुः | पवमानः सोमः | गायत्री} इ॒षेप॑वस्वसं॒यत॒म्(स्वाहा᳚) || 3 || आ¦प॒व॒मा॒न॒¦सु॒ऽस्तु॒तिम्¦वृ॒ष्टिम्¦दे॒वेभ्यः॑¦दुवः॑ | इ॒षे¦प॒व॒स्व॒¦स॒म्ऽयत᳚म् || |
| वृषा॒ह्यसि॑भा॒नुना᳚द्यु॒मन्तं᳚त्वाहवामहे |{वारुणिर्भृगुः | पवमानः सोमः | गायत्री} पव॑मानस्वा॒ध्य॑१(अः॒)(स्वाहा᳚) || 4 || वृषा᳚¦हि¦असि॑¦भा॒नुना᳚¦द्यु॒ऽमन्त᳚म्¦त्वा॒¦ह॒वा॒म॒हे॒ | पव॑मान¦सु॒ऽआ॒ध्यः॑ || |
| आप॑वस्वसु॒वीर्यं॒मन्द॑मानःस्वायुध |{वारुणिर्भृगुः | पवमानः सोमः | गायत्री} इ॒होष्वि᳚न्द॒वाग॑हि॒(स्वाहा᳚) || 5 || आ¦पा॒व॒स्व॒¦सु॒ऽवीर्य᳚म्¦मन्द॑मानः¦सु॒ऽआ॒यु॒ध॒ | इ॒हो इति॑¦सु¦इ॒न्दो॒ इति॑¦आ¦ग॒हि॒ || |
| यद॒द्भिःप॑रिषि॒च्यसे᳚मृ॒ज्यमा᳚नो॒गभ॑स्त्योः |{वारुणिर्भृगुः | पवमानः सोमः | गायत्री} द्रुणा᳚स॒धस्थ॑मश्नुषे॒(स्वाहा᳚) || 6 || वर्ग:2 यत्¦अ॒त्ऽभिः¦प॒रि॒ऽसि॒च्यसे᳚¦मृ॒ज्यमा᳚नः¦गभ॑स्त्योः | द्रुणा᳚¦स॒धऽस्थ᳚म्¦अ॒श्नु॒षे॒ || |
| प्रसोमा᳚यव्यश्व॒वत्पव॑मानायगायत |{वारुणिर्भृगुः | पवमानः सोमः | गायत्री} म॒हेस॒हस्र॑चक्षसे॒(स्वाहा᳚) || 7 || प्र¦सोमा᳚य¦व्य॒श्व॒ऽवत्¦पव॑मानाय¦गा॒य॒त॒ | म॒हे¦स॒हस्र॑ऽचक्षसे || |
| यस्य॒वर्णं᳚मधु॒श्चुतं॒हरिं᳚हि॒न्वन्त्यद्रि॑भिः |{वारुणिर्भृगुः | पवमानः सोमः | गायत्री} इन्दु॒मिन्द्रा᳚यपी॒तये॒(स्वाहा᳚) || 8 || यस्य॑¦वर्ण᳚म्¦म॒धु॒ऽश्चुत᳚म्¦हरि᳚म्¦हि॒न्वन्ति॑¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| तस्य॑तेवा॒जिनो᳚व॒यंविश्वा॒धना᳚निजि॒ग्युषः॑ |{वारुणिर्भृगुः | पवमानः सोमः | गायत्री} स॒खि॒त्वमावृ॑णीमहे॒(स्वाहा᳚) || 9 || तस्य॑¦ते॒¦वा॒जिनः॑¦व॒यम्¦विश्वा᳚¦धना᳚नि¦जि॒ग्युषः॑ | स॒खि॒ऽत्वम्¦आ¦वृ॒णी॒म॒हे॒ || |
| वृषा᳚पवस्व॒धार॑याम॒रुत्व॑तेचमत्स॒रः |{वारुणिर्भृगुः | पवमानः सोमः | गायत्री} विश्वा॒दधा᳚न॒ओज॑सा॒(स्वाहा᳚) || 10 || वृषा᳚¦प॒व॒स्व॒¦धार॑या¦म॒रुत्व॑ते¦च॒¦म॒त्स॒रः | विश्वा᳚¦दधा᳚नः¦ओज॑सा || |
| तंत्वा᳚ध॒र्तार॑मो॒ण्यो॒३॑(ओः॒)पव॑मानस्व॒र्दृश᳚म् |{वारुणिर्भृगुः | पवमानः सोमः | गायत्री} हि॒न्वेवाजे᳚षुवा॒जिन॒म्(स्वाहा᳚) || 11 || वर्ग:3 तम्¦त्वा॒¦ध॒र्तार᳚म्¦ओ॒ण्योः᳚¦पव॑मान¦स्वः॒ऽदृश᳚म् | हि॒न्वे¦वाजे᳚षु¦वा॒जिन᳚म् || |
| अ॒याचि॒त्तोवि॒पानया॒हरिः॑पवस्व॒धार॑या |{वारुणिर्भृगुः | पवमानः सोमः | गायत्री} युजं॒वाजे᳚षुचोदय॒(स्वाहा᳚) || 12 || अ॒या¦चि॒त्तः¦वि॒पा¦अ॒नया᳚¦हरिः॑¦प॒व॒स्व॒¦धार॑या | युज᳚म्¦वाजे᳚षु¦चो॒द॒य॒ || |
| आन॑इन्दोम॒हीमिषं॒पव॑स्ववि॒श्वद॑र्शतः |{वारुणिर्भृगुः | पवमानः सोमः | गायत्री} अ॒स्मभ्यं᳚सोमगातु॒वित्(स्वाहा᳚) || 13 || आ¦नः॒¦इ॒न्दो॒ इति॑¦म॒हीम्¦इष᳚म्¦पव॑स्व¦वि॒श्वऽद॑र्शतः | अ॒स्मभ्य᳚म्¦सो॒म॒¦गा॒तु॒ऽवित् || |
| आक॒लशा᳚,अनूष॒तेन्दो॒धारा᳚भि॒रोज॑सा |{वारुणिर्भृगुः | पवमानः सोमः | गायत्री} एन्द्र॑स्यपी॒तये᳚विश॒(स्वाहा᳚) || 14 || आ¦क॒लशाः᳚¦अ॒नू॒ष॒त॒¦इन्दो॒ इति॑¦धारा᳚भिः¦ओज॑सा | आ¦इन्द्र॑स्य¦पी॒तये᳚¦वि॒श॒ || |
| यस्य॑ते॒मद्यं॒रसं᳚ती॒व्रंदु॒हन्त्यद्रि॑भिः |{वारुणिर्भृगुः | पवमानः सोमः | गायत्री} सप॑वस्वाभिमाति॒हा(स्वाहा᳚) || 15 || यस्य॑¦ते॒¦मद्य᳚म्¦रस᳚म्¦ती॒व्रम्¦दु॒हन्ति॑¦अद्रि॑ऽभिः | सः¦प॒व॒स्व॒¦अ॒भि॒मा॒ति॒ऽहा || |
| राजा᳚मे॒धाभि॑रीयते॒पव॑मानोम॒नावधि॑ |{वारुणिर्भृगुः | पवमानः सोमः | गायत्री} अ॒न्तरि॑क्षेण॒यात॑वे॒(स्वाहा᳚) || 16 || वर्ग:4 राजा᳚¦मे॒धाभिः॑¦ई॒य॒ते॒¦पव॑मानः¦म॒नौ¦अधि॑ | अ॒न्तरि॑क्षेण¦यात॑वे || |
| आन॑इन्दोशत॒ग्विनं॒गवां॒पोषं॒स्वश्व्य᳚म् |{वारुणिर्भृगुः | पवमानः सोमः | गायत्री} वहा॒भग॑त्तिमू॒तये॒(स्वाहा᳚) || 17 || आ¦नः॒¦इ॒न्दो॒ इति॑¦श॒त॒ऽग्विन᳚म्¦गवा᳚म्¦पोष᳚म्¦सु॒।आश्व्य᳚म् | वह॑¦भग॑त्तिम्¦ऊ॒तये᳚ || |
| आनः॑सोम॒सहो॒जुवो᳚रू॒पंनवर्च॑सेभर |{वारुणिर्भृगुः | पवमानः सोमः | गायत्री} सु॒ष्वा॒णोदे॒ववी᳚तये॒(स्वाहा᳚) || 18 || आ¦नः॒¦सो॒म॒¦सहः॑¦जुवः॑¦रू॒पम्¦न¦वर्च॑से¦भ॒र॒ | सु॒स्वा॒नः¦दे॒वऽवी᳚तये || |
| अर्षा᳚सोमद्यु॒मत्त॑मो॒ऽभिद्रोणा᳚नि॒रोरु॑वत् |{वारुणिर्भृगुः | पवमानः सोमः | गायत्री} सीद᳚ञ्छ्ये॒नोनयोनि॒मा(स्वाहा᳚) || 19 || अर्ष॑¦सो॒म॒¦द्यु॒मत्ऽत॑मः¦अ॒भि¦द्रोणा᳚नि¦रोरु॑वत् | सीद॑न्¦श्ये॒नः¦न¦योनि᳚म्¦आ || |
| अ॒प्सा,इन्द्रा᳚यवा॒यवे॒वरु॑णायम॒रुद्भ्यः॑ |{वारुणिर्भृगुः | पवमानः सोमः | गायत्री} सोमो᳚,अर्षति॒विष्ण॑वे॒(स्वाहा᳚) || 20 || अ॒प्साः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमः॑¦अ॒र्ष॒ति॒¦विष्ण॑वे || |
| इषं᳚तो॒काय॑नो॒दध॑द॒स्मभ्यं᳚सोमवि॒श्वतः॑ |{वारुणिर्भृगुः | पवमानः सोमः | गायत्री} आप॑वस्वसह॒स्रिण॒म्(स्वाहा᳚) || 21 || वर्ग:5 इष᳚म्¦तो॒काय॑¦नः॒¦दध॑त्¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिण᳚म् || |
| येसोमा᳚सःपरा॒वति॒ये,अ᳚र्वा॒वति॑सुन्वि॒रे |{वारुणिर्भृगुः | पवमानः सोमः | गायत्री} येवा॒दःश᳚र्य॒णाव॑ति॒(स्वाहा᳚) || 22 || ये¦सोमा᳚सः¦प॒रा॒ऽवति॑¦ये¦अ॒र्वा॒ऽवति॑¦सु॒न्वि॒रे | ये¦वा॒¦अ॒दः¦श॒र्य॒णाऽव॑ति || |
| यआ᳚र्जी॒केषु॒कृत्व॑सु॒येमध्ये᳚प॒स्त्या᳚नाम् |{वारुणिर्भृगुः | पवमानः सोमः | गायत्री} येवा॒जने᳚षुप॒ञ्चसु॒(स्वाहा᳚) || 23 || ये¦आ॒र्जी॒केषु॑¦कृत्व॑ऽसु¦ये¦मध्ये᳚¦प॒स्त्या᳚नाम् | ये¦वा॒¦जने᳚षु¦पं॒चऽसु॑ || |
| तेनो᳚वृ॒ष्टिंदि॒वस्परि॒पव᳚न्ता॒मासु॒वीर्य᳚म् |{वारुणिर्भृगुः | पवमानः सोमः | गायत्री} सु॒वा॒नादे॒वास॒इन्द॑वः॒(स्वाहा᳚) || 24 || ते¦नः॒¦वृ॒ष्टिम्¦दि॒वः¦परि॑¦पव᳚न्ताम्¦आ¦सु॒ऽवीर्य᳚म् | सु॒वा॒नाः¦दे॒वासः॑¦इन्द॑वः || |
| पव॑तेहर्य॒तोहरि॑र्गृणा॒नोज॒मद॑ग्निना |{वारुणिर्भृगुः | पवमानः सोमः | गायत्री} हि॒न्वा॒नोगोरधि॑त्व॒चि(स्वाहा᳚) || 25 || पव॑ते¦ह॒र्य॒तः¦हरिः॑¦गृ॒णा॒नः¦ज॒मत्।आ॑ग्निना | हि॒न्वा॒नः¦गोः¦अधि॑¦त्व॒चि || |
| प्रशु॒क्रासो᳚वयो॒जुवो᳚हिन्वा॒नासो॒नसप्त॑यः |{वारुणिर्भृगुः | पवमानः सोमः | गायत्री} श्री॒णा॒ना,अ॒प्सुमृ᳚ञ्जत॒(स्वाहा᳚) || 26 || वर्ग:6 प्र¦शु॒क्रासः॑¦व॒यः॒ऽजुवः॑¦हि॒न्वा॒नासः॑¦न¦सप्त॑यः | श्री॒णा॒नाः¦अ॒प्ऽसु¦मृं॒ज॒त॒ || |
| तंत्वा᳚सु॒तेष्वा॒भुवो᳚हिन्वि॒रेदे॒वता᳚तये |{वारुणिर्भृगुः | पवमानः सोमः | गायत्री} सप॑वस्वा॒नया᳚रु॒चा(स्वाहा᳚) || 27 || तम्¦त्वा॒¦सु॒तेषु॑¦आ॒ऽभुवः॑¦हि॒न्वि॒रे¦दे॒वऽता᳚तये | सः¦प॒व॒स्व॒¦अ॒नया᳚¦रु॒चा || |
| आते॒दक्षं᳚मयो॒भुवं॒वह्नि॑म॒द्यावृ॑णीमहे |{वारुणिर्भृगुः | पवमानः सोमः | गायत्री} पान्त॒मापु॑रु॒स्पृह॒म्(स्वाहा᳚) || 28 || आ¦ते॒¦दक्ष᳚म्¦म॒यः॒ऽभुव᳚म्¦वह्नि᳚म्¦अ॒द्य¦वृ॒णी॒म॒हे॒ | पान्त᳚म्¦आ¦पु॒रु॒ऽस्पृह᳚म् || |
| आम॒न्द्रमावरे᳚ण्य॒माविप्र॒माम॑नी॒षिण᳚म् |{वारुणिर्भृगुः | पवमानः सोमः | गायत्री} पान्त॒मापु॑रु॒स्पृह॒म्(स्वाहा᳚) || 29 || आ¦म॒न्द्रम्¦आ¦वरे᳚ण्यम्¦आ¦विप्र᳚म्¦आ¦म॒नी॒षिण᳚म् | पान्त᳚म्¦आ¦पु॒रु॒ऽस्पृह᳚म् || |
| आर॒यिमासु॑चे॒तुन॒मासु॑क्रतोत॒नूष्वा |{वारुणिर्भृगुः | पवमानः सोमः | गायत्री} पान्त॒मापु॑रु॒स्पृह॒म्(स्वाहा᳚) || 30 || आ¦र॒यिम्¦आ¦सु॒ऽचे॒तुन᳚म्¦आ¦सु॒क्र॒तो॒ इति॑ सुऽक्रतो¦त॒नूषु॑¦आ | पान्त᳚म्¦आ¦पु॒रु॒ऽस्पृह᳚म् || |
| [23] पवस्वेति त्रिंशदृचस्य सूक्तस्य शतंवैखानसाः पवमानसोम एकोनविंश्यादितिसृणामग्निः पवमानोगायत्र्यष्टादश्यनुष्टुप् (शतं वैखानसाएतेस्वायंभुवाः अतएषांगोत्रंनास्तिएवमग्रेपिनारायणादयऊह्याः) |{अष्टक:7, अध्याय:2}{मंडल:9, सूक्त:66}{अनुवाक:3, सूक्त:6} |
| पव॑स्वविश्वचर्षणे॒ऽभिविश्वा᳚नि॒काव्या᳚ |{शतं वैखानसाः | पवमानः सोमः | गायत्री} सखा॒सखि॑भ्य॒ईड्यः॒(स्वाहा᳚) || 1 || वर्ग:7 पव॑स्व¦वि॒श्व॒ऽच॒र्ष॒णे॒¦अ॒भि¦विश्वा᳚नि¦काव्या᳚ | सखा᳚¦सखि॑ऽभ्यः¦ईड्यः॑ || |
| ताभ्यां॒विश्व॑स्यराजसि॒येप॑वमान॒धाम॑नी |{शतं वैखानसाः | पवमानः सोमः | गायत्री} प्र॒ती॒चीसो᳚मत॒स्थतुः॒(स्वाहा᳚) || 2 || ताभ्य᳚म्¦विश्व॑स्य¦रा॒ज॒सि॒¦ये इति॑¦प॒व॒मा॒न॒¦धाम॑नी॒ इति॑ | प्र॒ती॒ची इति॑¦सो॒म॒¦त॒स्थतुः॑ || |
| परि॒धामा᳚नि॒यानि॑ते॒त्वंसो᳚मासिवि॒श्वतः॑ |{शतं वैखानसाः | पवमानः सोमः | गायत्री} पव॑मानऋ॒तुभिः॑कवे॒(स्वाहा᳚) || 3 || परि॑¦धामा᳚नि¦यानि॑¦ते॒¦त्वम्¦सो॒म॒¦अ॒सि॒¦वि॒श्वतः॑ | पव॑मान¦ऋ॒तुऽभिः॑¦क॒वे॒ || |
| पव॑स्वज॒नय॒न्निषो॒ऽभिविश्वा᳚नि॒वार्या᳚ |{शतं वैखानसाः | पवमानः सोमः | गायत्री} सखा॒सखि॑भ्यऊ॒तये॒(स्वाहा᳚) || 4 || पव॑स्व¦ज॒नय॑न्¦इषः॑¦अ॒भि¦विश्वा᳚नि¦वार्या᳚ | सखा᳚¦सखि॑ऽभ्यः¦ऊ॒तये᳚ || |
| तव॑शु॒क्रासो᳚,अ॒र्चयो᳚दि॒वस्पृ॒ष्ठेवित᳚न्वते |{शतं वैखानसाः | पवमानः सोमः | गायत्री} प॒वित्रं᳚सोम॒धाम॑भिः॒(स्वाहा᳚) || 5 || तव॑¦शु॒क्रासः॑¦अ॒र्चयः॑¦दि॒वः¦पृ॒ष्ठे¦वि¦त॒न्व॒ते॒ | प॒वित्र᳚म्¦सो॒म॒¦धाम॑ऽभिः || |
| तवे॒मेस॒प्तसिन्ध॑वःप्र॒शिषं᳚सोमसिस्रते |{शतं वैखानसाः | पवमानः सोमः | गायत्री} तुभ्यं᳚धावन्तिधे॒नवः॒(स्वाहा᳚) || 6 || वर्ग:8 तव॑¦इ॒मे¦स॒प्त¦सिन्ध॑वः¦प्र॒ऽशिष᳚म्¦सो॒म॒¦सि॒स्र॒ते॒ | तुभ्य᳚म्¦धा॒व॒न्ति॒¦धे॒नवः॑ || |
| प्रसो᳚मयाहि॒धार॑यासु॒तइन्द्रा᳚यमत्स॒रः |{शतं वैखानसाः | पवमानः सोमः | गायत्री} दधा᳚नो॒,अक्षि॑ति॒श्रवः॒(स्वाहा᳚) || 7 || प्र¦सो॒म॒¦या॒हि॒¦धार॑या¦सु॒तः¦इन्द्रा᳚य¦म॒त्स॒रः | दधा᳚नः¦अक्षि॑ति¦श्रवः॑ || |
| समु॑त्वाधी॒भिर॑स्वरन्हिन्व॒तीःस॒प्तजा॒मयः॑ |{शतं वैखानसाः | पवमानः सोमः | गायत्री} विप्र॑मा॒जावि॒वस्व॑तः॒(स्वाहा᳚) || 8 || सम्¦ऊँ॒ इति॑¦त्वा॒¦धी॒भिः¦अ॒स्व॒र॒न्¦हि॒न्व॒तीः¦स॒प्त¦जा॒मयः॑ | विप्र᳚म्¦आ॒जा¦वि॒वस्व॑तः || |
| मृ॒जन्ति॑त्वा॒सम॒ग्रुवोऽव्ये᳚जी॒रावधि॒ष्वणि॑ |{शतं वैखानसाः | पवमानः सोमः | गायत्री} रे॒भोयद॒ज्यसे॒वने॒(स्वाहा᳚) || 9 || मृ॒जन्ति॑¦त्वा॒¦सम्¦अ॒ग्रुवः॑¦अव्ये᳚¦जी॒रौ¦अधि॑¦स्वनि॑ | रे॒भः¦यत्¦अ॒ज्यसे᳚¦वने᳚ || |
| पव॑मानस्यतेकवे॒वाजि॒न्त्सर्गा᳚,असृक्षत |{शतं वैखानसाः | पवमानः सोमः | गायत्री} अर्व᳚न्तो॒नश्र॑व॒स्यवः॒(स्वाहा᳚) || 10 || पव॑मानस्य¦ते॒¦क॒वे॒¦वाजि॑न्¦सर्गाः᳚¦अ॒सृ॒क्ष॒त॒ | अर्व᳚न्तः¦न¦श्र॒व॒स्यवः॑ || |
| अच्छा॒कोशं᳚मधु॒श्चुत॒मसृ॑ग्रं॒वारे᳚,अ॒व्यये᳚ |{शतं वैखानसाः | पवमानः सोमः | गायत्री} अवा᳚वशन्तधी॒तयः॒(स्वाहा᳚) || 11 || वर्ग:9 अच्छ॑¦कोश᳚म्¦म॒धु॒ऽश्चुत᳚म्¦असृ॑ग्रम्¦वारे᳚¦अ॒व्यये᳚ | अवा᳚वशन्त¦धी॒तयः॑ || |
| अच्छा᳚समु॒द्रमिन्द॒वोऽस्तं॒गावो॒नधे॒नवः॑ |{शतं वैखानसाः | पवमानः सोमः | गायत्री} अग्म᳚न्नृ॒तस्य॒योनि॒मा(स्वाहा᳚) || 12 || अच्छ॑¦स॒मु॒द्रम्¦इन्द॑वः¦अस्त᳚म्¦गावः॑¦न¦धे॒नवः॑ | अग्म॑न्¦ऋ॒तस्य॑¦योनि᳚म्¦आ || |
| प्रण॑इन्दोम॒हेरण॒आपो᳚,अर्षन्ति॒सिन्ध॑वः |{शतं वैखानसाः | पवमानः सोमः | गायत्री} यद्गोभि᳚र्वासयि॒ष्यसे॒(स्वाहा᳚) || 13 || प्र¦नः॒¦इ॒न्दो॒ इति॑¦म॒हे¦रणे᳚¦आपः॑¦अ॒र्ष॒न्ति॒¦सिन्ध॑वः | यत्¦गोभिः॑¦वा॒स॒यि॒ष्यसे᳚ || |
| अस्य॑तेस॒ख्येव॒यमिय॑क्षन्त॒स्त्वोत॑यः |{शतं वैखानसाः | पवमानः सोमः | गायत्री} इन्दो᳚सखि॒त्वमु॑श्मसि॒(स्वाहा᳚) || 14 || अस्य॑¦ते॒¦स॒ख्ये¦व॒यम्¦इय॑क्षन्तः¦त्वाऽऊ᳚तयः | इन्दो॒ इति॑¦स॒खि॒ऽत्वम्¦उ॒श्म॒सि॒ || |
| आप॑वस्व॒गवि॑ष्टयेम॒हेसो᳚मनृ॒चक्ष॑से |{शतं वैखानसाः | पवमानः सोमः | गायत्री} एन्द्र॑स्यज॒ठरे᳚विश॒(स्वाहा᳚) || 15 || आ¦प॒व॒स्व॒¦गोऽइ᳚ष्टये¦म॒हे¦सो॒म॒¦नृ॒ऽचक्ष॑से | आ¦इन्द्र॑स्य¦ज॒ठरे᳚¦वि॒श॒ || |
| म॒हाँ,अ॑सिसोम॒ज्येष्ठ॑उ॒ग्राणा᳚मिन्द॒ओजि॑ष्ठः |{शतं वैखानसाः | पवमानः सोमः | गायत्री} युध्वा॒सञ्छश्व॑ज्जिगेथ॒(स्वाहा᳚) || 16 || वर्ग:10 म॒हान्¦अ॒सि॒¦सो॒म॒¦ज्येष्ठः॑¦उ॒ग्राणा᳚म्¦इ॒न्दो॒ इति॑¦ओजि॑ष्ठः | युध्वा᳚¦सन्¦शश्व॑त्¦जि॒गे॒थ॒ || |
| यउ॒ग्रेभ्य॑श्चि॒दोजी᳚या॒ञ्छूरे᳚भ्यश्चि॒च्छूर॑तरः |{शतं वैखानसाः | पवमानः सोमः | गायत्री} भू॒रि॒दाभ्य॑श्चि॒न्मंही᳚या॒न्(स्वाहा᳚) || 17 || यः¦उ॒ग्रेभ्यः॑¦चि॒त्¦ओजी᳚यान्¦शूरे᳚भ्यः¦चि॒त्¦शूर॑ऽतरः | भू॒रि॒ऽदाभ्यः॑¦चि॒त्¦मंही᳚यान् || |
| त्वंसो᳚म॒सूर॒एष॑स्तो॒कस्य॑सा॒तात॒नूना᳚म् |{शतं वैखानसाः | पवमानः सोमः | अनुष्टुप्} वृ॒णी॒महे᳚स॒ख्याय॑वृणी॒महे॒युज्या᳚य॒(स्वाहा᳚) || 18 || त्वम्¦सो॒म॒¦सूरः॑¦आ¦इषः॑¦तो॒कस्य॑¦सा॒ता¦त॒नूना᳚म् | वृ॒णी॒महे᳚¦स॒ख्याय॑¦वृ॒णी॒महे᳚¦युज्या᳚य || |
| अग्न॒आयूं᳚षिपवस॒आसु॒वोर्ज॒मिषं᳚चनः |{शतं वैखानसाः | पवमानोग्निः | गायत्री} आ॒रेबा᳚धस्वदु॒च्छुना॒म्(स्वाहा᳚) || 19 || अग्ने᳚¦आयूं᳚षि¦प॒व॒से॒¦आ¦सु॒व॒¦ऊर्ज᳚म्¦इष᳚म्¦च॒¦नः॒ | आ॒रे¦बा॒ध॒स्व॒¦दु॒च्छुना᳚म् || |
| अ॒ग्निरृषिः॒पव॑मानः॒पाञ्च॑जन्यःपु॒रोहि॑तः |{शतं वैखानसाः | पवमानोग्निः | गायत्री} तमी᳚महेमहाग॒यम्(स्वाहा᳚) || 20 || अ॒ग्निः¦ऋषिः॑¦पव॑मानः¦पांच॑ऽजन्यः¦पु॒रःऽहि॑तः | तम्¦ई॒म॒हे॒¦म॒हा॒ऽग॒यम् || |
| अग्ने॒पव॑स्व॒स्वपा᳚,अ॒स्मेवर्चः॑सु॒वीर्य᳚म् |{शतं वैखानसाः | पवमानोग्निः | गायत्री} दध॑द्र॒यिंमयि॒पोष॒म्(स्वाहा᳚) || 21 || वर्ग:11 अग्ने᳚¦पव॑स्व¦सु॒।आपाः᳚¦अ॒स्मे इति॑¦वर्चः॑¦सु॒ऽवीर्य᳚म् | दध॑त्¦र॒यिम्¦मयि॑¦पोष᳚म् || |
| पव॑मानो॒,अति॒स्रिधो॒ऽभ्य॑र्षतिसुष्टु॒तिम् |{शतं वैखानसाः | पवमानः सोमः | गायत्री} सूरो॒नवि॒श्वद॑र्शतः॒(स्वाहा᳚) || 22 || पव॑मानः¦अति॑¦स्रिधः॑¦अ॒भि¦अ॒र्ष॒ति॒¦सु॒ऽस्तु॒तिम् | सूरः॑¦न¦वि॒श्वऽद॑र्शतः || |
| सम᳚र्मृजा॒नआ॒युभिः॒प्रय॑स्वा॒न्प्रय॑सेहि॒तः |{शतं वैखानसाः | पवमानः सोमः | गायत्री} इन्दु॒रत्यो᳚विचक्ष॒णः(स्वाहा᳚) || 23 || सः¦म॒र्मृ॒जा॒नः¦आ॒युऽभिः॑¦प्रय॑स्वान्¦प्रय॑से¦हि॒तः | इन्दुः॑¦अत्यः॑¦वि॒ऽच॒क्ष॒णः || |
| पव॑मानऋ॒तंबृ॒हच्छु॒क्रंज्योति॑रजीजनत् |{शतं वैखानसाः | पवमानः सोमः | गायत्री} कृ॒ष्णातमां᳚सि॒जङ्घ॑न॒त्(स्वाहा᳚) || 24 || पव॑मानः¦ऋ॒तम्¦बृ॒हत्¦शु॒क्रम्¦ज्योतिः॑¦अ॒जी॒ज॒न॒त् | कृ॒ष्णा¦तमां᳚सि¦जङ्घ॑नत् || |
| पव॑मानस्य॒जङ्घ्न॑तो॒हरे᳚श्च॒न्द्रा,अ॑सृक्षत |{शतं वैखानसाः | पवमानः सोमः | गायत्री} जी॒रा,अ॑जि॒रशो᳚चिषः॒(स्वाहा᳚) || 25 || पव॑मानस्य¦जङ्घ्न॑तः¦हरेः᳚¦च॒न्द्राः¦अ॒सृ॒क्ष॒त॒ | जी॒राः¦अ॒जि॒रऽशो᳚चिषः || |
| पव॑मानोर॒थीत॑मःशु॒भ्रेभिः॑शु॒भ्रश॑स्तमः |{शतं वैखानसाः | पवमानः सोमः | गायत्री} हरि॑श्चन्द्रोम॒रुद्ग॑णः॒(स्वाहा᳚) || 26 || वर्ग:12 पव॑मानः¦र॒थिऽत॑मः¦शु॒भ्रेभिः॑¦शु॒भ्रशः॑ऽतमः | हरि॑ऽचन्द्रः¦म॒रुत्ऽग॑णः || |
| पव॑मानो॒व्य॑श्नवद्र॒श्मिभि᳚र्वाज॒सात॑मः |{शतं वैखानसाः | पवमानः सोमः | गायत्री} दध॑त्स्तो॒त्रेसु॒वीर्य॒म्(स्वाहा᳚) || 27 || पव॑मानः¦वि¦अ॒श्न॒व॒त्¦र॒श्मिऽभिः॑¦वा॒ज॒ऽसात॑मः | दध॑त्¦स्तो॒त्रे¦सु॒ऽवीर्य᳚म् || |
| प्रसु॑वा॒नइन्दु॑रक्षाःप॒वित्र॒मत्य॒व्यय᳚म् |{शतं वैखानसाः | पवमानः सोमः | गायत्री} पु॒ना॒नइन्दु॒रिन्द्र॒मा(स्वाहा᳚) || 28 || प्र¦सु॒वा॒नः¦इन्दुः॑¦अ॒क्षा॒रिति॑¦प॒वित्र᳚म्¦अति॑¦अ॒व्यय᳚म् | पु॒ना॒नः¦इन्दुः॑¦इन्द्र᳚म्¦आ || |
| ए॒षसोमो॒,अधि॑त्व॒चिगवां᳚क्रीळ॒त्यद्रि॑भिः |{शतं वैखानसाः | पवमानः सोमः | गायत्री} इन्द्रं॒मदा᳚य॒जोहु॑व॒त्(स्वाहा᳚) || 29 || ए॒षः¦सोमः॑¦अधि॑¦त्व॒चि¦गवा᳚म्¦क्री॒ळ॒ति॒¦अद्रि॑ऽभिः | इन्द्र᳚म्¦मदा᳚य¦जोहु॑वत् || |
| यस्य॑तेद्यु॒म्नव॒त्पयः॒पव॑मा॒नाभृ॑तंदि॒वः |{शतं वैखानसाः | पवमानः सोमः | गायत्री} तेन॑नोमृळजी॒वसे॒(स्वाहा᳚) || 30 || यस्य॑¦ते॒¦द्यु॒म्नऽव॑त्¦पयः॑¦पव॑मान¦आऽभृ॑तम्¦दि॒वः | तेन॑¦नः॒¦मृ॒ळ॒¦जी॒वसे᳚ || |
| [24] त्वंसोमासीति द्वात्रिंशदृचस्य सूक्तस्य आद्यानांसप्तानांतृचानांभरद्वाजकश्यपगोतमात्रिविश्वामित्र जमदग्निवसिष्ठा ऋषयः शिष्टानामांगिरसः पवित्रऋषिः (अत्रवसिष्ठोवापवित्रवसिष्ठौवेतिविपक्षौ) पवमानसोमोदेवता दशम्यादितिसृणांपूषावा यत्तेपवित्रमित्यादिपंचानामग्निः अंत्ययोर्द्वयोः पावमान्यधेतागायत्री षोडश्याद्यास्तिस्रोद्विपदागायत्र्यः त्रिंशीपुरउष्णिक् सप्तविंश्येकत्रिंशीद्वात्रिंश्योनुष्टुभः |( पंचविंश्यादितिसृणांक्रमात्सविताग्निसवितारौविश्वेदेवाइतिदेवताअग्निनासह विकल्पंते ) |{अष्टक:7, अध्याय:2}{मंडल:9, सूक्त:67}{अनुवाक:3, सूक्त:7} |
| त्वंसो᳚मासिधार॒युर्म॒न्द्रओजि॑ष्ठो,अध्व॒रे |{भरद्वाजः | पवमानः सोमः | गायत्री} पव॑स्वमंह॒यद्र॑यिः॒(स्वाहा᳚) || 1 || वर्ग:13 त्वम्¦सो॒म॒¦अ॒सि॒¦धा॒र॒युः¦म॒न्द्रः¦ओजि॑ष्ठः¦अ॒ध्व॒रे | पव॑स्व¦मं॒ह॒यत्ऽर॑यिः || |
| त्वंसु॒तोनृ॒माद॑नोदध॒न्वान्म॑त्स॒रिन्त॑मः |{भरद्वाजः | पवमानः सोमः | गायत्री} इन्द्रा᳚यसू॒रिरन्ध॑सा॒(स्वाहा᳚) || 2 || त्वम्¦सु॒तः¦नृ॒ऽमाद॑नः¦द॒ध॒न्वान्¦म॒त्स॒रिन्ऽत॑मः | इन्द्रा᳚य¦सू॒रिः¦अन्ध॑सा || |
| त्वंसु॑ष्वा॒णो,अद्रि॑भिर॒भ्य॑र्ष॒कनि॑क्रदत् |{भरद्वाजः | पवमानः सोमः | गायत्री} द्यु॒मन्तं॒शुष्म॑मुत्त॒मम्(स्वाहा᳚) || 3 || त्वम्¦सु॒स्वा॒नः¦अद्रि॑ऽभिः¦अ॒भि¦अ॒र्ष॒¦कनि॑क्रदत् | द्यु॒ऽमन्त᳚म्¦शुष्म᳚म्¦उ॒त्ऽत॒मम् || |
| इन्दु᳚र्हिन्वा॒नो,अ॑र्षतिति॒रोवारा᳚ण्य॒व्यया᳚ |{कश्यपः | पवमानः सोमः | गायत्री} हरि॒र्वाज॑मचिक्रद॒त्(स्वाहा᳚) || 4 || इन्दुः॑¦हि॒न्वा॒नः¦अ॒र्ष॒ति॒¦ति॒रः¦वारा᳚णि¦अ॒व्यया᳚ | हरिः॑¦वाज᳚म्¦अ॒चि॒क्र॒द॒त् || |
| इन्दो॒व्यव्य॑मर्षसि॒विश्रवां᳚सि॒विसौभ॑गा |{कश्यपः | पवमानः सोमः | गायत्री} विवाजा᳚न्त्सोम॒गोम॑तः॒(स्वाहा᳚) || 5 || इन्दो॒ इति॑¦वि¦अव्य᳚म्¦अ॒र्ष॒सि॒¦वि¦श्रवां᳚सि¦वि¦सौभ॑गा | वि¦वाजा᳚न्¦सो॒म॒¦गोऽम॑तः || |
| आन॑इन्दोशत॒ग्विनं᳚र॒यिंगोम᳚न्तम॒श्विन᳚म् |{कश्यपः | पवमानः सोमः | गायत्री} भरा᳚सोमसह॒स्रिण॒म्(स्वाहा᳚) || 6 || वर्ग:14 आ¦नः॒¦इ॒न्दो॒ इति॑¦श॒त॒ऽग्विन᳚म्¦र॒यिम्¦गोऽम᳚न्तम्¦अ॒श्विन᳚म् | भर॑¦सो॒म॒¦स॒ह॒स्रिण᳚म् || |
| पव॑मानास॒इन्द॑वस्ति॒रःप॒वित्र॑मा॒शवः॑ |{गोतमः | पवमानः सोमः | गायत्री} इन्द्रं॒यामे᳚भिराशत॒(स्वाहा᳚) || 7 || पव॑मानासः¦इन्द॑वः¦ति॒रः¦प॒वित्र᳚म्¦आ॒शवः॑ | इन्द्र᳚म्¦यामे᳚भिः¦आ॒श॒त॒ || |
| क॒कु॒हःसो॒म्योरस॒इन्दु॒रिन्द्रा᳚यपू॒र्व्यः |{गोतमः | पवमानः सोमः | गायत्री} आ॒युःप॑वतआ॒यवे॒(स्वाहा᳚) || 8 || क॒कु॒हः¦सो॒म्यः¦रसः॑¦इन्दुः॑¦इन्द्रा᳚य¦पू॒र्व्यः | आ॒युः¦प॒व॒ते॒¦आ॒यवे᳚ || |
| हि॒न्वन्ति॒सूर॒मुस्र॑यः॒पव॑मानंमधु॒श्चुत᳚म् |{गोतमः | पवमानः सोमः | गायत्री} अ॒भिगि॒रासम॑स्वर॒न्(स्वाहा᳚) || 9 || हि॒न्वन्ति॑¦सूर᳚म्¦उस्र॑यः¦पव॑मानम्¦म॒धु॒ऽश्चुत᳚म् | अ॒भि¦गि॒रा¦सम्¦अ॒स्व॒र॒न् || |
| अ॒वि॒तानो᳚,अ॒जाश्वः॑पू॒षायाम॑नियामनि |{अत्रिः | पवमानः सोमः पूषा वा | गायत्री} आभ॑क्षत्क॒न्या᳚सुनः॒(स्वाहा᳚) || 10 || अ॒वि॒ता¦नः॒¦अ॒ज।आ॑श्वः¦पू॒षा¦याम॑निऽयामनि | आ¦भ॒क्ष॒त्¦क॒न्या᳚सु¦नः॒ || |
| अ॒यंसोमः॑कप॒र्दिने᳚घृ॒तंनप॑वते॒मधु॑ |{अत्रिः | पवमानः सोमः पूषा वा | गायत्री} आभ॑क्षत्क॒न्या᳚सुनः॒(स्वाहा᳚) || 11 || वर्ग:15 अ॒यम्¦सोमः॑¦क॒प॒र्दिने᳚¦घृ॒तम्¦न¦प॒व॒ते॒¦मधु॑ | आ¦भ॒क्ष॒त्¦क॒न्या᳚सु¦नः॒ || |
| अ॒यंत॑आघृणेसु॒तोघृ॒तंनप॑वते॒शुचि॑ |{अत्रिः | पवमानः सोमः पूषा वा | गायत्री} आभ॑क्षत्क॒न्या᳚सुनः॒(स्वाहा᳚) || 12 || अ॒यम्¦ते॒¦आ॒घृ॒णे॒¦सु॒तः¦घृ॒तम्¦न¦प॒व॒ते॒¦शुचि॑ | आ¦भ॒क्ष॒त्¦क॒न्या᳚सु¦नः॒ || |
| वा॒चोज॒न्तुःक॑वी॒नांपव॑स्वसोम॒धार॑या |{विश्वामित्रः | पवमानः सोमः | गायत्री} दे॒वेषु॑रत्न॒धा,अ॑सि॒(स्वाहा᳚) || 13 || वा॒चः¦ज॒न्तुः¦क॒वी॒नाम्¦पव॑स्व¦सो॒म॒¦धार॑या | दे॒वेषु॑¦र॒त्न॒ऽधाः¦अ॒सि॒ || |
| आक॒लशे᳚षुधावतिश्ये॒नोवर्म॒विगा᳚हते |{विश्वामित्रः | पवमानः सोमः | गायत्री} अ॒भिद्रोणा॒कनि॑क्रद॒त्(स्वाहा᳚) || 14 || आ¦क॒लशे᳚षु¦धा॒व॒ति॒¦श्ये॒नः¦वर्म॑¦वि¦गा॒ह॒ते॒ | अ॒भि¦द्रोणा᳚¦कनि॑क्रदत् || |
| परि॒प्रसो᳚मते॒रसोऽस॑र्जिक॒लशे᳚सु॒तः |{विश्वामित्रः | पवमानः सोमः | गायत्री} श्ये॒नोनत॒क्तो,अ॑र्षति॒(स्वाहा᳚) || 15 || परि॑¦प्र¦सो॒म॒¦ते॒¦रसः॑¦अस॑र्जि¦क॒लशे᳚¦सु॒तः | श्ये॒नः¦न¦त॒क्तः¦अ॒र्ष॒ति॒ || |
| पव॑स्वसोमम॒न्दय॒न्निन्द्रा᳚य॒मधु॑मत्तमः॒(स्वाहा᳚) || {जमदग्निः | पवमानः सोमः | द्विपदा गायत्री}16 || वर्ग:16 पव॑स्व¦सो॒म॒¦म॒न्दय॑न्¦इन्द्रा᳚य¦मधु॑मत्ऽतमः || |
| असृ॑ग्रन्दे॒ववी᳚तयेवाज॒यन्तो॒रथा᳚,इव॒(स्वाहा᳚) || {जमदग्निः | पवमानः सोमः | द्विपदा गायत्री}17 || असृ॑ग्रन्¦दे॒वऽवी᳚तये¦वा॒ज॒ऽयन्तः॑¦रथाः᳚ऽइव || |
| तेसु॒तासो᳚म॒दिन्त॑माःशु॒क्रावा॒युम॑सृक्षत॒(स्वाहा᳚) || {जमदग्निः | पवमानः सोमः | द्विपदा गायत्री}18 || ते¦सु॒तासः॑¦म॒दिन्ऽत॑माः¦शु॒क्राः¦वा॒युम्¦अ॒सृ॒क्ष॒त॒ || |
| ग्राव्णा᳚तु॒न्नो,अ॒भिष्टु॑तःप॒वित्रं᳚सोमगच्छसि |{आंगिरसः पवित्रः | पवमानः सोमः | गायत्री} दध॑त्स्तो॒त्रेसु॒वीर्य॒म्(स्वाहा᳚) || 19 || ग्राव्णा᳚¦तु॒न्नः¦अ॒भिऽस्तु॑तः¦प॒वित्र᳚म्¦सो॒म॒¦ग॒च्छ॒सि॒ | दध॑त्¦स्तो॒त्रे¦सु॒ऽवीर्य᳚म् || |
| ए॒षतु॒न्नो,अ॒भिष्टु॑तःप॒वित्र॒मति॑गाहते |{आंगिरसः पवित्रः | पवमानः सोमः | गायत्री} र॒क्षो॒हावार॑म॒व्यय॒म्(स्वाहा᳚) || 20 || ए॒षः¦तु॒न्नः¦अ॒भिऽस्तु॑तः¦प॒वित्र᳚म्¦अति॑¦गा॒ह॒ते॒ | र॒क्षः॒ऽहा¦वार᳚म्¦अ॒व्यय᳚म् || |
| यदन्ति॒यच्च॑दूर॒केभ॒यंवि॒न्दति॒मामि॒ह |{आंगिरसः पवित्रः | पवमानः सोमः | गायत्री} पव॑मान॒वितज्ज॑हि॒(स्वाहा᳚) || 21 || वर्ग:17 यत्¦अन्ति॑¦यत्¦च॒¦दू॒र॒के¦भ॒यम्¦वि॒न्दति॑¦माम्¦इ॒ह | पव॑मान¦वि¦तत्¦ज॒हि॒ || |
| पव॑मानः॒सो,अ॒द्यनः॑प॒वित्रे᳚ण॒विच॑र्षणिः |{आंगिरसः पवित्रः | पवमानः सोमः | गायत्री} यःपो॒तासपु॑नातुनः॒(स्वाहा᳚) || 22 || पव॑मानः¦सः¦अ॒द्य¦नः॒¦प॒वित्रे᳚ण¦विऽच॑र्षणिः | यः¦पो॒ता¦सः¦पु॒ना॒तु॒¦नः॒ || |
| यत्ते᳚प॒वित्र॑म॒र्चिष्यग्ने॒वित॑तम॒न्तरा |{आंगिरसः पवित्रः | अग्निः | गायत्री} ब्रह्म॒तेन॑पुनीहिनः॒(स्वाहा᳚) || 23 || यत्¦ते॒¦प॒वित्र᳚म्¦अ॒र्चिषि॑¦अग्ने᳚¦विऽत॑तम्¦अ॒न्तः¦आ | ब्रह्म॑¦तेन॑¦पु॒नी॒हि॒¦नः॒ || |
| यत्ते᳚प॒वित्र॑मर्चि॒वदग्ने॒तेन॑पुनीहिनः |{आंगिरसः पवित्रः | अग्निः | गायत्री} ब्र॒ह्म॒स॒वैःपु॑नीहिनः॒(स्वाहा᳚) || 24 || यत्¦ते॒¦प॒वित्र᳚म्¦अ॒र्चि॒ऽवत्¦अग्ने᳚¦तेन॑¦पु॒नी॒हि॒¦नः॒ | ब्र॒ह्म॒ऽस॒वैः¦पु॒नी॒हि॒¦नः॒ || |
| उ॒भाभ्यां᳚देवसवितःप॒वित्रे᳚णस॒वेन॑च |{आंगिरसः पवित्रः | अग्निः | गायत्री} मांपु॑नीहिवि॒श्वतः॒(स्वाहा᳚) || 25 || उ॒भाभ्या᳚म्¦दे॒व॒¦स॒वि॒त॒रिति॑¦प॒वित्रे᳚ण¦स॒वेन॑¦च॒ | माम्¦पु॒नी॒हि॒¦वि॒श्वतः॑ || |
| त्रि॒भिष्ट्वंदे᳚वसवित॒र्वर्षि॑ष्ठैःसोम॒धाम॑भिः |{आंगिरसः पवित्रः | अग्निः | गायत्री} अग्ने॒दक्षैः᳚पुनीहिनः॒(स्वाहा᳚) || 26 || वर्ग:18 त्रि॒ऽभिः¦त्वम्¦दे॒व॒¦स॒वि॒तः॒¦वर्षि॑ष्ठैः¦सो॒म॒¦धाम॑ऽभिः | अग्ने᳚¦दक्षैः᳚¦पु॒नी॒हि॒¦नः॒ || |
| पु॒नन्तु॒मांदे᳚वज॒नाःपु॒नन्तु॒वस॑वोधि॒या |{आंगिरसः पवित्रः | अग्निः | अनुष्टुप्} विश्वे᳚देवाःपुनी॒तमा॒जात॑वेदःपुनी॒हिमा॒(स्वाहा᳚) || 27 || पु॒नन्तु॑¦माम्¦दे॒व॒ऽज॒नाः¦पु॒नन्तु॑¦वस॑वः¦धि॒या | विश्वे᳚¦दे॒वाः॒¦पु॒नी॒त¦मा॒¦जात॑ऽवेदः¦पु॒नी॒हि¦मा॒ || |
| प्रप्या᳚यस्व॒प्रस्य᳚न्दस्व॒सोम॒विश्वे᳚भिरं॒शुभिः॑ |{आंगिरसः पवित्रः | पवमानः सोमः | गायत्री} दे॒वेभ्य॑उत्त॒मंह॒विः(स्वाहा᳚) || 28 || प्र¦प्या॒य॒स्व॒¦प्र¦स्य॒न्द॒स्व॒¦सोम॑¦विश्वे᳚भिः¦अं॒शुऽभिः॑ | दे॒वेभ्यः॑¦उ॒त्ऽत॒मम्¦ह॒विः || |
| उप॑प्रि॒यंपनि॑प्नतं॒युवा᳚नमाहुती॒वृध᳚म् |{आंगिरसः पवित्रः | पवमानः सोमः | गायत्री} अग᳚न्म॒बिभ्र॑तो॒नमः॒(स्वाहा᳚) || 29 || उप॑¦प्रि॒यम्¦पनि॑प्नतम्¦युवा᳚नम्¦आ॒हु॒ति॒ऽवृध᳚म् | अग᳚न्म¦बिभ्र॑तः¦नमः॑ || |
| अ॒लाय्य॑स्यपर॒शुर्न॑नाश॒तमाप॑वस्वदेवसोम |{आंगिरसः पवित्रः | पवमानः सोमः | पुर उष्णिक्} आ॒खुंचि॑दे॒वदे᳚वसोम॒(स्वाहा᳚) || 30 || अ॒लाय्य॑स्य¦प॒र॒शुः¦न॒ना॒श॒¦तम्¦आ¦प॒व॒स्व॒¦दे॒व॒¦सो॒म॒ | आ॒खुम्¦चि॒त्¦ए॒व¦दे॒व॒¦सो॒म॒ || |
| यःपा᳚वमा॒नीर॒ध्येत्यृषि॑भिः॒सम्भृ॑तं॒रस᳚म् |{आंगिरसः पवित्रः | पावमान्य धेतः | अनुष्टुप्} सर्वं॒सपू॒तम॑श्नातिस्वदि॒तंमा᳚त॒रिश्व॑ना॒(स्वाहा᳚) || 31 || यः¦पा॒व॒मा॒नीः¦अ॒धि॒ऽएति॑¦ऋषि॑ऽभिः¦सम्ऽभृ॑तम्¦रस᳚म् | सर्व॒म्¦सः¦पू॒तम्¦अ॒श्ना॒ति॒¦स्व॒दि॒तम्¦मा॒त॒रिश्व॑ना || |
| पा॒व॒मा॒नीर्यो,अ॒ध्येत्यृषि॑भिः॒सम्भृ॑तं॒रस᳚म् |{आंगिरसः पवित्रः | पावमान्य धेतः | अनुष्टुप्} तस्मै॒सर॑स्वतीदुहेक्षी॒रंस॒र्पिर्मधू᳚द॒कम्(स्वाहा᳚) || 32 || पा॒व॒मा॒नीः¦यः¦अ॒धि॒ऽएति॑¦ऋषि॑ऽभिः॒¦सम्ऽभृ॑तम्¦रस᳚म् | तस्मै᳚¦सर॑स्वती¦दु॒हे॒¦क्षी॒रम्¦स॒र्पिः¦मधु॑¦उ॒द॒कम् || |
| [25] प्रदेवमिति दशर्चस्य सूक्तस्य भालंदनो वत्सप्रिः पवमानसोमोजगत्यंत्यात्रिष्टुप् |{अष्टक:7, अध्याय:2}{मंडल:9, सूक्त:68}{अनुवाक:4, सूक्त:1} |
| प्रदे॒वमच्छा॒मधु॑मन्त॒इन्द॒वोऽसि॑ष्यदन्त॒गाव॒आनधे॒नवः॑ |{भालंदनो वत्सप्रिः | पवमानः सोमः | जगती} ब॒र्हि॒षदो᳚वच॒नाव᳚न्त॒ऊध॑भिःपरि॒स्रुत॑मु॒स्रिया᳚नि॒र्णिजं᳚धिरे॒(स्वाहा᳚) || 1 || वर्ग:19 प्र¦दे॒वम्¦अच्छ॑¦मधु॑ऽमन्तः¦इन्द॑वः¦असि॑स्यदन्त¦गावः॑¦आ¦न¦धे॒नवः॑ | |
| सरोरु॑वद॒भिपूर्वा᳚,अचिक्रददुपा॒रुहः॑श्र॒थय᳚न्त्स्वादते॒हरिः॑ |{भालंदनो वत्सप्रिः | पवमानः सोमः | जगती} ति॒रःप॒वित्रं᳚परि॒यन्नु॒रुज्रयो॒निशर्या᳚णिदधतेदे॒वआवर॒म्(स्वाहा᳚) || 2 || सः¦रोरु॑वत्¦अ॒भि¦पूर्वाः᳚¦अ॒चि॒क्र॒द॒त्¦उ॒प॒ऽआ॒रुहः॑¦श्र॒थय॑न्¦स्वा॒द॒ते॒¦हरिः॑ | |
| वियोम॒मेय॒म्या᳚संय॒तीमदः॑साकं॒वृधा॒पय॑सापिन्व॒दक्षि॑ता |{भालंदनो वत्सप्रिः | पवमानः सोमः | जगती} म॒ही,अ॑पा॒रेरज॑सीवि॒वेवि॑ददभि॒व्रज॒न्नक्षि॑तं॒पाज॒आद॑दे॒(स्वाहा᳚) || 3 || वि¦यः¦म॒मे¦य॒म्या᳚¦सं॒य॒ती इति॑ स॒म्ऽय॒ती¦मदः॑¦सा॒क॒म्ऽवृधा᳚¦पय॑सा¦पि॒न्व॒त्¦अक्षि॑ता | |
| समा॒तरा᳚वि॒चर᳚न्वा॒जय᳚न्न॒पःप्रमेधि॑रःस्व॒धया᳚पिन्वतेप॒दम् |{भालंदनो वत्सप्रिः | पवमानः सोमः | जगती} अं॒शुर्यवे᳚नपिपिशेय॒तोनृभिः॒संजा॒मिभि॒र्नस॑ते॒रक्ष॑ते॒शिरः॒(स्वाहा᳚) || 4 || सः¦मा॒तरा᳚¦वि॒ऽचर॑न्¦वा॒जय॑न्¦अ॒पः¦प्र¦मेधि॑रः¦स्व॒धया᳚¦पि॒न्व॒ते॒¦प॒दम् | |
| संदक्षे᳚ण॒मन॑साजायतेक॒विरृ॒तस्य॒गर्भो॒निहि॑तोय॒माप॒रः |{भालंदनो वत्सप्रिः | पवमानः सोमः | जगती} यूना᳚ह॒सन्ता᳚प्रथ॒मंविज॑ज्ञतु॒र्गुहा᳚हि॒तंजनि॑म॒नेम॒मुद्य॑त॒म्(स्वाहा᳚) || 5 || सम्¦दक्षे᳚ण¦मन॑सा¦जा॒य॒ते॒¦क॒विः¦ऋ॒तस्य॑¦गर्भः॑¦निऽहि॑तः¦य॒मा¦प॒रः | |
| म॒न्द्रस्य॑रू॒पंवि॑विदुर्मनी॒षिणः॑श्ये॒नोयदन्धो॒,अभ॑रत्परा॒वतः॑ |{भालंदनो वत्सप्रिः | पवमानः सोमः | जगती} तंम॑र्जयन्तसु॒वृधं᳚न॒दीष्वाँ,उ॒शन्त॑मं॒शुंप॑रि॒यन्त॑मृ॒ग्मिय॒म्(स्वाहा᳚) || 6 || वर्ग:20 म॒न्द्रस्य॑¦रू॒पम्¦वि॒वि॒दुः॒¦म॒नी॒षिणः॑¦श्ये॒नः¦यत्¦अन्धः॑¦अभ॑रत्¦प॒रा॒ऽवतः॑ | |
| त्वांमृ॑जन्ति॒दश॒योष॑णःसु॒तंसोम॒ऋषि॑भिर्म॒तिभि॑र्धी॒तिभि᳚र्हि॒तम् |{भालंदनो वत्सप्रिः | पवमानः सोमः | जगती} अव्यो॒वारे᳚भिरु॒तदे॒वहू᳚तिभि॒र्नृभि᳚र्य॒तोवाज॒माद॑र्षिसा॒तये॒(स्वाहा᳚) || 7 || त्वाम्¦मृ॒ज॒न्ति॒¦दश॑¦योष॑णः¦सु॒तम्¦सो॒म॒¦ऋषि॑ऽभिः¦म॒तिऽभिः॑¦धी॒तिऽभिः॑¦हि॒तम् | |
| प॒रि॒प्र॒यन्तं᳚व॒य्यं᳚सुषं॒सदं॒सोमं᳚मनी॒षा,अ॒भ्य॑नूषत॒स्तुभः॑ |{भालंदनो वत्सप्रिः | पवमानः सोमः | जगती} योधार॑या॒मधु॑माँ,ऊ॒र्मिणा᳚दि॒वइय॑र्ति॒वाचं᳚रयि॒षाळम॑र्त्यः॒(स्वाहा᳚) || 8 || प॒रि॒ऽप्र॒यन्त᳚म्¦व॒य्य᳚म्¦सु॒ऽसं॒सद᳚म्¦सोम᳚म्¦म॒नी॒षाः¦अ॒भि¦अ॒नू॒ष॒त॒¦स्तुभः॑ | |
| अ॒यंदि॒वइ॑यर्ति॒विश्व॒मारजः॒सोमः॑पुना॒नःक॒लशे᳚षुसीदति |{भालंदनो वत्सप्रिः | पवमानः सोमः | जगती} अ॒द्भिर्गोभि᳚र्मृज्यते॒,अद्रि॑भिःसु॒तःपु॑ना॒नइन्दु॒र्वरि॑वोविदत्प्रि॒यम्(स्वाहा᳚) || 9 || अ॒यम्¦दि॒वः¦इ॒य॒र्ति॒¦विश्व᳚म्¦आ¦रजः॑¦सोमः॑¦पु॒ना॒नः¦क॒लशे᳚षु¦सी॒द॒ति॒ | |
| ए॒वानः॑सोमपरिषि॒च्यमा᳚नो॒वयो॒दध॑च्चि॒त्रत॑मंपवस्व |{भालंदनो वत्सप्रिः | पवमानः सोमः | त्रिष्टुप्} अ॒द्वे॒षेद्यावा᳚पृथि॒वीहु॑वेम॒देवा᳚ध॒त्तर॒यिम॒स्मेसु॒वीर॒म्(स्वाहा᳚) || 10 || ए॒व¦नः॒¦सो॒म॒¦प॒रि॒ऽसि॒च्यमा᳚नः¦वयः॑¦दध॑त्¦चि॒त्रऽत॑मम्¦प॒व॒स्व॒ | |
| [26] इषुर्नेति दशर्चस्य सूक्तस्यांगिरसोहिरण्यस्तूपः पवमानसोमोजगत्यंत्येद्वेत्रिष्टुभौ |{अष्टक:7, अध्याय:2}{मंडल:9, सूक्त:69}{अनुवाक:4, सूक्त:2} |
| इषु॒र्नधन्व॒न्प्रति॑धीयतेम॒तिर्व॒त्सोनमा॒तुरुप॑स॒र्ज्यूध॑नि |{आङ्गिरसो हिरण्यस्तूपः | पवमानः सोमः | जगती} उ॒रुधा᳚रेवदुहे॒,अग्र॑आय॒त्यस्य᳚व्र॒तेष्वपि॒सोम॑इष्यते॒(स्वाहा᳚) || 1 || वर्ग:21 इषुः॑¦न¦धन्व॑न्¦प्रति॑¦धी॒य॒ते॒¦म॒तिः¦व॒त्सः¦न¦मा॒तुः¦उप॑¦स॒र्जि॒¦ऊर्ध॑नि | |
| उपो᳚म॒तिःपृ॒च्यते᳚सि॒च्यते॒मधु॑म॒न्द्राज॑नीचोदते,अ॒न्तरा॒सनि॑ |{आङ्गिरसो हिरण्यस्तूपः | पवमानः सोमः | जगती} पव॑मानःसंत॒निःप्र॑घ्न॒तामि॑व॒मधु॑मान्द्र॒प्सःपरि॒वार॑मर्षति॒(स्वाहा᳚) || 2 || उपो॒ इति॑¦म॒तिः¦पृ॒च्यते᳚¦सि॒च्यते᳚¦मधु॑¦म॒न्द्र॒।आज॑नी¦चो॒द॒ते॒¦अ॒न्तः¦आ॒सनि॑ | |
| अव्ये᳚वधू॒युःप॑वते॒परि॑त्व॒चिश्र॑थ्नी॒तेन॒प्तीरदि॑तेरृ॒तंय॒ते |{आङ्गिरसो हिरण्यस्तूपः | पवमानः सोमः | जगती} हरि॑रक्रान्यज॒तःसं᳚य॒तोमदो᳚नृ॒म्णाशिशा᳚नोमहि॒षोनशो᳚भते॒(स्वाहा᳚) || 3 || अव्ये᳚¦व॒धू॒ऽयुः¦प॒व॒ते॒¦परि॑¦त्व॒चि¦श्र॒थ्नी॒ते¦न॒प्तीः¦अदि॑तेः¦ऋ॒तम्¦य॒ते | |
| उ॒क्षामि॑माति॒प्रति॑यन्तिधे॒नवो᳚दे॒वस्य॑दे॒वीरुप॑यन्तिनिष्कृ॒तम् |{आङ्गिरसो हिरण्यस्तूपः | पवमानः सोमः | जगती} अत्य॑क्रमी॒दर्जु॑नं॒वार॑म॒व्यय॒मत्कं॒ननि॒क्तंपरि॒सोमो᳚,अव्यत॒(स्वाहा᳚) || 4 || उ॒क्षा¦मि॒मा॒ति॒¦प्रति॑¦य॒न्ति॒¦धे॒नवः॑¦दे॒वस्य॑¦दे॒वीः¦उप॑¦य॒न्ति॒¦निः॒ऽकृ॒तम् | |
| अमृ॑क्तेन॒रुश॑ता॒वास॑सा॒हरि॒रम॑र्त्योनिर्णिजा॒नःपरि᳚व्यत |{आङ्गिरसो हिरण्यस्तूपः | पवमानः सोमः | जगती} दि॒वस्पृ॒ष्ठंब॒र्हणा᳚नि॒र्णिजे᳚कृतोप॒स्तर॑णंच॒म्वो᳚र्नभ॒स्मय॒म्(स्वाहा᳚) || 5 || अमृ॑क्तेन¦रुश॑ता¦वास॑सा¦हरिः॑¦अम॑र्त्यः¦निः॒ऽनि॒जा॒नः¦परि॑¦व्य॒त॒ | |
| सूर्य॑स्येवर॒श्मयो᳚द्रावयि॒त्नवो᳚मत्स॒रासः॑प्र॒सुपः॑सा॒कमी᳚रते |{आङ्गिरसो हिरण्यस्तूपः | पवमानः सोमः | जगती} तन्तुं᳚त॒तंपरि॒सर्गा᳚सआ॒शवो॒नेन्द्रा᳚दृ॒तेप॑वते॒धाम॒किंच॒न(स्वाहा᳚) || 6 || वर्ग:22 सूर्य॑स्यऽइव¦र॒श्मयः॑¦द्र॒व॒यि॒त्नवः॑¦म॒त्स॒रासः॑¦प्र॒ऽसुपः॑¦सा॒कम्¦ई॒र॒ते॒ | |
| सिन्धो᳚रिवप्रव॒णेनि॒म्नआ॒शवो॒वृष॑च्युता॒मदा᳚सोगा॒तुमा᳚शत |{आङ्गिरसो हिरण्यस्तूपः | पवमानः सोमः | जगती} शंनो᳚निवे॒शेद्वि॒पदे॒चतु॑ष्पदे॒ऽस्मेवाजाः᳚सोमतिष्ठन्तुकृ॒ष्टयः॒(स्वाहा᳚) || 7 || सिन्धोः᳚ऽइव¦प्र॒व॒णे¦नि॒म्ने¦आ॒शवः॑¦वृष॑ऽच्युताः¦मदा᳚सः¦गा॒तुम्¦आ॒श॒त॒ | |
| आनः॑पवस्व॒वसु॑म॒द्धिर᳚ण्यव॒दश्वा᳚व॒द्गोम॒द्यव॑मत्सु॒वीर्य᳚म् |{आङ्गिरसो हिरण्यस्तूपः | पवमानः सोमः | जगती} यू॒यंहिसो᳚मपि॒तरो॒मम॒स्थन॑दि॒वोमू॒र्धानः॒प्रस्थि॑तावय॒स्कृतः॒(स्वाहा᳚) || 8 || आ¦नः॒¦प॒व॒स्व॒¦वसु॑ऽमत्¦हिर᳚ण्यऽवत्¦अश्व॑ऽवत्¦गोऽम॑त्¦यव॑ऽमत्¦सु॒ऽवीर्य᳚म् | |
| ए॒तेसोमाः॒पव॑मानास॒इन्द्रं॒रथा᳚,इव॒प्रय॑युःसा॒तिमच्छ॑ |{आङ्गिरसो हिरण्यस्तूपः | पवमानः सोमः | त्रिष्टुप्} सु॒ताःप॒वित्र॒मति॑य॒न्त्यव्यं᳚हि॒त्वीव॒व्रिंह॒रितो᳚वृ॒ष्टिमच्छ॒(स्वाहा᳚) || 9 || ए॒ते¦सोमाः᳚¦पव॑मानासः¦इन्द्र᳚म्¦रथाः᳚ऽइव¦प्र¦य॒युः॒¦सा॒तिम्¦अच्छ॑ | |
| इन्द॒विन्द्रा᳚यबृह॒तेप॑वस्वसुमृळी॒को,अ॑नव॒द्योरि॒शादाः᳚ |{आङ्गिरसो हिरण्यस्तूपः | पवमानः सोमः | त्रिष्टुप्} भरा᳚च॒न्द्राणि॑गृण॒तेवसू᳚निदे॒वैर्द्या᳚वापृथिवी॒प्राव॑तंनः॒(स्वाहा᳚) || 10 || इन्दो॒ इति॑¦इन्द्रा᳚य¦बृ॒ह॒ते¦प॒व॒स्व॒¦सु॒ऽमृ॒ळी॒कः¦अ॒न॒व॒द्यः¦रि॒शादाः᳚ | |
| [27] त्रिरस्माइति दशर्चस्यक्तसूस्य वैश्वामित्रोरेणुः पवमानसोमोजगत्यंत्यात्रिष्टुप् |{अष्टक:7, अध्याय:2}{मंडल:9, सूक्त:70}{अनुवाक:4, सूक्त:3} |
| त्रिर॑स्मैस॒प्तधे॒नवो᳚दुदुह्रेस॒त्यामा॒शिरं᳚पू॒र्व्येव्यो᳚मनि |{वैश्वामित्रो वैश्वामित्रो रेणुः | पवमानः सोमः | जगती} च॒त्वार्य॒न्याभुव॑नानिनि॒र्णिजे॒चारू᳚णिचक्रे॒यदृ॒तैरव॑र्धत॒(स्वाहा᳚) || 1 || वर्ग:23 त्रिः¦अ॒स्मै॒¦स॒प्त¦धे॒नवः॑¦दु॒दु॒ह्रे॒¦स॒त्याम्¦आ॒ऽशिर᳚म्¦पू॒र्व्ये¦विऽओ᳚मनि | |
| सभिक्ष॑माणो,अ॒मृत॑स्य॒चारु॑णउ॒भेद्यावा॒काव्ये᳚ना॒विश॑श्रथे |{वैश्वामित्रो वैश्वामित्रो रेणुः | पवमानः सोमः | जगती} तेजि॑ष्ठा,अ॒पोमं॒हना॒परि᳚व्यत॒यदी᳚दे॒वस्य॒श्रव॑सा॒सदो᳚वि॒दुः(स्वाहा᳚) || 2 || सः¦भिक्ष॑माणः¦अ॒मृत॑स्य¦चारु॑णः¦उ॒भे इति॑¦द्यावा᳚¦काव्ये᳚न¦वि¦श॒श्र॒थे॒ | |
| ते,अ॑स्यसन्तुके॒तवोऽमृ॑त्य॒वोऽदा᳚भ्यासोज॒नुषी᳚,उ॒भे,अनु॑ |{वैश्वामित्रो वैश्वामित्रो रेणुः | पवमानः सोमः | जगती} येभि᳚र्नृ॒म्णाच॑दे॒व्या᳚चपुन॒तआदिद्राजा᳚नंम॒नना᳚,अगृभ्णत॒(स्वाहा᳚) || 3 || ते¦अ॒स्य॒¦स॒न्तु॒¦के॒तवः॑¦अमृ॑त्यवः¦अदा᳚भ्यासः¦ज॒नुषी॒ इति॑¦उ॒भे इति॑¦अनु॑ | |
| समृ॒ज्यमा᳚नोद॒शभिः॑सु॒कर्म॑भिः॒प्रम॑ध्य॒मासु॑मा॒तृषु॑प्र॒मेसचा᳚ |{वैश्वामित्रो वैश्वामित्रो रेणुः | पवमानः सोमः | जगती} व्र॒तानि॑पा॒नो,अ॒मृत॑स्य॒चारु॑णउ॒भेनृ॒चक्षा॒,अनु॑पश्यते॒विशौ॒(स्वाहा᳚) || 4 || सः¦मृ॒ज्यमा᳚नः¦द॒शऽभिः॑¦सु॒कर्म॑ऽभिः¦प्र¦म॒ध्य॒मासु॑¦मा॒तृषु॑¦प्र॒ऽमे¦सचा᳚ | |
| सम᳚र्मृजा॒नइ᳚न्द्रि॒याय॒धाय॑स॒ओभे,अ॒न्तारोद॑सीहर्षतेहि॒तः |{वैश्वामित्रो वैश्वामित्रो रेणुः | पवमानः सोमः | जगती} वृषा॒शुष्मे᳚णबाधते॒विदु᳚र्म॒तीरा॒देदि॑शानःशर्य॒हेव॑शु॒रुधः॒(स्वाहा᳚) || 5 || सः¦म॒र्मृ॒जा॒नः¦इ॒न्द्रि॒याय॑¦धाय॑से¦आ¦उ॒भे इति॑¦अ॒न्तरिति॑¦रोद॑सी॒ इति॑¦ह॒र्ष॒ते॒¦हि॒तः | |
| समा॒तरा॒नददृ॑शानउ॒स्रियो॒नान॑ददेतिम॒रुता᳚मिवस्व॒नः |{वैश्वामित्रो वैश्वामित्रो रेणुः | पवमानः सोमः | जगती} जा॒नन्नृ॒तंप्र॑थ॒मंयत्स्व᳚र्णरं॒प्रश॑स्तये॒कम॑वृणीतसु॒क्रतुः॒(स्वाहा᳚) || 6 || वर्ग:24 सः¦मा॒तरा᳚¦न¦ददृ॑शानः¦उ॒स्रियः॑¦नान॑दत्¦ए॒ति॒¦म॒रुता᳚म्ऽइव¦स्व॒नः | |
| रु॒वति॑भी॒मोवृ॑ष॒भस्त॑वि॒ष्यया॒शृङ्गे॒शिशा᳚नो॒हरि॑णीविचक्ष॒णः |{वैश्वामित्रो वैश्वामित्रो रेणुः | पवमानः सोमः | जगती} आयोनिं॒सोमः॒सुकृ॑तं॒निषी᳚दतिग॒व्ययी॒त्वग्भ॑वतिनि॒र्णिग॒व्ययी॒(स्वाहा᳚) || 7 || रु॒वति॑¦भी॒मः¦वृ॒ष॒भः¦त॒वि॒ष्यया᳚¦शृङ्गे॒ इति॑¦शिशा᳚नः¦हरि॑णी॒ इति॑¦वि॒ऽच॒क्ष॒णः | |
| शुचिः॑पुना॒नस्त॒न्व॑मरे॒पस॒मव्ये॒हरि॒र्न्य॑धाविष्ट॒सान॑वि |{वैश्वामित्रो वैश्वामित्रो रेणुः | पवमानः सोमः | जगती} जुष्टो᳚मि॒त्राय॒वरु॑णायवा॒यवे᳚त्रि॒धातु॒मधु॑क्रियतेसु॒कर्म॑भिः॒(स्वाहा᳚) || 8 || शुचिः॑¦पु॒ना॒नः¦त॒न्व᳚म्¦अ॒रे॒पस᳚म्¦अव्ये᳚¦हरिः॑¦नि¦अ॒धा॒वि॒ष्ट॒¦सान॑वि | |
| पव॑स्वसोमदे॒ववी᳚तये॒वृषेन्द्र॑स्य॒हार्दि॑सोम॒धान॒मावि॑श |{वैश्वामित्रो वैश्वामित्रो रेणुः | पवमानः सोमः | जगती} पु॒रानो᳚बा॒धाद्दु॑रि॒ताति॑पारयक्षेत्र॒विद्धिदिश॒आहा᳚विपृच्छ॒ते(स्वाहा᳚) || 9 || पव॑स्व¦सो॒म॒¦दे॒वऽवी᳚तये¦वृषा᳚¦इन्द्र॑स्य¦हार्दि॑¦सो॒म॒ऽधान᳚म्¦आ¦वि॒श॒ | |
| हि॒तोनसप्ति॑र॒भिवाज॑म॒र्षेन्द्र॑स्येन्दोज॒ठर॒माप॑वस्व |{वैश्वामित्रो वैश्वामित्रो रेणुः | पवमानः सोमः | त्रिष्टुप्} ना॒वानसिन्धु॒मति॑पर्षिवि॒द्वाञ्छूरो॒नयुध्य॒न्नव॑नोनि॒दःस्पः॒(स्वाहा᳚) || 10 || हि॒तः¦न¦सप्तिः॑¦अ॒भि¦वाज᳚म्¦अ॒र्ष॒¦इन्द्र॑स्य¦इ॒न्दो॒ इति॑¦ज॒ठर᳚म्¦आ¦प॒व॒स्व॒ | |
| [28] आदक्षिणेति नवर्चस्य सूक्तस्य वैश्वामित्र ऋषभः पवमानसोमोजगत्यंत्यान्त्रिष्टुप् |{अष्टक:7, अध्याय:2}{मंडल:9, सूक्त:71}{अनुवाक:4, सूक्त:4} |
| आदक्षि॑णासृज्यतेशु॒ष्म्या॒३॑(आ॒)सदं॒वेति॑द्रु॒होर॒क्षसः॑पाति॒जागृ॑विः |{वैश्वामित्र ऋषभः | पवमानः सोमः | जगती} हरि॑रोप॒शंकृ॑णुते॒नभ॒स्पय॑उप॒स्तिरे᳚च॒म्वो॒३॑(ओ॒)र्ब्रह्म॑नि॒र्णिजे॒(स्वाहा᳚) || 1 || वर्ग:25 आ¦दक्षि॑णा¦सृ॒ज्य॒ते॒¦शु॒ष्मी¦आ॒ऽसद᳚म्¦वेति॑¦द्रु॒हः¦र॒क्षसः॑¦पा॒ति॒¦जागृ॑विः | |
| प्रकृ॑ष्टि॒हेव॑शू॒षए᳚ति॒रोरु॑वदसु॒र्य१॑(अं॒)वर्णं॒निरि॑णीते,अस्य॒तम् |{वैश्वामित्र ऋषभः | पवमानः सोमः | जगती} जहा᳚तिव॒व्रिंपि॒तुरे᳚तिनिष्कृ॒तमु॑प॒प्रुतं᳚कृणुतेनि॒र्णिजं॒तना॒(स्वाहा᳚) || 2 || प्र¦कृ॒ष्टि॒हाऽइ᳚व¦शू॒षः¦ए॒ति॒¦रोरु॑वत्¦अ॒सु॒र्य᳚म्¦वर्ण᳚म्¦नि¦रि॒णी॒ते॒¦अ॒स्य॒¦तम् | |
| अद्रि॑भिःसु॒तःप॑वते॒गभ॑स्त्योर्वृषा॒यते॒नभ॑सा॒वेप॑तेम॒ती |{वैश्वामित्र ऋषभः | पवमानः सोमः | जगती} समो᳚दते॒नस॑ते॒साध॑तेगि॒राने᳚नि॒क्ते,अ॒प्सुयज॑ते॒परी᳚मणि॒(स्वाहा᳚) || 3 || अद्रि॑ऽभिः¦सु॒तः¦प॒व॒ते॒¦गभ॑स्त्योः¦वृ॒ष॒ऽयते᳚¦नभ॑सा¦वेप॑ते¦म॒ती | |
| परि॑द्यु॒क्षंसह॑सःपर्वता॒वृधं॒मध्वः॑सिञ्चन्तिह॒र्म्यस्य॑स॒क्षणि᳚म् |{वैश्वामित्र ऋषभः | पवमानः सोमः | जगती} आयस्मि॒न्गावः॑सुहु॒ताद॒ऊध॑निमू॒र्धञ्छ्री॒णन्त्य॑ग्रि॒यंवरी᳚मभिः॒(स्वाहा᳚) || 4 || परि॑¦द्यु॒क्षम्¦सह॑सः¦प॒र्व॒त॒ऽवृध᳚म्¦मध्वः॑¦सिं॒च॒न्ति॒¦ह॒र्म्यस्य॑¦स॒क्षणि᳚म् | |
| समी॒रथं॒नभु॒रिजो᳚रहेषत॒दश॒स्वसा᳚रो॒,अदि॑तेरु॒पस्थ॒आ |{वैश्वामित्र ऋषभः | पवमानः सोमः | जगती} जिगा॒दुप॑ज्रयति॒गोर॑पी॒च्यं᳚प॒दंयद॑स्यम॒तुथा॒,अजी᳚जन॒न्(स्वाहा᳚) || 5 || सम्¦ई॒मिति॑¦रथ᳚म्¦न¦भु॒रिजोः᳚¦अ॒हे॒ष॒त॒¦दश॑¦स्वसा᳚रः¦अदि॑तेः¦उ॒पऽस्थे᳚¦आ | |
| श्ये॒नोनयोनिं॒सद॑नंधि॒याकृ॒तंहि॑र॒ण्यय॑मा॒सदं᳚दे॒वएष॑ति |{वैश्वामित्र ऋषभः | पवमानः सोमः | जगती} एरि॑णन्तिब॒र्हिषि॑प्रि॒यंगि॒राश्वो॒नदे॒वाँ,अप्ये᳚तिय॒ज्ञियः॒(स्वाहा᳚) || 6 || वर्ग:26 श्ये॒नः¦न¦योनि᳚म्¦सद॑नम्¦धि॒या¦कृ॒तम्¦हि॒र॒ण्यय᳚म्¦आ॒ऽसद᳚म्¦दे॒वः¦आ¦ई॒ष॒ति॒ | |
| परा॒व्य॑क्तो,अरु॒षोदि॒वःक॒विर्वृषा᳚त्रिपृ॒ष्ठो,अ॑नविष्ट॒गा,अ॒भि |{वैश्वामित्र ऋषभः | पवमानः सोमः | जगती} स॒हस्र॑णीति॒र्यतिः॑परा॒यती᳚रे॒भोनपू॒र्वीरु॒षसो॒विरा᳚जति॒(स्वाहा᳚) || 7 || परा᳚¦वि।आ॑क्तः¦अ॒रु॒षः¦दि॒वः¦क॒विः¦वृषा᳚¦त्रि॒ऽपृ॒ष्ठः¦अ॒न॒वि॒ष्ट॒¦गाः¦अ॒भि | |
| त्वे॒षंरू॒पंकृ॑णुते॒वर्णो᳚,अस्य॒सयत्राश॑य॒त्समृ॑ता॒सेध॑तिस्रि॒धः |{वैश्वामित्र ऋषभः | पवमानः सोमः | जगती} अ॒प्साया᳚तिस्व॒धया॒दैव्यं॒जनं॒संसु॑ष्टु॒तीनस॑ते॒संगो,अ॑ग्रया॒(स्वाहा᳚) || 8 || त्वे॒षम्¦रू॒पम्¦कृ॒णु॒ते॒¦वर्णः॑¦अ॒स्य॒¦सः¦यत्र॑¦अश॑यत्¦सम्ऽऋ॑ता¦सेध॑ति¦स्रि॒धः | |
| उ॒क्षेव॑यू॒थाप॑रि॒यन्न॑रावी॒दधि॒त्विषी᳚रधित॒सूर्य॑स्य |{वैश्वामित्र ऋषभः | पवमानः सोमः | त्रिष्टुप्} दि॒व्यःसु॑प॒र्णोऽव॑चक्षत॒क्षांसोमः॒परि॒क्रतु॑नापश्यते॒जाः(स्वाहा᳚) || 9 || उ॒क्षाऽइ᳚व¦यू॒था¦प॒रि॒ऽयन्¦अ॒रा॒वी॒त्¦अधि॑¦त्विषीः᳚¦अ॒धि॒त॒¦सूर्य॑स्य | |
| [29] हरिंमृजंतीति नवर्चस्य सूक्तस्य आंगिरसोहरिमंतः पवमानसोमोजगती |{अष्टक:7, अध्याय:2}{मंडल:9, सूक्त:72}{अनुवाक:4, सूक्त:5} |
| हरिं᳚मृजन्त्यरु॒षोनयु॑ज्यते॒संधे॒नुभिः॑क॒लशे॒सोमो᳚,अज्यते |{आङ्गिरसो हरिमंतः | पवमानः सोमः | जगती} उद्वाच॑मी॒रय॑तिहि॒न्वते᳚म॒तीपु॑रुष्टु॒तस्य॒कति॑चित्परि॒प्रियः॒(स्वाहा᳚) || 1 || वर्ग:27 हरि᳚म्¦मृ॒ज॒न्ति॒¦अ॒रु॒षः¦न¦यु॒ज्य॒ते॒¦सम्¦धे॒नुऽभिः॑¦क॒लशे᳚¦सोमः॑¦अ॒ज्य॒ते॒ | |
| सा॒कंव॑दन्तिब॒हवो᳚मनी॒षिण॒इन्द्र॑स्य॒सोमं᳚ज॒ठरे॒यदा᳚दु॒हुः |{आङ्गिरसो हरिमंतः | पवमानः सोमः | जगती} यदी᳚मृ॒जन्ति॒सुग॑भस्तयो॒नरः॒सनी᳚ळाभिर्द॒शभिः॒काम्यं॒मधु॒(स्वाहा᳚) || 2 || सा॒कम्¦व॒द॒न्ति॒¦ब॒हवः॑¦म॒नी॒षिणः॑¦इन्द्र॑स्य¦सोम᳚म्¦ज॒ठरे᳚¦यत्¦आ॒ऽदु॒हुः | |
| अर॑ममाणो॒,अत्ये᳚ति॒गा,अ॒भिसूर्य॑स्यप्रि॒यंदु॑हि॒तुस्ति॒रोरव᳚म् |{आङ्गिरसो हरिमंतः | पवमानः सोमः | जगती} अन्व॑स्मै॒जोष॑मभरद्विनंगृ॒सःसंद्व॒यीभिः॒स्वसृ॑भिः,क्षेतिजा॒मिभिः॒(स्वाहा᳚) || 3 || अर॑ममाणः¦अति॑¦ए॒ति॒¦गाः¦अ॒भि¦सूर्य॑स्य¦प्रि॒यम्¦दु॒हि॒तुः¦ति॒रः¦रव᳚म् | |
| नृधू᳚तो॒,अद्रि॑षुतोब॒र्हिषि॑प्रि॒यःपति॒र्गवां᳚प्र॒दिव॒इन्दु᳚रृ॒त्वियः॑ |{आङ्गिरसो हरिमंतः | पवमानः सोमः | जगती} पुरं᳚धिवा॒न्मनु॑षोयज्ञ॒साध॑नः॒शुचि॑र्धि॒याप॑वते॒सोम॑इन्द्रते॒(स्वाहा᳚) || 4 || नृऽधू᳚तः¦अद्रि॑ऽसुतः¦ब॒र्हिषि॑¦प्रि॒यः¦पतिः॑¦गवा᳚म्¦प्र॒ऽदिवः॑¦इन्दुः॑¦ऋ॒त्वियः॑ | |
| नृबा॒हुभ्यां᳚चोदि॒तोधार॑यासु॒तो᳚ऽनुष्व॒धंप॑वते॒सोम॑इन्द्रते |{आङ्गिरसो हरिमंतः | पवमानः सोमः | जगती} आप्राः॒क्रतू॒न्त्सम॑जैरध्व॒रेम॒तीर्वेर्नद्रु॒षच्च॒म्वो॒३॑(ओ॒)रास॑द॒द्धरिः॒(स्वाहा᳚) || 5 || नृबा॒हुऽभ्या᳚म्¦चो॒दि॒तः¦धार॑या¦सु॒तः¦अ॒नु॒ऽस्व॒धम्¦प॒व॒ते॒¦सोमः॑¦इ॒न्द्र॒¦ते॒ | |
| अं॒शुंदु॑हन्तिस्त॒नय᳚न्त॒मक्षि॑तंक॒विंक॒वयो॒ऽपसो᳚मनी॒षिणः॑ |{आङ्गिरसो हरिमंतः | पवमानः सोमः | जगती} समी॒गावो᳚म॒तयो᳚यन्तिसं॒यत॑ऋ॒तस्य॒योना॒सद॑नेपुन॒र्भुवः॒(स्वाहा᳚) || 6 || वर्ग:28 अं॒शुम्¦दु॒ह॒न्ति॒¦स्त॒नय᳚न्तम्¦अक्षि॑तम्¦क॒विम्¦क॒वयः॑¦अ॒पसः॑¦म॒नी॒षिणः॑ | |
| नाभा᳚पृथि॒व्याध॒रुणो᳚म॒होदि॒वो॒३॑(ओ॒)ऽपामू॒र्मौसिन्धु॑ष्व॒न्तरु॑क्षि॒तः |{आङ्गिरसो हरिमंतः | पवमानः सोमः | जगती} इन्द्र॑स्य॒वज्रो᳚वृष॒भोवि॒भूव॑सुः॒सोमो᳚हृ॒देप॑वते॒चारु॑मत्स॒रः(स्वाहा᳚) || 7 || नाभा᳚¦पृ॒थि॒व्याः¦ध॒रुणः॑¦म॒हः¦दि॒वः¦अ॒पाम्¦ऊ॒र्मौ¦सिन्धु॑षु¦अ॒न्तः¦उ॒क्षि॒तः | |
| सतूप॑वस्व॒परि॒पार्थि॑वं॒रजः॑स्तो॒त्रेशिक्ष᳚न्नाधून्व॒तेच॑सुक्रतो |{आङ्गिरसो हरिमंतः | पवमानः सोमः | जगती} मानो॒निर्भा॒ग्वसु॑नःसादन॒स्पृशो᳚र॒यिंपि॒शङ्गं᳚बहु॒लंव॑सीमहि॒(स्वाहा᳚) || 8 || सः¦तु¦प॒व॒स्व॒¦परि॑¦पार्थि॑वम्¦रजः॑¦स्तो॒त्रे¦शिक्ष॑न्¦आ॒ऽधू॒न्व॒ते¦च॒¦सु॒क्र॒तो॒ इति॑ सुऽक्रतो | |
| आतून॑इन्दोश॒तदा॒त्वश्व्यं᳚स॒हस्र॑दातुपशु॒मद्धिर᳚ण्यवत् |{आङ्गिरसो हरिमंतः | पवमानः सोमः | जगती} उप॑मास्वबृह॒तीरे॒वती॒रिषोऽधि॑स्तो॒त्रस्य॑पवमाननोगहि॒(स्वाहा᳚) || 9 || आ¦तु¦नः॒¦इ॒न्दो॒ इति॑¦श॒तऽदा᳚तु¦अश्व्य᳚म्¦स॒हस्र॑ऽदातु¦प॒शु॒ऽमत्¦हिर᳚ण्यऽवत् | |
| [30] स्रक्वेद्रप्सस्येति नवर्चस्य सूक्तस्यांगिरसः पवित्रः पवमान सोमो जगती |{अष्टक:7, अध्याय:2}{मंडल:9, सूक्त:73}{अनुवाक:4, सूक्त:6} |
| स्रक्वे᳚द्र॒प्सस्य॒धम॑तः॒सम॑स्वरन्नृ॒तस्य॒योना॒सम॑रन्त॒नाभ॑यः |{आङ्गिरसः पवित्रः | पवमानः सोमः | जगती} त्रीन्त्समू॒र्ध्नो,असु॑रश्चक्रआ॒रभे᳚स॒त्यस्य॒नावः॑सु॒कृत॑मपीपर॒न्(स्वाहा᳚) || 1 || वर्ग:29 स्रक्वे᳚¦द्र॒प्सस्य॑¦धम॑तः¦सम्¦अ॒स्व॒र॒न्¦ऋ॒तस्य॑¦योना᳚¦सम्¦अ॒र॒न्त॒¦नाभ॑यः | |
| स॒म्यक्स॒म्यञ्चो᳚महि॒षा,अ॑हेषत॒सिन्धो᳚रू॒र्मावधि॑वे॒ना,अ॑वीविपन् |{आङ्गिरसः पवित्रः | पवमानः सोमः | जगती} मधो॒र्धारा᳚भिर्ज॒नय᳚न्तो,अ॒र्कमित्प्रि॒यामिन्द्र॑स्यत॒न्व॑मवीवृध॒न्(स्वाहा᳚) || 2 || स॒म्यक्¦स॒म्यंचः॑¦म॒हि॒षाः¦अ॒हे॒ष॒त॒¦सिन्धोः᳚¦ऊ॒र्मौ¦अधि॑¦वे॒नाः¦अ॒वी॒वि॒प॒न् | |
| प॒वित्र॑वन्तः॒परि॒वाच॑मासतेपि॒तैषां᳚प्र॒त्नो,अ॒भिर॑क्षतिव्र॒तम् |{आङ्गिरसः पवित्रः | पवमानः सोमः | जगती} म॒हःस॑मु॒द्रंवरु॑णस्ति॒रोद॑धे॒धीरा॒,इच्छे᳚कुर्ध॒रुणे᳚ष्वा॒रभ॒म्(स्वाहा᳚) || 3 || प॒वित्र॑ऽवन्तः¦परि॑¦वाच᳚म्¦आ॒स॒ते॒¦पि॒ता¦ए॒षा॒म्¦प्र॒त्नः¦अ॒भि¦र॒क्ष॒ति॒¦व्र॒तम् | |
| स॒हस्र॑धा॒रेऽव॒तेसम॑स्वरन्दि॒वोनाके॒मधु॑जिह्वा,अस॒श्चतः॑ |{आङ्गिरसः पवित्रः | पवमानः सोमः | जगती} अस्य॒स्पशो॒ननिमि॑षन्ति॒भूर्ण॑यःप॒देप॑देपा॒शिनः॑सन्ति॒सेत॑वः॒(स्वाहा᳚) || 4 || स॒हस्र॑ऽधारे¦अव॑¦ते¦सम्¦अ॒स्व॒र॒न्¦दि॒वः¦नाके᳚¦मधु॑ऽजिह्वाः¦अ॒स॒श्चतः॑ | |
| पि॒तुर्मा॒तुरध्यायेस॒मस्व॑रन्नृ॒चाशोच᳚न्तःसं॒दह᳚न्तो,अव्र॒तान् |{आङ्गिरसः पवित्रः | पवमानः सोमः | जगती} इन्द्र॑द्विष्टा॒मप॑धमन्तिमा॒यया॒त्वच॒मसि॑क्नीं॒भूम॑नोदि॒वस्परि॒(स्वाहा᳚) || 5 || पि॒तुः¦मा॒तुः¦अधि॑¦आ¦ये¦स॒म्।आस्व॑रन्¦ऋ॒चा¦शोच᳚न्तः¦स॒म्ऽदह᳚न्तः¦अ॒व्र॒तान् | |
| प्र॒त्नान्माना॒दध्यायेस॒मस्व॑र॒ञ्छ्लोक॑यन्त्रासोरभ॒सस्य॒मन्त॑वः |{आङ्गिरसः पवित्रः | पवमानः सोमः | जगती} अपा᳚न॒क्षासो᳚बधि॒रा,अ॑हासतऋ॒तस्य॒पन्थां॒नत॑रन्तिदु॒ष्कृतः॒(स्वाहा᳚) || 6 || वर्ग:30 प्र॒त्नात्¦माना᳚त्¦अधि॑¦आ¦ये¦स॒म्।आस्व॑रन्¦श्लोक॑ऽयन्त्रासः¦र॒भ॒सस्य॑¦मन्त॑वः | |
