| ************************ ಗಣೇಶಾಥರ್ವಶೀರ್ಷ‌ಮ್ ************************ |
| ಓಂ ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ | ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ | ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್‌ಂ ಸ॑ಸ್ತ॒ನೂಭಿಃ॑ | ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯುಃ॑ | ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ | ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ | ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ | ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು || |
| ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ || |
| ಓಂ ಲಂ ನಮ॑ಸ್ತೇ ಗ॒ಣಪ॑ತಯೇ | ತ್ವಮೇ॒ವ ಪ್ರ॒ತ್ಯಕ್ಷಂ॒ ತತ್ತ್ವ॑ಮಸಿ | ತ್ವಮೇ॒ವ ಕೇ॒ವಲಂ॒ ಕರ್ತಾ॑ಽಸಿ | ತ್ವಮೇ॒ವ ಕೇ॒ವಲಂ॒ ಧರ್ತಾ॑ಽಸಿ | ತ್ವಮೇ॒ವ ಕೇ॒ವಲಂ॒ ಹರ್ತಾ॑ಽಸಿ | ತ್ವಮೇವ ಸರ್ವಂ ಖಲ್ವಿದಂ॑ ಬ್ರಹ್ಮಾ॒ಸಿ | ತ್ವಂ ಸಾಕ್ಷಾದಾತ್ಮಾ॑ಽಸಿ ನಿ॒ತ್ಯ‌ಮ್ ||೧|| |
| ಋ॑ತಂ ವ॒ಚ್ಮಿ | ಸ॑ತ್ಯಂ ವ॒ಚ್ಮಿ ||೨|| |
| ಅ॒ವತ್ವಂ॒ ಮಾಂ | ಅವ॑ ವ॒ಕ್ತಾರ‌ಮ್᳚ | ಅವ॑ ಶ್ರೋ॒ತಾರ‌ಮ್᳚ | ಅವ॑ ದಾ॒ತಾರ‌ಮ್᳚ | ಅವ॑ ಧಾ॒ತಾರ‌ಮ್᳚ | ಅವಾನೂಚಾನಮ॑ವ ಶಿ॒ಷ್ಯ‌ಮ್ | ಅವ॑ ಪ॒ಶ್ಚಾತ್ತಾ᳚ತ್ | ಅವ॑ ಪು॒ರಸ್ತಾ᳚ತ್ | ಅವೋತ್ತ॒ರಾತ್ತಾ᳚ತ್ | ಅವ॑ ದಕ್ಷಿ॒ಣಾತ್ತಾ᳚ತ್ | ಅವ॑ ಚೋ॒ರ್ಧ್ವಾತ್ತಾ᳚ತ್ | ಅವಾಧ॒ರಾತ್ತಾ᳚ತ್ | ಸರ್ವತೋಮಾಂ ಪಾಹಿ ಪಾಹಿ॑ ಸಮಂ॒ತಾತ್ ||೩|| |
