| [1] स्वादिष्ठयेति दशर्चस्य सूक्तस्य वैश्वामित्रोमधुच्छंदाः पवमान सोमो गायत्री | (पवमान पारायण प्रथमोध्यायः){मंडल:9, सूक्त:1}{अनुवाक:1, सूक्त:1}{अष्टक:6, अध्याय:7} |
| स्वादि॑ष्ठया॒मदि॑ष्ठया॒¦पव॑स्वसोम॒धार॑या | इन्द्रा᳚य॒पात॑वेसु॒तः || 1 || वर्ग:16 स्वादि॑ष्ठया¦मदि॑ष्ठया¦पव॑स्व¦सो॒म॒¦धार॑या | इन्द्रा᳚य¦पात॑वे¦सु॒तः || |
| र॒क्षो॒हावि॒श्वच॑र्षणि¦र॒भियोनि॒मयो᳚हतम् | द्रुणा᳚स॒धस्थ॒मास॑दत् || 2 || र॒क्षः॒ऽहा¦वि॒श्वऽच॑र्षणिः¦अ॒भि¦योनि᳚म्¦अयः॑ऽहतम् | द्रुणा᳚¦स॒धऽस्थ᳚म्¦आ¦अ॒स॒द॒त् || |
| व॒रि॒वो॒धात॑मोभव॒¦मंहि॑ष्ठोवृत्र॒हन्त॑मः | पर्षि॒राधो᳚म॒घोना᳚म् || 3 || व॒रि॒वः॒ऽधात॑मः¦भ॒व॒¦मंहि॑ष्ठः¦वृ॒त्र॒हन्ऽत॑मः | पर्षि॑¦राधः॑¦म॒घोना᳚म् || |
| अ॒भ्य॑र्षम॒हानां᳚¦दे॒वानां᳚वी॒तिमन्ध॑सा | अ॒भिवाज॑मु॒तश्रवः॑ || 4 || अ॒भि¦अ॒र्ष॒¦म॒हाना᳚म्¦दे॒वाना᳚म्¦वी॒तिम्¦अन्ध॑सा | अ॒भि¦वाज᳚म्¦उ॒त¦श्रवः॑ || |
| त्वामच्छा᳚चरामसि॒¦तदिदर्थं᳚दि॒वेदि॑वे | इन्दो॒त्वेन॑आ॒शसः॑ || 5 || त्वाम्¦अच्छ॑¦च॒रा॒म॒सि॒¦तत्¦इत्¦अर्थ᳚म्¦दि॒वेऽदि॑वे | इन्दो॒ इति॑¦त्वे इति॑¦नः॒¦आ॒ऽशसः॑ || |
| पु॒नाति॑तेपरि॒स्रुतं॒¦सोमं॒सूर्य॑स्यदुहि॒ता | वारे᳚ण॒शश्व॑ता॒तना᳚ || 6 || वर्ग:17 पु॒नाति॑¦ते॒¦प॒रि॒ऽस्रुत᳚म्¦सोम᳚म्¦सूर्य॑स्य¦दु॒हि॒ता | वारे᳚ण¦शश्व॑ता¦तना᳚ || |
| तमी॒मण्वीः᳚सम॒र्यआ¦गृ॒भ्णन्ति॒योष॑णो॒दश॑ | स्वसा᳚रः॒पार्ये᳚दि॒वि || 7 || तम्¦ई॒म्¦अण्वीः᳚¦स॒ऽम॒र्ये¦आ¦गृ॒भ्णन्ति॑¦योष॑णः¦दश॑ | स्वसा᳚रः¦पार्ये᳚¦दि॒वि || |
| तमीं᳚हिन्वन्त्य॒ग्रुवो॒¦धम᳚न्तिबाकु॒रंदृति᳚म् | त्रि॒धातु॑वार॒णंमधु॑ || 8 || तम्¦ई॒म्¦हि॒न्व॒न्ति॒¦अ॒ग्रुवः॑¦धम᳚न्ति¦बा॒कु॒रम्¦दृति᳚म् | त्रि॒ऽधातु॑¦वा॒र॒णम्¦मधु॑ || |
| अ॒भी॒३॑(ई॒)ममघ्न्या᳚,उ॒त¦श्री॒णन्ति॑धे॒नवः॒शिशु᳚म् | सोम॒मिन्द्रा᳚य॒पात॑वे || 9 || अ॒भि¦इ॒मम्¦अघ्न्याः᳚¦उ॒त¦श्री॒णन्ति॑¦धे॒नवः॑¦शिशु᳚म् | सोम᳚म्¦इन्द्रा᳚य¦पात॑वे || |
| अ॒स्येदिन्द्रो॒मदे॒ष्वा¦विश्वा᳚वृ॒त्राणि॑जिघ्नते | शूरो᳚म॒घाच॑मंहते || 10 || अ॒स्य¦इत्¦इन्द्रः॑¦मदे᳚षु¦आ¦विश्वा᳚¦वृ॒त्राणि॑¦जि॒घ्न॒ते॒ | शूरः॑¦म॒घा¦च॒¦मं॒ह॒ते॒ || |
| [2] पवस्वेति दशर्चस्य सूक्तस्य काण्वोमेधातिथिः पवमानसोमोगायत्री |{मंडल:9, सूक्त:2}{अनुवाक:1, सूक्त:2}{अष्टक:6, अध्याय:7} |
| पव॑स्वदेव॒वीरति॑¦प॒वित्रं᳚सोम॒रंह्या᳚ | इन्द्र॑मिन्दो॒वृषावि॑श || 1 || वर्ग:18 पव॑स्व¦दे॒व॒ऽवीः¦अति॑¦प॒वित्र᳚म्¦सो॒म॒¦रंह्या᳚ | इन्द्र᳚म्¦इ॒न्दो॒ इति॑¦वृषा᳚¦आ¦वि॒श॒ || |
| आव॑च्यस्व॒महि॒प्सरो॒¦वृषे᳚न्दोद्यु॒म्नव॑त्तमः | आयोनिं᳚धर्ण॒सिःस॑दः || 2 || आ¦व॒च्य॒स्व॒¦महि॑¦प्सरः॑¦वृषा᳚¦इ॒न्दो॒ इति॑¦द्यु॒म्नव॑त्ऽतमः | आ¦योनि᳚म्¦ध॒र्ण॒सिः¦स॒दः॒ || |
| अधु॑क्षतप्रि॒यंमधु॒¦धारा᳚सु॒तस्य॑वे॒धसः॑ | अ॒पोव॑सिष्टसु॒क्रतुः॑ || 3 || अधु॑क्षत¦प्रि॒यम्¦मधु॑¦धारा᳚¦सु॒तस्य॑¦वे॒धसः॑ | अ॒पः¦व॒सि॒ष्ट॒¦सु॒ऽक्रतुः॑ || |
| म॒हान्तं᳚त्वाम॒हीर¦न्वापो᳚,अर्षन्ति॒सिन्ध॑वः | यद्गोभि᳚र्वासयि॒ष्यसे᳚ || 4 || म॒हान्त᳚म्¦त्वा॒¦म॒हीः¦अनु॑¦आपः॑¦अ॒र्ष॒न्ति॒¦सिन्ध॑वः | यत्¦गोभिः॑¦वा॒स॒यि॒ष्यसे᳚ || |
| स॒मु॒द्रो,अ॒प्सुमा᳚मृजे¦विष्ट॒म्भोध॒रुणो᳚दि॒वः | सोमः॑प॒वित्रे᳚,अस्म॒युः || 5 || स॒मु॒द्रः¦अ॒प्ऽसु¦म॒मृ॒जे॒¦वि॒ष्ट॒म्भः¦ध॒रुणः॑¦दि॒वः | सोमः॑¦प॒वित्रे᳚¦अ॒स्म॒ऽयुः || |
| अचि॑क्रद॒द्वृषा॒हरि᳚¦र्म॒हान्मि॒त्रोनद॑र्श॒तः | संसूर्ये᳚णरोचते || 6 || वर्ग:19 अचि॑क्रदत्¦वृषा᳚¦हरिः॑¦म॒हान्¦मि॒त्रः¦न¦द॒र्श॒तः | सम्¦सूर्ये᳚ण¦रो॒च॒ते॒ || |
| गिर॑स्तइन्द॒ओज॑सा¦मर्मृ॒ज्यन्ते᳚,अप॒स्युवः॑ | याभि॒र्मदा᳚य॒शुम्भ॑से || 7 || गिरः॑¦ते॒¦इ॒न्दो॒ इति॑¦ओज॑सा¦म॒र्मृ॒ज्यन्ते᳚¦अ॒प॒स्युवः॑ | याभिः॑¦मदा᳚य¦शुम्भ॑से || |
| तंत्वा॒मदा᳚य॒घृष्व॑य¦उलोककृ॒त्नुमी᳚महे | तव॒प्रश॑स्तयोम॒हीः || 8 || तम्¦त्वा॒¦मदा᳚य¦घृष्व॑ये¦ऊँ॒ इति॑¦लो॒क॒ऽकृ॒त्नुम्¦ई॒म॒हे॒ | तव॑¦प्रऽश॑स्तयः¦म॒हीः || |
| अ॒स्मभ्य॑मिन्दविन्द्र॒यु¦र्मध्वः॑पवस्व॒धार॑या | प॒र्जन्यो᳚वृष्टि॒माँ,इ॑व || 9 || अ॒स्मभ्य᳚म्¦इ॒न्दो॒ इति॑¦इ॒न्द्र॒ऽयुः¦मध्वः॑¦प॒व॒स्व॒¦धार॑या | प॒र्जन्यः॑¦वृ॒ष्टि॒मान्ऽइ᳚व || |
| गो॒षा,इ᳚न्दोनृ॒षा,अ॑स्य¦श्व॒सावा᳚ज॒सा,उ॒त | आ॒त्माय॒ज्ञस्य॑पू॒र्व्यः || 10 || गो॒ऽसाः¦इ॒न्दो॒ इति॑¦नृ॒ऽसाः¦अ॒सि॒¦अ॒श्व॒ऽसाः¦वा॒ज॒ऽसाः¦उ॒त | आ॒त्मा¦य॒ज्ञस्य॑¦पू॒र्व्यः || |
| [3] एषदेव इति दशर्चस्य सूक्तस्याजीगर्तिः शुनःशेपः सकृत्रिमोवैश्वामित्रोदेवरातः पवमान सोमो गायत्री ।{मंडल:9, सूक्त:3}{अनुवाक:1, सूक्त:3}{अष्टक:6, अध्याय:7} |
| ए॒षदे॒वो,अम॑र्त्यः¦पर्ण॒वीरि॑वदीयति | अ॒भिद्रोणा᳚न्या॒सद᳚म् || 1 || वर्ग:20 ए॒षः¦दे॒वः¦अम॑र्त्यः¦प॒र्ण॒वीःऽइ᳚व¦दी॒य॒ति॒ | अ॒भि¦द्रोणा᳚नि¦आ॒ऽसद᳚म् || |
| ए॒षदे॒वोवि॒पाकृ॒तो¦ऽति॒ह्वरां᳚सिधावति | पव॑मानो॒,अदा᳚भ्यः || 2 || ए॒षः¦दे॒वः¦वि॒पा¦कृ॒तः¦अति॑¦ह्वरां᳚सि¦धा॒व॒ति॒ | पव॑मानः¦अदा᳚भ्यः || |
| ए॒षदे॒वोवि॑प॒न्युभिः॒¦पव॑मानऋता॒युभिः॑ | हरि॒र्वाजा᳚यमृज्यते || 3 || ए॒षः¦दे॒वः¦वि॒प॒न्युऽभिः॑¦पव॑मानः¦ऋ॒त॒युऽभिः॑ | हरिः॑¦वाजा᳚य¦मृ॒ज्य॒ते॒ || |
| ए॒षविश्वा᳚नि॒वार्या॒¦शूरो॒यन्नि॑व॒सत्व॑भिः | पव॑मानःसिषासति || 4 || ए॒षः¦विश्वा᳚नि¦वार्या᳚¦शूरः॑¦यन्ऽइ᳚व¦सत्व॑ऽभिः | पव॑मानः¦सि॒सा॒स॒ति॒ || |
| ए॒षदे॒वोर॑थर्यति॒¦पव॑मानोदशस्यति | आ॒विष्कृ॑णोतिवग्व॒नुम् || 5 || ए॒षः¦दे॒वः¦र॒थ॒र्य॒ति॒¦पव॑मानः¦द॒श॒स्य॒ति॒ | आ॒विः¦कृ॒णो॒ति॒¦व॒ग्व॒नुम् || |
| ए॒षविप्रै᳚र॒भिष्टु॑तो॒¦ऽपोदे॒वोविगा᳚हते | दध॒द्रत्ना᳚निदा॒शुषे᳚ || 6 || वर्ग:21 ए॒षः¦विप्रैः᳚¦अ॒भिऽस्तु॑तः¦अ॒पः¦दे॒वः¦वि¦गा॒ह॒ते॒ | दध॑त्¦रत्ना᳚नि¦दा॒शुषे᳚ || |
| ए॒षदिवं॒विधा᳚वति¦ति॒रोरजां᳚सि॒धार॑या | पव॑मानः॒कनि॑क्रदत् || 7 || ए॒षः¦दिव᳚म्¦वि¦धा॒व॒ति॒¦ति॒रः¦रजां᳚सि¦धार॑या | पव॑मानः¦कनि॑क्रदत् || |
| ए॒षदिवं॒व्यास॑रत्¦ति॒रोरजां॒स्यस्पृ॑तः | पव॑मानःस्वध्व॒रः || 8 || ए॒षः¦दिव᳚म्¦वि¦आ¦अ॒स॒र॒त्¦ति॒रः¦रजां᳚सि¦अस्पृ॑तः | पव॑मानः¦सु॒।आ॒ध्व॒रः || |
| ए॒षप्र॒त्नेन॒जन्म॑ना¦दे॒वोदे॒वेभ्यः॑सु॒तः | हरिः॑प॒वित्रे᳚,अर्षति || 9 || ए॒षः¦प्र॒त्नेन॑¦जन्म॑ना¦दे॒वः¦दे॒वेभ्यः॑¦सु॒तः | हरिः॑¦प॒वित्रे᳚¦अ॒र्ष॒ति॒ || |
| ए॒षउ॒स्यपु॑रुव्र॒तो¦ज॑ज्ञा॒नोज॒नय॒न्निषः॑ | धार॑यापवतेसु॒तः || 10 || ए॒षः¦ऊँ॒ इति॑¦स्यः¦पु॒रु॒ऽव्र॒तः¦ज॒ज्ञा॒नः¦ज॒नय॑न्¦इषः॑ | धार॑या¦प॒व॒ते॒¦सु॒तः || |
| [4] सनाचेति दशर्चस्य सूक्तस्याङ्गिरसो हिरण्यस्तूपः पवमानसोमो गायत्री{मंडल:9, सूक्त:4}{अनुवाक:1, सूक्त:4}{अष्टक:6, अध्याय:7} |
| सना᳚चसोम॒जेषि॑च॒¦पव॑मान॒महि॒श्रवः॑ | अथा᳚नो॒वस्य॑सस्कृधि || 1 || वर्ग:22 सन॑¦च॒¦सो॒म॒¦जेषि॑¦च॒¦पव॑मान¦महि॑¦श्रवः॑ | अथ॑¦नः॒¦वस्य॑सः¦कृ॒धि॒ || |
| सना॒ज्योतिः॒सना॒स्व१॑(अ॒)¦र्विश्वा᳚चसोम॒सौभ॑गा | अथा᳚नो॒वस्य॑सस्कृधि || 2 || सन॑¦ज्योतिः॑¦सन॑¦स्वः॑¦विश्वा᳚¦च॒¦सो॒म॒¦सौभ॑गा | अथ॑¦नः॒¦वस्य॑सः¦कृ॒धि॒ || |
| सना॒दक्ष॑मु॒तक्रतु॒¦मप॑सोम॒मृधो᳚जहि | अथा᳚नो॒वस्य॑सस्कृधि || 3 || सना᳚¦दक्ष᳚म्¦उ॒त¦क्रतु᳚म्¦अप॑¦सो॒म॒¦मृधः॑¦ज॒हि॒ | अथ॑¦नः॒¦वस्य॑सः¦कृ॒धि॒ || |
| पवी᳚तारःपुनी॒तन॒¦सोम॒मिन्द्रा᳚य॒पात॑वे | अथा᳚नो॒वस्य॑सस्कृधि || 4 || पवि॑तारः¦पु॒नी॒तन॑¦सोम᳚म्¦इन्द्रा᳚य¦पात॑वे | अथ॑¦नः॒¦वस्य॑सः¦कृ॒धि॒ || |
| त्वंसूर्ये᳚न॒आभ॑ज॒¦तव॒क्रत्वा॒तवो॒तिभिः॑ | अथा᳚नो॒वस्य॑सस्कृधि || 5 || त्वम्¦सूर्ये᳚¦नः॒¦आ¦भ॒ज॒¦तव॑¦क्रत्वा᳚¦तव॑¦ऊ॒तिऽभिः॑ | अथ॑¦नः॒¦वस्य॑सः¦कृ॒धि॒ || |
| तव॒क्रत्वा॒तवो॒तिभि॒¦र्ज्योक्प॑श्येम॒सूर्य᳚म् | अथा᳚नो॒वस्य॑सस्कृधि || 6 || वर्ग:23 तव॑¦क्रत्वा᳚¦तव॑¦ऊ॒तिऽभिः॑¦ज्योक्¦प॒श्ये॒म॒¦सूर्य᳚म् | अथ॑¦नः॒¦वस्य॑सः¦कृ॒धि॒ || |
| अ॒भ्य॑र्षस्वायुध॒¦सोम॑द्वि॒बर्ह॑संर॒यिम् | अथा᳚नो॒वस्य॑सस्कृधि || 7 || अ॒भि¦अ॒र्ष॒¦सु॒ऽआ॒यु॒ध॒¦सोम॑¦द्वि॒ऽबर्ह॑सम्¦र॒यिम् | अथ॑¦नः॒¦वस्य॑सः¦कृ॒धि॒ || |
| अ॒भ्य१॑(अ॒)र्षान॑पच्युतो¦र॒यिंस॒मत्सु॑सास॒हिः | अथा᳚नो॒वस्य॑सस्कृधि || 8 || अ॒भि¦अ॒र्ष॒¦अन॑पऽच्युतः¦र॒यिम्¦स॒मत्ऽसु॑¦स॒स॒हिः | अथ॑¦नः॒¦वस्य॑सः¦कृ॒धि॒ || |
| त्वांय॒ज्ञैर॑वीवृध॒न्¦पव॑मान॒विध᳚र्मणि | अथा᳚नो॒वस्य॑सस्कृधि || 9 || त्वाम्¦य॒ज्ञैः¦अ॒वी॒वृ॒ध॒न्¦पव॑मान¦विऽध᳚र्मणि | अथ॑¦नः॒¦वस्य॑सः¦कृ॒धि॒ || |
| र॒यिंन॑श्चि॒त्रम॒श्विन॒¦मिन्दो᳚वि॒श्वायु॒माभ॑र | अथा᳚नो॒वस्य॑सस्कृधि || 10 || र॒यिम्¦नः॒¦चि॒त्रम्¦अ॒श्विन᳚म्¦इन्दो॒ इति॑¦वि॒श्वऽआ᳚युम्¦आ¦भ॒र॒ | अथ॑¦नः॒¦वस्य॑सः¦कृ॒धि॒ || |
| [5] समिद्धइत्येकादशर्चस्य सूक्तस्य काश्यपोसितः क्रमेणेध्मस्तनूनपादिळोबर्हिर्देवीर्द्वार उषासानक्ता दैव्यौहोतारौ तिस्रोदेव्यः सरस्वतीळाभारत्यस्त्वष्टा वनस्पतिः स्वाहाकृतयोगायत्री अंत्याश्चतस्रोनुष्टुभः | ( इतआरभ्यविंशतिसूक्तेषुकाश्यपोदेवलोऽसितेन सहविकल्पते ) |{मंडल:9, सूक्त:5}{अनुवाक:1, सूक्त:5}{अष्टक:6, अध्याय:7} |
| समि॑द्धोवि॒श्वत॒स्पतिः॒¦पव॑मानो॒विरा᳚जति | प्री॒णन्वृषा॒कनि॑क्रदत् || 1 || वर्ग:24 सम्ऽइ᳚द्धः¦वि॒श्वतः॑¦पतिः॑¦पव॑मानः¦वि¦रा॒ज॒ति॒ | प्री॒णन्¦वृषा᳚¦कनि॑क्रदत् || |
| तनू॒नपा॒त्पव॑मानः॒¦शृङ्गे॒शिशा᳚नो,अर्षति | अ॒न्तरि॑क्षेण॒रार॑जत् || 2 || तनू॒३॒॑ऽनपा᳚त्¦पव॑मानः¦शृङ्गे॒ इति॑¦शिशा᳚नः¦अ॒र्ष॒ति॒ | अ॒न्तरि॑क्षेण¦रार॑जत् || |
| ई॒ळेन्यः॒पव॑मानो¦र॒यिर्विरा᳚जतिद्यु॒मान् | मधो॒र्धारा᳚भि॒रोज॑सा || 3 || ई॒ळेन्यः॑¦पव॑मानः¦र॒यिः¦वि¦रा॒ज॒ति॒¦द्यु॒ऽमान् | मधोः᳚¦धारा᳚भिः¦ओज॑सा || |
| ब॒र्हिःप्रा॒चीन॒मोज॑सा॒¦पव॑मानःस्तृ॒णन्हरिः॑ | दे॒वेषु॑दे॒वई᳚यते || 4 || ब॒र्हिः¦प्रा॒चीन᳚म्¦ओज॑सा¦पव॑मानः¦स्तृ॒णन्¦हरिः॑ | दे॒वेषु॑¦दे॒वः¦ई॒य॒ते॒ || |
| उदातै᳚र्जिहतेबृ॒हद्¦द्वारो᳚दे॒वीर्हि॑र॒ण्ययीः᳚ | पव॑मानेन॒सुष्टु॑ताः || 5 || उत्¦आतैः᳚¦जि॒ह॒ते॒¦बृ॒हत्¦द्वारः॑¦दे॒वीः¦हि॒र॒ण्ययीः᳚ | पव॑मानेन¦सुऽस्तु॑ताः || |
| सु॒शि॒ल्पेबृ॑ह॒तीम॒ही¦पव॑मानोवृषण्यति | नक्तो॒षासा॒नद॑र्श॒ते || 6 || वर्ग:25 सु॒शि॒ल्पे इति॑ सु॒ऽशि॒ल्पे¦बृ॒ह॒ती इति॑¦म॒ही इति॑¦पव॑मानः¦वृ॒ष॒ण्य॒ति॒ | नक्तो॒षसा᳚¦न¦द॒र्श॒ते इति॑ || |
| उ॒भादे॒वानृ॒चक्ष॑सा॒¦होता᳚रा॒दैव्या᳚हुवे | पव॑मान॒इन्द्रो॒वृषा᳚ || 7 || उ॒भा¦दे॒वा¦नृ॒ऽचक्ष॑सा¦होता᳚रा¦दैव्या᳚¦हु॒वे॒ | पव॑मानः¦इन्द्रः॑¦वृषा᳚ || |
| भार॑ती॒पव॑मानस्य॒¦सर॑स्व॒तीळा᳚म॒ही | इ॒मंनो᳚य॒ज्ञमाग॑मन्¦ति॒स्रोदे॒वीःसु॒पेश॑सः || 8 || भार॑ती¦पव॑मानस्य¦सर॑स्वती¦इळा᳚¦म॒ही | इ॒मम्¦नः॒¦य॒ज्ञम्¦आ¦ग॒म॒न्¦ति॒स्रः¦दे॒वीः¦सु॒ऽपेश॑सः || |
| त्वष्टा᳚रमग्र॒जांगो॒पां¦पु॑रो॒यावा᳚न॒माहु॑वे | इन्दु॒रिन्द्रो॒वृषा॒हरिः॒¦पव॑मानःप्र॒जाप॑तिः || 9 || त्वष्टा᳚रम्¦अ॒ग्र॒ऽजाम्¦गो॒पाम्¦पु॒रः॒ऽयावा᳚नम्¦आ¦हु॒वे॒ | इन्दुः॑¦इन्द्रः॑¦वृषा᳚¦हरिः॑¦पव॑मानः¦प्र॒जाऽप॑तिः || |
| वन॒स्पतिं᳚पवमान॒¦मध्वा॒सम᳚ङ्ग्धि॒धार॑या | स॒हस्र॑वल्शं॒हरि॑तं॒¦भ्राज॑मानंहिर॒ण्यय᳚म् || 10 || वन॒स्पति᳚म्¦प॒व॒मा॒न॒¦मध्वा᳚¦सम्¦अ॒ङ्ग्धि॒¦धार॑या | स॒हस्र॑ऽवल्शम्¦हरि॑तम्¦भ्राज॑मानम्¦हि॒र॒ण्यय᳚म् || |
| विश्वे᳚देवाः॒स्वाहा᳚कृतिं॒¦पव॑मान॒स्याग॑त | वा॒युर्बृह॒स्पतिः॒सूर्यो॒¦ऽग्निरिन्द्रः॑स॒जोष॑सः || 11 || विश्वे᳚¦दे॒वाः॒¦स्वाहा᳚ऽकृतिम्¦पव॑मानस्य¦आ¦ग॒त॒ | वा॒युः¦बृह॒स्पतिः॑¦सूर्यः॑¦अ॒ग्निः¦इन्द्रः॑¦स॒ऽजोष॑सः || |
| [6] मंद्रयेति नवर्चस्य सूक्तस्य काश्यपोसितः पवमानसोमो गायत्री {मंडल:9, सूक्त:6}{अनुवाक:1, सूक्त:6}{अष्टक:6, अध्याय:7} |
| म॒न्द्रया᳚सोम॒धार॑या॒¦वृषा᳚पवस्वदेव॒युः | अव्यो॒वारे᳚ष्वस्म॒युः || 1 || वर्ग:26 म॒न्द्रया᳚¦सो॒म॒¦धार॑या¦वृषा᳚¦प॒व॒स्व॒¦दे॒व॒ऽयुः | अव्यः॑¦वारे᳚षु¦अ॒स्म॒ऽयुः || |
| अ॒भित्यंमद्यं॒मद॒¦मिन्द॒विन्द्र॒इति॑क्षर | अ॒भिवा॒जिनो॒,अर्व॑तः || 2 || अ॒भि¦त्यम्¦मद्य᳚म्¦मद᳚म्¦इन्दो॒ इति॑¦इन्द्रः॑¦इति॑¦क्ष॒र॒ | अ॒भि¦वा॒जिनः॑¦अर्व॑तः || |
| अ॒भित्यंपू॒र्व्यंमदं᳚¦सुवा॒नो,अ॑र्षप॒वित्र॒आ | अ॒भिवाज॑मु॒तश्रवः॑ || 3 || अ॒भि¦त्यम्¦पू॒र्व्यम्¦मद᳚म्¦सु॒वा॒नः¦अ॒र्ष॒¦प॒वित्रे᳚¦आ | अ॒भि¦वाज᳚म्¦उ॒त¦श्रवः॑ || |
| अनु॑द्र॒प्सास॒इन्द॑व॒¦आपो॒नप्र॒वता᳚सरन् | पु॒ना॒ना,इन्द्र॑माशत || 4 || अनु॑¦द्र॒प्सासः॑¦इन्द॑वः¦आपः॑¦न¦प्र॒ऽवता᳚¦अ॒स॒र॒न् | पु॒ना॒नाः¦इन्द्र᳚म्¦आ॒श॒त॒ || |
| यमत्य॑मिववा॒जिनं᳚¦मृ॒जन्ति॒योष॑णो॒दश॑ | वने॒क्रीळ᳚न्त॒मत्य॑विम् || 5 || यम्¦अत्य᳚म्ऽइव¦वा॒जिन᳚म्¦मृ॒जन्ति॑¦योष॑णः¦दश॑ | वने᳚¦क्रीळ᳚न्तम्¦अति॑।आविम् || |
| तंगोभि॒र्वृष॑णं॒रसं॒¦मदा᳚यदे॒ववी᳚तये | सु॒तंभरा᳚य॒संसृ॑ज || 6 || वर्ग:27 तम्¦गोभिः॑¦वृष॑णम्¦रस᳚म्¦मदा᳚य¦दे॒वऽवी᳚तये | सु॒तम्¦भरा᳚य¦सम्¦सृ॒ज॒ || |
| दे॒वोदे॒वाय॒धार॒ये¦न्द्रा᳚यपवतेसु॒तः | पयो॒यद॑स्यपी॒पय॑त् || 7 || दे॒वः¦दे॒वाय॑¦धार॑या¦इन्द्रा᳚य¦प॒व॒ते॒¦सु॒तः | पयः॑¦यत्¦अ॒स्य॒¦पी॒पय॑त् || |
| आ॒त्माय॒ज्ञस्य॒रंह्या᳚¦सुष्वा॒णःप॑वतेसु॒तः | प्र॒त्नंनिपा᳚ति॒काव्य᳚म् || 8 || आ॒त्मा¦य॒ज्ञस्य॑¦रंह्या᳚¦सु॒स्वा॒णः¦प॒व॒ते॒¦सु॒तः | प्र॒त्नम्¦नि¦पा॒ति॒¦काव्य᳚म् || |
| ए॒वापु॑ना॒नइ᳚न्द्र॒यु¦र्मदं᳚मदिष्ठवी॒तये᳚ | गुहा᳚चिद्दधिषे॒गिरः॑ || 9 || ए॒व¦पु॒ना॒नः¦इ॒न्द्र॒ऽयुः¦मद᳚म्¦म॒दि॒ष्ठ॒¦वी॒तये᳚ | गुहा᳚¦चि॒त्¦द॒धि॒षे॒¦गिरः॑ || |
| [7] असृग्रमिति नवर्चस्य सूक्तस्य काश्यपोऽसितः पवमान सोमो गायत्री |{मंडल:9, सूक्त:7}{अनुवाक:1, सूक्त:7}{अष्टक:6, अध्याय:7} |
| असृ॑ग्र॒मिन्द॑वःप॒था¦धर्म᳚न्नृ॒तस्य॑सु॒श्रियः॑ | वि॒दा॒ना,अ॑स्य॒योज॑नम् || 1 || वर्ग:28 असृ॑ग्रम्¦इन्द॑वः¦प॒था¦धर्म॑न्¦ऋ॒तस्य॑¦सु॒ऽश्रियः॑ | वि॒दा॒नाः¦अ॒स्य॒¦योज॑नम् || |
| प्रधारा॒मध्वो᳚,अग्रि॒यो¦म॒हीर॒पोविगा᳚हते | ह॒विर्ह॒विष्षु॒वन्द्यः॑ || 2 || प्र¦धारा᳚¦मध्वः॑¦अ॒ग्रि॒यः¦म॒हीः¦अ॒पः¦वि¦गा॒ह॒ते॒ | ह॒विः¦ह॒विष्षु॑¦वन्द्यः॑ || |
| प्रयु॒जोवा॒चो,अ॑ग्रि॒यो¦वृषाव॑चक्रद॒द्वने᳚ | सद्मा॒भिस॒त्यो,अ॑ध्व॒रः || 3 || प्र¦यु॒जः¦वा॒चः¦अ॒ग्रि॒यः¦वृषा᳚¦अव॑¦च॒क्र॒द॒त्¦वने᳚ | सद्म॑¦अ॒भि¦स॒त्यः¦अ॒ध्व॒रः || |
| परि॒यत्काव्या᳚क॒वि¦र्नृ॒म्णावसा᳚नो॒,अर्ष॑ति | स्व᳚र्वा॒जीसि॑षासति || 4 || परि॑¦यत्¦काव्या᳚¦क॒विः¦नृ॒म्णा¦वसा᳚नः¦अर्ष॑ति | स्वः॑¦वा॒जी¦सि॒सा॒स॒ति॒ || |
| पव॑मानो,अ॒भिस्पृधो॒¦विशो॒राजे᳚वसीदति | यदी᳚मृ॒ण्वन्ति॑वे॒धसः॑ || 5 || पव॑मानः¦अ॒भि¦स्पृधः॑¦विशः॑¦राजा᳚ऽइव¦सी॒द॒ति॒ | यत्¦ई॒म्¦ऋ॒ण्वन्ति॑¦वे॒धसः॑ || |
| अव्यो॒वारे॒परि॑प्रि॒यो¦हरि॒र्वने᳚षुसीदति | रे॒भोव॑नुष्यतेम॒ती || 6 || वर्ग:29 अव्यः॑¦वारे᳚¦परि॑¦प्रि॒यः¦हरिः॑¦वने᳚षु¦सी॒द॒ति॒ | रे॒भः¦व॒नु॒ष्य॒ते॒¦म॒ती || |
| सवा॒युमिन्द्र॑म॒श्विना᳚¦सा॒कंमदे᳚नगच्छति | रणा॒यो,अ॑स्य॒धर्म॑भिः || 7 || सः¦वा॒युम्¦इन्द्र᳚म्¦अ॒श्विना᳚¦सा॒कम्¦मदे᳚न¦ग॒च्छ॒ति॒ | रण॑¦यः¦अ॒स्य॒¦धर्म॑ऽभिः || |
| आमि॒त्रावरु॑णा॒भगं॒¦मध्वः॑पवन्तऊ॒र्मयः॑ | वि॒दा॒ना,अ॑स्य॒शक्म॑भिः || 8 || आ¦मि॒त्रावरु॑णा¦भग᳚म्¦मध्वः॑¦प॒व॒न्ते॒¦ऊ॒र्मयः॑ | वि॒दा॒नाः¦अ॒स्य॒¦शक्म॑ऽभिः || |
| अ॒स्मभ्यं᳚रोदसीर॒यिं¦मध्वो॒वाज॑स्यसा॒तये᳚ | श्रवो॒वसू᳚नि॒संजि॑तम् || 9 || अ॒स्मभ्य᳚म्¦रो॒द॒सी॒ इति॑¦र॒यिम्¦मध्वः॑¦वाज॑स्य¦सा॒तये᳚ | श्रवः॑¦वसू᳚नि¦सम्¦जि॒त॒म् || |
| [8] एतेसोमा इति नवर्चस्य सूक्तस्य काश्यपोसितः पवमानसोमो गायत्री |{मंडल:9, सूक्त:8}{अनुवाक:1, सूक्त:8}{अष्टक:6, अध्याय:7} |
| ए॒तेसोमा᳚,अ॒भिप्रि॒य¦मिन्द्र॑स्य॒काम॑मक्षरन् | वर्ध᳚न्तो,अस्यवी॒र्य᳚म् || 1 || वर्ग:30 ए॒ते¦सोमाः᳚¦अ॒भि¦प्रि॒यम्¦इन्द्र॑स्य¦काम᳚म्¦अ॒क्ष॒र॒न् | वर्ध᳚न्तः¦अ॒स्य॒¦वी॒र्य᳚म् || |
| पु॒ना॒नास॑श्चमू॒षदो॒¦गच्छ᳚न्तोवा॒युम॒श्विना᳚ | तेनो᳚धान्तुसु॒वीर्य᳚म् || 2 || पु॒ना॒नासः॑¦च॒मू॒ऽसदः॑¦गच्छ᳚न्तः¦वा॒युम्¦अ॒श्विना᳚ | ते¦नः॒¦धा॒न्तु॒¦सु॒ऽवीर्य᳚म् || |
| इन्द्र॑स्यसोम॒राध॑से¦पुना॒नोहार्दि॑चोदय | ऋ॒तस्य॒योनि॑मा॒सद᳚म् || 3 || इन्द्र॑स्य¦सो॒म॒¦राध॑से¦पु॒ना॒नः¦हार्दि॑¦चो॒द॒य॒ | ऋ॒तस्य॑¦योनि᳚म्¦आ॒ऽसद᳚म् || |
| मृ॒जन्ति॑त्वा॒दश॒क्षिपो᳚¦हि॒न्वन्ति॑स॒प्तधी॒तयः॑ | अनु॒विप्रा᳚,अमादिषुः || 4 || मृ॒जन्ति॑¦त्वा॒¦दश॑¦क्षिपः॑¦हि॒न्वन्ति॑¦स॒प्त¦धी॒तयः॑ | अनु॑¦विप्राः᳚¦अ॒मा॒दि॒षुः॒ || |
| दे॒वेभ्य॑स्त्वा॒मदा᳚य॒कं¦सृ॑जा॒नमति॑मे॒ष्यः॑ | संगोभि᳚र्वासयामसि || 5 || दे॒वेभ्यः॑¦त्वा॒¦मदा᳚य¦कम्¦सृ॒जा॒नम्¦अति॑¦मे॒ष्यः॑ | सम्¦गोभिः॑¦वा॒स॒या॒म॒सि॒ || |
| पु॒ना॒नःक॒लशे॒ष्वा¦वस्त्रा᳚ण्यरु॒षोहरिः॑ | परि॒गव्या᳚न्यव्यत || 6 || वर्ग:31 पु॒ना॒नः¦क॒लशे᳚षु¦आ¦वस्त्रा᳚णि¦अ॒रु॒षः¦हरिः॑ | परि॑¦गव्या᳚नि¦अ॒व्य॒त॒ || |
| म॒घोन॒आप॑वस्वनो¦ज॒हिविश्वा॒,अप॒द्विषः॑ | इन्दो॒सखा᳚य॒मावि॑श || 7 || म॒घोनः॑¦आ¦प॒व॒स्व॒¦नः॒¦ज॒हि¦विश्वाः᳚¦अप॑¦द्विषः॑ | इन्दो॒ इति॑¦सखा᳚यम्¦आ¦वि॒श॒ || |
| वृ॒ष्टिंदि॒वःपरि॑स्रव¦द्यु॒म्नंपृ॑थि॒व्या,अधि॑ | सहो᳚नःसोमपृ॒त्सुधाः᳚ || 8 || वृ॒ष्टिम्¦दि॒वः¦परि॑¦स्र॒व॒¦द्यु॒म्नम्¦पृ॒थि॒व्याः¦अधि॑ | सहः॑¦नः॒¦सो॒म॒¦पृ॒त्ऽसु¦धाः॒ || |
| नृ॒चक्ष॑संत्वाव॒य¦मिन्द्र॑पीतंस्व॒र्विद᳚म् | भ॒क्षी॒महि॑प्र॒जामिष᳚म् || 9 || नृ॒ऽचक्ष॑सम्¦त्वा॒¦व॒यम्¦इन्द्र॑ऽपीतम्¦स्वः॒ऽविद᳚म् | भ॒क्षी॒महि॑¦प्र॒ऽजाम्¦इष᳚म् || |
| [9] परिप्रियेति नवर्चस्य सूक्तस्य काश्यपोसितः पवमानसोमो गायत्री {मंडल:9, सूक्त:9}{अनुवाक:1, सूक्त:9}{अष्टक:6, अध्याय:7} |
| परि॑प्रि॒यादि॒वःक॒वि¦र्वयां᳚सिन॒प्त्यो᳚र्हि॒तः | सु॒वा॒नोया᳚तिक॒विक्र॑तुः || 1 || वर्ग:32 परि॑¦प्रि॒या¦दि॒वः¦क॒विः¦वयां᳚सि¦न॒प्त्योः᳚¦हि॒तः | सु॒वा॒नः¦या॒ति॒¦क॒विऽक्र॑तुः || |
| प्रप्र॒क्षया᳚य॒पन्य॑से॒¦जना᳚य॒जुष्टो᳚,अ॒द्रुहे᳚ | वी॒त्य॑र्ष॒चनि॑ष्ठया || 2 || प्रऽप्र॑¦क्षया᳚य¦पन्य॑से¦जना᳚य¦जुष्टः॑¦अ॒द्रुहे᳚ | वी॒ती¦अ॒र्ष॒¦चनि॑ष्ठया || |
| ससू॒नुर्मा॒तरा॒शुचि॑¦र्जा॒तोजा॒ते,अ॑रोचयत् | म॒हान्म॒ही,ऋ॑ता॒वृधा᳚ || 3 || सः¦सू॒नुः¦मा॒तरा᳚¦शुचिः॑¦जा॒तः¦जा॒ते इति॑¦अ॒रो॒च॒य॒त् | म॒हान्¦म॒ही इति॑¦ऋ॒त॒ऽवृधा᳚ || |
| सस॒प्तधी॒तिभि᳚र्हि॒तो¦न॒द्यो᳚,अजिन्वद॒द्रुहः॑ | या,एक॒मक्षि॑वावृ॒धुः || 4 || सः¦स॒प्त¦धी॒तिऽभिः॑¦हि॒तः¦न॒द्यः॑¦अ॒जि॒न्व॒त्¦अ॒द्रुहः॑ | याः¦एक᳚म्¦अक्षि॑¦व॒वृ॒धुः || |
| ता,अ॒भिसन्त॒मस्तृ॑तं¦म॒हेयुवा᳚न॒माद॑धुः | इन्दु॑मिन्द्र॒तव᳚व्र॒ते || 5 || ताः¦अ॒भि¦सन्त᳚म्¦अस्तृ॑तम्¦म॒हे¦युवा᳚नम्¦आ¦द॒धुः॒ | इन्दु᳚म्¦इ॒न्द्र॒¦तव॑¦व्र॒ते || |
| अ॒भिवह्नि॒रम॑र्त्यः¦स॒प्तप॑श्यति॒वाव॑हिः | क्रिवि॑र्दे॒वीर॑तर्पयत् || 6 || वर्ग:33 अ॒भि¦वह्निः॑¦अम॑र्त्यः¦स॒प्त¦प॒श्य॒ति॒¦वाव॑हिः | क्रिविः॑¦दे॒वीः¦अ॒त॒र्प॒य॒त् || |
| अवा॒कल्पे᳚षुनःपुम॒¦स्तमां᳚सिसोम॒योध्या᳚ | तानि॑पुनानजङ्घनः || 7 || अव॑¦कल्पे᳚षु¦नः॒¦पु॒मः॒¦तमां᳚सि¦सो॒म॒¦योध्या᳚ | तानि॑¦पु॒ना॒न॒¦ज॒ङ्घ॒नः॒ || |
| नूनव्य॑से॒नवी᳚यसे¦सू॒क्ताय॑साधयाप॒थः | प्र॒त्न॒वद्रो᳚चया॒रुचः॑ || 8 || नु¦नव्य॑से¦नवी᳚यसे¦सु॒।औ॒क्ताय॑¦सा॒ध॒य॒¦प॒थः | प्र॒त्न॒ऽवत्¦रो॒च॒य॒¦रुचः॑ || |
| पव॑मान॒महि॒श्रवो॒¦गामश्वं᳚रासिवी॒रव॑त् | सना᳚मे॒धांसना॒स्वः॑ || 9 || पव॑मान¦महि॑¦श्रवः॑¦गाम्¦अश्व᳚म्¦रा॒सि॒¦वी॒रऽव॑त् | सन॑¦मे॒धाम्¦सना᳚¦स्व१॒॑रिति॒ स्वः॑ || |
| [10] प्रस्वानास इति नवर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:10}{अनुवाक:1, सूक्त:10}{अष्टक:6, अध्याय:7} |
| प्रस्वा॒नासो॒रथा᳚,इ॒वा¦र्व᳚न्तो॒नश्र॑व॒स्यवः॑ | सोमा᳚सोरा॒ये,अ॑क्रमुः || 1 || वर्ग:34 प्र¦स्वा॒नासः॑¦रथाः᳚ऽइव¦अर्व᳚न्तः¦न¦श्र॒व॒स्यवः॑ | सोमा᳚सः¦रा॒ये¦अ॒क्र॒मुः॒ || |
| हि॒न्वा॒नासो॒रथा᳚,इव¦दधन्वि॒रेगभ॑स्त्योः | भरा᳚सःका॒रिणा᳚मिव || 2 || हि॒न्वा॒नासः॑¦रथाः᳚ऽइव¦द॒ध॒न्वि॒रे¦गभ॑स्त्योः | भरा᳚सः¦का॒रिणा᳚म्ऽइव || |
| राजा᳚नो॒नप्रश॑स्तिभिः॒¦सोमा᳚सो॒गोभि॑रञ्जते | य॒ज्ञोनस॒प्तधा॒तृभिः॑ || 3 || राजा᳚नः¦न¦प्रश॑स्तिऽभिः¦सोमा᳚सः¦गोभिः॑¦अं॒ज॒ते॒ | य॒ज्ञः¦न¦स॒प्त¦धा॒तृऽभिः॑ || |
| परि॑सुवा॒नास॒इन्द॑वो॒¦मदा᳚यब॒र्हणा᳚गि॒रा | सु॒ता,अ॑र्षन्ति॒धार॑या || 4 || परि॑¦सु॒वा॒नासः॑¦इन्द॑वः¦मदा᳚य¦ब॒र्हणा᳚¦गि॒रा | सु॒ताः¦अ॒र्ष॒न्ति॒¦धार॑या || |
| आ॒पा॒नासो᳚वि॒वस्व॑तो॒¦जन᳚न्तउ॒षसो॒भग᳚म् | सूरा॒,अण्वं॒वित᳚न्वते || 5 || आ॒पा॒नासः॑¦वि॒वस्व॑तः¦जन᳚न्तः¦उ॒षसः॑¦भग᳚म् | सूराः᳚¦अण्व᳚म्¦वि¦त॒न्व॒ते॒ || |
| अप॒द्वारा᳚मती॒नां¦प्र॒त्ना,ऋ᳚ण्वन्तिका॒रवः॑ | वृष्णो॒हर॑सआ॒यवः॑ || 6 || वर्ग:35 अप॑¦द्वारा᳚¦म॒ती॒नाम्¦प्र॒त्नाः¦ऋ॒ण्व॒न्ति॒¦का॒रवः॑ | वृष्णः॑¦हर॑से¦आ॒यवः॑ || |
| स॒मी॒ची॒नास॑आसते॒¦होता᳚रःस॒प्तजा᳚मयः | प॒दमेक॑स्य॒पिप्र॑तः || 7 || स॒म्ऽई॒ची॒नासः॑¦आ॒स॒ते॒¦होता᳚रः¦स॒प्तऽजा᳚मयः | प॒दम्¦एक॑स्य¦पिप्र॑तः || |
| नाभा॒नाभिं᳚न॒आद॑दे॒¦चक्षु॑श्चि॒त्सूर्ये॒सचा᳚ | क॒वेरप॑त्य॒मादु॑हे || 8 || नाभा᳚¦नाभि᳚म्¦नः॒¦आ¦द॒दे॒¦चक्षुः॑¦चि॒त्¦सूर्ये᳚¦सचा᳚ | क॒वेः¦अप॑त्यम्¦आ¦दु॒हे॒ || |
| अ॒भिप्रि॒यादि॒वस्प॒द¦म॑ध्व॒र्युभि॒र्गुहा᳚हि॒तम् | सूरः॑पश्यति॒चक्ष॑सा || 9 || अ॒भि¦प्रि॒या¦दि॒वः¦प॒दम्¦अ॒ध्व॒र्युऽभिः॑¦गुहा᳚¦हि॒तम् | सूरः॑¦प॒श्य॒ति॒¦चक्ष॑सा || |
| [11] उपास्माइति नवर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:11}{अनुवाक:1, सूक्त:11}{अष्टक:6, अध्याय:7} |
| उपा᳚स्मैगायतानरः॒¦पव॑माना॒येन्द॑वे | अ॒भिदे॒वाँ,इय॑क्षते || 1 || वर्ग:36 उप॑¦अ॒स्मै॒¦गा॒य॒त॒¦न॒रः॒¦पव॑मानाय¦इन्द॑वे | अ॒भि¦दे॒वान्¦इय॑क्षते || |
| अ॒भिते॒मधु॑ना॒पयो¦ऽथ᳚र्वाणो,अशिश्रयुः | दे॒वंदे॒वाय॑देव॒यु || 2 || अ॒भि¦ते॒¦मधु॑ना¦पयः॑¦अथ᳚र्वाणः¦अ॒शि॒श्र॒युः॒ | दे॒वम्¦दे॒वाय॑¦दे॒व॒ऽयु || |
| सनः॑पवस्व॒शंगवे॒¦शंजना᳚य॒शमर्व॑ते | शंरा᳚ज॒न्नोष॑धीभ्यः || 3 || सः¦नः॒¦प॒व॒स्व॒¦शम्¦गवे᳚¦शम्¦जना᳚य¦शम्¦अर्व॑ते | शम्¦रा॒ज॒न्¦ओष॑धीभ्यः || |
| ब॒भ्रवे॒नुस्वत॑वसे¦ऽरु॒णाय॑दिवि॒स्पृशे᳚ | सोमा᳚यगा॒थम॑र्चत || 4 || ब॒भ्रवे᳚¦नु¦स्वऽत॑वसे¦अ॒रु॒णाय॑¦दि॒वि॒ऽस्पृशे᳚ | सोमा᳚य¦गा॒थम्¦अ॒र्च॒त॒ || |
| हस्त॑च्युतेभि॒रद्रि॑भिः¦सु॒तंसोमं᳚पुनीतन | मधा॒वाधा᳚वता॒मधु॑ || 5 || हस्त॑ऽच्युतेभिः¦अद्रि॑ऽभिः¦सु॒तम्¦सोम᳚म्¦पु॒नी॒त॒न॒ | मधौ᳚¦आ¦धा॒व॒त॒¦मधु॑ || |
| नम॒सेदुप॑सीदत¦द॒ध्नेद॒भिश्री᳚णीतन | इन्दु॒मिन्द्रे᳚दधातन || 6 || वर्ग:37 नम॑सा¦इत्¦उप॑¦सी॒द॒त॒¦द॒ध्ना¦इत्¦अ॒भि¦श्री॒णी॒त॒न॒ | इन्दु᳚म्¦इन्द्रे᳚¦द॒धा॒त॒न॒ || |
| अ॒मि॒त्र॒हाविच॑र्षणिः॒¦पव॑स्वसोम॒शंगवे᳚ | दे॒वेभ्यो᳚,अनुकाम॒कृत् || 7 || अ॒मि॒त्र॒ऽहा¦विऽच॑र्षणिः¦पव॑स्व¦सो॒म॒¦शम्¦गवे᳚ | दे॒वेभ्यः॑¦अ॒नु॒का॒म॒ऽकृत् || |
| इन्द्रा᳚यसोम॒पात॑वे॒¦मदा᳚य॒परि॑षिच्यसे | म॒न॒श्चिन्मन॑स॒स्पतिः॑ || 8 || इन्द्रा᳚य¦सो॒म॒¦पात॑वे¦मदा᳚य¦परि॑¦सि॒च्य॒से॒ | म॒नः॒ऽचित्¦मन॑सः¦पतिः॑ || |
| पव॑मानसु॒वीर्यं᳚¦र॒यिंसो᳚मरिरीहिनः | इन्द॒विन्द्रे᳚णनोयु॒जा || 9 || पव॑मान¦सु॒ऽवीर्य᳚म्¦र॒यिम्¦सो॒म॒¦रि॒री॒हि॒¦नः॒ | इन्दो॒ इति॑¦इन्द्रे᳚ण¦नः॒¦यु॒जा || |
| [12] सोमाअसृग्रमिति नवर्चस्य सूक्तस्य काश्यपोसितःपवमान सोमो गायत्री |{मंडल:9, सूक्त:12}{अनुवाक:1, सूक्त:12}{अष्टक:6, अध्याय:7} |
| सोमा᳚,असृग्र॒मिन्द॑वः¦सु॒ता,ऋ॒तस्य॒साद॑ने | इन्द्रा᳚य॒मधु॑मत्तमाः || 1 || वर्ग:38 सोमाः᳚¦अ॒सृ॒ग्र॒म्¦इन्द॑वः¦सु॒ताः¦ऋ॒तस्य॑¦सद॑ने | इन्द्रा᳚य¦मधु॑मत्ऽतमाः || |
| अ॒भिविप्रा᳚,अनूषत॒¦गावो᳚व॒त्संनमा॒तरः॑ | इन्द्रं॒सोम॑स्यपी॒तये᳚ || 2 || अ॒भि¦विप्राः᳚¦अ॒नू॒ष॒त॒¦गावः॑¦व॒त्सम्¦न¦मा॒तरः॑ | इन्द्र᳚म्¦सोम॑स्य¦पी॒तये᳚ || |
| म॒द॒च्युत्क्षे᳚ति॒साद॑ने॒¦सिन्धो᳚रू॒र्मावि॑प॒श्चित् | सोमो᳚गौ॒री,अधि॑श्रि॒तः || 3 || म॒द॒ऽच्युत्¦क्षे॒ति॒¦सद॑ने¦सिन्धोः᳚¦ऊ॒र्मा¦वि॒पः॒ऽचित् | सोमः॑¦गौ॒री इति॑¦अधि॑¦श्रि॒तः || |
| दि॒वोनाभा᳚विचक्ष॒णो¦ऽव्यो॒वारे᳚महीयते | सोमो॒यःसु॒क्रतुः॑क॒विः || 4 || दि॒वः¦नाभा᳚¦वि॒ऽच॒क्ष॒णः¦अव्यः॑¦वारे᳚¦म॒ही॒य॒ते॒ | सोमः॑¦यः¦सु॒ऽक्रतुः॑¦क॒विः || |
| यःसोमः॑क॒लशे॒ष्वाँ¦अ॒न्तःप॒वित्र॒आहि॑तः | तमिन्दुः॒परि॑षस्वजे || 5 || यः¦सोमः॑¦क॒लशे᳚षु¦आ¦अ॒न्तरिति॑¦प॒वित्रे᳚¦आऽहि॑तः | तम्¦इन्दुः॑¦परि॑¦स॒स्व॒जे॒ || |
| प्रवाच॒मिन्दु॑रिष्यति¦समु॒द्रस्याधि॑वि॒ष्टपि॑ | जिन्व॒न्कोशं᳚मधु॒श्चुत᳚म् || 6 || वर्ग:39 प्र¦वाच᳚म्¦इन्दुः॑¦इ॒ष्य॒ति॒¦स॒मु॒द्रस्य॑¦अधि॑¦वि॒ष्टपि॑ | जिन्व॑न्¦कोश᳚म्¦म॒धु॒ऽश्चुत᳚म् || |
| नित्य॑स्तोत्रो॒वन॒स्पति॑¦र्धी॒नाम॒न्तःस॑ब॒र्दुघः॑ | हि॒न्वा॒नोमानु॑षायु॒गा || 7 || नित्य॑ऽस्तोत्रः¦वन॒स्पतिः॑¦धी॒नाम्¦अ॒न्तरिति॑¦स॒बः॒ऽदुघः॑ | हि॒न्वा॒नः¦मानु॑षा¦यु॒गा || |
| अ॒भिप्रि॒यादि॒वस्प॒दा¦सोमो᳚हिन्वा॒नो,अ॑र्षति | विप्र॑स्य॒धार॑याक॒विः || 8 || अ॒भि¦प्रि॒या¦दि॒वः¦प॒दा¦सोमः॑¦हि॒न्वा॒नः¦अ॒र्ष॒ति॒ | विप्र॑स्य¦धार॑या¦क॒विः || |
| आप॑वमानधारयर॒यिं¦स॒हस्र॑वर्चसम् | अ॒स्मे,इ᳚न्दोस्वा॒भुव᳚म् || 9 || आ¦प॒व॒मा॒न॒¦धा॒र॒य॒¦र॒यिम्¦स॒हस्र॑ऽवर्चसम् | अ॒स्मे इति॑¦इ॒न्दो॒ इति॑¦सु॒ऽआ॒भुव᳚म् || |
| [13] सोमः पुनानइति नवर्चस्य सूक्तस्य काश्यपोऽसितः पवमान सोमो गायत्री | (पवमान पारायण द्वितीयोध्यायः){मंडल:9, सूक्त:13}{अनुवाक:1, सूक्त:13}{अष्टक:6, अध्याय:8} |
| सोमः॑पुना॒नो,अ॑र्षति¦स॒हस्र॑धारो॒,अत्य॑विः | वा॒योरिन्द्र॑स्यनिष्कृ॒तम् || 1 || वर्ग:1 सोमः॑¦पु॒ना॒नः¦अ॒र्ष॒ति॒¦स॒हस्र॑ऽधारः¦अति॑।आविः | वा॒योः¦इन्द्र॑स्य¦निः॒ऽकृ॒तम् || |
| पव॑मानमवस्यवो॒¦विप्र॑म॒भिप्रगा᳚यत | सु॒ष्वा॒णंदे॒ववी᳚तये || 2 || पव॑मानम्¦अ॒व॒स्य॒वः॒¦विप्र᳚म्¦अ॒भि¦प्र¦गा॒य॒त॒ | सु॒स्वा॒णम्¦दे॒वऽवी᳚तये || |
| पव᳚न्ते॒वाज॑सातये॒¦सोमाः᳚स॒हस्र॑पाजसः | गृ॒णा॒नादे॒ववी᳚तये || 3 || पव᳚न्ते¦वाज॑ऽसातये¦सोमाः᳚¦स॒हस्र॑ऽपाजसः | गृ॒णा॒नाः¦दे॒वऽवी᳚तये || |
| उ॒तनो॒वाज॑सातये॒¦पव॑स्वबृह॒तीरिषः॑ | द्यु॒मदि᳚न्दोसु॒वीर्य᳚म् || 4 || उ॒त¦नः॒¦वाज॑ऽसातये¦पव॑स्व¦बृ॒ह॒तीः¦इषः॑ | द्यु॒ऽमत्¦इ॒न्दो॒ इति॑¦सु॒ऽवीर्य᳚म् || |
| तेनः॑सह॒स्रिणं᳚र॒यिं¦पव᳚न्ता॒मासु॒वीर्य᳚म् | सु॒वा॒नादे॒वास॒इन्द॑वः || 5 || ते¦नः॒¦स॒ह॒स्रिण᳚म्¦र॒यिम्¦पव᳚न्ताम्¦आ¦सु॒ऽवीर्य᳚म् | सु॒वा॒नाः¦दे॒वासः॑¦इन्द॑वः || |
| अत्या᳚हिया॒नानहे॒तृभि॒¦रसृ॑ग्रं॒वाज॑सातये | विवार॒मव्य॑मा॒शवः॑ || 6 || वर्ग:2 अत्याः᳚¦हि॒या॒नाः¦न¦हे॒तृऽभिः॑¦असृ॑ग्रम्¦वाज॑ऽसातये | वि¦वार᳚म्¦अव्य᳚म्¦आ॒शवः॑ || |
| वा॒श्रा,अ॑र्ष॒न्तीन्द॑वो॒¦ऽभिव॒त्संनधे॒नवः॑ | द॒ध॒न्वि॒रेगभ॑स्त्योः || 7 || वा॒श्राः¦अ॒र्ष॒न्ति॒¦इन्द॑वः¦अ॒भि¦व॒त्सम्¦न¦धे॒नवः॑ | द॒ध॒न्वि॒रे¦गभ॑स्त्योः || |
| जुष्ट॒इन्द्रा᳚यमत्स॒रः¦पव॑मान॒कनि॑क्रदत् | विश्वा॒,अप॒द्विषो᳚जहि || 8 || जुष्टः॑¦इन्द्रा᳚य¦म॒त्स॒रः¦पव॑मान¦कनि॑क्रदत् | विश्वाः᳚¦अप॑¦द्विषः॑¦ज॒हि॒ || |
| अ॒प॒घ्नन्तो॒,अरा᳚व्णः॒¦पव॑मानाःस्व॒र्दृशः॑ | योना᳚वृ॒तस्य॑सीदत || 9 || अ॒प॒ऽघ्नन्तः॑¦अरा᳚व्णः¦पव॑मानाः¦स्वः॒ऽदृशः॑ | योनौ᳚¦ऋ॒तस्य॑¦सी॒द॒त॒ || |
| [14] परिप्रेत्यष्टर्चस्य सूक्तस्य काश्यपोसितः पवमानसोमो गायत्री |{मंडल:9, सूक्त:14}{अनुवाक:1, सूक्त:14}{अष्टक:6, अध्याय:8} |
| परि॒प्रासि॑ष्यदत्क॒विः¦सिन्धो᳚रू॒र्मावधि॑श्रि॒तः | का॒रंबिभ्र॑त्पुरु॒स्पृह᳚म् || 1 || वर्ग:3 परि॑¦प्र¦अ॒सि॒स्य॒द॒त्¦क॒विः¦सिन्धोः᳚¦ऊ॒र्मौ¦अधि॑¦श्रि॒तः | का॒रम्¦बिभ्र॑त्¦पु॒रु॒ऽस्पृह᳚म् || |
| गि॒रायदी॒सब᳚न्धवः॒¦पञ्च॒व्राता᳚,अप॒स्यवः॑ | प॒रि॒ष्कृ॒ण्वन्ति॑धर्ण॒सिम् || 2 || गि॒रा¦यदि॑¦सऽब᳚न्धवः¦पंच॑¦व्राताः᳚¦अ॒प॒स्यवः॑ | प॒रि॒ऽकृ॒ण्वन्ति॑¦ध॒र्ण॒सिम् || |
| आद॑स्यशु॒ष्मिणो॒रसे॒¦विश्वे᳚दे॒वा,अ॑मत्सत | यदी॒गोभि᳚र्वसा॒यते᳚ || 3 || आत्¦अ॒स्य॒¦शु॒ष्मिणः॑¦रसे᳚¦विश्वे᳚¦दे॒वाः¦अ॒म॒त्स॒त॒ | यदि॑¦गोभिः॑¦व॒सा॒यते᳚ || |
| नि॒रि॒णा॒नोविधा᳚वति॒¦जह॒च्छर्या᳚णि॒तान्वा᳚ | अत्रा॒संजि॑घ्रतेयु॒जा || 4 || नि॒ऽरि॒णा॒नः¦वि¦धा॒व॒ति॒¦जह॑त्¦शर्या᳚णि¦तान्वा᳚ | अत्र॑¦सम्¦जि॒घ्न॒ते॒¦यु॒जा || |
| न॒प्तीभि॒र्योवि॒वस्व॑तः¦शु॒भ्रोनमा᳚मृ॒जेयुवा᳚ | गाःकृ᳚ण्वा॒नोननि॒र्णिज᳚म् || 5 || न॒प्तीभिः॑¦यः¦वि॒वस्व॑तः¦शु॒भ्रः¦न¦म॒मृ॒जे¦युवा᳚ | गाः¦कृ॒ण्वा॒नः¦न¦निः॒ऽनिज᳚म् || |
| अति॑श्रि॒तीति॑र॒श्चता᳚¦ग॒व्याजि॑गा॒त्यण्व्या᳚ | व॒ग्नुमि॑यर्ति॒यंवि॒दे || 6 || वर्ग:4 अति॑¦श्रि॒ती¦ति॒र॒श्चता᳚¦ग॒व्या¦जि॒गा॒ति॒¦अण्व्या᳚ | व॒ग्नुम्¦इ॒य॒र्ति॒¦यम्¦वि॒दे || |
| अ॒भिक्षिपः॒सम॑ग्मत¦म॒र्जय᳚न्तीरि॒षस्पति᳚म् | पृ॒ष्ठागृ॑भ्णतवा॒जिनः॑ || 7 || अ॒भि¦क्षिपः॑¦सम्¦अ॒ग्म॒त॒¦म॒र्जय᳚न्तीः¦इ॒षः¦पति᳚म् | पृ॒ष्ठा¦गृ॒भ्ण॒त॒¦वा॒जिनः॑ || |
| परि॑दि॒व्यानि॒मर्मृ॑श॒द्¦विश्वा᳚निसोम॒पार्थि॑वा | वसू᳚नियाह्यस्म॒युः || 8 || परि॑¦दि॒व्यानि॑¦मर्मृ॑शत्¦विश्वा᳚नि¦सो॒म॒¦पार्थि॑वा | वसू᳚नि¦या॒हि॒¦अ॒स्म॒ऽयुः || |
| [15] एषधियेत्यष्टर्चस्य सूक्तस्य काश्यपोसितः पवमानसोमोगायत्री |{मंडल:9, सूक्त:15}{अनुवाक:1, सूक्त:15}{अष्टक:6, अध्याय:8} |
| ए॒षधि॒याया॒त्यण्व्या॒¦शूरो॒रथे᳚भिरा॒शुभिः॑ | गच्छ॒न्निन्द्र॑स्यनिष्कृ॒तम् || 1 || वर्ग:5 ए॒षः¦धि॒या¦या॒ति॒¦अण्व्या᳚¦शूरः॑¦रथे᳚भिः¦आ॒शुऽभिः॑ | गच्छ॑न्¦इन्द्र॑स्य¦निः॒ऽकृ॒तम् || |
| ए॒षपु॒रूधि॑यायते¦बृह॒तेदे॒वता᳚तये | यत्रा॒मृता᳚स॒आस॑ते || 2 || ए॒षः¦पु॒रु¦धि॒या॒ऽय॒ते॒¦बृ॒ह॒ते¦दे॒वऽता᳚तये | यत्र॑¦अ॒मृता᳚सः¦आस॑ते || |
| ए॒षहि॒तोविनी᳚यते॒¦ऽन्तःशु॒भ्राव॑ताप॒था | यदी᳚तु॒ञ्जन्ति॒भूर्ण॑यः || 3 || ए॒षः¦हि॒तः¦वि¦नी॒य॒ते॒¦अ॒न्तरिति॑¦शु॒भ्रऽव॑ता¦प॒था | यदि॑¦तुं॒जन्ति॑¦भूर्ण॑यः || |
| ए॒षशृङ्गा᳚णि॒दोधु॑व॒¦च्छिशी᳚तेयू॒थ्यो॒३॑(ओ॒)वृषा᳚ | नृ॒म्णादधा᳚न॒ओज॑सा || 4 || ए॒षः¦शृङ्गा᳚णि¦दोधु॑वत्¦शिशी᳚ते¦यू॒थ्यः॑¦वृषा᳚ | नृ॒म्णा¦दधा᳚नः¦ओज॑सा || |
| ए॒षरु॒क्मिभि॑रीयते¦वा॒जीशु॒भ्रेभि॑रं॒शुभिः॑ | पतिः॒सिन्धू᳚नां॒भव॑न् || 5 || ए॒षः¦रु॒क्मिऽभिः॑¦ई॒य॒ते॒¦वा॒जी¦शु॒भ्रेभिः॑¦अं॒शुऽभिः॑ | पतिः॑¦सिन्धू᳚नाम्¦भव॑न् || |
| ए॒षवसू᳚निपिब्द॒ना¦परु॑षाययि॒वाँ,अति॑ | अव॒शादे᳚षुगच्छति || 6 || ए॒षः¦वसू᳚नि¦पि॒ब्द॒ना¦परु॑षा¦य॒यि॒ऽवान्¦अति॑ | अव॑¦शादे᳚षु¦ग॒च्छ॒ति॒ || |
| ए॒तंमृ॑जन्ति॒मर्ज्य॒¦मुप॒द्रोणे᳚ष्वा॒यवः॑ | प्र॒च॒क्रा॒णंम॒हीरिषः॑ || 7 || ए॒तम्¦मृ॒ज॒न्ति॒¦मर्ज्य᳚म्¦उप॑¦द्रोणे᳚षु¦आ॒यवः॑ | प्र॒ऽच॒क्रा॒णम्¦म॒हीः¦इषः॑ || |
| ए॒तमु॒त्यंदश॒क्षिपो᳚¦मृ॒जन्ति॑स॒प्तधी॒तयः॑ | स्वा॒यु॒धंम॒दिन्त॑मम् || 8 || ए॒तम्¦ऊँ॒ इति॑¦त्यम्¦दश॑¦क्षिपः॑¦मृ॒जन्ति॑¦स॒प्त¦धी॒तयः॑ | सु॒ऽआ॒यु॒धम्¦म॒दिन्ऽत॑मम् || |
| [16] प्रतेसोतारइत्यष्टर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:16}{अनुवाक:1, सूक्त:16}{अष्टक:6, अध्याय:8} |
| प्रते᳚सो॒तार॑ओ॒ण्यो॒३॑(ओ॒)¦रसं॒मदा᳚य॒घृष्व॑ये | सर्गो॒नत॒क्त्येत॑शः || 1 || वर्ग:6 प्र¦ते॒¦सो॒तारः॑¦ओ॒ण्योः᳚¦रस᳚म्¦मदा᳚य¦घृष्व॑ये | सर्गः॑¦न¦त॒क्ति॒¦एत॑शः || |
| क्रत्वा॒दक्ष॑स्यर॒थ्य॑¦म॒पोवसा᳚न॒मन्ध॑सा | गो॒षामण्वे᳚षुसश्चिम || 2 || क्रत्वा᳚¦दक्ष॑स्य¦र॒थ्य᳚म्¦अ॒पः¦वसा᳚नम्¦अन्ध॑सा | गो॒ऽसाम्¦अण्वे᳚षु¦स॒श्चि॒म॒ || |
| अन॑प्तम॒प्सुदु॒ष्टरं॒¦सोमं᳚प॒वित्र॒आसृ॑ज | पु॒नी॒हीन्द्रा᳚य॒पात॑वे || 3 || अन॑प्तम्¦अ॒प्ऽसु¦दु॒स्तर᳚म्¦सोम᳚म्¦प॒वित्रे᳚¦आ¦सृ॒ज॒ | पु॒नी॒हि¦इन्द्रा᳚य¦पात॑वे || |
| प्रपु॑ना॒नस्य॒चेत॑सा॒¦सोमः॑प॒वित्रे᳚,अर्षति | क्रत्वा᳚स॒धस्थ॒मास॑दत् || 4 || प्र¦पु॒ना॒नस्य॑¦चेत॑सा¦सोमः॑¦प॒वित्रे᳚¦अ॒र्ष॒ति॒ | क्रत्वा᳚¦स॒धऽस्थ᳚म्¦आ¦अ॒स॒द॒त् || |
| प्रत्वा॒नमो᳚भि॒रिन्द॑व॒¦इन्द्र॒सोमा᳚,असृक्षत | म॒हेभरा᳚यका॒रिणः॑ || 5 || प्र¦त्वा॒¦नमः॑ऽभिः¦इन्द॑वः¦इन्द्र॑¦सोमाः᳚¦अ॒सृ॒क्ष॒त॒ | म॒हे¦भरा᳚य¦का॒रिणः॑ || |
| पु॒ना॒नोरू॒पे,अ॒व्यये॒¦विश्वा॒,अर्ष᳚न्न॒भिश्रियः॑ | शूरो॒नगोषु॑तिष्ठति || 6 || पु॒ना॒नः¦रू॒पे¦अ॒व्यव्ये᳚¦विश्वाः᳚¦अर्ष॑न्¦अ॒भि¦श्रियः॑ | शूरः॑¦न¦गोषु॑¦ति॒ष्ठ॒ति॒ || |
| दि॒वोनसानु॑पि॒प्युषी॒¦धारा᳚सु॒तस्य॑वे॒धसः॑ | वृथा᳚प॒वित्रे᳚,अर्षति || 7 || दि॒वः¦न¦सानु॑¦पि॒प्युषी᳚¦धारा᳚¦सु॒तस्य॑¦वे॒धसः॑ | वृथा᳚¦प॒वित्रे᳚¦अ॒र्ष॒ति॒ || |
| त्वंसो᳚मविप॒श्चितं॒¦तना᳚पुना॒नआ॒युषु॑ | अव्यो॒वारं॒विधा᳚वसि || 8 || त्वम्¦सो॒म॒¦वि॒पः॒ऽचित᳚म्¦तना᳚¦पु॒ना॒नः¦आ॒युषु॑ | अव्यः॑¦वार᳚म्¦वि¦धा॒व॒सि॒ || |
| [17] प्रनिम्नेनेवेत्य ष्टर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:17}{अनुवाक:1, सूक्त:17}{अष्टक:6, अध्याय:8} |
| प्रनि॒म्नेने᳚व॒सिन्ध॑वो॒¦घ्नन्तो᳚वृ॒त्राणि॒भूर्ण॑यः | सोमा᳚,असृग्रमा॒शवः॑ || 1 || वर्ग:7 प्र¦नि॒मेन॑ऽइव¦सिन्ध॑वः¦घ्नन्तः॑¦वृ॒त्राणि॑¦भूर्ण॑यः | सोमाः᳚¦अ॒सृ॒ग्र॒म्¦आ॒शवः॑ || |
| अ॒भिसु॑वा॒नास॒इन्द॑वो¦वृ॒ष्टयः॑पृथि॒वीमि॑व | इन्द्रं॒सोमा᳚सो,अक्षरन् || 2 || अ॒भि¦सु॒वा॒नासः॑¦इन्द॑वः¦वृ॒ष्टयः॑¦पृ॒थि॒वीम्ऽइ᳚व | इन्द्र᳚म्¦सोमा᳚सः¦अ॒क्ष॒र॒न् || |
| अत्यू᳚र्मिर्मत्स॒रोमदः॒¦सोमः॑प॒वित्रे᳚,अर्षति | वि॒घ्नन्रक्षां᳚सिदेव॒युः || 3 || अति॑ऽऊर्मिः¦म॒त्स॒रः¦मदः॑¦सोमः॑¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| आक॒लशे᳚षुधावति¦प॒वित्रे॒परि॑षिच्यते | उ॒क्थैर्य॒ज्ञेषु॑वर्धते || 4 || आ¦क॒लशे᳚षु¦धा॒व॒ति॒¦प॒वित्रे᳚¦परि॑¦सि॒च्य॒ते॒ | उ॒क्थैः¦य॒ज्ञेषु॑¦व॒र्ध॒ते॒ || |
| अति॒त्रीसो᳚मरोच॒ना¦रोह॒न्नभ्रा᳚जसे॒दिव᳚म् | इ॒ष्णन्त्सूर्यं॒नचो᳚दयः || 5 || अति॑¦त्री¦सो॒म॒¦रो॒च॒ना¦रोह॑न्¦न¦भ्रा॒ज॒से॒¦दिव᳚म् | इ॒ष्णन्¦सूर्य᳚म्¦न¦चो॒द॒यः॒ || |