| स॒हस्र॑धारे॒वित॑तेप॒वित्र॒आवाचं᳚पुनन्तिक॒वयो᳚मनी॒षिणः॑ |{आङ्गिरसः पवित्रः | पवमानः सोमः | जगती} रु॒द्रास॑एषामिषि॒रासो᳚,अ॒द्रुहः॒स्पशः॒स्वञ्चः॑सु॒दृशो᳚नृ॒चक्ष॑सः॒(स्वाहा᳚) || 7 || स॒हस्र॑ऽधारे¦विऽत॑ते¦प॒वित्रे᳚¦आ¦वाच᳚म्¦पु॒न॒न्ति॒¦क॒वयः॑¦म॒नी॒षिणः॑ | |
| ऋ॒तस्य॑गो॒पानदभा᳚यसु॒क्रतु॒स्त्रीषप॒वित्रा᳚हृ॒द्य१॑(अ॒)न्तराद॑धे |{आङ्गिरसः पवित्रः | पवमानः सोमः | जगती} वि॒द्वान्त्सविश्वा॒भुव॑ना॒भिप॑श्य॒त्यवाजु॑ष्टान्विध्यतिक॒र्ते,अ᳚व्र॒तान्(स्वाहा᳚) || 8 || ऋ॒तस्य॑¦गो॒पाः¦न¦दभा᳚य¦सु॒ऽक्रतुः॑¦त्री¦सः¦प॒वित्रा᳚¦हृ॒दि¦अ॒न्तः¦आ¦द॒धे॒ | |
| ऋ॒तस्य॒तन्तु॒र्वित॑तःप॒वित्र॒आजि॒ह्वाया॒,अग्रे॒वरु॑णस्यमा॒यया᳚ |{आङ्गिरसः पवित्रः | पवमानः सोमः | जगती} धीरा᳚श्चि॒त्तत्स॒मिन॑क्षन्तआश॒तात्रा᳚क॒र्तमव॑पदा॒त्यप्र॑भुः॒(स्वाहा᳚) || 9 || ऋ॒तस्य॑¦तन्तुः॑¦विऽत॑तः¦प॒वित्रे᳚¦आ¦जि॒ह्वायाः᳚¦अग्रे᳚¦वरु॑णस्य¦मा॒यया᳚ | |
| [31] शिशुर्नेति नवर्चस्य सूक्तस्य दैर्घतमसः कक्षीवान्पवमान सोमोजगत्यष्टमीत्रिष्टुप् |{अष्टक:7, अध्याय:2}{मंडल:9, सूक्त:74}{अनुवाक:4, सूक्त:7} |
| शिशु॒र्नजा॒तोऽव॑चक्रद॒द्वने॒स्व१॑(अ॒)र्यद्वा॒ज्य॑रु॒षःसिषा᳚सति |{दैर्घतमसः कक्षीवान् | पवमानः सोमः | जगती} दि॒वोरेत॑सासचतेपयो॒वृधा॒तमी᳚महेसुम॒तीशर्म॑स॒प्रथः॒(स्वाहा᳚) || 1 || वर्ग:31 शिशुः॑¦न¦जा॒तः¦अव॑¦च॒क्र॒द॒त्¦वने᳚¦स्वः॑¦यत्¦वा॒जी¦अ॒रु॒षः¦सिसा᳚सति | |
| दि॒वोयःस्क॒म्भोध॒रुणः॒स्वा᳚तत॒आपू᳚र्णो,अं॒शुःप॒र्येति॑वि॒श्वतः॑ |{दैर्घतमसः कक्षीवान् | पवमानः सोमः | जगती} सेमेम॒हीरोद॑सीयक्षदा॒वृता᳚समीची॒नेदा᳚धार॒समिषः॑क॒विः(स्वाहा᳚) || 2 || दि॒वः¦यः¦स्क॒म्भः¦ध॒रुणः॑¦सुऽआ᳚ततः¦आऽपू᳚र्णः¦अं॒शुः¦प॒रि॒ऽएति॑¦वि॒श्वतः॑ | |
| महि॒प्सरः॒सुकृ॑तंसो॒म्यंमधू॒र्वीगव्यू᳚ति॒रदि॑तेरृ॒तंय॒ते |{दैर्घतमसः कक्षीवान् | पवमानः सोमः | जगती} ईशे॒योवृ॒ष्टेरि॒तउ॒स्रियो॒वृषा॒पांने॒तायइ॒तऊ᳚तिरृ॒ग्मियः॒(स्वाहा᳚) || 3 || महि॑¦प्सरः॑¦सुऽकृ॑तम्¦सो॒म्यम्¦मधु॑¦उ॒र्वी¦गव्यू᳚तिः¦अदि॑तेः¦ऋ॒तम्¦य॒ते | |
| आ॒त्म॒न्वन्नभो᳚दुह्यतेघृ॒तंपय॑ऋ॒तस्य॒नाभि॑र॒मृतं॒विजा᳚यते |{दैर्घतमसः कक्षीवान् | पवमानः सोमः | जगती} स॒मी॒ची॒नाःसु॒दान॑वःप्रीणन्ति॒तंनरो᳚हि॒तमव॑मेहन्ति॒पेर॑वः॒(स्वाहा᳚) || 4 || आ॒त्म॒न्ऽवत्¦नभः॑¦दु॒ह्य॒ते॒¦घृ॒तम्¦पयः॑¦ऋ॒तस्य॑¦नाभिः॑¦अ॒मृत᳚म्¦वि¦जा॒य॒ते॒ | |
| अरा᳚वीदं॒शुःसच॑मानऊ॒र्मिणा᳚देवा॒व्य१॑(अं॒)मनु॑षेपिन्वति॒त्वच᳚म् |{दैर्घतमसः कक्षीवान् | पवमानः सोमः | जगती} दधा᳚ति॒गर्भ॒मदि॑तेरु॒पस्थ॒आयेन॑तो॒कंच॒तन॑यंच॒धाम॑हे॒(स्वाहा᳚) || 5 || अरा᳚वीत्¦अं॒शुः¦सच॑मानः¦ऊ॒र्मिणा᳚¦दे॒व॒।आ॒व्य᳚म्¦मनु॑षे¦पि॒न्व॒ति॒¦त्वच᳚म् | |
| स॒हस्र॑धा॒रेऽव॒ता,अ॑स॒श्चत॑स्तृ॒तीये᳚सन्तु॒रज॑सिप्र॒जाव॑तीः |{दैर्घतमसः कक्षीवान् | पवमानः सोमः | जगती} चत॑स्रो॒नाभो॒निहि॑ता,अ॒वोदि॒वोह॒विर्भ॑रन्त्य॒मृतं᳚घृत॒श्चुतः॒(स्वाहा᳚) || 6 || वर्ग:32 स॒हस्र॑ऽधारे¦अव॑¦ताः¦अ॒स॒श्चतः॑¦तृ॒तीये᳚¦स॒न्तु॒¦रज॑सि¦प्र॒जाऽव॑तीः | |
| श्वे॒तंरू॒पंकृ॑णुते॒यत्सिषा᳚सति॒सोमो᳚मी॒ढ्वाँ,असु॑रोवेद॒भूम॑नः |{दैर्घतमसः कक्षीवान् | पवमानः सोमः | जगती} धि॒याशमी᳚सचते॒सेम॒भिप्र॒वद्दि॒वस्कव᳚न्ध॒मव॑दर्षदु॒द्रिण॒म्(स्वाहा᳚) || 7 || श्वे॒तम्¦रू॒पम्¦कृ॒णु॒ते॒¦यत्¦सिसा᳚सति¦सोमः॑¦मी॒ढ्वान्¦असु॑रः¦वे॒द॒¦भूम॑नः | |
| अध॑श्वे॒तंक॒लशं॒गोभि॑र॒क्तंकार्ष्म॒न्नावा॒ज्य॑क्रमीत्सस॒वान् |{दैर्घतमसः कक्षीवान् | पवमानः सोमः | त्रिष्टुप्} आहि᳚न्विरे॒मन॑सादेव॒यन्तः॑क॒क्षीव॑तेश॒तहि॑माय॒गोना॒म्(स्वाहा᳚) || 8 || अध॑¦श्वे॒तम्¦क॒लश᳚म्¦गोभिः॑¦अ॒क्तम्¦कार्ष्म॑न्¦आ¦वा॒जी¦अ॒क्र॒मी॒त्¦स॒स॒ऽवान् | |
| अ॒द्भिःसो᳚मपपृचा॒नस्य॑ते॒रसोऽव्यो॒वारं॒विप॑वमानधावति |{दैर्घतमसः कक्षीवान् | पवमानः सोमः | जगती} समृ॒ज्यमा᳚नःक॒विभि᳚र्मदिन्तम॒स्वद॒स्वेन्द्रा᳚यपवमानपी॒तये॒(स्वाहा᳚) || 9 || अ॒त्ऽभिः¦सो॒म॒¦प॒पृ॒चा॒नस्य॑¦ते॒¦रसः॑¦अव्यः॑¦वार᳚म्¦वि¦प॒व॒मा॒न॒¦धा॒व॒ति॒ | |
| [32] अभिप्रियाणीति पंचर्चस्य सूक्तस्य भार्गवः कविः पवमानसोमोजगती |{अष्टक:7, अध्याय:2}{मंडल:9, सूक्त:75}{अनुवाक:4, सूक्त:8} |
| अ॒भिप्रि॒याणि॑पवते॒चनो᳚हितो॒नामा᳚निय॒ह्वो,अधि॒येषु॒वर्ध॑ते |{भार्गवः कविः | पवमानः सोमः | जगती} आसूर्य॑स्यबृह॒तोबृ॒हन्नधि॒रथं॒विष्व᳚ञ्चमरुहद्विचक्ष॒णः(स्वाहा᳚) || 1 || वर्ग:33 अ॒भि¦प्रि॒याणि॑¦प॒व॒ते॒¦चनः॑ऽहितः¦नामा᳚नि¦य॒ह्वः¦अधि॑¦येषु॑¦वर्ध॑ते | |
| ऋ॒तस्य॑जि॒ह्वाप॑वते॒मधु॑प्रि॒यंव॒क्तापति॑र्धि॒यो,अ॒स्या,अदा᳚भ्यः |{भार्गवः कविः | पवमानः सोमः | जगती} दधा᳚तिपु॒त्रःपि॒त्रोर॑पी॒च्य१॑(अं॒)नाम॑तृ॒तीय॒मधि॑रोच॒नेदि॒वः(स्वाहा᳚) || 2 || ऋ॒तस्य॑¦जि॒ह्वा¦प॒व॒ते॒¦मधु॑¦प्रि॒यम्¦व॒क्ता¦पतिः॑¦धि॒यः¦अ॒स्याः¦अदा᳚भ्यः | |
| अव॑द्युता॒नःक॒लशाँ᳚,अचिक्रद॒न्नृभि᳚र्येमा॒नःकोश॒आहि॑र॒ण्यये᳚ |{भार्गवः कविः | पवमानः सोमः | जगती} अ॒भीमृ॒तस्य॑दो॒हना᳚,अनूष॒ताधि॑त्रिपृ॒ष्ठउ॒षसो॒विरा᳚जति॒(स्वाहा᳚) || 3 || अव॑¦द्यु॒ता॒नः¦क॒लशा᳚न्¦अ॒चि॒क्र॒द॒त्¦नृऽभिः॑¦ये॒मा॒नः¦कोशे᳚¦आ¦हि॒र॒ण्यये᳚ | |
| अद्रि॑भिःसु॒तोम॒तिभि॒श्चनो᳚हितःप्ररो॒चय॒न्रोद॑सीमा॒तरा॒शुचिः॑ |{भार्गवः कविः | पवमानः सोमः | जगती} रोमा॒ण्यव्या᳚स॒मया॒विधा᳚वति॒मधो॒र्धारा॒पिन्व॑मानादि॒वेदि॑वे॒(स्वाहा᳚) || 4 || अद्रि॑ऽभिः¦सु॒तः¦म॒तिऽभिः॑¦चनः॑ऽहितः¦प्र॒ऽरो॒चय॑न्¦रोद॑सी॒ इति॑¦मा॒तरा᳚¦शुचिः॑ | |
| परि॑सोम॒प्रध᳚न्वास्व॒स्तये॒नृभिः॑पुना॒नो,अ॒भिवा᳚सया॒शिर᳚म् |{भार्गवः कविः | पवमानः सोमः | जगती} येते॒मदा᳚,आह॒नसो॒विहा᳚यस॒स्तेभि॒रिन्द्रं᳚चोदय॒दात॑वेम॒घम्(स्वाहा᳚) || 5 || परि॑¦सो॒म॒¦प्र¦ध॒न्व॒¦स्व॒स्तये᳚¦नृऽभिः॑¦पु॒ना॒नः¦अ॒भि¦वा॒स॒य॒¦आ॒ऽशिर᳚म् | |
| [33] धर्तेति पंचर्चस्य सूक्तस्य भार्गवः कविः पवमानसोमोजगती |{अष्टक:7, अध्याय:3}{मंडल:9, सूक्त:76}{अनुवाक:4, सूक्त:9} |
| ध॒र्तादि॒वःप॑वते॒कृत्व्यो॒रसो॒दक्षो᳚दे॒वाना᳚मनु॒माद्यो॒नृभिः॑ |{भार्गवः कविः | पवमानः सोमः | जगती} हरिः॑सृजा॒नो,अत्यो॒नसत्व॑भि॒र्वृथा॒पाजां᳚सिकृणुतेन॒दीष्वा(स्वाहा᳚) || 1 || वर्ग:1 ध॒र्ता¦दि॒वः¦प॒व॒ते॒¦कृत्व्यः॑¦रसः॑¦दक्षः॑¦दे॒वाना᳚म्¦अ॒नु॒ऽमाद्यः॑¦नृऽभिः॑ | |
| शूरो॒नध॑त्त॒आयु॑धा॒गभ॑स्त्योः॒स्व१॑(अः॒)सिषा᳚सन्रथि॒रोगवि॑ष्टिषु |{भार्गवः कविः | पवमानः सोमः | जगती} इन्द्र॑स्य॒शुष्म॑मी॒रय᳚न्नप॒स्युभि॒रिन्दु᳚र्हिन्वा॒नो,अ॑ज्यतेमनी॒षिभिः॒(स्वाहा᳚) || 2 || शूरः॑¦न¦ध॒त्ते॒¦आयु॑धा¦गभ॑स्त्योः¦स्व१॒॑रिति॒ स्वः॑¦सिसा᳚सन्¦र॒थि॒रः¦गोऽइ᳚ष्टिषु | |
| इन्द्र॑स्यसोम॒पव॑मानऊ॒र्मिणा᳚तवि॒ष्यमा᳚णोज॒ठरे॒ष्वावि॑श |{भार्गवः कविः | पवमानः सोमः | जगती} प्रणः॑पिन्ववि॒द्युद॒भ्रेव॒रोद॑सीधि॒यानवाजाँ॒,उप॑मासि॒शश्व॑तः॒(स्वाहा᳚) || 3 || इन्द्र॑स्य¦सो॒म॒¦पव॑मानः¦ऊ॒र्मिणा᳚¦त॒वि॒ष्यमा᳚णः¦ज॒ठरे᳚षु¦आ¦वि॒श॒ | |
| विश्व॑स्य॒राजा᳚पवतेस्व॒र्दृश॑ऋ॒तस्य॑धी॒तिमृ॑षि॒षाळ॑वीवशत् |{भार्गवः कविः | पवमानः सोमः | जगती} यःसूर्य॒स्यासि॑रेणमृ॒ज्यते᳚पि॒ताम॑ती॒नामस॑मष्टकाव्यः॒(स्वाहा᳚) || 4 || विश्व॑स्य¦राजा᳚¦प॒व॒ते॒¦स्वः॒ऽदृशः॑¦ऋ॒तस्य॑¦धी॒तिम्¦ऋ॒षि॒षाट्¦अ॒वी॒व॒श॒त् | |
| वृषे᳚वयू॒थापरि॒कोश॑मर्षस्य॒पामु॒पस्थे᳚वृष॒भःकनि॑क्रदत् |{भार्गवः कविः | पवमानः सोमः | जगती} सइन्द्रा᳚यपवसेमत्स॒रिन्त॑मो॒यथा॒जेषा᳚मसमि॒थेत्वोत॑यः॒(स्वाहा᳚) || 5 || वृषा᳚ऽइव¦यू॒था¦परि॑¦कोश᳚म्¦अ॒र्ष॒सि॒¦अ॒पाम्¦उ॒पऽस्थे᳚¦वृ॒ष॒भः¦कनि॑क्रदत् | |
| [34] एषइति पंचर्चस्य सूक्तस्य भार्गवः कविः पवमान सोमोजगती |{अष्टक:7, अध्याय:3}{मंडल:9, सूक्त:77}{अनुवाक:4, सूक्त:10} |
| ए॒षप्रकोशे॒मधु॑माँ,अचिक्रद॒दिन्द्र॑स्य॒वज्रो॒वपु॑षो॒वपु॑ष्टरः |{भार्गवः कविः | पवमानः सोमः | जगती} अ॒भीमृ॒तस्य॑सु॒दुघा᳚घृत॒श्चुतो᳚वा॒श्रा,अ॑र्षन्ति॒पय॑सेवधे॒नवः॒(स्वाहा᳚) || 1 || वर्ग:2 ए॒षः¦प्र¦कोशे᳚¦मधु॑ऽमान्¦अ॒चि॒क्र॒द॒त्¦इन्द्र॑स्य¦वज्रः॑¦वपु॑षः¦वपुः॑ऽतरः | |
| सपू॒र्व्यःप॑वते॒यंदि॒वस्परि॑श्ये॒नोम॑था॒यदि॑षि॒तस्ति॒रोरजः॑ |{भार्गवः कविः | पवमानः सोमः | जगती} समध्व॒आयु॑वते॒वेवि॑जान॒इत्कृ॒शानो॒रस्तु॒र्मन॒साह॑बि॒भ्युषा॒(स्वाहा᳚) || 2 || सः¦पू॒र्व्यः¦प॒व॒ते॒¦यम्¦दि॒वः¦परि॑¦श्ये॒नः¦म॒था॒यत्¦इ॒षि॒तः¦ति॒रः¦रजः॑ | |
| तेनः॒पूर्वा᳚स॒उप॑रास॒इन्द॑वोम॒हेवाजा᳚यधन्वन्तु॒गोम॑ते |{भार्गवः कविः | पवमानः सोमः | जगती} ई॒क्षे॒ण्या᳚सो,अ॒ह्यो॒३॑(ओ॒)नचार॑वो॒ब्रह्म॑ब्रह्म॒येजु॑जु॒षुर्ह॒विर्ह॑विः॒(स्वाहा᳚) || 3 || ते¦नः॒¦पूर्वा᳚सः¦उप॑रासः¦इन्द॑वः¦म॒हे¦वाजा᳚य¦ध॒न्व॒न्तु॒¦गोऽम॑ते | |
| अ॒यंनो᳚वि॒द्वान्व॑नवद्वनुष्य॒तइन्दुः॑स॒त्राचा॒मन॑सापुरुष्टु॒तः |{भार्गवः कविः | पवमानः सोमः | जगती} इ॒नस्य॒यःसद॑ने॒गर्भ॑माद॒धेगवा᳚मुरु॒ब्जम॒भ्यर्ष॑तिव्र॒जम्(स्वाहा᳚) || 4 || अ॒यम्¦नः॒¦वि॒द्वान्¦व॒न॒व॒त्¦व॒नु॒ष्य॒तः¦इन्दुः॑¦स॒त्राचा᳚¦मन॑सा¦पु॒रु॒ऽस्तु॒तः | |
| चक्रि॑र्दि॒वःप॑वते॒कृत्व्यो॒रसो᳚म॒हाँ,अद॑ब्धो॒वरु॑णोहु॒रुग्य॒ते |{भार्गवः कविः | पवमानः सोमः | जगती} असा᳚विमि॒त्रोवृ॒जने᳚षुय॒ज्ञियोऽत्यो॒नयू॒थेवृ॑ष॒युःकनि॑क्रद॒त्(स्वाहा᳚) || 5 || चक्रिः॑¦दि॒वः¦प॒व॒ते॒¦कृत्व्यः॑¦रसः॑¦म॒हान्¦अद॑ब्धः¦वरु॑णः¦हु॒रुक्¦य॒ते | |
| [35] प्रराजेति पंचर्चस्य सूक्तस्य भार्गवः कविः पवमान सोमो जगती |{अष्टक:7, अध्याय:3}{मंडल:9, सूक्त:78}{अनुवाक:4, सूक्त:11} |
| प्रराजा॒वाचं᳚ज॒नय᳚न्नसिष्यदद॒पोवसा᳚नो,अ॒भिगा,इ॑यक्षति |{भार्गवः कविः | पवमानः सोमः | जगती} गृ॒भ्णाति॑रि॒प्रमवि॑रस्य॒तान्वा᳚शु॒द्धोदे॒वाना॒मुप॑यातिनिष्कृ॒तम्(स्वाहा᳚) || 1 || वर्ग:3 प्र¦राजा᳚¦वाच᳚म्¦ज॒नय॑न्¦अ॒सि॒स्य॒द॒त्¦अ॒पः¦वसा᳚नः¦अ॒भि¦गाः¦इ॒य॒क्ष॒ति॒ | |
| इन्द्रा᳚यसोम॒परि॑षिच्यसे॒नृभि᳚र्नृ॒चक्षा᳚,ऊ॒र्मिःक॒विर॑ज्यसे॒वने᳚ |{भार्गवः कविः | पवमानः सोमः | जगती} पू॒र्वीर्हिते᳚स्रु॒तयः॒सन्ति॒यात॑वेस॒हस्र॒मश्वा॒हर॑यश्चमू॒षदः॒(स्वाहा᳚) || 2 || इन्द्रा᳚य¦सो॒म॒¦परि॑¦सि॒च्य॒से॒¦नृऽभिः॑¦नृ॒ऽचक्षाः᳚¦ऊ॒र्मिः¦क॒विः¦अ॒ज्य॒से॒¦वने᳚ | |
| स॒मु॒द्रिया᳚,अप्स॒रसो᳚मनी॒षिण॒मासी᳚ना,अ॒न्तर॒भिसोम॑मक्षरन् |{भार्गवः कविः | पवमानः सोमः | जगती} ता,ईं᳚हिन्वन्तिह॒र्म्यस्य॑स॒क्षणिं॒याच᳚न्तेसु॒म्नंपव॑मान॒मक्षि॑त॒म्(स्वाहा᳚) || 3 || स॒मु॒द्रियाः᳚¦अ॒प्स॒रसः॑¦म॒नी॒षिण᳚म्¦आसी᳚नाः¦अ॒न्तः¦अ॒भि¦सोम᳚म्¦अ॒क्ष॒र॒न् | |
| गो॒जिन्नः॒सोमो᳚रथ॒जिद्धि॑रण्य॒जित्स्व॒र्जिद॒ब्जित्प॑वतेसहस्र॒जित् |{भार्गवः कविः | पवमानः सोमः | जगती} यंदे॒वास॑श्चक्रि॒रेपी॒तये॒मदं॒स्वादि॑ष्ठंद्र॒प्सम॑रु॒णंम॑यो॒भुव॒म्(स्वाहा᳚) || 4 || गो॒ऽजित्¦नः॒¦सोमः॑¦र॒थ॒ऽजित्¦हि॒र॒ण्य॒ऽजित्¦स्वः॒ऽजित्¦अ॒प्ऽजित्¦प॒व॒ते॒¦स॒ह॒स्र॒ऽजित् | |
| ए॒तानि॑सोम॒पव॑मानो,अस्म॒युःस॒त्यानि॑कृ॒ण्वन्द्रवि॑णान्यर्षसि |{भार्गवः कविः | पवमानः सोमः | जगती} ज॒हिशत्रु॑मन्ति॒केदू᳚र॒केच॒यउ॒र्वींगव्यू᳚ति॒मभ॑यंचनस्कृधि॒(स्वाहा᳚) || 5 || ए॒तानि॑¦सो॒म॒¦पव॑मानः¦अ॒स्म॒ऽयुः¦स॒त्यानि॑¦कृ॒ण्वन्¦द्रवि॑णानि¦अ॒र्ष॒सि॒ | |
| [36] अचोदसइति पंचर्चस्य सूक्तस्य भार्गवः कविः पवमानसोमोजगती |{अष्टक:7, अध्याय:3}{मंडल:9, सूक्त:79}{अनुवाक:4, सूक्त:12} |
| अ॒चो॒दसो᳚नोधन्व॒न्त्विन्द॑वः॒प्रसु॑वा॒नासो᳚बृ॒हद्दि॑वेषु॒हर॑यः |{भार्गवः कविः | पवमानः सोमः | जगती} विच॒नश᳚न्नइ॒षो,अरा᳚तयो॒ऽर्योन॑शन्त॒सनि॑षन्तनो॒धियः॒(स्वाहा᳚) || 1 || वर्ग:4 अ॒चो॒दसः॑¦नः॒¦ध॒न्व॒न्तु॒¦इन्द॑वः¦प्र¦सु॒वा॒नासः॑¦बृ॒हत्ऽदि॑वेषु¦हर॑यः | |
| प्रणो᳚धन्व॒न्त्विन्द॑वोमद॒च्युतो॒धना᳚वा॒येभि॒रर्व॑तोजुनी॒मसि॑ |{भार्गवः कविः | पवमानः सोमः | जगती} ति॒रोमर्त॑स्य॒कस्य॑चि॒त्परि॑ह्वृतिंव॒यंधना᳚निवि॒श्वधा᳚भरेमहि॒(स्वाहा᳚) || 2 || प्र¦नः॒¦ध॒न्व॒न्तु॒¦इन्द॑वः¦म॒द॒ऽच्युतः॑¦धना᳚¦वा॒¦येभिः॑¦अर्व॑तः¦जु॒नी॒मसि॑ | |
| उ॒तस्वस्या॒,अरा᳚त्या,अ॒रिर्हिषउ॒तान्यस्या॒,अरा᳚त्या॒वृको॒हिषः |{भार्गवः कविः | पवमानः सोमः | जगती} धन्व॒न्नतृष्णा॒सम॑रीत॒ताँ,अ॒भिसोम॑ज॒हिप॑वमानदुरा॒ध्य॑१(अः॒)(स्वाहा᳚) || 3 || उ॒त¦स्वस्याः᳚¦अरा᳚त्याः¦अ॒रिः¦हि¦सः¦उ॒त¦अ॒न्यस्याः᳚¦अरा᳚त्याः¦वृकः॑¦हि¦सः | |
| दि॒विते॒नाभा᳚पर॒मोयआ᳚द॒देपृ॑थि॒व्यास्ते᳚रुरुहुः॒सान॑वि॒क्षिपः॑ |{भार्गवः कविः | पवमानः सोमः | जगती} अद्र॑यस्त्वाबप्सति॒गोरधि॑त्व॒च्य१॑(अ॒)प्सुत्वा॒हस्तै᳚र्दुदुहुर्मनी॒षिणः॒(स्वाहा᳚) || 4 || दि॒वि¦ते॒¦नाभा᳚¦प॒र॒मः¦यः¦आ॒ऽद॒दे¦पृ॒थि॒व्याः¦ते॒¦रु॒रु॒हुः॒¦सान॑वि¦क्षिपः॑ | |
| ए॒वात॑इन्दोसु॒भ्वं᳚सु॒पेश॑सं॒रसं᳚तुञ्जन्तिप्रथ॒मा,अ॑भि॒श्रियः॑ |{भार्गवः कविः | पवमानः सोमः | जगती} निदं᳚निदंपवमान॒निता᳚रिषआ॒विस्ते॒शुष्मो᳚भवतुप्रि॒योमदः॒(स्वाहा᳚) || 5 || ए॒व¦ते॒¦इ॒न्दो॒ इति॑¦सु॒ऽभ्व᳚म्¦सु॒ऽपेश॑सम्¦रस᳚म्¦तुं॒ज॒न्ति॒¦प्र॒थ॒माः¦अ॒भि॒ऽश्रियः॑ | |
| [37] सोमस्येति पंचर्चस्य सूक्तस्य भारद्वाजो वसुः पवमान सोमोजगती |{अष्टक:7, अध्याय:3}{मंडल:9, सूक्त:80}{अनुवाक:4, सूक्त:13} |
| सोम॑स्य॒धारा᳚पवतेनृ॒चक्ष॑सऋ॒तेन॑दे॒वान्ह॑वतेदि॒वस्परि॑ |{भारद्वाजो वसुः | पवमानः सोमः | जगती} बृह॒स्पते᳚र॒वथे᳚ना॒विदि॑द्युतेसमु॒द्रासो॒नसव॑नानिविव्यचुः॒(स्वाहा᳚) || 1 || वर्ग:5 सोम॑स्य¦धारा᳚¦प॒व॒ते॒¦नृ॒ऽचक्ष॑सः¦ऋ॒तेन॑¦दे॒वान्¦ह॒व॒ते॒¦दि॒वः¦परि॑ | |
| यंत्वा᳚वाजिन्न॒घ्न्या,अ॒भ्यनू᳚ष॒तायो᳚हतं॒योनि॒मारो᳚हसिद्यु॒मान् |{भारद्वाजो वसुः | पवमानः सोमः | जगती} म॒घोना॒मायुः॑प्रति॒रन्महि॒श्रव॒इन्द्रा᳚यसोमपवसे॒वृषा॒मदः॒(स्वाहा᳚) || 2 || यम्¦त्वा॒¦वा॒जि॒न्¦अ॒घ्न्याः¦अ॒भि¦अनू᳚षत¦अयः॑ऽहतम्¦योनि᳚म्¦आ¦रो॒ह॒सि॒¦द्यु॒ऽमान् | |
| एन्द्र॑स्यकु॒क्षाप॑वतेम॒दिन्त॑म॒ऊर्जं॒वसा᳚नः॒श्रव॑सेसुम॒ङ्गलः॑ |{भारद्वाजो वसुः | पवमानः सोमः | जगती} प्र॒त्यङ्सविश्वा॒भुव॑ना॒भिप॑प्रथे॒क्रीळ॒न्हरि॒रत्यः॑स्यन्दते॒वृषा॒(स्वाहा᳚) || 3 || आ¦इन्द्र॑स्य¦कु॒क्षा¦प॒व॒ते॒¦म॒दिन्ऽत॑मः¦ऊर्ज᳚म्¦वसा᳚नः¦श्रव॑से¦सु॒ऽम॒ङ्गलः॑ | |
| तंत्वा᳚दे॒वेभ्यो॒मधु॑मत्तमं॒नरः॑स॒हस्र॑धारंदुहते॒दश॒क्षिपः॑ |{भारद्वाजो वसुः | पवमानः सोमः | जगती} नृभिः॑सोम॒प्रच्यु॑तो॒ग्राव॑भिःसु॒तोविश्वा᳚न्दे॒वाँ,आप॑वस्वासहस्रजि॒त्(स्वाहा᳚) || 4 || तम्¦त्वा॒¦दे॒वेभ्यः॑¦मधु॑मत्ऽतमम्¦नरः॑¦स॒हस्र॑ऽधारम्¦दु॒ह॒ते॒¦दश॑¦क्षिपः॑ | |
| तंत्वा᳚ह॒स्तिनो॒मधु॑मन्त॒मद्रि॑भिर्दु॒हन्त्य॒प्सुवृ॑ष॒भंदश॒क्षिपः॑ |{भारद्वाजो वसुः | पवमानः सोमः | जगती} इन्द्रं᳚सोममा॒दय॒न्दैव्यं॒जनं॒सिन्धो᳚रिवो॒र्मिःपव॑मानो,अर्षसि॒(स्वाहा᳚) || 5 || तम्¦त्वा॒¦ह॒स्तिनः॑¦मधु॑ऽमन्तम्¦अद्रि॑ऽभिः¦दु॒हन्ति॑¦अ॒प्ऽसु¦वृ॒ष॒भम्¦दश॑¦क्षिपः॑ | |
| [38] प्रसोमस्येति पंचर्चस्य सूक्तस्य भारद्वाजो वसुः पवमान सोमोजगत्यंत्यात्रिष्टुप् |{अष्टक:7, अध्याय:3}{मंडल:9, सूक्त:81}{अनुवाक:4, सूक्त:14} |
| प्रसोम॑स्य॒पव॑मानस्यो॒र्मय॒इन्द्र॑स्ययन्तिज॒ठरं᳚सु॒पेश॑सः |{भारद्वाजो वसुः | पवमानः सोमः | जगती} द॒ध्नायदी॒मुन्नी᳚ताय॒शसा॒गवां᳚दा॒नाय॒शूर॑मु॒दम᳚न्दिषुःसु॒ताः(स्वाहा᳚) || 1 || वर्ग:6 प्र¦सोम॑स्य¦पव॑मानस्य¦ऊ॒र्मयः॑¦इन्द्र॑स्य¦य॒न्ति॒¦ज॒ठर᳚म्¦सु॒ऽपेश॑सः | |
| अच्छा॒हिसोमः॑क॒लशाँ॒,असि॑ष्यद॒दत्यो॒नवोळ्हा᳚र॒घुव॑र्तनि॒र्वृषा᳚ |{भारद्वाजो वसुः | पवमानः सोमः | जगती} अथा᳚दे॒वाना᳚मु॒भय॑स्य॒जन्म॑नोवि॒द्वाँ,अ॑श्नोत्य॒मुत॑इ॒तश्च॒यत्(स्वाहा᳚) || 2 || अच्छ॑¦हि¦सोमः॑¦क॒लशा᳚न्¦असि॑स्यदत्¦अत्यः॑¦न¦वोळ्हा᳚¦र॒घुऽव॑र्तनिः¦वृषा᳚ | |
| आनः॑सोम॒पव॑मानःकिरा॒वस्विन्दो॒भव॑म॒घवा॒राध॑सोम॒हः |{भारद्वाजो वसुः | पवमानः सोमः | जगती} शिक्षा᳚वयोधो॒वस॑वे॒सुचे॒तुना॒मानो॒गय॑मा॒रे,अ॒स्मत्परा᳚सिचः॒(स्वाहा᳚) || 3 || आ¦नः॒¦सो॒म॒¦पव॑मानः¦कि॒र॒¦वसु॑¦इन्दो॒ इति॑¦भव॑¦म॒घऽवा᳚¦राध॑सः¦म॒हः | |
| आनः॑पू॒षापव॑मानःसुरा॒तयो᳚मि॒त्रोग॑च्छन्तु॒वरु॑णःस॒जोष॑सः |{भारद्वाजो वसुः | पवमानः सोमः | जगती} बृह॒स्पति᳚र्म॒रुतो᳚वा॒युर॒श्विना॒त्वष्टा᳚सवि॒तासु॒यमा॒सर॑स्वती॒(स्वाहा᳚) || 4 || आ¦नः॒¦पू॒षा¦पव॑मानः¦सु॒ऽरा॒तयः॑¦मि॒त्रः¦ग॒च्छ॒न्तु॒¦वरु॑णः¦स॒ऽजोष॑सः | |
| उ॒भेद्यावा᳚पृथि॒वीवि॑श्वमि॒न्वे,अ᳚र्य॒मादे॒वो,अदि॑तिर्विधा॒ता |{भारद्वाजो वसुः | पवमानः सोमः | त्रिष्टुप्} भगो॒नृशंस॑उ॒र्व१॑(अ॒)न्तरि॑क्षं॒विश्वे᳚दे॒वाःपव॑मानंजुषन्त॒(स्वाहा᳚) || 5 || उ॒भे इति॑¦द्यावा᳚पृथि॒वी इति॑¦वि॒श्व॒म्ऽइ॒न्वे¦अ॒र्य॒मा¦दे॒वः¦अदि॑तिः¦वि॒ऽधा॒ता | |
| [39] असावीति पंचर्चस्य सूक्तस्य भारद्वाजो वसुः पवमान सोमोजगत्यंत्यात्रिष्टुप् |{अष्टक:7, अध्याय:3}{मंडल:9, सूक्त:82}{अनुवाक:4, सूक्त:15} |
| असा᳚वि॒सोमो᳚,अरु॒षोवृषा॒हरी॒राजे᳚वद॒स्मो,अ॒भिगा,अ॑चिक्रदत् |{भारद्वाजो वसुः | पवमानः सोमः | जगती} पु॒ना॒नोवारं॒पर्ये᳚त्य॒व्ययं᳚श्ये॒नोनयोनिं᳚घृ॒तव᳚न्तमा॒सद॒म्(स्वाहा᳚) || 1 || वर्ग:7 असा᳚वि¦सोमः॑¦अ॒रु॒षः¦वृषा᳚¦हरिः॑¦राजा᳚ऽइव¦द॒स्मः¦अ॒भि¦गाः¦अ॒चि॒क्र॒द॒त् | |
| क॒विर्वे᳚ध॒स्यापर्ये᳚षि॒माहि॑न॒मत्यो॒नमृ॒ष्टो,अ॒भिवाज॑मर्षसि |{भारद्वाजो वसुः | पवमानः सोमः | जगती} अ॒प॒सेध᳚न्दुरि॒तासो᳚ममृळयघृ॒तंवसा᳚नः॒परि॑यासिनि॒र्णिज॒म्(स्वाहा᳚) || 2 || क॒विः¦वे॒ध॒स्या¦परि॑¦ए॒षि॒¦माहि॑नम्¦अत्यः॑¦न¦मृ॒ष्टः¦अ॒भि¦वाज᳚म्¦अ॒र्ष॒सि॒ | |
| प॒र्जन्यः॑पि॒ताम॑हि॒षस्य॑प॒र्णिनो॒नाभा᳚पृथि॒व्यागि॒रिषु॒क्षयं᳚दधे |{भारद्वाजो वसुः | पवमानः सोमः | जगती} स्वसा᳚र॒आपो᳚,अ॒भिगा,उ॒तास॑र॒न्त्संग्राव॑भिर्नसतेवी॒ते,अ॑ध्व॒रे(स्वाहा᳚) || 3 || प॒र्जन्यः॑¦पि॒ता¦म॒हि॒षस्य॑¦प॒र्णिनः॑¦नाभा᳚¦पृ॒थि॒व्याः¦गि॒रिषु॑¦क्षय᳚म्¦द॒धे॒ | |
| जा॒येव॒पत्या॒वधि॒शेव॑मंहसे॒पज्रा᳚यागर्भशृणु॒हिब्रवी᳚मिते |{भारद्वाजो वसुः | पवमानः सोमः | जगती} अ॒न्तर्वाणी᳚षु॒प्रच॑रा॒सुजी॒वसे᳚ऽनि॒न्द्योवृ॒जने᳚सोमजागृहि॒(स्वाहा᳚) || 4 || जा॒याऽइ᳚व¦पत्यौ᳚¦अधि॑¦शेव॑¦मं॒ह॒से॒¦पज्रा᳚याः¦ग॒र्भ॒¦शृ॒णु॒हि¦ब्रवी᳚मि¦ते॒ | |
| यथा॒पूर्वे᳚भ्यःशत॒सा,अमृ॑ध्रःसहस्र॒साःप॒र्यया॒वाज॑मिन्दो |{भारद्वाजो वसुः | पवमानः सोमः | त्रिष्टुप्} ए॒वाप॑वस्वसुवि॒ताय॒नव्य॑से॒तव᳚व्र॒तमन्वापः॑सचन्ते॒(स्वाहा᳚) || 5 || यथा᳚¦पूर्वे᳚भ्यः¦श॒त॒ऽसाः¦अमृ॑ध्रः¦स॒ह॒स्र॒ऽसाः¦प॒रि॒।आयाः᳚¦वाज᳚म्¦इ॒न्दो॒ इति॑ | |
| [40] पवित्रंतइति पंचर्चस्य सूक्तस्यांगिरसः पवित्रः पवमानसोमोजगती |{अष्टक:7, अध्याय:3}{मंडल:9, सूक्त:83}{अनुवाक:4, सूक्त:16} |
| प॒वित्रं᳚ते॒वित॑तंब्रह्मणस्पतेप्र॒भुर्गात्रा᳚णि॒पर्ये᳚षिवि॒श्वतः॑ |{आङ्गिरसः पवित्रः | पवमानः सोमः | जगती} अत॑प्ततनू॒र्नतदा॒मो,अ॑श्नुतेशृ॒तास॒इद्वह᳚न्त॒स्तत्समा᳚शत॒(स्वाहा᳚) || 1 || वर्ग:8 प॒वित्र᳚म्¦ते॒¦विऽत॑तम्¦ब्र॒ह्म॒णः॒¦प॒ते॒¦प्र॒ऽभुः¦गात्रा᳚णि¦परि॑¦ए॒षि॒¦वि॒श्वतः॑ | |
| तपो᳚ष्प॒वित्रं॒वित॑तंदि॒वस्प॒देशोच᳚न्तो,अस्य॒तन्त॑वो॒व्य॑स्थिरन् |{आङ्गिरसः पवित्रः | पवमानः सोमः | जगती} अव᳚न्त्यस्यपवी॒तार॑मा॒शवो᳚दि॒वस्पृ॒ष्ठमधि॑तिष्ठन्ति॒चेत॑सा॒(स्वाहा᳚) || 2 || तपोः᳚¦प॒वित्र᳚म्¦विऽत॑तम्¦दि॒वः¦प॒दे¦शोच᳚न्तः¦अ॒स्य॒¦तन्त॑वः¦वि¦अ॒स्थि॒र॒न् | |
| अरू᳚रुचदु॒षसः॒पृश्नि॑रग्रि॒यउ॒क्षाबि॑भर्ति॒भुव॑नानिवाज॒युः |{आङ्गिरसः पवित्रः | पवमानः सोमः | जगती} मा॒या॒विनो᳚ममिरे,अस्यमा॒यया᳚नृ॒चक्ष॑सःपि॒तरो॒गर्भ॒माद॑धुः॒(स्वाहा᳚) || 3 || अरू᳚रुचत्¦उ॒षसः॑¦पृश्निः॑¦अ॒ग्रि॒यः¦उ॒क्षा¦बि॒भ॒र्ति॒¦भुव॑नानि¦वा॒ज॒ऽयुः | |
| ग॒न्ध॒र्वइ॒त्थाप॒दम॑स्यरक्षति॒पाति॑दे॒वानां॒जनि॑मा॒न्यद्भु॑तः |{आङ्गिरसः पवित्रः | पवमानः सोमः | जगती} गृ॒भ्णाति॑रि॒पुंनि॒धया᳚नि॒धाप॑तिःसु॒कृत्त॑मा॒मधु॑नोभ॒क्षमा᳚शत॒(स्वाहा᳚) || 4 || ग॒न्ध॒र्वः¦इ॒त्था¦प॒दम्¦अ॒स्य॒¦र॒क्ष॒ति॒¦पाति॑¦दे॒वाना᳚म्¦जनि॑मानि¦अद्भु॑तः | |
| ह॒विर्ह॑विष्मो॒महि॒सद्म॒दैव्यं॒नभो॒वसा᳚नः॒परि॑यास्यध्व॒रम् |{आङ्गिरसः पवित्रः | पवमानः सोमः | जगती} राजा᳚प॒वित्र॑रथो॒वाज॒मारु॑हःस॒हस्र॑भृष्टिर्जयसि॒श्रवो᳚बृ॒हत्(स्वाहा᳚) || 5 || ह॒विः¦ह॒वि॒ष्मः॒¦महि॑¦सद्म॑¦दैव्य᳚म्¦नभः॑¦वसा᳚नः¦परि॑¦या॒सि॒¦अ॒ध्व॒रम् | |
| [41] पवस्वेति पंचर्चस्य सूक्तस्य वाच्यः प्रजापतिः पवमान सोमोजगती |{अष्टक:7, अध्याय:3}{मंडल:9, सूक्त:84}{अनुवाक:4, सूक्त:17} |
| पव॑स्वदेव॒माद॑नो॒विच॑र्षणिर॒प्सा,इन्द्रा᳚य॒वरु॑णायवा॒यवे᳚ |{वाच्यः प्रजापतिः | पवमानः सोमः | जगती} कृ॒धीनो᳚,अ॒द्यवरि॑वःस्वस्ति॒मदु॑रुक्षि॒तौगृ॑णीहि॒दैव्यं॒जन॒म्(स्वाहा᳚) || 1 || वर्ग:9 पव॑स्व¦दे॒व॒ऽमाद॑नः¦विऽच॑र्षणिः¦अ॒प्साः¦इन्द्रा᳚य¦वरु॑णाय¦वा॒यवे᳚ | |
| आयस्त॒स्थौभुव॑ना॒न्यम॑र्त्यो॒विश्वा᳚नि॒सोमः॒परि॒तान्य॑र्षति |{वाच्यः प्रजापतिः | पवमानः सोमः | जगती} कृ॒ण्वन्त्सं॒चृतं᳚वि॒चृत॑म॒भिष्ट॑य॒इन्दुः॑सिषक्त्यु॒षसं॒नसूर्यः॒(स्वाहा᳚) || 2 || आ¦यः¦त॒स्थौ¦भुव॑नानि¦अम॑र्त्यः¦विश्वा᳚नि¦सोमः॑¦परि॑¦तानि॑¦अ॒र्ष॒ति॒ | |
| आयोगोभिः॑सृ॒ज्यत॒ओष॑धी॒ष्वादे॒वानां᳚सु॒म्नइ॒षय॒न्नुपा᳚वसुः |{वाच्यः प्रजापतिः | पवमानः सोमः | जगती} आवि॒द्युता᳚पवते॒धार॑यासु॒तइन्द्रं॒सोमो᳚मा॒दय॒न्दैव्यं॒जन॒म्(स्वाहा᳚) || 3 || आ¦यः¦गोभिः॑¦सृ॒ज्यते᳚¦ओष॑धीषु¦आ¦दे॒वाना᳚म्¦सु॒म्ने¦इ॒षय॑न्¦उप॑ऽवसुः | |
| ए॒षस्यसोमः॑पवतेसहस्र॒जिद्धि᳚न्वा॒नोवाच॑मिषि॒रामु॑ष॒र्बुध᳚म् |{वाच्यः प्रजापतिः | पवमानः सोमः | जगती} इन्दुः॑समु॒द्रमुदि॑यर्तिवा॒युभि॒रेन्द्र॑स्य॒हार्दि॑क॒लशे᳚षुसीदति॒(स्वाहा᳚) || 4 || ए॒षः¦स्यः¦सोमः॑¦प॒व॒ते॒¦स॒ह॒स्र॒ऽजित्¦हि॒न्वा॒नः¦वाच᳚म्¦इ॒षि॒राम्¦उ॒षः॒ऽबुध᳚म् | |
| अ॒भित्यंगावः॒पय॑सापयो॒वृधं॒सोमं᳚श्रीणन्तिम॒तिभिः॑स्व॒र्विद᳚म् |{वाच्यः प्रजापतिः | पवमानः सोमः | जगती} ध॒नं॒ज॒यःप॑वते॒कृत्व्यो॒रसो॒विप्रः॑क॒विःकाव्ये᳚ना॒स्व॑र्चनाः॒(स्वाहा᳚) || 5 || अ॒भि¦त्यम्¦गावः॑¦पय॑सा¦प॒यः॒ऽवृध᳚म्¦सोम᳚म्¦श्री॒ण॒न्ति॒¦म॒तिऽभिः॑¦स्वः॒ऽविद᳚म् | |
| [42] इंद्रायेति द्वादशर्चस्य सूक्तस्य भार्गवोवेनः पवमानसोमो जगत्यंत्येद्वेत्रिष्टुभौ |{अष्टक:7, अध्याय:3}{मंडल:9, सूक्त:85}{अनुवाक:4, सूक्त:18} |
| इन्द्रा᳚यसोम॒सुषु॑तः॒परि॑स्र॒वापामी᳚वाभवतु॒रक्ष॑सास॒ह |{भार्गवो वेनः | पवमानः सोमः | जगती} माते॒रस॑स्यमत्सतद्वया॒विनो॒द्रवि॑णस्वन्तइ॒हस॒न्त्विन्द॑वः॒(स्वाहा᳚) || 1 || वर्ग:10 इन्द्रा᳚य¦सो॒म॒¦सुऽसु॑तः¦परि॑¦स्र॒व॒¦अप॑¦अमी᳚वा¦भ॒व॒तु॒¦रक्ष॑सा¦स॒ह | |
| अ॒स्मान्त्स॑म॒र्येप॑वमानचोदय॒दक्षो᳚दे॒वाना॒मसि॒हिप्रि॒योमदः॑ |{भार्गवो वेनः | पवमानः सोमः | जगती} ज॒हिशत्रूँ᳚र॒भ्याभ᳚न्दनाय॒तःपिबे᳚न्द्र॒सोम॒मव॑नो॒मृधो᳚जहि॒(स्वाहा᳚) || 2 || अ॒स्मान्¦स॒ऽम॒र्ये¦प॒व॒मा॒न॒¦चो॒द॒य॒¦दक्षः॑¦दे॒वाना᳚म्¦असि॑¦हि¦प्रि॒यः¦मदः॑ | |
| अद॑ब्धइन्दोपवसेम॒दिन्त॑मआ॒त्मेन्द्र॑स्यभवसिधा॒सिरु॑त्त॒मः |{भार्गवो वेनः | पवमानः सोमः | जगती} अ॒भिस्व॑रन्तिब॒हवो᳚मनी॒षिणो॒राजा᳚नम॒स्यभुव॑नस्यनिंसते॒(स्वाहा᳚) || 3 || अद॑ब्धः¦इ॒न्दो॒ इति॑¦प॒व॒से॒¦म॒दिन्ऽत॑मः¦आ॒त्मा¦इन्द्र॑स्य¦भ॒व॒सि॒¦धा॒सिः¦उ॒त्ऽत॒मः | |
| स॒हस्र॑णीथःश॒तधा᳚रो॒,अद्भु॑त॒इन्द्रा॒येन्दुः॑पवते॒काम्यं॒मधु॑ |{भार्गवो वेनः | पवमानः सोमः | जगती} जय॒न्क्षेत्र॑म॒भ्य॑र्षा॒जय᳚न्न॒पउ॒रुंनो᳚गा॒तुंकृ॑णुसोममीढ्वः॒(स्वाहा᳚) || 4 || स॒हस्र॑ऽनीथः¦श॒तऽधा᳚रः¦अद्भु॑तः¦इन्द्रा᳚य¦इन्दुः॑¦प॒व॒ते॒¦काम्य᳚म्¦मधु॑ | |
| कनि॑क्रदत्क॒लशे॒गोभि॑रज्यसे॒व्य१॑(अ॒)व्ययं᳚स॒मया॒वार॑मर्षसि |{भार्गवो वेनः | पवमानः सोमः | जगती} म॒र्मृ॒ज्यमा᳚नो॒,अत्यो॒नसा᳚न॒सिरिन्द्र॑स्यसोमज॒ठरे॒सम॑क्षरः॒(स्वाहा᳚) || 5 || कनि॑क्रदत्¦क॒लशे᳚¦गोभिः॑¦अ॒ज्य॒से॒¦वि¦अ॒व्यय᳚म्¦स॒मया᳚¦वार᳚म्¦अ॒र्ष॒सि॒ | |
| स्वा॒दुःप॑वस्वदि॒व्याय॒जन्म॑नेस्वा॒दुरिन्द्रा᳚यसु॒हवी᳚तुनाम्ने |{भार्गवो वेनः | पवमानः सोमः | जगती} स्वा॒दुर्मि॒त्राय॒वरु॑णायवा॒यवे॒बृह॒स्पत॑ये॒मधु॑माँ॒,अदा᳚भ्यः॒(स्वाहा᳚) || 6 || वर्ग:11 स्वा॒दुः¦प॒व॒स्व॒¦दि॒व्याय॑¦जन्म॑ने¦स्वा॒दुः¦इन्द्रा᳚य¦सु॒हवी᳚तुऽनाम्ने | |
| अत्यं᳚मृजन्तिक॒लशे॒दश॒क्षिपः॒प्रविप्रा᳚णांम॒तयो॒वाच॑ईरते |{भार्गवो वेनः | पवमानः सोमः | जगती} पव॑माना,अ॒भ्य॑र्षन्तिसुष्टु॒तिमेन्द्रं᳚विशन्तिमदि॒रास॒इन्द॑वः॒(स्वाहा᳚) || 7 || अत्य᳚म्¦मृ॒ज॒न्ति॒¦क॒लशे᳚¦दश॑¦क्षिपः॑¦प्र¦विप्रा᳚णाम्¦म॒तयः॑¦वाचः॑¦ई॒र॒ते॒ | |
| पव॑मानो,अ॒भ्य॑र्षासु॒वीर्य॑मु॒र्वींगव्यू᳚तिं॒महि॒शर्म॑स॒प्रथः॑ |{भार्गवो वेनः | पवमानः सोमः | जगती} माकि᳚र्नो,अ॒स्यपरि॑षूतिरीश॒तेन्दो॒जये᳚म॒त्वया॒धनं᳚धन॒म्(स्वाहा᳚) || 8 || पव॑मानः¦अ॒भि¦अ॒र्ष॒¦सु॒ऽवीर्य᳚म्¦उ॒र्वीम्¦गव्यू᳚तिम्¦महि॑¦शर्म॑¦स॒ऽप्रथः॑ | |
| अधि॒द्याम॑स्थाद्वृष॒भोवि॑चक्ष॒णोऽरू᳚रुच॒द्विदि॒वोरो᳚च॒नाक॒विः |{भार्गवो वेनः | पवमानः सोमः | जगती} राजा᳚प॒वित्र॒मत्ये᳚ति॒रोरु॑वद्दि॒वःपी॒यूषं᳚दुहतेनृ॒चक्ष॑सः॒(स्वाहा᳚) || 9 || अधि॑¦द्याम्¦अ॒स्था॒त्¦वृ॒ष॒भः¦वि॒ऽच॒क्ष॒णः¦अरू᳚रुचत्¦वि¦दि॒वः¦रो॒च॒ना¦क॒विः | |
| दि॒वोनाके॒मधु॑जिह्वा,अस॒श्चतो᳚वे॒नादु॑हन्त्यु॒क्षणं᳚गिरि॒ष्ठाम् |{भार्गवो वेनः | पवमानः सोमः | जगती} अ॒प्सुद्र॒प्संवा᳚वृधा॒नंस॑मु॒द्रआसिन्धो᳚रू॒र्मामधु॑मन्तंप॒वित्र॒आ(स्वाहा᳚) || 10 || दि॒वः¦नाके᳚¦मधु॑ऽजिह्वाः¦अ॒स॒श्चतः॑¦वे॒नाः¦दु॒ह॒न्ति॒¦उ॒क्षण᳚म्¦गि॒रि॒ऽस्थाम् | |
| नाके᳚सुप॒र्णमु॑पपप्ति॒वांसं॒गिरो᳚वे॒नाना᳚मकृपन्तपू॒र्वीः |{भार्गवो वेनः | पवमानः सोमः | त्रिष्टुप्} शिशुं᳚रिहन्तिम॒तयः॒पनि॑प्नतंहिर॒ण्ययं᳚शकु॒नंक्षाम॑णि॒स्थाम्(स्वाहा᳚) || 11 || नाके᳚¦सु॒ऽप॒र्णम्¦उ॒प॒प॒प्ति॒ऽवांस᳚म्¦गिरः॑¦वे॒नाना᳚म्¦अ॒कृ॒प॒न्त॒¦पू॒र्वीः | |
| ऊ॒र्ध्वोग᳚न्ध॒र्वो,अधि॒नाके᳚,अस्था॒द्विश्वा᳚रू॒पाप्र॑ति॒चक्षा᳚णो,अस्य |{भार्गवो वेनः | पवमानः सोमः | त्रिष्टुप्} भा॒नुःशु॒क्रेण॑शो॒चिषा॒व्य॑द्यौ॒त्प्रारू᳚रुच॒द्रोद॑सीमा॒तरा॒शुचिः॒(स्वाहा᳚) || 12 || ऊ॒र्ध्वः¦ग॒न्ध॒र्वः¦अधि॑¦नाके᳚¦अ॒स्था॒त्¦विश्वा᳚¦रू॒पा¦प्र॒ति॒ऽचक्षा᳚णः¦अ॒स्य॒ | |
| [43] प्रतआशवइत्यष्टाचत्वारिंशदृचस्य सूक्तस्य आद्यानांदशानामकृष्टामाषाऋषयः एकादश्यादिदशानांसिकतानिवावरी एकविंश्यादिदशानां पृश्नियोजाः एकत्रिंश्यादिदशानामत्रेयः एकचत्वारिंश्यादिपंचानांभौमोत्रिः अत्यानांतिसृणां शौनकोगृत्समदः पवमान सोमोजगती |{अष्टक:7, अध्याय:3}{मंडल:9, सूक्त:86}{अनुवाक:5, सूक्त:1} |
| प्रत॑आ॒शवः॑पवमानधी॒जवो॒मदा᳚,अर्षन्तिरघु॒जा,इ॑व॒त्मना᳚ |{कृष्टामाषा | पवमानः सोमः | जगती} दि॒व्याःसु॑प॒र्णामधु॑मन्त॒इन्द॑वोम॒दिन्त॑मासः॒परि॒कोश॑मासते॒(स्वाहा᳚) || 1 || वर्ग:12 प्र¦ते॒¦आ॒शवः॑¦प॒व॒मा॒न॒¦धी॒ऽजवः॑¦मदाः᳚¦अ॒र्ष॒न्ति॒¦र॒घु॒जाःऽइ᳚व¦त्मना᳚ | |
| प्रते॒मदा᳚सोमदि॒रास॑आ॒शवोऽसृ॑क्षत॒रथ्या᳚सो॒यथा॒पृथ॑क् |{कृष्टामाषा | पवमानः सोमः | जगती} धे॒नुर्नव॒त्संपय॑सा॒भिव॒ज्रिण॒मिन्द्र॒मिन्द॑वो॒मधु॑मन्तऊ॒र्मयः॒(स्वाहा᳚) || 2 || प्र¦ते॒¦मदा᳚सः¦म॒दि॒रासः॑¦आ॒शवः॑¦असृ॑क्षत¦रथ्या᳚सः¦यथा᳚¦पृथ॑क् | |
| अत्यो॒नहि॑या॒नो,अ॒भिवाज॑मर्षस्व॒र्वित्कोशं᳚दि॒वो,अद्रि॑मातरम् |{कृष्टामाषा | पवमानः सोमः | जगती} वृषा᳚प॒वित्रे॒,अधि॒सानो᳚,अ॒व्यये॒सोमः॑पुना॒नइ᳚न्द्रि॒याय॒धाय॑से॒(स्वाहा᳚) || 3 || अत्यः॑¦न¦हि॒या॒नः¦अ॒भि¦वाज᳚म्¦अ॒र्ष॒¦स्वः॒ऽवित्¦कोश᳚म्¦दि॒वः¦अद्रि॑ऽमातरम् | |
| प्रत॒आश्वि॑नीःपवमानधी॒जुवो᳚दि॒व्या,अ॑सृग्र॒न्पय॑सा॒धरी᳚मणि |{कृष्टामाषा | पवमानः सोमः | जगती} प्रान्तरृष॑यः॒स्थावि॑रीरसृक्षत॒येत्वा᳚मृ॒जन्त्यृ॑षिषाणवे॒धसः॒(स्वाहा᳚) || 4 || प्र¦ते॒¦आश्वि॑नीः¦प॒व॒मा॒न॒¦धी॒ऽजुवः॑¦दि॒व्याः¦अ॒सृ॒ग्र॒न्¦पय॑सा¦धरी᳚मणि | |
| विश्वा॒धामा᳚निविश्वचक्ष॒ऋभ्व॑सःप्र॒भोस्ते᳚स॒तःपरि॑यन्तिके॒तवः॑ |{कृष्टामाषा | पवमानः सोमः | जगती} व्या॒न॒शिःप॑वसेसोम॒धर्म॑भिः॒पति॒र्विश्व॑स्य॒भुव॑नस्यराजसि॒(स्वाहा᳚) || 5 || विश्वा᳚¦धामा᳚नि¦वि॒श्व॒ऽच॒क्षः॒¦ऋभ्व॑सः¦प्र॒ऽभोः¦ते॒¦स॒तः¦परि॑¦य॒न्ति॒¦के॒तवः॑ | |
| उ॒भ॒यतः॒पव॑मानस्यर॒श्मयो᳚ध्रु॒वस्य॑स॒तःपरि॑यन्तिके॒तवः॑ |{कृष्टामाषा | पवमानः सोमः | जगती} यदी᳚प॒वित्रे॒,अधि॑मृ॒ज्यते॒हरिः॒सत्ता॒नियोना᳚क॒लशे᳚षुसीदति॒(स्वाहा᳚) || 6 || वर्ग:13 उ॒भ॒यतः॑¦पव॑मानस्य¦र॒श्मयः॑¦ध्रु॒वस्य॑¦स॒तः¦परि॑¦य॒न्ति॒¦के॒तवः॑ | |
| य॒ज्ञस्य॑के॒तुःप॑वतेस्वध्व॒रःसोमो᳚दे॒वाना॒मुप॑यातिनिष्कृ॒तम् |{कृष्टामाषा | पवमानः सोमः | जगती} स॒हस्र॑धारः॒परि॒कोश॑मर्षति॒वृषा᳚प॒वित्र॒मत्ये᳚ति॒रोरु॑व॒त्(स्वाहा᳚) || 7 || य॒ज्ञस्य॑¦के॒तुः¦प॒व॒ते॒¦सु॒।आ॒ध्व॒रः¦सोमः॑¦दे॒वाना᳚म्¦उप॑¦या॒ति॒¦निः॒ऽकृ॒तम् | |
| राजा᳚समु॒द्रंन॒द्यो॒३॑(ओ॒)विगा᳚हते॒ऽपामू॒र्मिंस॑चते॒सिन्धु॑षुश्रि॒तः |{कृष्टामाषा | पवमानः सोमः | जगती} अध्य॑स्था॒त्सानु॒पव॑मानो,अ॒व्ययं॒नाभा᳚पृथि॒व्याध॒रुणो᳚म॒होदि॒वः(स्वाहा᳚) || 8 || राजा᳚¦स॒मु॒द्रम्¦न॒द्यः॑¦वि¦गा॒ह॒ते॒¦अ॒पाम्¦ऊ॒र्मिम्¦स॒च॒ते॒¦सिन्धु॑षु¦श्रि॒तः | |
| दि॒वोनसानु॑स्त॒नय᳚न्नचिक्रद॒द्द्यौश्च॒यस्य॑पृथि॒वीच॒धर्म॑भिः |{कृष्टामाषा | पवमानः सोमः | जगती} इन्द्र॑स्यस॒ख्यंप॑वतेवि॒वेवि॑द॒त्सोमः॑पुना॒नःक॒लशे᳚षुसीदति॒(स्वाहा᳚) || 9 || दि॒वः¦न¦सानु॑¦स्त॒नय॑न्¦अ॒चि॒क्र॒द॒त्¦द्यौः¦च॒¦यस्य॑¦पृ॒थि॒वी¦च॒¦धर्म॑ऽभिः | |
| ज्योति᳚र्य॒ज्ञस्य॑पवते॒मधु॑प्रि॒यंपि॒तादे॒वानां᳚जनि॒तावि॒भूव॑सुः |{कृष्टामाषा | पवमानः सोमः | जगती} दधा᳚ति॒रत्नं᳚स्व॒धयो᳚रपी॒च्यं᳚म॒दिन्त॑मोमत्स॒रइ᳚न्द्रि॒योरसः॒(स्वाहा᳚) || 10 || ज्योतिः॑¦य॒ज्ञस्य॑¦प॒व॒ते॒¦मधु॑¦प्रि॒यम्¦पि॒ता¦दे॒वाना᳚म्¦ज॒नि॒ता¦वि॒भुऽव॑सुः | |
| अ॒भि॒क्रन्द᳚न्क॒लशं᳚वा॒ज्य॑र्षति॒पति॑र्दि॒वःश॒तधा᳚रोविचक्ष॒णः |{सिकतानिवावरी | पवमानः सोमः | जगती} हरि᳚र्मि॒त्रस्य॒सद॑नेषुसीदतिमर्मृजा॒नोऽवि॑भिः॒सिन्धु॑भि॒र्वृषा॒(स्वाहा᳚) || 11 || वर्ग:14 अ॒भि॒ऽक्रन्द॑न्¦क॒लश᳚म्¦वा॒जी¦अ॒र्ष॒ति॒¦पतिः॑¦दि॒वः¦श॒तऽधा᳚रः¦वि॒ऽच॒क्ष॒णः | |
| अग्रे॒सिन्धू᳚नां॒पव॑मानो,अर्ष॒त्यग्रे᳚वा॒चो,अ॑ग्रि॒योगोषु॑गच्छति |{सिकतानिवावरी | पवमानः सोमः | जगती} अग्रे॒वाज॑स्यभजतेमहाध॒नंस्वा᳚यु॒धःसो॒तृभिः॑पूयते॒वृषा॒(स्वाहा᳚) || 12 || अग्रे᳚¦सिन्धू᳚नाम्¦पव॑मानः¦अ॒र्ष॒ति॒¦अग्रे᳚¦वा॒चः¦अ॒ग्रि॒यः¦गोषु॑¦ग॒च्छ॒ति॒ | |
| अ॒यंम॒तवा᳚ञ्छकु॒नोयथा᳚हि॒तोऽव्ये᳚ससार॒पव॑मानऊ॒र्मिणा᳚ |{सिकतानिवावरी | पवमानः सोमः | जगती} तव॒क्रत्वा॒रोद॑सी,अन्त॒राक॑वे॒शुचि॑र्धि॒याप॑वते॒सोम॑इन्द्रते॒(स्वाहा᳚) || 13 || अ॒यम्¦म॒तऽवा᳚न्¦श॒कु॒नः¦यथा᳚¦हि॒तः¦अव्ये᳚¦स॒सा॒र॒¦पव॑मानः¦ऊ॒र्मिणा᳚ | |
| द्रा॒पिंवसा᳚नोयज॒तोदि॑वि॒स्पृश॑मन्तरिक्ष॒प्राभुव॑ने॒ष्वर्पि॑तः |{सिकतानिवावरी | पवमानः सोमः | जगती} स्व॑र्जज्ञा॒नोनभ॑सा॒भ्य॑क्रमीत्प्र॒त्नम॑स्यपि॒तर॒मावि॑वासति॒(स्वाहा᳚) || 14 || द्रा॒पिम्¦वसा᳚नः¦य॒ज॒तः¦दि॒वि॒ऽस्पृश᳚म्¦अ॒न्त॒रि॒क्ष॒ऽप्राः¦भुव॑नेषु¦अर्पि॑तः | |
| सो,अ॑स्यवि॒शेमहि॒शर्म॑यच्छति॒यो,अ॑स्य॒धाम॑प्रथ॒मंव्या᳚न॒शे |{सिकतानिवावरी | पवमानः सोमः | जगती} प॒दंयद॑स्यपर॒मेव्यो᳚म॒न्यतो॒विश्वा᳚,अ॒भिसंया᳚तिसं॒यतः॒(स्वाहा᳚) || 15 || सः¦अ॒स्य॒¦वि॒शे¦महि॑¦शर्म॑¦य॒च्छ॒ति॒¦यः¦अ॒स्य॒¦धाम॑¦प्र॒थ॒मम्¦वि॒ऽआ॒न॒शे | |
| प्रो,अ॑यासी॒दिन्दु॒रिन्द्र॑स्यनिष्कृ॒तंसखा॒सख्यु॒र्नप्रमि॑नातिसं॒गिर᳚म् |{सिकतानिवावरी | पवमानः सोमः | जगती} मर्य॑इवयुव॒तिभिः॒सम॑र्षति॒सोमः॑क॒लशे᳚श॒तया᳚म्नाप॒था(स्वाहा᳚) || 16 || वर्ग:15 प्रो इति॑¦अ॒या॒सी॒त्¦इन्दुः॑¦इन्द्र॑स्य¦निः॒ऽकृ॒तम्¦सखा᳚¦सख्युः॑¦न¦प्र¦मि॒ना॒ति॒¦स॒म्ऽगिर᳚म् | |
| प्रवो॒धियो᳚मन्द्र॒युवो᳚विप॒न्युवः॑पन॒स्युवः॑सं॒वस॑नेष्वक्रमुः |{सिकतानिवावरी | पवमानः सोमः | जगती} सोमं᳚मनी॒षा,अ॒भ्य॑नूषत॒स्तुभो॒ऽभिधे॒नवः॒पय॑सेमशिश्रयुः॒(स्वाहा᳚) || 17 || प्र¦वः॒¦धियः॑¦म॒न्द्र॒ऽयुवः॑¦वि॒प॒न्युवः॑¦प॒न॒स्युवः॑¦स॒म्ऽवस॑नेषु¦अ॒क्र॒मुः॒ | |
| आनः॑सोमसं॒यतं᳚पि॒प्युषी॒मिष॒मिन्दो॒पव॑स्व॒पव॑मानो,अ॒स्रिध᳚म् |{सिकतानिवावरी | पवमानः सोमः | जगती} यानो॒दोह॑ते॒त्रिरह॒न्नस॑श्चुषीक्षु॒मद्वाज॑व॒न्मधु॑मत्सु॒वीर्य॒म्(स्वाहा᳚) || 18 || आ¦नः॒¦सो॒म॒¦स॒म्ऽयत᳚म्¦पि॒प्युषी᳚म्¦इष᳚म्¦इन्दो॒ इति॑¦पव॑स्व¦पव॑मानः¦अ॒स्रिध᳚म् | |
| वृषा᳚मती॒नांप॑वतेविचक्ष॒णःसोमो॒,अह्नः॑प्रतरी॒तोषसो᳚दि॒वः |{सिकतानिवावरी | पवमानः सोमः | जगती} क्रा॒णासिन्धू᳚नांक॒लशाँ᳚,अवीवश॒दिन्द्र॑स्य॒हार्द्या᳚वि॒शन्म॑नी॒षिभिः॒(स्वाहा᳚) || 19 || वृषा᳚¦म॒ती॒नाम्¦प॒व॒ते॒¦वि॒ऽच॒क्ष॒णः¦सोमः॑¦अह्नः॑¦प्र॒ऽत॒री॒ता¦उ॒षसः॑¦दि॒वः | |
| म॒नी॒षिभिः॑पवतेपू॒र्व्यःक॒विर्नृभि᳚र्य॒तःपरि॒कोशाँ᳚,अचिक्रदत् |{सिकतानिवावरी | पवमानः सोमः | जगती} त्रि॒तस्य॒नाम॑ज॒नय॒न्मधु॑क्षर॒दिन्द्र॑स्यवा॒योःस॒ख्याय॒कर्त॑वे॒(स्वाहा᳚) || 20 || म॒नी॒षिऽभिः॑¦प॒व॒ते॒¦पू॒र्व्यः¦क॒विः¦नृऽभिः॑¦य॒तः¦परि॑¦कोशा᳚न्¦अ॒चि॒क्र॒द॒त् | |
| अ॒यंपु॑ना॒नउ॒षसो॒विरो᳚चयद॒यंसिन्धु॑भ्यो,अभवदुलोक॒कृत् |{पृश्नियोजाः | पवमानः सोमः | जगती} अ॒यंत्रिःस॒प्तदु॑दुहा॒नआ॒शिरं॒सोमो᳚हृ॒देप॑वते॒चारु॑मत्स॒रः(स्वाहा᳚) || 21 || वर्ग:16 अ॒यम्¦पु॒ना॒नः¦उ॒षसः॑¦वि¦रो॒च॒य॒त्¦अ॒यम्¦सिन्धु॑ऽभ्यः¦अ॒भ॒व॒त्¦ऊँ॒ इति॑¦लो॒क॒ऽकृत् | |
| पव॑स्वसोमदि॒व्येषु॒धाम॑सुसृजा॒नइ᳚न्दोक॒लशे᳚प॒वित्र॒आ |{पृश्नियोजाः | पवमानः सोमः | जगती} सीद॒न्निन्द्र॑स्यज॒ठरे॒कनि॑क्रद॒न्नृभि᳚र्य॒तःसूर्य॒मारो᳚हयोदि॒वि(स्वाहा᳚) || 22 || पव॑स्व¦सो॒म॒¦दि॒व्येषु॑¦धाम॑ऽसु¦सृ॒जा॒नः¦इ॒न्दो॒ इति॑¦क॒लशे᳚¦प॒वित्रे᳚¦आ | |
| अद्रि॑भिःसु॒तःप॑वसेप॒वित्र॒आँ,इन्द॒विन्द्र॑स्यज॒ठरे᳚ष्वावि॒शन् |{पृश्नियोजाः | पवमानः सोमः | जगती} त्वंनृ॒चक्षा᳚,अभवोविचक्षण॒सोम॑गो॒त्रमङ्गि॑रोभ्योऽवृणो॒रप॒(स्वाहा᳚) || 23 || अद्रि॑ऽभिः¦सु॒तः¦प॒व॒से॒¦प॒वित्रे᳚¦आ¦इन्दो॒ इति॑¦इन्द्र॑स्य¦ज॒ठरे᳚षु¦आ॒ऽवि॒शन् | |
| त्वांसो᳚म॒पव॑मानंस्वा॒ध्योऽनु॒विप्रा᳚सो,अमदन्नव॒स्यवः॑ |{पृश्नियोजाः | पवमानः सोमः | जगती} त्वांसु॑प॒र्णआभ॑रद्दि॒वस्परीन्दो॒विश्वा᳚भिर्म॒तिभिः॒परि॑ष्कृत॒म्(स्वाहा᳚) || 24 || त्वाम्¦सो॒म॒¦पव॑मानम्¦सु॒ऽआ॒ध्यः॑¦अनु॑¦विप्रा᳚सः¦अ॒म॒द॒न्¦अ॒व॒स्यवः॑ | |
| अव्ये᳚पुना॒नंपरि॒वार॑ऊ॒र्मिणा॒हरिं᳚नवन्ते,अ॒भिस॒प्तधे॒नवः॑ |{पृश्नियोजाः | पवमानः सोमः | जगती} अ॒पामु॒पस्थे॒,अध्या॒यवः॑क॒विमृ॒तस्य॒योना᳚महि॒षा,अ॑हेषत॒(स्वाहा᳚) || 25 || अव्ये᳚¦पु॒ना॒नम्¦परि॑¦वारे᳚¦ऊ॒र्मिणा᳚¦हरि᳚म्¦न॒व॒न्ते॒¦अ॒भि¦स॒प्त¦धे॒नवः॑ | |
| इन्दुः॑पुना॒नो,अति॑गाहते॒मृधो॒विश्वा᳚निकृ॒ण्वन्त्सु॒पथा᳚नि॒यज्य॑वे |{पृश्नियोजाः | पवमानः सोमः | जगती} गाःकृ᳚ण्वा॒नोनि॒र्णिजं᳚हर्य॒तःक॒विरत्यो॒नक्रीळ॒न्परि॒वार॑मर्षति॒(स्वाहा᳚) || 26 || वर्ग:17 इन्दुः॑¦पु॒ना॒नः¦अति॑¦गा॒ह॒ते॒¦मृधः॑¦विश्वा᳚नि¦कृ॒ण्वन्¦सु॒ऽपथा᳚नि¦यज्य॑वे | |
| अ॒स॒श्चतः॑श॒तधा᳚रा,अभि॒श्रियो॒हरिं᳚नव॒न्तेऽव॒ता,उ॑द॒न्युवः॑ |{पृश्नियोजाः | पवमानः सोमः | जगती} क्षिपो᳚मृजन्ति॒परि॒गोभि॒रावृ॑तंतृ॒तीये᳚पृ॒ष्ठे,अधि॑रोच॒नेदि॒वः(स्वाहा᳚) || 27 || अ॒स॒श्चतः॑¦श॒तऽधा᳚राः¦अ॒भि॒ऽश्रियः॑¦हरि᳚म्¦न॒व॒न्ते¦अव॑¦ताः¦उ॒द॒न्युवः॑ | |
| तवे॒माःप्र॒जादि॒व्यस्य॒रेत॑स॒स्त्वंविश्व॑स्य॒भुव॑नस्यराजसि |{पृश्नियोजाः | पवमानः सोमः | जगती} अथे॒दंविश्वं᳚पवमानते॒वशे॒त्वमि᳚न्दोप्रथ॒मोधा᳚म॒धा,अ॑सि॒(स्वाहा᳚) || 28 || तव॑¦इ॒माः¦प्र॒ऽजाः¦दि॒व्यस्य॑¦रेत॑सः¦त्वम्¦विश्व॑स्य¦भुव॑नस्य¦रा॒ज॒सि॒ | |
| त्वंस॑मु॒द्रो,अ॑सिविश्व॒वित्क॑वे॒तवे॒माःपञ्च॑प्र॒दिशो॒विध᳚र्मणि |{पृश्नियोजाः | पवमानः सोमः | जगती} त्वंद्यांच॑पृथि॒वींचाति॑जभ्रिषे॒तव॒ज्योतीं᳚षिपवमान॒सूर्यः॒(स्वाहा᳚) || 29 || त्वम्¦स॒मु॒द्रः¦अ॒सि॒¦वि॒श्व॒ऽवित्¦क॒वे॒¦तव॑¦इ॒माः¦पंच॑¦प्र॒ऽदिशः॑¦विऽध᳚र्मणि | |
| त्वंप॒वित्रे॒रज॑सो॒विध᳚र्मणिदे॒वेभ्यः॑सोमपवमानपूयसे |{पृश्नियोजाः | पवमानः सोमः | जगती} त्वामु॒शिजः॑प्रथ॒मा,अ॑गृभ्णत॒तुभ्ये॒माविश्वा॒भुव॑नानियेमिरे॒(स्वाहा᳚) || 30 || त्वम्¦प॒वित्रे᳚¦रज॑सः¦विऽध᳚र्मणि¦दे॒वेभ्यः॑¦सो॒म॒¦प॒व॒मा॒न॒¦पू॒य॒से॒ | |
| प्ररे॒भए॒त्यति॒वार॑म॒व्ययं॒वृषा॒वने॒ष्वव॑चक्रद॒द्धरिः॑ |{अत्रेयः | पवमानः सोमः | जगती} संधी॒तयो᳚वावशा॒ना,अ॑नूषत॒शिशुं᳚रिहन्तिम॒तयः॒पनि॑प्नत॒म्(स्वाहा᳚) || 31 || वर्ग:18 प्र¦रे॒भः¦ए॒ति॒¦अति॑¦वार᳚म्¦अ॒व्यय᳚म्¦वृषा᳚¦वने᳚षु¦अव॑¦च॒क्र॒द॒त्¦हरिः॑ | |
| ससूर्य॑स्यर॒श्मिभिः॒परि᳚व्यत॒तन्तुं᳚तन्वा॒नस्त्रि॒वृतं॒यथा᳚वि॒दे |{अत्रेयः | पवमानः सोमः | जगती} नय᳚न्नृ॒तस्य॑प्र॒शिषो॒नवी᳚यसीः॒पति॒र्जनी᳚ना॒मुप॑यातिनिष्कृ॒तम्(स्वाहा᳚) || 32 || सः¦सूर्य॑स्य¦र॒श्मिऽभिः॑¦परि॑¦व्य॒त॒¦तन्तु᳚म्¦त॒न्वा॒नः¦त्रि॒ऽवृत᳚म्¦यथा᳚¦वि॒दे | |
| राजा॒सिन्धू᳚नांपवते॒पति॑र्दि॒वऋ॒तस्य॑यातिप॒थिभिः॒कनि॑क्रदत् |{अत्रेयः | पवमानः सोमः | जगती} स॒हस्र॑धारः॒परि॑षिच्यते॒हरिः॑पुना॒नोवाचं᳚ज॒नय॒न्नुपा᳚वसुः॒(स्वाहा᳚) || 33 || राजा᳚¦सिन्धू᳚नाम्¦प॒व॒ते॒¦पतिः॑¦दि॒वः¦ऋ॒तस्य॑¦या॒ति॒¦प॒थिऽभिः॑¦कनि॑क्रदत् | |
| पव॑मान॒मह्यर्णो॒विधा᳚वसि॒सूरो॒नचि॒त्रो,अव्य॑यानि॒पव्य॑या |{अत्रेयः | पवमानः सोमः | जगती} गभ॑स्तिपूतो॒नृभि॒रद्रि॑भिःसु॒तोम॒हेवाजा᳚य॒धन्या᳚यधन्वसि॒(स्वाहा᳚) || 34 || पव॑मान¦महि॑¦अर्णः॑¦वि¦धा॒व॒सि॒¦सूरः॑¦न¦चि॒त्रः¦अव्य॑यानि¦पव्य॑या | |
| इष॒मूर्जं᳚पवमाना॒भ्य॑र्षसिश्ये॒नोनवंसु॑क॒लशे᳚षुसीदसि |{अत्रेयः | पवमानः सोमः | जगती} इन्द्रा᳚य॒मद्वा॒मद्यो॒मदः॑सु॒तोदि॒वोवि॑ष्ट॒म्भउ॑प॒मोवि॑चक्ष॒णः(स्वाहा᳚) || 35 || इष᳚म्¦ऊर्ज᳚म्¦प॒व॒मा॒न॒¦अ॒भि¦अ॒र्ष॒सि॒¦श्ये॒नः¦न¦वंसु॑¦क॒लशे᳚षु¦सी॒द॒सि॒ | |
| स॒प्तस्वसा᳚रो,अ॒भिमा॒तरः॒शिशुं॒नवं᳚जज्ञा॒नंजेन्यं᳚विप॒श्चित᳚म् |{अत्रेयः | पवमानः सोमः | जगती} अ॒पांग᳚न्ध॒र्वंदि॒व्यंनृ॒चक्ष॑सं॒सोमं॒विश्व॑स्य॒भुव॑नस्यरा॒जसे॒(स्वाहा᳚) || 36 || वर्ग:19 स॒प्त¦स्वसा᳚रः¦अ॒भि¦मा॒तरः॑¦शिशु᳚म्¦नव᳚म्¦ज॒ज्ञा॒नम्¦जेन्य᳚म्¦वि॒पः॒ऽचित᳚म् | |
| ई॒शा॒नइ॒माभुव॑नानि॒वीय॑सेयुजा॒नइ᳚न्दोह॒रितः॑सुप॒र्ण्यः॑ |{अत्रेयः | पवमानः सोमः | जगती} तास्ते᳚क्षरन्तु॒मधु॑मद्घृ॒तंपय॒स्तव᳚व्र॒तेसो᳚मतिष्ठन्तुकृ॒ष्टयः॒(स्वाहा᳚) || 37 || ई॒शा॒नः¦इ॒मा¦भुव॑नानि¦वि¦ई॒य॒से॒¦यु॒जा॒नः¦इ॒न्दो॒ इति॑¦ह॒रितः॑¦सु॒ऽप॒र्ण्यः॑ | |
| त्वंनृ॒चक्षा᳚,असिसोमवि॒श्वतः॒पव॑मानवृषभ॒ताविधा᳚वसि |{अत्रेयः | पवमानः सोमः | जगती} सनः॑पवस्व॒वसु॑म॒द्धिर᳚ण्यवद्व॒यंस्या᳚म॒भुव॑नेषुजी॒वसे॒(स्वाहा᳚) || 38 || त्वम्¦नृ॒ऽचक्षाः᳚¦अ॒सि॒¦सो॒म॒¦वि॒श्वतः॑¦पव॑मान¦वृ॒ष॒भ॒¦ता¦वि¦धा॒व॒सि॒ | |
| गो॒वित्प॑वस्ववसु॒विद्धि॑रण्य॒विद्रे᳚तो॒धा,इ᳚न्दो॒भुव॑ने॒ष्वर्पि॑तः |{अत्रेयः | पवमानः सोमः | जगती} त्वंसु॒वीरो᳚,असिसोमविश्व॒वित्तंत्वा॒विप्रा॒,उप॑गि॒रेमआ᳚सते॒(स्वाहा᳚) || 39 || गो॒ऽवित्¦प॒व॒स्व॒¦व॒सु॒ऽवित्¦हि॒र॒ण्य॒ऽवित्¦रे॒तः॒ऽधाः¦इ॒न्दो॒ इति॑¦भुव॑नेषु¦अर्पि॑तः | |
| उन्मध्व॑ऊ॒र्मिर्व॒नना᳚,अतिष्ठिपद॒पोवसा᳚नोमहि॒षोविगा᳚हते |{अत्रेयः | पवमानः सोमः | जगती} राजा᳚प॒वित्र॑रथो॒वाज॒मारु॑हत्स॒हस्र॑भृष्टिर्जयति॒श्रवो᳚बृ॒हत्(स्वाहा᳚) || 40 || उत्¦मध्वः॑¦ऊ॒र्मिः¦व॒ननाः᳚¦अ॒ति॒स्थि॒प॒त्¦अ॒पः¦वसा᳚नः¦म॒हि॒षः¦वि¦गा॒ह॒ते॒ | |
| सभ॒न्दना॒,उदि॑यर्तिप्र॒जाव॑तीर्वि॒श्वायु॒र्विश्वाः᳚सु॒भरा॒,अह॑र्दिवि |{भौमोत्रिः | पवमानः सोमः | जगती} ब्रह्म॑प्र॒जाव॑द्र॒यिमश्व॑पस्त्यंपी॒तइ᳚न्द॒विन्द्र॑म॒स्मभ्यं᳚याचता॒त्(स्वाहा᳚) || 41 || वर्ग:20 सः¦भ॒न्दनाः᳚¦उत्¦इ॒य॒र्ति॒¦प्र॒जाऽव॑तीः¦वि॒श्वऽआ᳚युः¦विश्वाः᳚¦सु॒ऽभराः᳚¦अहः॑ऽदिवि | |
| सो,अग्रे॒,अह्नां॒हरि᳚र्हर्य॒तोमदः॒प्रचेत॑साचेतयते॒,अनु॒द्युभिः॑ |{भौमोत्रिः | पवमानः सोमः | जगती} द्वाजना᳚या॒तय᳚न्न॒न्तरी᳚यते॒नरा᳚च॒शंसं॒दैव्यं᳚चध॒र्तरि॒(स्वाहा᳚) || 42 || सः¦अग्रे᳚¦अह्ना᳚म्¦हरिः॑¦ह॒र्य॒तः¦मदः॑¦प्र¦चेत॑सा¦चे॒त॒य॒ते॒¦अनु॑¦द्युऽभिः॑ | |
| अ॒ञ्जते॒व्य᳚ञ्जते॒सम᳚ञ्जते॒क्रतुं᳚रिहन्ति॒मधु॑ना॒भ्य᳚ञ्जते |{भौमोत्रिः | पवमानः सोमः | जगती} सिन्धो᳚रुच्छ्वा॒सेप॒तय᳚न्तमु॒क्षणं᳚हिरण्यपा॒वाःप॒शुमा᳚सुगृभ्णते॒(स्वाहा᳚) || 43 || अं॒जते᳚¦वि¦अं॒ज॒ते॒¦सम्¦अं॒ज॒ते॒¦क्रतु᳚म्¦रि॒ह॒न्ति॒¦मधु॑ना¦अ॒भि¦अं॒ज॒ते॒ | |
| वि॒प॒श्चिते॒पव॑मानायगायतम॒हीनधारात्यन्धो᳚,अर्षति |{भौमोत्रिः | पवमानः सोमः | जगती} अहि॒र्नजू॒र्णामति॑सर्पति॒त्वच॒मत्यो॒नक्रीळ᳚न्नसर॒द्वृषा॒हरिः॒(स्वाहा᳚) || 44 || वि॒पः॒ऽचिते᳚¦पव॑मानाय¦गा॒य॒त॒¦म॒ही¦न¦धारा᳚¦अति॑¦अन्धः॑¦अ॒र्ष॒ति॒ | |
| अ॒ग्रे॒गोराजाप्य॑स्तविष्यतेवि॒मानो॒,अह्नां॒भुव॑ने॒ष्वर्पि॑तः |{भौमोत्रिः | पवमानः सोमः | जगती} हरि॑र्घृ॒तस्नुः॑सु॒दृशी᳚को,अर्ण॒वोज्यो॒तीर॑थःपवतेरा॒यओ॒क्य॑१(अः॒)(स्वाहा᳚) || 45 || अ॒ग्रे॒ऽगः¦राजा᳚¦अप्यः॑¦त॒वि॒ष्य॒ते॒¦वि॒ऽमानः॑¦अह्ना᳚म्¦भुव॑नेषु¦अर्पि॑तः | |
| अस॑र्जिस्क॒म्भोदि॒वउद्य॑तो॒मदः॒परि॑त्रि॒धातु॒र्भुव॑नान्यर्षति |{शौनको गृत्समदः | पवमानः सोमः | जगती} अं॒शुंरि॑हन्तिम॒तयः॒पनि॑प्नतंगि॒रायदि॑नि॒र्णिज॑मृ॒ग्मिणो᳚य॒युः(स्वाहा᳚) || 46 || वर्ग:21 अस॑र्जि¦स्क॒म्भः¦दि॒वः¦उत्ऽय॑तः¦मदः॑¦परि॑¦त्रि॒ऽधातुः॑¦भुव॑नानि¦अ॒र्ष॒ति॒ | |
| प्रते॒धारा॒,अत्यण्वा᳚निमे॒ष्यः॑पुना॒नस्य॑सं॒यतो᳚यन्ति॒रंह॑यः |{शौनको गृत्समदः | पवमानः सोमः | जगती} यद्गोभि॑रिन्दोच॒म्वोः᳚सम॒ज्यस॒आसु॑वा॒नःसो᳚मक॒लशे᳚षुसीदसि॒(स्वाहा᳚) || 47 || प्र¦ते॒¦धाराः᳚¦अति॑¦अण्वा᳚नि¦मे॒ष्यः॑¦पु॒ना॒नस्य॑¦स॒म्ऽयतः॑¦य॒न्ति॒¦रंह॑यः | |
| पव॑स्वसोमक्रतु॒विन्न॑उ॒क्थ्योऽव्यो॒वारे॒परि॑धाव॒मधु॑प्रि॒यम् |{शौनको गृत्समदः | पवमानः सोमः | जगती} ज॒हिविश्वा᳚न्र॒क्षस॑इन्दो,अ॒त्रिणो᳚बृ॒हद्व॑देमवि॒दथे᳚सु॒वीराः᳚(स्वाहा᳚) || 48 || पव॑स्व¦सो॒म॒¦क्र॒तु॒ऽवित्¦नः॒¦उ॒क्थ्यः॑¦अव्यः॑¦वारे᳚¦परि॑¦धा॒व॒¦मधु॑¦प्रि॒यम् | |
| [44] प्रतुद्रवेति नवर्चस्य सूक्तस्य काव्यउशना पवमानसोमस्त्रिष्टुप् |{अष्टक:7, अध्याय:3}{मंडल:9, सूक्त:87}{अनुवाक:5, सूक्त:2} |
| प्रतुद्र॑व॒परि॒कोशं॒निषी᳚द॒नृभिः॑पुना॒नो,अ॒भिवाज॑मर्ष |{काव्य उशनाः | पवमानः सोमः | त्रिष्टुप्} अश्वं॒नत्वा᳚वा॒जिनं᳚म॒र्जय॒न्तोऽच्छा᳚ब॒र्हीर॑श॒नाभि᳚र्नयन्ति॒(स्वाहा᳚) || 1 || वर्ग:22 प्र¦तु¦द्र॒व॒¦परि॑¦कोश᳚म्¦नि¦सी॒द॒¦नृऽभिः॑¦पु॒ना॒नः¦अ॒भि¦वाज᳚म्¦अ॒र्ष॒ | |
| स्वा॒यु॒धःप॑वतेदे॒वइन्दु॑रशस्ति॒हावृ॒जनं॒रक्ष॑माणः |{काव्य उशनाः | पवमानः सोमः | त्रिष्टुप्} पि॒तादे॒वानां᳚जनि॒तासु॒दक्षो᳚विष्ट॒म्भोदि॒वोध॒रुणः॑पृथि॒व्याः(स्वाहा᳚) || 2 || सु॒ऽआ॒यु॒धः¦प॒व॒ते॒¦दे॒वः¦इन्दुः॑¦अ॒श॒स्ति॒ऽहा¦वृ॒जन᳚म्¦रक्ष॑माणः | |
| ऋषि॒र्विप्रः॑पुरए॒ताजना᳚नामृ॒भुर्धीर॑उ॒शना॒काव्ये᳚न |{काव्य उशनाः | पवमानः सोमः | त्रिष्टुप्} सचि॑द्विवेद॒निहि॑तं॒यदा᳚सामपी॒च्य१॑(अं॒)गुह्यं॒नाम॒गोना॒म्(स्वाहा᳚) || 3 || ऋषिः॑¦विप्रः॑¦पु॒रः॒ऽए॒ता¦जना᳚नाम्¦ऋ॒भुः¦धीरः॑¦उ॒शना᳚¦काव्ये᳚न | |
| ए॒षस्यते॒मधु॑माँ,इन्द्र॒सोमो॒वृषा॒वृष्णे॒परि॑प॒वित्रे᳚,अक्षाः |{काव्य उशनाः | पवमानः सोमः | त्रिष्टुप्} स॒ह॒स्र॒साःश॑त॒साभू᳚रि॒दावा᳚शश्वत्त॒मंब॒र्हिरावा॒ज्य॑स्था॒त्(स्वाहा᳚) || 4 || ए॒षः¦स्यः¦ते॒¦मधु॑ऽमान्¦इ॒न्द्र॒¦सोमः॑¦वृषा᳚¦वृष्णे᳚¦परि॑¦प॒वित्रे᳚¦अ॒क्षा॒रिति॑ | |