| ತ್ವಂ ವಾಙ್ಮಯ॑ಸ್ತ್ವಂ ಚಿನ್ಮ॒ಯಃ | ತ್ವಮಾನಂದಮಯ॑ಸ್ತ್ವಂ ಬ್ರಹ್ಮ॒ಮಯಃ | ತ್ವಂ ಸಚ್ಚಿದಾನಂದಾಽದ್ವಿ॑ತೀಯೋ॒ಽಸಿ | ತ್ವಂ ಪ್ರ॒ತ್ಯಕ್ಷಂ॒ ಬ್ರಹ್ಮಾ॑ಸಿ | ತ್ವಂ ಜ್ಞಾನಮಯೋ ವಿಜ್ಞಾನ॑ಮಯೋ॒ಽಸಿ ||೪|| |
| ಸರ್ವಂ ಜಗದಿದಂ ತ್ವ॑ತ್ತೋ ಜಾ॒ಯತೇ | ಸರ್ವಂ ಜಗದಿದಂ ತ್ವ॑ತ್ತಸ್ತಿ॒ಷ್ಠತಿ | ಸರ್ವಂ ಜಗದಿದಂ ತ್ವಯಿ ಲಯ॑ಮೇಷ್ಯ॒ತಿ | ಸರ್ವಂ ಜಗದಿದಂ ತ್ವಯಿ॑ ಪ್ರತ್ಯೇ॒ತಿ | ತ್ವಂ ಭೂಮಿರಾಪೋಽನಲೋಽನಿ॑ಲೋ ನ॒ಭಃ | ತ್ವಂ ಚತ್ವಾರಿ ವಾ᳚ಕ್ಪದಾ॒ನಿ ||೫|| |
| ತ್ವಂ ಗು॒ಣತ್ರ॑ಯಾತೀ॒ತಃ | ತ್ವಂ ಅವಸ್ಥಾತ್ರ॑ಯಾತೀ॒ತಃ | ತ್ವಂ ದೇ॒ಹತ್ರ॑ಯಾತೀ॒ತಃ | ತ್ವಂ ಕಾ॒ಲತ್ರ॑ಯಾತೀ॒ತಃ | ತ್ವಂ ಮೂಲಾಧಾರೇಸ್ಥಿತೋ॑ಽಸಿ ನಿ॒ತ್ಯ‌ಮ್ | ತ್ವಂ ಶಕ್ತಿತ್ರ॑ಯಾತ್ಮ॒ಕಃ | ತ್ವಾಂ ಯೋಗಿನೋ ಧ್ಯಾಯಂ॑ತಿ ನಿ॒ತ್ಯ‌ಮ್ | ತ್ವಂ ಬ್ರಹ್ಮಾ ತ್ವಂ ವಿಷ್ಣುಸ್ತ್ವಂ ರುದ್ರಸ್ತ್ವಮಿಂದ್ರಸ್ತ್ವಮಗ್ನಿಸ್ತ್ವಂ ವಾಯುಸ್ತ್ವಂ ಸೂರ್ಯಸ್ತ್ವಂ ಚಂದ್ರಮಾಸ್ತ್ವಂ ಬ್ರಹ್ಮ॒ ಭೂರ್ಭುವ॒ಸ್ಸ್ವರೋ‌ಮ್ ||೬|| |
| ಗ॒ಣಾದಿಂ ಪೂರ್ವ॑ಮುಚ್ಚಾ॒ರ್ಯ॒ ವ॒ರ್ಣಾದಿಂ ತ॑ದನಂ॒ತ॑ರ‌ಮ್ | ಅನುಸ್ವಾರಃ ಪ॑ರತ॒ರಃ | ಅರ್ಧೇಂ᳚ದುಲ॒ಸಿತ‌ಮ್ | ತಾರೇ॑ಣ ರು॒ದ್ಧ‌ಮ್ | ಏತತ್ತವ ಮನು॑ಸ್ವರೂ॒ಪ‌ಮ್ | ಗಕಾರಃ ಪೂ᳚ರ್ವರೂ॒ಪ‌ಮ್ | ಅಕಾರೋ ಮಧ್ಯ॑ಮರೂ॒ಪ‌ಮ್ | ಅನುಸ್ವಾರಶ್ಚಾಂ᳚ತ್ಯರೂ॒ಪ‌ಮ್ | ಬಿಂದುರುತ್ತ॑ರರೂ॒ಪ‌ಮ್ | ನಾದಃ॑ ಸಂಧಾ॒ನ‌ಮ್ | ಸಗ್‌ಂಹಿ॑ತಾ ಸಂ॒ಧಿಃ | ಸೈಷಾ ಗಾಣೇ॑ಶವಿ॒ದ್ಯಾ | ಗಣ॑ಕ ಋ॒ಷಿಃ | ನಿಚೃದ್ಗಾಯ॑ತ್ರೀಛಂ॒ದಃ | ಶ್ರೀಮಹಾಗಣಪತಿ॑ರ್ದೇವ॒ತಾ | ಓಂ ಗಂ ಗಣಪತಯೇ॒ ನಮಃ ||೭|| |