| अ॒भिविप्रा᳚,अनूषत¦मू॒र्धन्य॒ज्ञस्य॑का॒रवः॑ | दधा᳚ना॒श्चक्ष॑सिप्रि॒यम् || 6 || अ॒भि¦विप्राः᳚¦अ॒नू॒ष॒त॒¦मू॒र्धन्¦य॒ज्ञस्य॑¦का॒रवः॑ | दधा᳚नाः¦चक्ष॑सि¦प्रि॒यम् || |
| तमु॑त्वावा॒जिनं॒नरो᳚¦धी॒भिर्विप्रा᳚,अव॒स्यवः॑ | मृ॒जन्ति॑दे॒वता᳚तये || 7 || तम्¦ऊँ॒ इति॑¦त्वा॒¦वा॒जिन᳚म्¦नरः॑¦धी॒भिः¦विप्राः᳚¦अ॒व॒स्यवः॑ | मृ॒जन्ति॑¦दे॒वऽता᳚तये || |
| मधो॒र्धारा॒मनु॑क्षर¦ती॒व्रःस॒धस्थ॒मास॑दः | चारु᳚रृ॒ताय॑पी॒तये᳚ || 8 || मधोः᳚¦धारा᳚म्¦अनु॑¦क्ष॒र॒¦ती॒व्रः¦स॒धऽस्थ᳚म्¦आ¦अ॒स॒दः॒ | चारुः॑¦ऋ॒ताय॑¦पी॒तये᳚ || |
| [18] परिसुवानइति सप्तर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:18}{अनुवाक:1, सूक्त:18}{अष्टक:6, अध्याय:8} |
| परि॑सुवा॒नोगि॑रि॒ष्ठाः¦प॒वित्रे॒सोमो᳚,अक्षाः | मदे᳚षुसर्व॒धा,अ॑सि || 1 || वर्ग:8 परि॑¦सु॒वा॒नः¦गि॒रि॒ऽस्थाः¦प॒वित्रे᳚¦सोमः॑¦अ॒क्षा॒रिति॑ | मदे᳚षु¦स॒र्व॒ऽधाः¦अ॒सि॒ || |
| त्वंविप्र॒स्त्वंक॒वि¦र्मधु॒प्रजा॒तमन्ध॑सः | मदे᳚षुसर्व॒धा,अ॑सि || 2 || त्वम्¦विप्रः॑¦त्वम्¦क॒विः¦मधु॑¦प्र¦जा॒तम्¦अन्ध॑सः | मदे᳚षु¦स॒र्व॒ऽधाः¦अ॒सि॒ || |
| तव॒विश्वे᳚स॒जोष॑सो¦दे॒वासः॑पी॒तिमा᳚शत | मदे᳚षुसर्व॒धा,अ॑सि || 3 || तव॑¦विश्वे᳚¦स॒ऽजोष॑सः¦दे॒वासः॑¦पी॒तिम्¦आ॒श॒त॒ | मदे᳚षु¦स॒र्व॒ऽधाः¦अ॒सि॒ || |
| आयोविश्वा᳚नि॒वार्या॒¦वसू᳚नि॒हस्त॑योर्द॒धे | मदे᳚षुसर्व॒धा,अ॑सि || 4 || आ¦यः¦विश्वा᳚नि¦वार्या᳚¦वसू᳚नि¦हस्त॑योः¦द॒धे | मदे᳚षु¦स॒र्व॒ऽधाः¦अ॒सि॒ || |
| यइ॒मेरोद॑सीम॒ही¦संमा॒तरे᳚व॒दोह॑ते | मदे᳚षुसर्व॒धा,अ॑सि || 5 || यः¦इ॒मे इति॑¦रोद॑सी॒ इति॑¦म॒ही इति॑¦सम्¦मा॒तरा᳚ऽइव¦दोह॑ते | मदे᳚षु¦स॒र्व॒ऽधाः¦अ॒सि॒ || |
| परि॒योरोद॑सी,उ॒भे¦स॒द्योवाजे᳚भि॒रर्ष॑ति | मदे᳚षुसर्व॒धा,अ॑सि || 6 || परि॑¦यः¦रोद॑सी॒ इति॑¦उ॒भे इति॑¦स॒द्यः¦वाजे᳚भिः¦अर्ष॑ति | मदे᳚षु¦स॒र्व॒ऽधाः¦अ॒सि॒ || |
| सशु॒ष्मीक॒लशे॒ष्वा¦पु॑ना॒नो,अ॑चिक्रदत् | मदे᳚षुसर्व॒धा,अ॑सि || 7 || सः¦शु॒ष्मी¦क॒लशे᳚षु¦आ¦पु॒ना॒नः¦अ॒चि॒क्र॒द॒त् | मदे᳚षु¦स॒र्व॒ऽधाः¦अ॒सि॒ || |
| [19] यत्सोमेति सप्तर्चस्य सूक्तस्य काश्यपोसितःपवमा नसोमो गायत्री |{मंडल:9, सूक्त:19}{अनुवाक:1, सूक्त:19}{अष्टक:6, अध्याय:8} |
| यत्सो᳚मचि॒त्रमु॒क्थ्यं᳚¦दि॒व्यंपार्थि॑वं॒वसु॑ | तन्नः॑पुना॒नआभ॑र || 1 || वर्ग:9 यत्¦सो॒म॒¦चि॒त्रम्¦उ॒क्थ्य᳚म्¦दि॒व्यम्¦पार्थि॑वम्¦वसु॑ | तत्¦नः॒¦पु॒ना॒नः¦आ¦भ॒र॒ || |
| यु॒वंहिस्थःस्व॑र्पती॒,¦इन्द्र॑श्चसोम॒गोप॑ती | ई॒शा॒नापि॑प्यतं॒धियः॑ || 2 || यु॒वम्¦हि¦स्थः¦स्व॑र्पती॒ इति॒ स्वः॑ऽपती¦इन्द्रः॑¦च॒¦सो॒म॒¦गोप॑ती॒ इति॒ गोऽप॑ती | ई॒शा॒ना¦पि॒प्य॒त॒म्¦धियः॑ || |
| वृषा᳚पुना॒नआ॒युषु॑¦स्त॒नय॒न्नधि॑ब॒र्हिषि॑ | हरिः॒सन्योनि॒मास॑दत् || 3 || वृषा᳚¦पु॒ना॒नः¦आ॒युषु॑¦स्त॒नय॑न्¦अधि॑¦ब॒र्हिषि॑ | हरिः॑¦सन्¦योनि᳚म्¦आ¦अ॒स॒द॒त् || |
| अवा᳚वशन्तधी॒तयो᳚¦वृष॒भस्याधि॒रेत॑सि | सू॒नोर्व॒त्सस्य॑मा॒तरः॑ || 4 || अवा᳚वशन्त¦धी॒तयः॑¦वृ॒ष॒भस्य॑¦अधि॑¦रेत॑सि | सू॒नोः¦व॒त्सस्य॑¦मा॒तरः॑ || |
| कु॒विद्वृ॑ष॒ण्यन्ती᳚भ्यः¦पुना॒नोगर्भ॑मा॒दध॑त् | याःशु॒क्रंदु॑ह॒तेपयः॑ || 5 || कु॒वित्¦वृ॒ष॒ण्यन्ती᳚भ्यः¦पु॒ना॒नः¦गर्भ᳚म्¦आ॒ऽदध॑त् | याः¦शु॒क्रम्¦दु॒ह॒ते¦पयः॑ || |
| उप॑शिक्षापत॒स्थुषो᳚¦भि॒यस॒माधे᳚हि॒शत्रु॑षु | पव॑मानवि॒दार॒यिम् || 6 || उप॑¦शि॒क्ष॒¦अ॒प॒ऽत॒स्थुषः॑¦भि॒यस᳚म्¦आ¦धे॒हि॒¦शत्रु॑षु | पव॑मान¦वि॒दाः¦र॒यिम् || |
| निशत्रोः᳚सोम॒वृष्ण्यं॒¦निशुष्मं॒निवय॑स्तिर | दू॒रेवा᳚स॒तो,अन्ति॑वा || 7 || नि¦शत्रोः᳚¦सो॒म॒¦वृष्ण्य᳚म्¦नि¦शुष्म᳚म्¦नि¦वयः॑¦ति॒र॒ | दू॒रे¦वा॒¦स॒तः¦अन्ति॑¦वा॒ || |
| [20] प्रकविरिति सप्तर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:20}{अनुवाक:1, सूक्त:20}{अष्टक:6, अध्याय:8} |
| प्रक॒विर्दे॒ववी᳚त॒ये¦ऽव्यो॒वारे᳚भिरर्षति | सा॒ह्वान्विश्वा᳚,अ॒भिस्पृधः॑ || 1 || वर्ग:10 प्र¦क॒विः¦दे॒वऽवी᳚तये¦अव्यः॑¦वारे᳚भिः¦अ॒र्ष॒ति॒ | स॒ह्वान्¦विश्वाः᳚¦अ॒भि¦स्पृधः॑ || |
| सहिष्मा᳚जरि॒तृभ्य॒आ¦वाजं॒गोम᳚न्त॒मिन्व॑ति | पव॑मानःसह॒स्रिण᳚म् || 2 || सः¦हि¦स्म॒¦ज॒रि॒तृऽभ्यः॑¦आ¦वाज᳚म्¦गोऽम᳚न्तम्¦इन्व॑ति | पव॑मानः¦स॒ह॒स्रिण᳚म् || |
| परि॒विश्वा᳚नि॒चेत॑सा¦मृ॒शसे॒पव॑सेम॒ती | सनः॑सोम॒श्रवो᳚विदः || 3 || परि॑¦विश्वा᳚नि¦चेत॑सा¦मृ॒शसे᳚¦पव॑से¦म॒ती | सः¦नः॒¦सो॒म॒¦श्रवः॑¦वि॒दः॒ || |
| अ॒भ्य॑र्षबृ॒हद्यशो᳚¦म॒घव॑द्भ्योध्रु॒वंर॒यिम् | इषं᳚स्तो॒तृभ्य॒आभ॑र || 4 || अ॒भि¦अ॒र्ष॒¦बृ॒हत्¦यशः॑¦म॒घव॑त्ऽभ्यः¦ध्रु॒वम्¦र॒यिम् | इष᳚म्¦स्तो॒तृऽभ्यः॑¦आ¦भ॒र॒ || |
| त्वंराजे᳚वसुव्र॒तो¦गिरः॑सो॒मावि॑वेशिथ | पु॒ना॒नोव᳚ह्ने,अद्भुत || 5 || त्वम्¦राजा᳚ऽइव¦सु॒ऽव्र॒तः¦गिरः॑¦सो॒म॒¦आ¦वि॒वे॒शि॒थ॒ | पु॒ना॒नः¦व॒ह्ने॒¦अ॒द्भु॒त॒ || |
| सवह्नि॑र॒प्सुदु॒ष्टरो᳚¦मृ॒ज्यमा᳚नो॒गभ॑स्त्योः | सोम॑श्च॒मूषु॑सीदति || 6 || सः¦वह्निः॑¦अ॒प्ऽसु¦दु॒स्तरः॑¦मृ॒ज्यमा᳚नः¦गभ॑स्त्योः | सोमः॑¦च॒मूषु॑¦सी॒द॒ति॒ || |
| क्री॒ळुर्म॒खोनमं᳚ह॒युः¦प॒वित्रं᳚सोमगच्छसि | दध॑त्स्तो॒त्रेसु॒वीर्य᳚म् || 7 || क्री॒ळुः¦म॒खः¦न¦मं॒ह॒युः¦प॒वित्र᳚म्¦सो॒म॒¦ग॒च्छ॒सि॒ | दध॑त्¦स्तो॒त्रे¦सु॒ऽवीर्य᳚म् || |
| [21] एतेधावंतीति सप्तर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:21}{अनुवाक:1, सूक्त:21}{अष्टक:6, अध्याय:8} |
| ए॒तेधा᳚व॒न्तीन्द॑वः॒¦सोमा॒,इन्द्रा᳚य॒घृष्व॑यः | म॒त्स॒रासः॑स्व॒र्विदः॑ || 1 || वर्ग:11 ए॒ते¦धा॒व॒न्ति॒¦इन्द॑वः¦सोमाः᳚¦इन्द्रा᳚य¦घृष्व॑यः | म॒त्स॒रासः॑¦स्वः॒ऽविदः॑ || |
| प्र॒वृ॒ण्वन्तो᳚,अभि॒युजः॒¦सुष्व॑येवरिवो॒विदः॑ | स्व॒यंस्तो॒त्रेव॑य॒स्कृतः॑ || 2 || प्र॒ऽवृ॒ण्वन्तः॑¦अ॒भि॒ऽयुजः॑¦सुस्व॑ये¦व॒रि॒वः॒ऽविदः॑ | स्व॒यम्¦स्तो॒त्रे¦व॒यः॒ऽकृतः॑ || |
| वृथा॒क्रीळ᳚न्त॒इन्द॑वः¦स॒धस्थ॑म॒भ्येक॒मित् | सिन्धो᳚रू॒र्माव्य॑क्षरन् || 3 || वृथा᳚¦क्रीळ᳚न्तः¦इन्द॑वः¦स॒धऽस्थ᳚म्¦अ॒भि¦एक᳚म्¦इत् | सिन्धोः᳚¦ऊ॒र्मा¦वि¦अ॒क्ष॒र॒न् || |
| ए॒तेविश्वा᳚नि॒वार्या॒¦पव॑मानासआशत | हि॒तानसप्त॑यो॒रथे᳚ || 4 || ए॒ते¦विश्वा᳚नि¦वार्या᳚¦पव॑मानासः¦आ॒श॒त॒ | हि॒ताः¦न¦सप्त॑यः¦रथे᳚ || |
| आस्मि᳚न्पि॒शङ्ग॑मिन्दवो॒¦दधा᳚तावे॒नमा॒दिशे᳚ | यो,अ॒स्मभ्य॒मरा᳚वा || 5 || आ¦अ॒स्मि॒न्¦पि॒शङ्ग᳚म्¦इ॒न्द॒वः॒¦दधा᳚त¦वे॒नम्¦आ॒ऽदिशे᳚ | यः¦अ॒स्मभ्य᳚म्¦अरा᳚वा || |
| ऋ॒भुर्नरथ्यं॒नवं॒¦दधा᳚ता॒केत॑मा॒दिशे᳚ | शु॒क्राःप॑वध्व॒मर्ण॑सा || 6 || ऋ॒भुः¦न¦रथ्य᳚म्¦नव᳚म्¦दधा᳚त¦केत᳚म्¦आ॒ऽदिशे᳚ | शु॒क्राः¦प॒व॒ध्व॒म्¦अर्ण॑सा || |
| ए॒तउ॒त्ये,अ॑वीवश॒न्¦काष्ठां᳚वा॒जिनो᳚,अक्रत | स॒तःप्रासा᳚विषुर्म॒तिम् || 7 || ए॒ते¦ऊँ॒ इति॑¦त्ये¦अ॒वी॒व॒श॒न्¦काष्ठा᳚म्¦वा॒जिनः॑¦अ॒क्र॒त॒ | स॒तः¦प्र¦अ॒सा॒वि॒षुः॒¦म॒तिम् || |
| [22] एतेसोमासइति सप्तर्चस्य सूक्तस्य काश्यपोसितःपवमानसोमोगायत्री |{मंडल:9, सूक्त:22}{अनुवाक:1, सूक्त:22}{अष्टक:6, अध्याय:8} |
| ए॒तेसोमा᳚सआ॒शवो॒¦रथा᳚,इव॒प्रवा॒जिनः॑ | सर्गाः᳚सृ॒ष्टा,अ॑हेषत || 1 || वर्ग:12 ए॒ते¦सोमा᳚सः¦आ॒शवः॑¦रथाः᳚ऽइव¦प्र¦वा॒जिनः॑ | सर्गाः᳚¦सृ॒ष्टाः¦अ॒हे॒ष॒त॒ || |
| ए॒तेवाता᳚,इवो॒रवः॑¦प॒र्जन्य॑स्येववृ॒ष्टयः॑ | अ॒ग्नेरि॑वभ्र॒मावृथा᳚ || 2 || ए॒ते¦वाताः᳚ऽइव¦उ॒रवः॑¦प॒र्जन्य॑स्यऽइव¦वृ॒ष्टयः॑ | अ॒ग्नेःऽइ᳚व¦भ्र॒माः¦वृथा᳚ || |
| ए॒तेपू॒तावि॑प॒श्चितः॒¦सोमा᳚सो॒दध्या᳚शिरः | वि॒पाव्या᳚नशु॒र्धियः॑ || 3 || ए॒ते¦पू॒ताः¦वि॒पः॒ऽचितः॑¦सोमा᳚सः¦दधि॑ऽआशिरः | वि॒पा¦वि¦आ॒न॒शुः॒¦धियः॑ || |
| ए॒तेमृ॒ष्टा,अम॑र्त्याः¦ससृ॒वांसो॒नश॑श्रमुः | इय॑क्षन्तःप॒थोरजः॑ || 4 || ए॒ते¦मृ॒ष्टाः¦अम॑र्त्याः¦स॒सृ॒ऽवांसः॑¦न¦श॒श्र॒मुः॒ | इय॑क्षन्तः¦प॒थः¦रजः॑ || |
| ए॒तेपृ॒ष्ठानि॒रोद॑सो¦र्विप्र॒यन्तो॒व्या᳚नशुः | उ॒तेदमु॑त्त॒मंरजः॑ || 5 || ए॒ते¦पृ॒ष्ठानि॑¦रोद॑सोः¦वि॒ऽप्र॒यन्तः॑¦वि¦आ॒न॒शुः॒ | उ॒त¦इ॒दम्¦उ॒त्ऽत॒मम्¦रजः॑ || |
| तन्तुं᳚तन्वा॒नमु॑त्त॒म¦मनु॑प्र॒वत॑आशत | उ॒तेदमु॑त्त॒माय्य᳚म् || 6 || तन्तु᳚म्¦त॒न्वा॒नम्¦उ॒त्ऽत॒मम्¦अनु॑¦प्र॒ऽवतः॑¦आ॒श॒त॒ | उ॒त¦इ॒दम्¦उ॒त्त॒माय्य᳚म् || |
| त्वंसो᳚मप॒णिभ्य॒आ¦वसु॒गव्या᳚निधारयः | त॒तंतन्तु॑मचिक्रदः || 7 || त्वम्¦सो॒म॒¦प॒णिऽभ्यः॑¦आ¦वसु॑¦गव्या᳚नि¦धा॒र॒यः॒ | त॒तम्¦तन्तु᳚म्¦अ॒चि॒क्र॒दः॒ || |
| [23] सोमा असृग्रमिति सप्तर्चस्य सूक्तस्य काश्यपोसितः पवमान सोमोगायत्री |{मंडल:9, सूक्त:23}{अनुवाक:1, सूक्त:23}{अष्टक:6, अध्याय:8} |
| सोमा᳚,असृग्रमा॒शवो॒¦मधो॒र्मद॑स्य॒धार॑या | अ॒भिविश्वा᳚नि॒काव्या᳚ || 1 || वर्ग:13 सोमाः᳚¦अ॒सृ॒ग्र॒म्¦आ॒शवः॑¦मधोः᳚¦मद॑स्य¦धार॑या | अ॒भि¦विश्वा᳚नि¦काव्या᳚ || |
| अनु॑प्र॒त्नास॑आ॒यवः॑¦प॒दंनवी᳚यो,अक्रमुः | रु॒चेज॑नन्त॒सूर्य᳚म् || 2 || अनु॑¦प्र॒त्नासः॑¦आ॒यवः॑¦प॒दम्¦नवी᳚यः¦अ॒क्र॒मुः॒ | रु॒चे¦ज॒न॒न्त॒¦सूर्य᳚म् || |
| आप॑वमाननोभरा॒¦र्यो,अदा᳚शुषो॒गय᳚म् | कृ॒धिप्र॒जाव॑ती॒रिषः॑ || 3 || आ¦प॒व॒मा॒न॒¦नः॒¦भ॒र॒¦अ॒र्यः¦अदा᳚शुषः¦गय᳚म् | कृ॒धि¦प्र॒जाऽव॑तीः¦इषः॑ || |
| अ॒भिसोमा᳚सआ॒यवः॒¦पव᳚न्ते॒मद्यं॒मद᳚म् | अ॒भिकोशं᳚मधु॒श्चुत᳚म् || 4 || अ॒भि¦सोमा᳚सः¦आ॒यवः॑¦पव᳚न्ते¦मद्य᳚म्¦मद᳚म् | अ॒भि¦कोश᳚म्¦म॒धु॒ऽश्चुत᳚म् || |
| सोमो᳚,अर्षतिधर्ण॒सि¦र्दधा᳚नइन्द्रि॒यंरस᳚म् | सु॒वीरो᳚,अभिशस्ति॒पाः || 5 || सोमः॑¦अ॒र्ष॒ति॒¦ध॒र्ण॒सिः¦दधा᳚नः¦इ॒न्द्रि॒यम्¦रस᳚म् | सु॒ऽवीरः॑¦अ॒भि॒श॒स्ति॒ऽपाः || |
| इन्द्रा᳚यसोमपवसे¦दे॒वेभ्यः॑सध॒माद्यः॑ | इन्दो॒वाजं᳚सिषाससि || 6 || इन्द्रा᳚य¦सो॒म॒¦प॒व॒से॒¦दे॒वेभ्यः॑¦स॒ध॒ऽमाद्यः॑ | इन्दो॒ इति॑¦वाज᳚म्¦सि॒सा॒स॒सि॒ || |
| अ॒स्यपी॒त्वामदा᳚ना॒¦मिन्द्रो᳚वृ॒त्राण्य॑प्र॒ति | ज॒घान॑ज॒घन॑च्च॒नु || 7 || अ॒स्य¦पी॒त्वा¦मदा᳚नाम्¦इन्द्रः॑¦वृ॒त्राणि॑¦अ॒प्र॒ति | ज॒घान॑¦ज॒घन॑त्¦च॒¦नु || |
| [24] प्रसोमासइति सप्तर्चस्य सूक्तस्य काश्यपोसितः पवमान सोमो गायत्री |{मंडल:9, सूक्त:24}{अनुवाक:1, सूक्त:24}{अष्टक:6, अध्याय:8} |
| प्रसोमा᳚सो,अधन्विषुः॒¦पव॑मानास॒इन्द॑वः | श्री॒णा॒ना,अ॒प्सुमृ᳚ञ्जत || 1 || वर्ग:14 प्र¦सोमा᳚सः¦अ॒ध॒न्वि॒षुः॒¦पव॑मानासः¦इन्द॑वः | श्री॒णा॒नाः¦अ॒प्ऽसु¦मृं॒ज॒त॒ || |
| अ॒भिगावो᳚,अधन्विषु॒¦रापो॒नप्र॒वता᳚य॒तीः | पु॒ना॒ना,इन्द्र॑माशत || 2 || अ॒भि¦गावः॑¦अ॒ध॒न्वि॒षुः॒¦आपः॑¦न¦प्र॒ऽवता᳚¦य॒तीः | पु॒ना॒नाः¦इन्द्र᳚म्¦आ॒श॒त॒ || |
| प्रप॑वमानधन्वसि॒¦सोमेन्द्रा᳚य॒पात॑वे | नृभि᳚र्य॒तोविनी᳚यसे || 3 || प्र¦प॒व॒मा॒न॒¦ध॒न्व॒सि॒¦सोम॑¦इन्द्रा᳚य¦पात॑वे | नृऽभिः॑¦य॒तः¦वि¦नी॒य॒से॒ || |
| त्वंसो᳚मनृ॒माद॑नः॒¦पव॑स्वचर्षणी॒सहे᳚ | सस्नि॒र्यो,अ॑नु॒माद्यः॑ || 4 || त्वम्¦सो॒म॒¦नृ॒ऽमाद॑नः¦पव॑स्व¦च॒र्ष॒णि॒ऽसहे᳚ | सस्निः॑¦यः¦अ॒नु॒ऽमाद्यः॑ || |
| इन्दो॒यदद्रि॑भिःसु॒तः¦प॒वित्रं᳚परि॒धाव॑सि | अर॒मिन्द्र॑स्य॒धाम्ने᳚ || 5 || इन्दो॒ इति॑¦यत्¦अद्रि॑ऽभिः¦सु॒तः¦प॒वित्र᳚म्¦प॒रि॒ऽधाव॑सि | अर᳚म्¦इन्द्र॑स्य¦धाम्ने᳚ || |
| पव॑स्ववृत्रहन्तमो॒¦क्थेभि॑रनु॒माद्यः॑ | शुचिः॑पाव॒को,अद्भु॑तः || 6 || पव॑स्व¦वृ॒त्र॒ह॒न्ऽत॒म॒¦उ॒क्थेभिः॑¦अ॒नु॒ऽमाद्यः॑ | शुचिः॑¦पा॒व॒कः¦अद्भु॑तः || |
| शुचिः॑पाव॒कउ॑च्यते॒¦सोमः॑सु॒तस्य॒मध्वः॑ | दे॒वा॒वीर॑घशंस॒हा || 7 || शुचिः॑¦पा॒व॒कः¦उ॒च्य॒ते॒¦सोमः॑¦सु॒तस्य॑¦मध्वः॑ | दे॒व॒।आ॒वीः¦अ॒घ॒शं॒स॒ऽहा || |
| [25] पवस्वेति षडृचस्य सूक्तस्यागस्त्योदृळ्हच्युतः पवमान सोमोगायत्री |{मंडल:9, सूक्त:25}{अनुवाक:2, सूक्त:1}{अष्टक:6, अध्याय:8} |
| पव॑स्वदक्ष॒साध॑नो¦दे॒वेभ्यः॑पी॒तये᳚हरे | म॒रुद्भ्यो᳚वा॒यवे॒मदः॑ || 1 || वर्ग:15 पव॑स्व¦द॒क्ष॒ऽसाध॑नः¦दे॒वेभ्यः॑¦पी॒तये᳚¦ह॒रे॒ | म॒रुत्ऽभ्यः॑¦वा॒यवे᳚¦मदः॑ || |
| पव॑मानधि॒याहि॒तो॒३॑(ओ॒)¦ऽभियोनिं॒कनि॑क्रदत् | धर्म॑णावा॒युमावि॑श || 2 || पव॑मान¦धि॒या¦हि॒तः¦अ॒भि¦योनि᳚म्¦कनि॑क्रदत् | धर्म॑णा¦वा॒युम्¦आ¦वि॒श॒ || |
| संदे॒वैःशो᳚भते॒वृषा᳚¦क॒विर्योना॒वधि॑प्रि॒यः | वृ॒त्र॒हादे᳚व॒वीत॑मः || 3 || सम्¦दे॒वैः¦शो॒भ॒ते॒¦वृषा᳚¦क॒विः¦योनौ᳚¦अधि॑¦प्रि॒यः | वृ॒त्र॒ऽहा¦दे॒व॒ऽवीत॑मः || |
| विश्वा᳚रू॒पाण्या᳚वि॒शन्¦पु॑ना॒नोया᳚तिहर्य॒तः | यत्रा॒मृता᳚स॒आस॑ते || 4 || विश्वा᳚¦रू॒पाणि॑¦आ॒ऽवि॒शन्¦पु॒ना॒नः¦या॒ति॒¦ह॒र्य॒तः | यत्र॑¦अ॒मृता᳚सः¦आस॑ते || |
| अ॒रु॒षोज॒नय॒न्गिरः॒¦सोमः॑पवतआयु॒षक् | इन्द्रं॒गच्छ᳚न्क॒विक्र॑तुः || 5 || अ॒रु॒षः¦ज॒नय॑न्¦गिरः॑¦सोमः॑¦प॒व॒ते॒¦आ॒यु॒षक् | इन्द्र᳚म्¦गच्छ॑न्¦क॒विऽक्र॑तुः || |
| आप॑वस्वमदिन्तम¦प॒वित्रं॒धार॑याकवे | अ॒र्कस्य॒योनि॑मा॒सद᳚म् || 6 || आ¦प॒व॒स्व॒¦म॒दि॒न्ऽत॒म॒¦प॒वित्र᳚म्¦धार॑या¦क॒वे॒ | अ॒र्कस्य॑¦योनि᳚म्¦आ॒ऽसद᳚म् || |
| [26] तममृक्षंतेति षडृचस्य सूक्तस्य दार्डच्युतइध्मवाहः पवमान सोमोगायत्री |{मंडल:9, सूक्त:26}{अनुवाक:2, सूक्त:2}{अष्टक:6, अध्याय:8} |
| तम॑मृक्षन्तवा॒जिन॑¦मु॒पस्थे॒,अदि॑ते॒रधि॑ | विप्रा᳚सो॒,अण्व्या᳚धि॒या || 1 || वर्ग:16 तम्¦अ॒मृ॒क्ष॒न्त॒¦वा॒जिन᳚म्¦उ॒पऽस्थे᳚¦अदि॑तेः¦अधि॑ | विप्रा᳚सः¦अण्व्या᳚¦धि॒या || |
| तंगावो᳚,अ॒भ्य॑नूषत¦स॒हस्र॑धार॒मक्षि॑तम् | इन्दुं᳚ध॒र्तार॒मादि॒वः || 2 || तम्¦गावः॑¦अ॒भि¦अ॒नू॒ष॒त॒¦स॒हस्र॑ऽधारम्¦अक्षि॑तम् | इन्दु᳚म्¦ध॒र्तार᳚म्¦आ¦दि॒वः || |
| तंवे॒धांमे॒धया᳚ह्य॒न्¦पव॑मान॒मधि॒द्यवि॑ | ध॒र्ण॒सिंभूरि॑धायसम् || 3 || तम्¦वे॒धाम्¦मे॒धया᳚¦अ॒ह्य॒न्¦पव॑मानम्¦अधि॑¦द्यवि॑ | ध॒र्ण॒सिम्¦भूरि॑ऽधायसम् || |
| तम॑ह्यन्भु॒रिजो᳚र्धि॒या¦सं॒वसा᳚नंवि॒वस्व॑तः | पतिं᳚वा॒चो,अदा᳚भ्यम् || 4 || तम्¦अ॒ह्य॒न्¦भु॒रिजोः᳚¦धि॒या¦स॒म्ऽवसा᳚नम्¦वि॒वस्व॑तः | पति᳚म्¦वा॒चः¦अदा᳚भ्यम् || |
| तंसाना॒वधि॑जा॒मयो॒¦हरिं᳚हिन्व॒न्त्यद्रि॑भिः | ह॒र्य॒तंभूरि॑चक्षसम् || 5 || तम्¦सानौ᳚¦अधि॑¦जा॒मयः॑¦हरि᳚म्¦हि॒न्व॒न्ति॒¦अद्रि॑ऽभिः | ह॒र्य॒तम्¦भूरि॑ऽचक्षसम् || |
| तंत्वा᳚हिन्वन्तिवे॒धसः॒¦पव॑मानगिरा॒वृध᳚म् | इन्द॒विन्द्रा᳚यमत्स॒रम् || 6 || तम्¦त्वा॒¦हि॒न्व॒न्ति॒¦वे॒धसः॑¦पव॑मान¦गि॒रा॒ऽवृध᳚म् | इन्दो॒ इति॑¦इन्द्रा᳚य¦म॒त्स॒रम् || |
| [27] एषकविरिति षडृचस्य सूक्तस्यांगिरसो नृमेधः पवमान सोमो गायत्री |{मंडल:9, सूक्त:27}{अनुवाक:2, सूक्त:3}{अष्टक:6, अध्याय:8} |
| ए॒षक॒विर॒भिष्टु॑तः¦प॒वित्रे॒,अधि॑तोशते | पु॒ना॒नोघ्नन्नप॒स्रिधः॑ || 1 || वर्ग:17 ए॒षः¦क॒विः¦अ॒भिऽस्तु॑तः¦प॒वित्रे᳚¦अधि॑¦तो॒श॒ते॒ | पु॒ना॒नः¦घ्नन्¦अप॑¦स्रिधः॑ || |
| ए॒षइन्द्रा᳚यवा॒यवे᳚¦स्व॒र्जित्परि॑षिच्यते | प॒वित्रे᳚दक्ष॒साध॑नः || 2 || ए॒षः¦इन्द्रा᳚य¦वा॒यवे᳚¦स्वः॒ऽजित्¦परि॑¦सि॒च्य॒ते॒ | प॒वित्रे᳚¦द॒क्ष॒ऽसाध॑नः || |
| ए॒षनृभि॒र्विनी᳚यते¦दि॒वोमू॒र्धावृषा᳚सु॒तः | सोमो॒वने᳚षुविश्व॒वित् || 3 || ए॒षः¦नृऽभिः॑¦वि¦नी॒य॒ते॒¦दि॒वः¦मू॒र्धा¦वृषा᳚¦सु॒तः | सोमः॑¦वने᳚षु¦वि॒श्व॒ऽवित् || |
| ए॒षग॒व्युर॑चिक्रद॒त्¦पव॑मानोहिरण्य॒युः | इन्दुः॑सत्रा॒जिदस्तृ॑तः || 4 || ए॒षः¦ग॒व्युः¦अ॒चि॒क्र॒द॒त्¦पव॑मानः¦हि॒र॒ण्य॒ऽयुः | इन्दुः॑¦स॒त्रा॒ऽजित्¦अस्तृ॑तः || |
| ए॒षसूर्ये᳚णहासते॒¦पव॑मानो॒,अधि॒द्यवि॑ | प॒वित्रे᳚मत्स॒रोमदः॑ || 5 || ए॒षः¦सूर्ये᳚ण¦हा॒स॒ते॒¦पव॑मानः¦अधि॑¦द्यवि॑ | प॒वित्रे᳚¦म॒त्स॒रः¦मदः॑ || |
| ए॒षशु॒ष्म्य॑सिष्यद¦द॒न्तरि॑क्षे॒वृषा॒हरिः॑ | पु॒ना॒नइन्दु॒रिन्द्र॒मा || 6 || ए॒षः¦शु॒ष्मी¦अ॒सि॒स्य॒द॒त्¦अ॒न्तरि॑क्षे¦वृषा᳚¦हरिः॑ | पु॒ना॒नः¦इन्दुः॑¦इन्द्र᳚म्¦आ || |
| [28] एषवाजीति षडृचस्य सूक्तस्यांगिरसः प्रियमेधः पवमानसोमो गायत्री |{मंडल:9, सूक्त:28}{अनुवाक:2, सूक्त:4}{अष्टक:6, अध्याय:8} |
| ए॒षवा॒जीहि॒तोनृभि᳚¦र्विश्व॒विन्मन॑स॒स्पतिः॑ | अव्यो॒वारं॒विधा᳚वति || 1 || वर्ग:18 ए॒षः¦वा॒जी¦हि॒तः¦नृऽभिः॑¦वि॒श्व॒ऽवित्¦मन॑सः¦पतिः॑ | अव्यः॑¦वार᳚म्¦वि¦धा॒व॒ति॒ || |
| ए॒षप॒वित्रे᳚,अक्षर॒त्¦सोमो᳚दे॒वेभ्यः॑सु॒तः | विश्वा॒धामा᳚न्यावि॒शन् || 2 || ए॒षः¦प॒वित्रे᳚¦अ॒क्ष॒र॒त्¦सोमः॑¦दे॒वेभ्यः॑¦सु॒तः | विश्वा᳚¦धामा᳚नि¦आ॒ऽवि॒शन् || |
| ए॒षदे॒वःशु॑भाय॒ते¦ऽधि॒योना॒वम॑र्त्यः | वृ॒त्र॒हादे᳚व॒वीत॑मः || 3 || ए॒षः¦दे॒वः¦शु॒भा॒य॒ते॒¦अधि॑¦योनौ᳚¦अम॑र्त्यः | वृ॒त्र॒ऽहा¦दे॒व॒ऽवीत॑मः || |
| ए॒षवृषा॒कनि॑क्रदद्¦द॒शभि॑र्जा॒मिभि᳚र्य॒तः | अ॒भिद्रोणा᳚निधावति || 4 || ए॒षः¦वृषा᳚¦कनि॑क्रदत्¦द॒शऽभिः॑¦जा॒मिऽभिः॑¦य॒तः | अ॒भि¦द्रोणा᳚नि¦धा॒व॒ति॒ || |
| ए॒षसूर्य॑मरोचय॒त्¦पव॑मानो॒विच॑र्षणिः | विश्वा॒धामा᳚निविश्व॒वित् || 5 || ए॒षः¦सूर्य᳚म्¦अ॒रो॒च॒य॒त्¦पव॑मानः¦विऽच॑र्षणिः | विश्वा᳚¦धामा᳚नि¦वि॒श्व॒ऽवित् || |
| ए॒षशु॒ष्म्यदा᳚भ्यः॒¦सोमः॑पुना॒नो,अ॑र्षति | दे॒वा॒वीर॑घशंस॒हा || 6 || ए॒षः¦शु॒ष्मी¦अदा᳚भ्यः¦सोमः॑¦पु॒ना॒नः¦अ॒र्ष॒ति॒ | दे॒व॒।आ॒वीः¦अ॒घ॒शं॒स॒ऽहा || |
| [29] प्रास्यधाराइति षडृचस्य सूक्तस्यांगिरसोनृमेधः पवमान सोमो गायत्री{मंडल:9, सूक्त:29}{अनुवाक:2, सूक्त:5}{अष्टक:6, अध्याय:8} |
| प्रास्य॒धारा᳚,अक्षर॒न्¦वृष्णः॑सु॒तस्यौज॑सा | दे॒वाँ,अनु॑प्र॒भूष॑तः || 1 || वर्ग:19 प्र¦अ॒स्य॒¦धाराः᳚¦अ॒क्ष॒र॒न्¦वृष्णः॑¦सु॒तस्य॑¦ओज॑सा | दे॒वान्¦अनु॑¦प्र॒ऽभूष॑तः || |
| सप्तिं᳚मृजन्तिवे॒धसो᳚¦गृ॒णन्तः॑का॒रवो᳚गि॒रा | ज्योति॑र्जज्ञा॒नमु॒क्थ्य᳚म् || 2 || सप्ति᳚म्¦मृ॒ज॒न्ति॒¦वे॒धसः॑¦गृ॒णन्तः॑¦का॒रवः॑¦गि॒रा | ज्योतिः॑¦ज॒ज्ञा॒नम्¦उ॒क्थ्य᳚म् || |
| सु॒षहा᳚सोम॒तानि॑ते¦पुना॒नाय॑प्रभूवसो | वर्धा᳚समु॒द्रमु॒क्थ्य᳚म् || 3 || सु॒ऽसहा᳚¦सो॒म॒¦तानि॑¦ते॒¦पु॒ना॒नाय॑¦प्र॒भु॒व॒सो॒ इति॑ प्रभुऽवसो | वर्ध॑¦स॒मु॒द्रम्¦उ॒क्थ्य᳚म् || |
| विश्वा॒वसू᳚निसं॒जय॒न्¦पव॑स्वसोम॒धार॑या | इ॒नुद्वेषां᳚सिस॒ध्र्य॑क् || 4 || विश्वा᳚¦वसू᳚नि¦स॒म्ऽजय॑न्¦पव॑स्व¦सो॒म॒¦धार॑या | इ॒नु¦द्वेषां᳚सि¦स॒ध्र्य॑क् || |
| रक्षा॒सुनो॒,अर॑रुषः¦स्व॒नात्स॑मस्य॒कस्य॑चित् | नि॒दोयत्र॑मुमु॒च्महे᳚ || 5 || रक्ष॑¦सु¦नः॒¦अर॑रुषः¦स्व॒नात्¦स॒मस्य॑¦कस्य॑¦चि॒त् | नि॒दः¦यत्र॑¦मु॒मु॒च्महे᳚ || |
| एन्दो॒पार्थि॑वंर॒यिं¦दि॒व्यंप॑वस्व॒धार॑या | द्यु॒मन्तं॒शुष्म॒माभ॑र || 6 || आ¦इ॒न्दो॒ इति॑¦पार्थि॑वम्¦र॒यिम्¦दि॒व्यम्¦प॒व॒स्व॒¦धार॑या | द्यु॒ऽमन्त᳚म्¦शुष्म᳚म्¦आ¦भ॒र॒ || |
| [30] प्रधाराइति षडृचस्य सूक्तस्यांगिरसो बिंदुः पवमानसोमोगायत्री |{मंडल:9, सूक्त:30}{अनुवाक:2, सूक्त:6}{अष्टक:6, अध्याय:8} |
| प्रधारा᳚,अस्यशु॒ष्मिणो॒¦वृथा᳚प॒वित्रे᳚,अक्षरन् | पु॒ना॒नोवाच॑मिष्यति || 1 || वर्ग:20 प्र¦धाराः᳚¦अ॒स्य॒¦शु॒ष्मिणः॑¦वृथा᳚¦प॒वित्रे᳚¦अ॒क्ष॒र॒न् | पु॒ना॒नः¦वाच᳚म्¦इ॒ष्य॒ति॒ || |
| इन्दु᳚र्हिया॒नःसो॒तृभि᳚¦र्मृ॒ज्यमा᳚नः॒कनि॑क्रदत् | इय॑र्तिव॒ग्नुमि᳚न्द्रि॒यम् || 2 || इन्दुः॑¦हि॒या॒नः¦सो॒तृऽभिः॑¦मृ॒ज्यमा᳚नः¦कनि॑क्रदत् | इय॑र्ति¦व॒ग्नुम्¦इ॒न्द्रि॒यम् || |
| आनः॒शुष्मं᳚नृ॒षाह्यं᳚¦वी॒रव᳚न्तंपुरु॒स्पृह᳚म् | पव॑स्वसोम॒धार॑या || 3 || आ¦नः॒¦शुष्म᳚म्¦नृ॒ऽसह्य᳚म्¦वी॒रऽव᳚न्तम्¦पु॒रु॒ऽस्पृह᳚म् | पव॑स्व¦सो॒म॒¦धार॑या || |
| प्रसोमो॒,अति॒धार॑या॒¦पव॑मानो,असिष्यदत् | अ॒भिद्रोणा᳚न्या॒सद᳚म् || 4 || प्र¦सोमः॑¦अति॑¦धार॑या¦पव॑मानः¦अ॒सि॒स्य॒द॒त् | अ॒भि¦द्रोणा᳚नि¦आ॒ऽसद᳚म् || |
| अ॒प्सुत्वा॒मधु॑मत्तमं॒¦हरिं᳚हिन्व॒न्त्यद्रि॑भिः | इन्द॒विन्द्रा᳚यपी॒तये᳚ || 5 || अ॒प्ऽसु¦त्वा॒¦मधु॑मत्ऽतमम्¦हरि᳚म्¦हि॒न्व॒न्ति॒¦अद्रि॑ऽभिः | इन्दो॒ इति॑¦इन्द्रा᳚य¦पी॒तये᳚ || |
| सु॒नोता॒मधु॑मत्तमं॒¦सोम॒मिन्द्रा᳚यव॒ज्रिणे᳚ | चारुं॒शर्धा᳚यमत्स॒रम् || 6 || सु॒नोत॑¦मधु॑मत्ऽतमम्¦सोम᳚म्¦इन्द्रा᳚य¦व॒ज्रिणे᳚ | चारु᳚म्¦शर्धा᳚य¦म॒त्स॒रम् || |
| [31] प्रसोमासइति षडृचस्य सूक्तस्य राहूगणोगोतमःपवमान सोमोगायत्री |{मंडल:9, सूक्त:31}{अनुवाक:2, सूक्त:7}{अष्टक:6, अध्याय:8} |
| प्रसोमा᳚सःस्वा॒ध्य१॑(अः॒)¦पव॑मानासो,अक्रमुः | र॒यिंकृ᳚ण्वन्ति॒चेत॑नम् || 1 || वर्ग:21 प्र¦सोमा᳚सः¦सु॒ऽआ॒ध्यः॑¦पव॑मानासः¦अ॒क्र॒मुः॒ | र॒यिम्¦कृ॒ण्व॒न्ति॒¦चेत॑नम् || |
| दि॒वस्पृ॑थि॒व्या,अधि॒¦भवे᳚न्दोद्युम्न॒वर्ध॑नः | भवा॒वाजा᳚नां॒पतिः॑ || 2 || दि॒वः¦पृ॒थि॒व्याः¦अधि॑¦भव॑¦इ॒न्दो॒ इति॑¦द्यु॒म्न॒ऽवर्ध॑नः | भव॑¦वाजा᳚नाम्¦पतिः॑ || |
| तुभ्यं॒वाता᳚,अभि॒प्रिय॒¦स्तुभ्य॑मर्षन्ति॒सिन्ध॑वः | सोम॒वर्ध᳚न्तिते॒महः॑ || 3 || तुभ्य᳚म्¦वाताः᳚¦अ॒भि॒ऽप्रियः॑¦तुभ्य᳚म्¦अ॒र्ष॒न्ति॒¦सिन्ध॑वः | सोम॑¦वर्ध᳚न्ति¦ते॒¦महः॑ || |
| आप्या᳚यस्व॒समे᳚तुते¦वि॒श्वतः॑सोम॒वृष्ण्य᳚म् | भवा॒वाज॑स्यसंग॒थे || 4 || आ¦प्या॒य॒स्व॒¦सम्¦ए॒तु॒¦ते॒¦वि॒श्वतः॑¦सो॒म॒¦वृष्ण्य᳚म् | भव॑¦वाज॑स्य¦स॒म्ऽग॒थे || |
| तुभ्यं॒गावो᳚घृ॒तंपयो॒¦बभ्रो᳚दुदु॒ह्रे,अक्षि॑तम् | वर्षि॑ष्ठे॒,अधि॒सान॑वि || 5 || तुभ्य᳚म्¦गावः॑¦घृ॒तम्¦पयः॑¦बभ्रो॒ इति॑¦दु॒दु॒ह्रे¦अक्षि॑तम् | वर्षि॑ष्ठे¦अधि॑¦सान॑वि || |
| स्वा॒यु॒धस्य॑तेस॒तो¦भुव॑नस्यपतेव॒यम् | इन्दो᳚सखि॒त्वमु॑श्मसि || 6 || सु॒ऽआ॒यु॒धस्य॑¦ते॒¦स॒तः¦भुव॑नस्य¦प॒ते॒¦व॒यम् | इन्दो॒ इति॑¦स॒खि॒ऽत्वम्¦उ॒श्म॒सि॒ || |
| [32] प्रसोमासइति षडृचस्य सूक्तस्यात्रेयः श्यावाश्वः पवमान सोमो गायत्री {मंडल:9, सूक्त:32}{अनुवाक:2, सूक्त:8}{अष्टक:6, अध्याय:8} |
| प्रसोमा᳚सोमद॒च्युतः॒¦श्रव॑सेनोम॒घोनः॑ | सु॒तावि॒दथे᳚,अक्रमुः || 1 || वर्ग:22 प्र¦सोमा᳚सः¦म॒द॒ऽच्युतः॑¦श्रव॑से¦नः॒¦म॒घोनः॑ | सु॒ताः¦वि॒दथे᳚¦अ॒क्र॒मुः॒ || |
| आदीं᳚त्रि॒तस्य॒योष॑णो॒¦हरिं᳚हिन्व॒न्त्यद्रि॑भिः | इन्दु॒मिन्द्रा᳚यपी॒तये᳚ || 2 || आत्¦ई॒म्¦त्रि॒तस्य॑¦योष॑णः¦हरि᳚म्¦हि॒न्व॒न्ति॒¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| आदीं᳚हं॒सोयथा᳚ग॒णं¦विश्व॑स्यावीवशन्म॒तिम् | अत्यो॒नगोभि॑रज्यते || 3 || आत्¦ई॒म्¦हं॒सः¦यथा᳚¦ग॒णम्¦विश्व॑स्य¦अ॒वी॒व॒श॒त्¦म॒तिम् | अत्यः॑¦न¦गोभिः॑¦अ॒ज्य॒ते॒ || |
| उ॒भेसो᳚माव॒चाक॑शन्¦मृ॒गोनत॒क्तो,अ॑र्षसि | सीद᳚न्नृ॒तस्य॒योनि॒मा || 4 || उ॒भे इति॑¦सो॒म॒¦अ॒व॒ऽचाक॑शत्¦मृ॒गः¦न¦त॒क्तः¦अ॒र्ष॒सि॒ | सीद॑न्¦ऋ॒तस्य॑¦योनि᳚म्¦आ || |
| अ॒भिगावो᳚,अनूषत॒¦योषा᳚जा॒रमि॑वप्रि॒यम् | अग᳚न्ना॒जिंयथा᳚हि॒तम् || 5 || अ॒भि¦गावः॑¦अ॒नू॒ष॒त॒¦योषा᳚¦जा॒रम्ऽइ᳚व¦प्रि॒यम् | अग॑न्¦आ॒जिम्¦यथा᳚¦हि॒तम् || |
| अ॒स्मेधे᳚हिद्यु॒मद्यशो᳚¦म॒घव॑द्भ्यश्च॒मह्यं᳚च | स॒निंमे॒धामु॒तश्रवः॑ || 6 || अ॒स्मे इति॑¦धे॒हि॒¦द्यु॒ऽमत्¦यशः॑¦म॒घव॑त्ऽभ्यः¦च॒¦मह्य᳚म्¦च॒ | स॒निम्¦मे॒धाम्¦उ॒त¦श्रवः॑ || |
| [33] प्रसोमासइति षडृचस्य सूक्तस्याप्त्यस्त्रितः पवमान सोमोगायत्री |{मंडल:9, सूक्त:33}{अनुवाक:2, सूक्त:9}{अष्टक:6, अध्याय:8} |
| प्रसोमा᳚सोविप॒श्चितो॒¦ऽपांनय᳚न्त्यू॒र्मयः॑ | वना᳚निमहि॒षा,इ॑व || 1 || वर्ग:23 प्र¦सोमा᳚सः¦वि॒पः॒ऽचितः॑¦अ॒पाम्¦न¦य॒न्ति॒¦ऊ॒र्मयः॑ | वना᳚नि¦म॒हि॒षाःऽइ᳚व || |
| अ॒भिद्रोणा᳚निब॒भ्रवः॑¦शु॒क्रा,ऋ॒तस्य॒धार॑या | वाजं॒गोम᳚न्तमक्षरन् || 2 || अ॒भि¦द्रोणा᳚नि¦ब॒भ्रवः॑¦शु॒क्राः¦ऋ॒तस्य॑¦धार॑या | वाज᳚म्¦गोऽम᳚न्तम्¦अ॒क्ष॒र॒न् || |
| सु॒ता,इन्द्रा᳚यवा॒यवे॒¦वरु॑णायम॒रुद्भ्यः॑ | सोमा᳚,अर्षन्ति॒विष्ण॑वे || 3 || सु॒ताः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमाः᳚¦अ॒र्ष॒न्ति॒¦विष्ण॑वे || |
| ति॒स्रोवाच॒उदी᳚रते॒¦गावो᳚मिमन्तिधे॒नवः॑ | हरि॑रेति॒कनि॑क्रदत् || 4 || ति॒स्रः¦वाचः॑¦उत्¦ई॒र॒ते॒¦गावः॑¦मि॒म॒न्ति॒¦धे॒नवः॑ | हरिः॑¦ए॒ति॒¦कनि॑क्रदत् || |
| अ॒भिब्रह्मी᳚रनूषत¦य॒ह्वीरृ॒तस्य॑मा॒तरः॑ | म॒र्मृ॒ज्यन्ते᳚दि॒वःशिशु᳚म् || 5 || अ॒भि¦ब्रह्मीः᳚¦अ॒नू॒ष॒त॒¦य॒ह्वीः¦ऋ॒तस्य॑¦मा॒तरः॑ | म॒र्मृ॒ज्यन्ते᳚¦दि॒वः¦शिशु᳚म् || |
| रा॒यःस॑मु॒द्राँश्च॒तुरो॒¦ऽस्मभ्यं᳚सोमवि॒श्वतः॑ | आप॑वस्वसह॒स्रिणः॑ || 6 || रा॒यः¦स॒मु॒द्रान्¦च॒तुरः॑¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिणः॑ || |
| [34] प्रसुवानइति षडृचस्य सूक्तस्याप्त्यस्त्रितः पवमान सोमोगायत्री |{मंडल:9, सूक्त:34}{अनुवाक:2, सूक्त:10}{अष्टक:6, अध्याय:8} |
| प्रसु॑वा॒नोधार॑या॒तनेन्¦दु᳚र्हिन्वा॒नो,अ॑र्षति | रु॒जद्दृ॒ळ्हाव्योज॑सा || 1 || वर्ग:24 प्र¦सु॒वा॒नः¦धार॑या¦तना᳚¦इन्दुः॑¦हि॒न्वा॒नः¦अ॒र्ष॒ति॒ | रु॒जत्¦दृ॒ळ्हा¦वि¦ओज॑सा || |
| सु॒तइन्द्रा᳚यवा॒यवे॒¦वरु॑णायम॒रुद्भ्यः॑ | सोमो᳚,अर्षति॒विष्ण॑वे || 2 || सु॒तः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमः॑¦अ॒र्ष॒ति॒¦विष्ण॑वे || |
| वृषा᳚णं॒वृष॑भिर्य॒तं¦सु॒न्वन्ति॒सोम॒मद्रि॑भिः | दु॒हन्ति॒शक्म॑ना॒पयः॑ || 3 || वृषा᳚णम्¦वृष॑ऽभिः¦य॒तम्¦सु॒न्वन्ति॑¦सोम᳚म्¦अद्रि॑ऽभिः | दु॒हन्ति॑¦शक्म॑ना¦पयः॑ || |
| भुव॑त्त्रि॒तस्य॒मर्ज्यो॒¦भुव॒दिन्द्रा᳚यमत्स॒रः | संरू॒पैर॑ज्यते॒¦हरिः॑ || 4 || भुव॑त्¦त्रि॒तस्य॑¦मर्ज्यः॑¦भुव॑त्¦इन्द्रा᳚य¦म॒त्स॒रः | सम्¦रू॒पैः¦अ॒ज्य॒ते॒¦हरिः॑ || |
| अ॒भीमृ॒तस्य॑वि॒ष्टपं᳚¦दुह॒तेपृश्नि॑मातरः | चारु॑प्रि॒यत॑मंह॒विः || 5 || अ॒भि¦ई॒म्¦ऋ॒तस्य॑¦वि॒ष्टप᳚म्¦दु॒ह॒ते¦पृश्नि॑ऽमातरः | चारु॑¦प्रि॒यऽत॑मम्¦ह॒विः || |
| समे᳚न॒मह्रु॑ता,इ॒मा¦गिरो᳚,अर्षन्तिस॒स्रुतः॑ | धे॒नूर्वा॒श्रो,अ॑वीवशत् || 6 || सम्¦ए॒न॒म्¦अह्रु॑ताः¦इ॒माः¦गिरः॑¦अ॒र्ष॒न्ति॒¦स॒ऽस्रुतः॑ | धे॒नूः¦वा॒श्रः¦अ॒वी॒व॒श॒त् || |
| [35] आनःपवस्वेति षडृचस्य सूक्तस्यांगिरसःप्रभूवसुः पवमानसोमोगायत्री | {मंडल:9, सूक्त:35}{अनुवाक:2, सूक्त:11}{अष्टक:6, अध्याय:8} |
| आनः॑पवस्व॒धार॑या॒¦पव॑मानर॒यिंपृ॒थुम् | यया॒ज्योति᳚र्वि॒दासि॑नः || 1 || वर्ग:25 आ¦नः॒¦प॒व॒स्व॒¦धार॑या¦पव॑मान¦र॒यिम्¦पृ॒थुम् | यया᳚¦ज्योतिः॑¦वि॒दासि॑¦नः॒ || |
| इन्दो᳚समुद्रमीङ्खय॒¦पव॑स्वविश्वमेजय | रा॒योध॒र्तान॒ओज॑सा || 2 || इन्दो॒ इति॑¦स॒मु॒द्र॒म्ऽई॒ङ्ख॒य॒¦पव॑स्व¦वि॒श्व॒म्ऽए॒ज॒य॒ | रा॒यः¦ध॒र्ता¦नः॒¦ओज॑सा || |
| त्वया᳚वी॒रेण॑वीरवो॒¦ऽभिष्या᳚मपृतन्य॒तः | क्षरा᳚णो,अ॒भिवार्य᳚म् || 3 || त्वया᳚¦वी॒रेण॑¦वी॒र॒ऽवः॒¦अ॒भि¦स्या॒म॒¦पृ॒त॒न्य॒तः | क्षर॑¦नः॒¦अ॒भि¦वार्य᳚म् || |
| प्रवाज॒मिन्दु॑रिष्यति॒¦सिषा᳚सन्वाज॒सा,ऋषिः॑ | व्र॒तावि॑दा॒नआयु॑धा || 4 || प्र¦वाज᳚म्¦इन्दुः॑¦इ॒ष्य॒ति॒¦सिसा᳚सन्¦वा॒ज॒ऽसाः¦ऋषिः॑ | व्र॒ता¦वि॒दा॒नः¦आयु॑धा || |
| तंगी॒र्भिर्वा᳚चमीङ्ख॒यं¦पु॑ना॒नंवा᳚सयामसि | सोमं॒जन॑स्य॒गोप॑तिम् || 5 || तम्¦गीः॒ऽभिः¦वा॒च॒म्ऽई॒ङ्ख॒यम्¦पु॒ना॒नम्¦वा॒स॒या॒म॒सि॒ | सोम᳚म्¦जन॑स्य¦गोऽप॑तिम् || |
| विश्वो॒यस्य᳚व्र॒तेजनो᳚¦दा॒धार॒धर्म॑ण॒स्पतेः᳚ | पु॒ना॒नस्य॑प्र॒भूव॑सोः || 6 || विश्वः॑¦यस्य॑¦व्र॒ते¦जनः॑¦दा॒धार॑¦धर्म॑णः¦पतेः᳚ | पु॒ना॒नस्य॑¦प्र॒भुऽव॑सोः || |
| [36] असर्जीति षडृचस्य सूक्तस्यांगिरसः प्रभूवसुः पवमानसोमोगायत्री |{मंडल:9, सूक्त:36}{अनुवाक:2, सूक्त:12}{अष्टक:6, अध्याय:8} |
| अस॑र्जि॒रथ्यो᳚यथा¦प॒वित्रे᳚च॒म्वोः᳚सु॒तः | कार्ष्म᳚न्वा॒जीन्य॑क्रमीत् || 1 || वर्ग:26 अस॑र्जि¦रथ्यः॑¦य॒था॒¦प॒वित्रे᳚¦च॒म्वोः᳚¦सु॒तः | कार्ष्म॑न्¦वा॒जी¦नि¦अ॒क्र॒मी॒त् || |
| सवह्निः॑सोम॒जागृ॑विः॒¦पव॑स्वदेव॒वीरति॑ | अ॒भिकोशं᳚मधु॒श्चुत᳚म् || 2 || सः¦वह्निः॑¦सो॒म॒¦जागृ॑विः¦पव॑स्व¦दे॒व॒ऽवीः¦अति॑ | अ॒भि¦कोश᳚म्¦म॒धु॒ऽश्चुत᳚म् || |
| सनो॒ज्योतीं᳚षिपूर्व्य॒¦पव॑मान॒विरो᳚चय | क्रत्वे॒दक्षा᳚यनोहिनु || 3 || सः¦नः॒¦ज्योतीं᳚षि¦पू॒र्व्य॒¦पव॑मान¦वि¦रो॒च॒य॒ | क्रत्वे᳚¦दक्षा᳚य¦नः॒¦हि॒नु॒ || |
| शु॒म्भमा᳚नऋता॒युभि᳚¦र्मृ॒ज्यमा᳚नो॒गभ॑स्त्योः | पव॑ते॒वारे᳚,अ॒व्यये᳚ || 4 || शु॒म्भमा᳚नः¦ऋ॒त॒युऽभिः॑¦मृ॒ज्यमा᳚नः¦गभ॑स्त्योः | पव॑ते¦वारे᳚¦अ॒व्यये᳚ || |
| सविश्वा᳚दा॒शुषे॒वसु॒¦सोमो᳚दि॒व्यानि॒पार्थि॑वा | पव॑ता॒मान्तरि॑क्ष्या || 5 || सः¦विश्वा᳚¦दा॒शुषे᳚¦वसु॑¦सोमः॑¦दि॒व्यानि॑¦पार्थि॑वा | पव॑ताम्¦आ¦अ॒न्तरि॑क्ष्या || |
| आदि॒वस्पृ॒ष्ठम॑श्व॒यु¦र्ग᳚व्य॒युःसो᳚मरोहसि | वी॒र॒युःश॑वसस्पते || 6 || आ¦दि॒वः¦पृ॒ष्ठम्¦अ॒श्व॒ऽयुः¦ग॒व्य॒ऽयुः¦सो॒म॒¦रो॒ह॒सि॒ | वी॒र॒ऽयुः¦श॒व॒सः॒¦प॒ते॒ || |
| [37] ससुतइति षडृचस्यसूक्तस्यांगिरसोरहूगणः पवमान सोमो गायत्री |{मंडल:9, सूक्त:37}{अनुवाक:2, सूक्त:13}{अष्टक:6, अध्याय:8} |
| ससु॒तःपी॒तये॒वृषा॒¦सोमः॑प॒वित्रे᳚,अर्षति | वि॒घ्नन्रक्षां᳚सिदेव॒युः || 1 || वर्ग:27 सः¦सु॒तः¦पी॒तये᳚¦वृषा᳚¦सोमः॑¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| सप॒वित्रे᳚विचक्ष॒णो¦हरि॑रर्षतिधर्ण॒सिः | अ॒भियोनिं॒कनि॑क्रदत् || 2 || सः¦प॒वित्रे᳚¦वि॒ऽच॒क्ष॒णः¦हरिः॑¦अ॒र्ष॒ति॒¦ध॒र्ण॒सिः | अ॒भि¦योनि᳚म्¦कनि॑क्रदत् || |
| सवा॒जीरो᳚च॒नादि॒वः¦पव॑मानो॒विधा᳚वति | र॒क्षो॒हावार॑म॒व्यय᳚म् || 3 || सः¦वा॒जी¦रो॒च॒ना¦दि॒वः¦पव॑मानः¦वि¦धा॒व॒ति॒ | र॒क्षः॒ऽहा¦वार᳚म्¦अ॒व्यय᳚म् || |
| सत्रि॒तस्याधि॒सान॑वि॒¦पव॑मानो,अरोचयत् | जा॒मिभिः॒सूर्यं᳚स॒ह || 4 || सः¦त्रि॒तस्य॑¦अधि॑¦सान॑वि¦पव॑मानः¦अ॒रो॒च॒य॒त् | जा॒मिऽभिः॑¦सूर्य᳚म्¦स॒ह || |
| सवृ॑त्र॒हावृषा᳚सु॒तो¦व॑रिवो॒विददा᳚भ्यः | सोमो॒वाज॑मिवासरत् || 5 || सः¦वृ॒त्र॒ऽहा¦वृषा᳚¦सु॒तः¦व॒रि॒वः॒ऽवित्¦अदा᳚भ्यः | सोमः॑¦वाज᳚म्ऽइव¦अ॒स॒र॒त् || |
| सदे॒वःक॒विने᳚षि॒तो॒३॑(ओ॒)¦ऽभिद्रोणा᳚निधावति | इन्दु॒रिन्द्रा᳚यमं॒हना᳚ || 6 || सः¦दे॒वः¦क॒विना᳚¦इ॒षि॒तः¦अ॒भि¦द्रोणा᳚नि¦धा॒व॒ति॒ | इन्दुः॑¦इन्द्रा᳚य¦मं॒हना᳚ || |
| [38] एषउस्यइति षडृचस्य सूक्तस्यांगिरसोरहूगणः पवमान सोमोगायत्री |{मंडल:9, सूक्त:38}{अनुवाक:2, सूक्त:14}{अष्टक:6, अध्याय:8} |
| ए॒षउ॒स्यवृषा॒रथो¦ऽव्यो॒वारे᳚भिरर्षति | गच्छ॒न्वाजं᳚सह॒स्रिण᳚म् || 1 || वर्ग:28 ए॒षः¦ऊँ॒ इति॑¦स्यः¦वृषा᳚¦रथः॑¦अव्यः॑¦वारे᳚भिः¦अ॒र्ष॒ति॒ | गच्छ॑न्¦वाज᳚म्¦स॒ह॒स्रिण᳚म् || |
| ए॒तंत्रि॒तस्य॒योष॑णो॒¦हरिं᳚हिन्व॒न्त्यद्रि॑भिः | इन्दु॒मिन्द्रा᳚यपी॒तये᳚ || 2 || ए॒तम्¦त्रि॒तस्य॑¦योष॑णः¦हरि᳚म्¦हि॒न्व॒न्ति॒¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| ए॒तंत्यंह॒रितो॒दश॑¦मर्मृ॒ज्यन्ते᳚,अप॒स्युवः॑ | याभि॒र्मदा᳚य॒शुम्भ॑ते || 3 || ए॒तम्¦त्यम्¦ह॒रितः॑¦दश॑¦म॒र्मृ॒ज्यन्ते᳚¦अ॒प॒स्युवः॑ | याभिः॑¦मदा᳚य¦शुम्भ॑ते || |
| ए॒षस्यमानु॑षी॒ष्वा¦श्ये॒नोनवि॒क्षुसी᳚दति | गच्छ᳚ञ्जा॒रोनयो॒षित᳚म् || 4 || ए॒षः¦स्यः¦मानु॑षीषु¦आ¦श्ये॒नः¦न¦वि॒क्षु¦सी॒द॒ति॒ | गच्छ॑न्¦जा॒रः¦न¦यो॒षित᳚म् || |
| ए॒षस्यमद्यो॒रसो¦ऽव॑चष्टेदि॒वःशिशुः॑ | यइन्दु॒र्वार॒मावि॑शत् || 5 || ए॒षः¦स्यः¦मद्यः॑¦रसः॑¦अव॑¦च॒ष्टे॒¦दि॒वः¦शिशुः॑ | यः¦इन्दुः॑¦वार᳚म्¦आ¦अवि॑शत् || |
| ए॒षस्यपी॒तये᳚सु॒तो¦हरि॑रर्षतिधर्ण॒सिः | क्रन्द॒न्योनि॑म॒भिप्रि॒यम् || 6 || ए॒षः¦स्यः¦पी॒तये᳚¦सु॒तः¦हरिः॑¦अ॒र्ष॒ति॒¦ध॒र्ण॒सिः | क्रन्द॑न्¦योनि᳚म्¦अ॒भि¦प्रि॒यम् || |
| [39] आशुरर्षेति षडृचस्य सूक्तस्यांगिरसो बृहन्मतिः पवमानसोमोगायत्री |{मंडल:9, सूक्त:39}{अनुवाक:2, सूक्त:15}{अष्टक:6, अध्याय:8} |
| आ॒शुर॑र्षबृहन्मते॒¦परि॑प्रि॒येण॒धाम्ना᳚ | यत्र॑दे॒वा,इति॒ब्रव॑न् || 1 || वर्ग:29 आ॒शुः¦अ॒र्ष॒¦बृ॒ह॒त्ऽम॒ते॒¦परि॑¦प्रि॒येण॑¦धाम्ना᳚ | यत्र॑¦दे॒वाः¦इति॑¦ब्रव॑न् || |
| प॒रि॒ष्कृ॒ण्वन्ननि॑ष्कृतं॒¦जना᳚यया॒तय॒न्निषः॑ | वृ॒ष्टिंदि॒वःपरि॑स्रव || 2 || प॒रि॒ऽकृ॒ण्वन्¦अनिः॑ऽकृतम्¦जना᳚य¦या॒तय॑न्¦इषः॑ | वृ॒ष्टिम्¦दि॒वः¦परि॑¦स्र॒व॒ || |
| सु॒तए᳚तिप॒वित्र॒आ¦त्विषिं॒दधा᳚न॒ओज॑सा | वि॒चक्षा᳚णोविरो॒चय॑न् || 3 || सु॒तः¦ए॒ति॒¦प॒वित्रे᳚¦आ¦त्विषि᳚म्¦दधा᳚नः¦ओज॑सा | वि॒ऽचक्षा᳚णः¦वि॒ऽरो॒चय॑न् || |
| अ॒यंसयोदि॒वस्परि॑¦रघु॒यामा᳚प॒वित्र॒आ | सिन्धो᳚रू॒र्माव्यक्ष॑रत् || 4 || अ॒यम्¦सः¦यः¦दि॒वः¦परि॑¦र॒घु॒ऽयामा᳚¦प॒वित्रे᳚¦आ | सिन्धोः᳚¦ऊ॒र्मा¦वि¦अक्ष॑रत् || |
| आ॒विवा᳚सन्परा॒वतो॒,¦अथो᳚,अर्वा॒वतः॑सु॒तः | इन्द्रा᳚यसिच्यते॒मधु॑ || 5 || आ॒ऽविवा᳚सन्¦प॒रा॒ऽवतः॑¦अथो॒ इति॑¦अ॒र्वा॒ऽवतः॑¦सु॒तः | इन्द्रा᳚य¦सि॒च्य॒ते॒¦मधु॑ || |
| स॒मी॒ची॒ना,अ॑नूषत॒¦हरिं᳚हिन्व॒न्त्यद्रि॑भिः | योना᳚वृ॒तस्य॑सीदत || 6 || स॒म्ऽई॒ची॒नाः¦अ॒नू॒ष॒त॒¦हरि᳚म्¦हि॒न्व॒न्ति॒¦अद्रि॑ऽभिः | योनौ᳚¦ऋ॒तस्य॑¦सी॒द॒त॒ || |
| [40] पुनानइति षडृचस्य सूक्तस्यांगिरसो बृहन्मतिः पवमानसोमोगायत्री |{मंडल:9, सूक्त:40}{अनुवाक:2, सूक्त:16}{अष्टक:6, अध्याय:8} |
| पु॒ना॒नो,अ॑क्रमीद॒भि¦विश्वा॒मृधो॒विच॑र्षणिः | शु॒म्भन्ति॒विप्रं᳚धी॒तिभिः॑ || 1 || वर्ग:30 पु॒ना॒नः¦अ॒क्र॒मी॒त्¦अ॒भि¦विश्वाः᳚¦मृधः॑¦विऽच॑र्षणिः | शु॒म्भन्ति॑¦विप्र᳚म्¦धी॒तिऽभिः॑ || |
| आयोनि॑मरु॒णोरु॑ह॒द्¦गम॒दिन्द्रं॒वृषा᳚सु॒तः | ध्रु॒वेसद॑सिसीदति || 2 || आ¦योनि᳚म्¦अ॒रु॒णः¦रु॒ह॒त्¦गम॑त्¦इन्द्र᳚म्¦वृषा᳚¦सु॒तः | ध्रु॒वे¦सद॑सि¦सी॒द॒ति॒ || |
| नूनो᳚र॒यिंम॒हामि᳚न्दो॒¦ऽस्मभ्यं᳚सोमवि॒श्वतः॑ | आप॑वस्वसह॒स्रिण᳚म् || 3 || नु¦नः॒¦र॒यिम्¦म॒हाम्¦इ॒न्दो॒ इति॑¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिण᳚म् || |
| विश्वा᳚सोमपवमान¦द्यु॒म्नानी᳚न्द॒वाभ॑र | वि॒दाःस॑ह॒स्रिणी॒रिषः॑ || 4 || विश्वा᳚¦सो॒म॒¦प॒व॒मा॒न॒¦द्यु॒म्नानि॑¦इ॒न्दो॒ इति॑¦आ¦भ॒र॒ | वि॒दाः¦स॒ह॒स्रिणीः᳚¦इषः॑ || |
| सनः॑पुना॒नआभ॑र¦र॒यिंस्तो॒त्रेसु॒वीर्य᳚म् | ज॒रि॒तुर्व॑र्धया॒गिरः॑ || 5 || सः¦नः॒¦पु॒ना॒नः¦आ¦भ॒र॒¦र॒यिम्¦स्तो॒त्रे¦सु॒ऽवीर्य᳚म् | ज॒रि॒तुः¦व॒र्ध॒य॒¦गिरः॑ || |
| पु॒ना॒नइ᳚न्द॒वाभ॑र॒¦सोम॑द्वि॒बर्ह॑संर॒यिम् | वृष᳚न्निन्दोनउ॒क्थ्य᳚म् || 6 || पु॒ना॒नः¦इ॒न्दो॒ इति॑¦आ¦भ॒र॒¦सोम॑¦द्वि॒ऽबर्ह॑सम्¦र॒यिम् | वृष॑न्¦इ॒न्दो॒ इति॑¦नः॒¦उ॒क्थ्य᳚म् || |