| ए॒तेसोमा᳚,अ॒भिग॒व्यास॒हस्रा᳚म॒हेवाजा᳚या॒मृता᳚य॒श्रवां᳚सि |{काव्य उशनाः | पवमानः सोमः | त्रिष्टुप्} प॒वित्रे᳚भिः॒पव॑माना,असृग्रञ्छ्रव॒स्यवो॒नपृ॑त॒नाजो॒,अत्याः᳚(स्वाहा᳚) || 5 || ए॒ते¦सोमाः᳚¦अ॒भि¦ग॒व्या¦स॒हस्रा᳚¦म॒हे¦वाजा᳚य¦अ॒मृता᳚य¦श्रवां᳚सि | |
| परि॒हिष्मा᳚पुरुहू॒तोजना᳚नां॒विश्वास॑र॒द्भोज॑नापू॒यमा᳚नः |{काव्य उशनाः | पवमानः सोमः | त्रिष्टुप्} अथाभ॑रश्येनभृत॒प्रयां᳚सिर॒यिंतुञ्जा᳚नो,अ॒भिवाज॑मर्ष॒(स्वाहा᳚) || 6 || वर्ग:23 परि॑¦हि¦स्म॒¦पु॒रु॒ऽहू॒तः¦जना᳚नाम्¦विश्वा᳚¦अस॑रत्¦भोज॑ना¦पू॒यमा᳚नः | |
| ए॒षसु॑वा॒नःपरि॒सोमः॑प॒वित्रे॒सर्गो॒नसृ॒ष्टो,अ॑दधाव॒दर्वा᳚ |{काव्य उशनाः | पवमानः सोमः | त्रिष्टुप्} ति॒ग्मेशिशा᳚नोमहि॒षोनशृङ्गे॒गाग॒व्यन्न॒भिशूरो॒नसत्वा॒(स्वाहा᳚) || 7 || ए॒षः¦सु॒वा॒नः¦परि॑¦सोमः॑¦प॒वित्रे᳚¦सर्गः॑¦न¦सृ॒ष्टः¦अ॒द॒धा॒व॒त्¦अर्वा᳚ | |
| ए॒षाय॑यौपर॒माद॒न्तरद्रेः॒कूचि॑त्स॒तीरू॒र्वेगावि॑वेद |{काव्य उशनाः | पवमानः सोमः | त्रिष्टुप्} दि॒वोनवि॒द्युत्स्त॒नय᳚न्त्य॒भ्रैःसोम॑स्यतेपवतइन्द्र॒धारा॒(स्वाहा᳚) || 8 || ए॒षा¦आ¦य॒यौ॒¦प॒र॒मात्¦अ॒न्तः¦अद्रेः᳚¦कूऽचि॑त्¦स॒तीः¦ऊ॒र्वे¦गाः¦वि॒वे॒द॒ | |
| उ॒तस्म॑रा॒शिंपरि॑यासि॒गोना॒मिन्द्रे᳚णसोमस॒रथं᳚पुना॒नः |{काव्य उशनाः | पवमानः सोमः | त्रिष्टुप्} पू॒र्वीरिषो᳚बृह॒तीर्जी᳚रदानो॒शिक्षा᳚शचीव॒स्तव॒ता,उ॑प॒ष्टुत्(स्वाहा᳚) || 9 || उ॒त¦स्म॒¦रा॒शिम्¦परि॑¦या॒सि॒¦गोना᳚म्¦इन्द्रे᳚ण¦सो॒म॒¦स॒ऽरथ᳚म्¦पु॒ना॒नः | |
| [45] अयंसोमइत्यष्टर्चस्य सूक्तस्य काव्य उशना पवमानसोमस्त्रिष्टुप् |{अष्टक:7, अध्याय:3}{मंडल:9, सूक्त:88}{अनुवाक:5, सूक्त:3} |
| अ॒यंसोम॑इन्द्र॒तुभ्यं᳚सुन्वे॒तुभ्यं᳚पवते॒त्वम॑स्यपाहि |{काव्य उशनाः | पवमानः सोमः | त्रिष्टुप्} त्वंह॒यंच॑कृ॒षेत्वंव॑वृ॒षइन्दुं॒मदा᳚य॒युज्या᳚य॒सोम॒म्(स्वाहा᳚) || 1 || वर्ग:24 अ॒यम्¦सोमः॑¦इ॒न्द्र॒¦तुभ्य᳚म्¦सु॒न्वे॒¦तुभ्य᳚म्¦प॒व॒ते॒¦त्वम्¦अ॒स्य॒¦पा॒हि॒ | |
| सईं॒रथो॒नभु॑रि॒षाळ॑योजिम॒हःपु॒रूणि॑सा॒तये॒वसू᳚नि |{काव्य उशनाः | पवमानः सोमः | त्रिष्टुप्} आदीं॒विश्वा᳚नहु॒ष्या᳚णिजा॒तास्व॑र्षाता॒वन॑ऊ॒र्ध्वान॑वन्त॒(स्वाहा᳚) || 2 || सः¦ई॒म्¦रथः॑¦न¦भु॒रि॒षाट्¦अ॒यो॒जि॒¦म॒हः¦पु॒रूणि॑¦सा॒तये᳚¦वसू᳚नि | |
| वा॒युर्नयोनि॒युत्वाँ᳚,इ॒ष्टया᳚मा॒नास॑त्येव॒हव॒आशम्भ॑विष्ठः |{काव्य उशनाः | पवमानः सोमः | त्रिष्टुप्} वि॒श्ववा᳚रोद्रविणो॒दा,इ॑व॒त्मन्पू॒षेव॑धी॒जव॑नोऽसिसोम॒(स्वाहा᳚) || 3 || वा॒युः¦न¦यः¦नि॒युत्वा᳚न्¦इ॒ष्टऽया᳚मा¦नास॑त्याऽइव¦हवे᳚¦आ¦शम्ऽभ॑विष्ठः | |
| इन्द्रो॒नयोम॒हाकर्मा᳚णि॒चक्रि᳚र्ह॒न्तावृ॒त्राणा᳚मसिसोमपू॒र्भित् |{काव्य उशनाः | पवमानः सोमः | त्रिष्टुप्} पै॒द्वोनहित्वमहि॑नाम्नांह॒न्ताविश्व॑स्यासिसोम॒दस्योः᳚(स्वाहा᳚) || 4 || इन्द्रः॑¦न¦यः¦म॒हा¦कर्मा᳚णि¦चक्रिः॑¦ह॒न्ता¦वृ॒त्राणा᳚म्¦अ॒सि॒¦सो॒म॒¦पूः॒ऽभित् | |
| अ॒ग्निर्नयोवन॒आसृ॒ज्यमा᳚नो॒वृथा॒पाजां᳚सिकृणुतेन॒दीषु॑ |{काव्य उशनाः | पवमानः सोमः | त्रिष्टुप्} जनो॒नयुध्वा᳚मह॒तउ॑प॒ब्दिरिय॑र्ति॒सोमः॒पव॑मानऊ॒र्मिम्(स्वाहा᳚) || 5 || अ॒ग्निः¦न¦यः¦वने᳚¦आ¦सृ॒ज्यमा᳚नः¦वृथा᳚¦पाजां᳚सि¦कृ॒णु॒ते॒¦न॒दीषु॑ | |
| ए॒तेसोमा॒,अति॒वारा॒ण्यव्या᳚दि॒व्यानकोशा᳚सो,अ॒भ्रव॑र्षाः |{काव्य उशनाः | पवमानः सोमः | त्रिष्टुप्} वृथा᳚समु॒द्रंसिन्ध॑वो॒ननीचीः᳚सु॒तासो᳚,अ॒भिक॒लशाँ᳚,असृग्र॒न्(स्वाहा᳚) || 6 || ए॒ते¦सोमाः᳚¦अति॑¦वारा᳚णि¦अव्या᳚¦दि॒व्याः¦न¦कोशा᳚सः¦अ॒भ्रऽव॑र्षाः | |
| शु॒ष्मीशर्धो॒नमारु॑तंपव॒स्वान॑भिशस्तादि॒व्यायथा॒विट् |{काव्य उशनाः | पवमानः सोमः | त्रिष्टुप्} आपो॒नम॒क्षूसु॑म॒तिर्भ॑वानःस॒हस्रा᳚प्साःपृतना॒षाण्नय॒ज्ञः॒(स्वाहा᳚) || 7 || शु॒ष्मी¦शर्धः॑¦न¦मारु॑तम्¦प॒व॒स्व॒¦अन॑भिऽशस्ता¦दि॒व्या¦यथा᳚¦विट् | |
| राज्ञो॒नुते॒वरु॑णस्यव्र॒तानि॑बृ॒हद्ग॑भी॒रंतव॑सोम॒धाम॑ |{काव्य उशनाः | पवमानः सोमः | त्रिष्टुप्} शुचि॒ष्ट्वम॑सिप्रि॒योनमि॒त्रोद॒क्षाय्यो᳚,अर्य॒मेवा᳚सिसोम॒(स्वाहा᳚) || 8 || राज्ञः॑¦नु¦ते॒¦वरु॑णस्य¦व्र॒तानि॑¦बृ॒हत्¦ग॒भी॒रम्¦तव॑¦सो॒म॒¦धाम॑ | |
| [46] प्रोस्यवह्निरिति सप्तर्चस्य सूक्तस्य काव्य उशना पवमानसोमस्त्रिष्टुप् |{अष्टक:7, अध्याय:3}{मंडल:9, सूक्त:89}{अनुवाक:5, सूक्त:4} |
| प्रोस्यवह्निः॑प॒थ्या᳚भिरस्यान्दि॒वोनवृ॒ष्टिःपव॑मानो,अक्षाः |{काव्य उशनाः | पवमानः सोमः | त्रिष्टुप्} स॒हस्र॑धारो,असद॒न्न्य१॑(अ॒)स्मेमा॒तुरु॒पस्थे॒वन॒आच॒सोमः॒(स्वाहा᳚) || 1 || वर्ग:25 प्रो इति॑¦स्यः¦वह्निः॑¦प॒थ्या᳚भिः¦अ॒स्या॒न्¦दि॒वः¦न¦वृ॒ष्टिः¦पव॑मानः¦अ॒क्षा॒रिति॑ | |
| राजा॒सिन्धू᳚नामवसिष्ट॒वास॑ऋ॒तस्य॒नाव॒मारु॑ह॒द्रजि॑ष्ठाम् |{काव्य उशनाः | पवमानः सोमः | त्रिष्टुप्} अ॒प्सुद्र॒प्सोवा᳚वृधेश्ये॒नजू᳚तोदु॒हईं᳚पि॒तादु॒हईं᳚पि॒तुर्जाम्(स्वाहा᳚) || 2 || राजा᳚¦सिन्धू᳚नाम्¦अ॒व॒सि॒ष्ट॒¦वासः॑¦ऋ॒तस्य॑¦नाव᳚म्¦आ¦अ॒रु॒ह॒त्¦रजि॑ष्ठाम् | |
| सिं॒हंन॑सन्त॒मध्वो᳚,अ॒यासं॒हरि॑मरु॒षंदि॒वो,अ॒स्यपति᳚म् |{काव्य उशनाः | पवमानः सोमः | त्रिष्टुप्} शूरो᳚यु॒त्सुप्र॑थ॒मःपृ॑च्छते॒गा,अस्य॒चक्ष॑सा॒परि॑पात्यु॒क्षा(स्वाहा᳚) || 3 || सिं॒हम्¦न॒स॒न्त॒¦मध्वः॑¦अ॒यास᳚म्¦हरि᳚म्¦अ॒रु॒षम्¦दि॒वः¦अ॒स्य¦पति᳚म् | |
| मधु॑पृष्ठंघो॒रम॒यास॒मश्वं॒रथे᳚युञ्जन्त्युरुच॒क्रऋ॒ष्वम् |{काव्य उशनाः | पवमानः सोमः | त्रिष्टुप्} स्वसा᳚रईंजा॒मयो᳚मर्जयन्ति॒सना᳚भयोवा॒जिन॑मूर्जयन्ति॒(स्वाहा᳚) || 4 || मधु॑ऽपृष्ठम्¦घो॒रम्¦अ॒यास᳚म्¦अश्व᳚म्¦रथे᳚¦युं॒ज॒न्ति॒¦उ॒रु॒ऽच॒क्रे¦ऋ॒ष्वम् | |
| चत॑स्रईंघृत॒दुहः॑सचन्तेसमा॒ने,अ॒न्तर्ध॒रुणे॒निष॑त्ताः |{काव्य उशनाः | पवमानः सोमः | त्रिष्टुप्} ता,ई᳚मर्षन्ति॒नम॑सापुना॒नास्ता,ईं᳚वि॒श्वतः॒परि॑षन्तिपू॒र्वीः(स्वाहा᳚) || 5 || चत॑स्रः¦ई॒म्¦घृ॒त॒ऽदुहः॑¦स॒च॒न्ते॒¦स॒मा॒ने¦अ॒न्तः¦ध॒रुणे᳚¦निऽस॑त्ताः | |
| वि॒ष्ट॒म्भोदि॒वोध॒रुणः॑पृथि॒व्याविश्वा᳚,उ॒तक्षि॒तयो॒हस्ते᳚,अस्य |{काव्य उशनाः | पवमानः सोमः | त्रिष्टुप्} अस॑त्त॒उत्सो᳚गृण॒तेनि॒युत्वा॒न्मध्वो᳚,अं॒शुःप॑वतइन्द्रि॒याय॒(स्वाहा᳚) || 6 || वि॒ष्ट॒म्भः¦दि॒वः¦ध॒रुणः॑¦पृ॒थि॒व्याः¦विश्वाः᳚¦उ॒त¦क्षि॒तयः॑¦हस्ते᳚¦अ॒स्य॒ | |
| व॒न्वन्नवा᳚तो,अ॒भिदे॒ववी᳚ति॒मिन्द्रा᳚यसोमवृत्र॒हाप॑वस्व |{काव्य उशनाः | पवमानः सोमः | त्रिष्टुप्} श॒ग्धिम॒हःपु॑रुश्च॒न्द्रस्य॑रा॒यःसु॒वीर्य॑स्य॒पत॑यःस्याम॒(स्वाहा᳚) || 7 || व॒न्वन्¦अवा᳚तः¦अ॒भि¦दे॒वऽवी᳚तिम्¦इन्द्रा᳚य¦सो॒म॒¦वृ॒त्र॒ऽहा¦प॒व॒स्व॒ | |
| [47] प्रहिन्वानइति षडृचस्य सूक्तस्य मैत्रावरुणिर्वसिष्ठः पवमानसोमस्त्रिष्टुप् |{अष्टक:7, अध्याय:3}{मंडल:9, सूक्त:90}{अनुवाक:5, सूक्त:5} |
| प्रहि᳚न्वा॒नोज॑नि॒तारोद॑स्यो॒रथो॒नवाजं᳚सनि॒ष्यन्न॑यासीत् |{मैत्रावरुणिर्वसिष्ठः | पवमानः सोमः | त्रिष्टुप्} इन्द्रं॒गच्छ॒न्नायु॑धासं॒शिशा᳚नो॒विश्वा॒वसु॒हस्त॑योरा॒दधा᳚नः॒(स्वाहा᳚) || 1 || वर्ग:26 प्र¦हि॒न्वा॒नः¦ज॒नि॒ता¦रोद॑स्योः¦रथः॑¦न¦वाज᳚म्¦स॒नि॒ष्यन्¦अ॒या॒सी॒त् | |
| अ॒भित्रि॑पृ॒ष्ठंवृष॑णंवयो॒धामा᳚ङ्गू॒षाणा᳚मवावशन्त॒वाणीः᳚ |{मैत्रावरुणिर्वसिष्ठः | पवमानः सोमः | त्रिष्टुप्} वना॒वसा᳚नो॒वरु॑णो॒नसिन्धू॒न्विर॑त्न॒धाद॑यते॒वार्या᳚णि॒(स्वाहा᳚) || 2 || अ॒भि¦त्रि॒ऽपृ॒ष्ठम्¦वृष॑णम्¦व॒यः॒ऽधाम्¦आ॒ङ्गू॒षाणा᳚म्¦अ॒वा॒व॒श॒न्त॒¦वाणीः᳚ | |
| शूर॑ग्रामः॒सर्व॑वीरः॒सहा᳚वा॒ञ्जेता᳚पवस्व॒सनि॑ता॒धना᳚नि |{मैत्रावरुणिर्वसिष्ठः | पवमानः सोमः | त्रिष्टुप्} ति॒ग्मायु॑धः,क्षि॒प्रध᳚न्वास॒मत्स्वषा᳚ळ्हःसा॒ह्वान्पृत॑नासु॒शत्रू॒न्त्(स्वाहा᳚) || 3 || शूर॑ऽग्रामः¦सर्व॑ऽवीरः¦सहा᳚वान्¦जेता᳚¦प॒व॒स्व॒¦सनि॑ता¦धना᳚नि | |
| उ॒रुग᳚व्यूति॒रभ॑यानिकृ॒ण्वन्त्स॑मीची॒ने,आप॑वस्वा॒पुरं᳚धी |{मैत्रावरुणिर्वसिष्ठः | पवमानः सोमः | त्रिष्टुप्} अ॒पःसिषा᳚सन्नु॒षसः॒स्व१॑(अ॒)र्गाःसंचि॑क्रदोम॒हो,अ॒स्मभ्यं॒वाजा॒न्त्(स्वाहा᳚) || 4 || उ॒रुऽग᳚व्यूतिः¦अभ॑यानि¦कृ॒ण्वन्¦स॒मी॒ची॒ने इति॑ स॒म्ऽई॒ची॒ने¦आ¦प॒व॒स्व॒¦पुरं᳚धी॒ इति॒ पुर᳚म्ऽधी | |
| मत्सि॑सोम॒वरु॑णं॒मत्सि॑मि॒त्रंमत्सीन्द्र॑मिन्दोपवमान॒विष्णु᳚म् |{मैत्रावरुणिर्वसिष्ठः | पवमानः सोमः | त्रिष्टुप्} मत्सि॒शर्धो॒मारु॑तं॒मत्सि॑दे॒वान्मत्सि॑म॒हामिन्द्र॑मिन्दो॒मदा᳚य॒(स्वाहा᳚) || 5 || मत्सि॑¦सो॒म॒¦वरु॑णम्¦मत्सि॑¦मि॒त्रम्¦मत्सि॑¦इन्द्र᳚म्¦इ॒न्दो॒ इति॑¦प॒व॒मा॒न॒¦विष्णु᳚म् | |
| ए॒वाराजे᳚व॒क्रतु॑माँ॒,अमे᳚न॒विश्वा॒घनि॑घ्नद्दुरि॒ताप॑वस्व |{मैत्रावरुणिर्वसिष्ठः | पवमानः सोमः | त्रिष्टुप्} इन्दो᳚सू॒क्ताय॒वच॑से॒वयो᳚धायू॒यंपा᳚तस्व॒स्तिभिः॒सदा᳚नः॒(स्वाहा᳚) || 6 || ए॒व¦राजा᳚ऽइव¦क्रतु॑ऽमान्¦अमे᳚न¦विश्वा᳚¦घनि॑घ्नत्¦दुः॒ऽइ॒ता¦प॒व॒स्व॒ | |
| [48] असर्जीति षडृचस्य सूक्तस्य मारीचः कश्यपः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:91}{अनुवाक:5, सूक्त:6} |
| अस॑र्जि॒वक्वा॒रथ्ये॒यथा॒जौधि॒याम॒नोता᳚प्रथ॒मोम॑नी॒षी |{मारीचः कश्यपः | पवमानः सोमः | त्रिष्टुप्} दश॒स्वसा᳚रो॒,अधि॒सानो॒,अव्येऽज᳚न्ति॒वह्निं॒सद॑ना॒न्यच्छ॒(स्वाहा᳚) || 1 || वर्ग:1 अस॑र्जि¦वक्वा᳚¦रथ्ये᳚¦यथा᳚¦आ॒जौ¦धि॒या¦म॒नोता᳚¦प्र॒थ॒मः¦म॒नी॒षी | |
| वी॒तीजन॑स्यदि॒व्यस्य॑क॒व्यैरधि॑सुवा॒नोन॑हु॒ष्ये᳚भि॒रिन्दुः॑ |{मारीचः कश्यपः | पवमानः सोमः | त्रिष्टुप्} प्रयोनृभि॑र॒मृतो॒मर्त्ये᳚भिर्मर्मृजा॒नोऽवि॑भि॒र्गोभि॑र॒द्भिः(स्वाहा᳚) || 2 || वी॒ती¦जन॑स्य¦दि॒व्यस्य॑¦क॒व्यैः¦अधि॑¦सु॒वा॒नः¦न॒हु॒ष्ये᳚भिः¦इन्दुः॑ | |
| वृषा॒वृष्णे॒रोरु॑वदं॒शुर॑स्मै॒पव॑मानो॒रुश॑दीर्ते॒पयो॒गोः |{मारीचः कश्यपः | पवमानः सोमः | त्रिष्टुप्} स॒हस्र॒मृक्वा᳚प॒थिभि᳚र्वचो॒विद॑ध्व॒स्मभिः॒सूरो॒,अण्वं॒विया᳚ति॒(स्वाहा᳚) || 3 || वृषा᳚¦वृष्णे᳚¦रोरु॑वत्¦अं॒शुः¦अ॒स्मै॒¦पव॑मानः¦रुश॑त्¦ई॒र्ते॒¦पयः॑¦गोः | |
| रु॒जादृ॒ळ्हाचि॑द्र॒क्षसः॒सदां᳚सिपुना॒नइ᳚न्दऊर्णुहि॒विवाजा॑न् |{मारीचः कश्यपः | पवमानः सोमः | त्रिष्टुप्} वृ॒श्चोपरि॑ष्टात्तुज॒ताव॒धेन॒ये,अन्ति॑दू॒रादु॑पना॒यमे᳚षा॒म्(स्वाहा᳚) || 4 || रु॒ज¦दृ॒ळ्हा¦चि॒त्¦र॒क्षसः॑¦सदां᳚सि¦पु॒ना॒नः¦इ॒न्दो॒ इति॑¦ऊ॒र्णु॒हि॒¦वि¦वाजा॑न् | |
| सप्र॑त्न॒वन्नव्य॑सेविश्ववारसू॒क्ताय॑प॒थःकृ॑णुहि॒प्राचः॑ |{मारीचः कश्यपः | पवमानः सोमः | त्रिष्टुप्} येदुः॒षहा᳚सोव॒नुषा᳚बृ॒हन्त॒स्ताँस्ते᳚,अश्यामपुरुकृत्पुरुक्षो॒(स्वाहा᳚) || 5 || सः¦प्र॒त्न॒ऽवत्¦नव्य॑से¦वि॒श्व॒ऽवा॒र॒¦सु॒।औ॒क्ताय॑¦प॒थः¦कृ॒णु॒हि॒¦प्राचः॑ | |
| ए॒वापु॑ना॒नो,अ॒पःस्व१॑(अ॒)र्गा,अ॒स्मभ्यं᳚तो॒कातन॑यानि॒भूरि॑ |{मारीचः कश्यपः | पवमानः सोमः | त्रिष्टुप्} शंनः॒,क्षेत्र॑मु॒रुज्योतीं᳚षिसोम॒ज्योङ्नः॒सूर्यं᳚दृ॒शये᳚रिरीहि॒(स्वाहा᳚) || 6 || ए॒व¦पु॒ना॒नः¦अ॒पः¦स्वः॑¦गाः¦अ॒स्मभ्य᳚म्¦तो॒का¦तन॑यानि¦भूरि॑ | |
| [49] परिसुवानइति षडृचस्य सूक्तस्य मारीचः कश्यपः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:92}{अनुवाक:5, सूक्त:7} |
| परि॑सुवा॒नोहरि॑रं॒शुःप॒वित्रे॒रथो॒नस॑र्जिस॒नये᳚हिया॒नः |{मारीचः कश्यपः | पवमानः सोमः | त्रिष्टुप्} आप॒च्छ्लोक॑मिन्द्रि॒यंपू॒यमा᳚नः॒प्रति॑दे॒वाँ,अ॑जुषत॒प्रयो᳚भिः॒(स्वाहा᳚) || 1 || वर्ग:2 परि॑¦सु॒वा॒नः¦हरिः॑¦अं॒शुः¦प॒वित्रे᳚¦रथः॑¦न¦स॒र्जि॒¦स॒नये᳚¦हि॒या॒नः | |
| अच्छा᳚नृ॒चक्षा᳚,असरत्प॒वित्रे॒नाम॒दधा᳚नःक॒विर॑स्य॒योनौ᳚ |{मारीचः कश्यपः | पवमानः सोमः | त्रिष्टुप्} सीद॒न्होते᳚व॒सद॑नेच॒मूषूपे᳚मग्म॒न्नृष॑यःस॒प्तविप्राः᳚(स्वाहा᳚) || 2 || अच्छ॑¦नृ॒ऽचक्षाः᳚¦अ॒स॒र॒त्¦प॒वित्रे᳚¦नाम॑¦दधा᳚नः¦क॒विः¦अ॒स्य॒¦योनौ᳚ | |
| प्रसु॑मे॒धागा᳚तु॒विद्वि॒श्वदे᳚वः॒सोमः॑पुना॒नःसद॑एति॒नित्य᳚म् |{मारीचः कश्यपः | पवमानः सोमः | त्रिष्टुप्} भुव॒द्विश्वे᳚षु॒काव्ये᳚षु॒रन्तानु॒जना᳚न्यतते॒पञ्च॒धीरः॒(स्वाहा᳚) || 3 || प्र¦सु॒ऽमे॒धाः¦गा॒तु॒ऽवित्¦वि॒श्वऽदे᳚वः¦सोमः॑¦पु॒ना॒नः¦सदः॑¦ए॒ति॒¦नित्य᳚म् | |
| तव॒त्येसो᳚मपवमाननि॒ण्येविश्वे᳚दे॒वास्त्रय॑एकाद॒शासः॑ |{मारीचः कश्यपः | पवमानः सोमः | त्रिष्टुप्} दश॑स्व॒धाभि॒रधि॒सानो॒,अव्ये᳚मृ॒जन्ति॑त्वान॒द्यः॑स॒प्तय॒ह्वीः(स्वाहा᳚) || 4 || तव॑¦त्ये¦सो॒म॒¦प॒व॒मा॒न॒¦नि॒ण्ये¦विश्वे᳚¦दे॒वाः¦त्रयः॑¦ए॒का॒द॒शासः॑ | |
| तन्नुस॒त्यंपव॑मानस्यास्तु॒यत्र॒विश्वे᳚का॒रवः॑सं॒नस᳚न्त |{मारीचः कश्यपः | पवमानः सोमः | त्रिष्टुप्} ज्योति॒र्यदह्ने॒,अकृ॑णोदुलो॒कंप्राव॒न्मनुं॒दस्य॑वेकर॒भीक॒म्(स्वाहा᳚) || 5 || तत्¦नु¦स॒त्यम्¦पव॑मानस्य¦अ॒स्तु॒¦यत्र॑¦विश्वे᳚¦का॒रवः॑¦स॒म्ऽनस᳚न्त | |
| परि॒सद्मे᳚वपशु॒मान्ति॒होता॒राजा॒नस॒त्यःसमि॑तीरिया॒नः |{मारीचः कश्यपः | पवमानः सोमः | त्रिष्टुप्} सोमः॑पुना॒नःक॒लशाँ᳚,अयासी॒त्सीद᳚न्मृ॒गोनम॑हि॒षोवने᳚षु॒(स्वाहा᳚) || 6 || परि॑¦सद्म॑ऽइव¦प॒शु॒ऽमन्ति॑¦होता᳚¦राजा᳚¦न¦स॒त्यः¦सम्ऽइ᳚तीः¦इ॒या॒नः | |
| [50] साकमुक्षइति पंचर्चस्य सूक्तस्य गौतमो नोधाः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:93}{अनुवाक:5, सूक्त:8} |
| सा॒क॒मुक्षो᳚मर्जयन्त॒स्वसा᳚रो॒दश॒धीर॑स्यधी॒तयो॒धनु॑त्रीः |{गौतमो नोधाः | पवमानः सोमः | त्रिष्टुप्} हरिः॒पर्य॑द्रव॒ज्जाःसूर्य॑स्य॒द्रोणं᳚ननक्षे॒,अत्यो॒नवा॒जी(स्वाहा᳚) || 1 || वर्ग:3 सा॒क॒म्।औक्षः॑¦म॒र्ज॒य॒न्त॒¦स्वसा᳚रः¦दश॑¦धीर॑स्य¦धी॒तयः॑¦धनु॑त्रीः | |
| संमा॒तृभि॒र्नशिशु᳚र्वावशा॒नोवृषा᳚दधन्वेपुरु॒वारो᳚,अ॒द्भिः |{गौतमो नोधाः | पवमानः सोमः | त्रिष्टुप्} मर्यो॒नयोषा᳚म॒भिनि॑ष्कृ॒तंयन्त्संग॑च्छतेक॒लश॑उ॒स्रिया᳚भिः॒(स्वाहा᳚) || 2 || सम्¦मा॒तृऽभिः॑¦न¦शिशुः॑¦वा॒व॒शा॒नः¦वृषा᳚¦द॒ध॒न्वे॒¦पु॒रु॒ऽवारः॑¦अ॒त्ऽभिः | |
| उ॒तप्रपि॑प्य॒ऊध॒रघ्न्या᳚या॒,इन्दु॒र्धारा᳚भिःसचतेसुमे॒धाः |{गौतमो नोधाः | पवमानः सोमः | त्रिष्टुप्} मू॒र्धानं॒गावः॒पय॑साच॒मूष्व॒भिश्री᳚णन्ति॒वसु॑भि॒र्ननि॒क्तैः(स्वाहा᳚) || 3 || उ॒त¦प्र¦पि॒प्ये॒¦ऊधः॑¦अघ्न्या᳚याः¦इन्दुः॑¦धारा᳚भिः¦स॒च॒ते॒¦सु॒ऽमे॒धाः | |
| सनो᳚दे॒वेभिः॑पवमानर॒देन्दो᳚र॒यिम॒श्विनं᳚वावशा॒नः |{गौतमो नोधाः | पवमानः सोमः | त्रिष्टुप्} र॒थि॒रा॒यता᳚मुश॒तीपुरं᳚धिरस्म॒द्र्य१॑(अ॒)गादा॒वने॒वसू᳚ना॒म्(स्वाहा᳚) || 4 || सः¦नः॒¦दे॒वेभिः॑¦प॒व॒मा॒न॒¦र॒द॒¦इन्दो॒ इति॑¦र॒यिम्¦अ॒श्विन᳚म्¦वा॒व॒शा॒नः | |
| नूनो᳚र॒यिमुप॑मास्वनृ॒वन्तं᳚पुना॒नोवा॒ताप्यं᳚वि॒श्वश्च᳚न्द्रम् |{गौतमो नोधाः | पवमानः सोमः | त्रिष्टुप्} प्रव᳚न्दि॒तुरि᳚न्दोता॒र्यायुः॑प्रा॒तर्म॒क्षूधि॒याव॑सुर्जगम्या॒त्(स्वाहा᳚) || 5 || नु¦नः॒¦र॒यिम्¦उप॑¦मा॒स्व॒¦नृ॒ऽवन्त᳚म्¦पु॒ना॒नः¦वा॒ताप्य᳚म्¦वि॒श्वऽच᳚न्द्रम् | |
| [51] अधियदिति पंचर्चस्य सूक्तस्य घौरः कण्वः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:94}{अनुवाक:5, सूक्त:9} |
| अधि॒यद॑स्मिन्वा॒जिनी᳚व॒शुभः॒स्पर्ध᳚न्ते॒धियः॒सूर्ये॒नविशः॑ |{घौरः कण्वः | पवमानः सोमः | त्रिष्टुप्} अ॒पोवृ॑णा॒नःप॑वतेकवी॒यन्व्र॒जंनप॑शु॒वर्ध॑नाय॒मन्म॒(स्वाहा᳚) || 1 || वर्ग:4 अधि॑¦यत्¦अ॒स्मि॒न्¦वा॒जिनि॑ऽइव¦शुभः॑¦स्पर्ध᳚न्ते¦धियः॑¦सूर्ये᳚¦न¦विशः॑ | |
| द्वि॒ताव्यू॒र्ण्वन्न॒मृत॑स्य॒धाम॑स्व॒र्विदे॒भुव॑नानिप्रथन्त |{घौरः कण्वः | पवमानः सोमः | त्रिष्टुप्} धियः॑पिन्वा॒नाःस्वस॑रे॒नगाव॑ऋता॒यन्ती᳚र॒भिवा᳚वश्र॒इन्दु॒म्(स्वाहा᳚) || 2 || द्वि॒ता¦वि॒ऽऊ॒र्ण्वन्¦अ॒मृत॑स्य¦धाम॑¦स्वः॒ऽविदे᳚¦भुव॑नानि¦प्र॒थ॒न्त॒ | |
| परि॒यत्क॒विःकाव्या॒भर॑ते॒शूरो॒नरथो॒भुव॑नानि॒विश्वा᳚ |{घौरः कण्वः | पवमानः सोमः | त्रिष्टुप्} दे॒वेषु॒यशो॒मर्ता᳚य॒भूष॒न्दक्षा᳚यरा॒यःपु॑रु॒भूषु॒नव्यः॒(स्वाहा᳚) || 3 || परि॑¦यत्¦क॒विः¦काव्या᳚¦भर॑ते¦शूरः॑¦न¦रथः॑¦भुव॑नानि¦विश्वा᳚ | |
| श्रि॒येजा॒तःश्रि॒यआनिरि॑याय॒श्रियं॒वयो᳚जरि॒तृभ्यो᳚दधाति |{घौरः कण्वः | पवमानः सोमः | त्रिष्टुप्} श्रियं॒वसा᳚ना,अमृत॒त्वमा᳚य॒न्भव᳚न्तिस॒त्यास॑मि॒थामि॒तद्रौ॒(स्वाहा᳚) || 4 || श्रि॒ये¦जा॒तः¦श्रि॒ये¦आ¦निः¦इ॒या॒य॒¦श्रिय᳚म्¦वयः॑¦ज॒रि॒तृऽभ्यः॑¦द॒धा॒ति॒ | |
| इष॒मूर्ज॑म॒भ्य१॑(अ॒)र्षाश्वं॒गामु॒रुज्योतिः॑कृणुहि॒मत्सि॑दे॒वान् |{घौरः कण्वः | पवमानः सोमः | त्रिष्टुप्} विश्वा᳚नि॒हिसु॒षहा॒तानि॒तुभ्यं॒पव॑मान॒बाध॑सेसोम॒शत्रू॒न्त्(स्वाहा᳚) || 5 || इष᳚म्¦ऊर्ज᳚म्¦अ॒भि¦अ॒र्ष॒¦अश्व᳚म्¦गाम्¦उ॒रु¦ज्योतिः॑¦कृ॒णु॒हि॒¦मत्सि॑¦दे॒वान् | |
| [52] कनिक्रंतीति पंचर्चस्य सूक्तस्य कण्वः प्रस्कण्वः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:95}{अनुवाक:5, सूक्त:10} |
| कनि॑क्रन्ति॒हरि॒रासृ॒ज्यमा᳚नः॒सीद॒न्वन॑स्यज॒ठरे᳚पुना॒नः |{कण्वः प्रस्कण्वः | पवमानः सोमः | त्रिष्टुप्} नृभि᳚र्य॒तःकृ॑णुतेनि॒र्णिजं॒गा,अतो᳚म॒तीर्ज॑नयतस्व॒धाभिः॒(स्वाहा᳚) || 1 || वर्ग:5 कनि॑क्रन्ति¦हरिः॑¦आ¦सृ॒ज्यमा᳚नः¦सीद॑न्¦वन॑स्य¦ज॒ठरे᳚¦पु॒ना॒नः | |
| हरिः॑सृजा॒नःप॒थ्या᳚मृ॒तस्येय॑र्ति॒वाच॑मरि॒तेव॒नाव᳚म् |{कण्वः प्रस्कण्वः | पवमानः सोमः | त्रिष्टुप्} दे॒वोदे॒वानां॒गुह्या᳚नि॒नामा॒विष्कृ॑णोतिब॒र्हिषि॑प्र॒वाचे॒(स्वाहा᳚) || 2 || हरिः॑¦सृ॒जा॒नः¦प॒थ्या᳚म्¦ऋ॒तस्य॑¦इय॑र्ति¦वाच᳚म्¦अ॒रि॒ताऽइ᳚व¦नाव᳚म् | |
| अ॒पामि॒वेदू॒र्मय॒स्तर्तु॑राणाः॒प्रम॑नी॒षा,ई᳚रते॒सोम॒मच्छ॑ |{कण्वः प्रस्कण्वः | पवमानः सोमः | त्रिष्टुप्} न॒म॒स्यन्ती॒रुप॑च॒यन्ति॒संचाच॑विशन्त्युश॒तीरु॒शन्त॒म्(स्वाहा᳚) || 3 || अ॒पाम्ऽइ᳚व¦इत्¦ऊ॒र्मयः॑¦तर्तु॑राणाः¦प्र¦म॒नी॒षाः¦ई॒र॒ते॒¦सोम᳚म्¦अच्छ॑ | |
| तंम᳚र्मृजा॒नंम॑हि॒षंनसाना᳚वं॒शुंदु॑हन्त्यु॒क्षणं᳚गिरि॒ष्ठाम् |{कण्वः प्रस्कण्वः | पवमानः सोमः | त्रिष्टुप्} तंवा᳚वशा॒नंम॒तयः॑सचन्तेत्रि॒तोबि॑भर्ति॒वरु॑णंसमु॒द्रे(स्वाहा᳚) || 4 || तम्¦म॒र्मृ॒जा॒नम्¦म॒हि॒षम्¦न¦सानौ᳚¦अं॒शुम्¦दु॒ह॒न्ति॒¦उ॒क्षण᳚म्¦गि॒रि॒ऽस्थाम् | |
| इष्य॒न्वाच॑मुपव॒क्तेव॒होतुः॑पुना॒नइ᳚न्दो॒विष्या᳚मनी॒षाम् |{कण्वः प्रस्कण्वः | पवमानः सोमः | त्रिष्टुप्} इन्द्र॑श्च॒यत्क्षय॑थः॒सौभ॑गायसु॒वीर्य॑स्य॒पत॑यःस्याम॒(स्वाहा᳚) || 5 || इष्य॑न्¦वाच᳚म्¦उ॒प॒व॒क्ताऽइ᳚व¦होतुः॑¦पु॒ना॒नः¦इ॒न्दो॒ इति॑¦वि¦स्य॒¦म॒नी॒षाम् | |
| [53] प्रसेनानीरिति चतुर्विंशत्यृचस्य सूक्तस्य दैवोदासिः प्रतर्दनः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:96}{अनुवाक:5, सूक्त:11} |
| प्रसे᳚ना॒नीःशूरो॒,अग्रे॒रथा᳚नांग॒व्यन्ने᳚ति॒हर्ष॑ते,अस्य॒सेना᳚ |{दैवोदासिः प्रतर्दनः | पवमानः सोमः | त्रिष्टुप्} भ॒द्रान्कृ॒ण्वन्नि᳚न्द्रह॒वान्त्सखि॑भ्य॒आसोमो॒वस्त्रा᳚रभ॒सानि॑दत्ते॒(स्वाहा᳚) || 1 || वर्ग:6 प्र¦से॒ना॒ऽनीः¦शूरः॑¦अग्रे᳚¦रथा᳚नाम्¦ग॒व्यन्¦ए॒ति॒¦हर्ष॑ते¦अ॒स्य॒¦सेना᳚ | |
| सम॑स्य॒हरिं॒हर॑योमृजन्त्यश्वह॒यैरनि॑शितं॒नमो᳚भिः |{दैवोदासिः प्रतर्दनः | पवमानः सोमः | त्रिष्टुप्} आति॑ष्ठति॒रथ॒मिन्द्र॑स्य॒सखा᳚वि॒द्वाँ,ए᳚नासुम॒तिंया॒त्यच्छ॒(स्वाहा᳚) || 2 || सम्¦अ॒स्य॒¦हरि᳚म्¦हर॑यः¦मृ॒ज॒न्ति॒¦अ॒श्व॒ऽह॒यैः¦अनि॑ऽशितम्¦नमः॑ऽभिः | |
| सनो᳚देवदे॒वता᳚तेपवस्वम॒हेसो᳚म॒प्सर॑सइन्द्र॒पानः॑ |{दैवोदासिः प्रतर्दनः | पवमानः सोमः | त्रिष्टुप्} कृ॒ण्वन्न॒पोव॒र्षय॒न्द्यामु॒तेमामु॒रोरानो᳚वरिवस्यापुना॒नः(स्वाहा᳚) || 3 || सः¦नः॒¦दे॒व॒¦दे॒वऽता᳚ते¦प॒व॒स्व॒¦म॒हे¦सो॒म॒¦प्सर॑से¦इ॒न्द्र॒ऽपानः॑ | |
| अजी᳚त॒येऽह॑तयेपवस्वस्व॒स्तये᳚स॒र्वता᳚तयेबृह॒ते |{दैवोदासिः प्रतर्दनः | पवमानः सोमः | त्रिष्टुप्} तदु॑शन्ति॒विश्व॑इ॒मेसखा᳚य॒स्तद॒हंव॑श्मिपवमानसोम॒(स्वाहा᳚) || 4 || अजी᳚तये¦अह॑तये¦प॒व॒स्व॒¦स्व॒स्तये᳚¦स॒र्वऽता᳚तये¦बृ॒ह॒ते | |
| सोमः॑पवतेजनि॒ताम॑ती॒नांज॑नि॒तादि॒वोज॑नि॒तापृ॑थि॒व्याः |{दैवोदासिः प्रतर्दनः | पवमानः सोमः | त्रिष्टुप्} ज॒नि॒ताग्नेर्ज॑नि॒तासूर्य॑स्यजनि॒तेन्द्र॑स्यजनि॒तोतविष्णोः᳚(स्वाहा᳚) || 5 || सोमः॑¦प॒व॒ते॒¦ज॒नि॒ता¦म॒ती॒नाम्¦ज॒नि॒ता¦दि॒वः¦ज॒नि॒ता¦पृ॒थि॒व्याः | |
| ब्र॒ह्मादे॒वानां᳚पद॒वीःक॑वी॒नामृषि॒र्विप्रा᳚णांमहि॒षोमृ॒गाणा᳚म् |{दैवोदासिः प्रतर्दनः | पवमानः सोमः | त्रिष्टुप्} श्ये॒नोगृध्रा᳚णां॒स्वधि॑ति॒र्वना᳚नां॒सोमः॑प॒वित्र॒मत्ये᳚ति॒रेभ॒न्त्(स्वाहा᳚) || 6 || वर्ग:7 ब्र॒ह्मा¦दे॒वाना᳚म्¦प॒द॒ऽवीः¦क॒वी॒नाम्¦ऋषिः॑¦विप्रा᳚णाम्¦म॒हि॒षः¦मृ॒गाणा᳚म् | |
| प्रावी᳚विपद्वा॒चऊ॒र्मिंनसिन्धु॒र्गिरः॒सोमः॒पव॑मानोमनी॒षाः |{दैवोदासिः प्रतर्दनः | पवमानः सोमः | त्रिष्टुप्} अ॒न्तःपश्य᳚न्वृ॒जने॒माव॑रा॒ण्याति॑ष्ठतिवृष॒भोगोषु॑जा॒नन्(स्वाहा᳚) || 7 || प्र¦अ॒वी॒वि॒प॒त्¦वा॒चः¦ऊ॒र्मिम्¦न¦सिन्धुः॑¦गिरः॑¦सोमः॑¦पव॑मानः¦म॒नी॒षाः | |
| सम॑त्स॒रःपृ॒त्सुव॒न्वन्नवा᳚तःस॒हस्र॑रेता,अ॒भिवाज॑मर्ष |{दैवोदासिः प्रतर्दनः | पवमानः सोमः | त्रिष्टुप्} इन्द्रा᳚येन्दो॒पव॑मानोमनी॒ष्य१॑(अं॒)शोरू॒र्मिमी᳚रय॒गा,इ॑ष॒ण्यन्(स्वाहा᳚) || 8 || सः¦म॒त्स॒रः¦पृ॒त्ऽसु¦व॒न्वन्¦अवा᳚तः¦स॒हस्र॑ऽरेताः¦अ॒भि¦वाज᳚म्¦अ॒र्ष॒ | |
| परि॑प्रि॒यःक॒लशे᳚दे॒ववा᳚त॒इन्द्रा᳚य॒सोमो॒रण्यो॒मदा᳚य |{दैवोदासिः प्रतर्दनः | पवमानः सोमः | त्रिष्टुप्} स॒हस्र॑धारःश॒तवा᳚ज॒इन्दु᳚र्वा॒जीनसप्तिः॒सम॑नाजिगाति॒(स्वाहा᳚) || 9 || परि॑¦प्रि॒यः¦क॒लशे᳚¦दे॒वऽवा᳚तः¦इन्द्रा᳚य¦सोमः॑¦रण्यः॑¦मदा᳚य | |
| सपू॒र्व्योव॑सु॒विज्जाय॑मानोमृजा॒नो,अ॒प्सुदु॑दुहा॒नो,अद्रौ᳚ |{दैवोदासिः प्रतर्दनः | पवमानः सोमः | त्रिष्टुप्} अ॒भि॒श॒स्ति॒पाभुव॑नस्य॒राजा᳚वि॒दद्गा॒तुंब्रह्म॑णेपू॒यमा᳚नः॒(स्वाहा᳚) || 10 || सः¦पू॒र्व्यः¦व॒सु॒ऽवित्¦जाय॑मानः¦मृ॒जा॒नः¦अ॒प्ऽसु¦दु॒दु॒हा॒नः¦अद्रौ᳚ | |
| त्वया॒हिनः॑पि॒तरः॑सोम॒पूर्वे॒कर्मा᳚णिच॒क्रुःप॑वमान॒धीराः᳚ |{दैवोदासिः प्रतर्दनः | पवमानः सोमः | त्रिष्टुप्} व॒न्वन्नवा᳚तःपरि॒धीँरपो᳚र्णुवी॒रेभि॒रश्वै᳚र्म॒घवा᳚भवानः॒(स्वाहा᳚) || 11 || वर्ग:8 त्वया᳚¦हि¦नः॒¦पि॒तरः॑¦सो॒म॒¦पूर्वे᳚¦कर्मा᳚णि¦च॒क्रुः¦प॒व॒मा॒न॒¦धीराः᳚ | |
| यथाप॑वथा॒मन॑वेवयो॒धा,अ॑मित्र॒हाव॑रिवो॒विद्ध॒विष्मा॑न् |{दैवोदासिः प्रतर्दनः | पवमानः सोमः | त्रिष्टुप्} ए॒वाप॑वस्व॒द्रवि॑णं॒दधा᳚न॒इन्द्रे॒संति॑ष्ठज॒नयायु॑धानि॒(स्वाहा᳚) || 12 || यथा᳚¦अप॑वथाः¦मन॑वे¦व॒यः॒ऽधाः¦अ॒मि॒त्र॒ऽहा¦व॒रि॒वः॒ऽवित्¦ह॒विष्मा॑न् | |
| पव॑स्वसोम॒मधु॑माँ,ऋ॒तावा॒पोवसा᳚नो॒,अधि॒सानो॒,अव्ये᳚ |{दैवोदासिः प्रतर्दनः | पवमानः सोमः | त्रिष्टुप्} अव॒द्रोणा᳚निघृ॒तवा᳚न्तिसीदम॒दिन्त॑मोमत्स॒रइ᳚न्द्र॒पानः॒(स्वाहा᳚) || 13 || पव॑स्व¦सो॒म॒¦मधु॑ऽमान्¦ऋ॒तऽवा᳚¦अ॒पः¦वसा᳚नः¦अधि॑¦सानौ᳚¦अव्ये᳚ | |
| वृ॒ष्टिंदि॒वःश॒तधा᳚रःपवस्वसहस्र॒सावा᳚ज॒युर्दे॒ववी᳚तौ |{दैवोदासिः प्रतर्दनः | पवमानः सोमः | त्रिष्टुप्} संसिन्धु॑भिःक॒लशे᳚वावशा॒नःसमु॒स्रिया᳚भिःप्रति॒रन्न॒आयुः॒(स्वाहा᳚) || 14 || वृ॒ष्टिम्¦दि॒वः¦श॒तऽधा᳚रः¦प॒व॒स्व॒¦स॒ह॒स्र॒ऽसाः¦वा॒ज॒ऽयुः¦दे॒वऽवी᳚तौ | |
| ए॒षस्यसोमो᳚म॒तिभिः॑पुना॒नोऽत्यो॒नवा॒जीतर॒तीदरा᳚तीः |{दैवोदासिः प्रतर्दनः | पवमानः सोमः | त्रिष्टुप्} पयो॒नदु॒ग्धमदि॑तेरिषि॒रमु॒र्वि॑वगा॒तुःसु॒यमो॒नवोळ्हा॒(स्वाहा᳚) || 15 || ए॒षः¦स्यः¦सोमः॑¦म॒तिऽभिः॑¦पु॒ना॒नः¦अत्यः॑¦न¦वा॒जी¦तर॑ति¦इत्¦अरा᳚तीः | |
| स्वा॒यु॒धःसो॒तृभिः॑पू॒यमा᳚नो॒ऽभ्य॑र्ष॒गुह्यं॒चारु॒नाम॑ |{दैवोदासिः प्रतर्दनः | पवमानः सोमः | त्रिष्टुप्} अ॒भिवाजं॒सप्ति॑रिवश्रव॒स्याभिवा॒युम॒भिगादे᳚वसोम॒(स्वाहा᳚) || 16 || वर्ग:9 सु॒ऽआ॒यु॒धः¦सो॒तृऽभिः॑¦पू॒यमा᳚नः¦अ॒भि¦अ॒र्ष॒¦गुह्य᳚म्¦चारु॑¦नाम॑ | |
| शिशुं᳚जज्ञा॒नंह᳚र्य॒तंमृ॑जन्तिशु॒म्भन्ति॒वह्निं᳚म॒रुतो᳚ग॒णेन॑ |{दैवोदासिः प्रतर्दनः | पवमानः सोमः | त्रिष्टुप्} क॒विर्गी॒र्भिःकाव्ये᳚नाक॒विःसन्त्सोमः॑प॒वित्र॒मत्ये᳚ति॒रेभ॒न्त्(स्वाहा᳚) || 17 || शिशु᳚म्¦ज॒ज्ञा॒नम्¦ह॒र्य॒तम्¦मृ॒ज॒न्ति॒¦शु॒म्भन्ति॑¦वह्नि᳚म्¦म॒रुतः॑¦ग॒णेन॑ | |
| ऋषि॑मना॒यऋ॑षि॒कृत्स्व॒र्षाःस॒हस्र॑णीथःपद॒वीःक॑वी॒नाम् |{दैवोदासिः प्रतर्दनः | पवमानः सोमः | त्रिष्टुप्} तृ॒तीयं॒धाम॑महि॒षःसिषा᳚स॒न्त्सोमो᳚वि॒राज॒मनु॑राजति॒ष्टुप्(स्वाहा᳚) || 18 || ऋषि॑ऽमनाः¦यः¦ऋ॒षि॒ऽकृत्¦स्वः॒ऽसाः¦स॒हस्र॑ऽनीथः¦प॒द॒ऽवीः¦क॒वी॒नाम् | |
| च॒मू॒षच्छ्ये॒नःश॑कु॒नोवि॒भृत्वा᳚गोवि॒न्दुर्द्र॒प्सआयु॑धानि॒बिभ्र॑त् |{दैवोदासिः प्रतर्दनः | पवमानः सोमः | त्रिष्टुप्} अ॒पामू॒र्मिंसच॑मानःसमु॒द्रंतु॒रीयं॒धाम॑महि॒षोवि॑वक्ति॒(स्वाहा᳚) || 19 || च॒मू॒ऽसत्¦श्ये॒नः¦श॒कु॒नः¦वि॒ऽभृत्वा᳚¦गो॒ऽवि॒न्दुः¦द्र॒प्सः¦आयु॑धानि¦बिभ्र॑त् | |
| मर्यो॒नशु॒भ्रस्त॒न्वं᳚मृजा॒नोऽत्यो॒नसृत्वा᳚स॒नये॒धना᳚नाम् |{दैवोदासिः प्रतर्दनः | पवमानः सोमः | त्रिष्टुप्} वृषे᳚वयू॒थापरि॒कोश॒मर्ष॒न्कनि॑क्रदच्च॒म्वो॒३॑(ओ॒)रावि॑वेश॒(स्वाहा᳚) || 20 || मर्यः॑¦न¦शु॒भ्रः¦त॒न्व᳚म्¦मृ॒जा॒नः¦अत्यः॑¦न¦सृत्वा᳚¦स॒नये᳚¦धना᳚नाम् | |
| पव॑स्वेन्दो॒पव॑मानो॒महो᳚भिः॒कनि॑क्रद॒त्परि॒वारा᳚ण्यर्ष |{दैवोदासिः प्रतर्दनः | पवमानः सोमः | त्रिष्टुप्} क्रीळ᳚ञ्च॒म्वो॒३॑(ओ॒)रावि॑शपू॒यमा᳚न॒इन्द्रं᳚ते॒रसो᳚मदि॒रोम॑मत्तु॒(स्वाहा᳚) || 21 || वर्ग:10 पव॑स्व¦इ॒न्दो॒ इति॑¦पव॑मानः¦महः॑ऽभिः¦कनि॑क्रदत्¦परि॑¦वारा᳚णि¦अ॒र्ष॒ | |
| प्रास्य॒धारा᳚बृह॒तीर॑सृग्रन्न॒क्तोगोभिः॑क॒लशाँ॒,आवि॑वेश |{दैवोदासिः प्रतर्दनः | पवमानः सोमः | त्रिष्टुप्} साम॑कृ॒ण्वन्त्सा᳚म॒न्यो᳚विप॒श्चित्क्रन्द᳚न्नेत्य॒भिसख्यु॒र्नजा॒मिम्(स्वाहा᳚) || 22 || प्र¦अ॒स्य॒¦धाराः᳚¦बृ॒ह॒तीः¦अ॒सृ॒ग्र॒न्¦अ॒क्तः¦गोभिः॑¦क॒लशा᳚न्¦आ¦वि॒वे॒श॒ | |
| अ॒प॒घ्नन्ने᳚षिपवमान॒शत्रू᳚न्प्रि॒यांनजा॒रो,अ॒भिगी᳚त॒इन्दुः॑ |{दैवोदासिः प्रतर्दनः | पवमानः सोमः | त्रिष्टुप्} सीद॒न्वने᳚षुशकु॒नोनपत्वा॒सोमः॑पुना॒नःक॒लशे᳚षु॒सत्ता॒(स्वाहा᳚) || 23 || अ॒प॒ऽघ्नन्¦ए॒षि॒¦प॒व॒मा॒न॒¦शत्रू᳚न्¦प्रि॒याम्¦न¦जा॒रः¦अ॒भिऽगी᳚तः¦इन्दुः॑ | |
| आते॒रुचः॒पव॑मानस्यसोम॒योषे᳚वयन्तिसु॒दुघाः᳚सुधा॒राः |{दैवोदासिः प्रतर्दनः | पवमानः सोमः | त्रिष्टुप्} हरि॒रानी᳚तःपुरु॒वारो᳚,अ॒प्स्वचि॑क्रदत्क॒लशे᳚देवयू॒नाम्(स्वाहा᳚) || 24 || आ¦ते॒¦रुचः॑¦पव॑मानस्य¦सो॒म॒¦योषा᳚ऽइव¦य॒न्ति॒¦सु॒ऽदुघाः᳚¦सु॒ऽधा॒राः | |
| [54] अस्यप्रेपेत्यष्टपंचाशदृचस्य सूक्तस्याद्यानांतिसृणांमैत्रावरुणिर्वसिष्ठः चतुर्थ्यादितिसृणांवासिष्ठइंद्रप्रमतिः सप्तम्यादितिसृणांवासिष्ठोवृषगणः दशम्यादितिसृणांवासिष्टोमन्युः त्रयोदश्यादितिसृणां वासिष्ठ उपमन्युः षोडश्यादितिसृणांवासिष्ठोव्याघ्रपादः एकोनविंश्यादितिसृणां वासिष्ठःशक्तिः द्वाविंश्यादितिसृणां वासिष्ठःकर्णश्रुतः पंचविंश्यादितिसृणां वासिष्ठो मृळीकः अष्टविंश्यादितिसृणां वासिष्ठोवसुक्र एकत्रिंश्यादि चतुर्दशानां शाक्त्यः पराशरः पंचचत्वारिंश्यादिचतुर्दशानामांगिरसः कुत्स ऋषयः पवमानसोमस्त्रिष्टुप् |{अष्टक:7, अध्याय:4}{मंडल:9, सूक्त:97}{अनुवाक:6, सूक्त:1} |
| अ॒स्यप्रे॒षाहे॒मना᳚पू॒यमा᳚नोदे॒वोदे॒वेभिः॒सम॑पृक्त॒रस᳚म् |{मैत्रावरुणिर्वसिष्ठः | पवमानः सोमः | त्रिष्टुप्} सु॒तःप॒वित्रं॒पर्ये᳚ति॒रेभ᳚न्मि॒तेव॒सद्म॑पशु॒मान्ति॒होता॒(स्वाहा᳚) || 1 || वर्ग:11 अ॒स्य¦प्रे॒षा¦हे॒मना᳚¦पू॒यमा᳚नः¦दे॒वः¦दे॒वेभिः॑¦सम्¦अ॒पृ॒क्त॒¦रस᳚म् | |
| भ॒द्रावस्त्रा᳚सम॒न्या॒३॑(आ॒)वसा᳚नोम॒हान्क॒विर्नि॒वच॑नानि॒शंस॑न् |{मैत्रावरुणिर्वसिष्ठः | पवमानः सोमः | त्रिष्टुप्} आव॑च्यस्वच॒म्वोः᳚पू॒यमा᳚नोविचक्ष॒णोजागृ॑विर्दे॒ववी᳚तौ॒(स्वाहा᳚) || 2 || भ॒द्रा¦वस्त्रा᳚¦स॒म॒न्या᳚¦वसा᳚नः¦म॒हान्¦क॒विः¦नि॒ऽवच॑नानि¦शं॒स॒न् | |
| समु॑प्रि॒योमृ॑ज्यते॒सानो॒,अव्ये᳚य॒शस्त॑रोय॒शसां॒क्षैतो᳚,अ॒स्मे |{मैत्रावरुणिर्वसिष्ठः | पवमानः सोमः | त्रिष्टुप्} अ॒भिस्व॑र॒धन्वा᳚पू॒यमा᳚नोयू॒यंपा᳚तस्व॒स्तिभिः॒सदा᳚नः॒(स्वाहा᳚) || 3 || सम्¦ऊँ॒ इति॑¦प्रि॒यः¦मृ॒ज्य॒ते॒¦सानौ᳚¦अव्ये᳚¦य॒शःऽत॑रः¦य॒शसा᳚म्¦क्षैतः॑¦अ॒स्मे इति॑ | |
| प्रगा᳚यता॒भ्य॑र्चामदे॒वान्त्सोमं᳚हिनोतमह॒तेधना᳚य |{वासिष्ठइंद्रप्रमतिः | पवमानः सोमः | त्रिष्टुप्} स्वा॒दुःप॑वाते॒,अति॒वार॒मव्य॒मासी᳚दातिक॒लशं᳚देव॒युर्नः॒(स्वाहा᳚) || 4 || प्र¦गा॒य॒त॒¦अ॒भि¦अ॒र्चा॒म॒¦दे॒वान्¦सोम᳚म्¦हि॒नो॒त॒¦म॒ह॒ते¦धना᳚य | |
| इन्दु॑र्दे॒वाना॒मुप॑स॒ख्यमा॒यन्त्स॒हस्र॑धारःपवते॒मदा᳚य |{वासिष्ठइंद्रप्रमतिः | पवमानः सोमः | त्रिष्टुप्} नृभिः॒स्तवा᳚नो॒,अनु॒धाम॒पूर्व॒मग॒न्निन्द्रं᳚मह॒तेसौभ॑गाय॒(स्वाहा᳚) || 5 || इन्दुः॑¦दे॒वाना᳚म्¦उप॑¦स॒ख्यम्¦आ॒ऽयन्¦स॒हस्र॑ऽधारः¦प॒व॒ते॒¦मदा᳚य | |
| स्तो॒त्रेरा॒येहरि॑रर्षापुना॒नइन्द्रं॒मदो᳚गच्छतुते॒भरा᳚य |{वासिष्ठइंद्रप्रमतिः | पवमानः सोमः | त्रिष्टुप्} दे॒वैर्या᳚हिस॒रथं॒राधो॒,अच्छा᳚यू॒यंपा᳚तस्व॒स्तिभिः॒सदा᳚नः॒(स्वाहा᳚) || 6 || वर्ग:12 स्तो॒त्रे¦रा॒ये¦हरिः॑¦अ॒र्ष॒¦पु॒ना॒नः¦इन्द्र᳚म्¦मदः॑¦ग॒च्छ॒तु॒¦ते॒¦भरा᳚य | |
| प्रकाव्य॑मु॒शने᳚वब्रुवा॒णोदे॒वोदे॒वानां॒जनि॑माविवक्ति |{वासिष्ठो वृषगणः | पवमानः सोमः | त्रिष्टुप्} महि᳚व्रतः॒शुचि॑बन्धुःपाव॒कःप॒दाव॑रा॒हो,अ॒भ्ये᳚ति॒रेभ॒न्त्(स्वाहा᳚) || 7 || प्र¦काव्य᳚म्¦उ॒शना᳚ऽइव¦ब्रु॒वा॒णः¦दे॒वः¦दे॒वाना᳚म्¦जनि॑म¦वि॒व॒क्ति॒ | |
| प्रहं॒सास॑स्तृ॒पलं᳚म॒न्युमच्छा॒मादस्तं॒वृष॑गणा,अयासुः |{वासिष्ठो वृषगणः | पवमानः सोमः | त्रिष्टुप्} आ॒ङ्गू॒ष्य१॑(अं॒)पव॑मानं॒सखा᳚योदु॒र्मर्षं᳚सा॒कंप्रव॑दन्तिवा॒णम्(स्वाहा᳚) || 8 || प्र¦हं॒सासः॑¦तृ॒पल᳚म्¦म॒न्युम्¦अच्छ॑¦अ॒मात्¦अस्त᳚म्¦वृष॑ऽगणाः¦अ॒या॒सुः॒ | |
| सरं᳚हतउरुगा॒यस्य॑जू॒तिंवृथा॒क्रीळ᳚न्तंमिमते॒नगावः॑ |{वासिष्ठो वृषगणः | पवमानः सोमः | त्रिष्टुप्} प॒री॒ण॒संकृ॑णुतेति॒ग्मशृ᳚ङ्गो॒दिवा॒हरि॒र्ददृ॑शे॒नक्त॑मृ॒ज्रः(स्वाहा᳚) || 9 || सः¦रं॒ह॒ते॒¦उ॒रु॒ऽगा॒यस्य॑¦जू॒तिम्¦वृथा᳚¦क्रीळ᳚न्तम्¦मि॒म॒ते॒¦न¦गावः॑ | |
| इन्दु᳚र्वा॒जीप॑वते॒गोन्यो᳚घा॒,इन्द्रे॒सोमः॒सह॒इन्व॒न्मदा᳚य |{वासिष्टो मन्युः | पवमानः सोमः | त्रिष्टुप्} हन्ति॒रक्षो॒बाध॑ते॒पर्यरा᳚ती॒र्वरि॑वःकृ॒ण्वन्वृ॒जन॑स्य॒राजा॒(स्वाहा᳚) || 10 || इन्दुः॑¦वा॒जी¦प॒व॒ते॒¦गोऽन्यो᳚घाः¦इन्द्रे᳚¦सोमः॑¦सह॑¦इन्व॑न्¦मदा᳚य | |
| अध॒धार॑या॒मध्वा᳚पृचा॒नस्ति॒रोरोम॑पवते॒,अद्रि॑दुग्धः |{वासिष्टो मन्युः | पवमानः सोमः | त्रिष्टुप्} इन्दु॒रिन्द्र॑स्यस॒ख्यंजु॑षा॒णोदे॒वोदे॒वस्य॑मत्स॒रोमदा᳚य॒(स्वाहा᳚) || 11 || वर्ग:13 अध॑¦धार॑या¦मध्वा᳚¦पृ॒चा॒नः¦ति॒रः¦रोम॑¦प॒व॒ते॒¦अद्रि॑ऽदुग्धः | |
| अ॒भिप्रि॒याणि॑पवतेपुना॒नोदे॒वोदे॒वान्त्स्वेन॒रसे᳚नपृ॒ञ्चन् |{वासिष्टो मन्युः | पवमानः सोमः | त्रिष्टुप्} इन्दु॒र्धर्मा᳚ण्यृतु॒थावसा᳚नो॒दश॒क्षिपो᳚,अव्यत॒सानो॒,अव्ये॒(स्वाहा᳚) || 12 || अ॒भि¦प्रि॒याणि॑¦प॒व॒ते॒¦पु॒ना॒नः¦दे॒वः¦दे॒वान्¦स्वेन॑¦रसे᳚न¦पृं॒चन् | |
| वृषा॒शोणो᳚,अभि॒कनि॑क्रद॒द्गान॒दय᳚न्नेतिपृथि॒वीमु॒तद्याम् |{वासिष्ठ उपमन्युः | पवमानः सोमः | त्रिष्टुप्} इन्द्र॑स्येवव॒ग्नुराशृ᳚ण्वआ॒जौप्र॑चे॒तय᳚न्नर्षति॒वाच॒मेमाम्(स्वाहा᳚) || 13 || वृषा᳚¦शोणः॑¦अ॒भि॒ऽकनि॑क्रदत्¦गाः¦न॒दय॑न्¦ए॒ति॒¦पृ॒थि॒वीम्¦उ॒त¦द्याम् | |
| र॒साय्यः॒पय॑सा॒पिन्व॑मानई॒रय᳚न्नेषि॒मधु॑मन्तमं॒शुम् |{वासिष्ठ उपमन्युः | पवमानः सोमः | त्रिष्टुप्} पव॑मानःसंत॒निमे᳚षिकृ॒ण्वन्निन्द्रा᳚यसोमपरिषि॒च्यमा᳚नः॒(स्वाहा᳚) || 14 || र॒साय्यः॑¦पय॑सा¦पिन्व॑मानः¦ई॒रय॑न्¦ए॒षि॒¦मधु॑ऽमन्तम्¦अं॒शुम् | |
| ए॒वाप॑वस्वमदि॒रोमदा᳚योदग्रा॒भस्य॑न॒मय᳚न्वध॒स्नैः |{वासिष्ठ उपमन्युः | पवमानः सोमः | त्रिष्टुप्} परि॒वर्णं॒भर॑माणो॒रुश᳚न्तंग॒व्युर्नो᳚,अर्ष॒परि॑सोमसि॒क्तः(स्वाहा᳚) || 15 || ए॒व¦प॒व॒स्व॒¦म॒दि॒रः¦मदा᳚य¦उ॒द॒ऽग्रा॒भस्य॑¦न॒मय॑न्¦व॒ध॒ऽस्नैः | |
| जु॒ष्ट्वीन॑इन्दोसु॒पथा᳚सु॒गान्यु॒रौप॑वस्व॒वरि॑वांसिकृ॒ण्वन् |{वासिष्ठो व्याघ्रपादः | पवमानः सोमः | त्रिष्टुप्} घ॒नेव॒विष्व॑ग्दुरि॒तानि॑वि॒घ्नन्नधि॒ष्णुना᳚धन्व॒सानो॒,अव्ये॒(स्वाहा᳚) || 16 || वर्ग:14 जु॒ष्ट्वी¦नः॒¦इ॒न्दो॒ इति॑¦सु॒ऽपथा᳚¦सु॒ऽगानि॑¦उ॒रौ¦प॒व॒स्व॒¦वरि॑वांसि¦कृ॒ण्वन् | |
| वृ॒ष्टिंनो᳚,अर्षदि॒व्यांजि॑ग॒त्नुमिळा᳚वतींशं॒गयीं᳚जी॒रदा᳚नुम् |{वासिष्ठो व्याघ्रपादः | पवमानः सोमः | त्रिष्टुप्} स्तुके᳚ववी॒ताध᳚न्वाविचि॒न्वन्बन्धूँ᳚रि॒माँ,अव॑राँ,इन्दोवा॒यून्(स्वाहा᳚) || 17 || वृ॒ष्टिम्¦नः॒¦अ॒र्ष॒¦दि॒व्याम्¦जि॒ग॒त्नुम्¦इळा᳚ऽवतीम्¦श॒म्ऽगयी᳚म्¦जी॒रऽदा᳚नुम् | |
| ग्र॒न्थिंनविष्य॑ग्रथि॒तंपु॑ना॒नऋ॒जुंच॑गा॒तुंवृ॑जि॒नंच॑सोम |{वासिष्ठो व्याघ्रपादः | पवमानः सोमः | त्रिष्टुप्} अत्यो॒नक्र॑दो॒हरि॒रासृ॑जा॒नोमर्यो᳚देवधन्वप॒स्त्या᳚वा॒न्(स्वाहा᳚) || 18 || ग्र॒न्थिम्¦न¦वि¦स्य॒¦ग्र॒थि॒तम्¦पु॒ना॒नः¦ऋ॒जुम्¦च॒¦गा॒तुम्¦वृ॒जि॒नम्¦च॒¦सो॒म॒ | |
| जुष्टो॒मदा᳚यदे॒वता᳚तइन्दो॒परि॒ष्णुना᳚धन्व॒सानो॒,अव्ये᳚ |{वासिष्ठःशक्तिः | पवमानः सोमः | त्रिष्टुप्} स॒हस्र॑धारःसुर॒भिरद॑ब्धः॒परि॑स्रव॒वाज॑सातौनृ॒षह्ये॒(स्वाहा᳚) || 19 || जुष्टः॑¦मदा᳚य¦दे॒वऽता᳚ते¦इ॒न्दो॒ इति॑¦परि॑¦स्नुना᳚¦ध॒न्व॒¦सानौ᳚¦अव्ये᳚ | |
| अ॒र॒श्मानो॒ये᳚ऽर॒था,अयु॑क्ता॒,अत्या᳚सो॒नस॑सृजा॒नास॑आ॒जौ |{वासिष्ठःशक्तिः | पवमानः सोमः | त्रिष्टुप्} ए॒तेशु॒क्रासो᳚धन्वन्ति॒सोमा॒देवा᳚स॒स्ताँ,उप॑याता॒पिब॑ध्यै॒(स्वाहा᳚) || 20 || अ॒र॒श्मानः॑¦ये¦अ॒र॒थाः¦अयु॑क्ताः¦अत्या᳚सः¦न¦स॒सृ॒जा॒नासः॑¦आ॒जौ | |
| ए॒वान॑इन्दो,अ॒भिदे॒ववी᳚तिं॒परि॑स्रव॒नभो॒,अर्ण॑श्च॒मूषु॑ |{वासिष्ठःशक्तिः | पवमानः सोमः | त्रिष्टुप्} सोमो᳚,अ॒स्मभ्यं॒काम्यं᳚बृ॒हन्तं᳚र॒यिंद॑दातुवी॒रव᳚न्तमु॒ग्रम्(स्वाहा᳚) || 21 || वर्ग:15 ए॒व¦नः॒¦इ॒न्दो॒¦अ॒भि¦दे॒वऽवी᳚तिम्¦परि॑¦स्र॒व॒¦नभः॑¦अर्णः॑¦च॒मूषु॑ | |
| तक्ष॒द्यदी॒मन॑सो॒वेन॑तो॒वाग्ज्येष्ठ॑स्यवा॒धर्म॑णि॒क्षोरनी᳚के |{वासिष्ठःकर्णश्रुतः | पवमानः सोमः | त्रिष्टुप्} आदी᳚माय॒न्वर॒मावा᳚वशा॒नाजुष्टं॒पतिं᳚क॒लशे॒गाव॒इन्दु॒म्(स्वाहा᳚) || 22 || तक्ष॑त्¦यदि॑¦मन॑सः¦वेन॑तः¦वाक्¦ज्येष्ठ॑स्य¦वा॒¦धर्म॑णि¦क्षोः¦अनी᳚के | |
| प्रदा᳚नु॒दोदि॒व्योदा᳚नुपि॒न्वऋ॒तमृ॒ताय॑पवतेसुमे॒धाः |{वासिष्ठःकर्णश्रुतः | पवमानः सोमः | त्रिष्टुप्} ध॒र्माभु॑वद्वृज॒न्य॑स्य॒राजा॒प्रर॒श्मिभि॑र्द॒शभि॑र्भारि॒भूम॒(स्वाहा᳚) || 23 || प्र¦दा॒नु॒ऽदः¦दि॒व्यः¦दा॒नु॒ऽपि॒न्वः¦ऋ॒तम्¦ऋ॒ताय॑¦प॒व॒ते॒¦सु॒ऽमे॒धाः | |
| प॒वित्रे᳚भिः॒पव॑मानोनृ॒चक्षा॒राजा᳚दे॒वाना᳚मु॒तमर्त्या᳚नाम् |{वासिष्ठःकर्णश्रुतः | पवमानः सोमः | त्रिष्टुप्} द्वि॒ताभु॑वद्रयि॒पती᳚रयी॒णामृ॒तंभ॑र॒त्सुभृ॑तं॒चार्विन्दुः॒(स्वाहा᳚) || 24 || प॒वित्रे᳚भिः¦पव॑मानः¦नृ॒ऽचक्षाः᳚¦राजा᳚¦दे॒वाना᳚म्¦उ॒त¦मर्त्या᳚नाम् | |
| अर्वाँ᳚,इव॒श्रव॑सेसा॒तिमच्छेन्द्र॑स्यवा॒योर॒भिवी॒तिम॑र्ष |{वासिष्ठो मृळीकः | पवमानः सोमः | त्रिष्टुप्} सनः॑स॒हस्रा᳚बृह॒तीरिषो᳚दा॒भवा᳚सोमद्रविणो॒वित्पु॑ना॒नः(स्वाहा᳚) || 25 || अर्वा᳚न्ऽइव¦श्रव॑से¦सा॒तिम्¦अच्छ॑¦इन्द्र॑स्य¦वा॒योः¦अ॒भि¦वी॒तिम्¦अ॒र्ष॒ | |
| दे॒वा॒व्यो᳚नःपरिषि॒च्यमा᳚नाः॒,क्षयं᳚सु॒वीरं᳚धन्वन्तु॒सोमाः᳚ |{वासिष्ठो मृळीकः | पवमानः सोमः | त्रिष्टुप्} आ॒य॒ज्यवः॑सुम॒तिंवि॒श्ववा᳚रा॒होता᳚रो॒नदि॑वि॒यजो᳚म॒न्द्रत॑माः॒(स्वाहा᳚) || 26 || वर्ग:16 दे॒व॒।आ॒व्यः॑¦नः॒¦प॒रि॒ऽसि॒च्यमा᳚नाः¦क्षय᳚म्¦सु॒ऽवीर᳚म्¦ध॒न्व॒न्तु॒¦सोमाः᳚ | |
| ए॒वादे᳚वदे॒वता᳚तेपवस्वम॒हेसो᳚म॒प्सर॑सेदेव॒पानः॑ |{वासिष्ठो मृळीकः | पवमानः सोमः | त्रिष्टुप्} म॒हश्चि॒द्धिष्मसि॑हि॒ताःस॑म॒र्येकृ॒धिसु॑ष्ठा॒नेरोद॑सीपुना॒नः(स्वाहा᳚) || 27 || ए॒व¦दे॒व॒¦दे॒वऽता᳚ते¦प॒व॒स्व॒¦म॒हे¦सो॒म॒¦प्सर॑से¦दे॒व॒ऽपानः॑ | |
| अश्वो॒नोक्र॑दो॒वृष॑भिर्युजा॒नःसिं॒होनभी॒मोमन॑सो॒जवी᳚यान् |{वासिष्ठो वसुक्रः | पवमानः सोमः | त्रिष्टुप्} अ॒र्वा॒चीनैः᳚प॒थिभि॒र्येरजि॑ष्ठा॒,आप॑वस्वसौमन॒संन॑इन्दो॒(स्वाहा᳚) || 28 || अश्वः॑¦न¦क्र॒दः॒¦वृष॑ऽभिः¦यु॒जा॒नः¦सिं॒हः¦न¦भी॒मः¦मन॑सः¦जवी᳚यान् | |
| श॒तंधारा᳚दे॒वजा᳚ता,असृग्रन्त्स॒हस्र॑मेनाःक॒वयो᳚मृजन्ति |{वासिष्ठो वसुक्रः | पवमानः सोमः | त्रिष्टुप्} इन्दो᳚स॒नित्रं᳚दि॒वआप॑वस्वपुरए॒तासि॑मह॒तोधन॑स्य॒(स्वाहा᳚) || 29 || श॒तम्¦धाराः᳚¦दे॒वऽजा᳚ताः¦अ॒सृ॒ग्र॒न्¦स॒हस्र᳚म्¦ए॒नाः॒¦क॒वयः॑¦मृ॒ज॒न्ति॒ | |
| दि॒वोनसर्गा᳚,अससृग्र॒मह्नां॒राजा॒नमि॒त्रंप्रमि॑नाति॒धीरः॑ |{वासिष्ठो वसुक्रः | पवमानः सोमः | त्रिष्टुप्} पि॒तुर्नपु॒त्रःक्रतु॑भिर्यता॒नआप॑वस्ववि॒शे,अ॒स्या,अजी᳚ति॒म्(स्वाहा᳚) || 30 || दि॒वः¦न¦सर्गाः᳚¦अ॒स॒सृ॒ग्र॒म्¦अह्ना᳚म्¦राजा᳚¦न¦मि॒त्रम्¦प्र¦मि॒ना॒ति॒¦धीरः॑ | |
| प्रते॒धारा॒मधु॑मतीरसृग्र॒न्वारा॒न्यत्पू॒तो,अ॒त्येष्यव्या॑न् |{शाक्त्यः पराशरः | पवमानः सोमः | त्रिष्टुप्} पव॑मान॒पव॑से॒धाम॒गोनां᳚जज्ञा॒नःसूर्य॑मपिन्वो,अ॒र्कैः(स्वाहा᳚) || 31 || वर्ग:17 प्र¦ते॒¦धाराः᳚¦मधु॑ऽमतीः¦अ॒सृ॒ग्र॒न्¦वारा᳚न्¦यत्¦पू॒तः¦अ॒ति॒ऽएषि॑¦अव्या॑न् | |
| कनि॑क्रद॒दनु॒पन्था᳚मृ॒तस्य॑शु॒क्रोविभा᳚स्य॒मृत॑स्य॒धाम॑ |{शाक्त्यः पराशरः | पवमानः सोमः | त्रिष्टुप्} सइन्द्रा᳚यपवसेमत्स॒रवा᳚न्हिन्वा॒नोवाचं᳚म॒तिभिः॑कवी॒नाम्(स्वाहा᳚) || 32 || कनि॑क्रदत्¦अनु॑¦पन्था᳚म्¦ऋ॒तस्य॑¦शु॒क्रः¦वि¦भा॒सि॒¦अ॒मृत॑स्य¦धाम॑ | |
| दि॒व्यःसु॑प॒र्णोऽव॑चक्षिसोम॒पिन्व॒न्धाराः॒कर्म॑णादे॒ववी᳚तौ |{शाक्त्यः पराशरः | पवमानः सोमः | त्रिष्टुप्} एन्दो᳚विशक॒लशं᳚सोम॒धानं॒क्रन्द᳚न्निहि॒सूर्य॒स्योप॑र॒श्मिम्(स्वाहा᳚) || 33 || दि॒व्यः¦सु॒ऽप॒र्णः¦अव॑¦च॒क्षि॒¦सो॒म॒¦पिन्व॑न्¦धाराः᳚¦कर्म॑णा¦दे॒वऽवी᳚तौ | |
| ति॒स्रोवाच॑ईरयति॒प्रवह्नि᳚रृ॒तस्य॑धी॒तिंब्रह्म॑णोमनी॒षाम् |{शाक्त्यः पराशरः | पवमानः सोमः | त्रिष्टुप्} गावो᳚यन्ति॒गोप॑तिंपृ॒च्छमा᳚नाः॒सोमं᳚यन्तिम॒तयो᳚वावशा॒नाः(स्वाहा᳚) || 34 || ति॒स्रः¦वाचः॑¦ई॒र॒य॒ति॒¦प्र¦वह्निः॑¦ऋ॒तस्य॑¦धी॒तिम्¦ब्रह्म॑णः¦म॒नी॒षाम् | |
| सोमं॒गावो᳚धे॒नवो᳚वावशा॒नाःसोमं॒विप्रा᳚म॒तिभिः॑पृ॒च्छमा᳚नाः |{शाक्त्यः पराशरः | पवमानः सोमः | त्रिष्टुप्} सोमः॑सु॒तःपू᳚यते,अ॒ज्यमा᳚नः॒सोमे᳚,अ॒र्कास्त्रि॒ष्टुभः॒संन॑वन्ते॒(स्वाहा᳚) || 35 || सोम᳚म्¦गावः॑¦धे॒नवः॑¦वा॒व॒शा॒नाः¦सोम᳚म्¦विप्राः᳚¦म॒तिऽभिः॑¦पृ॒च्छमा᳚नाः | |
| ए॒वानः॑सोमपरिषि॒च्यमा᳚न॒आप॑वस्वपू॒यमा᳚नःस्व॒स्ति |{शाक्त्यः पराशरः | पवमानः सोमः | त्रिष्टुप्} इन्द्र॒मावि॑शबृह॒तारवे᳚णव॒र्धया॒वाचं᳚ज॒नया॒पुरं᳚धि॒म्(स्वाहा᳚) || 36 || वर्ग:18 ए॒व¦नः॒¦सो॒म॒¦प॒रि॒ऽसि॒च्यमा᳚नः¦आ¦प॒व॒स्व॒¦पू॒यमा᳚नः¦स्व॒स्ति | |
| आजागृ॑वि॒र्विप्र॑ऋ॒ताम॑ती॒नांसोमः॑पुना॒नो,अ॑सदच्च॒मूषु॑ |{शाक्त्यः पराशरः | पवमानः सोमः | त्रिष्टुप्} सप᳚न्ति॒यंमि॑थु॒नासो॒निका᳚मा,अध्व॒र्यवो᳚रथि॒रासः॑सु॒हस्ताः᳚(स्वाहा᳚) || 37 || आ¦जागृ॑विः¦विप्रः॑¦ऋ॒ता¦म॒ती॒नाम्¦सोमः॑¦पु॒ना॒नः¦अ॒स॒द॒त्¦च॒मूषु॑ | |
| सपु॑ना॒नउप॒सूरे॒नधातोभे,अ॑प्रा॒रोद॑सी॒विषआ᳚वः |{शाक्त्यः पराशरः | पवमानः सोमः | त्रिष्टुप्} प्रि॒याचि॒द्यस्य॑प्रिय॒सास॑ऊ॒तीसतूधनं᳚का॒रिणे॒नप्रयं᳚स॒त्(स्वाहा᳚) || 38 || सः¦पु॒ना॒नः¦उप॑¦सूरे᳚¦न¦धाता᳚¦आ¦उ॒भे इति॑¦अ॒प्राः॒¦रोद॑सी॒ इति॑¦वि¦सः¦आ॒व॒रित्या᳚वः | |
| सव॑र्धि॒तावर्ध॑नःपू॒यमा᳚नः॒सोमो᳚मी॒ढ्वाँ,अ॒भिनो॒ज्योति॑षावीत् |{शाक्त्यः पराशरः | पवमानः सोमः | त्रिष्टुप्} येना᳚नः॒पूर्वे᳚पि॒तरः॑पद॒ज्ञाःस्व॒र्विदो᳚,अ॒भिगा,अद्रि॑मु॒ष्णन्(स्वाहा᳚) || 39 || सः¦व॒र्धि॒ता¦वर्ध॑नः¦पू॒यमा᳚नः¦सोमः॑¦मी॒ढ्वान्¦अ॒भि¦नः॒¦ज्योति॑षा¦आ॒वी॒त् | |
| अक्रा᳚न्त्समु॒द्रःप्र॑थ॒मेविध᳚र्मञ्ज॒नय᳚न्प्र॒जाभुव॑नस्य॒राजा᳚ |{शाक्त्यः पराशरः | पवमानः सोमः | त्रिष्टुप्} वृषा᳚प॒वित्रे॒,अधि॒सानो॒,अव्ये᳚बृ॒हत्सोमो᳚वावृधेसुवा॒नइन्दुः॒(स्वाहा᳚) || 40 || अक्रा᳚न्¦स॒मु॒द्रः¦प्र॒थ॒मे¦विऽध᳚र्मन्¦ज॒नय॑न्¦प्र॒ऽजाः¦भुव॑नस्य¦राजा᳚ | |
| म॒हत्तत्सोमो᳚महि॒षश्च॑कारा॒पांयद्गर्भोऽवृ॑णीतदे॒वान् |{शाक्त्यः पराशरः | पवमानः सोमः | त्रिष्टुप्} अद॑धा॒दिन्द्रे॒पव॑मान॒ओजोऽज॑नय॒त्सूर्ये॒ज्योति॒रिन्दुः॒(स्वाहा᳚) || 41 || वर्ग:19 म॒हत्¦तत्¦सोमः॑¦म॒हि॒षः¦च॒का॒र॒¦अ॒पाम्¦यत्¦गर्भः॑¦अवृ॑णीत¦दे॒वान् | |
| मत्सि॑वा॒युमि॒ष्टये॒राध॑सेच॒मत्सि॑मि॒त्रावरु॑णापू॒यमा᳚नः |{शाक्त्यः पराशरः | पवमानः सोमः | त्रिष्टुप्} मत्सि॒शर्धो॒मारु॑तं॒मत्सि॑दे॒वान्मत्सि॒द्यावा᳚पृथि॒वीदे᳚वसोम॒(स्वाहा᳚) || 42 || मत्सि॑¦वा॒युम्¦इ॒ष्टये᳚¦राध॑से¦च॒¦मत्सि॑¦मि॒त्रावरु॑णा¦पू॒यमा᳚नः | |
| ऋ॒जुःप॑वस्ववृजि॒नस्य॑ह॒न्तापामी᳚वां॒बाध॑मानो॒मृध॑श्च |{शाक्त्यः पराशरः | पवमानः सोमः | त्रिष्टुप्} अ॒भि॒श्री॒णन्पयः॒पय॑सा॒भिगोना॒मिन्द्र॑स्य॒त्वंतव॑व॒यंसखा᳚यः॒(स्वाहा᳚) || 43 || ऋ॒जुः¦प॒व॒स्व॒¦वृ॒जि॒नस्य॑¦ह॒न्ता¦अप॑¦अमी᳚वाम्¦बाध॑मानः¦मृधः॑¦च॒ | |
| मध्वः॒सूदं᳚पवस्व॒वस्व॒उत्सं᳚वी॒रंच॑न॒आप॑वस्वा॒भगं᳚च |{शाक्त्यः पराशरः | पवमानः सोमः | त्रिष्टुप्} स्वद॒स्वेन्द्रा᳚य॒पव॑मानइन्दोर॒यिंच॑न॒आप॑वस्वासमु॒द्रात्(स्वाहा᳚) || 44 || मध्वः॑¦सूद᳚म्¦प॒व॒स्व॒¦वस्वः॑¦उत्स᳚म्¦वी॒रम्¦च॒¦नः॒¦आ¦प॒व॒स्व॒¦भग᳚म्¦च॒ | |
| सोमः॑सु॒तोधार॒यात्यो॒नहित्वा॒सिन्धु॒र्ननि॒म्नम॒भिवा॒ज्य॑क्षाः |{आङ्गिरसः कुत्सः | पवमानः सोमः | त्रिष्टुप्} आयोनिं॒वन्य॑मसदत्पुना॒नःसमिन्दु॒र्गोभि॑रसर॒त्सम॒द्भिः(स्वाहा᳚) || 45 || सोमः॑¦सु॒तः¦धार॑या¦अत्यः॑¦न¦हित्वा᳚¦सिन्धुः॑¦न¦नि॒म्नम्¦अ॒भि¦वा॒जी¦अ॒क्षा॒रिति॑ | |
| ए॒षस्यते᳚पवतइन्द्र॒सोम॑श्च॒मूषु॒धीर॑उश॒तेतव॑स्वान् |{आङ्गिरसः कुत्सः | पवमानः सोमः | त्रिष्टुप्} स्व॑र्चक्षारथि॒रःस॒त्यशु॑ष्मः॒कामो॒नयोदे᳚वय॒तामस॑र्जि॒(स्वाहा᳚) || 46 || वर्ग:20 ए॒षः¦स्यः¦ते॒¦प॒व॒ते॒¦इ॒न्द्र॒¦सोमः॑¦च॒मूषु॑¦धीरः॑¦उ॒श॒ते¦तव॑स्वान् | |
| ए॒षप्र॒त्नेन॒वय॑सापुना॒नस्ति॒रोवर्पां᳚सिदुहि॒तुर्दधा᳚नः |{आङ्गिरसः कुत्सः | पवमानः सोमः | त्रिष्टुप्} वसा᳚नः॒शर्म॑त्रि॒वरू᳚थम॒प्सुहोते᳚वयाति॒सम॑नेषु॒रेभ॒न्त्(स्वाहा᳚) || 47 || ए॒षः¦प्र॒त्नेन॑¦वय॑सा¦पु॒ना॒नः¦ति॒रः¦वर्पां᳚सि¦दु॒हि॒तुः¦दधा᳚नः | |
| नून॒स्त्वंर॑थि॒रोदे᳚वसोम॒परि॑स्रवच॒म्वोः᳚पू॒यमा᳚नः |{आङ्गिरसः कुत्सः | पवमानः सोमः | त्रिष्टुप्} अ॒प्सुस्वादि॑ष्ठो॒मधु॑माँ,ऋ॒तावा᳚दे॒वोनयःस॑वि॒तास॒त्यम᳚न्मा॒(स्वाहा᳚) || 48 || नु¦नः॒¦त्वम्¦र॒थि॒रः¦दे॒व॒¦सो॒म॒¦परि॑¦स्र॒व॒¦च॒म्वोः᳚¦पू॒यमा᳚नः | |
| अ॒भिवा॒युंवी॒त्य॑र्षागृणा॒नो॒३॑(ओ॒)ऽभिमि॒त्रावरु॑णापू॒यमा᳚नः |{आङ्गिरसः कुत्सः | पवमानः सोमः | त्रिष्टुप्} अ॒भीनरं᳚धी॒जव॑नंरथे॒ष्ठाम॒भीन्द्रं॒वृष॑णं॒वज्र॑बाहु॒म्(स्वाहा᳚) || 49 || अ॒भि¦वा॒युम्¦वी॒ती¦अ॒र्ष॒¦गृ॒णा॒नः¦अ॒भि¦मि॒त्रावरु॑णा¦पू॒यमा᳚नः | |
| अ॒भिवस्त्रा᳚सुवस॒नान्य॑र्षा॒भिधे॒नूःसु॒दुघाः᳚पू॒यमा᳚नः |{आङ्गिरसः कुत्सः | पवमानः सोमः | त्रिष्टुप्} अ॒भिच॒न्द्राभर्त॑वेनो॒हिर᳚ण्या॒भ्यश्वा᳚न्र॒थिनो᳚देवसोम॒(स्वाहा᳚) || 50 || अ॒भि¦वस्त्रा᳚¦सु॒ऽव॒स॒नानि॑¦अ॒र्ष॒¦अ॒भि¦धे॒नूः¦सु॒ऽदुघाः᳚¦पू॒यमा᳚नः | |
| अ॒भीनो᳚,अर्षदि॒व्यावसू᳚न्य॒भिविश्वा॒पार्थि॑वापू॒यमा᳚नः |{आङ्गिरसः कुत्सः | पवमानः सोमः | त्रिष्टुप्} अ॒भियेन॒द्रवि॑णम॒श्नवा᳚मा॒भ्या᳚र्षे॒यंज॑मदग्नि॒वन्नः॒(स्वाहा᳚) || 51 || वर्ग:21 अ॒भि¦नः॒¦अ॒र्ष॒¦दि॒व्या¦वसू᳚नि¦अ॒भि¦विश्वा᳚¦पार्थि॑वा¦पू॒यमा᳚नः | |
| अ॒याप॒वाप॑वस्वै॒नावसू᳚निमाँश्च॒त्वइ᳚न्दो॒सर॑सि॒प्रध᳚न्व |{आङ्गिरसः कुत्सः | पवमानः सोमः | त्रिष्टुप्} ब्र॒ध्नश्चि॒दत्र॒वातो॒नजू॒तःपु॑रु॒मेध॑श्चि॒त्तक॑वे॒नरं᳚दा॒त्(स्वाहा᳚) || 52 || अ॒या¦प॒वा¦प॒व॒स्व॒¦ए॒ना¦वसू᳚नि¦माँ॒श्च॒त्वे¦इ॒न्दो॒ इति॑¦सर॑सि¦प्र¦ध॒न्व॒ | |
| उ॒तन॑ए॒नाप॑व॒याप॑व॒स्वाधि॑श्रु॒तेश्र॒वाय्य॑स्यती॒र्थे |{आङ्गिरसः कुत्सः | पवमानः सोमः | त्रिष्टुप्} ष॒ष्टिंस॒हस्रा᳚नैगु॒तोवसू᳚निवृ॒क्षंनप॒क्वंधू᳚नव॒द्रणा᳚य॒(स्वाहा᳚) || 53 || उ॒त¦नः॒¦ए॒ना¦प॒व॒या¦प॒व॒स्व॒¦अधि॑¦श्रु॒ते¦श्र॒वाय्य॑स्य¦ती॒र्थे | |
| मही॒मे,अ॑स्य॒वृष॒नाम॑शू॒षेमाँश्च॑त्वेवा॒पृश॑नेवा॒वध॑त्रे |{आङ्गिरसः कुत्सः | पवमानः सोमः | त्रिष्टुप्} अस्वा᳚पयन्नि॒गुतः॑स्ने॒हय॒च्चापा॒मित्राँ॒,अपा॒चितो᳚,अचे॒तः(स्वाहा᳚) || 54 || महि॑¦इ॒मे इति॑¦अ॒स्य॒¦वृष॒नाम॑¦शू॒षे इति॑¦माँश्च॑त्वे¦वा॒¦पृश॑ने¦वा॒¦वध॑त्रे॒ इति॑ | |
| संत्रीप॒वित्रा॒वित॑तान्ये॒ष्यन्वेकं᳚धावसिपू॒यमा᳚नः |{आङ्गिरसः कुत्सः | पवमानः सोमः | त्रिष्टुप्} असि॒भगो॒,असि॑दा॒त्रस्य॑दा॒तासि॑म॒घवा᳚म॒घव॑द्भ्यइन्दो॒(स्वाहा᳚) || 55 || सम्¦त्री¦प॒वित्रा᳚¦विऽत॑तानि¦ए॒षि॒¦अनु॑¦एक᳚म्¦धा॒व॒सि॒¦पू॒यमा᳚नः | |
| ए॒षवि॑श्व॒वित्प॑वतेमनी॒षीसोमो॒विश्व॑स्य॒भुव॑नस्य॒राजा᳚ |{आङ्गिरसः कुत्सः | पवमानः सोमः | त्रिष्टुप्} द्र॒प्साँ,ई॒रय᳚न्वि॒दथे॒ष्विन्दु॒र्विवार॒मव्यं᳚स॒मयाति॑याति॒(स्वाहा᳚) || 56 || वर्ग:22 ए॒षः¦वि॒श्व॒ऽवित्¦प॒व॒ते॒¦म॒नी॒षी¦सोमः॑¦विश्व॑स्य¦भुव॑नस्य¦राजा᳚ | |
| इन्दुं᳚रिहन्तिमहि॒षा,अद॑ब्धाःप॒देरे᳚भन्तिक॒वयो॒नगृध्राः᳚ |{आङ्गिरसः कुत्सः | पवमानः सोमः | त्रिष्टुप्} हि॒न्वन्ति॒धीरा᳚द॒शभिः॒,क्षिपा᳚भिः॒सम᳚ञ्जतेरू॒पम॒पांरसे᳚न॒(स्वाहा᳚) || 57 || इन्दु᳚म्¦रि॒ह॒न्ति॒¦म॒हि॒षाः¦अद॑ब्धाः¦प॒दे¦रे॒भ॒न्ति॒¦क॒वयः॑¦न¦गृध्राः᳚ | |
| त्वया᳚व॒यंपव॑मानेनसोम॒भरे᳚कृ॒तंविचि॑नुयाम॒शश्व॑त् |{आङ्गिरसः कुत्सः | पवमानः सोमः | त्रिष्टुप्} तन्नो᳚मि॒त्रोवरु॑णोमामहन्ता॒मदि॑तिः॒सिन्धुः॑पृथि॒वी,उ॒तद्यौः(स्वाहा᳚) || 58 || त्वया᳚¦व॒यम्¦पव॑मानेन¦सो॒म॒¦भरे᳚¦कृ॒तम्¦वि¦चि॒नु॒या॒म॒¦शश्व॑त् | |
| [55] अभिनइति द्वादशर्चस्य सूक्तस्यांबरीषऋजिश्वानौ पवमानसोमोनुष्टुबेकादशीबृहती |{अष्टक:7, अध्याय:4}{मंडल:9, सूक्त:98}{अनुवाक:6, सूक्त:2} |
| अ॒भिनो᳚वाज॒सात॑मंर॒यिम॑र्षपुरु॒स्पृह᳚म् |{आंबरीष ऋजिश्वानौ | पवमानः सोमः | अनुष्टुप्} इन्दो᳚स॒हस्र॑भर्णसंतुविद्यु॒म्नंवि॑भ्वा॒सह॒म्(स्वाहा᳚) || 1 || वर्ग:23 अ॒भि¦नः॒¦वा॒ज॒ऽसात॑मम्¦र॒यिम्¦अ॒र्ष॒¦पु॒रु॒ऽस्पृह᳚म् | इन्दो॒ इति॑¦स॒हस्र॑ऽभर्णसम्¦तु॒वि॒ऽद्यु॒म्नम्¦वि॒भ्व॒ऽसह᳚म् || |
| परि॒ष्यसु॑वा॒नो,अ॒व्ययं॒रथे॒नवर्मा᳚व्यत |{आंबरीष ऋजिश्वानौ | पवमानः सोमः | अनुष्टुप्} इन्दु॑र॒भिद्रुणा᳚हि॒तोहि॑या॒नोधारा᳚भिरक्षाः॒(स्वाहा᳚) || 2 || परि॑¦स्यः¦सु॒वा॒नः¦अ॒व्यय᳚म्¦रथे᳚¦न¦वर्म॑¦अ॒व्य॒त॒ | इन्दुः॑¦अ॒भि¦द्रुणा᳚¦हि॒तः¦हि॒या॒नः¦धारा᳚भिः¦अ॒क्षा॒रिति॑ || |
| परि॒ष्यसु॑वा॒नो,अ॑क्षा॒,इन्दु॒रव्ये॒मद॑च्युतः |{आंबरीष ऋजिश्वानौ | पवमानः सोमः | अनुष्टुप्} धारा॒यऊ॒र्ध्वो,अ॑ध्व॒रेभ्रा॒जानैति॑गव्य॒युः(स्वाहा᳚) || 3 || परि॑¦स्यः¦सु॒वा॒नः¦अ॒क्षा॒रिति॑¦इन्दुः॑¦अव्ये᳚¦मद॑ऽच्युतः | धारा᳚¦यः¦ऊ॒र्ध्वः¦अ॒ध्व॒रे¦भ्रा॒जा¦न¦एति॑¦ग॒व्य॒ऽयुः || |
| सहित्वंदे᳚व॒शश्व॑ते॒वसु॒मर्ता᳚यदा॒शुषे᳚ |{आंबरीष ऋजिश्वानौ | पवमानः सोमः | अनुष्टुप्} इन्दो᳚सह॒स्रिणं᳚र॒यिंश॒तात्मा᳚नंविवाससि॒(स्वाहा᳚) || 4 || सः¦हि¦त्वम्¦दे॒व॒¦शश्व॑ते¦वसु॑¦मर्ता᳚य¦दा॒शुषे᳚ | इन्दो॒ इति॑¦स॒ह॒स्रिण᳚म्¦र॒यिम्¦श॒तऽआ᳚त्मानम्¦वि॒वा॒स॒सि॒ || |
| व॒यंते᳚,अ॒स्यवृ॑त्रह॒न्वसो॒वस्वः॑पुरु॒स्पृहः॑ |{आंबरीष ऋजिश्वानौ | पवमानः सोमः | अनुष्टुप्} निनेदि॑ष्ठतमा,इ॒षःस्याम॑सु॒म्नस्या᳚ध्रिगो॒(स्वाहा᳚) || 5 || व॒यम्¦ते॒¦अ॒स्य¦वृ॒त्र॒ऽह॒न्¦वसो॒ इति॑¦वस्वः॑¦पु॒रु॒ऽस्पृहः॑ | नि¦नेदि॑ष्ठऽतमाः¦इ॒षः¦स्याम॑¦सु॒म्नस्य॑¦अ॒ध्रि॒गो॒ इत्य॑ध्रिऽगो || |
| द्विर्यंपञ्च॒स्वय॑शसं॒स्वसा᳚रो॒,अद्रि॑संहतम् |{आंबरीष ऋजिश्वानौ | पवमानः सोमः | अनुष्टुप्} प्रि॒यमिन्द्र॑स्य॒काम्यं᳚प्रस्ना॒पय᳚न्त्यू॒र्मिण॒म्(स्वाहा᳚) || 6 || द्विः¦यम्¦पंच॑¦स्वऽय॑शसम्¦स्वसा᳚रः¦अद्रि॑ऽसंहतम् | प्रि॒यम्¦इन्द्र॑स्य¦काम्य᳚म्¦प्र॒ऽस्ना॒पय᳚न्ति¦ऊ॒र्मिण᳚म् || |
| परि॒त्यंह᳚र्य॒तंहरिं᳚ब॒भ्रुंपु॑नन्ति॒वारे᳚ण |{आंबरीष ऋजिश्वानौ | पवमानः सोमः | अनुष्टुप्} योदे॒वान्विश्वाँ॒,इत्परि॒मदे᳚नस॒हगच्छ॑ति॒(स्वाहा᳚) || 7 || वर्ग:24 परि॑¦त्यम्¦ह॒र्य॒तम्¦हरि᳚म्¦ब॒भ्रुम्¦पु॒न॒न्ति॒¦वारे᳚ण | यः¦दे॒वान्¦विश्वा᳚न्¦इत्¦परि॑¦मदे᳚न¦स॒ह¦गच्छ॑ति || |
| अ॒स्यवो॒ह्यव॑सा॒पान्तो᳚दक्ष॒साध॑नम् |{आंबरीष ऋजिश्वानौ | पवमानः सोमः | अनुष्टुप्} यःसू॒रिषु॒श्रवो᳚बृ॒हद्द॒धेस्व१॑(अ॒)र्णह᳚र्य॒तः(स्वाहा᳚) || 8 || अ॒स्य¦वः॒¦हि¦अव॑सा¦पान्तः॑¦द॒क्ष॒ऽसाध॑नम् | यः¦सू॒रिषु॑¦श्रवः॑¦बृ॒हत्¦द॒धे¦स्वः॑¦न¦ह॒र्य॒तः || |
| सवां᳚य॒ज्ञेषु॑मानवी॒,इन्दु॑र्जनिष्टरोदसी |{आंबरीष ऋजिश्वानौ | पवमानः सोमः | अनुष्टुप्} दे॒वोदे᳚वीगिरि॒ष्ठा,अस्रे᳚ध॒न्तंतु॑वि॒ष्वणि॒(स्वाहा᳚) || 9 || सः¦वा॒म्¦य॒ज्ञेषु॑¦मा॒न॒वी॒ इति॑¦इन्दुः॑¦ज॒नि॒ष्ट॒¦रो॒द॒सी॒ इति॑ | दे॒वः¦दे॒वी॒ इति॑¦गि॒रि॒ऽस्थाः¦अस्रे᳚धन्¦तम्¦तु॒वि॒ऽस्वनि॑ || |
| इन्द्रा᳚यसोम॒पात॑वेवृत्र॒घ्नेपरि॑षिच्यसे |{आंबरीष ऋजिश्वानौ | पवमानः सोमः | अनुष्टुप्} नरे᳚च॒दक्षि॑णावतेदे॒वाय॑सदना॒सदे॒(स्वाहा᳚) || 10 || इन्द्रा᳚य¦सो॒म॒¦पात॑वे¦वृ॒त्र॒ऽघ्ने¦परि॑¦सि॒च्य॒से॒ | नरे᳚¦च॒¦दक्षि॑णाऽवते¦दे॒वाय॑¦स॒द॒न॒ऽसदे᳚ || |
| तेप्र॒त्नासो॒व्यु॑ष्टिषु॒सोमाः᳚प॒वित्रे᳚,अक्षरन् |{आंबरीष ऋजिश्वानौ | पवमानः सोमः | बृहती} अ॒प॒प्रोथ᳚न्तःसनु॒तर्हु॑र॒श्चितः॑प्रा॒तस्ताँ,अप्र॑चेतसः॒(स्वाहा᳚) || 11 || ते¦प्र॒त्नासः॑¦वि।औ᳚ष्टिषु¦सोमाः᳚¦प॒वित्रे᳚¦अ॒क्ष॒र॒न् | |
| तंस॑खायःपुरो॒रुचं᳚यू॒यंव॒यंच॑सू॒रयः॑ |{आंबरीष ऋजिश्वानौ | पवमानः सोमः | अनुष्टुप्} अ॒श्याम॒वाज॑गन्ध्यंस॒नेम॒वाज॑पस्त्य॒म्(स्वाहा᳚) || 12 || तम्¦स॒खा॒यः॒¦पु॒रः॒ऽरुच᳚म्¦यू॒यम्¦व॒यम्¦च॒¦सू॒रयः॑ | अ॒श्याम॑¦वाज॑ऽगन्ध्यम्¦स॒नेम॑¦वाज॑ऽपस्त्यम् || |
| [56] आहर्यतायेत्यष्टर्चस्य सूक्तस्य काश्यपौ रेभसूनु पवमानसोमोनुष्ठुबाद्याबृहती |{अष्टक:7, अध्याय:4}{मंडल:9, सूक्त:99}{अनुवाक:6, सूक्त:3} |
| आह᳚र्य॒ताय॑धृ॒ष्णवे॒धनु॑स्तन्वन्ति॒पौंस्य᳚म् |{काश्यपौ रेभसूनु | पवमानः सोमः | बृहती} शु॒क्रांव॑य॒न्त्यसु॑रायनि॒र्णिजं᳚वि॒पामग्रे᳚मही॒युवः॒(स्वाहा᳚) || 1 || वर्ग:25 आ¦ह॒र्य॒ताय॑¦धृ॒ष्णवे᳚¦धनुः॑¦त॒न्व॒न्ति॒¦पौंस्य᳚म् | |
| अध॑क्ष॒पापरि॑ष्कृतो॒वाजाँ᳚,अ॒भिप्रगा᳚हते |{काश्यपौ रेभसूनु | पवमानः सोमः | अनुष्टुप्} यदी᳚वि॒वस्व॑तो॒धियो॒हरिं᳚हि॒न्वन्ति॒यात॑वे॒(स्वाहा᳚) || 2 || अध॑¦क्ष॒पा¦परि॑ऽकृतः¦वाजा᳚न्¦अ॒भि¦प्र¦गा॒ह॒ते॒ | यदि॑¦वि॒वस्व॑तः¦धियः॑¦हरि᳚म्¦हि॒न्वन्ति॑¦यात॑वे || |
| तम॑स्यमर्जयामसि॒मदो॒यइ᳚न्द्र॒पात॑मः |{काश्यपौ रेभसूनु | पवमानः सोमः | अनुष्टुप्} यंगाव॑आ॒सभि॑र्द॒धुःपु॒रानू॒नंच॑सू॒रयः॒(स्वाहा᳚) || 3 || तम्¦अ॒स्य॒¦म॒र्ज॒या॒म॒सि॒¦मदः॑¦यः¦इ॒न्द्र॒ऽपात॑मः | यम्¦गावः॑¦आ॒सऽभिः॑¦द॒धुः¦पु॒रा¦नू॒नम्¦च॒¦सू॒रयः॑ || |
| तंगाथ॑यापुरा॒ण्यापु॑ना॒नम॒भ्य॑नूषत |{काश्यपौ रेभसूनु | पवमानः सोमः | अनुष्टुप्} उ॒तोकृ॑पन्तधी॒तयो᳚दे॒वानां॒नाम॒बिभ्र॑तीः॒(स्वाहा᳚) || 4 || तम्¦गाथ॑या¦पु॒रा॒ण्या¦पु॒ना॒नम्¦अ॒भि¦अ॒नू॒ष॒त॒ | उ॒तो इति॑¦कृ॒प॒न्त॒¦धी॒तयः॑¦दे॒वाना᳚म्¦नाम॑¦बिभ्र॑तीः || |
| तमु॒क्षमा᳚णम॒व्यये॒वारे᳚पुनन्तिधर्ण॒सिम् |{काश्यपौ रेभसूनु | पवमानः सोमः | अनुष्टुप्} दू॒तंनपू॒र्वचि॑त्तय॒आशा᳚सतेमनी॒षिणः॒(स्वाहा᳚) || 5 || तम्¦उ॒क्षमा᳚णम्¦अ॒व्यये᳚¦वारे᳚¦पु॒न॒न्ति॒¦ध॒र्ण॒सिम् | दू॒तम्¦न¦पू॒र्वऽचि॑त्तये¦आ¦शा॒स॒ते॒¦म॒नी॒षिणः॑ || |
| सपु॑ना॒नोम॒दिन्त॑मः॒सोम॑श्च॒मूषु॑सीदति |{काश्यपौ रेभसूनु | पवमानः सोमः | अनुष्टुप्} प॒शौनरेत॑आ॒दध॒त्पति᳚र्वचस्यतेधि॒यः(स्वाहा᳚) || 6 || वर्ग:26 सः¦पु॒ना॒नः¦म॒दिन्ऽत॑मः¦सोमः॑¦च॒मूषु॑¦सी॒द॒ति॒ | प॒शौ¦न¦रेतः॑¦आ॒ऽदध॑त्¦पतिः॑¦व॒च॒स्य॒ते॒¦धि॒यः || |
| समृ॑ज्यतेसु॒कर्म॑भिर्दे॒वोदे॒वेभ्यः॑सु॒तः |{काश्यपौ रेभसूनु | पवमानः सोमः | अनुष्टुप्} वि॒देयदा᳚सुसंद॒दिर्म॒हीर॒पोविगा᳚हते॒(स्वाहा᳚) || 7 || सः¦मृ॒ज्य॒ते॒¦सु॒कर्म॑ऽभिः¦दे॒वः¦दे॒वेभ्यः॑¦सु॒तः | वि॒दे¦यत्¦आ॒सु॒¦स॒म्ऽद॒दिः¦म॒हीः¦अ॒पः¦वि¦गा॒ह॒ते॒ || |
| सु॒तइ᳚न्दोप॒वित्र॒आनृभि᳚र्य॒तोविनी᳚यसे |{काश्यपौ रेभसूनु | पवमानः सोमः | अनुष्टुप्} इन्द्रा᳚यमत्स॒रिन्त॑मश्च॒मूष्वानिषी᳚दसि॒(स्वाहा᳚) || 8 || सु॒तः¦इ॒न्दो॒ इति॑¦प॒वित्रे᳚¦आ¦नृऽभिः॑¦य॒तः¦वि¦नी॒य॒से॒ | इन्द्रा᳚य¦म॒त्स॒रिन्ऽत॑मः¦च॒मूषु॑¦आ¦नि¦सी॒द॒सि॒ || |
| [57] अभीनवंतइति नवर्चस्य सूक्तस्य काश्यपौ रेभसूनू पवमान सोमोनुष्टुप् |{अष्टक:7, अध्याय:4}{मंडल:9, सूक्त:100}{अनुवाक:6, सूक्त:4} |
| अ॒भीन॑वन्ते,अ॒द्रुहः॑प्रि॒यमिन्द्र॑स्य॒काम्य᳚म् |{काश्यपौ रेभसूनु | पवमानः सोमः | अनुष्टुप्} व॒त्संनपूर्व॒आयु॑निजा॒तंरि॑हन्तिमा॒तरः॒(स्वाहा᳚) || 1 || वर्ग:27 अ॒भि¦न॒व॒न्ते॒¦अ॒द्रुहः॑¦प्रि॒यम्¦इन्द्र॑स्य¦काम्य᳚म् | व॒त्सम्¦न¦पूर्वे᳚¦आयु॑नि¦जा॒तम्¦रि॒ह॒न्ति॒¦मा॒तरः॑ || |
| पु॒ना॒नइ᳚न्द॒वाभ॑र॒सोम॑द्वि॒बर्ह॑संर॒यिम् |{काश्यपौ रेभसूनु | पवमानः सोमः | अनुष्टुप्} त्वंवसू᳚निपुष्यसि॒विश्वा᳚निदा॒शुषो᳚गृ॒हे(स्वाहा᳚) || 2 || पु॒ना॒नः¦इ॒न्दो॒ इति॑¦आ¦भ॒र॒¦सोम॑¦द्वि॒ऽबर्ह॑सम्¦र॒यिम् | त्वम्¦वसू᳚नि¦पु॒ष्य॒सि॒¦विश्वा᳚नि¦दा॒शुषः॑¦गृ॒हे || |
| त्वंधियं᳚मनो॒युजं᳚सृ॒जावृ॒ष्टिंनत᳚न्य॒तुः |{काश्यपौ रेभसूनु | पवमानः सोमः | अनुष्टुप्} त्वंवसू᳚नि॒पार्थि॑वादि॒व्याच॑सोमपुष्यसि॒(स्वाहा᳚) || 3 || त्वम्¦धिय᳚म्¦म॒नः॒ऽयुज᳚म्¦सृ॒ज¦वृ॒ष्टिम्¦न¦त॒न्य॒तुः | त्वम्¦वसू᳚नि¦पार्थि॑वा¦दि॒व्या¦च॒¦सो॒म॒¦पु॒ष्य॒सि॒ || |
| परि॑तेजि॒ग्युषो᳚यथा॒धारा᳚सु॒तस्य॑धावति |{काश्यपौ रेभसूनु | पवमानः सोमः | अनुष्टुप्} रंह॑माणा॒व्य१॑(अ॒)व्ययं॒वारं᳚वा॒जीव॑सान॒सिः(स्वाहा᳚) || 4 || परि॑¦ते॒¦जि॒ग्युषः॑¦य॒था॒¦धारा᳚¦सु॒तस्य॑¦धा॒व॒ति॒ | रंह॑माणा¦वि¦अ॒व्यय᳚म्¦वार᳚म्¦वा॒जीऽइ᳚व¦सा॒न॒सिः || |
| क्रत्वे॒दक्षा᳚यनःकवे॒पव॑स्वसोम॒धार॑या |{काश्यपौ रेभसूनु | पवमानः सोमः | अनुष्टुप्} इन्द्रा᳚य॒पात॑वेसु॒तोमि॒त्राय॒वरु॑णायच॒(स्वाहा᳚) || 5 || क्रत्वे᳚¦दक्षा᳚य¦नः॒¦क॒वे॒¦पव॑स्व¦सो॒म॒¦धार॑या | इन्द्रा᳚य¦पात॑वे¦सु॒तः¦मि॒त्राय॑¦वरु॑णाय¦च॒ || |
| पव॑स्ववाज॒सात॑मःप॒वित्रे॒धार॑यासु॒तः |{काश्यपौ रेभसूनु | पवमानः सोमः | अनुष्टुप्} इन्द्रा᳚यसोम॒विष्ण॑वेदे॒वेभ्यो॒मधु॑मत्तमः॒(स्वाहा᳚) || 6 || वर्ग:28 पव॑स्व¦वा॒ज॒ऽसात॑मः¦प॒वित्रे᳚¦धार॑या¦सु॒तः | इन्द्रा᳚य¦सो॒म॒¦विष्ण॑वे¦दे॒वेभ्यः॑¦मधु॑मत्ऽतमः || |
| त्वांरि॑हन्तिमा॒तरो॒हरिं᳚प॒वित्रे᳚,अ॒द्रुहः॑ |{काश्यपौ रेभसूनु | पवमानः सोमः | अनुष्टुप्} व॒त्संजा॒तंनधे॒नवः॒पव॑मान॒विध᳚र्मणि॒(स्वाहा᳚) || 7 || त्वाम्¦रि॒ह॒न्ति॒¦मा॒तरः॑¦हरि᳚म्¦प॒वित्रे᳚¦अ॒द्रुहः॑ | व॒त्सम्¦जा॒तम्¦न¦धे॒नवः॑¦पव॑मान¦विऽध᳚र्मणि || |
| पव॑मान॒महि॒श्रव॑श्चि॒त्रेभि᳚र्यासिर॒श्मिभिः॑ |{काश्यपौ रेभसूनु | पवमानः सोमः | अनुष्टुप्} शर्ध॒न्तमां᳚सिजिघ्नसे॒विश्वा᳚निदा॒शुषो᳚गृ॒हे(स्वाहा᳚) || 8 || पव॑मान¦महि॑¦श्रवः॑¦चि॒त्रेभिः॑¦या॒सि॒¦र॒श्मिऽभिः॑ | शर्ध॑न्¦तमां᳚सि¦जि॒घ्न॒से॒¦विश्वा᳚नि¦दा॒शुषः॑¦गृ॒हे || |
| त्वंद्यांच॑महिव्रतपृथि॒वींचाति॑जभ्रिषे |{काश्यपौ रेभसूनु | पवमानः सोमः | अनुष्टुप्} प्रति॑द्रा॒पिम॑मुञ्चथाः॒पव॑मानमहित्व॒ना(स्वाहा᳚) || 9 || त्वम्¦द्याम्¦च॒¦म॒हि॒ऽव्र॒त॒¦पृ॒थि॒वीम्¦च॒¦अति॑¦ज॒भ्रि॒षे॒ | प्रति॑¦द्रा॒पिम्¦अ॒मुं॒च॒थाः॒¦पव॑मान¦म॒हि॒ऽत्व॒ना || |
| [58] पुरोजितीति षोळशर्चस्य सूक्तस्याद्यानांतिसृणांश्यावाश्विरंधीगुः चतुर्थ्यादितिसृणांनाहुषोययातिः सप्तम्यादितिसृणांमानवोनहुषः दशम्यादितिसृणांसांवरणोमनुः त्रयोदश्यादिचतसृणां वैश्वामित्रः प्रजापतिः पवमान सोमोनुष्टुप् द्वितीयातृतीये गायत्र्यौ |{अष्टक:7, अध्याय:5}{मंडल:9, सूक्त:101}{अनुवाक:6, सूक्त:5} |
| पु॒रोजि॑तीवो॒,अन्ध॑सःसु॒ताय॑मादयि॒त्नवे᳚ |{श्यावाश्विरंधीगुः | पवमानः सोमः | अनुष्टुप्} अप॒श्वानं᳚श्नथिष्टन॒सखा᳚योदीर्घजि॒ह्व्य॑१(अं॒)(स्वाहा᳚) || 1 || वर्ग:1 पु॒रःऽजि॑ती¦वः॒¦अन्ध॑सः¦सु॒ताय॑¦मा॒द॒यि॒त्नवे᳚ | अप॑¦श्वान᳚म्¦श्न॒थि॒ष्ट॒न॒¦सखा᳚यः¦दी॒र्घ॒ऽजि॒ह्व्य᳚म् || |
| योधार॑यापाव॒कया᳚परिप्र॒स्यन्द॑तेसु॒तः |{श्यावाश्विरंधीगुः | पवमानः सोमः | गायत्री} इन्दु॒रश्वो॒नकृत्व्यः॒(स्वाहा᳚) || 2 || यः¦धार॑या¦पा॒व॒कया᳚¦प॒रि॒ऽप्र॒स्यन्द॑ते¦सु॒तः | इन्दुः॑¦अश्वः॑¦न¦कृत्व्यः॑ || |
| तंदु॒रोष॑म॒भीनरः॒सोमं᳚वि॒श्वाच्या᳚धि॒या |{श्यावाश्विरंधीगुः | पवमानः सोमः | गायत्री} य॒ज्ञंहि᳚न्व॒न्त्यद्रि॑भिः॒(स्वाहा᳚) || 3 || तम्¦दु॒रोष᳚म्¦अ॒भि¦नरः॑¦सोम᳚म्¦वि॒श्वाच्या᳚¦धि॒या | य॒ज्ञम्¦हि॒न्व॒न्ति॒¦अद्रि॑ऽभिः || |
| सु॒तासो॒मधु॑मत्तमाः॒सोमा॒,इन्द्रा᳚यम॒न्दिनः॑ |{नाहुषो ययातिः | पवमानः सोमः | अनुष्टुप्} प॒वित्र॑वन्तो,अक्षरन्दे॒वान्ग॑च्छन्तुवो॒मदाः᳚(स्वाहा᳚) || 4 || सु॒तासः॑¦मधु॑मत्ऽतमाः¦सोमाः᳚¦इन्द्रा᳚य¦म॒न्दिनः॑ | प॒वित्र॑ऽवन्तः¦अ॒क्ष॒र॒न्¦दे॒वान्¦ग॒च्छ॒न्तु॒¦वः॒¦मदाः᳚ || |
| इन्दु॒रिन्द्रा᳚यपवत॒इति॑दे॒वासो᳚,अब्रुवन् |{नाहुषो ययातिः | पवमानः सोमः | अनुष्टुप्} वा॒चस्पति᳚र्मखस्यते॒विश्व॒स्येशा᳚न॒ओज॑सा॒(स्वाहा᳚) || 5 || इन्दुः॑¦इन्द्रा᳚य¦प॒व॒ते॒¦इति॑¦दे॒वासः॑¦अ॒ब्रु॒व॒न् | वा॒चः¦पतिः॑¦म॒ख॒स्य॒ते॒¦विश्व॑स्य¦ईशा᳚नः¦ओज॑सा || |
| स॒हस्र॑धारःपवतेसमु॒द्रोवा᳚चमीङ्ख॒यः |{नाहुषो ययातिः | पवमानः सोमः | अनुष्टुप्} सोमः॒पती᳚रयी॒णांसखेन्द्र॑स्यदि॒वेदि॑वे॒(स्वाहा᳚) || 6 || वर्ग:2 स॒हस्र॑ऽधारः¦प॒व॒ते॒¦स॒मु॒द्रः¦वा॒च॒म्ऽई॒ङ्ख॒यः | सोमः॑¦पतिः॑¦र॒यी॒णाम्¦सखा᳚¦इन्द्र॑स्य¦दि॒वेऽदि॑वे || |
| अ॒यंपू॒षार॒यिर्भगः॒सोमः॑पुना॒नो,अ॑र्षति |{नहुषो मानवः | पवमानः सोमः | अनुष्टुप्} पति॒र्विश्व॑स्य॒भूम॑नो॒व्य॑ख्य॒द्रोद॑सी,उ॒भे(स्वाहा᳚) || 7 || अ॒यम्¦पू॒षा¦र॒यिः¦भगः॑¦सोमः॑¦पु॒ना॒नः¦अ॒र्ष॒ति॒ | पतिः॑¦विश्व॑स्य¦भूम॑नः¦वि¦अ॒ख्य॒त्¦रोद॑सी॒ इति॑¦उ॒भे इति॑ || |
| समु॑प्रि॒या,अ॑नूषत॒गावो॒मदा᳚य॒घृष्व॑यः |{नहुषो मानवः | पवमानः सोमः | अनुष्टुप्} सोमा᳚सःकृण्वतेप॒थःपव॑मानास॒इन्द॑वः॒(स्वाहा᳚) || 8 || सम्¦ऊँ॒ इति॑¦प्रि॒याः¦अ॒नू॒ष॒त॒¦गावः॑¦मदा᳚य¦घृष्व॑यः | सोमा᳚सः¦कृ॒ण्व॒ते॒¦प॒थः¦पव॑मानासः¦इन्द॑वः || |
| यओजि॑ष्ठ॒स्तमाभ॑र॒पव॑मानश्र॒वाय्य᳚म् |{नहुषो मानवः | पवमानः सोमः | अनुष्टुप्} यःपञ्च॑चर्ष॒णीर॒भिर॒यिंयेन॒वना᳚महै॒(स्वाहा᳚) || 9 || यः¦ओजि॑ष्ठः¦तम्¦आ¦भ॒र॒¦पव॑मान¦श्र॒वाय्य᳚म् | यः¦पंच॑¦च॒र्ष॒णीः¦अ॒भि¦र॒यिम्¦येन॑¦वना᳚महै || |
| सोमाः᳚पवन्त॒इन्द॑वो॒ऽस्मभ्यं᳚गातु॒वित्त॑माः |{सांवरणो मनुः | पवमानः सोमः | अनुष्टुप्} मि॒त्राःसु॑वा॒ना,अ॑रे॒पसः॑स्वा॒ध्यः॑स्व॒र्विदः॒(स्वाहा᳚) || 10 || सोमाः᳚¦प॒व॒न्ते॒¦इन्द॑वः¦अ॒स्मभ्य᳚म्¦गा॒तु॒वित्ऽत॑माः | मि॒त्राः¦सु॒वा॒नाः¦अ॒रे॒पसः॑¦सु॒ऽआ॒ध्यः॑¦स्वः॒ऽविदः॑ || |
| सु॒ष्वा॒णासो॒व्यद्रि॑भि॒श्चिता᳚ना॒गोरधि॑त्व॒चि |{सांवरणो मनुः | पवमानः सोमः | अनुष्टुप्} इष॑म॒स्मभ्य॑म॒भितः॒सम॑स्वरन्वसु॒विदः॒(स्वाहा᳚) || 11 || वर्ग:3 सु॒स्वा॒णासः॑¦वि¦अद्रि॑ऽभिः¦चिता᳚नाः¦गोः¦अधि॑¦त्व॒चि | इष᳚म्¦अ॒स्मभ्य᳚म्¦अ॒भितः॑¦सम्¦अ॒स्व॒र॒न्¦व॒सु॒ऽविदः॑ || |
| ए॒तेपू॒तावि॑प॒श्चितः॒सोमा᳚सो॒दध्या᳚शिरः |{सांवरणो मनुः | पवमानः सोमः | अनुष्टुप्} सूर्या᳚सो॒नद॑र्श॒तासो᳚जिग॒त्नवो᳚ध्रु॒वाघृ॒ते(स्वाहा᳚) || 12 || ए॒ते¦पू॒ताः¦वि॒पः॒ऽचितः॑¦सोमा᳚सः¦दधि॑ऽआशिरः | सूर्या᳚सः¦न¦द॒र्श॒तासः॑¦जि॒ग॒त्नवः॑¦ध्रु॒वाः¦घृ॒ते || |
| प्रसु᳚न्वा॒नस्यान्ध॑सो॒मर्तो॒नवृ॑त॒तद्वचः॑ |{वैश्वामित्रो प्रजापतिः | पवमानः सोमः | अनुष्टुप्} अप॒श्वान॑मरा॒धसं᳚ह॒ताम॒खंनभृग॑वः॒(स्वाहा᳚) || 13 || प्र¦सु॒न्वा॒नस्य॑¦अन्ध॑सः¦मर्तः॑¦न¦वृ॒त॒¦तत्¦वचः॑ | अप॑¦श्वान᳚म्¦अ॒रा॒धस᳚म्¦ह॒त¦म॒खम्¦न¦भृग॑वः || |
| आजा॒मिरत्के᳚,अव्यतभु॒जेनपु॒त्रओ॒ण्योः᳚ |{वैश्वामित्रो प्रजापतिः | पवमानः सोमः | अनुष्टुप्} सर॑ज्जा॒रोनयोष॑णांव॒रोनयोनि॑मा॒सद॒म्(स्वाहा᳚) || 14 || आ¦जा॒मिः¦अत्के᳚¦अ॒व्य॒त॒¦भु॒जे¦न¦पु॒त्रः¦ओ॒ण्योः᳚ | सर॑त्¦जा॒रः¦न¦योष॑णाम्¦व॒रः¦न¦योनि᳚म्¦आ॒ऽसद᳚म् || |
| सवी॒रोद॑क्ष॒साध॑नो॒वियस्त॒स्तम्भ॒रोद॑सी |{वैश्वामित्रो प्रजापतिः | पवमानः सोमः | अनुष्टुप्} हरिः॑प॒वित्रे᳚,अव्यतवे॒धानयोनि॑मा॒सद॒म्(स्वाहा᳚) || 15 || सः¦वी॒रः¦द॒क्ष॒ऽसाध॑नः¦वि¦यः¦त॒स्तम्भ॑¦रोद॑सी॒ इति॑ | हरिः॑¦प॒वित्रे᳚¦अ॒व्य॒त॒¦वे॒धाः¦न¦योनि᳚म्¦आ॒ऽसद᳚म् || |
| अव्यो॒वारे᳚भिःपवते॒सोमो॒गव्ये॒,अधि॑त्व॒चि |{वैश्वामित्रो प्रजापतिः | पवमानः सोमः | अनुष्टुप्} कनि॑क्रद॒द्वृषा॒हरि॒रिन्द्र॑स्या॒भ्ये᳚तिनिष्कृ॒तम्(स्वाहा᳚) || 16 || अव्यः॑¦वारे᳚भिः¦प॒व॒ते॒¦सोमः॑¦गव्ये᳚¦अधि॑¦त्व॒चि | कनि॑क्रदत्¦वृषा᳚¦हरिः॑¦इन्द्र॑स्य¦अ॒भि¦ए॒ति॒¦निः॒ऽकृ॒तम् || |
| [59] क्राणाशिशुरित्यष्टर्चस्य सूक्तस्याप्त्यस्त्रितः पवमानसोमउष्णिक् |{अष्टक:7, अध्याय:5}{मंडल:9, सूक्त:102}{अनुवाक:6, सूक्त:6} |
| क्रा॒णाशिशु᳚र्म॒हीनां᳚हि॒न्वन्नृ॒तस्य॒दीधि॑तिम् |{अप्त्यस्त्रितः | पवमानः सोमः | उष्णिक्} विश्वा॒परि॑प्रि॒याभु॑व॒दध॑द्वि॒ता(स्वाहा᳚) || 1 || वर्ग:4 क्रा॒णा¦शिशुः॑¦म॒हीना᳚म्¦हि॒न्वन्¦ऋ॒तस्य॑¦दीधि॑तिम् | विश्वा᳚¦परि॑¦प्रि॒या¦भु॒व॒त्¦अध॑¦द्वि॒ता || |
| उप॑त्रि॒तस्य॑पा॒ष्यो॒३॑(ओ॒)रभ॑क्त॒यद्गुहा᳚प॒दम् |{अप्त्यस्त्रितः | पवमानः सोमः | उष्णिक्} य॒ज्ञस्य॑स॒प्तधाम॑भि॒रध॑प्रि॒यम्(स्वाहा᳚) || 2 || उप॑¦त्रि॒तस्य॑¦पा॒ष्योः᳚¦अभ॑क्त¦यत्¦गुहा᳚¦प॒दम् | य॒ज्ञस्य॑¦स॒प्त¦धाम॑ऽभिः¦अध॑¦प्रि॒यम् || |
| त्रीणि॑त्रि॒तस्य॒धार॑यापृ॒ष्ठेष्वेर॑यार॒यिम् |{अप्त्यस्त्रितः | पवमानः सोमः | उष्णिक्} मिमी᳚ते,अस्य॒योज॑ना॒विसु॒क्रतुः॒(स्वाहा᳚) || 3 || त्रीणि॑¦त्रि॒तस्य॑¦धार॑या¦पृ॒ष्ठेषु॑¦आ¦ई॒र॒य॒¦र॒यिम् | मिमी᳚ते¦अ॒स्य॒¦योज॑ना¦वि¦सु॒ऽक्रतुः॑ || |
| ज॒ज्ञा॒नंस॒प्तमा॒तरो᳚वे॒धाम॑शासतश्रि॒ये |{अप्त्यस्त्रितः | पवमानः सोमः | उष्णिक्} अ॒यंध्रु॒वोर॑यी॒णांचिके᳚त॒यत्(स्वाहा᳚) || 4 || ज॒ज्ञा॒नम्¦स॒प्त¦मा॒तरः॑¦वे॒धाम्¦अ॒शा॒स॒त॒¦श्रि॒ये | अ॒यम्¦ध्रु॒वः¦र॒यी॒णाम्¦चिके᳚त¦यत् || |
| अ॒स्यव्र॒तेस॒जोष॑सो॒विश्वे᳚दे॒वासो᳚,अ॒द्रुहः॑ |{अप्त्यस्त्रितः | पवमानः सोमः | उष्णिक्} स्पा॒र्हाभ॑वन्ति॒रन्त॑योजु॒षन्त॒यत्(स्वाहा᳚) || 5 || अ॒स्य¦व्र॒ते¦स॒ऽजोष॑सः¦विश्वे᳚¦दे॒वासः॑¦अ॒द्रुहः॑ | स्पा॒र्हाः¦भ॒व॒न्ति॒¦रन्त॑यः¦जु॒षन्त॑¦यत् || |
| यमी॒गर्भ॑मृता॒वृधो᳚दृ॒शेचारु॒मजी᳚जनन् |{अप्त्यस्त्रितः | पवमानः सोमः | उष्णिक्} क॒विंमंहि॑ष्ठमध्व॒रेपु॑रु॒स्पृह॒म्(स्वाहा᳚) || 6 || वर्ग:5 यम्¦ई॒मिति॑¦गर्भ᳚म्¦ऋ॒त॒ऽवृधः॑¦दृ॒शे¦चारु᳚म्¦अजी᳚जनन् | क॒विम्¦मंहि॑ष्ठम्¦अ॒ध्व॒रे¦पु॒रु॒ऽस्पृह᳚म् || |
| स॒मी॒ची॒ने,अ॒भित्मना᳚य॒ह्वी,ऋ॒तस्य॑मा॒तरा᳚ |{अप्त्यस्त्रितः | पवमानः सोमः | उष्णिक्} त॒न्वा॒नाय॒ज्ञमा᳚नु॒षग्यद᳚ञ्ज॒ते(स्वाहा᳚) || 7 || स॒मी॒ची॒ने इति॑ स॒म्ऽई॒ची॒ने¦अ॒भि¦त्मना᳚¦य॒ह्वी इति॑¦ऋ॒तस्य॑¦मा॒तरा᳚ | त॒न्वा॒नाः¦य॒ज्ञम्¦आ॒नु॒षक्¦यत्¦अं॒ज॒ते || |
| क्रत्वा᳚शु॒क्रेभि॑र॒क्षभि᳚रृ॒णोरप᳚व्र॒जंदि॒वः |{आप्त्यस्त्रितः | पवमानः सोमः | उष्णिक्} हि॒न्वन्नृ॒तस्य॒दीधि॑तिं॒प्राध्व॒रे(स्वाहा᳚) || 8 || क्रत्वा᳚¦शु॒क्रेभिः॑¦अ॒क्षऽभिः॑¦ऋ॒णोः¦अप॑¦व्र॒जम्¦दि॒वः | हि॒न्वन्¦ऋ॒तस्य॑¦दीदि॑तिम्¦प्र¦अ॒ध्व॒रे || |
| [60] प्रपुनानायेति षडृचस्य सूक्तस्याप्त्योद्वितः पवमानसोमउष्णिक् |{अष्टक:7, अध्याय:5}{मंडल:9, सूक्त:103}{अनुवाक:6, सूक्त:7} |
| प्रपु॑ना॒नाय॑वे॒धसे॒सोमा᳚य॒वच॒उद्य॑तम् |{आप्त्योद्वितः | पवमानः सोमः | उष्णिक्} भृ॒तिंनभ॑राम॒तिभि॒र्जुजो᳚षते॒(स्वाहा᳚) || 1 || वर्ग:6 प्र¦पु॒ना॒नाय॑¦वे॒धसे᳚¦सोमा᳚य¦वचः॑¦उत्ऽय॑तम् | भृ॒तिम्¦न¦भ॒र॒¦म॒तिऽभिः॑¦जुजो᳚षते || |
| परि॒वारा᳚ण्य॒व्यया॒गोभि॑रञ्जा॒नो,अ॑र्षति |{आप्त्योद्वितः | पवमानः सोमः | उष्णिक्} त्रीष॒धस्था᳚पुना॒नःकृ॑णुते॒हरिः॒(स्वाहा᳚) || 2 || परि॑¦वारा᳚णि¦अ॒व्यया᳚¦गोभिः॑¦अं॒जा॒नः¦अ॒र्ष॒ति॒ | त्री¦स॒धऽस्था᳚¦पु॒ना॒नः¦कृ॒णु॒ते॒¦हरिः॑ || |
| परि॒कोशं᳚मधु॒श्चुत॑म॒व्यये॒वारे᳚,अर्षति |{आप्त्योद्वितः | पवमानः सोमः | उष्णिक्} अ॒भिवाणी॒रृषी᳚णांस॒प्तनू᳚षत॒(स्वाहा᳚) || 3 || परि॑¦कोश᳚म्¦म॒धु॒ऽश्चुत᳚म्¦अ॒व्यये᳚¦वारे᳚¦अ॒र्ष॒ति॒ | अ॒भि¦वाणीः᳚¦ऋषी᳚णाम्¦स॒प्त¦नू॒ष॒त॒ || |
| परि॑णे॒ताम॑ती॒नांवि॒श्वदे᳚वो॒,अदा᳚भ्यः |{आप्त्योद्वितः | पवमानः सोमः | उष्णिक्} सोमः॑पुना॒नश्च॒म्वो᳚र्विश॒द्धरिः॒(स्वाहा᳚) || 4 || परि॑¦ने॒ता¦म॒ती॒नाम्¦वि॒श्वऽदे᳚वः¦अदा᳚भ्यः | सोमः॑¦पु॒ना॒नः¦च॒म्वोः᳚¦वि॒श॒त्¦हरिः॑ || |
| परि॒दैवी॒रनु॑स्व॒धा,इन्द्रे᳚णयाहिस॒रथ᳚म् |{आप्त्योद्वितः | पवमानः सोमः | उष्णिक्} पु॒ना॒नोवा॒घद्वा॒घद्भि॒रम॑र्त्यः॒(स्वाहा᳚) || 5 || परि॑¦दैवीः᳚¦अनु॑¦स्व॒धाः¦इन्द्रे᳚ण¦या॒हि॒¦स॒ऽरथ᳚म् | पु॒ना॒नः¦वा॒घत्¦वा॒घत्ऽभिः॑¦अम॑र्त्यः || |
| परि॒सप्ति॒र्नवा᳚ज॒युर्दे॒वोदे॒वेभ्यः॑सु॒तः |{आप्त्योद्वितः | पवमानः सोमः | उष्णिक्} व्या॒न॒शिःपव॑मानो॒विधा᳚वति॒(स्वाहा᳚) || 6 || परि॑¦सप्तिः॑¦न¦वा॒ज॒ऽयुः¦दे॒वः¦दे॒वेभ्यः॑¦सु॒तः | वि॒ऽआ॒न॒शिः¦पव॑मानः¦वि¦धा॒व॒ति॒ || |
| [61] सखायइति षडृचस्य सूक्तस्य काश्यपौपर्वतनारदौ पवमान सोमउष्णिक् (शिखंडिन्यावप्सरसौऋषिकेत्रपाक्षिकं किंचपर्वतनारदौकाण्वावपि) |{अष्टक:7, अध्याय:5}{मंडल:9, सूक्त:104}{अनुवाक:7, सूक्त:1} |
| सखा᳚य॒आनिषी᳚दतपुना॒नाय॒प्रगा᳚यत |{काश्यपौपर्वतनारदौ | पवमानः सोमः | उष्णिक्} शिशुं॒नय॒ज्ञैःपरि॑भूषतश्रि॒ये(स्वाहा᳚) || 1 || वर्ग:7 सखा᳚यः¦आ¦नि¦सी॒द॒त॒¦पु॒ना॒नाय॑¦प्र¦गा॒य॒त॒ | शिशु᳚म्¦न¦य॒ज्ञैः¦परि॑¦भू॒ष॒त॒¦श्रि॒ये || |
| समी᳚व॒त्संनमा॒तृभिः॑सृ॒जता᳚गय॒साध॑नम् |{काश्यपौपर्वतनारदौ | पवमानः सोमः | उष्णिक्} दे॒वा॒व्य१॑(अं॒)मद॑म॒भिद्विश॑वस॒म्(स्वाहा᳚) || 2 || सम्¦ई॒मिति॑¦व॒त्सम्¦न¦मा॒तृऽभिः॑¦सृ॒जत॑¦ग॒य॒ऽसाध॑नम् | दे॒व॒।आ॒व्य᳚म्¦मद᳚म्¦अ॒भि¦द्विऽश॑वसम् || |
| पु॒नाता᳚दक्ष॒साध॑नं॒यथा॒शर्धा᳚यवी॒तये᳚ |{काश्यपौपर्वतनारदौ | पवमानः सोमः | उष्णिक्} यथा᳚मि॒त्राय॒वरु॑णाय॒शंत॑मः॒(स्वाहा᳚) || 3 || पु॒नात॑¦द॒क्ष॒ऽसाध॑नम्¦यथा᳚¦शर्धा᳚य¦वी॒तये᳚ | यथा᳚¦मि॒त्राय॑¦वरु॑णाय¦शम्ऽत॑मः || |
| अ॒स्मभ्यं᳚त्वावसु॒विद॑म॒भिवाणी᳚रनूषत |{काश्यपौपर्वतनारदौ | पवमानः सोमः | उष्णिक्} गोभि॑ष्टे॒वर्ण॑म॒भिवा᳚सयामसि॒(स्वाहा᳚) || 4 || अ॒स्मभ्य᳚म्¦त्वा॒¦व॒सु॒ऽविद᳚म्¦अ॒भि¦वाणीः᳚¦अ॒नू॒ष॒त॒ | गोभिः॑¦ते॒¦वर्ण᳚म्¦अ॒भि¦वा॒स॒या॒म॒सि॒ || |
| सनो᳚मदानांपत॒इन्दो᳚दे॒वप्स॑रा,असि |{काश्यपौपर्वतनारदौ | पवमानः सोमः | उष्णिक्} सखे᳚व॒सख्ये᳚गातु॒वित्त॑मोभव॒(स्वाहा᳚) || 5 || सः¦नः॒¦म॒दा॒ना॒म्¦प॒ते॒¦इन्दो॒ इति॑¦दे॒वऽप्स॑राः¦अ॒सि॒ | सखा᳚ऽइव¦सख्ये᳚¦गा॒तु॒वित्ऽत॑मः¦भ॒व॒ || |
| सने᳚मिकृ॒ध्य१॑(अ॒)स्मदार॒क्षसं॒कंचि॑द॒त्रिण᳚म् |{काश्यपौपर्वतनारदौ | पवमानः सोमः | उष्णिक्} अपादे᳚वंद्व॒युमंहो᳚युयोधिनः॒(स्वाहा᳚) || 6 || सने᳚मि¦कृ॒धि¦अ॒स्मत्¦आ¦र॒क्षस᳚म्¦कम्¦चि॒त्¦अ॒त्रिण᳚म् | अप॑¦अदे᳚वम्¦द्व॒युम्¦अंहः॑¦यु॒यो॒धि॒¦नः॒ || |
| [62] तंवइति षडृचस्य सूक्तस्य पर्वतनारदौ पवमानसोमउष्णिक् |{अष्टक:7, अध्याय:5}{मंडल:9, सूक्त:105}{अनुवाक:7, सूक्त:2} |
| तंवः॑सखायो॒मदा᳚यपुना॒नम॒भिगा᳚यत |{पर्वतनारदौ | पवमानः सोमः | उष्णिक्} शिशुं॒नय॒ज्ञैःस्व॑दयन्तगू॒र्तिभिः॒(स्वाहा᳚) || 1 || वर्ग:8 तम्¦वः॒¦स॒खा॒यः॒¦मदा᳚य¦पु॒ना॒नम्¦अ॒भि¦गा॒य॒त॒ | शिशु᳚म्¦न¦य॒ज्ञैः¦स्व॒द॒य॒न्त॒¦गू॒र्तिऽभिः॑ || |
| संव॒त्सइ॑वमा॒तृभि॒रिन्दु᳚र्हिन्वा॒नो,अ॑ज्यते |{पर्वतनारदौ | पवमानः सोमः | उष्णिक्} दे॒वा॒वीर्मदो᳚म॒तिभिः॒परि॑ष्कृतः॒(स्वाहा᳚) || 2 || सम्¦व॒त्सःऽइ᳚व¦मा॒तृऽभिः॑¦इन्दुः॑¦हि॒न्वा॒नः¦अ॒ज्य॒ते॒ | दे॒व॒।आ॒वीः¦मदः॑¦म॒तिऽभिः॑¦परि॑ऽकृतः || |
| अ॒यंदक्षा᳚य॒साध॑नो॒ऽयंशर्धा᳚यवी॒तये᳚ |{पर्वतनारदौ | पवमानः सोमः | उष्णिक्} अ॒यंदे॒वेभ्यो॒मधु॑मत्तमःसु॒तः(स्वाहा᳚) || 3 || अ॒यम्¦दक्षा᳚य¦साध॑नः¦अ॒यम्¦शर्धा᳚य¦वी॒तये᳚ | अ॒यम्¦दे॒वेभ्यः॑¦मधु॑मत्ऽतमः¦सु॒तः || |
| गोम᳚न्नइन्दो॒,अश्व॑वत्सु॒तःसु॑दक्षधन्व |{पर्वतनारदौ | पवमानः सोमः | उष्णिक्} शुचिं᳚ते॒वर्ण॒मधि॒गोषु॑दीधर॒म्(स्वाहा᳚) || 4 || गोऽम॑त्¦नः॒¦इ॒न्दो॒ इति॑¦अश्व॑ऽवत्¦सु॒तः¦सु॒ऽद॒क्ष॒¦ध॒न्व॒ | शुचि᳚म्¦ते॒¦वर्ण᳚म्¦अधि॑¦गोषु॑¦दी॒ध॒र॒म् || |
| सनो᳚हरीणांपत॒इन्दो᳚दे॒वप्स॑रस्तमः |{पर्वतनारदौ | पवमानः सोमः | उष्णिक्} सखे᳚व॒सख्ये॒नर्यो᳚रु॒चेभ॑व॒(स्वाहा᳚) || 5 || सः¦नः॒¦ह॒री॒णा॒म्¦प॒ते॒¦इन्दो॒ इति॑¦दे॒वप्स॑रःऽतमः | सखा᳚ऽइव¦सख्ये᳚¦नर्यः॑¦रु॒चे¦भ॒व॒ || |
| सने᳚मि॒त्वम॒स्मदाँ,अदे᳚वं॒कंचि॑द॒त्रिण᳚म् |{पर्वतनारदौ | पवमानः सोमः | उष्णिक्} सा॒ह्वाँ,इ᳚न्दो॒परि॒बाधो॒,अप॑द्व॒युम्(स्वाहा᳚) || 6 || सने᳚मि¦त्वम्¦अ॒स्मत्¦आ¦अदे᳚वम्¦कम्¦चि॒त्¦अ॒त्रिण᳚म् | सा॒ह्वान्¦इ॒न्दो॒ इति॑¦परि॑¦बाधः॑¦अप॑¦द्व॒युम् || |
| [63] इंद्रमच्छेति चतुर्दशर्चस्यसूक्तस्याद्यानांतिसृणां चाक्षुषोग्निः चतुर्थ्यादितिसृणां मानवश्चक्षुः सप्तम्यादितिसृणामाप्सवोमनुः दशम्यादिपंचानां चाक्षुषोग्निः पवमान सोमउष्णिक् |{अष्टक:7, अध्याय:5}{मंडल:9, सूक्त:106}{अनुवाक:7, सूक्त:3} |
| इन्द्र॒मच्छ॑सु॒ता,इ॒मेवृष॑णंयन्तु॒हर॑यः |{चाक्षुषोग्निः | पवमानः सोमः | उष्णिक्} श्रु॒ष्टीजा॒तास॒इन्द॑वःस्व॒र्विदः॒(स्वाहा᳚) || 1 || वर्ग:9 इन्द्र᳚म्¦अच्छ॑¦सु॒ताः¦इ॒मे¦वृष॑णम्¦य॒न्तु॒¦हर॑यः | श्रु॒ष्टी¦जा॒तासः॑¦इन्द॑वः¦स्वः॒ऽविदः॑ || |
| अ॒यंभरा᳚यसान॒सिरिन्द्रा᳚यपवतेसु॒तः |{चाक्षुषोग्निः | पवमानः सोमः | उष्णिक्} सोमो॒जैत्र॑स्यचेतति॒यथा᳚वि॒दे(स्वाहा᳚) || 2 || अ॒यम्¦भरा᳚य¦सा॒न॒सिः¦इन्द्रा᳚य¦प॒व॒ते॒¦सु॒तः | सोमः॑¦जैत्र॑स्य¦चे॒त॒ति॒¦यथा᳚¦वि॒दे || |
| अ॒स्येदिन्द्रो॒मदे॒ष्वाग्रा॒भंगृ॑भ्णीतसान॒सिम् |{चाक्षुषोग्निः | पवमानः सोमः | उष्णिक्} वज्रं᳚च॒वृष॑णंभर॒त्सम॑प्सु॒जित्(स्वाहा᳚) || 3 || अ॒स्य¦इत्¦इन्द्रः॑¦मदे᳚षु¦आ¦ग्रा॒भम्¦गृ॒भ्णी॒त॒¦सा॒न॒सिम् | वज्र᳚म्¦च॒¦वृष॑णम्¦भ॒र॒त्¦सम्¦अ॒प्सु॒ऽजित् || |
| प्रध᳚न्वासोम॒जागृ॑वि॒रिन्द्रा᳚येन्दो॒परि॑स्रव |{मानवश्चक्षुः | पवमानः सोमः | उष्णिक्} द्यु॒मन्तं॒शुष्म॒माभ॑रास्व॒र्विद॒म्(स्वाहा᳚) || 4 || प्र¦ध॒न्व॒¦सो॒म॒¦जागृ॑विः¦इन्द्रा᳚य¦इ॒न्दो॒ इति॑¦परि॑¦स्र॒व॒ | द्यु॒ऽमन्त᳚म्¦शुष्म᳚म्¦आ¦भ॒र॒¦स्वः॒ऽविद᳚म् || |
| इन्द्रा᳚य॒वृष॑णं॒मदं॒पव॑स्ववि॒श्वद॑र्शतः |{मानवश्चक्षुः | पवमानः सोमः | उष्णिक्} स॒हस्र॑यामापथि॒कृद्वि॑चक्ष॒णः(स्वाहा᳚) || 5 || इन्द्रा᳚य¦वृष॑णम्¦मद᳚म्¦पव॑स्व¦वि॒श्वऽद॑र्शतः | स॒हस्र॑ऽयामा¦प॒थि॒ऽकृत्¦वि॒ऽच॒क्ष॒णः || |
| अ॒स्मभ्यं᳚गातु॒वित्त॑मोदे॒वेभ्यो॒मधु॑मत्तमः |{मानवश्चक्षुः | पवमानः सोमः | उष्णिक्} स॒हस्रं᳚याहिप॒थिभिः॒कनि॑क्रद॒त्(स्वाहा᳚) || 6 || वर्ग:10 अ॒स्मभ्य᳚म्¦गा॒तु॒वित्ऽत॑मः¦दे॒वेभ्यः॑¦मधु॑मत्ऽतमः | स॒हस्र᳚म्¦या॒हि॒¦प॒थिऽभिः॑¦कनि॑क्रदत् || |
| पव॑स्वदे॒ववी᳚तय॒इन्दो॒धारा᳚भि॒रोज॑सा |{अप्सवो मनुः | पवमानः सोमः | उष्णिक्} आक॒लशं॒मधु॑मान्त्सोमनःसदः॒(स्वाहा᳚) || 7 || पव॑स्व¦दे॒वऽवी᳚तये¦इन्दो॒ इति॑¦धारा᳚भिः¦ओज॑सा | आ¦क॒लश᳚म्¦मधु॑ऽमान्¦सो॒म॒¦नः॒¦स॒दः॒ || |
| तव॑द्र॒प्सा,उ॑द॒प्रुत॒इन्द्रं॒मदा᳚यवावृधुः |{अप्सवो मनुः | पवमानः सोमः | उष्णिक्} त्वांदे॒वासो᳚,अ॒मृता᳚य॒कंप॑पुः॒(स्वाहा᳚) || 8 || तव॑¦द्र॒प्साः¦उ॒द॒ऽप्रुतः॑¦इन्द्र᳚म्¦मदा᳚य¦व॒वृ॒धुः॒ | त्वाम्¦दे॒वासः॑¦अ॒मृता᳚य¦कम्¦प॒पुः॒ || |
| आनः॑सुतासइन्दवःपुना॒नाधा᳚वतार॒यिम् |{अप्सवो मनुः | पवमानः सोमः | उष्णिक्} वृ॒ष्टिद्या᳚वोरीत्यापःस्व॒र्विदः॒(स्वाहा᳚) || 9 || आ¦नः॒¦सु॒ता॒सः॒¦इ॒न्द॒वः॒¦पु॒ना॒नाः¦धा॒व॒त॒¦र॒यिम् | वृ॒ष्टिऽद्या᳚वः¦री॒ति॒ऽआ॒पः॒¦स्वः॒ऽविदः॑ || |
| सोमः॑पुना॒नऊ॒र्मिणाव्यो॒वारं॒विधा᳚वति |{चाक्षुषोग्निः | पवमानः सोमः | उष्णिक्} अग्रे᳚वा॒चःपव॑मानः॒कनि॑क्रद॒त्(स्वाहा᳚) || 10 || सोमः॑¦पु॒ना॒नः¦ऊ॒र्मिणा᳚¦अव्यः॑¦वार᳚म्¦वि¦धा॒व॒ति॒ | अग्रे᳚¦वा॒चः¦पव॑मानः¦कनि॑क्रदत् || |
| धी॒भिर्हि᳚न्वन्तिवा॒जिनं॒वने॒क्रीळ᳚न्त॒मत्य॑विम् |{चाक्षुषोग्निः | पवमानः सोमः | उष्णिक्} अ॒भित्रि॑पृ॒ष्ठंम॒तयः॒सम॑स्वर॒न्(स्वाहा᳚) || 11 || वर्ग:11 धी॒भिः¦हि॒न्व॒न्ति॒¦वा॒जिन᳚म्¦वने᳚¦क्रीळ᳚न्तम्¦अति॑।आविम् | अ॒भि¦त्रि॒ऽपृ॒ष्ठम्¦म॒तयः॑¦सम्¦अ॒स्व॒र॒न् || |
| अस॑र्जिक॒लशाँ᳚,अ॒भिमी॒ळ्हेसप्ति॒र्नवा᳚ज॒युः |{चाक्षुषोग्निः | पवमानः सोमः | उष्णिक्} पु॒ना॒नोवाचं᳚ज॒नय᳚न्नसिष्यद॒त्(स्वाहा᳚) || 12 || अस॑र्जि¦क॒लशा᳚न्¦अ॒भि¦मी॒ळ्हे¦सप्तिः॑¦न¦वा॒ज॒ऽयुः | पु॒ना॒नः¦वाच᳚म्¦ज॒नय॑न्¦अ॒सि॒स्य॒द॒त् || |
| पव॑तेहर्य॒तोहरि॒रति॒ह्वरां᳚सि॒रंह्या᳚ |{चाक्षुषोग्निः | पवमानः सोमः | उष्णिक्} अ॒भ्यर्ष᳚न्त्स्तो॒तृभ्यो᳚वी॒रव॒द्यशः॒(स्वाहा᳚) || 13 || पव॑ते¦ह॒र्य॒तः¦हरिः॑¦अति॑¦ह्वरां᳚सि¦रंह्या᳚ | अ॒भि॒।आर्ष॑न्¦स्तो॒तृऽभ्यः॑¦वी॒रऽव॑त्¦यशः॑ || |
| अ॒याप॑वस्वदेव॒युर्मधो॒र्धारा᳚,असृक्षत |{चाक्षुषोग्निः | पवमानः सोमः | उष्णिक्} रेभ᳚न्प॒वित्रं॒पर्ये᳚षिवि॒श्वतः॒(स्वाहा᳚) || 14 || अ॒या¦प॒व॒स्व॒¦दे॒व॒ऽयुः¦मधोः᳚¦धाराः᳚¦अ॒सृ॒क्ष॒त॒ | रेभ॑न्¦प॒वित्र᳚म्¦परि॑¦ए॒षि॒¦वि॒श्वतः॑ || |
| [64] परीतइति षड्विंशत्यृचस्य सूक्तस्य बार्हस्पत्यो भरद्वाजो मारीचः कश्यपो राहूगणो गोतमोभौमोत्रिर्गाथिनो विश्वामित्रो भार्गवोजमदग्निः मैत्रावरुणिर्वसिष्ट ऋषयः पवमान सोमोदेवता आद्याचतुर्थीषष्ट्यष्टमी नवमीदशमी द्वादशी चतुर्दश्यः सप्तदश्यायश्चयुजः बृहत्यः द्वितीयापंचमी सप्तम्येकादशी त्रयोदशी पंचदश्योष्टादश्यादि युजश्चसतोबृहत्यः षोडशीचद्विपदाविराट् |{अष्टक:7, अध्याय:5}{मंडल:9, सूक्त:107}{अनुवाक:7, सूक्त:4} |
| परी॒तोषि᳚ञ्चतासु॒तंसोमो॒यउ॑त्त॒मंह॒विः |{सप्तर्षयः | पवमानः सोमः | बृहती} द॒ध॒न्वाँऽयोनर्यो᳚,अ॒प्स्व१॑(अ॒)न्तरासु॒षाव॒सोम॒मद्रि॑भिः॒(स्वाहा᳚) || 1 || वर्ग:12 परि॑¦इ॒तः¦सिं॒च॒त॒¦सु॒तम्¦सोमः॑¦यः¦उ॒त्ऽत॒मम्¦ह॒विः | |
| नू॒नंपु॑ना॒नोऽवि॑भिः॒परि॑स्र॒वाद॑ब्धःसुर॒भिन्त॑रः |{सप्तर्षयः | पवमानः सोमः | सतोबृहती} सु॒तेचि॑त्त्वा॒प्सुम॑दामो॒,अन्ध॑साश्री॒णन्तो॒गोभि॒रुत्त॑र॒म्(स्वाहा᳚) || 2 || नू॒नम्¦पु॒ना॒नः¦अवि॑ऽभिः¦परि॑¦स्र॒व॒¦अद॑ब्धः¦सु॒र॒भिम्ऽत॑रः | |
| परि॑सुवा॒नश्चक्ष॑सेदेव॒माद॑नः॒क्रतु॒रिन्दु᳚र्विचक्ष॒णः(स्वाहा᳚) || {सप्तर्षयः | पवमानः सोमः | बृहती}3 || |
| पु॒ना॒नःसो᳚म॒धार॑या॒पोवसा᳚नो,अर्षसि |{सप्तर्षयः | पवमानः सोमः | सतोबृहती} आर॑त्न॒धायोनि॑मृ॒तस्य॑सीद॒स्युत्सो᳚देवहिर॒ण्ययः॒(स्वाहा᳚) || 4 || पु॒ना॒नः¦सो॒म॒¦धार॑या¦अ॒पः¦वसा᳚नः¦अ॒र्ष॒सि॒ | |
| दु॒हा॒नऊध॑र्दि॒व्यंमधु॑प्रि॒यंप्र॒त्नंस॒धस्थ॒मास॑दत् |{सप्तर्षयः | पवमानः सोमः | बृहती} आ॒पृच्छ्यं᳚ध॒रुणं᳚वा॒ज्य॑र्षति॒नृभि॑र्धू॒तोवि॑चक्ष॒णः(स्वाहा᳚) || 5 || दु॒हा॒नः¦ऊधः॑¦दि॒व्यम्¦मधु॑¦प्रि॒यम्¦प्र॒त्नम्¦स॒धऽस्थ᳚म्¦आ¦अ॒स॒द॒त् | |
| पु॒ना॒नःसो᳚म॒जागृ॑वि॒रव्यो॒वारे॒परि॑प्रि॒यः |{सप्तर्षयः | पवमानः सोमः | सतोबृहती} त्वंविप्रो᳚,अभ॒वोऽङ्गि॑रस्तमो॒मध्वा᳚य॒ज्ञंमि॑मिक्षनः॒(स्वाहा᳚) || 6 || वर्ग:13 पु॒ना॒नः¦सो॒म॒¦जागृ॑विः¦अव्यः॑¦वारे᳚¦परि॑¦प्रि॒यः | |
| सोमो᳚मी॒ढ्वान्प॑वतेगातु॒वित्त॑म॒ऋषि॒र्विप्रो᳚विचक्ष॒णः |{सप्तर्षयः | पवमानः सोमः | बृहती} त्वंक॒विर॑भवोदेव॒वीत॑म॒आसूर्यं᳚रोहयोदि॒वि(स्वाहा᳚) || 7 || सोमः॑¦मी॒ढ्वान्¦प॒व॒ते॒¦गा॒तु॒वित्ऽत॑मः¦ऋषिः॑¦विप्रः॑¦वि॒ऽच॒क्ष॒णः | |
| सोम॑उषुवा॒णःसो॒तृभि॒रधि॒ष्णुभि॒रवी᳚नाम् |{सप्तर्षयः | पवमानः सोमः | सतोबृहती} अश्व॑येवह॒रिता᳚याति॒धार॑याम॒न्द्रया᳚याति॒धार॑या॒(स्वाहा᳚) || 8 || सोमः॑¦ऊँ॒ इति॑¦सु॒वा॒नः¦सो॒तृऽभिः॑¦अधि॑¦स्नुऽभिः॑¦अवी᳚नाम् | |
| अ॒नू॒पेगोमा॒न्गोभि॑रक्षाः॒सोमो᳚दु॒ग्धाभि॑रक्षाः |{सप्तर्षयः | पवमानः सोमः | बृहती} स॒मु॒द्रंनसं॒वर॑णान्यग्मन्म॒न्दीमदा᳚यतोशते॒(स्वाहा᳚) || 9 || अ॒नू॒पे¦गोऽमा᳚न्¦गोभिः॑¦अ॒क्षा॒रिति॑¦सोमः॑¦दु॒ग्धाभिः॑¦अ॒क्षा॒रिति॑ | |
| आसो᳚मसुवा॒नो,अद्रि॑भिस्ति॒रोवारा᳚ण्य॒व्यया᳚ |{सप्तर्षयः | पवमानः सोमः | सतोबृहती} जनो॒नपु॒रिच॒म्वो᳚र्विश॒द्धरिः॒सदो॒वने᳚षुदधिषे॒(स्वाहा᳚) || 10 || आ¦सो॒म॒¦सु॒वा॒नः¦अद्रि॑ऽभिः¦ति॒रः¦वारा᳚णि¦अ॒व्यया᳚ | |
| समा᳚मृजेति॒रो,अण्वा᳚निमे॒ष्यो᳚मी॒ळ्हेसप्ति॒र्नवा᳚ज॒युः |{सप्तर्षयः | पवमानः सोमः | बृहती} अ॒नु॒माद्यः॒पव॑मानोमनी॒षिभिः॒सोमो॒विप्रे᳚भि॒रृक्व॑भिः॒(स्वाहा᳚) || 11 || वर्ग:14 सः¦म॒मृ॒जे॒¦ति॒रः¦अण्वा᳚नि¦मे॒ष्यः॑¦मी॒ळ्हे¦सप्तिः॑¦न¦वा॒ज॒ऽयुः | |
| प्रसो᳚मदे॒ववी᳚तये॒सिन्धु॒र्नपि॑प्ये॒,अर्ण॑सा |{सप्तर्षयः | पवमानः सोमः | सतोबृहती} अं॒शोःपय॑सामदि॒रोनजागृ॑वि॒रच्छा॒कोशं᳚मधु॒श्चुत॒म्(स्वाहा᳚) || 12 || प्र¦सो॒म॒¦दे॒वऽवी᳚तये¦सिन्धुः॑¦न¦पि॒प्ये॒¦अर्ण॑सा | |
| आह᳚र्य॒तो,अर्जु॑ने॒,अत्के᳚,अव्यतप्रि॒यःसू॒नुर्नमर्ज्यः॑ |{सप्तर्षयः | पवमानः सोमः | बृहती} तमीं᳚हिन्वन्त्य॒पसो॒यथा॒रथं᳚न॒दीष्वागभ॑स्त्योः॒(स्वाहा᳚) || 13 || आ¦ह॒र्य॒तः¦अर्जु॑ने¦अत्के᳚¦अ॒व्य॒त॒¦प्रि॒यः¦सू॒नुः¦न¦मर्ज्यः॑ | |
| अ॒भिसोमा᳚सआ॒यवः॒पव᳚न्ते॒मद्यं॒मद᳚म् |{सप्तर्षयः | पवमानः सोमः | सतोबृहती} स॒मु॒द्रस्याधि॑वि॒ष्टपि॑मनी॒षिणो᳚मत्स॒रासः॑स्व॒र्विदः॒(स्वाहा᳚) || 14 || अ॒भि¦सोमा᳚सः¦आ॒यवः॑¦पव᳚न्ते¦मद्य᳚म्¦मद᳚म् | |
| तर॑त्समु॒द्रंपव॑मानऊ॒र्मिणा॒राजा᳚दे॒वऋ॒तंबृ॒हत् |{सप्तर्षयः | पवमानः सोमः | बृहती} अर्ष᳚न्मि॒त्रस्य॒वरु॑णस्य॒धर्म॑णा॒प्रहि᳚न्वा॒नऋ॒तंबृ॒हत्(स्वाहा᳚) || 15 || तर॑त्¦स॒मु॒द्रम्¦पव॑मानः¦ऊ॒र्मिणा᳚¦राजा᳚¦दे॒वः¦ऋ॒तम्¦बृ॒हत् | |
| नृभि᳚र्येमा॒नोह᳚र्य॒तोवि॑चक्ष॒णोराजा᳚दे॒वःस॑मु॒द्रियः॒(स्वाहा᳚) || {सप्तर्षयः | पवमानः सोमः | द्विपदाविराट्}16 || वर्ग:15 नृऽभिः॑¦ये॒मा॒नः¦ह॒र्य॒तः¦वि॒ऽच॒क्ष॒णः¦राजा᳚¦दे॒वः¦स॒मु॒द्रियः॑ || |
| इन्द्रा᳚यपवते॒मदः॒सोमो᳚म॒रुत्व॑तेसु॒तः |{सप्तर्षयः | पवमानः सोमः | बृहती} स॒हस्र॑धारो॒,अत्यव्य॑मर्षति॒तमी᳚मृजन्त्या॒यवः॒(स्वाहा᳚) || 17 || इन्द्रा᳚य¦प॒व॒ते॒¦मदः॑¦सोमः॑¦म॒रुत्व॑ते¦सु॒तः | |
| पु॒ना॒नश्च॒मूज॒नय᳚न्म॒तिंक॒विःसोमो᳚दे॒वेषु॑रण्यति |{सप्तर्षयः | पवमानः सोमः | सतोबृहती} अ॒पोवसा᳚नः॒परि॒गोभि॒रुत्त॑रः॒सीद॒न्वने᳚ष्वव्यत॒(स्वाहा᳚) || 18 || पु॒ना॒नः¦च॒मू इति॑¦ज॒नय॑न्¦म॒तिम्¦क॒विः¦सोमः॑¦दे॒वेषु॑¦र॒ण्य॒ति॒ | |
| तवा॒हंसो᳚मरारणस॒ख्यइ᳚न्दोदि॒वेदि॑वे |{सप्तर्षयः | पवमानः सोमः | बृहती} पु॒रूणि॑बभ्रो॒निच॑रन्ति॒मामव॑परि॒धीँरति॒ताँ,इ॑हि॒(स्वाहा᳚) || 19 || तव॑¦अ॒हम्¦सो॒म॒¦र॒र॒ण॒¦स॒ख्ये¦इ॒न्दो॒ इति॑¦दि॒वेऽदि॑वे | |
| उ॒ताहंनक्त॑मु॒तसो᳚मते॒दिवा᳚स॒ख्याय॑बभ्र॒ऊध॑नि |{सप्तर्षयः | पवमानः सोमः | सतोबृहती} घृ॒णातप᳚न्त॒मति॒सूर्यं᳚प॒रःश॑कु॒ना,इ॑वपप्तिम॒(स्वाहा᳚) || 20 || उ॒त¦अ॒हम्¦नक्त᳚म्¦उ॒त¦सो॒म॒¦ते॒¦दिवा᳚¦स॒ख्याय॑¦ब॒भ्रो॒ इति॑¦ऊध॑नि | |
| मृ॒ज्यमा᳚नःसुहस्त्यसमु॒द्रेवाच॑मिन्वसि |{सप्तर्षयः | पवमानः सोमः | बृहती} र॒यिंपि॒शङ्गं᳚बहु॒लंपु॑रु॒स्पृहं॒पव॑माना॒भ्य॑र्षसि॒(स्वाहा᳚) || 21 || वर्ग:16 मृ॒ज्यमा᳚नः¦सु॒ऽह॒स्त्य॒¦स॒मु॒द्रे¦वाच᳚म्¦इ॒न्व॒सि॒ | |
| मृ॒जा॒नोवारे॒पव॑मानो,अ॒व्यये॒वृषाव॑चक्रदो॒वने᳚ |{सप्तर्षयः | पवमानः सोमः | सतोबृहती} दे॒वानां᳚सोमपवमाननिष्कृ॒तंगोभि॑रञ्जा॒नो,अ॑र्षसि॒(स्वाहा᳚) || 22 || मृ॒जा॒नः¦वारे᳚¦पव॑मानः¦अ॒व्यये᳚¦वृषा᳚¦अव॑¦च॒क्र॒दः॒¦वने᳚ | |
| पव॑स्व॒वाज॑सातये॒ऽभिविश्वा᳚नि॒काव्या᳚ |{सप्तर्षयः | पवमानः सोमः | बृहती} त्वंस॑मु॒द्रंप्र॑थ॒मोविधा᳚रयोदे॒वेभ्यः॑सोममत्स॒रः(स्वाहा᳚) || 23 || पव॑स्व¦वाज॑ऽसातये¦अ॒भि¦विश्वा᳚नि¦काव्या᳚ | |
| सतूप॑वस्व॒परि॒पार्थि॑वं॒रजो᳚दि॒व्याच॑सोम॒धर्म॑भिः |{सप्तर्षयः | पवमानः सोमः | सतोबृहती} त्वांविप्रा᳚सोम॒तिभि᳚र्विचक्षणशु॒भ्रंहि᳚न्वन्तिधी॒तिभिः॒(स्वाहा᳚) || 24 || सः¦तु¦प॒व॒स्व॒¦परि॑¦पार्थि॑वम्¦रजः॑¦दि॒व्या¦च॒¦सो॒म॒¦धर्म॑ऽभिः | |
| पव॑माना,असृक्षतप॒वित्र॒मति॒धार॑या |{सप्तर्षयः | पवमानः सोमः | बृहती} म॒रुत्व᳚न्तोमत्स॒रा,इ᳚न्द्रि॒याहया᳚मे॒धाम॒भिप्रयां᳚सिच॒(स्वाहा᳚) || 25 || पव॑मानाः¦अ॒सृ॒क्ष॒त॒¦प॒वित्र᳚म्¦अति॑¦धार॑या | |
| अ॒पोवसा᳚नः॒परि॒कोश॑मर्ष॒तीन्दु᳚र्हिया॒नःसो॒तृभिः॑ |{सप्तर्षयः | पवमानः सोमः | सतोबृहती} ज॒नय॒ञ्ज्योति᳚र्म॒न्दना᳚,अवीवश॒द्गाःकृ᳚ण्वा॒नोननि॒र्णिज॒म्(स्वाहा᳚) || 26 || अ॒पः¦वसा᳚नः¦परि॑¦कोश᳚म्¦अ॒र्ष॒ति॒¦इन्दुः॑¦हि॒या॒नः¦सो॒तृऽभिः॑ | |
| [65] पवस्वेति षोळशर्चस्य सूक्तस्याद्ययोर्द्वयोः शाक्तयोगौरिवीतिः तृतीयायावसिष्ठःशक्तिः चतुर्थ्यादिद्वयोरांगिरसउरुः षष्ठ्यादिद्वयोर्भारद्वाजऋजिश्वः अष्टम्यादिद्वयोरांगिरस ऊर्ध्वसद्मः दशम्यादिद्वयोरांगिरसः कृतयशः द्वादश्यादिद्वयोरृणंचयः चतुर्दश्यादितिसृणांवासिष्ठःशक्तिः इत्य ऋषयः पवमानसोमोदेवता अयुजः ककुभो युजःसतोबृहत्यः ससुन्वेय इति यवमध्यागायत्री |{अष्टक:7, अध्याय:5}{मंडल:9, सूक्त:108}{अनुवाक:7, सूक्त:5} |
| पव॑स्व॒मधु॑मत्तम॒इन्द्रा᳚यसोमक्रतु॒वित्त॑मो॒मदः॑ |{शाक्तयोगौरिवीतिः | पवमानः सोमः | ककुभः} महि॑द्यु॒क्षत॑मो॒मदः॒(स्वाहा᳚) || 1 || वर्ग:17 पव॑स्व¦मधु॑मत्ऽतमः¦इन्द्रा᳚य¦सो॒म॒¦क्र॒तु॒वित्ऽत॑मः¦मदः॑ | महि॑¦द्यु॒क्षऽत॑मः¦मदः॑ || |
| यस्य॑तेपी॒त्वावृ॑ष॒भोवृ॑षा॒यते॒ऽस्यपी॒तास्व॒र्विदः॑ |{शाक्तयोगौरिवीतिः | पवमानः सोमः | सतोबृहती} ससु॒प्रके᳚तो,अ॒भ्य॑क्रमी॒दिषोऽच्छा॒वाजं॒नैत॑शः॒(स्वाहा᳚) || 2 || यस्य॑¦ते॒¦पी॒त्वा¦वृ॒ष॒भः¦वृ॒ष॒ऽयते᳚¦अ॒स्य¦पी॒ता¦स्वः॒ऽविदः॑ | |
| त्वंह्य१॑(अ॒)ङ्गदैव्या॒पव॑मान॒जनि॑मानिद्यु॒मत्त॑मः |{वसिष्ठःशक्तिः | पवमानः सोमः | ककुभः} अ॒मृ॒त॒त्वाय॑घो॒षयः॒(स्वाहा᳚) || 3 || त्वम्¦हि¦अ॒ङ्ग¦दैव्या᳚¦पव॑मान¦जनि॑मानि¦द्यु॒मत्ऽत॑मः | अ॒मृ॒त॒ऽत्वाय॑¦घो॒षयः॑ || |
| येना॒नव॑ग्वोद॒ध्यङ्ङ॑पोर्णु॒तेयेन॒विप्रा᳚सआपि॒रे |{आङ्गिरस उरुः | पवमानः सोमः | सतोबृहती} दे॒वानां᳚सु॒म्ने,अ॒मृत॑स्य॒चारु॑णो॒येन॒श्रवां᳚स्यान॒शुः(स्वाहा᳚) || 4 || येन॑¦नव॑ऽग्वः¦द॒ध्यङ्¦अ॒प॒ऽऊ॒र्णु॒ते¦येन॑¦विप्रा᳚सः¦आ॒पि॒रे | |
| ए॒षस्यधार॑यासु॒तोऽव्यो॒वारे᳚भिःपवतेम॒दिन्त॑मः |{आङ्गिरस उरुः | पवमानः सोमः | ककुभः} क्रीळ᳚न्नू॒र्मिर॒पामि॑व॒(स्वाहा᳚) || 5 || ए॒षः¦स्यः¦धार॑या¦सु॒तः¦अव्यः॑¦वारे᳚भिः¦प॒व॒ते॒¦म॒दिन्ऽत॑मः | क्रीळ॑न्¦ऊ॒र्मिः¦अ॒पाम्ऽइ᳚व || |
| यउ॒स्रिया॒,अप्या᳚,अ॒न्तरश्म॑नो॒निर्गा,अकृ᳚न्त॒दोज॑सा |{भारद्वाजऋजिश्वः | पवमानः सोमः | सतोबृहती} अ॒भिव्र॒जंत॑त्निषे॒गव्य॒मश्व्यं᳚व॒र्मीव॑धृष्ण॒वारु॑ज॒(स्वाहा᳚) || 6 || वर्ग:18 यः¦उ॒स्रियाः᳚¦अप्याः᳚¦अ॒न्तः¦अश्म॑नः¦निः¦गाः¦अकृ᳚न्तत्¦ओज॑सा | |
| आसो᳚ता॒परि॑षिञ्च॒ताश्वं॒नस्तोम॑म॒प्तुरं᳚रज॒स्तुर᳚म् |{भारद्वाजऋजिश्वः | पवमानः सोमः | ककुभः} व॒न॒क्र॒क्षमु॑द॒प्रुत॒म्(स्वाहा᳚) || 7 || आ¦सो॒त॒¦परि॑¦सिं॒च॒त॒¦अश्व᳚म्¦न¦स्तोम᳚म्¦अ॒प्ऽतुर᳚म्¦र॒जः॒ऽतुर᳚म् | व॒न॒ऽक्र॒क्षम्¦उ॒द॒ऽप्रुत᳚म् || |
| स॒हस्र॑धारंवृष॒भंप॑यो॒वृधं᳚प्रि॒यंदे॒वाय॒जन्म॑ने |{आंगिरस ऊर्ध्वसद्मः | पवमानः सोमः | सतोबृहती} ऋ॒तेन॒यऋ॒तजा᳚तोविवावृ॒धेराजा᳚दे॒वऋ॒तंबृ॒हत्(स्वाहा᳚) || 8 || स॒हस्र॑ऽधारम्¦वृ॒ष॒भम्¦प॒यः॒ऽवृध᳚म्¦प्रि॒यम्¦दे॒वाय॑¦जन्म॑ने | |
| अ॒भिद्यु॒म्नंबृ॒हद्यश॒इष॑स्पतेदिदी॒हिदे᳚वदेव॒युः |{आंगिरस ऊर्ध्वसद्मः | पवमानः सोमः | ककुभः} विकोशं᳚मध्य॒मंयु॑व॒(स्वाहा᳚) || 9 || अ॒भि¦द्यु॒म्नम्¦बृ॒हत्¦यशः॑¦इषः॑¦प॒ते॒¦दि॒दी॒हि¦दे॒व॒¦दे॒व॒ऽयुः | वि¦कोश᳚म्¦म॒ध्य॒मम्¦यु॒व॒ || |
| आव॑च्यस्वसुदक्षच॒म्वोः᳚सु॒तोवि॒शांवह्नि॒र्नवि॒श्पतिः॑ |{आंगिरसः कृतयशः | पवमानः सोमः | सतोबृहती} वृ॒ष्टिंदि॒वःप॑वस्वरी॒तिम॒पांजिन्वा॒गवि॑ष्टये॒धियः॒(स्वाहा᳚) || 10 || आ¦व॒च्य॒स्व॒¦सु॒ऽद॒क्ष॒¦च॒म्वोः᳚¦सु॒तः¦वि॒शाम्¦वह्निः॑¦न¦वि॒श्पतिः॑ | |
| ए॒तमु॒त्यंम॑द॒च्युतं᳚स॒हस्र॑धारंवृष॒भंदिवो᳚दुहुः |{आंगिरसः कृतयशः | पवमानः सोमः | ककुभः} विश्वा॒वसू᳚नि॒बिभ्र॑त॒म्(स्वाहा᳚) || 11 || वर्ग:19 ए॒तम्¦ऊँ॒ इति॑¦त्यम्¦म॒द॒ऽच्युत᳚म्¦स॒हस्र॑ऽधारम्¦वृ॒ष॒भम्¦दिवः॑¦दु॒हुः॒ | विश्वा᳚¦वसू᳚नि¦बिभ्र॑तम् || |
| वृषा॒विज॑ज्ञेज॒नय॒न्नम॑र्त्यःप्र॒तप॒ञ्ज्योति॑षा॒तमः॑ |{ऋणंचयः | पवमानः सोमः | सतोबृहती} ससुष्टु॑तःक॒विभि᳚र्नि॒र्णिजं᳚दधेत्रि॒धात्व॑स्य॒दंस॑सा॒(स्वाहा᳚) || 12 || वृषा᳚¦वि¦ज॒ज्ञे॒¦ज॒नय॑न्¦अम॑र्त्यः¦प्र॒ऽतप॑न्¦ज्योति॑षा¦तमः॑ | |
| ससु᳚न्वे॒योवसू᳚नां॒योरा॒यामा᳚ने॒तायइळा᳚नाम् |{ऋणंचयः | पवमानः सोमः | यवमध्यागायत्री} सोमो॒यःसु॑क्षिती॒नाम्(स्वाहा᳚) || 13 || सः¦सु॒न्वे॒¦यः¦वसू᳚नाम्¦यः¦रा॒याम्¦आ॒ऽने॒ता¦यः¦इळा᳚नाम् | सोमः॑¦यः¦सु॒ऽक्षि॒ती॒नाम् || |
| यस्य॑न॒इन्द्रः॒पिबा॒द्यस्य॑म॒रुतो॒यस्य॑वार्य॒मणा॒भगः॑ |{वसिष्ठःशक्तिः | पवमानः सोमः | सतोबृहती} आयेन॑मि॒त्रावरु॑णा॒करा᳚मह॒एन्द्र॒मव॑सेम॒हे(स्वाहा᳚) || 14 || यस्य॑¦नः॒¦इन्द्रः॑¦पिबा᳚त्¦यस्य॑¦म॒रुतः॑¦यस्य॑¦वा॒¦अ॒र्य॒मणा᳚¦भगः॑ | |
| इन्द्रा᳚यसोम॒पात॑वे॒नृभि᳚र्य॒तःस्वा᳚यु॒धोम॒दिन्त॑मः |{वसिष्ठःशक्तिः | पवमानः सोमः | ककुभः} पव॑स्व॒मधु॑मत्तमः॒(स्वाहा᳚) || 15 || इन्द्रा᳚य¦सो॒म॒¦पात॑वे¦नृऽभिः॑¦य॒तः¦सु॒ऽआ॒यु॒धः¦म॒दिन्ऽत॑मः | पव॑स्व¦मधु॑मत्ऽतमः || |
| इन्द्र॑स्य॒हार्दि॑सोम॒धान॒मावि॑शसमु॒द्रमि॑व॒सिन्ध॑वः |{वसिष्ठःशक्तिः | पवमानः सोमः | सतोबृहती} जुष्टो᳚मि॒त्राय॒वरु॑णायवा॒यवे᳚दि॒वोवि॑ष्ट॒म्भउ॑त्त॒मः(स्वाहा᳚) || 16 || इन्द्र॑स्य¦हार्दि॑¦सो॒म॒ऽधान᳚म्¦आ¦वि॒श॒¦स॒मु॒द्रम्ऽइ᳚व¦सिन्ध॑वः | |
| [66] परिप्रेतिद्वाविंशत्यृचस्य सूक्तस्यैश्वरयोधिष्ण्याग्नयः पवमान सोमोद्विपदा विराट् |{अष्टक:7, अध्याय:5}{मंडल:9, सूक्त:109}{अनुवाक:7, सूक्त:6} |
| परि॒प्रध॒न्वेन्द्रा᳚यसोमस्वा॒दुर्मि॒त्राय॑पू॒ष्णेभगा᳚य॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}1 || वर्ग:20 परि॑¦प्र¦ध॒न्व॒¦इन्द्रा᳚य¦सो॒म॒¦स्वा॒दुः¦मि॒त्राय॑¦पू॒ष्णे¦भगा᳚य || |
| इन्द्र॑स्तेसोमसु॒तस्य॑पेयाः॒क्रत्वे॒दक्षा᳚य॒विश्वे᳚चदे॒वाः(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}2 || इन्द्रः॑¦ते॒¦सो॒म॒¦सु॒तस्य॑¦पे॒याः॒¦क्रत्वे᳚¦दक्षा᳚य¦विश्वे᳚¦च॒¦दे॒वाः || |
| ए॒वामृता᳚यम॒हेक्षया᳚य॒सशु॒क्रो,अ॑र्षदि॒व्यःपी॒यूषः॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}3 || ए॒व¦अ॒मृता᳚य¦म॒हे¦क्षया᳚य¦सः¦शु॒क्रः¦अ॒र्ष॒¦दि॒व्यः¦पी॒यूषः॑ || |
| पव॑स्वसोमम॒हान्त्स॑मु॒द्रःपि॒तादे॒वानां॒विश्वा॒भिधाम॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}4 || पव॑स्व¦सो॒म॒¦म॒हान्¦स॒मु॒द्रः¦पि॒ता¦दे॒वाना᳚म्¦विश्वा᳚¦अ॒भि¦धाम॑ || |
| शु॒क्रःप॑वस्वदे॒वेभ्यः॑सोमदि॒वेपृ॑थि॒व्यैशंच॑प्र॒जायै॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}5 || शु॒क्रः¦प॒व॒स्व॒¦दे॒वेभ्यः॑¦सो॒म॒¦दि॒वे¦पृ॒थि॒व्यै¦शम्¦च॒¦प्र॒ऽजायै᳚ || |
| दि॒वोध॒र्तासि॑शु॒क्रःपी॒यूषः॑स॒त्येविध᳚र्मन्वा॒जीप॑वस्व॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}6 || दि॒वः¦ध॒र्ता¦अ॒सि॒¦शु॒क्रः¦पी॒यूषः॑¦स॒त्ये¦विऽध᳚र्मन्¦वा॒जी¦प॒व॒स्व॒ || |
| पव॑स्वसोमद्यु॒म्नीसु॑धा॒रोम॒हामवी᳚ना॒मनु॑पू॒र्व्यः(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}7 || पव॑स्व¦सो॒म॒¦द्यु॒म्नी¦सु॒ऽधा॒रः¦म॒हाम्¦अवी᳚नाम्¦अनु॑¦पू॒र्व्यः || |
| नृभि᳚र्येमा॒नोज॑ज्ञा॒नःपू॒तः,क्षर॒द्विश्वा᳚निम॒न्द्रःस्व॒र्वित्(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}8 || नृऽभिः॑¦ये॒मा॒नः¦ज॒ज्ञा॒नः¦पू॒तः¦क्षर॑त्¦विश्वा᳚नि¦म॒न्द्रः¦स्वः॒ऽवित् || |
| इन्दुः॑पुना॒नःप्र॒जामु॑रा॒णःकर॒द्विश्वा᳚नि॒द्रवि॑णानिनः॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}9 || इन्दुः॑¦पु॒ना॒नः¦प्र॒ऽजाम्¦उ॒रा॒णः¦क॒र॒त्¦विश्वा᳚नि¦द्रवि॑णानि¦नः॒ || |
| पव॑स्वसोम॒क्रत्वे॒दक्षा॒याश्वो॒ननि॒क्तोवा॒जीधना᳚य॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}10 || पव॑स्व¦सो॒म॒¦क्रत्वे᳚¦दक्षा᳚य¦अश्वः॑¦न¦नि॒क्तः¦वा॒जी¦धना᳚य || |
| तंते᳚सो॒तारो॒रसं॒मदा᳚यपु॒नन्ति॒सोमं᳚म॒हेद्यु॒म्नाय॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}11 || वर्ग:21 तम्¦ते॒¦सो॒तारः॑¦रस᳚म्¦मदा᳚य¦पु॒नन्ति॑¦सोम᳚म्¦म॒हे¦द्यु॒म्नाय॑ || |
| शिशुं᳚जज्ञा॒नंहरिं᳚मृजन्तिप॒वित्रे॒सोमं᳚दे॒वेभ्य॒इन्दु॒म्(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}12 || शिशु᳚म्¦ज॒ज्ञा॒नम्¦हरि᳚म्¦मृ॒ज॒न्ति॒¦प॒वित्रे᳚¦सोम᳚म्¦दे॒वेभ्यः॑¦इन्दु᳚म् || |
| इन्दुः॑पविष्ट॒चारु॒र्मदा᳚या॒पामु॒पस्थे᳚क॒विर्भगा᳚य॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}13 || इन्दुः॑¦प॒वि॒ष्ट॒¦चारुः॑¦मदा᳚य¦अ॒पाम्¦उ॒पऽस्थे᳚¦क॒विः¦भगा᳚य || |
| बिभ॑र्ति॒चार्विन्द्र॑स्य॒नाम॒येन॒विश्वा᳚निवृ॒त्राज॒घान॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}14 || बिभ॑र्ति¦चारु॑¦इन्द्र॑स्य¦नाम॑¦येन॑¦विश्वा᳚नि¦वृ॒त्रा¦ज॒घान॑ || |
| पिब᳚न्त्यस्य॒विश्वे᳚दे॒वासो॒गोभिः॑श्री॒तस्य॒नृभिः॑सु॒तस्य॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}15 || पिब᳚न्ति¦अ॒स्य॒¦विश्वे᳚¦दे॒वासः॑¦गोभिः॑¦श्री॒तस्य॑¦नृऽभिः॑¦सु॒तस्य॑ || |
| प्रसु॑वा॒नो,अ॑क्षाःस॒हस्र॑धारस्ति॒रःप॒वित्रं॒विवार॒मव्य॒म्(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}16 || प्र¦सु॒वा॒नः¦अ॒क्षा॒रिति॑¦स॒हस्र॑ऽधारः¦ति॒रः¦प॒वित्र᳚म्¦वि¦वार᳚म्¦अव्य᳚म् || |
| सवा॒ज्य॑क्षाःस॒हस्र॑रेता,अ॒द्भिर्मृ॑जा॒नोगोभिः॑श्रीणा॒नः(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}17 || सः¦वा॒जी¦अ॒क्षा॒रिति॑¦स॒हस्र॑ऽरेताः¦अ॒त्ऽभिः¦मृ॒जा॒नः¦गोभिः॑¦श्री॒णा॒नः || |
| प्रसो᳚मया॒हीन्द्र॑स्यकु॒क्षानृभि᳚र्येमा॒नो,अद्रि॑भिःसु॒तः(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}18 || प्र¦सो॒म॒¦या॒हि॒¦इन्द्र॑स्य¦कु॒क्षा¦नृऽभिः॑¦ये॒मा॒नः¦अद्रि॑ऽभिः¦सु॒तः || |
| अस॑र्जिवा॒जीति॒रःप॒वित्र॒मिन्द्रा᳚य॒सोमः॑स॒हस्र॑धारः॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}19 || अस॑र्जि¦वा॒जी¦ति॒रः¦प॒वित्र᳚म्¦इन्द्रा᳚य¦सोमः॑¦स॒हस्र॑ऽधारः || |
| अ॒ञ्जन्त्ये᳚नं॒मध्वो॒रसे॒नेन्द्रा᳚य॒वृष्ण॒इन्दुं॒मदा᳚य॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}20 || अं॒जन्ति॑¦ए॒न॒म्¦मध्वः॑¦रसे᳚न¦इन्द्रा᳚य¦वृष्णे᳚¦इन्दु᳚म्¦मदा᳚य || |
| दे॒वेभ्य॑स्त्वा॒वृथा॒पाज॑से॒ऽपोवसा᳚नं॒हरिं᳚मृजन्ति॒(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}21 || दे॒वेभ्यः॑¦त्वा॒¦वृथा᳚¦पाज॑से¦अ॒पः¦वसा᳚नम्¦हरि᳚म्¦मृ॒ज॒न्ति॒ || |
| इन्दु॒रिन्द्रा᳚यतोशते॒नितो᳚शतेश्री॒णन्नु॒ग्रोरि॒णन्न॒पः(स्वाहा᳚) || {ऐश्वरयो धिष्ण्याग्नयः | पवमानः सोमः | द्विपदाविराट्}22 || इन्दुः॑¦इन्द्रा᳚य¦तो॒श॒ते॒¦नि¦तो॒श॒ते॒¦श्री॒णन्¦उ॒ग्रः¦रि॒णन्¦अ॒पः || |
| [67] पर्यूष्विति द्वादशर्चस्य सूक्तस्य त्र्यरुणत्रसदस्यू राजानौ पवमान सोमः आद्यास्तिस्रोनुष्टुभः पिपीलिकमध्याः चतुर्थ्यादिषळूर्ध्व बृहत्योंऽत्यास्तिस्रोविराजः |{अष्टक:7, अध्याय:5}{मंडल:9, सूक्त:110}{अनुवाक:7, सूक्त:7} |
| पर्यू॒षुप्रध᳚न्व॒वाज॑सातये॒परि॑वृ॒त्राणि॑स॒क्षणिः॑ |{त्र्यरुणत्रसदस्यू | पवमानः सोमः | अनुष्टुप्} द्वि॒षस्त॒रध्या᳚ऋण॒यान॑ईयसे॒(स्वाहा᳚) || 1 || वर्ग:22 परि॑¦ऊँ॒ इति॑¦सु¦प्र¦ध॒न्व॒¦वाज॑ऽसातये¦परि॑¦वृ॒त्राणि॑¦स॒क्षणिः॑ | द्वि॒षः¦त॒रध्यै᳚¦ऋ॒ण॒ऽयाः¦नः॒¦ई॒य॒से॒ || |
| अनु॒हित्वा᳚सु॒तंसो᳚म॒मदा᳚मसिम॒हेस॑मर्य॒राज्ये᳚ |{त्र्यरुणत्रसदस्यू | पवमानः सोमः | अनुष्टुप्} वाजाँ᳚,अ॒भिप॑वमान॒प्रगा᳚हसे॒(स्वाहा᳚) || 2 || अनु॑¦हि¦त्वा॒¦सु॒तम्¦सो॒म॒¦मदा᳚मसि¦म॒हे¦स॒म॒र्य॒ऽराज्ये᳚ | वाजा᳚न्¦अ॒भि¦प॒व॒मा॒न॒¦प्र¦गा॒ह॒से॒ || |
| अजी᳚जनो॒हिप॑वमान॒सूर्यं᳚वि॒धारे॒शक्म॑ना॒पयः॑ |{त्र्यरुणत्रसदस्यू | पवमानः सोमः | अनुष्टुप्} गोजी᳚रया॒रंह॑माणः॒पुरं᳚ध्या॒(स्वाहा᳚) || 3 || अजी᳚जनः¦हि¦प॒व॒मा॒न॒¦सूर्य᳚म्¦वि॒ऽधारे᳚¦शक्म॑ना¦पयः॑ | गोऽजी᳚रया¦रंह॑माणः¦पुर᳚न्ध्या || |
| अजी᳚जनो,अमृत॒मर्त्ये॒ष्वाँ,ऋ॒तस्य॒धर्म᳚न्न॒मृत॑स्य॒चारु॑णः |{त्र्यरुणत्रसदस्यू | पवमानः सोमः | ऊर्ध्व बृहती} सदा᳚सरो॒वाज॒मच्छा॒सनि॑ष्यद॒त्(स्वाहा᳚) || 4 || अजी᳚जनः¦अ॒मृ॒त॒¦मर्त्ये᳚षु¦आ¦ऋ॒तस्य॑¦धर्म॑न्¦अ॒मृत॑स्य¦चारु॑णः | |
| अ॒भ्य॑भि॒हिश्रव॑सात॒तर्दि॒थोत्सं॒नकंचि॑ज्जन॒पान॒मक्षि॑तम् |{त्र्यरुणत्रसदस्यू | पवमानः सोमः | ऊर्ध्व बृहती} शर्या᳚भि॒र्नभर॑माणो॒गभ॑स्त्योः॒(स्वाहा᳚) || 5 || अ॒भि।आ॑भि¦हि¦श्रव॑सा¦त॒तर्दि॑थ¦उत्स᳚म्¦न¦कम्¦चि॒त्¦ज॒न॒ऽपान᳚म्¦अक्षि॑तम् | |
| आदीं॒केचि॒त्पश्य॑मानास॒आप्यं᳚वसु॒रुचो᳚दि॒व्या,अ॒भ्य॑नूषत |{त्र्यरुणत्रसदस्यू | पवमानः सोमः | ऊर्ध्व बृहती} वारं॒नदे॒वःस॑वि॒ताव्यू᳚र्णुते॒(स्वाहा᳚) || 6 || आत्¦ई॒म्¦के¦चि॒त्¦पश्य॑मानासः¦आप्य᳚म्¦व॒सु॒ऽरुचः॑¦दि॒व्याः¦अ॒भि¦अ॒नू॒ष॒त॒ | |
| त्वेसो᳚मप्रथ॒मावृ॒क्तब᳚र्हिषोम॒हेवाजा᳚य॒श्रव॑से॒धियं᳚दधुः |{त्र्यरुणत्रसदस्यू | पवमानः सोमः | ऊर्ध्व बृहती} सत्वंनो᳚वीरवी॒र्या᳚यचोदय॒(स्वाहा᳚) || 7 || वर्ग:23 त्वे इति॑¦सो॒म॒¦प्र॒थ॒माः¦वृ॒क्तऽब॑र्हिषः¦म॒हे¦वाजा᳚य¦श्रव॑से¦धिय᳚म्¦द॒धुः॒ | |
| दि॒वःपी॒यूषं᳚पू॒र्व्यंयदु॒क्थ्यं᳚म॒होगा॒हाद्दि॒वआनिर॑धुक्षत |{त्र्यरुणत्रसदस्यू | पवमानः सोमः | ऊर्ध्व बृहती} इन्द्र॑म॒भिजाय॑मानं॒सम॑स्वर॒न्(स्वाहा᳚) || 8 || दि॒वः¦पी॒यूष᳚म्¦पू॒र्व्यम्¦यत्¦उ॒क्थ्य᳚म्¦म॒हः¦गा॒हात्¦दि॒वः¦आ¦निः¦अ॒धु॒क्ष॒त॒ | |
| अध॒यदि॒मेप॑वमान॒रोद॑सी,इ॒माच॒विश्वा॒भुव॑ना॒भिम॒ज्मना᳚ |{त्र्यरुणत्रसदस्यू | पवमानः सोमः | ऊर्ध्व बृहती} यू॒थेननि॒ष्ठावृ॑ष॒भोविति॑ष्ठसे॒(स्वाहा᳚) || 9 || अध॑¦यत्¦इ॒मे इति॑¦प॒व॒मा॒न॒¦रोद॑सी॒ इति॑¦इ॒मा¦च॒¦विश्वा᳚¦भुव॑ना¦अ॒भि¦म॒ज्मना᳚ | |
| सोमः॑पुना॒नो,अ॒व्यये॒वारे॒शिशु॒र्नक्रीळ॒न्पव॑मानो,अक्षाः |{त्र्यरुणत्रसदस्यू | पवमानः सोमः | विराट्} स॒हस्र॑धारःश॒तवा᳚ज॒इन्दुः॒(स्वाहा᳚) || 10 || सोमः॑¦पु॒ना॒नः¦अ॒व्यये᳚¦वारे᳚¦शिशुः॑¦न¦क्रीळ॑न्¦पव॑मानः¦अ॒क्षा॒रिति॑ | स॒हस्र॑ऽधारः¦श॒तऽवा᳚जः¦इन्दुः॑ || |
| ए॒षपु॑ना॒नोमधु॑माँ,ऋ॒तावेन्द्रा॒येन्दुः॑पवतेस्वा॒दुरू॒र्मिः |{त्र्यरुणत्रसदस्यू | पवमानः सोमः | विराट्} वा॒ज॒सनि᳚र्वरिवो॒विद्व॑यो॒धाः(स्वाहा᳚) || 11 || ए॒षः¦पु॒ना॒नः¦मधु॑ऽमान्¦ऋ॒तऽवा᳚¦इन्द्रा᳚य¦इन्दुः॑¦प॒व॒ते॒¦स्वा॒दुः¦ऊ॒र्मिः | वा॒ज॒ऽसनिः॑¦व॒रि॒वः॒ऽवित्¦व॒यः॒ऽधाः || |
| सप॑वस्व॒सह॑मानःपृत॒न्यून्त्सेध॒न्रक्षां॒स्यप॑दु॒र्गहा᳚णि |{त्र्यरुणत्रसदस्यू | पवमानः सोमः | विराट्} स्वा॒यु॒धःसा᳚स॒ह्वान्त्सो᳚म॒शत्रू॒न्त्(स्वाहा᳚) || 12 || सः¦प॒व॒स्व॒¦सह॑मानः¦पृ॒त॒न्यून्¦सेध॑न्¦रक्षां᳚सि¦अप॑¦दुः॒ऽगहा᳚णि | सु॒ऽआ॒यु॒धः¦स॒स॒ह्वान्¦सो॒म॒¦शत्रू॑न् || |
| [68] अयारुचेति तृचस्य सूक्तस्य पारुच्छेपिरनानतः पवमान सोमोत्यष्टिः |{अष्टक:7, अध्याय:5}{मंडल:9, सूक्त:111}{अनुवाक:7, सूक्त:8} |
| अ॒यारु॒चाहरि᳚ण्यापुना॒नोविश्वा॒द्वेषां᳚सितरतिस्व॒युग्व॑भिः॒सूरो॒नस्व॒युग्व॑भिः |{पारुच्छेपिरनानतः | पवमानः सोमः | अत्यष्टिः} धारा᳚सु॒तस्य॑रोचतेपुना॒नो,अ॑रु॒षोहरिः॑ |{पारुच्छेपिरनानतः | पवमानः सोमः | अत्यष्टिः} विश्वा॒यद्रू॒पाप॑रि॒यात्यृक्व॑भिःस॒प्तास्ये᳚भि॒रृक्व॑भिः॒(स्वाहा᳚) || 1 || वर्ग:24 अ॒या¦रु॒चा¦हरि᳚ण्या¦पु॒ना॒नः¦विश्वा᳚¦द्वेषां᳚सि¦त॒र॒ति॒¦स्व॒युग्व॑ऽभिः¦सूरः॑¦न¦स्व॒युग्व॑ऽभिः | |
| त्वंत्यत्प॑णी॒नांवि॑दो॒वसु॒संमा॒तृभि᳚र्मर्जयसि॒स्वआदम॑ऋ॒तस्य॑धी॒तिभि॒र्दमे᳚ |{पारुच्छेपिरनानतः | पवमानः सोमः | अत्यष्टिः} प॒रा॒वतो॒नसाम॒तद्यत्रा॒रण᳚न्तिधी॒तयः॑ |{पारुच्छेपिरनानतः | पवमानः सोमः | अत्यष्टिः} त्रि॒धातु॑भि॒ररु॑षीभि॒र्वयो᳚दधे॒रोच॑मानो॒वयो᳚दधे॒(स्वाहा᳚) || 2 || त्वम्¦त्यत्¦प॒णी॒नाम्¦वि॒दः॒¦वसु॑¦सम्¦मा॒तृऽभिः॑¦म॒र्ज॒य॒सि॒¦स्वे¦आ¦दमे᳚¦ऋ॒तस्य॑¦धी॒तिऽभिः॑¦दमे᳚ | |
| पूर्वा॒मनु॑प्र॒दिशं᳚याति॒चेकि॑त॒त्संर॒श्मिभि᳚र्यततेदर्श॒तोरथो॒दैव्यो᳚दर्श॒तोरथः॑ |{पारुच्छेपिरनानतः | पवमानः सोमः | अत्यष्टिः} अग्म᳚न्नु॒क्थानि॒पौंस्येन्द्रं॒जैत्रा᳚यहर्षयन् |{पारुच्छेपिरनानतः | पवमानः सोमः | अत्यष्टिः} वज्र॑श्च॒यद्भव॑थो॒,अन॑पच्युतास॒मत्स्वन॑पच्युता॒(स्वाहा᳚) || 3 || पूर्वा᳚म्¦अनु॑¦प्र॒ऽदिश᳚म्¦या॒ति॒¦चेकि॑तत्¦सम्¦र॒श्मिऽभिः॑¦य॒त॒ते॒¦द॒र्श॒तः¦रथः॑¦दैव्यः॑¦द॒र्श॒तः¦रथः॑ | |
| [69] नानानमिति चतुरृचस्य सूक्तस्यांगिरसः शिशुः पवमानसोमःपंक्तिः |{अष्टक:7, अध्याय:5}{मंडल:9, सूक्त:112}{अनुवाक:7, सूक्त:9} |
| ना॒ना॒नंवा,उ॑नो॒धियो॒विव्र॒तानि॒जना᳚नाम् |{आंगिरसः शिशुः | पवमानः सोमः | पङ्क्तिः} तक्षा᳚रि॒ष्टंरु॒तंभि॒षग्ब्र॒ह्मासु॒न्वन्त॑मिच्छ॒तीन्द्रा᳚येन्दो॒परि॑स्रव॒(स्वाहा᳚) || 1 || वर्ग:25 ना॒ना॒नम्¦वै¦ऊँ॒ इति॑¦नः॒¦धियः॑¦वि¦व्र॒तानि॑¦जना᳚नाम् | |
| जर॑तीभि॒रोष॑धीभिःप॒र्णेभिः॑शकु॒नाना᳚म् |{आंगिरसः शिशुः | पवमानः सोमः | पङ्क्तिः} का॒र्मा॒रो,अश्म॑भि॒र्द्युभि॒र्हिर᳚ण्यवन्तमिच्छ॒तीन्द्रा᳚येन्दो॒परि॑स्रव॒(स्वाहा᳚) || 2 || जर॑तीभिः¦ओष॑धीभिः¦प॒र्णेभिः॑¦श॒कु॒नाना᳚म् | |
| का॒रुर॒हंत॒तोभि॒षगु॑पलप्र॒क्षिणी᳚न॒ना |{आंगिरसः शिशुः | पवमानः सोमः | पङ्क्तिः} नाना᳚धियोवसू॒यवोऽनु॒गा,इ॑वतस्थि॒मेन्द्रा᳚येन्दो॒परि॑स्रव॒(स्वाहा᳚) || 3 || का॒रुः¦अ॒हम्¦त॒तः¦भि॒षक्¦उ॒प॒ल॒ऽप्र॒क्षिणी᳚¦न॒ना | |
| अश्वो॒वोळ्हा᳚सु॒खंरथं᳚हस॒नामु॑पम॒न्त्रिणः॑ |{आंगिरसः शिशुः | पवमानः सोमः | पङ्क्तिः} शेपो॒रोम᳚ण्वन्तौभे॒दौवारिन्म॒ण्डूक॑इच्छ॒तीन्द्रा᳚येन्दो॒परि॑स्रव॒(स्वाहा᳚) || 4 || अश्वः॑¦वोळ्हा᳚¦सु॒ऽखम्¦रथ᳚म्¦ह॒स॒नाम्¦उ॒प॒ऽम॒न्त्रिणः॑ | |
| [70] शर्यणावतीत्येकादशर्चस्य सूक्तस्य मारीचः कश्यपः पवमानसोमः पंक्तिः |{अष्टक:7, अध्याय:5}{मंडल:9, सूक्त:113}{अनुवाक:7, सूक्त:10} |
| श॒र्य॒णाव॑ति॒सोम॒मिन्द्रः॑पिबतुवृत्र॒हा |{मारीचः कश्यपः | पवमानः सोमः | पङ्क्तिः} बलं॒दधा᳚नआ॒त्मनि॑करि॒ष्यन्वी॒र्यं᳚म॒हदिन्द्रा᳚येन्दो॒परि॑स्रव॒(स्वाहा᳚) || 1 || वर्ग:26 श॒र्य॒णाऽव॑ति¦सोम᳚म्¦इन्द्रः॑¦पि॒ब॒तु॒¦वृ॒त्र॒ऽहा | |
| आप॑वस्वदिशांपतआर्जी॒कात्सो᳚ममीढ्वः |{मारीचः कश्यपः | पवमानः सोमः | पङ्क्तिः} ऋ॒त॒वा॒केन॑स॒त्येन॑श्र॒द्धया॒तप॑सासु॒तइन्द्रा᳚येन्दो॒परि॑स्रव॒(स्वाहा᳚) || 2 || आ¦प॒व॒स्व॒¦दि॒शा॒म्¦प॒ते॒¦आ॒र्जी॒कात्¦सोम॑¦मीढ्वः॑ | |
| प॒र्जन्य॑वृद्धंमहि॒षंतंसूर्य॑स्यदुहि॒ताभ॑रत् |{मारीचः कश्यपः | पवमानः सोमः | पङ्क्तिः} तंग᳚न्ध॒र्वाःप्रत्य॑गृभ्ण॒न्तंसोमे॒रस॒माद॑धु॒रिन्द्रा᳚येन्दो॒परि॑स्रव॒(स्वाहा᳚) || 3 || प॒र्जन्य॑ऽवृद्धम्¦म॒हि॒षम्¦तम्¦सूर्य॑स्य¦दु॒हि॒ता¦आ¦अ॒भ॒र॒त् | |
| ऋ॒तंवद᳚न्नृतद्युम्नस॒त्यंवद᳚न्त्सत्यकर्मन् |{मारीचः कश्यपः | पवमानः सोमः | पङ्क्तिः} श्र॒द्धांवद᳚न्त्सोमराजन्धा॒त्रासो᳚म॒परि॑ष्कृत॒इन्द्रा᳚येन्दो॒परि॑स्रव॒(स्वाहा᳚) || 4 || ऋ॒तम्¦वद॑न्¦ऋ॒त॒ऽद्यु॒म्न॒¦स॒त्यम्¦वद॑न्¦स॒त्य॒ऽक॒र्म॒न् | |
| स॒त्यमु॑ग्रस्यबृह॒तःसंस्र॑वन्तिसंस्र॒वाः |{मारीचः कश्यपः | पवमानः सोमः | पङ्क्तिः} संय᳚न्तिर॒सिनो॒रसाः᳚पुना॒नोब्रह्म॑णाहर॒इन्द्रा᳚येन्दो॒परि॑स्रव॒(स्वाहा᳚) || 5 || स॒त्यम्।औ᳚ग्रस्य¦बृ॒ह॒तः¦सम्¦स्र॒व॒न्ति॒¦स॒म्ऽस्र॒वाः | |
| यत्र॑ब्र॒ह्माप॑वमानछन्द॒स्या॒३॑(आं॒)वाचं॒वद॑न् |{मारीचः कश्यपः | पवमानः सोमः | पङ्क्तिः} ग्राव्णा॒सोमे᳚मही॒यते॒सोमे᳚नान॒न्दंज॒नय॒न्निन्द्रा᳚येन्दो॒परि॑स्रव॒(स्वाहा᳚) || 6 || वर्ग:27 यत्र॑¦ब्र॒ह्मा¦प॒व॒मा॒न॒¦छ॒न्द॒स्या᳚म्¦वाच᳚म्¦वद॑न् | |
| यत्र॒ज्योति॒रज॑स्रं॒यस्मिँ᳚ल्लो॒केस्व᳚र्हि॒तम् |{मारीचः कश्यपः | पवमानः सोमः | पङ्क्तिः} तस्मि॒न्मांधे᳚हिपवमाना॒मृते᳚लो॒के,अक्षि॑त॒इन्द्रा᳚येन्दो॒परि॑स्रव॒(स्वाहा᳚) || 7 || यत्र॑¦ज्योतिः॑¦अज॑स्रम्¦यस्मि॑न्¦लो॒के¦स्वः॑¦हि॒तम् | |
| यत्र॒राजा᳚वैवस्व॒तोयत्रा᳚व॒रोध॑नंदि॒वः |{मारीचः कश्यपः | पवमानः सोमः | पङ्क्तिः} यत्रा॒मूर्य॒ह्वती॒राप॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव॒(स्वाहा᳚) || 8 || यत्र॑¦राजा᳚¦वै॒व॒स्व॒तः¦यत्र॑¦अ॒व॒ऽरोध॑नम्¦दि॒वः | |
| यत्रा᳚नुका॒मंचर॑णंत्रिना॒केत्रि॑दि॒वेदि॒वः |{मारीचः कश्यपः | पवमानः सोमः | पङ्क्तिः} लो॒कायत्र॒ज्योति॑ष्मन्त॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव॒(स्वाहा᳚) || 9 || यत्र॑¦अ॒नु॒ऽका॒मम्¦चर॑णम्¦त्रि॒ऽना॒के¦त्रि॒ऽदि॒वे¦दि॒वः | |
| यत्र॒कामा᳚निका॒माश्च॒यत्र॑ब्र॒ध्नस्य॑वि॒ष्टप᳚म् |{मारीचः कश्यपः | पवमानः सोमः | पङ्क्तिः} स्व॒धाच॒यत्र॒तृप्ति॑श्च॒तत्र॒माम॒मृतं᳚कृ॒धीन्द्रा᳚येन्दो॒परि॑स्रव॒(स्वाहा᳚) || 10 || यत्र॑¦कामाः᳚¦नि॒ऽका॒माः¦च॒¦यत्र॑¦ब्र॒ध्नस्य॑¦वि॒ष्टप᳚म् | |
| यत्रा᳚न॒न्दाश्च॒मोदा᳚श्च॒मुदः॑प्र॒मुद॒आस॑ते |{मारीचः कश्यपः | पवमानः सोमः | पङ्क्तिः} काम॑स्य॒यत्रा॒प्ताःकामा॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव॒(स्वाहा᳚) || 11 || यत्र॑¦आ॒ऽन॒न्दाः¦च॒¦मोदाः᳚¦च॒¦मुदः॑¦प्र॒ऽमुदः॑¦आस॑ते | |
| [71] यइंदोरिति चतुरृचस्य सूक्तस्य मारीचः कश्यपः पवमानसोमःपंक्तिः |{अष्टक:7, अध्याय:5}{मंडल:9, सूक्त:114}{अनुवाक:7, सूक्त:11} |
| यइन्दोः॒पव॑मान॒स्यानु॒धामा॒न्यक्र॑मीत् |{मारीचः कश्यपः | पवमानः सोमः | पङ्क्तिः} तमा᳚हुःसुप्र॒जा,इति॒यस्ते᳚सो॒मावि॑ध॒न्मन॒इन्द्रा᳚येन्दो॒परि॑स्रव॒(स्वाहा᳚) || 1 || वर्ग:28 यः¦इन्दोः᳚¦पव॑मानस्य¦अनु॑¦धामा᳚नि¦अक्र॑मीत् | |
| ऋषे᳚मन्त्र॒कृतां॒स्तोमैः॒कश्य॑पोद्व॒र्धय॒न्गिरः॑ |{मारीचः कश्यपः | पवमानः सोमः | पङ्क्तिः} सोमं᳚नमस्य॒राजा᳚नं॒योज॒ज्ञेवी॒रुधां॒पति॒रिन्द्रा᳚येन्दो॒परि॑स्रव॒(स्वाहा᳚) || 2 || ऋषे᳚¦म॒न्त्र॒ऽकृता᳚म्¦स्तोमैः᳚¦कश्य॑प¦उ॒त्ऽव॒र्धय॑न्¦गिरः॑ | |
| स॒प्तदिशो॒नाना᳚सूर्याःस॒प्तहोता᳚रऋ॒त्विजः॑ |{मारीचः कश्यपः | पवमानः सोमः | पङ्क्तिः} दे॒वा,आ᳚दि॒त्यायेस॒प्ततेभिः॑सोमा॒भिर॑क्षन॒इन्द्रा᳚येन्दो॒परि॑स्रव॒(स्वाहा᳚) || 3 || स॒प्त¦दिशः॑¦नाना᳚ऽसूर्याः¦स॒प्त¦होता᳚रः¦ऋ॒त्विजः॑ | |
| यत्ते᳚राजञ्छृ॒तंह॒विस्तेन॑सोमा॒भिर॑क्षनः |{मारीचः कश्यपः | पवमानः सोमः | पङ्क्तिः} अ॒रा॒ती॒वामान॑स्तारी॒न्मोच॑नः॒किंच॒नाम॑म॒दिन्द्रा᳚येन्दो॒परि॑स्रव॒(स्वाहा᳚) || 4 || यत्¦ते॒¦रा॒ज॒न्¦शृ॒तम्¦ह॒विः¦तेन॑¦सो॒म॒¦अ॒भि¦र॒क्ष॒¦नः॒ | |
| [72] अग्नेबृहन्निति सप्तर्चस्य सूक्तस्याप्त्यस्त्रितोग्निस्त्रिष्टुप् |{अष्टक:7, अध्याय:5}{मंडल:10, सूक्त:1}{अनुवाक:1, सूक्त:1} |
| अग्रे᳚बृ॒हन्नु॒षसा᳚मू॒र्ध्वो,अ॑स्थान्निर्जग॒न्वान्तम॑सो॒ज्योति॒षागा᳚त् |{अप्त्यस्त्रितः | अग्निः | त्रिष्टुप्} अ॒ग्निर्भा॒नुना॒रुश॑ता॒स्वङ्ग॒आजा॒तोविश्वा॒सद्मा᳚न्यप्राः॒(स्वाहा᳚) || 1 || वर्ग:29 अग्रे᳚¦बृ॒हन्¦उ॒षसा᳚म्¦ऊ॒र्ध्वः¦अ॒स्था॒त्¦निः॒ऽज॒ग॒न्वान्¦तम॑सः¦ज्योति॑षा¦आ¦अ॒गा॒त् | |
| सजा॒तोगर्भो᳚,असि॒रोद॑स्यो॒रग्ने॒चारु॒र्विभृ॑त॒ओष॑धीषु |{अप्त्यस्त्रितः | अग्निः | त्रिष्टुप्} चि॒त्रःशिशुः॒परि॒तमां᳚स्य॒क्तून्प्रमा॒तृभ्यो॒,अधि॒कनि॑क्रदद्गाः॒(स्वाहा᳚) || 2 || सः¦जा॒तः¦गर्भः॑¦अ॒सि॒¦रोद॑स्योः¦अग्ने᳚¦चारुः॑¦विऽभृ॑तः¦ओष॑धीषु | |
| विष्णु॑रि॒त्थाप॑र॒मम॑स्यवि॒द्वाञ्जा॒तोबृ॒हन्न॒भिपा᳚तितृ॒तीय᳚म् |{अप्त्यस्त्रितः | अग्निः | त्रिष्टुप्} आ॒सायद॑स्य॒पयो॒,अक्र॑त॒स्वंसचे᳚तसो,अ॒भ्य॑र्च॒न्त्यत्र॒(स्वाहा᳚) || 3 || विष्णुः॑¦इ॒त्था¦प॒र॒मम्¦अ॒स्य॒¦वि॒द्वान्¦जा॒तः¦बृ॒हन्¦अ॒भि¦पा॒ति॒¦तृ॒तीय᳚म् | |
| अत॑उत्वापितु॒भृतो॒जनि॑त्रीरन्ना॒वृधं॒प्रति॑चर॒न्त्यन्नैः᳚ |{अप्त्यस्त्रितः | अग्निः | त्रिष्टुप्} ता,ईं॒प्रत्ये᳚षि॒पुन॑र॒न्यरू᳚पा॒,असि॒त्वंवि॒क्षुमानु॑षीषु॒होता॒(स्वाहा᳚) || 4 || अतः॑¦ऊँ॒ इति॑¦त्वा॒¦पि॒तु॒ऽभृतः॑¦जनि॑त्रीः¦अ॒न्न॒ऽवृध᳚म्¦प्रति॑¦च॒र॒न्ति॒¦अन्नैः᳚ | |
| होता᳚रंचि॒त्रर॑थमध्व॒रस्य॑य॒ज्ञस्य॑यज्ञस्यके॒तुंरुश᳚न्तम् |{अप्त्यस्त्रितः | अग्निः | त्रिष्टुप्} प्रत्य॑र्धिंदे॒वस्य॑देवस्यम॒ह्नाश्रि॒यात्व१॑(अ॒)ग्निमति॑थिं॒जना᳚ना॒म्(स्वाहा᳚) || 5 || होता᳚रम्¦चि॒त्रऽर॑थम्¦अ॒ध्व॒रस्य॑¦य॒ज्ञस्य॑ऽयज्ञस्य¦के॒तुम्¦रुश᳚न्तम् | |
| सतुवस्त्रा॒ण्यध॒पेश॑नानि॒वसा᳚नो,अ॒ग्निर्नाभा᳚पृथि॒व्याः |{अप्त्यस्त्रितः | अग्निः | त्रिष्टुप्} अ॒रु॒षोजा॒तःप॒दइळा᳚याःपु॒रोहि॑तोराजन्यक्षी॒हदे॒वान्(स्वाहा᳚) || 6 || सः¦तु¦वस्त्रा᳚णि¦अध॑¦पेश॑नानि¦वसा᳚नः¦अ॒ग्निः¦नाभा᳚¦पृ॒थि॒व्याः | |
| आहिद्यावा᳚पृथि॒वी,अ॑ग्नउ॒भेसदा᳚पु॒त्रोनमा॒तरा᳚त॒तन्थ॑ |{अप्त्यस्त्रितः | अग्निः | त्रिष्टुप्} प्रया॒ह्यच्छो᳚श॒तोय॑वि॒ष्ठाथाव॑हसहस्ये॒हदे॒वान्(स्वाहा᳚) || 7 || आ¦हि¦द्यावा᳚पृथि॒वी इति॑¦अ॒ग्ने॒¦उ॒भे इति॑¦सदा᳚¦पु॒त्रः¦न¦मा॒तरा᳚¦त॒तन्थ॑ | |
| [73] पिप्रीहीति सप्तर्चस्य सूक्तस्याप्त्यस्त्रितोग्निस्त्रिष्टुप् | (१ नात्रस्वाहाकारः किंतुमंत्रांत एव हविः प्रक्षेपः)|{अष्टक:7, अध्याय:5}{मंडल:10, सूक्त:2}{अनुवाक:1, सूक्त:2} |
| पि॒प्री॒हिदे॒वाँ,उ॑श॒तोय॑विष्ठवि॒द्वाँ,ऋ॒तूँरृ॑तुपतेयजे॒ह |{अप्त्यस्त्रितः | अग्निः | त्रिष्टुप्} येदैव्या᳚ऋ॒त्विज॒स्तेभि॑रग्ने॒त्वंहोतॄ᳚णाम॒स्याय॑जिष्ठः॒(स्वाहा᳚) || 1 || वर्ग:30 पि॒प्री॒हि¦दे॒वान्¦उ॒श॒तः¦य॒वि॒ष्ठ॒¦वि॒द्वान्¦ऋ॒तून्¦ऋ॒तु॒ऽप॒ते॒¦य॒ज॒¦इ॒ह | |
| वेषि॑हो॒त्रमु॒तपो॒त्रंजना᳚नांमन्धा॒तासि॑द्रविणो॒दा,ऋ॒तावा᳚ |{अप्त्यस्त्रितः | अग्निः | त्रिष्टुप्} स्वाहा᳚व॒यंकृ॒णवा᳚माह॒वींषि॑दे॒वोदे॒वान्य॑जत्व॒ग्निरर्ह॒न्त्(स्वाहा᳚) || 2 || वेषि॑¦हो॒त्रम्¦उ॒त¦पो॒त्रम्¦जना᳚नाम्¦म॒न्धा॒ता¦अ॒सि॒¦द्र॒वि॒णः॒ऽदाः¦ऋ॒तऽवा᳚ | |
| आदे॒वाना॒मपि॒पन्था᳚मगन्म॒यच्छ॒क्नवा᳚म॒तदनु॒प्रवो᳚ळ्हुम् |{अप्त्यस्त्रितः | अग्निः | त्रिष्टुप्} अ॒ग्निर्वि॒द्वान्त्सय॑जा॒त्सेदु॒होता॒सो,अ॑ध्व॒रान्त्सऋ॒तून्क॑ल्पयाति॒(स्वाहा᳚) || 3 || आ¦दे॒वाना᳚म्¦अपि॑¦पन्था᳚म्¦अ॒ग॒न्म॒¦यत्¦श॒क्नवा᳚म¦तत्¦अनु॑¦प्रऽवो᳚ळ्हुम् | |
| यद्वो᳚व॒यंप्र॑मि॒नाम᳚व्र॒तानि॑वि॒दुषां᳚देवा॒,अवि॑दुष्टरासः |{अप्त्यस्त्रितः | अग्निः | त्रिष्टुप्} अ॒ग्निष्टद्विश्व॒मापृ॑णातिवि॒द्वान्येभि॑र्दे॒वाँ,ऋ॒तुभिः॑क॒ल्पया᳚ति॒(स्वाहा᳚) || 4 || तत्¦वः॒¦व॒यम्¦प्र॒ऽमि॒नाम॑¦व्र॒तानि॑¦वि॒दुषा᳚म्¦दे॒वाः॒¦अवि॑दुःऽतरासः | |
| यत्पा᳚क॒त्रामन॑सादी॒नद॑क्षा॒नय॒ज्ञस्य॑मन्व॒तेमर्त्या᳚सः |{अप्त्यस्त्रितः | अग्निः | त्रिष्टुप्} अ॒ग्निष्टद्धोता᳚क्रतु॒विद्वि॑जा॒नन्यजि॑ष्ठोदे॒वाँ,ऋ॑तु॒शोय॑जाति॒(स्वाहा᳚) || 5 || यत्¦पा॒क॒ऽत्रा¦मन॑सा¦दी॒नऽद॑क्षाः¦न¦य॒ज्ञस्य॑¦म॒न्व॒ते¦मर्त्या᳚सः | |
| विश्वे᳚षां॒ह्य॑ध्व॒राणा॒मनी᳚कंचि॒त्रंके॒तुंजनि॑तात्वाज॒जान॑ |{अप्त्यस्त्रितः | अग्निः | त्रिष्टुप्} सआय॑जस्वनृ॒वती॒रनु॒क्षाःस्पा॒र्हा,इषः॑,क्षु॒मती᳚र्वि॒श्वज᳚न्याः॒(स्वाहा᳚) || 6 || विश्वे᳚षाम्¦हि¦अ॒ध्व॒राणा᳚म्¦अनी᳚कम्¦चि॒त्रम्¦के॒तुम्¦जनि॑ता¦त्वा॒¦ज॒जान॑ | |
| यंत्वा॒द्यावा᳚पृथि॒वीयंत्वाप॒स्त्वष्टा॒यंत्वा᳚सु॒जनि॑माज॒जान॑ |{अप्त्यस्त्रितः | अग्निः | त्रिष्टुप्} पन्था॒मनु॑प्रवि॒द्वान्पि॑तृ॒याणं᳚द्यु॒मद॑ग्नेसमिधा॒नोविभा᳚हि॒(स्वाहा᳚) || 7 || यम्¦त्वा॒¦द्यावा᳚पृथि॒वी इति॑¦यम्¦त्वा॒¦आपः॑¦त्वष्टा᳚¦यम्¦त्वा॒¦सु॒ऽजमि॑मा¦ज॒जान॑ | |
| [74] इनोराजन्निति सप्तर्चस्य सूक्तस्याप्त्यस्त्रितोग्निस्त्रिष्टुप् |{अष्टक:7, अध्याय:5}{मंडल:10, सूक्त:3}{अनुवाक:1, सूक्त:3} |
| इ॒नोरा᳚जन्नर॒तिःसमि॑द्धो॒रौद्रो॒दक्षा᳚यसुषु॒माँ,अ॑दर्शि |{अप्त्यस्त्रितः | अग्निः | त्रिष्टुप्} चि॒किद्विभा᳚तिभा॒साबृ॑ह॒तासि॑क्नीमेति॒रुश॑तीम॒पाज॒न्त्(स्वाहा᳚) || 1 || वर्ग:31 इ॒नः¦रा॒ज॒न्¦अ॒र॒तिः¦सम्ऽइ᳚द्धः¦रौद्रः॑¦दक्षा᳚य¦सु॒सु॒ऽमान्¦अ॒द॒र्शि॒ | |
| कृ॒ष्णांयदेनी᳚म॒भिवर्प॑सा॒भूज्ज॒नय॒न्योषां᳚बृह॒तःपि॒तुर्जाम् |{अप्त्यस्त्रितः | अग्निः | त्रिष्टुप्} ऊ॒र्ध्वंभा॒नुंसूर्य॑स्यस्तभा॒यन्दि॒वोवसु॑भिरर॒तिर्विभा᳚ति॒(स्वाहा᳚) || 2 || कृ॒ष्णाम्¦यत्¦एनी᳚म्¦अ॒भि¦वर्प॑सा¦भूत्¦ज॒नय॑न्¦योषा᳚म्¦बृ॒ह॒तः¦पि॒तुः¦जाम् | |
| भ॒द्रोभ॒द्रया॒सच॑मान॒आगा॒त्स्वसा᳚रंजा॒रो,अ॒भ्ये᳚तिप॒श्चात् |{अप्त्यस्त्रितः | अग्निः | त्रिष्टुप्} सु॒प्र॒के॒तैर्द्युभि॑र॒ग्निर्वि॒तिष्ठ॒न्रुश॑द्भि॒र्वर्णै᳚र॒भिरा॒मम॑स्था॒त्(स्वाहा᳚) || 3 || भ॒द्रः¦भ॒द्रया᳚¦सच॑मानः¦आ¦अ॒गा॒त्¦स्वसा᳚रम्¦जा॒रः¦अ॒भि¦ए॒ति॒¦प॒श्चात् | |
| अ॒स्ययामा᳚सोबृह॒तोनव॒ग्नूनिन्धा᳚ना,अ॒ग्नेःसख्युः॑शि॒वस्य॑ |{अप्त्यस्त्रितः | अग्निः | त्रिष्टुप्} ईड्य॑स्य॒वृष्णो᳚बृह॒तःस्वासो॒भामा᳚सो॒याम᳚न्न॒क्तव॑श्चिकित्रे॒(स्वाहा᳚) || 4 || अ॒स्य¦यामा᳚सः¦बृ॒ह॒तः¦न¦व॒ग्नून्¦इन्धा᳚नाः¦अ॒ग्नेः¦सख्युः॑¦शि॒वस्य॑ | |
| स्व॒नानयस्य॒भामा᳚सः॒पव᳚न्ते॒रोच॑मानस्यबृह॒तःसु॒दिवः॑ |{अप्त्यस्त्रितः | अग्निः | त्रिष्टुप्} ज्येष्ठे᳚भि॒र्यस्तेजि॑ष्ठैःक्रीळु॒मद्भि॒र्वर्षि॑ष्ठेभिर्भा॒नुभि॒र्नक्ष॑ति॒द्याम्(स्वाहा᳚) || 5 || स्व॒नाः¦न¦यस्य॑¦भामा᳚सः¦पव᳚न्ते¦रोच॑मानस्य¦बृ॒ह॒तः¦सु॒ऽदिवः॑ | |
| अ॒स्यशुष्मा᳚सोददृशा॒नप॑वे॒र्जेह॑मानस्यस्वनयन्नि॒युद्भिः॑ |{अप्त्यस्त्रितः | अग्निः | त्रिष्टुप्} प्र॒त्नेभि॒र्योरुश॑द्भिर्दे॒वत॑मो॒विरेभ॑द्भिरर॒तिर्भाति॒विभ्वा॒(स्वाहा᳚) || 6 || अ॒स्य¦शुष्मा᳚सः¦द॒दृ॒शा॒नऽप॑वेः¦जेह॑मानस्य¦स्व॒न॒य॒न्¦नि॒युत्ऽभिः॑ | |
| सआव॑क्षि॒महि॑न॒आच॑सत्सिदि॒वस्पृ॑थि॒व्योर॑र॒तिर्यु॑व॒त्योः |{अप्त्यस्त्रितः | अग्निः | त्रिष्टुप्} अ॒ग्निःसु॒तुकः॑सु॒तुके᳚भि॒रश्वै॒रभ॑स्वद्भी॒रभ॑स्वाँ॒,एहग᳚म्याः॒(स्वाहा᳚) || 7 || सः¦आ¦व॒क्षि॒¦महि॑¦नः॒¦आ¦च॒¦स॒त्सि॒¦दि॒वःपृ॑थि॒व्योः¦अ॒र॒तिः¦यु॒व॒त्योः | |
| [75] प्रतइति सप्तर्चस्य सूक्तस्याप्त्यस्त्रितोग्निस्त्रिष्टुप् |{अष्टक:7, अध्याय:5}{मंडल:10, सूक्त:4}{अनुवाक:1, सूक्त:4} |
| प्रते᳚यक्षि॒प्रत॑इयर्मि॒मन्म॒भुवो॒यथा॒वन्द्यो᳚नो॒हवे᳚षु |{अप्त्यस्त्रितः | अग्निः | त्रिष्टुप्} धन्व᳚न्निवप्र॒पा,अ॑सि॒त्वम॑ग्नइय॒क्षवे᳚पू॒रवे᳚प्रत्नराज॒न्(स्वाहा᳚) || 1 || वर्ग:32 प्र¦ते॒¦य॒क्षि॒¦प्र¦ते॒¦इ॒य॒र्मि॒¦मन्म॑¦भुवः॑¦यथा᳚¦वन्द्यः॑¦नः॒¦हवे᳚षु | |
| यंत्वा॒जना᳚सो,अ॒भिसं॒चर᳚न्ति॒गाव॑उ॒ष्णमि॑वव्र॒जंय॑विष्ठ |{अप्त्यस्त्रितः | अग्निः | त्रिष्टुप्} दू॒तोदे॒वाना᳚मसि॒मर्त्या᳚नाम॒न्तर्म॒हाँश्च॑रसिरोच॒नेन॒(स्वाहा᳚) || 2 || यम्¦त्वा॒¦जना᳚सः¦अ॒भि¦स॒म्ऽचर᳚न्ति¦गावः॑¦उ॒ष्णम्ऽइ᳚व¦व्र॒जम्¦य॒वि॒ष्ठ॒ | |
| शिशुं॒नत्वा॒जेन्यं᳚व॒र्धय᳚न्तीमा॒ताबि॑भर्तिसचन॒स्यमा᳚ना |{अप्त्यस्त्रितः | अग्निः | त्रिष्टुप्} धनो॒रधि॑प्र॒वता᳚यासि॒हर्य॒ञ्जिगी᳚षसेप॒शुरि॒वाव॑सृष्टः॒(स्वाहा᳚) || 3 || शिशु᳚म्¦न¦त्वा॒¦जेन्य᳚म्¦व॒र्धय᳚न्ती¦मा॒ता¦बि॒भ॒र्ति॒¦स॒च॒न॒स्यमा᳚ना | |
| मू॒रा,अ॑मूर॒नव॒यंचि॑कित्वोमहि॒त्वम॑ग्ने॒त्वम॒ङ्गवि॑त्से |{अप्त्यस्त्रितः | अग्निः | त्रिष्टुप्} शये᳚व॒व्रिश्चर॑तिजि॒ह्वया॒दन्रे᳚रि॒ह्यते᳚युव॒तिंवि॒श्पतिः॒सन्(स्वाहा᳚) || 4 || मू॒राः¦अ॒मू॒र॒¦न¦व॒यम्¦चि॒कि॒त्वः॒¦म॒हि॒ऽत्वम्¦अ॒ग्ने॒¦त्वम्¦अ॒ङ्ग¦वि॒त्से॒ | |
| कूचि॑ज्जायते॒सन॑यासु॒नव्यो॒वने᳚तस्थौपलि॒तोधू॒मके᳚तुः |{अप्त्यस्त्रितः | अग्निः | त्रिष्टुप्} अ॒स्ना॒तापो᳚वृष॒भोनप्रवे᳚ति॒सचे᳚तसो॒यंप्र॒णय᳚न्त॒मर्ताः᳚(स्वाहा᳚) || 5 || कूऽचि॑त्¦जा॒य॒ते॒¦सन॑यासु¦नव्यः॑¦वने᳚¦त॒स्थौ॒¦प॒लि॒तः¦धू॒मऽके᳚तुः | |
| त॒नू॒त्यजे᳚व॒तस्क॑रावन॒र्गूर॑श॒नाभि॑र्द॒शभि॑र॒भ्य॑धीताम् |{अप्त्यस्त्रितः | अग्निः | त्रिष्टुप्} इ॒यंते᳚,अग्ने॒नव्य॑सीमनी॒षायु॒क्ष्वारथं॒नशु॒चय॑द्भि॒रङ्गैः᳚(स्वाहा᳚) || 6 || त॒नू॒त्यजा᳚ऽइव¦तस्क॑रा¦व॒न॒र्गू इति॑¦र॒श॒नाभिः॑¦द॒शऽभिः॑¦अ॒भि¦अ॒धी॒ता॒म् | |
| ब्रह्म॑चतेजातवेदो॒नम॑श्चे॒यंच॒गीःसद॒मिद्वर्ध॑नीभूत् |{अप्त्यस्त्रितः | अग्निः | त्रिष्टुप्} रक्षा᳚णो,अग्ने॒तन॑यानितो॒कारक्षो॒तन॑स्त॒न्वो॒३॑(ओ॒)अप्र॑युच्छ॒न्(स्वाहा᳚) || 7 || ब्रह्म॑¦च॒¦ते॒¦जा॒त॒ऽवे॒दः॒¦नमः॑¦च॒¦इ॒यम्¦च॒¦गीः¦सद᳚म्¦इत्¦वर्ध॑नी¦भू॒त् | |
| [76] एकःसमुद्रइति सप्तर्चस्य सूक्तस्यात्यस्त्रितोग्नित्रिष्टुप् |{अष्टक:7, अध्याय:5}{मंडल:10, सूक्त:5}{अनुवाक:1, सूक्त:5} |
| एकः॑समु॒द्रोध॒रुणो᳚रयी॒णाम॒स्मद्धृ॒दोभूरि॑जन्मा॒विच॑ष्टे |{अप्त्यस्त्रितः | अग्निः | त्रिष्टुप्} सिष॒क्त्यूध᳚र्नि॒ण्योरु॒पस्थ॒उत्स॑स्य॒मध्ये॒निहि॑तंप॒दंवेः(स्वाहा᳚) || 1 || वर्ग:33 एकः॑¦स॒मु॒द्रः¦ध॒रुणः॑¦र॒यी॒णाम्¦अ॒स्मत्¦हृ॒दः¦भूरि॑ऽजन्मा¦वि¦च॒ष्टे॒ | |
| स॒मा॒नंनी॒ळंवृष॑णो॒वसा᳚नाः॒संज॑ग्मिरेमहि॒षा,अर्व॑तीभिः |{अप्त्यस्त्रितः | अग्निः | त्रिष्टुप्} ऋ॒तस्य॑प॒दंक॒वयो॒निपा᳚न्ति॒गुहा॒नामा᳚निदधिरे॒परा᳚णि॒(स्वाहा᳚) || 2 || स॒मा॒नम्¦नी॒ळम्¦वृष॑णः¦वसा᳚नाः¦सम्¦ज॒ग्मि॒रे॒¦म॒हि॒षाः¦अर्व॑तीभिः | |
| ऋ॒ता॒यिनी᳚मा॒यिनी॒संद॑धातेमि॒त्वाशिशुं᳚जज्ञतुर्व॒र्धय᳚न्ती |{अप्त्यस्त्रितः | अग्निः | त्रिष्टुप्} विश्व॑स्य॒नाभिं॒चर॑तोध्रु॒वस्य॑क॒वेश्चि॒त्तन्तुं॒मन॑सावि॒यन्तः॒(स्वाहा᳚) || 3 || ऋ॒त॒यिनी॒ इत्यृ॑त॒ऽयिनी᳚¦मा॒यिनी॒ इति॑¦सम्¦द॒धा॒ते॒ इति॑¦मि॒त्वा¦शिशु᳚म्¦ज॒ज्ञ॒तुः॒¦व॒र्धय᳚न्ती॒ इति॑ | |
| ऋ॒तस्य॒हिव॑र्त॒नयः॒सुजा᳚त॒मिषो॒वाजा᳚यप्र॒दिवः॒सच᳚न्ते |{अप्त्यस्त्रितः | अग्निः | त्रिष्टुप्} अ॒धी॒वा॒संरोद॑सीवावसा॒नेघृ॒तैरन्नै᳚र्वावृधाते॒मधू᳚ना॒म्(स्वाहा᳚) || 4 || ऋ॒तस्य॑¦हि¦व॒र्त॒नयः॑¦सुऽजा᳚तम्¦इषः॑¦वाजा᳚य¦प्र॒ऽदिवः॑¦सच᳚न्ते | |
| स॒प्तस्वसॄ॒ररु॑षीर्वावशा॒नोवि॒द्वान्मध्व॒उज्ज॑भारादृ॒शेकम् |{अप्त्यस्त्रितः | अग्निः | त्रिष्टुप्} अ॒न्तर्ये᳚मे,अ॒न्तरि॑क्षेपुरा॒जा,इ॒च्छन्व॒व्रिम॑विदत्पूष॒णस्य॒(स्वाहा᳚) || 5 || स॒प्त¦स्वसॄः᳚¦अरु॑षीः¦वा॒व॒शा॒नः¦वि॒द्वान्¦मध्वः॑¦उत्¦ज॒भा॒र॒¦दृ॒शे¦कम् | |
| स॒प्तम॒र्यादाः᳚क॒वय॑स्ततक्षु॒स्तासा॒मेका॒मिद॒भ्यं᳚हु॒रोगा᳚त् |{अप्त्यस्त्रितः | अग्निः | त्रिष्टुप्} आ॒योर्ह॑स्क॒म्भउ॑प॒मस्य॑नी॒ळेप॒थांवि॑स॒र्गेध॒रुणे᳚षुतस्थौ॒(स्वाहा᳚) || 6 || स॒प्त¦म॒र्यादाः᳚¦क॒वयः॑¦त॒त॒क्षुः॒¦तासा᳚म्¦एका᳚म्¦इत्¦अ॒भि¦अं॒हु॒रः¦गा॒त् | |
| अस॑च्च॒सच्च॑पर॒मेव्यो᳚म॒न्दक्ष॑स्य॒जन्म॒न्नदि॑तेरु॒पस्थे᳚ |{अप्त्यस्त्रितः | अग्निः | त्रिष्टुप्} अ॒ग्निर्ह॑नःप्रथम॒जा,ऋ॒तस्य॒पूर्व॒आयु॑निवृष॒भश्च॑धे॒नुः(स्वाहा᳚) || 7 || अस॑त्¦च॒¦स॒त्¦च॒¦प॒र॒मे¦विऽओ᳚मन्¦दक्ष॑स्य¦जन्म॑न्¦अदि॑तेः¦उ॒पऽस्थे᳚ | |
| [77] अयंसइति सप्तर्चस्य सूक्तस्यात्यस्त्रितोग्नित्रिष्टुप् |{अष्टक:7, अध्याय:6}{मंडल:10, सूक्त:6}{अनुवाक:1, सूक्त:6} |
| अ॒यंसयस्य॒शर्म॒न्नवो᳚भिर॒ग्नेरेध॑तेजरि॒ताभिष्टौ᳚ |{अप्त्यस्त्रितः | अग्निः | त्रिष्टुप्} ज्येष्ठे᳚भि॒र्योभा॒नुभि᳚रृषू॒णांप॒र्येति॒परि॑वीतोवि॒भावा॒(स्वाहा᳚) || 1 || वर्ग:1 अ॒यम्¦सः¦यस्य॑¦शर्म॑न्¦अवः॑ऽभिः¦अ॒ग्नेः¦एध॑ते¦ज॒रि॒ता¦अ॒भिष्टौ᳚ | |
| योभा॒नुभि᳚र्वि॒भावा᳚वि॒भात्य॒ग्निर्दे॒वेभि᳚रृ॒तावाज॑स्रः |{अप्त्यस्त्रितः | अग्निः | त्रिष्टुप्} आयोवि॒वाय॑स॒ख्यासखि॒भ्योऽप॑रिह्वृतो॒,अत्यो॒नसप्तिः॒(स्वाहा᳚) || 2 || यः¦भा॒नुऽभिः॑¦वि॒भाऽवा᳚¦वि॒ऽभाति॑¦अ॒ग्निः¦दे॒वेभिः॑¦ऋ॒तऽवा᳚¦अज॑स्रः | |
| ईशे॒योविश्व॑स्यादे॒ववी᳚ते॒रीशे᳚वि॒श्वायु॑रु॒षसो॒व्यु॑ष्टौ |{अप्त्यस्त्रितः | अग्निः | त्रिष्टुप्} आयस्मि᳚न्म॒नाह॒वींष्य॒ग्नावरि॑ष्टरथःस्क॒भ्नाति॑शू॒षैः(स्वाहा᳚) || 3 || ईशे᳚¦यः¦विश्व॑स्याः¦दे॒वऽवी᳚तेः¦ईशे᳚¦वि॒श्वऽआ᳚युः¦उ॒षसः॑¦वि।औ᳚ष्टौ | |
| शू॒षेभि᳚र्वृ॒धोजु॑षा॒णो,अ॒र्कैर्दे॒वाँ,अच्छा᳚रघु॒पत्वा᳚जिगाति |{अप्त्यस्त्रितः | अग्निः | त्रिष्टुप्} म॒न्द्रोहोता॒सजु॒ह्वा॒३॑(आ॒)यजि॑ष्ठः॒सम्मि॑श्लो,अ॒ग्निराजि॑घर्तिदे॒वान्(स्वाहा᳚) || 4 || शू॒षेभिः॑¦वृ॒धः¦जु॒षा॒णः¦अ॒र्कैः¦दे॒वान्¦अच्छ॑¦र॒घु॒ऽपत्वा᳚¦ज॒गा॒ति॒ | |
| तमु॒स्रामिन्द्रं॒नरेज॑मानम॒ग्निंगी॒र्भिर्नमो᳚भि॒राकृ॑णुध्वम् |{अप्त्यस्त्रितः | अग्निः | त्रिष्टुप्} आयंविप्रा᳚सोम॒तिभि॑र्गृ॒णन्ति॑जा॒तवे᳚दसंजु॒ह्वं᳚स॒हाना॒म्(स्वाहा᳚) || 5 || तम्¦उ॒स्राम्¦इन्द्र᳚म्¦न¦रेज॑मानम्¦अ॒ग्निम्¦गीः॒ऽभिः¦नमः॑ऽभिः¦आ¦कृ॒णु॒ध्व॒म् | |
| संयस्मि॒न्विश्वा॒वसू᳚निज॒ग्मुर्वाजे॒नाश्वाः॒सप्ती᳚वन्त॒एवैः᳚ |{अप्त्यस्त्रितः | अग्निः | त्रिष्टुप्} अ॒स्मे,ऊ॒तीरिन्द्र॑वाततमा,अर्वाची॒ना,अ॑ग्न॒आकृ॑णुष्व॒(स्वाहा᳚) || 6 || सम्¦यस्मि॑न्¦विश्वा᳚¦वसू᳚नि¦ज॒ग्मुः¦वाजे᳚¦न¦अश्वाः᳚¦सप्ति॑ऽवन्तः¦एवैः᳚ | |
| अधा॒ह्य॑ग्नेम॒ह्नानि॒षद्या᳚स॒द्योज॑ज्ञा॒नोहव्यो᳚ब॒भूथ॑ |{अप्त्यस्त्रितः | अग्निः | त्रिष्टुप्} तंते᳚दे॒वासो॒,अनु॒केत॑माय॒न्नधा᳚वर्धन्तप्रथ॒मास॒ऊमाः᳚(स्वाहा᳚) || 7 || अध॑¦हि¦अ॒ग्ने॒¦म॒ह्ना¦नि॒ऽसद्य॑¦स॒द्यः¦ज॒ज्ञा॒नः¦हव्यः॑¦ब॒भूथ॑ | |
| [78] स्वस्तिनइति सप्तर्चस्य सूक्तस्यात्यस्त्रितोग्नित्रिष्टुप् |{अष्टक:7, अध्याय:6}{मंडल:10, सूक्त:7}{अनुवाक:1, सूक्त:7} |
| स्व॒स्तिनो᳚दि॒वो,अ॑ग्नेपृथि॒व्यावि॒श्वायु॑र्धेहिय॒जथा᳚यदेव |{अप्त्यस्त्रितः | अग्निः | त्रिष्टुप्} सचे᳚महि॒तव॑दस्मप्रके॒तैरु॑रु॒ष्याण॑उ॒रुभि॑र्देव॒शंसैः᳚(स्वाहा᳚) || 1 || वर्ग:2 स्व॒स्ति¦नः॒¦दि॒वः¦अ॒ग्ने॒¦पृ॒थि॒व्याः¦वि॒श्वऽआ᳚युः¦धे॒हि॒¦य॒जथा᳚य¦दे॒व॒ | |
| इ॒मा,अ॑ग्नेम॒तय॒स्तुभ्यं᳚जा॒तागोभि॒रश्वै᳚र॒भिगृ॑णन्ति॒राधः॑ |{अप्त्यस्त्रितः | अग्निः | त्रिष्टुप्} य॒दाते॒मर्तो॒,अनु॒भोग॒मान॒ड्वसो॒दधा᳚नोम॒तिभिः॑सुजात॒(स्वाहा᳚) || 2 || इ॒माः¦अ॒ग्ने॒¦म॒तयः॑¦तुभ्य᳚म्¦जा॒ताः¦गोभिः॑¦अश्वैः᳚¦अ॒भि¦गृ॒ण॒न्ति॒¦राधः॑ | |
| अ॒ग्निंम᳚न्येपि॒तर॑म॒ग्निमा॒पिम॒ग्निंभ्रात॑रं॒सद॒मित्सखा᳚यम् |{अप्त्यस्त्रितः | अग्निः | त्रिष्टुप्} अ॒ग्नेरनी᳚कंबृह॒तःस॑पर्यंदि॒विशु॒क्रंय॑ज॒तंसूर्य॑स्य॒(स्वाहा᳚) || 3 || अ॒ग्निम्¦म॒न्ये॒¦पि॒तर᳚म्¦अ॒ग्निम्¦आ॒पिम्¦अ॒ग्निम्¦भ्रात॑रम्¦सद᳚म्¦इत्¦सखा᳚यम् | |
| सि॒ध्रा,अ॑ग्ने॒धियो᳚,अ॒स्मेसनु॑त्री॒र्यंत्राय॑से॒दम॒आनित्य॑होता |{अप्त्यस्त्रितः | अग्निः | त्रिष्टुप्} ऋ॒तावा॒सरो॒हिद॑श्वःपुरु॒क्षुर्द्युभि॑रस्मा॒,अह॑भिर्वा॒मम॑स्तु॒(स्वाहा᳚) || 4 || सि॒ध्राः¦अ॒ग्ने॒¦धियः॑¦अ॒स्मे इति॑¦सनु॑त्रीः¦यम्¦त्राय॑से¦दमे᳚¦आ¦नित्य॑ऽहोता | |
| द्युभि᳚र्हि॒तंमि॒त्रमि॑वप्र॒योगं᳚प्र॒त्नमृ॒त्विज॑मध्व॒रस्य॑जा॒रम् |{अप्त्यस्त्रितः | अग्निः | त्रिष्टुप्} बा॒हुभ्या᳚म॒ग्निमा॒यवो᳚ऽजनन्तवि॒क्षुहोता᳚रं॒न्य॑सादयन्त॒(स्वाहा᳚) || 5 || द्युऽभिः॑¦हि॒तम्¦मि॒त्रम्ऽइ᳚व¦प्र॒ऽयोग᳚म्¦प्र॒त्नम्¦ऋ॒त्विज᳚म्¦अ॒ध्व॒रस्य॑¦जा॒रम् | |
| स्व॒यंय॑जस्वदि॒विदे᳚वदे॒वान्किंते॒पाकः॑कृणव॒दप्र॑चेताः |{अप्त्यस्त्रितः | अग्निः | त्रिष्टुप्} यथाय॑जऋ॒तुभि॑र्देवदे॒वाने॒वाय॑जस्वत॒न्वं᳚सुजात॒(स्वाहा᳚) || 6 || स्व॒यम्¦य॒ज॒स्व॒¦दि॒वि¦दे॒व॒¦दे॒वान्¦किम्¦ते॒¦पाकः॑¦कृ॒ण॒व॒त्¦अप्र॑ऽचेताः | |
| भवा᳚नो,अग्नेऽवि॒तोतगो॒पाभवा᳚वय॒स्कृदु॒तनो᳚वयो॒धाः |{अप्त्यस्त्रितः | अग्निः | त्रिष्टुप्} रास्वा᳚चनःसुमहोह॒व्यदा᳚तिं॒त्रास्वो॒तन॑स्त॒न्वो॒३॑(ओ॒)अप्र॑युच्छ॒न्(स्वाहा᳚) || 7 || भव॑¦नः॒¦अ॒ग्ने॒¦अ॒वि॒ता¦उ॒त¦गो॒पाः¦भव॑¦व॒यः॒ऽकृत्¦उ॒त¦नः॒¦व॒यः॒ऽधाः | |
| [79] प्रकेतुनेति नवर्चस्य सूक्तस्यत्वाष्ट्रस्त्रिशिराअग्निः अंत्यतृचस्येंद्रस्त्रिष्टुप् |{अष्टक:7, अध्याय:6}{मंडल:10, सूक्त:8}{अनुवाक:1, सूक्त:8} |
| प्रके॒तुना᳚बृह॒ताया᳚त्य॒ग्निरारोद॑सीवृष॒भोरो᳚रवीति |{त्वाष्ट्रस्त्रिशिरः | अग्निः | त्रिष्टुप्} दि॒वश्चि॒दन्ताँ᳚,उप॒माँ,उदा᳚नळ॒पामु॒पस्थे᳚महि॒षोव॑वर्ध॒(स्वाहा᳚) || 1 || वर्ग:3 प्र¦के॒तुना᳚¦बृ॒ह॒ता¦या॒ति॒¦अ॒ग्निः¦आ¦रोद॑सी॒ इति॑¦वृ॒ष॒भः¦रो॒र॒वी॒ति॒ | |
| मु॒मोद॒गर्भो᳚वृष॒भःक॒कुद्मा᳚नस्रे॒माव॒त्सःशिमी᳚वाँ,अरावीत् |{त्वाष्ट्रस्त्रिशिरः | अग्निः | त्रिष्टुप्} सदे॒वता॒त्युद्य॑तानिकृ॒ण्वन्त्स्वेषु॒क्षये᳚षुप्रथ॒मोजि॑गाति॒(स्वाहा᳚) || 2 || मु॒मोद॑¦गर्भः॑¦वृ॒ष॒भः¦क॒कुत्ऽमा᳚न्¦अ॒स्रे॒मा¦व॒त्सः¦शिमी᳚ऽवान्¦अ॒रा॒वी॒त् | |
| आयोमू॒र्धानं᳚पि॒त्रोरर॑ब्ध॒न्य॑ध्व॒रेद॑धिरे॒सूरो॒,अर्णः॑ |{त्वाष्ट्रस्त्रिशिरः | अग्निः | त्रिष्टुप्} अस्य॒पत्म॒न्नरु॑षी॒रश्व॑बुध्ना,ऋ॒तस्य॒योनौ᳚त॒न्वो᳚जुषन्त॒(स्वाहा᳚) || 3 || आ¦यः¦मू॒र्धान᳚म्¦पि॒त्रोः¦अर॑ब्ध¦नि¦अ॒ध्व॒रे¦द॒धि॒रे॒¦सूरः॑¦अर्णः॑ | |
| उ॒षौ᳚षो॒हिव॑सो॒,अग्र॒मेषि॒त्वंय॒मयो᳚रभवोवि॒भावा᳚ |{त्वाष्ट्रस्त्रिशिरः | अग्निः | त्रिष्टुप्} ऋ॒ताय॑स॒प्तद॑धिषेप॒दानि॑ज॒नय᳚न्मि॒त्रंत॒न्वे॒३॑(ए॒)स्वायै॒(स्वाहा᳚) || 4 || उ॒षः।औ᳚षः¦हि¦व॒सो॒ इति॑¦अग्र᳚म्¦एषि॑¦त्वम्¦य॒मयोः᳚¦अ॒भ॒वः॒¦वि॒भाऽवा᳚ | |
| भुव॒श्चक्षु᳚र्म॒हऋ॒तस्य॑गो॒पाभुवो॒वरु॑णो॒यदृ॒ताय॒वेषि॑ |{त्वाष्ट्रस्त्रिशिरः | अग्निः | त्रिष्टुप्} भुवो᳚,अ॒पांनपा᳚ज्जातवेदो॒भुवो᳚दू॒तोयस्य॑ह॒व्यंजुजो᳚षः॒(स्वाहा᳚) || 5 || भुवः॑¦चक्षुः॑¦म॒हः¦ऋ॒तस्य॑¦गो॒पाः¦भुवः॑¦वरु॑णः¦यत्¦ऋ॒ताय॑¦वेषि॑ | |
| भुवो᳚य॒ज्ञस्य॒रज॑सश्चने॒तायत्रा᳚नि॒युद्भिः॒सच॑सेशि॒वाभिः॑ |{त्वाष्ट्रस्त्रिशिरः | अग्निः | त्रिष्टुप्} दि॒विमू॒र्धानं᳚दधिषेस्व॒र्षांजि॒ह्वाम॑ग्नेचकृषेहव्य॒वाह॒म्(स्वाहा᳚) || 6 || वर्ग:4 भुवः॑¦य॒ज्ञस्य॑¦रज॑सः¦च॒¦ने॒ता¦यत्र॑¦नि॒युत्ऽभिः॑¦सच॑से¦शि॒वाभिः॑ | |
| अ॒स्यत्रि॒तःक्रतु॑नाव॒व्रे,अ॒न्तरि॒च्छन्धी॒तिंपि॒तुरेवैः॒पर॑स्य |{त्वाष्ट्रस्त्रिशिरः | इन्द्रः | त्रिष्टुप्} स॒च॒स्यमा᳚नःपि॒त्रोरु॒पस्थे᳚जा॒मिब्रु॑वा॒णआयु॑धानिवेति॒(स्वाहा᳚) || 7 || अ॒स्य¦त्रि॒तः¦क्रतु॑ना¦व॒व्रे¦अ॒न्तः¦इ॒च्छन्¦धी॒तिम्¦पि॒तुः¦एवैः᳚¦पर॑स्य | |
| सपित्र्या॒ण्यायु॑धानिवि॒द्वानिन्द्रे᳚षितआ॒प्त्यो,अ॒भ्य॑युध्यत् |{त्वाष्ट्रस्त्रिशिरः | इन्द्रः | त्रिष्टुप्} त्रि॒शी॒र्षाणं᳚स॒प्तर॑श्मिंजघ॒न्वान्त्वा॒ष्ट्रस्य॑चि॒न्निःस॑सृजेत्रि॒तोगाः(स्वाहा᳚) || 8 || सः¦पित्र्या᳚णि¦आयु॑धानि¦वि॒द्वान्¦इन्द्र॑ऽइषितः¦आ॒प्त्यः¦अ॒भि¦अ॒यु॒ध्य॒त् | |
| भूरीदिन्द्र॑उ॒दिन॑क्षन्त॒मोजोऽवा᳚भिन॒त्सत्प॑ति॒र्मन्य॑मानम् |{त्वाष्ट्रस्त्रिशिरः | इन्द्रः | त्रिष्टुप्} त्वा॒ष्ट्रस्य॑चिद्वि॒श्वरू᳚पस्य॒गोना᳚माचक्रा॒णस्त्रीणि॑शी॒र्षापरा᳚वर्क्॒(स्वाहा᳚) || 9 || भूरि॑¦इत्¦इन्द्रः॑¦उ॒त्ऽइन॑क्षन्तम्¦ओजः॑¦अव॑¦अ॒भि॒न॒त्¦सत्ऽप॑तिः¦मन्य॑मानम् | |
| [80] आपोहिष्ठेति नवर्चस्य सूक्तस्य आंबरीषः सिंधुद्वीप आपो गायत्री पंचमीवर्धमाना सप्तमीप्रतिष्ठांत्येद्वेअनुष्टुभौ | आपोहिसिंधुद्वीपोवांबरीष इत्येवमनुक्रमण्यां सिंधुद्वीपस्य पाक्षिकत्व स्वीकारे पूर्वोक्तस्त्रिशिराः प्राप्नोतितथापि प्रयोक्तृभिः सिंधुद्वीप एवाद्रियते |{अष्टक:7, अध्याय:6}{मंडल:10, सूक्त:9}{अनुवाक:1, सूक्त:9} |
| आपो॒हिष्ठाम॑यो॒भुव॒स्तान॑ऊ॒र्जेद॑धातन |{आंबरीषः सिंधुद्वीपः | आपः | गायत्री} म॒हेरणा᳚य॒चक्ष॑से॒(स्वाहा᳚) || 1 || वर्ग:5 आपः॑¦हि¦स्थ¦म॒यः॒ऽभुवः॑¦ताः¦नः॒¦ऊ॒र्जे¦द॒धा॒त॒न॒ | म॒हे¦रणा᳚य¦चक्ष॑से || |
| योवः॑शि॒वत॑मो॒रस॒स्तस्य॑भाजयते॒हनः॑ |{आंबरीषः सिंधुद्वीपः | आपः | गायत्री} उ॒श॒तीरि॑वमा॒तरः॒(स्वाहा᳚) || 2 || यः¦वः॒¦शि॒वऽत॑मः¦रसः॑¦तस्य॑¦भा॒ज॒य॒त॒¦इ॒ह¦नः॒ | उ॒श॒तीःऽइ᳚व¦मा॒तरः॑ || |
| तस्मा॒,अरं᳚गमामवो॒यस्य॒क्षया᳚य॒जिन्व॑थ |{आंबरीषः सिंधुद्वीपः | आपः | गायत्री} आपो᳚ज॒नय॑थाचनः॒(स्वाहा᳚) || 3 || तस्मै᳚¦अर᳚म्¦ग॒मा॒म॒¦वः॒¦यस्य॑¦क्षया᳚य¦जिन्व॑थ | आपः॑¦ज॒नय॑थ¦च॒¦नः॒ || |
| शंनो᳚दे॒वीर॒भिष्ट॑य॒आपो᳚भवन्तुपी॒तये᳚ |{आंबरीषः सिंधुद्वीपः | आपः | गायत्री} शंयोर॒भिस्र॑वन्तुनः॒(स्वाहा᳚) || 4 || शम्¦नः॒¦दे॒वीः¦अ॒भिष्ट॑ये¦आपः॑¦भ॒व॒न्तु॒¦पी॒तये᳚ | शम्¦योः¦अ॒भि¦स्र॒व॒न्तु॒¦नः॒ || |
| ईशा᳚ना॒वार्या᳚णां॒क्षय᳚न्तीश्चर्षणी॒नाम् |{आंबरीषः सिंधुद्वीपः | आपः | वर्धमाना गायत्री} अ॒पोया᳚चामिभेष॒जम्(स्वाहा᳚) || 5 || ईशा᳚नाः¦वार्या᳚णाम्¦क्षय᳚न्तीः¦च॒र्ष॒णी॒नाम् | अ॒पः¦या॒चा॒मि॒¦भे॒ष॒जम् || |
| अ॒प्सुमे॒सोमो᳚,अब्रवीद॒न्तर्विश्वा᳚निभेष॒जा |{आंबरीषः सिंधुद्वीपः | आपः | गायत्री} अ॒ग्निंच॑वि॒श्वश᳚म्भुव॒म्(स्वाहा᳚) || 6 || अ॒प्ऽसु¦मे॒¦सोमः॑¦अ॒ब्र॒वी॒त्¦अ॒न्तः¦विश्वा᳚नि¦भे॒ष॒जा | अ॒ग्निम्¦च॒¦वि॒श्वऽश᳚म्भुवम् || |
| आपः॑पृणी॒तभे᳚ष॒जंवरू᳚थंत॒न्वे॒३॑(ए॒)मम॑ |{आंबरीषः सिंधुद्वीपः | आपः | प्रतिष्ठागायत्री} ज्योक्च॒सूर्यं᳚दृ॒शे(स्वाहा᳚) || 7 || आपः॑¦पृ॒णी॒त¦भे॒ष॒जम्¦वरू᳚थम्¦त॒न्वे᳚¦मम॑ | ज्योक्¦च॒¦सूर्य᳚म्¦दृ॒शे || |
| इ॒दमा᳚पः॒प्रव॑हत॒यत्किंच॑दुरि॒तंमयि॑ |{आंबरीषः सिंधुद्वीपः | आपः | अनुष्टुप्} यद्वा॒हम॑भिदु॒द्रोह॒यद्वा᳚शे॒पउ॒तानृ॑त॒म्(स्वाहा᳚) || 8 || इ॒दम्¦आ॒पः॒¦प्र¦व॒ह॒त॒¦यत्¦किम्¦च॒¦दुः॒ऽइ॒तम्¦मयि॑ | यत्¦वा॒¦अ॒हम्¦अ॒भि॒ऽदु॒द्रोह॑¦यत्¦वा॒¦शे॒पे¦उ॒त¦अनृ॑तम् || |
| आपो᳚,अ॒द्यान्व॑चारिषं॒रसे᳚न॒सम॑गस्महि |{आंबरीषः सिंधुद्वीपः | आपः | अनुष्टुप्} पय॑स्वानग्न॒आग॑हि॒तंमा॒संसृ॑ज॒वर्च॑सा॒(स्वाहा᳚) || 9 || आपः॑¦अ॒द्य¦अनु॑¦अ॒चा॒रि॒ष॒म्¦रसे᳚न¦सम्¦अ॒ग॒स्म॒हि॒ | पय॑स्वान्¦अ॒ग्ने॒¦आ¦ग॒हि॒¦तम्¦मा॒¦सम्¦सृ॒ज॒¦वर्च॑सा || |
| [81] ओचिदिति चतुर्दशर्चस्य सूक्तस्य नवमी वर्ज्यानामयुजां षष्ठ्याश्च वैवस्वतीयमी ऋषिका यमोदेवता षष्ठीवर्ज्यानांयुजां नवम्याश्च वैवस्वतोयमीत्रिष्टुप् |{अष्टक:7, अध्याय:6}{मंडल:10, सूक्त:10}{अनुवाक:1, सूक्त:10} |
| ओचि॒त्सखा᳚यंस॒ख्याव॑वृत्यांति॒रःपु॒रूचि॑दर्ण॒वंज॑ग॒न्वान् |{वैवस्वती यमी | यमः | त्रिष्टुप्} पि॒तुर्नपा᳚त॒माद॑धीतवे॒धा,अधि॒क्षमि॑प्रत॒रंदीध्या᳚नः॒(स्वाहा᳚) || 1 || वर्ग:6 ओ इति॑¦चि॒त्¦सखा᳚यम्¦स॒ख्या¦व॒वृ॒त्या॒म्¦ति॒रः¦पु॒रु¦चि॒त्¦अ॒र्ण॒वम्¦ज॒ग॒न्वान् | |
| नते॒सखा᳚स॒ख्यंव॑ष्ट्ये॒तत्सल॑क्ष्मा॒यद्विषु॑रूपा॒भवा᳚ति |{यमः | वैवस्वती यमी | त्रिष्टुप्} म॒हस्पु॒त्रासो॒,असु॑रस्यवी॒रादि॒वोध॒र्तार॑उर्वि॒यापरि॑ख्य॒न्(स्वाहा᳚) || 2 || न¦ते॒¦सखा᳚¦स॒ख्यम्¦व॒ष्टि॒¦ए॒तत्¦सऽल॑क्ष्मा¦यत्¦विषु॑ऽरूपा¦भवा᳚ति | |
| उ॒शन्ति॑घा॒ते,अ॒मृता᳚सए॒तदेक॑स्यचित्त्य॒जसं॒मर्त्य॑स्य |{वैवस्वती यमी | यमः | त्रिष्टुप्} निते॒मनो॒मन॑सिधाय्य॒स्मेजन्युः॒पति॑स्त॒न्व१॑(अ॒)मावि॑विश्याः॒(स्वाहा᳚) || 3 || उ॒शन्ति॑¦घ॒¦ते¦अ॒मृता᳚सः¦ए॒तत्¦एक॑स्य¦चि॒त्¦त्य॒जस᳚म्¦मर्त्य॑स्य | |
| नयत्पु॒राच॑कृ॒माकद्ध॑नू॒नमृ॒तावद᳚न्तो॒,अनृ॑तंरपेम |{यमः | वैवस्वती यमी | त्रिष्टुप्} ग॒न्ध॒र्वो,अ॒प्स्वप्या᳚च॒योषा॒सानो॒नाभिः॑पर॒मंजा॒मितन्नौ॒(स्वाहा᳚) || 4 || न¦यत्¦पु॒रा¦च॒कृ॒म॒¦कत्¦ह॒¦नू॒नम्¦ऋ॒ता¦वद᳚न्तः¦अनृ॑तम्¦र॒पे॒म॒ | |
| गर्भे॒नुनौ᳚जनि॒तादम्प॑तीकर्दे॒वस्त्वष्टा᳚सवि॒तावि॒श्वरू᳚पः |{वैवस्वती यमी | यमः | त्रिष्टुप्} नकि॑रस्य॒प्रमि॑नन्तिव्र॒तानि॒वेद॑नाव॒स्यपृ॑थि॒वी,उ॒तद्यौः(स्वाहा᳚) || 5 || गर्भे᳚¦नु¦नौ॒¦ज॒नि॒ता¦दंप॑ती॒ इति॒ दम्ऽप॑ती¦कः॒¦दे॒वः¦त्वष्टा᳚¦स॒वि॒ता¦वि॒श्वऽरू᳚पः | |
| को,अ॒स्यवे᳚दप्रथ॒मस्याह्नः॒कईं᳚ददर्श॒कइ॒हप्रवो᳚चत् |{वैवस्वती यमी | यमः | त्रिष्टुप्} बृ॒हन्मि॒त्रस्य॒वरु॑णस्य॒धाम॒कदु॑ब्रवआहनो॒वीच्या॒नॄ॒न्(स्वाहा᳚) || 6 || वर्ग:7 कः¦अ॒स्य¦वे॒द॒¦प्र॒थ॒मस्य॑¦अह्नः॑¦कः¦ई॒म्¦द॒द॒र्श॒¦कः¦इ॒ह¦प्र¦वो॒च॒त् | |
| य॒मस्य॑माय॒म्य१॑(अं॒)काम॒आग᳚न्त्समा॒नेयोनौ᳚सह॒शेय्या᳚य |{वैवस्वती यमी | यमः | त्रिष्टुप्} जा॒येव॒पत्ये᳚त॒न्वं᳚रिरिच्यां॒विचि॑द्वृहेव॒रथ्ये᳚वच॒क्रा(स्वाहा᳚) || 7 || य॒मस्य॑¦मा॒¦य॒म्य᳚म्¦कामः॑¦आ¦अ॒ग॒न्¦स॒मा॒ने¦योनौ᳚¦स॒ह॒ऽशेय्या᳚य | |
| नति॑ष्ठन्ति॒ननिमि॑षन्त्ये॒तेदे॒वानां॒स्पश॑इ॒हयेचर᳚न्ति |{यमः | वैवस्वती यमी | त्रिष्टुप्} अ॒न्येन॒मदा᳚हनोयाहि॒तूयं॒तेन॒विवृ॑ह॒रथ्ये᳚वच॒क्रा(स्वाहा᳚) || 8 || न¦ति॒ष्ठ॒न्ति॒¦न¦नि¦मि॒ष॒न्ति॒¦ए॒ते¦दे॒वाना᳚म्¦स्पशः॑¦इ॒ह¦ये¦चर᳚न्ति | |
| रात्री᳚भिरस्मा॒,अह॑भिर्दशस्ये॒त्सूर्य॑स्य॒चक्षु॒र्मुहु॒रुन्मि॑मीयात् |{यमः | वैवस्वती यमी | त्रिष्टुप्} दि॒वापृ॑थि॒व्यामि॑थु॒नासब᳚न्धूय॒मीर्य॒मस्य॑बिभृया॒दजा᳚मि॒(स्वाहा᳚) || 9 || रात्री᳚भिः¦अ॒स्मै॒¦अह॑ऽभिः¦द॒श॒स्ये॒त्¦सूर्य॑स्य¦चक्षुः॑¦मुहुः॑¦उत्¦मि॒मी॒या॒त् | |
| आघा॒ताग॑च्छा॒नुत्त॑रायु॒गानि॒यत्र॑जा॒मयः॑कृ॒णव॒न्नजा᳚मि |{यमः | वैवस्वती यमी | त्रिष्टुप्} उप॑बर्बृहिवृष॒भाय॑बा॒हुम॒न्यमि॑च्छस्वसुभगे॒पतिं॒मत्(स्वाहा᳚) || 10 || आ¦घ॒¦ता¦ग॒च्छा॒न्¦उत्ऽत॑रा¦यु॒गानि॑¦यत्र॑¦जा॒मयः॑¦कृ॒णव॑न्¦अजा᳚मि | |
| किंभ्राता᳚स॒द्यद॑ना॒थंभवा᳚ति॒किमु॒स्वसा॒यन्निरृ॑तिर्नि॒गच्छा᳚त् |{वैवस्वती यमी | यमः | त्रिष्टुप्} काम॑मूताब॒ह्वे॒३॑(ए॒)तद्र॑पामित॒न्वा᳚मेत॒न्व१॑(अं॒)संपि॑पृग्धि॒(स्वाहा᳚) || 11 || वर्ग:8 किम्¦भ्राता᳚¦अ॒स॒त्¦यत्¦अ॒ना॒थम्¦भवा᳚ति¦किम्¦ऊँ॒ इति॑¦स्वसा᳚¦यत्¦निःऽऋ॑तिः¦नि॒ऽगच्छा᳚त् | |
| नवा,उ॑तेत॒न्वा᳚त॒न्व१॑(अं॒)संप॑पृच्यांपा॒पमा᳚हु॒र्यःस्वसा᳚रंनि॒गच्छा᳚त् |{यमः | वैवस्वती यमी | त्रिष्टुप्} अ॒न्येन॒मत्प्र॒मुदः॑कल्पयस्व॒नते॒भ्राता᳚सुभगेवष्ट्ये॒तत्(स्वाहा᳚) || 12 || न¦वै¦ऊँ॒ इति॑¦ते॒¦त॒न्वा᳚¦त॒न्व᳚म्¦सम्¦प॒पृ॒च्या॒म्¦पा॒पम्¦आ॒हुः॒¦यः¦स्वसा᳚रम्¦नि॒ऽगच्छा᳚त् | |
| ब॒तोब॑तासियम॒नैवते॒मनो॒हृद॑यंचाविदाम |{वैवस्वती यमी | यमः | त्रिष्टुप्} अ॒न्याकिल॒त्वांक॒क्ष्ये᳚वयु॒क्तंपरि॑ष्वजाते॒लिबु॑जेववृ॒क्षम्(स्वाहा᳚) || 13 || ब॒तः¦ब॒त॒¦अ॒सि॒¦य॒म॒¦न¦ए॒व¦ते॒¦मनः॑¦हृद॑यम्¦च॒¦अ॒वि॒दा॒म॒ | |
| अ॒न्यमू॒षुत्वंय᳚म्य॒न्यउ॒त्वांपरि॑ष्वजाते॒लिबु॑जेववृ॒क्षम् |{यमः | वैवस्वती यमी | त्रिष्टुप्} तस्य॑वा॒त्वंमन॑इ॒च्छासवा॒तवाधा᳚कृणुष्वसं॒विदं॒सुभ॑द्रा॒म्(स्वाहा᳚) || 14 || अ॒न्यम्¦ऊँ॒ इति॑¦सु¦त्वम्¦य॒मि॒¦अ॒न्यः¦ऊँ॒ इति॑¦त्वाम्¦परि॑¦स्व॒जा॒ते॒¦लिबु॑जाऽइव¦वृ॒क्षम् | |
| [82] वृषावृष्ण इति नवर्चस्य सूक्तस्यांगिर्हविर्धानोऽग्निर्जगती अंत्यास्तिस्रत्रिष्टुभः |{अष्टक:7, अध्याय:6}{मंडल:10, सूक्त:11}{अनुवाक:1, सूक्त:11} |
| वृषा॒वृष्णे᳚दुदुहे॒दोह॑सादि॒वःपयां᳚सिय॒ह्वो,अदि॑ते॒रदा᳚भ्यः |{आङ्गिर्हविर्धानः | अग्निः | जगती} विश्वं॒सवे᳚द॒वरु॑णो॒यथा᳚धि॒यासय॒ज्ञियो᳚यजतुय॒ज्ञियाँ᳚,ऋ॒तून्(स्वाहा᳚) || 1 || वर्ग:9 वृषा᳚¦वृष्णे᳚¦दु॒दु॒हे॒¦दोह॑सा¦दि॒वः¦पयां᳚सि¦य॒ह्वः¦अदि॑तेः¦अदा᳚भ्यः | |
| रप॑द्गन्ध॒र्वीरप्या᳚च॒योष॑णान॒दस्य॑ना॒देपरि॑पातुमे॒मनः॑ |{आङ्गिर्हविर्धानः | अग्निः | जगती} इ॒ष्टस्य॒मध्ये॒,अदि॑ति॒र्निधा᳚तुनो॒भ्राता᳚नोज्ये॒ष्ठःप्र॑थ॒मोविवो᳚चति॒(स्वाहा᳚) || 2 || रप॑त्¦ग॒न्ध॒र्वीः¦अप्या᳚¦च॒¦योष॑णा¦न॒दस्य॑¦ना॒दे¦परि॑¦पा॒तु॒¦मे॒¦मनः॑ | |
| सोचि॒न्नुभ॒द्राक्षु॒मती॒यश॑स्वत्यु॒षा,उ॑वास॒मन॑वे॒स्व᳚र्वती |{आङ्गिर्हविर्धानः | अग्निः | जगती} यदी᳚मु॒शन्त॑मुश॒तामनु॒क्रतु॑म॒ग्निंहोता᳚रंवि॒दथा᳚य॒जीज॑न॒न्(स्वाहा᳚) || 3 || सो इति॑¦चि॒त्¦नु¦भ॒द्रा¦क्षु॒ऽमती᳚¦यश॑स्वती¦उ॒षाः¦उ॒वा॒स॒¦मन॑वे¦स्वः॑ऽवती | |
| अध॒त्यंद्र॒प्संवि॒भ्वं᳚विचक्ष॒णंविराभ॑रदिषि॒तःश्ये॒नो,अ॑ध्व॒रे |{आङ्गिर्हविर्धानः | अग्निः | जगती} यदी॒विशो᳚वृ॒णते᳚द॒स्ममार्या᳚,अ॒ग्निंहोता᳚र॒मध॒धीर॑जायत॒(स्वाहा᳚) || 4 || अध॑¦त्यम्¦द्र॒प्सम्¦वि॒भ्व᳚म्¦वि॒ऽच॒क्ष॒णम्¦विः¦आ¦अ॒भ॒र॒त्¦इ॒षि॒तः¦श्ये॒नः¦अ॒ध्व॒रे | |
| सदा᳚सिर॒ण्वोयव॑सेव॒पुष्य॑ते॒होत्रा᳚भिरग्ने॒मनु॑षःस्वध्व॒रः |{आङ्गिर्हविर्धानः | अग्निः | जगती} विप्र॑स्यवा॒यच्छ॑शमा॒नउ॒क्थ्य१॑(अं॒)वाजं᳚सस॒वाँ,उ॑प॒यासि॒भूरि॑भिः॒(स्वाहा᳚) || 5 || सदा᳚¦अ॒सि॒¦र॒ण्वः¦यव॑साऽइव¦पुष्य॑ते¦होत्रा᳚भिः¦अ॒ग्ने॒¦मनु॑षः¦सु॒।आ॒ध्व॒रः | |
| उदी᳚रयपि॒तरा᳚जा॒रआभग॒मिय॑क्षतिहर्य॒तोहृ॒त्तइ॑ष्यति |{आङ्गिर्हविर्धानः | अग्निः | जगती} विव॑क्ति॒वह्निः॑स्वप॒स्यते᳚म॒खस्त॑वि॒ष्यते॒,असु॑रो॒वेप॑तेम॒ती(स्वाहा᳚) || 6 || वर्ग:10 उत्¦ई॒र॒य॒¦पि॒तरा᳚¦जा॒रः¦आ¦भग᳚म्¦इय॑क्षति¦ह॒र्य॒तः¦हृ॒त्तः¦इ॒ष्य॒ति॒ | |
| यस्ते᳚,अग्नेसुम॒तिंमर्तो॒,अक्ष॒त्सह॑सःसूनो॒,अति॒सप्रशृ᳚ण्वे |{आङ्गिर्हविर्धानः | अग्निः | त्रिष्टुप्} इषं॒दधा᳚नो॒वह॑मानो॒,अश्वै॒रासद्यु॒माँ,अम॑वान्भूषति॒द्यून्(स्वाहा᳚) || 7 || यः¦ते॒¦अ॒ग्ने॒¦सु॒ऽम॒तिम्¦मर्तः॑¦अक्ष॑त्¦सह॑सः¦सू॒नो॒ इति॑¦अति॑¦सः¦प्र¦शृ॒ण्वे॒ | |
| यद॑ग्नए॒षासमि॑ति॒र्भवा᳚तिदे॒वीदे॒वेषु॑यज॒ताय॑जत्र |{आङ्गिर्हविर्धानः | अग्निः | त्रिष्टुप्} रत्ना᳚च॒यद्वि॒भजा᳚सिस्वधावोभा॒गंनो॒,अत्र॒वसु॑मन्तंवीता॒त्(स्वाहा᳚) || 8 || यत्¦अ॒ग्ने॒¦ए॒षा¦सम्ऽइ᳚तिः¦भवा᳚ति¦दे॒वी¦दे॒वेषु॑¦य॒ज॒ता¦य॒ज॒त्र॒ | |
| श्रु॒धीनो᳚,अग्ने॒सद॑नेस॒धस्थे᳚यु॒क्ष्वारथ॑म॒मृत॑स्यद्रवि॒त्नुम् |{आङ्गिर्हविर्धानः | अग्निः | त्रिष्टुप्} आनो᳚वह॒रोद॑सीदे॒वपु॑त्रे॒माकि॑र्दे॒वाना॒मप॑भूरि॒हस्याः᳚(स्वाहा᳚) || 9 || श्रु॒धि¦नः॒¦अ॒ग्ने॒¦सद॑ने¦स॒धऽस्थे᳚¦यु॒क्ष्व¦रथ᳚म्¦अ॒मृत॑स्य¦द्र॒वि॒त्नुम् | |
| [83] द्यावाहेति नवर्चस्य सूक्तस्यहविर्धानोग्निस्त्रिष्टुप् |{अष्टक:7, अध्याय:6}{मंडल:10, सूक्त:12}{अनुवाक:1, सूक्त:12} |
| द्यावा᳚ह॒क्षामा᳚प्रथ॒मे,ऋ॒तेना᳚भिश्रा॒वेभ॑वतःसत्य॒वाचा᳚ |{आङ्गिर्हविर्धानः | अग्निः | त्रिष्टुप्} दे॒वोयन्मर्ता᳚न्य॒जथा᳚यकृ॒ण्वन्त्सीद॒द्धोता᳚प्र॒त्यङ्स्वमसुं॒यन्(स्वाहा᳚) || 1 || वर्ग:11 द्यावा᳚¦ह॒¦क्षामा᳚¦प्र॒थ॒मे इति॑¦ऋ॒तेन॑¦अ॒भि॒ऽश्रा॒वे¦भ॒व॒तः॒¦स॒त्य॒ऽवाचा᳚ | |
| दे॒वोदे॒वान्प॑रि॒भूरृ॒तेन॒वहा᳚नोह॒व्यंप्र॑थ॒मश्चि॑कि॒त्वान् |{आङ्गिर्हविर्धानः | अग्निः | त्रिष्टुप्} धू॒मके᳚तुःस॒मिधा॒भा,ऋ॑जीकोम॒न्द्रोहोता॒नित्यो᳚वा॒चायजी᳚या॒न्(स्वाहा᳚) || 2 || दे॒वः¦दे॒वान्¦प॒रि॒ऽभूः¦ऋ॒तेन॑¦वह॑¦नः॒¦ह॒व्यम्¦प्र॒थ॒मः¦चि॒कि॒त्वान् | |
| स्वावृ॑ग्दे॒वस्या॒मृतं॒यदी॒गोरतो᳚जा॒तासो᳚धारयन्तउ॒र्वी |{आङ्गिर्हविर्धानः | अग्निः | त्रिष्टुप्} विश्वे᳚दे॒वा,अनु॒तत्ते॒यजु॑र्गुर्दु॒हेयदेनी᳚दि॒व्यंघृ॒तंवाः(स्वाहा᳚) || 3 || स्वावृ॑क्¦दे॒वस्य॑¦अ॒मृत᳚म्¦यदि॑¦गोः¦अतः॑¦जा॒तासः॑¦धा॒र॒य॒न्ते॒¦उ॒र्वी इति॑ | |
| अर्चा᳚मिवां॒वर्धा॒यापो᳚घृतस्नू॒द्यावा᳚भूमीशृणु॒तंरो᳚दसीमे |{आङ्गिर्हविर्धानः | अग्निः | त्रिष्टुप्} अहा॒यद्द्यावोऽसु॑नीति॒मय॒न्मध्वा᳚नो॒,अत्र॑पि॒तरा᳚शिशीता॒म्(स्वाहा᳚) || 4 || अर्चा᳚मि¦वा॒म्¦वर्धा᳚य¦अपः॑¦घृ॒त॒स्नू॒ इति॑ घृतऽस्नू¦द्यावा᳚भूमी॒ इति॑¦शृ॒णु॒तम्¦रो॒द॒सी॒ इति॑¦मे॒ | |
| किंस्वि᳚न्नो॒राजा᳚जगृहे॒कद॒स्याति᳚व्र॒तंच॑कृमा॒कोविवे᳚द |{आङ्गिर्हविर्धानः | अग्निः | त्रिष्टुप्} मि॒त्रश्चि॒द्धिष्मा᳚जुहुरा॒णोदे॒वाञ्छ्लोको॒नया॒तामपि॒वाजो॒,अस्ति॒(स्वाहा᳚) || 5 || किम्¦स्वि॒त्¦नः॒¦राजा᳚¦ज॒गृ॒हे॒¦कत्¦अ॒स्य॒¦अति॑¦व्र॒तम्¦च॒कृ॒म॒¦कः¦वि¦वे॒द॒ | |
| दु॒र्मन्त्वत्रा॒मृत॑स्य॒नाम॒सल॑क्ष्मा॒यद्विषु॑रूपा॒भवा᳚ति |{आङ्गिर्हविर्धानः | अग्निः | त्रिष्टुप्} य॒मस्य॒योम॒नव॑तेसु॒मन्त्वग्ने॒तमृ॑ष्वपा॒ह्यप्र॑युच्छ॒न्(स्वाहा᳚) || 6 || वर्ग:12 दुः॒ऽमन्तु॑¦अत्र॑¦अ॒मृत॑स्य¦नाम॑¦सऽल॑क्ष्मा¦यत्¦विषु॑ऽरूपा¦भवा᳚ति | |
| यस्मि᳚न्दे॒वावि॒दथे᳚मा॒दय᳚न्तेवि॒वस्व॑तः॒सद॑नेधा॒रय᳚न्ते |{आङ्गिर्हविर्धानः | अग्निः | त्रिष्टुप्} सूर्ये॒ज्योति॒रद॑धुर्मा॒स्य१॑(अ॒)क्तून्परि॑द्योत॒निंच॑रतो॒,अज॑स्रा॒(स्वाहा᳚) || 7 || यस्मि॑न्¦दे॒वाः¦वि॒दथे᳚¦मा॒दय᳚न्ते¦वि॒वस्व॑तः¦सद॑ने¦धा॒रय᳚न्ते | |
| यस्मि᳚न्दे॒वामन्म॑निसं॒चर᳚न्त्यपी॒च्ये॒३॑(ए॒)नव॒यम॑स्यविद्म |{आङ्गिर्हविर्धानः | अग्निः | त्रिष्टुप्} मि॒त्रोनो॒,अत्रादि॑ति॒रना᳚गान्त्सवि॒तादे॒वोवरु॑णायवोच॒त्(स्वाहा᳚) || 8 || यस्मि॑न्¦दे॒वाः¦मन्म॑नि¦स॒म्ऽचर᳚न्ति¦अ॒पी॒च्ये᳚¦न¦व॒यम्¦अ॒स्य॒¦वि॒द्म॒ | |
| श्रु॒धीनो᳚,अग्ने॒सद॑नेस॒धस्थे᳚यु॒क्ष्वारथ॑म॒मृत॑स्यद्रवि॒त्नुम् |{आङ्गिर्हविर्धानः | अग्निः | त्रिष्टुप्} आनो᳚वह॒रोद॑सीदे॒वपु॑त्रे॒माकि॑र्दे॒वाना॒मप॑भूरि॒हस्याः᳚(स्वाहा᳚) || 9 || श्रु॒धि¦नः॒¦अ॒ग्ने॒¦सद॑ने¦स॒धऽस्थे᳚¦यु॒क्ष्व¦रथ᳚म्¦अ॒मृत॑स्य¦द्र॒वि॒त्नुम् | |
| [84] युजेवामिति पंचर्चस्य सूक्तस्यादित्योविवस्वान्हविर्धानस्त्रिष्टुबंत्याजगती |{अष्टक:7, अध्याय:6}{मंडल:10, सूक्त:13}{अनुवाक:1, सूक्त:13} |
| यु॒जेवां॒ब्रह्म॑पू॒र्व्यंनमो᳚भि॒र्विश्लोक॑एतुप॒थ्ये᳚वसू॒रेः |{आदित्यो विवस्वानः | हविर्धानः | त्रिष्टुप्} शृ॒ण्वन्तु॒विश्वे᳚,अ॒मृत॑स्यपु॒त्रा,आयेधामा᳚निदि॒व्यानि॑त॒स्थुः(स्वाहा᳚) || 1 || वर्ग:13 यु॒जे¦वा॒म्¦ब्रह्म॑¦पू॒र्व्यम्¦नमः॑ऽभिः¦वि¦श्लोकः॑¦ए॒तु॒¦प॒थ्या᳚ऽइव¦सू॒रेः | |
| य॒मे,इ॑व॒यत॑माने॒यदैतं॒प्रवां᳚भर॒न्मानु॑षादेव॒यन्तः॑ |{आदित्यो विवस्वानः | हविर्धानः | त्रिष्टुप्} आसी᳚दतं॒स्वमु॑लो॒कंविदा᳚नेस्वास॒स्थेभ॑वत॒मिन्द॑वेनः॒(स्वाहा᳚) || 2 || य॒मे इ॒वेति॑ य॒मेऽइ᳚व¦यत॑माने॒ इति॑¦यत्¦ऐत᳚म्¦प्र¦वा॒म्¦भ॒र॒न्¦मानु॑षाः¦दे॒व॒ऽयन्तः॑ | |
| पञ्च॑प॒दानि॑रु॒पो,अन्व॑रोहं॒चतु॑ष्पदी॒मन्वे᳚मिव्र॒तेन॑ |{आदित्यो विवस्वानः | हविर्धानः | त्रिष्टुप्} अ॒क्षरे᳚ण॒प्रति॑मिमए॒तामृ॒तस्य॒नाभा॒वधि॒संपु॑नामि॒(स्वाहा᳚) || 3 || पंच॑¦प॒दानि॑¦रु॒पः¦अनु॑¦अ॒रो॒ह॒म्¦चतुः॑ऽपदीम्¦अनु॑¦ए॒मि॒¦व्र॒तेन॑ | |
| दे॒वेभ्यः॒कम॑वृणीतमृ॒त्युंप्र॒जायै॒कम॒मृतं॒नावृ॑णीत |{आदित्यो विवस्वानः | हविर्धानः | त्रिष्टुप्} बृह॒स्पतिं᳚य॒ज्ञम॑कृण्वत॒ऋषिं᳚प्रि॒यांय॒मस्त॒न्व१॑(अं॒)प्रारि॑रेची॒त्(स्वाहा᳚) || 4 || दे॒वेभ्यः॑¦कम्¦अ॒वृ॒णी॒त॒¦मृ॒त्युम्¦प्र॒ऽजायै᳚¦कम्¦अ॒मृत᳚म्¦न¦अ॒वृ॒णी॒त॒ | |
| स॒प्तक्ष॑रन्ति॒शिश॑वेम॒रुत्व॑तेपि॒त्रेपु॒त्रासो॒,अप्य॑वीवतन्नृ॒तम् |{आदित्यो विवस्वानः | हविर्धानः | जगती} उ॒भे,इद॑स्यो॒भय॑स्यराजतउ॒भेय॑तेते,उ॒भय॑स्यपुष्यतः॒(स्वाहा᳚) || 5 || स॒प्त¦क्ष॒र॒न्ति॒¦शिश॑वे¦म॒रुत्व॑ते¦पि॒त्रे¦पु॒त्रासः॑¦अपि॑¦अ॒वी॒व॒त॒न्¦ऋ॒तम् | |
| [85] परेयिवांसमिति षोळशर्चस्य सूक्तस्य वैवस्वतोयमऋषिः यमोदेवता षष्ठ्यांगिरःपित्रथर्वभृगुसोमाः दशम्यादितिसृणांश्वानौ त्रिष्टुप् त्रयोदशीचतुर्दशीषोडश्योनुष्टुभः पंचदशीबृहती ( प्रेहिप्रेहीत्यादितिसृणां पितृदेवतावैकल्पिकी ) |{अष्टक:7, अध्याय:6}{मंडल:10, सूक्त:14}{अनुवाक:1, सूक्त:14} |
| प॒रे॒यि॒वांसं᳚प्र॒वतो᳚म॒हीरनु॑ब॒हुभ्यः॒पन्था᳚मनुपस्पशा॒नम् |{वैवस्वतो यमः | यमः | त्रिष्टुप्} वै॒व॒स्व॒तंसं॒गम॑नं॒जना᳚नांय॒मंराजा᳚नंह॒विषा᳚दुवस्य॒(स्वाहा᳚) || 1 || वर्ग:14 प॒रे॒यि॒ऽवांस᳚म्¦प्र॒ऽवतः॑¦म॒हीः¦अनु॑¦ब॒हुऽभ्यः॑¦पन्था᳚म्¦अ॒नु॒ऽप॒स्प॒शा॒नम् | |
| य॒मोनो᳚गा॒तुंप्र॑थ॒मोवि॑वेद॒नैषागव्यू᳚ति॒रप॑भर्त॒वा,उ॑ |{वैवस्वतो यमः | यमः | त्रिष्टुप्} यत्रा᳚नः॒पूर्वे᳚पि॒तरः॑परे॒युरे॒नाज॑ज्ञा॒नाःप॒थ्या॒३॑(आ॒)अनु॒स्वाः(स्वाहा᳚) || 2 || य॒मः¦नः॒¦गा॒तुम्¦प्र॒थ॒मः¦वि॒वे॒द॒¦न¦ए॒षा¦गव्यू᳚तिः¦अप॑ऽभ॒र्त॒वै¦ऊँ॒ इति॑ | |
| मात॑लीक॒व्यैर्य॒मो,अङ्गि॑रोभि॒र्बृह॒स्पति॒रृक्व॑भिर्वावृधा॒नः |{वैवस्वतो यमः | यमः | त्रिष्टुप्} याँश्च॑दे॒वावा᳚वृ॒धुर्येच॑दे॒वान्त्स्वाहा॒न्येस्व॒धया॒न्येम॑दन्ति॒(स्वाहा᳚) || 3 || मात॑ली¦क॒व्यैः¦य॒मः¦अङ्गि॑रःऽभिः¦बृह॒स्पतिः॑¦ऋक्व॑ऽभिः¦व॒वृ॒धा॒नः | |
| इ॒मंय॑मप्रस्त॒रमाहिसीदाङ्गि॑रोभिःपि॒तृभिः॑संविदा॒नः |{वैवस्वतो यमः | यमः | त्रिष्टुप्} आत्वा॒मन्त्राः᳚कविश॒स्ताव॑हन्त्वे॒नारा᳚जन्ह॒विषा᳚मादयस्व॒(स्वाहा᳚) || 4 || इ॒मम्¦य॒म॒¦प्र॒ऽस्त॒रम्¦आ¦हि¦सीद॑¦अङ्गि॑रःऽभिः¦पि॒तृऽभिः॑¦स॒म्ऽवि॒दा॒नः | |
| अङ्गि॑रोभि॒राग॑हिय॒ज्ञिये᳚भि॒र्यम॑वैरू॒पैरि॒हमा᳚दयस्व |{वैवस्वतो यमः | यमः | त्रिष्टुप्} विव॑स्वन्तंहुवे॒यःपि॒ताते॒ऽस्मिन्य॒ज्ञेब॒र्हिष्यानि॒षद्य॒(स्वाहा᳚) || 5 || अङ्गि॑रःऽभिः¦आ¦ग॒हि॒¦य॒ज्ञिये᳚भिः¦यम॑¦वै॒रू॒पैः¦इ॒ह¦मा॒द॒य॒स्व॒ | |
| अङ्गि॑रसोनःपि॒तरो॒नव॑ग्वा॒,अथ᳚र्वाणो॒भृग॑वःसो॒म्यासः॑ |{वैवस्वतो यमः | आंगिरःपित्रथर्वभृगुःसोमाः | त्रिष्टुप्} तेषां᳚व॒यंसु॑म॒तौय॒ज्ञिया᳚ना॒मपि॑भ॒द्रेसौ᳚मन॒सेस्या᳚म॒(स्वाहा᳚) || 6 || वर्ग:15 अङ्गि॑रसः¦नः॒¦पि॒तरः॑¦नव॑ऽग्वाः¦अथ᳚र्वाणः¦भृग॑वः¦सो॒म्यासः॑ | |
| प्रेहि॒प्रेहि॑प॒थिभिः॑पू॒र्व्येभि॒र्यत्रा᳚नः॒पूर्वे᳚पि॒तरः॑परे॒युः |{वैवस्वतो यमः | पितृदेवता | त्रिष्टुप्} उ॒भाराजा᳚नास्व॒धया॒मद᳚न्ताय॒मंप॑श्यासि॒वरु॑णंचदे॒वम्(स्वाहा᳚) || 7 || प्र¦इ॒हि॒¦प्र¦इ॒हि॒¦प॒थिऽभिः॑¦पू॒र्व्येभिः॑¦यत्र॑¦नः॒¦पूर्वे᳚¦पि॒तरः॑¦प॒रा॒ऽई॒युः | |
| संग॑च्छस्वपि॒तृभिः॒संय॒मेने᳚ष्टापू॒र्तेन॑पर॒मेव्यो᳚मन् |{वैवस्वतो यमः | पितृदेवता | त्रिष्टुप्} हि॒त्वाया᳚व॒द्यंपुन॒रस्त॒मेहि॒संग॑च्छस्वत॒न्वा᳚सु॒वर्चाः᳚(स्वाहा᳚) || 8 || सम्¦ग॒च्छ॒स्व॒¦पि॒तृऽभिः॑¦सम्¦य॒मेन॑¦इ॒ष्टा॒पू॒र्तेन॑¦प॒र॒मे¦विऽओ᳚मन् | |
| अपे᳚त॒वी᳚त॒विच॑सर्प॒तातो॒ऽस्मा,ए॒तंपि॒तरो᳚लो॒कम॑क्रन् |{वैवस्वतो यमः | पितृदेवता | त्रिष्टुप्} अहो᳚भिर॒द्भिर॒क्तुभि॒र्व्य॑क्तंय॒मोद॑दात्यव॒सान॑मस्मै॒(स्वाहा᳚) || 9 || अप॑¦इ॒त॒¦वि¦इ॒त॒¦वि¦च॒¦स॒र्प॒त॒¦अतः॑¦अ॒स्मै¦ए॒तम्¦पि॒तरः॑¦लो॒कम्¦अ॒क्र॒न् | |
| अति॑द्रवसारमे॒यौश्वानौ᳚चतुर॒क्षौश॒बलौ᳚सा॒धुना᳚प॒था |{वैवस्वतो यमः | श्वानौ | त्रिष्टुप्} अथा᳚पि॒तॄन्त्सु॑वि॒दत्राँ॒,उपे᳚हिय॒मेन॒येस॑ध॒मादं॒मद᳚न्ति॒(स्वाहा᳚) || 10 || अति॑¦द्र॒व॒¦सा॒र॒मे॒यौ¦श्वानौ᳚¦च॒तुः॒।आ॒क्षौ¦श॒बलौ᳚¦सा॒धुना᳚¦प॒था | |
| यौते॒श्वानौ᳚यमरक्षि॒तारौ᳚चतुर॒क्षौप॑थि॒रक्षी᳚नृ॒चक्ष॑सौ |{वैवस्वतो यमः | श्वानौ | त्रिष्टुप्} ताभ्या᳚मेनं॒परि॑देहिराजन्त्स्व॒स्तिचा᳚स्मा,अनमी॒वंच॑धेहि॒(स्वाहा᳚) || 11 || वर्ग:16 यौ¦ते॒¦श्वानौ᳚¦य॒म॒¦र॒क्षि॒तारौ᳚¦च॒तुः॒।आ॒क्षौ¦प॒थि॒रक्षी॒ इति॑ प॒थि॒ऽरक्षी᳚¦नृ॒ऽचक्ष॑सौ | |
| उ॒रू॒ण॒साव॑सु॒तृपा᳚,उदुम्ब॒लौय॒मस्य॑दू॒तौच॑रतो॒जनाँ॒,अनु॑ |{वैवस्वतो यमः | श्वानौ | त्रिष्टुप्} ताव॒स्मभ्यं᳚दृ॒शये॒सूर्या᳚य॒पुन॑र्दाता॒मसु॑म॒द्येहभ॒द्रम्(स्वाहा᳚) || 12 || उ॒रु॒ऽन॒सौ¦अ॒सु॒ऽतृपौ᳚¦उ॒दु॒म्ब॒लौ¦य॒मस्य॑¦दू॒तौ¦च॒र॒तः॒¦जना᳚न्¦अनु॑ | |
| य॒माय॒सोमं᳚सुनुतय॒माय॑जुहुताह॒विः |{वैवस्वतो यमः | यमः | अनुष्टुप्} य॒मंह॑य॒ज्ञोग॑च्छत्य॒ग्निदू᳚तो॒,अरं᳚कृतः॒(स्वाहा᳚) || 13 || य॒माय॑¦सोम᳚म्¦सु॒नु॒त॒¦य॒माय॑¦जु॒हु॒त॒¦ह॒विः | य॒मम्¦ह॒¦य॒ज्ञः¦ग॒च्छ॒ति॒¦अ॒ग्निऽदू᳚तः¦अर᳚म्ऽकृतः || |
| य॒माय॑घृ॒तव॑द्ध॒विर्जु॒होत॒प्रच॑तिष्ठत |{वैवस्वतो यमः | यमः | अनुष्टुप्} सनो᳚दे॒वेष्वाय॑मद्दी॒र्घमायुः॒प्रजी॒वसे॒(स्वाहा᳚) || 14 || य॒माय॑¦घृ॒तऽव॑त्¦ह॒विः¦जु॒होत॑¦प्र¦च॒¦ति॒ष्ठ॒त॒ | सः¦नः॒¦दे॒वेषु॑¦आ¦य॒म॒त्¦दी॒र्घम्¦आयुः॑¦प्र¦जी॒वसे᳚ || |
| य॒माय॒मधु॑मत्तमं॒राज्ञे᳚ह॒व्यंजु॑होतन |{वैवस्वतो यमः | यमः | बृहती} इ॒दंनम॒ऋषि॑भ्यःपूर्व॒जेभ्यः॒पूर्वे᳚भ्यःपथि॒कृद्भ्यः॒(स्वाहा᳚) || 15 || य॒माय॑¦मधु॑मत्ऽतमम्¦राज्ञे᳚¦ह॒व्यम्¦जु॒हो॒त॒न॒ | |
| त्रिक॑द्रुकेभिःपतति॒षळु॒र्वीरेक॒मिद्बृ॒हत् |{वैवस्वतो यमः | यमः | अनुष्टुप्} त्रि॒ष्टुब्गा᳚य॒त्रीछन्दां᳚सि॒सर्वा॒ताय॒मआहि॑ता॒(स्वाहा᳚) || 16 || त्रिऽक॑द्रुकेभिः¦प॒त॒ति॒¦षट्¦उ॒र्वीः¦एक᳚म्¦इत्¦बृ॒हत् | त्रि॒ऽस्तुप्¦गा॒य॒त्री¦छन्दां᳚सि¦सर्वा᳚¦ता¦य॒मे¦आऽहि॑ता || |
| [86] उदीरतामिति चतुर्दशर्चस्य सूक्तस्य यामायनः शंखः पितरस्त्रिष्टुप् एकादशीजगती |{अष्टक:7, अध्याय:6}{मंडल:10, सूक्त:15}{अनुवाक:1, सूक्त:15} |
| उदी᳚रता॒मव॑र॒उत्परा᳚स॒उन्म॑ध्य॒माःपि॒तरः॑सो॒म्यासः॑ |{यामायनः शंखः | पितरः | त्रिष्टुप्} असुं॒यई॒युर॑वृ॒का,ऋ॑त॒ज्ञास्तेनो᳚ऽवन्तुपि॒तरो॒हवे᳚षु॒(स्वाहा᳚) || 1 || वर्ग:17 उत्¦ई॒र॒ता॒म्¦अव॑रे¦उत्¦परा᳚सः¦उत्¦म॒ध्य॒माः¦पि॒तरः॑¦सो॒म्यासः॑ | |
| इ॒दंपि॒तृभ्यो॒नमो᳚,अस्त्व॒द्ययेपूर्वा᳚सो॒यउप॑रासई॒युः |{यामायनः शंखः | पितरः | त्रिष्टुप्} येपार्थि॑वे॒रज॒स्यानिष॑त्ता॒येवा᳚नू॒नंसु॑वृ॒जना᳚सुवि॒क्षु(स्वाहा᳚) || 2 || इ॒दम्¦पि॒तृऽभ्यः॑¦नमः॑¦अ॒स्तु॒¦अ॒द्य¦ये¦पूर्वा᳚सः¦ये¦उप॑रासः¦ई॒युः | |
| आहंपि॒तॄन्त्सु॑वि॒दत्राँ᳚,अवित्सि॒नपा᳚तंचवि॒क्रम॑णंच॒विष्णोः᳚ |{यामायनः शंखः | पितरः | त्रिष्टुप्} ब॒र्हि॒षदो॒येस्व॒धया᳚सु॒तस्य॒भज᳚न्तपि॒त्वस्तइ॒हाग॑मिष्ठाः॒(स्वाहा᳚) || 3 || आ¦अ॒हम्¦पि॒तॄन्¦सु॒ऽवि॒दत्रा᳚न्¦अ॒वि॒त्सि॒¦नपा᳚तम्¦च॒¦वि॒ऽक्रम॑णम्¦च॒¦विष्णोः᳚ | |
| बर्हि॑षदःपितरऊ॒त्य१॑(अ॒)र्वागि॒मावो᳚ह॒व्याच॑कृमाजु॒षध्व᳚म् |{यामायनः शंखः | पितरः | त्रिष्टुप्} तआग॒ताव॑सा॒शंत॑मे॒नाथा᳚नः॒शंयोर॑र॒पोद॑धात॒(स्वाहा᳚) || 4 || बर्हि॑ऽसदः¦पि॒त॒रः॒¦ऊ॒ती¦अ॒र्वाक्¦इ॒मा¦वः॒¦ह॒व्या¦च॒कृ॒म॒¦जु॒षध्व᳚म् | |
| उप॑हूताःपि॒तरः॑सो॒म्यासो᳚बर्हि॒ष्ये᳚षुनि॒धिषु॑प्रि॒येषु॑ |{यामायनः शंखः | पितरः | त्रिष्टुप्} तआग॑मन्तु॒तइ॒हश्रु॑व॒न्त्वधि॑ब्रुवन्तु॒ते᳚ऽवन्त्व॒स्मान्(स्वाहा᳚) || 5 || उप॑ऽहूताः¦पि॒तरः॑¦सो॒म्यासः॑¦ब॒र्हि॒ष्ये᳚षु¦नि॒ऽधिषु॑¦प्रि॒येषु॑ | |
| आच्या॒जानु॑दक्षिण॒तोनि॒षद्ये॒मंय॒ज्ञम॒भिगृ॑णीत॒विश्वे᳚ |{यामायनः शंखः | पितरः | त्रिष्टुप्} माहिं᳚सिष्टपितरः॒केन॑चिन्नो॒यद्व॒आगः॑पुरु॒षता॒करा᳚म॒(स्वाहा᳚) || 6 || वर्ग:18 आ॒।आच्य॑¦जानु॑¦द॒क्षि॒ण॒तः¦नि॒ऽसद्य॑¦इ॒मम्¦य॒ज्ञम्¦अ॒भि¦गृ॒णी॒त॒¦विश्वे᳚ | |
| आसी᳚नासो,अरु॒णीना᳚मु॒पस्थे᳚र॒यिंध॑त्तदा॒शुषे॒मर्त्या᳚य |{यामायनः शंखः | पितरः | त्रिष्टुप्} पु॒त्रेभ्यः॑पितर॒स्तस्य॒वस्वः॒प्रय॑च्छत॒तइ॒होर्जं᳚दधात॒(स्वाहा᳚) || 7 || आसी᳚नासः¦अ॒रु॒णीना᳚म्¦उ॒पऽस्थे᳚¦र॒यिम्¦ध॒त्त॒¦दा॒शुषे᳚¦मर्त्या᳚य | |
| येनः॒पूर्वे᳚पि॒तरः॑सो॒म्यासो᳚ऽनूहि॒रेसो᳚मपी॒थंवसि॑ष्ठाः |{यामायनः शंखः | पितरः | त्रिष्टुप्} तेभि᳚र्य॒मःसं᳚ररा॒णोह॒वींष्यु॒शन्नु॒शद्भिः॑प्रतिका॒मम॑त्तु॒(स्वाहा᳚) || 8 || ये¦नः॒¦पूर्वे᳚¦पि॒तरः॑¦सो॒म्यासः॑¦अ॒नु॒ऽऊ॒हि॒रे¦सो॒म॒ऽपी॒थम्¦वसि॑ष्ठाः | |
| येता᳚तृ॒षुर्दे᳚व॒त्राजेह॑मानाहोत्रा॒विदः॒स्तोम॑तष्टासो,अ॒र्कैः |{यामायनः शंखः | पितरः | त्रिष्टुप्} आग्ने᳚याहिसुवि॒दत्रे᳚भिर॒र्वाङ्स॒त्यैःक॒व्यैःपि॒तृभि॑र्घर्म॒सद्भिः॒(स्वाहा᳚) || 9 || ये¦त॒तृ॒षुः¦दे॒व॒त्रा¦जेह॑मानाः¦हो॒त्रा॒ऽविदः॑¦स्तोम॑ऽतष्टासः¦अ॒र्कैः | |
| येस॒त्यासो᳚हवि॒रदो᳚हवि॒ष्पा,इन्द्रे᳚णदे॒वैःस॒रथं॒दधा᳚नाः |{यामायनः शंखः | पितरः | त्रिष्टुप्} आग्ने᳚याहिस॒हस्रं᳚देवव॒न्दैःपरैः॒पूर्वैः᳚पि॒तृभि॑र्घर्म॒सद्भिः॒(स्वाहा᳚) || 10 || ये¦स॒त्यासः॑¦ह॒विः॒।आदः॑¦ह॒विः॒ऽपाः¦इन्द्रे᳚ण¦दे॒वैः¦स॒ऽरथ᳚म्¦दधा᳚नाः | |
| अग्नि॑ष्वात्ताःपितर॒एहग॑च्छत॒सदः॑सदःसदतसुप्रणीतयः |{यामायनः शंखः | पितरः | जगती} अ॒त्ताह॒वींषि॒प्रय॑तानिब॒र्हिष्यथा᳚र॒यिंसर्व॑वीरंदधातन॒(स्वाहा᳚) || 11 || वर्ग:19 अग्नि॑ऽस्वात्ताः¦पि॒त॒रः॒¦आ¦इ॒ह¦ग॒च्छ॒त॒¦सदः॑ऽसदः¦स॒द॒त॒¦सु॒ऽप्र॒नी॒त॒यः॒ | |
| त्वम॑ग्नईळि॒तोजा᳚तवे॒दोऽवा᳚ड्ढ॒व्यानि॑सुर॒भीणि॑कृ॒त्वी |{यामायनः शंखः | पितरः | त्रिष्टुप्} प्रादाः᳚पि॒तृभ्यः॑स्व॒धया॒ते,अ॑क्षन्न॒द्धित्वंदे᳚व॒प्रय॑ताह॒वींषि॒(स्वाहा᳚) || 12 || त्वम्¦अ॒ग्ने॒¦ई॒ळि॒तः¦जा॒त॒ऽवे॒दः॒¦अवा᳚ट्¦ह॒व्यानि॑¦सु॒र॒भीणि॑¦कृ॒त्वी | |
| येचे॒हपि॒तरो॒येच॒नेहयाँश्च॑वि॒द्मयाँ,उ॑च॒नप्र॑वि॒द्म |{यामायनः शंखः | पितरः | त्रिष्टुप्} त्वंवे᳚त्थ॒यति॒तेजा᳚तवेदःस्व॒धाभि᳚र्य॒ज्ञंसुकृ॑तंजुषस्व॒(स्वाहा᳚) || 13 || ये¦च॒¦इ॒ह¦पि॒तरः॑¦ये¦च॒¦न¦इ॒ह¦यान्¦च॒¦वि॒द्म¦यान्¦ऊँ॒ इति॑¦च॒¦न¦प्र॒ऽवि॒द्म | |
| ये,अ॑ग्निद॒ग्धाये,अन॑ग्निदग्धा॒मध्ये᳚दि॒वःस्व॒धया᳚मा॒दय᳚न्ते |{यामायनः शंखः | पितरः | त्रिष्टुप्} तेभिः॑स्व॒राळसु॑नीतिमे॒तांय॑थाव॒शंत॒न्वं᳚कल्पयस्व॒(स्वाहा᳚) || 14 || ये¦अ॒ग्नि॒ऽद॒ग्धाः¦ये¦अन॑ग्निऽदग्धाः¦मध्ये᳚¦दि॒वः¦स्व॒धया᳚¦मा॒दय᳚न्ते | |
| [87] मैनमिति चतुर्दशर्चस्य सूक्तस्य यामायनोदमनोग्निस्त्रिष्टुबंत्याञ्चतस्रोनुष्टुभः |{अष्टक:7, अध्याय:6}{मंडल:10, सूक्त:16}{अनुवाक:1, सूक्त:16} |
| मैन॑मग्ने॒विद॑हो॒माभिशो᳚चो॒मास्य॒त्वचं᳚चिक्षिपो॒माशरी᳚रम् |{यामायनो दमनः | अग्निः | त्रिष्टुप्} य॒दाशृ॒तंकृ॒णवो᳚जातवे॒दोऽथे᳚मेनं॒प्रहि॑णुतात्पि॒तृभ्यः॒(स्वाहा᳚) || 1 || वर्ग:20 मा¦ए॒न॒म्¦अ॒ग्ने॒¦वि¦द॒हः॒¦मा¦अ॒भि¦शो॒चः॒¦मा¦अ॒स्य॒¦त्वच᳚म्¦चि॒क्षि॒पः॒¦मा¦शरी᳚रम् | |
| शृ॒तंय॒दाकर॑सिजातवे॒दोऽथे᳚मेनं॒परि॑दत्तात्पि॒तृभ्यः॑ |{यामायनो दमनः | अग्निः | त्रिष्टुप्} य॒दागच्छा॒त्यसु॑नीतिमे॒तामथा᳚दे॒वानां᳚वश॒नीर्भ॑वाति॒(स्वाहा᳚) || 2 || शृ॒तम्¦य॒दा¦कर॑सि¦जा॒त॒ऽवे॒दः॒¦अथ॑¦ई॒म्¦ए॒न॒म्¦परि॑¦द॒त्ता॒त्¦पि॒तृऽभ्यः॑ | |
| सूर्यं॒चक्षु॑र्गच्छतु॒वात॑मा॒त्माद्यांच॑गच्छपृथि॒वींच॒धर्म॑णा |{यामायनो दमनः | अग्निः | त्रिष्टुप्} अ॒पोवा᳚गच्छ॒यदि॒तत्र॑तेहि॒तमोष॑धीषु॒प्रति॑तिष्ठा॒शरी᳚रैः॒(स्वाहा᳚) || 3 || सूर्य᳚म्¦चक्षुः॑¦ग॒च्छ॒तु॒¦वात᳚म्¦आ॒त्मा¦द्याम्¦च॒¦ग॒च्छ॒¦पृ॒थि॒वीम्¦च॒¦धर्म॑णा | |
| अ॒जोभा॒गस्तप॑सा॒तंत॑पस्व॒तंते᳚शो॒चिस्त॑पतु॒तंते᳚,अ॒र्चिः |{यामायनो दमनः | अग्निः | त्रिष्टुप्} यास्ते᳚शि॒वास्त॒न्वो᳚जातवेद॒स्ताभि᳚र्वहैनंसु॒कृता᳚मुलो॒कम्(स्वाहा᳚) || 4 || अ॒जः¦भा॒गः¦तप॑सा॒¦तम्¦त॒प॒स्व॒¦तम्¦ते॒¦शो॒चिः¦त॒प॒तु॒¦तम्¦ते॒¦अ॒र्चिः | |
| अव॑सृज॒पुन॑रग्नेपि॒तृभ्यो॒यस्त॒आहु॑त॒श्चर॑तिस्व॒धाभिः॑ |{यामायनो दमनः | अग्निः | त्रिष्टुप्} आयु॒र्वसा᳚न॒उप॑वेतु॒शेषः॒संग॑च्छतांत॒न्वा᳚जातवेदः॒(स्वाहा᳚) || 5 || अव॑¦सृ॒ज॒¦पुनः॑¦अ॒ग्ने॒¦पि॒तृऽभ्यः॑¦यः¦ते॒¦आऽहु॑तः¦चर॑ति¦स्व॒धाभिः॑ | |
| यत्ते᳚कृ॒ष्णःश॑कु॒नआ᳚तु॒तोद॑पिपी॒लःस॒र्पउ॒तवा॒श्वाप॑दः |{यामायनो दमनः | अग्निः | त्रिष्टुप्} अ॒ग्निष्टद्वि॒श्वाद॑ग॒दंकृ॑णोतु॒सोम॑श्च॒योब्रा᳚ह्म॒णाँ,आ᳚वि॒वेश॒(स्वाहा᳚) || 6 || वर्ग:21 यत्¦ते॒¦कृ॒ष्णः¦श॒कु॒नः¦आ॒ऽतु॒तोद॑¦पि॒पी॒लः¦स॒र्पः¦उ॒त¦वा॒¦श्वाप॑दः | |
| अ॒ग्नेर्वर्म॒परि॒गोभि᳚र्व्ययस्व॒संप्रोर्णु॑ष्व॒पीव॑सा॒मेद॑साच |{यामायनो दमनः | अग्निः | त्रिष्टुप्} नेत्त्वा᳚धृ॒ष्णुर्हर॑सा॒जर्हृ॑षाणोद॒धृग्वि॑ध॒क्ष्यन्प᳚र्य॒ङ्खया᳚ते॒(स्वाहा᳚) || 7 || अ॒ग्नेः¦वर्म॑¦परि॑¦गोभिः॑¦व्य॒य॒स्व॒¦सम्¦प्र¦ऊ॒णु॒ष्व॒¦पीव॑सा¦मेद॑सा¦च॒ | |
| इ॒मम॑ग्नेचम॒संमाविजि॑ह्वरःप्रि॒योदे॒वाना᳚मु॒तसो॒म्याना᳚म् |{यामायनो दमनः | अग्निः | त्रिष्टुप्} ए॒षयश्च॑म॒सोदे᳚व॒पान॒स्तस्मि᳚न्दे॒वा,अ॒मृता᳚मादयन्ते॒(स्वाहा᳚) || 8 || इ॒मम्¦अ॒ग्ने॒¦च॒म॒सम्¦मा¦वि¦जि॒ह्व॒रः॒¦प्रि॒यः¦दे॒वाना᳚म्¦उ॒त¦सो॒म्याना᳚म् | |
| क्र॒व्याद॑म॒ग्निंप्रहि॑णोमिदू॒रंय॒मरा᳚ज्ञोगच्छतुरिप्रवा॒हः |{यामायनो दमनः | अग्निः | त्रिष्टुप्} इ॒हैवायमित॑रोजा॒तवे᳚दादे॒वेभ्यो᳚ह॒व्यंव॑हतुप्रजा॒नन्(स्वाहा᳚) || 9 || क्र॒व्य॒।आद᳚म्¦अ॒ग्निम्¦प्र¦हि॒णो॒मि॒¦दू॒रम्¦य॒मऽरा᳚ज्ञः¦ग॒च्छ॒तु॒¦रि॒प्र॒ऽवा॒हः | |
| यो,अ॒ग्निःक्र॒व्यात्प्र॑वि॒वेश॑वोगृ॒हमि॒मंपश्य॒न्नित॑रंजा॒तवे᳚दसम् |{यामायनो दमनः | अग्निः | त्रिष्टुप्} तंह॑रामिपितृय॒ज्ञाय॑दे॒वंसघ॒र्ममि᳚न्वात्पर॒मेस॒धस्थे॒(स्वाहा᳚) || 10 || यः¦अ॒ग्निः¦क्र॒व्य॒।आत्¦प्र॒ऽवि॒वेश॑¦वः॒¦गृ॒हम्¦इ॒मम्¦पश्य॑न्¦इत॑रम्¦जा॒तऽवे᳚दसम् | |
| यो,अ॒ग्निःक्र᳚व्य॒वाह॑नःपि॒तॄन्यक्ष॑दृता॒वृधः॑ |{यामायनो दमनः | अग्निः | अनुष्टुप्} प्रेदु॑ह॒व्यानि॑वोचतिदे॒वेभ्य॑श्चपि॒तृभ्य॒आ(स्वाहा᳚) || 11 || वर्ग:22 यः¦अ॒ग्निः¦क्र॒व्य॒ऽवाह॑नः¦पि॒तॄन्¦यक्ष॑त्¦ऋ॒त॒ऽवृधः॑ | प्र¦इत्¦ऊँ॒ इति॑¦ह॒व्यानि॑¦वो॒च॒ति॒¦दे॒वेभ्यः॑¦च॒¦पि॒तृऽभ्यः॑¦आ || |
| उ॒शन्त॑स्त्वा॒निधी᳚मह्यु॒शन्तः॒समि॑धीमहि |{यामायनो दमनः | अग्निः | अनुष्टुप्} उ॒शन्नु॑श॒तआव॑हपि॒तॄन्ह॒विषे॒,अत्त॑वे॒(स्वाहा᳚) || 12 || उ॒शन्तः॑¦त्वा॒¦नि¦धी॒म॒हि॒¦उ॒शन्तः॑¦सम्¦इ॒धी॒म॒हि॒ | उ॒शन्¦उ॒श॒तः¦आ¦व॒ह॒¦पि॒तॄन्¦ह॒विषे᳚¦अत्त॑वे || |
| यंत्वम॑ग्नेस॒मद॑ह॒स्तमु॒निर्वा᳚पया॒पुनः॑ |{यामायनो दमनः | अग्निः | अनुष्टुप्} कि॒याम्ब्वत्र॑रोहतुपाकदू॒र्वाव्य॑ल्कशा॒(स्वाहा᳚) || 13 || यम्¦त्वम्¦अ॒ग्ने॒¦स॒म्।आद॑हः¦तम्¦ऊँ॒ इति॑¦निः¦वा॒प॒य॒¦पुन॒रिति॑ | कि॒याम्बु॑¦अत्र॑¦रो॒ह॒तु॒¦पा॒क॒ऽदू॒र्वा¦वि।आ॑ल्कशा || |
| शीति॑के॒शीति॑कावति॒ह्लादि॑के॒ह्लादि॑कावति |{यामायनो दमनः | अग्निः | अनुष्टुप्} म॒ण्डू॒क्या॒३॑(आ॒)सुसंग॑मइ॒मंस्व१॑(अ॒)ग्निंह॑र्षय॒(स्वाहा᳚) || 14 || शीति॑के¦शीति॑काऽवति¦ह्लादि॑के¦ह्लादि॑काऽवति | म॒ण्डू॒क्या᳚¦सु¦सम्¦ग॒मः॒¦इ॒मम्¦सु¦अ॒ग्निम्¦ह॒र्ष॒य॒ || |
| [88] त्वष्टादुहित्र इति चतुर्दशर्चस्य सूक्तस्य यामायनोवेदश्रवाऋषिः आद्ययोर्द्वयोः सरण्यूदेवता ततश्चतसृणांपूषा ततस्तिसृणांसरस्वती ततःपंचानामापस्त्रिष्टुप् अंत्येद्वेअनुष्टुभौ (द्रप्सश्चस्कन्देति तिसृणां सोमोदेवतावाउपांत्यापुरस्ताद्बृहतीवेतिच) |{अष्टक:7, अध्याय:6}{मंडल:10, सूक्त:17}{अनुवाक:2, सूक्त:1} |
| त्वष्टा᳚दुहि॒त्रेव॑ह॒तुंकृ॑णो॒तीती॒दंविश्वं॒भुव॑नं॒समे᳚ति |{यामायनो वेदश्रवाः | सरण्यूः | त्रिष्टुप्} य॒मस्य॑मा॒ताप᳚र्यु॒ह्यमा᳚नाम॒होजा॒याविव॑स्वतोननाश॒(स्वाहा᳚) || 1 || वर्ग:23 त्वष्टा᳚¦दु॒हि॒त्रे¦व॒ह॒तुम्¦कृ॒णो॒ति॒¦इति॑¦इ॒दम्¦विश्व᳚म्¦भुव॑नम्¦सम्¦ए॒ति॒ | |
| अपा᳚गूहन्न॒मृतां॒मर्त्ये᳚भ्यःकृ॒त्वीसव᳚र्णामददु॒र्विव॑स्वते |{यामायनो वेदश्रवाः | सरण्यूः | त्रिष्टुप्} उ॒ताश्विना᳚वभर॒द्यत्तदासी॒दज॑हादु॒द्वामि॑थु॒नास॑र॒ण्यूः(स्वाहा᳚) || 2 || अप॑¦अ॒गू॒ह॒न्¦अ॒मृता᳚म्¦मर्त्ये᳚भ्यः¦कृ॒त्वी¦सऽव᳚र्णाम्¦अ॒द॒दुः॒¦विव॑स्वते | |
| पू॒षात्वे॒तश्च्या᳚वयतु॒प्रवि॒द्वानन॑ष्टपशु॒र्भुव॑नस्यगो॒पाः |{यामायनो वेदश्रवाः | पूषा | त्रिष्टुप्} सत्वै॒तेभ्यः॒परि॑ददत्पि॒तृभ्यो॒ऽग्निर्दे॒वेभ्यः॑सुविद॒त्रिये᳚भ्यः॒(स्वाहा᳚) || 3 || पू॒षा¦त्वा॒¦इ॒तः¦च्य॒व॒य॒तु॒¦प्र¦वि॒द्वान्¦अन॑ष्टऽपशुः¦भुव॑नस्य¦गो॒पाः | |
| आयु᳚र्वि॒श्वायुः॒परि॑पासतित्वापू॒षात्वा᳚पातु॒प्रप॑थेपु॒रस्ता᳚त् |{यामायनो वेदश्रवाः | पूषा | त्रिष्टुप्} यत्रास॑तेसु॒कृतो॒यत्र॒तेय॒युस्तत्र॑त्वादे॒वःस॑वि॒ताद॑धातु॒(स्वाहा᳚) || 4 || आयुः॑¦वि॒श्वऽआ᳚युः¦परि॑¦पा॒स॒ति॒¦त्वा॒¦पू॒षा¦त्वा॒¦पा॒तु॒¦प्रऽप॑थे¦पु॒रस्ता᳚त् | |
| पू॒षेमा,आशा॒,अनु॑वेद॒सर्वाः॒सो,अ॒स्माँ,अभ॑यतमेननेषत् |{यामायनो वेदश्रवाः | पूषा | त्रिष्टुप्} स्व॒स्ति॒दा,आघृ॑णिः॒सर्व॑वी॒रोऽप्र॑युच्छन्पु॒रए᳚तुप्रजा॒नन्(स्वाहा᳚) || 5 || पू॒षा¦इ॒माः¦आशाः᳚¦अनु॑¦वे॒द॒¦सर्वाः᳚¦सः¦अ॒स्मान्¦अभ॑यऽतमेन¦ने॒ष॒त् | |
| प्रप॑थेप॒थाम॑जनिष्टपू॒षाप्रप॑थेदि॒वःप्रप॑थेपृथि॒व्याः |{यामायनो वेदश्रवाः | पूषा | त्रिष्टुप्} उ॒भे,अ॒भिप्रि॒यत॑मेस॒धस्थे॒,आच॒परा᳚चचरतिप्रजा॒नन्(स्वाहा᳚) || 6 || वर्ग:24 प्रऽप॑थे¦प॒थाम्¦अ॒ज॒नि॒ष्ट॒¦पू॒षा¦प्रऽप॑थे¦दि॒वः¦प्रऽप॑थे¦पृ॒थि॒व्याः | |
| सर॑स्वतींदेव॒यन्तो᳚हवन्ते॒सर॑स्वतीमध्व॒रेता॒यमा᳚ने |{यामायनो वेदश्रवाः | सरस्वती | त्रिष्टुप्} सर॑स्वतींसु॒कृतो᳚,अह्वयन्त॒सर॑स्वतीदा॒शुषे॒वार्यं᳚दा॒त्(स्वाहा᳚) || 7 || सर॑स्वतीम्¦दे॒व॒ऽयन्तः॑¦ह॒व॒न्ते॒¦सर॑स्वतीम्¦अ॒ध्व॒रे¦ता॒यमा᳚ने | |
| सर॑स्वति॒यास॒रथं᳚य॒याथ॑स्व॒धाभि॑र्देविपि॒तृभि॒र्मद᳚न्ती |{यामायनो वेदश्रवाः | सरस्वती | त्रिष्टुप्} आ॒सद्या॒स्मिन्ब॒र्हिषि॑मादयस्वानमी॒वा,इष॒आधे᳚ह्य॒स्मे(स्वाहा᳚) || 8 || सर॑स्वति¦या¦स॒ऽरथ᳚म्¦य॒याथ॑¦स्व॒धाभिः॑¦दे॒वि॒¦पि॒तृऽभिः॑¦मद᳚न्ती | |
| सर॑स्वतीं॒यांपि॒तरो॒हव᳚न्तेदक्षि॒णाय॒ज्ञम॑भि॒नक्ष॑माणाः |{यामायनो वेदश्रवाः | सरस्वती | त्रिष्टुप्} स॒ह॒स्रा॒र्घमि॒ळो,अत्र॑भा॒गंरा॒यस्पोषं॒यज॑मानेषुधेहि॒(स्वाहा᳚) || 9 || सर॑स्वतीम्¦याम्¦पि॒तरः॑¦हव᳚न्ते¦द॒क्षि॒णा¦य॒ज्ञम्¦अ॒भि॒ऽनक्ष॑माणाः | |
| आपो᳚,अ॒स्मान्मा॒तरः॑शुन्धयन्तुघृ॒तेन॑नोघृत॒प्वः॑पुनन्तु |{यामायनो वेदश्रवाः | आपः | त्रिष्टुप्} विश्वं॒हिरि॒प्रंप्र॒वह᳚न्तिदे॒वीरुदिदा᳚भ्यः॒शुचि॒रापू॒तए᳚मि॒(स्वाहा᳚) || 10 || आपः॑¦अ॒स्मान्¦मा॒तरः॑¦शु॒न्ध॒य॒न्तु॒¦घृ॒तेन॑¦नः॒¦घृ॒त॒ऽप्वः॑¦पु॒न॒न्तु॒ | |
| द्र॒प्सश्च॑स्कन्दप्रथ॒माँ,अनु॒द्यूनि॒मंच॒योनि॒मनु॒यश्च॒पूर्वः॑ |{यामायनो वेदश्रवाः | आपः सोमो वा | त्रिष्टुप्} स॒मा॒नंयोनि॒मनु॑सं॒चर᳚न्तंद्र॒प्संजु॑हो॒म्यनु॑स॒प्तहोत्राः᳚(स्वाहा᳚) || 11 || वर्ग:25 द्र॒प्सः¦च॒स्क॒न्द॒¦प्र॒थ॒माम्¦अनु॑¦द्यून्¦इ॒मम्¦च॒¦योनि᳚म्¦अनु॑¦यः¦च॒¦पूर्वः॑ | |
| यस्ते᳚द्र॒प्सःस्कन्द॑ति॒यस्ते᳚,अं॒शुर्बा॒हुच्यु॑तोधि॒षणा᳚या,उ॒पस्था᳚त् |{यामायनो वेदश्रवाः | आपः सोमो वा | त्रिष्टुप्} अ॒ध्व॒र्योर्वा॒परि॑वा॒यःप॒वित्रा॒त्तंते᳚जुहोमि॒मन॑सा॒वष॑ट्कृत॒म्(स्वाहा᳚) || 12 || यः¦ते॒¦द्र॒प्सः¦स्कन्द॑ति¦यः¦ते॒¦अं॒शुः¦बा॒हुऽच्यु॑तः¦धि॒षणा᳚याः¦उ॒पऽस्था᳚त् | |
| यस्ते᳚द्र॒प्सःस्क॒न्नोयस्ते᳚,अं॒शुर॒वश्च॒यःप॒रःस्रु॒चा |{यामायनो वेदश्रवाः | आपः सोमो वा | पुरस्ताद्बृहती} अ॒यंदे॒वोबृह॒स्पतिः॒संतंसि᳚ञ्चतु॒राध॑से॒(स्वाहा᳚) || 13 || यः¦ते॒¦द्र॒प्सः¦स्क॒न्नः¦यः¦ते॒¦अं॒शुः¦अ॒वः¦च॒¦यः¦प॒रः¦स्रु॒चा | |
| पय॑स्वती॒रोष॑धयः॒पय॑स्वन्माम॒कंवचः॑ |{यामायनो वेदश्रवाः | आपः | अनुष्टुप्} अ॒पांपय॑स्व॒दित्पय॒स्तेन॑मास॒हशु᳚न्धत॒(स्वाहा᳚) || 14 || पय॑स्वतीः¦ओष॑धयः¦पय॑स्वत्¦मा॒म॒कम्¦वचः॑ | अ॒पाम्¦पय॑स्वत्¦इत्¦पयः॑¦तेन॑¦मा॒¦स॒ह¦शु॒न्ध॒त॒ || |
| [89] परंमृत्योइति चतुर्दशर्चस्य सूक्तस्य यामायनः संकुसुकः आद्यानांचतसृणांमृत्युः पंचम्याधाता षष्ठ्यास्त्वष्टा शिष्टानां पितृमेधास्त्रिष्टुप् एकादशीप्रस्तारपंक्तिः त्रयोदशीजगत्यंत्येनुष्टुभौ (अंत्यायाः प्रजापतिर्वादेवता) |{अष्टक:7, अध्याय:6}{मंडल:10, सूक्त:18}{अनुवाक:2, सूक्त:2} |
| परं᳚मृत्यो॒,अनु॒परे᳚हि॒पन्थां॒यस्ते॒स्वइत॑रोदेव॒याना᳚त् |{यामायनः संकुसुकः | मृत्युः | त्रिष्टुप्} चक्षु॑ष्मतेशृण्व॒तेते᳚ब्रवीमि॒मानः॑प्र॒जांरी᳚रिषो॒मोतवी॒रान्(स्वाहा᳚) || 1 || वर्ग:26 पर᳚म्¦मृ॒त्यो॒ इति॑¦अनु॑¦परा᳚¦इ॒हि॒¦पन्था᳚म्¦यः¦ते॒¦स्वः¦इत॑रः¦दे॒व॒ऽयाना᳚त् | |
| मृ॒त्योःप॒दंयो॒पय᳚न्तो॒यदैत॒द्राघी᳚य॒आयुः॑प्रत॒रंदधा᳚नाः |{यामायनः संकुसुकः | मृत्युः | त्रिष्टुप्} आ॒प्याय॑मानाःप्र॒जया॒धने᳚नशु॒द्धाःपू॒ताभ॑वतयज्ञियासः॒(स्वाहा᳚) || 2 || मृ॒त्योः¦प॒दम्¦यो॒पय᳚न्तः¦यत्¦ऐत॑¦द्राघी᳚यः¦आयुः॑¦प्र॒ऽत॒रम्¦दधा᳚नाः | |
| इ॒मेजी॒वाविमृ॒तैराव॑वृत्र॒न्नभू᳚द्भ॒द्रादे॒वहू᳚तिर्नो,अ॒द्य |{यामायनः संकुसुकः | मृत्युः | त्रिष्टुप्} प्राञ्चो᳚,अगामनृ॒तये॒हसा᳚य॒द्राघी᳚य॒आयुः॑प्रत॒रंदधा᳚नाः॒(स्वाहा᳚) || 3 || इ॒मे¦जी॒वाः¦वि¦मृ॒तैः¦आ¦अ॒व॒वृ॒त्र॒न्¦अभू᳚त्¦भ॒द्रा¦दे॒वऽहू᳚तिः¦नः॒¦अ॒द्य | |
| इ॒मंजी॒वेभ्यः॑परि॒धिंद॑धामि॒मैषां॒नुगा॒दप॑रो॒,अर्थ॑मे॒तम् |{यामायनः संकुसुकः | मृत्युः | त्रिष्टुप्} श॒तंजी᳚वन्तुश॒रदः॑पुरू॒चीर॒न्तर्मृ॒त्युंद॑धतां॒पर्व॑तेन॒(स्वाहा᳚) || 4 || इ॒मम्¦जी॒वेभ्यः॑¦प॒रि॒ऽधिम्¦दा॒धा॒मि॒¦मा¦ए॒षा॒म्¦नु¦गा॒त्¦अप॑रः¦अर्थ᳚म्¦ए॒तम् | |
| यथाहा᳚न्यनुपू॒र्वंभव᳚न्ति॒यथ॑ऋ॒तव॑ऋ॒तुभि॒र्यन्ति॑सा॒धु |{यामायनः संकुसुकः | धाता | त्रिष्टुप्} यथा॒नपूर्व॒मप॑रो॒जहा᳚त्ये॒वाधा᳚त॒रायूं᳚षिकल्पयैषा॒म्(स्वाहा᳚) || 5 || यथा᳚¦अहा᳚नि¦अ॒नु॒ऽपू॒र्वम्¦भव᳚न्ति¦यथा᳚¦ऋ॒तवः॑¦ऋ॒तुऽभिः॑¦य॒न्ति¦सा॒धु | |
| आरो᳚ह॒तायु॑र्ज॒रसं᳚वृणा॒ना,अ॑नुपू॒र्वंयत॑माना॒यति॒ष्ठ |{यामायनः संकुसुकः | त्वष्टा | त्रिष्टुप्} इ॒हत्वष्टा᳚सु॒जनि॑मास॒जोषा᳚दी॒र्घमायुः॑करतिजी॒वसे᳚वः॒(स्वाहा᳚) || 6 || वर्ग:27 आ¦र॒ह॒त॒¦आयुः॑¦ज॒रस᳚म्¦वृ॒णा॒नाः¦अ॒नु॒ऽपू॒र्वम्¦यत॑मानाः¦यति॑¦स्थ | |
| इ॒मानारी᳚रविध॒वाःसु॒पत्नी॒राञ्ज॑नेनस॒र्पिषा॒संवि॑शन्तु |{यामायनः संकुसुकः | पितृमेधः | त्रिष्टुप्} अ॒न॒श्रवो᳚ऽनमी॒वाःसु॒रत्ना॒,आरो᳚हन्तु॒जन॑यो॒योनि॒मग्रे॒(स्वाहा᳚) || 7 || इ॒माः¦नारीः᳚¦अ॒वि॒ध॒वाः¦सु॒ऽपत्नीः᳚¦आ॒।आंज॑नेन¦स॒र्पिषा᳚¦सम्¦वि॒श॒न्तु॒ | |
| उदी᳚र्ष्वनार्य॒भिजी᳚वलो॒कंग॒तासु॑मे॒तमुप॑शेष॒एहि॑ |{यामायनः संकुसुकः | पितृमेधः | त्रिष्टुप्} ह॒स्त॒ग्रा॒भस्य॑दिधि॒षोस्तवे॒दंपत्यु॑र्जनि॒त्वम॒भिसंब॑भूथ॒(स्वाहा᳚) || 8 || उत्¦ई॒र्ष्व॒¦ना॒रि॒¦अ॒भि¦जी॒व॒ऽलो॒कम्¦ग॒त।आ॑सुम्¦ए॒तम्¦उप॑¦शे॒षे॒¦आ¦इ॒हि॒ | |
| धनु॒र्हस्ता᳚दा॒ददा᳚नोमृ॒तस्या॒स्मेक्ष॒त्राय॒वर्च॑से॒बला᳚य |{यामायनः संकुसुकः | पितृमेधः | त्रिष्टुप्} अत्रै॒वत्वमि॒हव॒यंसु॒वीरा॒विश्वाः॒स्पृधो᳚,अ॒भिमा᳚तीर्जयेम॒(स्वाहा᳚) || 9 || धनुः॑¦हस्ता᳚त्¦आ॒ऽददा᳚नः¦मृ॒तस्य॑¦अ॒स्मे इति॑¦क्ष॒त्राय॑¦वर्च॑से¦बला᳚य | |
| उप॑सर्पमा॒तरं॒भूमि॑मे॒तामु॑रु॒व्यच॑संपृथि॒वींसु॒शेवा᳚म् |{यामायनः संकुसुकः | पितृमेधः | त्रिष्टुप्} ऊर्ण᳚म्रदायुव॒तिर्दक्षि॑णावतए॒षात्वा᳚पातु॒निरृ॑तेरु॒पस्था॒त्(स्वाहा᳚) || 10 || उप॑¦स॒र्प॒¦मा॒तर᳚म्¦भूमि᳚म्¦ए॒ताम्¦उ॒रु॒ऽव्यच॑सम्¦पृ॒थि॒वीम्¦सु॒ऽशेवा᳚म् | |
| उच्छ्व᳚ञ्चस्वपृथिवि॒मानिबा᳚धथाःसूपाय॒नास्मै᳚भवसूपवञ्च॒ना |{यामायनः संकुसुकः | पितृमेधः | प्रस्तार पङ्क्तिः} मा॒तापु॒त्रंयथा᳚सि॒चाभ्ये᳚नंभूमऊर्णुहि॒(स्वाहा᳚) || 11 || वर्ग:28 उत्¦श्वं॒च॒स्व॒¦पृ॒थि॒वि॒¦मा¦नि¦बा॒ध॒थाः॒¦सु॒।औ॒पा॒य॒ना¦अ॒स्मै॒¦भ॒व॒¦सु॒।औ॒प॒वं॒च॒ना | |
| उ॒च्छ्वञ्च॑मानापृथि॒वीसुति॑ष्ठतुस॒हस्रं॒मित॒उप॒हिश्रय᳚न्ताम् |{यामायनः संकुसुकः | पितृमेधः | त्रिष्टुप्} तेगृ॒हासो᳚घृत॒श्चुतो᳚भवन्तुवि॒श्वाहा᳚स्मैशर॒णाःस॒न्त्वत्र॒(स्वाहा᳚) || 12 || उ॒त्ऽश्वंच॑माना¦पृ॒थि॒वी¦सु¦ति॒ष्ठ॒तु॒¦स॒हस्र᳚म्¦मितः॑¦उप॑¦हि¦श्रय᳚न्ताम् | |
| उत्ते᳚स्तभ्नामिपृथि॒वींत्वत्परी॒मंलो॒गंनि॒दध॒न्मो,अ॒हंरि॑षम् |{यामायनः संकुसुकः | पितृमेधः | जगती} ए॒तांस्थूणां᳚पि॒तरो᳚धारयन्तु॒तेऽत्रा᳚य॒मःसाद॑नातेमिनोतु॒(स्वाहा᳚) || 13 || उत्¦ते॒¦स्त॒भ्ना॒मि॒¦पृ॒थि॒वीम्¦त्वत्¦परि॑¦इ॒मम्¦लो॒गम्¦नि॒ऽदध॑त्¦मो इति॑¦अ॒हम्¦रि॒ष॒म् | |
| प्र॒ती॒चीने॒मामह॒नीष्वाः᳚प॒र्णमि॒वाद॑धुः |{यामायनः संकुसुकः | पितृमेधः प्रजापतिर्वा | अनुष्टुप्} प्र॒तीचीं᳚जग्रभा॒वाच॒मश्वं᳚रश॒नया᳚यथा॒(स्वाहा᳚) || 14 || प्र॒ती॒चीने᳚¦माम्¦अह॑नि¦इष्वाः᳚¦प॒र्णम्ऽइ᳚व¦आ¦द॒धुः॒ | प्र॒तीची᳚म्¦ज॒ग्र॒भ॒¦वाच᳚म्¦अश्व᳚म्¦र॒श॒नया᳚¦य॒था॒ || |
| [90] निवर्तध्वमित्यष्टर्चस्य सूक्तस्य यामायनोमथितऋषिः आपोदेवताः आद्यायाअग्नीषोमा अनुष्टुप् षष्ठीगायत्री | (अत्रसूक्ते वारुणिर्भृगुर्भार्गवश्च यवनश्चेमौ पाक्षिकावृषीगौर्वादेवता) |{अष्टक:7, अध्याय:7}{मंडल:10, सूक्त:19}{अनुवाक:2, सूक्त:3} |
| निव॑र्तध्वं॒मानु॑गाता॒स्मान्त्सि॑षक्तरेवतीः |{यामायनोमथितः वारुणिर्भृगुर्वा भार्गवश्च यवनः | आपः गावो वा, अग्नीसोमौ | अनुष्टुप्} अग्नी᳚षोमापुनर्वसू,अ॒स्मेधा᳚रयतंर॒यिम्(स्वाहा᳚) || 1 || वर्ग:1 नि¦व॒र्त॒ध्व॒म्¦मा¦अनु॑¦गा॒त॒¦अ॒स्मान्¦सि॒स॒क्त॒¦रे॒व॒तीः॒ | अग्नी᳚षोमा¦पु॒न॒र्व॒सू॒ इति॑ पुनःऽवसू¦अ॒स्मे इति॑¦धा॒र॒य॒त॒म्¦र॒यिम् || |
| पुन॑रेना॒निव॑र्तय॒पुन॑रेना॒न्याकु॑रु |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} इन्द्र॑एणा॒निय॑च्छत्व॒ग्निरे᳚ना,उ॒पाज॑तु॒(स्वाहा᳚) || 2 || पुनः॑¦ए॒नाः॒¦नि¦व॒र्त॒य॒¦पुनः॑¦ए॒नाः॒¦नि¦आ¦कु॒रु॒ | इन्द्र॑¦ए॒नाः॒¦नि¦य॒च्छ॒तु॒¦अ॒ग्निः¦ए॒नाः॒¦उ॒प॒ऽआज॑तु || |
| पुन॑रे॒तानिव॑र्तन्ताम॒स्मिन्पु॑ष्यन्तु॒गोप॑तौ |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} इ॒हैवाग्ने॒निधा᳚रये॒हति॑ष्ठतु॒यार॒यिः(स्वाहा᳚) || 3 || पुनः॑¦ए॒ताः¦नि¦व॒र्त॒न्ता॒म्¦अ॒स्मिन्¦पु॒ष्य॒न्तु॒¦गोऽप॑तौ | इ॒ह¦ए॒व¦अ॒ग्ने॒¦नि¦धा॒र॒य॒¦इ॒ह¦ति॒ष्ठ॒तु॒¦या¦र॒यिः || |
| यन्नि॒यानं॒न्यय॑नंसं॒ज्ञानं॒यत्प॒राय॑णम् |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} आ॒वर्त॑नंनि॒वर्त॑नं॒योगो॒पा,अपि॒तंहु॑वे॒(स्वाहा᳚) || 4 || यत्¦नि॒ऽयान᳚म्¦नि॒।आय॑नम्¦स॒म्ऽज्ञान᳚म्¦यत्¦प॒रा॒।आय॑नम् | आ॒ऽवर्त॑नम्¦नि॒ऽवर्त॑नम्¦यः¦गो॒पाः¦अपि॑¦तम्¦हु॒वे॒ || |
| यउ॒दान॒ड्व्यय॑नं॒यउ॒दान॑ट्प॒राय॑णम् |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} आ॒वर्त॑नंनि॒वर्त॑न॒मपि॑गो॒पानिव॑र्तता॒म्(स्वाहा᳚) || 5 || यः¦उ॒त्ऽआन॑ट्¦वि॒।आय॑नम्¦यः¦उ॒त्ऽआन॑ट्¦प॒रा॒।आय॑नम् | आ॒ऽवर्त॑नम्¦नि॒ऽवर्त॑नम्¦अपि॑¦गो॒पाः¦नि¦व॒र्त॒ता॒म् || |
| आनि॑वर्त॒निव॑र्तय॒पुन᳚र्नइन्द्र॒गादे᳚हि |{यामायनोमथितः वारुणिर्भृगुर्वा भार्गवश्च यवनः | आपः गावो वा | गायत्री} जी॒वाभि॑र्भुनजामहै॒(स्वाहा᳚) || 6 || आ¦नि॒ऽव॒र्त॒¦नि¦व॒र्त॒य॒¦पुनः॑¦नः॒¦इ॒न्द्र॒¦गाः¦दे॒हि॒ | जी॒वाभिः॑¦भु॒न॒जा॒म॒है॒ || |
| परि॑वोवि॒श्वतो᳚दधऊ॒र्जाघृ॒तेन॒पय॑सा |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} येदे॒वाःकेच॑य॒ज्ञिया॒स्तेर॒य्यासंसृ॑जन्तुनः॒(स्वाहा᳚) || 7 || परि॑¦वः॒¦वि॒श्वतः॑¦द॒धे॒¦ऊ॒र्जा¦घृ॒तेन॑¦पय॑सा | ये¦दे॒वाः¦के¦च॒¦य॒ज्ञियाः᳚¦ते¦र॒य्या¦सम्¦सृ॒ज॒न्तु॒¦नः॒ || |
| आनि॑वर्तनवर्तय॒निनि॑वर्तनवर्तय |{यामायनोमथितः वारुणिर्भृगुर्वा भार्गवश्च यवनः | आपः गावो वा | अनुष्टुप्} भूम्या॒श्चत॑स्रःप्र॒दिश॒स्ताभ्य॑एना॒निव॑र्तय॒(स्वाहा᳚) || 8 || आ¦नि॒ऽव॒र्त॒न॒¦व॒र्त॒य॒¦नि¦नि॒ऽव॒र्त॒न॒¦व॒र्त॒य॒ | भूम्याः᳚¦चत॑स्रः¦प्र॒ऽदिशः॑¦ताभ्यः॑¦ए॒नाः॒¦नि¦व॒र्त॒य॒ || |
| [91] भद्रमिति दशर्चस्य सूक्तस्यैंद्रो विमदोग्निर्गायत्री आद्यैकपदाविराट् द्वितीयानुष्टुबंत्येविराट् त्रिष्टुभौ (भद्रंनःप्रभृति सप्तसूक्तेषु य एंद्रोविमदः सप्राजापत्योर्वैकल्पिकः किंचवासुक्रोवसुकृद्वा) |{अष्टक:7, अध्याय:7}{मंडल:10, सूक्त:20}{अनुवाक:2, सूक्त:4} |
| भ॒द्रंनो॒,अपि॑वातय॒मनः॒(स्वाहा᳚) || {ऐंद्रो विमदः | अग्निः | एकपदा विराट्}1 || वर्ग:2 भ॒द्रम्¦नः॒¦अपि॑¦वा॒त॒य॒¦मनः॑ || |
| अ॒ग्निमी᳚ळेभु॒जांयवि॑ष्ठंशा॒सामि॒त्रंदु॒र्धरी᳚तुम् |{ऐंद्रो विमदः | अग्निः | अनुष्टुप्} यस्य॒धर्म॒न्त्स्व१॑(अ॒)रेनीः᳚सप॒र्यन्ति॑मा॒तुरूधः॒(स्वाहा᳚) || 2 || अ॒ग्निम्¦ई॒ळे॒¦भु॒जाम्¦यवि॑ष्ठम्¦शा॒सा¦मि॒त्रम्¦दुः॒ऽधरी᳚तुम् | यस्य॑¦धर्म॑न्¦स्वः॑¦एनीः᳚¦स॒प॒र्यन्ति॑¦मा॒तुः¦ऊधः॑ || |
| यमा॒साकृ॒पनी᳚ळंभा॒साके᳚तुंव॒र्धय᳚न्ति |{ऐंद्रो विमदः | अग्निः | गायत्री} भ्राज॑ते॒श्रेणि॑द॒न्(स्वाहा᳚) || 3 || यम्¦आ॒साः¦कृ॒पऽनी᳚ळम्¦भा॒साऽके᳚तुम्¦व॒र्धय᳚न्ति | भ्राज॑ते¦श्रेणि॑ऽदन् || |
| अ॒र्योवि॒शांगा॒तुरे᳚ति॒प्रयदान॑ड्दि॒वो,अन्ता॑न् |{ऐंद्रो विमदः | अग्निः | गायत्री} क॒विर॒भ्रंदीद्या᳚नः॒(स्वाहा᳚) || 4 || अ॒र्यः¦वि॒शाम्¦गा॒तुः¦ए॒ति॒¦प्र¦यत्¦आन॑ट्¦दि॒वः¦अन्ता॑न् | क॒विः¦अ॒भ्रम्¦दीद्या᳚नः || |
| जु॒षद्ध॒व्यामानु॑षस्यो॒र्ध्वस्त॑स्था॒वृभ्वा᳚य॒ज्ञे |{ऐंद्रो विमदः | अग्निः | गायत्री} मि॒न्वन्त्सद्म॑पु॒रए᳚ति॒(स्वाहा᳚) || 5 || जु॒षत्¦ह॒व्या¦मानु॑षस्य¦ऊ॒र्ध्वः¦त॒स्थौ॒¦ऋभ्वा᳚¦य॒ज्ञे | मि॒न्वन्¦सद्म॑¦पु॒रः¦ए॒ति॒ || |
| सहिक्षेमो᳚ह॒विर्य॒ज्ञःश्रु॒ष्टीद॑स्यगा॒तुरे᳚ति |{ऐंद्रो विमदः | अग्निः | गायत्री} अ॒ग्निंदे॒वावाशी᳚मन्त॒म्(स्वाहा᳚) || 6 || सः¦हि¦क्षेमः॑¦ह॒विः¦य॒ज्ञः¦श्रु॒ष्टी¦इत्¦अ॒स्य॒¦गा॒तुः¦ए॒ति॒ | अ॒ग्निम्¦दे॒वाः¦वाशी᳚ऽमन्तम् || |
| य॒ज्ञा॒साहं॒दुव॑इषे॒ऽग्निंपूर्व॑स्य॒शेव॑स्य |{ऐंद्रो विमदः | अग्निः | गायत्री} अद्रेः᳚सू॒नुमा॒युमा᳚हुः॒(स्वाहा᳚) || 7 || वर्ग:3 य॒ज्ञ॒ऽसह᳚म्¦दुवः॑¦इ॒षे॒¦अ॒ग्निम्¦पूर्व॑स्य¦शेव॑स्य | अद्रेः᳚¦सू॒नुम्¦आ॒युम्¦आ॒हुः॒ || |
| नरो॒येकेचा॒स्मदाविश्वेत्तेवा॒मआस्युः॑ |{ऐंद्रो विमदः | अग्निः | गायत्री} अ॒ग्निंह॒विषा॒वर्ध᳚न्तः॒(स्वाहा᳚) || 8 || नरः॑¦ये¦के¦च॒¦अ॒स्मत्¦आ¦विश्वा᳚¦इत्¦ते¦वा॒मे¦आ¦स्यु॒रिति॑ स्युः | अ॒ग्निम्¦ह॒विषा᳚¦वर्ध᳚न्तः || |
| कृ॒ष्णःश्वे॒तो᳚ऽरु॒षोयामो᳚,अस्यब्र॒ध्नऋ॒ज्रउ॒तशोणो॒यश॑स्वान् |{ऐंद्रो विमदः | अग्निः | विराट्} हिर᳚ण्यरूपं॒जनि॑ताजजान॒(स्वाहा᳚) || 9 || कृ॒ष्णः¦श्वे॒तः¦अ॒रु॒षः¦यामः॑¦अ॒स्य॒¦ब्र॒ध्नः¦ऋ॒ज्रः¦उ॒त¦शोणः॑¦यश॑स्वान् | हिर᳚ण्यऽरूपम्¦जनि॑ता¦ज॒जा॒न॒ || |
| ए॒वाते᳚,अग्नेविम॒दोम॑नी॒षामूर्जो᳚नपाद॒मृते᳚भिःस॒जोषाः᳚ |{ऐंद्रो विमदः | अग्निः | त्रिष्टुप्} गिर॒आव॑क्षत्सुम॒तीरि॑या॒नइष॒मूर्जं᳚सुक्षि॒तिंविश्व॒माभाः᳚(स्वाहा᳚) || 10 || ए॒व¦ते॒¦अ॒ग्ने॒¦वि॒ऽम॒दः¦म॒नी॒षाम्¦ऊर्जः॑¦न॒पा॒त्¦अ॒मृते᳚भिः¦स॒ऽजोषाः᳚ | |
| [92] आग्निंनेत्यष्टर्चस्य सूक्तस्यैंद्रो विमदोग्निरास्तारपंक्तिः |{अष्टक:7, अध्याय:7}{मंडल:10, सूक्त:21}{अनुवाक:2, सूक्त:5} |
| आग्निंनस्ववृ॑क्तिभि॒र्होता᳚रंत्वावृणीमहे |{ऐंद्रो विमदः | अग्निः | आस्तार पङ्क्तिः} य॒ज्ञाय॑स्ती॒र्णब᳚र्हिषे॒विवो॒मदे᳚शी॒रंपा᳚व॒कशो᳚चिषं॒विव॑क्षसे॒(स्वाहा᳚) || 1 || वर्ग:4 आ¦अ॒ग्निम्¦न¦स्ववृ॑क्तिऽभिः¦होता᳚रम्¦त्वा॒¦वृ॒णी॒म॒हे॒ | |
| त्वामु॒तेस्वा॒भुवः॑शु॒म्भन्त्यश्व॑राधसः |{ऐंद्रो विमदः | अग्निः | आस्तार पङ्क्तिः} वेति॒त्वामु॑प॒सेच॑नी॒विवो॒मद॒ऋजी᳚तिरग्न॒आहु॑ति॒र्विव॑क्षसे॒(स्वाहा᳚) || 2 || त्वाम्¦ऊँ॒ इति॑¦ते¦सु॒ऽआ॒भुवः॑¦शु॒म्भन्ति॑¦अश्व॑ऽराधसः | |
| त्वेध॒र्माण॑आसतेजु॒हूभिः॑सिञ्च॒तीरि॑व |{ऐंद्रो विमदः | अग्निः | आस्तार पङ्क्तिः} कृ॒ष्णारू॒पाण्यर्जु॑ना॒विवो॒मदे॒विश्वा॒,अधि॒श्रियो᳚धिषे॒विव॑क्षसे॒(स्वाहा᳚) || 3 || त्वे इति॑¦ध॒र्माणः॑¦आ॒स॒ते॒¦जु॒हूभिः॑¦सिं॒च॒तीःऽइ᳚व | |
| यम॑ग्ने॒मन्य॑सेर॒यिंसह॑सावन्नमर्त्य |{ऐंद्रो विमदः | अग्निः | आस्तार पङ्क्तिः} तमानो॒वाज॑सातये॒विवो॒मदे᳚य॒ज्ञेषु॑चि॒त्रमाभ॑रा॒विव॑क्षसे॒(स्वाहा᳚) || 4 || यम्¦अ॒ग्ने॒¦मन्य॑से¦र॒यिम्¦सह॑साऽवन्¦अ॒म॒र्त्य॒ | |
| अ॒ग्निर्जा॒तो,अथ᳚र्वणावि॒दद्विश्वा᳚नि॒काव्या᳚ |{ऐंद्रो विमदः | अग्निः | आस्तार पङ्क्तिः} भुव॑द्दू॒तोवि॒वस्व॑तो॒विवो॒मदे᳚प्रि॒योय॒मस्य॒काम्यो॒विव॑क्षसे॒(स्वाहा᳚) || 5 || अ॒ग्निः¦जा॒तः¦अथ᳚र्वणा¦वि॒दत्¦विश्वा᳚नि¦काव्या᳚ | |
| त्वांय॒ज्ञेष्वी᳚ळ॒तेऽग्ने᳚प्रय॒त्य॑ध्व॒रे |{ऐंद्रो विमदः | अग्निः | आस्तार पङ्क्तिः} त्वंवसू᳚नि॒काम्या॒विवो॒मदे॒विश्वा᳚दधासिदा॒शुषे॒विव॑क्षसे॒(स्वाहा᳚) || 6 || वर्ग:5 त्वाम्¦य॒ज्ञेषु॑¦ई॒ळ॒ते॒¦अग्ने᳚¦प्र॒ऽय॒ति¦अ॒ध्व॒रे | |
| त्वांय॒ज्ञेष्वृ॒त्विजं॒चारु॑मग्ने॒निषे᳚दिरे |{ऐंद्रो विमदः | अग्निः | आस्तार पङ्क्तिः} घृ॒तप्र॑तीकं॒मनु॑षो॒विवो॒मदे᳚शु॒क्रंचेति॑ष्ठम॒क्षभि॒र्विव॑क्षसे॒(स्वाहा᳚) || 7 || त्वाम्¦य॒ज्ञेषु॑¦ऋ॒त्विज᳚म्¦चारु᳚म्¦अ॒ग्ने॒¦नि¦से॒दि॒रे॒ | |
| अग्ने᳚शु॒क्रेण॑शो॒चिषो॒रुप्र॑थयसेबृ॒हत् |{ऐंद्रो विमदः | अग्निः | आस्तार पङ्क्तिः} अ॒भि॒क्रन्द᳚न्वृषायसे॒विवो॒मदे॒गर्भं᳚दधासिजा॒मिषु॒विव॑क्षसे॒(स्वाहा᳚) || 8 || अग्ने᳚¦शु॒क्रेण॑¦शो॒चिषा᳚¦उ॒रु¦प्र॒थ॒य॒से॒¦बृ॒हत् | |
| [93] कुहश्रुतइति पंचदशर्चस्य सूक्तस्यैंद्रोविमदइंद्रः पुरस्ताद्बहती पंचमी सप्तमी नवम्योनुष्टुभोंत्यात्रिष्टुप् |{अष्टक:7, अध्याय:7}{मंडल:10, सूक्त:22}{अनुवाक:2, सूक्त:6} |
| कुह॑श्रु॒तइन्द्रः॒कस्मि᳚न्न॒द्यजने᳚मि॒त्रोनश्रू᳚यते |{ऐंद्रो विमदः | इन्द्रः | पुरस्ताद् बृहती} ऋषी᳚णांवा॒यः,क्षये॒गुहा᳚वा॒चर्कृ॑षेगि॒रा(स्वाहा᳚) || 1 || वर्ग:6 कुह॑¦श्रु॒तः¦इन्द्रः॑¦कस्मि॑न्¦अ॒द्य¦जने᳚¦मि॒त्रः¦न¦श्रू॒य॒ते॒ | |
| इ॒हश्रु॒तइन्द्रो᳚,अ॒स्मे,अ॒द्यस्तवे᳚व॒ज्र्यृची᳚षमः |{ऐंद्रो विमदः | इन्द्रः | पुरस्ताद् बृहती} मि॒त्रोनयोजने॒ष्वायश॑श्च॒क्रे,असा॒म्या(स्वाहा᳚) || 2 || इ॒ह¦श्रु॒तः¦इन्द्रः॑¦अ॒स्मे इति॑¦अ॒द्य¦स्तवे᳚¦व॒ज्री¦ऋची᳚षमः | |
| म॒होयस्पतिः॒शव॑सो॒,असा॒म्याम॒होनृ॒म्णस्य॑तूतु॒जिः |{ऐंद्रो विमदः | इन्द्रः | पुरस्ताद् बृहती} भ॒र्तावज्र॑स्यधृ॒ष्णोःपि॒तापु॒त्रमि॑वप्रि॒यम्(स्वाहा᳚) || 3 || म॒हः¦यः¦पतिः॑¦शव॑सः¦असा᳚मि¦आ¦म॒हः¦नृ॒म्णस्य॑¦तू॒तु॒जिः | |
| यु॒जा॒नो,अश्वा॒वात॑स्य॒धुनी᳚दे॒वोदे॒वस्य॑वज्रिवः |{ऐंद्रो विमदः | इन्द्रः | पुरस्ताद् बृहती} स्यन्ता᳚प॒थावि॒रुक्म॑तासृजा॒नःस्तो॒ष्यध्व॑नः॒(स्वाहा᳚) || 4 || यु॒जा॒नः¦अश्वा᳚¦वात॑स्य¦धुनी॒ इति॑¦दे॒वः¦दे॒वस्य॑¦व॒ज्रि॒ऽवः॒ | |
| त्वंत्याचि॒द्वात॒स्याश्वागा᳚ऋ॒ज्रात्मना॒वह॑ध्यै |{ऐंद्रो विमदः | इन्द्रः | अनुष्टुप्} ययो᳚र्दे॒वोनमर्त्यो᳚य॒न्तानकि᳚र्वि॒दाय्यः॒(स्वाहा᳚) || 5 || त्वम्¦त्या¦चि॒त्¦वात॑स्य¦अश्वा᳚¦आ¦अ॒गाः॒¦ऋ॒ज्रा¦त्मना᳚¦वह॑ध्यै | ययोः᳚¦दे॒वः¦न¦मर्त्यः॑¦य॒न्ता¦नकिः॑¦वि॒दाय्यः॑ || |
| अध॒ग्मन्तो॒शना᳚पृच्छतेवां॒कद॑र्थान॒आगृ॒हम् |{ऐंद्रो विमदः | इन्द्रः | पुरस्ताद् बृहती} आज॑ग्मथुःपरा॒काद्दि॒वश्च॒ग्मश्च॒मर्त्य॒म्(स्वाहा᳚) || 6 || वर्ग:7 अध॑¦ग्मन्ता᳚¦उ॒शना᳚¦पृ॒च्छ॒ते॒¦वा॒म्¦कत्।आ॑र्था¦नः॒¦आ¦गृ॒हम् | |
| आन॑इन्द्रपृक्षसे॒ऽस्माकं॒ब्रह्मोद्य॑तम् |{ऐंद्रो विमदः | इन्द्रः | अनुष्टुप्} तत्त्वा᳚याचाम॒हेऽवः॒शुष्णं॒यद्धन्नमा᳚नुष॒म्(स्वाहा᳚) || 7 || आ¦नः॒¦इ॒न्द्र॒¦पृ॒क्ष॒से॒¦अ॒स्माक᳚म्¦ब्रह्म॑¦उत्ऽय॑तम् | तत्¦त्वा॒¦या॒चा॒म॒हे॒¦अवः॑¦शुष्ण᳚म्¦यत्¦हन्¦अमा᳚नुषम् || |
| अ॒क॒र्मादस्यु॑र॒भिनो᳚,अम॒न्तुर॒न्यव्र॑तो॒,अमा᳚नुषः |{ऐंद्रो विमदः | इन्द्रः | पुरस्ताद् बृहती} त्वंतस्या᳚मित्रह॒न्वध॑र्दा॒सस्य॑दम्भय॒(स्वाहा᳚) || 8 || अ॒क॒र्मा¦दसुः॑¦अ॒भि¦नः॒¦अ॒म॒न्तुः¦अ॒न्यऽव्र॑तः¦अमा᳚नुषः | |
| त्वंन॑इन्द्रशूर॒शूरै᳚रु॒तत्वोता᳚सोब॒र्हणा᳚ |{ऐंद्रो विमदः | इन्द्रः | अनुष्टुप्} पु॒रु॒त्राते॒विपू॒र्तयो॒नव᳚न्तक्षो॒णयो᳚यथा॒(स्वाहा᳚) || 9 || त्वम्¦नः॒¦इ॒न्द्र॒¦शू॒र॒¦शूरैः᳚¦उ॒त¦त्वाऽऊ᳚तासः¦ब॒र्हना᳚ | पु॒रु॒ऽत्रा¦ते॒¦वि¦पू॒र्तयः॑¦नव᳚न्त¦क्षो॒णयः॑¦य॒था॒ || |
| त्वंतान्वृ॑त्र॒हत्ये᳚चोदयो॒नॄन्का᳚र्पा॒णेशू᳚रवज्रिवः |{ऐंद्रो विमदः | इन्द्रः | पुरस्ताद् बृहती} गुहा॒यदी᳚कवी॒नांवि॒शांनक्ष॑त्रशवसा॒म्(स्वाहा᳚) || 10 || त्वम्¦तान्¦वृ॒त्र॒ऽहत्ये᳚¦चो॒दय॒ः॒¦नॄन्¦का॒र्पा॒णे¦शू॒र॒¦व॒ज्रि॒ऽवः॒ | |
| म॒क्षूतात॑इन्द्रदा॒नाप्न॑सआक्षा॒णेशू᳚रवज्रिवः |{ऐंद्रो विमदः | इन्द्रः | पुरस्ताद् बृहती} यद्ध॒शुष्ण॑स्यद॒म्भयो᳚जा॒तंविश्वं᳚स॒याव॑भिः॒(स्वाहा᳚) || 11 || वर्ग:8 म॒क्षु¦ता¦ते॒¦इ॒न्द्र॒¦दा॒न।आ॑प्नसः¦आ॒क्षा॒णे¦शू॒र॒¦व॒ज्रि॒ऽवः॒ | |
| माकु॒ध्र्य॑गिन्द्रशूर॒वस्वी᳚र॒स्मेभू᳚वन्न॒भिष्ट॑यः |{ऐंद्रो विमदः | इन्द्रः | पुरस्ताद् बृहती} व॒यंव॑यंतआसांसु॒म्नेस्या᳚मवज्रिवः॒(स्वाहा᳚) || 12 || मा¦अ॒कु॒ध्र्य॑क्¦इ॒न्द्र॒¦शू॒र॒¦वस्वीः᳚¦अ॒स्मे इति॑¦भू॒व॒न्¦अ॒भिष्ट॑यः | |
| अ॒स्मेतात॑इन्द्रसन्तुस॒त्याहिं᳚सन्तीरुप॒स्पृशः॑ |{ऐंद्रो विमदः | इन्द्रः | पुरस्ताद् बृहती} वि॒द्याम॒यासां॒भुजो᳚धेनू॒नांनव॑ज्रिवः॒(स्वाहा᳚) || 13 || अ॒स्मे इति॑¦ता¦ते॒¦इ॒न्द्र॒¦स॒न्तु॒¦स॒त्या¦अहिं᳚सन्तीः¦उ॒प॒ऽस्पृषः॑ | |
| अ॒ह॒स्तायद॒पदी॒वर्ध॑त॒क्षाःशची᳚भिर्वे॒द्याना᳚म् |{ऐंद्रो विमदः | इन्द्रः | पुरस्ताद् बृहती} शुष्णं॒परि॑प्रदक्षि॒णिद्वि॒श्वाय॑वे॒निशि॑श्नथः॒(स्वाहा᳚) || 14 || अ॒ह॒स्ता¦यत्¦अ॒पदी᳚¦वर्ध॑त¦क्षाः¦शची᳚भिः¦वे॒द्याना᳚म् | |
| पिबा᳚पि॒बेदि᳚न्द्रशूर॒सोमं॒मारि॑षण्योवसवान॒वसुः॒सन् |{ऐंद्रो विमदः | इन्द्रः | त्रिष्टुप्} उ॒तत्रा᳚यस्वगृण॒तोम॒घोनो᳚म॒हश्च॑रा॒योरे॒वत॑स्कृधीनः॒(स्वाहा᳚) || 15 || पिब॑ऽपिब¦इत्¦इ॒न्द्र॒¦शू॒र॒¦सोम᳚म्¦मा¦रि॒ष॒ण्यः॒¦व॒स॒वा॒न॒¦वसुः॑¦सन् | |
| [94] यजामहइति सप्तर्चस्य सूक्तस्यैंद्रो विमदइंद्रोजगत्याद्यांत्येत्रिष्टुभौ पंचम्यभिसारिणी |{अष्टक:7, अध्याय:7}{मंडल:10, सूक्त:23}{अनुवाक:2, सूक्त:7} |
| यजा᳚मह॒इन्द्रं॒वज्र॑दक्षिणं॒हरी᳚णांर॒थ्य१॑(अं॒)विव्र॑तानाम् |{ऐंद्रो विमदः | इन्द्रः | त्रिष्टुप्} प्रश्मश्रु॒दोधु॑वदू॒र्ध्वथा᳚भू॒द्विसेना᳚भि॒र्दय॑मानो॒विराध॑सा॒(स्वाहा᳚) || 1 || वर्ग:9 यजा᳚महे¦इन्द्र᳚म्¦वज्र॑ऽदक्षिणम्¦हरी᳚नाम्¦र॒थ्य᳚म्¦विऽव्र॑तानाम् | |
| हरी॒न्व॑स्य॒यावने᳚वि॒देवस्विन्द्रो᳚म॒घैर्म॒घवा᳚वृत्र॒हाभु॑वत् |{ऐंद्रो विमदः | इन्द्रः | जगती} ऋ॒भुर्वाज॑ऋभु॒क्षाःप॑त्यते॒शवोऽव॑क्ष्णौमि॒दास॑स्य॒नाम॑चि॒त्(स्वाहा᳚) || 2 || हरी॒ इति॑¦नु¦अ॒स्य॒¦या¦वने᳚¦वि॒दे¦वसु॑¦इन्द्रः॑¦म॒घैः¦म॒घऽवा᳚¦वृ॒त्र॒ऽहा¦भु॒व॒त् | |
| य॒दावज्रं॒हिर᳚ण्य॒मिदथा॒रथं॒हरी॒यम॑स्य॒वह॑तो॒विसू॒रिभिः॑ |{ऐंद्रो विमदः | इन्द्रः | जगती} आति॑ष्ठतिम॒घवा॒सन॑श्रुत॒इन्द्रो॒वाज॑स्यदी॒र्घश्र॑वस॒स्पतिः॒(स्वाहा᳚) || 3 || य॒दा¦वज्र᳚म्¦हिर᳚ण्यम्¦इत्¦अथ॑¦रथ᳚म्¦हरी॒ इति॑¦यम्¦अ॒स्य॒¦वह॑तः¦वि¦सू॒रिऽभिः॑ | |
| सोचि॒न्नुवृ॒ष्टिर्यू॒थ्या॒३॑(आ॒)स्वासचाँ॒,इन्द्रः॒श्मश्रू᳚णि॒हरि॑ता॒भिप्रु॑ष्णुते |{ऐंद्रो विमदः | इन्द्रः | जगती} अव॑वेतिसु॒क्षयं᳚सु॒तेमधूदिद्धू᳚नोति॒वातो॒यथा॒वन॒म्(स्वाहा᳚) || 4 || सो इति॑¦चि॒त्¦नु¦वृ॒ष्टिः¦यू॒थ्या᳚¦स्वा¦सचा᳚¦इन्द्रः॑¦श्मश्रू᳚णि¦हरि॑ता¦अ॒भि¦प्रु॒ष्णु॒ते॒ | |
| योवा॒चाविवा᳚चोमृ॒ध्रवा᳚चःपु॒रूस॒हस्राशि॑वाज॒घान॑ |{ऐंद्रो विमदः | इन्द्रः | अभिसारिणी} तत्त॒दिद॑स्य॒पौंस्यं᳚गृणीमसिपि॒तेव॒यस्तवि॑षींवावृ॒धेशवः॒(स्वाहा᳚) || 5 || यः¦वा॒चा¦विऽवा᳚चः¦मृ॒ध्रऽवा᳚चः¦पु॒रु¦स॒हस्रा᳚¦असि॑वा¦ज॒घान॑ | |
| स्तोमं᳚तइन्द्रविम॒दा,अ॑जीजन॒न्नपू᳚र्व्यंपुरु॒तमं᳚सु॒दान॑वे |{ऐंद्रो विमदः | इन्द्रः | जगती} वि॒द्माह्य॑स्य॒भोज॑नमि॒नस्य॒यदाप॒शुंनगो॒पाःक॑रामहे॒(स्वाहा᳚) || 6 || स्तोम᳚म्¦ते॒¦इ॒न्द्र॒¦वि॒ऽम॒दाः¦अ॒जी॒ज॒न॒न्¦अपू᳚र्व्यम्¦पु॒रु॒ऽतम᳚म्¦सु॒ऽदान॑वे | |
| माकि᳚र्नए॒नास॒ख्यावियौ᳚षु॒स्तव॑चेन्द्रविम॒दस्य॑च॒ऋषेः᳚ |{ऐंद्रो विमदः | इन्द्रः | त्रिष्टुप्} वि॒द्माहिते॒प्रम॑तिंदेवजामि॒वद॒स्मेते᳚सन्तुस॒ख्याशि॒वानि॒(स्वाहा᳚) || 7 || माकिः॑¦नः॒¦ए॒ना¦स॒ख्या¦वि¦यौ॒षुः॒¦तव॑¦च॒¦इ॒न्द्र॒¦वि॒ऽम॒दस्य॑¦च॒¦ऋषेः᳚ | |
| [95] इंद्रसोममिति षडृचस्य सूक्तस्यैंद्रो विमदइंद्रोंत्यस्तिसृणामश्विनावास्तारपंक्तिः अंत्यास्तिस्रोनुष्टुभः |{अष्टक:7, अध्याय:7}{मंडल:10, सूक्त:24}{अनुवाक:2, सूक्त:8} |
| इन्द्र॒सोम॑मि॒मंपि॑ब॒मधु॑मन्तंच॒मूसु॒तम् |{ऐंद्रो विमदः | इन्द्रः | आस्तारपङ्क्ति} अ॒स्मेर॒यिंनिधा᳚रय॒विवो॒मदे᳚सह॒स्रिणं᳚पुरूवसो॒विव॑क्षसे॒(स्वाहा᳚) || 1 || वर्ग:10 इन्द्र॑¦सोम᳚म्¦इ॒मम्¦पि॒ब॒¦मधु॑ऽमन्तम्¦च॒मू इति॑¦सु॒तम् | |
| त्वांय॒ज्ञेभि॑रु॒क्थैरुप॑ह॒व्येभि॑रीमहे |{ऐंद्रो विमदः | इन्द्रः | आस्तारपङ्क्ति} शची᳚पतेशचीनां॒विवो॒मदे॒श्रेष्ठं᳚नोधेहि॒वार्यं॒विव॑क्षसे॒(स्वाहा᳚) || 2 || त्वाम्¦य॒ज्ञेभिः॑¦उ॒क्थैः¦उप॑¦ह॒व्येभिः॑¦ई॒म॒हे॒ | |
| यस्पति॒र्वार्या᳚णा॒मसि॑र॒ध्रस्य॑चोदि॒ता |{ऐंद्रो विमदः | इन्द्रः | आस्तारपङ्क्ति} इन्द्र॑स्तोतॄ॒णाम॑वि॒ताविवो॒मदे᳚द्वि॒षोनः॑पा॒ह्यंह॑सो॒विव॑क्षसे॒(स्वाहा᳚) || 3 || यः¦पति᳚म्¦वार्या᳚णाम्¦असि॑¦र॒ध्रस्य॑¦चो॒दि॒ता | |
| यु॒वंश॑क्रामाया॒विना᳚समी॒चीनिर॑मन्थतम् |{ऐंद्रो विमदः | अश्विनौ | अनुष्टुप्} वि॒म॒देन॒यदी᳚ळि॒तानास॑त्यानि॒रम᳚न्थत॒म्(स्वाहा᳚) || 4 || यु॒वम्¦श॒क्रा॒¦मा॒या॒ऽविना᳚¦स॒मी॒ची इति॑ स॒म्ऽई॒ची¦निः¦अ॒म॒न्थ॒त॒म् | वि॒ऽम॒देन॑¦यत्¦ई॒ळि॒ता¦नास॑त्या¦निः॒।आम᳚न्थतम् || |
| विश्वे᳚दे॒वा,अ॑कृपन्तसमी॒च्योर्नि॒ष्पत᳚न्त्योः |{ऐंद्रो विमदः | अश्विनौ | अनुष्टुप्} नास॑त्यावब्रुवन्दे॒वाःपुन॒राव॑हता॒दिति॒(स्वाहा᳚) || 5 || विश्वे᳚¦दे॒वाः¦अ॒कृ॒प॒न्त॒¦स॒म्ऽई॒च्योः¦निः॒ऽपत᳚न्त्योः | नास॑त्यौ¦अ॒ब्रु॒व॒न्¦दे॒वाः¦पुनः॑¦आ¦व॒ह॒ता॒त्¦इति॑ || |
| मधु॑मन्मेप॒राय॑णं॒मधु॑म॒त्पुन॒राय॑नम् |{ऐंद्रो विमदः | अश्विनौ | अनुष्टुप्} तानो᳚देवादे॒वत॑यायु॒वंमधु॑मतस्कृत॒म्(स्वाहा᳚) || 6 || मधु॑ऽमत्¦मे॒¦प॒रा॒।आय॑णम्¦मधु॑ऽमत्¦पुनः॑¦आ॒।आय॑नम् | ता¦नः॒¦दे॒वा॒¦दे॒वत॑या¦यु॒वम्¦मधु॑ऽमतः¦कृ॒त॒म् || |
| [96] भद्रमित्येकादशर्चस्य सूक्तस्यैंद्रोविमदः सोमआस्तारपंक्तिः |{अष्टक:7, अध्याय:7}{मंडल:10, सूक्त:25}{अनुवाक:2, सूक्त:9} |
| भ॒द्रंनो॒,अपि॑वातय॒मनो॒दक्ष॑मु॒तक्रतु᳚म् |{ऐंद्रो विमदः | सोमः | आस्तारपङ्क्ति} अधा᳚तेस॒ख्ये,अन्ध॑सो॒विवो॒मदे॒रण॒न्गावो॒नयव॑से॒विव॑क्षसे॒(स्वाहा᳚) || 1 || वर्ग:11 भ॒द्रम्¦नः॒¦अपि॑¦वा॒त॒य॒¦मनः॑¦दक्ष᳚म्¦उ॒त¦क्रतु᳚म् | |
| हृ॒दि॒स्पृश॑स्तआसते॒विश्वे᳚षुसोम॒धाम॑सु |{ऐंद्रो विमदः | सोमः | आस्तारपङ्क्ति} अधा॒कामा᳚,इ॒मेमम॒विवो॒मदे॒विति॑ष्ठन्तेवसू॒यवो॒विव॑क्षसे॒(स्वाहा᳚) || 2 || हृ॒दि॒ऽस्पृशः॑¦ते॒¦आ॒स॒ते॒¦विश्वे᳚षु¦सो॒म॒¦धाम॑ऽसु | |
| उ॒तव्र॒तानि॑सोमते॒प्राहंमि॑नामिपा॒क्या᳚ |{ऐंद्रो विमदः | सोमः | आस्तारपङ्क्ति} अधा᳚पि॒तेव॑सू॒नवे॒विवो॒मदे᳚मृ॒ळानो᳚,अ॒भिचि॑द्व॒धाद्विव॑क्षसे॒(स्वाहा᳚) || 3 || उ॒त¦व्र॒तानि॑¦सो॒म॒¦ते॒¦प्र¦अ॒हम्¦मि॒ना॒मि॒¦पा॒क्या᳚ | |
| समु॒प्रय᳚न्तिधी॒तयः॒सर्गा᳚सोऽव॒ताँ,इ॑व |{ऐंद्रो विमदः | सोमः | आस्तारपङ्क्ति} क्रतुं᳚नःसोमजी॒वसे॒विवो॒मदे᳚धा॒रया᳚चम॒साँ,इ॑व॒विव॑क्षसे॒(स्वाहा᳚) || 4 || सम्¦ऊँ॒ इति॑¦प्र¦य॒न्ति॒¦धी॒तयः॑¦सर्गा᳚सः¦अ॒व॒तान्ऽइ᳚व | |
| तव॒त्येसो᳚म॒शक्ति॑भि॒र्निका᳚मासो॒व्यृ᳚ण्विरे |{ऐंद्रो विमदः | सोमः | आस्तारपङ्क्ति} गृत्स॑स्य॒धीरा᳚स्त॒वसो॒विवो॒मदे᳚व्र॒जंगोम᳚न्तम॒श्विनं॒विव॑क्षसे॒(स्वाहा᳚) || 5 || तव॑¦त्ये¦सो॒म॒¦शक्ति॑ऽभिः¦निऽका᳚मासः¦वि¦ऋ॒ण्वि॒रे॒ | |
| प॒शुंनः॑सोमरक्षसिपुरु॒त्राविष्ठि॑तं॒जग॑त् |{ऐंद्रो विमदः | सोमः | आस्तारपङ्क्ति} स॒माकृ॑णोषिजी॒वसे॒विवो॒मदे॒विश्वा᳚स॒म्पश्य॒न्भुव॑ना॒विव॑क्षसे॒(स्वाहा᳚) || 6 || वर्ग:12 प॒शुम्¦नः॒¦सो॒म॒¦र॒क्ष॒सि॒¦पु॒रु॒ऽत्रा¦विऽस्थि॑तम्¦जग॑त् | |
| त्वंनः॑सोमवि॒श्वतो᳚गो॒पा,अदा᳚भ्योभव |{ऐंद्रो विमदः | सोमः | आस्तारपङ्क्ति} सेध॑राज॒न्नप॒स्रिधो॒विवो॒मदे॒मानो᳚दुः॒शंस॑ईशता॒विव॑क्षसे॒(स्वाहा᳚) || 7 || त्वम्¦नः॒¦सो॒म॒¦वि॒श्वतः॑¦गो॒पाः¦अदा᳚भ्यः¦भ॒व॒ | |
| त्वंनः॑सोमसु॒क्रतु᳚र्वयो॒धेया᳚यजागृहि |{ऐंद्रो विमदः | सोमः | आस्तारपङ्क्ति} क्षे॒त्र॒वित्त॑रो॒मनु॑षो॒विवो॒मदे᳚द्रु॒होनः॑पा॒ह्यंह॑सो॒विव॑क्षसे॒(स्वाहा᳚) || 8 || त्वम्¦नः॒¦सो॒म॒¦सु॒ऽक्रतुः॑¦व॒यः॒ऽधेया᳚य¦जा॒गृ॒हि॒ | |
| त्वंनो᳚वृत्रहन्त॒मेन्द्र॑स्येन्दोशि॒वःसखा᳚ |{ऐंद्रो विमदः | सोमः | आस्तारपङ्क्ति} यत्सीं॒हव᳚न्तेसमि॒थेविवो॒मदे॒युध्य॑मानास्तो॒कसा᳚तौ॒विव॑क्षसे॒(स्वाहा᳚) || 9 || त्वम्¦नः॒¦वृ॒त्र॒ह॒न्ऽत॒म॒¦इन्द्र॑स्य¦इ॒न्दो॒ इति॑¦शि॒वः¦सखा᳚ | |
| अ॒यंघ॒सतु॒रोमद॒इन्द्र॑स्यवर्धतप्रि॒यः |{ऐंद्रो विमदः | सोमः | आस्तारपङ्क्ति} अ॒यंक॒क्षीव॑तोम॒होविवो॒मदे᳚म॒तिंविप्र॑स्यवर्धय॒द्विव॑क्षसे॒(स्वाहा᳚) || 10 || अ॒यम्¦घ॒¦सः¦तु॒रः¦मदः॑¦इन्द्र॑स्य¦व॒र्ध॒त॒¦प्रि॒यः | |
| अ॒यंविप्रा᳚यदा॒शुषे॒वाजाँ᳚,इयर्ति॒गोम॑तः |{ऐंद्रो विमदः | सोमः | आस्तारपङ्क्ति} अ॒यंस॒प्तभ्य॒आवरं॒विवो॒मदे॒प्रान्धंश्रो॒णंच॑तारिष॒द्विव॑क्षसे॒(स्वाहा᳚) || 11 || अ॒यम्¦विप्रा᳚य¦दा॒शुषे᳚¦वाजा᳚न्¦इ॒य॒र्ति॒¦गोऽम॑तः | |
| [97] प्रह्यच्छेति नवर्चस्य सूक्तस्यैंद्रो विमदः पूषानुष्टुप् आद्याचतुर्थ्यावुष्णिहौ |{अष्टक:7, अध्याय:7}{मंडल:10, सूक्त:26}{अनुवाक:2, सूक्त:10} |
| प्रह्यच्छा᳚मनी॒षास्पा॒र्हायन्ति॑नि॒युतः॑ |{ऐंद्रो विमदः | पूषा | उष्णिक्} प्रद॒स्रानि॒युद्र॑थःपू॒षा,अ॑विष्टु॒माहि॑नः॒(स्वाहा᳚) || 1 || वर्ग:13 प्र¦हि¦अच्छ॑¦म॒नी॒षाः¦स्पा॒र्हाः¦यन्ति॑¦नि॒ऽयुतः॑ | प्र¦द॒स्रा¦नि॒युत्ऽर॑थः¦पू॒षा¦अ॒वि॒ष्टु॒¦माहि॑नः || |
| यस्य॒त्यन्म॑हि॒त्वंवा॒ताप्य॑म॒यंजनः॑ |{ऐंद्रो विमदः | पूषा | अनुष्टुप्} विप्र॒आवं᳚सद्धी॒तिभि॒श्चिके᳚तसुष्टुती॒नाम्(स्वाहा᳚) || 2 || यस्य॑¦त्यत्¦म॒हि॒ऽत्वम्¦वा॒ताप्य᳚म्¦अ॒यम्¦जनः॑ | विप्रः॑¦आ¦वं॒स॒त्¦धी॒तिऽभिः॑¦चिके᳚त¦सु॒ऽस्तु॒ती॒नाम् || |
| सवे᳚दसुष्टुती॒नामिन्दु॒र्नपू॒षावृषा᳚ |{ऐंद्रो विमदः | पूषा | अनुष्टुप्} अ॒भिप्सुरः॑प्रुषायतिव्र॒जंन॒आप्रु॑षायति॒(स्वाहा᳚) || 3 || सः¦वे॒द॒¦सु॒ऽस्तु॒ती॒नाम्¦इन्दुः॑¦न¦पू॒षा¦वृषा᳚ | अ॒भि¦प्सुरः॑¦प्रु॒षा॒य॒ति॒¦व्र॒जम्¦नः॒¦आ¦प्रु॒षा॒य॒ति॒ || |
| मं॒सी॒महि॑त्वाव॒यम॒स्माकं᳚देवपूषन् |{ऐंद्रो विमदः | पूषा | उष्णिक्} म॒ती॒नांच॒साध॑नं॒विप्रा᳚णांचाध॒वम्(स्वाहा᳚) || 4 || मं॒सी॒महि॑¦त्वा॒¦व॒यम्¦अ॒स्माक᳚म्¦दे॒व॒¦पू॒ष॒न् | म॒ती॒नाम्¦च॒¦साध॑नम्¦विप्रा᳚णाम्¦च॒¦आ॒ऽध॒वम् || |
| प्रत्य॑र्धिर्य॒ज्ञाना᳚मश्वह॒योरथा᳚नाम् |{ऐंद्रो विमदः | पूषा | अनुष्टुप्} ऋषिः॒सयोमनु᳚र्हितो॒विप्र॑स्ययावयत्स॒खः(स्वाहा᳚) || 5 || प्रति॑।आर्धिः¦य॒ज्ञाना᳚म्¦अ॒श्व॒ऽह॒यः¦रथा᳚नाम् | ऋषिः॑¦सः¦यः¦मनुः॑ऽहितः¦विप्र॑स्य¦य॒व॒य॒त्ऽस॒खः || |
| आ॒धीष॑माणायाः॒पतिः॑शु॒चाया᳚श्चशु॒चस्य॑च |{ऐंद्रो विमदः | पूषा | अनुष्टुप्} वा॒सो॒वा॒योऽवी᳚ना॒मावासां᳚सि॒मर्मृ॑ज॒त्(स्वाहा᳚) || 6 || वर्ग:14 आ॒ऽधीष॑माणायाः¦पतिः॑¦शु॒चायाः᳚¦च॒¦शु॒चस्य॑¦च॒ | वा॒सः॒ऽवा॒यः¦अवी᳚नाम्¦आ¦वासां᳚सि¦मर्मृ॑जत् || |
| इ॒नोवाजा᳚नां॒पति॑रि॒नःपु॑ष्टी॒नांसखा᳚ |{ऐंद्रो विमदः | पूषा | अनुष्टुप्} प्रश्मश्रु॑हर्य॒तोदू᳚धो॒द्विवृथा॒यो,अदा᳚भ्यः॒(स्वाहा᳚) || 7 || इ॒नः¦वाजा᳚नाम्¦पतिः॑¦इ॒नः¦पु॒ष्टी॒नाम्¦सखा᳚ | प्र¦श्मश्रु॑¦ह॒र्य॒तः¦दू॒धो॒त्¦वि¦वृथा᳚¦यः¦अदा᳚भ्यः || |
| आते॒रथ॑स्यपूषन्न॒जाधुरं᳚ववृत्युः |{ऐंद्रो विमदः | पूषा | अनुष्टुप्} विश्व॑स्या॒र्थिनः॒सखा᳚सनो॒जा,अन॑पच्युतः॒(स्वाहा᳚) || 8 || आ¦ते॒¦रथ॑स्य¦पू॒ष॒न्¦अ॒जाः¦धुर᳚म्¦व॒वृ॒त्युः॒ | विश्व॑स्य¦अ॒र्थिनः॑¦सखा᳚¦स॒नः॒ऽजाः¦अन॑पऽच्युतः || |
| अ॒स्माक॑मू॒र्जारथं᳚पू॒षा,अ॑विष्टु॒माहि॑नः |{ऐंद्रो विमदः | पूषा | अनुष्टुप्} भुव॒द्वाजा᳚नांवृ॒धइ॒मंनः॑शृणव॒द्धव॒म्(स्वाहा᳚) || 9 || अ॒स्माक᳚म्¦ऊ॒र्जा¦रथ᳚म्¦पू॒षा¦अ॒वि॒ष्टु॒¦माहि॑नः | भुव॑त्¦वाजा᳚नाम्¦वृ॒धः¦इ॒मम्¦नः॒¦शृ॒ण॒व॒त्¦हव᳚म् || |
| [98] असत्स्विति चतुर्विंशत्यृचस्य सूक्तस्यैंद्रोवसुक्रइंद्रस्त्रिष्टुप् |{अष्टक:7, अध्याय:7}{मंडल:10, सूक्त:27}{अनुवाक:2, सूक्त:11} |
| अस॒त्सुमे᳚जरितः॒साभि॑वे॒गोयत्सु᳚न्व॒तेयज॑मानाय॒शिक्ष᳚म् |{ऐंद्रो वसुक्रः | इन्द्रः | त्रिष्टुप्} अना᳚शीर्दाम॒हम॑स्मिप्रह॒न्तास॑त्य॒ध्वृतं᳚वृजिना॒यन्त॑मा॒भुम्(स्वाहा᳚) || 1 || वर्ग:15 अस॑त्¦सु¦मे॒¦ज॒रि॒त॒रिति॑¦सः¦अ॒भि॒ऽवे॒गः¦यत्¦सु॒न्व॒ते¦यज॑मानाय¦शिक्ष᳚म् | |
| यदीद॒हंयु॒धये᳚सं॒नया॒न्यदे᳚वयून्त॒न्वा॒३॑(आ॒)शूशु॑जानान् |{ऐंद्रो वसुक्रः | इन्द्रः | त्रिष्टुप्} अ॒माते॒तुम्रं᳚वृष॒भंप॑चानिती॒व्रंसु॒तंप᳚ञ्चद॒शंनिषि᳚ञ्च॒म्(स्वाहा᳚) || 2 || यदि॑¦इत्¦अ॒हम्¦यु॒धये᳚¦स॒म्ऽनया᳚नि¦अदे᳚वऽयून्¦त॒न्वा᳚¦शूशु॑जानान् | |
| नाहंतंवे᳚द॒यइति॒ब्रवी॒त्यदे᳚वयून्त्स॒मर॑णेजघ॒न्वान् |{ऐंद्रो वसुक्रः | इन्द्रः | त्रिष्टुप्} य॒दावाख्य॑त्स॒मर॑ण॒मृघा᳚व॒दादिद्ध॑मेवृष॒भाप्रब्रु॑वन्ति॒(स्वाहा᳚) || 3 || न¦अ॒हम्¦तम्¦वे॒द॒¦यः¦इति॑¦ब्रवी᳚ति¦अदे᳚वऽयून्¦स॒म्।आर॑णे¦ज॒घ॒न्वान् | |
| यदज्ञा᳚तेषुवृ॒जने॒ष्वासं॒विश्वे᳚स॒तोम॒घवा᳚नोमआसन् |{ऐंद्रो वसुक्रः | इन्द्रः | त्रिष्टुप्} जि॒नामि॒वेत्क्षेम॒आसन्त॑मा॒भुंप्रतंक्षि॑णां॒पर्व॑तेपाद॒गृह्य॒(स्वाहा᳚) || 4 || यत्¦अज्ञा᳚तेषु¦वृ॒जने᳚षु¦आस᳚म्¦विश्वे᳚¦स॒तः¦म॒घऽवा᳚नः¦मे॒¦आ॒स॒न् | |
| नवा,उ॒मांवृ॒जने᳚वारयन्ते॒नपर्व॑तासो॒यद॒हंम॑न॒स्ये |{ऐंद्रो वसुक्रः | इन्द्रः | त्रिष्टुप्} मम॑स्व॒नात्कृ॑धु॒कर्णो᳚भयातए॒वेदनु॒द्यून्कि॒रणः॒समे᳚जा॒त्(स्वाहा᳚) || 5 || न¦वै¦ऊँ॒ इति॑¦माम्¦वृ॒जने᳚¦वा॒र॒य॒न्ते॒¦न¦पर्व॑तासः¦यत्¦अ॒हम्¦म॒न॒स्ये | |
| दर्श॒न्न्वत्र॑शृत॒पाँ,अ॑नि॒न्द्रान्बा᳚हु॒क्षदः॒शर॑वे॒पत्य॑मानान् |{ऐंद्रो वसुक्रः | इन्द्रः | त्रिष्टुप्} घृषुं᳚वा॒येनि॑नि॒दुःसखा᳚य॒मध्यू॒न्वे᳚षुप॒वयो᳚ववृत्युः॒(स्वाहा᳚) || 6 || वर्ग:16 दर्श॑न्¦नु¦अत्र॑¦शृ॒त॒ऽपान्¦अ॒नि॒न्द्रान्¦बा॒हु॒ऽक्षदः॑¦शर॑वे¦पत्य॑मानान् | |
| अभू॒र्वौक्षी॒र्व्यु१॑(उ॒)आयु॑रान॒ड्दर्ष॒न्नुपूर्वो॒,अप॑रो॒नुद॑र्षत् |{ऐंद्रो वसुक्रः | इन्द्रः | त्रिष्टुप्} द्वेप॒वस्ते॒परि॒तंनभू᳚तो॒यो,अ॒स्यपा॒रेरज॑सोवि॒वेष॒(स्वाहा᳚) || 7 || अभूः᳚¦ऊँ॒ इति॑¦औक्षीः᳚¦वि¦ऊँ॒ इति॑¦आयुः॑¦आ॒न॒ट्¦दर्ष॑त्¦नु¦पूर्वः॑¦अप॑रः¦नु¦द॒र्ष॒त् | |
| गावो॒यवं॒प्रयु॑ता,अ॒र्यो,अ॑क्ष॒न्ता,अ॑पश्यंस॒हगो᳚पा॒श्चर᳚न्तीः |{ऐंद्रो वसुक्रः | इन्द्रः | त्रिष्टुप्} हवा॒,इद॒र्यो,अ॒भितः॒समा᳚य॒न्किय॑दासु॒स्वप॑तिश्छन्दयाते॒(स्वाहा᳚) || 8 || गाव॑¦यव᳚म्¦प्रऽयु॑ताः¦अ॒र्यः¦अ॒क्ष॒न्¦ताः¦अ॒प॒श्य॒म्¦स॒हऽगो᳚पाः¦चर᳚न्तीः | |
| संयद्वयं᳚यव॒सादो॒जना᳚नाम॒हंय॒वाद॑उ॒र्वज्रे᳚,अ॒न्तः |{ऐंद्रो वसुक्रः | इन्द्रः | त्रिष्टुप्} अत्रा᳚यु॒क्तो᳚ऽवसा॒तार॑मिच्छा॒दथो॒,अयु॑क्तंयुनजद्वव॒न्वान्(स्वाहा᳚) || 9 || सम्¦यत्¦वय᳚म्¦य॒व॒स॒।आदः॑¦जना᳚नाम्¦अ॒हम्¦य॒व॒।आदः॑¦उ॒रु॒।आज्रे᳚¦अ॒न्तरिति॑ | |
| अत्रेदु॑मेमंससेस॒त्यमु॒क्तंद्वि॒पाच्च॒यच्चतु॑ष्पात्संसृ॒जानि॑ |{ऐंद्रो वसुक्रः | इन्द्रः | त्रिष्टुप्} स्त्री॒भिर्यो,अत्र॒वृष॑णंपृत॒न्यादयु॑द्धो,अस्य॒विभ॑जानि॒वेदः॒(स्वाहा᳚) || 10 || अत्र॑¦इत्¦ऊँ॒ इति॑¦मे॒¦मं॒स॒से॒¦स॒त्यम्¦उ॒क्तम्¦द्वि॒ऽपात्¦च॒¦यत्¦चतुः॑ऽपात्¦स॒म्ऽसृ॒जानि॑ | |
| यस्या᳚न॒क्षादु॑हि॒ताजात्वास॒कस्तांवि॒द्वाँ,अ॒भिम᳚न्याते,अ॒न्धाम् |{ऐंद्रो वसुक्रः | इन्द्रः | त्रिष्टुप्} क॒त॒रोमे॒निंप्रति॒तंमु॑चाते॒यईं॒वहा᳚ते॒यईं᳚वावरे॒यात्(स्वाहा᳚) || 11 || वर्ग:17 यस्य॑¦अ॒न॒क्षा¦दु॒हि॒ता¦जातु॑¦आस॑¦कः¦ताम्¦वि॒द्वान्¦अ॒भि¦म॒न्या॒ते॒¦अ॒न्धाम् | |
| किय॑ती॒योषा᳚मर्य॒तोव॑धू॒योःपरि॑प्रीता॒पन्य॑सा॒वार्ये᳚ण |{ऐंद्रो वसुक्रः | इन्द्रः | त्रिष्टुप्} भ॒द्राव॒धूर्भ॑वति॒यत्सु॒पेशाः᳚स्व॒यंसामि॒त्रंव॑नुते॒जने᳚चि॒त्(स्वाहा᳚) || 12 || किय॑ती¦योषा᳚¦म॒र्य॒तः¦व॒धू॒ऽयोः¦परि॑ऽप्रीता¦पन्य॑सा¦वार्ये᳚ण | |
| प॒त्तोज॑गारप्र॒त्यञ्च॑मत्तिशी॒र्ष्णाशिरः॒प्रति॑दधौ॒वरू᳚थम् |{ऐंद्रो वसुक्रः | इन्द्रः | त्रिष्टुप्} आसी᳚नऊ॒र्ध्वामु॒पसि॑क्षिणाति॒न्य᳚ङ्ङुत्ता॒नामन्वे᳚ति॒भूमि॒म्(स्वाहा᳚) || 13 || प॒त्तः¦ज॒गा॒र॒¦प्र॒त्यंच᳚म्¦अ॒त्ति॒¦शी॒र्ष्णा¦शिरः॑¦प्रति॑¦द॒धौ॒¦वरू᳚थम् | |
| बृ॒हन्न॑च्छा॒यो,अ॑पला॒शो,अर्वा᳚त॒स्थौमा॒ताविषि॑तो,अत्ति॒गर्भः॑ |{ऐंद्रो वसुक्रः | इन्द्रः | त्रिष्टुप्} अ॒न्यस्या᳚व॒त्संरि॑ह॒तीमि॑माय॒कया᳚भु॒वानिद॑धेधे॒नुरूधः॒(स्वाहा᳚) || 14 || बृ॒हन्¦अ॒च्छा॒यः¦अ॒प॒ला॒शः¦अर्वा᳚¦त॒स्थौ¦मा॒ता¦विऽसि॑तः¦अ॒त्ति॒¦गर्भः॑ | |
| स॒प्तवी॒रासो᳚,अध॒रादुदा᳚यन्न॒ष्टोत्त॒रात्ता॒त्सम॑जग्मिर॒न्ते |{ऐंद्रो वसुक्रः | इन्द्रः | त्रिष्टुप्} नव॑प॒श्चाता᳚त्स्थिवि॒मन्त॑आय॒न्दश॒प्राक्सानु॒विति॑र॒न्त्यश्नः॒(स्वाहा᳚) || 15 || स॒प्त¦वी॒रासः॑¦अ॒ध॒रात्¦उत्¦आ॒य॒न्¦अ॒ष्ट¦उ॒त्त॒रात्ता᳚त्¦सम्¦अ॒ज॒ग्मि॒र॒न्¦ते | |
| द॒शा॒नामेकं᳚कपि॒लंस॑मा॒नंतंहि᳚न्वन्ति॒क्रत॑वे॒पार्या᳚य |{ऐंद्रो वसुक्रः | इन्द्रः | त्रिष्टुप्} गर्भं᳚मा॒तासुधि॑तंव॒क्षणा॒स्ववे᳚नन्तंतु॒षय᳚न्तीबिभर्ति॒(स्वाहा᳚) || 16 || वर्ग:18 द॒शा॒नाम्¦एक᳚म्¦क॒पि॒लम्¦स॒मा॒नम्¦तम्¦हि॒न्व॒न्ति॒¦क्रत॑वे¦पार्या᳚य | |
| पीवा᳚नंमे॒षम॑पचन्तवी॒रान्यु॑प्ता,अ॒क्षा,अनु॑दी॒वआ᳚सन् |{ऐंद्रो वसुक्रः | इन्द्रः | त्रिष्टुप्} द्वाधनुं᳚बृह॒तीम॒प्स्व१॑(अ॒)न्तःप॒वित्र॑वन्ताचरतःपु॒नन्ता॒(स्वाहा᳚) || 17 || पीवा᳚नम्¦मे॒षम्¦अ॒प॒च॒न्त॒¦वी॒राः¦नि।औ᳚प्ताः¦अ॒क्षाः¦अनु॑¦दी॒वे¦आ॒स॒न् | |
| विक्रो᳚श॒नासो॒विष्व᳚ञ्चआय॒न्पचा᳚ति॒नेमो᳚न॒हिपक्ष॑द॒र्धः |{ऐंद्रो वसुक्रः | इन्द्रः | त्रिष्टुप्} अ॒यंमे᳚दे॒वःस॑वि॒तातदा᳚ह॒द्र्व᳚न्न॒इद्व॑नवत्स॒र्पिर᳚न्नः॒(स्वाहा᳚) || 18 || वि¦क्रो॒श॒नासः॑¦विष्वं᳚चः¦आ॒य॒न्¦पचा᳚ति¦नेमः॑¦न॒हि¦पक्ष॑त्¦अ॒र्धः | |
| अप॑श्यं॒ग्रामं॒वह॑मानमा॒राद॑च॒क्रया᳚स्व॒धया॒वर्त॑मानम् |{ऐंद्रो वसुक्रः | इन्द्रः | त्रिष्टुप्} सिष॑क्त्य॒र्यःप्रयु॒गाजना᳚नांस॒द्यःशि॒श्नाप्र॑मिना॒नोनवी᳚या॒न्(स्वाहा᳚) || 19 || अप॑श्यम्¦ग्राम᳚म्¦वह॑मानम्¦आ॒रात्¦अ॒च॒क्रया᳚¦स्व॒धया᳚¦वर्त॑मानम् | |
| ए॒तौमे॒गावौ᳚प्रम॒रस्य॑यु॒क्तौमोषुप्रसे᳚धी॒र्मुहु॒रिन्म॑मन्धि |{ऐंद्रो वसुक्रः | इन्द्रः | त्रिष्टुप्} आप॑श्चिदस्य॒विन॑श॒न्त्यर्थं॒सूर॑श्चम॒र्कउप॑रोबभू॒वान्(स्वाहा᳚) || 20 || ए॒तौ¦मे॒¦गावौ᳚¦प्र॒ऽम॒रस्य॑¦यु॒क्तौ¦मो इति॑¦सु¦प्र¦से॒धीः॒¦मुहुः॑¦इत्¦म॒म॒न्धि॒ | |
| अ॒यंयोवज्रः॑पुरु॒धाविवृ॑त्तो॒ऽवःसूर्य॑स्यबृह॒तःपुरी᳚षात् |{ऐंद्रो वसुक्रः | इन्द्रः | त्रिष्टुप्} श्रव॒इदे॒नाप॒रो,अ॒न्यद॑स्ति॒तद᳚व्य॒थीज॑रि॒माण॑स्तरन्ति॒(स्वाहा᳚) || 21 || वर्ग:19 अ॒यम्¦यः¦वज्रः॑¦पु॒रु॒धा¦विऽवृ॑त्तः¦अ॒वः¦सूर्य॑स्य¦बृ॒ह॒तः¦पुरी᳚षात् | |
| वृ॒क्षेवृ॑क्षे॒निय॑तामीमय॒द्गौस्ततो॒वयः॒प्रप॑तान्पूरु॒षादः॑ |{ऐंद्रो वसुक्रः | इन्द्रः | त्रिष्टुप्} अथे॒दंविश्वं॒भुव॑नंभयात॒इन्द्रा᳚यसु॒न्वदृष॑येच॒शिक्ष॒॑त्(स्वाहा᳚) || 22 || वृ॒क्षेऽवृ॑क्षे¦निऽय॑ता¦मी॒म॒य॒त्¦गौः¦ततः॑¦वयः॑¦प्र¦प॒ता॒न्¦पु॒रु॒ष॒।आदः॑ | |
| दे॒वानां॒माने᳚प्रथ॒मा,अ॑तिष्ठन्कृ॒न्तत्रा᳚देषा॒मुप॑रा॒,उदा᳚यन् |{ऐंद्रो वसुक्रः | इन्द्रः | त्रिष्टुप्} त्रय॑स्तपन्तिपृथि॒वीम॑नू॒पाद्वाबृबू᳚कंवहतः॒पुरी᳚ष॒म्(स्वाहा᳚) || 23 || दे॒वाना᳚म्¦माने᳚¦प्र॒थ॒माः¦अ॒ति॒ष्ठ॒न्¦कृ॒न्तत्रा᳚त्¦ए॒षा॒म्¦उप॑राः¦उत्¦आ॒य॒न् | |
| साते᳚जी॒वातु॑रु॒ततस्य॑विद्धि॒मास्मै᳚ता॒दृगप॑गूहःसम॒र्ये |{ऐंद्रो वसुक्रः | इन्द्रः | त्रिष्टुप्} आ॒विःस्वः॑कृणु॒तेगूह॑तेबु॒संसपा॒दुर॑स्यनि॒र्णिजो॒नमु॑च्यते॒(स्वाहा᳚) || 24 || सा¦ते॒¦जी॒वातुः॑¦उ॒त¦तस्य॑¦वि॒द्धि॒¦मा¦स्म॒¦ए॒ता॒दृक्¦अप॑¦गू॒हः॒¦स॒म॒र्ये | |
| [99] विश्वेहीति द्वादशर्चस्य सूक्तस्य आद्यायाइंद्रस्नुषाऋषिका द्वितीयादिचतुर्थीवर्जानां युजामिंद्रऋषिः चतुर्थीसहितानामयुजांवसुक्रऋषिः चतुर्थीवर्ज्यानांयुजांवसुक्रोदेवता शिष्टानामिंद्रस्त्रिष्टुप् | (अत्रसूक्तेप्रथमर्चींद्रस्नुषार्षत्वे विकल्पं शौनकोमन्यते तत्पक्षे तत्रवसुक्रोविज्ञेयः) |{अष्टक:7, अध्याय:7}{मंडल:10, सूक्त:28}{अनुवाक:2, सूक्त:12} |
| विश्वो॒ह्य१॑(अ॒)न्यो,अ॒रिरा᳚ज॒गाम॒ममेदह॒श्वशु॑रो॒नाज॑गाम |{इन्द्रस्नुषाः | इन्द्रः | त्रिष्टुप्} ज॒क्षी॒याद्धा॒ना,उ॒तसोमं᳚पपीया॒त्स्वा᳚शितः॒पुन॒रस्तं᳚जगाया॒त्(स्वाहा᳚) || 1 || वर्ग:20 विश्वः॑¦हि¦अ॒न्यः¦अ॒रिः¦आ॒ज॒गाम॑¦मम॑¦इत्¦अह॑¦श्वशु॑रः¦न¦आ¦ज॒गा॒म॒ | |
| सरोरु॑वद्वृष॒भस्ति॒ग्मशृ᳚ङ्गो॒वर्ष्म᳚न्तस्थौ॒वरि॑म॒न्नापृ॑थि॒व्याः |{इन्द्रः | इन्द्रः | त्रिष्टुप्} विश्वे᳚ष्वेनंवृ॒जने᳚षुपामि॒योमे᳚कु॒क्षीसु॒तसो᳚मःपृ॒णाति॒(स्वाहा᳚) || 2 || सः¦रोरु॑वत्¦वृ॒ष॒भः¦ति॒ग्मऽशृ᳚ङ्गः¦वर्ष्म॑न्¦त॒स्थौ॒¦वरि॑मन्¦आ¦पृ॒थि॒व्याः | |
| अद्रि॑णातेम॒न्दिन॑इन्द्र॒तूया᳚न्त्सु॒न्वन्ति॒सोमा॒न्पिब॑सि॒त्वमे᳚षाम् |{इन्द्रो वसुक्रः | इन्द्रः | त्रिष्टुप्} पच᳚न्तितेवृष॒भाँ,अत्सि॒तेषां᳚पृ॒क्षेण॒यन्म॑घवन्हू॒यमा᳚नः॒(स्वाहा᳚) || 3 || अद्रि॑णा¦ते॒¦म॒न्दिनः॑¦इ॒न्द्र॒¦तूया᳚न्¦सु॒न्वन्ति॑¦सोमा᳚न्¦पिब॑सि¦त्वम्¦ए॒षा॒म् | |
| इ॒दंसुमे᳚जरित॒राचि॑किद्धिप्रती॒पंशापं᳚न॒द्यो᳚वहन्ति |{इन्द्रो वसुक्रः | इन्द्रः | त्रिष्टुप्} लो॒पा॒शःसिं॒हंप्र॒त्यञ्च॑मत्साःक्रो॒ष्टाव॑रा॒हंनिर॑तक्त॒कक्षा॒त्(स्वाहा᳚) || 4 || इ॒दम्¦सु¦मे॒¦ज॒रि॒तः॒¦आ¦चि॒कि॒द्धि॒¦प्र॒ति॒ऽई॒पम्¦शाप᳚म्¦न॒द्यः॑¦व॒ह॒न्ति॒ | |
| क॒थात॑ए॒तद॒हमाचि॑केतं॒गृत्स॑स्य॒पाक॑स्त॒वसो᳚मनी॒षाम् |{इन्द्रो वसुक्रः | इन्द्रः | त्रिष्टुप्} त्वंनो᳚वि॒द्वाँ,ऋ॑तु॒थाविवो᳚चो॒यमर्धं᳚तेमघवन्क्षे॒म्याधूः(स्वाहा᳚) || 5 || क॒था¦ते॒¦ए॒तत्¦अ॒हम्¦आ¦चि॒के॒त॒म्¦गृत्स॑स्य¦पाकः॑¦त॒वसः॑¦म॒नी॒षाम् | |
| ए॒वाहिमांत॒वसं᳚व॒र्धय᳚न्तिदि॒वश्चि᳚न्मेबृह॒तउत्त॑रा॒धूः |{इन्द्रः | इन्द्रः | त्रिष्टुप्} पु॒रूस॒हस्रा॒निशि॑शामिसा॒कम॑श॒त्रुंहिमा॒जनि॑ताज॒जान॒(स्वाहा᳚) || 6 || ए॒व¦हि¦माम्¦त॒वस᳚म्¦व॒र्धय᳚न्ति¦दि॒वः¦चि॒त्¦मे॒¦बृ॒ह॒तः¦उत्ऽत॑रा¦धूः | |
| ए॒वाहिमांत॒वसं᳚ज॒ज्ञुरु॒ग्रंकर्म᳚न्कर्म॒न्वृष॑णमिन्द्रदे॒वाः |{इन्द्रो वसुक्रः | इन्द्रः | त्रिष्टुप्} वधीं᳚वृ॒त्रंवज्रे᳚णमन्दसा॒नोऽप᳚व्र॒जंम॑हि॒नादा॒शुषे᳚व॒म्(स्वाहा᳚) || 7 || वर्ग:21 ए॒व¦हि¦माम्¦त॒वस᳚म्¦ज॒ज्ञुः¦उ॒ग्रम्¦कर्म॑न्ऽकर्मन्¦वृष॑णम्¦इ॒न्द्र॒¦दे॒वाः | |
| दे॒वास॑आयन्पर॒शूँर॑बिभ्र॒न्वना᳚वृ॒श्चन्तो᳚,अ॒भिवि॒ड्भिरा᳚यन् |{इन्द्रः | इन्द्रः | त्रिष्टुप्} निसु॒द्र्व१॑(अं॒)दध॑तोव॒क्षणा᳚सु॒यत्रा॒कृपी᳚ट॒मनु॒तद्द॑हन्ति॒(स्वाहा᳚) || 8 || दे॒वासः॑¦आ॒य॒न्¦प॒र॒शून्¦अ॒बि॒भ्र॒न्¦वना᳚¦वृ॒श्चन्तः॑¦अ॒भि¦वि॒ट्ऽभिः¦आ॒य॒न् | |
| श॒शः,क्षु॒रंप्र॒त्यञ्चं᳚जगा॒राद्रिं᳚लो॒गेन॒व्य॑भेदमा॒रात् |{इन्द्रो वसुक्रः | इन्द्रः | त्रिष्टुप्} बृ॒हन्तं᳚चिदृह॒तेर᳚न्धयानि॒वय॑द्व॒त्सोवृ॑ष॒भंशूशु॑वानः॒(स्वाहा᳚) || 9 || श॒शः¦क्षु॒रम्¦प्र॒त्यंच᳚म्¦ज॒गा॒र॒¦अद्रि᳚म्¦लो॒गेन॑¦वि¦अ॒भे॒द॒म्¦आ॒रात् | |
| सु॒प॒र्णइ॒त्थान॒खमासि॑षा॒याव॑रुद्धःपरि॒पदं॒नसिं॒हः |{इन्द्रः | इन्द्रः | त्रिष्टुप्} नि॒रु॒द्धश्चि᳚न्महि॒षस्त॒र्ष्यावा᳚न्गो॒धातस्मा᳚,अ॒यथं᳚कर्षदे॒तत्(स्वाहा᳚) || 10 || सु॒ऽप॒र्णः¦इ॒त्था¦न॒खम्¦आ¦सि॒सा॒य॒¦अव॑ऽरुद्धः¦प॒रि॒ऽपद᳚म्¦न¦सिं॒हः | |
| तेभ्यो᳚गो॒धा,अ॒यथं᳚कर्षदे॒तद्येब्र॒ह्मणः॑प्रति॒पीय॒न्त्यन्नैः᳚ |{इन्द्रो वसुक्रः | इन्द्रः | त्रिष्टुप्} सि॒मउ॒क्ष्णो᳚ऽवसृ॒ष्टाँ,अ॑दन्तिस्व॒यंबला᳚नित॒न्वः॑शृणा॒नाः(स्वाहा᳚) || 11 || तेभ्यः॑¦गो॒धाः¦अ॒यथ᳚म्¦क॒र्ष॒त्¦ए॒तत्¦ये¦ब्र॒ह्मणः॑¦प्र॒ति॒ऽपीय᳚न्ति¦अन्नैः᳚ | |
| ए॒तेशमी᳚भिःसु॒शमी᳚,अभूव॒न्येहि᳚न्वि॒रेत॒न्व१॑(अः॒)सोम॑उ॒क्थैः |{इन्द्रः | इन्द्रः | त्रिष्टुप्} नृ॒वद्वद॒न्नुप॑नोमाहि॒वाजा᳚न्दि॒विश्रवो᳚दधिषे॒नाम॑वी॒रः(स्वाहा᳚) || 12 || ए॒ते¦शमी᳚भिः¦सु॒ऽशमी᳚¦अ॒भू॒व॒न्¦ये¦हि॒न्वि॒रे¦त॒न्वः॑¦सोमे᳚¦उ॒क्थैः | |
| [100] वनेनेत्यष्टर्चस्य सूक्तस्यैंद्रोवसुक्रइंद्रस्त्रिष्टुप् |{अष्टक:7, अध्याय:7}{मंडल:10, सूक्त:29}{अनुवाक:2, सूक्त:13} |
| वने॒नवा॒योन्य॑धायिचा॒कञ्छुचि᳚र्वां॒स्तोमो᳚भुरणावजीगः |{ऐंद्रो वसुक्रः | इन्द्रः | त्रिष्टुप्} यस्येदिन्द्रः॑पुरु॒दिने᳚षु॒होता᳚नृ॒णांनर्यो॒नृत॑मः,क्ष॒पावा॒न्त्(स्वाहा᳚) || 1 || वर्ग:22 वने᳚¦न¦वा॒¦यः¦नि¦अ॒धा॒यि॒¦चा॒कन्¦शुचिः॑¦वा॒म्¦स्तोमः॑¦भु॒र॒णौ॒¦अ॒जी॒ग॒रिति॑ | |
| प्रते᳚,अ॒स्या,उ॒षसः॒प्राप॑रस्यानृ॒तौस्या᳚म॒नृत॑मस्यनृ॒णाम् |{ऐंद्रो वसुक्रः | इन्द्रः | त्रिष्टुप्} अनु॑त्रि॒शोकः॑श॒तमाव॑ह॒न्नॄन्कुत्से᳚न॒रथो॒यो,अस॑त्सस॒वान्(स्वाहा᳚) || 2 || प्र¦ते॒¦अ॒स्याः¦उ॒षसः॑¦प्र¦अप॑रस्याः¦नृ॒तौ¦स्या॒म॒¦नृऽत॑मस्य¦नृ॒णाम् | |
| कस्ते॒मद॑इन्द्र॒रन्त्यो᳚भू॒द्दुरो॒गिरो᳚,अ॒भ्यु१॑(उ॒)ग्रोविधा᳚व |{ऐंद्रो वसुक्रः | इन्द्रः | त्रिष्टुप्} कद्वाहो᳚,अ॒र्वागुप॑मामनी॒षा,आत्वा᳚शक्यामुप॒मंराधो॒,अन्नैः᳚(स्वाहा᳚) || 3 || कः¦ते॒¦मदः॑¦इ॒न्द्र॒¦रन्त्यः॑¦भू॒त्¦दुरः॑¦गिरः॑¦अ॒भि¦उ॒ग्रः¦वि¦धा॒व॒ | |
| कदु॑द्यु॒म्नमि᳚न्द्र॒त्वाव॑तो॒नॄन्कया᳚धि॒याक॑रसे॒कन्न॒आग॑न् |{ऐंद्रो वसुक्रः | इन्द्रः | त्रिष्टुप्} मि॒त्रोनस॒त्यउ॑रुगायभृ॒त्या,अन्ने᳚समस्य॒यदस᳚न्मनी॒षाः(स्वाहा᳚) || 4 || कत्¦ऊँ॒ इति॑¦द्यु॒म्नम्¦इ॒न्द्र॒¦त्वाऽव॑तः¦नॄन्¦कया᳚¦धि॒या¦क॒र॒से॒¦कत्¦नः॒¦आ¦अ॒ग॒न् | |
| प्रेर॑य॒सूरो॒,अर्थं॒नपा॒रंये,अ॑स्य॒कामं᳚जनि॒धा,इ॑व॒ग्मन् |{ऐंद्रो वसुक्रः | इन्द्रः | त्रिष्टुप्} गिर॑श्च॒येते᳚तुविजातपू॒र्वीर्नर॑इन्द्रप्रति॒शिक्ष॒न्त्यन्नैः᳚(स्वाहा᳚) || 5 || प्र¦ई॒र॒य॒¦सूरः॑¦अर्थ᳚म्¦न¦पा॒रम्¦ये¦अ॒स्य॒¦काम᳚म्¦ज॒नि॒धाःऽइ᳚व¦ग्मन् | |
| मात्रे॒नुते॒सुमि॑ते,इन्द्रपू॒र्वीद्यौर्म॒ज्मना᳚पृथि॒वीकाव्ये᳚न |{ऐंद्रो वसुक्रः | इन्द्रः | त्रिष्टुप्} वरा᳚यतेघृ॒तव᳚न्तःसु॒तासः॒स्वाद्म᳚न्भवन्तुपी॒तये॒मधू᳚नि॒(स्वाहा᳚) || 6 || वर्ग:23 मात्रे॒ इति॑¦नु¦ते॒¦सुमि॑ते॒ इति॒ सुऽमि॑ते¦इ॒न्द्र॒¦पू॒र्वी इति॑¦द्यौः¦म॒ज्मना᳚¦पृ॒थि॒वी¦काव्ये᳚न | |
| आमध्वो᳚,अस्मा,असिच॒न्नम॑त्र॒मिन्द्रा᳚यपू॒र्णंसहिस॒त्यरा᳚धाः |{ऐंद्रो वसुक्रः | इन्द्रः | त्रिष्टुप्} सवा᳚वृधे॒वरि॑म॒न्नापृ॑थि॒व्या,अ॒भिक्रत्वा॒नर्यः॒पौंस्यै᳚श्च॒(स्वाहा᳚) || 7 || आ¦मध्वः॑¦अ॒स्मै॒¦अ॒सि॒च॒न्¦अम॑त्रम्¦इन्द्रा᳚य¦पू॒र्णम्¦सः¦हि¦स॒त्यऽरा᳚धाः | |
| व्या᳚न॒ळिन्द्रः॒पृत॑नाः॒स्वोजा॒,आस्मै᳚यतन्तेस॒ख्याय॑पू॒र्वीः |{ऐंद्रो वसुक्रः | इन्द्रः | त्रिष्टुप्} आस्मा॒रथं॒नपृत॑नासुतिष्ठ॒यंभ॒द्रया᳚सुम॒त्याचो॒दया᳚से॒(स्वाहा᳚) || 8 || वि¦आ॒न॒ट्¦इन्द्रः॑¦पृत॑नाः¦सु॒ऽओजाः᳚¦आ¦अ॒स्मै॒¦य॒त॒न्ते॒¦स॒ख्याय॑¦पू॒र्वीः | |
| [101] प्रदेवत्रेति पंचदशर्चस्य सूक्तस्यैलूषः कवषआपस्त्रिष्टुप् |{अष्टक:7, अध्याय:7}{मंडल:10, सूक्त:30}{अनुवाक:3, सूक्त:1} |
| प्रदे᳚व॒त्राब्रह्म॑णेगा॒तुरे᳚त्व॒पो,अच्छा॒मन॑सो॒नप्रयु॑क्ति |{ऐलूषः कवषः | आपः | त्रिष्टुप्} म॒हींमि॒त्रस्य॒वरु॑णस्यधा॒सिंपृ॑थु॒ज्रय॑सेरीरधासुवृ॒क्तिम्(स्वाहा᳚) || 1 || वर्ग:24 प्र¦दे॒व॒ऽत्रा¦ब्रह्म॑णे¦गा॒तुः¦ए॒तु॒¦अ॒पः¦अच्छ॑¦मन॑सः¦न¦प्रऽयु॑क्ति | |
| अध्व᳚र्यवोह॒विष्म᳚न्तो॒हिभू॒ताच्छा॒पइ॑तोश॒तीरु॑शन्तः |{ऐलूषः कवषः | आपः | त्रिष्टुप्} अव॒याश्चष्टे᳚,अरु॒णःसु॑प॒र्णस्तमास्य॑ध्वमू॒र्मिम॒द्यासु॑हस्ताः॒(स्वाहा᳚) || 2 || अध्व᳚र्यवः¦ह॒विष्म᳚न्तः¦हि¦भू॒त¦अच्छ॑¦अ॒पः¦इ॒त॒¦उ॒श॒तीः¦उ॒श॒न्तः॒ | |
| अध्व᳚र्यवो॒ऽपइ॑तासमु॒द्रम॒पांनपा᳚तंह॒विषा᳚यजध्वम् |{ऐलूषः कवषः | आपः | त्रिष्टुप्} सवो᳚दददू॒र्मिम॒द्यासुपू᳚तं॒तस्मै॒सोमं॒मधु॑मन्तंसुनोत॒(स्वाहा᳚) || 3 || अध्व᳚र्यवः¦अ॒पः¦इ॒त॒¦स॒मु॒द्रम्¦अ॒पाम्¦नपा᳚तम्¦ह॒विषा᳚¦य॒ज॒ध्व॒म् | |
| यो,अ॑नि॒ध्मोदीद॑यद॒प्स्व१॑(अ॒)न्तर्यंविप्रा᳚स॒ईळ॑ते,अध्व॒रेषु॑ |{ऐलूषः कवषः | आपः | त्रिष्टुप्} अपां᳚नपा॒न्मधु॑मतीर॒पोदा॒याभि॒रिन्द्रो᳚वावृ॒धेवी॒र्या᳚य॒(स्वाहा᳚) || 4 || यः¦अ॒नि॒ध्मः¦दीद॑यत्¦अ॒प्ऽसु¦अ॒न्तः¦यम्¦विप्रा᳚सः¦ईळ॑ते¦अ॒ध्व॒रेषु॑ | |
| याभिः॒सोमो॒मोद॑ते॒हर्ष॑तेचकल्या॒णीभि᳚र्युव॒तिभि॒र्नमर्यः॑ |{ऐलूषः कवषः | आपः | त्रिष्टुप्} ता,अ॑ध्वर्यो,अ॒पो,अच्छा॒परे᳚हि॒यदा᳚सि॒ञ्चा,ओष॑धीभिःपुनीता॒त्(स्वाहा᳚) || 5 || याभिः॑¦सोमः॑¦मोद॑ते¦हर्ष॑ते¦च॒¦क॒ल्या॒णीभिः॑¦यु॒व॒तिऽभिः॑¦न¦मर्यः॑ | |
| ए॒वेद्यूने᳚युव॒तयो᳚नमन्त॒यदी᳚मु॒शन्नु॑श॒तीरेत्यच्छ॑ |{ऐलूषः कवषः | आपः | त्रिष्टुप्} संजा᳚नते॒मन॑सा॒संचि॑कित्रेऽध्व॒र्यवो᳚धि॒षणाप॑श्चदे॒वीः(स्वाहा᳚) || 6 || वर्ग:25 ए॒व¦इत्¦यूने᳚¦यु॒व॒तयः॑¦न॒म॒न्त॒¦यत्¦ई॒म्¦उ॒शन्¦उ॒ष॒तीः¦एति॑¦अच्छ॑ | |
| योवो᳚वृ॒ताभ्यो॒,अकृ॑णोदुलो॒कंयोवो᳚म॒ह्या,अ॒भिश॑स्ते॒रमु᳚ञ्चत् |{ऐलूषः कवषः | आपः | त्रिष्टुप्} तस्मा॒,इन्द्रा᳚य॒मधु॑मन्तमू॒र्मिंदे᳚व॒माद॑नं॒प्रहि॑णोतनापः॒(स्वाहा᳚) || 7 || यः¦वः॒¦वृ॒ताभ्यः॑¦अकृ॑णोत्¦ऊँ॒ इति॑¦लो॒कम्¦यः¦वः॒¦म॒ह्याः¦अ॒भिऽश॑स्तेः¦अमुं᳚चत् | |
| प्रास्मै᳚हिनोत॒मधु॑मन्तमू॒र्मिंगर्भो॒योवः॑सिन्धवो॒मध्व॒उत्सः॑ |{ऐलूषः कवषः | आपः | त्रिष्टुप्} घृ॒तपृ॑ष्ठ॒मीड्य॑मध्व॒रेष्वापो᳚रेवतीःशृणु॒ताहवं᳚मे॒(स्वाहा᳚) || 8 || प्र¦अ॒स्मै॒¦हि॒नो॒त॒¦मधु॑ऽमन्तम्¦ऊ॒र्मिम्¦गर्भः॑¦यः¦वः॒¦सि॒न्ध॒वः॒¦मध्वः॑¦उत्सः॑ | |
| तंसि᳚न्धवोमत्स॒रमि᳚न्द्र॒पान॑मू॒र्मिंप्रहे᳚त॒यउ॒भे,इय॑र्ति |{ऐलूषः कवषः | आपः | त्रिष्टुप्} म॒द॒च्युत॑मौशा॒नंन॑भो॒जांपरि॑त्रि॒तन्तुं᳚वि॒चर᳚न्त॒मुत्स॒म्(स्वाहा᳚) || 9 || तम्¦सि॒न्ध॒वः॒¦म॒त्स॒रम्¦इ॒न्द्र॒ऽपान᳚म्¦ऊ॒र्मिम्¦प्र¦हे॒त॒¦यः¦उ॒भे इति॑¦इय॑र्ति | |
| आ॒वर्वृ॑तती॒रध॒नुद्वि॒धारा᳚गोषु॒युधो॒ननि॑य॒वंचर᳚न्तीः |{ऐलूषः कवषः | आपः | त्रिष्टुप्} ऋषे॒जनि॑त्री॒र्भुव॑नस्य॒पत्नी᳚र॒पोव᳚न्दस्वस॒वृधः॒सयो᳚नीः॒(स्वाहा᳚) || 10 || आ॒ऽवर्वृ॑ततीः¦अध॑¦नु¦द्वि॒ऽधाराः᳚¦गो॒षु॒ऽयुधः॑¦न¦नि॒ऽय॒वम्¦चर᳚न्तीः | |
| हि॒नोता᳚नो,अध्व॒रंदे᳚वय॒ज्याहि॒नोत॒ब्रह्म॑स॒नये॒धना᳚नाम् |{ऐलूषः कवषः | आपः | त्रिष्टुप्} ऋ॒तस्य॒योगे॒विष्य॑ध्व॒मूधः॑श्रुष्टी॒वरी᳚र्भूतना॒स्मभ्य॑मापः॒(स्वाहा᳚) || 11 || वर्ग:26 हि॒नोत॑¦नः॒¦अ॒ध्व॒रम्¦दे॒व॒ऽय॒ज्या¦हि॒नोत॑¦ब्रह्म॑¦स॒नये᳚¦धना᳚नाम् | |
| आपो᳚रेवतीः॒,क्षय॑था॒हिवस्वः॒क्रतुं᳚चभ॒द्रंबि॑भृ॒थामृतं᳚च |{ऐलूषः कवषः | आपः | त्रिष्टुप्} रा॒यश्च॒स्थस्व॑प॒त्यस्य॒पत्नीः॒सर॑स्वती॒तद्गृ॑ण॒तेवयो᳚धा॒त्(स्वाहा᳚) || 12 || आ॒पः¦रे॒व॒तीः॒¦क्षय॑थ¦हि¦वस्वः॑¦क्रतु᳚म्¦च॒¦भ॒द्रम्¦बि॒भृ॒थाम्¦ऋत᳚म्¦च॒ | |
| प्रति॒यदापो॒,अदृ॑श्रमाय॒तीर्घृ॒तंपयां᳚सि॒बिभ्र॑ती॒र्मधू᳚नि |{ऐलूषः कवषः | आपः | त्रिष्टुप्} अ॒ध्व॒र्युभि॒र्मन॑सासंविदा॒ना,इन्द्रा᳚य॒सोमं॒सुषु॑तं॒भर᳚न्तीः॒(स्वाहा᳚) || 13 || प्रति॑¦यत्¦आपः॑¦अदृ॑श्रम्¦आ॒ऽय॒तीः¦घृ॒तम्¦पयां᳚सि¦बिभ्र॑तीः¦मधू᳚नि | |
| एमा,अ॑ग्मन्रे॒वती᳚र्जी॒वध᳚न्या॒,अध्व᳚र्यवःसा॒दय॑तासखायः |{ऐलूषः कवषः | आपः | त्रिष्टुप्} निब॒र्हिषि॑धत्तनसोम्यासो॒ऽपांनप्त्रा᳚संविदा॒नास॑एनाः॒(स्वाहा᳚) || 14 || आ¦इ॒माः¦अ॒ग्म॒न्¦रे॒वतीः᳚¦जी॒वऽध᳚न्याः¦अध्व᳚र्यवः¦सा॒दय॑त¦स॒खा॒यः॒ | |
| आग्म॒न्नाप॑उश॒तीर्ब॒र्हिरेदंन्य॑ध्व॒रे,अ॑सदन्देव॒यन्तीः᳚ |{ऐलूषः कवषः | आपः | त्रिष्टुप्} अध्व᳚र्यवःसुनु॒तेन्द्रा᳚य॒सोम॒मभू᳚दुवःसु॒शका᳚देवय॒ज्या(स्वाहा᳚) || 15 || आ¦अ॒ग्म॒न्¦आपः॑¦उ॒श॒तीः¦ब॒र्हिः¦आ¦इ॒दम्¦नि¦अ॒ध्व॒रे¦अ॒स॒द॒न्¦दे॒व॒ऽयन्तीः᳚ | |
| [102] आनोदेवानामित्येकादशर्चस्य सूक्तस्यैलूषःकवषो विश्वेदेवात्रिष्टुप् (भेदपक्षे- विश्वेदेवाः ९ अश्वत्थगर्भाशमी १ उषोग्नी १ एवं ११) |{अष्टक:7, अध्याय:7}{मंडल:10, सूक्त:31}{अनुवाक:3, सूक्त:2} |
| आनो᳚दे॒वाना॒मुप॑वेतु॒शंसो॒विश्वे᳚भिस्तु॒रैरव॑से॒यज॑त्रः |{ऐलूषः कवषः | विश्वदेवाः | त्रिष्टुप्} तेभि᳚र्व॒यंसु॑ष॒खायो᳚भवेम॒तर᳚न्तो॒विश्वा᳚दुरि॒तास्या᳚म॒(स्वाहा᳚) || 1 || वर्ग:27 आ¦नः॒¦दे॒वाना᳚म्¦उप॑¦वे॒तु॒¦शंसः॑¦विश्वे᳚भिः¦तु॒रैः¦अव॑से¦यज॑त्रः | |
| परि॑चि॒न्मर्तो॒द्रवि॑णंममन्यादृ॒तस्य॑प॒थानम॒सावि॑वासेत् |{ऐलूषः कवषः | विश्वदेवाः | त्रिष्टुप्} उ॒तस्वेन॒क्रतु॑ना॒संव॑देत॒श्रेयां᳚सं॒दक्षं॒मन॑साजगृभ्या॒त्(स्वाहा᳚) || 2 || परि॑¦चि॒त्¦मर्तः॑¦द्रवि॑णम्¦म॒म॒न्या॒त्¦ऋ॒तस्य॑¦प॒था¦नम॑सा¦आ¦वि॒वा॒से॒त् | |
| अधा᳚यिधी॒तिरस॑सृग्र॒मंशा᳚स्ती॒र्थेनद॒स्ममुप॑य॒न्त्यूमाः᳚ |{ऐलूषः कवषः | विश्वदेवाः | त्रिष्टुप्} अ॒भ्या᳚नश्मसुवि॒तस्य॑शू॒षंनवे᳚दसो,अ॒मृता᳚नामभूम॒(स्वाहा᳚) || 3 || अधा᳚यि¦धी॒तिः¦अस॑सृग्रम्¦अंशाः᳚¦ती॒र्थे¦न¦द॒स्मम्¦उप॑¦य॒न्ति॒¦ऊमाः᳚ | |
| नित्य॑श्चाकन्या॒त्स्वप॑ति॒र्दमू᳚ना॒यस्मा᳚,उदे॒वःस॑वि॒ताज॒जान॑ |{ऐलूषः कवषः | विश्वदेवाः | त्रिष्टुप्} भगो᳚वा॒गोभि॑रर्य॒मेम॑नज्या॒त्सो,अ॑स्मै॒चारु॑श्छदयदु॒तस्या॒त्(स्वाहा᳚) || 4 || नित्यः॑¦चा॒क॒न्या॒त्¦स्वऽप॑तिः¦दमू᳚नाः¦यस्मै᳚¦ऊँ॒ इति॑¦दे॒वः¦स॒वि॒ता¦ज॒जान॑ | |
| इ॒यंसाभू᳚या,उ॒षसा᳚मिव॒क्षायद्ध॑क्षु॒मन्तः॒शव॑सास॒माय॑न् |{ऐलूषः कवषः | विश्वदेवाः | त्रिष्टुप्} अ॒स्यस्तु॒तिंज॑रि॒तुर्भिक्ष॑माणा॒,आनः॑श॒ग्मास॒उप॑यन्तु॒वाजाः᳚(स्वाहा᳚) || 5 || इ॒यम्¦सा¦भू॒याः॒¦उ॒षसा᳚म्ऽइव¦क्षाः¦यत्¦ह॒¦क्षु॒ऽमन्तः॑¦शव॑सा¦स॒म्ऽआय॑न् | |
| अ॒स्येदे॒षासु॑म॒तिःप॑प्रथा॒नाभ॑वत्पू॒र्व्याभूम॑ना॒गौः |{ऐलूषः कवषः | विश्वदेवाः | त्रिष्टुप्} अ॒स्यसनी᳚ळा॒,असु॑रस्य॒योनौ᳚समा॒नआभर॑णे॒बिभ्र॑माणाः॒(स्वाहा᳚) || 6 || वर्ग:28 अ॒स्य¦इत्¦ए॒षा¦सु॒ऽम॒तिः¦प॒प्र॒था॒ना¦अभ॑वत्¦पू॒र्व्या¦भूम॑ना¦गौः | |
| किंस्वि॒द्वनं॒कउ॒सवृ॒क्षआ᳚स॒यतो॒द्यावा᳚पृथि॒वीनि॑ष्टत॒क्षुः |{ऐलूषः कवषः | विश्वदेवाः | त्रिष्टुप्} सं॒त॒स्था॒ने,अ॒जरे᳚,इ॒तऊ᳚ती॒,अहा᳚निपू॒र्वीरु॒षसो᳚जरन्त॒(स्वाहा᳚) || 7 || किम्¦स्वि॒त्¦वन᳚म्¦कः¦ऊँ॒ इति॑¦सः¦वृ॒क्षः¦आ॒स॒¦यतः॑¦द्यावा᳚पृथि॒वी इति॑¦निः॒ऽत॒त॒क्षुः | |
| नैताव॑दे॒नाप॒रो,अ॒न्यद॑स्त्यु॒क्षासद्यावा᳚पृथि॒वीबि॑भर्ति |{ऐलूषः कवषः | विश्वदेवाः | त्रिष्टुप्} त्वचं᳚प॒वित्रं᳚कृणुतस्व॒धावा॒न्यदीं॒सूर्यं॒नह॒रितो॒वह᳚न्ति॒(स्वाहा᳚) || 8 || न¦ए॒ताव॑त्¦ए॒ना¦प॒रः¦अ॒न्यत्¦अ॒स्ति॒¦उ॒क्षा¦सः¦द्यावा᳚पृथि॒वी इति॑¦बि॒भ॒र्ति॒ | |
| स्ते॒गोनक्षामत्ये᳚तिपृ॒थ्वींमिहं॒नवातो॒विह॑वाति॒भूम॑ |{ऐलूषः कवषः | विश्वदेवाः | त्रिष्टुप्} मि॒त्रोयत्र॒वरु॑णो,अ॒ज्यमा᳚नो॒ऽग्निर्वने॒नव्यसृ॑ष्ट॒शोक॒म्(स्वाहा᳚) || 9 || स्ते॒गः¦न¦क्षम्¦अति॑¦ए॒ति॒¦पृ॒थ्वीम्¦मिह᳚म्¦न¦वातः॑¦वि¦ह॒¦वाति॑¦भूम॑ | |
| स्त॒रीर्यत्सूत॑स॒द्यो,अ॒ज्यमा᳚ना॒व्यथि॑रव्य॒थीःकृ॑णुत॒स्वगो᳚पा |{ऐलूषः कवषः | विश्वदेवाः | त्रिष्टुप्} पु॒त्रोयत्पूर्वः॑पि॒त्रोर्जनि॑ष्टश॒म्यांगौर्ज॑गार॒यद्ध॑पृ॒च्छान्(स्वाहा᳚) || 10 || स्त॒रीः¦यत्¦सूत॑¦स॒द्यः¦अ॒ज्यमा᳚ना¦व्यथिः॑¦अ॒व्य॒थीः¦कृ॒णु॒त॒¦स्वऽगो᳚पा | |
| उ॒तकण्वं᳚नृ॒षदः॑पु॒त्रमा᳚हुरु॒तश्या॒वोधन॒माद॑त्तवा॒जी |{ऐलूषः कवषः | विश्वदेवाः | त्रिष्टुप्} प्रकृ॒ष्णाय॒रुश॑दपिन्व॒तोध᳚रृ॒तमत्र॒नकि॑रस्मा,अपीपे॒त्(स्वाहा᳚) || 11 || उ॒त¦कण्व᳚म्¦नृ॒ऽसदः॑¦पु॒त्रम्¦आ॒हुः॒¦उ॒त¦श्या॒वः¦धन᳚म्¦आ¦अ॒द॒त्त॒¦वा॒जी | |
| [103] प्रसुग्मंतेति नवर्चस्य सूक्तस्यैलूषः कवषइंद्रोजगती अंत्याश्चतस्रस्त्रिष्टुभः |{अष्टक:7, अध्याय:7}{मंडल:10, सूक्त:32}{अनुवाक:3, सूक्त:3} |
| प्रसुग्मन्ता᳚धियसा॒नस्य॑स॒क्षणि॑व॒रेभि᳚र्व॒राँ,अ॒भिषुप्र॒सीद॑तः |{ऐलूषः कवषः | इन्द्रः | जगती} अ॒स्माक॒मिन्द्र॑उ॒भयं᳚जुजोषति॒यत्सो॒म्यस्यान्ध॑सो॒बुबो᳚धति॒(स्वाहा᳚) || 1 || वर्ग:29 प्र¦सु¦ग्मन्ता᳚¦धि॒य॒सा॒नस्य॑¦स॒क्षणि॑¦व॒रेभिः॑¦व॒रान्¦अ॒भि¦सु¦प्र॒ऽसीद॑तः | |
| वी᳚न्द्रयासिदि॒व्यानि॑रोच॒नाविपार्थि॑वानि॒रज॑सापुरुष्टुत |{ऐलूषः कवषः | इन्द्रः | जगती} येत्वा॒वह᳚न्ति॒मुहु॑रध्व॒राँ,उप॒तेसुव᳚न्वन्तुवग्व॒नाँ,अ॑रा॒धसः॒(स्वाहा᳚) || 2 || वि¦इ॒न्द्र॒¦या॒सि॒¦दि॒व्यानि॑¦रो॒च॒ना¦वि¦पार्थि॑वानि¦रज॑सा¦पु॒रु॒ऽस्तु॒त॒ | |
| तदिन्मे᳚छन्त्स॒द्वपु॑षो॒वपु॑ष्टरंपु॒त्रोयज्जानं᳚पि॒त्रोर॒धीय॑ति |{ऐलूषः कवषः | इन्द्रः | जगती} जा॒यापतिं᳚वहतिव॒ग्नुना᳚सु॒मत्पुं॒सइद्भ॒द्रोव॑ह॒तुःपरि॑ष्कृतः॒(स्वाहा᳚) || 3 || तत्¦इत्¦मे॒¦छ॒न्त्स॒त्¦वपु॑षः¦वपुः॑ऽतरम्¦पु॒त्रः¦यत्¦जान᳚म्¦पि॒त्रोः¦अ॒धि॒ऽइय॑ति | |
| तदित्स॒धस्थ॑म॒भिचारु॑दीधय॒गावो॒यच्छास᳚न्वह॒तुंनधे॒नवः॑ |{ऐलूषः कवषः | इन्द्रः | जगती} मा॒तायन्मन्तु᳚र्यू॒थस्य॑पू॒र्व्याभिवा॒णस्य॑स॒प्तधा᳚तु॒रिज्जनः॒(स्वाहा᳚) || 4 || तत्¦इत्¦स॒धऽस्थ᳚म्¦अ॒भि¦चारु॑¦दी॒ध॒य॒¦गावः॑¦यत्¦शास॑न्¦व॒ह॒तुम्¦न¦धे॒नवः॑ | |
| प्रवोऽच्छा᳚रिरिचेदेव॒युष्प॒दमेको᳚रु॒द्रेभि᳚र्यातितु॒र्वणिः॑ |{ऐलूषः कवषः | इन्द्रः | जगती} ज॒रावा॒येष्व॒मृते᳚षुदा॒वने॒परि॑व॒ऊमे᳚भ्यःसिञ्चता॒मधु॒(स्वाहा᳚) || 5 || प्र¦वः॒¦अच्छ॑¦रि॒रि॒चे॒¦दे॒व॒ऽयुः¦प॒दम्¦एकः॑¦रु॒द्रेभिः॑¦या॒ति॒¦तु॒र्वणिः॑ | |
| नि॒धी॒यमा᳚न॒मप॑गूळ्हम॒प्सुप्रमे᳚दे॒वानां᳚व्रत॒पा,उ॑वाच |{ऐलूषः कवषः | इन्द्रः | त्रिष्टुप्} इन्द्रो᳚वि॒द्वाँ,अनु॒हित्वा᳚च॒चक्ष॒तेना॒हम॑ग्ने॒,अनु॑शिष्ट॒आगा॒म्(स्वाहा᳚) || 6 || वर्ग:30 नि॒ऽधी॒यमा᳚नम्¦अप॑ऽगूळ्हम्¦अ॒प्ऽसु¦प्र¦मे॒¦दे॒वाना᳚म्¦व्र॒त॒ऽपाः¦उ॒वा॒च॒ | |
| अक्षे᳚त्रवित्क्षेत्र॒विदं॒ह्यप्रा॒ट्सप्रैति॑क्षेत्र॒विदानु॑शिष्टः |{ऐलूषः कवषः | इन्द्रः | त्रिष्टुप्} ए॒तद्वैभ॒द्रम॑नु॒शास॑नस्यो॒तस्रु॒तिंवि᳚न्दत्यञ्ज॒सीना॒म्(स्वाहा᳚) || 7 || अक्षे᳚त्रऽवित्¦क्षे॒त्र॒ऽविद᳚म्¦हि¦अप्रा᳚ट्¦सः¦प्र¦ए॒ति॒¦क्षे॒त्र॒ऽविदा᳚¦अनु॑ऽशिष्टः | |
| अ॒द्येदु॒प्राणी॒दम॑मन्नि॒माहापी᳚वृतो,अधयन्मा॒तुरूधः॑ |{ऐलूषः कवषः | इन्द्रः | त्रिष्टुप्} एमे᳚नमापजरि॒मायुवा᳚न॒महे᳚ळ॒न्वसुः॑सु॒मना᳚बभूव॒(स्वाहा᳚) || 8 || अ॒द्य¦इत्¦ऊँ॒ इति॑¦प्र¦आ॒णी॒त्¦अम॑मन्¦इ॒मा¦अहा᳚¦अपि॑ऽवृतः¦अ॒ध॒य॒त्¦मा॒तुः¦ऊधः॑ | |
| ए॒तानि॑भ॒द्राक॑लशक्रियाम॒कुरु॑श्रवण॒दद॑तोम॒घानि॑ |{ऐलूषः कवषः | इन्द्रः | त्रिष्टुप्} दा॒नइद्वो᳚मघवानः॒सो,अ॑स्त्व॒यंच॒सोमो᳚हृ॒दियंबिभ᳚र्मि॒(स्वाहा᳚) || 9 || ए॒तानि॑¦भ॒द्रा¦क॒ल॒श॒¦क्रि॒या॒म॒¦कुरु॑ऽश्रवण¦दद॑तः¦म॒घानि॑ | |
| [104] प्रमायुयुज्रइति नवर्चस्य सूक्तस्यैलूषःकवषऋषिः आद्याया विश्वेदेवाः ततोद्वयोरिंद्रः चतुर्थीपंचम्योः कुरुश्रवणः षष्ठ्यदादिचतसृणामुपश्र वा आद्यात्रिष्टुप् द्वितीयाबृहती तृतीया सतोबृहती शेषाः षड्गायत्र्यः |{अष्टक:7, अध्याय:8}{मंडल:10, सूक्त:33}{अनुवाक:3, सूक्त:4} |
| प्रमा᳚युयुज्रेप्र॒युजो॒जना᳚नां॒वहा᳚मिस्मपू॒षण॒मन्त॑रेण |{ऐलूषः कवषः | विश्वदेवाः | त्रिष्टुप्} विश्वे᳚दे॒वासो॒,अध॒माम॑रक्षन्दुः॒शासु॒रागा॒दिति॒घोष॑आसी॒त्(स्वाहा᳚) || 1 || वर्ग:1 प्र¦मा॒¦यु॒यु॒ज्रे॒¦प्र॒ऽयुजः॑¦जना᳚नाम्¦वहा᳚मि¦स्म॒¦पू॒षण᳚म्¦अन्त॑रेण | |
| संमा᳚तपन्त्य॒भितः॑स॒पत्नी᳚रिव॒पर्श॑वः |{ऐलूषः कवषः | इंद्रः | बृहती} निबा᳚धते॒,अम॑तिर्न॒ग्नता॒जसु॒र्वेर्नवे᳚वीयतेम॒तिः(स्वाहा᳚) || 2 || सम्¦मा॒¦त॒प॒न्ति॒¦अ॒भितः॑¦स॒पत्नीः᳚ऽइव¦पर्श॑वः | |
| मूषो॒नशि॒श्नाव्य॑दन्तिमा॒ध्यः॑स्तो॒तारं᳚तेशतक्रतो |{ऐलूषः कवषः | इंद्रः | सतोबृहती} स॒कृत्सुनो᳚मघवन्निन्द्रमृळ॒याधा᳚पि॒तेव॑नोभव॒(स्वाहा᳚) || 3 || मूषः॑¦न¦शि॒श्ना¦वि¦अ॒द॒न्ति॒¦मा॒¦आ॒ऽध्यः॑¦स्तो॒तार᳚म्¦ते॒¦श॒त॒क्र॒तो॒ इति॑ शतऽक्रतो | |
| कु॒रु॒श्रव॑णमावृणि॒राजा᳚नं॒त्रास॑दस्यवम् |{ऐलूषः कवषः | कुरुश्रवणः | गायत्री} मंहि॑ष्ठंवा॒घता॒मृषिः॒(स्वाहा᳚) || 4 || कु॒रु॒ऽश्रव॑णम्¦अ॒वृ॒णि॒¦राजा᳚नम्¦त्रास॑दस्यवम् | मंहि॑ष्ठम्¦वा॒घता᳚म्¦ऋषिः॑ || |
| यस्य॑माह॒रितो॒रथे᳚ति॒स्रोवह᳚न्तिसाधु॒या |{ऐलूषः कवषः | कुरुश्रवणः | गायत्री} स्तवै᳚स॒हस्र॑दक्षिणे॒(स्वाहा᳚) || 5 || यस्य॑¦मा॒¦ह॒रितः॑¦रथे᳚¦ति॒स्रः¦वह᳚न्ति¦सा॒धु॒ऽया | स्तवै᳚¦स॒हस्र॑ऽदक्षिणे || |
| यस्य॒प्रस्वा᳚दसो॒गिर॑उप॒मश्र॑वसःपि॒तुः |{ऐलूषः कवषः | उपश्र वा | गायत्री} क्षेत्रं॒नर॒ण्वमू॒चुषे॒(स्वाहा᳚) || 6 || वर्ग:2 यस्य॑¦प्रऽस्वा᳚दसः¦गिरः॑¦उ॒प॒मऽश्र॑वसः¦पि॒तुः | क्षेत्र᳚म्¦न¦र॒ण्वम्¦ऊ॒चुषे᳚ || |
| अधि॑पुत्रोपमश्रवो॒नपा᳚न्मित्रातिथेरिहि |{ऐलूषः कवषः | उपश्र वा | गायत्री} पि॒तुष्टे᳚,अस्मिवन्दि॒ता(स्वाहा᳚) || 7 || अधि॑¦पु॒त्र॒¦उ॒प॒म॒ऽश्र॒वः॒¦नपा᳚त्¦मि॒त्र॒।आ॒ति॒थेः॒¦इ॒हि॒ | पि॒तुः¦ते॒¦अ॒स्मि॒¦व॒न्दि॒ता || |
| यदीशी᳚या॒मृता᳚नामु॒तवा॒मर्त्या᳚नाम् |{ऐलूषः कवषः | उपश्र वा | गायत्री} जीवे॒दिन्म॒घवा॒मम॒(स्वाहा᳚) || 8 || यत्¦ईशी᳚य¦अ॒मृता᳚नाम्¦उ॒त¦वा॒¦मर्त्या᳚नाम् | जीवे᳚त्¦इ॒त्¦म॒घऽवा᳚¦मम॑ || |
| नदे॒वाना॒मति᳚व्र॒तंश॒तात्मा᳚च॒नजी᳚वति |{ऐलूषः कवषः | उपश्र वा | गायत्री} तथा᳚यु॒जाविवा᳚वृते॒(स्वाहा᳚) || 9 || न¦दे॒वाना᳚म्¦अति॑¦व्र॒तम्¦श॒तऽआ᳚त्मा¦च॒न¦जी॒व॒ति॒ | तथा᳚¦यु॒जा¦वि¦व॒वृ॒ते॒ || |
| [105] प्रावेपाइति चतुर्दशर्चस्य सूक्तस्य मौजवानक्ष ऋषिः आद्या सप्तमी नवमीद्वादशीनामक्षादेवताः त्रयोदश्याः कृषिः शिष्टानामक्षनिंदा देवता त्रिष्टुप् सप्तमी जगती |{अष्टक:7, अध्याय:8}{मंडल:10, सूक्त:34}{अनुवाक:3, सूक्त:5} |
| प्रा॒वे॒पामा᳚बृह॒तोमा᳚दयन्तिप्रवाते॒जा,इरि॑णे॒वर्वृ॑तानाः |{मौजवानक्षः | अक्षादेवताः | त्रिष्टुप्} सोम॑स्येवमौजव॒तस्य॑भ॒क्षोवि॒भीद॑को॒जागृ॑वि॒र्मह्य॑मच्छा॒न्(स्वाहा᳚) || 1 || वर्ग:3 प्रा॒वे॒पाः¦मा॒¦बृ॒ह॒तः¦मा॒द॒य॒न्ति॒¦प्र॒वा॒ते॒ऽजाः¦इरि॑णे¦वर्वृ॑तानाः | |
| नमा᳚मिमेथ॒नजि॑हीळए॒षाशि॒वासखि॑भ्यउ॒तमह्य॑मासीत् |{मौजवानक्षः | अक्षनिंदा देवता | त्रिष्टुप्} अ॒क्षस्या॒हमे᳚कप॒रस्य॑हे॒तोरनु᳚व्रता॒मप॑जा॒याम॑रोध॒म्(स्वाहा᳚) || 2 || न¦मा॒¦मि॒मे॒थ॒¦न¦जि॒ही॒ळे॒¦ए॒षा¦शि॒वा¦सखि॑ऽभ्यः¦उ॒त¦मह्य᳚म्¦आ॒सी॒त् | |
| द्वेष्टि॑श्व॒श्रूरप॑जा॒यारु॑णद्धि॒नना᳚थि॒तोवि᳚न्दतेमर्डि॒तार᳚म् |{मौजवानक्षः | अक्षनिंदा देवता | त्रिष्टुप्} अश्व॑स्येव॒जर॑तो॒वस्न्य॑स्य॒नाहंवि᳚न्दामिकित॒वस्य॒भोग॒म्(स्वाहा᳚) || 3 || द्वेष्टि॑¦श्व॒श्रूः¦अप॑¦जा॒या¦रु॒ण॒द्धि॒¦न¦ना॒थि॒तः¦वि॒न्द॒ते॒¦म॒र्डि॒तार᳚म् | |
| अ॒न्येजा॒यांपरि॑मृशन्त्यस्य॒यस्यागृ॑ध॒द्वेद॑नेवा॒ज्य१॑(अ॒)क्षः |{मौजवानक्षः | अक्षनिंदा देवता | त्रिष्टुप्} पि॒तामा॒ताभ्रात॑रएनमाहु॒र्नजा᳚नीमो॒नय॑ताब॒द्धमे॒तम्(स्वाहा᳚) || 4 || अ॒न्ये¦जा॒याम्¦परि॑¦मृ॒श॒न्ति॒¦अ॒स्य॒¦यस्य॑¦अगृ॑धत्¦वेद॑ने¦वा॒जी¦अ॒क्षः | |
| यदा॒दीध्ये॒नद॑विषाण्येभिःपरा॒यद्भ्योऽव॑हीये॒सखि॑भ्यः |{मौजवानक्षः | अक्षनिंदा देवता | त्रिष्टुप्} न्यु॑प्ताश्चब॒भ्रवो॒वाच॒मक्र॑तँ॒,एमीदे᳚षांनिष्कृ॒तंजा॒रिणी᳚व॒(स्वाहा᳚) || 5 || यत्¦आ॒ऽदी॒ध्ये॒¦न¦द॒वि॒षा॒णि॒¦ए॒भिः॒¦प॒रा॒यत्ऽभ्यः॑¦अव॑¦हीये᳚¦सखि॑ऽभ्यः | |
| स॒भामे᳚तिकित॒वःपृ॒च्छमा᳚नोजे॒ष्यामीति॑त॒न्वा॒३॑(आ॒)शूशु॑जानः |{मौजवानक्षः | अक्षनिंदा देवता | त्रिष्टुप्} अ॒क्षासो᳚,अस्य॒विति॑रन्ति॒कामं᳚प्रति॒दीव्ने॒दध॑त॒आकृ॒तानि॒(स्वाहा᳚) || 6 || वर्ग:4 स॒भाम्¦ए॒ति॒¦कि॒त॒वः¦पृ॒च्छमा᳚नः¦जे॒ष्यामि॑¦इति॑¦त॒न्वा᳚¦शूशु॑जानः | |
| अ॒क्षास॒इद᳚ङ्कु॒शिनो᳚नितो॒दिनो᳚नि॒कृत्वा᳚न॒स्तप॑नास्तापयि॒ष्णवः॑ |{मौजवानक्षः | अक्षादेवताः | जगती} कु॒मा॒रदे᳚ष्णा॒जय॑तःपुन॒र्हणो॒मध्वा॒सम्पृ॑क्ताःकित॒वस्य॑ब॒र्हणा॒(स्वाहा᳚) || 7 || अ॒क्षासः॑¦इत्¦अ॒ङ्कु॒शिनः॑¦नि॒ऽतो॒दिनः॑¦नि॒ऽकृत्वा᳚नः¦तप॑नाः¦ता॒प॒यि॒ष्णवः॑ | |
| त्रि॒प॒ञ्चा॒शःक्री᳚ळति॒व्रात॑एषांदे॒वइ॑वसवि॒तास॒त्यध᳚र्मा |{मौजवानक्षः | अक्षनिंदा देवता | त्रिष्टुप्} उ॒ग्रस्य॑चिन्म॒न्यवे॒नान॑मन्ते॒राजा᳚चिदेभ्यो॒नम॒इत्कृ॑णोति॒(स्वाहा᳚) || 8 || त्रि॒ऽपं॒चा॒शः¦क्री॒ळ॒ति॒¦व्रातः॑¦ए॒षा॒म्¦दे॒वःऽइ᳚व¦स॒वि॒ता¦स॒त्यऽध᳚र्मा | |