| ಏಕದಂ॒ತಾಯ॑ ವಿ॒ದ್ಮಹೇ॑ ವಕ್ರತುಂ॒ಡಾಯ॑ ಧೀಮಹಿ | ತನ್ನೋ॑ ದಂತೀ ಪ್ರಚೋ॒ದಯಾ᳚ತ್ ||೮|| |
| ಏ॒ಕ॒ದಂ॒ತಂ ಚ॑ತುರ್ಹ॒ಸ್ತಂ॒ ಪಾ॒ಶಮಂ॑ಕುಶ॒ಧಾರಿ॑ಣ‌ಮ್ | ರದಂ॑ ಚ॒ ವರ॑ದಂ ಹ॒ಸ್ತೈ॒ರ್‌ಬಿ॒ಭ್ರಾಣಂ॑ ಮೂಷ॒ಕಧ್ವ॑ಜ‌ಮ್ | ರಕ್ತಂ॑ ಲಂ॒ಬೋದ॑ರಂ ಶೂ॒ರ್ಪ॒ಕ॒ರ್ಣಕಂ॑ ರಕ್ತ॒ವಾಸ॑ಸ‌ಮ್ | ರಕ್ತ॑ಗಂ॒ಧಾನು॑ಲಿಪ್ತಾಂ॒ಗಂ॒ ರ॒ಕ್ತಪು॑ಷ್ಪೈಃ ಸು॒ಪೂಜಿ॑ತ‌ಮ್ || |
| ಭಕ್ತಾ॑ನು॒ಕಂಪಿ॑ನಂ ದೇ॒ವಂ॒ ಜ॒ಗತ್ಕಾ॑ರಣ॒ಮಚ್ಯು॑ತ‌ಮ್ | ಆವಿ॑ರ್ಭೂ॒ತಂ ಚ॑ ಸೃ॒ಷ್ಟ್ಯಾ॒ದೌ॒ ಪ್ರ॒ಕೃತೇಃ᳚ ಪುರು॒ಷಾತ್ಪ॑ರ‌ಮ್ | ಏವಂ॑ ಧ್ಯಾ॒ಯತಿ॑ ಯೋ ನಿ॒ತ್ಯಂ॒ ಸ॒ ಯೋಗೀ॑ ಯೋಗಿ॒ನಾಂ ವ॑ರಃ ||೯|| |
| ನಮೋ ವ್ರಾತಪತಯೇ ನಮೋ ಗಣಪತಯೇ ನಮಃ ಪ್ರಮಥಪತಯೇ ನಮಸ್ತೇಽಸ್ತು ಲಂಬೋದರಾಯೈಕದಂತಾಯ ವಿಘ್ನವಿನಾಶಿನೇ ಶಿವಸುತಾಯ ಶ್ರೀವರದಮೂರ್ತಯೇ॑ ನಮೋ॒ನಮಃ॑ ||೧೦|| |
| ******* ಫಲಶ್ರುತಿಃ ******* |
| ಏತದಥರ್ವಶೀರ್ಷಂ॑ ಯೋಽಧೀ॒ತೇ ಸ ಬ್ರಹ್ಮಭೂಯಾ॑ಯ ಕ॒ಲ್ಪತೇ | ಸ ಸರ್ವವಿಘ್ನೈ᳚ರ್ನ ಬಾ॒ಧ್ಯತೇ | ಸ ಸರ್ವತ್ರ ಸುಖ॑ಮೇಧ॒ತೇ | ಸ ಪಂಚಮಹಾಪಾಪಾ᳚ತ್ ಪ್ರಮು॒ಚ್ಯತೇ | ಸಾ॒ಯಮ॑ಧೀಯಾ॒ನೋ॒ ದಿವಸಕೃತಂ ಪಾಪಂ॑ ನಾಶ॒ಯತಿ | ಪ್ರಾ॒ತರ॑ಧೀಯಾ॒ನೋ॒ ರಾತ್ರಿಕೃತಂ ಪಾಪಂ॑ ನಾಶ॒ಯತಿ | ಸಾ॒ಯಂ ಪ್ರಾ॒ತಃ ಪ್ರ॑ಯುಂಜಾ॒ನೊ॒ ಪಾಪೋಽಪಾ॑ಪೋ ಭ॒ವತಿ | ಸರ್ವತ್ರಾಧೀಯಾನೋಽಪವಿ॑ಘ್ನೋ ಭ॒ವತಿ | ಧರ್ಮಾರ್ಥಕಾಮಮೋಕ್ಷಂ॑ ಚ ವಿಂ॒ದತಿ | ಇದಮಥರ್ವಶೀರ್ಷಮಶಿಷ್ಯಾಯ॑ ನ ದೇ॒ಯಂ | ಯೋ ಯದಿ ಮೋ॑ಹಾದ್ದಾ॒ಸ್ಯತಿ ಸ ಪಾಪೀ॑ಯಾನ್‌ ಭ॒ವತಿ | ಸಹಸ್ರಾವರ್ತನಾದ್ಯಂ ಯಂ ಕಾಮ॑ಮಧೀ॒ತೇ ತಂ ತಮನೇ॑ನ ಸಾ॒ಧಯೇತ್ || |