| [41] प्रयेगावइतिषडृचस्य सूक्तस्यकाण्वोमेध्यातिथिः पवमानसोमो गायत्री |{मंडल:9, सूक्त:41}{अनुवाक:2, सूक्त:17}{अष्टक:6, अध्याय:8} |
| प्रयेगावो॒नभूर्ण॑य¦स्त्वे॒षा,अ॒यासो॒,अक्र॑मुः | घ्नन्तः॑कृ॒ष्णामप॒त्वच᳚म् || 1 || वर्ग:31 प्र¦ये¦गावः॑¦न¦भूर्ण॑यः¦त्वे॒षाः¦अ॒यासः॑¦अक्र॑मुः | घ्नन्तः॑¦कृ॒ष्णाम्¦अप॑¦त्वच᳚म् || |
| सु॒वि॒तस्य॑मनाम॒हे¦ऽति॒सेतुं᳚दुरा॒व्य᳚म् | सा॒ह्वांसो॒दस्यु॑मव्र॒तम् || 2 || सु॒वि॒तस्य॑¦म॒ना॒म॒हे॒¦अति॑¦सेतु᳚म्¦दुः॒ऽआ॒व्य᳚म् | स॒ह्वांसः॑¦दस्यु᳚म्¦अ॒व्र॒तम् || |
| शृ॒ण्वेवृ॒ष्टेरि॑वस्व॒नः¦पव॑मानस्यशु॒ष्मिणः॑ | चर᳚न्तिवि॒द्युतो᳚दि॒वि || 3 || शृ॒ण्वे¦वृ॒ष्टेःऽइ᳚व¦स्व॒नः¦पव॑मानस्य¦शु॒ष्मिणः॑ | चर᳚न्ति¦वि॒ऽद्युतः॑¦दि॒वि || |
| आप॑वस्वम॒हीमिषं॒¦गोम॑दिन्दो॒हिर᳚ण्यवत् | अश्वा᳚व॒द्वाज॑वत्सु॒तः || 4 || आ¦प॒व॒स्व॒¦म॒हीम्¦इष᳚म्¦गोऽम॑त्¦इ॒न्दो॒ इति॑¦हिर᳚ण्यऽवत् | अश्व॑ऽवत्¦वाज॑ऽवत्¦सु॒तः || |
| सप॑वस्वविचर्षण॒¦आम॒हीरोद॑सीपृण | उ॒षाःसूर्यो॒नर॒श्मिभिः॑ || 5 || सः¦प॒व॒स्व॒¦वि॒ऽच॒र्ष॒णे॒¦आ¦मा॒ही इति॑¦रोद॑सी॒ इति॑¦पृ॒ण॒ | उ॒षाः¦सूर्यः॑¦न¦र॒श्मिऽभिः॑ || |
| परि॑णःशर्म॒यन्त्या॒¦धार॑यासोमवि॒श्वतः॑ | सरा᳚र॒सेव॑वि॒ष्टप᳚म् || 6 || परि॑¦नः॒¦श॒र्म॒ऽयन्त्या᳚¦धार॑या¦सो॒म॒¦वि॒श्वतः॑ | सर॑¦र॒साऽइ᳚व¦वि॒ष्टप᳚म् || |
| [42] जनयन्नितिषडृचस्य सूक्तस्यकाण्वोमेध्यातिथिः पवमानसोमो गायत्री |{मंडल:9, सूक्त:42}{अनुवाक:2, सूक्त:18}{अष्टक:6, अध्याय:8} |
| ज॒नय᳚न्रोच॒नादि॒वो¦ज॒नय᳚न्न॒प्सुसूर्य᳚म् | वसा᳚नो॒गा,अ॒पोहरिः॑ || 1 || वर्ग:32 ज॒नय॑न्¦रो॒च॒ना¦दि॒वः¦ज॒नय॑न्¦अ॒प्ऽसु¦सूर्य᳚म् | वसा᳚नः¦गाः¦अ॒पः¦हरिः॑ || |
| ए॒षप्र॒त्नेन॒मन्म॑ना¦दे॒वोदे॒वेभ्य॒स्परि॑ | धार॑यापवतेसु॒तः || 2 || ए॒षः¦प्र॒त्नेन॑¦मन्म॑ना¦दे॒वः¦दे॒वेभ्यः॑¦परि॑ | धार॑या¦प॒व॒ते॒¦सु॒तः || |
| वा॒वृ॒धा॒नाय॒तूर्व॑ये॒¦पव᳚न्ते॒वाज॑सातये | सोमाः᳚स॒हस्र॑पाजसः || 3 || व॒वृ॒धा॒नाय॑¦तूर्व॑ये¦पव᳚न्ते¦वाज॑ऽसातये | सोमाः᳚¦स॒हस्र॑ऽपाजसः || |
| दु॒हा॒नःप्र॒त्नमित्पयः॑¦प॒वित्रे॒परि॑षिच्यते | क्रन्द᳚न्दे॒वाँ,अ॑जीजनत् || 4 || दु॒हा॒नः¦प्र॒त्नम्¦इत्¦पयः॑¦प॒वित्रे᳚¦परि॑¦सि॒च्य॒ते॒ | क्रन्द॑न्¦दे॒वान्¦अ॒जी॒ज॒न॒त् || |
| अ॒भिविश्वा᳚नि॒वार्या॒¦भिदे॒वाँ,ऋ॑ता॒वृधः॑ | सोमः॑पुना॒नो,अ॑र्षति || 5 || अ॒भि¦विश्वा᳚नि¦वार्या᳚¦अ॒भि¦दे॒वान्¦ऋ॒त॒ऽवृधः॑ | सोमः॑¦पु॒ना॒नः¦अ॒र्ष॒ति॒ || |
| गोम᳚न्नःसोमवी॒रव॒¦दश्वा᳚व॒द्वाज॑वत्सु॒तः | पव॑स्वबृह॒तीरिषः॑ || 6 || गोऽम॑त्¦नः॒¦सो॒म॒¦वी॒रऽव॑त्¦अश्व॑ऽवत्¦वाज॑ऽवत्¦सु॒तः | पव॑स्व¦बृ॒ह॒तीः¦इषः॑ || |
| [43] योअत्यइवेतिषडृचस्य सूक्तस्यकाण्वोमेध्यातिथिः पवमानसोमो गायत्री |{मंडल:9, सूक्त:43}{अनुवाक:2, सूक्त:19}{अष्टक:6, अध्याय:8} |
| यो,अत्य॑इवमृ॒ज्यते॒¦गोभि॒र्मदा᳚यहर्य॒तः | तंगी॒र्भिर्वा᳚सयामसि || 1 || वर्ग:33 यः¦अत्यः॑ऽइव¦मृ॒ज्यते᳚¦गोभिः॑¦मदा᳚य¦ह॒र्य॒तः | तम्¦गीः॒ऽभिः¦वा॒स॒या॒म॒सि॒ || |
| तंनो॒विश्वा᳚,अव॒स्युवो॒¦गिरः॑शुम्भन्तिपू॒र्वथा᳚ | इन्दु॒मिन्द्रा᳚यपी॒तये᳚ || 2 || तम्¦नः॒¦विश्वाः᳚¦अ॒व॒स्युवः॑¦गिरः॑¦शु॒म्भ॒न्ति॒¦पू॒र्वऽथा᳚ | इन्दु᳚म्¦इन्द्रा᳚य¦पी॒तये᳚ || |
| पु॒ना॒नोया᳚तिहर्य॒तः¦सोमो᳚गी॒र्भिःपरि॑ष्कृतः | विप्र॑स्य॒मेध्या᳚तिथेः || 3 || पु॒ना॒नः¦या॒ति॒¦ह॒र्य॒तः¦सोमः॑¦गीः॒ऽभिः¦परि॑ऽकृतः | विप्र॑स्य¦मेध्य॑।आतिथेः || |
| पव॑मानवि॒दार॒यि¦म॒स्मभ्यं᳚सोमसु॒श्रिय᳚म् | इन्दो᳚स॒हस्र॑वर्चसम् || 4 || पव॑मान¦वि॒दाः¦र॒यिम्¦अ॒स्मभ्य᳚म्¦सो॒म॒¦सु॒ऽश्रिय᳚म् | इन्दो॒ इति॑¦स॒हस्र॑ऽवर्चसम् || |
| इन्दु॒रत्यो॒नवा᳚ज॒सृत्¦कनि॑क्रन्तिप॒वित्र॒आ | यदक्षा॒रति॑देव॒युः || 5 || इन्दुः॑¦अत्यः॑¦न¦वा॒ज॒ऽसृत्¦कनि॑क्रन्ति¦प॒वित्रे᳚¦आ | यत्¦अक्षाः᳚¦अति॑¦दे॒व॒ऽयुः || |
| पव॑स्व॒वाज॑सातये॒¦विप्र॑स्यगृण॒तोवृ॒धे | सोम॒रास्व॑सु॒वीर्य᳚म् || 6 || पव॑स्व¦वाज॑ऽसातये¦विप्र॑स्य¦गृ॒ण॒तः¦वृ॒धे | सोम॑¦रास्व॑¦सु॒ऽवीर्य᳚म् || |
| [44] प्रणइंदविति षडृचस्य सूक्तस्यांगिरसोयास्यः पवमानसोमो गायत्री | (पवमान पारायण तृतीयोध्यायः){मंडल:9, सूक्त:44}{अनुवाक:2, सूक्त:20}{अष्टक:7, अध्याय:1} |
| प्रण॑इन्दोम॒हेतन॑¦ऊ॒र्मिंनबिभ्र॑दर्षसि | अ॒भिदे॒वाँ,अ॒यास्यः॑ || 1 || वर्ग:1 प्र¦नः॒¦इ॒न्दो॒ इति॑¦म॒हे¦तने᳚¦ऊ॒र्मिम्¦न¦बिभ्र॑त्¦अ॒र्ष॒सि॒ | अ॒भि¦दे॒वान्¦अ॒यास्यः॑ || |
| म॒तीजु॒ष्टोधि॒याहि॒तः¦सोमो᳚हिन्वेपरा॒वति॑ | विप्र॑स्य॒धार॑याक॒विः || 2 || म॒ती¦जु॒ष्टः¦धि॒या¦हि॒तः¦सोमः॑¦हि॒न्वे॒¦प॒रा॒ऽवति॑ | विप्र॑स्य¦धार॑या¦क॒विः || |
| अ॒यंदे॒वेषु॒जागृ॑विः¦सु॒तए᳚तिप॒वित्र॒आ | सोमो᳚याति॒विच॑र्षणिः || 3 || अ॒यम्¦दे॒वेषु॑¦जागृ॑विः¦सु॒तः¦ए॒ति॒¦प॒वित्रे᳚¦आ | सोमः॑¦या॒ति॒¦विऽच॑र्षणिः || |
| सनः॑पवस्ववाज॒युश्¦च॑क्रा॒णश्चारु॑मध्व॒रम् | ब॒र्हिष्माँ॒,आवि॑वासति || 4 || सः¦नः॒¦प॒व॒स्व॒¦वा॒ज॒ऽयुः¦च॒क्रा॒णः¦चारु᳚म्¦अ॒ध्व॒रम् | ब॒र्हिष्मा᳚न्¦आ¦वि॒वा॒स॒ति॒ || |
| सनो॒भगा᳚यवा॒यवे॒¦विप्र॑वीरःस॒दावृ॑धः | सोमो᳚दे॒वेष्वाय॑मत् || 5 || सः¦नः॒¦भगा᳚य¦वा॒यवे᳚¦विप्र॑ऽवीरः¦स॒दाऽवृ॑धः | सोमः॑¦दे॒वेषु॑¦आ¦य॒म॒त् || |
| सनो᳚,अ॒द्यवसु॑त्तये¦क्रतु॒विद्गा᳚तु॒वित्त॑मः | वाजं᳚जेषि॒श्रवो᳚बृ॒हत् || 6 || सः¦नः॒¦अ॒द्य¦वसु॑त्तये¦क्र॒तु॒ऽवित्¦गा॒तु॒वित्ऽत॑मः | वाज᳚म्¦जे॒षि॒¦श्रवः॑¦बृ॒हत् || |
| [45] स पवस्वेति षडृचस्य सूक्तस्यांगिरसोयास्यः पवमानसोमो गायत्री |{मंडल:9, सूक्त:45}{अनुवाक:2, सूक्त:21}{अष्टक:7, अध्याय:1} |
| सप॑वस्व॒मदा᳚य॒कं¦नृ॒चक्षा᳚दे॒ववी᳚तये | इन्द॒विन्द्रा᳚यपी॒तये᳚ || 1 || वर्ग:2 सः¦प॒व॒स्व॒¦मदा᳚य¦कम्¦नृ॒ऽचक्षाः᳚¦दे॒वऽवी᳚तये | इन्दो॒ इति॑¦इन्द्रा᳚य¦पी॒तये᳚ || |
| सनो᳚,अर्षा॒भिदू॒त्य१॑(अं॒)¦त्वमिन्द्रा᳚यतोशसे | दे॒वान्त्सखि॑भ्य॒आवर᳚म् || 2 || सः¦नः॒¦अ॒र्ष॒¦अ॒भि¦दू॒त्य᳚म्¦त्वम्¦इन्द्रा᳚य¦तो॒श॒से॒ | दे॒वान्¦सखि॑ऽभ्यः¦आ¦वर᳚म् || |
| उ॒तत्वाम॑रु॒णंव॒यं¦गोभि॑रञ्ज्मो॒मदा᳚य॒कम् | विनो᳚रा॒येदुरो᳚वृधि || 3 || उ॒त¦त्वाम्¦अ॒रु॒णम्¦व॒यम्¦गोभिः॑¦अं॒ज्मः॒¦मदा᳚य¦कम् | वि¦नः॒¦रा॒ये¦दुरः॑¦वृ॒धि॒ || |
| अत्यू᳚प॒वित्र॑मक्रमीद्¦वा॒जीधुरं॒नयाम॑नि | इन्दु॑र्दे॒वेषु॑पत्यते || 4 || अति॑¦ऊँ॒ इति॑¦प॒वित्र᳚म्¦अ॒क्र॒मी॒त्¦वा॒जी¦धुर᳚म्¦न¦याम॑नि | इन्दुः॑¦दे॒वेषु॑¦प॒त्य॒ते॒ || |
| समी॒सखा᳚यो,अस्वर॒न्¦वने॒क्रीळ᳚न्त॒मत्य॑विम् | इन्दुं᳚ना॒वा,अ॑नूषत || 5 || सम्¦ई॒मिति॑¦सखा᳚यः¦अ॒स्व॒र॒न्¦वने᳚¦क्रीळ᳚न्तम्¦अति॑।आविम् | इन्दु᳚म्¦ना॒वाः¦अ॒नू॒ष॒त॒ || |
| तया᳚पवस्व॒धार॑या॒¦यया᳚पी॒तोवि॒चक्ष॑से | इन्दो᳚स्तो॒त्रेसु॒वीर्य᳚म् || 6 || तया᳚¦प॒व॒स्व॒¦धार॑या¦यया᳚¦पी॒तः¦वि॒ऽचक्ष॑से | इन्दो॒ इति॑¦स्तो॒त्रे¦सु॒ऽवीर्य᳚म् || |
| [46] असृग्रनिति षडृचस्य सूक्तस्यांगिरसोयास्यः पवमानसोमो गायत्री |{मंडल:9, सूक्त:46}{अनुवाक:2, सूक्त:22}{अष्टक:7, अध्याय:1} |
| असृ॑ग्रन्दे॒ववी᳚त॒ये¦ऽत्या᳚सः॒कृत्व्या᳚,इव | क्षर᳚न्तःपर्वता॒वृधः॑ || 1 || वर्ग:3 असृ॑ग्रन्¦दे॒वऽवी᳚तये¦अत्या᳚सः¦कृत्व्याः᳚ऽइव | क्षर᳚न्तः¦प॒र्व॒त॒ऽवृधः॑ || |
| परि॑ष्कृतास॒इन्द॑वो॒¦योषे᳚व॒पित्र्या᳚वती | वा॒युंसोमा᳚,असृक्षत || 2 || परि॑ऽकृतासः¦इन्द॑वः¦योषा᳚ऽइव¦पित्र्य॑ऽवती | वा॒युम्¦सोमाः᳚¦अ॒सृ॒क्ष॒त॒ || |
| ए॒तेसोमा᳚स॒इन्द॑वः॒¦प्रय॑स्वन्तश्च॒मूसु॒ताः | इन्द्रं᳚वर्धन्ति॒कर्म॑भिः || 3 || ए॒ते¦सोमा᳚सः¦इन्द॑वः¦प्रय॑स्वन्तः¦च॒मू इति॑¦सु॒ताः | इन्द्र᳚म्¦व॒र्ध॒न्ति॒¦कर्म॑ऽभिः || |
| आधा᳚वतासुहस्त्यः¦शु॒क्रागृ॑भ्णीतम॒न्थिना᳚ | गोभिः॑श्रीणीतमत्स॒रम् || 4 || आ¦धा॒व॒त॒¦सु॒ऽह॒स्त्यः॒¦शु॒क्रा¦गृ॒भ्णी॒त॒¦म॒न्थिना᳚ | गोभिः॑¦श्री॒णी॒त॒¦म॒त्स॒रम् || |
| सप॑वस्वधनंजय¦प्रय॒न्ताराध॑सोम॒हः | अ॒स्मभ्यं᳚सोमगातु॒वित् || 5 || सः¦प॒व॒स्व॒¦ध॒न॒म्ऽज॒य॒¦प्र॒ऽय॒न्ता¦राध॑सः¦म॒हः | अ॒स्मभ्य᳚म्¦सो॒म॒¦गा॒तु॒ऽवित् || |
| ए॒तंमृ॑जन्ति॒मर्ज्यं॒¦पव॑मानं॒दश॒क्षिपः॑ | इन्द्रा᳚यमत्स॒रंमद᳚म् || 6 || ए॒तम्¦मृ॒ज॒न्ति॒¦मर्ज्य᳚म्¦पव॑मानम्¦दश॑¦क्षिपः॑ | इन्द्रा᳚य¦म॒त्स॒रम्¦मद᳚म् || |
| [47] अयासोमइति पञ्चर्चस्य सूक्तस्य भार्गवःकविः पवमानसोमो गायत्री{मंडल:9, सूक्त:47}{अनुवाक:2, सूक्त:23}{अष्टक:7, अध्याय:1} |
| अ॒यासोमः॑सुकृ॒त्यया᳚¦म॒हश्चि॑द॒भ्य॑वर्धत | म॒न्दा॒नउद्वृ॑षायते || 1 || वर्ग:4 अ॒या¦सोमः॑¦सु॒ऽकृ॒त्यया᳚¦म॒हः¦चि॒त्¦अ॒भि¦अ॒व॒र्ध॒त॒ | म॒न्दा॒नः¦उत्¦वृ॒ष॒ऽय॒ते॒ || |
| कृ॒तानीद॑स्य॒कर्त्वा॒¦चेत᳚न्तेदस्यु॒तर्ह॑णा | ऋ॒णाच॑धृ॒ष्णुश्च॑यते || 2 || कृ॒तानि॑¦इत्¦अ॒स्य॒¦कर्त्वा᳚¦चेत᳚न्ते¦द॒स्यु॒ऽतर्ह॑णा | ऋ॒णा¦च॒¦धृ॒ष्णुः¦च॒य॒ते॒ || |
| आत्सोम॑इन्द्रि॒योरसो॒¦वज्रः॑सहस्र॒साभु॑वत् | उ॒क्थंयद॑स्य॒जाय॑ते || 3 || आत्¦सोमः॑¦इ॒न्द्रि॒यः¦रसः॑¦वज्रः॑¦स॒ह॒स्र॒ऽसाः¦भु॒व॒त् | उ॒क्थम्¦यत्¦अ॒स्य॒¦जाय॑ते || |
| स्व॒यंक॒विर्वि॑ध॒र्तरि॒¦विप्रा᳚य॒रत्न॑मिच्छति | यदी᳚मर्मृ॒ज्यते॒धियः॑ || 4 || स्व॒यम्¦क॒विः¦वि॒ऽध॒र्तरि॑¦विप्रा᳚य¦रत्न᳚म्¦इ॒च्छ॒ति॒ | यदि॑¦म॒र्मृ॒ज्यते᳚¦धियः॑ || |
| सि॒षा॒सतू᳚रयी॒णां¦वाजे॒ष्वर्व॑तामिव | भरे᳚षुजि॒ग्युषा᳚मसि || 5 || सि॒सा॒सतुः॑¦र॒यी॒णाम्¦वाजे᳚षु¦अर्व॑ताम्ऽइव | भरे᳚षु¦जि॒ग्युषा᳚म्¦अ॒सि॒ || |
| [48] तंत्वेति पञ्चर्चस्य सूक्तस्य भार्गवःकविः पवमानसोमो गायत्री |{मंडल:9, सूक्त:48}{अनुवाक:2, सूक्त:24}{अष्टक:7, अध्याय:1} |
| तंत्वा᳚नृ॒म्णानि॒बिभ्र॑तं¦स॒धस्थे᳚षुम॒होदि॒वः | चारुं᳚सुकृ॒त्यये᳚महे || 1 || वर्ग:5 तम्¦त्वा॒¦नृ॒म्णानि॑¦विभ्र॑तम्¦स॒धऽस्थे᳚षु¦म॒हः¦दि॒वः | चारु᳚म्¦सु॒ऽकृ॒त्यया᳚¦ई॒म॒हे॒ || |
| संवृ॑क्तधृष्णुमु॒क्थ्यं᳚¦म॒हाम॑हिव्रतं॒मद᳚म् | श॒तंपुरो᳚रुरु॒क्षणि᳚म् || 2 || संवृ॑क्तऽधृष्णुम्¦उ॒क्थ्य᳚म्¦म॒हाऽम॑हिव्रतम्¦मद᳚म् | श॒तम्¦पुरः॑¦रु॒रु॒क्षणि᳚म् || |
| अत॑स्त्वार॒यिम॒भि¦राजा᳚नंसुक्रतोदि॒वः | सु॒प॒र्णो,अ᳚व्य॒थिर्भ॑रत् || 3 || अतः॑¦त्वा॒¦र॒यिम्¦अ॒भि¦राजा᳚नम्¦सु॒क्र॒तो॒ इति॑ सुऽक्रतो¦दि॒वः | सु॒ऽप॒र्णः¦अ॒व्य॒थिः¦भ॒र॒त् || |
| विश्व॑स्मा॒,इत्स्व॑र्दृ॒शे¦साधा᳚रणंरज॒स्तुर᳚म् | गो॒पामृ॒तस्य॒विर्भ॑रत् || 4 || विश्व॑स्मै¦इत्¦स्वः॑¦दृ॒शे¦साधा᳚रणम्¦र॒जः॒ऽतुर᳚म् | गो॒पाम्¦ऋ॒तस्य॑¦विः¦भ॒र॒त् || |
| अधा᳚हिन्वा॒नइ᳚न्द्रि॒यं¦ज्यायो᳚महि॒त्वमा᳚नशे | अ॒भि॒ष्टि॒कृद्विच॑र्षणिः || 5 || अध॑¦हि॒न्वा॒नः¦इ॒न्द्रि॒यम्¦ज्यायः॑¦म॒हि॒ऽत्वम्¦आ॒न॒शे॒ | अ॒भि॒ष्टि॒ऽकृत्¦विऽच॑र्षणिः || |
| [49] पवस्वेति पञ्चर्चस्य सूक्तस्य भार्गवःकविः पवमानसोमो गायत्री |{मंडल:9, सूक्त:49}{अनुवाक:2, सूक्त:25}{अष्टक:7, अध्याय:1} |
| पव॑स्ववृ॒ष्टिमासुनो॒¦ऽपामू॒र्मिंदि॒वस्परि॑ | अ॒य॒क्ष्माबृ॑ह॒तीरिषः॑ || 1 || वर्ग:6 पव॑स्व¦वृ॒ष्टिम्¦आ¦सु¦नः॒¦अ॒पाम्¦ऊ॒र्मिम्¦दि॒वः¦परि॑ | अ॒य॒क्ष्माः¦बृ॒ह॒तीः¦इषः॑ || |
| तया᳚पवस्व॒धार॑या॒¦यया॒गाव॑इ॒हागम॑न् | जन्या᳚स॒उप॑नोगृ॒हम् || 2 || तया᳚¦प॒व॒स्व॒¦धार॑या¦यया᳚¦गावः॑¦इ॒ह¦आ॒ऽगम॑न् | जन्या᳚सः¦उप॑¦नः॒¦गृ॒हम् || |
| घृ॒तंप॑वस्व॒धार॑या¦य॒ज्ञेषु॑देव॒वीत॑मः | अ॒स्मभ्यं᳚वृ॒ष्टिमाप॑व || 3 || घृ॒तम्¦प॒व॒स्व॒¦धार॑या¦य॒ज्ञेषु॑¦दे॒व॒ऽवीत॑मः | अ॒स्मभ्य᳚म्¦वृ॒ष्टिम्¦आ¦प॒व॒ || |
| सन॑ऊ॒र्जेव्य१॑(अ॒)व्ययं᳚¦प॒वित्रं᳚धाव॒धार॑या | दे॒वासः॑शृ॒णव॒न्हिक᳚म् || 4 || सः¦नः॒¦ऊ॒र्जे¦वि¦अ॒व्यय᳚म्¦प॒वित्र᳚म्¦धा॒व॒¦धार॑या | दे॒वासः॑¦शृ॒णव॑न्¦हि¦क॒म् || |
| पव॑मानो,असिष्यद॒द्¦रक्षां᳚स्यप॒जङ्घ॑नत् | प्र॒त्न॒वद्रो॒चय॒न्रुचः॑ || 5 || पव॑मानः¦अ॒सि॒स्य॒द॒त्¦रक्षां᳚सि¦अ॒प॒ऽजङ्घ॑नत् | प्र॒त्न॒ऽवत्¦रो॒चय॑न्¦रुचः॑ || |
| [50] उत्तेशुष्मासइति पञ्चर्चस्य सूक्तस्यांगिरस उचथ्यः पवमान सोमोगायत्री |{मंडल:9, सूक्त:50}{अनुवाक:2, सूक्त:26}{अष्टक:7, अध्याय:1} |
| उत्ते॒शुष्मा᳚सईरते॒¦सिन्धो᳚रू॒र्मेरि॑वस्व॒नः | वा॒णस्य॑चोदयाप॒विम् || 1 || वर्ग:7 उत्¦ते॒¦शुष्मा᳚सः¦ई॒र॒ते॒¦सिन्धोः᳚¦ऊ॒र्मेःऽइ᳚व¦स्व॒नः | वा॒णस्य॑¦चो॒द॒य॒¦प॒विम् || |
| प्र॒स॒वेत॒उदी᳚रते¦ति॒स्रोवाचो᳚मख॒स्युवः॑ | यदव्य॒एषि॒सान॑वि || 2 || प्र॒ऽस॒वे¦ते॒¦उत्¦ई॒र॒ते॒¦ति॒स्रः¦वाचः॑¦म॒ख॒स्युवः॑ | यत्¦अव्ये᳚¦एषि॑¦सान॑वि || |
| अव्यो॒वारे॒परि॑प्रि॒यं¦हरिं᳚हिन्व॒न्त्यद्रि॑भिः | पव॑मानंमधु॒श्चुत᳚म् || 3 || अव्यः॑¦वारे᳚¦परि॑¦प्रि॒यम्¦हरि᳚म्¦हि॒न्व॒न्ति॒¦अद्रि॑ऽभिः | पव॑मानम्¦म॒धु॒ऽश्चुत᳚म् || |
| आप॑वस्वमदिन्तम¦प॒वित्रं॒धार॑याकवे | अ॒र्कस्य॒योनि॑मा॒सद᳚म् || 4 || आ¦प॒व॒स्व॒¦म॒दि॒न्ऽत॒म॒¦प॒वित्र᳚म्¦धार॑या¦क॒वे॒ | अ॒र्कस्य॑¦योनि᳚म्¦आ॒ऽसद᳚म् || |
| सप॑वस्वमदिन्तम॒¦गोभि॑रञ्जा॒नो,अ॒क्तुभिः॑ | इन्द॒विन्द्रा᳚यपी॒तये᳚ || 5 || सः¦प॒व॒स्व॒¦म॒दि॒न्ऽत॒म॒¦गोभिः॑¦अं॒जा॒नः¦अ॒क्तुऽभिः॑ | इन्दो॒ इति॑¦इन्द्रा᳚य¦पी॒तये᳚ || |
| [51] अध्वर्यविति पञ्चर्चस्य सूक्तस्यांगिरस उचथ्यः पवमान सोमोगायत्री |{मंडल:9, सूक्त:51}{अनुवाक:2, सूक्त:27}{अष्टक:7, अध्याय:1} |
| अध्व᳚र्यो॒,अद्रि॑भिःसु॒तं¦सोमं᳚प॒वित्र॒आसृ॑ज | पु॒नी॒हीन्द्रा᳚य॒पात॑वे || 1 || वर्ग:8 अध्व᳚र्यो॒ इति॑¦अद्रि॑ऽभिः¦सु॒तम्¦सोम᳚म्¦प॒वित्रे᳚¦आ¦सृ॒ज॒ | पु॒नी॒हि¦इन्द्रा᳚य¦पात॑वे || |
| दि॒वःपी॒यूष॑मुत्त॒मं¦सोम॒मिन्द्रा᳚यव॒ज्रिणे᳚ | सु॒नोता॒मधु॑मत्तमम् || 2 || दि॒वः¦पी॒यूष᳚म्¦उ॒त्ऽत॒मम्¦सोम᳚म्¦इन्द्रा᳚य¦व॒ज्रिणे᳚ | सु॒नोत॑¦मधु॑मत्ऽतमम् || |
| तव॒त्यइ᳚न्दो॒,अन्ध॑सो¦दे॒वामधो॒र्व्य॑श्नते | पव॑मानस्यम॒रुतः॑ || 3 || तव॑¦त्ये¦इ॒न्दो॒ इति॑¦अन्ध॑सः¦दे॒वाः¦मधोः᳚¦वि¦अ॒श्न॒ते॒ | पव॑मानस्य¦म॒रुतः॑ || |
| त्वंहिसो᳚मव॒र्धय॑न्¦त्सु॒तोमदा᳚य॒भूर्ण॑ये | वृष᳚न्त्स्तो॒तार॑मू॒तये᳚ || 4 || त्वम्¦हि¦सो॒म॒¦व॒र्धय॑न्¦सु॒तः¦मदा᳚य¦भूर्ण॑ये | वृष॑न्¦स्तो॒तार᳚म्¦ऊ॒तये᳚ || |
| अ॒भ्य॑र्षविचक्षण¦प॒वित्रं॒धार॑यासु॒तः | अ॒भिवाज॑मु॒तश्रवः॑ || 5 || अ॒भि¦अ॒र्ष॒¦वि॒ऽच॒क्ष॒ण॒¦प॒वित्र᳚म्¦धार॑या¦सु॒तः | अ॒भि¦वाज᳚म्¦उ॒त¦श्रवः॑ || |
| [52] परिद्युक्षइति पञ्चर्चस्य सूक्तस्यांगिरस उचथ्यः पवमान सोमोगायत्री |{मंडल:9, सूक्त:52}{अनुवाक:2, सूक्त:28}{अष्टक:7, अध्याय:1} |
| परि॑द्यु॒क्षःस॒नद्र॑यि॒¦र्भर॒द्वाजं᳚नो॒,अन्ध॑सा | सु॒वा॒नो,अ॑र्षप॒वित्र॒आ || 1 || वर्ग:9 परि॑¦द्यु॒क्षः¦स॒नत्ऽर॑यिः¦भर॑त्¦वाज᳚म्¦नः॒¦अन्ध॑सा | सु॒वा॒नः¦अ॒र्ष॒¦प॒वित्रे᳚¦आ || |
| तव॑प्र॒त्नेभि॒रध्व॑भि॒¦रव्यो॒वारे॒परि॑प्रि॒यः | स॒हस्र॑धारोया॒त्तना᳚ || 2 || तव॑¦प्र॒त्नेभिः॑¦अध्व॑ऽभिः¦अव्यः॑¦वारे᳚¦परि॑¦प्रि॒यः | स॒हस्र॑ऽधारः¦या॒त्¦तना᳚ || |
| च॒रुर्नयस्तमी᳚ङ्ख॒येन्¦दो॒नदान॑मीङ्खय | व॒धैर्व॑धस्नवीङ्खय || 3 || च॒रुः¦न¦यः¦तम्¦ई॒ङ्ख॒य॒¦इन्दो॒ इति॑¦न¦दान᳚म्¦ई॒ङ्ख॒य॒ | व॒धैः¦व॒ध॒स्नो॒ इति॑ वधऽस्नो¦ई॒ङ्ख॒य॒ || |
| निशुष्म॑मिन्दवेषां॒¦पुरु॑हूत॒जना᳚नाम् | यो,अ॒स्माँ,आ॒दिदे᳚शति || 4 || नि¦शुष्म᳚म्¦इ॒न्दो॒ इति॑¦एषा᳚म्¦पुरु॑ऽहूत¦जना᳚नाम् | यः¦अ॒स्मान्¦आ॒ऽदिदे᳚शति || |
| श॒तंन॑इन्दऊ॒तिभिः॑¦स॒हस्रं᳚वा॒शुची᳚नाम् | पव॑स्वमंह॒यद्र॑यिः || 5 || श॒तम्¦नः॒¦इ॒न्दो॒ इति॑¦ऊ॒तिऽभिः॑¦स॒हस्र᳚म्¦वा॒¦शुची᳚णाम् | पव॑स्व¦मं॒ह॒यत्ऽर॑यिः || |
| [53] उत्तेशुष्मासइति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:53}{अनुवाक:2, सूक्त:29}{अष्टक:7, अध्याय:1} |
| उत्ते॒शुष्मा᳚सो,अस्थू॒¦रक्षो᳚भि॒न्दन्तो᳚,अद्रिवः | नु॒दस्व॒याःप॑रि॒स्पृधः॑ || 1 || वर्ग:10 उत्¦ते॒¦शुष्मा᳚सः¦अ॒स्थुः॒¦रक्षः॑¦भि॒न्दन्तः॑¦अ॒द्रि॒ऽवः॒ | नु॒दस्व॑¦याः¦प॒रि॒ऽस्पृधः॑ || |
| अ॒यानि॑ज॒घ्निरोज॑सा¦रथसं॒गेधने᳚हि॒ते | स्तवा॒,अबि॑भ्युषाहृ॒दा || 2 || अ॒या¦नि॒ऽज॒घ्निः¦ओज॑सा¦र॒थ॒ऽस॒ङ्गे¦धने᳚¦हि॒ते | स्तवै᳚¦अबि॑भ्युषा¦हृ॒दा || |
| अस्य᳚व्र॒तानि॒नाधृषे॒¦पव॑मानस्यदू॒ढ्या᳚ | रु॒जयस्त्वा᳚पृत॒न्यति॑ || 3 || अस्य॑¦व्र॒तानि॑¦न¦आ॒ऽधृषे᳚¦पव॑मानस्य¦दुः॒ऽध्या᳚ | रु॒ज¦यः¦त्वा॒¦पृ॒त॒न्यति॑ || |
| तंहि᳚न्वन्तिमद॒च्युतं॒¦हरिं᳚न॒दीषु॑वा॒जिन᳚म् | इन्दु॒मिन्द्रा᳚यमत्स॒रम् || 4 || तम्¦हि॒न्व॒न्ति॒¦म॒द॒ऽच्युत᳚म्¦हरि᳚म्¦न॒दीषु॑¦वा॒जिन᳚म् | इन्दु᳚म्¦इन्द्रा᳚य¦म॒त्स॒रम् || |
| [54] अस्यप्रत्नामिति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:54}{अनुवाक:2, सूक्त:30}{अष्टक:7, अध्याय:1} |
| अ॒स्यप्र॒त्नामनु॒द्युतं᳚¦शु॒क्रंदु॑दुह्रे॒,अह्र॑यः | पयः॑सहस्र॒सामृषि᳚म् || 1 || वर्ग:11 अ॒स्य¦प्र॒त्नाम्¦अनु॑¦द्युत᳚म्¦शु॒क्रम्¦दु॒दु॒ह्रे॒¦अह्र॑यः | पयः॑¦स॒ह॒स्र॒ऽसाम्¦ऋषि᳚म् || |
| अ॒यंसूर्य॑इवोप॒दृग॒¦यंसरां᳚सिधावति | स॒प्तप्र॒वत॒आदिव᳚म् || 2 || अ॒यम्¦सूर्यः॑ऽइव¦उ॒प॒ऽदृक्¦अ॒यम्¦सरां᳚सि¦धा॒व॒ति॒ | स॒प्त¦प्र॒ऽवतः॑¦आ¦दिव᳚म् || |
| अ॒यंविश्वा᳚नितिष्ठति¦पुना॒नोभुव॑नो॒परि॑ | सोमो᳚दे॒वोनसूर्यः॑ || 3 || अ॒यम्¦विश्वा᳚नि¦ति॒ष्ठ॒ति॒¦पु॒ना॒नः¦भुव॑ना¦उ॒परि॑ | सोमः॑¦दे॒वः¦न¦सूर्यः॑ || |
| परि॑णोदे॒ववी᳚तये॒¦वाजाँ᳚,अर्षसि॒गोम॑तः | पु॒ना॒नइ᳚न्दविन्द्र॒युः || 4 || परि॑¦नः॒¦दे॒वऽवी᳚तये¦वाजा᳚न्¦अ॒र्ष॒सि॒¦गोऽम॑तः | पु॒ना॒नः¦इ॒न्दो॒ इति॑¦इ॒न्द्र॒ऽयुः || |
| [55] यवंयवमिति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:55}{अनुवाक:2, सूक्त:31}{अष्टक:7, अध्याय:1} |
| यवं᳚यवंनो॒,अन्ध॑सा¦पु॒ष्टम्पु॑ष्टं॒परि॑स्रव | सोम॒विश्वा᳚च॒सौभ॑गा || 1 || वर्ग:12 यव᳚म्ऽयवम्¦नः॒¦अन्ध॑सा¦पु॒ष्टम्ऽपु॑ष्टम्¦परि॑¦स्र॒व॒ | सोम॑¦विश्वा᳚¦च॒¦सौभ॑गा || |
| इन्दो॒यथा॒तव॒स्तवो॒¦यथा᳚तेजा॒तमन्ध॑सः | निब॒र्हिषि॑प्रि॒येस॑दः || 2 || इन्दो॒ इति॑¦यथा᳚¦तव॑¦स्तवः॑¦यथा᳚¦ते॒¦जा॒तम्¦अन्ध॑सः | नि¦ब॒र्हिषि॑¦प्रि॒ये¦स॒दः॒ || |
| उ॒तनो᳚गो॒विद॑श्व॒वित्¦पव॑स्वसो॒मान्ध॑सा | म॒क्षूत॑मेभि॒रह॑भिः || 3 || उ॒त¦नः॒¦गो॒ऽवित्¦अ॒श्व॒ऽवित्¦पव॑स्व¦सो॒म॒¦अन्ध॑सा | म॒क्षुऽत॑मेभिः¦अह॑ऽभिः || |
| योजि॒नाति॒नजीय॑ते॒¦हन्ति॒शत्रु॑म॒भीत्य॑ | सप॑वस्वसहस्रजित् || 4 || यः¦जि॒नाति॑¦न¦जीय॑ते¦हन्ति॑¦शत्रु᳚म्¦अ॒भि॒ऽइत्य॑ | सः¦प॒व॒स्व॒¦स॒ह॒स्र॒ऽजि॒त् || |
| [56] परिसोमइति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:56}{अनुवाक:2, सूक्त:32}{अष्टक:7, अध्याय:1} |
| परि॒सोम॑ऋ॒तंबृ॒ह¦दा॒शुःप॒वित्रे᳚,अर्षति | वि॒घ्नन्रक्षां᳚सिदेव॒युः || 1 || वर्ग:13 परि॑¦सोमः॑¦ऋ॒तम्¦बृ॒हत्¦आ॒शुः¦प॒वित्रे᳚¦अ॒र्ष॒ति॒ | वि॒ऽघ्नन्¦रक्षां᳚सि¦दे॒व॒ऽयुः || |
| यत्सोमो॒वाज॒मर्ष॑ति¦श॒तंधारा᳚,अप॒स्युवः॑ | इन्द्र॑स्यस॒ख्यमा᳚वि॒शन् || 2 || यत्¦सोमः॑¦वाज᳚म्¦अर्ष॑ति¦श॒तम्¦धाराः᳚¦अ॒प॒स्युवः॑ | इन्द्र॑स्य¦स॒ख्यम्¦आ॒ऽवि॒शन् || |
| अ॒भित्वा॒योष॑णो॒दश॑¦जा॒रंनक॒न्या᳚नूषत | मृ॒ज्यसे᳚सोमसा॒तये᳚ || 3 || अ॒भि¦त्वा॒¦योष॑णः¦दश॑¦जा॒रम्¦न¦क॒न्या᳚¦अ॒नू॒ष॒त॒ | मृ॒ज्यसे᳚¦सो॒म॒¦सा॒तये᳚ || |
| त्वमिन्द्रा᳚य॒विष्ण॑वे¦स्वा॒दुरि᳚न्दो॒परि॑स्रव | नॄन्त्स्तो॒तॄन्पा॒ह्यंह॑सः || 4 || त्वम्¦इन्द्रा᳚य¦विष्ण॑वे¦स्वा॒दुः¦इ॒न्दो॒ इति॑¦परि॑¦स्र॒व॒ | नॄन्¦स्तो॒तॄन्¦पा॒हि॒¦अंह॑सः || |
| [57] प्रतेधाराइति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:57}{अनुवाक:2, सूक्त:33}{अष्टक:7, अध्याय:1} |
| प्रते॒धारा᳚,अस॒श्चतो᳚¦दि॒वोनय᳚न्तिवृ॒ष्टयः॑ | अच्छा॒वाजं᳚सह॒स्रिण᳚म् || 1 || वर्ग:14 प्र¦ते॒¦धाराः᳚¦अ॒स॒श्चतः॑¦दि॒वः¦न¦य॒न्ति॒¦वृ॒ष्टयः॑ | अच्छ॑¦वाज᳚म्¦स॒ह॒स्रिण᳚म् || |
| अ॒भिप्रि॒याणि॒काव्या॒¦विश्वा॒चक्षा᳚णो,अर्षति | हरि॑स्तुञ्जा॒नआयु॑धा || 2 || अ॒भि¦प्रि॒याणि॑¦काव्या᳚¦विश्वा᳚¦चक्षा᳚णः¦अ॒र्ष॒ति॒ | हरिः॑¦तुं॒जा॒नः¦आयु॑धा || |
| सम᳚र्मृजा॒नआ॒युभि॒¦रिभो॒राजे᳚वसुव्र॒तः | श्ये॒नोनवंसु॑षीदति || 3 || सः¦म॒र्मृजा॒नः¦आ॒युऽभिः॑¦इभः॑¦राजा᳚ऽइव¦सु॒ऽव्र॒तः | श्ये॒नः¦न¦वंसु॑¦सी॒द॒ति॒ || |
| सनो॒विश्वा᳚दि॒वोवसू॒¦तोपृ॑थि॒व्या,अधि॑ | पु॒ना॒नइ᳚न्द॒वाभ॑र || 4 || सः¦नः॒¦विश्वा᳚¦दि॒वः¦वसु॑¦उ॒तो इति॑¦पृ॒थि॒व्याः¦अधि॑ | पु॒नानः॑¦इ॒न्दो॒ इति॑¦आ¦भ॒र॒ || |
| [58] तरत्समंदीति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:58}{अनुवाक:2, सूक्त:34}{अष्टक:7, अध्याय:1} |
| तर॒त्सम॒न्दीधा᳚वति॒¦धारा᳚सु॒तस्यान्ध॑सः | तर॒त्सम॒न्दीधा᳚वति || 1 || वर्ग:15 तर॑त्¦सः¦म॒न्दी¦धा॒व॒ति॒¦धारा᳚¦सु॒तस्य॑¦अन्ध॑सः | तर॑त्¦सः¦म॒न्दी¦धा॒व॒ति॒ || |
| उ॒स्रावे᳚द॒वसू᳚नां॒¦मर्त॑स्यदे॒व्यव॑सः | तर॒त्सम॒न्दीधा᳚वति || 2 || उ॒स्रा¦वे॒द॒¦वसू᳚नाम्¦मर्त॑स्य¦दे॒वी¦अव॑सः | तर॑त्¦सः¦म॒न्दी¦धा॒व॒ति॒ || |
| ध्व॒स्रयोः᳚पुरु॒षन्त्यो॒¦रास॒हस्रा᳚णिदद्महे | तर॒त्सम॒न्दीधा᳚वति || 3 || ध्व॒स्रयोः᳚¦पु॒रु॒ऽसन्त्योः᳚¦आ¦स॒हस्रा᳚णि¦द॒द्म॒हे॒ | तर॑त्¦सः¦म॒न्दी¦धा॒व॒ति॒ || |
| आययो᳚स्त्रिं॒शतं॒तना᳚¦स॒हस्रा᳚णिच॒दद्म॑हे | तर॒त्सम॒न्दीधा᳚वति || 4 || आ¦ययोः᳚¦त्रिं॒शत᳚म्¦तना᳚¦स॒हस्रा᳚णि¦च॒¦दद्म॑हे | तर॑त्¦सः¦म॒न्दी¦धा॒व॒ति॒ || |
| [59] पवस्वेति चतुरृचस्य सूक्तस्य काश्यपोवत्सारः पवमानसोमोगायत्री |{मंडल:9, सूक्त:59}{अनुवाक:2, सूक्त:35}{अष्टक:7, अध्याय:1} |
| पव॑स्वगो॒जिद॑श्व॒जिद्¦वि॑श्व॒जित्सो᳚मरण्य॒जित् | प्र॒जाव॒द्रत्न॒माभ॑र || 1 || वर्ग:16 पव॑स्व¦गो॒ऽजित्¦अ॒श्व॒ऽजित्¦वि॒श्व॒ऽजित्¦सो॒म॒¦र॒ण्य॒ऽजित् | प्र॒जाऽव॑त्¦रत्न᳚म्¦आ¦भ॒र॒ || |
| पव॑स्वा॒द्भ्यो,अदा᳚भ्यः॒¦पव॒स्वौष॑धीभ्यः | पव॑स्वधि॒षणा᳚भ्यः || 2 || पव॑स्व¦अ॒त्ऽभ्यः¦अदा᳚भ्यः¦पव॑स्व¦ओष॑धीभ्यः | पव॑स्व¦धि॒षणा᳚भ्यः || |
| त्वंसो᳚म॒पव॑मानो॒¦विश्वा᳚निदुरि॒तात॑र | क॒विःसी᳚द॒निब॒र्हिषि॑ || 3 || त्वम्¦सो॒म॒¦पव॑मानः¦विश्वा᳚नि¦दुः॒ऽइ॒ता¦त॒र॒ | क॒विः¦सी॒द॒¦नि¦ब॒र्हिषि॑ || |
| पव॑मान॒स्व᳚र्विदो॒¦जाय॑मानोऽभवोम॒हान् | इन्दो॒विश्वाँ᳚,अ॒भीद॑सि || 4 || पव॑मान¦स्वः॑¦वि॒दः॒¦जाय॑मानः¦अ॒भ॒वः॒¦म॒हान् | इन्दो॒ इति॑¦विश्वा᳚न्¦अ॒भि¦इत्¦अ॒सि॒ || |
| [60] प्रगायत्रेणेति चतुरृचस्य सूक्तस्य काश्यपोवत्सारः पवमान सोमोगायत्री तृतीयापुरउष्णिक्{मंडल:9, सूक्त:60}{अनुवाक:2, सूक्त:36}{अष्टक:7, अध्याय:1} |
| प्रगा᳚य॒त्रेण॑गायत॒¦पव॑मानं॒विच॑र्षणिम् | इन्दुं᳚स॒हस्र॑चक्षसम् || 1 || वर्ग:17 प्र¦गा॒य॒त्रेण॑¦गा॒य॒त॒¦पव॑मानम्¦विऽच॑र्षणिम् | इन्दु᳚म्¦स॒हस्र॑ऽचक्षसम् || |
| तंत्वा᳚स॒हस्र॑चक्षस॒¦मथो᳚स॒हस्र॑भर्णसम् | अति॒वार॑मपाविषुः || 2 || त्वम्¦त्वा॒¦स॒हस्र॑ऽचक्षसम्¦अथो॒ इति॑¦स॒हस्र॑ऽभर्णसम् | अति॑¦वार᳚म्¦अ॒पा॒वि॒षुः॒ || |
| अति॒वारा॒न्पव॑मानो,असिष्यदत्¦क॒लशाँ᳚,अ॒भिधा᳚वति | इन्द्र॑स्य॒हार्द्या᳚वि॒शन् || 3 || अति॑¦वारा᳚न्¦पव॑मानः¦अ॒सि॒स्य॒द॒त्¦क॒लशा᳚न्¦अ॒भि¦धा॒व॒ति॒ | इन्द्र॑स्य¦हार्दि॑¦आ॒ऽवि॒शन् || |
| इन्द्र॑स्यसोम॒राध॑से॒¦शंप॑वस्वविचर्षणे | प्र॒जाव॒द्रेत॒आभ॑र || 4 || इन्द्र॑स्य¦सो॒म॒¦राध॑से¦शम्¦प॒व॒स्व॒¦वि॒ऽच॒र्ष॒णे॒ | प्र॒जाऽव॑त्¦रेतः॑¦आ¦भ॒र॒ || |
| [61] अयावीतीति त्रिंशदृचस्य सूक्तस्यांगिरसोऽमहीयुः पवमान सोमो गायत्री |{मंडल:9, सूक्त:61}{अनुवाक:3, सूक्त:1}{अष्टक:7, अध्याय:1} |
| अ॒यावी॒तीपरि॑स्रव॒¦यस्त॑इन्दो॒मदे॒ष्वा | अ॒वाह᳚न्नव॒तीर्नव॑ || 1 || वर्ग:18 अ॒या¦वी॒ती¦परि॑¦स्र॒व॒¦यः¦ते॒¦इ॒न्दो॒ इति॑¦मदे᳚षु¦आ | अ॒व॒।आह॑न्¦न॒व॒तीः¦नव॑ || |
| पुरः॑स॒द्यइ॒त्थाधि॑ये॒¦दिवो᳚दासाय॒शम्ब॑रम् | अध॒त्यंतु॒र्वशं॒यदु᳚म् || 2 || पुरः॑¦स॒द्यः¦इ॒त्थाऽधि॑ये¦दिवः॑ऽदासाय¦शम्ब॑रम् | अध॑¦त्यम्¦तु॒र्वश᳚म्¦यदु᳚म् || |
| परि॑णो॒,अश्व॑मश्व॒विद्¦गोम॑दिन्दो॒हिर᳚ण्यवत् | क्षरा᳚सह॒स्रिणी॒रिषः॑ || 3 || परि॑¦नः॒¦अश्व᳚म्¦अ॒श्व॒ऽवित्¦गोऽम॑त्¦इ॒न्दो॒ इति॑¦हिर᳚ण्यऽवत् | क्षर॑¦स॒ह॒स्रिणीः᳚¦इषः॑ || |
| पव॑मानस्यतेव॒यं¦प॒वित्र॑मभ्युन्द॒तः | स॒खि॒त्वमावृ॑णीमहे || 4 || पव॑मानस्य¦ते॒¦व॒यम्¦प॒वित्र᳚म्¦अ॒भि॒।औ॒न्द॒तः | स॒खि॒ऽत्वम्¦आ¦वृ॒णी॒म॒हे॒ || |
| येते᳚प॒वित्र॑मू॒र्मयो᳚¦ऽभि॒क्षर᳚न्ति॒धार॑या | तेभि᳚र्नःसोममृळय || 5 || ये¦ते॒¦प॒वित्र᳚म्¦ऊ॒र्मयः॑¦अ॒भि॒ऽक्षर᳚न्ति¦धार॑या | तेभिः॑¦नः॒¦सो॒म॒¦मृ॒ळ॒य॒ || |
| सनः॑पुना॒नआभ॑र¦र॒यिंवी॒रव॑ती॒मिष᳚म् | ईशा᳚नःसोमवि॒श्वतः॑ || 6 || वर्ग:19 सः¦नः॒¦पु॒ना॒नः¦आ¦भ॒र॒¦र॒यिम्¦वी॒रऽव॑तीम्¦इष᳚म् | ईशा᳚नः¦सो॒म॒¦वि॒श्वतः॑ || |
| ए॒तमु॒त्यंदश॒क्षिपो᳚¦मृ॒जन्ति॒सिन्धु॑मातरम् | समा᳚दि॒त्येभि॑रख्यत || 7 || ए॒तम्¦ऊँ॒ इति॑¦त्यम्¦दश॑¦क्षिपः॑¦मृ॒जन्ति॑¦सिन्धु॑ऽमातरम् | सम्¦आ॒दि॒त्येभिः॑¦अ॒ख्य॒त॒ || |
| समिन्द्रे᳚णो॒तवा॒युना᳚¦सु॒तए᳚तिप॒वित्र॒आ | संसूर्य॑स्यर॒श्मिभिः॑ || 8 || सम्¦इन्द्रे᳚ण¦उ॒त¦वा॒युना᳚¦सु॒तः¦ए॒ति॒¦प॒वित्रे᳚¦आ | सम्¦सूर्य॑स्य¦र॒श्मिऽभिः॑ || |
| सनो॒भगा᳚यवा॒यवे᳚¦पू॒ष्णेप॑वस्व॒मधु॑मान् | चारु᳚र्मि॒त्रेवरु॑णेच || 9 || सः¦नः॒¦भगा᳚य¦वा॒यवे᳚¦पू॒ष्णे¦प॒व॒स्व॒¦मधु॑ऽमान् | चारुः॑¦मि॒त्रे¦वरु॑णे¦च॒ || |
| उ॒च्चाते᳚जा॒तमन्ध॑सो¦दि॒विषद्भूम्याद॑दे | उ॒ग्रंशर्म॒महि॒श्रवः॑ || 10 || उ॒च्चा¦ते॒¦जा॒तम्¦अन्ध॑सः¦दि॒वि¦सत्¦भूमिः॑¦आ¦द॒दे॒ | उ॒ग्रम्¦शर्म॑¦महि॑¦श्रवः॑ || |
| ए॒नाविश्वा᳚न्य॒र्यआ¦द्यु॒म्नानि॒मानु॑षाणाम् | सिषा᳚सन्तोवनामहे || 11 || वर्ग:20 ए॒ना¦विश्वा᳚नि¦अ॒र्यः¦आ¦द्यु॒म्नानि॑¦मानु॑षाणाम् | सिसा᳚सन्तः¦व॒ना॒म॒हे॒ || |
| सन॒इन्द्रा᳚य॒यज्य॑वे॒¦वरु॑णायम॒रुद्भ्यः॑ | व॒रि॒वो॒वित्परि॑स्रव || 12 || सः¦नः॒¦इन्द्रा᳚य¦यज्य॑वे¦वरु॑णाय¦म॒रुत्ऽभ्यः॑ | व॒रि॒वः॒ऽवित्¦परि॑¦स्र॒व॒ || |
| उपो॒षुजा॒तम॒प्तुरं॒¦गोभि॑र्भ॒ङ्गंपरि॑ष्कृतम् | इन्दुं᳚दे॒वा,अ॑यासिषुः || 13 || उपो॒ इति॑¦सु¦जा॒तम्¦अ॒प्ऽतुर᳚म्¦गोभिः॑¦भ॒ङ्गम्¦परि॑ऽकृतम् | इन्दु᳚म्¦दे॒वाः¦अ॒या॒सि॒षुः॒ || |
| तमिद्व॑र्धन्तुनो॒गिरो᳚¦व॒त्संसं॒शिश्व॑रीरिव | यइन्द्र॑स्यहृदं॒सनिः॑ || 14 || तम्¦इत्¦व॒र्ध॒न्तु॒¦नः॒¦गिरः॑¦व॒त्सम्¦सं॒शिश्व॑रीःऽइव | यः¦इन्द्र॑स्य¦हृ॒द॒म्ऽसनिः॑ || |
| अर्षा᳚णःसोम॒शंगवे᳚¦धु॒क्षस्व॑पि॒प्युषी॒मिष᳚म् | वर्धा᳚समु॒द्रमु॒क्थ्य᳚म् || 15 || अर्ष॑¦नः॒¦सो॒म॒¦शम्¦गवे᳚¦धु॒क्षस्व॑¦पि॒प्युषी᳚म्¦इष᳚म् | वर्ध॑¦स॒मु॒द्रम्¦उ॒क्थ्य᳚म् || |
| पव॑मानो,अजीजनद्¦दि॒वश्चि॒त्रंनत᳚न्य॒तुम् | ज्योति᳚र्वैश्वान॒रंबृ॒हत् || 16 || वर्ग:21 पव॑मानः¦अ॒जी॒ज॒न॒त्¦दि॒वः¦चि॒त्रम्¦न¦त॒न्य॒तुम् | ज्योतिः॑¦वै॒श्वा॒न॒रम्¦बृ॒हत् || |
| पव॑मानस्यते॒रसो॒¦मदो᳚राजन्नदुच्छु॒नः | विवार॒मव्य॑मर्षति || 17 || पव॑मानस्य¦ते॒¦रसः॑¦मदः॑¦रा॒ज॒न्¦अ॒दु॒च्छु॒नः | वि¦वार᳚म्¦अव्य᳚म्¦अ॒र्ष॒ति॒ || |
| पव॑मान॒रस॒स्तव॒¦दक्षो॒विरा᳚जतिद्यु॒मान् | ज्योति॒र्विश्वं॒स्व॑र्दृ॒शे || 18 || पव॑मान¦रसः॑¦तव॑¦दक्षः॑¦वि¦रा॒ज॒ति॒¦द्यु॒ऽमान् | ज्योतिः॑¦विश्व᳚म्¦स्वः॑¦दृ॒शे || |
| यस्ते॒मदो॒वरे᳚ण्य॒¦स्तेना᳚पव॒स्वान्ध॑सा | दे॒वा॒वीर॑घशंस॒हा || 19 || यः¦ते॒¦मदः॑¦वरे᳚ण्यः¦तेन॑¦प॒व॒स्व॒¦अन्ध॑सा | दे॒व॒।आ॒वीः¦अ॒घ॒शं॒स॒ऽहा || |
| जघ्नि᳚र्वृ॒त्रम॑मि॒त्रियं॒¦सस्नि॒र्वाजं᳚दि॒वेदि॑वे | गो॒षा,उ॑अश्व॒सा,अ॑सि || 20 || जघ्निः॑¦वृ॒त्रम्¦अ॒मि॒त्रिय᳚म्¦सस्निः॑¦वाज᳚म्¦दि॒वेऽदि॑वे | गो॒ऽसाः¦ऊँ॒ इति॑¦अ॒श्व॒ऽसाः¦अ॒सि॒ || |
| सम्मि॑श्लो,अरु॒षोभ॑व¦सूप॒स्थाभि॒र्नधे॒नुभिः॑ | सीद᳚ञ्छ्ये॒नोनयोनि॒मा || 21 || वर्ग:22 सम्ऽमि॑श्लः¦अ॒रु॒षः¦भ॒व॒¦सु॒।औ॒प॒स्थाभिः॑¦न¦धे॒नुऽभिः॑ | सीद॑न्¦श्ये॒नः¦न¦योनि᳚म्¦आ || |
| सप॑वस्व॒यआवि॒थे¦न्द्रं᳚वृ॒त्राय॒हन्त॑वे | व॒व्रि॒वांसं᳚म॒हीर॒पः || 22 || सः¦प॒व॒स्व॒¦यः¦आवि॑थ¦इन्द्र᳚म्¦वृ॒त्राय॑¦हन्त॑वे | व॒व्रि॒ऽवांस᳚म्¦म॒हीः¦अ॒पः || |
| सु॒वीरा᳚सोव॒यंधना॒¦जये᳚मसोममीढ्वः | पु॒ना॒नोव॑र्धनो॒गिरः॑ || 23 || सु॒ऽवीरा᳚सः¦व॒यम्¦धना᳚¦जये᳚म¦सो॒म॒¦मी॒ढ्वः॒ | पु॒ना॒नः¦व॒र्ध॒¦नः॒¦गिरः॑ || |
| त्वोता᳚स॒स्तवाव॑सा॒¦स्याम॑व॒न्वन्त॑आ॒मुरः॑ | सोम᳚व्र॒तेषु॑जागृहि || 24 || त्वाऽऊ᳚तासः¦तव॑¦अव॑सा¦स्याम॑¦व॒न्वन्तः॑¦आ॒ऽमुरः॑ | सोम॑¦व्र॒तेषु॑¦जा॒गृ॒हि॒ || |
| अ॒प॒घ्नन्प॑वते॒मृधो¦ऽप॒सोमो॒,अरा᳚व्णः | गच्छ॒न्निन्द्र॑स्यनिष्कृ॒तम् || 25 || अ॒प॒ऽघ्नन्¦प॒व॒ते॒¦मृधः॑¦अप॑¦सोमः॑¦अरा᳚व्णः | गच्छ॑न्¦इन्द्र॑स्य¦निः॒ऽकृ॒तम् || |
| म॒होनो᳚रा॒यआभ॑र॒¦पव॑मानज॒हीमृधः॑ | रास्वे᳚न्दोवी॒रव॒द्यशः॑ || 26 || वर्ग:23 म॒हः¦नः॒¦रा॒यः¦आ¦भ॒र॒¦पव॑मान¦ज॒हि¦मृधः॑ | रास्व॑¦इ॒न्दो॒ इति॑¦वी॒रऽव॑त्¦यशः॑ || |
| नत्वा᳚श॒तंच॒नह्रुतो॒¦राधो॒दित्स᳚न्त॒मामि॑नन् | यत्पु॑ना॒नोम॑ख॒स्यसे᳚ || 27 || न¦त्वा॒¦श॒तम्¦च॒न¦हुतः॑¦राधः॑¦दित्स᳚न्तम्¦आ¦मि॒न॒न् | यत्¦पु॒ना॒नः¦म॒ख॒स्यसे᳚ || |
| पव॑स्वेन्दो॒वृषा᳚सु॒तः¦कृ॒धीनो᳚य॒शसो॒जने᳚ | विश्वा॒,अप॒द्विषो᳚जहि || 28 || पव॑स्व¦इ॒न्दो॒ इति॑¦वृषा᳚¦सु॒तः¦कृ॒धि¦नः॒¦य॒शसः॑¦जने᳚ | विश्वाः᳚¦अप॑¦द्विषः॑¦ज॒हि॒ || |
| अस्य॑तेस॒ख्येव॒यं¦तवे᳚न्दोद्यु॒म्नउ॑त्त॒मे | सा॒स॒ह्याम॑पृतन्य॒तः || 29 || अस्य॑¦ते॒¦स॒ख्ये¦व॒यम्¦तव॑¦इ॒न्दो॒ इति॑¦द्यु॒म्ने¦उ॒त्ऽत॒मे | स॒स॒ह्याम॑¦पृ॒त॒न्य॒तः || |
| याते᳚भी॒मान्यायु॑धा¦ति॒ग्मानि॒सन्ति॒धूर्व॑णे | रक्षा᳚समस्यनोनि॒दः || 30 || या¦ते॒¦भी॒मानि॑¦आयु॑धा¦ति॒ग्मानि॑¦सन्ति॑¦धूर्व॑णे | रक्ष॑¦स॒म॒स्य॒¦नः॒¦नि॒दः || |
| [62] एतेअसृग्रमिति त्रिंशदृचस्य सूक्तस्य भार्गवोजमदग्निः पवमानसोमो गायत्री |{मंडल:9, सूक्त:62}{अनुवाक:3, सूक्त:2}{अष्टक:7, अध्याय:1} |
| ए॒ते,अ॑सृग्र॒मिन्द॑व¦स्ति॒रःप॒वित्र॑मा॒शवः॑ | विश्वा᳚न्य॒भिसौभ॑गा || 1 || वर्ग:24 ए॒ते¦अ॒सृ॒ग्र॒म्¦इन्द॑वः¦ति॒रः¦प॒वित्र᳚म्¦आ॒शवः॑ | विश्वा᳚नि¦अ॒भि¦सौभ॑गा || |
| वि॒घ्नन्तो᳚दुरि॒तापु॒रु¦सु॒गातो॒काय॑वा॒जिनः॑ | तना᳚कृ॒ण्वन्तो॒,अर्व॑ते || 2 || वि॒ऽघ्नन्तः॑¦दुः॒ऽइ॒ता¦पु॒रु¦सु॒ऽगा¦तो॒काय॑¦वा॒जिनः॑ | तना᳚¦कृ॒ण्वन्तः॑¦अर्व॑ते || |
| कृ॒ण्वन्तो॒वरि॑वो॒गवे॒¦ऽभ्य॑र्षन्तिसुष्टु॒तिम् | इळा᳚म॒स्मभ्यं᳚सं॒यत᳚म् || 3 || कृ॒ण्वन्तः॑¦वरि॑वः¦गवे᳚¦अ॒भि¦अ॒र्ष॒न्ति॒¦सु॒ऽस्तु॒तिम् | इळा᳚म्¦अ॒स्मभ्य᳚म्¦स॒म्ऽयत᳚म् || |
| असा᳚व्यं॒शुर्मदा᳚या॒¦ऽप्सुदक्षो᳚गिरि॒ष्ठाः | श्ये॒नोनयोनि॒मास॑दत् || 4 || असा᳚वि¦अं॒शुः¦मदा᳚य¦अ॒प्ऽसु¦दक्षः॑¦गि॒रि॒ऽस्थाः | श्ये॒नः¦न¦योनि᳚म्¦आ¦अ॒स॒द॒त् || |
| शु॒भ्रमन्धो᳚दे॒ववा᳚त¦म॒प्सुधू॒तोनृभिः॑सु॒तः | स्वद᳚न्ति॒गावः॒पयो᳚भिः || 5 || शु॒भ्रम्¦अन्धः॑¦दे॒वऽवा᳚तम्¦अ॒प्ऽसु¦धू॒तः¦नृऽभिः॑¦सु॒तः | स्वद᳚न्ति¦गावः॑¦पयः॑ऽभिः || |
| आदी॒मश्वं॒नहेता॒रो¦ऽशू᳚शुभन्न॒मृता᳚य | मध्वो॒रसं᳚सध॒मादे᳚ || 6 || वर्ग:25 आत्¦ई॒म्¦अश्व᳚म्¦न¦हेता᳚रः¦अशू᳚शुभन्¦अ॒मृता᳚य | मध्वः॑¦रस᳚म्¦स॒ध॒ऽमादे᳚ || |
| यास्ते॒धारा᳚मधु॒श्चुतो¦ऽसृ॑ग्रमिन्दऊ॒तये᳚ | ताभिः॑प॒वित्र॒मास॑दः || 7 || याः¦ते॒¦धाराः᳚¦म॒धु॒ऽश्चुतः॑¦असृ॑ग्रम्¦इ॒न्दो॒ इति॑¦ऊ॒तये᳚ | ताभिः॑¦प॒वित्र᳚म्¦आ¦अ॒स॒दः॒ || |
| सो,अ॒र्षेन्द्रा᳚यपी॒तये᳚¦ति॒रोरोमा᳚ण्य॒व्यया᳚ | सीद॒न्योना॒वने॒ष्वा || 8 || सः¦अ॒र्ष॒¦इन्द्रा᳚य¦पी॒तये᳚¦ति॒रः¦रोमा᳚णि¦अ॒व्यया᳚ | सीद॑न्¦योना᳚¦वने᳚षु¦आ || |
| त्वमि᳚न्दो॒परि॑स्रव॒¦स्वादि॑ष्ठो॒,अङ्गि॑रोभ्यः | व॒रि॒वो॒विद्घृ॒तंपयः॑ || 9 || त्वम्¦इ॒न्दो॒ इति॑¦परि॑¦स्र॒व॒¦स्वादि॑ष्ठः¦अङ्गि॑रःऽभ्यः | व॒रि॒वः॒ऽवित्¦घृ॒तम्¦पयः॑ || |
| अ॒यंविच॑र्षणिर्हि॒तः¦पव॑मानः॒सचे᳚तति | हि॒न्वा॒नआप्यं᳚बृ॒हत् || 10 || अ॒यम्¦विऽच॑र्षणिः¦हि॒तः¦पव॑मानः¦सः¦चे॒त॒ति॒ | हि॒न्वा॒नः¦आप्य᳚म्¦बृ॒हत् || |
| ए॒षवृषा॒वृष᳚व्रतः॒¦पव॑मानो,अशस्ति॒हा | कर॒द्वसू᳚निदा॒शुषे᳚ || 11 || वर्ग:26 ए॒षः¦वृषा᳚¦वृष॑ऽव्रतः¦पव॑मानः¦अ॒श॒स्ति॒ऽहा | कर॑त्¦वसू᳚नि¦दा॒शुषे᳚ || |
| आप॑वस्वसह॒स्रिणं᳚¦र॒यिंगोम᳚न्तम॒श्विन᳚म् | पु॒रु॒श्च॒न्द्रंपु॑रु॒स्पृह᳚म् || 12 || आ¦प॒व॒स्व॒¦स॒ह॒स्रिण᳚म्¦र॒यिम्¦गोऽम᳚न्तम्¦अ॒श्विन᳚म् | पु॒रु॒ऽच॒न्द्रम्¦पु॒रु॒ऽस्पृह᳚म् || |
| ए॒षस्यपरि॑षिच्यते¦मर्मृ॒ज्यमा᳚नआ॒युभिः॑ | उ॒रु॒गा॒यःक॒विक्र॑तुः || 13 || ए॒षः¦स्यः¦परि॑¦सि॒च्य॒ते॒¦म॒र्मृ॒ज्यमा᳚नः¦आ॒युऽभिः॑ | उ॒रु॒ऽगा॒यः¦क॒विऽक्र॑तुः || |
| स॒हस्रो᳚तिःश॒ताम॑घो¦वि॒मानो॒रज॑सःक॒विः | इन्द्रा᳚यपवते॒मदः॑ || 14 || स॒हस्र॑ऽऊतिः¦श॒तऽम॑घः¦वि॒ऽमानः॑¦रज॑सः¦क॒विः | इन्द्रा᳚य¦प॒व॒ते॒¦मदः॑ || |
| गि॒राजा॒तइ॒हस्तु॒त¦इन्दु॒रिन्द्रा᳚यधीयते | विर्योना᳚वस॒तावि॑व || 15 || गि॒रा¦जा॒तः¦इ॒ह¦स्तु॒तः¦इन्दुः॑¦इन्द्रा᳚य¦धी॒य॒ते॒ | विः¦योना᳚¦व॒स॒तौऽइ᳚व || |
| पव॑मानःसु॒तोनृभिः॒¦सोमो॒वाज॑मिवासरत् | च॒मूषु॒शक्म॑ना॒सद᳚म् || 16 || वर्ग:27 पव॑मानः¦सु॒तः¦नृऽभिः॑¦सोमः॑¦वाज᳚म्ऽइव¦अ॒स॒रत् | च॒मूषु॑¦शक्म॑ना¦आ॒ऽसद᳚म् || |
| तंत्रि॑पृ॒ष्ठेत्रि॑वन्धु॒रे¦रथे᳚युञ्जन्ति॒यात॑वे | ऋषी᳚णांस॒प्तधी॒तिभिः॑ || 17 || तम्¦त्रि॒ऽपृ॒ष्ठे¦त्रि॒ऽब॒न्धु॒रे¦रथे᳚¦युं॒ज॒न्ति॒¦यात॑वे | ऋषी᳚णाम्¦स॒प्त¦धी॒तिऽभिः॑ || |
| तंसो᳚तारोधन॒स्पृत॑¦मा॒शुंवाजा᳚य॒यात॑वे | हरिं᳚हिनोतवा॒जिन᳚म् || 18 || तम्¦सो॒ता॒रः॒¦ध॒न॒ऽस्पृत᳚म्¦आ॒शुम्¦वाजा᳚य¦यात॑वे | हरि᳚म्¦हि॒नो॒त॒¦वा॒जिन᳚म् || |
| आ॒वि॒शन्क॒लशं᳚सु॒तो¦विश्वा॒,अर्ष᳚न्न॒भिश्रियः॑ | शूरो॒नगोषु॑तिष्ठति || 19 || आ॒ऽवि॒शन्¦क॒लश᳚म्¦सु॒तः¦विश्वाः᳚¦अर्ष॑न्¦अ॒भि¦श्रियः॑ | शूरः॑¦न¦गोषु॑¦ति॒ष्ठ॒ति॒ || |
| आत॑इन्दो॒मदा᳚य॒कं¦पयो᳚दुहन्त्या॒यवः॑ | दे॒वादे॒वेभ्यो॒मधु॑ || 20 || आ¦ते॒¦इ॒न्दो॒ इति॑¦मदा᳚य¦कम्¦पयः॑¦दु॒ह॒न्ति॒¦आ॒यवः॑ | दे॒वाः¦दे॒वेभ्यः॑¦मधु॑ || |
| आनः॒सोमं᳚प॒वित्र॒आ¦सृ॒जता॒मधु॑मत्तमम् | दे॒वेभ्यो᳚देव॒श्रुत्त॑मम् || 21 || वर्ग:28 आ¦नः॒¦सोम᳚म्¦प॒वित्रे᳚¦आ¦सृ॒जत॑¦मधु॑मत्ऽतमम् | दे॒वेभ्यः॑¦दे॒व॒श्रुत्ऽत॑मम् || |
| ए॒तेसोमा᳚,असृक्षत¦गृणा॒नाःश्रव॑सेम॒हे | म॒दिन्त॑मस्य॒धार॑या || 22 || ए॒ते¦सोमाः᳚¦अ॒सृ॒क्ष॒त॒¦गृ॒णा॒नाः¦श्रव॑से¦म॒हे | म॒दिन्ऽत॑मस्य¦धार॑या || |
| अ॒भिगव्या᳚निवी॒तये᳚¦नृ॒म्णापु॑ना॒नो,अ॑र्षसि | स॒नद्वा᳚जः॒परि॑स्रव || 23 || अ॒भि¦गव्या᳚नि¦वी॒तये᳚¦नृ॒म्णा¦पु॒ना॒नः¦अ॒र्ष॒सि॒ | स॒नत्ऽवा᳚जः¦परि॑¦स्र॒व॒ || |
| उ॒तनो॒गोम॑ती॒रिषो॒¦विश्वा᳚,अर्षपरि॒ष्टुभः॑ | गृ॒णा॒नोज॒मद॑ग्निना || 24 || उ॒त¦नः॒¦गोऽम॑तीः¦इषः॑¦विश्वाः᳚¦अ॒र्ष॒¦प॒रि॒ऽस्तुभः॑ | गृ॒णा॒नः¦ज॒मत्।आ॑ग्निना || |
| पव॑स्ववा॒चो,अ॑ग्रि॒यः¦सोम॑चि॒त्राभि॑रू॒तिभिः॑ | अ॒भिविश्वा᳚नि॒काव्या᳚ || 25 || पव॑स्व¦वा॒चः¦अ॒ग्रि॒यः¦सोम॑¦चि॒त्राभिः॑¦ऊ॒तिऽभिः॑ | अ॒भि¦विश्वा᳚नि¦काव्या᳚ || |
| त्वंस॑मु॒द्रिया᳚,अ॒पो᳚¦ऽग्रि॒योवाच॑ई॒रय॑न् | पव॑स्वविश्वमेजय || 26 || वर्ग:29 त्वम्¦स॒मु॒द्रियाः᳚¦अ॒पः¦अ॒ग्रि॒यः¦वाचः॑¦ई॒रय॑न् | पव॑स्व¦वि॒श्व॒म्ऽए॒ज॒य॒ || |
| तुभ्ये॒माभुव॑नाकवे¦महि॒म्नेसो᳚मतस्थिरे | तुभ्य॑मर्षन्ति॒सिन्ध॑वः || 27 || तुभ्य॑¦इ॒मा¦भुव॑ना¦क॒वे॒¦म॒हि॒म्ने¦सो॒म॒¦त॒स्थि॒रे॒ | तुभ्य᳚म्¦अ॒र्ष॒न्ति॒¦सिन्ध॑वः || |
| प्रते᳚दि॒वोनवृ॒ष्टयो॒¦धारा᳚यन्त्यस॒श्चतः॑ | अ॒भिशु॒क्रामु॑प॒स्तिर᳚म् || 28 || प्र¦ते॒¦दि॒वः¦न¦वृ॒ष्टयः॑¦धाराः᳚¦य॒न्ति॒¦अ॒स॒श्चतः॑ | अ॒भि¦शु॒क्राम्¦उ॒प॒ऽस्तिर᳚म् || |
| इन्द्रा॒येन्दुं᳚पुनीतनो॒¦ग्रंदक्षा᳚य॒साध॑नम् | ई॒शा॒नंवी॒तिरा᳚धसम् || 29 || इन्द्रा᳚य¦इन्दु᳚म्¦पु॒नी॒त॒न॒¦उ॒ग्रम्¦दक्षा᳚य¦साध॑नम् | ई॒शा॒नम्¦वी॒तिऽरा᳚धसम् || |
| पव॑मानऋ॒तःक॒विः¦सोमः॑प॒वित्र॒मास॑दत् | दध॑त्स्तो॒त्रेसु॒वीर्य᳚म् || 30 || पव॑मानः¦ऋ॒तः¦क॒विः¦सोमः॑¦प॒वित्र᳚म्¦आ¦अ॒स॒द॒त् | दध॑त्¦स्तो॒त्रे¦सु॒ऽवीर्य᳚म् || |
| [63] आपवस्वेति त्रिंशदृचस्य सूक्तस्य काश्यपोनिध्रुविः पवमान सोमो गायत्री |{मंडल:9, सूक्त:63}{अनुवाक:3, सूक्त:3}{अष्टक:7, अध्याय:1} |
| आप॑वस्वसह॒स्रिणं᳚¦र॒यिंसो᳚मसु॒वीर्य᳚म् | अ॒स्मेश्रवां᳚सिधारय || 1 || वर्ग:30 आ¦प॒व॒स्व॒¦स॒ह॒स्रिण᳚म्¦र॒यिम्¦सो॒म॒¦सु॒ऽवीर्य᳚म् | अ॒स्मे इति॑¦श्रवां᳚सि¦धा॒र॒य॒ || |
| इष॒मूर्जं᳚चपिन्वस॒¦इन्द्रा᳚यमत्स॒रिन्त॑मः | च॒मूष्वानिषी᳚दसि || 2 || इष᳚म्¦ऊर्ज᳚म्¦च॒¦पि॒न्व॒से॒¦इन्द्रा᳚य¦म॒त्स॒रिन्ऽत॑मः | च॒मूषु॑¦आ¦नि¦सी॒द॒सि॒ || |
| सु॒तइन्द्रा᳚य॒विष्ण॑वे॒¦सोमः॑क॒लशे᳚,अक्षरत् | मधु॑माँ,अस्तुवा॒यवे᳚ || 3 || सु॒तः¦इन्द्रा᳚य¦विष्ण॑वे¦सोमः॑¦क॒लशे᳚¦अ॒क्ष॒र॒त् | मधु॑ऽमान्¦अ॒स्तु॒¦वा॒यवे᳚ || |
| ए॒ते,अ॑सृग्रमा॒शवो¦ऽति॒ह्वरां᳚सिब॒भ्रवः॑ | सोमा᳚ऋ॒तस्य॒धार॑या || 4 || ए॒ते¦अ॒सृ॒ग्र॒म्¦आ॒शवः॑¦अति॑¦ह्वरां᳚सि¦ब॒भ्रवः॑ | सोमाः᳚¦ऋ॒तस्य॑¦धार॑या || |
| इन्द्रं॒वर्ध᳚न्तो,अ॒प्तुरः॑¦कृ॒ण्वन्तो॒विश्व॒मार्य᳚म् | अ॒प॒घ्नन्तो॒,अरा᳚व्णः || 5 || इन्द्र᳚म्¦वर्ध᳚न्तः¦अ॒प्ऽतुरः॑¦कृ॒ण्वन्तः॑¦विश्व᳚म्¦आर्य᳚म् | अ॒प॒ऽघ्नन्तः॑¦अरा᳚व्णः || |
| सु॒ता,अनु॒स्वमारजो॒¦ऽभ्य॑र्षन्तिब॒भ्रवः॑ | इन्द्रं॒गच्छ᳚न्त॒इन्द॑वः || 6 || वर्ग:31 सु॒ताः¦अनु॑¦स्वम्¦आ¦रजः॑¦अ॒भि¦अ॒र्ष॒न्ति॒¦ब॒भ्रवः॑ | इन्द्र᳚म्¦गच्छ᳚न्तः¦इन्द॑वः || |
| अ॒याप॑वस्व॒धार॑या॒¦यया॒सूर्य॒मरो᳚चयः | हि॒न्वा॒नोमानु॑षीर॒पः || 7 || अ॒या¦प॒व॒स्व॒¦धार॑या¦यया᳚¦सूर्य᳚म्¦अरो᳚चयः | हि॒न्वा॒नः¦मानु॑षीः¦अ॒पः || |
| अयु॑क्त॒सूर॒एत॑शं॒¦पव॑मानोम॒नावधि॑ | अ॒न्तरि॑क्षेण॒यात॑वे || 8 || अयु॑क्त¦सूरः॑¦एत॑शम्¦पव॑मानः¦म॒नौ¦अधि॑ | अ॒न्तरि॑क्षेण¦यात॑वे || |
| उ॒तत्याह॒रितो॒दश॒¦सूरो᳚,अयुक्त॒यात॑वे | इन्दु॒रिन्द्र॒इति॑ब्रु॒वन् || 9 || उ॒त¦त्याः¦ह॒रितः॑¦दश॑¦सूरः॑¦अ॒यु॒क्त॒¦यात॑वे | इन्दुः॑¦इन्द्रः॑¦इति॑¦ब्रु॒वन् || |
| परी॒तोवा॒यवे᳚सु॒तं¦गिर॒इन्द्रा᳚यमत्स॒रम् | अव्यो॒वारे᳚षुसिञ्चत || 10 || परि॑¦इ॒तः¦वा॒यवे᳚¦सु॒तम्¦गिरः॑¦इन्द्रा᳚य¦म॒त्स॒रम् | अव्यः॑¦वारे᳚षु¦सिं॒च॒त॒ || |
| पव॑मानवि॒दार॒यि¦म॒स्मभ्यं᳚सोमदु॒ष्टर᳚म् | योदू॒णाशो᳚वनुष्य॒ता || 11 || वर्ग:32 पव॑मान¦वि॒दाः¦र॒यिम्¦अ॒स्मभ्य᳚म्¦सो॒म॒¦दु॒स्तर᳚म् | यः¦दुः॒ऽनशः॑¦व॒नु॒ष्य॒ता || |
| अ॒भ्य॑र्षसह॒स्रिणं᳚¦र॒यिंगोम᳚न्तम॒श्विन᳚म् | अ॒भिवाज॑मु॒तश्रवः॑ || 12 || अ॒भि¦अ॒र्ष॒¦स॒ह॒स्रिण᳚म्¦र॒यिम्¦गोऽम᳚न्तम्¦अ॒श्विन᳚म् | अ॒भि¦वाज᳚म्¦उ॒त¦श्रवः॑ || |
| सोमो᳚दे॒वोनसूर्यो¦ऽद्रि॑भिःपवतेसु॒तः | दधा᳚नःक॒लशे॒रस᳚म् || 13 || सोमः॑¦दे॒वः¦न¦सूर्यः॑¦अद्रि॑ऽभिः¦प॒व॒ते॒¦सु॒तः | दधा᳚नः¦क॒लशे᳚¦रस᳚म् || |
| ए॒तेधामा॒न्यार्या᳚¦शु॒क्रा,ऋ॒तस्य॒धार॑या | वाजं॒गोम᳚न्तमक्षरन् || 14 || ए॒ते¦धामा᳚नि¦आर्या᳚¦शु॒क्राः¦ऋ॒तस्य॑¦धार॑या | वाज᳚म्¦गोऽम᳚न्तम्¦अ॒क्ष॒र॒न् || |
| सु॒ता,इन्द्रा᳚यव॒ज्रिणे॒¦सोमा᳚सो॒दध्या᳚शिरः | प॒वित्र॒मत्य॑क्षरन् || 15 || सु॒ताः¦इन्द्रा᳚य¦व॒ज्रिणे᳚¦सोमा᳚सः¦दधि॑ऽआशिरः | प॒वित्र᳚म्¦अति॑¦अ॒क्ष॒र॒न् || |
| प्रसो᳚म॒मधु॑मत्तमो¦रा॒ये,अ॑र्षप॒वित्र॒आ | मदो॒योदे᳚व॒वीत॑मः || 16 || वर्ग:33 प्र¦सो॒म॒¦मधु॑मत्ऽतमः¦रा॒ये¦अ॒र्ष॒¦प॒वित्रे᳚¦आ | मदः॑¦यः¦दे॒व॒ऽवीत॑मः || |
| तमी᳚मृजन्त्या॒यवो॒¦हरिं᳚न॒दीषु॑वा॒जिन᳚म् | इन्दु॒मिन्द्रा᳚यमत्स॒रम् || 17 || तम्¦ई॒मिति॑¦मृ॒ज॒न्ति॒¦आ॒यवः॑¦हरि᳚म्¦न॒दीषु॑¦वा॒जिन᳚म् | इन्दु᳚म्¦इन्द्रा᳚य¦म॒त्स॒रम् || |
| आप॑वस्व॒हिर᳚ण्यव॒¦दश्वा᳚वत्सोमवी॒रव॑त् | वाजं॒गोम᳚न्त॒माभ॑र || 18 || आ¦प॒व॒स्व॒¦हिर᳚ण्यऽवत्¦अश्व॑ऽवत्¦सो॒म॒¦वी॒रऽव॑त् | वाज᳚म्¦गोऽम᳚न्तम्¦आ¦भ॒र॒ || |
| परि॒वाजे॒नवा᳚ज॒यु¦मव्यो॒वारे᳚षुसिञ्चत | इन्द्रा᳚य॒मधु॑मत्तमम् || 19 || परि॑¦वाजे᳚¦न¦वा॒ज॒ऽयुम्¦अव्यः॑¦वारे᳚षु¦सिं॒च॒त॒ | इन्द्रा᳚य¦मधु॑मत्ऽतमम् || |
| क॒विंमृ॑जन्ति॒मर्ज्यं᳚¦धी॒भिर्विप्रा᳚,अव॒स्यवः॑ | वृषा॒कनि॑क्रदर्षति || 20 || क॒विम्¦मृ॒ज॒न्ति॒¦मर्ज्य᳚म्¦धी॒भिः¦विप्राः᳚¦अ॒व॒स्यवः॑ | वृषा᳚¦कनि॑क्रत्¦अ॒र्ष॒ति॒ || |
| वृष॑णंधी॒भिर॒प्तुरं॒¦सोम॑मृ॒तस्य॒धार॑या | म॒तीविप्राः॒सम॑स्वरन् || 21 || वर्ग:34 वृष॑णम्¦धी॒भिः¦अ॒प्ऽतुर᳚म्¦सोम᳚म्¦ऋ॒तस्य॑¦धार॑या | म॒ती¦विप्राः᳚¦सम्¦अ॒स्व॒र॒न् || |
| पव॑स्वदेवायु॒ष¦गिन्द्रं᳚गच्छतुते॒मदः॑ | वा॒युमारो᳚ह॒धर्म॑णा || 22 || पव॑स्व¦दे॒व॒¦आ॒यु॒षक्¦इन्द्र᳚म्¦ग॒च्छ॒तु॒¦ते॒¦मदः॑ | वा॒युम्¦आ¦रो॒ह॒¦धर्म॑णा || |
| पव॑मान॒नितो᳚शसे¦र॒यिंसो᳚मश्र॒वाय्य᳚म् | प्रि॒यःस॑मु॒द्रमावि॑श || 23 || पव॑मान¦नि¦तो॒श॒से॒¦र॒यिम्¦सो॒म॒¦श्र॒वाय्य᳚म् | प्रि॒यः¦स॒मु॒द्रम्¦आ¦वि॒श॒ || |
| अ॒प॒घ्नन्प॑वसे॒मृधः॑¦क्रतु॒वित्सो᳚ममत्स॒रः | नु॒दस्वादे᳚वयुं॒जन᳚म् || 24 || अ॒प॒ऽघ्नन्¦प॒व॒से॒¦मृधः॑¦क्र॒तु॒ऽवित्¦सो॒म॒¦म॒त्स॒रः | नु॒दस्व॑¦अदे᳚वऽयुम्¦जन᳚म् || |
| पव॑माना,असृक्षत॒¦सोमाः᳚शु॒क्रास॒इन्द॑वः | अ॒भिविश्वा᳚नि॒काव्या᳚ || 25 || पव॑मानाः¦अ॒सृ॒क्ष॒त॒¦सोमाः᳚¦शु॒क्रासः॑¦इन्द॑वः | अ॒भि¦विश्वा᳚नि¦काव्या᳚ || |
| पव॑मानासआ॒शवः॑¦शु॒भ्रा,अ॑सृग्र॒मिन्द॑वः | घ्नन्तो॒विश्वा॒,अप॒द्विषः॑ || 26 || वर्ग:35 पव॑मानासः¦आ॒शवः॑¦शु॒भ्राः¦अ॒सृ॒ग्र॒म्¦इन्द॑वः | घ्नन्तः॑¦विश्वाः᳚¦अप॑¦द्विषः॑ || |
| पव॑मानादि॒वस्प¦र्य॒न्तरि॑क्षादसृक्षत | पृ॒थि॒व्या,अधि॒सान॑वि || 27 || पव॑मानाः¦दि॒वः¦परि॑¦अ॒न्तरि॑क्षात्¦अ॒सृ॒क्ष॒त॒ | पृ॒थि॒व्याः¦अधि॑¦सान॑वि || |
| पु॒ना॒नःसो᳚म॒धार॒ये¦न्दो॒विश्वा॒,अप॒स्रिधः॑ | ज॒हिरक्षां᳚सिसुक्रतो || 28 || पु॒ना॒नः¦सो॒म॒¦धार॑या¦इन्दो॒ इति॑¦विश्वाः᳚¦अप॑¦स्रिधः॑ | ज॒हि¦रक्षां᳚सि¦सु॒क्र॒तो॒ इति॑ सुऽक्रतो || |
| अ॒प॒घ्नन्त्सो᳚मर॒क्षसो॒¦ऽभ्य॑र्ष॒कनि॑क्रदत् | द्यु॒मन्तं॒शुष्म॑मुत्त॒मम् || 29 || अ॒प॒ऽघ्नन्¦सो॒म॒¦र॒क्षसः॑¦अ॒भि¦अ॒र्ष॒¦कनि॑क्रदत् | द्यु॒ऽमन्त᳚म्¦शुष्म᳚म्¦उ॒त्ऽत॒मम् || |
| अ॒स्मेवसू᳚निधारय॒¦सोम॑दि॒व्यानि॒पार्थि॑वा | इन्दो॒विश्वा᳚नि॒वार्या᳚ || 30 || अ॒स्मे इति॑¦वसू᳚नि¦धा॒र॒य॒¦सोम॑¦दि॒व्यानि॑¦पार्थि॑वा | इन्दो॒ इति॑¦विश्वा᳚नि¦वार्या᳚ || |
| [64] वृषासोमेति त्रिंशदृचस्यसूक्तस्य मारीचः कश्यपः पवमानसोमोगायत्री |{मंडल:9, सूक्त:64}{अनुवाक:3, सूक्त:4}{अष्टक:7, अध्याय:1} |
| वृषा᳚सोमद्यु॒माँ,अ॑सि॒¦वृषा᳚देव॒वृष᳚व्रतः | वृषा॒धर्मा᳚णिदधिषे || 1 || वर्ग:36 वृषा᳚¦सो॒म॒¦द्यु॒ऽमान्¦अ॒सि॒¦वृषा᳚¦दे॒व॒¦वृष॑ऽव्रतः | वृषा᳚¦धर्मा᳚णि¦द॒धि॒षे॒ || |
| वृष्ण॑स्ते॒वृष्ण्यं॒शवो॒¦वृषा॒वनं॒वृषा॒मदः॑ | स॒त्यंवृ॑ष॒न्वृषेद॑सि || 2 || वृष्णः॑¦ते॒¦वृष्ण्य᳚म्¦शवः॑¦वृषा᳚¦वन᳚म्¦वृषा᳚¦मदः॑ | स॒त्यम्¦वृ॒ष॒न्¦वृषा᳚¦इत्¦अ॒सि॒ || |
| अश्वो॒नच॑क्रदो॒वृषा॒¦संगा,इ᳚न्दो॒समर्व॑तः | विनो᳚रा॒येदुरो᳚वृधि || 3 || अश्वः॑¦न¦च॒क्र॒दः॒¦वृषा᳚¦सम्¦गाः¦इ॒न्दो॒ इति॑¦सम्¦अर्व॑तः | वि¦नः॒¦रा॒ये¦दुरः॑¦वृ॒धि॒ || |
| असृ॑क्षत॒प्रवा॒जिनो᳚¦ग॒व्यासोमा᳚सो,अश्व॒या | शु॒क्रासो᳚वीर॒याशवः॑ || 4 || असृ॑क्षत¦प्र¦वा॒जिनः॑¦ग॒व्या¦सोमा᳚सः¦अ॒श्व॒ऽया | शु॒क्रासः॑¦वी॒र॒ऽया¦आ॒शवः॑ || |
| शु॒म्भमा᳚ना,ऋता॒युभि᳚¦र्मृ॒ज्यमा᳚ना॒गभ॑स्त्योः | पव᳚न्ते॒वारे᳚,अ॒व्यये᳚ || 5 || शु॒म्भमा᳚नाः¦ऋ॒त॒युऽभिः॑¦मृ॒ज्यमा᳚नाः¦गभ॑स्त्योः | पव᳚न्ते¦वारे᳚¦अ॒व्यये᳚ || |
| तेविश्वा᳚दा॒शुषे॒वसु॒¦सोमा᳚दि॒व्यानि॒पार्थि॑वा | पव᳚न्ता॒मान्तरि॑क्ष्या || 6 || वर्ग:37 ते¦विश्वा᳚¦दा॒शुषे᳚¦वसु॑¦सोमाः᳚¦दि॒व्यानि॑¦पार्थि॑वा | पव᳚न्ताम्¦आ¦अ॒न्तरि॑क्ष्या || |
| पव॑मानस्यविश्ववि॒त्¦प्रते॒सर्गा᳚,असृक्षत | सूर्य॑स्येव॒नर॒श्मयः॑ || 7 || पव॑मानस्य¦वि॒श्व॒ऽवि॒त्¦प्र¦ते॒¦सर्गाः᳚¦अ॒सृ॒क्ष॒त॒ | सूर्य॑स्यऽइव¦न¦र॒श्मयः॑ || |
| के॒तुंकृ॒ण्वन्दि॒वस्परि॒¦विश्वा᳚रू॒पाभ्य॑र्षसि | स॒मु॒द्रःसो᳚मपिन्वसे || 8 || के॒तुम्¦कृ॒ण्वन्¦दि॒वः¦परि॑¦विश्वा᳚¦रू॒पा¦अ॒भि¦अ॒र्ष॒सि॒ | स॒मु॒द्रः¦सो॒म॒¦पि॒न्व॒से॒ || |
| हि॒न्वा॒नोवाच॑मिष्यसि॒¦पव॑मान॒विध᳚र्मणि | अक्रा᳚न्दे॒वोनसूर्यः॑ || 9 || हि॒न्वा॒नः¦वाच᳚म्¦इ॒ष्य॒सि॒¦पव॑मान¦विऽध᳚र्मणि | अक्रा᳚न्¦दे॒वः¦न¦सूर्यः॑ || |
| इन्दुः॑पविष्ट॒चेत॑नः¦प्रि॒यःक॑वी॒नांम॒ती | सृ॒जदश्वं᳚र॒थीरि॑व || 10 || इन्दुः॑¦प॒वि॒ष्ट॒¦चेत॑नः¦प्रि॒यः¦क॒वी॒नाम्¦म॒ती | सृ॒जत्¦अश्व᳚म्¦र॒थीःऽइ᳚व || |
| ऊ॒र्मिर्यस्ते᳚प॒वित्र॒आ¦दे᳚वा॒वीःप॒र्यक्ष॑रत् | सीद᳚न्नृ॒तस्य॒योनि॒मा || 11 || वर्ग:38 ऊ॒र्मिः¦यः¦ते॒¦प॒वित्रे᳚¦आ¦द॒व॒।आ॒वीः¦प॒रि॒।आक्ष॑रत् | सीद॑न्¦ऋ॒तस्य॑¦योनि᳚म्¦आ || |
| सनो᳚,अर्षप॒वित्र॒आ¦मदो॒योदे᳚व॒वीत॑मः | इन्द॒विन्द्रा᳚यपी॒तये᳚ || 12 || सः¦नः॒¦अ॒र्ष॒¦प॒वित्रे᳚¦आ¦मदः॑¦यः¦दे॒व॒ऽवीत॑मः | इन्दो॒ इति॑¦इन्द्रा᳚य¦पी॒तये᳚ || |
| इ॒षेप॑वस्व॒धार॑या¦मृ॒ज्यमा᳚नोमनी॒षिभिः॑ | इन्दो᳚रु॒चाभिगा,इ॑हि || 13 || इ॒षे¦प॒व॒स्व॒¦धार॑या¦मृ॒ज्यमा᳚नः¦म॒नी॒षिऽभिः॑ | इन्दो॒ इति॑¦रु॒चा¦अ॒भि¦गाः¦इ॒हि॒ || |
| पु॒ना॒नोवरि॑वस्कृ॒ध्यू¦र्जं॒जना᳚यगिर्वणः | हरे᳚सृजा॒नआ॒शिर᳚म् || 14 || पु॒ना॒नः¦वरि॑वः¦कृ॒धि॒¦ऊर्ज᳚म्¦जना᳚य¦गि॒र्व॒णः॒ | हरे᳚¦सृ॒जा॒नः¦आ॒ऽशिर᳚म् || |
| पु॒ना॒नोदे॒ववी᳚तय॒¦इन्द्र॑स्ययाहिनिष्कृ॒तम् | द्यु॒ता॒नोवा॒जिभि᳚र्य॒तः || 15 || पु॒ना॒नः¦दे॒वऽवी᳚तये¦इन्द्र॑स्य¦या॒हि॒¦निः॒ऽकृ॒तम् | द्यु॒ता॒नः¦वा॒जिऽभिः॑¦य॒तः || |
| प्रहि᳚न्वा॒नास॒इन्द॒वो¦ऽच्छा᳚समु॒द्रमा॒शवः॑ | धि॒याजू॒ता,अ॑सृक्षत || 16 || वर्ग:39 प्र¦हि॒न्वा॒नासः॑¦इन्द॑वः¦अच्छ॑¦स॒मु॒द्रम्¦आ॒शवः॑ | धि॒या¦जू॒ताः¦अ॒सृ॒क्ष॒त॒ || |
| म॒र्मृ॒जा॒नास॑आ॒यवो॒¦वृथा᳚समु॒द्रमिन्द॑वः | अग्म᳚न्नृ॒तस्य॒योनि॒मा || 17 || म॒र्मृ॒जा॒नासः॑¦आ॒यवः॑¦वृथा᳚¦स॒मु॒द्रम्¦इन्द॑वः | अग्म॑न्¦ऋ॒तस्य॑¦योनि᳚म्¦आ || |
| परि॑णोयाह्यस्म॒यु¦र्विश्वा॒वसू॒न्योज॑सा | पा॒हिनः॒शर्म॑वी॒रव॑त् || 18 || परि॑¦नः॒¦या॒हि॒¦अ॒स्म॒ऽयुः¦विश्वा᳚¦वसू᳚नि¦ओज॑सा | पा॒हि¦नः॒¦शर्म॑¦वी॒रऽव॑त् || |
| मिमा᳚ति॒वह्नि॒रेत॑शः¦प॒दंयु॑जा॒नऋक्व॑भिः | प्रयत्स॑मु॒द्रआहि॑तः || 19 || मिमा᳚ति¦वह्निः॑¦एत॑शः¦प॒दम्¦यु॒जा॒नः¦ऋक्व॑ऽभिः | प्र¦यत्¦स॒मु॒द्रे¦आऽहि॑तः || |
| आयद्योनिं᳚हिर॒ण्यय॑¦मा॒शुरृ॒तस्य॒सीद॑ति | जहा॒त्यप्र॑चेतसः || 20 || आ¦यत्¦योनि᳚म्¦हि॒र॒ण्यय᳚म्¦आ॒शुः¦ऋ॒तस्य॑¦सीद॑ति | जहा᳚ति¦अप्र॑ऽचेतसः || |
| अ॒भिवे॒ना,अ॑नूष॒ते¦य॑क्षन्ति॒प्रचे᳚तसः | मज्ज॒न्त्यवि॑चेतसः || 21 || वर्ग:40 अ॒भि¦वे॒नाः¦अ॒नू॒ष॒त॒¦इय॑क्षन्ति¦प्रऽचे᳚तसः | मज्ज᳚न्ति¦अवि॑ऽचेतसः || |
| इन्द्रा᳚येन्दोम॒रुत्व॑ते॒¦पव॑स्व॒मधु॑मत्तमः | ऋ॒तस्य॒योनि॑मा॒सद᳚म् || 22 || इन्द्रा᳚य¦इ॒न्दो॒ इति॑¦म॒रुत्व॑ते¦पव॑स्व¦मधु॑मत्ऽतमः | ऋ॒तस्य॑¦योनि᳚म्¦आ॒ऽसद᳚म् || |
| तंत्वा॒विप्रा᳚वचो॒विदः॒¦परि॑ष्कृण्वन्तिवे॒धसः॑ | संत्वा᳚मृजन्त्या॒यवः॑ || 23 || तम्¦त्वा॒¦विप्राः᳚¦व॒चः॒ऽविदः॑¦परि॑¦कृ॒ण्व॒न्ति॒¦वे॒धसः॑ | सम्¦त्वा॒¦मृ॒ज॒न्ति॒¦आ॒यवः॑ || |
| रसं᳚तेमि॒त्रो,अ᳚र्य॒मा¦पिब᳚न्ति॒वरु॑णःकवे | पव॑मानस्यम॒रुतः॑ || 24 || रस᳚म्¦ते॒¦मि॒त्रः¦अ॒र्य॒मा¦पिब᳚न्ति¦वरु॑णः¦क॒वे॒ | पव॑मानस्य¦म॒रुतः॑ || |
| त्वंसो᳚मविप॒श्चितं᳚¦पुना॒नोवाच॑मिष्यसि | इन्दो᳚स॒हस्र॑भर्णसम् || 25 || त्वम्¦सो॒म॒¦वि॒पः॒ऽचित᳚म्¦पु॒ना॒नः¦वाच᳚म्¦इ॒ष्य॒सि॒ | इन्दो॒ इति॑¦स॒हस्र॑ऽभर्णसम् || |
| उ॒तोस॒हस्र॑भर्णसं॒¦वाचं᳚सोममख॒स्युव᳚म् | पु॒ना॒नइ᳚न्द॒वाभ॑र || 26 || वर्ग:41 उ॒तो इति॑¦स॒हस्र॑ऽभर्णसम्¦वाच᳚म्¦सो॒म॒¦म॒ख॒स्युव᳚म् | पु॒ना॒नः¦इ॒न्दो॒ इति॑¦आ¦भ॒र॒ || |
| पु॒ना॒नइ᳚न्दवेषां॒¦पुरु॑हूत॒जना᳚नाम् | प्रि॒यःस॑मु॒द्रमावि॑श || 27 || पु॒ना॒नः¦इ॒न्दो॒ इति॑¦ए॒षा॒म्¦पुरु॑ऽहूत¦जना᳚नाम् | प्रि॒यः¦स॒मु॒द्रम्¦आ¦वि॒श॒ || |
| दवि॑द्युतत्यारु॒चा¦प॑रि॒ष्टोभ᳚न्त्याकृ॒पा | सोमाः᳚शु॒क्रागवा᳚शिरः || 28 || दवि॑द्युतत्या¦रु॒चा¦प॒रि॒ऽस्तोभ᳚न्त्या¦कृ॒पा | सोमाः᳚¦शु॒क्राः¦गोऽआ᳚शिरः || |
| हि॒न्वा॒नोहे॒तृभि᳚र्य॒त¦आवाजं᳚वा॒ज्य॑क्रमीत् | सीद᳚न्तोव॒नुषो᳚यथा || 29 || हि॒न्वा॒नः¦हे॒तृऽभिः॑¦य॒तः¦आ¦वाज᳚म्¦वा॒जी¦अ॒क्र॒मी॒त् | सीद᳚न्तः¦व॒नुषः॑¦य॒था॒ || |
| ऋ॒धक्सो᳚मस्व॒स्तये᳚¦संजग्मा॒नोदि॒वःक॒विः | पव॑स्व॒सूर्यो᳚दृ॒शे || 30 || ऋ॒धक्¦सो॒म॒¦स्व॒स्तये᳚¦स॒म्ऽज॒ग्मा॒नः¦दि॒वः¦क॒विः | पव॑स्व¦सूर्यः॑¦दृ॒शे || |
| [65] हिन्वन्तीति त्रिंशदृचस्य सूक्तस्य वारुणिर्भृगुः पवमानसोमोगायत्री | (अत्रभार्गवोजमदग्निः पाक्षिकः) (पवमान पारायण चतुर्थोध्यायः){मंडल:9, सूक्त:65}{अनुवाक:3, सूक्त:5}{अष्टक:7, अध्याय:2} |
| हि॒न्वन्ति॒सूर॒मुस्र॑यः॒¦स्वसा᳚रोजा॒मय॒स्पति᳚म् | म॒हामिन्दुं᳚मही॒युवः॑ || 1 || वर्ग:1 हि॒न्वन्ति॑¦सूर᳚म्¦उस्र॑यः¦स्वसा᳚रः¦जा॒मयः॑¦पति᳚म् | म॒हाम्¦इन्दु᳚म्¦म॒ही॒युवः॑ || |
| पव॑मानरु॒चारु॑चा¦दे॒वोदे॒वेभ्य॒स्परि॑ | विश्वा॒वसू॒न्यावि॑श || 2 || पव॑मान¦रु॒चाऽरु॑चा¦दे॒वः¦दे॒वेभ्यः॑¦परि॑ | विश्वा᳚¦वसू᳚नि¦आ¦वि॒श॒ || |
| आप॑वमानसुष्टु॒तिं¦वृ॒ष्टिंदे॒वेभ्यो॒दुवः॑ | इ॒षेप॑वस्वसं॒यत᳚म् || 3 || आ¦प॒व॒मा॒न॒¦सु॒ऽस्तु॒तिम्¦वृ॒ष्टिम्¦दे॒वेभ्यः॑¦दुवः॑ | इ॒षे¦प॒व॒स्व॒¦स॒म्ऽयत᳚म् || |
| वृषा॒ह्यसि॑भा॒नुना᳚¦द्यु॒मन्तं᳚त्वाहवामहे | पव॑मानस्वा॒ध्यः॑ || 4 || वृषा᳚¦हि¦असि॑¦भा॒नुना᳚¦द्यु॒ऽमन्त᳚म्¦त्वा॒¦ह॒वा॒म॒हे॒ | पव॑मान¦सु॒ऽआ॒ध्यः॑ || |
| आप॑वस्वसु॒वीर्यं॒¦मन्द॑मानःस्वायुध | इ॒होष्वि᳚न्द॒वाग॑हि || 5 || आ¦पा॒व॒स्व॒¦सु॒ऽवीर्य᳚म्¦मन्द॑मानः¦सु॒ऽआ॒यु॒ध॒ | इ॒हो इति॑¦सु¦इ॒न्दो॒ इति॑¦आ¦ग॒हि॒ || |
| यद॒द्भिःप॑रिषि॒च्यसे᳚¦मृ॒ज्यमा᳚नो॒गभ॑स्त्योः | द्रुणा᳚स॒धस्थ॑मश्नुषे || 6 || वर्ग:2 यत्¦अ॒त्ऽभिः¦प॒रि॒ऽसि॒च्यसे᳚¦मृ॒ज्यमा᳚नः¦गभ॑स्त्योः | द्रुणा᳚¦स॒धऽस्थ᳚म्¦अ॒श्नु॒षे॒ || |
| प्रसोमा᳚यव्यश्व॒वत्¦पव॑मानायगायत | म॒हेस॒हस्र॑चक्षसे || 7 || प्र¦सोमा᳚य¦व्य॒श्व॒ऽवत्¦पव॑मानाय¦गा॒य॒त॒ | म॒हे¦स॒हस्र॑ऽचक्षसे || |
| यस्य॒वर्णं᳚मधु॒श्चुतं॒¦हरिं᳚हि॒न्वन्त्यद्रि॑भिः | इन्दु॒मिन्द्रा᳚यपी॒तये᳚ || 8 || यस्य॑¦वर्ण᳚म्¦म॒धु॒ऽश्चुत᳚म्¦हरि᳚म्¦हि॒न्वन्ति॑¦अद्रि॑ऽभिः | इन्दु᳚म्¦इन्द्रा᳚य¦पी॒तये᳚ || |
| तस्य॑तेवा॒जिनो᳚व॒यं¦विश्वा॒धना᳚निजि॒ग्युषः॑ | स॒खि॒त्वमावृ॑णीमहे || 9 || तस्य॑¦ते॒¦वा॒जिनः॑¦व॒यम्¦विश्वा᳚¦धना᳚नि¦जि॒ग्युषः॑ | स॒खि॒ऽत्वम्¦आ¦वृ॒णी॒म॒हे॒ || |
| वृषा᳚पवस्व॒धार॑या¦म॒रुत्व॑तेचमत्स॒रः | विश्वा॒दधा᳚न॒ओज॑सा || 10 || वृषा᳚¦प॒व॒स्व॒¦धार॑या¦म॒रुत्व॑ते¦च॒¦म॒त्स॒रः | विश्वा᳚¦दधा᳚नः¦ओज॑सा || |
| तंत्वा᳚ध॒र्तार॑मो॒ण्यो॒३॑(ओः॒)¦पव॑मानस्व॒र्दृश᳚म् | हि॒न्वेवाजे᳚षुवा॒जिन᳚म् || 11 || वर्ग:3 तम्¦त्वा॒¦ध॒र्तार᳚म्¦ओ॒ण्योः᳚¦पव॑मान¦स्वः॒ऽदृश᳚म् | हि॒न्वे¦वाजे᳚षु¦वा॒जिन᳚म् || |
| अ॒याचि॒त्तोवि॒पानया॒¦हरिः॑पवस्व॒धार॑या | युजं॒वाजे᳚षुचोदय || 12 || अ॒या¦चि॒त्तः¦वि॒पा¦अ॒नया᳚¦हरिः॑¦प॒व॒स्व॒¦धार॑या | युज᳚म्¦वाजे᳚षु¦चो॒द॒य॒ || |
| आन॑इन्दोम॒हीमिषं॒¦पव॑स्ववि॒श्वद॑र्शतः | अ॒स्मभ्यं᳚सोमगातु॒वित् || 13 || आ¦नः॒¦इ॒न्दो॒ इति॑¦म॒हीम्¦इष᳚म्¦पव॑स्व¦वि॒श्वऽद॑र्शतः | अ॒स्मभ्य᳚म्¦सो॒म॒¦गा॒तु॒ऽवित् || |
| आक॒लशा᳚,अनूष॒ते¦न्दो॒धारा᳚भि॒रोज॑सा | एन्द्र॑स्यपी॒तये᳚विश || 14 || आ¦क॒लशाः᳚¦अ॒नू॒ष॒त॒¦इन्दो॒ इति॑¦धारा᳚भिः¦ओज॑सा | आ¦इन्द्र॑स्य¦पी॒तये᳚¦वि॒श॒ || |
| यस्य॑ते॒मद्यं॒रसं᳚¦ती॒व्रंदु॒हन्त्यद्रि॑भिः | सप॑वस्वाभिमाति॒हा || 15 || यस्य॑¦ते॒¦मद्य᳚म्¦रस᳚म्¦ती॒व्रम्¦दु॒हन्ति॑¦अद्रि॑ऽभिः | सः¦प॒व॒स्व॒¦अ॒भि॒मा॒ति॒ऽहा || |
| राजा᳚मे॒धाभि॑रीयते॒¦पव॑मानोम॒नावधि॑ | अ॒न्तरि॑क्षेण॒यात॑वे || 16 || वर्ग:4 राजा᳚¦मे॒धाभिः॑¦ई॒य॒ते॒¦पव॑मानः¦म॒नौ¦अधि॑ | अ॒न्तरि॑क्षेण¦यात॑वे || |
| आन॑इन्दोशत॒ग्विनं॒¦गवां॒पोषं॒स्वश्व्य᳚म् | वहा॒भग॑त्तिमू॒तये᳚ || 17 || आ¦नः॒¦इ॒न्दो॒ इति॑¦श॒त॒ऽग्विन᳚म्¦गवा᳚म्¦पोष᳚म्¦सु॒।आश्व्य᳚म् | वह॑¦भग॑त्तिम्¦ऊ॒तये᳚ || |
| आनः॑सोम॒सहो॒जुवो᳚¦रू॒पंनवर्च॑सेभर | सु॒ष्वा॒णोदे॒ववी᳚तये || 18 || आ¦नः॒¦सो॒म॒¦सहः॑¦जुवः॑¦रू॒पम्¦न¦वर्च॑से¦भ॒र॒ | सु॒स्वा॒नः¦दे॒वऽवी᳚तये || |
| अर्षा᳚सोमद्यु॒मत्त॑मो॒¦ऽभिद्रोणा᳚नि॒रोरु॑वत् | सीद᳚ञ्छ्ये॒नोनयोनि॒मा || 19 || अर्ष॑¦सो॒म॒¦द्यु॒मत्ऽत॑मः¦अ॒भि¦द्रोणा᳚नि¦रोरु॑वत् | सीद॑न्¦श्ये॒नः¦न¦योनि᳚म्¦आ || |
| अ॒प्सा,इन्द्रा᳚यवा॒यवे॒¦वरु॑णायम॒रुद्भ्यः॑ | सोमो᳚,अर्षति॒विष्ण॑वे || 20 || अ॒प्साः¦इन्द्रा᳚य¦वा॒यवे᳚¦वरु॑णाय¦म॒रुत्ऽभ्यः॑ | सोमः॑¦अ॒र्ष॒ति॒¦विष्ण॑वे || |
| इषं᳚तो॒काय॑नो॒दध॑द॒¦स्मभ्यं᳚सोमवि॒श्वतः॑ | आप॑वस्वसह॒स्रिण᳚म् || 21 || वर्ग:5 इष᳚म्¦तो॒काय॑¦नः॒¦दध॑त्¦अ॒स्मभ्य᳚म्¦सो॒म॒¦वि॒श्वतः॑ | आ¦प॒व॒स्व॒¦स॒ह॒स्रिण᳚म् || |
| येसोमा᳚सःपरा॒वति॒¦ये,अ᳚र्वा॒वति॑सुन्वि॒रे | येवा॒दःश᳚र्य॒णाव॑ति || 22 || ये¦सोमा᳚सः¦प॒रा॒ऽवति॑¦ये¦अ॒र्वा॒ऽवति॑¦सु॒न्वि॒रे | ये¦वा॒¦अ॒दः¦श॒र्य॒णाऽव॑ति || |
| यआ᳚र्जी॒केषु॒कृत्व॑सु॒¦येमध्ये᳚प॒स्त्या᳚नाम् | येवा॒जने᳚षुप॒ञ्चसु॑ || 23 || ये¦आ॒र्जी॒केषु॑¦कृत्व॑ऽसु¦ये¦मध्ये᳚¦प॒स्त्या᳚नाम् | ये¦वा॒¦जने᳚षु¦पं॒चऽसु॑ || |
| तेनो᳚वृ॒ष्टिंदि॒वस्परि॒¦पव᳚न्ता॒मासु॒वीर्य᳚म् | सु॒वा॒नादे॒वास॒इन्द॑वः || 24 || ते¦नः॒¦वृ॒ष्टिम्¦दि॒वः¦परि॑¦पव᳚न्ताम्¦आ¦सु॒ऽवीर्य᳚म् | सु॒वा॒नाः¦दे॒वासः॑¦इन्द॑वः || |
| पव॑तेहर्य॒तोहरि॑¦र्गृणा॒नोज॒मद॑ग्निना | हि॒न्वा॒नोगोरधि॑त्व॒चि || 25 || पव॑ते¦ह॒र्य॒तः¦हरिः॑¦गृ॒णा॒नः¦ज॒मत्।आ॑ग्निना | हि॒न्वा॒नः¦गोः¦अधि॑¦त्व॒चि || |
| प्रशु॒क्रासो᳚वयो॒जुवो᳚¦हिन्वा॒नासो॒नसप्त॑यः | श्री॒णा॒ना,अ॒प्सुमृ᳚ञ्जत || 26 || वर्ग:6 प्र¦शु॒क्रासः॑¦व॒यः॒ऽजुवः॑¦हि॒न्वा॒नासः॑¦न¦सप्त॑यः | श्री॒णा॒नाः¦अ॒प्ऽसु¦मृं॒ज॒त॒ || |
| तंत्वा᳚सु॒तेष्वा॒भुवो᳚¦हिन्वि॒रेदे॒वता᳚तये | सप॑वस्वा॒नया᳚रु॒चा || 27 || तम्¦त्वा॒¦सु॒तेषु॑¦आ॒ऽभुवः॑¦हि॒न्वि॒रे¦दे॒वऽता᳚तये | सः¦प॒व॒स्व॒¦अ॒नया᳚¦रु॒चा || |
| आते॒दक्षं᳚मयो॒भुवं॒¦वह्नि॑म॒द्यावृ॑णीमहे | पान्त॒मापु॑रु॒स्पृह᳚म् || 28 || आ¦ते॒¦दक्ष᳚म्¦म॒यः॒ऽभुव᳚म्¦वह्नि᳚म्¦अ॒द्य¦वृ॒णी॒म॒हे॒ | पान्त᳚म्¦आ¦पु॒रु॒ऽस्पृह᳚म् || |
| आम॒न्द्रमावरे᳚ण्य॒¦माविप्र॒माम॑नी॒षिण᳚म् | पान्त॒मापु॑रु॒स्पृह᳚म् || 29 || आ¦म॒न्द्रम्¦आ¦वरे᳚ण्यम्¦आ¦विप्र᳚म्¦आ¦म॒नी॒षिण᳚म् | पान्त᳚म्¦आ¦पु॒रु॒ऽस्पृह᳚म् || |
| आर॒यिमासु॑चे॒तुन॒¦मासु॑क्रतोत॒नूष्वा | पान्त॒मापु॑रु॒स्पृह᳚म् || 30 || आ¦र॒यिम्¦आ¦सु॒ऽचे॒तुन᳚म्¦आ¦सु॒क्र॒तो॒ इति॑ सुऽक्रतो¦त॒नूषु॑¦आ | पान्त᳚म्¦आ¦पु॒रु॒ऽस्पृह᳚म् || |
| [66] पवस्वेति त्रिंशदृचस्य सूक्तस्य शतंवैखानसाः पवमानसोम एकोनविंश्यादितिसृणामग्निः पवमानोगायत्र्यष्टादश्यनुष्टुप् (शतं वैखानसाएतेस्वायंभुवाः अतएषांगोत्रंनास्तिएवमग्रेपिनारायणादयऊह्याः) |{मंडल:9, सूक्त:66}{अनुवाक:3, सूक्त:6}{अष्टक:7, अध्याय:2} |
| पव॑स्वविश्वचर्षणे॒¦ऽभिविश्वा᳚नि॒काव्या᳚ | सखा॒सखि॑भ्य॒ईड्यः॑ || 1 || वर्ग:7 पव॑स्व¦वि॒श्व॒ऽच॒र्ष॒णे॒¦अ॒भि¦विश्वा᳚नि¦काव्या᳚ | सखा᳚¦सखि॑ऽभ्यः¦ईड्यः॑ || |
| ताभ्यां॒विश्व॑स्यराजसि॒¦येप॑वमान॒धाम॑नी | प्र॒ती॒चीसो᳚मत॒स्थतुः॑ || 2 || ताभ्य᳚म्¦विश्व॑स्य¦रा॒ज॒सि॒¦ये इति॑¦प॒व॒मा॒न॒¦धाम॑नी॒ इति॑ | प्र॒ती॒ची इति॑¦सो॒म॒¦त॒स्थतुः॑ || |
| परि॒धामा᳚नि॒यानि॑ते॒¦त्वंसो᳚मासिवि॒श्वतः॑ | पव॑मानऋ॒तुभिः॑कवे || 3 || परि॑¦धामा᳚नि¦यानि॑¦ते॒¦त्वम्¦सो॒म॒¦अ॒सि॒¦वि॒श्वतः॑ | पव॑मान¦ऋ॒तुऽभिः॑¦क॒वे॒ || |
| पव॑स्वज॒नय॒न्निषो॒¦ऽभिविश्वा᳚नि॒वार्या᳚ | सखा॒सखि॑भ्यऊ॒तये᳚ || 4 || पव॑स्व¦ज॒नय॑न्¦इषः॑¦अ॒भि¦विश्वा᳚नि¦वार्या᳚ | सखा᳚¦सखि॑ऽभ्यः¦ऊ॒तये᳚ || |
| तव॑शु॒क्रासो᳚,अ॒र्चयो᳚¦दि॒वस्पृ॒ष्ठेवित᳚न्वते | प॒वित्रं᳚सोम॒धाम॑भिः || 5 || तव॑¦शु॒क्रासः॑¦अ॒र्चयः॑¦दि॒वः¦पृ॒ष्ठे¦वि¦त॒न्व॒ते॒ | प॒वित्र᳚म्¦सो॒म॒¦धाम॑ऽभिः || |
| तवे॒मेस॒प्तसिन्ध॑वः¦प्र॒शिषं᳚सोमसिस्रते | तुभ्यं᳚धावन्तिधे॒नवः॑ || 6 || वर्ग:8 तव॑¦इ॒मे¦स॒प्त¦सिन्ध॑वः¦प्र॒ऽशिष᳚म्¦सो॒म॒¦सि॒स्र॒ते॒ | तुभ्य᳚म्¦धा॒व॒न्ति॒¦धे॒नवः॑ || |
| प्रसो᳚मयाहि॒धार॑या¦सु॒तइन्द्रा᳚यमत्स॒रः | दधा᳚नो॒,अक्षि॑ति॒श्रवः॑ || 7 || प्र¦सो॒म॒¦या॒हि॒¦धार॑या¦सु॒तः¦इन्द्रा᳚य¦म॒त्स॒रः | दधा᳚नः¦अक्षि॑ति¦श्रवः॑ || |
| समु॑त्वाधी॒भिर॑स्वरन्¦हिन्व॒तीःस॒प्तजा॒मयः॑ | विप्र॑मा॒जावि॒वस्व॑तः || 8 || सम्¦ऊँ॒ इति॑¦त्वा॒¦धी॒भिः¦अ॒स्व॒र॒न्¦हि॒न्व॒तीः¦स॒प्त¦जा॒मयः॑ | विप्र᳚म्¦आ॒जा¦वि॒वस्व॑तः || |
| मृ॒जन्ति॑त्वा॒सम॒ग्रुवो¦ऽव्ये᳚जी॒रावधि॒ष्वणि॑ | रे॒भोयद॒ज्यसे॒वने᳚ || 9 || मृ॒जन्ति॑¦त्वा॒¦सम्¦अ॒ग्रुवः॑¦अव्ये᳚¦जी॒रौ¦अधि॑¦स्वनि॑ | रे॒भः¦यत्¦अ॒ज्यसे᳚¦वने᳚ || |
| पव॑मानस्यतेकवे॒¦वाजि॒न्त्सर्गा᳚,असृक्षत | अर्व᳚न्तो॒नश्र॑व॒स्यवः॑ || 10 || पव॑मानस्य¦ते॒¦क॒वे॒¦वाजि॑न्¦सर्गाः᳚¦अ॒सृ॒क्ष॒त॒ | अर्व᳚न्तः¦न¦श्र॒व॒स्यवः॑ || |
| अच्छा॒कोशं᳚मधु॒श्चुत॒¦मसृ॑ग्रं॒वारे᳚,अ॒व्यये᳚ | अवा᳚वशन्तधी॒तयः॑ || 11 || वर्ग:9 अच्छ॑¦कोश᳚म्¦म॒धु॒ऽश्चुत᳚म्¦असृ॑ग्रम्¦वारे᳚¦अ॒व्यये᳚ | अवा᳚वशन्त¦धी॒तयः॑ || |
| अच्छा᳚समु॒द्रमिन्द॒वो¦ऽस्तं॒गावो॒नधे॒नवः॑ | अग्म᳚न्नृ॒तस्य॒योनि॒मा || 12 || अच्छ॑¦स॒मु॒द्रम्¦इन्द॑वः¦अस्त᳚म्¦गावः॑¦न¦धे॒नवः॑ | अग्म॑न्¦ऋ॒तस्य॑¦योनि᳚म्¦आ || |
| प्रण॑इन्दोम॒हेरण॒¦आपो᳚,अर्षन्ति॒सिन्ध॑वः | यद्गोभि᳚र्वासयि॒ष्यसे᳚ || 13 || प्र¦नः॒¦इ॒न्दो॒ इति॑¦म॒हे¦रणे᳚¦आपः॑¦अ॒र्ष॒न्ति॒¦सिन्ध॑वः | यत्¦गोभिः॑¦वा॒स॒यि॒ष्यसे᳚ || |
| अस्य॑तेस॒ख्येव॒य¦मिय॑क्षन्त॒स्त्वोत॑यः | इन्दो᳚सखि॒त्वमु॑श्मसि || 14 || अस्य॑¦ते॒¦स॒ख्ये¦व॒यम्¦इय॑क्षन्तः¦त्वाऽऊ᳚तयः | इन्दो॒ इति॑¦स॒खि॒ऽत्वम्¦उ॒श्म॒सि॒ || |
| आप॑वस्व॒गवि॑ष्टये¦म॒हेसो᳚मनृ॒चक्ष॑से | एन्द्र॑स्यज॒ठरे᳚विश || 15 || आ¦प॒व॒स्व॒¦गोऽइ᳚ष्टये¦म॒हे¦सो॒म॒¦नृ॒ऽचक्ष॑से | आ¦इन्द्र॑स्य¦ज॒ठरे᳚¦वि॒श॒ || |
| म॒हाँ,अ॑सिसोम॒ज्येष्ठ॑¦उ॒ग्राणा᳚मिन्द॒ओजि॑ष्ठः | युध्वा॒सञ्छश्व॑ज्जिगेथ || 16 || वर्ग:10 म॒हान्¦अ॒सि॒¦सो॒म॒¦ज्येष्ठः॑¦उ॒ग्राणा᳚म्¦इ॒न्दो॒ इति॑¦ओजि॑ष्ठः | युध्वा᳚¦सन्¦शश्व॑त्¦जि॒गे॒थ॒ || |
| यउ॒ग्रेभ्य॑श्चि॒दोजी᳚या॒ञ्¦छूरे᳚भ्यश्चि॒च्छूर॑तरः | भू॒रि॒दाभ्य॑श्चि॒न्मंही᳚यान् || 17 || यः¦उ॒ग्रेभ्यः॑¦चि॒त्¦ओजी᳚यान्¦शूरे᳚भ्यः¦चि॒त्¦शूर॑ऽतरः | भू॒रि॒ऽदाभ्यः॑¦चि॒त्¦मंही᳚यान् || |
| त्वंसो᳚म॒सूर॒एष॑¦स्तो॒कस्य॑सा॒तात॒नूना᳚म् | वृ॒णी॒महे᳚स॒ख्याय॑¦वृणी॒महे॒युज्या᳚य || 18 || त्वम्¦सो॒म॒¦सूरः॑¦आ¦इषः॑¦तो॒कस्य॑¦सा॒ता¦त॒नूना᳚म् | वृ॒णी॒महे᳚¦स॒ख्याय॑¦वृ॒णी॒महे᳚¦युज्या᳚य || |
| अग्न॒आयूं᳚षिपवस॒¦आसु॒वोर्ज॒मिषं᳚चनः | आ॒रेबा᳚धस्वदु॒च्छुना᳚म् || 19 || अग्ने᳚¦आयूं᳚षि¦प॒व॒से॒¦आ¦सु॒व॒¦ऊर्ज᳚म्¦इष᳚म्¦च॒¦नः॒ | आ॒रे¦बा॒ध॒स्व॒¦दु॒च्छुना᳚म् || |
| अ॒ग्निरृषिः॒पव॑मानः॒¦पाञ्च॑जन्यःपु॒रोहि॑तः | तमी᳚महेमहाग॒यम् || 20 || अ॒ग्निः¦ऋषिः॑¦पव॑मानः¦पांच॑ऽजन्यः¦पु॒रःऽहि॑तः | तम्¦ई॒म॒हे॒¦म॒हा॒ऽग॒यम् || |
| अग्ने॒पव॑स्व॒स्वपा᳚,¦अ॒स्मेवर्चः॑सु॒वीर्य᳚म् | दध॑द्र॒यिंमयि॒पोष᳚म् || 21 || वर्ग:11 अग्ने᳚¦पव॑स्व¦सु॒।आपाः᳚¦अ॒स्मे इति॑¦वर्चः॑¦सु॒ऽवीर्य᳚म् | दध॑त्¦र॒यिम्¦मयि॑¦पोष᳚म् || |
| पव॑मानो॒,अति॒स्रिधो॒¦ऽभ्य॑र्षतिसुष्टु॒तिम् | सूरो॒नवि॒श्वद॑र्शतः || 22 || पव॑मानः¦अति॑¦स्रिधः॑¦अ॒भि¦अ॒र्ष॒ति॒¦सु॒ऽस्तु॒तिम् | सूरः॑¦न¦वि॒श्वऽद॑र्शतः || |
| सम᳚र्मृजा॒नआ॒युभिः॒¦प्रय॑स्वा॒न्प्रय॑सेहि॒तः | इन्दु॒रत्यो᳚विचक्ष॒णः || 23 || सः¦म॒र्मृ॒जा॒नः¦आ॒युऽभिः॑¦प्रय॑स्वान्¦प्रय॑से¦हि॒तः | इन्दुः॑¦अत्यः॑¦वि॒ऽच॒क्ष॒णः || |
| पव॑मानऋ॒तंबृ॒ह¦च्छु॒क्रंज्योति॑रजीजनत् | कृ॒ष्णातमां᳚सि॒जङ्घ॑नत् || 24 || पव॑मानः¦ऋ॒तम्¦बृ॒हत्¦शु॒क्रम्¦ज्योतिः॑¦अ॒जी॒ज॒न॒त् | कृ॒ष्णा¦तमां᳚सि¦जङ्घ॑नत् || |
| पव॑मानस्य॒जङ्घ्न॑तो॒¦हरे᳚श्च॒न्द्रा,अ॑सृक्षत | जी॒रा,अ॑जि॒रशो᳚चिषः || 25 || पव॑मानस्य¦जङ्घ्न॑तः¦हरेः᳚¦च॒न्द्राः¦अ॒सृ॒क्ष॒त॒ | जी॒राः¦अ॒जि॒रऽशो᳚चिषः || |
| पव॑मानोर॒थीत॑मः¦शु॒भ्रेभिः॑शु॒भ्रश॑स्तमः | हरि॑श्चन्द्रोम॒रुद्ग॑णः || 26 || वर्ग:12 पव॑मानः¦र॒थिऽत॑मः¦शु॒भ्रेभिः॑¦शु॒भ्रशः॑ऽतमः | हरि॑ऽचन्द्रः¦म॒रुत्ऽग॑णः || |
| पव॑मानो॒व्य॑श्नवद्¦र॒श्मिभि᳚र्वाज॒सात॑मः | दध॑त्स्तो॒त्रेसु॒वीर्य᳚म् || 27 || पव॑मानः¦वि¦अ॒श्न॒व॒त्¦र॒श्मिऽभिः॑¦वा॒ज॒ऽसात॑मः | दध॑त्¦स्तो॒त्रे¦सु॒ऽवीर्य᳚म् || |
| प्रसु॑वा॒नइन्दु॑रक्षाः¦प॒वित्र॒मत्य॒व्यय᳚म् | पु॒ना॒नइन्दु॒रिन्द्र॒मा || 28 || प्र¦सु॒वा॒नः¦इन्दुः॑¦अ॒क्षा॒रिति॑¦प॒वित्र᳚म्¦अति॑¦अ॒व्यय᳚म् | पु॒ना॒नः¦इन्दुः॑¦इन्द्र᳚म्¦आ || |
| ए॒षसोमो॒,अधि॑त्व॒चि¦गवां᳚क्रीळ॒त्यद्रि॑भिः | इन्द्रं॒मदा᳚य॒जोहु॑वत् || 29 || ए॒षः¦सोमः॑¦अधि॑¦त्व॒चि¦गवा᳚म्¦क्री॒ळ॒ति॒¦अद्रि॑ऽभिः | इन्द्र᳚म्¦मदा᳚य¦जोहु॑वत् || |
| यस्य॑तेद्यु॒म्नव॒त्पयः॒¦पव॑मा॒नाभृ॑तंदि॒वः | तेन॑नोमृळजी॒वसे᳚ || 30 || यस्य॑¦ते॒¦द्यु॒म्नऽव॑त्¦पयः॑¦पव॑मान¦आऽभृ॑तम्¦दि॒वः | तेन॑¦नः॒¦मृ॒ळ॒¦जी॒वसे᳚ || |
| [67] त्वंसोमासीति द्वात्रिंशदृचस्य सूक्तस्य आद्यानांसप्तानांतृचानांभरद्वाजकश्यपगोतमात्रिविश्वामित्र जमदग्निवसिष्ठा ऋषयः शिष्टानामांगिरसः पवित्रऋषिः (अत्रवसिष्ठोवापवित्रवसिष्ठौवेतिविपक्षौ) पवमानसोमोदेवता दशम्यादितिसृणांपूषावा यत्तेपवित्रमित्यादिपंचानामग्निः अंत्ययोर्द्वयोः पावमान्यधेतागायत्री षोडश्याद्यास्तिस्रोद्विपदागायत्र्यः त्रिंशीपुरउष्णिक् सप्तविंश्येकत्रिंशीद्वात्रिंश्योनुष्टुभः |( पंचविंश्यादितिसृणांक्रमात्सविताग्निसवितारौविश्वेदेवाइतिदेवताअग्निनासह विकल्पंते ) |{मंडल:9, सूक्त:67}{अनुवाक:3, सूक्त:7}{अष्टक:7, अध्याय:2} |
| त्वंसो᳚मासिधार॒यु¦र्म॒न्द्रओजि॑ष्ठो,अध्व॒रे | पव॑स्वमंह॒यद्र॑यिः || 1 || वर्ग:13 त्वम्¦सो॒म॒¦अ॒सि॒¦धा॒र॒युः¦म॒न्द्रः¦ओजि॑ष्ठः¦अ॒ध्व॒रे | पव॑स्व¦मं॒ह॒यत्ऽर॑यिः || |
| त्वंसु॒तोनृ॒माद॑नो¦दध॒न्वान्म॑त्स॒रिन्त॑मः | इन्द्रा᳚यसू॒रिरन्ध॑सा || 2 || त्वम्¦सु॒तः¦नृ॒ऽमाद॑नः¦द॒ध॒न्वान्¦म॒त्स॒रिन्ऽत॑मः | इन्द्रा᳚य¦सू॒रिः¦अन्ध॑सा || |
| त्वंसु॑ष्वा॒णो,अद्रि॑भि¦र॒भ्य॑र्ष॒कनि॑क्रदत् | द्यु॒मन्तं॒शुष्म॑मुत्त॒मम् || 3 || त्वम्¦सु॒स्वा॒नः¦अद्रि॑ऽभिः¦अ॒भि¦अ॒र्ष॒¦कनि॑क्रदत् | द्यु॒ऽमन्त᳚म्¦शुष्म᳚म्¦उ॒त्ऽत॒मम् || |
| इन्दु᳚र्हिन्वा॒नो,अ॑र्षति¦ति॒रोवारा᳚ण्य॒व्यया᳚ | हरि॒र्वाज॑मचिक्रदत् || 4 || इन्दुः॑¦हि॒न्वा॒नः¦अ॒र्ष॒ति॒¦ति॒रः¦वारा᳚णि¦अ॒व्यया᳚ | हरिः॑¦वाज᳚म्¦अ॒चि॒क्र॒द॒त् || |
| इन्दो॒व्यव्य॑मर्षसि॒¦विश्रवां᳚सि॒विसौभ॑गा | विवाजा᳚न्त्सोम॒गोम॑तः || 5 || इन्दो॒ इति॑¦वि¦अव्य᳚म्¦अ॒र्ष॒सि॒¦वि¦श्रवां᳚सि¦वि¦सौभ॑गा | वि¦वाजा᳚न्¦सो॒म॒¦गोऽम॑तः || |
| आन॑इन्दोशत॒ग्विनं᳚¦र॒यिंगोम᳚न्तम॒श्विन᳚म् | भरा᳚सोमसह॒स्रिण᳚म् || 6 || वर्ग:14 आ¦नः॒¦इ॒न्दो॒ इति॑¦श॒त॒ऽग्विन᳚म्¦र॒यिम्¦गोऽम᳚न्तम्¦अ॒श्विन᳚म् | भर॑¦सो॒म॒¦स॒ह॒स्रिण᳚म् || |
| पव॑मानास॒इन्द॑व¦स्ति॒रःप॒वित्र॑मा॒शवः॑ | इन्द्रं॒यामे᳚भिराशत || 7 || पव॑मानासः¦इन्द॑वः¦ति॒रः¦प॒वित्र᳚म्¦आ॒शवः॑ | इन्द्र᳚म्¦यामे᳚भिः¦आ॒श॒त॒ || |
| क॒कु॒हःसो॒म्योरस॒¦इन्दु॒रिन्द्रा᳚यपू॒र्व्यः | आ॒युःप॑वतआ॒यवे᳚ || 8 || क॒कु॒हः¦सो॒म्यः¦रसः॑¦इन्दुः॑¦इन्द्रा᳚य¦पू॒र्व्यः | आ॒युः¦प॒व॒ते॒¦आ॒यवे᳚ || |
| हि॒न्वन्ति॒सूर॒मुस्र॑यः॒¦पव॑मानंमधु॒श्चुत᳚म् | अ॒भिगि॒रासम॑स्वरन् || 9 || हि॒न्वन्ति॑¦सूर᳚म्¦उस्र॑यः¦पव॑मानम्¦म॒धु॒ऽश्चुत᳚म् | अ॒भि¦गि॒रा¦सम्¦अ॒स्व॒र॒न् || |
| अ॒वि॒तानो᳚,अ॒जाश्वः॑¦पू॒षायाम॑नियामनि | आभ॑क्षत्क॒न्या᳚सुनः || 10 || अ॒वि॒ता¦नः॒¦अ॒ज।आ॑श्वः¦पू॒षा¦याम॑निऽयामनि | आ¦भ॒क्ष॒त्¦क॒न्या᳚सु¦नः॒ || |
| अ॒यंसोमः॑कप॒र्दिने᳚¦घृ॒तंनप॑वते॒मधु॑ | आभ॑क्षत्क॒न्या᳚सुनः || 11 || वर्ग:15 अ॒यम्¦सोमः॑¦क॒प॒र्दिने᳚¦घृ॒तम्¦न¦प॒व॒ते॒¦मधु॑ | आ¦भ॒क्ष॒त्¦क॒न्या᳚सु¦नः॒ || |
| अ॒यंत॑आघृणेसु॒तो¦घृ॒तंनप॑वते॒शुचि॑ | आभ॑क्षत्क॒न्या᳚सुनः || 12 || अ॒यम्¦ते॒¦आ॒घृ॒णे॒¦सु॒तः¦घृ॒तम्¦न¦प॒व॒ते॒¦शुचि॑ | आ¦भ॒क्ष॒त्¦क॒न्या᳚सु¦नः॒ || |
| वा॒चोज॒न्तुःक॑वी॒नां¦पव॑स्वसोम॒धार॑या | दे॒वेषु॑रत्न॒धा,अ॑सि || 13 || वा॒चः¦ज॒न्तुः¦क॒वी॒नाम्¦पव॑स्व¦सो॒म॒¦धार॑या | दे॒वेषु॑¦र॒त्न॒ऽधाः¦अ॒सि॒ || |
| आक॒लशे᳚षुधावति¦श्ये॒नोवर्म॒विगा᳚हते | अ॒भिद्रोणा॒कनि॑क्रदत् || 14 || आ¦क॒लशे᳚षु¦धा॒व॒ति॒¦श्ये॒नः¦वर्म॑¦वि¦गा॒ह॒ते॒ | अ॒भि¦द्रोणा᳚¦कनि॑क्रदत् || |
| परि॒प्रसो᳚मते॒रसो¦ऽस॑र्जिक॒लशे᳚सु॒तः | श्ये॒नोनत॒क्तो,अ॑र्षति || 15 || परि॑¦प्र¦सो॒म॒¦ते॒¦रसः॑¦अस॑र्जि¦क॒लशे᳚¦सु॒तः | श्ये॒नः¦न¦त॒क्तः¦अ॒र्ष॒ति॒ || |
| पव॑स्वसोमम॒न्दय॒¦न्निन्द्रा᳚य॒मधु॑मत्तमः || 16 || वर्ग:16 पव॑स्व¦सो॒म॒¦म॒न्दय॑न्¦इन्द्रा᳚य¦मधु॑मत्ऽतमः || |
| असृ॑ग्रन्दे॒ववी᳚तये¦वाज॒यन्तो॒रथा᳚,इव || 17 || असृ॑ग्रन्¦दे॒वऽवी᳚तये¦वा॒ज॒ऽयन्तः॑¦रथाः᳚ऽइव || |
| तेसु॒तासो᳚म॒दिन्त॑माः¦शु॒क्रावा॒युम॑सृक्षत || 18 || ते¦सु॒तासः॑¦म॒दिन्ऽत॑माः¦शु॒क्राः¦वा॒युम्¦अ॒सृ॒क्ष॒त॒ || |
| ग्राव्णा᳚तु॒न्नो,अ॒भिष्टु॑तः¦प॒वित्रं᳚सोमगच्छसि | दध॑त्स्तो॒त्रेसु॒वीर्य᳚म् || 19 || ग्राव्णा᳚¦तु॒न्नः¦अ॒भिऽस्तु॑तः¦प॒वित्र᳚म्¦सो॒म॒¦ग॒च्छ॒सि॒ | दध॑त्¦स्तो॒त्रे¦सु॒ऽवीर्य᳚म् || |
| ए॒षतु॒न्नो,अ॒भिष्टु॑तः¦प॒वित्र॒मति॑गाहते | र॒क्षो॒हावार॑म॒व्यय᳚म् || 20 || ए॒षः¦तु॒न्नः¦अ॒भिऽस्तु॑तः¦प॒वित्र᳚म्¦अति॑¦गा॒ह॒ते॒ | र॒क्षः॒ऽहा¦वार᳚म्¦अ॒व्यय᳚म् || |
| यदन्ति॒यच्च॑दूर॒के¦भ॒यंवि॒न्दति॒मामि॒ह | पव॑मान॒वितज्ज॑हि || 21 || वर्ग:17 यत्¦अन्ति॑¦यत्¦च॒¦दू॒र॒के¦भ॒यम्¦वि॒न्दति॑¦माम्¦इ॒ह | पव॑मान¦वि¦तत्¦ज॒हि॒ || |
| पव॑मानः॒सो,अ॒द्यनः॑¦प॒वित्रे᳚ण॒विच॑र्षणिः | यःपो॒तासपु॑नातुनः || 22 || पव॑मानः¦सः¦अ॒द्य¦नः॒¦प॒वित्रे᳚ण¦विऽच॑र्षणिः | यः¦पो॒ता¦सः¦पु॒ना॒तु॒¦नः॒ || |
| यत्ते᳚प॒वित्र॑म॒र्चि¦ष्यग्ने॒वित॑तम॒न्तरा | ब्रह्म॒तेन॑पुनीहिनः || 23 || यत्¦ते॒¦प॒वित्र᳚म्¦अ॒र्चिषि॑¦अग्ने᳚¦विऽत॑तम्¦अ॒न्तः¦आ | ब्रह्म॑¦तेन॑¦पु॒नी॒हि॒¦नः॒ || |
| यत्ते᳚प॒वित्र॑मर्चि॒व¦दग्ने॒तेन॑पुनीहिनः | ब्र॒ह्म॒स॒वैःपु॑नीहिनः || 24 || यत्¦ते॒¦प॒वित्र᳚म्¦अ॒र्चि॒ऽवत्¦अग्ने᳚¦तेन॑¦पु॒नी॒हि॒¦नः॒ | ब्र॒ह्म॒ऽस॒वैः¦पु॒नी॒हि॒¦नः॒ || |
| उ॒भाभ्यां᳚देवसवितः¦प॒वित्रे᳚णस॒वेन॑च | मांपु॑नीहिवि॒श्वतः॑ || 25 || उ॒भाभ्या᳚म्¦दे॒व॒¦स॒वि॒त॒रिति॑¦प॒वित्रे᳚ण¦स॒वेन॑¦च॒ | माम्¦पु॒नी॒हि॒¦वि॒श्वतः॑ || |
| त्रि॒भिष्ट्वंदे᳚वसवित॒¦र्वर्षि॑ष्ठैःसोम॒धाम॑भिः | अग्ने॒दक्षैः᳚पुनीहिनः || 26 || वर्ग:18 त्रि॒ऽभिः¦त्वम्¦दे॒व॒¦स॒वि॒तः॒¦वर्षि॑ष्ठैः¦सो॒म॒¦धाम॑ऽभिः | अग्ने᳚¦दक्षैः᳚¦पु॒नी॒हि॒¦नः॒ || |
| पु॒नन्तु॒मांदे᳚वज॒नाः¦पु॒नन्तु॒वस॑वोधि॒या | विश्वे᳚देवाःपुनी॒तमा॒¦जात॑वेदःपुनी॒हिमा᳚ || 27 || पु॒नन्तु॑¦माम्¦दे॒व॒ऽज॒नाः¦पु॒नन्तु॑¦वस॑वः¦धि॒या | विश्वे᳚¦दे॒वाः॒¦पु॒नी॒त¦मा॒¦जात॑ऽवेदः¦पु॒नी॒हि¦मा॒ || |
| प्रप्या᳚यस्व॒प्रस्य᳚न्दस्व॒¦सोम॒विश्वे᳚भिरं॒शुभिः॑ | दे॒वेभ्य॑उत्त॒मंह॒विः || 28 || प्र¦प्या॒य॒स्व॒¦प्र¦स्य॒न्द॒स्व॒¦सोम॑¦विश्वे᳚भिः¦अं॒शुऽभिः॑ | दे॒वेभ्यः॑¦उ॒त्ऽत॒मम्¦ह॒विः || |
| उप॑प्रि॒यंपनि॑प्नतं॒¦युवा᳚नमाहुती॒वृध᳚म् | अग᳚न्म॒बिभ्र॑तो॒नमः॑ || 29 || उप॑¦प्रि॒यम्¦पनि॑प्नतम्¦युवा᳚नम्¦आ॒हु॒ति॒ऽवृध᳚म् | अग᳚न्म¦बिभ्र॑तः¦नमः॑ || |
| अ॒लाय्य॑स्यपर॒शुर्न॑नाश॒त¦माप॑वस्वदेवसोम | आ॒खुंचि॑दे॒वदे᳚वसोम || 30 || अ॒लाय्य॑स्य¦प॒र॒शुः¦न॒ना॒श॒¦तम्¦आ¦प॒व॒स्व॒¦दे॒व॒¦सो॒म॒ | आ॒खुम्¦चि॒त्¦ए॒व¦दे॒व॒¦सो॒म॒ || |
| यःपा᳚वमा॒नीर॒ध्ये¦त्यृषि॑भिः॒सम्भृ॑तं॒रस᳚म् | सर्वं॒सपू॒तम॑श्नाति¦स्वदि॒तंमा᳚त॒रिश्व॑ना || 31 || यः¦पा॒व॒मा॒नीः¦अ॒धि॒ऽएति॑¦ऋषि॑ऽभिः¦सम्ऽभृ॑तम्¦रस᳚म् | सर्व॒म्¦सः¦पू॒तम्¦अ॒श्ना॒ति॒¦स्व॒दि॒तम्¦मा॒त॒रिश्व॑ना || |
| पा॒व॒मा॒नीर्यो,अ॒ध्ये¦त्यृषि॑भिः॒सम्भृ॑तं॒रस᳚म् | तस्मै॒सर॑स्वतीदुहे¦क्षी॒रंस॒र्पिर्मधू᳚द॒कम् || 32 || पा॒व॒मा॒नीः¦यः¦अ॒धि॒ऽएति॑¦ऋषि॑ऽभिः॒¦सम्ऽभृ॑तम्¦रस᳚म् | तस्मै᳚¦सर॑स्वती¦दु॒हे॒¦क्षी॒रम्¦स॒र्पिः¦मधु॑¦उ॒द॒कम् || |
| [68] प्रदेवमिति दशर्चस्य सूक्तस्य भालंदनो वत्सप्रिः पवमानसोमोजगत्यंत्यात्रिष्टुप् |{मंडल:9, सूक्त:68}{अनुवाक:4, सूक्त:1}{अष्टक:7, अध्याय:2} |
| प्रदे॒वमच्छा॒मधु॑मन्त॒इन्द॒वोऽसि॑ष्यदन्त॒गाव॒आनधे॒नवः॑ | ब॒र्हि॒षदो᳚वच॒नाव᳚न्त॒ऊध॑भिःपरि॒स्रुत॑मु॒स्रिया᳚नि॒र्णिजं᳚धिरे || 1 || वर्ग:19 प्र¦दे॒वम्¦अच्छ॑¦मधु॑ऽमन्तः¦इन्द॑वः¦असि॑स्यदन्त¦गावः॑¦आ¦न¦धे॒नवः॑ | |
| सरोरु॑वद॒भिपूर्वा᳚,अचिक्रददुपा॒रुहः॑श्र॒थय᳚न्त्स्वादते॒हरिः॑ | ति॒रःप॒वित्रं᳚परि॒यन्नु॒रुज्रयो॒निशर्या᳚णिदधतेदे॒वआवर᳚म् || 2 || सः¦रोरु॑वत्¦अ॒भि¦पूर्वाः᳚¦अ॒चि॒क्र॒द॒त्¦उ॒प॒ऽआ॒रुहः॑¦श्र॒थय॑न्¦स्वा॒द॒ते॒¦हरिः॑ | |
| वियोम॒मेय॒म्या᳚संय॒तीमदः॑साकं॒वृधा॒पय॑सापिन्व॒दक्षि॑ता | म॒ही,अ॑पा॒रेरज॑सीवि॒वेवि॑ददभि॒व्रज॒न्नक्षि॑तं॒पाज॒आद॑दे || 3 || वि¦यः¦म॒मे¦य॒म्या᳚¦सं॒य॒ती इति॑ स॒म्ऽय॒ती¦मदः॑¦सा॒क॒म्ऽवृधा᳚¦पय॑सा¦पि॒न्व॒त्¦अक्षि॑ता | |
| समा॒तरा᳚वि॒चर᳚न्वा॒जय᳚न्न॒पःप्रमेधि॑रःस्व॒धया᳚पिन्वतेप॒दम् | अं॒शुर्यवे᳚नपिपिशेय॒तोनृभिः॒संजा॒मिभि॒र्नस॑ते॒रक्ष॑ते॒शिरः॑ || 4 || सः¦मा॒तरा᳚¦वि॒ऽचर॑न्¦वा॒जय॑न्¦अ॒पः¦प्र¦मेधि॑रः¦स्व॒धया᳚¦पि॒न्व॒ते॒¦प॒दम् | |
| संदक्षे᳚ण॒मन॑साजायतेक॒विरृ॒तस्य॒गर्भो॒निहि॑तोय॒माप॒रः | यूना᳚ह॒सन्ता᳚प्रथ॒मंविज॑ज्ञतु॒र्गुहा᳚हि॒तंजनि॑म॒नेम॒मुद्य॑तम् || 5 || सम्¦दक्षे᳚ण¦मन॑सा¦जा॒य॒ते॒¦क॒विः¦ऋ॒तस्य॑¦गर्भः॑¦निऽहि॑तः¦य॒मा¦प॒रः | |
| म॒न्द्रस्य॑रू॒पंवि॑विदुर्मनी॒षिणः॑श्ये॒नोयदन्धो॒,अभ॑रत्परा॒वतः॑ | तंम॑र्जयन्तसु॒वृधं᳚न॒दीष्वाँ,उ॒शन्त॑मं॒शुंप॑रि॒यन्त॑मृ॒ग्मिय᳚म् || 6 || वर्ग:20 म॒न्द्रस्य॑¦रू॒पम्¦वि॒वि॒दुः॒¦म॒नी॒षिणः॑¦श्ये॒नः¦यत्¦अन्धः॑¦अभ॑रत्¦प॒रा॒ऽवतः॑ | |
| त्वांमृ॑जन्ति॒दश॒योष॑णःसु॒तंसोम॒ऋषि॑भिर्म॒तिभि॑र्धी॒तिभि᳚र्हि॒तम् | अव्यो॒वारे᳚भिरु॒तदे॒वहू᳚तिभि॒र्नृभि᳚र्य॒तोवाज॒माद॑र्षिसा॒तये᳚ || 7 || त्वाम्¦मृ॒ज॒न्ति॒¦दश॑¦योष॑णः¦सु॒तम्¦सो॒म॒¦ऋषि॑ऽभिः¦म॒तिऽभिः॑¦धी॒तिऽभिः॑¦हि॒तम् | |
| प॒रि॒प्र॒यन्तं᳚व॒य्यं᳚सुषं॒सदं॒सोमं᳚मनी॒षा,अ॒भ्य॑नूषत॒स्तुभः॑ | योधार॑या॒मधु॑माँ,ऊ॒र्मिणा᳚दि॒वइय॑र्ति॒वाचं᳚रयि॒षाळम॑र्त्यः || 8 || प॒रि॒ऽप्र॒यन्त᳚म्¦व॒य्य᳚म्¦सु॒ऽसं॒सद᳚म्¦सोम᳚म्¦म॒नी॒षाः¦अ॒भि¦अ॒नू॒ष॒त॒¦स्तुभः॑ | |
| अ॒यंदि॒वइ॑यर्ति॒विश्व॒मारजः॒सोमः॑पुना॒नःक॒लशे᳚षुसीदति | अ॒द्भिर्गोभि᳚र्मृज्यते॒,अद्रि॑भिःसु॒तःपु॑ना॒नइन्दु॒र्वरि॑वोविदत्प्रि॒यम् || 9 || अ॒यम्¦दि॒वः¦इ॒य॒र्ति॒¦विश्व᳚म्¦आ¦रजः॑¦सोमः॑¦पु॒ना॒नः¦क॒लशे᳚षु¦सी॒द॒ति॒ | |
| ए॒वानः॑सोमपरिषि॒च्यमा᳚नो॒वयो॒दध॑च्चि॒त्रत॑मंपवस्व | अ॒द्वे॒षेद्यावा᳚पृथि॒वीहु॑वेम॒देवा᳚ध॒त्तर॒यिम॒स्मेसु॒वीर᳚म् || 10 || ए॒व¦नः॒¦सो॒म॒¦प॒रि॒ऽसि॒च्यमा᳚नः¦वयः॑¦दध॑त्¦चि॒त्रऽत॑मम्¦प॒व॒स्व॒ | |
| [69] इषुर्नेति दशर्चस्य सूक्तस्यांगिरसोहिरण्यस्तूपः पवमानसोमोजगत्यंत्येद्वेत्रिष्टुभौ |{मंडल:9, सूक्त:69}{अनुवाक:4, सूक्त:2}{अष्टक:7, अध्याय:2} |
| इषु॒र्नधन्व॒न्प्रति॑धीयतेम॒तिर्व॒त्सोनमा॒तुरुप॑स॒र्ज्यूध॑नि | उ॒रुधा᳚रेवदुहे॒,अग्र॑आय॒त्यस्य᳚व्र॒तेष्वपि॒सोम॑इष्यते || 1 || वर्ग:21 इषुः॑¦न¦धन्व॑न्¦प्रति॑¦धी॒य॒ते॒¦म॒तिः¦व॒त्सः¦न¦मा॒तुः¦उप॑¦स॒र्जि॒¦ऊर्ध॑नि | |
| उपो᳚म॒तिःपृ॒च्यते᳚सि॒च्यते॒मधु॑म॒न्द्राज॑नीचोदते,अ॒न्तरा॒सनि॑ | पव॑मानःसंत॒निःप्र॑घ्न॒तामि॑व॒मधु॑मान्द्र॒प्सःपरि॒वार॑मर्षति || 2 || उपो॒ इति॑¦म॒तिः¦पृ॒च्यते᳚¦सि॒च्यते᳚¦मधु॑¦म॒न्द्र॒।आज॑नी¦चो॒द॒ते॒¦अ॒न्तः¦आ॒सनि॑ | |
| अव्ये᳚वधू॒युःप॑वते॒परि॑त्व॒चिश्र॑थ्नी॒तेन॒प्तीरदि॑तेरृ॒तंय॒ते | हरि॑रक्रान्यज॒तःसं᳚य॒तोमदो᳚नृ॒म्णाशिशा᳚नोमहि॒षोनशो᳚भते || 3 || अव्ये᳚¦व॒धू॒ऽयुः¦प॒व॒ते॒¦परि॑¦त्व॒चि¦श्र॒थ्नी॒ते¦न॒प्तीः¦अदि॑तेः¦ऋ॒तम्¦य॒ते | |
| उ॒क्षामि॑माति॒प्रति॑यन्तिधे॒नवो᳚दे॒वस्य॑दे॒वीरुप॑यन्तिनिष्कृ॒तम् | अत्य॑क्रमी॒दर्जु॑नं॒वार॑म॒व्यय॒मत्कं॒ननि॒क्तंपरि॒सोमो᳚,अव्यत || 4 || उ॒क्षा¦मि॒मा॒ति॒¦प्रति॑¦य॒न्ति॒¦धे॒नवः॑¦दे॒वस्य॑¦दे॒वीः¦उप॑¦य॒न्ति॒¦निः॒ऽकृ॒तम् | |
| अमृ॑क्तेन॒रुश॑ता॒वास॑सा॒हरि॒रम॑र्त्योनिर्णिजा॒नःपरि᳚व्यत | दि॒वस्पृ॒ष्ठंब॒र्हणा᳚नि॒र्णिजे᳚कृतोप॒स्तर॑णंच॒म्वो᳚र्नभ॒स्मय᳚म् || 5 || अमृ॑क्तेन¦रुश॑ता¦वास॑सा¦हरिः॑¦अम॑र्त्यः¦निः॒ऽनि॒जा॒नः¦परि॑¦व्य॒त॒ | |
| सूर्य॑स्येवर॒श्मयो᳚द्रावयि॒त्नवो᳚मत्स॒रासः॑प्र॒सुपः॑सा॒कमी᳚रते | तन्तुं᳚त॒तंपरि॒सर्गा᳚सआ॒शवो॒नेन्द्रा᳚दृ॒तेप॑वते॒धाम॒किंच॒न || 6 || वर्ग:22 सूर्य॑स्यऽइव¦र॒श्मयः॑¦द्र॒व॒यि॒त्नवः॑¦म॒त्स॒रासः॑¦प्र॒ऽसुपः॑¦सा॒कम्¦ई॒र॒ते॒ | |
| सिन्धो᳚रिवप्रव॒णेनि॒म्नआ॒शवो॒वृष॑च्युता॒मदा᳚सोगा॒तुमा᳚शत | शंनो᳚निवे॒शेद्वि॒पदे॒चतु॑ष्पदे॒ऽस्मेवाजाः᳚सोमतिष्ठन्तुकृ॒ष्टयः॑ || 7 || सिन्धोः᳚ऽइव¦प्र॒व॒णे¦नि॒म्ने¦आ॒शवः॑¦वृष॑ऽच्युताः¦मदा᳚सः¦गा॒तुम्¦आ॒श॒त॒ | |
| आनः॑पवस्व॒वसु॑म॒द्धिर᳚ण्यव॒दश्वा᳚व॒द्गोम॒द्यव॑मत्सु॒वीर्य᳚म् | यू॒यंहिसो᳚मपि॒तरो॒मम॒स्थन॑दि॒वोमू॒र्धानः॒प्रस्थि॑तावय॒स्कृतः॑ || 8 || आ¦नः॒¦प॒व॒स्व॒¦वसु॑ऽमत्¦हिर᳚ण्यऽवत्¦अश्व॑ऽवत्¦गोऽम॑त्¦यव॑ऽमत्¦सु॒ऽवीर्य᳚म् | |
| ए॒तेसोमाः॒पव॑मानास॒इन्द्रं॒रथा᳚,इव॒प्रय॑युःसा॒तिमच्छ॑ | सु॒ताःप॒वित्र॒मति॑य॒न्त्यव्यं᳚हि॒त्वीव॒व्रिंह॒रितो᳚वृ॒ष्टिमच्छ॑ || 9 || ए॒ते¦सोमाः᳚¦पव॑मानासः¦इन्द्र᳚म्¦रथाः᳚ऽइव¦प्र¦य॒युः॒¦सा॒तिम्¦अच्छ॑ | |
| इन्द॒विन्द्रा᳚यबृह॒तेप॑वस्वसुमृळी॒को,अ॑नव॒द्योरि॒शादाः᳚ | भरा᳚च॒न्द्राणि॑गृण॒तेवसू᳚निदे॒वैर्द्या᳚वापृथिवी॒प्राव॑तंनः || 10 || इन्दो॒ इति॑¦इन्द्रा᳚य¦बृ॒ह॒ते¦प॒व॒स्व॒¦सु॒ऽमृ॒ळी॒कः¦अ॒न॒व॒द्यः¦रि॒शादाः᳚ | |
| [70] त्रिरस्माइति दशर्चस्यक्तसूस्य वैश्वामित्रोरेणुः पवमानसोमोजगत्यंत्यात्रिष्टुप् |{मंडल:9, सूक्त:70}{अनुवाक:4, सूक्त:3}{अष्टक:7, अध्याय:2} |
| त्रिर॑स्मैस॒प्तधे॒नवो᳚दुदुह्रेस॒त्यामा॒शिरं᳚पू॒र्व्येव्यो᳚मनि | च॒त्वार्य॒न्याभुव॑नानिनि॒र्णिजे॒चारू᳚णिचक्रे॒यदृ॒तैरव॑र्धत || 1 || वर्ग:23 त्रिः¦अ॒स्मै॒¦स॒प्त¦धे॒नवः॑¦दु॒दु॒ह्रे॒¦स॒त्याम्¦आ॒ऽशिर᳚म्¦पू॒र्व्ये¦विऽओ᳚मनि | |
| सभिक्ष॑माणो,अ॒मृत॑स्य॒चारु॑णउ॒भेद्यावा॒काव्ये᳚ना॒विश॑श्रथे | तेजि॑ष्ठा,अ॒पोमं॒हना॒परि᳚व्यत॒यदी᳚दे॒वस्य॒श्रव॑सा॒सदो᳚वि॒दुः || 2 || सः¦भिक्ष॑माणः¦अ॒मृत॑स्य¦चारु॑णः¦उ॒भे इति॑¦द्यावा᳚¦काव्ये᳚न¦वि¦श॒श्र॒थे॒ | |
| ते,अ॑स्यसन्तुके॒तवोऽमृ॑त्य॒वोऽदा᳚भ्यासोज॒नुषी᳚,उ॒भे,अनु॑ | येभि᳚र्नृ॒म्णाच॑दे॒व्या᳚चपुन॒तआदिद्राजा᳚नंम॒नना᳚,अगृभ्णत || 3 || ते¦अ॒स्य॒¦स॒न्तु॒¦के॒तवः॑¦अमृ॑त्यवः¦अदा᳚भ्यासः¦ज॒नुषी॒ इति॑¦उ॒भे इति॑¦अनु॑ | |
| समृ॒ज्यमा᳚नोद॒शभिः॑सु॒कर्म॑भिः॒प्रम॑ध्य॒मासु॑मा॒तृषु॑प्र॒मेसचा᳚ | व्र॒तानि॑पा॒नो,अ॒मृत॑स्य॒चारु॑णउ॒भेनृ॒चक्षा॒,अनु॑पश्यते॒विशौ᳚ || 4 || सः¦मृ॒ज्यमा᳚नः¦द॒शऽभिः॑¦सु॒कर्म॑ऽभिः¦प्र¦म॒ध्य॒मासु॑¦मा॒तृषु॑¦प्र॒ऽमे¦सचा᳚ | |
| सम᳚र्मृजा॒नइ᳚न्द्रि॒याय॒धाय॑स॒ओभे,अ॒न्तारोद॑सीहर्षतेहि॒तः | वृषा॒शुष्मे᳚णबाधते॒विदु᳚र्म॒तीरा॒देदि॑शानःशर्य॒हेव॑शु॒रुधः॑ || 5 || सः¦म॒र्मृ॒जा॒नः¦इ॒न्द्रि॒याय॑¦धाय॑से¦आ¦उ॒भे इति॑¦अ॒न्तरिति॑¦रोद॑सी॒ इति॑¦ह॒र्ष॒ते॒¦हि॒तः | |
| समा॒तरा॒नददृ॑शानउ॒स्रियो॒नान॑ददेतिम॒रुता᳚मिवस्व॒नः | जा॒नन्नृ॒तंप्र॑थ॒मंयत्स्व᳚र्णरं॒प्रश॑स्तये॒कम॑वृणीतसु॒क्रतुः॑ || 6 || वर्ग:24 सः¦मा॒तरा᳚¦न¦ददृ॑शानः¦उ॒स्रियः॑¦नान॑दत्¦ए॒ति॒¦म॒रुता᳚म्ऽइव¦स्व॒नः | |
| रु॒वति॑भी॒मोवृ॑ष॒भस्त॑वि॒ष्यया॒शृङ्गे॒शिशा᳚नो॒हरि॑णीविचक्ष॒णः | आयोनिं॒सोमः॒सुकृ॑तं॒निषी᳚दतिग॒व्ययी॒त्वग्भ॑वतिनि॒र्णिग॒व्ययी᳚ || 7 || रु॒वति॑¦भी॒मः¦वृ॒ष॒भः¦त॒वि॒ष्यया᳚¦शृङ्गे॒ इति॑¦शिशा᳚नः¦हरि॑णी॒ इति॑¦वि॒ऽच॒क्ष॒णः | |
| शुचिः॑पुना॒नस्त॒न्व॑मरे॒पस॒मव्ये॒हरि॒र्न्य॑धाविष्ट॒सान॑वि | जुष्टो᳚मि॒त्राय॒वरु॑णायवा॒यवे᳚त्रि॒धातु॒मधु॑क्रियतेसु॒कर्म॑भिः || 8 || शुचिः॑¦पु॒ना॒नः¦त॒न्व᳚म्¦अ॒रे॒पस᳚म्¦अव्ये᳚¦हरिः॑¦नि¦अ॒धा॒वि॒ष्ट॒¦सान॑वि | |
| पव॑स्वसोमदे॒ववी᳚तये॒वृषेन्द्र॑स्य॒हार्दि॑सोम॒धान॒मावि॑श | पु॒रानो᳚बा॒धाद्दु॑रि॒ताति॑पारयक्षेत्र॒विद्धिदिश॒आहा᳚विपृच्छ॒ते || 9 || पव॑स्व¦सो॒म॒¦दे॒वऽवी᳚तये¦वृषा᳚¦इन्द्र॑स्य¦हार्दि॑¦सो॒म॒ऽधान᳚म्¦आ¦वि॒श॒ | |
| हि॒तोनसप्ति॑र॒भिवाज॑म॒र्षेन्द्र॑स्येन्दोज॒ठर॒माप॑वस्व | ना॒वानसिन्धु॒मति॑पर्षिवि॒द्वाञ्छूरो॒नयुध्य॒न्नव॑नोनि॒दःस्पः॑ || 10 || हि॒तः¦न¦सप्तिः॑¦अ॒भि¦वाज᳚म्¦अ॒र्ष॒¦इन्द्र॑स्य¦इ॒न्दो॒ इति॑¦ज॒ठर᳚म्¦आ¦प॒व॒स्व॒ | |
| [71] आदक्षिणेति नवर्चस्य सूक्तस्य वैश्वामित्र ऋषभः पवमानसोमोजगत्यंत्यान्त्रिष्टुप् |{मंडल:9, सूक्त:71}{अनुवाक:4, सूक्त:4}{अष्टक:7, अध्याय:2} |
| आदक्षि॑णासृज्यतेशु॒ष्म्या॒३॑(आ॒)सदं॒वेति॑द्रु॒होर॒क्षसः॑पाति॒जागृ॑विः | हरि॑रोप॒शंकृ॑णुते॒नभ॒स्पय॑उप॒स्तिरे᳚च॒म्वो॒३॑(ओ॒)र्ब्रह्म॑नि॒र्णिजे᳚ || 1 || वर्ग:25 आ¦दक्षि॑णा¦सृ॒ज्य॒ते॒¦शु॒ष्मी¦आ॒ऽसद᳚म्¦वेति॑¦द्रु॒हः¦र॒क्षसः॑¦पा॒ति॒¦जागृ॑विः | |
| प्रकृ॑ष्टि॒हेव॑शू॒षए᳚ति॒रोरु॑वदसु॒र्य१॑(अं॒)वर्णं॒निरि॑णीते,अस्य॒तम् | जहा᳚तिव॒व्रिंपि॒तुरे᳚तिनिष्कृ॒तमु॑प॒प्रुतं᳚कृणुतेनि॒र्णिजं॒तना᳚ || 2 || प्र¦कृ॒ष्टि॒हाऽइ᳚व¦शू॒षः¦ए॒ति॒¦रोरु॑वत्¦अ॒सु॒र्य᳚म्¦वर्ण᳚म्¦नि¦रि॒णी॒ते॒¦अ॒स्य॒¦तम् | |
| अद्रि॑भिःसु॒तःप॑वते॒गभ॑स्त्योर्वृषा॒यते॒नभ॑सा॒वेप॑तेम॒ती | समो᳚दते॒नस॑ते॒साध॑तेगि॒राने᳚नि॒क्ते,अ॒प्सुयज॑ते॒परी᳚मणि || 3 || अद्रि॑ऽभिः¦सु॒तः¦प॒व॒ते॒¦गभ॑स्त्योः¦वृ॒ष॒ऽयते᳚¦नभ॑सा¦वेप॑ते¦म॒ती | |
| परि॑द्यु॒क्षंसह॑सःपर्वता॒वृधं॒मध्वः॑सिञ्चन्तिह॒र्म्यस्य॑स॒क्षणि᳚म् | आयस्मि॒न्गावः॑सुहु॒ताद॒ऊध॑निमू॒र्धञ्छ्री॒णन्त्य॑ग्रि॒यंवरी᳚मभिः || 4 || परि॑¦द्यु॒क्षम्¦सह॑सः¦प॒र्व॒त॒ऽवृध᳚म्¦मध्वः॑¦सिं॒च॒न्ति॒¦ह॒र्म्यस्य॑¦स॒क्षणि᳚म् | |
| समी॒रथं॒नभु॒रिजो᳚रहेषत॒दश॒स्वसा᳚रो॒,अदि॑तेरु॒पस्थ॒आ | जिगा॒दुप॑ज्रयति॒गोर॑पी॒च्यं᳚प॒दंयद॑स्यम॒तुथा॒,अजी᳚जनन् || 5 || सम्¦ई॒मिति॑¦रथ᳚म्¦न¦भु॒रिजोः᳚¦अ॒हे॒ष॒त॒¦दश॑¦स्वसा᳚रः¦अदि॑तेः¦उ॒पऽस्थे᳚¦आ | |
| श्ये॒नोनयोनिं॒सद॑नंधि॒याकृ॒तंहि॑र॒ण्यय॑मा॒सदं᳚दे॒वएष॑ति | एरि॑णन्तिब॒र्हिषि॑प्रि॒यंगि॒राश्वो॒नदे॒वाँ,अप्ये᳚तिय॒ज्ञियः॑ || 6 || वर्ग:26 श्ये॒नः¦न¦योनि᳚म्¦सद॑नम्¦धि॒या¦कृ॒तम्¦हि॒र॒ण्यय᳚म्¦आ॒ऽसद᳚म्¦दे॒वः¦आ¦ई॒ष॒ति॒ | |
| परा॒व्य॑क्तो,अरु॒षोदि॒वःक॒विर्वृषा᳚त्रिपृ॒ष्ठो,अ॑नविष्ट॒गा,अ॒भि | स॒हस्र॑णीति॒र्यतिः॑परा॒यती᳚रे॒भोनपू॒र्वीरु॒षसो॒विरा᳚जति || 7 || परा᳚¦वि।आ॑क्तः¦अ॒रु॒षः¦दि॒वः¦क॒विः¦वृषा᳚¦त्रि॒ऽपृ॒ष्ठः¦अ॒न॒वि॒ष्ट॒¦गाः¦अ॒भि | |
| त्वे॒षंरू॒पंकृ॑णुते॒वर्णो᳚,अस्य॒सयत्राश॑य॒त्समृ॑ता॒सेध॑तिस्रि॒धः | अ॒प्साया᳚तिस्व॒धया॒दैव्यं॒जनं॒संसु॑ष्टु॒तीनस॑ते॒संगो,अ॑ग्रया || 8 || त्वे॒षम्¦रू॒पम्¦कृ॒णु॒ते॒¦वर्णः॑¦अ॒स्य॒¦सः¦यत्र॑¦अश॑यत्¦सम्ऽऋ॑ता¦सेध॑ति¦स्रि॒धः | |
| उ॒क्षेव॑यू॒थाप॑रि॒यन्न॑रावी॒दधि॒त्विषी᳚रधित॒सूर्य॑स्य | दि॒व्यःसु॑प॒र्णोऽव॑चक्षत॒क्षांसोमः॒परि॒क्रतु॑नापश्यते॒जाः || 9 || उ॒क्षाऽइ᳚व¦यू॒था¦प॒रि॒ऽयन्¦अ॒रा॒वी॒त्¦अधि॑¦त्विषीः᳚¦अ॒धि॒त॒¦सूर्य॑स्य | |
| [72] हरिंमृजंतीति नवर्चस्य सूक्तस्य आंगिरसोहरिमंतः पवमानसोमोजगती |{मंडल:9, सूक्त:72}{अनुवाक:4, सूक्त:5}{अष्टक:7, अध्याय:2} |
| हरिं᳚मृजन्त्यरु॒षोनयु॑ज्यते॒संधे॒नुभिः॑क॒लशे॒सोमो᳚,अज्यते | उद्वाच॑मी॒रय॑तिहि॒न्वते᳚म॒तीपु॑रुष्टु॒तस्य॒कति॑चित्परि॒प्रियः॑ || 1 || वर्ग:27 हरि᳚म्¦मृ॒ज॒न्ति॒¦अ॒रु॒षः¦न¦यु॒ज्य॒ते॒¦सम्¦धे॒नुऽभिः॑¦क॒लशे᳚¦सोमः॑¦अ॒ज्य॒ते॒ | |
| सा॒कंव॑दन्तिब॒हवो᳚मनी॒षिण॒इन्द्र॑स्य॒सोमं᳚ज॒ठरे॒यदा᳚दु॒हुः | यदी᳚मृ॒जन्ति॒सुग॑भस्तयो॒नरः॒सनी᳚ळाभिर्द॒शभिः॒काम्यं॒मधु॑ || 2 || सा॒कम्¦व॒द॒न्ति॒¦ब॒हवः॑¦म॒नी॒षिणः॑¦इन्द्र॑स्य¦सोम᳚म्¦ज॒ठरे᳚¦यत्¦आ॒ऽदु॒हुः | |
| अर॑ममाणो॒,अत्ये᳚ति॒गा,अ॒भिसूर्य॑स्यप्रि॒यंदु॑हि॒तुस्ति॒रोरव᳚म् | अन्व॑स्मै॒जोष॑मभरद्विनंगृ॒सःसंद्व॒यीभिः॒स्वसृ॑भिः,क्षेतिजा॒मिभिः॑ || 3 || अर॑ममाणः¦अति॑¦ए॒ति॒¦गाः¦अ॒भि¦सूर्य॑स्य¦प्रि॒यम्¦दु॒हि॒तुः¦ति॒रः¦रव᳚म् | |
| नृधू᳚तो॒,अद्रि॑षुतोब॒र्हिषि॑प्रि॒यःपति॒र्गवां᳚प्र॒दिव॒इन्दु᳚रृ॒त्वियः॑ | पुरं᳚धिवा॒न्मनु॑षोयज्ञ॒साध॑नः॒शुचि॑र्धि॒याप॑वते॒सोम॑इन्द्रते || 4 || नृऽधू᳚तः¦अद्रि॑ऽसुतः¦ब॒र्हिषि॑¦प्रि॒यः¦पतिः॑¦गवा᳚म्¦प्र॒ऽदिवः॑¦इन्दुः॑¦ऋ॒त्वियः॑ | |
| नृबा॒हुभ्यां᳚चोदि॒तोधार॑यासु॒तो᳚ऽनुष्व॒धंप॑वते॒सोम॑इन्द्रते | आप्राः॒क्रतू॒न्त्सम॑जैरध्व॒रेम॒तीर्वेर्नद्रु॒षच्च॒म्वो॒३॑(ओ॒)रास॑द॒द्धरिः॑ || 5 || नृबा॒हुऽभ्या᳚म्¦चो॒दि॒तः¦धार॑या¦सु॒तः¦अ॒नु॒ऽस्व॒धम्¦प॒व॒ते॒¦सोमः॑¦इ॒न्द्र॒¦ते॒ | |
| अं॒शुंदु॑हन्तिस्त॒नय᳚न्त॒मक्षि॑तंक॒विंक॒वयो॒ऽपसो᳚मनी॒षिणः॑ | समी॒गावो᳚म॒तयो᳚यन्तिसं॒यत॑ऋ॒तस्य॒योना॒सद॑नेपुन॒र्भुवः॑ || 6 || वर्ग:28 अं॒शुम्¦दु॒ह॒न्ति॒¦स्त॒नय᳚न्तम्¦अक्षि॑तम्¦क॒विम्¦क॒वयः॑¦अ॒पसः॑¦म॒नी॒षिणः॑ | |
| नाभा᳚पृथि॒व्याध॒रुणो᳚म॒होदि॒वो॒३॑(ओ॒)ऽपामू॒र्मौसिन्धु॑ष्व॒न्तरु॑क्षि॒तः | इन्द्र॑स्य॒वज्रो᳚वृष॒भोवि॒भूव॑सुः॒सोमो᳚हृ॒देप॑वते॒चारु॑मत्स॒रः || 7 || नाभा᳚¦पृ॒थि॒व्याः¦ध॒रुणः॑¦म॒हः¦दि॒वः¦अ॒पाम्¦ऊ॒र्मौ¦सिन्धु॑षु¦अ॒न्तः¦उ॒क्षि॒तः | |
| सतूप॑वस्व॒परि॒पार्थि॑वं॒रजः॑स्तो॒त्रेशिक्ष᳚न्नाधून्व॒तेच॑सुक्रतो | मानो॒निर्भा॒ग्वसु॑नःसादन॒स्पृशो᳚र॒यिंपि॒शङ्गं᳚बहु॒लंव॑सीमहि || 8 || सः¦तु¦प॒व॒स्व॒¦परि॑¦पार्थि॑वम्¦रजः॑¦स्तो॒त्रे¦शिक्ष॑न्¦आ॒ऽधू॒न्व॒ते¦च॒¦सु॒क्र॒तो॒ इति॑ सुऽक्रतो | |
| आतून॑इन्दोश॒तदा॒त्वश्व्यं᳚स॒हस्र॑दातुपशु॒मद्धिर᳚ण्यवत् | उप॑मास्वबृह॒तीरे॒वती॒रिषोऽधि॑स्तो॒त्रस्य॑पवमाननोगहि || 9 || आ¦तु¦नः॒¦इ॒न्दो॒ इति॑¦श॒तऽदा᳚तु¦अश्व्य᳚म्¦स॒हस्र॑ऽदातु¦प॒शु॒ऽमत्¦हिर᳚ण्यऽवत् | |
| [73] स्रक्वेद्रप्सस्येति नवर्चस्य सूक्तस्यांगिरसः पवित्रः पवमान सोमो जगती |{मंडल:9, सूक्त:73}{अनुवाक:4, सूक्त:6}{अष्टक:7, अध्याय:2} |
| स्रक्वे᳚द्र॒प्सस्य॒धम॑तः॒सम॑स्वरन्नृ॒तस्य॒योना॒सम॑रन्त॒नाभ॑यः | त्रीन्त्समू॒र्ध्नो,असु॑रश्चक्रआ॒रभे᳚स॒त्यस्य॒नावः॑सु॒कृत॑मपीपरन् || 1 || वर्ग:29 स्रक्वे᳚¦द्र॒प्सस्य॑¦धम॑तः¦सम्¦अ॒स्व॒र॒न्¦ऋ॒तस्य॑¦योना᳚¦सम्¦अ॒र॒न्त॒¦नाभ॑यः | |
| स॒म्यक्स॒म्यञ्चो᳚महि॒षा,अ॑हेषत॒सिन्धो᳚रू॒र्मावधि॑वे॒ना,अ॑वीविपन् | मधो॒र्धारा᳚भिर्ज॒नय᳚न्तो,अ॒र्कमित्प्रि॒यामिन्द्र॑स्यत॒न्व॑मवीवृधन् || 2 || स॒म्यक्¦स॒म्यंचः॑¦म॒हि॒षाः¦अ॒हे॒ष॒त॒¦सिन्धोः᳚¦ऊ॒र्मौ¦अधि॑¦वे॒नाः¦अ॒वी॒वि॒प॒न् | |
| प॒वित्र॑वन्तः॒परि॒वाच॑मासतेपि॒तैषां᳚प्र॒त्नो,अ॒भिर॑क्षतिव्र॒तम् | म॒हःस॑मु॒द्रंवरु॑णस्ति॒रोद॑धे॒धीरा॒,इच्छे᳚कुर्ध॒रुणे᳚ष्वा॒रभ᳚म् || 3 || प॒वित्र॑ऽवन्तः¦परि॑¦वाच᳚म्¦आ॒स॒ते॒¦पि॒ता¦ए॒षा॒म्¦प्र॒त्नः¦अ॒भि¦र॒क्ष॒ति॒¦व्र॒तम् | |
| स॒हस्र॑धा॒रेऽव॒तेसम॑स्वरन्दि॒वोनाके॒मधु॑जिह्वा,अस॒श्चतः॑ | अस्य॒स्पशो॒ननिमि॑षन्ति॒भूर्ण॑यःप॒देप॑देपा॒शिनः॑सन्ति॒सेत॑वः || 4 || स॒हस्र॑ऽधारे¦अव॑¦ते¦सम्¦अ॒स्व॒र॒न्¦दि॒वः¦नाके᳚¦मधु॑ऽजिह्वाः¦अ॒स॒श्चतः॑ | |
| पि॒तुर्मा॒तुरध्यायेस॒मस्व॑रन्नृ॒चाशोच᳚न्तःसं॒दह᳚न्तो,अव्र॒तान् | इन्द्र॑द्विष्टा॒मप॑धमन्तिमा॒यया॒त्वच॒मसि॑क्नीं॒भूम॑नोदि॒वस्परि॑ || 5 || पि॒तुः¦मा॒तुः¦अधि॑¦आ¦ये¦स॒म्।आस्व॑रन्¦ऋ॒चा¦शोच᳚न्तः¦स॒म्ऽदह᳚न्तः¦अ॒व्र॒तान् | |
| प्र॒त्नान्माना॒दध्यायेस॒मस्व॑र॒ञ्छ्लोक॑यन्त्रासोरभ॒सस्य॒मन्त॑वः | अपा᳚न॒क्षासो᳚बधि॒रा,अ॑हासतऋ॒तस्य॒पन्थां॒नत॑रन्तिदु॒ष्कृतः॑ || 6 || वर्ग:30 प्र॒त्नात्¦माना᳚त्¦अधि॑¦आ¦ये¦स॒म्।आस्व॑रन्¦श्लोक॑ऽयन्त्रासः¦र॒भ॒सस्य॑¦मन्त॑वः | |
| स॒हस्र॑धारे॒वित॑तेप॒वित्र॒आवाचं᳚पुनन्तिक॒वयो᳚मनी॒षिणः॑ | रु॒द्रास॑एषामिषि॒रासो᳚,अ॒द्रुहः॒स्पशः॒स्वञ्चः॑सु॒दृशो᳚नृ॒चक्ष॑सः || 7 || स॒हस्र॑ऽधारे¦विऽत॑ते¦प॒वित्रे᳚¦आ¦वाच᳚म्¦पु॒न॒न्ति॒¦क॒वयः॑¦म॒नी॒षिणः॑ | |
| ऋ॒तस्य॑गो॒पानदभा᳚यसु॒क्रतु॒स्त्रीषप॒वित्रा᳚हृ॒द्य१॑(अ॒)न्तराद॑धे | वि॒द्वान्त्सविश्वा॒भुव॑ना॒भिप॑श्य॒त्यवाजु॑ष्टान्विध्यतिक॒र्ते,अ᳚व्र॒तान् || 8 || ऋ॒तस्य॑¦गो॒पाः¦न¦दभा᳚य¦सु॒ऽक्रतुः॑¦त्री¦सः¦प॒वित्रा᳚¦हृ॒दि¦अ॒न्तः¦आ¦द॒धे॒ | |
| ऋ॒तस्य॒तन्तु॒र्वित॑तःप॒वित्र॒आजि॒ह्वाया॒,अग्रे॒वरु॑णस्यमा॒यया᳚ | धीरा᳚श्चि॒त्तत्स॒मिन॑क्षन्तआश॒तात्रा᳚क॒र्तमव॑पदा॒त्यप्र॑भुः || 9 || ऋ॒तस्य॑¦तन्तुः॑¦विऽत॑तः¦प॒वित्रे᳚¦आ¦जि॒ह्वायाः᳚¦अग्रे᳚¦वरु॑णस्य¦मा॒यया᳚ | |
| [74] शिशुर्नेति नवर्चस्य सूक्तस्य दैर्घतमसः कक्षीवान्पवमान सोमोजगत्यष्टमीत्रिष्टुप् |{मंडल:9, सूक्त:74}{अनुवाक:4, सूक्त:7}{अष्टक:7, अध्याय:2} |
| शिशु॒र्नजा॒तोऽव॑चक्रद॒द्वने॒स्व१॑(अ॒)र्यद्वा॒ज्य॑रु॒षःसिषा᳚सति | दि॒वोरेत॑सासचतेपयो॒वृधा॒तमी᳚महेसुम॒तीशर्म॑स॒प्रथः॑ || 1 || वर्ग:31 शिशुः॑¦न¦जा॒तः¦अव॑¦च॒क्र॒द॒त्¦वने᳚¦स्वः॑¦यत्¦वा॒जी¦अ॒रु॒षः¦सिसा᳚सति | |
| दि॒वोयःस्क॒म्भोध॒रुणः॒स्वा᳚तत॒आपू᳚र्णो,अं॒शुःप॒र्येति॑वि॒श्वतः॑ | सेमेम॒हीरोद॑सीयक्षदा॒वृता᳚समीची॒नेदा᳚धार॒समिषः॑क॒विः || 2 || दि॒वः¦यः¦स्क॒म्भः¦ध॒रुणः॑¦सुऽआ᳚ततः¦आऽपू᳚र्णः¦अं॒शुः¦प॒रि॒ऽएति॑¦वि॒श्वतः॑ | |
| महि॒प्सरः॒सुकृ॑तंसो॒म्यंमधू॒र्वीगव्यू᳚ति॒रदि॑तेरृ॒तंय॒ते | ईशे॒योवृ॒ष्टेरि॒तउ॒स्रियो॒वृषा॒पांने॒तायइ॒तऊ᳚तिरृ॒ग्मियः॑ || 3 || महि॑¦प्सरः॑¦सुऽकृ॑तम्¦सो॒म्यम्¦मधु॑¦उ॒र्वी¦गव्यू᳚तिः¦अदि॑तेः¦ऋ॒तम्¦य॒ते | |
| आ॒त्म॒न्वन्नभो᳚दुह्यतेघृ॒तंपय॑ऋ॒तस्य॒नाभि॑र॒मृतं॒विजा᳚यते | स॒मी॒ची॒नाःसु॒दान॑वःप्रीणन्ति॒तंनरो᳚हि॒तमव॑मेहन्ति॒पेर॑वः || 4 || आ॒त्म॒न्ऽवत्¦नभः॑¦दु॒ह्य॒ते॒¦घृ॒तम्¦पयः॑¦ऋ॒तस्य॑¦नाभिः॑¦अ॒मृत᳚म्¦वि¦जा॒य॒ते॒ | |
| अरा᳚वीदं॒शुःसच॑मानऊ॒र्मिणा᳚देवा॒व्य१॑(अं॒)मनु॑षेपिन्वति॒त्वच᳚म् | दधा᳚ति॒गर्भ॒मदि॑तेरु॒पस्थ॒आयेन॑तो॒कंच॒तन॑यंच॒धाम॑हे || 5 || अरा᳚वीत्¦अं॒शुः¦सच॑मानः¦ऊ॒र्मिणा᳚¦दे॒व॒।आ॒व्य᳚म्¦मनु॑षे¦पि॒न्व॒ति॒¦त्वच᳚म् | |
| स॒हस्र॑धा॒रेऽव॒ता,अ॑स॒श्चत॑स्तृ॒तीये᳚सन्तु॒रज॑सिप्र॒जाव॑तीः | चत॑स्रो॒नाभो॒निहि॑ता,अ॒वोदि॒वोह॒विर्भ॑रन्त्य॒मृतं᳚घृत॒श्चुतः॑ || 6 || वर्ग:32 स॒हस्र॑ऽधारे¦अव॑¦ताः¦अ॒स॒श्चतः॑¦तृ॒तीये᳚¦स॒न्तु॒¦रज॑सि¦प्र॒जाऽव॑तीः | |
| श्वे॒तंरू॒पंकृ॑णुते॒यत्सिषा᳚सति॒सोमो᳚मी॒ढ्वाँ,असु॑रोवेद॒भूम॑नः | धि॒याशमी᳚सचते॒सेम॒भिप्र॒वद्दि॒वस्कव᳚न्ध॒मव॑दर्षदु॒द्रिण᳚म् || 7 || श्वे॒तम्¦रू॒पम्¦कृ॒णु॒ते॒¦यत्¦सिसा᳚सति¦सोमः॑¦मी॒ढ्वान्¦असु॑रः¦वे॒द॒¦भूम॑नः | |
| अध॑श्वे॒तंक॒लशं॒गोभि॑र॒क्तंकार्ष्म॒न्नावा॒ज्य॑क्रमीत्सस॒वान् | आहि᳚न्विरे॒मन॑सादेव॒यन्तः॑क॒क्षीव॑तेश॒तहि॑माय॒गोना᳚म् || 8 || अध॑¦श्वे॒तम्¦क॒लश᳚म्¦गोभिः॑¦अ॒क्तम्¦कार्ष्म॑न्¦आ¦वा॒जी¦अ॒क्र॒मी॒त्¦स॒स॒ऽवान् | |
| अ॒द्भिःसो᳚मपपृचा॒नस्य॑ते॒रसोऽव्यो॒वारं॒विप॑वमानधावति | समृ॒ज्यमा᳚नःक॒विभि᳚र्मदिन्तम॒स्वद॒स्वेन्द्रा᳚यपवमानपी॒तये᳚ || 9 || अ॒त्ऽभिः¦सो॒म॒¦प॒पृ॒चा॒नस्य॑¦ते॒¦रसः॑¦अव्यः॑¦वार᳚म्¦वि¦प॒व॒मा॒न॒¦धा॒व॒ति॒ | |
| [75] अभिप्रियाणीति पंचर्चस्य सूक्तस्य भार्गवः कविः पवमानसोमोजगती |{मंडल:9, सूक्त:75}{अनुवाक:4, सूक्त:8}{अष्टक:7, अध्याय:2} |
| अ॒भिप्रि॒याणि॑पवते॒चनो᳚हितो॒नामा᳚निय॒ह्वो,अधि॒येषु॒वर्ध॑ते | आसूर्य॑स्यबृह॒तोबृ॒हन्नधि॒रथं॒विष्व᳚ञ्चमरुहद्विचक्ष॒णः || 1 || वर्ग:33 अ॒भि¦प्रि॒याणि॑¦प॒व॒ते॒¦चनः॑ऽहितः¦नामा᳚नि¦य॒ह्वः¦अधि॑¦येषु॑¦वर्ध॑ते | |
| ऋ॒तस्य॑जि॒ह्वाप॑वते॒मधु॑प्रि॒यंव॒क्तापति॑र्धि॒यो,अ॒स्या,अदा᳚भ्यः | दधा᳚तिपु॒त्रःपि॒त्रोर॑पी॒च्य१॑(अं॒)नाम॑तृ॒तीय॒मधि॑रोच॒नेदि॒वः || 2 || ऋ॒तस्य॑¦जि॒ह्वा¦प॒व॒ते॒¦मधु॑¦प्रि॒यम्¦व॒क्ता¦पतिः॑¦धि॒यः¦अ॒स्याः¦अदा᳚भ्यः | |
| अव॑द्युता॒नःक॒लशाँ᳚,अचिक्रद॒न्नृभि᳚र्येमा॒नःकोश॒आहि॑र॒ण्यये᳚ | अ॒भीमृ॒तस्य॑दो॒हना᳚,अनूष॒ताधि॑त्रिपृ॒ष्ठउ॒षसो॒विरा᳚जति || 3 || अव॑¦द्यु॒ता॒नः¦क॒लशा᳚न्¦अ॒चि॒क्र॒द॒त्¦नृऽभिः॑¦ये॒मा॒नः¦कोशे᳚¦आ¦हि॒र॒ण्यये᳚ | |
| अद्रि॑भिःसु॒तोम॒तिभि॒श्चनो᳚हितःप्ररो॒चय॒न्रोद॑सीमा॒तरा॒शुचिः॑ | रोमा॒ण्यव्या᳚स॒मया॒विधा᳚वति॒मधो॒र्धारा॒पिन्व॑मानादि॒वेदि॑वे || 4 || अद्रि॑ऽभिः¦सु॒तः¦म॒तिऽभिः॑¦चनः॑ऽहितः¦प्र॒ऽरो॒चय॑न्¦रोद॑सी॒ इति॑¦मा॒तरा᳚¦शुचिः॑ | |
| परि॑सोम॒प्रध᳚न्वास्व॒स्तये॒नृभिः॑पुना॒नो,अ॒भिवा᳚सया॒शिर᳚म् | येते॒मदा᳚,आह॒नसो॒विहा᳚यस॒स्तेभि॒रिन्द्रं᳚चोदय॒दात॑वेम॒घम् || 5 || परि॑¦सो॒म॒¦प्र¦ध॒न्व॒¦स्व॒स्तये᳚¦नृऽभिः॑¦पु॒ना॒नः¦अ॒भि¦वा॒स॒य॒¦आ॒ऽशिर᳚म् | |
| [76] धर्तेति पंचर्चस्य सूक्तस्य भार्गवः कविः पवमानसोमोजगती |{मंडल:9, सूक्त:76}{अनुवाक:4, सूक्त:9}{अष्टक:7, अध्याय:3} |
| ध॒र्तादि॒वःप॑वते॒कृत्व्यो॒रसो॒दक्षो᳚दे॒वाना᳚मनु॒माद्यो॒नृभिः॑ | हरिः॑सृजा॒नो,अत्यो॒नसत्व॑भि॒र्वृथा॒पाजां᳚सिकृणुतेन॒दीष्वा || 1 || वर्ग:1 ध॒र्ता¦दि॒वः¦प॒व॒ते॒¦कृत्व्यः॑¦रसः॑¦दक्षः॑¦दे॒वाना᳚म्¦अ॒नु॒ऽमाद्यः॑¦नृऽभिः॑ | |
| शूरो॒नध॑त्त॒आयु॑धा॒गभ॑स्त्योः॒स्व१॑(अः॒)सिषा᳚सन्रथि॒रोगवि॑ष्टिषु | इन्द्र॑स्य॒शुष्म॑मी॒रय᳚न्नप॒स्युभि॒रिन्दु᳚र्हिन्वा॒नो,अ॑ज्यतेमनी॒षिभिः॑ || 2 || शूरः॑¦न¦ध॒त्ते॒¦आयु॑धा¦गभ॑स्त्योः¦स्व१॒॑रिति॒ स्वः॑¦सिसा᳚सन्¦र॒थि॒रः¦गोऽइ᳚ष्टिषु | |
| इन्द्र॑स्यसोम॒पव॑मानऊ॒र्मिणा᳚तवि॒ष्यमा᳚णोज॒ठरे॒ष्वावि॑श | प्रणः॑पिन्ववि॒द्युद॒भ्रेव॒रोद॑सीधि॒यानवाजाँ॒,उप॑मासि॒शश्व॑तः || 3 || इन्द्र॑स्य¦सो॒म॒¦पव॑मानः¦ऊ॒र्मिणा᳚¦त॒वि॒ष्यमा᳚णः¦ज॒ठरे᳚षु¦आ¦वि॒श॒ | |
| विश्व॑स्य॒राजा᳚पवतेस्व॒र्दृश॑ऋ॒तस्य॑धी॒तिमृ॑षि॒षाळ॑वीवशत् | यःसूर्य॒स्यासि॑रेणमृ॒ज्यते᳚पि॒ताम॑ती॒नामस॑मष्टकाव्यः || 4 || विश्व॑स्य¦राजा᳚¦प॒व॒ते॒¦स्वः॒ऽदृशः॑¦ऋ॒तस्य॑¦धी॒तिम्¦ऋ॒षि॒षाट्¦अ॒वी॒व॒श॒त् | |
| वृषे᳚वयू॒थापरि॒कोश॑मर्षस्य॒पामु॒पस्थे᳚वृष॒भःकनि॑क्रदत् | सइन्द्रा᳚यपवसेमत्स॒रिन्त॑मो॒यथा॒जेषा᳚मसमि॒थेत्वोत॑यः || 5 || वृषा᳚ऽइव¦यू॒था¦परि॑¦कोश᳚म्¦अ॒र्ष॒सि॒¦अ॒पाम्¦उ॒पऽस्थे᳚¦वृ॒ष॒भः¦कनि॑क्रदत् | |
| [77] एषइति पंचर्चस्य सूक्तस्य भार्गवः कविः पवमान सोमोजगती |{मंडल:9, सूक्त:77}{अनुवाक:4, सूक्त:10}{अष्टक:7, अध्याय:3} |
| ए॒षप्रकोशे॒मधु॑माँ,अचिक्रद॒दिन्द्र॑स्य॒वज्रो॒वपु॑षो॒वपु॑ष्टरः | अ॒भीमृ॒तस्य॑सु॒दुघा᳚घृत॒श्चुतो᳚वा॒श्रा,अ॑र्षन्ति॒पय॑सेवधे॒नवः॑ || 1 || वर्ग:2 ए॒षः¦प्र¦कोशे᳚¦मधु॑ऽमान्¦अ॒चि॒क्र॒द॒त्¦इन्द्र॑स्य¦वज्रः॑¦वपु॑षः¦वपुः॑ऽतरः | |
| सपू॒र्व्यःप॑वते॒यंदि॒वस्परि॑श्ये॒नोम॑था॒यदि॑षि॒तस्ति॒रोरजः॑ | समध्व॒आयु॑वते॒वेवि॑जान॒इत्कृ॒शानो॒रस्तु॒र्मन॒साह॑बि॒भ्युषा᳚ || 2 || सः¦पू॒र्व्यः¦प॒व॒ते॒¦यम्¦दि॒वः¦परि॑¦श्ये॒नः¦म॒था॒यत्¦इ॒षि॒तः¦ति॒रः¦रजः॑ | |
| तेनः॒पूर्वा᳚स॒उप॑रास॒इन्द॑वोम॒हेवाजा᳚यधन्वन्तु॒गोम॑ते | ई॒क्षे॒ण्या᳚सो,अ॒ह्यो॒३॑(ओ॒)नचार॑वो॒ब्रह्म॑ब्रह्म॒येजु॑जु॒षुर्ह॒विर्ह॑विः || 3 || ते¦नः॒¦पूर्वा᳚सः¦उप॑रासः¦इन्द॑वः¦म॒हे¦वाजा᳚य¦ध॒न्व॒न्तु॒¦गोऽम॑ते | |
| अ॒यंनो᳚वि॒द्वान्व॑नवद्वनुष्य॒तइन्दुः॑स॒त्राचा॒मन॑सापुरुष्टु॒तः | इ॒नस्य॒यःसद॑ने॒गर्भ॑माद॒धेगवा᳚मुरु॒ब्जम॒भ्यर्ष॑तिव्र॒जम् || 4 || अ॒यम्¦नः॒¦वि॒द्वान्¦व॒न॒व॒त्¦व॒नु॒ष्य॒तः¦इन्दुः॑¦स॒त्राचा᳚¦मन॑सा¦पु॒रु॒ऽस्तु॒तः | |
| चक्रि॑र्दि॒वःप॑वते॒कृत्व्यो॒रसो᳚म॒हाँ,अद॑ब्धो॒वरु॑णोहु॒रुग्य॒ते | असा᳚विमि॒त्रोवृ॒जने᳚षुय॒ज्ञियोऽत्यो॒नयू॒थेवृ॑ष॒युःकनि॑क्रदत् || 5 || चक्रिः॑¦दि॒वः¦प॒व॒ते॒¦कृत्व्यः॑¦रसः॑¦म॒हान्¦अद॑ब्धः¦वरु॑णः¦हु॒रुक्¦य॒ते | |
| [78] प्रराजेति पंचर्चस्य सूक्तस्य भार्गवः कविः पवमान सोमो जगती |{मंडल:9, सूक्त:78}{अनुवाक:4, सूक्त:11}{अष्टक:7, अध्याय:3} |
| प्रराजा॒वाचं᳚ज॒नय᳚न्नसिष्यदद॒पोवसा᳚नो,अ॒भिगा,इ॑यक्षति | गृ॒भ्णाति॑रि॒प्रमवि॑रस्य॒तान्वा᳚शु॒द्धोदे॒वाना॒मुप॑यातिनिष्कृ॒तम् || 1 || वर्ग:3 प्र¦राजा᳚¦वाच᳚म्¦ज॒नय॑न्¦अ॒सि॒स्य॒द॒त्¦अ॒पः¦वसा᳚नः¦अ॒भि¦गाः¦इ॒य॒क्ष॒ति॒ | |
| इन्द्रा᳚यसोम॒परि॑षिच्यसे॒नृभि᳚र्नृ॒चक्षा᳚,ऊ॒र्मिःक॒विर॑ज्यसे॒वने᳚ | पू॒र्वीर्हिते᳚स्रु॒तयः॒सन्ति॒यात॑वेस॒हस्र॒मश्वा॒हर॑यश्चमू॒षदः॑ || 2 || इन्द्रा᳚य¦सो॒म॒¦परि॑¦सि॒च्य॒से॒¦नृऽभिः॑¦नृ॒ऽचक्षाः᳚¦ऊ॒र्मिः¦क॒विः¦अ॒ज्य॒से॒¦वने᳚ | |
| स॒मु॒द्रिया᳚,अप्स॒रसो᳚मनी॒षिण॒मासी᳚ना,अ॒न्तर॒भिसोम॑मक्षरन् | ता,ईं᳚हिन्वन्तिह॒र्म्यस्य॑स॒क्षणिं॒याच᳚न्तेसु॒म्नंपव॑मान॒मक्षि॑तम् || 3 || स॒मु॒द्रियाः᳚¦अ॒प्स॒रसः॑¦म॒नी॒षिण᳚म्¦आसी᳚नाः¦अ॒न्तः¦अ॒भि¦सोम᳚म्¦अ॒क्ष॒र॒न् | |
| गो॒जिन्नः॒सोमो᳚रथ॒जिद्धि॑रण्य॒जित्स्व॒र्जिद॒ब्जित्प॑वतेसहस्र॒जित् | यंदे॒वास॑श्चक्रि॒रेपी॒तये॒मदं॒स्वादि॑ष्ठंद्र॒प्सम॑रु॒णंम॑यो॒भुव᳚म् || 4 || गो॒ऽजित्¦नः॒¦सोमः॑¦र॒थ॒ऽजित्¦हि॒र॒ण्य॒ऽजित्¦स्वः॒ऽजित्¦अ॒प्ऽजित्¦प॒व॒ते॒¦स॒ह॒स्र॒ऽजित् | |
| ए॒तानि॑सोम॒पव॑मानो,अस्म॒युःस॒त्यानि॑कृ॒ण्वन्द्रवि॑णान्यर्षसि | ज॒हिशत्रु॑मन्ति॒केदू᳚र॒केच॒यउ॒र्वींगव्यू᳚ति॒मभ॑यंचनस्कृधि || 5 || ए॒तानि॑¦सो॒म॒¦पव॑मानः¦अ॒स्म॒ऽयुः¦स॒त्यानि॑¦कृ॒ण्वन्¦द्रवि॑णानि¦अ॒र्ष॒सि॒ | |
| [79] अचोदसइति पंचर्चस्य सूक्तस्य भार्गवः कविः पवमानसोमोजगती |{मंडल:9, सूक्त:79}{अनुवाक:4, सूक्त:12}{अष्टक:7, अध्याय:3} |
| अ॒चो॒दसो᳚नोधन्व॒न्त्विन्द॑वः॒प्रसु॑वा॒नासो᳚बृ॒हद्दि॑वेषु॒हर॑यः | विच॒नश᳚न्नइ॒षो,अरा᳚तयो॒ऽर्योन॑शन्त॒सनि॑षन्तनो॒धियः॑ || 1 || वर्ग:4 अ॒चो॒दसः॑¦नः॒¦ध॒न्व॒न्तु॒¦इन्द॑वः¦प्र¦सु॒वा॒नासः॑¦बृ॒हत्ऽदि॑वेषु¦हर॑यः | |
| प्रणो᳚धन्व॒न्त्विन्द॑वोमद॒च्युतो॒धना᳚वा॒येभि॒रर्व॑तोजुनी॒मसि॑ | ति॒रोमर्त॑स्य॒कस्य॑चि॒त्परि॑ह्वृतिंव॒यंधना᳚निवि॒श्वधा᳚भरेमहि || 2 || प्र¦नः॒¦ध॒न्व॒न्तु॒¦इन्द॑वः¦म॒द॒ऽच्युतः॑¦धना᳚¦वा॒¦येभिः॑¦अर्व॑तः¦जु॒नी॒मसि॑ | |
| उ॒तस्वस्या॒,अरा᳚त्या,अ॒रिर्हिषउ॒तान्यस्या॒,अरा᳚त्या॒वृको॒हिषः | धन्व॒न्नतृष्णा॒सम॑रीत॒ताँ,अ॒भिसोम॑ज॒हिप॑वमानदुरा॒ध्यः॑ || 3 || उ॒त¦स्वस्याः᳚¦अरा᳚त्याः¦अ॒रिः¦हि¦सः¦उ॒त¦अ॒न्यस्याः᳚¦अरा᳚त्याः¦वृकः॑¦हि¦सः | |
| दि॒विते॒नाभा᳚पर॒मोयआ᳚द॒देपृ॑थि॒व्यास्ते᳚रुरुहुः॒सान॑वि॒क्षिपः॑ | अद्र॑यस्त्वाबप्सति॒गोरधि॑त्व॒च्य१॑(अ॒)प्सुत्वा॒हस्तै᳚र्दुदुहुर्मनी॒षिणः॑ || 4 || दि॒वि¦ते॒¦नाभा᳚¦प॒र॒मः¦यः¦आ॒ऽद॒दे¦पृ॒थि॒व्याः¦ते॒¦रु॒रु॒हुः॒¦सान॑वि¦क्षिपः॑ | |
| ए॒वात॑इन्दोसु॒भ्वं᳚सु॒पेश॑सं॒रसं᳚तुञ्जन्तिप्रथ॒मा,अ॑भि॒श्रियः॑ | निदं᳚निदंपवमान॒निता᳚रिषआ॒विस्ते॒शुष्मो᳚भवतुप्रि॒योमदः॑ || 5 || ए॒व¦ते॒¦इ॒न्दो॒ इति॑¦सु॒ऽभ्व᳚म्¦सु॒ऽपेश॑सम्¦रस᳚म्¦तुं॒ज॒न्ति॒¦प्र॒थ॒माः¦अ॒भि॒ऽश्रियः॑ | |
| [80] सोमस्येति पंचर्चस्य सूक्तस्य भारद्वाजो वसुः पवमान सोमोजगती |{मंडल:9, सूक्त:80}{अनुवाक:4, सूक्त:13}{अष्टक:7, अध्याय:3} |
| सोम॑स्य॒धारा᳚पवतेनृ॒चक्ष॑सऋ॒तेन॑दे॒वान्ह॑वतेदि॒वस्परि॑ | बृह॒स्पते᳚र॒वथे᳚ना॒विदि॑द्युतेसमु॒द्रासो॒नसव॑नानिविव्यचुः || 1 || वर्ग:5 सोम॑स्य¦धारा᳚¦प॒व॒ते॒¦नृ॒ऽचक्ष॑सः¦ऋ॒तेन॑¦दे॒वान्¦ह॒व॒ते॒¦दि॒वः¦परि॑ | |
| यंत्वा᳚वाजिन्न॒घ्न्या,अ॒भ्यनू᳚ष॒तायो᳚हतं॒योनि॒मारो᳚हसिद्यु॒मान् | म॒घोना॒मायुः॑प्रति॒रन्महि॒श्रव॒इन्द्रा᳚यसोमपवसे॒वृषा॒मदः॑ || 2 || यम्¦त्वा॒¦वा॒जि॒न्¦अ॒घ्न्याः¦अ॒भि¦अनू᳚षत¦अयः॑ऽहतम्¦योनि᳚म्¦आ¦रो॒ह॒सि॒¦द्यु॒ऽमान् | |
| एन्द्र॑स्यकु॒क्षाप॑वतेम॒दिन्त॑म॒ऊर्जं॒वसा᳚नः॒श्रव॑सेसुम॒ङ्गलः॑ | प्र॒त्यङ्सविश्वा॒भुव॑ना॒भिप॑प्रथे॒क्रीळ॒न्हरि॒रत्यः॑स्यन्दते॒वृषा᳚ || 3 || आ¦इन्द्र॑स्य¦कु॒क्षा¦प॒व॒ते॒¦म॒दिन्ऽत॑मः¦ऊर्ज᳚म्¦वसा᳚नः¦श्रव॑से¦सु॒ऽम॒ङ्गलः॑ | |
| तंत्वा᳚दे॒वेभ्यो॒मधु॑मत्तमं॒नरः॑स॒हस्र॑धारंदुहते॒दश॒क्षिपः॑ | नृभिः॑सोम॒प्रच्यु॑तो॒ग्राव॑भिःसु॒तोविश्वा᳚न्दे॒वाँ,आप॑वस्वासहस्रजित् || 4 || तम्¦त्वा॒¦दे॒वेभ्यः॑¦मधु॑मत्ऽतमम्¦नरः॑¦स॒हस्र॑ऽधारम्¦दु॒ह॒ते॒¦दश॑¦क्षिपः॑ | |
| तंत्वा᳚ह॒स्तिनो॒मधु॑मन्त॒मद्रि॑भिर्दु॒हन्त्य॒प्सुवृ॑ष॒भंदश॒क्षिपः॑ | इन्द्रं᳚सोममा॒दय॒न्दैव्यं॒जनं॒सिन्धो᳚रिवो॒र्मिःपव॑मानो,अर्षसि || 5 || तम्¦त्वा॒¦ह॒स्तिनः॑¦मधु॑ऽमन्तम्¦अद्रि॑ऽभिः¦दु॒हन्ति॑¦अ॒प्ऽसु¦वृ॒ष॒भम्¦दश॑¦क्षिपः॑ | |
| [81] प्रसोमस्येति पंचर्चस्य सूक्तस्य भारद्वाजो वसुः पवमान सोमोजगत्यंत्यात्रिष्टुप् |{मंडल:9, सूक्त:81}{अनुवाक:4, सूक्त:14}{अष्टक:7, अध्याय:3} |
| प्रसोम॑स्य॒पव॑मानस्यो॒र्मय॒इन्द्र॑स्ययन्तिज॒ठरं᳚सु॒पेश॑सः | द॒ध्नायदी॒मुन्नी᳚ताय॒शसा॒गवां᳚दा॒नाय॒शूर॑मु॒दम᳚न्दिषुःसु॒ताः || 1 || वर्ग:6 प्र¦सोम॑स्य¦पव॑मानस्य¦ऊ॒र्मयः॑¦इन्द्र॑स्य¦य॒न्ति॒¦ज॒ठर᳚म्¦सु॒ऽपेश॑सः | |
| अच्छा॒हिसोमः॑क॒लशाँ॒,असि॑ष्यद॒दत्यो॒नवोळ्हा᳚र॒घुव॑र्तनि॒र्वृषा᳚ | अथा᳚दे॒वाना᳚मु॒भय॑स्य॒जन्म॑नोवि॒द्वाँ,अ॑श्नोत्य॒मुत॑इ॒तश्च॒यत् || 2 || अच्छ॑¦हि¦सोमः॑¦क॒लशा᳚न्¦असि॑स्यदत्¦अत्यः॑¦न¦वोळ्हा᳚¦र॒घुऽव॑र्तनिः¦वृषा᳚ | |
| आनः॑सोम॒पव॑मानःकिरा॒वस्विन्दो॒भव॑म॒घवा॒राध॑सोम॒हः | शिक्षा᳚वयोधो॒वस॑वे॒सुचे॒तुना॒मानो॒गय॑मा॒रे,अ॒स्मत्परा᳚सिचः || 3 || आ¦नः॒¦सो॒म॒¦पव॑मानः¦कि॒र॒¦वसु॑¦इन्दो॒ इति॑¦भव॑¦म॒घऽवा᳚¦राध॑सः¦म॒हः | |
| आनः॑पू॒षापव॑मानःसुरा॒तयो᳚मि॒त्रोग॑च्छन्तु॒वरु॑णःस॒जोष॑सः | बृह॒स्पति᳚र्म॒रुतो᳚वा॒युर॒श्विना॒त्वष्टा᳚सवि॒तासु॒यमा॒सर॑स्वती || 4 || आ¦नः॒¦पू॒षा¦पव॑मानः¦सु॒ऽरा॒तयः॑¦मि॒त्रः¦ग॒च्छ॒न्तु॒¦वरु॑णः¦स॒ऽजोष॑सः | |
| उ॒भेद्यावा᳚पृथि॒वीवि॑श्वमि॒न्वे,अ᳚र्य॒मादे॒वो,अदि॑तिर्विधा॒ता | भगो॒नृशंस॑उ॒र्व१॑(अ॒)न्तरि॑क्षं॒विश्वे᳚दे॒वाःपव॑मानंजुषन्त || 5 || उ॒भे इति॑¦द्यावा᳚पृथि॒वी इति॑¦वि॒श्व॒म्ऽइ॒न्वे¦अ॒र्य॒मा¦दे॒वः¦अदि॑तिः¦वि॒ऽधा॒ता | |
| [82] असावीति पंचर्चस्य सूक्तस्य भारद्वाजो वसुः पवमान सोमोजगत्यंत्यात्रिष्टुप् |{मंडल:9, सूक्त:82}{अनुवाक:4, सूक्त:15}{अष्टक:7, अध्याय:3} |
| असा᳚वि॒सोमो᳚,अरु॒षोवृषा॒हरी॒राजे᳚वद॒स्मो,अ॒भिगा,अ॑चिक्रदत् | पु॒ना॒नोवारं॒पर्ये᳚त्य॒व्ययं᳚श्ये॒नोनयोनिं᳚घृ॒तव᳚न्तमा॒सद᳚म् || 1 || वर्ग:7 असा᳚वि¦सोमः॑¦अ॒रु॒षः¦वृषा᳚¦हरिः॑¦राजा᳚ऽइव¦द॒स्मः¦अ॒भि¦गाः¦अ॒चि॒क्र॒द॒त् | |
| क॒विर्वे᳚ध॒स्यापर्ये᳚षि॒माहि॑न॒मत्यो॒नमृ॒ष्टो,अ॒भिवाज॑मर्षसि | अ॒प॒सेध᳚न्दुरि॒तासो᳚ममृळयघृ॒तंवसा᳚नः॒परि॑यासिनि॒र्णिज᳚म् || 2 || क॒विः¦वे॒ध॒स्या¦परि॑¦ए॒षि॒¦माहि॑नम्¦अत्यः॑¦न¦मृ॒ष्टः¦अ॒भि¦वाज᳚म्¦अ॒र्ष॒सि॒ | |
| प॒र्जन्यः॑पि॒ताम॑हि॒षस्य॑प॒र्णिनो॒नाभा᳚पृथि॒व्यागि॒रिषु॒क्षयं᳚दधे | स्वसा᳚र॒आपो᳚,अ॒भिगा,उ॒तास॑र॒न्त्संग्राव॑भिर्नसतेवी॒ते,अ॑ध्व॒रे || 3 || प॒र्जन्यः॑¦पि॒ता¦म॒हि॒षस्य॑¦प॒र्णिनः॑¦नाभा᳚¦पृ॒थि॒व्याः¦गि॒रिषु॑¦क्षय᳚म्¦द॒धे॒ | |
| जा॒येव॒पत्या॒वधि॒शेव॑मंहसे॒पज्रा᳚यागर्भशृणु॒हिब्रवी᳚मिते | अ॒न्तर्वाणी᳚षु॒प्रच॑रा॒सुजी॒वसे᳚ऽनि॒न्द्योवृ॒जने᳚सोमजागृहि || 4 || जा॒याऽइ᳚व¦पत्यौ᳚¦अधि॑¦शेव॑¦मं॒ह॒से॒¦पज्रा᳚याः¦ग॒र्भ॒¦शृ॒णु॒हि¦ब्रवी᳚मि¦ते॒ | |
| यथा॒पूर्वे᳚भ्यःशत॒सा,अमृ॑ध्रःसहस्र॒साःप॒र्यया॒वाज॑मिन्दो | ए॒वाप॑वस्वसुवि॒ताय॒नव्य॑से॒तव᳚व्र॒तमन्वापः॑सचन्ते || 5 || यथा᳚¦पूर्वे᳚भ्यः¦श॒त॒ऽसाः¦अमृ॑ध्रः¦स॒ह॒स्र॒ऽसाः¦प॒रि॒।आयाः᳚¦वाज᳚म्¦इ॒न्दो॒ इति॑ | |
| [83] पवित्रंतइति पंचर्चस्य सूक्तस्यांगिरसः पवित्रः पवमानसोमोजगती |{मंडल:9, सूक्त:83}{अनुवाक:4, सूक्त:16}{अष्टक:7, अध्याय:3} |
| प॒वित्रं᳚ते॒वित॑तंब्रह्मणस्पतेप्र॒भुर्गात्रा᳚णि॒पर्ये᳚षिवि॒श्वतः॑ | अत॑प्ततनू॒र्नतदा॒मो,अ॑श्नुतेशृ॒तास॒इद्वह᳚न्त॒स्तत्समा᳚शत || 1 || वर्ग:8 प॒वित्र᳚म्¦ते॒¦विऽत॑तम्¦ब्र॒ह्म॒णः॒¦प॒ते॒¦प्र॒ऽभुः¦गात्रा᳚णि¦परि॑¦ए॒षि॒¦वि॒श्वतः॑ | |
| तपो᳚ष्प॒वित्रं॒वित॑तंदि॒वस्प॒देशोच᳚न्तो,अस्य॒तन्त॑वो॒व्य॑स्थिरन् | अव᳚न्त्यस्यपवी॒तार॑मा॒शवो᳚दि॒वस्पृ॒ष्ठमधि॑तिष्ठन्ति॒चेत॑सा || 2 || तपोः᳚¦प॒वित्र᳚म्¦विऽत॑तम्¦दि॒वः¦प॒दे¦शोच᳚न्तः¦अ॒स्य॒¦तन्त॑वः¦वि¦अ॒स्थि॒र॒न् | |
| अरू᳚रुचदु॒षसः॒पृश्नि॑रग्रि॒यउ॒क्षाबि॑भर्ति॒भुव॑नानिवाज॒युः | मा॒या॒विनो᳚ममिरे,अस्यमा॒यया᳚नृ॒चक्ष॑सःपि॒तरो॒गर्भ॒माद॑धुः || 3 || अरू᳚रुचत्¦उ॒षसः॑¦पृश्निः॑¦अ॒ग्रि॒यः¦उ॒क्षा¦बि॒भ॒र्ति॒¦भुव॑नानि¦वा॒ज॒ऽयुः | |
| ग॒न्ध॒र्वइ॒त्थाप॒दम॑स्यरक्षति॒पाति॑दे॒वानां॒जनि॑मा॒न्यद्भु॑तः | गृ॒भ्णाति॑रि॒पुंनि॒धया᳚नि॒धाप॑तिःसु॒कृत्त॑मा॒मधु॑नोभ॒क्षमा᳚शत || 4 || ग॒न्ध॒र्वः¦इ॒त्था¦प॒दम्¦अ॒स्य॒¦र॒क्ष॒ति॒¦पाति॑¦दे॒वाना᳚म्¦जनि॑मानि¦अद्भु॑तः | |
| ह॒विर्ह॑विष्मो॒महि॒सद्म॒दैव्यं॒नभो॒वसा᳚नः॒परि॑यास्यध्व॒रम् | राजा᳚प॒वित्र॑रथो॒वाज॒मारु॑हःस॒हस्र॑भृष्टिर्जयसि॒श्रवो᳚बृ॒हत् || 5 || ह॒विः¦ह॒वि॒ष्मः॒¦महि॑¦सद्म॑¦दैव्य᳚म्¦नभः॑¦वसा᳚नः¦परि॑¦या॒सि॒¦अ॒ध्व॒रम् | |
| [84] पवस्वेति पंचर्चस्य सूक्तस्य वाच्यः प्रजापतिः पवमान सोमोजगती |{मंडल:9, सूक्त:84}{अनुवाक:4, सूक्त:17}{अष्टक:7, अध्याय:3} |
| पव॑स्वदेव॒माद॑नो॒विच॑र्षणिर॒प्सा,इन्द्रा᳚य॒वरु॑णायवा॒यवे᳚ | कृ॒धीनो᳚,अ॒द्यवरि॑वःस्वस्ति॒मदु॑रुक्षि॒तौगृ॑णीहि॒दैव्यं॒जन᳚म् || 1 || वर्ग:9 पव॑स्व¦दे॒व॒ऽमाद॑नः¦विऽच॑र्षणिः¦अ॒प्साः¦इन्द्रा᳚य¦वरु॑णाय¦वा॒यवे᳚ | |
| आयस्त॒स्थौभुव॑ना॒न्यम॑र्त्यो॒विश्वा᳚नि॒सोमः॒परि॒तान्य॑र्षति | कृ॒ण्वन्त्सं॒चृतं᳚वि॒चृत॑म॒भिष्ट॑य॒इन्दुः॑सिषक्त्यु॒षसं॒नसूर्यः॑ || 2 || आ¦यः¦त॒स्थौ¦भुव॑नानि¦अम॑र्त्यः¦विश्वा᳚नि¦सोमः॑¦परि॑¦तानि॑¦अ॒र्ष॒ति॒ | |
| आयोगोभिः॑सृ॒ज्यत॒ओष॑धी॒ष्वादे॒वानां᳚सु॒म्नइ॒षय॒न्नुपा᳚वसुः | आवि॒द्युता᳚पवते॒धार॑यासु॒तइन्द्रं॒सोमो᳚मा॒दय॒न्दैव्यं॒जन᳚म् || 3 || आ¦यः¦गोभिः॑¦सृ॒ज्यते᳚¦ओष॑धीषु¦आ¦दे॒वाना᳚म्¦सु॒म्ने¦इ॒षय॑न्¦उप॑ऽवसुः | |
| ए॒षस्यसोमः॑पवतेसहस्र॒जिद्धि᳚न्वा॒नोवाच॑मिषि॒रामु॑ष॒र्बुध᳚म् | इन्दुः॑समु॒द्रमुदि॑यर्तिवा॒युभि॒रेन्द्र॑स्य॒हार्दि॑क॒लशे᳚षुसीदति || 4 || ए॒षः¦स्यः¦सोमः॑¦प॒व॒ते॒¦स॒ह॒स्र॒ऽजित्¦हि॒न्वा॒नः¦वाच᳚म्¦इ॒षि॒राम्¦उ॒षः॒ऽबुध᳚म् | |
| अ॒भित्यंगावः॒पय॑सापयो॒वृधं॒सोमं᳚श्रीणन्तिम॒तिभिः॑स्व॒र्विद᳚म् | ध॒नं॒ज॒यःप॑वते॒कृत्व्यो॒रसो॒विप्रः॑क॒विःकाव्ये᳚ना॒स्व॑र्चनाः || 5 || अ॒भि¦त्यम्¦गावः॑¦पय॑सा¦प॒यः॒ऽवृध᳚म्¦सोम᳚म्¦श्री॒ण॒न्ति॒¦म॒तिऽभिः॑¦स्वः॒ऽविद᳚म् | |
| [85] इंद्रायेति द्वादशर्चस्य सूक्तस्य भार्गवोवेनः पवमानसोमो जगत्यंत्येद्वेत्रिष्टुभौ |{मंडल:9, सूक्त:85}{अनुवाक:4, सूक्त:18}{अष्टक:7, अध्याय:3} |
| इन्द्रा᳚यसोम॒सुषु॑तः॒परि॑स्र॒वापामी᳚वाभवतु॒रक्ष॑सास॒ह | माते॒रस॑स्यमत्सतद्वया॒विनो॒द्रवि॑णस्वन्तइ॒हस॒न्त्विन्द॑वः || 1 || वर्ग:10 इन्द्रा᳚य¦सो॒म॒¦सुऽसु॑तः¦परि॑¦स्र॒व॒¦अप॑¦अमी᳚वा¦भ॒व॒तु॒¦रक्ष॑सा¦स॒ह | |
| अ॒स्मान्त्स॑म॒र्येप॑वमानचोदय॒दक्षो᳚दे॒वाना॒मसि॒हिप्रि॒योमदः॑ | ज॒हिशत्रूँ᳚र॒भ्याभ᳚न्दनाय॒तःपिबे᳚न्द्र॒सोम॒मव॑नो॒मृधो᳚जहि || 2 || अ॒स्मान्¦स॒ऽम॒र्ये¦प॒व॒मा॒न॒¦चो॒द॒य॒¦दक्षः॑¦दे॒वाना᳚म्¦असि॑¦हि¦प्रि॒यः¦मदः॑ | |
| अद॑ब्धइन्दोपवसेम॒दिन्त॑मआ॒त्मेन्द्र॑स्यभवसिधा॒सिरु॑त्त॒मः | अ॒भिस्व॑रन्तिब॒हवो᳚मनी॒षिणो॒राजा᳚नम॒स्यभुव॑नस्यनिंसते || 3 || अद॑ब्धः¦इ॒न्दो॒ इति॑¦प॒व॒से॒¦म॒दिन्ऽत॑मः¦आ॒त्मा¦इन्द्र॑स्य¦भ॒व॒सि॒¦धा॒सिः¦उ॒त्ऽत॒मः | |
| स॒हस्र॑णीथःश॒तधा᳚रो॒,अद्भु॑त॒इन्द्रा॒येन्दुः॑पवते॒काम्यं॒मधु॑ | जय॒न्क्षेत्र॑म॒भ्य॑र्षा॒जय᳚न्न॒पउ॒रुंनो᳚गा॒तुंकृ॑णुसोममीढ्वः || 4 || स॒हस्र॑ऽनीथः¦श॒तऽधा᳚रः¦अद्भु॑तः¦इन्द्रा᳚य¦इन्दुः॑¦प॒व॒ते॒¦काम्य᳚म्¦मधु॑ | |
| कनि॑क्रदत्क॒लशे॒गोभि॑रज्यसे॒व्य१॑(अ॒)व्ययं᳚स॒मया॒वार॑मर्षसि | म॒र्मृ॒ज्यमा᳚नो॒,अत्यो॒नसा᳚न॒सिरिन्द्र॑स्यसोमज॒ठरे॒सम॑क्षरः || 5 || कनि॑क्रदत्¦क॒लशे᳚¦गोभिः॑¦अ॒ज्य॒से॒¦वि¦अ॒व्यय᳚म्¦स॒मया᳚¦वार᳚म्¦अ॒र्ष॒सि॒ | |
| स्वा॒दुःप॑वस्वदि॒व्याय॒जन्म॑ने¦स्वा॒दुरिन्द्रा᳚यसु॒हवी᳚तुनाम्ने | स्वा॒दुर्मि॒त्राय॒वरु॑णायवा॒यवे॒¦बृह॒स्पत॑ये॒मधु॑माँ॒,अदा᳚भ्यः || 6 || वर्ग:11 स्वा॒दुः¦प॒व॒स्व॒¦दि॒व्याय॑¦जन्म॑ने¦स्वा॒दुः¦इन्द्रा᳚य¦सु॒हवी᳚तुऽनाम्ने | |
| अत्यं᳚मृजन्तिक॒लशे॒दश॒क्षिपः॒प्रविप्रा᳚णांम॒तयो॒वाच॑ईरते | पव॑माना,अ॒भ्य॑र्षन्तिसुष्टु॒तिमेन्द्रं᳚विशन्तिमदि॒रास॒इन्द॑वः || 7 || अत्य᳚म्¦मृ॒ज॒न्ति॒¦क॒लशे᳚¦दश॑¦क्षिपः॑¦प्र¦विप्रा᳚णाम्¦म॒तयः॑¦वाचः॑¦ई॒र॒ते॒ | |
| पव॑मानो,अ॒भ्य॑र्षासु॒वीर्य॑मु॒र्वींगव्यू᳚तिं॒महि॒शर्म॑स॒प्रथः॑ | माकि᳚र्नो,अ॒स्यपरि॑षूतिरीश॒तेन्दो॒जये᳚म॒त्वया॒धनं᳚धनम् || 8 || पव॑मानः¦अ॒भि¦अ॒र्ष॒¦सु॒ऽवीर्य᳚म्¦उ॒र्वीम्¦गव्यू᳚तिम्¦महि॑¦शर्म॑¦स॒ऽप्रथः॑ | |
| अधि॒द्याम॑स्थाद्वृष॒भोवि॑चक्ष॒णोऽरू᳚रुच॒द्विदि॒वोरो᳚च॒नाक॒विः | राजा᳚प॒वित्र॒मत्ये᳚ति॒रोरु॑वद्दि॒वःपी॒यूषं᳚दुहतेनृ॒चक्ष॑सः || 9 || अधि॑¦द्याम्¦अ॒स्था॒त्¦वृ॒ष॒भः¦वि॒ऽच॒क्ष॒णः¦अरू᳚रुचत्¦वि¦दि॒वः¦रो॒च॒ना¦क॒विः | |
| दि॒वोनाके॒मधु॑जिह्वा,अस॒श्चतो᳚वे॒नादु॑हन्त्यु॒क्षणं᳚गिरि॒ष्ठाम् | अ॒प्सुद्र॒प्संवा᳚वृधा॒नंस॑मु॒द्रआसिन्धो᳚रू॒र्मामधु॑मन्तंप॒वित्र॒आ || 10 || दि॒वः¦नाके᳚¦मधु॑ऽजिह्वाः¦अ॒स॒श्चतः॑¦वे॒नाः¦दु॒ह॒न्ति॒¦उ॒क्षण᳚म्¦गि॒रि॒ऽस्थाम् | |
| नाके᳚सुप॒र्णमु॑पपप्ति॒वांसं॒गिरो᳚वे॒नाना᳚मकृपन्तपू॒र्वीः | शिशुं᳚रिहन्तिम॒तयः॒पनि॑प्नतंहिर॒ण्ययं᳚शकु॒नंक्षाम॑णि॒स्थाम् || 11 || नाके᳚¦सु॒ऽप॒र्णम्¦उ॒प॒प॒प्ति॒ऽवांस᳚म्¦गिरः॑¦वे॒नाना᳚म्¦अ॒कृ॒प॒न्त॒¦पू॒र्वीः | |
| ऊ॒र्ध्वोग᳚न्ध॒र्वो,अधि॒नाके᳚,अस्था॒द्विश्वा᳚रू॒पाप्र॑ति॒चक्षा᳚णो,अस्य | भा॒नुःशु॒क्रेण॑शो॒चिषा॒व्य॑द्यौ॒त्प्रारू᳚रुच॒द्रोद॑सीमा॒तरा॒शुचिः॑ || 12 || ऊ॒र्ध्वः¦ग॒न्ध॒र्वः¦अधि॑¦नाके᳚¦अ॒स्था॒त्¦विश्वा᳚¦रू॒पा¦प्र॒ति॒ऽचक्षा᳚णः¦अ॒स्य॒ | |
| [86] प्रतआशवइत्यष्टाचत्वारिंशदृचस्य सूक्तस्य आद्यानांदशानामकृष्टामाषाऋषयः एकादश्यादिदशानांसिकतानिवावरी एकविंश्यादिदशानां पृश्नियोजाः एकत्रिंश्यादिदशानामत्रेयः एकचत्वारिंश्यादिपंचानांभौमोत्रिः अत्यानांतिसृणां शौनकोगृत्समदः पवमान सोमोजगती |{मंडल:9, सूक्त:86}{अनुवाक:5, सूक्त:1}{अष्टक:7, अध्याय:3} |
| प्रत॑आ॒शवः॑पवमानधी॒जवो॒मदा᳚,अर्षन्तिरघु॒जा,इ॑व॒त्मना᳚ | दि॒व्याःसु॑प॒र्णामधु॑मन्त॒इन्द॑वोम॒दिन्त॑मासः॒परि॒कोश॑मासते || 1 || वर्ग:12 प्र¦ते॒¦आ॒शवः॑¦प॒व॒मा॒न॒¦धी॒ऽजवः॑¦मदाः᳚¦अ॒र्ष॒न्ति॒¦र॒घु॒जाःऽइ᳚व¦त्मना᳚ | |
| प्रते॒मदा᳚सोमदि॒रास॑आ॒शवोऽसृ॑क्षत॒रथ्या᳚सो॒यथा॒पृथ॑क् | धे॒नुर्नव॒त्संपय॑सा॒भिव॒ज्रिण॒मिन्द्र॒मिन्द॑वो॒मधु॑मन्तऊ॒र्मयः॑ || 2 || प्र¦ते॒¦मदा᳚सः¦म॒दि॒रासः॑¦आ॒शवः॑¦असृ॑क्षत¦रथ्या᳚सः¦यथा᳚¦पृथ॑क् | |
| अत्यो॒नहि॑या॒नो,अ॒भिवाज॑मर्षस्व॒र्वित्कोशं᳚दि॒वो,अद्रि॑मातरम् | वृषा᳚प॒वित्रे॒,अधि॒सानो᳚,अ॒व्यये॒सोमः॑पुना॒नइ᳚न्द्रि॒याय॒धाय॑से || 3 || अत्यः॑¦न¦हि॒या॒नः¦अ॒भि¦वाज᳚म्¦अ॒र्ष॒¦स्वः॒ऽवित्¦कोश᳚म्¦दि॒वः¦अद्रि॑ऽमातरम् | |
| प्रत॒आश्वि॑नीःपवमानधी॒जुवो᳚दि॒व्या,अ॑सृग्र॒न्पय॑सा॒धरी᳚मणि | प्रान्तरृष॑यः॒स्थावि॑रीरसृक्षत॒येत्वा᳚मृ॒जन्त्यृ॑षिषाणवे॒धसः॑ || 4 || प्र¦ते॒¦आश्वि॑नीः¦प॒व॒मा॒न॒¦धी॒ऽजुवः॑¦दि॒व्याः¦अ॒सृ॒ग्र॒न्¦पय॑सा¦धरी᳚मणि | |
| विश्वा॒धामा᳚निविश्वचक्ष॒ऋभ्व॑सःप्र॒भोस्ते᳚स॒तःपरि॑यन्तिके॒तवः॑ | व्या॒न॒शिःप॑वसेसोम॒धर्म॑भिः॒पति॒र्विश्व॑स्य॒भुव॑नस्यराजसि || 5 || विश्वा᳚¦धामा᳚नि¦वि॒श्व॒ऽच॒क्षः॒¦ऋभ्व॑सः¦प्र॒ऽभोः¦ते॒¦स॒तः¦परि॑¦य॒न्ति॒¦के॒तवः॑ | |
| उ॒भ॒यतः॒पव॑मानस्यर॒श्मयो᳚ध्रु॒वस्य॑स॒तःपरि॑यन्तिके॒तवः॑ | यदी᳚प॒वित्रे॒,अधि॑मृ॒ज्यते॒हरिः॒सत्ता॒नियोना᳚क॒लशे᳚षुसीदति || 6 || वर्ग:13 उ॒भ॒यतः॑¦पव॑मानस्य¦र॒श्मयः॑¦ध्रु॒वस्य॑¦स॒तः¦परि॑¦य॒न्ति॒¦के॒तवः॑ | |
| य॒ज्ञस्य॑के॒तुःप॑वतेस्वध्व॒रःसोमो᳚दे॒वाना॒मुप॑यातिनिष्कृ॒तम् | स॒हस्र॑धारः॒परि॒कोश॑मर्षति॒वृषा᳚प॒वित्र॒मत्ये᳚ति॒रोरु॑वत् || 7 || य॒ज्ञस्य॑¦के॒तुः¦प॒व॒ते॒¦सु॒।आ॒ध्व॒रः¦सोमः॑¦दे॒वाना᳚म्¦उप॑¦या॒ति॒¦निः॒ऽकृ॒तम् | |
| राजा᳚समु॒द्रंन॒द्यो॒३॑(ओ॒)विगा᳚हते॒ऽपामू॒र्मिंस॑चते॒सिन्धु॑षुश्रि॒तः | अध्य॑स्था॒त्सानु॒पव॑मानो,अ॒व्ययं॒नाभा᳚पृथि॒व्याध॒रुणो᳚म॒होदि॒वः || 8 || राजा᳚¦स॒मु॒द्रम्¦न॒द्यः॑¦वि¦गा॒ह॒ते॒¦अ॒पाम्¦ऊ॒र्मिम्¦स॒च॒ते॒¦सिन्धु॑षु¦श्रि॒तः | |
| दि॒वोनसानु॑स्त॒नय᳚न्नचिक्रद॒द्द्यौश्च॒यस्य॑पृथि॒वीच॒धर्म॑भिः | इन्द्र॑स्यस॒ख्यंप॑वतेवि॒वेवि॑द॒त्सोमः॑पुना॒नःक॒लशे᳚षुसीदति || 9 || दि॒वः¦न¦सानु॑¦स्त॒नय॑न्¦अ॒चि॒क्र॒द॒त्¦द्यौः¦च॒¦यस्य॑¦पृ॒थि॒वी¦च॒¦धर्म॑ऽभिः | |
| ज्योति᳚र्य॒ज्ञस्य॑पवते॒मधु॑प्रि॒यंपि॒तादे॒वानां᳚जनि॒तावि॒भूव॑सुः | दधा᳚ति॒रत्नं᳚स्व॒धयो᳚रपी॒च्यं᳚म॒दिन्त॑मोमत्स॒रइ᳚न्द्रि॒योरसः॑ || 10 || ज्योतिः॑¦य॒ज्ञस्य॑¦प॒व॒ते॒¦मधु॑¦प्रि॒यम्¦पि॒ता¦दे॒वाना᳚म्¦ज॒नि॒ता¦वि॒भुऽव॑सुः | |
| अ॒भि॒क्रन्द᳚न्क॒लशं᳚वा॒ज्य॑र्षति॒पति॑र्दि॒वःश॒तधा᳚रोविचक्ष॒णः | हरि᳚र्मि॒त्रस्य॒सद॑नेषुसीदतिमर्मृजा॒नोऽवि॑भिः॒सिन्धु॑भि॒र्वृषा᳚ || 11 || वर्ग:14 अ॒भि॒ऽक्रन्द॑न्¦क॒लश᳚म्¦वा॒जी¦अ॒र्ष॒ति॒¦पतिः॑¦दि॒वः¦श॒तऽधा᳚रः¦वि॒ऽच॒क्ष॒णः | |
| अग्रे॒सिन्धू᳚नां॒पव॑मानो,अर्ष॒त्यग्रे᳚वा॒चो,अ॑ग्रि॒योगोषु॑गच्छति | अग्रे॒वाज॑स्यभजतेमहाध॒नंस्वा᳚यु॒धःसो॒तृभिः॑पूयते॒वृषा᳚ || 12 || अग्रे᳚¦सिन्धू᳚नाम्¦पव॑मानः¦अ॒र्ष॒ति॒¦अग्रे᳚¦वा॒चः¦अ॒ग्रि॒यः¦गोषु॑¦ग॒च्छ॒ति॒ | |
| अ॒यंम॒तवा᳚ञ्छकु॒नोयथा᳚हि॒तोऽव्ये᳚ससार॒पव॑मानऊ॒र्मिणा᳚ | तव॒क्रत्वा॒रोद॑सी,अन्त॒राक॑वे॒शुचि॑र्धि॒याप॑वते॒सोम॑इन्द्रते || 13 || अ॒यम्¦म॒तऽवा᳚न्¦श॒कु॒नः¦यथा᳚¦हि॒तः¦अव्ये᳚¦स॒सा॒र॒¦पव॑मानः¦ऊ॒र्मिणा᳚ | |
| द्रा॒पिंवसा᳚नोयज॒तोदि॑वि॒स्पृश॑मन्तरिक्ष॒प्राभुव॑ने॒ष्वर्पि॑तः | स्व॑र्जज्ञा॒नोनभ॑सा॒भ्य॑क्रमीत्प्र॒त्नम॑स्यपि॒तर॒मावि॑वासति || 14 || द्रा॒पिम्¦वसा᳚नः¦य॒ज॒तः¦दि॒वि॒ऽस्पृश᳚म्¦अ॒न्त॒रि॒क्ष॒ऽप्राः¦भुव॑नेषु¦अर्पि॑तः | |
| सो,अ॑स्यवि॒शेमहि॒शर्म॑यच्छति॒यो,अ॑स्य॒धाम॑प्रथ॒मंव्या᳚न॒शे | प॒दंयद॑स्यपर॒मेव्यो᳚म॒न्यतो॒विश्वा᳚,अ॒भिसंया᳚तिसं॒यतः॑ || 15 || सः¦अ॒स्य॒¦वि॒शे¦महि॑¦शर्म॑¦य॒च्छ॒ति॒¦यः¦अ॒स्य॒¦धाम॑¦प्र॒थ॒मम्¦वि॒ऽआ॒न॒शे | |
| प्रो,अ॑यासी॒दिन्दु॒रिन्द्र॑स्यनिष्कृ॒तंसखा॒सख्यु॒र्नप्रमि॑नातिसं॒गिर᳚म् | मर्य॑इवयुव॒तिभिः॒सम॑र्षति॒सोमः॑क॒लशे᳚श॒तया᳚म्नाप॒था || 16 || वर्ग:15 प्रो इति॑¦अ॒या॒सी॒त्¦इन्दुः॑¦इन्द्र॑स्य¦निः॒ऽकृ॒तम्¦सखा᳚¦सख्युः॑¦न¦प्र¦मि॒ना॒ति॒¦स॒म्ऽगिर᳚म् | |
| प्रवो॒धियो᳚मन्द्र॒युवो᳚विप॒न्युवः॑पन॒स्युवः॑सं॒वस॑नेष्वक्रमुः | सोमं᳚मनी॒षा,अ॒भ्य॑नूषत॒स्तुभो॒ऽभिधे॒नवः॒पय॑सेमशिश्रयुः || 17 || प्र¦वः॒¦धियः॑¦म॒न्द्र॒ऽयुवः॑¦वि॒प॒न्युवः॑¦प॒न॒स्युवः॑¦स॒म्ऽवस॑नेषु¦अ॒क्र॒मुः॒ | |
| आनः॑सोमसं॒यतं᳚पि॒प्युषी॒मिष॒मिन्दो॒पव॑स्व॒पव॑मानो,अ॒स्रिध᳚म् | यानो॒दोह॑ते॒त्रिरह॒न्नस॑श्चुषीक्षु॒मद्वाज॑व॒न्मधु॑मत्सु॒वीर्य᳚म् || 18 || आ¦नः॒¦सो॒म॒¦स॒म्ऽयत᳚म्¦पि॒प्युषी᳚म्¦इष᳚म्¦इन्दो॒ इति॑¦पव॑स्व¦पव॑मानः¦अ॒स्रिध᳚म् | |
| वृषा᳚मती॒नांप॑वतेविचक्ष॒णःसोमो॒,अह्नः॑प्रतरी॒तोषसो᳚दि॒वः | क्रा॒णासिन्धू᳚नांक॒लशाँ᳚,अवीवश॒दिन्द्र॑स्य॒हार्द्या᳚वि॒शन्म॑नी॒षिभिः॑ || 19 || वृषा᳚¦म॒ती॒नाम्¦प॒व॒ते॒¦वि॒ऽच॒क्ष॒णः¦सोमः॑¦अह्नः॑¦प्र॒ऽत॒री॒ता¦उ॒षसः॑¦दि॒वः | |
| म॒नी॒षिभिः॑पवतेपू॒र्व्यःक॒विर्नृभि᳚र्य॒तःपरि॒कोशाँ᳚,अचिक्रदत् | त्रि॒तस्य॒नाम॑ज॒नय॒न्मधु॑क्षर॒दिन्द्र॑स्यवा॒योःस॒ख्याय॒कर्त॑वे || 20 || म॒नी॒षिऽभिः॑¦प॒व॒ते॒¦पू॒र्व्यः¦क॒विः¦नृऽभिः॑¦य॒तः¦परि॑¦कोशा᳚न्¦अ॒चि॒क्र॒द॒त् | |
| अ॒यंपु॑ना॒नउ॒षसो॒विरो᳚चयद॒यंसिन्धु॑भ्यो,अभवदुलोक॒कृत् | अ॒यंत्रिःस॒प्तदु॑दुहा॒नआ॒शिरं॒सोमो᳚हृ॒देप॑वते॒चारु॑मत्स॒रः || 21 || वर्ग:16 अ॒यम्¦पु॒ना॒नः¦उ॒षसः॑¦वि¦रो॒च॒य॒त्¦अ॒यम्¦सिन्धु॑ऽभ्यः¦अ॒भ॒व॒त्¦ऊँ॒ इति॑¦लो॒क॒ऽकृत् | |
| पव॑स्वसोमदि॒व्येषु॒धाम॑सुसृजा॒नइ᳚न्दोक॒लशे᳚प॒वित्र॒आ | सीद॒न्निन्द्र॑स्यज॒ठरे॒कनि॑क्रद॒न्नृभि᳚र्य॒तःसूर्य॒मारो᳚हयोदि॒वि || 22 || पव॑स्व¦सो॒म॒¦दि॒व्येषु॑¦धाम॑ऽसु¦सृ॒जा॒नः¦इ॒न्दो॒ इति॑¦क॒लशे᳚¦प॒वित्रे᳚¦आ | |
| अद्रि॑भिःसु॒तःप॑वसेप॒वित्र॒आँ,इन्द॒विन्द्र॑स्यज॒ठरे᳚ष्वावि॒शन् | त्वंनृ॒चक्षा᳚,अभवोविचक्षण॒सोम॑गो॒त्रमङ्गि॑रोभ्योऽवृणो॒रप॑ || 23 || अद्रि॑ऽभिः¦सु॒तः¦प॒व॒से॒¦प॒वित्रे᳚¦आ¦इन्दो॒ इति॑¦इन्द्र॑स्य¦ज॒ठरे᳚षु¦आ॒ऽवि॒शन् | |
| त्वांसो᳚म॒पव॑मानंस्वा॒ध्योऽनु॒विप्रा᳚सो,अमदन्नव॒स्यवः॑ | त्वांसु॑प॒र्णआभ॑रद्दि॒वस्परीन्दो॒विश्वा᳚भिर्म॒तिभिः॒परि॑ष्कृतम् || 24 || त्वाम्¦सो॒म॒¦पव॑मानम्¦सु॒ऽआ॒ध्यः॑¦अनु॑¦विप्रा᳚सः¦अ॒म॒द॒न्¦अ॒व॒स्यवः॑ | |
| अव्ये᳚पुना॒नंपरि॒वार॑ऊ॒र्मिणा॒हरिं᳚नवन्ते,अ॒भिस॒प्तधे॒नवः॑ | अ॒पामु॒पस्थे॒,अध्या॒यवः॑क॒विमृ॒तस्य॒योना᳚महि॒षा,अ॑हेषत || 25 || अव्ये᳚¦पु॒ना॒नम्¦परि॑¦वारे᳚¦ऊ॒र्मिणा᳚¦हरि᳚म्¦न॒व॒न्ते॒¦अ॒भि¦स॒प्त¦धे॒नवः॑ | |
| इन्दुः॑पुना॒नो,अति॑गाहते॒मृधो॒विश्वा᳚निकृ॒ण्वन्त्सु॒पथा᳚नि॒यज्य॑वे | गाःकृ᳚ण्वा॒नोनि॒र्णिजं᳚हर्य॒तःक॒विरत्यो॒नक्रीळ॒न्परि॒वार॑मर्षति || 26 || वर्ग:17 इन्दुः॑¦पु॒ना॒नः¦अति॑¦गा॒ह॒ते॒¦मृधः॑¦विश्वा᳚नि¦कृ॒ण्वन्¦सु॒ऽपथा᳚नि¦यज्य॑वे | |
| अ॒स॒श्चतः॑श॒तधा᳚रा,अभि॒श्रियो॒हरिं᳚नव॒न्तेऽव॒ता,उ॑द॒न्युवः॑ | क्षिपो᳚मृजन्ति॒परि॒गोभि॒रावृ॑तंतृ॒तीये᳚पृ॒ष्ठे,अधि॑रोच॒नेदि॒वः || 27 || अ॒स॒श्चतः॑¦श॒तऽधा᳚राः¦अ॒भि॒ऽश्रियः॑¦हरि᳚म्¦न॒व॒न्ते¦अव॑¦ताः¦उ॒द॒न्युवः॑ | |
| तवे॒माःप्र॒जादि॒व्यस्य॒रेत॑स॒स्त्वंविश्व॑स्य॒भुव॑नस्यराजसि | अथे॒दंविश्वं᳚पवमानते॒वशे॒त्वमि᳚न्दोप्रथ॒मोधा᳚म॒धा,अ॑सि || 28 || तव॑¦इ॒माः¦प्र॒ऽजाः¦दि॒व्यस्य॑¦रेत॑सः¦त्वम्¦विश्व॑स्य¦भुव॑नस्य¦रा॒ज॒सि॒ | |
| त्वंस॑मु॒द्रो,अ॑सिविश्व॒वित्क॑वे॒तवे॒माःपञ्च॑प्र॒दिशो॒विध᳚र्मणि | त्वंद्यांच॑पृथि॒वींचाति॑जभ्रिषे॒तव॒ज्योतीं᳚षिपवमान॒सूर्यः॑ || 29 || त्वम्¦स॒मु॒द्रः¦अ॒सि॒¦वि॒श्व॒ऽवित्¦क॒वे॒¦तव॑¦इ॒माः¦पंच॑¦प्र॒ऽदिशः॑¦विऽध᳚र्मणि | |
| त्वंप॒वित्रे॒रज॑सो॒विध᳚र्मणिदे॒वेभ्यः॑सोमपवमानपूयसे | त्वामु॒शिजः॑प्रथ॒मा,अ॑गृभ्णत॒तुभ्ये॒माविश्वा॒भुव॑नानियेमिरे || 30 || त्वम्¦प॒वित्रे᳚¦रज॑सः¦विऽध᳚र्मणि¦दे॒वेभ्यः॑¦सो॒म॒¦प॒व॒मा॒न॒¦पू॒य॒से॒ | |
| प्ररे॒भए॒त्यति॒वार॑म॒व्ययं॒वृषा॒वने॒ष्वव॑चक्रद॒द्धरिः॑ | संधी॒तयो᳚वावशा॒ना,अ॑नूषत॒शिशुं᳚रिहन्तिम॒तयः॒पनि॑प्नतम् || 31 || वर्ग:18 प्र¦रे॒भः¦ए॒ति॒¦अति॑¦वार᳚म्¦अ॒व्यय᳚म्¦वृषा᳚¦वने᳚षु¦अव॑¦च॒क्र॒द॒त्¦हरिः॑ | |
| ससूर्य॑स्यर॒श्मिभिः॒परि᳚व्यत॒तन्तुं᳚तन्वा॒नस्त्रि॒वृतं॒यथा᳚वि॒दे | नय᳚न्नृ॒तस्य॑प्र॒शिषो॒नवी᳚यसीः॒पति॒र्जनी᳚ना॒मुप॑यातिनिष्कृ॒तम् || 32 || सः¦सूर्य॑स्य¦र॒श्मिऽभिः॑¦परि॑¦व्य॒त॒¦तन्तु᳚म्¦त॒न्वा॒नः¦त्रि॒ऽवृत᳚म्¦यथा᳚¦वि॒दे | |
| राजा॒सिन्धू᳚नांपवते॒पति॑र्दि॒वऋ॒तस्य॑यातिप॒थिभिः॒कनि॑क्रदत् | स॒हस्र॑धारः॒परि॑षिच्यते॒हरिः॑पुना॒नोवाचं᳚ज॒नय॒न्नुपा᳚वसुः || 33 || राजा᳚¦सिन्धू᳚नाम्¦प॒व॒ते॒¦पतिः॑¦दि॒वः¦ऋ॒तस्य॑¦या॒ति॒¦प॒थिऽभिः॑¦कनि॑क्रदत् | |
| पव॑मान॒मह्यर्णो॒विधा᳚वसि॒सूरो॒नचि॒त्रो,अव्य॑यानि॒पव्य॑या | गभ॑स्तिपूतो॒नृभि॒रद्रि॑भिःसु॒तोम॒हेवाजा᳚य॒धन्या᳚यधन्वसि || 34 || पव॑मान¦महि॑¦अर्णः॑¦वि¦धा॒व॒सि॒¦सूरः॑¦न¦चि॒त्रः¦अव्य॑यानि¦पव्य॑या | |
| इष॒मूर्जं᳚पवमाना॒भ्य॑र्षसिश्ये॒नोनवंसु॑क॒लशे᳚षुसीदसि | इन्द्रा᳚य॒मद्वा॒मद्यो॒मदः॑सु॒तोदि॒वोवि॑ष्ट॒म्भउ॑प॒मोवि॑चक्ष॒णः || 35 || इष᳚म्¦ऊर्ज᳚म्¦प॒व॒मा॒न॒¦अ॒भि¦अ॒र्ष॒सि॒¦श्ये॒नः¦न¦वंसु॑¦क॒लशे᳚षु¦सी॒द॒सि॒ | |
| स॒प्तस्वसा᳚रो,अ॒भिमा॒तरः॒शिशुं॒नवं᳚जज्ञा॒नंजेन्यं᳚विप॒श्चित᳚म् | अ॒पांग᳚न्ध॒र्वंदि॒व्यंनृ॒चक्ष॑सं॒सोमं॒विश्व॑स्य॒भुव॑नस्यरा॒जसे᳚ || 36 || वर्ग:19 स॒प्त¦स्वसा᳚रः¦अ॒भि¦मा॒तरः॑¦शिशु᳚म्¦नव᳚म्¦ज॒ज्ञा॒नम्¦जेन्य᳚म्¦वि॒पः॒ऽचित᳚म् | |
| ई॒शा॒नइ॒माभुव॑नानि॒वीय॑सेयुजा॒नइ᳚न्दोह॒रितः॑सुप॒र्ण्यः॑ | तास्ते᳚क्षरन्तु॒मधु॑मद्घृ॒तंपय॒स्तव᳚व्र॒तेसो᳚मतिष्ठन्तुकृ॒ष्टयः॑ || 37 || ई॒शा॒नः¦इ॒मा¦भुव॑नानि¦वि¦ई॒य॒से॒¦यु॒जा॒नः¦इ॒न्दो॒ इति॑¦ह॒रितः॑¦सु॒ऽप॒र्ण्यः॑ | |
| त्वंनृ॒चक्षा᳚,असिसोमवि॒श्वतः॒पव॑मानवृषभ॒ताविधा᳚वसि | सनः॑पवस्व॒वसु॑म॒द्धिर᳚ण्यवद्व॒यंस्या᳚म॒भुव॑नेषुजी॒वसे᳚ || 38 || त्वम्¦नृ॒ऽचक्षाः᳚¦अ॒सि॒¦सो॒म॒¦वि॒श्वतः॑¦पव॑मान¦वृ॒ष॒भ॒¦ता¦वि¦धा॒व॒सि॒ | |
| गो॒वित्प॑वस्ववसु॒विद्धि॑रण्य॒विद्रे᳚तो॒धा,इ᳚न्दो॒भुव॑ने॒ष्वर्पि॑तः | त्वंसु॒वीरो᳚,असिसोमविश्व॒वित्तंत्वा॒विप्रा॒,उप॑गि॒रेमआ᳚सते || 39 || गो॒ऽवित्¦प॒व॒स्व॒¦व॒सु॒ऽवित्¦हि॒र॒ण्य॒ऽवित्¦रे॒तः॒ऽधाः¦इ॒न्दो॒ इति॑¦भुव॑नेषु¦अर्पि॑तः | |
| उन्मध्व॑ऊ॒र्मिर्व॒नना᳚,अतिष्ठिपद॒पोवसा᳚नोमहि॒षोविगा᳚हते | राजा᳚प॒वित्र॑रथो॒वाज॒मारु॑हत्स॒हस्र॑भृष्टिर्जयति॒श्रवो᳚बृ॒हत् || 40 || उत्¦मध्वः॑¦ऊ॒र्मिः¦व॒ननाः᳚¦अ॒ति॒स्थि॒प॒त्¦अ॒पः¦वसा᳚नः¦म॒हि॒षः¦वि¦गा॒ह॒ते॒ | |
| सभ॒न्दना॒,उदि॑यर्तिप्र॒जाव॑तीर्वि॒श्वायु॒र्विश्वाः᳚सु॒भरा॒,अह॑र्दिवि | ब्रह्म॑प्र॒जाव॑द्र॒यिमश्व॑पस्त्यंपी॒तइ᳚न्द॒विन्द्र॑म॒स्मभ्यं᳚याचतात् || 41 || वर्ग:20 सः¦भ॒न्दनाः᳚¦उत्¦इ॒य॒र्ति॒¦प्र॒जाऽव॑तीः¦वि॒श्वऽआ᳚युः¦विश्वाः᳚¦सु॒ऽभराः᳚¦अहः॑ऽदिवि | |
| सो,अग्रे॒,अह्नां॒हरि᳚र्हर्य॒तोमदः॒प्रचेत॑साचेतयते॒,अनु॒द्युभिः॑ | द्वाजना᳚या॒तय᳚न्न॒न्तरी᳚यते॒नरा᳚च॒शंसं॒दैव्यं᳚चध॒र्तरि॑ || 42 || सः¦अग्रे᳚¦अह्ना᳚म्¦हरिः॑¦ह॒र्य॒तः¦मदः॑¦प्र¦चेत॑सा¦चे॒त॒य॒ते॒¦अनु॑¦द्युऽभिः॑ | |
| अ॒ञ्जते॒व्य᳚ञ्जते॒सम᳚ञ्जते॒क्रतुं᳚रिहन्ति॒मधु॑ना॒भ्य᳚ञ्जते | सिन्धो᳚रुच्छ्वा॒सेप॒तय᳚न्तमु॒क्षणं᳚हिरण्यपा॒वाःप॒शुमा᳚सुगृभ्णते || 43 || अं॒जते᳚¦वि¦अं॒ज॒ते॒¦सम्¦अं॒ज॒ते॒¦क्रतु᳚म्¦रि॒ह॒न्ति॒¦मधु॑ना¦अ॒भि¦अं॒ज॒ते॒ | |
| वि॒प॒श्चिते॒पव॑मानायगायतम॒हीनधारात्यन्धो᳚,अर्षति | अहि॒र्नजू॒र्णामति॑सर्पति॒त्वच॒मत्यो॒नक्रीळ᳚न्नसर॒द्वृषा॒हरिः॑ || 44 || वि॒पः॒ऽचिते᳚¦पव॑मानाय¦गा॒य॒त॒¦म॒ही¦न¦धारा᳚¦अति॑¦अन्धः॑¦अ॒र्ष॒ति॒ | |
| अ॒ग्रे॒गोराजाप्य॑स्तविष्यतेवि॒मानो॒,अह्नां॒भुव॑ने॒ष्वर्पि॑तः | हरि॑र्घृ॒तस्नुः॑सु॒दृशी᳚को,अर्ण॒वोज्यो॒तीर॑थःपवतेरा॒यओ॒क्यः॑ || 45 || अ॒ग्रे॒ऽगः¦राजा᳚¦अप्यः॑¦त॒वि॒ष्य॒ते॒¦वि॒ऽमानः॑¦अह्ना᳚म्¦भुव॑नेषु¦अर्पि॑तः | |
| अस॑र्जिस्क॒म्भोदि॒वउद्य॑तो॒मदः॒परि॑त्रि॒धातु॒र्भुव॑नान्यर्षति | अं॒शुंरि॑हन्तिम॒तयः॒पनि॑प्नतंगि॒रायदि॑नि॒र्णिज॑मृ॒ग्मिणो᳚य॒युः || 46 || वर्ग:21 अस॑र्जि¦स्क॒म्भः¦दि॒वः¦उत्ऽय॑तः¦मदः॑¦परि॑¦त्रि॒ऽधातुः॑¦भुव॑नानि¦अ॒र्ष॒ति॒ | |
| प्रते॒धारा॒,अत्यण्वा᳚निमे॒ष्यः॑पुना॒नस्य॑सं॒यतो᳚यन्ति॒रंह॑यः | यद्गोभि॑रिन्दोच॒म्वोः᳚सम॒ज्यस॒आसु॑वा॒नःसो᳚मक॒लशे᳚षुसीदसि || 47 || प्र¦ते॒¦धाराः᳚¦अति॑¦अण्वा᳚नि¦मे॒ष्यः॑¦पु॒ना॒नस्य॑¦स॒म्ऽयतः॑¦य॒न्ति॒¦रंह॑यः | |
| पव॑स्वसोमक्रतु॒विन्न॑उ॒क्थ्योऽव्यो॒वारे॒परि॑धाव॒मधु॑प्रि॒यम् | ज॒हिविश्वा᳚न्र॒क्षस॑इन्दो,अ॒त्रिणो᳚बृ॒हद्व॑देमवि॒दथे᳚सु॒वीराः᳚ || 48 || पव॑स्व¦सो॒म॒¦क्र॒तु॒ऽवित्¦नः॒¦उ॒क्थ्यः॑¦अव्यः॑¦वारे᳚¦परि॑¦धा॒व॒¦मधु॑¦प्रि॒यम् | |
| [87] प्रतुद्रवेति नवर्चस्य सूक्तस्य काव्यउशना पवमानसोमस्त्रिष्टुप् |{मंडल:9, सूक्त:87}{अनुवाक:5, सूक्त:2}{अष्टक:7, अध्याय:3} |
| प्रतुद्र॑व॒परि॒कोशं॒निषी᳚द॒नृभिः॑पुना॒नो,अ॒भिवाज॑मर्ष | अश्वं॒नत्वा᳚वा॒जिनं᳚म॒र्जय॒न्तोऽच्छा᳚ब॒र्हीर॑श॒नाभि᳚र्नयन्ति || 1 || वर्ग:22 प्र¦तु¦द्र॒व॒¦परि॑¦कोश᳚म्¦नि¦सी॒द॒¦नृऽभिः॑¦पु॒ना॒नः¦अ॒भि¦वाज᳚म्¦अ॒र्ष॒ | |
| स्वा॒यु॒धःप॑वतेदे॒वइन्दु॑रशस्ति॒हावृ॒जनं॒रक्ष॑माणः | पि॒तादे॒वानां᳚जनि॒तासु॒दक्षो᳚विष्ट॒म्भोदि॒वोध॒रुणः॑पृथि॒व्याः || 2 || सु॒ऽआ॒यु॒धः¦प॒व॒ते॒¦दे॒वः¦इन्दुः॑¦अ॒श॒स्ति॒ऽहा¦वृ॒जन᳚म्¦रक्ष॑माणः | |
| ऋषि॒र्विप्रः॑पुरए॒ताजना᳚नामृ॒भुर्धीर॑उ॒शना॒काव्ये᳚न | सचि॑द्विवेद॒निहि॑तं॒यदा᳚सामपी॒च्य१॑(अं॒)गुह्यं॒नाम॒गोना᳚म् || 3 || ऋषिः॑¦विप्रः॑¦पु॒रः॒ऽए॒ता¦जना᳚नाम्¦ऋ॒भुः¦धीरः॑¦उ॒शना᳚¦काव्ये᳚न | |
| ए॒षस्यते॒मधु॑माँ,इन्द्र॒सोमो॒वृषा॒वृष्णे॒परि॑प॒वित्रे᳚,अक्षाः | स॒ह॒स्र॒साःश॑त॒साभू᳚रि॒दावा᳚शश्वत्त॒मंब॒र्हिरावा॒ज्य॑स्थात् || 4 || ए॒षः¦स्यः¦ते॒¦मधु॑ऽमान्¦इ॒न्द्र॒¦सोमः॑¦वृषा᳚¦वृष्णे᳚¦परि॑¦प॒वित्रे᳚¦अ॒क्षा॒रिति॑ | |
| ए॒तेसोमा᳚,अ॒भिग॒व्यास॒हस्रा᳚म॒हेवाजा᳚या॒मृता᳚य॒श्रवां᳚सि | प॒वित्रे᳚भिः॒पव॑माना,असृग्रञ्छ्रव॒स्यवो॒नपृ॑त॒नाजो॒,अत्याः᳚ || 5 || ए॒ते¦सोमाः᳚¦अ॒भि¦ग॒व्या¦स॒हस्रा᳚¦म॒हे¦वाजा᳚य¦अ॒मृता᳚य¦श्रवां᳚सि | |
| परि॒हिष्मा᳚पुरुहू॒तोजना᳚नां॒विश्वास॑र॒द्भोज॑नापू॒यमा᳚नः | अथाभ॑रश्येनभृत॒प्रयां᳚सिर॒यिंतुञ्जा᳚नो,अ॒भिवाज॑मर्ष || 6 || वर्ग:23 परि॑¦हि¦स्म॒¦पु॒रु॒ऽहू॒तः¦जना᳚नाम्¦विश्वा᳚¦अस॑रत्¦भोज॑ना¦पू॒यमा᳚नः | |
| ए॒षसु॑वा॒नःपरि॒सोमः॑प॒वित्रे॒सर्गो॒नसृ॒ष्टो,अ॑दधाव॒दर्वा᳚ | ति॒ग्मेशिशा᳚नोमहि॒षोनशृङ्गे॒गाग॒व्यन्न॒भिशूरो॒नसत्वा᳚ || 7 || ए॒षः¦सु॒वा॒नः¦परि॑¦सोमः॑¦प॒वित्रे᳚¦सर्गः॑¦न¦सृ॒ष्टः¦अ॒द॒धा॒व॒त्¦अर्वा᳚ | |
| ए॒षाय॑यौपर॒माद॒न्तरद्रेः॒कूचि॑त्स॒तीरू॒र्वेगावि॑वेद | दि॒वोनवि॒द्युत्स्त॒नय᳚न्त्य॒भ्रैःसोम॑स्यतेपवतइन्द्र॒धारा᳚ || 8 || ए॒षा¦आ¦य॒यौ॒¦प॒र॒मात्¦अ॒न्तः¦अद्रेः᳚¦कूऽचि॑त्¦स॒तीः¦ऊ॒र्वे¦गाः¦वि॒वे॒द॒ | |
| उ॒तस्म॑रा॒शिंपरि॑यासि॒गोना॒मिन्द्रे᳚णसोमस॒रथं᳚पुना॒नः | पू॒र्वीरिषो᳚बृह॒तीर्जी᳚रदानो॒शिक्षा᳚शचीव॒स्तव॒ता,उ॑प॒ष्टुत् || 9 || उ॒त¦स्म॒¦रा॒शिम्¦परि॑¦या॒सि॒¦गोना᳚म्¦इन्द्रे᳚ण¦सो॒म॒¦स॒ऽरथ᳚म्¦पु॒ना॒नः | |
| [88] अयंसोमइत्यष्टर्चस्य सूक्तस्य काव्य उशना पवमानसोमस्त्रिष्टुप् |{मंडल:9, सूक्त:88}{अनुवाक:5, सूक्त:3}{अष्टक:7, अध्याय:3} |
| अ॒यंसोम॑इन्द्र॒तुभ्यं᳚सुन्वे॒तुभ्यं᳚पवते॒त्वम॑स्यपाहि | त्वंह॒यंच॑कृ॒षेत्वंव॑वृ॒षइन्दुं॒मदा᳚य॒युज्या᳚य॒सोम᳚म् || 1 || वर्ग:24 अ॒यम्¦सोमः॑¦इ॒न्द्र॒¦तुभ्य᳚म्¦सु॒न्वे॒¦तुभ्य᳚म्¦प॒व॒ते॒¦त्वम्¦अ॒स्य॒¦पा॒हि॒ | |
| सईं॒रथो॒नभु॑रि॒षाळ॑योजिम॒हःपु॒रूणि॑सा॒तये॒वसू᳚नि | आदीं॒विश्वा᳚नहु॒ष्या᳚णिजा॒तास्व॑र्षाता॒वन॑ऊ॒र्ध्वान॑वन्त || 2 || सः¦ई॒म्¦रथः॑¦न¦भु॒रि॒षाट्¦अ॒यो॒जि॒¦म॒हः¦पु॒रूणि॑¦सा॒तये᳚¦वसू᳚नि | |
| वा॒युर्नयोनि॒युत्वाँ᳚,इ॒ष्टया᳚मा॒नास॑त्येव॒हव॒आशम्भ॑विष्ठः | वि॒श्ववा᳚रोद्रविणो॒दा,इ॑व॒त्मन्पू॒षेव॑धी॒जव॑नोऽसिसोम || 3 || वा॒युः¦न¦यः¦नि॒युत्वा᳚न्¦इ॒ष्टऽया᳚मा¦नास॑त्याऽइव¦हवे᳚¦आ¦शम्ऽभ॑विष्ठः | |
| इन्द्रो॒नयोम॒हाकर्मा᳚णि॒चक्रि᳚र्ह॒न्तावृ॒त्राणा᳚मसिसोमपू॒र्भित् | पै॒द्वोनहित्वमहि॑नाम्नांह॒न्ताविश्व॑स्यासिसोम॒दस्योः᳚ || 4 || इन्द्रः॑¦न¦यः¦म॒हा¦कर्मा᳚णि¦चक्रिः॑¦ह॒न्ता¦वृ॒त्राणा᳚म्¦अ॒सि॒¦सो॒म॒¦पूः॒ऽभित् | |
| अ॒ग्निर्नयोवन॒आसृ॒ज्यमा᳚नो॒वृथा॒पाजां᳚सिकृणुतेन॒दीषु॑ | जनो॒नयुध्वा᳚मह॒तउ॑प॒ब्दिरिय॑र्ति॒सोमः॒पव॑मानऊ॒र्मिम् || 5 || अ॒ग्निः¦न¦यः¦वने᳚¦आ¦सृ॒ज्यमा᳚नः¦वृथा᳚¦पाजां᳚सि¦कृ॒णु॒ते॒¦न॒दीषु॑ | |
| ए॒तेसोमा॒,अति॒वारा॒ण्यव्या᳚दि॒व्यानकोशा᳚सो,अ॒भ्रव॑र्षाः | वृथा᳚समु॒द्रंसिन्ध॑वो॒ननीचीः᳚सु॒तासो᳚,अ॒भिक॒लशाँ᳚,असृग्रन् || 6 || ए॒ते¦सोमाः᳚¦अति॑¦वारा᳚णि¦अव्या᳚¦दि॒व्याः¦न¦कोशा᳚सः¦अ॒भ्रऽव॑र्षाः | |
| शु॒ष्मीशर्धो॒नमारु॑तंपव॒स्वान॑भिशस्तादि॒व्यायथा॒विट् | आपो॒नम॒क्षूसु॑म॒तिर्भ॑वानःस॒हस्रा᳚प्साःपृतना॒षाण्नय॒ज्ञः || 7 || शु॒ष्मी¦शर्धः॑¦न¦मारु॑तम्¦प॒व॒स्व॒¦अन॑भिऽशस्ता¦दि॒व्या¦यथा᳚¦विट् | |
| राज्ञो॒नुते॒वरु॑णस्यव्र॒तानि॑बृ॒हद्ग॑भी॒रंतव॑सोम॒धाम॑ | शुचि॒ष्ट्वम॑सिप्रि॒योनमि॒त्रोद॒क्षाय्यो᳚,अर्य॒मेवा᳚सिसोम || 8 || राज्ञः॑¦नु¦ते॒¦वरु॑णस्य¦व्र॒तानि॑¦बृ॒हत्¦ग॒भी॒रम्¦तव॑¦सो॒म॒¦धाम॑ | |
| [89] प्रोस्यवह्निरिति सप्तर्चस्य सूक्तस्य काव्य उशना पवमानसोमस्त्रिष्टुप् |{मंडल:9, सूक्त:89}{अनुवाक:5, सूक्त:4}{अष्टक:7, अध्याय:3} |
| प्रोस्यवह्निः॑प॒थ्या᳚भिरस्यान्दि॒वोनवृ॒ष्टिःपव॑मानो,अक्षाः | स॒हस्र॑धारो,असद॒न्न्य१॑(अ॒)स्मेमा॒तुरु॒पस्थे॒वन॒आच॒सोमः॑ || 1 || वर्ग:25 प्रो इति॑¦स्यः¦वह्निः॑¦प॒थ्या᳚भिः¦अ॒स्या॒न्¦दि॒वः¦न¦वृ॒ष्टिः¦पव॑मानः¦अ॒क्षा॒रिति॑ | |
| राजा॒सिन्धू᳚नामवसिष्ट॒वास॑ऋ॒तस्य॒नाव॒मारु॑ह॒द्रजि॑ष्ठाम् | अ॒प्सुद्र॒प्सोवा᳚वृधेश्ये॒नजू᳚तोदु॒हईं᳚पि॒तादु॒हईं᳚पि॒तुर्जाम् || 2 || राजा᳚¦सिन्धू᳚नाम्¦अ॒व॒सि॒ष्ट॒¦वासः॑¦ऋ॒तस्य॑¦नाव᳚म्¦आ¦अ॒रु॒ह॒त्¦रजि॑ष्ठाम् | |
| सिं॒हंन॑सन्त॒मध्वो᳚,अ॒यासं॒हरि॑मरु॒षंदि॒वो,अ॒स्यपति᳚म् | शूरो᳚यु॒त्सुप्र॑थ॒मःपृ॑च्छते॒गा,अस्य॒चक्ष॑सा॒परि॑पात्यु॒क्षा || 3 || सिं॒हम्¦न॒स॒न्त॒¦मध्वः॑¦अ॒यास᳚म्¦हरि᳚म्¦अ॒रु॒षम्¦दि॒वः¦अ॒स्य¦पति᳚म् | |
| मधु॑पृष्ठंघो॒रम॒यास॒मश्वं॒रथे᳚युञ्जन्त्युरुच॒क्रऋ॒ष्वम् | स्वसा᳚रईंजा॒मयो᳚मर्जयन्ति॒सना᳚भयोवा॒जिन॑मूर्जयन्ति || 4 || मधु॑ऽपृष्ठम्¦घो॒रम्¦अ॒यास᳚म्¦अश्व᳚म्¦रथे᳚¦युं॒ज॒न्ति॒¦उ॒रु॒ऽच॒क्रे¦ऋ॒ष्वम् | |
| चत॑स्रईंघृत॒दुहः॑सचन्तेसमा॒ने,अ॒न्तर्ध॒रुणे॒निष॑त्ताः | ता,ई᳚मर्षन्ति॒नम॑सापुना॒नास्ता,ईं᳚वि॒श्वतः॒परि॑षन्तिपू॒र्वीः || 5 || चत॑स्रः¦ई॒म्¦घृ॒त॒ऽदुहः॑¦स॒च॒न्ते॒¦स॒मा॒ने¦अ॒न्तः¦ध॒रुणे᳚¦निऽस॑त्ताः | |
| वि॒ष्ट॒म्भोदि॒वोध॒रुणः॑पृथि॒व्याविश्वा᳚,उ॒तक्षि॒तयो॒हस्ते᳚,अस्य | अस॑त्त॒उत्सो᳚गृण॒तेनि॒युत्वा॒न्मध्वो᳚,अं॒शुःप॑वतइन्द्रि॒याय॑ || 6 || वि॒ष्ट॒म्भः¦दि॒वः¦ध॒रुणः॑¦पृ॒थि॒व्याः¦विश्वाः᳚¦उ॒त¦क्षि॒तयः॑¦हस्ते᳚¦अ॒स्य॒ | |
| व॒न्वन्नवा᳚तो,अ॒भिदे॒ववी᳚ति॒मिन्द्रा᳚यसोमवृत्र॒हाप॑वस्व | श॒ग्धिम॒हःपु॑रुश्च॒न्द्रस्य॑रा॒यःसु॒वीर्य॑स्य॒पत॑यःस्याम || 7 || व॒न्वन्¦अवा᳚तः¦अ॒भि¦दे॒वऽवी᳚तिम्¦इन्द्रा᳚य¦सो॒म॒¦वृ॒त्र॒ऽहा¦प॒व॒स्व॒ | |
| [90] प्रहिन्वानइति षडृचस्य सूक्तस्य मैत्रावरुणिर्वसिष्ठः पवमानसोमस्त्रिष्टुप् |{मंडल:9, सूक्त:90}{अनुवाक:5, सूक्त:5}{अष्टक:7, अध्याय:3} |
| प्रहि᳚न्वा॒नोज॑नि॒तारोद॑स्यो॒रथो॒नवाजं᳚सनि॒ष्यन्न॑यासीत् | इन्द्रं॒गच्छ॒न्नायु॑धासं॒शिशा᳚नो॒विश्वा॒वसु॒हस्त॑योरा॒दधा᳚नः || 1 || वर्ग:26 प्र¦हि॒न्वा॒नः¦ज॒नि॒ता¦रोद॑स्योः¦रथः॑¦न¦वाज᳚म्¦स॒नि॒ष्यन्¦अ॒या॒सी॒त् | |
| अ॒भित्रि॑पृ॒ष्ठंवृष॑णंवयो॒धामा᳚ङ्गू॒षाणा᳚मवावशन्त॒वाणीः᳚ | वना॒वसा᳚नो॒वरु॑णो॒नसिन्धू॒न्विर॑त्न॒धाद॑यते॒वार्या᳚णि || 2 || अ॒भि¦त्रि॒ऽपृ॒ष्ठम्¦वृष॑णम्¦व॒यः॒ऽधाम्¦आ॒ङ्गू॒षाणा᳚म्¦अ॒वा॒व॒श॒न्त॒¦वाणीः᳚ | |
| शूर॑ग्रामः॒सर्व॑वीरः॒सहा᳚वा॒ञ्जेता᳚पवस्व॒सनि॑ता॒धना᳚नि | ति॒ग्मायु॑धः,क्षि॒प्रध᳚न्वास॒मत्स्वषा᳚ळ्हःसा॒ह्वान्पृत॑नासु॒शत्रू॑न् || 3 || शूर॑ऽग्रामः¦सर्व॑ऽवीरः¦सहा᳚वान्¦जेता᳚¦प॒व॒स्व॒¦सनि॑ता¦धना᳚नि | |
| उ॒रुग᳚व्यूति॒रभ॑यानिकृ॒ण्वन्त्स॑मीची॒ने,आप॑वस्वा॒पुरं᳚धी | अ॒पःसिषा᳚सन्नु॒षसः॒स्व१॑(अ॒)र्गाःसंचि॑क्रदोम॒हो,अ॒स्मभ्यं॒वाजा॑न् || 4 || उ॒रुऽग᳚व्यूतिः¦अभ॑यानि¦कृ॒ण्वन्¦स॒मी॒ची॒ने इति॑ स॒म्ऽई॒ची॒ने¦आ¦प॒व॒स्व॒¦पुरं᳚धी॒ इति॒ पुर᳚म्ऽधी | |
| मत्सि॑सोम॒वरु॑णं॒मत्सि॑मि॒त्रंमत्सीन्द्र॑मिन्दोपवमान॒विष्णु᳚म् | मत्सि॒शर्धो॒मारु॑तं॒मत्सि॑दे॒वान्मत्सि॑म॒हामिन्द्र॑मिन्दो॒मदा᳚य || 5 || मत्सि॑¦सो॒म॒¦वरु॑णम्¦मत्सि॑¦मि॒त्रम्¦मत्सि॑¦इन्द्र᳚म्¦इ॒न्दो॒ इति॑¦प॒व॒मा॒न॒¦विष्णु᳚म् | |
| ए॒वाराजे᳚व॒क्रतु॑माँ॒,अमे᳚न॒विश्वा॒घनि॑घ्नद्दुरि॒ताप॑वस्व | इन्दो᳚सू॒क्ताय॒वच॑से॒वयो᳚धायू॒यंपा᳚तस्व॒स्तिभिः॒सदा᳚नः || 6 || ए॒व¦राजा᳚ऽइव¦क्रतु॑ऽमान्¦अमे᳚न¦विश्वा᳚¦घनि॑घ्नत्¦दुः॒ऽइ॒ता¦प॒व॒स्व॒ | |
| [91] असर्जीति षडृचस्य सूक्तस्य मारीचः कश्यपः पवमानसोमस्त्रिष्टुप् |{मंडल:9, सूक्त:91}{अनुवाक:5, सूक्त:6}{अष्टक:7, अध्याय:4} |
| अस॑र्जि॒वक्वा॒रथ्ये॒यथा॒जौधि॒याम॒नोता᳚प्रथ॒मोम॑नी॒षी | दश॒स्वसा᳚रो॒,अधि॒सानो॒,अव्येऽज᳚न्ति॒वह्निं॒सद॑ना॒न्यच्छ॑ || 1 || वर्ग:1 अस॑र्जि¦वक्वा᳚¦रथ्ये᳚¦यथा᳚¦आ॒जौ¦धि॒या¦म॒नोता᳚¦प्र॒थ॒मः¦म॒नी॒षी | |
| वी॒तीजन॑स्यदि॒व्यस्य॑क॒व्यैरधि॑सुवा॒नोन॑हु॒ष्ये᳚भि॒रिन्दुः॑ | प्रयोनृभि॑र॒मृतो॒मर्त्ये᳚भिर्मर्मृजा॒नोऽवि॑भि॒र्गोभि॑र॒द्भिः || 2 || वी॒ती¦जन॑स्य¦दि॒व्यस्य॑¦क॒व्यैः¦अधि॑¦सु॒वा॒नः¦न॒हु॒ष्ये᳚भिः¦इन्दुः॑ | |
| वृषा॒वृष्णे॒रोरु॑वदं॒शुर॑स्मै॒पव॑मानो॒रुश॑दीर्ते॒पयो॒गोः | स॒हस्र॒मृक्वा᳚प॒थिभि᳚र्वचो॒विद॑ध्व॒स्मभिः॒सूरो॒,अण्वं॒विया᳚ति || 3 || वृषा᳚¦वृष्णे᳚¦रोरु॑वत्¦अं॒शुः¦अ॒स्मै॒¦पव॑मानः¦रुश॑त्¦ई॒र्ते॒¦पयः॑¦गोः | |
| रु॒जादृ॒ळ्हाचि॑द्र॒क्षसः॒सदां᳚सिपुना॒नइ᳚न्दऊर्णुहि॒विवाजा॑न् | वृ॒श्चोपरि॑ष्टात्तुज॒ताव॒धेन॒ये,अन्ति॑दू॒रादु॑पना॒यमे᳚षाम् || 4 || रु॒ज¦दृ॒ळ्हा¦चि॒त्¦र॒क्षसः॑¦सदां᳚सि¦पु॒ना॒नः¦इ॒न्दो॒ इति॑¦ऊ॒र्णु॒हि॒¦वि¦वाजा॑न् | |
| सप्र॑त्न॒वन्नव्य॑सेविश्ववारसू॒क्ताय॑प॒थःकृ॑णुहि॒प्राचः॑ | येदुः॒षहा᳚सोव॒नुषा᳚बृ॒हन्त॒स्ताँस्ते᳚,अश्यामपुरुकृत्पुरुक्षो || 5 || सः¦प्र॒त्न॒ऽवत्¦नव्य॑से¦वि॒श्व॒ऽवा॒र॒¦सु॒।औ॒क्ताय॑¦प॒थः¦कृ॒णु॒हि॒¦प्राचः॑ | |
| ए॒वापु॑ना॒नो,अ॒पःस्व१॑(अ॒)र्गा,अ॒स्मभ्यं᳚तो॒कातन॑यानि॒भूरि॑ | शंनः॒,क्षेत्र॑मु॒रुज्योतीं᳚षिसोम॒ज्योङ्नः॒सूर्यं᳚दृ॒शये᳚रिरीहि || 6 || ए॒व¦पु॒ना॒नः¦अ॒पः¦स्वः॑¦गाः¦अ॒स्मभ्य᳚म्¦तो॒का¦तन॑यानि¦भूरि॑ | |
| [92] परिसुवानइति षडृचस्य सूक्तस्य मारीचः कश्यपः पवमानसोमस्त्रिष्टुप् |{मंडल:9, सूक्त:92}{अनुवाक:5, सूक्त:7}{अष्टक:7, अध्याय:4} |
| परि॑सुवा॒नोहरि॑रं॒शुःप॒वित्रे॒रथो॒नस॑र्जिस॒नये᳚हिया॒नः | आप॒च्छ्लोक॑मिन्द्रि॒यंपू॒यमा᳚नः॒प्रति॑दे॒वाँ,अ॑जुषत॒प्रयो᳚भिः || 1 || वर्ग:2 परि॑¦सु॒वा॒नः¦हरिः॑¦अं॒शुः¦प॒वित्रे᳚¦रथः॑¦न¦स॒र्जि॒¦स॒नये᳚¦हि॒या॒नः | |
| अच्छा᳚नृ॒चक्षा᳚,असरत्प॒वित्रे॒नाम॒दधा᳚नःक॒विर॑स्य॒योनौ᳚ | सीद॒न्होते᳚व॒सद॑नेच॒मूषूपे᳚मग्म॒न्नृष॑यःस॒प्तविप्राः᳚ || 2 || अच्छ॑¦नृ॒ऽचक्षाः᳚¦अ॒स॒र॒त्¦प॒वित्रे᳚¦नाम॑¦दधा᳚नः¦क॒विः¦अ॒स्य॒¦योनौ᳚ | |
| प्रसु॑मे॒धागा᳚तु॒विद्वि॒श्वदे᳚वः॒सोमः॑पुना॒नःसद॑एति॒नित्य᳚म् | भुव॒द्विश्वे᳚षु॒काव्ये᳚षु॒रन्तानु॒जना᳚न्यतते॒पञ्च॒धीरः॑ || 3 || प्र¦सु॒ऽमे॒धाः¦गा॒तु॒ऽवित्¦वि॒श्वऽदे᳚वः¦सोमः॑¦पु॒ना॒नः¦सदः॑¦ए॒ति॒¦नित्य᳚म् | |
| तव॒त्येसो᳚मपवमाननि॒ण्येविश्वे᳚दे॒वास्त्रय॑एकाद॒शासः॑ | दश॑स्व॒धाभि॒रधि॒सानो॒,अव्ये᳚मृ॒जन्ति॑त्वान॒द्यः॑स॒प्तय॒ह्वीः || 4 || तव॑¦त्ये¦सो॒म॒¦प॒व॒मा॒न॒¦नि॒ण्ये¦विश्वे᳚¦दे॒वाः¦त्रयः॑¦ए॒का॒द॒शासः॑ | |
| तन्नुस॒त्यंपव॑मानस्यास्तु॒यत्र॒विश्वे᳚का॒रवः॑सं॒नस᳚न्त | ज्योति॒र्यदह्ने॒,अकृ॑णोदुलो॒कंप्राव॒न्मनुं॒दस्य॑वेकर॒भीक᳚म् || 5 || तत्¦नु¦स॒त्यम्¦पव॑मानस्य¦अ॒स्तु॒¦यत्र॑¦विश्वे᳚¦का॒रवः॑¦स॒म्ऽनस᳚न्त | |
| परि॒सद्मे᳚वपशु॒मान्ति॒होता॒राजा॒नस॒त्यःसमि॑तीरिया॒नः | सोमः॑पुना॒नःक॒लशाँ᳚,अयासी॒त्सीद᳚न्मृ॒गोनम॑हि॒षोवने᳚षु || 6 || परि॑¦सद्म॑ऽइव¦प॒शु॒ऽमन्ति॑¦होता᳚¦राजा᳚¦न¦स॒त्यः¦सम्ऽइ᳚तीः¦इ॒या॒नः | |
| [93] साकमुक्षइति पंचर्चस्य सूक्तस्य गौतमो नोधाः पवमानसोमस्त्रिष्टुप् |{मंडल:9, सूक्त:93}{अनुवाक:5, सूक्त:8}{अष्टक:7, अध्याय:4} |
| सा॒क॒मुक्षो᳚मर्जयन्त॒स्वसा᳚रो॒दश॒धीर॑स्यधी॒तयो॒धनु॑त्रीः | हरिः॒पर्य॑द्रव॒ज्जाःसूर्य॑स्य॒द्रोणं᳚ननक्षे॒,अत्यो॒नवा॒जी || 1 || वर्ग:3 सा॒क॒म्।औक्षः॑¦म॒र्ज॒य॒न्त॒¦स्वसा᳚रः¦दश॑¦धीर॑स्य¦धी॒तयः॑¦धनु॑त्रीः | |
| संमा॒तृभि॒र्नशिशु᳚र्वावशा॒नोवृषा᳚दधन्वेपुरु॒वारो᳚,अ॒द्भिः | मर्यो॒नयोषा᳚म॒भिनि॑ष्कृ॒तंयन्त्संग॑च्छतेक॒लश॑उ॒स्रिया᳚भिः || 2 || सम्¦मा॒तृऽभिः॑¦न¦शिशुः॑¦वा॒व॒शा॒नः¦वृषा᳚¦द॒ध॒न्वे॒¦पु॒रु॒ऽवारः॑¦अ॒त्ऽभिः | |
| उ॒तप्रपि॑प्य॒ऊध॒रघ्न्या᳚या॒,इन्दु॒र्धारा᳚भिःसचतेसुमे॒धाः | मू॒र्धानं॒गावः॒पय॑साच॒मूष्व॒भिश्री᳚णन्ति॒वसु॑भि॒र्ननि॒क्तैः || 3 || उ॒त¦प्र¦पि॒प्ये॒¦ऊधः॑¦अघ्न्या᳚याः¦इन्दुः॑¦धारा᳚भिः¦स॒च॒ते॒¦सु॒ऽमे॒धाः | |
| सनो᳚दे॒वेभिः॑पवमानर॒देन्दो᳚र॒यिम॒श्विनं᳚वावशा॒नः | र॒थि॒रा॒यता᳚मुश॒तीपुरं᳚धिरस्म॒द्र्य१॑(अ॒)गादा॒वने॒वसू᳚नाम् || 4 || सः¦नः॒¦दे॒वेभिः॑¦प॒व॒मा॒न॒¦र॒द॒¦इन्दो॒ इति॑¦र॒यिम्¦अ॒श्विन᳚म्¦वा॒व॒शा॒नः | |
| नूनो᳚र॒यिमुप॑मास्वनृ॒वन्तं᳚पुना॒नोवा॒ताप्यं᳚वि॒श्वश्च᳚न्द्रम् | प्रव᳚न्दि॒तुरि᳚न्दोता॒र्यायुः॑प्रा॒तर्म॒क्षूधि॒याव॑सुर्जगम्यात् || 5 || नु¦नः॒¦र॒यिम्¦उप॑¦मा॒स्व॒¦नृ॒ऽवन्त᳚म्¦पु॒ना॒नः¦वा॒ताप्य᳚म्¦वि॒श्वऽच᳚न्द्रम् | |
| [94] अधियदिति पंचर्चस्य सूक्तस्य घौरः कण्वः पवमानसोमस्त्रिष्टुप् |{मंडल:9, सूक्त:94}{अनुवाक:5, सूक्त:9}{अष्टक:7, अध्याय:4} |
| अधि॒यद॑स्मिन्वा॒जिनी᳚व॒शुभः॒स्पर्ध᳚न्ते॒धियः॒सूर्ये॒नविशः॑ | अ॒पोवृ॑णा॒नःप॑वतेकवी॒यन्व्र॒जंनप॑शु॒वर्ध॑नाय॒मन्म॑ || 1 || वर्ग:4 अधि॑¦यत्¦अ॒स्मि॒न्¦वा॒जिनि॑ऽइव¦शुभः॑¦स्पर्ध᳚न्ते¦धियः॑¦सूर्ये᳚¦न¦विशः॑ | |
| द्वि॒ताव्यू॒र्ण्वन्न॒मृत॑स्य॒धाम॑स्व॒र्विदे॒भुव॑नानिप्रथन्त | धियः॑पिन्वा॒नाःस्वस॑रे॒नगाव॑ऋता॒यन्ती᳚र॒भिवा᳚वश्र॒इन्दु᳚म् || 2 || द्वि॒ता¦वि॒ऽऊ॒र्ण्वन्¦अ॒मृत॑स्य¦धाम॑¦स्वः॒ऽविदे᳚¦भुव॑नानि¦प्र॒थ॒न्त॒ | |
| परि॒यत्क॒विःकाव्या॒भर॑ते॒शूरो॒नरथो॒भुव॑नानि॒विश्वा᳚ | दे॒वेषु॒यशो॒मर्ता᳚य॒भूष॒न्दक्षा᳚यरा॒यःपु॑रु॒भूषु॒नव्यः॑ || 3 || परि॑¦यत्¦क॒विः¦काव्या᳚¦भर॑ते¦शूरः॑¦न¦रथः॑¦भुव॑नानि¦विश्वा᳚ | |
| श्रि॒येजा॒तःश्रि॒यआनिरि॑याय॒¦श्रियं॒वयो᳚जरि॒तृभ्यो᳚दधाति | श्रियं॒वसा᳚ना,अमृत॒त्वमा᳚य॒न्¦भव᳚न्तिस॒त्यास॑मि॒थामि॒तद्रौ᳚ || 4 || श्रि॒ये¦जा॒तः¦श्रि॒ये¦आ¦निः¦इ॒या॒य॒¦श्रिय᳚म्¦वयः॑¦ज॒रि॒तृऽभ्यः॑¦द॒धा॒ति॒ | |
| इष॒मूर्ज॑म॒भ्य१॑(अ॒)र्षाश्वं॒गामु॒रुज्योतिः॑कृणुहि॒मत्सि॑दे॒वान् | विश्वा᳚नि॒हिसु॒षहा॒तानि॒तुभ्यं॒पव॑मान॒बाध॑सेसोम॒शत्रू॑न् || 5 || इष᳚म्¦ऊर्ज᳚म्¦अ॒भि¦अ॒र्ष॒¦अश्व᳚म्¦गाम्¦उ॒रु¦ज्योतिः॑¦कृ॒णु॒हि॒¦मत्सि॑¦दे॒वान् | |
| [95] कनिक्रंतीति पंचर्चस्य सूक्तस्य कण्वः प्रस्कण्वः पवमानसोमस्त्रिष्टुप् |{मंडल:9, सूक्त:95}{अनुवाक:5, सूक्त:10}{अष्टक:7, अध्याय:4} |
| कनि॑क्रन्ति॒हरि॒रासृ॒ज्यमा᳚नः॒सीद॒न्वन॑स्यज॒ठरे᳚पुना॒नः | नृभि᳚र्य॒तःकृ॑णुतेनि॒र्णिजं॒गा,अतो᳚म॒तीर्ज॑नयतस्व॒धाभिः॑ || 1 || वर्ग:5 कनि॑क्रन्ति¦हरिः॑¦आ¦सृ॒ज्यमा᳚नः¦सीद॑न्¦वन॑स्य¦ज॒ठरे᳚¦पु॒ना॒नः | |
| हरिः॑सृजा॒नःप॒थ्या᳚मृ॒तस्येय॑र्ति॒वाच॑मरि॒तेव॒नाव᳚म् | दे॒वोदे॒वानां॒गुह्या᳚नि॒नामा॒विष्कृ॑णोतिब॒र्हिषि॑प्र॒वाचे᳚ || 2 || हरिः॑¦सृ॒जा॒नः¦प॒थ्या᳚म्¦ऋ॒तस्य॑¦इय॑र्ति¦वाच᳚म्¦अ॒रि॒ताऽइ᳚व¦नाव᳚म् | |
| अ॒पामि॒वेदू॒र्मय॒स्तर्तु॑राणाः॒प्रम॑नी॒षा,ई᳚रते॒सोम॒मच्छ॑ | न॒म॒स्यन्ती॒रुप॑च॒यन्ति॒संचाच॑विशन्त्युश॒तीरु॒शन्त᳚म् || 3 || अ॒पाम्ऽइ᳚व¦इत्¦ऊ॒र्मयः॑¦तर्तु॑राणाः¦प्र¦म॒नी॒षाः¦ई॒र॒ते॒¦सोम᳚म्¦अच्छ॑ | |
| तंम᳚र्मृजा॒नंम॑हि॒षंनसाना᳚वं॒शुंदु॑हन्त्यु॒क्षणं᳚गिरि॒ष्ठाम् | तंवा᳚वशा॒नंम॒तयः॑सचन्तेत्रि॒तोबि॑भर्ति॒वरु॑णंसमु॒द्रे || 4 || तम्¦म॒र्मृ॒जा॒नम्¦म॒हि॒षम्¦न¦सानौ᳚¦अं॒शुम्¦दु॒ह॒न्ति॒¦उ॒क्षण᳚म्¦गि॒रि॒ऽस्थाम् | |
| इष्य॒न्वाच॑मुपव॒क्तेव॒होतुः॑पुना॒नइ᳚न्दो॒विष्या᳚मनी॒षाम् | इन्द्र॑श्च॒यत्क्षय॑थः॒सौभ॑गायसु॒वीर्य॑स्य॒पत॑यःस्याम || 5 || इष्य॑न्¦वाच᳚म्¦उ॒प॒व॒क्ताऽइ᳚व¦होतुः॑¦पु॒ना॒नः¦इ॒न्दो॒ इति॑¦वि¦स्य॒¦म॒नी॒षाम् | |
| [96] प्रसेनानीरिति चतुर्विंशत्यृचस्य सूक्तस्य दैवोदासिः प्रतर्दनः पवमानसोमस्त्रिष्टुप् |{मंडल:9, सूक्त:96}{अनुवाक:5, सूक्त:11}{अष्टक:7, अध्याय:4} |
| प्रसे᳚ना॒नीःशूरो॒,अग्रे॒रथा᳚नांग॒व्यन्ने᳚ति॒हर्ष॑ते,अस्य॒सेना᳚ | भ॒द्रान्कृ॒ण्वन्नि᳚न्द्रह॒वान्त्सखि॑भ्य॒आसोमो॒वस्त्रा᳚रभ॒सानि॑दत्ते || 1 || वर्ग:6 प्र¦से॒ना॒ऽनीः¦शूरः॑¦अग्रे᳚¦रथा᳚नाम्¦ग॒व्यन्¦ए॒ति॒¦हर्ष॑ते¦अ॒स्य॒¦सेना᳚ | |
| सम॑स्य॒हरिं॒हर॑योमृजन्त्यश्वह॒यैरनि॑शितं॒नमो᳚भिः | आति॑ष्ठति॒रथ॒मिन्द्र॑स्य॒सखा᳚वि॒द्वाँ,ए᳚नासुम॒तिंया॒त्यच्छ॑ || 2 || सम्¦अ॒स्य॒¦हरि᳚म्¦हर॑यः¦मृ॒ज॒न्ति॒¦अ॒श्व॒ऽह॒यैः¦अनि॑ऽशितम्¦नमः॑ऽभिः | |
| सनो᳚देवदे॒वता᳚तेपवस्वम॒हेसो᳚म॒प्सर॑सइन्द्र॒पानः॑ | कृ॒ण्वन्न॒पोव॒र्षय॒न्द्यामु॒तेमामु॒रोरानो᳚वरिवस्यापुना॒नः || 3 || सः¦नः॒¦दे॒व॒¦दे॒वऽता᳚ते¦प॒व॒स्व॒¦म॒हे¦सो॒म॒¦प्सर॑से¦इ॒न्द्र॒ऽपानः॑ | |
| अजी᳚त॒येऽह॑तयेपवस्वस्व॒स्तये᳚स॒र्वता᳚तयेबृह॒ते | तदु॑शन्ति॒विश्व॑इ॒मेसखा᳚य॒स्तद॒हंव॑श्मिपवमानसोम || 4 || अजी᳚तये¦अह॑तये¦प॒व॒स्व॒¦स्व॒स्तये᳚¦स॒र्वऽता᳚तये¦बृ॒ह॒ते | |
| सोमः॑पवतेजनि॒ताम॑ती॒नांज॑नि॒तादि॒वोज॑नि॒तापृ॑थि॒व्याः | ज॒नि॒ताग्नेर्ज॑नि॒तासूर्य॑स्यजनि॒तेन्द्र॑स्यजनि॒तोतविष्णोः᳚ || 5 || सोमः॑¦प॒व॒ते॒¦ज॒नि॒ता¦म॒ती॒नाम्¦ज॒नि॒ता¦दि॒वः¦ज॒नि॒ता¦पृ॒थि॒व्याः | |
| ब्र॒ह्मादे॒वानां᳚पद॒वीःक॑वी॒नामृषि॒र्विप्रा᳚णांमहि॒षोमृ॒गाणा᳚म् | श्ये॒नोगृध्रा᳚णां॒स्वधि॑ति॒र्वना᳚नां॒सोमः॑प॒वित्र॒मत्ये᳚ति॒रेभ॑न् || 6 || वर्ग:7 ब्र॒ह्मा¦दे॒वाना᳚म्¦प॒द॒ऽवीः¦क॒वी॒नाम्¦ऋषिः॑¦विप्रा᳚णाम्¦म॒हि॒षः¦मृ॒गाणा᳚म् | |
| प्रावी᳚विपद्वा॒चऊ॒र्मिंनसिन्धु॒र्गिरः॒सोमः॒पव॑मानोमनी॒षाः | अ॒न्तःपश्य᳚न्वृ॒जने॒माव॑रा॒ण्याति॑ष्ठतिवृष॒भोगोषु॑जा॒नन् || 7 || प्र¦अ॒वी॒वि॒प॒त्¦वा॒चः¦ऊ॒र्मिम्¦न¦सिन्धुः॑¦गिरः॑¦सोमः॑¦पव॑मानः¦म॒नी॒षाः | |
| सम॑त्स॒रःपृ॒त्सुव॒न्वन्नवा᳚तःस॒हस्र॑रेता,अ॒भिवाज॑मर्ष | इन्द्रा᳚येन्दो॒पव॑मानोमनी॒ष्य१॑(अं॒)शोरू॒र्मिमी᳚रय॒गा,इ॑ष॒ण्यन् || 8 || सः¦म॒त्स॒रः¦पृ॒त्ऽसु¦व॒न्वन्¦अवा᳚तः¦स॒हस्र॑ऽरेताः¦अ॒भि¦वाज᳚म्¦अ॒र्ष॒ | |
| परि॑प्रि॒यःक॒लशे᳚दे॒ववा᳚त॒इन्द्रा᳚य॒सोमो॒रण्यो॒मदा᳚य | स॒हस्र॑धारःश॒तवा᳚ज॒इन्दु᳚र्वा॒जीनसप्तिः॒सम॑नाजिगाति || 9 || परि॑¦प्रि॒यः¦क॒लशे᳚¦दे॒वऽवा᳚तः¦इन्द्रा᳚य¦सोमः॑¦रण्यः॑¦मदा᳚य | |
| सपू॒र्व्योव॑सु॒विज्जाय॑मानोमृजा॒नो,अ॒प्सुदु॑दुहा॒नो,अद्रौ᳚ | अ॒भि॒श॒स्ति॒पाभुव॑नस्य॒राजा᳚वि॒दद्गा॒तुंब्रह्म॑णेपू॒यमा᳚नः || 10 || सः¦पू॒र्व्यः¦व॒सु॒ऽवित्¦जाय॑मानः¦मृ॒जा॒नः¦अ॒प्ऽसु¦दु॒दु॒हा॒नः¦अद्रौ᳚ | |
| त्वया॒हिनः॑पि॒तरः॑सोम॒पूर्वे॒कर्मा᳚णिच॒क्रुःप॑वमान॒धीराः᳚ | व॒न्वन्नवा᳚तःपरि॒धीँरपो᳚र्णुवी॒रेभि॒रश्वै᳚र्म॒घवा᳚भवानः || 11 || वर्ग:8 त्वया᳚¦हि¦नः॒¦पि॒तरः॑¦सो॒म॒¦पूर्वे᳚¦कर्मा᳚णि¦च॒क्रुः¦प॒व॒मा॒न॒¦धीराः᳚ | |
| यथाप॑वथा॒मन॑वेवयो॒धा,अ॑मित्र॒हाव॑रिवो॒विद्ध॒विष्मा॑न् | ए॒वाप॑वस्व॒द्रवि॑णं॒दधा᳚न॒इन्द्रे॒संति॑ष्ठज॒नयायु॑धानि || 12 || यथा᳚¦अप॑वथाः¦मन॑वे¦व॒यः॒ऽधाः¦अ॒मि॒त्र॒ऽहा¦व॒रि॒वः॒ऽवित्¦ह॒विष्मा॑न् | |
| पव॑स्वसोम॒मधु॑माँ,ऋ॒तावा॒पोवसा᳚नो॒,अधि॒सानो॒,अव्ये᳚ | अव॒द्रोणा᳚निघृ॒तवा᳚न्तिसीदम॒दिन्त॑मोमत्स॒रइ᳚न्द्र॒पानः॑ || 13 || पव॑स्व¦सो॒म॒¦मधु॑ऽमान्¦ऋ॒तऽवा᳚¦अ॒पः¦वसा᳚नः¦अधि॑¦सानौ᳚¦अव्ये᳚ | |
| वृ॒ष्टिंदि॒वःश॒तधा᳚रःपवस्वसहस्र॒सावा᳚ज॒युर्दे॒ववी᳚तौ | संसिन्धु॑भिःक॒लशे᳚वावशा॒नःसमु॒स्रिया᳚भिःप्रति॒रन्न॒आयुः॑ || 14 || वृ॒ष्टिम्¦दि॒वः¦श॒तऽधा᳚रः¦प॒व॒स्व॒¦स॒ह॒स्र॒ऽसाः¦वा॒ज॒ऽयुः¦दे॒वऽवी᳚तौ | |
| ए॒षस्यसोमो᳚म॒तिभिः॑पुना॒नोऽत्यो॒नवा॒जीतर॒तीदरा᳚तीः | पयो॒नदु॒ग्धमदि॑तेरिषि॒रमु॒र्वि॑वगा॒तुःसु॒यमो॒नवोळ्हा᳚ || 15 || ए॒षः¦स्यः¦सोमः॑¦म॒तिऽभिः॑¦पु॒ना॒नः¦अत्यः॑¦न¦वा॒जी¦तर॑ति¦इत्¦अरा᳚तीः | |
| स्वा॒यु॒धःसो॒तृभिः॑पू॒यमा᳚नो॒ऽभ्य॑र्ष॒गुह्यं॒चारु॒नाम॑ | अ॒भिवाजं॒सप्ति॑रिवश्रव॒स्याभिवा॒युम॒भिगादे᳚वसोम || 16 || वर्ग:9 सु॒ऽआ॒यु॒धः¦सो॒तृऽभिः॑¦पू॒यमा᳚नः¦अ॒भि¦अ॒र्ष॒¦गुह्य᳚म्¦चारु॑¦नाम॑ | |
| शिशुं᳚जज्ञा॒नंह᳚र्य॒तंमृ॑जन्तिशु॒म्भन्ति॒वह्निं᳚म॒रुतो᳚ग॒णेन॑ | क॒विर्गी॒र्भिःकाव्ये᳚नाक॒विःसन्त्सोमः॑प॒वित्र॒मत्ये᳚ति॒रेभ॑न् || 17 || शिशु᳚म्¦ज॒ज्ञा॒नम्¦ह॒र्य॒तम्¦मृ॒ज॒न्ति॒¦शु॒म्भन्ति॑¦वह्नि᳚म्¦म॒रुतः॑¦ग॒णेन॑ | |
| ऋषि॑मना॒यऋ॑षि॒कृत्स्व॒र्षाःस॒हस्र॑णीथःपद॒वीःक॑वी॒नाम् | तृ॒तीयं॒धाम॑महि॒षःसिषा᳚स॒न्त्सोमो᳚वि॒राज॒मनु॑राजति॒ष्टुप् || 18 || ऋषि॑ऽमनाः¦यः¦ऋ॒षि॒ऽकृत्¦स्वः॒ऽसाः¦स॒हस्र॑ऽनीथः¦प॒द॒ऽवीः¦क॒वी॒नाम् | |
| च॒मू॒षच्छ्ये॒नःश॑कु॒नोवि॒भृत्वा᳚गोवि॒न्दुर्द्र॒प्सआयु॑धानि॒बिभ्र॑त् | अ॒पामू॒र्मिंसच॑मानःसमु॒द्रंतु॒रीयं॒धाम॑महि॒षोवि॑वक्ति || 19 || च॒मू॒ऽसत्¦श्ये॒नः¦श॒कु॒नः¦वि॒ऽभृत्वा᳚¦गो॒ऽवि॒न्दुः¦द्र॒प्सः¦आयु॑धानि¦बिभ्र॑त् | |
| मर्यो॒नशु॒भ्रस्त॒न्वं᳚मृजा॒नोऽत्यो॒नसृत्वा᳚स॒नये॒धना᳚नाम् | वृषे᳚वयू॒थापरि॒कोश॒मर्ष॒न्कनि॑क्रदच्च॒म्वो॒३॑(ओ॒)रावि॑वेश || 20 || मर्यः॑¦न¦शु॒भ्रः¦त॒न्व᳚म्¦मृ॒जा॒नः¦अत्यः॑¦न¦सृत्वा᳚¦स॒नये᳚¦धना᳚नाम् | |
| पव॑स्वेन्दो॒पव॑मानो॒महो᳚भिः॒कनि॑क्रद॒त्परि॒वारा᳚ण्यर्ष | क्रीळ᳚ञ्च॒म्वो॒३॑(ओ॒)रावि॑शपू॒यमा᳚न॒इन्द्रं᳚ते॒रसो᳚मदि॒रोम॑मत्तु || 21 || वर्ग:10 पव॑स्व¦इ॒न्दो॒ इति॑¦पव॑मानः¦महः॑ऽभिः¦कनि॑क्रदत्¦परि॑¦वारा᳚णि¦अ॒र्ष॒ | |
| प्रास्य॒धारा᳚बृह॒तीर॑सृग्रन्न॒क्तोगोभिः॑क॒लशाँ॒,आवि॑वेश | साम॑कृ॒ण्वन्त्सा᳚म॒न्यो᳚विप॒श्चित्क्रन्द᳚न्नेत्य॒भिसख्यु॒र्नजा॒मिम् || 22 || प्र¦अ॒स्य॒¦धाराः᳚¦बृ॒ह॒तीः¦अ॒सृ॒ग्र॒न्¦अ॒क्तः¦गोभिः॑¦क॒लशा᳚न्¦आ¦वि॒वे॒श॒ | |
| अ॒प॒घ्नन्ने᳚षिपवमान॒शत्रू᳚न्प्रि॒यांनजा॒रो,अ॒भिगी᳚त॒इन्दुः॑ | सीद॒न्वने᳚षुशकु॒नोनपत्वा॒सोमः॑पुना॒नःक॒लशे᳚षु॒सत्ता᳚ || 23 || अ॒प॒ऽघ्नन्¦ए॒षि॒¦प॒व॒मा॒न॒¦शत्रू᳚न्¦प्रि॒याम्¦न¦जा॒रः¦अ॒भिऽगी᳚तः¦इन्दुः॑ | |
| आते॒रुचः॒पव॑मानस्यसोम॒योषे᳚वयन्तिसु॒दुघाः᳚सुधा॒राः | हरि॒रानी᳚तःपुरु॒वारो᳚,अ॒प्स्वचि॑क्रदत्क॒लशे᳚देवयू॒नाम् || 24 || आ¦ते॒¦रुचः॑¦पव॑मानस्य¦सो॒म॒¦योषा᳚ऽइव¦य॒न्ति॒¦सु॒ऽदुघाः᳚¦सु॒ऽधा॒राः | |
| [97] अस्यप्रेपेत्यष्टपंचाशदृचस्य सूक्तस्याद्यानांतिसृणांमैत्रावरुणिर्वसिष्ठः चतुर्थ्यादितिसृणांवासिष्ठइंद्रप्रमतिः सप्तम्यादितिसृणांवासिष्ठोवृषगणः दशम्यादितिसृणांवासिष्टोमन्युः त्रयोदश्यादितिसृणां वासिष्ठ उपमन्युः षोडश्यादितिसृणांवासिष्ठोव्याघ्रपादः एकोनविंश्यादितिसृणां वासिष्ठःशक्तिः द्वाविंश्यादितिसृणां वासिष्ठःकर्णश्रुतः पंचविंश्यादितिसृणां वासिष्ठो मृळीकः अष्टविंश्यादितिसृणां वासिष्ठोवसुक्र एकत्रिंश्यादि चतुर्दशानां शाक्त्यः पराशरः पंचचत्वारिंश्यादिचतुर्दशानामांगिरसः कुत्स ऋषयः पवमानसोमस्त्रिष्टुप् |{मंडल:9, सूक्त:97}{अनुवाक:6, सूक्त:1}{अष्टक:7, अध्याय:4} |
| अ॒स्यप्रे॒षाहे॒मना᳚पू॒यमा᳚नोदे॒वोदे॒वेभिः॒सम॑पृक्त॒रस᳚म् | सु॒तःप॒वित्रं॒पर्ये᳚ति॒रेभ᳚न्मि॒तेव॒सद्म॑पशु॒मान्ति॒होता᳚ || 1 || वर्ग:11 अ॒स्य¦प्रे॒षा¦हे॒मना᳚¦पू॒यमा᳚नः¦दे॒वः¦दे॒वेभिः॑¦सम्¦अ॒पृ॒क्त॒¦रस᳚म् | |
| भ॒द्रावस्त्रा᳚सम॒न्या॒३॑(आ॒)वसा᳚नोम॒हान्क॒विर्नि॒वच॑नानि॒शंस॑न् | आव॑च्यस्वच॒म्वोः᳚पू॒यमा᳚नोविचक्ष॒णोजागृ॑विर्दे॒ववी᳚तौ || 2 || भ॒द्रा¦वस्त्रा᳚¦स॒म॒न्या᳚¦वसा᳚नः¦म॒हान्¦क॒विः¦नि॒ऽवच॑नानि¦शं॒स॒न् | |
| समु॑प्रि॒योमृ॑ज्यते॒सानो॒,अव्ये᳚य॒शस्त॑रोय॒शसां॒क्षैतो᳚,अ॒स्मे | अ॒भिस्व॑र॒धन्वा᳚पू॒यमा᳚नोयू॒यंपा᳚तस्व॒स्तिभिः॒सदा᳚नः || 3 || सम्¦ऊँ॒ इति॑¦प्रि॒यः¦मृ॒ज्य॒ते॒¦सानौ᳚¦अव्ये᳚¦य॒शःऽत॑रः¦य॒शसा᳚म्¦क्षैतः॑¦अ॒स्मे इति॑ | |
| प्रगा᳚यता॒भ्य॑र्चामदे॒वान्त्सोमं᳚हिनोतमह॒तेधना᳚य | स्वा॒दुःप॑वाते॒,अति॒वार॒मव्य॒मासी᳚दातिक॒लशं᳚देव॒युर्नः॑ || 4 || प्र¦गा॒य॒त॒¦अ॒भि¦अ॒र्चा॒म॒¦दे॒वान्¦सोम᳚म्¦हि॒नो॒त॒¦म॒ह॒ते¦धना᳚य | |
| इन्दु॑र्दे॒वाना॒मुप॑स॒ख्यमा॒यन्त्स॒हस्र॑धारःपवते॒मदा᳚य | नृभिः॒स्तवा᳚नो॒,अनु॒धाम॒पूर्व॒मग॒न्निन्द्रं᳚मह॒तेसौभ॑गाय || 5 || इन्दुः॑¦दे॒वाना᳚म्¦उप॑¦स॒ख्यम्¦आ॒ऽयन्¦स॒हस्र॑ऽधारः¦प॒व॒ते॒¦मदा᳚य | |
| स्तो॒त्रेरा॒येहरि॑रर्षापुना॒नइन्द्रं॒मदो᳚गच्छतुते॒भरा᳚य | दे॒वैर्या᳚हिस॒रथं॒राधो॒,अच्छा᳚यू॒यंपा᳚तस्व॒स्तिभिः॒सदा᳚नः || 6 || वर्ग:12 स्तो॒त्रे¦रा॒ये¦हरिः॑¦अ॒र्ष॒¦पु॒ना॒नः¦इन्द्र᳚म्¦मदः॑¦ग॒च्छ॒तु॒¦ते॒¦भरा᳚य | |
| प्रकाव्य॑मु॒शने᳚वब्रुवा॒णोदे॒वोदे॒वानां॒जनि॑माविवक्ति | महि᳚व्रतः॒शुचि॑बन्धुःपाव॒कःप॒दाव॑रा॒हो,अ॒भ्ये᳚ति॒रेभ॑न् || 7 || प्र¦काव्य᳚म्¦उ॒शना᳚ऽइव¦ब्रु॒वा॒णः¦दे॒वः¦दे॒वाना᳚म्¦जनि॑म¦वि॒व॒क्ति॒ | |
| प्रहं॒सास॑स्तृ॒पलं᳚म॒न्युमच्छा॒मादस्तं॒वृष॑गणा,अयासुः | आ॒ङ्गू॒ष्य१॑(अं॒)पव॑मानं॒सखा᳚योदु॒र्मर्षं᳚सा॒कंप्रव॑दन्तिवा॒णम् || 8 || प्र¦हं॒सासः॑¦तृ॒पल᳚म्¦म॒न्युम्¦अच्छ॑¦अ॒मात्¦अस्त᳚म्¦वृष॑ऽगणाः¦अ॒या॒सुः॒ | |
| सरं᳚हतउरुगा॒यस्य॑जू॒तिंवृथा॒क्रीळ᳚न्तंमिमते॒नगावः॑ | प॒री॒ण॒संकृ॑णुतेति॒ग्मशृ᳚ङ्गो॒दिवा॒हरि॒र्ददृ॑शे॒नक्त॑मृ॒ज्रः || 9 || सः¦रं॒ह॒ते॒¦उ॒रु॒ऽगा॒यस्य॑¦जू॒तिम्¦वृथा᳚¦क्रीळ᳚न्तम्¦मि॒म॒ते॒¦न¦गावः॑ | |
| इन्दु᳚र्वा॒जीप॑वते॒गोन्यो᳚घा॒,इन्द्रे॒सोमः॒सह॒इन्व॒न्मदा᳚य | हन्ति॒रक्षो॒बाध॑ते॒पर्यरा᳚ती॒र्वरि॑वःकृ॒ण्वन्वृ॒जन॑स्य॒राजा᳚ || 10 || इन्दुः॑¦वा॒जी¦प॒व॒ते॒¦गोऽन्यो᳚घाः¦इन्द्रे᳚¦सोमः॑¦सह॑¦इन्व॑न्¦मदा᳚य | |
| अध॒धार॑या॒मध्वा᳚पृचा॒नस्ति॒रोरोम॑पवते॒,अद्रि॑दुग्धः | इन्दु॒रिन्द्र॑स्यस॒ख्यंजु॑षा॒णोदे॒वोदे॒वस्य॑मत्स॒रोमदा᳚य || 11 || वर्ग:13 अध॑¦धार॑या¦मध्वा᳚¦पृ॒चा॒नः¦ति॒रः¦रोम॑¦प॒व॒ते॒¦अद्रि॑ऽदुग्धः | |
| अ॒भिप्रि॒याणि॑पवतेपुना॒नोदे॒वोदे॒वान्त्स्वेन॒रसे᳚नपृ॒ञ्चन् | इन्दु॒र्धर्मा᳚ण्यृतु॒थावसा᳚नो॒दश॒क्षिपो᳚,अव्यत॒सानो॒,अव्ये᳚ || 12 || अ॒भि¦प्रि॒याणि॑¦प॒व॒ते॒¦पु॒ना॒नः¦दे॒वः¦दे॒वान्¦स्वेन॑¦रसे᳚न¦पृं॒चन् | |
| वृषा॒शोणो᳚,अभि॒कनि॑क्रद॒द्गान॒दय᳚न्नेतिपृथि॒वीमु॒तद्याम् | इन्द्र॑स्येवव॒ग्नुराशृ᳚ण्वआ॒जौप्र॑चे॒तय᳚न्नर्षति॒वाच॒मेमाम् || 13 || वृषा᳚¦शोणः॑¦अ॒भि॒ऽकनि॑क्रदत्¦गाः¦न॒दय॑न्¦ए॒ति॒¦पृ॒थि॒वीम्¦उ॒त¦द्याम् | |
| र॒साय्यः॒पय॑सा॒पिन्व॑मानई॒रय᳚न्नेषि॒मधु॑मन्तमं॒शुम् | पव॑मानःसंत॒निमे᳚षिकृ॒ण्वन्निन्द्रा᳚यसोमपरिषि॒च्यमा᳚नः || 14 || र॒साय्यः॑¦पय॑सा¦पिन्व॑मानः¦ई॒रय॑न्¦ए॒षि॒¦मधु॑ऽमन्तम्¦अं॒शुम् | |
| ए॒वाप॑वस्वमदि॒रोमदा᳚योदग्रा॒भस्य॑न॒मय᳚न्वध॒स्नैः | परि॒वर्णं॒भर॑माणो॒रुश᳚न्तंग॒व्युर्नो᳚,अर्ष॒परि॑सोमसि॒क्तः || 15 || ए॒व¦प॒व॒स्व॒¦म॒दि॒रः¦मदा᳚य¦उ॒द॒ऽग्रा॒भस्य॑¦न॒मय॑न्¦व॒ध॒ऽस्नैः | |
| जु॒ष्ट्वीन॑इन्दोसु॒पथा᳚सु॒गान्यु॒रौप॑वस्व॒वरि॑वांसिकृ॒ण्वन् | घ॒नेव॒विष्व॑ग्दुरि॒तानि॑वि॒घ्नन्नधि॒ष्णुना᳚धन्व॒सानो॒,अव्ये᳚ || 16 || वर्ग:14 जु॒ष्ट्वी¦नः॒¦इ॒न्दो॒ इति॑¦सु॒ऽपथा᳚¦सु॒ऽगानि॑¦उ॒रौ¦प॒व॒स्व॒¦वरि॑वांसि¦कृ॒ण्वन् | |
| वृ॒ष्टिंनो᳚,अर्षदि॒व्यांजि॑ग॒त्नुमिळा᳚वतींशं॒गयीं᳚जी॒रदा᳚नुम् | स्तुके᳚ववी॒ताध᳚न्वाविचि॒न्वन्बन्धूँ᳚रि॒माँ,अव॑राँ,इन्दोवा॒यून् || 17 || वृ॒ष्टिम्¦नः॒¦अ॒र्ष॒¦दि॒व्याम्¦जि॒ग॒त्नुम्¦इळा᳚ऽवतीम्¦श॒म्ऽगयी᳚म्¦जी॒रऽदा᳚नुम् | |
| ग्र॒न्थिंनविष्य॑ग्रथि॒तंपु॑ना॒नऋ॒जुंच॑गा॒तुंवृ॑जि॒नंच॑सोम | अत्यो॒नक्र॑दो॒हरि॒रासृ॑जा॒नोमर्यो᳚देवधन्वप॒स्त्या᳚वान् || 18 || ग्र॒न्थिम्¦न¦वि¦स्य॒¦ग्र॒थि॒तम्¦पु॒ना॒नः¦ऋ॒जुम्¦च॒¦गा॒तुम्¦वृ॒जि॒नम्¦च॒¦सो॒म॒ | |
| जुष्टो॒मदा᳚यदे॒वता᳚तइन्दो॒परि॒ष्णुना᳚धन्व॒सानो॒,अव्ये᳚ | स॒हस्र॑धारःसुर॒भिरद॑ब्धः॒परि॑स्रव॒वाज॑सातौनृ॒षह्ये᳚ || 19 || जुष्टः॑¦मदा᳚य¦दे॒वऽता᳚ते¦इ॒न्दो॒ इति॑¦परि॑¦स्नुना᳚¦ध॒न्व॒¦सानौ᳚¦अव्ये᳚ | |
| अ॒र॒श्मानो॒ये᳚ऽर॒था,अयु॑क्ता॒,अत्या᳚सो॒नस॑सृजा॒नास॑आ॒जौ | ए॒तेशु॒क्रासो᳚धन्वन्ति॒सोमा॒देवा᳚स॒स्ताँ,उप॑याता॒पिब॑ध्यै || 20 || अ॒र॒श्मानः॑¦ये¦अ॒र॒थाः¦अयु॑क्ताः¦अत्या᳚सः¦न¦स॒सृ॒जा॒नासः॑¦आ॒जौ | |
| ए॒वान॑इन्दो,अ॒भिदे॒ववी᳚तिं॒परि॑स्रव॒नभो॒,अर्ण॑श्च॒मूषु॑ | सोमो᳚,अ॒स्मभ्यं॒काम्यं᳚बृ॒हन्तं᳚र॒यिंद॑दातुवी॒रव᳚न्तमु॒ग्रम् || 21 || वर्ग:15 ए॒व¦नः॒¦इ॒न्दो॒¦अ॒भि¦दे॒वऽवी᳚तिम्¦परि॑¦स्र॒व॒¦नभः॑¦अर्णः॑¦च॒मूषु॑ | |
| तक्ष॒द्यदी॒मन॑सो॒वेन॑तो॒वाग्ज्येष्ठ॑स्यवा॒धर्म॑णि॒क्षोरनी᳚के | आदी᳚माय॒न्वर॒मावा᳚वशा॒नाजुष्टं॒पतिं᳚क॒लशे॒गाव॒इन्दु᳚म् || 22 || तक्ष॑त्¦यदि॑¦मन॑सः¦वेन॑तः¦वाक्¦ज्येष्ठ॑स्य¦वा॒¦धर्म॑णि¦क्षोः¦अनी᳚के | |
| प्रदा᳚नु॒दोदि॒व्योदा᳚नुपि॒न्वऋ॒तमृ॒ताय॑पवतेसुमे॒धाः | ध॒र्माभु॑वद्वृज॒न्य॑स्य॒राजा॒प्रर॒श्मिभि॑र्द॒शभि॑र्भारि॒भूम॑ || 23 || प्र¦दा॒नु॒ऽदः¦दि॒व्यः¦दा॒नु॒ऽपि॒न्वः¦ऋ॒तम्¦ऋ॒ताय॑¦प॒व॒ते॒¦सु॒ऽमे॒धाः | |
| प॒वित्रे᳚भिः॒पव॑मानोनृ॒चक्षा॒राजा᳚दे॒वाना᳚मु॒तमर्त्या᳚नाम् | द्वि॒ताभु॑वद्रयि॒पती᳚रयी॒णामृ॒तंभ॑र॒त्सुभृ॑तं॒चार्विन्दुः॑ || 24 || प॒वित्रे᳚भिः¦पव॑मानः¦नृ॒ऽचक्षाः᳚¦राजा᳚¦दे॒वाना᳚म्¦उ॒त¦मर्त्या᳚नाम् | |
| अर्वाँ᳚,इव॒श्रव॑सेसा॒तिमच्छेन्द्र॑स्यवा॒योर॒भिवी॒तिम॑र्ष | सनः॑स॒हस्रा᳚बृह॒तीरिषो᳚दा॒भवा᳚सोमद्रविणो॒वित्पु॑ना॒नः || 25 || अर्वा᳚न्ऽइव¦श्रव॑से¦सा॒तिम्¦अच्छ॑¦इन्द्र॑स्य¦वा॒योः¦अ॒भि¦वी॒तिम्¦अ॒र्ष॒ | |
| दे॒वा॒व्यो᳚नःपरिषि॒च्यमा᳚नाः॒,क्षयं᳚सु॒वीरं᳚धन्वन्तु॒सोमाः᳚ | आ॒य॒ज्यवः॑सुम॒तिंवि॒श्ववा᳚रा॒होता᳚रो॒नदि॑वि॒यजो᳚म॒न्द्रत॑माः || 26 || वर्ग:16 दे॒व॒।आ॒व्यः॑¦नः॒¦प॒रि॒ऽसि॒च्यमा᳚नाः¦क्षय᳚म्¦सु॒ऽवीर᳚म्¦ध॒न्व॒न्तु॒¦सोमाः᳚ | |
| ए॒वादे᳚वदे॒वता᳚तेपवस्वम॒हेसो᳚म॒प्सर॑सेदेव॒पानः॑ | म॒हश्चि॒द्धिष्मसि॑हि॒ताःस॑म॒र्येकृ॒धिसु॑ष्ठा॒नेरोद॑सीपुना॒नः || 27 || ए॒व¦दे॒व॒¦दे॒वऽता᳚ते¦प॒व॒स्व॒¦म॒हे¦सो॒म॒¦प्सर॑से¦दे॒व॒ऽपानः॑ | |
| अश्वो॒नोक्र॑दो॒वृष॑भिर्युजा॒नःसिं॒होनभी॒मोमन॑सो॒जवी᳚यान् | अ॒र्वा॒चीनैः᳚प॒थिभि॒र्येरजि॑ष्ठा॒,आप॑वस्वसौमन॒संन॑इन्दो || 28 || अश्वः॑¦न¦क्र॒दः॒¦वृष॑ऽभिः¦यु॒जा॒नः¦सिं॒हः¦न¦भी॒मः¦मन॑सः¦जवी᳚यान् | |
| श॒तंधारा᳚दे॒वजा᳚ता,असृग्रन्त्स॒हस्र॑मेनाःक॒वयो᳚मृजन्ति | इन्दो᳚स॒नित्रं᳚दि॒वआप॑वस्वपुरए॒तासि॑मह॒तोधन॑स्य || 29 || श॒तम्¦धाराः᳚¦दे॒वऽजा᳚ताः¦अ॒सृ॒ग्र॒न्¦स॒हस्र᳚म्¦ए॒नाः॒¦क॒वयः॑¦मृ॒ज॒न्ति॒ | |
| दि॒वोनसर्गा᳚,अससृग्र॒मह्नां॒राजा॒नमि॒त्रंप्रमि॑नाति॒धीरः॑ | पि॒तुर्नपु॒त्रःक्रतु॑भिर्यता॒नआप॑वस्ववि॒शे,अ॒स्या,अजी᳚तिम् || 30 || दि॒वः¦न¦सर्गाः᳚¦अ॒स॒सृ॒ग्र॒म्¦अह्ना᳚म्¦राजा᳚¦न¦मि॒त्रम्¦प्र¦मि॒ना॒ति॒¦धीरः॑ | |
| प्रते॒धारा॒मधु॑मतीरसृग्र॒न्वारा॒न्यत्पू॒तो,अ॒त्येष्यव्या॑न् | पव॑मान॒पव॑से॒धाम॒गोनां᳚जज्ञा॒नःसूर्य॑मपिन्वो,अ॒र्कैः || 31 || वर्ग:17 प्र¦ते॒¦धाराः᳚¦मधु॑ऽमतीः¦अ॒सृ॒ग्र॒न्¦वारा᳚न्¦यत्¦पू॒तः¦अ॒ति॒ऽएषि॑¦अव्या॑न् | |
| कनि॑क्रद॒दनु॒पन्था᳚मृ॒तस्य॑शु॒क्रोविभा᳚स्य॒मृत॑स्य॒धाम॑ | सइन्द्रा᳚यपवसेमत्स॒रवा᳚न्हिन्वा॒नोवाचं᳚म॒तिभिः॑कवी॒नाम् || 32 || कनि॑क्रदत्¦अनु॑¦पन्था᳚म्¦ऋ॒तस्य॑¦शु॒क्रः¦वि¦भा॒सि॒¦अ॒मृत॑स्य¦धाम॑ | |
| दि॒व्यःसु॑प॒र्णोऽव॑चक्षिसोम॒पिन्व॒न्धाराः॒कर्म॑णादे॒ववी᳚तौ | एन्दो᳚विशक॒लशं᳚सोम॒धानं॒क्रन्द᳚न्निहि॒सूर्य॒स्योप॑र॒श्मिम् || 33 || दि॒व्यः¦सु॒ऽप॒र्णः¦अव॑¦च॒क्षि॒¦सो॒म॒¦पिन्व॑न्¦धाराः᳚¦कर्म॑णा¦दे॒वऽवी᳚तौ | |
| ति॒स्रोवाच॑ईरयति॒प्रवह्नि᳚रृ॒तस्य॑धी॒तिंब्रह्म॑णोमनी॒षाम् | गावो᳚यन्ति॒गोप॑तिंपृ॒च्छमा᳚नाः॒सोमं᳚यन्तिम॒तयो᳚वावशा॒नाः || 34 || ति॒स्रः¦वाचः॑¦ई॒र॒य॒ति॒¦प्र¦वह्निः॑¦ऋ॒तस्य॑¦धी॒तिम्¦ब्रह्म॑णः¦म॒नी॒षाम् | |
| सोमं॒गावो᳚धे॒नवो᳚वावशा॒नाःसोमं॒विप्रा᳚म॒तिभिः॑पृ॒च्छमा᳚नाः | सोमः॑सु॒तःपू᳚यते,अ॒ज्यमा᳚नः॒सोमे᳚,अ॒र्कास्त्रि॒ष्टुभः॒संन॑वन्ते || 35 || सोम᳚म्¦गावः॑¦धे॒नवः॑¦वा॒व॒शा॒नाः¦सोम᳚म्¦विप्राः᳚¦म॒तिऽभिः॑¦पृ॒च्छमा᳚नाः | |
| ए॒वानः॑सोमपरिषि॒च्यमा᳚न॒आप॑वस्वपू॒यमा᳚नःस्व॒स्ति | इन्द्र॒मावि॑शबृह॒तारवे᳚णव॒र्धया॒वाचं᳚ज॒नया॒पुरं᳚धिम् || 36 || वर्ग:18 ए॒व¦नः॒¦सो॒म॒¦प॒रि॒ऽसि॒च्यमा᳚नः¦आ¦प॒व॒स्व॒¦पू॒यमा᳚नः¦स्व॒स्ति | |
| आजागृ॑वि॒र्विप्र॑ऋ॒ताम॑ती॒नांसोमः॑पुना॒नो,अ॑सदच्च॒मूषु॑ | सप᳚न्ति॒यंमि॑थु॒नासो॒निका᳚मा,अध्व॒र्यवो᳚रथि॒रासः॑सु॒हस्ताः᳚ || 37 || आ¦जागृ॑विः¦विप्रः॑¦ऋ॒ता¦म॒ती॒नाम्¦सोमः॑¦पु॒ना॒नः¦अ॒स॒द॒त्¦च॒मूषु॑ | |
| सपु॑ना॒नउप॒सूरे॒नधातोभे,अ॑प्रा॒रोद॑सी॒विषआ᳚वः | प्रि॒याचि॒द्यस्य॑प्रिय॒सास॑ऊ॒तीसतूधनं᳚का॒रिणे॒नप्रयं᳚सत् || 38 || सः¦पु॒ना॒नः¦उप॑¦सूरे᳚¦न¦धाता᳚¦आ¦उ॒भे इति॑¦अ॒प्राः॒¦रोद॑सी॒ इति॑¦वि¦सः¦आ॒व॒रित्या᳚वः | |
| सव॑र्धि॒तावर्ध॑नःपू॒यमा᳚नः॒सोमो᳚मी॒ढ्वाँ,अ॒भिनो॒ज्योति॑षावीत् | येना᳚नः॒पूर्वे᳚पि॒तरः॑पद॒ज्ञाःस्व॒र्विदो᳚,अ॒भिगा,अद्रि॑मु॒ष्णन् || 39 || सः¦व॒र्धि॒ता¦वर्ध॑नः¦पू॒यमा᳚नः¦सोमः॑¦मी॒ढ्वान्¦अ॒भि¦नः॒¦ज्योति॑षा¦आ॒वी॒त् | |
| अक्रा᳚न्त्समु॒द्रःप्र॑थ॒मेविध᳚र्मञ्ज॒नय᳚न्प्र॒जाभुव॑नस्य॒राजा᳚ | वृषा᳚प॒वित्रे॒,अधि॒सानो॒,अव्ये᳚बृ॒हत्सोमो᳚वावृधेसुवा॒नइन्दुः॑ || 40 || अक्रा᳚न्¦स॒मु॒द्रः¦प्र॒थ॒मे¦विऽध᳚र्मन्¦ज॒नय॑न्¦प्र॒ऽजाः¦भुव॑नस्य¦राजा᳚ | |
| म॒हत्तत्सोमो᳚महि॒षश्च॑कारा॒पांयद्गर्भोऽवृ॑णीतदे॒वान् | अद॑धा॒दिन्द्रे॒पव॑मान॒ओजोऽज॑नय॒त्सूर्ये॒ज्योति॒रिन्दुः॑ || 41 || वर्ग:19 म॒हत्¦तत्¦सोमः॑¦म॒हि॒षः¦च॒का॒र॒¦अ॒पाम्¦यत्¦गर्भः॑¦अवृ॑णीत¦दे॒वान् | |
| मत्सि॑वा॒युमि॒ष्टये॒राध॑सेच॒मत्सि॑मि॒त्रावरु॑णापू॒यमा᳚नः | मत्सि॒शर्धो॒मारु॑तं॒मत्सि॑दे॒वान्मत्सि॒द्यावा᳚पृथि॒वीदे᳚वसोम || 42 || मत्सि॑¦वा॒युम्¦इ॒ष्टये᳚¦राध॑से¦च॒¦मत्सि॑¦मि॒त्रावरु॑णा¦पू॒यमा᳚नः | |
| ऋ॒जुःप॑वस्ववृजि॒नस्य॑ह॒न्तापामी᳚वां॒बाध॑मानो॒मृध॑श्च | अ॒भि॒श्री॒णन्पयः॒पय॑सा॒भिगोना॒मिन्द्र॑स्य॒त्वंतव॑व॒यंसखा᳚यः || 43 || ऋ॒जुः¦प॒व॒स्व॒¦वृ॒जि॒नस्य॑¦ह॒न्ता¦अप॑¦अमी᳚वाम्¦बाध॑मानः¦मृधः॑¦च॒ | |
| मध्वः॒सूदं᳚पवस्व॒वस्व॒उत्सं᳚वी॒रंच॑न॒आप॑वस्वा॒भगं᳚च | स्वद॒स्वेन्द्रा᳚य॒पव॑मानइन्दोर॒यिंच॑न॒आप॑वस्वासमु॒द्रात् || 44 || मध्वः॑¦सूद᳚म्¦प॒व॒स्व॒¦वस्वः॑¦उत्स᳚म्¦वी॒रम्¦च॒¦नः॒¦आ¦प॒व॒स्व॒¦भग᳚म्¦च॒ | |
| सोमः॑सु॒तोधार॒यात्यो॒नहित्वा॒सिन्धु॒र्ननि॒म्नम॒भिवा॒ज्य॑क्षाः | आयोनिं॒वन्य॑मसदत्पुना॒नःसमिन्दु॒र्गोभि॑रसर॒त्सम॒द्भिः || 45 || सोमः॑¦सु॒तः¦धार॑या¦अत्यः॑¦न¦हित्वा᳚¦सिन्धुः॑¦न¦नि॒म्नम्¦अ॒भि¦वा॒जी¦अ॒क्षा॒रिति॑ | |
| ए॒षस्यते᳚पवतइन्द्र॒सोम॑श्च॒मूषु॒धीर॑उश॒तेतव॑स्वान् | स्व॑र्चक्षारथि॒रःस॒त्यशु॑ष्मः॒कामो॒नयोदे᳚वय॒तामस॑र्जि || 46 || वर्ग:20 ए॒षः¦स्यः¦ते॒¦प॒व॒ते॒¦इ॒न्द्र॒¦सोमः॑¦च॒मूषु॑¦धीरः॑¦उ॒श॒ते¦तव॑स्वान् | |
| ए॒षप्र॒त्नेन॒वय॑सापुना॒नस्ति॒रोवर्पां᳚सिदुहि॒तुर्दधा᳚नः | वसा᳚नः॒शर्म॑त्रि॒वरू᳚थम॒प्सुहोते᳚वयाति॒सम॑नेषु॒रेभ॑न् || 47 || ए॒षः¦प्र॒त्नेन॑¦वय॑सा¦पु॒ना॒नः¦ति॒रः¦वर्पां᳚सि¦दु॒हि॒तुः¦दधा᳚नः | |
| नून॒स्त्वंर॑थि॒रोदे᳚वसोम॒परि॑स्रवच॒म्वोः᳚पू॒यमा᳚नः | अ॒प्सुस्वादि॑ष्ठो॒मधु॑माँ,ऋ॒तावा᳚दे॒वोनयःस॑वि॒तास॒त्यम᳚न्मा || 48 || नु¦नः॒¦त्वम्¦र॒थि॒रः¦दे॒व॒¦सो॒म॒¦परि॑¦स्र॒व॒¦च॒म्वोः᳚¦पू॒यमा᳚नः | |
| अ॒भिवा॒युंवी॒त्य॑र्षागृणा॒नो॒३॑(ओ॒)ऽभिमि॒त्रावरु॑णापू॒यमा᳚नः | अ॒भीनरं᳚धी॒जव॑नंरथे॒ष्ठाम॒भीन्द्रं॒वृष॑णं॒वज्र॑बाहुम् || 49 || अ॒भि¦वा॒युम्¦वी॒ती¦अ॒र्ष॒¦गृ॒णा॒नः¦अ॒भि¦मि॒त्रावरु॑णा¦पू॒यमा᳚नः | |
| अ॒भिवस्त्रा᳚सुवस॒नान्य॑र्षा॒भिधे॒नूःसु॒दुघाः᳚पू॒यमा᳚नः | अ॒भिच॒न्द्राभर्त॑वेनो॒हिर᳚ण्या॒भ्यश्वा᳚न्र॒थिनो᳚देवसोम || 50 || अ॒भि¦वस्त्रा᳚¦सु॒ऽव॒स॒नानि॑¦अ॒र्ष॒¦अ॒भि¦धे॒नूः¦सु॒ऽदुघाः᳚¦पू॒यमा᳚नः | |
| अ॒भीनो᳚,अर्षदि॒व्यावसू᳚न्य॒भिविश्वा॒पार्थि॑वापू॒यमा᳚नः | अ॒भियेन॒द्रवि॑णम॒श्नवा᳚मा॒भ्या᳚र्षे॒यंज॑मदग्नि॒वन्नः॑ || 51 || वर्ग:21 अ॒भि¦नः॒¦अ॒र्ष॒¦दि॒व्या¦वसू᳚नि¦अ॒भि¦विश्वा᳚¦पार्थि॑वा¦पू॒यमा᳚नः | |
| अ॒याप॒वाप॑वस्वै॒नावसू᳚निमाँश्च॒त्वइ᳚न्दो॒सर॑सि॒प्रध᳚न्व | ब्र॒ध्नश्चि॒दत्र॒वातो॒नजू॒तःपु॑रु॒मेध॑श्चि॒त्तक॑वे॒नरं᳚दात् || 52 || अ॒या¦प॒वा¦प॒व॒स्व॒¦ए॒ना¦वसू᳚नि¦माँ॒श्च॒त्वे¦इ॒न्दो॒ इति॑¦सर॑सि¦प्र¦ध॒न्व॒ | |
| उ॒तन॑ए॒नाप॑व॒याप॑व॒स्वाधि॑श्रु॒तेश्र॒वाय्य॑स्यती॒र्थे | ष॒ष्टिंस॒हस्रा᳚नैगु॒तोवसू᳚निवृ॒क्षंनप॒क्वंधू᳚नव॒द्रणा᳚य || 53 || उ॒त¦नः॒¦ए॒ना¦प॒व॒या¦प॒व॒स्व॒¦अधि॑¦श्रु॒ते¦श्र॒वाय्य॑स्य¦ती॒र्थे | |
| मही॒मे,अ॑स्य॒वृष॒नाम॑शू॒षेमाँश्च॑त्वेवा॒पृश॑नेवा॒वध॑त्रे | अस्वा᳚पयन्नि॒गुतः॑स्ने॒हय॒च्चापा॒मित्राँ॒,अपा॒चितो᳚,अचे॒तः || 54 || महि॑¦इ॒मे इति॑¦अ॒स्य॒¦वृष॒नाम॑¦शू॒षे इति॑¦माँश्च॑त्वे¦वा॒¦पृश॑ने¦वा॒¦वध॑त्रे॒ इति॑ | |
| संत्रीप॒वित्रा॒वित॑तान्ये॒ष्यन्वेकं᳚धावसिपू॒यमा᳚नः | असि॒भगो॒,असि॑दा॒त्रस्य॑दा॒तासि॑म॒घवा᳚म॒घव॑द्भ्यइन्दो || 55 || सम्¦त्री¦प॒वित्रा᳚¦विऽत॑तानि¦ए॒षि॒¦अनु॑¦एक᳚म्¦धा॒व॒सि॒¦पू॒यमा᳚नः | |
| ए॒षवि॑श्व॒वित्प॑वतेमनी॒षीसोमो॒विश्व॑स्य॒भुव॑नस्य॒राजा᳚ | द्र॒प्साँ,ई॒रय᳚न्वि॒दथे॒ष्विन्दु॒र्विवार॒मव्यं᳚स॒मयाति॑याति || 56 || वर्ग:22 ए॒षः¦वि॒श्व॒ऽवित्¦प॒व॒ते॒¦म॒नी॒षी¦सोमः॑¦विश्व॑स्य¦भुव॑नस्य¦राजा᳚ | |
| इन्दुं᳚रिहन्तिमहि॒षा,अद॑ब्धाःप॒देरे᳚भन्तिक॒वयो॒नगृध्राः᳚ | हि॒न्वन्ति॒धीरा᳚द॒शभिः॒,क्षिपा᳚भिः॒सम᳚ञ्जतेरू॒पम॒पांरसे᳚न || 57 || इन्दु᳚म्¦रि॒ह॒न्ति॒¦म॒हि॒षाः¦अद॑ब्धाः¦प॒दे¦रे॒भ॒न्ति॒¦क॒वयः॑¦न¦गृध्राः᳚ | |
| त्वया᳚व॒यंपव॑मानेनसोम॒भरे᳚कृ॒तंविचि॑नुयाम॒शश्व॑त् | तन्नो᳚मि॒त्रोवरु॑णोमामहन्ता॒मदि॑तिः॒सिन्धुः॑पृथि॒वी,उ॒तद्यौः || 58 || त्वया᳚¦व॒यम्¦पव॑मानेन¦सो॒म॒¦भरे᳚¦कृ॒तम्¦वि¦चि॒नु॒या॒म॒¦शश्व॑त् | |
| [98] अभिनइति द्वादशर्चस्य सूक्तस्यांबरीषऋजिश्वानौ पवमानसोमोनुष्टुबेकादशीबृहती |{मंडल:9, सूक्त:98}{अनुवाक:6, सूक्त:2}{अष्टक:7, अध्याय:4} |
| अ॒भिनो᳚वाज॒सात॑मंर॒यिम॑र्षपुरु॒स्पृह᳚म् | इन्दो᳚स॒हस्र॑भर्णसंतुविद्यु॒म्नंवि॑भ्वा॒सह᳚म् || 1 || वर्ग:23 अ॒भि¦नः॒¦वा॒ज॒ऽसात॑मम्¦र॒यिम्¦अ॒र्ष॒¦पु॒रु॒ऽस्पृह᳚म् | इन्दो॒ इति॑¦स॒हस्र॑ऽभर्णसम्¦तु॒वि॒ऽद्यु॒म्नम्¦वि॒भ्व॒ऽसह᳚म् || |
| परि॒ष्यसु॑वा॒नो,अ॒व्ययं॒रथे॒नवर्मा᳚व्यत | इन्दु॑र॒भिद्रुणा᳚हि॒तोहि॑या॒नोधारा᳚भिरक्षाः || 2 || परि॑¦स्यः¦सु॒वा॒नः¦अ॒व्यय᳚म्¦रथे᳚¦न¦वर्म॑¦अ॒व्य॒त॒ | इन्दुः॑¦अ॒भि¦द्रुणा᳚¦हि॒तः¦हि॒या॒नः¦धारा᳚भिः¦अ॒क्षा॒रिति॑ || |
| परि॒ष्यसु॑वा॒नो,अ॑क्षा॒,इन्दु॒रव्ये॒मद॑च्युतः | धारा॒यऊ॒र्ध्वो,अ॑ध्व॒रेभ्रा॒जानैति॑गव्य॒युः || 3 || परि॑¦स्यः¦सु॒वा॒नः¦अ॒क्षा॒रिति॑¦इन्दुः॑¦अव्ये᳚¦मद॑ऽच्युतः | धारा᳚¦यः¦ऊ॒र्ध्वः¦अ॒ध्व॒रे¦भ्रा॒जा¦न¦एति॑¦ग॒व्य॒ऽयुः || |
| सहित्वंदे᳚व॒शश्व॑ते॒वसु॒मर्ता᳚यदा॒शुषे᳚ | इन्दो᳚सह॒स्रिणं᳚र॒यिंश॒तात्मा᳚नंविवाससि || 4 || सः¦हि¦त्वम्¦दे॒व॒¦शश्व॑ते¦वसु॑¦मर्ता᳚य¦दा॒शुषे᳚ | इन्दो॒ इति॑¦स॒ह॒स्रिण᳚म्¦र॒यिम्¦श॒तऽआ᳚त्मानम्¦वि॒वा॒स॒सि॒ || |
| व॒यंते᳚,अ॒स्यवृ॑त्रह॒न्वसो॒वस्वः॑पुरु॒स्पृहः॑ | निनेदि॑ष्ठतमा,इ॒षःस्याम॑सु॒म्नस्या᳚ध्रिगो || 5 || व॒यम्¦ते॒¦अ॒स्य¦वृ॒त्र॒ऽह॒न्¦वसो॒ इति॑¦वस्वः॑¦पु॒रु॒ऽस्पृहः॑ | नि¦नेदि॑ष्ठऽतमाः¦इ॒षः¦स्याम॑¦सु॒म्नस्य॑¦अ॒ध्रि॒गो॒ इत्य॑ध्रिऽगो || |
| द्विर्यंपञ्च॒स्वय॑शसं॒स्वसा᳚रो॒,अद्रि॑संहतम् | प्रि॒यमिन्द्र॑स्य॒काम्यं᳚प्रस्ना॒पय᳚न्त्यू॒र्मिण᳚म् || 6 || द्विः¦यम्¦पंच॑¦स्वऽय॑शसम्¦स्वसा᳚रः¦अद्रि॑ऽसंहतम् | प्रि॒यम्¦इन्द्र॑स्य¦काम्य᳚म्¦प्र॒ऽस्ना॒पय᳚न्ति¦ऊ॒र्मिण᳚म् || |
| परि॒त्यंह᳚र्य॒तंहरिं᳚ब॒भ्रुंपु॑नन्ति॒वारे᳚ण | योदे॒वान्विश्वाँ॒,इत्परि॒मदे᳚नस॒हगच्छ॑ति || 7 || वर्ग:24 परि॑¦त्यम्¦ह॒र्य॒तम्¦हरि᳚म्¦ब॒भ्रुम्¦पु॒न॒न्ति॒¦वारे᳚ण | यः¦दे॒वान्¦विश्वा᳚न्¦इत्¦परि॑¦मदे᳚न¦स॒ह¦गच्छ॑ति || |
| अ॒स्यवो॒ह्यव॑सा॒पान्तो᳚दक्ष॒साध॑नम् | यःसू॒रिषु॒श्रवो᳚बृ॒हद्द॒धेस्व१॑(अ॒)र्णह᳚र्य॒तः || 8 || अ॒स्य¦वः॒¦हि¦अव॑सा¦पान्तः॑¦द॒क्ष॒ऽसाध॑नम् | यः¦सू॒रिषु॑¦श्रवः॑¦बृ॒हत्¦द॒धे¦स्वः॑¦न¦ह॒र्य॒तः || |
| सवां᳚य॒ज्ञेषु॑मानवी॒,इन्दु॑र्जनिष्टरोदसी | दे॒वोदे᳚वीगिरि॒ष्ठा,अस्रे᳚ध॒न्तंतु॑वि॒ष्वणि॑ || 9 || सः¦वा॒म्¦य॒ज्ञेषु॑¦मा॒न॒वी॒ इति॑¦इन्दुः॑¦ज॒नि॒ष्ट॒¦रो॒द॒सी॒ इति॑ | दे॒वः¦दे॒वी॒ इति॑¦गि॒रि॒ऽस्थाः¦अस्रे᳚धन्¦तम्¦तु॒वि॒ऽस्वनि॑ || |
| इन्द्रा᳚यसोम॒पात॑वेवृत्र॒घ्नेपरि॑षिच्यसे | नरे᳚च॒दक्षि॑णावतेदे॒वाय॑सदना॒सदे᳚ || 10 || इन्द्रा᳚य¦सो॒म॒¦पात॑वे¦वृ॒त्र॒ऽघ्ने¦परि॑¦सि॒च्य॒से॒ | नरे᳚¦च॒¦दक्षि॑णाऽवते¦दे॒वाय॑¦स॒द॒न॒ऽसदे᳚ || |
| तेप्र॒त्नासो॒व्यु॑ष्टिषु॒सोमाः᳚प॒वित्रे᳚,अक्षरन् | अ॒प॒प्रोथ᳚न्तःसनु॒तर्हु॑र॒श्चितः॑प्रा॒तस्ताँ,अप्र॑चेतसः || 11 || ते¦प्र॒त्नासः॑¦वि।औ᳚ष्टिषु¦सोमाः᳚¦प॒वित्रे᳚¦अ॒क्ष॒र॒न् | |
| तंस॑खायःपुरो॒रुचं᳚यू॒यंव॒यंच॑सू॒रयः॑ | अ॒श्याम॒वाज॑गन्ध्यंस॒नेम॒वाज॑पस्त्यम् || 12 || तम्¦स॒खा॒यः॒¦पु॒रः॒ऽरुच᳚म्¦यू॒यम्¦व॒यम्¦च॒¦सू॒रयः॑ | अ॒श्याम॑¦वाज॑ऽगन्ध्यम्¦स॒नेम॑¦वाज॑ऽपस्त्यम् || |
| [99] आहर्यतायेत्यष्टर्चस्य सूक्तस्य काश्यपौ रेभसूनु पवमानसोमोनुष्ठुबाद्याबृहती |{मंडल:9, सूक्त:99}{अनुवाक:6, सूक्त:3}{अष्टक:7, अध्याय:4} |
| आह᳚र्य॒ताय॑धृ॒ष्णवे॒धनु॑स्तन्वन्ति॒पौंस्य᳚म् | शु॒क्रांव॑य॒न्त्यसु॑रायनि॒र्णिजं᳚वि॒पामग्रे᳚मही॒युवः॑ || 1 || वर्ग:25 आ¦ह॒र्य॒ताय॑¦धृ॒ष्णवे᳚¦धनुः॑¦त॒न्व॒न्ति॒¦पौंस्य᳚म् | |
| अध॑क्ष॒पापरि॑ष्कृतो॒वाजाँ᳚,अ॒भिप्रगा᳚हते | यदी᳚वि॒वस्व॑तो॒धियो॒हरिं᳚हि॒न्वन्ति॒यात॑वे || 2 || अध॑¦क्ष॒पा¦परि॑ऽकृतः¦वाजा᳚न्¦अ॒भि¦प्र¦गा॒ह॒ते॒ | यदि॑¦वि॒वस्व॑तः¦धियः॑¦हरि᳚म्¦हि॒न्वन्ति॑¦यात॑वे || |
| तम॑स्यमर्जयामसि॒मदो॒यइ᳚न्द्र॒पात॑मः | यंगाव॑आ॒सभि॑र्द॒धुःपु॒रानू॒नंच॑सू॒रयः॑ || 3 || तम्¦अ॒स्य॒¦म॒र्ज॒या॒म॒सि॒¦मदः॑¦यः¦इ॒न्द्र॒ऽपात॑मः | यम्¦गावः॑¦आ॒सऽभिः॑¦द॒धुः¦पु॒रा¦नू॒नम्¦च॒¦सू॒रयः॑ || |
| तंगाथ॑यापुरा॒ण्यापु॑ना॒नम॒भ्य॑नूषत | उ॒तोकृ॑पन्तधी॒तयो᳚दे॒वानां॒नाम॒बिभ्र॑तीः || 4 || तम्¦गाथ॑या¦पु॒रा॒ण्या¦पु॒ना॒नम्¦अ॒भि¦अ॒नू॒ष॒त॒ | उ॒तो इति॑¦कृ॒प॒न्त॒¦धी॒तयः॑¦दे॒वाना᳚म्¦नाम॑¦बिभ्र॑तीः || |
| तमु॒क्षमा᳚णम॒व्यये॒वारे᳚पुनन्तिधर्ण॒सिम् | दू॒तंनपू॒र्वचि॑त्तय॒आशा᳚सतेमनी॒षिणः॑ || 5 || तम्¦उ॒क्षमा᳚णम्¦अ॒व्यये᳚¦वारे᳚¦पु॒न॒न्ति॒¦ध॒र्ण॒सिम् | दू॒तम्¦न¦पू॒र्वऽचि॑त्तये¦आ¦शा॒स॒ते॒¦म॒नी॒षिणः॑ || |
| सपु॑ना॒नोम॒दिन्त॑मः॒सोम॑श्च॒मूषु॑सीदति | प॒शौनरेत॑आ॒दध॒त्पति᳚र्वचस्यतेधि॒यः || 6 || वर्ग:26 सः¦पु॒ना॒नः¦म॒दिन्ऽत॑मः¦सोमः॑¦च॒मूषु॑¦सी॒द॒ति॒ | प॒शौ¦न¦रेतः॑¦आ॒ऽदध॑त्¦पतिः॑¦व॒च॒स्य॒ते॒¦धि॒यः || |
| समृ॑ज्यतेसु॒कर्म॑भिर्दे॒वोदे॒वेभ्यः॑सु॒तः | वि॒देयदा᳚सुसंद॒दिर्म॒हीर॒पोविगा᳚हते || 7 || सः¦मृ॒ज्य॒ते॒¦सु॒कर्म॑ऽभिः¦दे॒वः¦दे॒वेभ्यः॑¦सु॒तः | वि॒दे¦यत्¦आ॒सु॒¦स॒म्ऽद॒दिः¦म॒हीः¦अ॒पः¦वि¦गा॒ह॒ते॒ || |
| सु॒तइ᳚न्दोप॒वित्र॒आनृभि᳚र्य॒तोविनी᳚यसे | इन्द्रा᳚यमत्स॒रिन्त॑मश्च॒मूष्वानिषी᳚दसि || 8 || सु॒तः¦इ॒न्दो॒ इति॑¦प॒वित्रे᳚¦आ¦नृऽभिः॑¦य॒तः¦वि¦नी॒य॒से॒ | इन्द्रा᳚य¦म॒त्स॒रिन्ऽत॑मः¦च॒मूषु॑¦आ¦नि¦सी॒द॒सि॒ || |
| [100] अभीनवंतइति नवर्चस्य सूक्तस्य काश्यपौ रेभसूनू पवमान सोमोनुष्टुप् |{मंडल:9, सूक्त:100}{अनुवाक:6, सूक्त:4}{अष्टक:7, अध्याय:4} |
| अ॒भीन॑वन्ते,अ॒द्रुहः॑प्रि॒यमिन्द्र॑स्य॒काम्य᳚म् | व॒त्संनपूर्व॒आयु॑निजा॒तंरि॑हन्तिमा॒तरः॑ || 1 || वर्ग:27 अ॒भि¦न॒व॒न्ते॒¦अ॒द्रुहः॑¦प्रि॒यम्¦इन्द्र॑स्य¦काम्य᳚म् | व॒त्सम्¦न¦पूर्वे᳚¦आयु॑नि¦जा॒तम्¦रि॒ह॒न्ति॒¦मा॒तरः॑ || |
| पु॒ना॒नइ᳚न्द॒वाभ॑र॒सोम॑द्वि॒बर्ह॑संर॒यिम् | त्वंवसू᳚निपुष्यसि॒विश्वा᳚निदा॒शुषो᳚गृ॒हे || 2 || पु॒ना॒नः¦इ॒न्दो॒ इति॑¦आ¦भ॒र॒¦सोम॑¦द्वि॒ऽबर्ह॑सम्¦र॒यिम् | त्वम्¦वसू᳚नि¦पु॒ष्य॒सि॒¦विश्वा᳚नि¦दा॒शुषः॑¦गृ॒हे || |
| त्वंधियं᳚मनो॒युजं᳚सृ॒जावृ॒ष्टिंनत᳚न्य॒तुः | त्वंवसू᳚नि॒पार्थि॑वादि॒व्याच॑सोमपुष्यसि || 3 || त्वम्¦धिय᳚म्¦म॒नः॒ऽयुज᳚म्¦सृ॒ज¦वृ॒ष्टिम्¦न¦त॒न्य॒तुः | त्वम्¦वसू᳚नि¦पार्थि॑वा¦दि॒व्या¦च॒¦सो॒म॒¦पु॒ष्य॒सि॒ || |
| परि॑तेजि॒ग्युषो᳚यथा॒धारा᳚सु॒तस्य॑धावति | रंह॑माणा॒व्य१॑(अ॒)व्ययं॒वारं᳚वा॒जीव॑सान॒सिः || 4 || परि॑¦ते॒¦जि॒ग्युषः॑¦य॒था॒¦धारा᳚¦सु॒तस्य॑¦धा॒व॒ति॒ | रंह॑माणा¦वि¦अ॒व्यय᳚म्¦वार᳚म्¦वा॒जीऽइ᳚व¦सा॒न॒सिः || |
| क्रत्वे॒दक्षा᳚यनःकवे॒पव॑स्वसोम॒धार॑या | इन्द्रा᳚य॒पात॑वेसु॒तोमि॒त्राय॒वरु॑णायच || 5 || क्रत्वे᳚¦दक्षा᳚य¦नः॒¦क॒वे॒¦पव॑स्व¦सो॒म॒¦धार॑या | इन्द्रा᳚य¦पात॑वे¦सु॒तः¦मि॒त्राय॑¦वरु॑णाय¦च॒ || |
| पव॑स्ववाज॒सात॑मःप॒वित्रे॒धार॑यासु॒तः | इन्द्रा᳚यसोम॒विष्ण॑वेदे॒वेभ्यो॒मधु॑मत्तमः || 6 || वर्ग:28 पव॑स्व¦वा॒ज॒ऽसात॑मः¦प॒वित्रे᳚¦धार॑या¦सु॒तः | इन्द्रा᳚य¦सो॒म॒¦विष्ण॑वे¦दे॒वेभ्यः॑¦मधु॑मत्ऽतमः || |
| त्वांरि॑हन्तिमा॒तरो॒हरिं᳚प॒वित्रे᳚,अ॒द्रुहः॑ | व॒त्संजा॒तंनधे॒नवः॒पव॑मान॒विध᳚र्मणि || 7 || त्वाम्¦रि॒ह॒न्ति॒¦मा॒तरः॑¦हरि᳚म्¦प॒वित्रे᳚¦अ॒द्रुहः॑ | व॒त्सम्¦जा॒तम्¦न¦धे॒नवः॑¦पव॑मान¦विऽध᳚र्मणि || |
| पव॑मान॒महि॒श्रव॑श्चि॒त्रेभि᳚र्यासिर॒श्मिभिः॑ | शर्ध॒न्तमां᳚सिजिघ्नसे॒विश्वा᳚निदा॒शुषो᳚गृ॒हे || 8 || पव॑मान¦महि॑¦श्रवः॑¦चि॒त्रेभिः॑¦या॒सि॒¦र॒श्मिऽभिः॑ | शर्ध॑न्¦तमां᳚सि¦जि॒घ्न॒से॒¦विश्वा᳚नि¦दा॒शुषः॑¦गृ॒हे || |
| त्वंद्यांच॑महिव्रतपृथि॒वींचाति॑जभ्रिषे | प्रति॑द्रा॒पिम॑मुञ्चथाः॒पव॑मानमहित्व॒ना || 9 || त्वम्¦द्याम्¦च॒¦म॒हि॒ऽव्र॒त॒¦पृ॒थि॒वीम्¦च॒¦अति॑¦ज॒भ्रि॒षे॒ | प्रति॑¦द्रा॒पिम्¦अ॒मुं॒च॒थाः॒¦पव॑मान¦म॒हि॒ऽत्व॒ना || |
| [101] पुरोजितीति षोळशर्चस्य सूक्तस्याद्यानांतिसृणांश्यावाश्विरंधीगुः चतुर्थ्यादितिसृणांनाहुषोययातिः सप्तम्यादितिसृणांमानवोनहुषः दशम्यादितिसृणांसांवरणोमनुः त्रयोदश्यादिचतसृणां वैश्वामित्रः प्रजापतिः पवमान सोमोनुष्टुप् द्वितीयातृतीये गायत्र्यौ |{मंडल:9, सूक्त:101}{अनुवाक:6, सूक्त:5}{अष्टक:7, अध्याय:5} |
| पु॒रोजि॑तीवो॒,अन्ध॑सःसु॒ताय॑मादयि॒त्नवे᳚ | अप॒श्वानं᳚श्नथिष्टन॒सखा᳚योदीर्घजि॒ह्व्य᳚म् || 1 || वर्ग:1 पु॒रःऽजि॑ती¦वः॒¦अन्ध॑सः¦सु॒ताय॑¦मा॒द॒यि॒त्नवे᳚ | अप॑¦श्वान᳚म्¦श्न॒थि॒ष्ट॒न॒¦सखा᳚यः¦दी॒र्घ॒ऽजि॒ह्व्य᳚म् || |
| योधार॑यापाव॒कया᳚परिप्र॒स्यन्द॑तेसु॒तः | इन्दु॒रश्वो॒नकृत्व्यः॑ || 2 || यः¦धार॑या¦पा॒व॒कया᳚¦प॒रि॒ऽप्र॒स्यन्द॑ते¦सु॒तः | इन्दुः॑¦अश्वः॑¦न¦कृत्व्यः॑ || |
| तंदु॒रोष॑म॒भीनरः॒सोमं᳚वि॒श्वाच्या᳚धि॒या | य॒ज्ञंहि᳚न्व॒न्त्यद्रि॑भिः || 3 || तम्¦दु॒रोष᳚म्¦अ॒भि¦नरः॑¦सोम᳚म्¦वि॒श्वाच्या᳚¦धि॒या | य॒ज्ञम्¦हि॒न्व॒न्ति॒¦अद्रि॑ऽभिः || |
| सु॒तासो॒मधु॑मत्तमाः॒सोमा॒,इन्द्रा᳚यम॒न्दिनः॑ | प॒वित्र॑वन्तो,अक्षरन्दे॒वान्ग॑च्छन्तुवो॒मदाः᳚ || 4 || सु॒तासः॑¦मधु॑मत्ऽतमाः¦सोमाः᳚¦इन्द्रा᳚य¦म॒न्दिनः॑ | प॒वित्र॑ऽवन्तः¦अ॒क्ष॒र॒न्¦दे॒वान्¦ग॒च्छ॒न्तु॒¦वः॒¦मदाः᳚ || |
| इन्दु॒रिन्द्रा᳚यपवत॒इति॑दे॒वासो᳚,अब्रुवन् | वा॒चस्पति᳚र्मखस्यते॒विश्व॒स्येशा᳚न॒ओज॑सा || 5 || इन्दुः॑¦इन्द्रा᳚य¦प॒व॒ते॒¦इति॑¦दे॒वासः॑¦अ॒ब्रु॒व॒न् | वा॒चः¦पतिः॑¦म॒ख॒स्य॒ते॒¦विश्व॑स्य¦ईशा᳚नः¦ओज॑सा || |
| स॒हस्र॑धारःपवतेसमु॒द्रोवा᳚चमीङ्ख॒यः | सोमः॒पती᳚रयी॒णांसखेन्द्र॑स्यदि॒वेदि॑वे || 6 || वर्ग:2 स॒हस्र॑ऽधारः¦प॒व॒ते॒¦स॒मु॒द्रः¦वा॒च॒म्ऽई॒ङ्ख॒यः | सोमः॑¦पतिः॑¦र॒यी॒णाम्¦सखा᳚¦इन्द्र॑स्य¦दि॒वेऽदि॑वे || |
| अ॒यंपू॒षार॒यिर्भगः॒सोमः॑पुना॒नो,अ॑र्षति | पति॒र्विश्व॑स्य॒भूम॑नो॒व्य॑ख्य॒द्रोद॑सी,उ॒भे || 7 || अ॒यम्¦पू॒षा¦र॒यिः¦भगः॑¦सोमः॑¦पु॒ना॒नः¦अ॒र्ष॒ति॒ | पतिः॑¦विश्व॑स्य¦भूम॑नः¦वि¦अ॒ख्य॒त्¦रोद॑सी॒ इति॑¦उ॒भे इति॑ || |
| समु॑प्रि॒या,अ॑नूषत॒गावो॒मदा᳚य॒घृष्व॑यः | सोमा᳚सःकृण्वतेप॒थःपव॑मानास॒इन्द॑वः || 8 || सम्¦ऊँ॒ इति॑¦प्रि॒याः¦अ॒नू॒ष॒त॒¦गावः॑¦मदा᳚य¦घृष्व॑यः | सोमा᳚सः¦कृ॒ण्व॒ते॒¦प॒थः¦पव॑मानासः¦इन्द॑वः || |
| यओजि॑ष्ठ॒स्तमाभ॑र॒पव॑मानश्र॒वाय्य᳚म् | यःपञ्च॑चर्ष॒णीर॒भिर॒यिंयेन॒वना᳚महै || 9 || यः¦ओजि॑ष्ठः¦तम्¦आ¦भ॒र॒¦पव॑मान¦श्र॒वाय्य᳚म् | यः¦पंच॑¦च॒र्ष॒णीः¦अ॒भि¦र॒यिम्¦येन॑¦वना᳚महै || |
| सोमाः᳚पवन्त॒इन्द॑वो॒ऽस्मभ्यं᳚गातु॒वित्त॑माः | मि॒त्राःसु॑वा॒ना,अ॑रे॒पसः॑स्वा॒ध्यः॑स्व॒र्विदः॑ || 10 || सोमाः᳚¦प॒व॒न्ते॒¦इन्द॑वः¦अ॒स्मभ्य᳚म्¦गा॒तु॒वित्ऽत॑माः | मि॒त्राः¦सु॒वा॒नाः¦अ॒रे॒पसः॑¦सु॒ऽआ॒ध्यः॑¦स्वः॒ऽविदः॑ || |
| सु॒ष्वा॒णासो॒व्यद्रि॑भि॒श्चिता᳚ना॒गोरधि॑त्व॒चि | इष॑म॒स्मभ्य॑म॒भितः॒सम॑स्वरन्वसु॒विदः॑ || 11 || वर्ग:3 सु॒स्वा॒णासः॑¦वि¦अद्रि॑ऽभिः¦चिता᳚नाः¦गोः¦अधि॑¦त्व॒चि | इष᳚म्¦अ॒स्मभ्य᳚म्¦अ॒भितः॑¦सम्¦अ॒स्व॒र॒न्¦व॒सु॒ऽविदः॑ || |
| ए॒तेपू॒तावि॑प॒श्चितः॒सोमा᳚सो॒दध्या᳚शिरः | सूर्या᳚सो॒नद॑र्श॒तासो᳚जिग॒त्नवो᳚ध्रु॒वाघृ॒ते || 12 || ए॒ते¦पू॒ताः¦वि॒पः॒ऽचितः॑¦सोमा᳚सः¦दधि॑ऽआशिरः | सूर्या᳚सः¦न¦द॒र्श॒तासः॑¦जि॒ग॒त्नवः॑¦ध्रु॒वाः¦घृ॒ते || |
| प्रसु᳚न्वा॒नस्यान्ध॑सो॒मर्तो॒नवृ॑त॒तद्वचः॑ | अप॒श्वान॑मरा॒धसं᳚ह॒ताम॒खंनभृग॑वः || 13 || प्र¦सु॒न्वा॒नस्य॑¦अन्ध॑सः¦मर्तः॑¦न¦वृ॒त॒¦तत्¦वचः॑ | अप॑¦श्वान᳚म्¦अ॒रा॒धस᳚म्¦ह॒त¦म॒खम्¦न¦भृग॑वः || |
| आजा॒मिरत्के᳚,अव्यतभु॒जेनपु॒त्रओ॒ण्योः᳚ | सर॑ज्जा॒रोनयोष॑णांव॒रोनयोनि॑मा॒सद᳚म् || 14 || आ¦जा॒मिः¦अत्के᳚¦अ॒व्य॒त॒¦भु॒जे¦न¦पु॒त्रः¦ओ॒ण्योः᳚ | सर॑त्¦जा॒रः¦न¦योष॑णाम्¦व॒रः¦न¦योनि᳚म्¦आ॒ऽसद᳚म् || |
| सवी॒रोद॑क्ष॒साध॑नो॒वियस्त॒स्तम्भ॒रोद॑सी | हरिः॑प॒वित्रे᳚,अव्यतवे॒धानयोनि॑मा॒सद᳚म् || 15 || सः¦वी॒रः¦द॒क्ष॒ऽसाध॑नः¦वि¦यः¦त॒स्तम्भ॑¦रोद॑सी॒ इति॑ | हरिः॑¦प॒वित्रे᳚¦अ॒व्य॒त॒¦वे॒धाः¦न¦योनि᳚म्¦आ॒ऽसद᳚म् || |
| अव्यो॒वारे᳚भिःपवते॒सोमो॒गव्ये॒,अधि॑त्व॒चि | कनि॑क्रद॒द्वृषा॒हरि॒रिन्द्र॑स्या॒भ्ये᳚तिनिष्कृ॒तम् || 16 || अव्यः॑¦वारे᳚भिः¦प॒व॒ते॒¦सोमः॑¦गव्ये᳚¦अधि॑¦त्व॒चि | कनि॑क्रदत्¦वृषा᳚¦हरिः॑¦इन्द्र॑स्य¦अ॒भि¦ए॒ति॒¦निः॒ऽकृ॒तम् || |
| [102] क्राणाशिशुरित्यष्टर्चस्य सूक्तस्याप्त्यस्त्रितः पवमानसोमउष्णिक् |{मंडल:9, सूक्त:102}{अनुवाक:6, सूक्त:6}{अष्टक:7, अध्याय:5} |
| क्रा॒णाशिशु᳚र्म॒हीनां᳚हि॒न्वन्नृ॒तस्य॒दीधि॑तिम् | विश्वा॒परि॑प्रि॒याभु॑व॒दध॑द्वि॒ता || 1 || वर्ग:4 क्रा॒णा¦शिशुः॑¦म॒हीना᳚म्¦हि॒न्वन्¦ऋ॒तस्य॑¦दीधि॑तिम् | विश्वा᳚¦परि॑¦प्रि॒या¦भु॒व॒त्¦अध॑¦द्वि॒ता || |
| उप॑त्रि॒तस्य॑पा॒ष्यो॒३॑(ओ॒)रभ॑क्त॒यद्गुहा᳚प॒दम् | य॒ज्ञस्य॑स॒प्तधाम॑भि॒रध॑प्रि॒यम् || 2 || उप॑¦त्रि॒तस्य॑¦पा॒ष्योः᳚¦अभ॑क्त¦यत्¦गुहा᳚¦प॒दम् | य॒ज्ञस्य॑¦स॒प्त¦धाम॑ऽभिः¦अध॑¦प्रि॒यम् || |
| त्रीणि॑त्रि॒तस्य॒धार॑यापृ॒ष्ठेष्वेर॑यार॒यिम् | मिमी᳚ते,अस्य॒योज॑ना॒विसु॒क्रतुः॑ || 3 || त्रीणि॑¦त्रि॒तस्य॑¦धार॑या¦पृ॒ष्ठेषु॑¦आ¦ई॒र॒य॒¦र॒यिम् | मिमी᳚ते¦अ॒स्य॒¦योज॑ना¦वि¦सु॒ऽक्रतुः॑ || |
| ज॒ज्ञा॒नंस॒प्तमा॒तरो᳚वे॒धाम॑शासतश्रि॒ये | अ॒यंध्रु॒वोर॑यी॒णांचिके᳚त॒यत् || 4 || ज॒ज्ञा॒नम्¦स॒प्त¦मा॒तरः॑¦वे॒धाम्¦अ॒शा॒स॒त॒¦श्रि॒ये | अ॒यम्¦ध्रु॒वः¦र॒यी॒णाम्¦चिके᳚त¦यत् || |
| अ॒स्यव्र॒तेस॒जोष॑सो॒विश्वे᳚दे॒वासो᳚,अ॒द्रुहः॑ | स्पा॒र्हाभ॑वन्ति॒रन्त॑योजु॒षन्त॒यत् || 5 || अ॒स्य¦व्र॒ते¦स॒ऽजोष॑सः¦विश्वे᳚¦दे॒वासः॑¦अ॒द्रुहः॑ | स्पा॒र्हाः¦भ॒व॒न्ति॒¦रन्त॑यः¦जु॒षन्त॑¦यत् || |
| यमी॒गर्भ॑मृता॒वृधो᳚दृ॒शेचारु॒मजी᳚जनन् | क॒विंमंहि॑ष्ठमध्व॒रेपु॑रु॒स्पृह᳚म् || 6 || वर्ग:5 यम्¦ई॒मिति॑¦गर्भ᳚म्¦ऋ॒त॒ऽवृधः॑¦दृ॒शे¦चारु᳚म्¦अजी᳚जनन् | क॒विम्¦मंहि॑ष्ठम्¦अ॒ध्व॒रे¦पु॒रु॒ऽस्पृह᳚म् || |
| स॒मी॒ची॒ने,अ॒भित्मना᳚य॒ह्वी,ऋ॒तस्य॑मा॒तरा᳚ | त॒न्वा॒नाय॒ज्ञमा᳚नु॒षग्यद᳚ञ्ज॒ते || 7 || स॒मी॒ची॒ने इति॑ स॒म्ऽई॒ची॒ने¦अ॒भि¦त्मना᳚¦य॒ह्वी इति॑¦ऋ॒तस्य॑¦मा॒तरा᳚ | त॒न्वा॒नाः¦य॒ज्ञम्¦आ॒नु॒षक्¦यत्¦अं॒ज॒ते || |
| क्रत्वा᳚शु॒क्रेभि॑र॒क्षभि᳚रृ॒णोरप᳚व्र॒जंदि॒वः | हि॒न्वन्नृ॒तस्य॒दीधि॑तिं॒प्राध्व॒रे || 8 || क्रत्वा᳚¦शु॒क्रेभिः॑¦अ॒क्षऽभिः॑¦ऋ॒णोः¦अप॑¦व्र॒जम्¦दि॒वः | हि॒न्वन्¦ऋ॒तस्य॑¦दीदि॑तिम्¦प्र¦अ॒ध्व॒रे || |
| [103] प्रपुनानायेति षडृचस्य सूक्तस्याप्त्योद्वितः पवमानसोमउष्णिक् |{मंडल:9, सूक्त:103}{अनुवाक:6, सूक्त:7}{अष्टक:7, अध्याय:5} |
| प्रपु॑ना॒नाय॑वे॒धसे॒सोमा᳚य॒वच॒उद्य॑तम् | भृ॒तिंनभ॑राम॒तिभि॒र्जुजो᳚षते || 1 || वर्ग:6 प्र¦पु॒ना॒नाय॑¦वे॒धसे᳚¦सोमा᳚य¦वचः॑¦उत्ऽय॑तम् | भृ॒तिम्¦न¦भ॒र॒¦म॒तिऽभिः॑¦जुजो᳚षते || |
| परि॒वारा᳚ण्य॒व्यया॒गोभि॑रञ्जा॒नो,अ॑र्षति | त्रीष॒धस्था᳚पुना॒नःकृ॑णुते॒हरिः॑ || 2 || परि॑¦वारा᳚णि¦अ॒व्यया᳚¦गोभिः॑¦अं॒जा॒नः¦अ॒र्ष॒ति॒ | त्री¦स॒धऽस्था᳚¦पु॒ना॒नः¦कृ॒णु॒ते॒¦हरिः॑ || |
| परि॒कोशं᳚मधु॒श्चुत॑म॒व्यये॒वारे᳚,अर्षति | अ॒भिवाणी॒रृषी᳚णांस॒प्तनू᳚षत || 3 || परि॑¦कोश᳚म्¦म॒धु॒ऽश्चुत᳚म्¦अ॒व्यये᳚¦वारे᳚¦अ॒र्ष॒ति॒ | अ॒भि¦वाणीः᳚¦ऋषी᳚णाम्¦स॒प्त¦नू॒ष॒त॒ || |
| परि॑णे॒ताम॑ती॒नांवि॒श्वदे᳚वो॒,अदा᳚भ्यः | सोमः॑पुना॒नश्च॒म्वो᳚र्विश॒द्धरिः॑ || 4 || परि॑¦ने॒ता¦म॒ती॒नाम्¦वि॒श्वऽदे᳚वः¦अदा᳚भ्यः | सोमः॑¦पु॒ना॒नः¦च॒म्वोः᳚¦वि॒श॒त्¦हरिः॑ || |
| परि॒दैवी॒रनु॑स्व॒धा,इन्द्रे᳚णयाहिस॒रथ᳚म् | पु॒ना॒नोवा॒घद्वा॒घद्भि॒रम॑र्त्यः || 5 || परि॑¦दैवीः᳚¦अनु॑¦स्व॒धाः¦इन्द्रे᳚ण¦या॒हि॒¦स॒ऽरथ᳚म् | पु॒ना॒नः¦वा॒घत्¦वा॒घत्ऽभिः॑¦अम॑र्त्यः || |
| परि॒सप्ति॒र्नवा᳚ज॒युर्दे॒वोदे॒वेभ्यः॑सु॒तः | व्या॒न॒शिःपव॑मानो॒विधा᳚वति || 6 || परि॑¦सप्तिः॑¦न¦वा॒ज॒ऽयुः¦दे॒वः¦दे॒वेभ्यः॑¦सु॒तः | वि॒ऽआ॒न॒शिः¦पव॑मानः¦वि¦धा॒व॒ति॒ || |
| [104] सखायइति षडृचस्य सूक्तस्य काश्यपौपर्वतनारदौ पवमान सोमउष्णिक् (शिखंडिन्यावप्सरसौऋषिकेत्रपाक्षिकं किंचपर्वतनारदौकाण्वावपि) |{मंडल:9, सूक्त:104}{अनुवाक:7, सूक्त:1}{अष्टक:7, अध्याय:5} |
| सखा᳚य॒आनिषी᳚दतपुना॒नाय॒प्रगा᳚यत | शिशुं॒नय॒ज्ञैःपरि॑भूषतश्रि॒ये || 1 || वर्ग:7 सखा᳚यः¦आ¦नि¦सी॒द॒त॒¦पु॒ना॒नाय॑¦प्र¦गा॒य॒त॒ | शिशु᳚म्¦न¦य॒ज्ञैः¦परि॑¦भू॒ष॒त॒¦श्रि॒ये || |
| समी᳚व॒त्संनमा॒तृभिः॑सृ॒जता᳚गय॒साध॑नम् | दे॒वा॒व्य१॑(अं॒)मद॑म॒भिद्विश॑वसम् || 2 || सम्¦ई॒मिति॑¦व॒त्सम्¦न¦मा॒तृऽभिः॑¦सृ॒जत॑¦ग॒य॒ऽसाध॑नम् | दे॒व॒।आ॒व्य᳚म्¦मद᳚म्¦अ॒भि¦द्विऽश॑वसम् || |
| पु॒नाता᳚दक्ष॒साध॑नं॒यथा॒शर्धा᳚यवी॒तये᳚ | यथा᳚मि॒त्राय॒वरु॑णाय॒शंत॑मः || 3 || पु॒नात॑¦द॒क्ष॒ऽसाध॑नम्¦यथा᳚¦शर्धा᳚य¦वी॒तये᳚ | यथा᳚¦मि॒त्राय॑¦वरु॑णाय¦शम्ऽत॑मः || |
| अ॒स्मभ्यं᳚त्वावसु॒विद॑म॒भिवाणी᳚रनूषत | गोभि॑ष्टे॒वर्ण॑म॒भिवा᳚सयामसि || 4 || अ॒स्मभ्य᳚म्¦त्वा॒¦व॒सु॒ऽविद᳚म्¦अ॒भि¦वाणीः᳚¦अ॒नू॒ष॒त॒ | गोभिः॑¦ते॒¦वर्ण᳚म्¦अ॒भि¦वा॒स॒या॒म॒सि॒ || |
| सनो᳚मदानांपत॒इन्दो᳚दे॒वप्स॑रा,असि | सखे᳚व॒सख्ये᳚गातु॒वित्त॑मोभव || 5 || सः¦नः॒¦म॒दा॒ना॒म्¦प॒ते॒¦इन्दो॒ इति॑¦दे॒वऽप्स॑राः¦अ॒सि॒ | सखा᳚ऽइव¦सख्ये᳚¦गा॒तु॒वित्ऽत॑मः¦भ॒व॒ || |
| सने᳚मिकृ॒ध्य१॑(अ॒)स्मदार॒क्षसं॒कंचि॑द॒त्रिण᳚म् | अपादे᳚वंद्व॒युमंहो᳚युयोधिनः || 6 || सने᳚मि¦कृ॒धि¦अ॒स्मत्¦आ¦र॒क्षस᳚म्¦कम्¦चि॒त्¦अ॒त्रिण᳚म् | अप॑¦अदे᳚वम्¦द्व॒युम्¦अंहः॑¦यु॒यो॒धि॒¦नः॒ || |
| [105] तंवइति षडृचस्य सूक्तस्य पर्वतनारदौ पवमानसोमउष्णिक् |{मंडल:9, सूक्त:105}{अनुवाक:7, सूक्त:2}{अष्टक:7, अध्याय:5} |
| तंवः॑सखायो॒मदा᳚यपुना॒नम॒भिगा᳚यत | शिशुं॒नय॒ज्ञैःस्व॑दयन्तगू॒र्तिभिः॑ || 1 || वर्ग:8 तम्¦वः॒¦स॒खा॒यः॒¦मदा᳚य¦पु॒ना॒नम्¦अ॒भि¦गा॒य॒त॒ | शिशु᳚म्¦न¦य॒ज्ञैः¦स्व॒द॒य॒न्त॒¦गू॒र्तिऽभिः॑ || |
| संव॒त्सइ॑वमा॒तृभि॒रिन्दु᳚र्हिन्वा॒नो,अ॑ज्यते | दे॒वा॒वीर्मदो᳚म॒तिभिः॒परि॑ष्कृतः || 2 || सम्¦व॒त्सःऽइ᳚व¦मा॒तृऽभिः॑¦इन्दुः॑¦हि॒न्वा॒नः¦अ॒ज्य॒ते॒ | दे॒व॒।आ॒वीः¦मदः॑¦म॒तिऽभिः॑¦परि॑ऽकृतः || |
| अ॒यंदक्षा᳚य॒साध॑नो॒ऽयंशर्धा᳚यवी॒तये᳚ | अ॒यंदे॒वेभ्यो॒मधु॑मत्तमःसु॒तः || 3 || अ॒यम्¦दक्षा᳚य¦साध॑नः¦अ॒यम्¦शर्धा᳚य¦वी॒तये᳚ | अ॒यम्¦दे॒वेभ्यः॑¦मधु॑मत्ऽतमः¦सु॒तः || |
| गोम᳚न्नइन्दो॒,अश्व॑वत्सु॒तःसु॑दक्षधन्व | शुचिं᳚ते॒वर्ण॒मधि॒गोषु॑दीधरम् || 4 || गोऽम॑त्¦नः॒¦इ॒न्दो॒ इति॑¦अश्व॑ऽवत्¦सु॒तः¦सु॒ऽद॒क्ष॒¦ध॒न्व॒ | शुचि᳚म्¦ते॒¦वर्ण᳚म्¦अधि॑¦गोषु॑¦दी॒ध॒र॒म् || |
| सनो᳚हरीणांपत॒इन्दो᳚दे॒वप्स॑रस्तमः | सखे᳚व॒सख्ये॒नर्यो᳚रु॒चेभ॑व || 5 || सः¦नः॒¦ह॒री॒णा॒म्¦प॒ते॒¦इन्दो॒ इति॑¦दे॒वप्स॑रःऽतमः | सखा᳚ऽइव¦सख्ये᳚¦नर्यः॑¦रु॒चे¦भ॒व॒ || |
| सने᳚मि॒त्वम॒स्मदाँ,अदे᳚वं॒कंचि॑द॒त्रिण᳚म् | सा॒ह्वाँ,इ᳚न्दो॒परि॒बाधो॒,अप॑द्व॒युम् || 6 || सने᳚मि¦त्वम्¦अ॒स्मत्¦आ¦अदे᳚वम्¦कम्¦चि॒त्¦अ॒त्रिण᳚म् | सा॒ह्वान्¦इ॒न्दो॒ इति॑¦परि॑¦बाधः॑¦अप॑¦द्व॒युम् || |
| [106] इंद्रमच्छेति चतुर्दशर्चस्यसूक्तस्याद्यानांतिसृणां चाक्षुषोग्निः चतुर्थ्यादितिसृणां मानवश्चक्षुः सप्तम्यादितिसृणामाप्सवोमनुः दशम्यादिपंचानां चाक्षुषोग्निः पवमान सोमउष्णिक् |{मंडल:9, सूक्त:106}{अनुवाक:7, सूक्त:3}{अष्टक:7, अध्याय:5} |
| इन्द्र॒मच्छ॑सु॒ता,इ॒मेवृष॑णंयन्तु॒हर॑यः | श्रु॒ष्टीजा॒तास॒इन्द॑वःस्व॒र्विदः॑ || 1 || वर्ग:9 इन्द्र᳚म्¦अच्छ॑¦सु॒ताः¦इ॒मे¦वृष॑णम्¦य॒न्तु॒¦हर॑यः | श्रु॒ष्टी¦जा॒तासः॑¦इन्द॑वः¦स्वः॒ऽविदः॑ || |
| अ॒यंभरा᳚यसान॒सिरिन्द्रा᳚यपवतेसु॒तः | सोमो॒जैत्र॑स्यचेतति॒यथा᳚वि॒दे || 2 || अ॒यम्¦भरा᳚य¦सा॒न॒सिः¦इन्द्रा᳚य¦प॒व॒ते॒¦सु॒तः | सोमः॑¦जैत्र॑स्य¦चे॒त॒ति॒¦यथा᳚¦वि॒दे || |
| अ॒स्येदिन्द्रो॒मदे॒ष्वाग्रा॒भंगृ॑भ्णीतसान॒सिम् | वज्रं᳚च॒वृष॑णंभर॒त्सम॑प्सु॒जित् || 3 || अ॒स्य¦इत्¦इन्द्रः॑¦मदे᳚षु¦आ¦ग्रा॒भम्¦गृ॒भ्णी॒त॒¦सा॒न॒सिम् | वज्र᳚म्¦च॒¦वृष॑णम्¦भ॒र॒त्¦सम्¦अ॒प्सु॒ऽजित् || |
| प्रध᳚न्वासोम॒जागृ॑वि॒रिन्द्रा᳚येन्दो॒परि॑स्रव | द्यु॒मन्तं॒शुष्म॒माभ॑रास्व॒र्विद᳚म् || 4 || प्र¦ध॒न्व॒¦सो॒म॒¦जागृ॑विः¦इन्द्रा᳚य¦इ॒न्दो॒ इति॑¦परि॑¦स्र॒व॒ | द्यु॒ऽमन्त᳚म्¦शुष्म᳚म्¦आ¦भ॒र॒¦स्वः॒ऽविद᳚म् || |
| इन्द्रा᳚य॒वृष॑णं॒मदं॒पव॑स्ववि॒श्वद॑र्शतः | स॒हस्र॑यामापथि॒कृद्वि॑चक्ष॒णः || 5 || इन्द्रा᳚य¦वृष॑णम्¦मद᳚म्¦पव॑स्व¦वि॒श्वऽद॑र्शतः | स॒हस्र॑ऽयामा¦प॒थि॒ऽकृत्¦वि॒ऽच॒क्ष॒णः || |
| अ॒स्मभ्यं᳚गातु॒वित्त॑मोदे॒वेभ्यो॒मधु॑मत्तमः | स॒हस्रं᳚याहिप॒थिभिः॒कनि॑क्रदत् || 6 || वर्ग:10 अ॒स्मभ्य᳚म्¦गा॒तु॒वित्ऽत॑मः¦दे॒वेभ्यः॑¦मधु॑मत्ऽतमः | स॒हस्र᳚म्¦या॒हि॒¦प॒थिऽभिः॑¦कनि॑क्रदत् || |
| पव॑स्वदे॒ववी᳚तय॒इन्दो॒धारा᳚भि॒रोज॑सा | आक॒लशं॒मधु॑मान्त्सोमनःसदः || 7 || पव॑स्व¦दे॒वऽवी᳚तये¦इन्दो॒ इति॑¦धारा᳚भिः¦ओज॑सा | आ¦क॒लश᳚म्¦मधु॑ऽमान्¦सो॒म॒¦नः॒¦स॒दः॒ || |
| तव॑द्र॒प्सा,उ॑द॒प्रुत॒इन्द्रं॒मदा᳚यवावृधुः | त्वांदे॒वासो᳚,अ॒मृता᳚य॒कंप॑पुः || 8 || तव॑¦द्र॒प्साः¦उ॒द॒ऽप्रुतः॑¦इन्द्र᳚म्¦मदा᳚य¦व॒वृ॒धुः॒ | त्वाम्¦दे॒वासः॑¦अ॒मृता᳚य¦कम्¦प॒पुः॒ || |
| आनः॑सुतासइन्दवःपुना॒नाधा᳚वतार॒यिम् | वृ॒ष्टिद्या᳚वोरीत्यापःस्व॒र्विदः॑ || 9 || आ¦नः॒¦सु॒ता॒सः॒¦इ॒न्द॒वः॒¦पु॒ना॒नाः¦धा॒व॒त॒¦र॒यिम् | वृ॒ष्टिऽद्या᳚वः¦री॒ति॒ऽआ॒पः॒¦स्वः॒ऽविदः॑ || |
| सोमः॑पुना॒नऊ॒र्मिणाव्यो॒वारं॒विधा᳚वति | अग्रे᳚वा॒चःपव॑मानः॒कनि॑क्रदत् || 10 || सोमः॑¦पु॒ना॒नः¦ऊ॒र्मिणा᳚¦अव्यः॑¦वार᳚म्¦वि¦धा॒व॒ति॒ | अग्रे᳚¦वा॒चः¦पव॑मानः¦कनि॑क्रदत् || |
| धी॒भिर्हि᳚न्वन्तिवा॒जिनं॒वने॒क्रीळ᳚न्त॒मत्य॑विम् | अ॒भित्रि॑पृ॒ष्ठंम॒तयः॒सम॑स्वरन् || 11 || वर्ग:11 धी॒भिः¦हि॒न्व॒न्ति॒¦वा॒जिन᳚म्¦वने᳚¦क्रीळ᳚न्तम्¦अति॑।आविम् | अ॒भि¦त्रि॒ऽपृ॒ष्ठम्¦म॒तयः॑¦सम्¦अ॒स्व॒र॒न् || |
| अस॑र्जिक॒लशाँ᳚,अ॒भिमी॒ळ्हेसप्ति॒र्नवा᳚ज॒युः | पु॒ना॒नोवाचं᳚ज॒नय᳚न्नसिष्यदत् || 12 || अस॑र्जि¦क॒लशा᳚न्¦अ॒भि¦मी॒ळ्हे¦सप्तिः॑¦न¦वा॒ज॒ऽयुः | पु॒ना॒नः¦वाच᳚म्¦ज॒नय॑न्¦अ॒सि॒स्य॒द॒त् || |
| पव॑तेहर्य॒तोहरि॒रति॒ह्वरां᳚सि॒रंह्या᳚ | अ॒भ्यर्ष᳚न्त्स्तो॒तृभ्यो᳚वी॒रव॒द्यशः॑ || 13 || पव॑ते¦ह॒र्य॒तः¦हरिः॑¦अति॑¦ह्वरां᳚सि¦रंह्या᳚ | अ॒भि॒।आर्ष॑न्¦स्तो॒तृऽभ्यः॑¦वी॒रऽव॑त्¦यशः॑ || |
| अ॒याप॑वस्वदेव॒युर्मधो॒र्धारा᳚,असृक्षत | रेभ᳚न्प॒वित्रं॒पर्ये᳚षिवि॒श्वतः॑ || 14 || अ॒या¦प॒व॒स्व॒¦दे॒व॒ऽयुः¦मधोः᳚¦धाराः᳚¦अ॒सृ॒क्ष॒त॒ | रेभ॑न्¦प॒वित्र᳚म्¦परि॑¦ए॒षि॒¦वि॒श्वतः॑ || |
| [107] परीतइति षड्विंशत्यृचस्य सूक्तस्य बार्हस्पत्यो भरद्वाजो मारीचः कश्यपो राहूगणो गोतमोभौमोत्रिर्गाथिनो विश्वामित्रो भार्गवोजमदग्निः मैत्रावरुणिर्वसिष्ट ऋषयः पवमान सोमोदेवता आद्याचतुर्थीषष्ट्यष्टमी नवमीदशमी द्वादशी चतुर्दश्यः सप्तदश्यायश्चयुजः बृहत्यः द्वितीयापंचमी सप्तम्येकादशी त्रयोदशी पंचदश्योष्टादश्यादि युजश्चसतोबृहत्यः षोडशीचद्विपदाविराट् |{मंडल:9, सूक्त:107}{अनुवाक:7, सूक्त:4}{अष्टक:7, अध्याय:5} |
| परी॒तोषि᳚ञ्चतासु॒तंसोमो॒यउ॑त्त॒मंह॒विः | द॒ध॒न्वाँऽयोनर्यो᳚,अ॒प्स्व१॑(अ॒)न्तरासु॒षाव॒सोम॒मद्रि॑भिः || 1 || वर्ग:12 परि॑¦इ॒तः¦सिं॒च॒त॒¦सु॒तम्¦सोमः॑¦यः¦उ॒त्ऽत॒मम्¦ह॒विः | |
| नू॒नंपु॑ना॒नोऽवि॑भिः॒परि॑स्र॒वाद॑ब्धःसुर॒भिन्त॑रः | सु॒तेचि॑त्त्वा॒प्सुम॑दामो॒,अन्ध॑साश्री॒णन्तो॒गोभि॒रुत्त॑रम् || 2 || नू॒नम्¦पु॒ना॒नः¦अवि॑ऽभिः¦परि॑¦स्र॒व॒¦अद॑ब्धः¦सु॒र॒भिम्ऽत॑रः | |
| परि॑सुवा॒नश्चक्ष॑सेदेव॒माद॑नः॒क्रतु॒रिन्दु᳚र्विचक्ष॒णः || 3 || |
| पु॒ना॒नःसो᳚म॒धार॑या॒पोवसा᳚नो,अर्षसि | आर॑त्न॒धायोनि॑मृ॒तस्य॑सीद॒स्युत्सो᳚देवहिर॒ण्ययः॑ || 4 || पु॒ना॒नः¦सो॒म॒¦धार॑या¦अ॒पः¦वसा᳚नः¦अ॒र्ष॒सि॒ | |
| दु॒हा॒नऊध॑र्दि॒व्यंमधु॑प्रि॒यंप्र॒त्नंस॒धस्थ॒मास॑दत् | आ॒पृच्छ्यं᳚ध॒रुणं᳚वा॒ज्य॑र्षति॒नृभि॑र्धू॒तोवि॑चक्ष॒णः || 5 || दु॒हा॒नः¦ऊधः॑¦दि॒व्यम्¦मधु॑¦प्रि॒यम्¦प्र॒त्नम्¦स॒धऽस्थ᳚म्¦आ¦अ॒स॒द॒त् | |
| पु॒ना॒नःसो᳚म॒जागृ॑वि॒रव्यो॒वारे॒परि॑प्रि॒यः | त्वंविप्रो᳚,अभ॒वोऽङ्गि॑रस्तमो॒मध्वा᳚य॒ज्ञंमि॑मिक्षनः || 6 || वर्ग:13 पु॒ना॒नः¦सो॒म॒¦जागृ॑विः¦अव्यः॑¦वारे᳚¦परि॑¦प्रि॒यः | |
| सोमो᳚मी॒ढ्वान्प॑वतेगातु॒वित्त॑म॒ऋषि॒र्विप्रो᳚विचक्ष॒णः | त्वंक॒विर॑भवोदेव॒वीत॑म॒आसूर्यं᳚रोहयोदि॒वि || 7 || सोमः॑¦मी॒ढ्वान्¦प॒व॒ते॒¦गा॒तु॒वित्ऽत॑मः¦ऋषिः॑¦विप्रः॑¦वि॒ऽच॒क्ष॒णः | |
| सोम॑उषुवा॒णःसो॒तृभि॒रधि॒ष्णुभि॒रवी᳚नाम् | अश्व॑येवह॒रिता᳚याति॒धार॑याम॒न्द्रया᳚याति॒धार॑या || 8 || सोमः॑¦ऊँ॒ इति॑¦सु॒वा॒नः¦सो॒तृऽभिः॑¦अधि॑¦स्नुऽभिः॑¦अवी᳚नाम् | |
| अ॒नू॒पेगोमा॒न्गोभि॑रक्षाः॒सोमो᳚दु॒ग्धाभि॑रक्षाः | स॒मु॒द्रंनसं॒वर॑णान्यग्मन्म॒न्दीमदा᳚यतोशते || 9 || अ॒नू॒पे¦गोऽमा᳚न्¦गोभिः॑¦अ॒क्षा॒रिति॑¦सोमः॑¦दु॒ग्धाभिः॑¦अ॒क्षा॒रिति॑ | |
| आसो᳚मसुवा॒नो,अद्रि॑भिस्ति॒रोवारा᳚ण्य॒व्यया᳚ | जनो॒नपु॒रिच॒म्वो᳚र्विश॒द्धरिः॒सदो॒वने᳚षुदधिषे || 10 || आ¦सो॒म॒¦सु॒वा॒नः¦अद्रि॑ऽभिः¦ति॒रः¦वारा᳚णि¦अ॒व्यया᳚ | |
| समा᳚मृजेति॒रो,अण्वा᳚निमे॒ष्यो᳚मी॒ळ्हेसप्ति॒र्नवा᳚ज॒युः | अ॒नु॒माद्यः॒पव॑मानोमनी॒षिभिः॒सोमो॒विप्रे᳚भि॒रृक्व॑भिः || 11 || वर्ग:14 सः¦म॒मृ॒जे॒¦ति॒रः¦अण्वा᳚नि¦मे॒ष्यः॑¦मी॒ळ्हे¦सप्तिः॑¦न¦वा॒ज॒ऽयुः | |
| प्रसो᳚मदे॒ववी᳚तये॒सिन्धु॒र्नपि॑प्ये॒,अर्ण॑सा | अं॒शोःपय॑सामदि॒रोनजागृ॑वि॒रच्छा॒कोशं᳚मधु॒श्चुत᳚म् || 12 || प्र¦सो॒म॒¦दे॒वऽवी᳚तये¦सिन्धुः॑¦न¦पि॒प्ये॒¦अर्ण॑सा | |
| आह᳚र्य॒तो,अर्जु॑ने॒,अत्के᳚,अव्यतप्रि॒यःसू॒नुर्नमर्ज्यः॑ | तमीं᳚हिन्वन्त्य॒पसो॒यथा॒रथं᳚न॒दीष्वागभ॑स्त्योः || 13 || आ¦ह॒र्य॒तः¦अर्जु॑ने¦अत्के᳚¦अ॒व्य॒त॒¦प्रि॒यः¦सू॒नुः¦न¦मर्ज्यः॑ | |
| अ॒भिसोमा᳚सआ॒यवः॒पव᳚न्ते॒मद्यं॒मद᳚म् | स॒मु॒द्रस्याधि॑वि॒ष्टपि॑मनी॒षिणो᳚मत्स॒रासः॑स्व॒र्विदः॑ || 14 || अ॒भि¦सोमा᳚सः¦आ॒यवः॑¦पव᳚न्ते¦मद्य᳚म्¦मद᳚म् | |
| तर॑त्समु॒द्रंपव॑मानऊ॒र्मिणा॒राजा᳚दे॒वऋ॒तंबृ॒हत् | अर्ष᳚न्मि॒त्रस्य॒वरु॑णस्य॒धर्म॑णा॒प्रहि᳚न्वा॒नऋ॒तंबृ॒हत् || 15 || तर॑त्¦स॒मु॒द्रम्¦पव॑मानः¦ऊ॒र्मिणा᳚¦राजा᳚¦दे॒वः¦ऋ॒तम्¦बृ॒हत् | |
| नृभि᳚र्येमा॒नोह᳚र्य॒तोवि॑चक्ष॒णोराजा᳚दे॒वःस॑मु॒द्रियः॑ || 16 || वर्ग:15 नृऽभिः॑¦ये॒मा॒नः¦ह॒र्य॒तः¦वि॒ऽच॒क्ष॒णः¦राजा᳚¦दे॒वः¦स॒मु॒द्रियः॑ || |
| इन्द्रा᳚यपवते॒मदः॒सोमो᳚म॒रुत्व॑तेसु॒तः | स॒हस्र॑धारो॒,अत्यव्य॑मर्षति॒तमी᳚मृजन्त्या॒यवः॑ || 17 || इन्द्रा᳚य¦प॒व॒ते॒¦मदः॑¦सोमः॑¦म॒रुत्व॑ते¦सु॒तः | |
| पु॒ना॒नश्च॒मूज॒नय᳚न्म॒तिंक॒विःसोमो᳚दे॒वेषु॑रण्यति | अ॒पोवसा᳚नः॒परि॒गोभि॒रुत्त॑रः॒सीद॒न्वने᳚ष्वव्यत || 18 || पु॒ना॒नः¦च॒मू इति॑¦ज॒नय॑न्¦म॒तिम्¦क॒विः¦सोमः॑¦दे॒वेषु॑¦र॒ण्य॒ति॒ | |
| तवा॒हंसो᳚मरारणस॒ख्यइ᳚न्दोदि॒वेदि॑वे | पु॒रूणि॑बभ्रो॒निच॑रन्ति॒मामव॑परि॒धीँरति॒ताँ,इ॑हि || 19 || तव॑¦अ॒हम्¦सो॒म॒¦र॒र॒ण॒¦स॒ख्ये¦इ॒न्दो॒ इति॑¦दि॒वेऽदि॑वे | |
| उ॒ताहंनक्त॑मु॒तसो᳚मते॒दिवा᳚स॒ख्याय॑बभ्र॒ऊध॑नि | घृ॒णातप᳚न्त॒मति॒सूर्यं᳚प॒रःश॑कु॒ना,इ॑वपप्तिम || 20 || उ॒त¦अ॒हम्¦नक्त᳚म्¦उ॒त¦सो॒म॒¦ते॒¦दिवा᳚¦स॒ख्याय॑¦ब॒भ्रो॒ इति॑¦ऊध॑नि | |
| मृ॒ज्यमा᳚नःसुहस्त्यसमु॒द्रेवाच॑मिन्वसि | र॒यिंपि॒शङ्गं᳚बहु॒लंपु॑रु॒स्पृहं॒पव॑माना॒भ्य॑र्षसि || 21 || वर्ग:16 मृ॒ज्यमा᳚नः¦सु॒ऽह॒स्त्य॒¦स॒मु॒द्रे¦वाच᳚म्¦इ॒न्व॒सि॒ | |
| मृ॒जा॒नोवारे॒पव॑मानो,अ॒व्यये॒वृषाव॑चक्रदो॒वने᳚ | दे॒वानां᳚सोमपवमाननिष्कृ॒तंगोभि॑रञ्जा॒नो,अ॑र्षसि || 22 || मृ॒जा॒नः¦वारे᳚¦पव॑मानः¦अ॒व्यये᳚¦वृषा᳚¦अव॑¦च॒क्र॒दः॒¦वने᳚ | |
| पव॑स्व॒वाज॑सातये॒ऽभिविश्वा᳚नि॒काव्या᳚ | त्वंस॑मु॒द्रंप्र॑थ॒मोविधा᳚रयोदे॒वेभ्यः॑सोममत्स॒रः || 23 || पव॑स्व¦वाज॑ऽसातये¦अ॒भि¦विश्वा᳚नि¦काव्या᳚ | |
| सतूप॑वस्व॒परि॒पार्थि॑वं॒रजो᳚दि॒व्याच॑सोम॒धर्म॑भिः | त्वांविप्रा᳚सोम॒तिभि᳚र्विचक्षणशु॒भ्रंहि᳚न्वन्तिधी॒तिभिः॑ || 24 || सः¦तु¦प॒व॒स्व॒¦परि॑¦पार्थि॑वम्¦रजः॑¦दि॒व्या¦च॒¦सो॒म॒¦धर्म॑ऽभिः | |
| पव॑माना,असृक्षतप॒वित्र॒मति॒धार॑या | म॒रुत्व᳚न्तोमत्स॒रा,इ᳚न्द्रि॒याहया᳚मे॒धाम॒भिप्रयां᳚सिच || 25 || पव॑मानाः¦अ॒सृ॒क्ष॒त॒¦प॒वित्र᳚म्¦अति॑¦धार॑या | |
| अ॒पोवसा᳚नः॒परि॒कोश॑मर्ष॒तीन्दु᳚र्हिया॒नःसो॒तृभिः॑ | ज॒नय॒ञ्ज्योति᳚र्म॒न्दना᳚,अवीवश॒द्गाःकृ᳚ण्वा॒नोननि॒र्णिज᳚म् || 26 || अ॒पः¦वसा᳚नः¦परि॑¦कोश᳚म्¦अ॒र्ष॒ति॒¦इन्दुः॑¦हि॒या॒नः¦सो॒तृऽभिः॑ | |
| [108] पवस्वेति षोळशर्चस्य सूक्तस्याद्ययोर्द्वयोः शाक्तयोगौरिवीतिः तृतीयायावसिष्ठःशक्तिः चतुर्थ्यादिद्वयोरांगिरसउरुः षष्ठ्यादिद्वयोर्भारद्वाजऋजिश्वः अष्टम्यादिद्वयोरांगिरस ऊर्ध्वसद्मः दशम्यादिद्वयोरांगिरसः कृतयशः द्वादश्यादिद्वयोरृणंचयः चतुर्दश्यादितिसृणांवासिष्ठःशक्तिः इत्य ऋषयः पवमानसोमोदेवता अयुजः ककुभो युजःसतोबृहत्यः ससुन्वेय इति यवमध्यागायत्री |{मंडल:9, सूक्त:108}{अनुवाक:7, सूक्त:5}{अष्टक:7, अध्याय:5} |
| पव॑स्व॒मधु॑मत्तम॒इन्द्रा᳚यसोमक्रतु॒वित्त॑मो॒मदः॑ | महि॑द्यु॒क्षत॑मो॒मदः॑ || 1 || वर्ग:17 पव॑स्व¦मधु॑मत्ऽतमः¦इन्द्रा᳚य¦सो॒म॒¦क्र॒तु॒वित्ऽत॑मः¦मदः॑ | महि॑¦द्यु॒क्षऽत॑मः¦मदः॑ || |
| यस्य॑तेपी॒त्वावृ॑ष॒भोवृ॑षा॒यते॒ऽस्यपी॒तास्व॒र्विदः॑ | ससु॒प्रके᳚तो,अ॒भ्य॑क्रमी॒दिषोऽच्छा॒वाजं॒नैत॑शः || 2 || यस्य॑¦ते॒¦पी॒त्वा¦वृ॒ष॒भः¦वृ॒ष॒ऽयते᳚¦अ॒स्य¦पी॒ता¦स्वः॒ऽविदः॑ | |
| त्वंह्य१॑(अ॒)ङ्गदैव्या॒पव॑मान॒जनि॑मानिद्यु॒मत्त॑मः | अ॒मृ॒त॒त्वाय॑घो॒षयः॑ || 3 || त्वम्¦हि¦अ॒ङ्ग¦दैव्या᳚¦पव॑मान¦जनि॑मानि¦द्यु॒मत्ऽत॑मः | अ॒मृ॒त॒ऽत्वाय॑¦घो॒षयः॑ || |
| येना॒नव॑ग्वोद॒ध्यङ्ङ॑पोर्णु॒तेयेन॒विप्रा᳚सआपि॒रे | दे॒वानां᳚सु॒म्ने,अ॒मृत॑स्य॒चारु॑णो॒येन॒श्रवां᳚स्यान॒शुः || 4 || येन॑¦नव॑ऽग्वः¦द॒ध्यङ्¦अ॒प॒ऽऊ॒र्णु॒ते¦येन॑¦विप्रा᳚सः¦आ॒पि॒रे | |
| ए॒षस्यधार॑यासु॒तोऽव्यो॒वारे᳚भिःपवतेम॒दिन्त॑मः | क्रीळ᳚न्नू॒र्मिर॒पामि॑व || 5 || ए॒षः¦स्यः¦धार॑या¦सु॒तः¦अव्यः॑¦वारे᳚भिः¦प॒व॒ते॒¦म॒दिन्ऽत॑मः | क्रीळ॑न्¦ऊ॒र्मिः¦अ॒पाम्ऽइ᳚व || |
| यउ॒स्रिया॒,अप्या᳚,अ॒न्तरश्म॑नो॒निर्गा,अकृ᳚न्त॒दोज॑सा | अ॒भिव्र॒जंत॑त्निषे॒गव्य॒मश्व्यं᳚व॒र्मीव॑धृष्ण॒वारु॑ज || 6 || वर्ग:18 यः¦उ॒स्रियाः᳚¦अप्याः᳚¦अ॒न्तः¦अश्म॑नः¦निः¦गाः¦अकृ᳚न्तत्¦ओज॑सा | |
| आसो᳚ता॒परि॑षिञ्च॒ताश्वं॒नस्तोम॑म॒प्तुरं᳚रज॒स्तुर᳚म् | व॒न॒क्र॒क्षमु॑द॒प्रुत᳚म् || 7 || आ¦सो॒त॒¦परि॑¦सिं॒च॒त॒¦अश्व᳚म्¦न¦स्तोम᳚म्¦अ॒प्ऽतुर᳚म्¦र॒जः॒ऽतुर᳚म् | व॒न॒ऽक्र॒क्षम्¦उ॒द॒ऽप्रुत᳚म् || |
| स॒हस्र॑धारंवृष॒भंप॑यो॒वृधं᳚प्रि॒यंदे॒वाय॒जन्म॑ने | ऋ॒तेन॒यऋ॒तजा᳚तोविवावृ॒धेराजा᳚दे॒वऋ॒तंबृ॒हत् || 8 || स॒हस्र॑ऽधारम्¦वृ॒ष॒भम्¦प॒यः॒ऽवृध᳚म्¦प्रि॒यम्¦दे॒वाय॑¦जन्म॑ने | |
| अ॒भिद्यु॒म्नंबृ॒हद्यश॒इष॑स्पतेदिदी॒हिदे᳚वदेव॒युः | विकोशं᳚मध्य॒मंयु॑व || 9 || अ॒भि¦द्यु॒म्नम्¦बृ॒हत्¦यशः॑¦इषः॑¦प॒ते॒¦दि॒दी॒हि¦दे॒व॒¦दे॒व॒ऽयुः | वि¦कोश᳚म्¦म॒ध्य॒मम्¦यु॒व॒ || |
| आव॑च्यस्वसुदक्षच॒म्वोः᳚सु॒तोवि॒शांवह्नि॒र्नवि॒श्पतिः॑ | वृ॒ष्टिंदि॒वःप॑वस्वरी॒तिम॒पांजिन्वा॒गवि॑ष्टये॒धियः॑ || 10 || आ¦व॒च्य॒स्व॒¦सु॒ऽद॒क्ष॒¦च॒म्वोः᳚¦सु॒तः¦वि॒शाम्¦वह्निः॑¦न¦वि॒श्पतिः॑ | |
| ए॒तमु॒त्यंम॑द॒च्युतं᳚स॒हस्र॑धारंवृष॒भंदिवो᳚दुहुः | विश्वा॒वसू᳚नि॒बिभ्र॑तम् || 11 || वर्ग:19 ए॒तम्¦ऊँ॒ इति॑¦त्यम्¦म॒द॒ऽच्युत᳚म्¦स॒हस्र॑ऽधारम्¦वृ॒ष॒भम्¦दिवः॑¦दु॒हुः॒ | विश्वा᳚¦वसू᳚नि¦बिभ्र॑तम् || |
| वृषा॒विज॑ज्ञेज॒नय॒न्नम॑र्त्यःप्र॒तप॒ञ्ज्योति॑षा॒तमः॑ | ससुष्टु॑तःक॒विभि᳚र्नि॒र्णिजं᳚दधेत्रि॒धात्व॑स्य॒दंस॑सा || 12 || वृषा᳚¦वि¦ज॒ज्ञे॒¦ज॒नय॑न्¦अम॑र्त्यः¦प्र॒ऽतप॑न्¦ज्योति॑षा¦तमः॑ | |
| ससु᳚न्वे॒योवसू᳚नां॒योरा॒यामा᳚ने॒तायइळा᳚नाम् | सोमो॒यःसु॑क्षिती॒नाम् || 13 || सः¦सु॒न्वे॒¦यः¦वसू᳚नाम्¦यः¦रा॒याम्¦आ॒ऽने॒ता¦यः¦इळा᳚नाम् | सोमः॑¦यः¦सु॒ऽक्षि॒ती॒नाम् || |
| यस्य॑न॒इन्द्रः॒पिबा॒द्यस्य॑म॒रुतो॒यस्य॑वार्य॒मणा॒भगः॑ | आयेन॑मि॒त्रावरु॑णा॒करा᳚मह॒एन्द्र॒मव॑सेम॒हे || 14 || यस्य॑¦नः॒¦इन्द्रः॑¦पिबा᳚त्¦यस्य॑¦म॒रुतः॑¦यस्य॑¦वा॒¦अ॒र्य॒मणा᳚¦भगः॑ | |
| इन्द्रा᳚यसोम॒पात॑वे॒नृभि᳚र्य॒तःस्वा᳚यु॒धोम॒दिन्त॑मः | पव॑स्व॒मधु॑मत्तमः || 15 || इन्द्रा᳚य¦सो॒म॒¦पात॑वे¦नृऽभिः॑¦य॒तः¦सु॒ऽआ॒यु॒धः¦म॒दिन्ऽत॑मः | पव॑स्व¦मधु॑मत्ऽतमः || |
| इन्द्र॑स्य॒हार्दि॑सोम॒धान॒मावि॑शसमु॒द्रमि॑व॒सिन्ध॑वः | जुष्टो᳚मि॒त्राय॒वरु॑णायवा॒यवे᳚दि॒वोवि॑ष्ट॒म्भउ॑त्त॒मः || 16 || इन्द्र॑स्य¦हार्दि॑¦सो॒म॒ऽधान᳚म्¦आ¦वि॒श॒¦स॒मु॒द्रम्ऽइ᳚व¦सिन्ध॑वः | |
| [109] परिप्रेतिद्वाविंशत्यृचस्य सूक्तस्यैश्वरयोधिष्ण्याग्नयः पवमान सोमोद्विपदा विराट् |{मंडल:9, सूक्त:109}{अनुवाक:7, सूक्त:6}{अष्टक:7, अध्याय:5} |
| परि॒प्रध॒न्वेन्द्रा᳚यसोमस्वा॒दुर्मि॒त्राय॑पू॒ष्णेभगा᳚य || 1 || वर्ग:20 परि॑¦प्र¦ध॒न्व॒¦इन्द्रा᳚य¦सो॒म॒¦स्वा॒दुः¦मि॒त्राय॑¦पू॒ष्णे¦भगा᳚य || |
| इन्द्र॑स्तेसोमसु॒तस्य॑पेयाः॒क्रत्वे॒दक्षा᳚य॒विश्वे᳚चदे॒वाः || 2 || इन्द्रः॑¦ते॒¦सो॒म॒¦सु॒तस्य॑¦पे॒याः॒¦क्रत्वे᳚¦दक्षा᳚य¦विश्वे᳚¦च॒¦दे॒वाः || |
| ए॒वामृता᳚यम॒हेक्षया᳚य॒सशु॒क्रो,अ॑र्षदि॒व्यःपी॒यूषः॑ || 3 || ए॒व¦अ॒मृता᳚य¦म॒हे¦क्षया᳚य¦सः¦शु॒क्रः¦अ॒र्ष॒¦दि॒व्यः¦पी॒यूषः॑ || |
| पव॑स्वसोमम॒हान्त्स॑मु॒द्रःपि॒तादे॒वानां॒विश्वा॒भिधाम॑ || 4 || पव॑स्व¦सो॒म॒¦म॒हान्¦स॒मु॒द्रः¦पि॒ता¦दे॒वाना᳚म्¦विश्वा᳚¦अ॒भि¦धाम॑ || |
| शु॒क्रःप॑वस्वदे॒वेभ्यः॑सोमदि॒वेपृ॑थि॒व्यैशंच॑प्र॒जायै᳚ || 5 || शु॒क्रः¦प॒व॒स्व॒¦दे॒वेभ्यः॑¦सो॒म॒¦दि॒वे¦पृ॒थि॒व्यै¦शम्¦च॒¦प्र॒ऽजायै᳚ || |
| दि॒वोध॒र्तासि॑शु॒क्रःपी॒यूषः॑स॒त्येविध᳚र्मन्वा॒जीप॑वस्व || 6 || दि॒वः¦ध॒र्ता¦अ॒सि॒¦शु॒क्रः¦पी॒यूषः॑¦स॒त्ये¦विऽध᳚र्मन्¦वा॒जी¦प॒व॒स्व॒ || |
| पव॑स्वसोमद्यु॒म्नीसु॑धा॒रोम॒हामवी᳚ना॒मनु॑पू॒र्व्यः || 7 || पव॑स्व¦सो॒म॒¦द्यु॒म्नी¦सु॒ऽधा॒रः¦म॒हाम्¦अवी᳚नाम्¦अनु॑¦पू॒र्व्यः || |
| नृभि᳚र्येमा॒नोज॑ज्ञा॒नःपू॒तः,क्षर॒द्विश्वा᳚निम॒न्द्रःस्व॒र्वित् || 8 || नृऽभिः॑¦ये॒मा॒नः¦ज॒ज्ञा॒नः¦पू॒तः¦क्षर॑त्¦विश्वा᳚नि¦म॒न्द्रः¦स्वः॒ऽवित् || |
| इन्दुः॑पुना॒नःप्र॒जामु॑रा॒णःकर॒द्विश्वा᳚नि॒द्रवि॑णानिनः || 9 || इन्दुः॑¦पु॒ना॒नः¦प्र॒ऽजाम्¦उ॒रा॒णः¦क॒र॒त्¦विश्वा᳚नि¦द्रवि॑णानि¦नः॒ || |
| पव॑स्वसोम॒क्रत्वे॒दक्षा॒याश्वो॒ननि॒क्तोवा॒जीधना᳚य || 10 || पव॑स्व¦सो॒म॒¦क्रत्वे᳚¦दक्षा᳚य¦अश्वः॑¦न¦नि॒क्तः¦वा॒जी¦धना᳚य || |
| तंते᳚सो॒तारो॒रसं॒मदा᳚यपु॒नन्ति॒सोमं᳚म॒हेद्यु॒म्नाय॑ || 11 || वर्ग:21 तम्¦ते॒¦सो॒तारः॑¦रस᳚म्¦मदा᳚य¦पु॒नन्ति॑¦सोम᳚म्¦म॒हे¦द्यु॒म्नाय॑ || |
| शिशुं᳚जज्ञा॒नंहरिं᳚मृजन्तिप॒वित्रे॒सोमं᳚दे॒वेभ्य॒इन्दु᳚म् || 12 || शिशु᳚म्¦ज॒ज्ञा॒नम्¦हरि᳚म्¦मृ॒ज॒न्ति॒¦प॒वित्रे᳚¦सोम᳚म्¦दे॒वेभ्यः॑¦इन्दु᳚म् || |
| इन्दुः॑पविष्ट॒चारु॒र्मदा᳚या॒पामु॒पस्थे᳚क॒विर्भगा᳚य || 13 || इन्दुः॑¦प॒वि॒ष्ट॒¦चारुः॑¦मदा᳚य¦अ॒पाम्¦उ॒पऽस्थे᳚¦क॒विः¦भगा᳚य || |
| बिभ॑र्ति॒चार्विन्द्र॑स्य॒नाम॒येन॒विश्वा᳚निवृ॒त्राज॒घान॑ || 14 || बिभ॑र्ति¦चारु॑¦इन्द्र॑स्य¦नाम॑¦येन॑¦विश्वा᳚नि¦वृ॒त्रा¦ज॒घान॑ || |
| पिब᳚न्त्यस्य॒विश्वे᳚दे॒वासो॒गोभिः॑श्री॒तस्य॒नृभिः॑सु॒तस्य॑ || 15 || पिब᳚न्ति¦अ॒स्य॒¦विश्वे᳚¦दे॒वासः॑¦गोभिः॑¦श्री॒तस्य॑¦नृऽभिः॑¦सु॒तस्य॑ || |
| प्रसु॑वा॒नो,अ॑क्षाःस॒हस्र॑धारस्ति॒रःप॒वित्रं॒विवार॒मव्य᳚म् || 16 || प्र¦सु॒वा॒नः¦अ॒क्षा॒रिति॑¦स॒हस्र॑ऽधारः¦ति॒रः¦प॒वित्र᳚म्¦वि¦वार᳚म्¦अव्य᳚म् || |
| सवा॒ज्य॑क्षाःस॒हस्र॑रेता,अ॒द्भिर्मृ॑जा॒नोगोभिः॑श्रीणा॒नः || 17 || सः¦वा॒जी¦अ॒क्षा॒रिति॑¦स॒हस्र॑ऽरेताः¦अ॒त्ऽभिः¦मृ॒जा॒नः¦गोभिः॑¦श्री॒णा॒नः || |
| प्रसो᳚मया॒हीन्द्र॑स्यकु॒क्षानृभि᳚र्येमा॒नो,अद्रि॑भिःसु॒तः || 18 || प्र¦सो॒म॒¦या॒हि॒¦इन्द्र॑स्य¦कु॒क्षा¦नृऽभिः॑¦ये॒मा॒नः¦अद्रि॑ऽभिः¦सु॒तः || |
| अस॑र्जिवा॒जीति॒रःप॒वित्र॒मिन्द्रा᳚य॒सोमः॑स॒हस्र॑धारः || 19 || अस॑र्जि¦वा॒जी¦ति॒रः¦प॒वित्र᳚म्¦इन्द्रा᳚य¦सोमः॑¦स॒हस्र॑ऽधारः || |
| अ॒ञ्जन्त्ये᳚नं॒मध्वो॒रसे॒नेन्द्रा᳚य॒वृष्ण॒इन्दुं॒मदा᳚य || 20 || अं॒जन्ति॑¦ए॒न॒म्¦मध्वः॑¦रसे᳚न¦इन्द्रा᳚य¦वृष्णे᳚¦इन्दु᳚म्¦मदा᳚य || |
| दे॒वेभ्य॑स्त्वा॒वृथा॒पाज॑से॒ऽपोवसा᳚नं॒हरिं᳚मृजन्ति || 21 || दे॒वेभ्यः॑¦त्वा॒¦वृथा᳚¦पाज॑से¦अ॒पः¦वसा᳚नम्¦हरि᳚म्¦मृ॒ज॒न्ति॒ || |
| इन्दु॒रिन्द्रा᳚यतोशते॒नितो᳚शतेश्री॒णन्नु॒ग्रोरि॒णन्न॒पः || 22 || इन्दुः॑¦इन्द्रा᳚य¦तो॒श॒ते॒¦नि¦तो॒श॒ते॒¦श्री॒णन्¦उ॒ग्रः¦रि॒णन्¦अ॒पः || |
| [110] पर्यूष्विति द्वादशर्चस्य सूक्तस्य त्र्यरुणत्रसदस्यू राजानौ पवमान सोमः आद्यास्तिस्रोनुष्टुभः पिपीलिकमध्याः चतुर्थ्यादिषळूर्ध्व बृहत्योंऽत्यास्तिस्रोविराजः |{मंडल:9, सूक्त:110}{अनुवाक:7, सूक्त:7}{अष्टक:7, अध्याय:5} |
| पर्यू॒षुप्रध᳚न्व॒वाज॑सातये॒परि॑वृ॒त्राणि॑स॒क्षणिः॑ | द्वि॒षस्त॒रध्या᳚ऋण॒यान॑ईयसे || 1 || वर्ग:22 परि॑¦ऊँ॒ इति॑¦सु¦प्र¦ध॒न्व॒¦वाज॑ऽसातये¦परि॑¦वृ॒त्राणि॑¦स॒क्षणिः॑ | द्वि॒षः¦त॒रध्यै᳚¦ऋ॒ण॒ऽयाः¦नः॒¦ई॒य॒से॒ || |
| अनु॒हित्वा᳚सु॒तंसो᳚म॒मदा᳚मसिम॒हेस॑मर्य॒राज्ये᳚ | वाजाँ᳚,अ॒भिप॑वमान॒प्रगा᳚हसे || 2 || अनु॑¦हि¦त्वा॒¦सु॒तम्¦सो॒म॒¦मदा᳚मसि¦म॒हे¦स॒म॒र्य॒ऽराज्ये᳚ | वाजा᳚न्¦अ॒भि¦प॒व॒मा॒न॒¦प्र¦गा॒ह॒से॒ || |
| अजी᳚जनो॒हिप॑वमान॒सूर्यं᳚वि॒धारे॒शक्म॑ना॒पयः॑ | गोजी᳚रया॒रंह॑माणः॒पुरं᳚ध्या || 3 || अजी᳚जनः¦हि¦प॒व॒मा॒न॒¦सूर्य᳚म्¦वि॒ऽधारे᳚¦शक्म॑ना¦पयः॑ | गोऽजी᳚रया¦रंह॑माणः¦पुर᳚न्ध्या || |
| अजी᳚जनो,अमृत॒मर्त्ये॒ष्वाँ,ऋ॒तस्य॒धर्म᳚न्न॒मृत॑स्य॒चारु॑णः | सदा᳚सरो॒वाज॒मच्छा॒सनि॑ष्यदत् || 4 || अजी᳚जनः¦अ॒मृ॒त॒¦मर्त्ये᳚षु¦आ¦ऋ॒तस्य॑¦धर्म॑न्¦अ॒मृत॑स्य¦चारु॑णः | |
| अ॒भ्य॑भि॒हिश्रव॑सात॒तर्दि॒थोत्सं॒नकंचि॑ज्जन॒पान॒मक्षि॑तम् | शर्या᳚भि॒र्नभर॑माणो॒गभ॑स्त्योः || 5 || अ॒भि।आ॑भि¦हि¦श्रव॑सा¦त॒तर्दि॑थ¦उत्स᳚म्¦न¦कम्¦चि॒त्¦ज॒न॒ऽपान᳚म्¦अक्षि॑तम् | |
| आदीं॒केचि॒त्पश्य॑मानास॒आप्यं᳚वसु॒रुचो᳚दि॒व्या,अ॒भ्य॑नूषत | वारं॒नदे॒वःस॑वि॒ताव्यू᳚र्णुते || 6 || आत्¦ई॒म्¦के¦चि॒त्¦पश्य॑मानासः¦आप्य᳚म्¦व॒सु॒ऽरुचः॑¦दि॒व्याः¦अ॒भि¦अ॒नू॒ष॒त॒ | |
| त्वेसो᳚मप्रथ॒मावृ॒क्तब᳚र्हिषोम॒हेवाजा᳚य॒श्रव॑से॒धियं᳚दधुः | सत्वंनो᳚वीरवी॒र्या᳚यचोदय || 7 || वर्ग:23 त्वे इति॑¦सो॒म॒¦प्र॒थ॒माः¦वृ॒क्तऽब॑र्हिषः¦म॒हे¦वाजा᳚य¦श्रव॑से¦धिय᳚म्¦द॒धुः॒ | |
| दि॒वःपी॒यूषं᳚पू॒र्व्यंयदु॒क्थ्यं᳚म॒होगा॒हाद्दि॒वआनिर॑धुक्षत | इन्द्र॑म॒भिजाय॑मानं॒सम॑स्वरन् || 8 || दि॒वः¦पी॒यूष᳚म्¦पू॒र्व्यम्¦यत्¦उ॒क्थ्य᳚म्¦म॒हः¦गा॒हात्¦दि॒वः¦आ¦निः¦अ॒धु॒क्ष॒त॒ | |
| अध॒यदि॒मेप॑वमान॒रोद॑सी,इ॒माच॒विश्वा॒भुव॑ना॒भिम॒ज्मना᳚ | यू॒थेननि॒ष्ठावृ॑ष॒भोविति॑ष्ठसे || 9 || अध॑¦यत्¦इ॒मे इति॑¦प॒व॒मा॒न॒¦रोद॑सी॒ इति॑¦इ॒मा¦च॒¦विश्वा᳚¦भुव॑ना¦अ॒भि¦म॒ज्मना᳚ | |
| सोमः॑पुना॒नो,अ॒व्यये॒वारे॒शिशु॒र्नक्रीळ॒न्पव॑मानो,अक्षाः | स॒हस्र॑धारःश॒तवा᳚ज॒इन्दुः॑ || 10 || सोमः॑¦पु॒ना॒नः¦अ॒व्यये᳚¦वारे᳚¦शिशुः॑¦न¦क्रीळ॑न्¦पव॑मानः¦अ॒क्षा॒रिति॑ | स॒हस्र॑ऽधारः¦श॒तऽवा᳚जः¦इन्दुः॑ || |
| ए॒षपु॑ना॒नोमधु॑माँ,ऋ॒तावेन्द्रा॒येन्दुः॑पवतेस्वा॒दुरू॒र्मिः | वा॒ज॒सनि᳚र्वरिवो॒विद्व॑यो॒धाः || 11 || ए॒षः¦पु॒ना॒नः¦मधु॑ऽमान्¦ऋ॒तऽवा᳚¦इन्द्रा᳚य¦इन्दुः॑¦प॒व॒ते॒¦स्वा॒दुः¦ऊ॒र्मिः | वा॒ज॒ऽसनिः॑¦व॒रि॒वः॒ऽवित्¦व॒यः॒ऽधाः || |
| सप॑वस्व॒सह॑मानःपृत॒न्यून्त्सेध॒न्रक्षां॒स्यप॑दु॒र्गहा᳚णि | स्वा॒यु॒धःसा᳚स॒ह्वान्त्सो᳚म॒शत्रू॑न् || 12 || सः¦प॒व॒स्व॒¦सह॑मानः¦पृ॒त॒न्यून्¦सेध॑न्¦रक्षां᳚सि¦अप॑¦दुः॒ऽगहा᳚णि | सु॒ऽआ॒यु॒धः¦स॒स॒ह्वान्¦सो॒म॒¦शत्रू॑न् || |
| [111] अयारुचेति तृचस्य सूक्तस्य पारुच्छेपिरनानतः पवमान सोमोत्यष्टिः |{मंडल:9, सूक्त:111}{अनुवाक:7, सूक्त:8}{अष्टक:7, अध्याय:5} |
| अ॒यारु॒चाहरि᳚ण्यापुना॒नोविश्वा॒द्वेषां᳚सितरतिस्व॒युग्व॑भिः॒सूरो॒नस्व॒युग्व॑भिः | धारा᳚सु॒तस्य॑रोचतेपुना॒नो,अ॑रु॒षोहरिः॑ | विश्वा॒यद्रू॒पाप॑रि॒यात्यृक्व॑भिःस॒प्तास्ये᳚भि॒रृक्व॑भिः || 1 || वर्ग:24 अ॒या¦रु॒चा¦हरि᳚ण्या¦पु॒ना॒नः¦विश्वा᳚¦द्वेषां᳚सि¦त॒र॒ति॒¦स्व॒युग्व॑ऽभिः¦सूरः॑¦न¦स्व॒युग्व॑ऽभिः | |
| त्वंत्यत्प॑णी॒नांवि॑दो॒वसु॒संमा॒तृभि᳚र्मर्जयसि॒स्वआदम॑ऋ॒तस्य॑धी॒तिभि॒र्दमे᳚ | प॒रा॒वतो॒नसाम॒तद्यत्रा॒रण᳚न्तिधी॒तयः॑ | त्रि॒धातु॑भि॒ररु॑षीभि॒र्वयो᳚दधे॒रोच॑मानो॒वयो᳚दधे || 2 || त्वम्¦त्यत्¦प॒णी॒नाम्¦वि॒दः॒¦वसु॑¦सम्¦मा॒तृऽभिः॑¦म॒र्ज॒य॒सि॒¦स्वे¦आ¦दमे᳚¦ऋ॒तस्य॑¦धी॒तिऽभिः॑¦दमे᳚ | |
| पूर्वा॒मनु॑प्र॒दिशं᳚याति॒चेकि॑त॒त्संर॒श्मिभि᳚र्यततेदर्श॒तोरथो॒दैव्यो᳚दर्श॒तोरथः॑ | अग्म᳚न्नु॒क्थानि॒पौंस्येन्द्रं॒जैत्रा᳚यहर्षयन् | वज्र॑श्च॒यद्भव॑थो॒,अन॑पच्युतास॒मत्स्वन॑पच्युता || 3 || पूर्वा᳚म्¦अनु॑¦प्र॒ऽदिश᳚म्¦या॒ति॒¦चेकि॑तत्¦सम्¦र॒श्मिऽभिः॑¦य॒त॒ते॒¦द॒र्श॒तः¦रथः॑¦दैव्यः॑¦द॒र्श॒तः¦रथः॑ | |
| [112] नानानमिति चतुरृचस्य सूक्तस्यांगिरसः शिशुः पवमानसोमःपंक्तिः |{मंडल:9, सूक्त:112}{अनुवाक:7, सूक्त:9}{अष्टक:7, अध्याय:5} |
| ना॒ना॒नंवा,उ॑नो॒धियो॒विव्र॒तानि॒जना᳚नाम् | तक्षा᳚रि॒ष्टंरु॒तंभि॒षग्ब्र॒ह्मासु॒न्वन्त॑मिच्छ॒तीन्द्रा᳚येन्दो॒परि॑स्रव || 1 || वर्ग:25 ना॒ना॒नम्¦वै¦ऊँ॒ इति॑¦नः॒¦धियः॑¦वि¦व्र॒तानि॑¦जना᳚नाम् | |
| जर॑तीभि॒रोष॑धीभिःप॒र्णेभिः॑शकु॒नाना᳚म् | का॒र्मा॒रो,अश्म॑भि॒र्द्युभि॒र्हिर᳚ण्यवन्तमिच्छ॒तीन्द्रा᳚येन्दो॒परि॑स्रव || 2 || जर॑तीभिः¦ओष॑धीभिः¦प॒र्णेभिः॑¦श॒कु॒नाना᳚म् | |
| का॒रुर॒हंत॒तोभि॒षगु॑पलप्र॒क्षिणी᳚न॒ना | नाना᳚धियोवसू॒यवोऽनु॒गा,इ॑वतस्थि॒मेन्द्रा᳚येन्दो॒परि॑स्रव || 3 || का॒रुः¦अ॒हम्¦त॒तः¦भि॒षक्¦उ॒प॒ल॒ऽप्र॒क्षिणी᳚¦न॒ना | |
| अश्वो॒वोळ्हा᳚सु॒खंरथं᳚हस॒नामु॑पम॒न्त्रिणः॑ | शेपो॒रोम᳚ण्वन्तौभे॒दौवारिन्म॒ण्डूक॑इच्छ॒तीन्द्रा᳚येन्दो॒परि॑स्रव || 4 || अश्वः॑¦वोळ्हा᳚¦सु॒ऽखम्¦रथ᳚म्¦ह॒स॒नाम्¦उ॒प॒ऽम॒न्त्रिणः॑ | |
| [113] शर्यणावतीत्येकादशर्चस्य सूक्तस्य मारीचः कश्यपः पवमानसोमः पंक्तिः |{मंडल:9, सूक्त:113}{अनुवाक:7, सूक्त:10}{अष्टक:7, अध्याय:5} |
| श॒र्य॒णाव॑ति॒सोम॒मिन्द्रः॑पिबतुवृत्र॒हा | बलं॒दधा᳚नआ॒त्मनि॑करि॒ष्यन्वी॒र्यं᳚म॒हदिन्द्रा᳚येन्दो॒परि॑स्रव || 1 || वर्ग:26 श॒र्य॒णाऽव॑ति¦सोम᳚म्¦इन्द्रः॑¦पि॒ब॒तु॒¦वृ॒त्र॒ऽहा | |
| आप॑वस्वदिशांपतआर्जी॒कात्सो᳚ममीढ्वः | ऋ॒त॒वा॒केन॑स॒त्येन॑श्र॒द्धया॒तप॑सासु॒तइन्द्रा᳚येन्दो॒परि॑स्रव || 2 || आ¦प॒व॒स्व॒¦दि॒शा॒म्¦प॒ते॒¦आ॒र्जी॒कात्¦सोम॑¦मीढ्वः॑ | |
| प॒र्जन्य॑वृद्धंमहि॒षंतंसूर्य॑स्यदुहि॒ताभ॑रत् | तंग᳚न्ध॒र्वाःप्रत्य॑गृभ्ण॒न्तंसोमे॒रस॒माद॑धु॒रिन्द्रा᳚येन्दो॒परि॑स्रव || 3 || प॒र्जन्य॑ऽवृद्धम्¦म॒हि॒षम्¦तम्¦सूर्य॑स्य¦दु॒हि॒ता¦आ¦अ॒भ॒र॒त् | |
| ऋ॒तंवद᳚न्नृतद्युम्नस॒त्यंवद᳚न्त्सत्यकर्मन् | श्र॒द्धांवद᳚न्त्सोमराजन्धा॒त्रासो᳚म॒परि॑ष्कृत॒इन्द्रा᳚येन्दो॒परि॑स्रव || 4 || ऋ॒तम्¦वद॑न्¦ऋ॒त॒ऽद्यु॒म्न॒¦स॒त्यम्¦वद॑न्¦स॒त्य॒ऽक॒र्म॒न् | |
| स॒त्यमु॑ग्रस्यबृह॒तःसंस्र॑वन्तिसंस्र॒वाः | संय᳚न्तिर॒सिनो॒रसाः᳚पुना॒नोब्रह्म॑णाहर॒इन्द्रा᳚येन्दो॒परि॑स्रव || 5 || स॒त्यम्।औ᳚ग्रस्य¦बृ॒ह॒तः¦सम्¦स्र॒व॒न्ति॒¦स॒म्ऽस्र॒वाः | |
| यत्र॑ब्र॒ह्माप॑वमानछन्द॒स्या॒३॑(आं॒)वाचं॒वद॑न् | ग्राव्णा॒सोमे᳚मही॒यते॒सोमे᳚नान॒न्दंज॒नय॒न्निन्द्रा᳚येन्दो॒परि॑स्रव || 6 || वर्ग:27 यत्र॑¦ब्र॒ह्मा¦प॒व॒मा॒न॒¦छ॒न्द॒स्या᳚म्¦वाच᳚म्¦वद॑न् | |
| यत्र॒ज्योति॒रज॑स्रं॒यस्मिँ᳚ल्लो॒केस्व᳚र्हि॒तम् | तस्मि॒न्मांधे᳚हिपवमाना॒मृते᳚लो॒के,अक्षि॑त॒इन्द्रा᳚येन्दो॒परि॑स्रव || 7 || यत्र॑¦ज्योतिः॑¦अज॑स्रम्¦यस्मि॑न्¦लो॒के¦स्वः॑¦हि॒तम् | |
| यत्र॒राजा᳚वैवस्व॒तोयत्रा᳚व॒रोध॑नंदि॒वः | यत्रा॒मूर्य॒ह्वती॒राप॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव || 8 || यत्र॑¦राजा᳚¦वै॒व॒स्व॒तः¦यत्र॑¦अ॒व॒ऽरोध॑नम्¦दि॒वः | |
| यत्रा᳚नुका॒मंचर॑णंत्रिना॒केत्रि॑दि॒वेदि॒वः | लो॒कायत्र॒ज्योति॑ष्मन्त॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव || 9 || यत्र॑¦अ॒नु॒ऽका॒मम्¦चर॑णम्¦त्रि॒ऽना॒के¦त्रि॒ऽदि॒वे¦दि॒वः | |
| यत्र॒कामा᳚निका॒माश्च॒यत्र॑ब्र॒ध्नस्य॑वि॒ष्टप᳚म् | स्व॒धाच॒यत्र॒तृप्ति॑श्च॒तत्र॒माम॒मृतं᳚कृ॒धीन्द्रा᳚येन्दो॒परि॑स्रव || 10 || यत्र॑¦कामाः᳚¦नि॒ऽका॒माः¦च॒¦यत्र॑¦ब्र॒ध्नस्य॑¦वि॒ष्टप᳚म् | |
| यत्रा᳚न॒न्दाश्च॒मोदा᳚श्च॒मुदः॑प्र॒मुद॒आस॑ते | काम॑स्य॒यत्रा॒प्ताःकामा॒स्तत्र॒माम॒मृतं᳚कृ॒धीन्द्रा᳚येन्दो॒परि॑स्रव || 11 || यत्र॑¦आ॒ऽन॒न्दाः¦च॒¦मोदाः᳚¦च॒¦मुदः॑¦प्र॒ऽमुदः॑¦आस॑ते | |
| [114] यइंदोरिति चतुरृचस्य सूक्तस्य मारीचः कश्यपः पवमानसोमःपंक्तिः |{मंडल:9, सूक्त:114}{अनुवाक:7, सूक्त:11}{अष्टक:7, अध्याय:5} |
| यइन्दोः॒पव॑मान॒स्यानु॒धामा॒न्यक्र॑मीत् | तमा᳚हुःसुप्र॒जा,इति॒यस्ते᳚सो॒मावि॑ध॒न्मन॒इन्द्रा᳚येन्दो॒परि॑स्रव || 1 || वर्ग:28 यः¦इन्दोः᳚¦पव॑मानस्य¦अनु॑¦धामा᳚नि¦अक्र॑मीत् | |
| ऋषे᳚मन्त्र॒कृतां॒स्तोमैः॒कश्य॑पोद्व॒र्धय॒न्गिरः॑ | सोमं᳚नमस्य॒राजा᳚नं॒योज॒ज्ञेवी॒रुधां॒पति॒रिन्द्रा᳚येन्दो॒परि॑स्रव || 2 || ऋषे᳚¦म॒न्त्र॒ऽकृता᳚म्¦स्तोमैः᳚¦कश्य॑प¦उ॒त्ऽव॒र्धय॑न्¦गिरः॑ | |
| स॒प्तदिशो॒नाना᳚सूर्याःस॒प्तहोता᳚रऋ॒त्विजः॑ | दे॒वा,आ᳚दि॒त्यायेस॒प्ततेभिः॑सोमा॒भिर॑क्षन॒इन्द्रा᳚येन्दो॒परि॑स्रव || 3 || स॒प्त¦दिशः॑¦नाना᳚ऽसूर्याः¦स॒प्त¦होता᳚रः¦ऋ॒त्विजः॑ | |
| यत्ते᳚राजञ्छृ॒तंह॒विस्तेन॑सोमा॒भिर॑क्षनः | अ॒रा॒ती॒वामान॑स्तारी॒न्मोच॑नः॒किंच॒नाम॑म॒दिन्द्रा᳚येन्दो॒परि॑स्रव || 4 || यत्¦ते॒¦रा॒ज॒न्¦शृ॒तम्¦ह॒विः¦तेन॑¦सो॒म॒¦अ॒भि¦र॒क्ष॒¦नः॒ | |