| नी॒चाव॑र्तन्तउ॒परि॑स्फुरन्त्यह॒स्तासो॒हस्त॑वन्तंसहन्ते |{मौजवानक्षः | अक्षादेवताः | त्रिष्टुप्} दि॒व्या,अङ्गा᳚रा॒,इरि॑णे॒न्यु॑प्ताःशी॒ताःसन्तो॒हृद॑यं॒निर्द॑हन्ति॒(स्वाहा᳚) || 9 || नी॒चाः¦व॒र्त॒न्ते॒¦उ॒परि॑¦स्फु॒र॒न्ति॒¦अ॒ह॒स्तासः॑¦हस्त॑ऽवन्तम्¦स॒ह॒न्ते॒ | |
| जा॒यात॑प्यतेकित॒वस्य॑ही॒नामा॒तापु॒त्रस्य॒चर॑तः॒क्व॑स्वित् |{मौजवानक्षः | अक्षनिंदा देवता | त्रिष्टुप्} ऋ॒णा॒वाबिभ्य॒द्धन॑मि॒च्छमा᳚नो॒ऽन्येषा॒मस्त॒मुप॒नक्त॑मेति॒(स्वाहा᳚) || 10 || जा॒या¦त॒प्य॒ते॒¦कि॒त॒वस्य॑¦ही॒ना¦मा॒ता¦पु॒त्रस्य॑¦चर॑तः¦क्व॑¦स्वि॒त् | |
| स्त्रियं᳚दृ॒ष्ट्वाय॑कित॒वंत॑तापा॒न्येषां᳚जा॒यांसुकृ॑तंच॒योनि᳚म् |{मौजवानक्षः | अक्षनिंदा देवता | त्रिष्टुप्} पू॒र्वा॒ह्णे,अश्वा᳚न्युयु॒जेहिब॒भ्रून्त्सो,अ॒ग्नेरन्ते᳚वृष॒लःप॑पाद॒(स्वाहा᳚) || 11 || वर्ग:5 स्त्रिय᳚म्¦दृ॒ष्ट्वाय॑¦कि॒त॒वम्¦त॒ता॒प॒¦अ॒न्येषा᳚म्¦जा॒याम्¦सुऽकृ॑तम्¦च॒¦योनि᳚म् | |
| योवः॑सेना॒नीर्म॑ह॒तोग॒णस्य॒राजा॒व्रात॑स्यप्रथ॒मोब॒भूव॑ |{मौजवानक्षः | अक्षादेवताः | त्रिष्टुप्} तस्मै᳚कृणोमि॒नधना᳚रुणध्मि॒दशा॒हंप्राची॒स्तदृ॒तंव॑दामि॒(स्वाहा᳚) || 12 || यः¦वः॒¦से॒ना॒ऽनीः¦म॒ह॒तः¦ग॒णस्य॑¦राजा᳚¦व्रात॑स्य¦प्र॒थ॒मः¦ब॒भूव॑ | |
| अ॒क्षैर्मादी᳚व्यःकृ॒षिमित्कृ॑षस्ववि॒त्तेर॑मस्वब॒हुमन्य॑मानः |{मौजवानक्षः | कृषिः | त्रिष्टुप्} तत्र॒गावः॑कितव॒तत्र॑जा॒यातन्मे॒विच॑ष्टेसवि॒तायम॒र्यः(स्वाहा᳚) || 13 || अ॒क्षैः¦मा¦दी॒व्य॒ह्¦कृ॒षिम्¦इत्¦कृ॒ष॒स्व॒¦वि॒त्ते¦र॒म॒स्व॒¦ब॒हु¦मन्य॑मानः | |
| मि॒त्रंकृ॑णुध्वं॒खलु॑मृ॒ळता᳚नो॒मानो᳚घो॒रेण॑चरता॒भिधृ॒ष्णु |{मौजवानक्षः | अक्षनिंदा देवता | त्रिष्टुप्} निवो॒नुम॒न्युर्वि॑शता॒मरा᳚तिर॒न्योब॑भ्रू॒णांप्रसि॑तौ॒न्व॑स्तु॒(स्वाहा᳚) || 14 || मि॒त्रम्¦कृ॒णु॒ध्व॒म्¦खलु॑¦मृ॒ळत॑¦नः॒¦मा¦नः॒¦घो॒रेण॑¦च॒र॒त॒¦अ॒भि¦धृ॒ष्णु | |
| [106] अबुध्रमिति चतुर्दशर्चस्य सूक्तस्य धानाकोलुशोविश्वेदेवाजगत्यंत्येद्वेत्रिष्टुभौ (भेद - विश्वेदेवाः ३ उषसोग्निः २ विश्वेदेवाः ९ एवं १४) |{अष्टक:7, अध्याय:8}{मंडल:10, सूक्त:35}{अनुवाक:3, सूक्त:6} |
| अबु॑ध्रमु॒त्यइन्द्र॑वन्तो,अ॒ग्नयो॒ज्योति॒र्भर᳚न्तउ॒षसो॒व्यु॑ष्टिषु |{धानाकोलुशः | विश्वदेवाः | जगती} म॒हीद्यावा᳚पृथि॒वीचे᳚तता॒मपो॒ऽद्यादे॒वाना॒मव॒आवृ॑णीमहे॒(स्वाहा᳚) || 1 || वर्ग:6 अबु॑ध्रम्¦ऊँ॒ इति॑¦त्ये¦इन्द्र॑ऽवन्तः¦अ॒ग्नयः॑¦ज्योतिः॑¦भर᳚न्तः¦उ॒षसः॑¦वि।औ᳚ष्टिषु | |
| दि॒वस्पृ॑थि॒व्योरव॒आवृ॑णीमहेमा॒तॄन्त्सिन्धू॒न्पर्व॑ताञ्छर्य॒णाव॑तः |{धानाकोलुशः | विश्वदेवाः | जगती} अ॒ना॒गा॒स्त्वंसूर्य॑मु॒षास॑मीमहेभ॒द्रंसोमः॑सुवा॒नो,अ॒द्याकृ॑णोतुनः॒(स्वाहा᳚) || 2 || दि॒वःपृ॑थि॒व्योः¦अवः॑¦आ¦वृ॒णी॒म॒हे॒¦मा॒तॄन्¦सिन्धू᳚न्¦पर्व॑तान्¦श॒र्य॒णाऽव॑तः | |
| द्यावा᳚नो,अ॒द्यपृ॑थि॒वी,अना᳚गसोम॒हीत्रा᳚येतांसुवि॒ताय॑मा॒तरा᳚ |{धानाकोलुशः | विश्वदेवाः | जगती} उ॒षा,उ॒च्छन्त्यप॑बाधताम॒घंस्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 3 || द्यावा᳚¦नः॒¦अ॒द्य¦पृ॒थि॒वी इति॑¦अना᳚गसः¦म॒ही इति॑¦त्रा॒ये॒ता॒म्¦सु॒वि॒ताय॑¦मा॒तरा᳚ | |
| इ॒यंन॑उ॒स्राप्र॑थ॒मासु॑दे॒व्यं᳚रे॒वत्स॒निभ्यो᳚रे॒वती॒व्यु॑च्छतु |{धानाकोलुशः | विश्वदेवाः | जगती} आ॒रेम॒न्युंदु᳚र्वि॒दत्र॑स्यधीमहिस्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 4 || इ॒यम्¦नः॒¦उ॒स्रा¦प्र॒थ॒मा¦सु॒ऽदे॒व्य᳚म्¦रे॒वत्¦स॒निऽभ्यः॑¦रे॒वती᳚¦वि¦उ॒च्छ॒तु॒ | |
| प्रयाःसिस्र॑ते॒सूर्य॑स्यर॒श्मिभि॒र्ज्योति॒र्भर᳚न्तीरु॒षसो॒व्यु॑ष्टिषु |{धानाकोलुशः | विश्वदेवाः | जगती} भ॒द्रानो᳚,अ॒द्यश्रव॑से॒व्यु॑च्छतस्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 5 || प्र¦याः¦सिस्र॑ते¦सूर्य॑स्य¦र॒श्मिऽभिः॑¦ज्योतिः॑¦भर᳚न्तीः¦उ॒षसः॑¦वि।औ᳚ष्टिषु | |
| अ॒न॒मी॒वा,उ॒षस॒आच॑रन्तुन॒उद॒ग्नयो᳚जिहतां॒ज्योति॑षाबृ॒हत् |{धानाकोलुशः | विश्वदेवाः | जगती} आयु॑क्षाताम॒श्विना॒तूतु॑जिं॒रथं᳚स्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 6 || वर्ग:7 अ॒न॒मी॒वाः¦उ॒षसः॑¦आ¦च॒र॒न्तु॒¦नः॒¦उत्¦अ॒ग्नयः॑¦जि॒ह॒ता॒म्¦ज्योति॑षा¦बृ॒हत् | |
| श्रेष्ठं᳚नो,अ॒द्यस॑वित॒र्वरे᳚ण्यंभा॒गमासु॑व॒सहिर॑त्न॒धा,असि॑ |{धानाकोलुशः | विश्वदेवाः | जगती} रा॒योजनि॑त्रींधि॒षणा॒मुप॑ब्रुवेस्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 7 || श्रेष्ठ᳚म्¦नः॒¦अ॒द्य¦स॒वि॒तः॒¦वरे᳚ण्यम्¦भा॒गम्¦आ¦सु॒व॒¦सः¦हि¦र॒त्न॒ऽधाः¦असि॑ | |
| पिप॑र्तुमा॒तदृ॒तस्य॑प्र॒वाच॑नंदे॒वानां॒यन्म॑नु॒ष्या॒३॑(आ॒)अम᳚न्महि |{धानाकोलुशः | विश्वदेवाः | जगती} विश्वा॒,इदु॒स्राःस्पळुदे᳚ति॒सूर्यः॑स्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 8 || पिप॑र्तु¦मा॒¦तत्¦ऋ॒तस्य॑¦प्र॒ऽवाच॑नम्¦दे॒वाना᳚म्¦यत्¦म॒नु॒ष्याः᳚¦अम᳚न्महि | |
| अ॒द्वे॒षो,अ॒द्यब॒र्हिषः॒स्तरी᳚मणि॒ग्राव्णां॒योगे॒मन्म॑नः॒साध॑ईमहे |{धानाकोलुशः | विश्वदेवाः | जगती} आ॒दि॒त्यानां॒शर्म॑णि॒स्थाभु॑रण्यसिस्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 9 || अ॒द्वे॒षः¦अ॒द्य¦ब॒र्हिषः॑¦स्तरी᳚मणि¦ग्राव्णा᳚म्¦योगे᳚¦मन्म॑नः¦साधे᳚¦ई॒म॒हे॒ | |
| आनो᳚ब॒र्हिःस॑ध॒मादे᳚बृ॒हद्दि॒विदे॒वाँ,ई᳚ळेसा॒दया᳚स॒प्तहोतॄ॑न् |{धानाकोलुशः | विश्वदेवाः | जगती} इन्द्रं᳚मि॒त्रंवरु॑णंसा॒तये॒भगं᳚स्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 10 || आ¦नः॒¦ब॒र्हिः¦स॒ध॒ऽमादे᳚¦बृ॒हत्¦दि॒वि¦दे॒वान्¦ई॒ळे॒¦सा॒दय॑¦स॒प्त¦होतॄ॑न् | |
| तआ᳚दित्या॒,आग॑तास॒र्वता᳚तयेवृ॒धेनो᳚य॒ज्ञम॑वतासजोषसः |{धानाकोलुशः | विश्वदेवाः | जगती} बृह॒स्पतिं᳚पू॒षण॑म॒श्विना॒भगं᳚स्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 11 || वर्ग:8 ते¦आ॒दि॒त्याः॒¦आ¦ग॒त॒¦स॒र्वता᳚तये¦वृ॒धे¦नः॒¦य॒ज्ञम्¦अ॒व॒त॒¦स॒ऽजो॒ष॒सः॒ | |
| तन्नो᳚देवायच्छतसुप्रवाच॒नंछ॒र्दिरा᳚दित्याःसु॒भरं᳚नृ॒पाय्य᳚म् |{धानाकोलुशः | विश्वदेवाः | जगती} पश्वे᳚तो॒काय॒तन॑यायजी॒वसे᳚स्व॒स्त्य१॑(अ॒)ग्निंस॑मिधा॒नमी᳚महे॒(स्वाहा᳚) || 12 || तत्¦नः॒¦दे॒वाः॒¦य॒च्छ॒त॒¦सु॒ऽप्र॒वा॒च॒नम्¦छ॒र्दिः¦आ॒दि॒त्याः॒¦सु॒ऽभर᳚म्¦नृ॒ऽपाय्य᳚म् | |
| विश्वे᳚,अ॒द्यम॒रुतो॒विश्व॑ऊ॒तीविश्वे᳚भवन्त्व॒ग्नयः॒समि॑द्धाः |{धानाकोलुशः | विश्वदेवाः | त्रिष्टुप्} विश्वे᳚नोदे॒वा,अव॒साग॑मन्तु॒विश्व॑मस्तु॒द्रवि॑णं॒वाजो᳚,अ॒स्मे(स्वाहा᳚) || 13 || विश्वे᳚¦अ॒द्य¦म॒रुतः॑¦विश्वे᳚¦ऊ॒ती¦विश्वे᳚¦भ॒व॒न्तु॒¦अ॒ग्नयः॑¦सम्ऽइ᳚द्धाः | |
| यंदे᳚वा॒सोऽव॑थ॒वाज॑सातौ॒यंत्राय॑ध्वे॒यंपि॑पृ॒थात्यंहः॑ |{धानाकोलुशः | विश्वदेवाः | त्रिष्टुप्} योवो᳚गोपी॒थेनभ॒यस्य॒वेद॒तेस्या᳚मदे॒ववी᳚तयेतुरासः॒(स्वाहा᳚) || 14 || यम्¦दे॒वा॒सः॒¦अव॑थ¦वाज॑ऽसातौ¦यम्¦त्राय॑ध्वे¦यम्¦पि॒पृ॒थ¦अति॑¦अंहः॑ | |
| [107] उषासानक्तेति चतुर्दशर्चस्य सूक्तस्य धानाकोलुशोविश्वेदेवाजगत्यंत्येद्वे त्रिष्टुभौ (भेदपक्षे - विश्वेदेवाः १३ सविता १ एवं १४) |{अष्टक:7, अध्याय:8}{मंडल:10, सूक्त:36}{अनुवाक:3, सूक्त:7} |
| उ॒षासा॒नक्ता᳚बृह॒तीसु॒पेश॑सा॒द्यावा॒क्षामा॒वरु॑णोमि॒त्रो,अ᳚र्य॒मा |{धानाकोलुशः | विश्वदेवाः | जगती} इन्द्रं᳚हुवेम॒रुतः॒पर्व॑ताँ,अ॒पआ᳚दि॒त्यान्द्यावा᳚पृथि॒वी,अ॒पःस्वः॒(स्वाहा᳚) || 1 || वर्ग:9 उ॒षसा॒नक्ता᳚¦बृ॒ह॒ती इति॑¦सु॒ऽपेश॑सा¦द्यावा॒क्षामा᳚¦वरु॑णः¦मि॒त्रः¦अ॒र्य॒मा | |
| द्यौश्च॑नःपृथि॒वीच॒प्रचे᳚तसऋ॒ताव॑रीरक्षता॒मंह॑सोरि॒षः |{धानाकोलुशः | विश्वदेवाः | जगती} मादु᳚र्वि॒दत्रा॒निरृ॑तिर्नईशत॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 2 || द्यौः¦च॒¦नः॒¦पृ॒थि॒वी¦च॒¦प्रऽचे᳚तसा¦ऋ॒तव॑री॒ इत्यृ॒तऽव॑री¦र॒क्ष॒ता॒म्¦अंह॑सः¦रि॒षः | |
| विश्व॑स्मान्नो॒,अदि॑तिःपा॒त्वंह॑सोमा॒तामि॒त्रस्य॒वरु॑णस्यरे॒वतः॑ |{धानाकोलुशः | विश्वदेवाः | जगती} स्व᳚र्व॒ज्ज्योति॑रवृ॒कंन॑शीमहि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 3 || विश्व॑स्मात्¦नः॒¦अदि॑तिः¦पा॒तु॒¦अंह॑सः¦मा॒ता¦मि॒त्रस्य॑¦वरु॑णस्य¦रे॒वतः॑ | |
| ग्रावा॒वद॒न्नप॒रक्षां᳚सिसेधतुदु॒ष्ष्वप्न्यं॒निरृ॑तिं॒विश्व॑म॒त्रिण᳚म् |{धानाकोलुशः | विश्वदेवाः | जगती} आ॒दि॒त्यंशर्म॑म॒रुता᳚मशीमहि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 4 || ग्रावा᳚¦वद॑न्¦अप॑¦रक्षां᳚सि¦से॒ध॒तु॒¦दुः॒ऽस्वप्न्य᳚म्¦निःऽऋ॑तिम्¦विश्व᳚म्¦अ॒त्रिण᳚म् | |
| एन्द्रो᳚ब॒र्हिःसीद॑तु॒पिन्व॑ता॒मिळा॒बृह॒स्पतिः॒साम॑भिरृ॒क्वो,अ॑र्चतु |{धानाकोलुशः | विश्वदेवाः | जगती} सु॒प्र॒के॒तंजी॒वसे॒मन्म॑धीमहि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 5 || आ¦इन्द्रः॑¦ब॒र्हिः¦सीद॑तु¦पिन्व॑ताम्¦इळा᳚¦बृह॒स्पतिः॑¦साम॑ऽभिः¦ऋ॒क्वः¦अ॒र्च॒तु॒ | |
| दि॒वि॒स्पृशं᳚य॒ज्ञम॒स्माक॑मश्विनाजी॒राध्व॑रंकृणुतंसु॒म्नमि॒ष्टये᳚ |{धानाकोलुशः | विश्वदेवाः | जगती} प्रा॒चीन॑रश्मि॒माहु॑तंघृ॒तेन॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 6 || वर्ग:10 दि॒वि॒ऽस्पृश᳚म्¦य॒ज्ञम्¦अ॒स्माक᳚म्¦अ॒श्वि॒ना॒¦जी॒र।आ॑ध्वरम्¦कृ॒णु॒त॒म्¦सु॒म्नम्¦इ॒ष्टये᳚ | |
| उप॑ह्वयेसु॒हवं॒मारु॑तंग॒णंपा᳚व॒कमृ॒ष्वंस॒ख्याय॑श॒म्भुव᳚म् |{धानाकोलुशः | विश्वदेवाः | जगती} रा॒यस्पोषं᳚सौश्रव॒साय॑धीमहि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 7 || उप॑¦ह्व॒ये॒¦सु॒ऽहव᳚म्¦मारु॑तम्¦ग॒णम्¦पा॒व॒कम्¦ऋ॒ष्वम्¦स॒ख्याय॑¦श॒म्ऽभुव᳚म् | |
| अ॒पांपेरुं᳚जी॒वध᳚न्यंभरामहेदेवा॒व्यं᳚सु॒हव॑मध्वर॒श्रिय᳚म् |{धानाकोलुशः | विश्वदेवाः | जगती} सु॒र॒श्मिंसोम॑मिन्द्रि॒यंय॑मीमहि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 8 || अ॒पाम्¦पेरु᳚म्¦जी॒वऽध᳚न्यम्¦भ॒रा॒म॒हे॒¦दे॒व॒।आ॒व्य᳚म्¦सु॒ऽहव᳚म्¦अ॒ध्व॒र॒ऽश्रिय᳚म् | |
| स॒नेम॒तत्सु॑स॒निता᳚स॒नित्व॑भिर्व॒यंजी॒वाजी॒वपु॑त्रा॒,अना᳚गसः |{धानाकोलुशः | विश्वदेवाः | जगती} ब्र॒ह्म॒द्विषो॒विष्व॒गेनो᳚भरेरत॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 9 || स॒नेम॑¦तत्¦सु॒ऽस॒निता᳚¦स॒नित्व॑ऽभिः¦व॒यम्¦जी॒वाः¦जी॒वऽपु॑त्राः¦अना᳚गसः | |
| येस्थामनो᳚र्य॒ज्ञिया॒स्तेशृ॑णोतन॒यद्वो᳚देवा॒,ईम॑हे॒तद्द॑दातन |{धानाकोलुशः | विश्वदेवाः | जगती} जैत्रं॒क्रतुं᳚रयि॒मद्वी॒रव॒द्यश॒स्तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 10 || ये¦स्थाः¦मनोः᳚¦य॒ज्ञियाः᳚¦ते¦शृ॒णो॒त॒न॒¦यत्¦वः॒¦दे॒वाः॒¦ईम॑हे¦तत्¦द॒दा॒त॒न॒ | |
| म॒हद॒द्यम॑ह॒तामावृ॑णीम॒हेऽवो᳚दे॒वानां᳚बृह॒ताम॑न॒र्वणा᳚म् |{धानाकोलुशः | विश्वदेवाः | जगती} यथा॒वसु॑वी॒रजा᳚तं॒नशा᳚महै॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 11 || वर्ग:11 म॒हत्¦अ॒द्य¦म॒ह॒ताम्¦आ¦वृ॒णी॒म॒हे॒¦अवः॑¦दे॒वाना᳚म्¦बृ॒ह॒ताम्¦अ॒न॒र्वणा᳚म् | |
| म॒हो,अ॒ग्नेःस॑मिधा॒नस्य॒शर्म॒ण्यना᳚गामि॒त्रेवरु॑णेस्व॒स्तये᳚ |{धानाकोलुशः | विश्वदेवाः | जगती} श्रेष्ठे᳚स्यामसवि॒तुःसवी᳚मनि॒तद्दे॒वाना॒मवो᳚,अ॒द्यावृ॑णीमहे॒(स्वाहा᳚) || 12 || म॒हः¦अ॒ग्नेः¦स॒म्ऽइ॒धा॒नस्य॑¦शर्म॑णि¦अना᳚गाः¦मि॒त्रे¦वरु॑णे¦स्व॒स्तये᳚ | |
| येस॑वि॒तुःस॒त्यस॑वस्य॒विश्वे᳚मि॒त्रस्य᳚व्र॒तेवरु॑णस्यदे॒वाः |{धानाकोलुशः | विश्वदेवाः | त्रिष्टुप्} तेसौभ॑गंवी॒रव॒द्गोम॒दप्नो॒दधा᳚तन॒द्रवि॑णंचि॒त्रम॒स्मे(स्वाहा᳚) || 13 || ये¦स॒वि॒तुः¦स॒त्यऽस॑वस्य¦विश्वे᳚¦मि॒त्रस्य॑¦व्र॒ते¦वरु॑णस्य¦दे॒वाः | |
| स॒वि॒ताप॒श्चाता᳚त्सवि॒तापु॒रस्ता᳚त्सवि॒तोत्त॒रात्ता᳚त्सवि॒ताध॒रात्ता᳚त् |{धानाकोलुशः | विश्वदेवाः | त्रिष्टुप्} स॒वि॒तानः॑सुवतुस॒र्वता᳚तिंसवि॒तानो᳚रासतांदी॒र्घमायुः॒(स्वाहा᳚) || 14 || स॒वि॒ता¦प॒श्चाता᳚त्¦स॒वि॒ता¦पु॒रस्ता᳚त्¦स॒वि॒ता¦उ॒त्त॒रात्ता᳚त्¦स॒वि॒ता¦अ॒ध॒रात्ता᳚त् | |
| [108] नमोमित्रस्येति द्वादशर्चस्य सूक्तस्य सौर्योभितपाः सूर्योजगती दशमी त्रिष्टुप् |{अष्टक:7, अध्याय:8}{मंडल:10, सूक्त:37}{अनुवाक:3, सूक्त:8} |
| नमो᳚मि॒त्रस्य॒वरु॑णस्य॒चक्ष॑सेम॒होदे॒वाय॒तदृ॒तंस॑पर्यत |{सौर्योभितपाः | सूर्यः | जगती} दू॒रे॒दृशे᳚दे॒वजा᳚तायके॒तवे᳚दि॒वस्पु॒त्राय॒सूर्या᳚यशंसत॒(स्वाहा᳚) || 1 || वर्ग:12 नमः॑¦मि॒त्रस्य॑¦वरु॑णस्य¦चक्ष॑से¦म॒हः¦दे॒वाय॑¦तत्¦ऋ॒तम्¦स॒प॒र्य॒त॒ | |
| सामा᳚स॒त्योक्तिः॒परि॑पातुवि॒श्वतो॒द्यावा᳚च॒यत्र॑त॒तन॒न्नहा᳚निच |{सौर्योभितपाः | सूर्यः | जगती} विश्व॑म॒न्यन्निवि॑शते॒यदेज॑तिवि॒श्वाहापो᳚वि॒श्वाहोदे᳚ति॒सूर्यः॒(स्वाहा᳚) || 2 || सा¦मा॒¦स॒त्य।औ᳚क्तिः¦परि॑¦पा॒तु॒¦वि॒श्वतः॑¦द्यावा᳚¦च॒¦यत्र॑¦त॒तन॑न्¦अहा᳚नि¦च॒ | |
| नते॒,अदे᳚वःप्र॒दिवो॒निवा᳚सते॒यदे᳚त॒शेभिः॑पत॒रैर॑थ॒र्यसि॑ |{सौर्योभितपाः | सूर्यः | जगती} प्रा॒चीन॑म॒न्यदनु॑वर्तते॒रज॒उद॒न्येन॒ज्योति॑षायासिसूर्य॒(स्वाहा᳚) || 3 || न¦ते॒¦अदे᳚वः¦प्र॒ऽदिवः॑¦नि¦वा॒स॒ते॒¦यत्¦ए॒त॒शेभिः॑¦प॒त॒रैः¦र॒थ॒र्यसि॑ | |
| येन॑सूर्य॒ज्योति॑षा॒बाध॑से॒तमो॒जग॑च्च॒विश्व॑मुदि॒यर्षि॑भा॒नुना᳚ |{सौर्योभितपाः | सूर्यः | जगती} तेना॒स्मद्विश्वा॒मनि॑रा॒मना᳚हुति॒मपामी᳚वा॒मप॑दु॒ष्ष्वप्न्यं᳚सुव॒(स्वाहा᳚) || 4 || येन॑¦सू॒र्य॒¦ज्योति॑षा¦बाध॑से¦तमः॑¦जग॑त्¦च॒¦विश्व᳚म्¦उ॒त्ऽइ॒यर्षि॑¦भा॒नुना᳚ | |
| विश्व॑स्य॒हिप्रेषि॑तो॒रक्ष॑सिव्र॒तमहे᳚ळयन्नु॒च्चर॑सिस्व॒धा,अनु॑ |{सौर्योभितपाः | सूर्यः | जगती} यद॒द्यत्वा᳚सूर्योप॒ब्रवा᳚महै॒तंनो᳚दे॒वा,अनु॑मंसीरत॒क्रतु॒म्(स्वाहा᳚) || 5 || विश्व॑स्य¦हि¦प्रऽइ᳚षितः¦रक्ष॑सि¦व्र॒तम्¦अहे᳚ळयन्¦उ॒त्ऽचर॑सि¦स्व॒धाः¦अनु॑ | |
| तंनो॒द्यावा᳚पृथि॒वीतन्न॒आप॒इन्द्रः॑शृण्वन्तुम॒रुतो॒हवं॒वचः॑ |{सौर्योभितपाः | सूर्यः | जगती} माशूने᳚भूम॒सूर्य॑स्यसं॒दृशि॑भ॒द्रंजीव᳚न्तोजर॒णाम॑शीमहि॒(स्वाहा᳚) || 6 || तम्¦नः॒¦द्यावा᳚पृथि॒वी इति॑¦तत्¦नः॒¦आपः॑¦इन्द्रः॑¦शृ॒ण्व॒न्तु॒¦म॒रुतः॑¦हव᳚म्¦वचः॑ | |
| वि॒श्वाहा᳚त्वासु॒मन॑सःसु॒चक्ष॑सःप्र॒जाव᳚न्तो,अनमी॒वा,अना᳚गसः |{सौर्योभितपाः | सूर्यः | जगती} उ॒द्यन्तं᳚त्वामित्रमहोदि॒वेदि॑वे॒ज्योग्जी॒वाःप्रति॑पश्येमसूर्य॒(स्वाहा᳚) || 7 || वर्ग:13 वि॒श्वाहा᳚¦त्वा॒¦सु॒ऽमन॑सः¦सु॒ऽचक्ष॑सः¦प्र॒जाऽव᳚न्तः¦अ॒न॒मी॒वाः¦अना᳚गसः | |
| महि॒ज्योति॒र्बिभ्र॑तंत्वाविचक्षण॒भास्व᳚न्तं॒चक्षु॑षेचक्षुषे॒मयः॑ |{सौर्योभितपाः | सूर्यः | जगती} आ॒रोह᳚न्तंबृह॒तःपाज॑स॒स्परि॑व॒यंजी॒वाःप्रति॑पश्येमसूर्य॒(स्वाहा᳚) || 8 || महि॑¦ज्योतिः॑¦बिभ्र॑तम्¦त्वा॒¦वि॒ऽच॒क्ष॒ण॒¦भास्व᳚न्तम्¦चक्षु॑षेऽचक्षुषे¦मयः॑ | |
| यस्य॑ते॒विश्वा॒भुव॑नानिके॒तुना॒प्रचेर॑ते॒निच॑वि॒शन्ते᳚,अ॒क्तुभिः॑ |{सौर्योभितपाः | सूर्यः | जगती} अ॒ना॒गा॒स्त्वेन॑हरिकेशसू॒र्याह्ना᳚ह्नानो॒वस्य॑सावस्य॒सोदि॑हि॒(स्वाहा᳚) || 9 || यस्य॑¦ते॒¦विश्वा᳚¦भुव॑नानि¦के॒तुना᳚¦प्र¦च॒¦ईर॑ते¦नि¦च॒¦वि॒शन्ते᳚¦अ॒क्तुऽभिः॑ | |
| शंनो᳚भव॒चक्ष॑सा॒शंनो॒,अह्ना॒शंभा॒नुना॒शंहि॒माशंघृ॒णेन॑ |{सौर्योभितपाः | सूर्यः | त्रिष्टुप्} यथा॒शमध्व॒ञ्छमस॑द्दुरो॒णेतत्सू᳚र्य॒द्रवि॑णंधेहिचि॒त्रम्(स्वाहा᳚) || 10 || शम्¦नः॒¦भ॒व॒¦चक्ष॑सा¦सम्¦नः॒¦अह्ना᳚¦शम्¦भा॒नुना᳚¦शम्¦हि॒माः¦शम्¦घृ॒णेन॑ | |
| अ॒स्माकं᳚देवा,उ॒भया᳚य॒जन्म॑ने॒शर्म॑यच्छतद्वि॒पदे॒चतु॑ष्पदे |{सौर्योभितपाः | सूर्यः | जगती} अ॒दत्पिब॑दू॒र्जय॑मान॒माशि॑तं॒तद॒स्मेशंयोर॑र॒पोद॑धातन॒(स्वाहा᳚) || 11 || अ॒स्माक᳚म्¦दे॒वाः॒¦उ॒भया᳚य¦जन्म॑ने¦शर्म॑¦य॒च्छ॒त॒¦द्वि॒ऽपदे᳚¦चतुः॑ऽपदे | |
| यद्वो᳚देवाश्चकृ॒मजि॒ह्वया᳚गु॒रुमन॑सोवा॒प्रयु॑तीदेव॒हेळ॑नम् |{सौर्योभितपाः | सूर्यः | जगती} अरा᳚वा॒योनो᳚,अ॒भिदु॑च्छुना॒यते॒तस्मि॒न्तदेनो᳚वसवो॒निधे᳚तन॒(स्वाहा᳚) || 12 || यत्¦वः॒¦दे॒वाः॒¦च॒कृ॒म¦जि॒ह्वया᳚¦गु॒रु¦मन॑सः¦वा॒¦प्रऽयु॑ती¦दे॒व॒ऽहेळ॑नम् | |
| [109] अस्मिन्नइति पंचर्चस्य सूक्तस्य मुष्कवानिंद्रइंद्रोजगती |{अष्टक:7, अध्याय:8}{मंडल:10, सूक्त:38}{अनुवाक:3, सूक्त:9} |
| अ॒स्मिन्न॑इन्द्रपृत्सु॒तौयश॑स्वति॒शिमी᳚वति॒क्रन्द॑सि॒प्राव॑सा॒तये᳚ |{मुष्कवानिंद्रः | इन्द्रः | जगती} यत्र॒गोषा᳚ताधृषि॒तेषु॑खा॒दिषु॒विष्व॒क्पत᳚न्तिदि॒द्यवो᳚नृ॒षाह्ये॒(स्वाहा᳚) || 1 || वर्ग:14 अ॒स्मिन्¦नः॒¦इ॒न्द्र॒¦पृ॒त्सु॒तौ¦यश॑स्वति¦शिमी᳚ऽवति¦क्रन्द॑सि¦प्र¦अ॒व॒¦सा॒तये᳚ | |
| सनः॑,क्षु॒मन्तं॒सद॑ने॒व्यू᳚र्णुहि॒गो,अ᳚र्णसंर॒यिमि᳚न्द्रश्र॒वाय्य᳚म् |{मुष्कवानिंद्रः | इन्द्रः | जगती} स्याम॑ते॒जय॑तःशक्रमे॒दिनो॒यथा᳚व॒यमु॒श्मसि॒तद्व॑सोकृधि॒(स्वाहा᳚) || 2 || सः¦नः॒¦क्षु॒ऽमन्त᳚म्¦सद॑ने¦वि¦ऊ॒र्णु॒हि॒¦गो।आ᳚र्णसम्¦र॒यिम्¦इ॒न्द्र॒¦श्र॒वाय्य᳚म् | |
| योनो॒दास॒आर्यो᳚वापुरुष्टु॒तादे᳚वइन्द्रयु॒धये॒चिके᳚तति |{मुष्कवानिंद्रः | इन्द्रः | जगती} अ॒स्माभि॑ष्टेसु॒षहाः᳚सन्तु॒शत्र॑व॒स्त्वया᳚व॒यंतान्व॑नुयामसंग॒मे(स्वाहा᳚) || 3 || यः¦नः॒¦दासः॑¦आर्यः॑¦वा॒¦पु॒रु॒ऽस्तु॒त¦अदे᳚वः¦इ॒न्द्र॒¦यु॒धये᳚¦चिके᳚तति | |
| योद॒भ्रेभि॒र्हव्यो॒यश्च॒भूरि॑भि॒र्यो,अ॒भीके᳚वरिवो॒विन्नृ॒षाह्ये᳚ |{मुष्कवानिंद्रः | इन्द्रः | जगती} तंवि॑खा॒देसस्नि॑म॒द्यश्रु॒तंनर॑म॒र्वाञ्च॒मिन्द्र॒मव॑सेकरामहे॒(स्वाहा᳚) || 4 || यः¦द॒भ्रेभिः॑¦हव्यः॑¦यः¦च॒¦भूरि॑ऽभिः¦यः¦अ॒भीके᳚¦व॒रि॒वः॒ऽवित्¦नृ॒ऽसह्ये᳚ | |
| स्व॒वृजं॒हित्वाम॒हमि᳚न्द्रशु॒श्रवा᳚नानु॒दंवृ॑षभरध्र॒चोद॑नम् |{मुष्कवानिंद्रः | इन्द्रः | जगती} प्रमु᳚ञ्चस्व॒परि॒कुत्सा᳚दि॒हाग॑हि॒किमु॒त्वावा᳚न्मु॒ष्कयो᳚र्ब॒द्धआ᳚सते॒(स्वाहा᳚) || 5 || स्व॒ऽवृज᳚म्¦हि¦त्वाम्¦अ॒हम्¦इ॒न्द्र॒¦शु॒श्रव॑¦अ॒न॒नु॒ऽदम्¦वृ॒ष॒भ॒¦र॒ध्र॒ऽचोद॑नम् | |
| [110] योवामिति चतुर्दशर्चस्य सूक्तस्य काक्षीवतीघोषाश्विनौ जगत्यंत्यात्रिष्टुप् |{अष्टक:7, अध्याय:8}{मंडल:10, सूक्त:39}{अनुवाक:3, सूक्त:10} |
| योवां॒परि॑ज्मासु॒वृद॑श्विना॒रथो᳚दो॒षामु॒षासो॒हव्यो᳚ह॒विष्म॑ता |{काक्षीवती घोषा | अश्विनौ | जगती} श॒श्व॒त्त॒मास॒स्तमु॑वामि॒दंव॒यंपि॒तुर्ननाम॑सु॒हवं᳚हवामहे॒(स्वाहा᳚) || 1 || वर्ग:15 यः¦वा॒म्¦परि॑ऽज्मा¦सु॒ऽवृत्¦अ॒श्वि॒ना॒¦रथः॑¦दो॒षाम्¦उ॒षसः॑¦हव्यः॑¦ह॒विष्म॑ता | |
| चो॒दय॑तंसू॒नृताः॒पिन्व॑तं॒धिय॒उत्पुरं᳚धीरीरयतं॒तदु॑श्मसि |{काक्षीवती घोषा | अश्विनौ | जगती} य॒शसं᳚भा॒गंकृ॑णुतंनो,अश्विना॒सोमं॒नचारुं᳚म॒घव॑त्सुनस्कृत॒म्(स्वाहा᳚) || 2 || चो॒दय॑तम्¦सू॒नृताः᳚¦पिन्व॑तम्¦धियः॑¦उत्¦पुर᳚म्ऽधीः¦ई॒र॒य॒त॒म्¦तत्¦उ॒श्म॒सि॒ | |
| अ॒मा॒जुर॑श्चिद्भवथोयु॒वंभगो᳚ऽना॒शोश्चि॑दवि॒तारा᳚प॒मस्य॑चित् |{काक्षीवती घोषा | अश्विनौ | जगती} अ॒न्धस्य॑चिन्नासत्याकृ॒शस्य॑चिद्यु॒वामिदा᳚हुर्भि॒षजा᳚रु॒तस्य॑चि॒त्(स्वाहा᳚) || 3 || अ॒मा॒ऽजुरः॑¦चि॒त्¦भ॒व॒थः॒¦यु॒वम्¦भगः॑¦अ॒ना॒शोः¦चि॒त्¦अ॒वि॒तारा᳚¦अ॒प॒मस्य॑¦चि॒त् | |
| यु॒वंच्यवा᳚नंस॒नयं॒यथा॒रथं॒पुन॒र्युवा᳚नंच॒रथा᳚यतक्षथुः |{काक्षीवती घोषा | अश्विनौ | जगती} निष्टौ॒ग्र्यमू᳚हथुर॒द्भ्यस्परि॒विश्वेत्तावां॒सव॑नेषुप्र॒वाच्या॒(स्वाहा᳚) || 4 || यु॒वम्¦च्यवा᳚नम्¦स॒नय᳚म्¦यथा᳚¦रथ᳚म्¦पुनः॑¦युवा᳚नम्¦च॒रथा᳚य¦त॒क्ष॒थुः॒ | |
| पु॒रा॒णावां᳚वी॒र्या॒३॑(आ॒)प्रब्र॑वा॒जनेऽथो᳚हासथुर्भि॒षजा᳚मयो॒भुवा᳚ |{काक्षीवती घोषा | अश्विनौ | जगती} तावां॒नुनव्या॒वव॑सेकरामहे॒ऽयंना᳚सत्या॒श्रद॒रिर्यथा॒दध॒॑त्(स्वाहा᳚) || 5 || पु॒रा॒णा¦वा॒म्¦वी॒र्या᳚¦प्र¦ब्र॒व॒¦जने᳚¦अथो॒ इति॑¦ह॒¦आ॒स॒थुः॒¦भि॒षजा᳚¦म॒यः॒ऽभुवा᳚ | |
| इ॒यंवा᳚मह्वेशृणु॒तंमे᳚,अश्विनापु॒त्राये᳚वपि॒तरा॒मह्यं᳚शिक्षतम् |{काक्षीवती घोषा | अश्विनौ | जगती} अना᳚पि॒रज्ञा᳚,असजा॒त्याम॑तिःपु॒रातस्या᳚,अ॒भिश॑स्ते॒रव॑स्पृत॒म्(स्वाहा᳚) || 6 || वर्ग:16 इ॒यम्¦वा॒म्¦अ॒ह्वे॒¦शृ॒णु॒तम्¦मे॒¦अ॒श्वि॒ना॒¦पु॒त्राय॑ऽइव¦पि॒तरा᳚¦मह्य᳚म्¦शि॒क्ष॒त॒म् | |
| यु॒वंरथे᳚नविम॒दाय॑शु॒न्ध्युवं॒न्यू᳚हथुःपुरुमि॒त्रस्य॒योष॑णाम् |{काक्षीवती घोषा | अश्विनौ | जगती} यु॒वंहवं᳚वध्रिम॒त्या,अ॑गच्छतंयु॒वंसुषु॑तिंचक्रथुः॒पुरं᳚धये॒(स्वाहा᳚) || 7 || यु॒वम्¦रथे᳚न¦वि॒ऽम॒दाय॑¦शु॒न्ध्युव᳚म्¦नि¦ऊ॒ह॒थुः॒¦पु॒रु॒ऽमि॒त्रस्य॑¦योष॑णम् | |
| यु॒वंविप्र॑स्यजर॒णामु॑पे॒युषः॒पुनः॑क॒लेर॑कृणुतं॒युव॒द्वयः॑ |{काक्षीवती घोषा | अश्विनौ | जगती} यु॒वंवन्द॑नमृश्य॒दादुदू᳚पथुर्यु॒वंस॒द्योवि॒श्पला॒मेत॑वेकृथः॒(स्वाहा᳚) || 8 || यु॒वम्¦विप्र॑स्य¦ज॒र॒णाम्¦उ॒प॒ऽई॒युषः॑¦पुन॒रिति॑¦क॒लेः¦अ॒कृ॒णु॒त॒म्¦यु॒व॒त्¦वयः॑ | |
| यु॒वंह॑रे॒भंवृ॑षणा॒गुहा᳚हि॒तमुदै᳚रयतंममृ॒वांस॑मश्विना |{काक्षीवती घोषा | अश्विनौ | जगती} यु॒वमृ॒बीस॑मु॒तत॒प्तमत्र॑य॒ओम᳚न्वन्तंचक्रथुःस॒प्तव॑ध्रये॒(स्वाहा᳚) || 9 || यु॒वम्¦ह॒¦रे॒भम्¦वृ॒ष॒णा॒¦गुहा᳚¦हि॒तम्¦उत्¦ऐ॒र॒य॒त॒म्¦म॒मृ॒ऽवांस᳚म्¦अ॒श्वि॒ना॒ | |
| यु॒वंश्वे॒तंपे॒दवे᳚ऽश्वि॒नाश्वं᳚न॒वभि॒र्वाजै᳚र्नव॒तीच॑वा॒जिन᳚म् |{काक्षीवती घोषा | अश्विनौ | जगती} च॒र्कृत्यं᳚ददथुर्द्राव॒यत्स॑खं॒भगं॒ननृभ्यो॒हव्यं᳚मयो॒भुव॒म्(स्वाहा᳚) || 10 || यु॒वम्¦श्वे॒तम्¦पे॒दवे᳚¦अ॒श्वि॒ना॒¦अश्व᳚म्¦न॒वऽभिः॑¦वाजैः᳚¦न॒व॒ती¦च॒¦वा॒जिन᳚म् | |
| नतंरा᳚जानावदिते॒कुत॑श्च॒ननांहो᳚,अश्नोतिदुरि॒तंनकि॑र्भ॒यम् |{काक्षीवती घोषा | अश्विनौ | जगती} यम॑श्विनासुहवारुद्रवर्तनीपुरोर॒थंकृ॑णु॒थःपत्न्या᳚स॒ह(स्वाहा᳚) || 11 || वर्ग:17 न¦तम्¦रा॒जा॒नौ॒¦अ॒दि॒ते॒¦कुतः॑¦च॒न¦न¦अंहः॑¦अ॒श्नो॒ति॒¦दुः॒ऽइ॒तम्¦नकिः॑¦भ॒यम् | |
| आतेन॑यातं॒मन॑सो॒जवी᳚यसा॒रथं॒यंवा᳚मृ॒भव॑श्च॒क्रुर॑श्विना |{काक्षीवती घोषा | अश्विनौ | जगती} यस्य॒योगे᳚दुहि॒ताजाय॑तेदि॒वउ॒भे,अह॑नीसु॒दिने᳚वि॒वस्व॑तः॒(स्वाहा᳚) || 12 || आ¦तेन॑¦या॒त॒म्¦मन॑सः¦जवी᳚यसा¦रथ᳚म्¦यम्¦वा॒म्¦ऋ॒भवः॑¦च॒क्रुः¦अ॒श्वि॒ना॒ | |
| ताव॒र्तिर्या᳚तंज॒युषा॒विपर्व॑त॒मपि᳚न्वतंश॒यवे᳚धे॒नुम॑श्विना |{काक्षीवती घोषा | अश्विनौ | जगती} वृक॑स्यचि॒द्वर्ति॑काम॒न्तरा॒स्या᳚द्यु॒वंशची᳚भिर्ग्रसि॒ताम॑मुञ्चत॒म्(स्वाहा᳚) || 13 || ता¦व॒र्तिः¦या॒त॒म्¦ज॒युषा᳚¦वि¦पर्व॑तम्¦अपि᳚न्वतम्¦श॒यवे᳚¦धे॒नुम्¦अ॒श्वि॒ना॒ | |
| ए॒तंवां॒स्तोम॑मश्विनावक॒र्मात॑क्षाम॒भृग॑वो॒नरथ᳚म् |{काक्षीवती घोषा | अश्विनौ | त्रिष्टुप्} न्य॑मृक्षाम॒योष॑णां॒नमर्ये॒नित्यं॒नसू॒नुंतन॑यं॒दधा᳚नाः॒(स्वाहा᳚) || 14 || ए॒तम्¦वा॒म्¦स्तोम᳚म्¦अ॒श्वि॒नौ॒¦अ॒क॒र्म॒¦अत॑क्षाम¦भृग॑वः¦न¦रथ᳚म् | |
| [111] रथंयांतमिति चतुर्दशर्चस्य सूक्तस्य काक्षीवतीघोषाश्विनौजगती |{अष्टक:7, अध्याय:8}{मंडल:10, सूक्त:40}{अनुवाक:3, सूक्त:11} |
| रथं॒यान्तं॒कुह॒कोह॑वांनरा॒प्रति॑द्यु॒मन्तं᳚सुवि॒ताय॑भूषति |{काक्षीवती घोषा | अश्विनौ | जगती} प्रा॒त॒र्यावा᳚णंवि॒भ्वं᳚वि॒शेवि॑शे॒वस्तो᳚र्वस्तो॒र्वह॑मानंधि॒याशमि॒(स्वाहा᳚) || 1 || वर्ग:18 रथ᳚म्¦यान्त᳚म्¦कुह॑¦कः¦ह॒¦वा॒म्¦न॒रा॒¦प्रति॑¦द्यु॒ऽमन्त᳚म्¦सु॒ऽवि॒ताय॑¦भू॒ष॒ति॒ | |
| कुह॑स्विद्दो॒षाकुह॒वस्तो᳚र॒श्विना॒कुहा᳚भिपि॒त्वंक॑रतः॒कुहो᳚षतुः |{काक्षीवती घोषा | अश्विनौ | जगती} कोवां᳚शयु॒त्रावि॒धवे᳚वदे॒वरं॒मर्यं॒नयोषा᳚कृणुतेस॒धस्थ॒आ(स्वाहा᳚) || 2 || कुह॑¦स्वि॒त्¦दो॒षा¦कुह॑¦वस्तोः᳚¦अ॒श्विना᳚¦कुह॑¦अ॒भि॒ऽपि॒त्वम्¦क॒र॒तः॒¦कुह॑¦ऊ॒ष॒तुः॒ | |
| प्रा॒तर्ज॑रेथेजर॒णेव॒काप॑या॒वस्तो᳚र्वस्तोर्यज॒ताग॑च्छथोगृ॒हम् |{काक्षीवती घोषा | अश्विनौ | जगती} कस्य॑ध्व॒स्राभ॑वथः॒कस्य॑वानराराजपु॒त्रेव॒सव॒नाव॑गच्छथः॒(स्वाहा᳚) || 3 || प्रा॒तः¦ज॒रे॒थे॒ इति॑¦ज॒र॒णाऽइ᳚व¦काप॑या¦वस्तोः᳚ऽवस्तोः¦य॒ज॒ता¦ग॒च्छ॒थः॒¦गृ॒हम् | |
| यु॒वांमृ॒गेव॑वार॒णामृ॑ग॒ण्यवो᳚दो॒षावस्तो᳚र्ह॒विषा॒निह्व॑यामहे |{काक्षीवती घोषा | अश्विनौ | जगती} यु॒वंहोत्रा᳚मृतु॒थाजुह्व॑तेन॒रेषं॒जना᳚यवहथःशुभस्पती॒(स्वाहा᳚) || 4 || यु॒वाम्¦मृ॒गाऽइ᳚व¦वा॒र॒णा¦मृ॒ग॒ण्यवः॑¦दो॒षा¦वस्तोः᳚¦ह॒विषा᳚¦नि¦ह्व॒या॒म॒हे॒ | |
| यु॒वांह॒घोषा॒पर्य॑श्विनाय॒तीराज्ञ॑ऊचेदुहि॒तापृ॒च्छेवां᳚नरा |{काक्षीवती घोषा | अश्विनौ | जगती} भू॒तंमे॒,अह्न॑उ॒तभू᳚तम॒क्तवेऽश्वा᳚वतेर॒थिने᳚शक्त॒मर्व॑ते॒(स्वाहा᳚) || 5 || यु॒वाम्¦ह॒¦घोषा᳚¦परि॑¦अ॒श्वि॒ना॒¦य॒ती¦राज्ञः॑¦ऊ॒चे॒¦दु॒हि॒ता¦पृ॒च्छे¦वा॒म्¦न॒रा॒ | |
| यु॒वंक॒वीष्ठः॒पर्य॑श्विना॒रथं॒विशो॒नकुत्सो᳚जरि॒तुर्न॑शायथः |{काक्षीवती घोषा | अश्विनौ | जगती} यु॒वोर्ह॒मक्षा॒पर्य॑श्विना॒मध्वा॒साभ॑रतनिष्कृ॒तंनयोष॑णा॒(स्वाहा᳚) || 6 || वर्ग:19 यु॒वम्¦क॒वी इति॑¦स्थः॒¦परि॑¦अ॒श्वि॒ना॒¦रथ᳚म्¦विशः॑¦न¦कुत्सः॑¦ज॒रि॒तुः¦न॒शा॒य॒थः॒ | |
| यु॒वंह॑भु॒ज्युंयु॒वम॑श्विना॒वशं᳚यु॒वंशि॒ञ्जार॑मु॒शना॒मुपा᳚रथुः |{काक्षीवती घोषा | अश्विनौ | जगती} यु॒वोररा᳚वा॒परि॑स॒ख्यमा᳚सतेयु॒वोर॒हमव॑सासु॒म्नमाच॑के॒(स्वाहा᳚) || 7 || यु॒वम्¦ह॒¦भु॒ज्युम्¦यु॒वम्¦अ॒श्वि॒ना॒¦वश᳚म्¦यु॒वम्¦शिं॒जार᳚म्¦उ॒शना᳚म्¦उप॑¦आ॒र॒थुः॒ | |
| यु॒वंह॑कृ॒शंयु॒वम॑श्विनाश॒युंयु॒वंवि॒धन्तं᳚वि॒धवा᳚मुरुष्यथः |{काक्षीवती घोषा | अश्विनौ | जगती} यु॒वंस॒निभ्यः॑स्त॒नय᳚न्तमश्वि॒नाप᳚व्र॒जमू᳚र्णुथःस॒प्तास्य॒म्(स्वाहा᳚) || 8 || यु॒वम्¦ह॒¦कृ॒शम्¦यु॒वम्¦अ॒श्वि॒ना॒¦श॒युम्¦यु॒वम्¦वि॒धन्त᳚म्¦वि॒धवा᳚म्¦उ॒रु॒ष्य॒थः॒ | |
| जनि॑ष्ट॒योषा᳚प॒तय॑त्कनीन॒कोविचारु॑हन्वी॒रुधो᳚दं॒सना॒,अनु॑ |{काक्षीवती घोषा | अश्विनौ | जगती} आस्मै᳚रीयन्तेनिव॒नेव॒सिन्ध॑वो॒ऽस्मा,अह्ने᳚भवति॒तत्प॑तित्व॒नम्(स्वाहा᳚) || 9 || जनि॑ष्ठ¦योषा᳚¦प॒तय॑त्¦क॒नी॒न॒कः¦वि¦च॒¦अरु॑हन्¦वी॒रुधः॑¦दं॒सनाः᳚¦अनु॑ | |
| जी॒वंरु॑दन्ति॒विम॑यन्ते,अध्व॒रेदी॒र्घामनु॒प्रसि॑तिंदीधियु॒र्नरः॑ |{काक्षीवती घोषा | अश्विनौ | जगती} वा॒मंपि॒तृभ्यो॒यइ॒दंस॑मेरि॒रेमयः॒पति॑भ्यो॒जन॑यःपरि॒ष्वजे॒(स्वाहा᳚) || 10 || जी॒वम्¦रु॒द॒न्ति॒¦वि¦म॒य॒न्ते॒¦अ॒ध्व॒रे¦दी॒र्घाम्¦अनु॑¦प्रऽसि॑तिम्¦दी॒धि॒युः॒¦नरः॑ | |
| नतस्य॑विद्म॒तदु॒षुप्रवो᳚चत॒युवा᳚ह॒यद्यु॑व॒त्याः,क्षेति॒योनि॑षु |{काक्षीवती घोषा | अश्विनौ | जगती} प्रि॒योस्रि॑यस्यवृष॒भस्य॑रे॒तिनो᳚गृ॒हंग॑मेमाश्विना॒तदु॑श्मसि॒(स्वाहा᳚) || 11 || वर्ग:20 न¦तस्य॑¦वि॒द्म॒¦तत्¦ऊँ॒ इति॑¦सु¦प्र¦वो॒च॒त॒¦युवा᳚¦ह॒¦यत्¦यु॒व॒त्याः¦क्षेति॑¦योनि॑षु | |
| आवा᳚मगन्त्सुम॒तिर्वा᳚जिनीवसू॒न्य॑श्विनाहृ॒त्सुकामा᳚,अयंसत |{काक्षीवती घोषा | अश्विनौ | जगती} अभू᳚तंगो॒पामि॑थु॒नाशु॑भस्पतीप्रि॒या,अ᳚र्य॒म्णोदुर्याँ᳚,अशीमहि॒(स्वाहा᳚) || 12 || आ¦वा॒म्¦अ॒ग॒न्¦सु॒ऽम॒तिः¦वा॒जि॒नी॒व॒सू॒ इति॑ वाजिनीऽवसू¦नि¦अ॒श्वि॒ना॒¦हृ॒त्ऽसु¦कामाः᳚¦अ॒यं॒स॒त॒ | |
| ताम᳚न्दसा॒नामनु॑षोदुरो॒णआध॒त्तंर॒यिंस॒हवी᳚रंवच॒स्यवे᳚ |{काक्षीवती घोषा | अश्विनौ | जगती} कृ॒तंती॒र्थंसु॑प्रपा॒णंशु॑भस्पतीस्था॒णुंप॑थे॒ष्ठामप॑दुर्म॒तिंह॑त॒म्(स्वाहा᳚) || 13 || ता¦म॒न्द॒सा॒ना¦मनु॑षः¦दु॒रो॒णे¦आ¦ध॒त्तम्¦र॒यिम्¦स॒हऽवी᳚रम्¦व॒च॒स्यवे᳚ | |
| क्व॑स्विद॒द्यक॑त॒मास्व॒श्विना᳚वि॒क्षुद॒स्रामा᳚दयेतेशु॒भस्पती᳚ |{काक्षीवती घोषा | अश्विनौ | जगती} कईं॒निये᳚मेकत॒मस्य॑जग्मतु॒र्विप्र॑स्यवा॒यज॑मानस्यवागृ॒हम्(स्वाहा᳚) || 14 || क्व॑¦स्वि॒त्¦अ॒द्य¦क॒त॒मासु॑¦अ॒श्विना᳚¦वि॒क्षु¦द॒स्रा¦मा॒द॒ये॒ते॒ इति॑¦शु॒भः¦पती॒ इति॑ | |
| [112] समानमिति तृचस्य सूक्तस्य घौषेयः सुहस्त्योश्विनौजगती |{अष्टक:7, अध्याय:8}{मंडल:10, सूक्त:41}{अनुवाक:3, सूक्त:12} |
| स॒मा॒नमु॒त्यंपु॑रुहू॒तमु॒क्थ्य१॑(अं॒)रथं᳚त्रिच॒क्रंसव॑ना॒गनि॑ग्मतम् |{घौषेयः सुहस्त्यः | अश्विनौ | जगती} परि॑ज्मानंविद॒थ्यं᳚सुवृ॒क्तिभि᳚र्व॒यंव्यु॑ष्टा,उ॒षसो᳚हवामहे॒(स्वाहा᳚) || 1 || वर्ग:21 स॒मा॒नम्¦ऊँ॒ इति॑¦त्यम्¦पु॒रु॒ऽहू॒तम्¦उ॒क्थ्य᳚म्¦रथ᳚म्¦त्रि॒ऽच॒क्रम्¦सव॑ना¦गनि॑ग्मतम् | |
| प्रा॒त॒र्युजं᳚नास॒त्याधि॑तिष्ठथःप्रात॒र्यावा᳚णंमधु॒वाह॑नं॒रथ᳚म् |{घौषेयः सुहस्त्यः | अश्विनौ | जगती} विशो॒येन॒गच्छ॑थो॒यज्व॑रीर्नराकी॒रेश्चि॑द्य॒ज्ञंहोतृ॑मन्तमश्विना॒(स्वाहा᳚) || 2 || प्रा॒तः॒ऽयुज᳚म्¦ना॒स॒त्या॒¦अधि॑¦ति॒ष्ठ॒थः॒¦प्रा॒तः॒ऽयावा᳚नम्¦म॒धु॒ऽवाह॑नम्¦रथ᳚म् | |
| अ॒ध्व॒र्युंवा॒मधु॑पाणिंसु॒हस्त्य॑म॒ग्निधं᳚वाधृ॒तद॑क्षं॒दमू᳚नसम् |{घौषेयः सुहस्त्यः | अश्विनौ | जगती} विप्र॑स्यवा॒यत्सव॑नानि॒गच्छ॒थोऽत॒आया᳚तंमधु॒पेय॑मश्विना॒(स्वाहा᳚) || 3 || अ॒ध्व॒र्युम्¦वा॒¦मधु॑ऽपाणिम्¦सु॒ऽहस्त्य᳚म्¦अ॒ग्निध᳚म्¦वा॒¦धृ॒तऽद॑क्षम्¦दमू᳚नसम् | |
| [113] अस्तेवेत्येकादशर्चस्य सूक्तस्यांगिरसः कृष्णइंद्रस्त्रिष्टुप् |{अष्टक:7, अध्याय:8}{मंडल:10, सूक्त:42}{अनुवाक:3, सूक्त:13} |
| अस्ते᳚व॒सुप्र॑त॒रंलाय॒मस्य॒न्भूष᳚न्निव॒प्रभ॑रा॒स्तोम॑मस्मै |{आङ्गिरसः कृष्णः | इन्द्रः | त्रिष्टुप्} वा॒चावि॑प्रास्तरत॒वाच॑म॒र्योनिरा᳚मयजरितः॒सोम॒इन्द्र॒म्(स्वाहा᳚) || 1 || वर्ग:22 अस्ता᳚ऽइव¦सु¦प्र॒ऽत॒रम्¦लाय᳚म्¦अस्य॑न्¦भूष॑न्ऽइव¦प्र¦भ॒र॒¦स्तोम᳚म्¦अ॒स्मै॒ | |
| दोहे᳚न॒गामुप॑शिक्षा॒सखा᳚यं॒प्रबो᳚धयजरितर्जा॒रमिन्द्र᳚म् |{आङ्गिरसः कृष्णः | इन्द्रः | त्रिष्टुप्} कोशं॒नपू॒र्णंवसु॑ना॒न्यृ॑ष्ट॒माच्या᳚वयमघ॒देया᳚य॒शूर॒म्(स्वाहा᳚) || 2 || दोहे᳚न¦गाम्¦उप॑¦शि॒क्ष॒¦सखा᳚यम्¦प्र¦बो॒ध॒य॒¦ज॒रि॒तः॒¦जा॒रम्¦इन्द्र᳚म् | |
| किम॒ङ्गत्वा᳚मघवन्भो॒जमा᳚हुःशिशी॒हिमा᳚शिश॒यंत्वा᳚शृणोमि |{आङ्गिरसः कृष्णः | इन्द्रः | त्रिष्टुप्} अप्न॑स्वती॒मम॒धीर॑स्तुशक्रवसु॒विदं॒भग॑मि॒न्द्राभ॑रानः॒(स्वाहा᳚) || 3 || किम्¦अ॒ङ्ग¦त्वा॒¦म॒घ॒ऽव॒न्¦भो॒जम्¦आ॒हुः॒¦शि॒शी॒हि¦मा॒¦शि॒श॒यम्¦त्वा॒¦शृ॒णो॒मि॒ | |
| त्वांजना᳚ममस॒त्येष्वि᳚न्द्रसंतस्था॒नाविह्व॑यन्तेसमी॒के |{आङ्गिरसः कृष्णः | इन्द्रः | त्रिष्टुप्} अत्रा॒युजं᳚कृणुते॒योह॒विष्मा॒न्नासु᳚न्वतास॒ख्यंव॑ष्टि॒शूरः॒(स्वाहा᳚) || 4 || त्वाम्¦जनाः᳚¦म॒म॒ऽस॒त्येषु॑¦इ॒न्द्र॒¦स॒म्ऽत॒स्था॒नाः¦वि¦ह्व॒य॒न्ते॒¦स॒म्ऽई॒के | |
| धनं॒नस्य॒न्द्रंब॑हु॒लंयो,अ॑स्मैती॒व्रान्त्सोमाँ᳚,आसु॒नोति॒प्रय॑स्वान् |{आङ्गिरसः कृष्णः | इन्द्रः | त्रिष्टुप्} तस्मै॒शत्रू᳚न्त्सु॒तुका᳚न्प्रा॒तरह्नो॒निस्वष्ट्रा᳚न्यु॒वति॒हन्ति॑वृ॒त्रम्(स्वाहा᳚) || 5 || धन᳚म्¦न¦स्प॒न्द्रम्¦ब॒हु॒लम्¦यः¦अ॒स्मै॒¦ती॒व्रान्¦सोमा᳚न्¦आ॒ऽसु॒नोति॑¦प्रय॑स्वान् | |
| यस्मि᳚न्व॒यंद॑धि॒माशंस॒मिन्द्रे॒यःशि॒श्राय॑म॒घवा॒काम॑म॒स्मे |{आङ्गिरसः कृष्णः | इन्द्रः | त्रिष्टुप्} आ॒राच्चि॒त्सन्भ॑यतामस्य॒शत्रु॒र्न्य॑स्मैद्यु॒म्नाजन्या᳚नमन्ता॒म्(स्वाहा᳚) || 6 || वर्ग:23 यस्मि॑न्¦व॒यम्¦द॒धि॒म¦शंस᳚म्¦इन्द्रे᳚¦यः¦शि॒श्राय॑¦म॒घऽवा᳚¦काम᳚म्¦अ॒स्मे इति॑ | |
| आ॒राच्छत्रु॒मप॑बाधस्वदू॒रमु॒ग्रोयःशम्बः॑पुरुहूत॒तेन॑ |{आङ्गिरसः कृष्णः | इन्द्रः | त्रिष्टुप्} अ॒स्मेधे᳚हि॒यव॑म॒द्गोम॑दिन्द्रकृ॒धीधियं᳚जरि॒त्रेवाज॑रत्ना॒म्(स्वाहा᳚) || 7 || आ॒रात्¦शत्रु᳚म्¦अप॑¦बा॒ध॒स्व॒¦दू॒रम्¦उ॒ग्रः¦यः¦शम्बः॑¦पु॒रु॒ऽहू॒त॒¦तेन॑ | |
| प्रयम॒न्तर्वृ॑षस॒वासो॒,अग्म᳚न्ती॒व्राःसोमा᳚बहु॒लान्ता᳚स॒इन्द्र᳚म् |{आङ्गिरसः कृष्णः | इन्द्रः | त्रिष्टुप्} नाह॑दा॒मानं᳚म॒घवा॒नियं᳚स॒न्निसु᳚न्व॒तेव॑हति॒भूरि॑वा॒मम्(स्वाहा᳚) || 8 || प्र¦यम्¦अ॒न्तः¦वृ॒ष॒ऽस॒वासः॑¦अग्म॑न्¦ती॒व्राः¦सोमाः᳚¦ब॒हु॒ल।आ᳚न्तासः¦इन्द्र᳚म् | |
| उ॒तप्र॒हाम॑ति॒दीव्या᳚जयातिकृ॒तंयच्छ्व॒घ्नीवि॑चि॒नोति॑का॒ले |{आङ्गिरसः कृष्णः | इन्द्रः | त्रिष्टुप्} योदे॒वका᳚मो॒नधना᳚रुणद्धि॒समित्तंरा॒यासृ॑जतिस्व॒धावा॒न्त्(स्वाहा᳚) || 9 || उ॒त¦प्र॒ऽहाम्¦अ॒ति॒ऽदीव्य॑¦ज॒या॒ति॒¦कृ॒तम्¦यत्¦श्व॒ऽघ्नी¦वि॒ऽचि॒नोति॑¦का॒ले | |
| गोभि॑ष्टरे॒माम॑तिंदु॒रेवां॒यवे᳚न॒क्षुधं᳚पुरुहूत॒विश्वा᳚म् |{आङ्गिरसः कृष्णः | इन्द्रः | त्रिष्टुप्} व॒यंराज॑भिःप्रथ॒माधना᳚न्य॒स्माके᳚नवृ॒जने᳚नाजयेम॒(स्वाहा᳚) || 10 || गोभिः॑¦त॒रे॒म॒¦अम॑तिम्¦दुः॒ऽएवा᳚म्¦यवे᳚न¦क्षुध᳚म्¦पु॒रु॒ऽहू॒त॒¦विश्वा᳚म् | |
| बृह॒स्पति᳚र्नः॒परि॑पातुप॒श्चादु॒तोत्त॑रस्मा॒दध॑रादघा॒योः |{आङ्गिरसः कृष्णः | इन्द्रः | त्रिष्टुप्} इन्द्रः॑पु॒रस्ता᳚दु॒तम॑ध्य॒तोनः॒सखा॒सखि॑भ्यो॒वरि॑वःकृणोतु॒(स्वाहा᳚) || 11 || बृ॒हस्पतिः॑¦नः॒¦परि॑¦पा॒तु॒¦प॒श्चात्¦उ॒त¦उत्ऽत॑रस्मात्¦अध॑रात्¦अ॒घ॒ऽयोः | |
| [114] अच्छामइत्येकादशर्चस्य सूक्तस्यांगिरसः कृष्णइंद्रोजगत्यंत्येद्वेत्रिष्टुभौ |{अष्टक:7, अध्याय:8}{मंडल:10, सूक्त:43}{अनुवाक:4, सूक्त:1} |
| अच्छा᳚म॒इन्द्रं᳚म॒तयः॑स्व॒र्विदः॑स॒ध्रीची॒र्विश्वा᳚,उश॒तीर॑नूषत |{आङ्गिरसः कृष्णः | इन्द्रः | जगती} परि॑ष्वजन्ते॒जन॑यो॒यथा॒पतिं॒मर्यं॒नशु॒न्ध्युंम॒घवा᳚नमू॒तये॒(स्वाहा᳚) || 1 || वर्ग:24 अच्छ॑¦मे॒¦इन्द्र᳚म्¦म॒तयः॑¦स्वः॒ऽविदः॑¦स॒ध्रीचीः᳚¦विश्वाः᳚¦उ॒श॒तीः¦अ॒नू॒ष॒त॒ | |
| नघा᳚त्व॒द्रिगप॑वेतिमे॒मन॒स्त्वे,इत्कामं᳚पुरुहूतशिश्रय |{आङ्गिरसः कृष्णः | इन्द्रः | जगती} राजे᳚वदस्म॒निष॒दोऽधि॑ब॒र्हिष्य॒स्मिन्त्सुसोमे᳚ऽव॒पान॑मस्तुते॒(स्वाहा᳚) || 2 || न¦घ॒¦त्व॒द्रिक्¦अप॑¦वे॒ति॒¦मे॒¦मनः॑¦त्वे इति॑¦इत्¦काम᳚म्¦पु॒रु॒ऽहू॒त॒¦शि॒श्र॒य॒ | |
| वि॒षू॒वृदिन्द्रो॒,अम॑तेरु॒तक्षु॒धःसइद्रा॒योम॒घवा॒वस्व॑ईशते |{आङ्गिरसः कृष्णः | इन्द्रः | जगती} तस्येदि॒मेप्र॑व॒णेस॒प्तसिन्ध॑वो॒वयो᳚वर्धन्तिवृष॒भस्य॑शु॒ष्मिणः॒(स्वाहा᳚) || 3 || वि॒षु॒ऽवृत्¦इन्द्रः॑¦अम॑तेः¦उ॒त्¦क्षु॒धः¦सः¦इत्¦रा॒यः¦म॒घऽवा᳚¦वस्वः॑¦ई॒श॒ते॒ | |
| वयो॒नवृ॒क्षंसु॑पला॒शमास॑द॒न्त्सोमा᳚स॒इन्द्रं᳚म॒न्दिन॑श्चमू॒षदः॑ |{आङ्गिरसः कृष्णः | इन्द्रः | जगती} प्रैषा॒मनी᳚कं॒शव॑सा॒दवि॑द्युतद्वि॒दत्स्व१॑(अ॒)र्मन॑वे॒ज्योति॒रार्य॒म्(स्वाहा᳚) || 4 || वयः॑¦न¦वृ॒क्षम्¦सु॒ऽप॒ला॒शम्¦आ¦अ॒स॒द॒न्¦सोमा᳚सः¦इन्द्र᳚म्¦म॒न्दिनः॑¦च॒मू॒ऽसदः॑ | |
| कृ॒तंनश्व॒घ्नीविचि॑नोति॒देव॑नेसं॒वर्गं॒यन्म॒घवा॒सूर्यं॒जय॑त् |{आङ्गिरसः कृष्णः | इन्द्रः | जगती} नतत्ते᳚,अ॒न्यो,अनु॑वी॒र्यं᳚शक॒न्नपु॑रा॒णोम॑घव॒न्नोतनूत॑नः॒(स्वाहा᳚) || 5 || कृ॒तम्¦न¦श्व॒ऽघ्नी¦वि¦चि॒नो॒ति॒¦देव॑ने¦स॒म्ऽवर्ग᳚म्¦यत्¦म॒घऽवा᳚¦सूर्य᳚म्¦जय॑त् | |
| विशं᳚विशंम॒घवा॒पर्य॑शायत॒जना᳚नां॒धेना᳚,अव॒चाक॑श॒द्वृषा᳚ |{आङ्गिरसः कृष्णः | इन्द्रः | जगती} यस्याह॑श॒क्रःसव॑नेषु॒रण्य॑ति॒सती॒व्रैःसोमैः᳚सहतेपृतन्य॒तः(स्वाहा᳚) || 6 || वर्ग:25 विश᳚म्ऽविशम्¦म॒घऽवा᳚¦परि॑¦अ॒शा॒य॒त॒¦जना᳚नाम्¦धेनाः᳚¦अ॒व॒ऽचाक॑शत्¦वृषा᳚ | |
| आपो॒नसिन्धु॑म॒भियत्स॒मक्ष॑र॒न्त्सोमा᳚स॒इन्द्रं᳚कु॒ल्या,इ॑वह्र॒दम् |{आङ्गिरसः कृष्णः | इन्द्रः | जगती} वर्ध᳚न्ति॒विप्रा॒महो᳚,अस्य॒साद॑ने॒यवं॒नवृ॒ष्टिर्दि॒व्येन॒दानु॑ना॒(स्वाहा᳚) || 7 || आपः॑¦न¦सिन्धु᳚म्¦अ॒भि¦यत्¦स॒म्।आक्ष॑रन्¦सोमा᳚सः¦इन्द्र᳚म्¦कु॒ल्याःऽइ᳚व¦ह्र॒दम् | |
| वृषा॒नक्रु॒द्धःप॑तय॒द्रज॒स्स्वायो,अ॒र्यप॑त्नी॒रकृ॑णोदि॒मा,अ॒पः |{आङ्गिरसः कृष्णः | इन्द्रः | जगती} ससु᳚न्व॒तेम॒घवा᳚जी॒रदा᳚न॒वेऽवि᳚न्द॒ज्ज्योति॒र्मन॑वेह॒विष्म॑ते॒(स्वाहा᳚) || 8 || वृषा᳚¦न¦क्रु॒द्धः¦प॒त॒य॒त्¦रजः॑ऽसु¦आ¦यः¦अ॒र्यऽप॑त्नीः¦अकृ॑णोत्¦इ॒माः¦अ॒पः | |
| उज्जा᳚यतांपर॒शुर्ज्योति॑षास॒हभू॒या,ऋ॒तस्य॑सु॒दुघा᳚पुराण॒वत् |{आङ्गिरसः कृष्णः | इन्द्रः | जगती} विरो᳚चतामरु॒षोभा॒नुना॒शुचिः॒स्व१॑(अ॒)र्णशु॒क्रंशु॑शुचीत॒सत्प॑तिः॒(स्वाहा᳚) || 9 || उत्¦जा॒य॒ता॒म्¦प॒र॒शुः¦ज्योति॑षा¦स॒ह¦भू॒याः¦ऋ॒तस्य॑¦सु॒ऽदुघा᳚¦पु॒रा॒ण॒ऽवत् | |
| गोभि॑ष्टरे॒माम॑तिंदु॒रेवां॒यवे᳚न॒क्षुधं᳚पुरुहूत॒विश्वा᳚म् |{आङ्गिरसः कृष्णः | इन्द्रः | त्रिष्टुप्} व॒यंराज॑भिःप्रथ॒माधना᳚न्य॒स्माके᳚नवृ॒जने᳚नाजयेम॒(स्वाहा᳚) || 10 || गोभिः॑¦त॒रे॒म॒¦अम॑तिम्¦दुः॒ऽएवा᳚म्¦यवे᳚न¦क्षुध᳚म्¦पु॒रु॒ऽहू॒त॒¦विश्वा᳚म् | |
| बृह॒स्पति᳚र्नः॒परि॑पातुप॒श्चादु॒तोत्त॑रस्मा॒दध॑रादघा॒योः |{आङ्गिरसः कृष्णः | इन्द्रः | त्रिष्टुप्} इन्द्रः॑पु॒रस्ता᳚दु॒तम॑ध्य॒तोनः॒सखा॒सखि॑भ्यो॒वरि॑वःकृणोतु॒(स्वाहा᳚) || 11 || बृ॒हस्पतिः॑¦नः॒¦परि॑¦पा॒तु॒¦प॒श्चात्¦उ॒त¦उत्ऽत॑रस्मात्¦अध॑रात्¦अ॒घ॒ऽयोः | |
| [115] आयात्वित्येकादशर्चस्य सूक्तस्यांगिरसः कृष्णइंद्रोजगती आद्यास्तिस्रोंत्येद्वेचत्रिष्टुभः |{अष्टक:7, अध्याय:8}{मंडल:10, सूक्त:44}{अनुवाक:4, सूक्त:2} |
| आया॒त्विन्द्रः॒स्वप॑ति॒र्मदा᳚य॒योधर्म॑णातूतुजा॒नस्तुवि॑ष्मान् |{आङ्गिरसः कृष्णः | इन्द्रः | त्रिष्टुप्} प्र॒त्व॒क्षा॒णो,अति॒विश्वा॒सहां᳚स्यपा॒रेण॑मह॒तावृष्ण्ये᳚न॒(स्वाहा᳚) || 1 || वर्ग:26 आ¦या॒तु॒¦इन्द्रः॑¦स्वऽप॑तिः¦मदा᳚य¦यः¦धर्म॑णा¦तू॒तु॒जा॒नः¦तुवि॑ष्मान् | |
| सु॒ष्ठामा॒रथः॑सु॒यमा॒हरी᳚तेमि॒म्यक्ष॒वज्रो᳚नृपते॒गभ॑स्तौ |{आङ्गिरसः कृष्णः | इन्द्रः | त्रिष्टुप्} शीभं᳚राजन्त्सु॒पथाया᳚ह्य॒र्वाङ्वर्धा᳚मतेप॒पुषो॒वृष्ण्या᳚नि॒(स्वाहा᳚) || 2 || सु॒ऽस्थामा᳚¦रथः॑¦सु॒ऽयमा᳚¦हरी॒ इति॑¦ते॒¦मि॒म्यक्ष॑¦वज्रः॑¦नृ॒ऽप॒ते॒¦गभ॑स्तौ | |
| एन्द्र॒वाहो᳚नृ॒पतिं॒वज्र॑बाहुमु॒ग्रमु॒ग्रास॑स्तवि॒षास॑एनम् |{आङ्गिरसः कृष्णः | इन्द्रः | त्रिष्टुप्} प्रत्व॑क्षसंवृष॒भंस॒त्यशु॑ष्म॒मेम॑स्म॒त्रास॑ध॒मादो᳚वहन्तु॒(स्वाहा᳚) || 3 || आ¦इ॒न्द्र॒ऽवाहः॑¦नृ॒ऽपति᳚म्¦वज्र॑ऽबाहुम्¦उ॒ग्रम्¦उ॒ग्रासः॑¦त॒वि॒षासः॑¦ए॒न॒म् | |
| ए॒वापतिं᳚द्रोण॒साचं॒सचे᳚तसमू॒र्जःस्क॒म्भंध॒रुण॒आवृ॑षायसे |{आङ्गिरसः कृष्णः | इन्द्रः | जगती} ओजः॑कृष्व॒संगृ॑भाय॒त्वे,अप्यसो॒यथा᳚केनि॒पाना᳚मि॒नोवृ॒धे(स्वाहा᳚) || 4 || ए॒व¦पति᳚म्¦द्रो॒ण॒ऽसाच᳚म्¦सऽचे᳚तसम्¦ऊ॒र्जः¦स्क॒म्भम्¦ध॒रुणे᳚¦आ¦वृ॒ष॒ऽय॒से॒ | |
| गम᳚न्न॒स्मेवसू॒न्याहिशंसि॑षंस्वा॒शिषं॒भर॒माया᳚हिसो॒मिनः॑ |{आङ्गिरसः कृष्णः | इन्द्रः | जगती} त्वमी᳚शिषे॒सास्मिन्नास॑त्सिब॒र्हिष्य॑नाधृ॒ष्यातव॒पात्रा᳚णि॒धर्म॑णा॒(स्वाहा᳚) || 5 || गम॑न्¦अ॒स्मे इति॑¦वसू᳚नि¦आ¦हि¦शंसि॑षम्¦सु॒ऽआ॒शिष᳚म्¦भर᳚म्¦आ¦या॒हि॒¦सो॒मिनः॑ | |
| पृथ॒क्प्राय᳚न्प्रथ॒मादे॒वहू᳚त॒योऽकृ᳚ण्वतश्रव॒स्या᳚निदु॒ष्टरा᳚ |{आङ्गिरसः कृष्णः | इन्द्रः | जगती} नयेशे॒कुर्य॒ज्ञियां॒नाव॑मा॒रुह॑मी॒र्मैवतेन्य॑विशन्त॒केप॑यः॒(स्वाहा᳚) || 6 || वर्ग:27 पृथ॑क्¦प्र¦आ॒य॒न्¦प्र॒थ॒माः¦दे॒वऽहू᳚तयः¦अकृ᳚ण्वत¦श्र॒व॒स्या᳚नि¦दु॒स्तरा᳚ | |
| ए॒वैवापा॒गप॑रेसन्तुदू॒ढ्योऽश्वा॒येषां᳚दु॒र्युज॑आयुयु॒ज्रे |{आङ्गिरसः कृष्णः | इन्द्रः | जगती} इ॒त्थायेप्रागुप॑रे॒सन्ति॑दा॒वने᳚पु॒रूणि॒यत्र॑व॒युना᳚नि॒भोज॑ना॒(स्वाहा᳚) || 7 || ए॒व¦ए॒व¦अपा᳚क्¦अप॑रे¦स॒न्तु॒¦दुः॒ऽध्यः॑¦अश्वाः᳚¦येषा᳚म्¦दुः॒ऽयुजः॑¦आ॒ऽयु॒यु॒ज्रे | |
| गि॒रीँरज्रा॒न्रेज॑मानाँ,अधारय॒द्द्यौःक्र᳚न्दद॒न्तरि॑क्षाणिकोपयत् |{आङ्गिरसः कृष्णः | इन्द्रः | जगती} स॒मी॒ची॒नेधि॒षणे॒विष्क॑भायति॒वृष्णः॑पी॒त्वामद॑उ॒क्थानि॑शंसति॒(स्वाहा᳚) || 8 || गि॒रीन्¦अज्रा᳚न्¦रेज॑मानान्¦अ॒धा॒र॒य॒त्¦द्यौः¦क्र॒न्द॒त्¦अ॒न्तरि॑क्षाणि¦को॒प॒य॒त् | |
| इ॒मंबि॑भर्मि॒सुकृ॑तंते,अङ्कु॒शंयेना᳚रु॒जासि॑मघवञ्छफा॒रुजः॑ |{आङ्गिरसः कृष्णः | इन्द्रः | जगती} अ॒स्मिन्त्सुते॒सव॑ने,अस्त्वो॒क्यं᳚सु॒तइ॒ष्टौम॑घवन्बो॒ध्याभ॑गः॒(स्वाहा᳚) || 9 || इ॒मम्¦बि॒भ॒र्मि॒¦सुऽकृ॑तम्¦ते॒¦अ॒ङ्कु॒शम्¦येन॑¦आ॒ऽरु॒जासि॑¦म॒घ॒ऽव॒न्¦श॒फ॒ऽआ॒रुजः॑ | |
| गोभि॑ष्टरे॒माम॑तिंदु॒रेवां॒यवे᳚न॒क्षुधं᳚पुरुहूत॒विश्वा᳚म् |{आङ्गिरसः कृष्णः | इन्द्रः | त्रिष्टुप्} व॒यंराज॑भिःप्रथ॒माधना᳚न्य॒स्माके᳚नवृ॒जने᳚नाजयेम॒(स्वाहा᳚) || 10 || गोभिः॑¦त॒रे॒म॒¦अम॑तिम्¦दुः॒ऽएवा᳚म्¦यवे᳚न¦क्षुध᳚म्¦पु॒रु॒ऽहू॒त॒¦विश्वा᳚म् | |
| बृह॒स्पति᳚र्नः॒परि॑पातुप॒श्चादु॒तोत्त॑रस्मा॒दध॑रादघा॒योः |{आङ्गिरसः कृष्णः | इन्द्रः | त्रिष्टुप्} इन्द्रः॑पु॒रस्ता᳚दु॒तम॑ध्य॒तोनः॒सखा॒सखि॑भ्यो॒वरि॑वःकृणोतु॒(स्वाहा᳚) || 11 || बृ॒हस्पतिः॑¦नः॒¦परि॑¦पा॒तु॒¦प॒श्चात्¦उ॒त¦उत्ऽत॑रस्मात्¦अध॑रात्¦अ॒घ॒ऽयोः | |
| [116] दिवस्परीति द्वादशर्चस्य सूक्तस्य भालंदनो वत्सप्रिरग्निस्त्रिष्टुप् |{अष्टक:7, अध्याय:8}{मंडल:10, सूक्त:45}{अनुवाक:4, सूक्त:3} |
| दि॒वस्परि॑प्रथ॒मंज॑ज्ञे,अ॒ग्निर॒स्मद्द्वि॒तीयं॒परि॑जा॒तवे᳚दाः |{भालंदनो वत्सप्रिः | अग्निः | त्रिष्टुप्} तृ॒तीय॑म॒प्सुनृ॒मणा॒,अज॑स्र॒मिन्धा᳚नएनंजरतेस्वा॒धीः(स्वाहा᳚) || 1 || वर्ग:28 दि॒वः¦परि॑¦प्र॒थ॒मम्¦ज॒ज्ञे॒¦अ॒ग्निः¦अ॒स्मत्¦द्वि॒तीय᳚म्¦परि॑¦जा॒तऽवे᳚दाः | |
| वि॒द्माते᳚,अग्नेत्रे॒धात्र॒याणि॑वि॒द्माते॒धाम॒विभृ॑तापुरु॒त्रा |{भालंदनो वत्सप्रिः | अग्निः | त्रिष्टुप्} वि॒द्माते॒नाम॑पर॒मंगुहा॒यद्वि॒द्मातमुत्सं॒यत॑आज॒गन्थ॒(स्वाहा᳚) || 2 || वि॒द्म¦ते॒¦अ॒ग्ने॒¦त्रे॒धा¦त्र॒याणि॑¦वि॒द्म¦ते॒¦धाम॑¦विऽभृ॑ता¦पु॒रु॒ऽत्रा | |
| स॒मु॒द्रेत्वा᳚नृ॒मणा᳚,अ॒प्स्व१॑(अ॒)न्तर्नृ॒चक्षा᳚,ईधेदि॒वो,अ॑ग्न॒ऊध॑न् |{भालंदनो वत्सप्रिः | अग्निः | त्रिष्टुप्} तृ॒तीये᳚त्वा॒रज॑सितस्थि॒वांस॑म॒पामु॒पस्थे᳚महि॒षा,अ॑वर्ध॒न्(स्वाहा᳚) || 3 || स॒मु॒द्रे¦त्वा॒¦नृ॒ऽमनाः᳚¦अ॒प्ऽसु¦अ॒न्तः¦नृ॒ऽचक्षाः᳚¦ई॒धे॒¦दि॒वः¦अ॒ग्ने॒¦ऊध॑न् | |
| अक्र᳚न्दद॒ग्निःस्त॒नय᳚न्निव॒द्यौः,क्षामा॒रेरि॑हद्वी॒रुधः॑सम॒ञ्जन् |{भालंदनो वत्सप्रिः | अग्निः | त्रिष्टुप्} स॒द्योज॑ज्ञा॒नोविहीमि॒द्धो,अख्य॒दारोद॑सीभा॒नुना᳚भात्य॒न्तः(स्वाहा᳚) || 4 || अक्र᳚न्दत्¦अ॒ग्निः¦स्त॒नय॑न्ऽइव¦द्यौः¦क्षाम॑¦रेरि॑हत्¦वी॒रुधः॑¦स॒म्।आं॒जन् | |
| श्री॒णामु॑दा॒रोध॒रुणो᳚रयी॒णांम॑नी॒षाणां॒प्रार्प॑णः॒सोम॑गोपाः |{भालंदनो वत्सप्रिः | अग्निः | त्रिष्टुप्} वसुः॑सू॒नुःसह॑सो,अ॒प्सुराजा॒विभा॒त्यग्र॑उ॒षसा᳚मिधा॒नः(स्वाहा᳚) || 5 || श्री॒णाम्¦उ॒त्ऽआ॒रः¦ध॒रुणः॑¦र॒यी॒णाम्¦म॒नी॒षाणा᳚म्¦प्र॒।आर्प॑णः¦सोम॑ऽगोपाः | |
| विश्व॑स्यके॒तुर्भुव॑नस्य॒गर्भ॒आरोद॑सी,अपृणा॒ज्जाय॑मानः |{भालंदनो वत्सप्रिः | अग्निः | त्रिष्टुप्} वी॒ळुंचि॒दद्रि॑मभिनत्परा॒यञ्जना॒यद॒ग्निमय॑जन्त॒पञ्च॒(स्वाहा᳚) || 6 || विश्व॑स्य¦के॒तुः¦भुव॑नस्य¦गर्भः॑¦आ¦रोद॑सी॒ इति॑¦अ॒पृ॒णा॒त्¦जाय॑मानः | |
| उ॒शिक्पा᳚व॒को,अ॑र॒तिःसु॑मे॒धामर्ते᳚ष्व॒ग्निर॒मृतो॒निधा᳚यि |{भालंदनो वत्सप्रिः | अग्निः | त्रिष्टुप्} इय॑र्तिधू॒मम॑रु॒षंभरि॑भ्र॒दुच्छु॒क्रेण॑शो॒चिषा॒द्यामिन॑क्ष॒न्(स्वाहा᳚) || 7 || वर्ग:29 उ॒शिक्¦पा॒व॒कः¦अ॒र॒तिः¦सु॒ऽमे॒धाः¦मर्ते᳚षु¦अ॒ग्निः¦अ॒मृतः॑¦नि¦धा॒यि॒ | |
| दृ॒शा॒नोरु॒क्मउ᳚र्वि॒याव्य॑द्यौद्दु॒र्मर्ष॒मायुः॑श्रि॒येरु॑चा॒नः |{भालंदनो वत्सप्रिः | अग्निः | त्रिष्टुप्} अ॒ग्निर॒मृतो᳚,अभव॒द्वयो᳚भि॒र्यदे᳚नं॒द्यौर्ज॒नय॑त्सु॒रेताः᳚(स्वाहा᳚) || 8 || दृ॒शा॒नः¦रु॒क्मः¦उ॒र्वि॒या¦वि¦अ॒द्यौ॒त्¦दुः॒ऽमर्ष᳚म्¦आयुः॑¦श्रि॒ये¦रु॒चा॒नः | |
| यस्ते᳚,अ॒द्यकृ॒णव॑द्भद्रशोचेऽपू॒पंदे᳚वघृ॒तव᳚न्तमग्ने |{भालंदनो वत्सप्रिः | अग्निः | त्रिष्टुप्} प्रतंन॑यप्रत॒रंवस्यो॒,अच्छा॒भिसु॒म्नंदे॒वभ॑क्तंयविष्ठ॒(स्वाहा᳚) || 9 || यः¦ते॒¦अ॒द्य¦कृ॒णव॑त्¦भ॒द्र॒ऽशो॒चे॒¦अ॒पू॒पम्¦दे॒व॒¦घृ॒तऽव᳚न्तम्¦अ॒ग्ने॒ | |
| आतंभ॑जसौश्रव॒सेष्व॑ग्नउ॒क्थौ᳚क्थ॒आभ॑जश॒स्यमा᳚ने |{भालंदनो वत्सप्रिः | अग्निः | त्रिष्टुप्} प्रि॒यःसूर्ये᳚प्रि॒यो,अ॒ग्नाभ॑वा॒त्युज्जा॒तेन॑भि॒नद॒दुज्जनि॑त्वैः॒(स्वाहा᳚) || 10 || आ¦तम्¦भ॒ज॒¦सौ॒श्र॒व॒सेषु॑¦अ॒ग्ने॒¦उ॒क्थे।औ᳚क्थे¦आ¦भ॒ज॒¦श॒स्यमा᳚ने | |
| त्वाम॑ग्ने॒यज॑माना॒,अनु॒द्यून्विश्वा॒वसु॑दधिरे॒वार्या᳚णि |{भालंदनो वत्सप्रिः | अग्निः | त्रिष्टुप्} त्वया᳚स॒हद्रवि॑णमि॒च्छमा᳚नाव्र॒जंगोम᳚न्तमु॒शिजो॒विव᳚व्रुः॒(स्वाहा᳚) || 11 || त्वाम्¦अ॒ग्ने॒¦यज॑मानाः¦अनु॑¦द्यून्¦विश्वा᳚¦वसु॑¦द॒धि॒रे॒¦वार्या᳚णि | |
| अस्ता᳚व्य॒ग्निर्न॒रांसु॒शेवो᳚वैश्वान॒रऋषि॑भिः॒सोम॑गोपाः |{भालंदनो वत्सप्रिः | अग्निः | त्रिष्टुप्} अ॒द्वे॒षेद्यावा᳚पृथि॒वीहु॑वेम॒देवा᳚ध॒त्तर॒यिम॒स्मेसु॒वीर॒म्(स्वाहा᳚) || 12 || अस्ता᳚वि¦अ॒ग्निः¦न॒राम्¦सु॒ऽशेवः॑¦वै॒श्वा॒न॒रः¦ऋषि॑ऽभिः¦सोम॑ऽगोपाः | |