| ಅನೇನ ಗಣಪತಿಮ॑ಭಿಷಿಂಚ॒ತಿ ಸ ವಾ॑ಗ್ಮೀ ಭ॒ವತಿ | ಚತುರ್ಥ್ಯಾಮನ॑ಶ್ನಂಜ॒ಪತಿ ಸ ವಿದ್ಯಾ॑ವಾನ್‌ ಭ॒ವತಿ | ಇತ್ಯಥರ್ವ॑ಣವಾ॒ಕ್ಯ‌ಮ್ | ಬ್ರಹ್ಮಾದ್ಯಾ॒ವರ॑ಣಂ ವಿ॒ದ್ಯಾನ್ನ ಬಿಭೇತಿ ಕದಾ॑ಚನೇ॒ತಿ || |
| ಯೋ ದೂರ್ವಾಙ್‌ ಕು॑ರೈರ್ಯ॒ಜತಿ ಸ ವೈಶ್ರವಣೋಪ॑ಮೋ ಭ॒ವತಿ | ಯೋ ಲಾ॑ಜೈರ್ಯ॒ಜತಿ ಸ ಯಶೋ॑ವಾನ್‌ ಭ॒ವತಿ | ಸ ಮೇಧಾ॑ವಾನ್‌ ಭ॒ವತಿ | ಯೋ ಮೋದಕಸಹಸ್ರೇ॑ಣ ಯ॒ಜತಿ ಸ ವಾಂಛಿತಫಲಮ॑ವಾಪ್ನೋ॒ತಿ | ಯಃ ಸಾಜ್ಯ ಸಮಿ॑ದ್ಭಿರ್ಯ॒ಜತಿ ಸ ಸರ್ವಂ ಲಭತೇ ಸ ಸ॑ರ್ವಂ ಲ॒ಭತೇ || |
| ಅಷ್ಟೌ ಬ್ರಾಹ್ಮಣಾನ್‌ ಸಮ್ಯಗ್ಗ್ರಾ॑ಹಯಿ॒ತ್ವಾ ಸೂರ್ಯವರ್ಚ॑ಸ್ವೀ ಭ॒ವತಿ | ಸೂರ್ಯಗ್ರಹೇ ಮ॑ಹಾನ॒ದ್ಯಾಂ ಪ್ರತಿಮಾಸನ್ನಿಧೌ॑ ವಾ ಜ॒ಪ್ತ್ವಾ ಸಿದ್ಧಮಂ॑ತ್ರೋ ಭ॒ವತಿ | ಮಹಾವಿಘ್ನಾ᳚ತ್ ಪ್ರಮು॒ಚ್ಯತೇ | ಮಹಾದೋಷಾ᳚ತ್ ಪ್ರಮು॒ಚ್ಯತೇ | ಮಹಾಪಾಪಾ᳚ತ್ ಪ್ರಮು॒ಚ್ಯತೇ | ಮಹಾಪ್ರತ್ಯವಾಯಾ᳚ತ್ ಪ್ರಮು॒ಚ್ಯತೇ | ಸ ಸರ್ವವಿದ್ಭವತಿ ಸ ಸರ್ವ॑ವಿದ್ಭ॒ವತಿ | ಯ ಏ॑ವಂ ವೇ॒ದ | ಇತ್ಯುಪ॒ನಿಷ॑ತ್ || |
| ಭ॒ದ್ರಂ ಕರ್ಣೇ॑ಭಿಃ ಶೃಣು॒ಯಾಮ॑ ದೇವಾಃ | ಭ॒ದ್ರಂ ಪ॑ಶ್ಯೇಮಾ॒ಕ್ಷಭಿ॒ರ್ಯಜ॑ತ್ರಾಃ | ಸ್ಥಿ॒ರೈರಂಗೈ᳚ಸ್ತುಷ್ಟು॒ವಾಗ್‌ಂ ಸ॑ಸ್ತ॒ನೂಭಿಃ॑ | ವ್ಯಶೇ॑ಮ ದೇ॒ವಹಿ॑ತಂ॒ ಯದಾಯುಃ॑ | ಸ್ವ॒ಸ್ತಿ ನ॒ ಇಂದ್ರೋ॑ ವೃ॒ದ್ಧಶ್ರ॑ವಾಃ | ಸ್ವ॒ಸ್ತಿ ನಃ॑ ಪೂ॒ಷಾ ವಿ॒ಶ್ವವೇ॑ದಾಃ | ಸ್ವ॒ಸ್ತಿ ನ॒ಸ್ತಾರ್ಕ್ಷ್ಯೋ॒ ಅರಿ॑ಷ್ಟನೇಮಿಃ | ಸ್ವ॒ಸ್ತಿ ನೋ॒ ಬೃಹ॒ಸ್ಪತಿ॑ರ್ದಧಾತು || |
| ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ || |